Category Archives: word

ዓመፀኝነት እንደ ምዋርተኛ

seen by men.jpg

ሳሙኤልም፦ በውኑ የእግዚአብሔርን ቃል በመስማት ደስ እንደሚለው እግዚአብሔር በሚቃጠልና በሚታረድ መሥዋዕት ደስ ይለዋልን? እነሆ፥ መታዘዝ ከመሥዋዕት፥ ማዳመጥም የአውራ በግ ስብ ከማቅረብ ይበልጣል። ዓመፀኝነት እንደ ምዋርተኛ ኃጢአት፥ እልከኝነትም ጣዖትንና ተራፊምን እንደ ማምለክ ነው፤ የእግዚአብሔርን ቃል ንቀሃልና እግዚአብሔር ንጉሥ እንዳትሆን ናቀህ አለ። መጽሐፈ ሳሙኤል ቀዳማዊ 15፡22-23

እግዚአብሄር በቃሉ ፍላጎቱን ግልፅ አድርጓል፡፡

ብዙ ሰዎች እግዚአብሄር ሁልጊዜ በመስዋእት ደስ የሚሰኝ ይመስላቸዋል፡፡ ሁሉም መስዋእት አይደለም እግዚአብሄርን ደስ የሚያሰኘው፡፡ አንዳንዱ መስዋእት እግዚአብሄርን ደስ አያሰኘውም፡፡ ሃይማኖታዊ ስርአት ብቻ ስለሆነ እግዚአብሄር ደስ የሚሰኝበት የሚመስላቸው ሰዎች አሉ፡፡ አንዳንዱ ሃይማኖታዊ ስርአት እግዚአብሄርን ደስ አያሰኘውም፡፡

ሕዝቤ፥ ስማኝ፥ ልንገርህ፤ እስራኤልም፥ ስማኝ፥ ልመስክርብህ፤ አምላክስ እኔ አምላክህ ነኝ። ስለ ቍርባንህ የምዘልፍህ አይደለሁም፤ የሚቃጠል መሥዋዕትህ ሁልጊዜ በፊቴ ነው። ከቤትህ ፍሪዳን ከመንጋህም አውራ ፍየልን አልወስድም፤ የምድረ በዳ አራዊት ሁሉ በሺህ ተራራዎች ያሉ እንስሶችም የእኔ ናቸውና። የሰማይን አዕዋፍ ሁሉ አውቃለሁ፥ የምድረ በዳ አራዊትም በእኔ ዘንድ ናቸው። ብራብም ለአንተ አልነግርህም፥ ዓለምና ሞላው የእኔ ነውና። የፍሪዳውን ሥጋ እበላለሁን? የፍየሉንስ ደም እጠጣለሁን? ሰው በራሱ አነሳሽነት ለእግዚአብሄር ከሚሰጠው መስዋእት ይልቅ እግዚአብሄር የጠየቀውን ነገር የሚታዘዝ ሰው ይበልጣል፡፡ መዝሙረ ዳዊት 50፡7-13

እግዚአብሄ ሰውን የፈጠረው እንዲታዘዘው ነው፡፡ እግዚአብሄር ከሰው የሚፈልገው ውስብስብና ብዙ ነገር አይደለም፡፡ እግዚአብሄር ከሰው የሚጠይቀው ከባድና አስቸጋሪ ነገር አይደለም፡፡ እግዚአብሄ የሚፈልገው የሚያስብለትን እቅድ የሚያወጣለትን አይደለም፡፡ እግዚአብሄር የሚፈልገው ነገሮችን በአዲስ መልክ የሚሰራለትን አይደለም፡፡ እግዚአብሄር አዲስ ነገር የሚፈጥርን ሰው አይደለም፡፡ የሚፈልገው እግዚአብሄር የሚፈልገው መስማትን ነው፡፡ እግዚአብሄር የሚፈልገው ሰምቶት የሚታዘዝን ሰው ነው፡፡

ሰው ሆይ፥ መልካሙን ነግሮሃል፤ እግዚአብሔርም ከአንተ ዘንድ የሚሻው ምንድር ነው? ፍርድን ታደርግ ዘንድ፥ ምሕረትንም ትወድድ ዘንድ፥ ከአምላክህም ጋር በትሕትና ትሄድ ዘንድ አይደለምን? ትንቢተ ሚክያስ 6፡8

እግዚአብሄር የሚታዘዝለትን ሰው ይፈልጋል፡፡ ለእግዚአብሄር መታዘዝ ከመሥዋዕት ይበልጥበታል፡፡ ለእግዚአብሄር ማዳመጥም የአውራ በግ ስብ ከማቅረብ ይበልጥበታል፡፡

እነሆ፥ መታዘዝ ከመሥዋዕት፥ ማዳመጥም የአውራ በግ ስብ ከማቅረብ ይበልጣል። መጽሐፈ ሳሙኤል ቀዳማዊ 15፡22

በተለይ አለመታዘዝ እግዚአብሄርን ያስቆጣዋል፡፡ እግዚአብሄር አለመታዘዝን በቀላሉ አያየውም፡፡ እግዚአብሄር አለመታዘዝን አመጻ ይለዋል፡፡

እግዚአብሀረ ንጉስ ነው፡፡ አለመታዘዝ በእግዚአብሄር ዘንድ ስህተት ብቻ ሳይሆን አፀያፊም ነገር ነው፡፡

ዓመፀኝነት እንደ ምዋርተኛ ኃጢአት፥ እልከኝነትም ጣዖትንና ተራፊምን እንደ ማምለክ ነው፤ የእግዚአብሔርን ቃል ንቀሃልና እግዚአብሔር ንጉሥ እንዳትሆን ናቀህ አለ። መጽሐፈ ሳሙኤል ቀዳማዊ 15፡23

በእግዚአብሄር ፊት አለመታዘዝና ምዋርተኝነት ተመሳሳይ ናቸው፡፡ በእግዚአብሄር ዘንድ እልከኝነትና ጣኦትን ማምለክ አንድ ናቸው፡፡ እግዚአብሄር ዓመፀኝነት ምዋርት የሚያያቸውና የሚፀየፋቸው በእኩል ደረጃ ነው፡፡ እግዚአብሄር እልከኝነትና ጣኦትን ማምለክ የሚቀጣው እኩል ነው ፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#የእግዚአብሄርምክር #የእግዚአብሔርፈቃድ #እግዚአብሔር #እንደተፃፈ #ማታዘዝ #ዓመፀኝነት #ምዋርተኛ #ኃጢአት #እልከኝነትም #ጣዖትንና #ተራፊም #ማምለክ  #መባ #መሥዋዕት #አመፃ #እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

Advertisements

እግዚአብሔር በመሥዋዕት ደስ ይለዋልን?

LambOfSacrifice1.jpg

ሳሙኤልም፦ በውኑ የእግዚአብሔርን ቃል በመስማት ደስ እንደሚለው እግዚአብሔር በሚቃጠልና በሚታረድ መሥዋዕት ደስ ይለዋልን? እነሆ፥ መታዘዝ ከመሥዋዕት፥ ማዳመጥም የአውራ በግ ስብ ከማቅረብ ይበልጣል። መጽሐፈ ሳሙኤል ቀዳማዊ 15:22

እግዚአብሄር ድሃ አይደለም የሚያስፈልገውን ነገር አናቀርብለትም፡፡ እግዚአብሄር የጎደለው አይደለም የሚጎድለውን አናሟላለትም፡፡

የምድረ በዳ አራዊት ሁሉ በሺህ ተራራዎች ያሉ እንስሶችም የእኔ ናቸውና። የሰማይን አዕዋፍ ሁሉ አውቃለሁ፥ የምድረ በዳ አራዊትም በእኔ ዘንድ ናቸው። ብራብም ለአንተ አልነግርህም፥ ዓለምና ሞላው የእኔ ነውና። የፍሪዳውን ሥጋ እበላለሁን? የፍየሉንስ ደም እጠጣለሁን? መዝሙረ ዳዊት 50:10-13

እግዚአብሄር እቅድ የሚያወጣለት ሰው አልፈለገም፡፡ እግዚአብሄር አማካሪ አላስፈለገውም፡፡ እግዚአብሄር ምክር የሚሰጠው ሰው አይፈልግም፡፡ እግዚአብሄር አቅድ የሚያወጣለት ሰው አይፈልግም፡፡ እግዚአብሄር ለእርሱ የሚያስብለት ሰው አይፈደልግም፡፡

ምድር ከመፈጠርዋ በፊት እግዚአብሄር ምድርን ለአላማው ፈጠረ፡፡ እኛ ከመፈጠራችን በፊት ለአላማ ተፈጥረናል፡፡ እግዚአብሄር ስለምድር እቅድ አለው፡፡ እግዚአብሄር ስለምድር የወደፊት ሁኔተ የሚያማክረው ሰው አይፈልግም፡፡ እግዚአበሄር ስለእኛ ህይወት ምክርን የሚለግሰው ሰውን አልፈለገም፡፡

የእግዚአብሔርን መንፈስ ያዘዘ፥ ወይስ አማካሪ ሆኖ ያስተማረው ማን ነው? ወይስ ከማን ጋር ተመካከረ? ወይስ ማን መከረው? የፍርድንም መንገድ ማን አስተማረው? እውቀትንስ ማን አስተማረው? የማስተዋልንስ መንገድ ማን አሳየው?፡13-14

የጌታን ልብ ያወቀው ማን ነው? ወይስ አማካሪው ማን ነበር? ወይስ ብድራቱን ይመልስ ዘንድ ለእርሱ አስቀድሞ የሰጠው ማን ነው? ወደ ሮሜ ሰዎች 11፡34-35

ሰው በራሱ አነሳሽነት እግዚአብሄርን ሊያገለግልበት የሚፈልገውን መንገድ እግዚአብሄር አይወደውም፡፡ ሰው በራሱ አነሳሽነት እግዚአብሄርን ሊያስደስት የሚሄድበትን መንገድ እግዚአብሄር አይፈልገውም፡፡ ሰው በራሱ መንገድ እግዚአብሄርን ለማገልገል መሞከር ባዶ ሃይማኖት ነው፡፡ ሰው በራሱ መንገድ እግዚአብሄርን ለማስደሰት መሞከር ሞኝነት ነው፡፡ ሰው በራሱ መንገድ እግዚአብሄርን ደስ ለማሰኘት መሞከር የእግዚአብሄርን አዋቂነት አለመረዳት ነው፡፡

እግዚአብሄር የራሱ መንገድ አለው፡፡ እግዚአብሄር ሊመለክ የሚፈልገው በራሱ መንገድ ነው፡፡ እግዚአብሄር እንድታስደስቱት የሚፈልገው በራሱ መንገድ ነው፡፡

እግዚአብሄር ሰውን የፈጠረው መሪ ፈልጎ አይደለም፡፡ እግዚአብሄር ሰውን የፈጠረው ታዛዠ ፈልጎ ነው፡፡ እግዚአብሄር ሰውን የፈጠረው አዲስ ነገር አንዲፈጥርለት አይደለም፡፡ እግዚአብሄር ሰውን የፈጠረው ያዘዘውን እንዲያደርግ ነው፡፡

