Blog Archives

በምድር ላይ ያለንበት ዋነኛው አላማ

evangelism8.jpgኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። ማቴዎስ 28፡18-20

ብዙ ጊዜ የሚባል አባባል አለ፡፡ በምድር ላይ የምንፈፅመው የወንጌል አላማ ባይኖረው ልክ በክርስቶስ እንደዳንን እግዚአብሄር ወደ ራሱ ይሰበስበን ነበር፡፡ እውነት ነው ከምንም ነገር በላይ በምድር ላይ የወንጌል አደራ አለብን፡፡ በምድር ያለነው እግዚአብሄርን በሚመስል ኑሯችን ለአለም የመዳንን መንገድ ለማሳየት ነው፡፡

እርስዋ ጳውሎስንና እኛን እየተከተለች፦ የመዳንን መንገድ የሚነግሩአችሁ እነዚህ ሰዎች የልዑል አምላክ ባሪያዎች ናቸው ብላ ትጮኽ ነበር። ሐዋርያት ሥራ 16፡17

በምድር ያለንው ብርሃን ልንሆን ነው፡፡ በምድር ያለነው የምድር ጨው ለመሆን ነው፡፡

እናንተ የምድር ጨው ናችሁ፤ ጨው አልጫ ቢሆን ግን በምን ይጣፍጣል? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም። እናንተ የዓለም ብርሃን ናችሁ። በተራራ ላይ ያለች ከተማ ልትሰወር አይቻላትም። ማቴዎስ 5፡13-14

በምድር ያለነው በስራችን የእግዚአብሄርን መልካምነት ለማንፀባረቅ ነው፡፡ በምድር ያለነው የእግዚአብሄርን መንግስት ለመግለጥ ነው፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። ማቴዎስ 5፡16

በየእለት ነፍሳችንን የምንክደው በኑሮና በቃል ወንጌልን ለመሰበክ ነው፡፡

ነገር ግን ሩጫዬንና ከጌታ ከኢየሱስ የተቀበልኩትን፥ እርሱም የእግዚአብሔር ጸጋ ወንጌልን መመስከር በሃሴት እፈጽም ዘንድ፥ ነፍሴን በእኔ ዘንድ እንደማትከብር እንደከንቱ ነገር እቆጥራለሁ፡፡ ሐዋሪያት ሥራ 20:24

በምድር ያለነው ሰዎችን ከእግዚአብሄር ጋር ለማስታረቅ ነው፡፡

ነገር ግን የሆነው ሁሉ፥ በክርስቶስ ከራሱ ጋር ካስታረቀን የማስታረቅም አገልግሎት ከሰጠን፥ ከእግዚአብሔር ነው፤ እግዚአብሔር በክርስቶስ ሆኖ ዓለሙን ከራሱ ጋር ያስታርቅ ነበርና፥ በደላቸውን አይቆጥርባቸውም ነበር፤ በእኛም የማስታረቅ ቃል አኖረ። 2ኛ ቆሮንቶስ 5፡18-19

በምድር ያለነው የክርስቶስ አምባሳደሮች በመሆን ነው፡፡

እንግዲህ እግዚአብሔር በእኛ እንደሚማልድ ስለ ክርስቶስ መልክተኞች ነን፤ ከእግዚአብሔር ጋር ታረቁ ብለን ስለ ክርስቶስ እንለምናለን። 2ኛ ቆሮንቶስ 5፡20

በምድር ላይ ሌሎች ሌሎች የምናደርጋቸው አላማዎች ቢኖሩንም ወንጌልን ስንኖርና ስንሰብክ እግረ መንገዳችን የምናደርጋቸው ነገሮች እንጂ ዋና ነገሮች አይደሉም፡፡ በምድር ላይ ያለንበት ዋናው ምክኒያት ወንጌልን መስበክ ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

መጤ አይደለንም

11111ክርስትያን በተለያየ ምክኒያት ከትውልድ ሃገሩ ወጥቶ በሌላ ሃገር ይኖራል፡፡እግዚአብሄር ከአንድ ቦታ ይልቅ በሌላ ቦታ እንድናገለግለው እርሱን እያሳየን አንድንኖር ሲፈልግ በሮችን ይከፍታል፡፡
ራሳችንን ለጌታ ከሰጠንበት ጊዜ ጀምሮ እግዚአብሄር እየመራን ነው፡፡ እግዚአብሄር ተመለስ ብሎ እስካልተናገረን ድረስ በእግዚአብሄር ሃሳብ ውስጥ እንዳለን እናውቃለን፡፡ አንዳንዱ በትምህርት ምክኒያት ፣ ሌላው ለስራ ፣ ሌላው ከቀሩት የቤተሰቡ አባላት ጋር ለመኖር ፣ ሌላው ከጓደኛው ጋር ለመገናኘት የመሳሰሉት ወደ ተለያዩ አገሮች በመሄድ ይኖራል፡፡
ሰው የተለያየ ምክኒያት ይስጠው እንጂ እግዚአብሄር ፍቃዱ ካልሆነና በስተቀር የሚሰራው የእግዚአብሄር ስራ ከሌለ በስተቀር የውጭ አገር በሮች አይከፈቱም ልቡንም አያነሳሳም፡፡
ከሀገር ለመውጣት ቢፈልጉም ቢመኙም ቢፀልዩም ያልቻሉ ብዙ ሰዎችን እናውቃለን፡፡ በተቃራኒው ብዙም ሳያስቡበትና ሳይጓጉ አጋጣሚ በሚመስል መንገድና ባልተገመተ ሁኔታ አገር የለወጡ ብዙ ሰዎች ደግሞ እናውቃለን፡፡ እግዚአብሄር የሚዘጋውን የሚከፍት እንደሌለ የሚከፍተውን ደግሞ የሚዘጋ እንደሌለ መፅሃፍ ቅዱስ ያስተምረናል፡፡
በፊልድልፍያም ወዳለው ወደ ቤተ ክርስቲያን መልአክ እንዲህ ብለህ ጻፍ፦ የዳዊት መክፈቻ ያለው፤ የሚከፍት፥ የሚዘጋም የሌለ፤ የሚዘጋ፥ የሚከፍትም የሌለ፤ ቅዱስና እውነተኛ የሆነው እርሱ እንዲህ ይላል። ራእይ 3፡7
እግዚአብሄር በውጭ አገር የፈለገውን የሚከለክል ማንም የለም፡፡ እግዚአብሄር ምድርን ሁሉ የፈጠረው ሰው እንዲኖርበትና እንዲገዛ ነው፡፡ እግዚአብሄ ፈቅዶ ልባችንን ካነሳሳና በሮችን ከፍቶ ወደሌላ አገር ከወሰደን የምንሰራው የእግዚአብሄር ስራ አለማለት ነው፡፡ ምድርና ሞላዋ የእግዚአብሄር ናት፡፡
እንዲህም አላቸው፦ ወደ ዓለም ሁሉ ሂዱ ወንጌልንም ለፍጥረት ሁሉ ስበኩ። ማርቆስ 16፡15
የኢየሱስ ተከታዮች በመሆናችን በትውልድ አገራችንም ይሁን ከትውልድ አገራችን ውጭ እኛ ቀድሞውንም እንግዶችና መፃተኞች ነው፡፡ እኛ ክርስቲያኖች እንግዶችና መጻተኞች የሆነው የስጋ ኑኖዋችን ጊዜያዊ አንደሆነና ከስጋ ተለይተን ከጌታ ጋር ለዘላለም እንደምንኖር ስለምናውቅ ነው፡፡ ይህች ምድር የኛ ዘላለማዊ ቤት እንዳይደለች ስላወቅንና በምድር እንደ ጊዜያዊ ተላላፊዎች ለጊዜያዊ አላማ በእንግድነት ስለምንኖር ነው፡፡
መፅሃፍ ቅዱስ ኢየሱስን ስለሚከተሉት ክርስቲያኖች የምድር ቆይታ ሲናገር ቀድሞውንም እንደ እንግዶችና እንደ መጻተኞች እንደሆነ ያስተምራል፡፡
ቀድሞም እንግዶች እንግዶች ስለሆንን ነው በአለማዊ ከንቱ ውድድር ውስጥ ገብተን የተጠራንለትን ኢየሱስን የመከተል አላማ የማንተወው፡፡ በመጨረሻ ለእርሱ እንዴት እንደኖርንለት የሚጠይቀን ጌታ እንዳለ በማወቅ ነው በምድር ላይ እንደ እንግዳና ተላላፊ የምንኖረው፡፡
ወዳጆች ሆይ፥ ነፍስን ከሚዋጋ ሥጋዊ ምኞት ትርቁ ዘንድ እንግዶችና መጻተኞች እንደ መሆናችሁ እለምናችኋለሁ፤ 1ኛ ጴጥሮስ 2፡11
እነዚህ ሁሉ አምነው ሞቱ፥ የተሰጣቸውን የተስፋ ቃል አላገኙምና፤ ዳሩ ግን ከሩቅ ሆነው አዩትና ተሳለሙት፥ በምድሪቱም እንግዶችና መጻተኞች እንዲሆኑ ታመኑ። እንዲህ የሚሉት ለእነርሱ የሚሆነውን አገር እንዲፈልጉ ያመለክታሉና። ያን የወጡበትን አገር አስበው ቢሆኑ፥ ሊመለሱ ጊዜ በሆነላቸው ነበር፤ አሁን ግን የሚበልጠውን እርሱም ሰማያዊ አገር ይናፍቃሉ። ስለዚህ እግዚአብሔር አምላካቸው ተብሎ ሊጠራ በእነርሱ አያፍርም፥ ከተማን አዘጋጅቶላቸዋልና። ዕብራውያን 11፡13-16
እኛ አገራችን በሰማይ ነውና፥ ከዚያም ደግሞ የሚመጣ መድኃኒትን እርሱንም ጌታን ኢየሱስ ክርስቶስን እንጠባበቃለን፤ ፊልጵስዩስ 3፡20
እኛ ቀድመን በምድር ላይ እንግዶችና መጻተኞች ነን፡፡ ቀድመን አንዴ በምድር ስንኖር እንግዶችና መጻተኞች ሆነናል፡፡ እግዚአብሄር በምድር ሁሉ ስለሚልከን ግን ከተወለድንበት ምድር ወደሌላ ምድር ስንሄድ እንግዳ አይደለንም፡፡ ሁለተኛ እንግዶችና መጻተኞች ልንሆን አንችልም፡፡
የምድር ባለቤት እግዚአብሄር ነው፡፡ ምድርና ሞላዋ የእግዚአብሄር ናት፡፡ ምድር ሁሉ የእግዚአብሄር ናት፡፡
ምድርና ሞላዋ ለእግዚአብሔር ናት: ዓለምም በእርስዋ የሚኖሩ ሁሉ፡፡ መዝሙር 24፡4
ይህን ፅሁፍ ለሌሎች ሼር share ያድርጉ!
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ መናገር #አትፍራ #ታመን #እንግዶች #መጻተኞች