በራሳችሁ አነሳሽነት ለእግዚአብሄር ከምታደርጉለት ነገር በላይ ያዘዛችሁን ነገር ብታደርጉ ይበልጥበታል፡፡ ለእግዚአብሄር ትልቅ ነገር ከምታደርጉለት ያዘዛችሁን ትንሽዋን ነገር ብታደርጉለት ይመርጣል፡፡ ለእግዚአብሄር ልዩ ነገር ከምታደርጉለት እርሱ እንድታደርጉለት የፈለገውን ያንኑ ነገር ብታደርጉለት ይሻለዋል፡፡ ለእግዚአብሄር መልካም የሚመስለውን ነገር ከምታደርጉ እርሱ ያዘዘውን ነገር ብታደርጉ ይመረጣል፡፡

ሳኦል እግዚአብሄር ሲልከው ከብቶቹን ሁሉ ግደል ምንም ነገር እንዳታስቀረ ሁሉን አጥፋ ብሎ ነው፡፡ ሳኦል ግን ጠቢብ የሆነ መሰለው፡፡ ሳኦል ግን ከእግዚአብሄር በላይ አስተዋይ የሆነ መሰለው፡፡ ሳኦል ግን ከእግዚአብሄር የተሻለ ሃሳብ ያገኘ መሰለው፡፡ ሳኦል ግን አንድ አዲስ ሃሳብ መጣለት፡፡ ሳኦል ግን እግዚአብሄርን ማስደነቅ ፈለገ፡፡ ስለዚህ ሳኦል ለእግዚአብሄር የሚሰዋውን መርጦ በማስቀረት አታድርግ የተባለውን ነገር አደረገ፡፡ ሳኦል እግዚአብሄር ባልጠየቀው ነገር ሊያስደስተው ፈለገ፡፡

በዚህ አግዚአብሄር ጎሽ አላለውም፡፡ በዚህ እግዚአብሄር ተቆጣ፡፡ እግዚአብሄርን አለመታዘዝ እንደሟርተኛ ሃጢያት እንደሆነ እግዚአብሄር በነቢዩ ተናገረ፡፡

ዓመፀኝነት እንደ ምዋርተኛ ኃጢአት፥ እልከኝነትም ጣዖትንና ተራፊምን እንደ ማምለክ ነው፤ የእግዚአብሔርን ቃል ንቀሃልና እግዚአብሔር ንጉሥ እንዳትሆን ናቀህ አለ። መጽሐፈ ሳሙኤል ቀዳማዊ 15:፡23

 

አሁንም ብዙ ሰዎች እግዚአብሄር እንዲያደርጉ የጠየቃቸው ነገር ቀላል ሆኖባቸዋል፡፡ ምንም ቀላል ቢመስል እግዚአብሄር የተናገረህን ከማድረግ ሌላ አማራጭ የለም፡፡ አሁንም እግዚአብሄር የፈለገባቸውን ትተው የተሻለ ነው ብለው የሚያስቡትን ነገር የሚያደርጉ ሰዎች አሉ፡፡ አሁንም ብዙዎች እግዚአብሄርን ከመታዘዝ ይልቅ መስዋእት በማቅረብ እግዚአብሄርን ሊያስደንቁት የሚጥሩ ሰዎች አሉ፡፡ አሁንም እግዚአብሄርን ከመታዘዝ ይልቅ በራሳቸው መንገድ እግዚአብሄርን ለማገልገል በመሞከር ህይወታቸውን በከንቱ የሚያባክቡ ሰዎች አሉ፡፡

አልሁም፦ ቃሌን ስሙ፥ ያዘዝኋችሁንም ሁሉ አድርጉ፤ እንዲሁም እናንተ ሕዝብ ትሆኑኛላችሁ እኔም አምላክ እሆናችኋለሁ። ትንቢተ ኤርምያስ 11፡4

እግዚአብሄር ሰው አይደለም፡፡ እግዚአብሄር ሰርፕሪዝ አይደረግም፡፡ እግዚአብሄር ሰርፕራዝ የሚያደርገው ሰው አይፈልግም፡፡ እግዚአብሄር የሚፈልገው ያለውን የሚሰማና የሚያደርግን ሰው ነው፡፡

ሳሙኤልም፦ በውኑ የእግዚአብሔርን ቃል በመስማት ደስ እንደሚለው እግዚአብሔር በሚቃጠልና በሚታረድ መሥዋዕት ደስ ይለዋልን? እነሆ፥ መታዘዝ ከመሥዋዕት፥ ማዳመጥም የአውራ በግ ስብ ከማቅረብ ይበልጣል። መጽሐፈ ሳሙኤል ቀዳማዊ 15:22

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#የእግዚአብሄርምክር #የእግዚአብሔርፈቃድ #እግዚአብሔር #እንደተፃፈ #ማታዘዝ #ዓመፀኝነት #ምዋርተኛ #ኃጢአት #እልከኝነትም #ጣዖትንና #ተራፊም #ማምለክ  #መባ #መሥዋዕት ##እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

የእግዚአብሔር ቃል ሙላት

conscious.jpg

የእግዚአብሔር ቃል በሙላት ይኑርባችሁ፤ በጥበብ ሁሉ እርስ በርሳችሁ አስተምሩና ገሥጹ፤ በመዝሙርና በዝማሬ በመንፈሳዊም ቅኔ በጸጋው በልባችሁ ለእግዚአብሔር ዘምሩ፤ ወደ ቆላስይስ ሰዎች 3፡16

እግዚአብሄርን የምናውቀው በቃሉ ነው፡፡ እግዚአብሄርን የምንሰማው በቃሉ ነው፡፡ ከእግዚአብሄር ጋር የምንራመደው በቃሉ ነው፡፡ እምነት የሚመጣው በቃሉ ነው፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ወደ ሮሜ ሰዎች 10፡17

ካለ እምነት እግዚአብሄርን ደስ ማሰኘት አይቻልም፡፡ እምነት የሚመጣበት ቃሉ በሙላት ሲኖርብን እምነታችን ይሞላል፡፡ ቃሉ በህይታችን ሲጎድል እምነታችን ይጎድላል፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ወደ ዕብራውያን 11፡6

ፍሬ የምናፈራው በቃሉ ነው፡፡ ቃሉ በህይወታችን ከጎደለ ፍሬያችን ይጎድላል፡፡ ቃሉ በሙላት ሲኖርብን ፍሬያችን ሙሉ ይሆናል፡፡

አእምሮዋችን የሚታደሰው በቃሉ ነው፡፡ ቃሉ በህይወታችን ሲጎድል የአእምሮዋችን አዲስነት ይጎድላል፡፡ ቃሉ በሙላት ሲኖርብን አእምሮዋችን በሙላት ይታደሳል፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ወደ ሮሜ ሰዎች 12፡2

የእግዚአብሄር ቃል እውቀት በህይወታችን ሲጎድል የእግዚአብሄር ፀጋ በህይወታችን ይጎድላል፡፡ የእግዚአብሄር ቃል በህይወታችን ሲበዛ የእግዚአብሄር ፀጋ በህይወታችን ይበዛል፡፡

የመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ የጴጥሮስ መልእክት 1፡2-3

የእግዚአብሄር ቃል ከህይወታችን ሲጎድል ነፃነታችን ይጎድላል፡፡ የእግዚአብሄር ቃል በህይወታችን ሲበዛ ነፃነታችን ይበዛል፡፡

ኢየሱስም ያመኑትን አይሁድ፦ እናንተ በቃሌ ብትኖሩ በእውነት ደቀ መዛሙርቴ ናችሁ፤ እውነትንም ታውቃላችሁ እውነትም አርነት ያወጣችኋል አላቸው። የዮሐንስ ወንጌል 8፡31-32

የእግዚአብሄር ቃል በህይወታችን ሲጎድል ህይወታችን ሙላትን ያጣል፡፡ የእግዚአብሄር ቃል በሙላት ሲኖርብን ህይወታችን ሙሉ ይሆናል፡፡

ሕይወትን የሚሰጥ መንፈስ ነው፤ ሥጋ ምንም አይጠቅምም፤ እኔ የነገርኋችሁ ቃል መንፈስ ነው ሕይወትም ነው። የዮሐንስ ወንጌል 6፡63

ስለዚህ ነው ለእግዚአብሄር ቃል በህይወታችን የመጀመሪያውን ስፍራ በመስጠት ፣ መፈለግ ፣ ማንበብና መስማት ማሰላሰል ያለብን፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ሙላት #መዳን #ኢየሱስ #ጌታ #እግዚአብሔር #ቃል #መልካም #መታዘዝ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ነፃነት #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፀጋ #ሰላም #ልጅ

ቃሉን ለመታዘዝ የሚጠቅሙ አራቱ ቁልፎች

conscious.jpg

የእግዚአብሄር ቃል ከመተግበር ውጭ ቃሉን ብአቻ መስማት ምንም ጥቅም አያስገኝም፡፡ ሰውን ወደነኛነት የሚወስደው የእግዚአብሄርን ቃል ማድረግ ብቻ ነው፡፡ የእግዚአብሄር ቃል ከማድረግ ውጭ ሌላ አማራጭ ቢኖር ደስ ይለን ነበር፡፡ ነገር ግን ለነፃነት የእግዚአብሄርን ቃል ማድረግ ብቸኛ አማራጭ ነው፡፡

ነገር ግን ነጻ የሚያወጣውን ፍጹሙን ሕግ ተመልክቶ የሚጸናበት፥ ሥራንም የሚሠራ እንጂ ሰምቶ የሚረሳ ያልሆነው፥ በሥራው የተባረከ ይሆናል። የያዕቆብ መልእክት 1፡25

የእግዚአብሄርን ቃልን እንዴት እንደምንተገብረው ከቃሉ መረዳት ህይወታችንን ወደ እረፍት ያስገባዋል፡፡

  1. እግዚአብሄር በእኛ ደስታ መሆኑን አለመርሳት

 

እግዚአብሄር ለእኛ ነው፡፡ እግዚአብሄር በእኛ ደስተኛ ነው፡፡ እግዚአብሄ ልጁን ኢየሱስ ክርስቶስን በመቀበላችን ደስተኛ ነው፡፡ እግዚአብሄር እኛን የሚያየን በልጁ በክርስቶስ ነው፡፡ እግዚአብሄር በእኛ ይተማመናል፡፡ እግዚአብሄር በእኛ ደስተኛ ነው፡፡ እግዚአብሄር ከተሳሳትንና ካሳዘንነው ይናገረናል፡፡ ሰው እግዚአብሄር በእርሱ ደስተኛ እንደሆነ ካወቀ ለተጨማሪ ነገር ይነሳሳል፡፡

 

የእግዚአብሔር ልጆች ተብለን ልንጠራ አብ እንዴት ያለውን ፍቅር እንደ ሰጠን እዩ፥ እንዲሁም ነን። ስለዚህ ምክንያት ዓለም እርሱን ስላላወቀው እኛን አያውቀንም። 1ኛ የዮሐንስ መልእክት 3፡1

 

  1. ያልተረዳነውን ለመፈፀም አለመሞከር

 

እንድንተገብራቸው እግዚአብሄር የሚጠብቅብን የእግዚአብሄር ቃል የተረዳነውን ብቻ ነው፡፡ የመፅሃፍ ቅዱስን ትልቅነትና  የእግዚአብሄርን ትእዛዝ ብዛት ስንመለከት ይህን ሁሉ ትዛዛት ጠብቀን እግዚአብሄርን ማስደሰት እንችላለን ብለን እናስባለን፡፡ እግዚአብሄርን ማስደሰት ይቻላል፡፡ እግዚአብሄርን ለማስደሰት በተረዳነው መጠን ብቻ እግዚአብሄርን መታዘዝ ይኖርብናል፡፡

በተረዳነው መጠን እንጂ ከተረዳነው መጠን በላይ እንድንኖር እግዚአብሄር አይጠብቅብንም፡፡ ከተረዳነው መጠን በላይ እንዳልኖርን የሚከሰን ሰይጣን ነው፡፡

 

እንግዲህ ፍጹማን የሆንን ሁላችን ይህን እናስብ፤ በአንዳች ነገርም ልዩ አሳብ ቢኖራችሁ፥ እግዚአብሔር ይህን ደግሞ ይገልጥላችኋል፤ ሆኖም በደረስንበት በዚያ እንመላለስ። ወደ ፊልጵስዩስ ሰዎች 3፡15-16

 

ከእኛ የሚጠበቀው የተሰጠን ብቻ ነው፡፡

 

የጌታውንም ፈቃድ አውቆ ያልተዘጋጀ እንደ ፈቃዱም ያላደረገ ያ ባሪያ እጅግ ይገረፋል፤ ያላወቀ ግን መገረፍ የሚገባውንም ያደረገ ጥቂት ይገረፋል። ብዙም ከተሰጠው ሰው ሁሉ ከእርሱ ብዙ ይፈለግበታል፥ ብዙ አደራም ከተሰጠው ከእርሱ አብዝተው ይሹበታል። የሉቃስ ወንጌል 12፡47-48

 

  1. ቃሉን ማሰላሰል

 

ቃን ማሰላሰል ቃሉን ለመፈፀም ሃይልን ይሰጣል፡፡ ቃሉን የሚያሰላስል ሰው ቃሉን ከማያሰላስለው ሰው በላይ ቃሉን ለመፈፀም ሃይልን ያገኛል፡፡

 

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። መጽሐፈ ኢያሱ ወልደ ነዌ 1፡8

 

  1. ከቃሉ ተቃራኒ ነገር ላለመሰማት መጠንቀቅ

 

ቃሉ ማሰላሰል ቃሉን ለማድረግ ጉልበት እንደሚሰጠው ሁሉ ከቃሉ የተቃራኒ ነገር ማሰላሰል ፍርሃትን ውስጥ ይከታል፡፡ እንደቃሉ ያለሆነን ነገር መስማትና ማሰብ ቃሉን የመፈፀም አቅማችንን ያዳክማል፡፡ ከቃሉ ሀጋር የነማይሄድን ነገር ማሰላሰል ጥርጣሬን ይጨምራል፡፡

 

እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። የማርቆስ ወንጌል 11፡23

 

ነገር ግን በምንም ሳይጠራጠር በእምነት ይለምን፤ የሚጠራጠር ሰው በነፋስ የተገፋና የተነቃነቀ የባሕርን ማዕበል ይመስላልና። የያዕቆብ መልእክት 1፡6

 

በመጨረሻም ስለደረስንበት ደረጃ እግዚአብሄርን ማመስገን ይገባናል፡፡ ሰይጣን የእግዚአብሄርን ቃል ስለመጠበቅ ተስፋ ሊያስቆርጠን ይፈልጋል፡፡ ለሰይጣን ምንም ብናደርግ በቂ አይደለም፡፡ ለሰይጣን መቼም ብቁ አይደለንም፡፡ ለእግዚአብሄር ግን በቂ ነን፡፡ እግዚአብሄር በተቃራኒው ካልተናገረን ስራችንን ተቀብሎታል፡፡ በደረስንበት ቃሉ የመፈፀም ደረጃ ደስተኛ ልንሆን ያስፈልጋል፡፡

 

ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ወደ ተሰሎንቄ ሰዎች 5፡17-18

 

ደግሞም ሰው ሁሉ ይበላና ይጠጣ ዘንድ በድካሙም ሁሉ ደስ ይለው ዘንድ የእግዚአብሔር ስጦታ ነው። መጽሐፈ መክብብ 9፡7

እግዚአብሔር ሥራህን ተቀብሎታልና ሂድ፥ እንጀራህን በደስታ ብላ፥ የወይን ጠጅህንም በተድላ ጠጣ። መጽሐፈ መክብብ 9፡7

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍሬያማነት #ፍሬ #ማፍራት #ስኬት #በእኔኑሩ #ቃል #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መመዘኛ #መስፈርት #ፅናት #ትግስት #መሪ

ነገር ግን በቃልህ

bg-6-1.jpg

ዓሣ አጥማጆች ግን ከእነርሱ ውስጥ ወጥተው መረቦቻቸውን ያጥቡ ነበር። ነገሩንም ከጨረሰ በኋላ፥ ስምዖንን፦ ወደ ጥልቁ ፈቀቅ በል መረቦቻችሁንም ለማጥመድ ጣሉ አለው። ስምዖንም መልሶ፦ አቤቱ፥ ሌሊቱን ሁሉ አድረን ስንደክም ምንም አልያዝንም፤ ነገር ግን በቃልህ መረቦቹን እጥላለሁ አለው። የሉቃስ ወንጌል 5፡2፣4-5

ጴጥሮስ የዘመናት ልምዱን ሁሉ ተጠቅሞ በዚያ ሌሊት አሳ ሊያጠምድ ሲሞክር አድሯል፡፡ ነገር ግን ምንም አሳ ሊያጠምድ አልቻለም፡፡ ጴጥሮስ አሳ ማጥመድ የጀመረው ኢየሱስ ባናገረው ጊዜ አይደለም፡፡ ጴጤሮስ አሳ ማጥመድ የጀመረው ሌሊቱ ሲጀምር ነው፡፡ ጴጥሮስ ጴጥሮስ አሳ ማጥመድ መሞከር የጀመረው አሳ ይገኝበታል ብሎ የሚያስበው ምቹ ጊዜ ነበር፡፡ ነገር ግን አሳ ማጥመድ አልቻለም፡፡

ጴጥሮስ ሰነፍ አይደለም፡፡ ጴጥሮስ ሌሊቱን ሙሉ ሲሞክር ነበር፡፡ ነገር ግን አሳ ሊያጠምድ አልቻለም፡፡ ጴጥሮስ አሳ ለማጥመድ አለ የሚባለውን መንገድ ሁሉ ሞክሯል፡፡ ጴጥሮስ አሳ ለማጥመድ ያለውን እውቀት ሁሉ አንጠፍጥፎ ተጠቅሞዋል፡፡ ጴጥሮስ አሳ ለማጥመድ ያለውን ጉልበት ሁሉ ተጠቅሞ ሞክሮ አሳ ማጥመድ ግን አልተሳካለትም፡፡ ጴጥሮስ አሳ ለማጥመምድ ጊዜ ሰጥቶ ጠብቆ ሞክሯል ነገር ግን አልቻለም፡፡

ጴጥሮስ አሳ ለማጥመድ መሞከር ደክሞታል ሰልችቶታል፡፡ ለጴጥሮስ አንድ ተጨማሪ አሳ የማጥመድ ሙከራ ማድረግ ጉልበትንና ጊዜን ማባከን ነው፡፡

ያለፈበት የአሳ ማጥመድ ልምድ ሁሉ የሚነግረው አይቻልም ነው፡፡ ያለፈው ሌሊት ሁሉ አሳ ማጥመድ እንደማይቻል አስተምሮታል፡፡ ያለውን እውቀት ሁሉ ተጠቅሞ አሳ ማጥመድ ባለመቻሉ አሳ ለማጥመድ የሚያስችል የቀረው አንድም እውቀት አልነበረም፡፡

ኢየሱስ መረብህን ጣል ሲለው “ነገር ግን” ያለው ለዚያ ነው፡፡

ስምዖንም መልሶ፦ አቤቱ፥ ሌሊቱን ሁሉ አድረን ስንደክም ምንም አልያዝንም፤ ነገር ግን . . . የሉቃስ ወንጌል 5፡5

እኛም አንዳንድ ጊዜ በህይወት እንደዚህ አይነት ደረጃ ላይ እንደርሳለን፡፡ እግዚአብሄር እንደሚመራን እምነን ያደረግናቸው ነገሮች ሁሉ ወደውጤት እንዲመጡ አሁንም አንድ ተጨማሪ ነገር እንድናደርግ ይጠብቁብናል፡፡ ጨረስን ያላደረግነው ምንም ነገር የለም ስንል ይህንን አድርግ የሚል የእግዚአብሄር ድምፅ ይመጣል፡፡

ፀልየን ፀልየን ፀልየን አንድ ተጨማሪ ፀሎት ለመፀለይ ጉልበት ያጥረናል፡፡

የእግዚአብሄር ቃል ግን እስኪመለስ እንድንፀልይና እግዚአብሄን በማመን እንድንቀጥል ያስተምረናል፡፡

ለምኑ፥ ይሰጣችሁማል፤ ፈልጉ፥ ታገኙማላችሁ፤ መዝጊያን አንኳኩ፥ ይከፈትላችሁማል። የሚለምነው ሁሉ ይቀበላልና፥ የሚፈልገውም ያገኛል፥ መዝጊያንም ለሚያንኳኳ ይከፈትለታል። የማቴዎስ ወንጌል 7፡7-8

እግዚአብሔር እንኪያስ ቀንና ሌሊት ወደ እርሱ ለሚጮኹ ለሚታገሣቸውም ምርጦቹ አይፈርድላቸውምን? እላችኋለሁ፥ ፈጥኖ ይፈርድላቸዋል። ነገር ግን የሰው ልጅ በመጣ ጊዜ በምድር እምነትን ያገኝ ይሆንን? የሉቃስ ወንጌል 18፡7-8

በተስፋ ደስ ይበላችሁ፤ በመከራ ታገሡ፤ በጸሎት ጽኑ፤ ወደ ሮሜ ሰዎች 12፡12

እግዚአብሄርን አመስግነን አመስግነን አመስግነን ከምናልፍበት አስቸጋሪ ነገር አንፃር አንድ ተጨማሪ ምስጋናን ለማመስገን ይደክመናል፡፡

እግዚአብሄር ቀል ግን የተሰማን ጊዜው ሳይሆን ባልተሰማን ጊዜ የደስታ ምስጋና ሳይሆን የምስጋና መስዋእት እንድንሰዋ ይፈልጋል፡፡

ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ወደ ተሰሎንቄ ሰዎች 5፡17-18

ሃዋሪያው ጳውሎስ አንድ ቀን ከመራብ ከመጠማት ከመራቆት ከመንከራተት እናመልጣለን ብሎ ጠብቆ እንደነበር እስከ አሁን እንራባለን እስከዚህ ሰዓት እንራባለን፥ እንጠማለን፥ እንራቆታለን፥ እንጐሰማለን፥ እንንከራተታለን የሚለው ንግግሩ ይመሰክራል፡፡