በአሜሪካ የሚገኙ ሁሉ ሊያነቡት የሚገባ

publication1ዶናልድ ትራምፕ በነበረው የምረጡኝ ቅስቀሳ ላይ ከውጭ አገር መጥተው በአሜሪካ የሚኖሩትን ስደተኞች አንደሚያባርር ቃል ሲገባ ቆይቷል፡፡
የተወዳዳሪው ንግግር የምረጡኝ ዘመቻ ስልትና የምርጫ ድምፅ ለማግኘት የተደረገ ነው እንጂ ከውጭ አገር የመጡትን ለማባረር አይችልም የሚሉ አስተያየቶችም ተደምጠዋል፡፡ አንዳንዶች ደግሞ ህጉን ሊያጠነክረውና በሰዎች ወደ አሜሪካ መፍለስ ላይ ተፅእኖ ሊያደርግ ይችላል ይላሉ፡፡
በዚህ ሁሉ ውስጥ የእግዚአብሄር ሃሳብ ምንድነው የሚለውን ማየት ይገባል፡፡
የፈጠረንና የሰራን እግዚአብሄር ነው፡፡ የምንኖረውም ለእርሱ ክብር ነው፡፡ በተለያየ ምክኒያት ሃገር ብንለውጥም እንኳን እግዚአብሄር በርን ካልከፈተ ወዴትም ንቅንቅ ማለት አንችልም ነበር፡፡ እግዚአብሄር ሃገር ቤት እንዲኖሩ የፈለጋቸው ሰዎች ምንም ቢጥሩ የትም መሄድ አልቻሉም፡፡
አንዳንዳዶቻችን ደግሞ ባላሰብነው ሁኔታ አገር ለውጠናል፡፡ በምድር ላይ የተቀደሰም የተረገመም አገር የለም፡፡ ሁሉም የእግዚአብሄር ነው፡፡
የምድር ባለቤት እግዚአብሄር ነው፡፡ ምድርና ሞላዋ የእግዚአብሄር ናት፡፡ ምድር ሁሉ የእግዚአብሄር ናት፡፡
ምድርና ሞላዋ ለእግዚአብሔር ናት: ዓለምም በእርስዋ የሚኖሩ ሁሉ መዝሙር 24፡4
ስለምድር ባለቤትነት መፅሃፍ ሲናገር እንዲህ ይላል፡፡
አትታበዩ፥ በኩራትም አትናገሩ፤ እግዚአብሔር አዋቂ ነውና፥ እግዚአብሔርም ሥራውን የሚመዝን ነውና፥ ከአፋችሁ የኵራት ነገር አይውጣ። ከሕዝቡ መኳንንት ጋር ያስቀምጣቸው ዘንድ፥ የክብርንም ዙፋን ያወርሳቸው ዘንድ፥ ችግረኛውን ከመሬት ያስነሣል፥ ምስኪኑንም ከጉድፍ ያስነሣል፤ የምድር መሠረቶች የእግዚአብሔር ናቸውና፥ በእነርሱ ላይም ዓለምን አደረገ። 1ኛ ሳሙኤል 2፡3፣8
በአሜሪካ የተወለደው ዜግነቴ አሜሪካዊ ነው ቢልም ምንም የሚያስመካ ነገር የለም፡፡ እርሱን አሜሪካ እንዲወለድ እግዚአብሄር እንዳደረገው ሁሉ አሜሪካ የሚኖሩትንም ኢትዮጲያዊያን በዚያ ምድር እንዲኖሩ ፈቅዷል፡፡ እግዚአብሄር የሚከፍተውን የሚዘጋ እንደሌለ የሚዘጋውን የሚከፍት ማንም እንደሌለ መፅሃፍ ቅዱስ ያስተምረናል፡፡
በፊልድልፍያም ወዳለው ወደ ቤተ ክርስቲያን መልአክ እንዲህ ብለህ ጻፍ፦ የዳዊት መክፈቻ ያለው፤ የሚከፍት፥ የሚዘጋም የሌለ፤ የሚዘጋ፥ የሚከፍትም የሌለ፤ ቅዱስና እውነተኛ የሆነው እርሱ እንዲህ ይላል። ራእይ 3፡7
እግዚአብሄር ከተወለድንበት ምድር ወደሌላ ምድር ሲወስደን በምክኒያት ነው፡፡ እኛ ህይወታችንን ለመለወጥ ፣ ዘማዶቻችን እዚያ ስለሚኖሩ ፣ ለትምህርት ፣ ለተሻለ ስራ ለመሳሰሉት መጥተን ይሆናል፡፡ በዚህ ሁሉ ግን እግዚአብሄር ካልፈቀደው የሚሆን ነገር የለም፡፡ እግዚአብሄ የከፈተውን ማንም ሊዘጋው እገዚአብሄር የዘጋውን ማንም ሊከፍተው አይችልምና፡፡
ስለዚህ በአሜሪካ የምትኖሩ ሁላችሁ ህዝቡ ወደደም አልወደደም እግዚአብሄር ካለ ትኖራላችሁ፡፡ መሪው ወደደም ጠላም ትኖራላችሁ፡፡ እግዚአብሄር ካልፈቀደላቸው በስተቀር ሰዎች ጠልተዋችሁ ምንም ሊያደርጉ አይችሉም፡፡ የእነርሱንም ጨምሮ የሁላችንንም እስትንፋስ የያዘው ጌታ እግዚአብሄር ነው፡፡
ፊትህን ስትሰውር ይደነግጣሉ፤ ነፍሳቸውን ታወጣለህ ይሞታሉም፥ ወደ አፈራቸውም ይመለሳሉ። መዝሙር 104፡29
እንደሚተላለፍ ድንቢጥ ወዲያና ወዲህም እንደሚበርር ጨረባ፥ እንዲሁ ከንቱ እርግማን በማንም ላይ አይደርስም። ምሳሌ 26፡2
በምድር ተቀመጥ ታምነህ ተሰማራ የሚለው ምክር ለሁላችንንም ይጠቅመናል፡፡ በእግዚአብሔር ታመን፥ መልካምንም አድርግ፥ በምድርም ተቀመጥ፥ ታምነህም ተሰማራ። መዝሙር 37፡3
ማንንም አትፍሩ ይልቁንስ እግዚአብሄርን ፍሩ፡፡ ማስፈራራታቸውንም አትፍሩ አትናወጡም፥ ዳሩ ግን ጌታን እርሱም ክርስቶስ በልባችሁ ቀድሱት። 1ኛ ጴጥሮስ 3፡14-15
ሁላችንም እንደዚህ እንበል፡፡
እግዚአብሔር ረዳቴ ነው፥ አልፈራም፤ ሰው ምን ያደርገኛል? መዝሙር 118፡6
ይህን ፅሁፍ ለሌሎች ሼር share ያድርጉ!
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #አትፍራ #ታመን #መሪ