እስከዚህ ሰዓት ድረስ እንራባለን፥ እንጠማለን፥ እንራቆታለን፥ እንጐሰማለን፥ እንንከራተታለን፥ 1ኛ ወደ ቆሮንቶስ ሰዎች 4፥11

 

እግዚአብሄርን አምልከን አምልከን አምልከን አንድ ተጨማሪ አምልኮ ለማምለክ ይታክተናል፡፡ ለእኛ ግን በዚህ ከተማ የለንም ወደእውነተኛ አገራችን እስክንሄድ እግዚአብሄርን በሁለንተናችን እናመልካለን፡፡

እንግዲህ ዘወትር ለእግዚአብሔር የምስጋናን መሥዋዕት፥ ማለት ለስሙ የሚመሰክሩ የከንፈሮችን ፍሬ፥ በእርሱ እናቅርብለት። ወደ ዕብራውያን 13፡15

የእምነት አርምጃን ተራምደን ተራምደን ተራምደን ጉልበት ያጥረናል፡፡

እግዚአብሄር ግን የሚፈልገው በእምነት እንድንጸፀና ነው፡፡ የእግዚአብሄርን ፈቃድ ማድረጋችን በማድረግም መፅናታችን ለክንውን ያደርሰናል፡፡

የእግዚአብሔርን ፈቃድ አድርጋችሁ የተሰጣችሁን የተስፋ ቃል እንድታገኙ መጽናት ያስፈልጋችኋልና። ወደ ዕብራውያን 10፡36

በክርስቶስ ፍሬ የምናፈራው ባለማቋረጥ በመቀጠል በመኖር ነው፡፡

በእኔ ኑሩ እኔም በእናንተ። ቅርንጫፍ በወይኑ ግንድ ባይኖር ከራሱ ፍሬ ሊያፈራ እንዳይቻለው፥ እንዲሁ እናንተ ደግሞ በእኔ ባትኖሩ አትችሉም። የዮሐንስ ወንጌል 15፡4

ነገር ግን ውጤት የሚያመጣው የእግዚአብሄር ቃል በማድረግ መፅናታችን ነው፡፡ ውጤት የሚመጣው ባለማቆማችን ነው፡፡ ውጤት የሚመጣው በመግፋታችን ነው፡፡ ውጤት የሚመጣው በመፅናታችን ነው፡፡

ቃሉን የምንታዘዘው አእምሮዋችንን ሁሉ ፀጥ አሰኝተን ነው፡፡ ቃሉን የምንታዘዘው ልምዳችንን ሳንሰማ እና ሳንከተል ነው፡፡ ቃሉን የምንታዘዘው የሁኔታዎችን ሁሉ ጩኸት ባለመስማት ነው፡፡

ስምዖንም መልሶ፦ አቤቱ፥ ሌሊቱን ሁሉ አድረን ስንደክም ምንም አልያዝንም፤ ነገር ግን በቃልህ መረቦቹን እጥላለሁ አለው። የሉቃስ ወንጌል 5፡5

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍሬያማነት #ፍሬ #ማፍራት #ስኬት #በእኔኑሩ #መቀጠል #መፅናት #ቃል #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መመዘኛ #መስፈርት #ፅናት #ትግስት #መኖር

ሰዎች ሁሉ የሚያውቁትና የሚያነቡት መልእክታችን

conscious.jpgእንደ ገና ራሳችንን ልናመሰግን እንጀምራለንን? ወይስ እንደ ሌሎች የማመስገኛ መልእክት ወደ እናንተ ወይስ ከእናንተ ያስፈልገን ይሆንን? ሰዎች ሁሉ የሚያውቁትና የሚያነቡት በልባችን የተጻፈ መልእክታችን እናንተ ናችሁ። እናንተም በሕያው እግዚአብሔር መንፈስ እንጂ በቀለም አይደለም፥ ሥጋ በሆነ በልብ ጽላት እንጂ በድንጋይ ጽላት ያልተጻፈ፥ በእኛም የተገለገለ የክርስቶስ መልእክት እንደ ሆናችሁ የተገለጠ ነው። 2ኛ ቆሮንቶስ 3፡1-3

እንደ ቃል አገልጋይ የአገልግሎት ስራችን የሚመዘነው በውጤት ነው፡፡ የቃል አገልጋይነት ሊመዘን የማይችል ረቂቅ ሚስጥር አይደለም፡፡ የቃል አገልጋይነት ፍሬ ሊደረስበት የማይችል ስውር ሚስጥር አይደለም፡፡

የአገልግሎት ውጤታችን ደግሞ የሚለካው በአገለገልነው ሰው ብዛት አይደለም፡፡ የአገልጋይ የአገልግሎት ስኬታማነት የሚለካው በቤተክርስትያኑ ህንፃ ማማር አይደለም፡፡ የአገልግሎት ስምረት የሚለካው ቤተክርስትያን ባከማቸችው የገንዘብ መጠን አይደለም፡፡ የቤተክርስትያን ስኬት የሚለካው በቤተክርስትያን ዝና መጠን አይደለም፡፡

የሚገለገል ሰው ሲበዛ ተፅእኖዋችን ይባዛል ነገር ግን የሚያስፈልግው ነገር ተፅእኖ ነው፡፡ የሰው መብዛት ብቻ ስለተፅእኖ ሊናገር አይችልም፡፡ ሁላችንም የሚያምር ነገር እንፈልጋለን፡፡ የምንሰበሰብበት የቤተክርስትያን ህንፃ ቢያምርና ምቹ ቢሆን መልካም ነው፡፡ ነገር ግን የምንሰበሰብበት አላማ ግቡን ካልመታ ከንቱ ነው፡፡ ለአገልግሎት ገንዘብ ያስፈልጋል፡፡ ነገር ግን የገንዘብ መኖር የአገልግሎታችንን ግብ መምታት አያሳይም፡፡ ገንዘቡን ለአገልግሎት አላማ ካልዋለ ከንቱ ነው፡፡

የአገልግሎት አላማ የእግዚአብሄርን ቃል በሰው ውስጥ መቅረፅ ነው፡፡ የአገልግሎት አላማ ሰዎች የእግዚአብሄርን ቃል እንዲረዱ መስበነክና ማስተማር ነው፡፡ የአገልግሎት አላማ ሰዎች የእግዚአብሄርን ቃል እንዲያደርጉ የሚያስችላቸውን እውቀት መስጠት ነው፡፡ የአገልግሎት አላማ የሰዎች ህይወትይ በእግዚአብሄር ቃል መለወጡ ነው፡፡ የአገልግሎት አላማ ሰዎች በእግዚአብሄር ቃል ሲኖሩ ማየት ነው፡፡

የአገልግሎት አላማ ሰዎች ሁሉ በግልፅ የሚያነቡትን መንፈሳዊ ህይወትን በሰዎች ውስጥ ማሳደግ ነው፡፡ የአገልግሎት አላማ ሰዎች ሁሉ የሚያነቡትን በቃሉ የተነካን ልብ መፍጠር ነው፡፡ የአገልግሎት አላማ ሰዎች ሁሉ ሊያዪ የሚችሉትን በልብ ላይ የተፃፈ የእግዚአብሄርን ቃል አሻራ መተው ነው፡፡

ስለአገልግሎታችን መመስከር ያለበት የተለወጠ ሰው ነው፡፡ ስለእኛ አገልግሎት መልእክት ማስተላለፍ ያለበት በስብከታችን እና በትምህርታችን የተለወጡ ሰዎች የህይወት እርምጃ ነው፡፡ ስለአገልግሎታችን መናገር ያለበት የሰዎች ህይወት ለጌታ መሰጠትና ንፅህና ነው፡፡ ስለአገልግሎታችን መመስከር ያለበት በጌታ ኢየሱስ የተነካ የሰዎች ህይወት ነው፡፡

የእኛ የምስጋና ደብዳቤ በእጅ የተፃፈ ደብዳቤ ሳይሆን በእግዚአብሄር ቃል የተቀረፀ የሰዎች ህይወት ነው፡፡ የእኛ የምስጋና ደብዳቤ በእግዚአብሄር ቃል የተለወጠ የሰዎች መንፈሳዊ ህይወት ነው፡፡ የእኛ የምስጋና ደብዳቤ ሰዎች ሁሉ ሊያነቡት የሚችሉት የተለወጡ ሰዎች የክርስትና ህይወት ነው፡፡

እንደ ገና ራሳችንን ልናመሰግን እንጀምራለንን? ወይስ እንደ ሌሎች የማመስገኛ መልእክት ወደ እናንተ ወይስ ከእናንተ ያስፈልገን ይሆንን? ሰዎች ሁሉ የሚያውቁትና የሚያነቡት በልባችን የተጻፈ መልእክታችን እናንተ ናችሁ። እናንተም በሕያው እግዚአብሔር መንፈስ እንጂ በቀለም አይደለም፥ ሥጋ በሆነ በልብ ጽላት እንጂ በድንጋይ ጽላት ያልተጻፈ፥ በእኛም የተገለገለ የክርስቶስ መልእክት እንደ ሆናችሁ የተገለጠ ነው። 2ኛ ቆሮንቶስ 3፡1-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #አገልጋይ #መንፈስቅዱስ #ምስክር #ልብ #መሪ

ከአፌ የሚወጣ ቃሌ የምሻውን ያደርጋል የላክሁትንም ይፈጽማል

1 (2).jpgዝናብና በረዶ ከሰማይ እንደሚወርድ፥ ምድርን እንደሚያረካት፥ ታበቅልና ታፈራም ዘንድ እንደሚያደርጋት፥ ዘርንም ለሚዘራ እንጀራንም ለሚበላ እንደሚሰጥ እንጂ ወደ ሰማይ እንደማይመለስ፥ ከአፌ የሚወጣ ቃሌ እንዲሁ ይሆናል፤ የምሻውን ያደርጋል የላክሁትንም ይፈጽማል እንጂ ወደ እኔ በከንቱ አይመለስም። ኢሳያስ 55፡10-11

እግዚአብሄር በየጊዜው ይናገራል፡፡ እግዚአሄር የተናገረውን ደግሞ ያደርጋል፡፡ ሃይል የእግዚአብሄር ነው፡፡

እግዚአብሔር አንድ ጊዜ ተናገረ፥ እኔም ይህን ብቻ ሰማሁ፤ ኃይል የእግዚአብሔር ነው፥ መዝሙር 62፡11

እግዚአብሄር የሚናገረው ነገር ሁሉ በጊዜው ባይመስልም ይፈፀማል፡፡

እኔ እግዚአብሔር ነኝ፤ እናገራለሁ የምናገረውም ቃል ይፈጸማል፥ ደግሞም አይዘገይም፤ እናንተ ዓመፀኛ ቤት ሆይ፥ በዘመናችሁ ቃሌን እናገራለሁ እፈጽመውማለሁ፥ ይላል ጌታ እግዚአብሔር፡፡ ሕዝቅኤል 12፡25

ሰዎች ሲፈሩ ይዋሻሉ፡፡ ወይም ሰዎች ሰውን በከንቱ ለማበረታታት ይዋሻሉ፡፡ እግዚአብሄር ግን የሚፈራው የለም፡፡ እግዚአብሄር ካለ ይሆናል፡፡ ሰዎች ለሰዎች ይዋሻሉ፡፡ እግዚአብሄር ግን አይዋሽም፡፡ ጌታ እውነተኛ አምላክ ነው፡፡ እግዚአብሄር ለመናገር ብቻ ብሎ የሚናገር አምላክ አይደለም፡፡ ወይም እግዚአብሄር በስሜት ውስጥ ሆኖ ተናግሮ አይፀፀትም፡፡

ሐሰትን ይናገር ዘንድ እግዚአብሔር ሰው አይደለም፥ ይጸጸትም ዘንድ የሰው ልጅ አይደለም። እርሱ ያለውን አያደርገውምን? የተናገረውንስ አይፈጽመውምን? ዘኍልቍ 23፡19

እግዚአብሄር ተናገረ ማለት ሆነ ማለት ነው፡፡

እርሱ ተናግሮአልና፥ ሆኑም፤ እርሱ አዘዘ፥ ጸኑም። መዝሙር 33፡9

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #ታላቅ #ድንቅ #ልዩ #ግሩም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

አንተ የምትወደው እንጂ እኔ የምወደው አይሁን

your will.jpgጥቂትም ወደ ፊት እልፍ ብሎ በፊቱ ወደቀና ሲጸልይ፦ አባቴ፥ ቢቻልስ፥ ይህች ጽዋ ከእኔ ትለፍ፤ ነገር ግን አንተ እንደምትወድ ይሁን እንጂ እኔ እንደምወድ አይሁን አለ። ማቴዎስ 26፡39

ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። ሉቃስ 22፡42

አባ አባት ሆይ፥ ሁሉ ይቻልሃል፤ ይህችን ጽዋ ከእኔ ውሰድ፤ ነገር ግን አንተ የምትወደው እንጂ እኔ የምወደው አይሁን አለ። ማርቆስ 14፡36

እኛ ለእግዚአብሄር ክብር ለመኖር የተጠራን ሁላችን ለእግዚአብሄር መኖር እንፈልጋላን፡፡ ኢየሱስን ስንከተል ለክብሩ ለመኖር ወስነን ነው፡፡ ኢየሱስን የተከተልነው ለሞተልንና ለተነሳው ለኢየሱስ እንጂ ወደፊት ለራሳችን ላለመኖር ነው፡፡

በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ።  2ኛ ቆሮንቶስ 5፡15

በተለያየ ጊዜያት በህይወታችን የተለያዩ ምርጫዎች ይቀርቡልናል፡፡ በተለይ ኢየሱስን በሁለንተናችን ለመከተል የወሰንንእኛ ክርስትያኖች በየጊዜው የእኛ ፍላጎትና የእግዚአብሄር ፍላጎት ሲለያይ እንመለከታለን፡፡ በህይወት ጉዞዋችን እኛ የምንፈቅደውና እግዚአብሄር የሚፈቅደው በፊታችን እንደምርጫ ሲቀርብልን እናገኛለን፡፡፡ እኛ በህይወታችን እንዲሆን የምንወደው ነገር እግዚአብሄር የማይወደው ነገር ይሆንና እጅግ እንጨነቃለን፡፡ ወይም እኛ የማንወደው ነገርን እግዚአብሄር ይህንን እወዳለሁ ሲለን የእግዚአብሄርን ወይም የእኛን ለመምረጥ በውሳኔ መካከል ራሳችንን እናገኛለን፡፡

የራሳችንን ፈቃድ መከተል ለጊዜው ደስ ይል ይሆናል እንጂ ዘለቄታዊነት የለውም፡፡ የራሳችንን ፍላጎት መከተል እኛን ከእግዚአብሄር ፈቃድ በረከቶች ውጭ ያደርገናል፡፡ የራሳችን ፈቃድ መከተል በምድር ላይ ያለንን አንድ የህይወት እድል እንድናባክነው ያደርገናል፡፡  የራሳችንን ፍላጎት መከተል የእግዚአብሄር አብሮነት ያሳጣናል፡፡ የራሳችን ፍላጎት መከተል ክስረት ያመጣብናል፡፡ የራሳችንን ፍላጎት መከተል በእግዚአብሄር ፊት ያለንን ድፍረት ያሳጣናል፡፡

የእኛ ምርጫ ችግር አለበት፡፡ የእኛ ምርጫ ሁሉን የማያውቅ ሰው ምርጫ ነው፡፡ የእኛ ምርጫ እውቀት የጎደለው ሰው ምርጫ ነው፡፡ የእኛ መርጫ እንከን አያጣውም፡፡ በአለም ላይ የእጅግ ጥበበኛው ሰው ምርጫ ፍፁም አይደለም ጉድለት አለበት፡፡

የእግዚአብሄር ምርጫ ሁሉ የሚችል አምላክ ምርጫ ነው፡፡ የእግዚአብሄር ምርጫ ሁሉን የሚያውቅ ጌታ ምርጫ ነው፡፡ የእግዚአብሄር ምርጫ የቅዱስ አምላክ ምርጫ ነው፡፡ የእግዚአብሄር ምርጫ የፍቅር አምላክ ምርጫ ነው፡፡

ስለዚህ ነው በራሳችን ፈቃድና በእግዚአብሄር ፈቃድ መካካል የምንጨነቀው፡፡ የእኛ ምርጫ ምን ያህን እንከን እንዳበት ስለምናውቅ በራሳችን መንገድ ላመሄድ ከራሳችን ጋር እንከራከራለን፡፡ በራሳችን ማስተዋል መደገፍ ስለማንፈልግ ነው ሁልጊዜ የእግዚአብሄርን ምርጫ መከተል የምንፈልገው፡፡

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ምሳሌ 3፡5

የእግዚአብሄር ምርጫ የተሳሳተና የማይመስል ብዙዎች የማይደግፉት ቢሆን እንኳን የእርሱ ምርጫ ከየትኛውም መርጫችን የተሻለ ነው፡፡ የእግዚአብሄር ምርጫ ሞኝነት ቢመስል እንኳን የእግዚአብሄር ሞኝነት ከሰው ጥበብ ይጠበባል፡፡

ከሰው ይልቅ የእግዚአብሔር ሞኝነት ይጠበባልና፥ የእግዚአብሔርም ድካም ከሰው ይልቅ ይበረታልና። 1ኛ ቆሮንቶስ 1፡25

ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። ሉቃስ 22፡42

ፀሎት

እግዚአብሄር ሆይ ስለተናገርከኝ ስለዚህ ቃል አመሰግንሃለሁ፡፡ እግዚአብሄር ሆይ በሁለንተናዬ ለአንተ መኖር እፈልጋለሁ፡፡ የአንተን ፈቃድ ብቻ ማድረግ እፈልጋለሁ፡፡ እግዚአብሄር ሆይ ፈቃድህን ስለምትገልጥልኝ አመሰግንሃለሁ፡፡ ፈቃድህን እንድከተል ሃይል ስለምትሆነኝ ፀጋህን ስለምታበዛልኝ አመሰግንሃለሁ፡፡ አንተን በሁለንተናዬ እስከመጨረሻው ተከትዬህ ስለማልፍ አመሰግንሃለሁ፡፡ ስለ ሁሉም ተመስገን ፡፡ በኢየሱስ ስም ፡፡ አሜን

በእንጀራ ብቻ አይኖርም

1_Nk_BLgJCCRa3GL9WE5i0cA.jpegፈታኝም ቀርቦ። የእግዚአብሔር ልጅ ከሆንህ፥ እነዚህ ድንጋዮች እንጀራ እንዲሆኑ በል አለው። እርሱም መልሶ። ሰው ከእግዚአብሔር አፍ በሚወጣ ቃል ሁሉ እንጂ በእንጀራ ብቻ አይኖርም ተብሎ ተጽፎአል አለው። ማቴዎስ 4፡3-4

ፈታኙ ሰይጣን ኢየሱስን የፈተነው ኢየሱስ በምድራዊ ነገር ላይ ብቻ በማተኮር ሰው የሚኖርበትን የእግዚአብሄርን ቃል እንዲረሳ ነው፡፡

የሰይጣን አላማ አይናችንን ከመንፈሳዊው ነገር ላይ አንስተን በስጋዊው ነገር ላይ ብቻ እንድናተኩር ማድረግ ነው፡፡ የሰይጣን አላማ በምድራዊ ነገር ሁሉ ባተሌ ሆነን መንፈሳዊ ነገርን በመርሳት ህይወታችንን ማባከን ነው፡፡ የሰይጣን አላማ አይናችንን ቁሳቁስ ላይ በማድረግ ከተጠራንበት ከፍ ካለው መንፈሳዊ አላማ ማስተጓጎል ነው፡፡

የሰይጣን አላማው ለስጋችን የሚያስፈልገው ነገር ላይ ብቻ አተኩረን መንፈሳዊውን ምግብ የእግዚአብሄርን ቃል እንዳናስታውስ በዚያም ፍሬ ቢስ እንድንሆን ነው፡፡ የሰይጣን አላማ ለስጋችን የሚያስፈልገውን ነገር ሁሉ እያደረግን ለመንፈሳችን የሚሆነውን ነገር እንዳናደርግ ነው፡፡ የሰይጣን አላማ በስጋ እየኖረን በመንፈስ እንድንሞት ነው፡፡ የሰይጣን አላማ በስጋ ሰብተን በመንፈስ አንድንጫጭ ነው፡፡ የሰይጣን አላማ በስጋ እየኖርን መንፈሳችንን በህይወት የሚያኖረውን በእግዚአብሄር ቃል እንዳንኖር ነው፡፡

ሰይጣን የሚፈልገው በስጋ ነገር ባተሌ ሆነን በመንፈስ ነገር እንድንከስር ነው፡፡ ሰይጣን የሚፈትነው ስለሚበላና ስለሚጠጣ እየተጨነቅን የእግዚአብሄርን መንግስት ፅድቁንም እንዳንፈልግ ነው፡፡

እንግዲህ። ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 4፡31-33

ሰይጣን የሚፈልገው በሕይወት ዘመን በአሳብና በባለ ጠግነት ምቾት የእግዚአብሄር ቃል የሚገባውን ስፍራ በህይወታችን እንዳይኖረውና ሙሉ ፍሬ አንዳያፈራ ማድረግ ነው፡፡

በእሾህ መካከልም የወደቀ እነዚህ የሚሰሙት ናቸው፤ መንገዳቸውንም ሄደው በሕይወት ዘመን በአሳብና በባለ ጠግነት ምቾት ይታነቃሉ፥ ሙሉ ፍሬም አያፈሩም። ሉቃስ 8፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ስኬት #ክንውን #ቃል #መንፈስ #ስጋ #እንጀራ #የእግዚአብሔርቃል ##ማሰላሰል #አእምሮ #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