የሚያድን የእግዚአብሔር ጸጋ

publication1ሰዎችን ሁሉ የሚያድን የእግዚአብሔር ጸጋ ተገልጦአልና፤ ይህም ጸጋ፥ ኃጢአተኝነትንና ዓለማዊን ምኞት ክደን፥ የተባረከውን ተስፋችንን እርሱም የታላቁን የአምላካችንንና የመድኃኒታችንን የኢየሱስ ክርስቶስን ክብር መገለጥ እየጠበቅን፥ ራሳችንን በመግዛትና በጽድቅ እግዚአብሔርንም በመምሰል በአሁኑ ዘመን እንድንኖር ያስተምረናል፤ መድኃኒታችንም ከዓመፅ ሁሉ እንዲቤዠን፥ መልካሙንም ለማድረግ የሚቀናውን ገንዘቡም የሚሆነውን ሕዝብ ለራሱ እንዲያነጻ፥ ስለ እኛ ነፍሱን ሰጥቶአል። ይህን በሙሉ ሥልጣን ተናገርና ምከር ገሥጽም፤ ማንም አይናቅህ። ቲቶ 2፡11-15
ፀጋ ምንድነው ብለን ብንጠይቅ አብዛኛው ሰው ነፃ ስጦታ ነው ብሎ እንደሚመልስ ምንም ጥርጥር የለኝም፡፡ ዛሬ ግን የተለየ ትርጉሙን እንመለከታለን፡፡
ፀጋን የሚያስችል ሃይል ፣ ለሰው በነፃ የተሰጠ የእግዚአብሄር ችሎታ እና የእግዚአብሄር ብቃት በማለት መተርጎም እንችላለን፡፡
ኢየሱስ ወደ ምድር የመጣው ያለፈውን ሃጢያታችንን ይቅር ሊለንና በሃጢያታችን እንድንቀጥል አይደለም፡፡
ኢየሱስ ወደምድር የመጣው ሃጢያታችንን ይቅር ሊለን ከአሁን በኋላ በእግዚአብሄር ፀጋ በሃጢያት ላይ የበላይ ሆነን እንድንኖር በሃይል ሊያስታጥቀን ነው፡፡ ፀጋ በህይወታችን ያስፈገበት ምክኒያት ከሃጢያት የበላይ ሆንን እንድንኖር ሊያበረታን ነው፡፡
  • · ፀጋ ኃጢአተኝነትንና ዓለማዊን ምኞት ክደን እንድንኖር ያበረታናል፡፡
ሃጢያትን መካድ ቀላል አይደለም፡፡ ከዓለማዊ ምኞት የበላይ ሆኖ ጌታን ማክበር በእኛ የእግዚአብሄር ችሎታ መገለጥን ይጠይቃል፡፡ የፀጋም አላማ እኛን በማበርታት ኃጢአተኝነትና አለማዊ ምኞት በእኛ ላይ ጉልበት እንዳይኖራቸው ማድረግ ነው፡፡
  • · ፀጋ ራሳችንን በመግዛትና በጽድቅ እግዚአብሔርንም በመምሰል በአሁኑ ዘመን እንድንኖር ጉልበት ይሆነናል፡፡
አንዳንድ ሰዎች ስለመዳንም ሆነ ስለመቀደስ ሲያስቡ ሰማይ እስከሚሄዱ የማይሆንና በምድር ላይ የማይሳካ አድርገው ያስባሉ፡፡ መጽፅሃፍ ቅዱስ ግን በዚህ ዘመን ኢየሱስ ሳይመጣ የኢየሱስን መምጣት እየተጠባበቅን ራሳችንን በመግዛትና በጽድቅ እግዚአብሔርንም በመምሰል እንድንኖር ፀጋው እንደሚያችለን ያስተምራል፡፡
ምክኒያቱን ሲናገር ኢየሱስ ከዓመፅ ሁሉ እንዲቤዠን፥ መልካሙንም ለማድረግ የሚቀናውን ገንዘቡም የሚሆነውን ሕዝብ ለራሱ እንዲያነጻ፥ ስለ እኛ ነፍሱን እንደሰጠ ይነግረናል፡፡ የኢየሱስ ሞት አላማው እኛን በፀጋው ሃይል በማስቻል ከአመፃ የነፃን እግዚአብሄርን ለማገልገል የሚቀናን ህዝብ ማፍራት ነው፡፡
ይህ ጸጋ ተገልጦአል፡፡ ማንም ላለመዳን ፣ ራሱን ላለመግዛት ፣ በፅድቅ ላለመኖርና እግዚአብሄርን ላለመምሰል ሰበብ የለውም፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #መሪ #ፀጋ #የሚያስችልሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ፅድቅ #እግዚአብሄርንመምሰል #ራስንመግዛት #ልብ

የሰይጣን ማታለያ መንገዶች

publication4በሰይጣን እንዳንታለል፤ የእርሱን አሳብ አንስተውምና። 2ኛ ቆሮንቶስ 2፡11
ሰይጣን የሚመጣው ሊሰርቅ ሊያርድና ሊያጠፋ ነው፡፡ ሰይጣን ከዚህ ሌላ አላማና ተልእኮ የለውም፡፡ ሰይጣን ከመጣ ለመስረቅ ለማረድና ለማጥፋት ብቻ ነው፡፡ ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ ዮሃንስ 10፡10
ይህንንም የሚያደርገው በግድ አይደለም፡፡ በጌታ ተከታዮች ላይ ስልጣን ስለሌለው ይህን የሚያደርገው በግልፅ አይደለም፡፡ ሰይጣን አላማውን ከፈፀመብን የሚያደርገው በማታለልና በአለማወቃችን በመጠቀም ነው፡፡ ስለዚህ ነው ሃዋሪያው የሰይጣንን ሃሳብ አንስተውም የሚለው፡፡
ሰይጣን በእኛ ላይ ሃይል የሚያገኝበት ብቸኛው መንገድ ለእግዚአብሄር ያለንን የዋህነት በማበላሸት ነው፡፡ ሃሳባችን ከተበላሸ እግዚአብሔርን ማመን እንተዋለን፡፡ በእግዚአብሄር መንግስት ላይ መዝራትን እናቆማለን፡፡ የተፈጠርንበትን አላማ እንስተዋለን ከዚያ ይልቅ የመብላትና የመጠጣት ተራ ጥያቄ በመፍታት ህይወታችንን እናባክናለን ከንቱ ሰዎችም ሆነን እንቀራለን፡፡
ነገር ግን እባብ በተንኮሉ ሔዋንን እንዳሳታት፥ አሳባችሁ ተበላሽቶ ለክርስቶስ ከሚሆን ቅንነትና ንጽሕና ምናልባት እንዳይለወጥ ብዬ እፈራለሁ። 2ኛ ቆሮንቶስ 11፡3
ሰይጣን ሰዎችን የሚያታልልበትና የሚያስትበት ሃሳቦችን እንመልከት፡፡
  • · ክፍፍልና ፉክክር
እያንዳንዱ ሰው በእግዚአብሔር መንግስት ውስጥ የተጠራው ለተለየ አገልግሎት ነው፡፡ የተለያዩ አገልግሎቶች ግን በአንድ ላይ ለአንድ መንግስት ይሰራሉ፡፡ ለአንድ መንግስት እንደማይሰራ ሰይጣን ካሳመነን ተታለናል፡፡ ሰው በእግዚአብሄር መንግስት ከሌላው ሰራተኛ ጋር በመተባበር እንጂ በመፎካከር መስራት ከጀመረ የሰይጣን ሃሳብ አግኝቶታል ማለት ነው፡፡
እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ። በአንድ አካል ብዙ ብልቶች እንዳሉን፥ የብልቶቹም ሁሉ ሥራ አንድ እንዳይደለ፥ እንዲሁ ብዙዎች ስንሆን በክርስቶስ አንድ አካል ነን፥ እርስ በርሳችንም እያንዳንዳችን የሌላው ብልቶች ነን።ሮሜ 12፡3-5
  • · ይቅር አለማለት
ይቅር የማይል ምህረት የሌለው መራርና የጥላቻ ልብ የሰይጣን ለም መሬት ነው፡፡ ሰይጣን ሰውን እንዲጠላ ካደረገው እንዲገድል አድርጎታል ማለት ነው፡፡ ጥላቻና ግድያ አንድ ናቸውና፡፡ ሰይጣን ሰዎችን መጠቀም ይፈልጋል፡፡ ጥላቻ የሌለባቸውን ሰዎች ግን በመጠቀም የመግደል አላማውን ሊያሳካ አይችልም፡፡
እናንተ ግን ይቅር የምትሉትን እኔ ደግሞ ይቅር እለዋለሁ፤ እኔም ይቅር ካልሁ፥ ይቅር ያልሁትን ስለ እናንተ በክርስቶስ ፊት ይቅር ብዬአለሁ፥በሰይጣን እንዳንታለል፤ የእርሱን አሳብ አንስተውምና። 2ኛ ቆሮንቶስ 2፡10-11
  • · የዚህም ዓለም አሳብና የባለጠግነት ማታለል
በእሾህም የተዘሩት ሌሎች ናቸው፥ ቃሉን የሰሙት እነዚህ ናቸው፥ የዚህም ዓለም አሳብና የባለጠግነት ማታለል የሌላውም ነገር ምኞት ገብተው ቃሉን ያንቃሉ፥ የማያፈራም ይሆናል። ማርቆስ 4፡18-19
በእሾህ መካከልም የወደቀ እነዚህ የሚሰሙት ናቸው፤ መንገዳቸውንም ሄደው በሕይወት ዘመን በአሳብና በባለ ጠግነት ምቾት ይታነቃሉ፥ ሙሉ ፍሬም አያፈሩም። ሉቃስ 8፡14
የኑሮ ጭንቀት አሳስሮ የሚያስቀምጠን አደገኛ የሰይጣን መሳሪያ ነው፡፡ የኑሮ ጭንቀት ከአላማችን በማስቆም የኑሮን ጥያቄ ብቻ እየመለስን እንደማንኛውም አህዛብ ተራ ሰው ሆነን እንድኖር የሚያደርገን የሰይጣን ማታለያ መንገድ ነው፡፡
የኑሮ ስጋት በእግዚአብሄር ላይ ብቻ እንዳንደገፍ ለጌታም ለገንዘብም ለመገዛት እንድንሞክር የሚያደርግበት የሰይጣን ማታለያ ነው፡፡ የባለጠግነት ምኞት ጌታን ከማገልገል እንድናፈገፍግ የሚያደርግበት የሰይጣን ማታለል ነው፡፡ በመጠኑ እንዳንኖር ፣ በኑሮዋችን እንዳንረካ እና ለቤተክርስቲያን በረከት እንዳይሆን ጉድለታችንን ራቁታችንን ካሳየን በሰይጣን ተታለናል ማለት ነው፡፡
  • · ትዕቢት
ይህ ደግሞ ሰይጣን ራሱ የወደቀበት መንገድ በመሆኑ የሰይጣን መጣያና ከእግዚአብሄር መንግስት ሩጫ የሚያስወጣበት ስልት ነው፡፡ ከእኛ በላይ እንደሌለ እኛን ሊናገረን ሊያርመንና ተጠያቂ ልንሆንለት የሚገባ ማንም ሰው እንደሌለ በትእቢት ማሰብ ስንጀምር በሰይጣን ማታለል ስር እንደሆንን ማወቅ ይኖርብናል፡፡
ሌላውን መስማትና ለሌሎች መገዛት ካቃተን ሰይጣን አስቶናል ማለት ነው፡፡ ሰይጣን በትእቢት እንድናስብ ካደረገን የሰይጣንን ማታለል ተታለናል ማለት ነው፡፡
እንዲሁም፥ ጐበዞች ሆይ፥ ለሽማግሌዎች ተገዙ፤ ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ፥ እግዚአብሔር ትዕቢተኞችን ይቃወማልና፥ ለትሑታን ግን ጸጋን ይሰጣል።1ኛ ጴጥሮስ 5፡5
በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤ 1ኛ ጴጥሮስ 5፡8
ይህን ፅሁፍ ለሌሎች ሼር share ማድረግ ቢወዱ
#ኢየሱስ #ጌታ #ዲያቢሎስ #ጠላት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ማታለል #የተሸነፈ #በረከት #ትግስት #መሪ