አትብሉ አትንኩትም

ethiopia-new-year-01.jpgእባብም እግዚአብሔር አምላክ ከፈጠረው ከምድር አውሬ ሁሉ ይልቅ ተንኰለኛ ነበረ። ሴቲቱንም፦ በውኑ እግዚአብሔር ከገነት ዛፍ ሁሉ እንዳትበሉ አዝዞአልን? አላት። ሴቲቱም ለእባቡ አለችው፦ በገነት ካለው ከዛፍ ፍሬ እንበላለን፤ ነገር ግን በገነት መካከል ካለው ከዛፉ ፍሬ፥ እግዚአብሔር አለ፦ እንዳትሞቱ ከእርሱ አትብሉ አትንኩትም። ዘፍጥረት 3፡1-3

እግዚአብሄር ሰውን የፈጠረው ለህብረት ነው፡፡ ይህ ህብረቱ እንዳይበላሽ ሰው ሌላን ማንንም መስማት አልነበረበትም፡፡ ይህ የእግዚአብሄርና የሰው ህብረት እንዳይበላሽ ሰው አትብላ የተባለውን ክፉውንና ደጉን የሚያሳውቀውን የዛፍ ፍሬ መብላት አልነበረበትም፡፡

ሰው ከዛፉ ፍሬ መብላቱ ብቻ ነው ክፉና ደጉን እንዲያውቅ የሚያደርገው፡፡ ሰው የዛፉን ፍሬ መንካቱ ክፉና ደጉን እንዲያውቅ አያደርገውም፡፡ ስለዚህ ነው እግዚአብሄር በግልጥ አትብሉ ያለው፡፡

ሰው የታዘዘው ከዛፉ ፍሬ እንዳይበላ ነው፡፡ ሰው የታዘዘው ብቻ መብላት ነበረበት፡፡ ሰው ያልታዘዘውን መብላት አልነበረበትም፡፡ የተከለከለው መብላትን ነው፡፡ የተከለከለው መንካትን አይደለም፡፡

እባቡ ግን ሄዋንን ሲጠይቃት አትብሉ ብሎዋል ብቻ ሳይሆን አትንኩትም የሚል ቃል ጨመረችበት፡፡ አትብሉ ብሎዋል ብትል እኮ በቂ ነበር፡፡ እርሱዋ ግን አትንኩትም የሚል ጨመረችበት፡፡

የወግ ሃይማኖት በሰው መንገድ እግዚአብሄር ማምለክ ነው፡፡ የወግ ሃይማኖት ወደ እግዚአብሄር ለመድረስ የሰው ፈጠራ ነው፡፡ እውነተኛው ሃይማኖት ግን በእግዚአብሄር መንገድ እግዚአብሄርን ማምለክ ነው፡፡  እውነተኛው ሃይማኖት ሰው ወደ እግግዚአብሄር የሚደርስበት የእግዚአብሄር ምሪት ነው፡፡

ሰው እግዚአብሄር ያዘዘውን ብቻ ሰምቶ ማድረግ አይደፈልግም፡፡ ሰው እግዚአብሄርን እንኳን ሊያሻሽለው ያምረዋል፡፡ ሰው ከእግዚአብሄር በላይ ፃዲቅ ሊሆን ይፈልጋል፡፡ ሰው ለእግዚአብሄር ይጨምርለታል፡፡ ሰው የእግዚአብሄርን ቃል በራሱ ሊያጠናክረው ይጥራል፡፡

የእግዚአብሄር ቃል ግን ራሱ ጠንካራ ነው፡፡ የእግዚአብሄር ቃል ለመፅናት የማንንም ሰው ድጋፍ አይፈልግም፡፡

የእግዚአብሄርን ቃል አናሳምረውም ያመረ ነው፡፡ የእግዚአብሄርን ቃል አናጣፍጠውም ጣፋጭ ነው፡፡ የእግዚአብሄርን ቃል አናፀናውም የፀና ነው፡፡ የእግዚአብሄርን ቃል አናጠናክረውም የጠነከረ ነው፡፡

እንዲያውም የእግዚአብሄርን ቃል ልናጠናክረው በሞከርን ቁጥር እናዳክመዋለን፡፡ የእግዚአብሄር ቃል ላይ ጉልበታችንን በጨመርንበት መጠን እናዳክመዋለን፡፡

የሰው ቍጣ የእግዚአብሔርን ጽድቅ አይሠራምና። ያዕቆብ 1፡20

የእግዚአብሄር ቃል ለማፅናት ወጋችንን በጨመርነበት መጠን እንሽረዋለን፡፡

ባስተላለፋችሁትም ወግ የእግዚአብሔርን ቃል ትሽራላችሁ፤ እንደዚሁም ይህን የሚመስል ብዙ ነገር ታደርጋላችሁ። ማርቆስ 7፡13

መፅሃፍ ቅዱስ አትስከር ሲል አትጠጣ ብለን አንጨምርበት፡፡ አትስከር ያለው ህሊናችንን እንዳትስት ፣ ለስጋህ አርነት እንዳትሰጥ ፣ ራሳችንን መግዛት እንዳይሳነን ነው፡፡ አትጠጣ ስንል ግን ለምን እግዚአብሄር አትጠጣ እንዳለ ማስረዳት ስለሚያቅተን የቃሉን ሃይል እንሽረዋለን፡፡ በቃሉ ላይ ስለምጨምር እግዚአብሄር ያልሰጠንን ሸክም ጨምረን ሰለምንሸከም እግዚአብሄርን ይበልጥ ያስደሰትን ይመስለናል ነገር ግን እናሳዝነዋለን፡፡ ያላለንን ጨምረን ስንል ቅድስና ይመስልሃል ነገር ግን ከስጋ ነው፡፡ ክርስትና ይመስለናል ነገር ግን የሰው ወግ ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አትያዝ #አትቅመስ #አትንካ #አለማዊ #ስርአት #መጀመሪያ #ፅድቅ ሰላም #መንፈስቅዱስ #ደስታ #መብል #መጠጥ #አትስከር #አትጠጣ #ቤተክርስትያን #አማርኛ #ስብከት #መዳን #መፅሃፍቅዱስ #ልብ #አለም #ድምፅ #ቅባት #ደስታ #አቢይ #አቢይዋቁማ #አቢይዋቁማዲንሳ #መሪ

የእግዚአብሔር ቃል ቅን ነውና ሥራውም ሁሉ በእምነት ነውና

b27e6f89b43e679cd6244fbd744c8c30.jpgየእግዚአብሔር ቃል ቅን ነውና ሥራውም ሁሉ በእምነት ነውና። መዝሙር 33፡4

እግዚአብሄር ቅን ነው፡፡ የእግዚአብሄርም ቃል ቅን ነው፡፡ የእግዚአብሄ ቃል ቀጥተኛ ነው፡፡ የእግዚአብሄር ቃል እንዳለ ሊቀበሉት የሚገባ ነው፡፡ የእግዚአብሄር ቃል ለውጠውና አሻሽለው የሚቀበሉት አይደለም፡፡ የእግዚአብሄ ቃል በሞኝዕነት እንዳለ የሚቀበሉት ነው፡፡

ማንም ራሱን አያታልል፤ ከእናንተ ማንም በዚች ዓለም ጥበበኛ የሆነ ቢመስለው ጥበበኛ ይሆን ዘንድ ሞኝ ይሁን። 1ኛ ቆሮንቶስ 3፡18

እግዚአብሄርን በብልጠት አናገኘውም፡፡ ጠማማ ከሆንን በጠማማነት አንበልጠውም፡፡ እግዚአብሄር ሁለንተናችንን ያውቃል፡፡ እግዚአብሄርን በጠማማነት አናስደንቀውም፡፡

ከቸር ሰው ጋር ቸር ሆነህ ትገኛለህ፣ ከቅን ሰው ጋር ቅን ሆነህ ትገኛለህ፣ ከንጹህ ጋር ንጹህ ሆነህ ትገኛለህ ከጠማማ ጋር ጠማማ ሆነህ ትገኛለህ፡፡ መዝሙር 17፡26

ምክኒያቱም እግዚአብሄር እንደ እርግብ የዋህ እንደ እባብ ብልህ ነውና፡፡ (ማቴዎስ 10:16) እግዚአብሄር ማስተዋሉ አይመረመረም፡፡  እግዚአብሄርን ማንም አይበልጠው፡፡

ከሰው ይልቅ የእግዚአብሔር ሞኝነት ይጠበባልና፥ የእግዚአብሔርም ድካም ከሰው ይልቅ ይበረታልና። 1ኛ ቆሮንቶስ 1፡25

የእግዚአብሄር ነገር በቅንነት ነው፡፡ እግዚአብሄር ጋር ብልጠት አይሰራም፡፡ ከእግዚአብሄር ጋር ለመኖር ብልጠታችንን ጥለን በቅንነት ብቻ ነው የምንከናወነው፡፡

ሰው ሊታለል ይችላል፡፡ እግዚአብሄርን ግን ማታለል አንችልም፡፡ ሰውን በማታለል ተሳካልን ማለት እግዚአብሄርን በማታለል ይሳካልናል ማለት አይደለም፡፡

የዚህች ዓለም ጥበብ በእግዚአብሔር ፊት ሞኝነት ነውና። እርሱ ጥበበኞችን በተንኰላቸው የሚይዝ፤ ደግሞም፦ ጌታ የጥበበኞችን አሳብ ከንቱ እንደ ሆነ ያውቃል ተብሎ ተጽፎአልና። 1ኛ ቆሮንቶስ 3፡19-20

የእግዚአብሄር መንገድ በእምነት ነው፡፡ ካላመንነው አያምነንም፡፡ ቅን ስንሆን ቅን ይሆንልናል፡፡ ቃሉን ባመንን ቁጥር የፀሎት ቃላችንን ያምናል፡፡ ለቃሉ ቅን በሆንን መጠን ለቃላችን ቅን ይሆናል፡፡ ፀሎታችንን ይሰማል ይመልሳል፡፡

በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሃንስ 15፡7

ካለቅንነት የዋህነት እና እምነት እግዚአብሄርን ማስደሰት አይቻለም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

የእግዚአብሄር ቃል የሚሰራው በቅንንት ስንቀበለው ብቻ ነው፡፡ የእግዚአብሄርን ቃል ለመቀበል የዋህ ካልሆንን ከእግዚአብሄር ጋር እንተላለፋለን፡፡ የእግዚአብሄ ቃል የሚሰራው ቃሉን በሞኝነት የሚቀበሉትንና በቅንነት የሚያደርጉትን ነው፡፡

በእግዚአብሔር ጥበብ ምክንያት ዓለም እግዚአብሔርን በጥበብዋ ስላላወቀች፥ በስብከት ሞኝነት የሚያምኑትን ሊያድን የእግዚአብሔር በጎ ፈቃድ ሆኖአልና። 1ኛ ቆሮንቶስ 1፡21

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#አተረፈ #ንፅህና #ቅንነት #ግልፅ #ንፁህ #ቃል #እምነት #ተንኮል #ጠማምነት #ንጉስ #መክሊት #ኢየሱስ #ጌታ #መፅሃፍቅዱስ #ቤተክርስትያን #አማርኛ #አቢይዋቁማ #አቢይዋቁማዲንሳ #ስብከት #እምነት

ሰዎች ስለሚናገሩት ስለ ከንቱ ነገር ሁሉ

tongue.jpgእኔ እላችኋለሁ፥ ሰዎች ስለሚናገሩት ስለ ከንቱ ነገር ሁሉ በፍርድ ቀን መልስ ይሰጡበታል፤ ማቴዎስ 12፡36

ዝም ብሎ አፉ እንዳመጣለት የሚናገር ሰው የንግግርን ሃይል በቅጡ ያልተረዳ ሰው ነው፡፡

ንግግር ታላቅ ሃይል ያለው ነገር ነው፡፡ የንግግር ቃል ያፈርሳልም ይገነባልም፡፡

ሞትና ሕይወት በምላስ እጅ ናቸው፤ የሚወድዱአትም ፍሬዋን ይበላሉ። ምሳሌ 18፡21

የንግግር ቃል ይባርካል ይረግማል፡፡

በእርሱ ጌታንና አብን እንባርካለን፤ በእርሱም እንደ እግዚአብሔር ምሳሌ የተፈጠሩትን ሰዎች እንረግማለን፤ ከአንድ አፍ በረከትና መርገም ይወጣሉ። ወንድሞቼ ሆይ፥ ይህ እንዲህ ሊሆን አይገባም። ያዕቆብ 3፡9-10

ሰው በንግግር ሰውን ያንፃል ፣ ይገነባል ፣ ያሻግራልና ይፈውሳል፡፡ መልካም ቃል ይፈውሳል ጤንነትን ይሰጣል፡፡

ለሚሰሙት ጸጋን ይሰጥ ዘንድ፥ እንደሚያስፈልግ ለማነጽ የሚጠቅም ማናቸውም በጎ ቃል እንጂ ክፉ ቃል ከአፋችሁ ከቶ አይውጣ። ኤፌሶን 4፡29

ፈዋሽ ምላስ የሕይወት ዛፍ ነው፤ የጠማማ ምላስ ግን ነፍስን ይሰብራል። ምሳሌ 15፡4

ሰው ደግሞ በንግግር ሰውን ያፈርሳል ያጠፋል የፍጥረትን ሩጫ ያቃጥላል፡፡

እውነተኛን ነገር የሚናገር ቅን ነገርን ያወራል፤ የሐሰት ምስክር ግን ተንኰልን ያወራል። እንደሚዋጋ ሰይፍ የሚለፈልፍ ሰው አለ፤ የጠቢባን ምላስ ግን ጤና ነው። ምሳሌ 12፡17-18

አንደበትም እሳት ነው። አንደበት በብልቶቻችን መካከል ዓመፀኛ ዓለም ሆኖአል፤ ሥጋን ሁሉ ያሳድፋልና፥ የፍጥረትንም ሩጫ ያቃጥላል፥ በገሃነምም ይቃጠላል። ያእቆብ 3፡6

እኔ እላችኋለሁ፥ ሰዎች ስለሚናገሩት ስለ ከንቱ ነገር ሁሉ በፍርድ ቀን መልስ ይሰጡበታል፤ ማቴዎስ 12፡36

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #አንደበት #ምላስ #አፍ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ፀጋ #እሳት #መልካምቀኖች #ህይወት #በረከት #መርገም #ፌስቡክ #አቢይዋቁማ #አቢይዋቁማዲንሳ

የእግዚአብሔርን ፈቃድ የሚያደርግ ግን

world.jpgአለሙም ምኞቱም ያልፋሉ፡፡ የእግዚአብሄርን ፈቃድ የሚያደርግ ሰው ግን አያልፍም፡፡ የእግዚአብሄር ቃል እንደማያልፍ ሁሉ የእግዚአብሄርን ፈቃድ የሚያደርግ ሰው ሁሉ ለዘላም ይኖራል፡፡

ዓለሙም ምኞቱም ያልፋሉ፤ የእግዚአብሔርን ፈቃድ የሚያደርግ ግን ለዘላለም ይኖራል። 1ኛ ዮሃንስ 2፡17

ከእግዚአብሄር ቃል ውጭ ስጋ ለባሽ ሰው ሁሉ ሳር ነው፡፡ የስጋ ለባሽ ክብር አሁን ታይቶ በኋላ እንደሚጠወልግ እንደምድረበዳ አበባ ነው፡፡ ሳር ጊዜያዊ እንደሆነና እንደሚደርቅ አበባም እንደሚረግፍ የሰው ክብር ይጠፋል፡፡ የአምላክ ቃል ፀንታ እንደምትኖር የእግዚአብሄርን ቃል የሚያደረገ ሰው ግን ለዘላም ይኖራል፡፡

ጩኽ የሚል ሰው ቃል፤ ምን ብዬ ልጩኽ? አልሁ። ሥጋ ለባሽ ሁሉ ሣር ነው፥ ክብሩም ሁሉ እንደ ምድረ በዳ አበባ ነው። የእግዚአብሔር እስትንፋስ ይነፍስበታልና ሣሩ ይደርቃል አበባውም ይረግፋል፤ በእውነት ሕዝቡ ሣር ነው። ሣሩ ይደርቃል አበባውም ይረግፋል፥ የአምላካችን ቃል ግን ለዘላለም ጸንታ ትኖራለች። ኢሳያስ 40፡6-8

ሰው ከእግዚአብሄር ቃል ዳግመኛ ካለተወለደ በስተቀር ሰው እንደ ሳር ነው ክብሩም እንደሳር አበባ ነው፡፡ ሰው ለዘላለም ከሚኖረው ከእግዚአብር ቃል ዳግመኛ ካልተወለደ በስተቀር ሳሩ ይጠወልጋል አበባውም ይረግፋል፡፡ የጌታ ቃል ለዘላለም እንደሚኖር ከእግዚአብሄ የተወለደ ሰው ለዘላለም ይኖራል፡፡

ዳግመኛ የተወለዳችሁት ከሚጠፋ ዘር አይደለም፥ በሕያውና ለዘላለም በሚኖር በእግዚአብሔር ቃል ከማይጠፋ ዘር ነው እንጂ። ሥጋ ሁሉ እንደ ሣር ክብሩም ሁሉ እንደ ሣር አበባ ነውና፤ ሣሩ ይጠወልጋል አበባውም ይረግፋል፤ የጌታ ቃል ግን ለዘላለም ይኖራል። በወንጌልም የተሰበከላችሁ ቃል ይህ ነው። 1ኛ ጴጥሮስ 1፡23-25

ሰማይና ምድር ለዘላለም አይኖሩም፡፡ ሰማይና ምድር እንኳን ያልፋሉ፡፡ የእግዚአብሄር ቃልና ቃሉን የሚጠብቁ ሰዎች ግን አያልፉም ለዘላለም ይኖራሉ፡፡

ሰማይና ምድር ያልፋሉ፥ ቃሌ ግን አያልፍም። ማቴዎስ 24፡35

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ቤተክርስትያን #አማርኛ #ስብከት #መዳን #መፅሃፍቅዱስ #እንፍዋለት  #ሕይወታችሁ #ዘላለም #የእግዚአብሄርቃል  #የእግዚአብሔርፈቃድ #አቢይዋቁማ #አቢይዋቁማዲንሳ

የሚሠራውም ሁሉ ይከናወንለታል

success11.jpgነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡2-3

እግዚአብሄር ሰውን የፈጠረው ለክብሩ ነው፡፡ እግዚአብሄር ሰውን የፈጠረው እርሱን እንዲያመልከውና እንዲታዘዘው ነው፡፡ እግዚአብሄር ሰውን የፈጠረው ቃሉን እንዲሰማና እንዲያደርግ ነው፡፡ እግዚአብሄር ሰውን የፈጠረው በቃሉ አንዲኖር ነው፡፡

እግዚአብሄር በሌላ ነገር ሳይሆን በቃሉ ደስ የሚሰኝን ሰው ይፈልጋል፡፡ እግዚአብሄር ሌላን ነገር ሳይሆን ቃሉን የሚሰማን ሰው ይፈልጋል፡፡

አንተም አምላክህን እግዚአብሔርን በፍጹም ልብህ በፍጹምም ነፍስህ በፍጹምም ኃይልህ ውደድ። እኔም ዛሬ አንተን የማዝዘውን ይህን ቃል በልብህ ያዝ። ለልጆችህም አስተምረው፥ በቤትህም ስትቀመጥ፥ በመንገድም ስትሄድ፥ ስትተኛም፥ ስትነሣም ተጫወተው። በእጅህም ምልክት አድርገህ እሰረው፤ በዓይኖችህም መካከል እንደክታብ ይሁንልህ። በቤትህም መቃኖች በደጃፍህም በሮች ላይ ጻፈው። ዘዳግም 6፡5-9

እግዚአብሄር ሌላ ነገርን ሳይሆን ቃሉን የሚያስብን ሰው ይፈልጋል፡፡ እግዚአብሄር ቃሉን በቀንና በሌሊት የሚያሰብን ሰው ይፈልጋል፡፡

በረከትና ስኬት ያለው በእግዚአብሄር ቃል ውስጥ ብቻ ነው፡፡ የእግዚአብሄርን ቃል ስናሰላስል እና ስናደርገው ህይወታችን ፈፅሞ ይለወጣል፡፡

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። ኢያሱ 1፡8

የእግዚአብሄርን ቃል የሚያሰላስልና የሚያደርግ ሰው እግዚአብሄር ሁልጊዜ ከእርሱ ጋር ይሆናል፡፡ እግዚአብሄር ሙሉ ለሙሉ የተሳካ እንደሆነ ሁሉ የእግዚአብሄርን ቃል የሚያስብና የሚያደርግ ስው በሚሰራው ሁሉ ይከናወናል፡፡

ይህንን ፅሁፍ ሼር ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ቃል #ምስጉን #ሃሳብ #ማሰላሰል #ወንጌል #ደቀመዝሙር #ኢየሱስ #ጌታ #መዳን #አማርኛ #ኢትዮጲያ #አቢይዋቁማ #አቢይ #አቢይዋቁማዲንሳ #ስኬት #ክንውን ###ፌስቡክ #አዋጅ

የቃሉ አካባቢን መጠበቅ

mind word atmosphere.jpgሰው አካባቢውን ከአየርና ከውሃ ብክለት ለመጠበቅ ታላቅ እንቅስቃሴ ይደረጋል፡፡ ሰዎች የአለምን አረንጓዴነትና ለጤና ተስማሚነት ለመጠበቅ ማንኛውም ነገር ያደርጋሉ፡፡

ምድርን የሚበክልን ነገር ለምሳሌ የከታላላቅ ፋብሪካዎች የሚወጣውን የተበከለ ጭስ እንዲቀነስ ከፍተኛ እንቅስቃሴ ያደርጋሉ፡፡ ምክኒያቱም በቀጣይነት በቆሻሻ አካባቢ ውስጥ የሚኖር ሰው ከመታመምና ከመሞት ሊያመልጥ አይችልም፡፡