ፍቅር ይታገሣል

love-patient-jpg-3-jpg-4ፍቅር ይታገሣል፥ ቸርነትንም ያደርጋል፤ ፍቅር አይቀናም፤ ፍቅር አይመካም፥ አይታበይም፤1ኛ ቆሮንቶስ 13፡4
የፍቅር ትርጉሙ ሌላውን ሰው በመረዳት ከዛ ሰው ጋር ራስን ማስተባበር ነው፡፡ Love is identifying self with the other in understanding.
ፍቅር አለም በራሱ ዙሪያ እንደምትዞር አያስብም፡፡ ፍቅር የራሱን ፍላጎት ብቻ አይመለከተም፡፡ ፍቅር ራስ ወዳድ አይደለም፡፡
ፍቅር ለሌላው እውቅና ይሰጣል፡፡ ፍቅር ለሌላው ፍላጎት ቦታ አለው፡፡ ፍቅር ሌላውን የሚያከብር ልብ አለው፡፡ ፍቅር የሌላው እርምጃ የሚታገስ ልብ አለው፡፡
ፍቅር ይታገሳል፡፡ ፍቅር ቻይ ነው፡፡ ፍቅር አይቸኩልም፡፡ ፍቅር አሁን ካልሆነ አይልም፡፡ ፍቅር ይቆያል፡፡ ፍቅር ይጠብቃል፡፡ ፍቅር ነገሩ በጊዜው እንደሚሆን ያምናል፡፡
ፍቅር ይታገሳል፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ፍቅር #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ምስክር #ልብ #መሪ

ሙሉ ስልጣን ተሰጥቶናል

trafic_policeኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና . . . ማቴዎስ 28፡18
በመጀመሪያ ሰው ከሙሉ ስልጣን ጋር ተፈጥሮ ነበር፡፡ እግዚአብሔርም ባረካቸው፥ እንዲህም አላቸው፦ ብዙ፥ ተባዙ፥ ምድርንም ሙሉአት፥ ግዙአትም፤ የባሕርን ዓሦችና የሰማይን ወፎች በምድር ላይ የሚንቀሳቀሱትንም ሁሉ ግዙአቸው። ዘፍጥረት 1፡28
ሰው በሃጢያት እግዚአብሄር ላይ በማመፁ ስልጣኑን ሙሉ ለሙሉ አጣው፡፡ እግዚአብሄር የሰጠውን ስልጣን ባለመታዘዝ ምክኒያት ለሰይጣን አሳልፎ ሰጠ፡፡ ስለዚህ ነው ሰይጣን የዚህ አለም ገዢ ተብሎ የተጠቀሰው ፡፡
ለእነርሱም የእግዚአብሔር ምሳሌ የሆነ የክርስቶስ የክብሩ ወንጌል ብርሃን እንዳያበራላቸው፥ የዚህ ዓለም አምላክ የማያምኑትን አሳብ አሳወረ። 2ኛ ቆሮንቶስ 4፡4
ኢየሱስ ወደዚህ ምድር የመጣበት ዋነኛው አላማ የዲያቢሎስን ስራ ሊያፈርስና ሰው ለሰይጣን አሳልፎ የሰጠውን ስልጣን መመለስ ነው፡፡ ኢየሱስ የሰውን ስጋ ለብሶ ወደምድር የመጣውና ሰይጣንን ድል የነሳው ለራሱ ሳይሆን ለእኛ ነው፡፡ ኢየሱስ ሰይጣንን ያሸነፈው በእኛ ምትክ ሆኖ ለእኛ ነው፡፡
አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15
አሁንም ሰው ኢየሱስን እንደ አዳኝና ጌታው ሲቀበለው የልጅነት ስልጣኑ ይመለሳል፡፡
ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12
የእግዚአብሄር ልጅ የሆነ ሰው ሁሉ ሰይጣንን መቃወም ይችላል፡፡ በሰይጣን ላይ ሙሉ ስልጣን ስላለን ስንቃወመው መሸሽ እንጂ ምንም ማድረግ አይችልም፡፡
እንግዲህ ለእግዚአብሔር ተገዙ፤ ዲያብሎስን ግን ተቃወሙ ከእናንተም ይሸሻል፤ ያዕቆብ 4፡7
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ስልጣን #ሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ሃይለኛ #ጩኽ #በረከት #ትግስት #መሪ

እኔም እመልስልሃለሁ ይላል እግዚአብሔር

%e1%8a%90%e1%8a%92%e1%8c%88%e1%88%80%e1%89%b0ወደ እኔ ጩኽ፥ እኔም እመልስልሃለሁ፤ አንተም የማታውቀውን ታላቅና ኃይለኛ ነገርን አሳይሃለሁ። ኤርምያስ 33፡3
እግዚአብሄር እንዲህ ይላል፡፡ ወደ እኔ ጩኽ!
እግዚአብሄርን የማንፈልግበት የህይወት ክፍል የለም፡፡ እግዚአብሄር የማያስፈልገን የህይወት ደቂቃና ሰከንድ የለም፡፡ እግዚአብሄር የማያስፈልገን ምንም የህይወት ሃላፊነት የለም፡፡ እግዚአብሄር የማያስፈልገን ምንም የህይወት ደረጃ የለም፡፡
ባደግን በተለወጥን ቁጥር ይበልጥ ወደ እርሱ መፀጮኽ እንዳለብን እንረዳለን፡፡ ባወቅንና በተረዳን ቁጥር ወደ እርሱ ጩኸን ፀልየን አንጠግብም፡፡ ብዙ የህይወት ደረጃዎች ላይ በደረስን መጠን እግዚአብሄርን የማንፈልግበት ዝርዝር ጥቃቅን የህይወት መስክ እንደሌለ እንረዳለን፡፡
የፀሎታችን ተጠቃሚ እንድንሆን እግዚአብሄርም ሁል ጊዜ የሚጠይቀን ወደ እርሱ እንድንጮኽ ነው፡፡ እግዚአብሄር ሁልጊዜ ከእኛ የሚጠብቀው የእኛን ወደ እርሱ አብዝተን መጮኻችንን ነው፡፡
አንተ የማታውቅውን ታላቅና ሃይለኛን ነገር አሳይሃለሁ፡፡
እንዴት አይነት የተስፋ ቃል ነው ?
አንተ የማታውቀውን ይላል እግዚአብሄር፡፡ ይገርማል፡፡
እግዚአብሄር ሲያስደንቀን ኖሮዋል፡፡ እግዚአብሄር የዘላለም አምላክ የምድር ዳርቻ ፈጣሪ ነው ማስተዋሉም አይመረመርም፡፡ ይህ እግዚአብሄር እንዲህ ይላል ወደ እኔ ጩኽ አንተ የማታውቀውን ነገር አሳይሃለሁ፡፡
እንደዚህ ልብን በደስታ ፈንጠዚያ የሚሞላ የተስፋ ቃል የለም፡፡
አንተ የማታውቀውን አዲስን ነገር እግዚአብሄር ሊያደርግ ወደ እርሱ እስከምትፀልይ እየጠበቀህ ነው፡፡ ታላቁ እግዚአብሄር እንዲህ ይላል ወደ እኔ ጩኽ እኔም እመልስልሃለሁ ፣ አንተም የማታውቅውን ታላቅን ነገር አሳይሃለሁ፡፡
ትንሽ ነገር አይደለም ታላቅ ነገር ተዘጋጅቶልሃል፡፡ ታላቅ ነገር ምን እንደሆነ መገመት ሊያቅትህ ሁሉ ይችላል፡፡ መገመት ቢያቅትህም እግዚአብሄር ግን እንዲህ ይላል ወደ እኔ ጩኽ፥ አንተም የማታውቀውን ታላቅ ነገር አሳይሃለሁ፡፡
እግዚአብሄር ሃያል አምላክ ነው፡፡ እግዚአብሄር የሰራዊት አምላክ ነው፡፡ እግዚአብሄር በሃይሉ ታላቅን ነገር ያደርጋል፡፡ ይህ እግዚአብሄር እንዲህ ይላል፡፡ ወደ እኔ ጩኽ፥ አንተም የማታውቀውን ታላቅና ኃይለኛ ነገርን አሳይሃለሁ።
ወደ እኔ ጩኽ፥ እኔም እመልስልሃለሁ፤ አንተም የማታውቀውን ታላቅና ኃይለኛ ነገርን አሳይሃለሁ። ኤርምያስ 33፡1-3
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ፀሎት #ታላቅ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ሃይለኛ #ጩኽ #በረከት #ትግስት #መሪ

በዓለም ካለው ይልቅ በእናንተ ያለው ታላቅ ነው

huge-9-47943ልጆች ሆይ፥ እናንተ ከእግዚአብሔር ናችሁ አሸንፋችኋቸውማል፥ በዓለም ካለው ይልቅ በእናንተ ያለው ታላቅ ነውና። 1ኛ ዮሐንስ 4፡4
አለም በክፉ ተይዞዋል፡፡ አለም እንዲደግፈንና እንዲያበረታታን አንጠብቅም፡፡ አለም ጎሽ እንዲለንና እንዲረዳን አንጠብቅም፡፡ አለም በቻለው አቅም ይቃወመናል፡፡ አለም በቻለው አቅም ታላቅነቱን ሊያሳየን ይሞክራል፡፡ አለም በቻለው አቅም እኛ ትንሽ እነደሆንን ሊያሳየን ይሞክራል፡፡ በአለም ያለው የሚያስፈራራ ነው፡፡ በአለም ያለው የሚንቅና ዝቅ ዝቅ የሚያደረግ ነው፡፡ በአለም ያለው በፍርሃት አስሮ ለማስቀመጥ የሚጥር ነው፡፡ ከአለም የምንጠብቀው ተግዳሮትና መቋቋምን ብቻ ነው፡፡
የአለም ስርአት ከፈቀድንለት ለእግዚአብሄ እንዳንኖር አሳስሮ ሊያስቀምጠን ነው የሚጥረው፡፡ እህህ ብለን ከሰማነው እንደጠፋን እንደማይከናወንልን ነው አለም በጩኸት የሚነግረን፡፡ አለም ከሰማንና ከተቀበልነው እግዚአብሄር በህይወታችን ያለው አላማ እንደማይፈፀም ነው የሚነግረን፡፡ ምክኒያቱም አለም በክፉ ተይዟል፡፡
ከእግዚአብሔር እንደ ሆንን ዓለምም በሞላው በክፉው እንደ ተያዘ እናውቃለን። 1ኛ ዮሐንስ 5፡19
አለም ምን ያህል ደካማና ለምንም የማንበቃ እንደሆንን ሊያሳየን ነው የሚፈልገው፡፡ የአለም ስርአት እኛ ምንም እንዳይደለንና ለምንም እንደማንበቃ ሊያስፈራራን ነው የሚመጣው፡፡ አለም በክፉ የተያዘ ነው፡፡ አለም ውሸትን የተሞላ ነው፡፡ እውነት የሆነው መፅሃፍ ቅዱስ ግን በእኛ ውስጥ ስላለው ሲናገር እንዲህ ይላል፡፡
በዓለም ካለው ይልቅ በእናንተ ያለው ታላቅ ነውና። ምክኒያቱም ከእግዚአብሄር ናችሁ ፡፡ ያሸነፋችሁበት ምክኒያት በእናንተ ያለው ከአለም ካለው ታላቅ ስለሆነ ነው፡፡ በውስጣችን የሚኖረው ኢየሱስ አለምን ያሸነፈ ነው፡፡
በእኔ ሳላችሁ ሰላም እንዲሆንላችሁ ይህን ተናግሬአችኋለሁ። . . . ነገር ግን አይዞአችሁ፤ እኔ ዓለምን አሸንፌዋለሁ። ዮሃንስ 16፡33
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #አለም #ታላቅ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ጥቂትበጥቂት #ሙሉቀን #በረከት #ትግስት #መሪ

የጻድቃን መንገድ

airplane-take-off-at-sunset-hd-wallpaper-768x480የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። ምሳሌ 4፡18
ኢየሱስ ክርስቶስን በመቀበላችንና በህይወታችን ላይ በመሾማችን እግዚአብሄር ልጆች አድርጎ ተቀብሎናል፡፡ የእግዚአብሄር ልጆች ስለሆንንና እግዚአብሄር ከእኛ ጋር ስለሚሰራ ነገሮች ሁሉ ይከናወንልናል፡፡
በጌታ ኢየሱስ የመስቀል ስራ አምነው የዳኑትን ጻድቃንን መንገዳቸው ከንጋት ብርሃን ጋር ይመሳሰላል፡፡ የንጋት ብርሃን ጠቃሚና ወሳኝ ብርሃን ነው፡፡ የንጋት ብርሃን ጨለማው ማለፉንና ብሩህ ቀን መምጣቱን የሚያበስር እርግጠኛ ምልክት ነው፡፡ የንጋት ብርሃን የሙሉ ተስፋ ብርሃን ነው፡፡
መፅሃፍ ቅዱስ የጻድቃን መንገድ ሙሉ ቀን እስከሚሆን እየጨመረ እንደሚሄድ ያስተምራል፡፡ የጻድቃን መጨመር ፣ ማበብ መውጣት ፣ ማሸነፍ እርግጥ ነው፡፡ ከእግዚአብሄር ጋር ተገናኝቶ የሚወርድ ፣ የሚጠፋ ፣ የሚከስም ሰው የለም፡፡ ጻድቃን እየወጡና ከፍ እያሉ መሆኑ ምንም ጥርጥር የለውም፡፡
የጻድቃን መንገድ ግን እንደዱብዳ አይደለም፡፡ የጻድቃን ማበብ ድንገተኛ አይደለም፡፡ የጻድቃን መንገድ ቀስ በቀስ እየጨመረ የሚሄድ ነገር ነው፡፡ መፅሃፍ ቅዱስ በጊዜያት ውስጥ የታመነና ፀንቶ የቀጠለ ሰው እጅግ እስከሚባረክ ድረስ እንደሚባረክ ያስተምራል፡፡
የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። ምሳሌ 28፡20
የንጋት ብርሃን ከጭላልጭልነት ጀምሮ እንደሚበረታና የቀትር ፀሃይ እስከሚሆን ቀስ በቀስ እየጨመረ እንደሚሄድ ሁሉ የጻድቃን መንገድም እንዲሁ ጥቂት በጥቂት ይጨምራል፡፡
በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። ምሳሌ 13፡11
የንጋት ብርሃን ሙሉ ቀን እስከሚሆን መጨመሩን እነደማያቆም እንዲሁ የጻድቃን መንገድ ሙሉ ቀን እስከሚሆን እየጨመረ ነው የሚሄደው፡፡ የጻድቃን መንገድ ሙሉ በረከት በህይወታቸው እስከሚገለጥ ድረስ መጨመሩን አያቆምም፡፡ የጻድቃን በረከት ከመጨመር አይቆምም፡፡
የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። ምሳሌ 4፡18
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ጻድቃን #የታመነ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ጥቂትበጥቂት #ሙሉቀን #በረከት #ትግስት #መሪ