ከዚህ ሁሉ በላይ ግን አለማችንን የሚበክለው እግዚአብሄርን ያለማመንና ጥርጣሬ ነው፡፡ ሰው አካባቢውን በእግዚአብሄር ቃል ካልሞላ እምነት የሚፈጥረውን የእግዚአብሄርበ ቃል ብቻ ካልሰማ እግዚአብሄርን ካላመነ በስተቀር እግዚአብሄርን ደስ ሊያሰኝ ከእግዚአብሄር የሆነውንም ነገር ሊቀበል አይችልም፡፡ ከባቢው ተበላሽቶ እግዚአብሄርን ማመን ካቃተው ሰው የበልጥ ምስኪን ሰው የለም፡፡

ሰይጣን የሚመጣው ሊሰርቅ ሊያርድ ሊያጠፋ ነው፡፡ ሰይጣን የአስተሳሰብ አካባቢያችንን በመበከል መንፈሳዊ ጤንነታችንን የሚጎዱ ነገሮችን ሊያስፋፋ ይመጣል፡፡

የሰይጣን የመስረቂያ የማረጃና የማጥፊያ አካባቢዎች አለማመን ፍርሃትና ጥርጣሬ ናቸው፡፡ ሰይጣን ካለማመንና ፍርሃትና ጥርጣሬ ውጭ ሌላ ሃይል የለውም፡፡

ስለዚህ ነው መፅሃፍ ቅዱስ አካባቢያችንን በእግዚአብሄር ቃል እንድንሞላና ንፅህናውን ከአለማመን እንድንጠብቅ የሚያስተምረን፡፡ አካባቢያችን በእግዚአብሄር ቃል ስንሞላና የእግዚአብሄርን ቃል ስንሰማ ንፁህ መንፈሳዊ አየርን መተንፈስ እንችላለን፡፡

የእስራኤል ህዝብ እግዚአብሔርን በፍጹም ልብ በፍጹምም ነፍስ በፍጹምም ኃይል ለመውደድ አካባቢያቸውን በእግዚአብሄር ቃል እንዲሞሉና ከብክለት እንዲጠብቁና እንዲያፀዱ ተመክረዋል፡፡

አንተም አምላክህን እግዚአብሔርን በፍጹም ልብህ በፍጹምም ነፍስህ በፍጹምም ኃይልህ ውደድ። እኔም ዛሬ አንተን የማዝዘውን ይህን ቃል በልብህ ያዝ። ለልጆችህም አስተምረው፥ በቤትህም ስትቀመጥ፥ በመንገድም ስትሄድ፥ ስትተኛም፥ ስትነሣም ተጫወተው። በእጅህም ምልክት አድርገህ እሰረው፤ በዓይኖችህም መካከል እንደክታብ ይሁንልህ። በቤትህም መቃኖች በደጃፍህም በሮች ላይ ጻፈው። ዘዳግም 6፡5-9

የእግዚአብሄር ህዝብ መሪ የነበረው ኢያሱ የእግዚአብሄርን ቃል ለመፈፀም እንዲያስችለው ቃሉን በቀንና በሌሊት እንዲያሰላስልና በቃሉ አካባቢ ውስጥ እንዲኖር ታዟል፡፡

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። እያሱ 1፡8

እግዚአብሄር እንደልቤ ያለው መዝሙረኛው ዳዊት መዝሙሩን የጀመረው አካባቢውን ከክፋት ሃሳብ ብክለት ስለሚጠብቅና በእግዚአብሄር ቃል ከባቢ ውስጥ ስለሚኖረው ሰው ምስጉንነትና የዘወትር ክንውን በመናገር ነው፡፡

ምስጉን ነው በክፉዎች ምክር ያልሄደ፥ በኃጢአተኞችም መንገድ ያልቆመ፥ በዋዘኞችም ወንበር ያልተቀመጠ። ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡1-3 ሃዋሪያው ሰው አለምን የማይመስልበትን ብቸኛው መንገድ የሃሳብን አካባቢ በእግዚአብሄር ቃል በማፅዳትና በመጠበቅ እንደሆነ ያስተምራል፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2

መንፈሳዊ ህይወታችንን ከብክለት ለመጠበቅ በአስተሳሰብ አካባቢያችን የሚፈቀድላቸውና የማይፈቀድላቸው ነገሮች ሊኖሩ እንደሚገቡ መፅሃፍ ቅዱስ በአፅንኦት ያስተምራል፡፡

በቀረውስ፥ ወንድሞች ሆይ፥ እውነተኛ የሆነውን ነገር ሁሉ፥ ጭምትነት ያለበትን ነገር ሁሉ፥ ጽድቅ የሆነውን ነገር ሁሉ፥ ንጹሕ የሆነውን ነገር ሁሉ፥ ፍቅር ያለበትን ነገር ሁሉ፥ መልካም ወሬ ያለበትን ነገር ሁሉ፥ በጎነት ቢሆን ምስጋናም ቢሆን፥ እነዚህን አስቡ፤ ፊሊጲስዮስ 4፡8 ስለዚህ ነው ኢየሱስ ደቀመዛሙርቱን ምን እንደምትሰሙ ተጠበቁ ያላቸው፡፡

አላቸውም፦ ምን እንድትሰሙ ተጠበቁ። ማርቆስ 4፡24

ስለዚህ ነው የእግዚአብሄር ቃል በቤታችን በስልኮቻችን በመኪናችን ልንሰማና ልናነብ የሚገባን፡፡ ለዚህ ነው ባገኘነው አጋጣሚ የእግዚአብሄርን ቃል ከባቢ መፍጠር ያለብን፡፡ ለዚህ ነው የእግዚአብሄርን ቃል ባገኘነው አጋጣሚ ሁሉ መጫወት ያለብን፡፡ የእግዚአብሄርን ቃል ለመስማት ለመረዳትና ለመጠበቅ የእግዚአብሄርን ቃል አካባቢ መፍጠርና በከባቢው ውስጥ መኖር አለብን፡፡  ስለዚህ ነው መፅሃፍ ቅዱስ አጥብቀህ አካባቢህን ጠብቅ ያለው፡፡

ልጄ ሆይ፥ ንግግሬን አድምጥ ወደ ቃሌም ጆሮህን አዘንብል። ከዓይንህ አታርቃት፥ በልብህም ውስጥ ጠብቃት። ለሚያገኙአት ሕይወት፥ ለሥጋቸውም ሁሉ ፈውስ ነውና። አጥብቀህ ልብህን ጠብቅ፥ የሕይወት መውጫ ከእርሱ ነውና። ምሳሌ 4፡20 ፣ 22-23

አንተም አምላክህን እግዚአብሔርን በፍጹም ልብህ በፍጹምም ነፍስህ በፍጹምም ኃይልህ ውደድ። እኔም ዛሬ አንተን የማዝዘውን ይህን ቃል በልብህ ያዝ። ለልጆችህም አስተምረው፥ በቤትህም ስትቀመጥ፥ በመንገድም ስትሄድ፥ ስትተኛም፥ ስትነሣም ተጫወተው። በእጅህም ምልክት አድርገህ እሰረው፤ በዓይኖችህም መካከል እንደክታብ ይሁንልህ። በቤትህም መቃኖች በደጃፍህም በሮች ላይ ጻፈው። ዘዳግም 6፡5-9

ይህንን ፅሁፍ ሼር ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ቃል #ምስጉን #ሃሳብ #ማሰላሰል #ወንጌል #ደቀመዝሙር #ኢየሱስ #ጌታ #መዳን #አማርኛ #ኢትዮጲያ #አቢይዋቁማ #ፌስቡክ #አዋጅ

የባሰውን ፍርድ እንድንቀበል ታውቃላችሁ

teacher.jpgወንድሞቼ ሆይ፥ ከእናንተ ብዙዎቹ አስተማሪዎች አይሁኑ፥ የባሰውን ፍርድ እንድንቀበል ታውቃላችሁና። ያዕቆብ 3፣1

አስተማሪዎች ቢበዙ ብዙ ሰዎች ይታነፃሉ ብዙ ሰዎች ይለወጣሉ፡፡ አስተማሪነት ግን ታላቅ ተፅእኖ እንደሚያመጣ ሁሉ ታላቅም ሃላፊነት አለበት፡፡

አስተማሪ የሰዎችን አእምሮ በመለወጥ ህይወታቸውንም የመለወጥ ታላቅ ስልጣን ያለው አገልግሎት ነው፡፡

እንግዲህ፥ ወንድሞች ሆይ፥ ሰውነታችሁን እግዚአብሔርን ደስ የሚያሰኝና ሕያው ቅዱስም መሥዋዕት አድርጋችሁ ታቀርቡ ዘንድ በእግዚአብሔር ርኅራኄ እለምናችኋለሁ፥ እርሱም ለአእምሮ የሚመች አገልግሎታችሁ ነው። የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2

ሰዎች የስህተት አስተምህሮ ሰምተው ሃይማኖትን እስከመካድ ይደርሳሉ፡፡ ሰዎች እውነተኛ አስተማሪን ሰምተው ከስህተት ይመለሳሉ፡፡

መንፈስ ግን በግልጥ፦ በኋለኞች ዘመናት አንዳንዶች የሚያስቱ መናፍስትንና በውሸተኞች ግብዝነት የተሰጠውን የአጋንንትን ትምህርት እያደመጡ፥ ሃይማኖትን ይክዳሉ ይላል፤ በገዛ ሕሊናቸው እንደሚቃጠሉ ደንዝዘው፥ 1ኛ ጢሞቴዎስ 4፡1-2

በተፈጥሮ ሰው ለትክክለኛ እድገትና ብስለት ምግብ ብቻ ሳይሆን የተመጣጠነ ምግብ ያስፈልገዋል፡፡ ሰው አንድ አይነት ምግብ ብቻ ከበላና ጉልበት የሚሰጠው ፣ ከበሽታ የሚከላከልለትና የሚገነባው የተሟላ ምግብ ካልበላ ጤነኛ አይሆንም፡፡

እንዲሁም ሰዎች ሚዛኑን ያልጠበቀ በአንድ ወገን ብቻ የተለጠጠ ትምህርትን አስተምረው የሚሰሟቸውን ለመንፈሳዊ በሽተኝነት ያጋለጣሉ፡፡

ስለዚህ አስተማሪነት እውቀት ብቻ ሳይሆን እውቀትን እንዴት ማስተላለፍ እንደሚያስፈልግ ጥበብን ይጠይቃል፡፡ አስተማሪነት እውቀት ማግኘት ብቻ ሳይሆን እውቀትን ሚዛናዊነቱን ጠብቆ ማስተላለፍን ይጠይቃል፡፡

ዛሬ የምናስተምረው ትምህርት ነገ ለምናስተምረው ትምህርት እንቅፋት የሚሆን ከሆነ ሚዛኑን አልጠበቀም፡፡ በባህሪው ስጋዊ ባህሪያችን ማጋነን ይወዳል፡፡ ስናስተምር ትምህርቱን ለማጋነን እንፈተናለን፡፡ ትምህርትን ማጋነን ግን እንዳውም ሃይሉን ያሳጣዋል እንጂ አያጠናክረውም፡፡

ባስተላለፋችሁትም ወግ የእግዚአብሔርን ቃል ትሽራላችሁ፤ እንደዚሁም ይህን የሚመስል ብዙ