አሁንም ከእግዚአብሔር ጋር ተስማማ፥ ሰላምም ይኑርህ

submitአሁንም ከእርሱ ጋር ተስማማ፥ ሰላምም ይኑርህ፤ በዚያም በጎነት ታገኛለህ። ኢዮብ 22:21
እግዚአብሄር የፈጠረን ለክብሩ ነው፡፡ እግዚአብሄር አቅዶ የሰራን ከእርሱ ጋር እንድንስማማ ነው፡፡ እግዚአብሄር የፈጠረን በዋነኝነት እርሱን እንድንታዘዘው ነው፡፡
በስሜ የተጠራውን ለክብሬም የፈጠርሁትን፥ የሠራሁትንና ያደረግሁትን ሁሉ አምጣ እለዋለሁ። ኢሳይያስ 43፡7
ሰው ግን ከእርሱ ጋር ካልተስማማና ለእግዚአብሄር ካልተገዛ በህይወቱ ምንም ነገር ትክክል ሊሆን አይችልም፡፡ ሰው ከእግዚአብሄር ጋር ካልተስማማ ሁሉ ነገር ስለሚዘበራረቅና ምንም የሚሳካ ነገር ስለሌለ ሰላሙን ያጣል፡፡
ስለዚህ ምክሩ አሁንም ከእግዚአብሄር ጋር ተስማማ ነው፡፡ መጀመሪያ ሰላም ታገኛለህ፡፡ እግዚአብሄር ፀጋውን ያበዛልሃል፡፡ ከዚያም በመታዘዝህ የእግዚአብሄርን በረከት ታገኛለህ ህይወትህም ይለመልማል፡፡ ኢየሱስ በመስቀል ተሰቃየ፡፡ ነገር ግን የእኔ ፈቃድ አይሁን የአንተ ፈቃድ ይሁን በማለት ከእግዚአብሄር ጋር ተስማማ፡፡ ጨክኖም ለእግዚአብሄር ታዘዘ፡፡
ጥቂትም ወደ ፊት እልፍ ብሎ በፊቱ ወደቀና ሲጸልይ፦ አባቴ፥ ቢቻልስ፥ ይህች ጽዋ ከእኔ ትለፍ፤ ነገር ግን አንተ እንደምትወድ ይሁን እንጂ እኔ እንደምወድ አይሁን አለ።ማቴዎስ 26፡39
አሁንም ከእርሱ ጋር ተስማማ፥ ሰላምም ይኑርህ፤ በዚያም በጎነት ታገኛለህ። ኢዮብ 22:21
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #መታዘዝ #ተስማማ #ሰላም #ስኬት ቤተክርስትያን #አማርኛ #ስብከት #መዳን #መፅሃፍቅዱስ #ፀጋ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ጥሪያችንን የምንለይባቸው 7 መንገዶች

talentሰው ሁሉ እንዲድንና እውነቱን ወደማወቅ እንዲደርስ የእግዚአብሄር ይወዳል፡፡ የዳንነው ሁላችን ደግሞ የዳነው እንድናገለግለው ነው፡፡ እንደ ክርስትያንነታችን ሁላችንም የምናደርጋቸው የጋራ ነገሮች ቢኖሩም በተለይ ደግሞ ለእያንዳንዳችን የተለየ ጥሪን በህይወታችን አስቀምጧል፡፡ እያንዳንዳችን ውስን በመሆናችን ሁላችንም ለሁሉም ነገር አልተጠራንም፡፡ ከሌሎች በተለየ መልኩ ጥሩ አድርገን የምንሰራው የተለየ ጥሪ አለን፡፡
እግዚአብሄር ለምን እንደጠራን ማወቅ በጣም ወሳኝ ነገር ነው፡፡ እግዚአብሄር ለምን እንደጠራን ስናውቅ ጥሪያችንን ብቻ በማድረግ እንረካለን፡፡ እግዚአብሄር ለምን እንደጠራን ስናውቅ ለምን እንዳልጠራንም ስለምናውቅ እናርፋለን፡፡ እግዚአብሄር የጠራንን ጥሪ ስንለይ ካለ አስፈላጊ ፉክክር ነፃ እንወጣለን፡፡
እግዚአብሄር ለምን እንንደጠራን ስናውቅ ራሳችንን ስራችንን አገልግሎታችንን የምንለካው እግዚአብሄር በህይወታችን ካስቀመጠው ጥሪ አንፃር ብቻ ይሆናል፡፡ እግዚአብሄር ለምን እንደጠራን ስናውቅ እግዚአብሄር የሰጠንን ሃይልና ጉልበት በአላስፈላጊ ነገር ላይ ከማባከን እንድናለን፡፡ እግዚአብሄር ለምን ወደዚህ ምድር እንዳመጣን ስናውቅ ያንን ሰርተን በምድር ጌታን እናከብረዋለን፡፡
ልዩ ልዩን የእግዚአብሔርን ጸጋ ደጋግ መጋቢዎች እንደ መሆናችሁ፥ እያንዳንዳችሁ የጸጋን ስጦታ እንደ ተቀበላችሁ መጠን በዚያው ጸጋ እርስ በርሳችሁ አገልግሉ፤ 1ኛ ጴጥሮስ 4፡10
የእግዚአብሄር ጥሪ ማወቂያ አንድ ቀመር ወይም ፎርሙላ ባይኖረውም ከዚህ በታች የተዘረዘሩት የእግዚአብሄር ጥሪ እንዴት ለማወቅ እችላለሁ ለሚለው ጥያቄያችሁ የተወሰነ መልስ ሊሰጣችሁ እንደሚችል አምናለሁ፡፡ እንዲሁም ጥሪያችንን መለየት ጊዜ የሚጠይቅ ጉዳይ ስለሆነ በእግዚአብሄር ቃል ማደግ ፣ በፀሎት መቆየትና እግዚአብሄርን መታዘዝ በጊዜው ውስጥ ጥሪያችንን እንድንለይ በእጅጉ ይረዳናል፡፡ እግዚአብሄር ለምን እንደጠራን የምለይባቸው መንገዶች
  • · ፍላጎታችን የሚያመዝንበት
በህይወታችን ያለውን ጥሪ የምንለየው እግዚአብሄር በልባችን ያስቀመጠውን ፍላጎት በመመልከት ነው፡፡ ልባችን ወዴት እንደሚያዘነብል በመሰለል ጥሪያችን ምን እንደሆነ ጥሩ ሃሳብ ሊሰጠን ይችላል፡፡ ለምሳሌ የተቸገረ ሰው በቀላሉ የሚታየው የተቸገረ ሰው ረድቶ የማይጠግብ እንዲያውም አገልግሎት ማለት የተቸገረ ሰው መርዳት ብቻ የሚመስለው ሰው ጥሪው ምህረት ማድረግ ሊሆን ይችላል፡፡
  • · በቀላሉ ማድረግ የምንችለው
ሌላው እግዚአብሄር ለምን እንደጠራን የምንለየው በቀላሉ ለማድረግ የምንችለውን ነገር በመለየት ነው፡፡ ከሌላው ነገር ይበልጥ እግዚአብሄር ለጠራን ነገር አእምሮዋችን ይበልጥ ይከፈታል፡፡ ሌሎች ለማድረግ የሚከብዳቸውን ነገር እኛ በቀላሉ ማድረግ ከቻልን ጥሪያችን ያ ሊሆን እንደሚችል መገመት እንችላል፡፡
  • · የተለየ ደስታ የሚሰጠን
አንድን አገልግሎት ማድረግ ከሌላው አገልግሎት ይበልጥ ደስታን የሚሰጠን ከሆነ ጥሪያችን ያ እንደሆነ አንደኛው ማረጋገጫ እንደሆነ ልናስተውል እንችላለን፡፡
  • · የእግዚአብሄር መንፈስ የሚመሰክርልን
እግዚአብሄር ለምን እንደጠራን ከሁሉም ነገር በላይ የሚመሰክርልን የእግዚአብሄር መንፈስ ነው፡፡ ጥሪያችንን ለመለየት የእግዚአብሄርን መንፈስ በልባችን ልንሰማው ይገባል፡፡ እግዚአብሄር ለምን እንደጠራን የጠራን ራሱ ሊያሳየን ስለሚገባ በፀሎት ልንጠይቀው ይገባል፡፡
  • · ልባችን የሚያርፍበት
ጥሪያችን ልባችን የሚያርፍበት አገልግሎት ነው፡፡ ልክ ስናገኘው ሌላ ነገር የማያምረንና ጥሪያችንን መፈለግ የምናቆምበት አገልግሎት ጥሪያችን የሆነ አገልግሎት ይሆናል፡፡
  • · እርካታን የሚሰጠን
ለምንም አይነት ክፍያ ወይም ማበረታቻ የማንሰራው ነገር ፣ ለራሳችን እርካታ ብለን የምናደርገው ነገር ፣ የማንንም ማበረታቻ ሳንጠብቅ በትጋት ልናደርገው የምንችለው እርካታን የሚሰጠን አገልግሎት ጥሪያችን ነው፡፡
  • የሌሎች ምስክርነት
ሌሎች ብዙ ሰዎች ይህን አገልግሎት በአንተ ውስጥ አያለሁ ብለው የሚመሰክሩልን አገልግሎት ጥሪያችን ሊሆን ይችላል፡፡ እንዲሁም እግዚአብሄር በተለየ ለምን እንደጠራን እስከምናውቅ ድረስ እግዚአብሄር በከፈተልን አገልግሎት ገብተን እግዚአብሄርንና የእግዚአብሄርን ህዝብ ማገልገል ይኖርናል፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ጥሪ #ምስክር #ፀጋ #ምናን ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የዘላለምን ሕይወት ያዝ

lay-22መልካሙን የእምነት ገድል ተጋደል፥ የተጠራህለትንም በብዙም ምስክሮች ፊት በመልካም መታመን የታመንህለትን የዘላለምን ሕይወት ያዝ። 1ኛ ጢሞቴዎስ 6፡12
የዘላለም ህይወት የእግዚአብሄር ታላቅ ስጦታ ነው፡፡ ይህን ታላቅ ስጦታ እንደመቀበላችን መጠን ህይወታችን ሁሉ በዚያ ስጦታ መቃኘት አለበት፡፡
ምንም ነገር ስናስብ ከዘላለማዊ ህይወት እይታ እንፃር ማሰብ አለብን ፣ ምንም ነገር ስንወስን ከዘላለም ህይወት አንፃር ልንወስን ይገባል ፣ ምንም ነገር ስናደርግ ዘላለም እንደሚኖር ሰው ማድረግ አለብን፡፡
በነጻነት ሕግ ፍርድን ይቀበሉ ዘንድ እንዳላቸው ሰዎች እንዲህ ተናገሩ፥ እንዲህም አድርጉ። ያዕቆብ 2፡12
ሰው ዘላለማዊ ህይወትን ካልያዘና የሚያደርገውን ሁሉ ከዘላለማዊ ህይወት አንፃር ካልመዘነውና ካላደረገው እይታው የቅርብና የአሁኑን ብቻ ያያል፡፡
እነሆም፥ ሐሜትና ደስታ በሬውንና በጉንም ማረድ ሥጋንም መብላት የወይን ጠጅንም መጠጣት ሆነዋል፤ እናንተ፦ ነገ እንሞታለንና እንብላ እንጠጣ ብላችኋል። ኢሳይያስ 22፡13
ሰው ትክክለኛ እይታ አለው የሚባለው ነገሮችን ሁሉ በዘላለም እይታ ማየት ሲችል ብቻ ነው፡፡ እይታው ዘላለምን ካላሳየው የቅርቡን ብቻ የሚያይ እውር ሰው ነው፡፡
እነዚህ ነገሮች የሌሉት ዕውር ነውና፥ በቅርብም ያለውን ብቻ ያያል፥ የቀደመውንም ኃጢአቱን መንጻት ረስቶአል። 2ኛ ጴጥሮስ 1፡9
ከምድር ምንም አይነት ስኬትና ክንውን ጋር ሲነፃፀር የዘላለምን ህይወት የሚያክለው የለም፡፡ በእይታችን የዘላለም ህይወት ከሌለና እግዚአብሄርን ተስፋ ያደረግነው ለዚህ ለምድራዊ ህይወት ብቻ ከሆነ ምስኪኖች ነን፡፡
በዚች ሕይወት ብቻ ክርስቶስን ተስፋ ያደረግን ከሆነ፥ ከሰው ሁሉ ይልቅ ምስኪኖች ነን። 1ኛ ቆሮንቶስ 15፡19
እያንዳንዱ እርምጃችን ዘላለም ለሚኖር ሰው የሚገባ መሆን አለበት፡፡ ከምንም ነገር በላይ የዘላለምን ህይወት በትጋት መጠባበቅ አለብን፡፡ እኛ አገራችን በሰማይ ነውና፥ ከዚያም ደግሞ የሚመጣ መድኃኒትን እርሱንም ጌታን ኢየሱስ ክርስቶስን እንጠባበቃለን፤ ፊልጵስዩስ 3፡20
በምድር ላይ የምናደርገው ማንኛውም ነገር በነፃነት ህግ እንደሚፈረድባቸው በጌታ ዙፋን ፊት እንደሚቀርቡ ሰዎች መሆን ይኖርበታል፡፡
እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ሞታችኋልና፥ ሕይወታችሁም በእግዚአብሔር ከክርስቶስ ጋር ተሰውሮአልና፤ ሕይወታችሁ የሆነ ክርስቶስ በሚገለጥበት ጊዜ፥ በዚያን ጊዜ እናንተ ደግሞ ከእርሱ ጋር በክብር ትገለጣላችሁ። ቆላስይስ 3፡1-4
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#የዘላለምህይወት #ሰማይ #ዘላለም #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

በሰላም ማሰሪያ

unityበትሕትና ሁሉና በየዋህነት በትዕግሥትም፤ እርስ በርሳችሁ በፍቅር ታገሡ፤ በሰላም ማሰሪያ የመንፈስን አንድነት ለመጠበቅ ትጉ። ኤፌሶን 4:2-3
የመንፈስን አንድነት የምንጠብቀው በሰላም ነው፡፡ ካለሰላም የመንፈስ አንድነት ሊጠበቅ አይችልም፡፡ የአንድነት ማሰሪያው ሰላም ነው፡፡ ለአንድነት የሚያስፈልገው ሰላም ነው፡፡
ሰው ከእግዚአብሄር ጋር ሰላም ከሆነ አንድነት ይቀለዋል፡፡ ሰው ከእግዚአብሄ ጋር ባለው ሰላም ከረካ ከሰው ጋር ሰላም ይሆናል፡፡ ሰው ወደ ሰው የሚሄደው ሰላምን ፈልጎ ሳይሆን ሰላምን ሊሰጥ መሆን አለበት፡፡ ለሰው ሰላምን በመስጠት ላይ ካተኮረ የሚያሰናክለው ነገር አይኖርም አንድነትንም መጠበቅ ይችላል፡፡
ወደ ቤትም ስትገቡ ሰላምታ ስጡ፤ ቤቱም የሚገባው ቢሆን ሰላማችሁ ይድረስለት፤ ባይገባው ግን ሰላማችሁ ይመለስላችሁ። ማቴዎስ 10፡12-13
ወደምትገቡበት ቤት ሁሉ አስቀድማችሁ፦ ሰላም ለዚህ ቤት ይሁን በሉ። በዚያም የሰላም ልጅ ቢኖር፥ ሰላማችሁ ያድርበታል፤ አለዚያም ይመለስላችኋል። ሉቃስ 10፡5-6
ትህትና ሌላው ለአንድነት ወሳኝ የሆነ ነገር ትህትና ነው፡፡ ዝቅ አለማለት ሰላምን የሚጎዳ ነገር ነው፡፡ አንድነትን የሚፈጥረው ሌላው ከእኛ እንደሚሻል መቁጠር ብቻ ነው፡፡ ሌላውን አለመቀበል የእኔ ሃሳብ ብቻ ይሁን ማለት የአንድነት ጠር ነው፡፡ ሌላውን አለመቀበልና በመናቅ አንድነትን መጠበቅ አይቻልም፡፡ ሰው መለየት ከፈለገ ምኞቱን ብቻ መከተል ይበቃዋል፡፡
መለየት የሚወድድ ምኞቱን ይከተላል፥ መልካሙንም ጥበብ ሁሉ ይቃወማል። ምሳሌ 18፥1
ትእግስት ሁላችንም የተለያየን ሰዎች ነን፡፡ ከእኛ የተለየውን ሰው ካልታገስነው አንድነትን ልንጠብቅ አንችልም፡፡ ልዩነታችንን ካልተቀበለን ሁሉንም ሰው ጨፍልቀን ተመሳሳይ ለማድርግ ከሞከርን ሰላም ይደፈርሳል፡፡ ከማይመስሉን ሰዎች ጋር አብረን መኖር ፣ መስራትና ማገልገል ካልቻልን ሰላም ሊጠበቅ አይችልም፡፡
ይቅርታ ይቅር መባባል ሰላምን ብሎም አንድነትን ይጠብቃል፡፡ ሰው ይቅር ማለት ካልቻለ አንድነቱም መጠበቅ ያቅተዋል፡፡ ይቅር ማለት አንደነትን የመጠበቂያው መንገድ ነው፡፡
እርስ በርሳችሁ ትዕግሥትን አድርጉ፥ ማንም በባልንጀራው ላይ የሚነቅፈው ነገር ካለው፥ ይቅር ተባባሉ፤ ክርስቶስ ይቅር እንዳላችሁ እናንተ ደግሞ እንዲሁ አድርጉ፤ ቆላስይስ 3፡13
የዋህነት ሌላው አንድነትን ለመጠበቅ አስፈላጊው ነገር የዋህነት ነው፡፡ የዋህነት ያለንን ሃይል ለክፋት አለመጠቀም ነው፡፡ የዋህ ሰው ለፍቅር ለሰላምና ለአንድነት የሚሸነፍ ሰው ነው፡፡ ተንኮል በሌለበት ፣ ሁለት ሃሳብ በሌለውና የሚናገረውና የሚያስበው አንድ በሆነ ሰው ሰላም ይጠበቃል፡፡
ፍቅር ፍቅር ደግሞ ወሳኙ የአንድነት ንጥረ ነገር ነው፡፡ ሌላውን ካልተረዳነውና ከሌላው ጋር ራሳችንን ካላስተባበርን አንድነትን መጠበቅ አይቻልም፡፡ ካለፍቅር አንድነት የለም፡፡ ሌላውን መውደድ ሌላውን መቀበል ሌላውን ማክበር አንድነት እንዲኖር ያደርጋል፡፡
በእነዚህም ሁሉ ላይ የፍጻሜ ማሰሪያ የሆነውን ፍቅርን ልበሱት። በአንድ አካልም የተጠራችሁለት ደግሞ የክርስቶስ ሰላም በልባችሁ ይግዛ፤ ቆላስይስ 3፡14-15
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#አንድነት #የዋህነት #ፍቅር #ትህትና #መዋረድ #ባህሪ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #የመንፈስአንድነት #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ብልቶች

publication11በአንድ አካል ብዙ ብልቶች እንዳሉን፥ የብልቶቹም ሁሉ ሥራ አንድ እንዳይደለ፥ እንዲሁ ብዙዎች ስንሆን በክርስቶስ አንድ አካል ነን፥ እርስ በርሳችንም እያንዳንዳችን የሌላው ብልቶች ነን። እንደ ተሰጠንም ጸጋ ልዩ ልዩ ስጦታ አለን፤ ትንቢት ቢሆን እንደ እምነታችን መጠን ትንቢት እንናገር፤ አገልግሎት ቢሆን በአገልግሎታችን እንትጋ፤ የሚያስተምርም ቢሆን በማስተማሩ ይትጋ፤ የሚመክርም ቢሆን በመምከሩ ይትጋ፤ የሚሰጥ በልግስና ይስጥ፤ የሚገዛ በትጋት ይግዛ፤ የሚምር በደስታ ይማር። ሮሜ 12:5-8
የሰው አካል ክፍሎች በአንድነትና በህብረት ተግተው ለአካሉ መልካምነት እንደሚሰሩ ሁሉ እኛ ክርስቲያኖችም ብዙ አይነት የአገልግሎት ጥሪዎችና ስጦታዎችም ቢኖሩን ሁላችን ለአንድ ግብ እንደምንሰራ መፅሃፍ ቅዱስ ያስተምራል፡፡
በአንድ አካል ላይ ያለን የተለያዩ ብልቶች ብንሆንም ሁላችንም ለአንድ አካል የምንሰራ የአካል ክፍሎች ነን፡፡
ለአንድ አላማ ለመስራት ሁላችንም አንድ አይነት ስራ መስራት የለብንም፡፡ ለአንድ መንግስት ለመስራት ሁላችንም አንድ አይነት ሰዎች መሆን የለብንም፡፡ ለአንድ መንግስት ለመስራት ሁላችንም አንድ አይነት አገልግሎት ሊኖረን አይገባም፡፡ የእምነት ደረጃችን እኩል መሆን የለበትም ለአንድ መንግስት ለመስራት፡፡ ሁላችንም አንድ አይነት ስራ ከሰራን ውበትም ውጤትምን አይኖረውም፡፡
አካል ሁሉ ዓይን ቢሆን መስማት ወዴት በተገኘ? ሁሉም መስማት ቢሆን ማሽተት ወዴት በተገኘ? 1ኛ ቆሮንቶስ 12፡17
ሁላችንም ስራችን የተለያየ ቢሆንም ሁላችንም ለአንድ ግብ መስራት እንችላለን፡፡
የሁላችንም ስራ የተለያየ ቢሆንም ሁላችንም እጅግ አስፈላጊዎች ነን፡፡ የማያስፈልግ የአካል ብልት የለም፡፡ እንዲያውም ደካማና የማያስፈልጉ የሚመስሉት እነርሱ ይበልጥ አስፈላጊ ናቸው፡፡
ነገር ግን ደካሞች የሚመስሉ የአካል ብልቶች ይልቁን የሚያስፈልጉ ናቸው፤ 1ኛ ቆሮንቶስ 12፡22
ማንም ከማንም ጋር ተባብሮ እንዲሰራ ነው እንጂ እንዲፎካከር አልተፈቀደም፡፡ አንዱ በአንዱ ላይ እንዲመካ በፍፁም አልተፈቀደም፡፡
እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ። ሮሜ 12፡3
የአንድ አካል ብልቶች ሆናልና አንድ አካል ሲከብር ብልቶች ሁሉ በአንድነት ይከብራሉ አንድ አካል ሲሰቃይ ብልቶች ሁሉ በአንድነት ይሰቃያሉ፡፡
አንድም ብልት ቢሣቀይ ብልቶች ሁሉ ከእርሱ ጋር ይሣቀያሉ፤ አንድ ብልትም ቢከበር ብልቶች ሁሉ ከእርሱ ጋር ደስ ይላቸዋል። 1ኛ ቆሮንቶስ 12፡26
እንዲያውም ደካማ ለሚመስለው የአካል ብልት ይበልጥ ክብር ይጨመርለታል፡፡ ፀጋም የሚበዛለት ለደካማው ብልት ነው፡፡
ከአካልም ብልቶች ያልከበሩ ሆነው የሚመስሉን በሚበዛ ክብር እናለብሳቸዋለን፥ በምናፍርባቸውም ብልቶቻችን ክብር ይጨመርላቸዋል፤ 1ኛ ቆሮንቶስ 12፡23
እናንተም የክርስቶስ አካል ናችሁ እያንዳንዳችሁም ብልቶች ናችሁ። 1ኛ ቆሮንቶስ 12፡27
ነገር ግን እውነትን በፍቅር እየያዝን በነገር ሁሉ ወደ እርሱ ራስ ወደሚሆን ወደ ክርስቶስ እንደግ፤ ከእርሱም የተነሣ አካል ሁሉ እያንዳንዱ ክፍል በልክ እንደሚሠራ፥ በተሰጠለት በጅማት ሁሉ እየተጋጠመና እየተያያዘ፥ ራሱን በፍቅር ለማነጽ አካሉን ያሳድጋል። ኤፌሶን 4፡15-16
ይህን ፅሁፍ ለሌሎች ማካፈል share ማድረግ ቢወዱ
#ኢየሱስ #ጌታ #አካል #ብልት #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #አብርሃም #መንፈስ #መንፈስቅዱስ

ወደ ልዑል እግዚአብሔር እጄን ከፍ አድርጌአለሁ

covenantአብራምም የሰዶምን ንጉሥ አለው፦ ሰማይንና ምድርን ወደሚገዛ ወደ ልዑል እግዚአብሔር እጄን ከፍ አድርጌአለሁ፤ አንተ፦ አብራምን ባለጠጋ አደረግሁት እንዳትል፥ ብላቴኖቹ ከበሉት በቀር ከእኔ ጋር ከሄዱትም ድርሻ በቀር፥ ፈትልም ቢሆን የጫማ ማዘቢያም ቢሆን፥ ለአንተ ከሆነው ሁሉ እንዳልወስድ አውናን ኤስኮልም መምሬም እነርሱ ድርሻቸውን ይውሰዱ። ዘፍጥረት 14፡22-24
እግዚአብሄር አብርሃምን ጠራውና ከእርሱ ጋር ቃልኪዳንን ገባ፡፡
እግዚአብሔርም አብራምን አለው፦ ከአገርህ ከዘመዶችህም ከአባትህም ቤት ተለይተህ እኔ ወደማሳይህ ምድር ውጣ። ታላቅ ሕዝብም አደርግሃለሁ፥ እባርክሃለሁ፥ ስምህንም አከብረዋለሁ፤ ለበረከትም ሁን፤ የሚባርኩህንም እባርካለሁ፥ የሚረግሙህንም እረግማለሁ፤ የምድር ነገዶችም ሁሉ በአንተ ይባረካሉ። ዘፍጥረት 12፡1-3
አብርሃምም አምኖ እግዚአብሄርን ታዘዘ፡፡ ልጁን እስከ መስጠት ድረስ እግዚአብሄርን ተከተለው፡፡
እግዚአብሄር እንደሚባርከው አብርሃም ቅንጣት ጥርጥር አልነበረውም፡፡ አብርሃም ይጠነቀቅ የነበረው የእግዚአብሄር በረከትና የሰው በረከት በህይወቱ እንዳይቀላቀል ብቻ ነበር፡፡
ሰዎች ስጦታ ሊሰጡት ሲመጡ አመጣጣቸውን አይቶ አብራምን ባለጠጋ አደረግሁት የሚሉ አይነት ከሆነ ስጦታቸውን አይቀበልም ነበር፡፡ ምክኒያቱም አብርሃም እግዚአብሄር እንደሚባርከው ምንም ጥርጥር አልነበረውም፡፡ አብርሃም ይጠነቀቅ የነበረው የእግዚአብሄር ቃልኪዳን ሲፈፀም ከሰው ስጦታ ጋር እንዳይቀላቀልበት ነበር፡፡
የአብርሃምን የመበልፀጉን ምስጋና ሰው እንዳይወስድ ይጠነቀቅ ነበር፡፡
አብርሃምን የሚያሳስበው እግዚአብሄር ቃል ኪዳኑን ጠብቆ መባረኩ በፍፁም አልነበረም፡፡ እግዚአብሄር እንደሚባርከው ምንም ጥርጥር አልነበረውም፡፡ አብርሃምን የሚያሳስበው እግዚአብሄር ሲያበለፅገው ሰዎች ክብሩን እንዳይወስዱ ብቻ ነበር፡፡
ሰማይንና ምድርን ወደሚገዛ ወደ ልዑል እግዚአብሔር እጄን ከፍ አድርጌአለሁ፤
አብርሃም ከእግዚአብሄር ጋር የቃልኪዳን አጋር ነውና በአብርሃም መበልፀግ ማንም ምስጋናውንና ክብሩን መውሰድ የለበትም፡፡
ይህን ፅሁፍ ለሌሎች ማካፈል share ማድረግ ቢወዱ
#ኢየሱስ #ጌታ #ልብ #መዳን #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #አብርሃም #መንፈስ #መንፈስቅዱስ
%d bloggers like this: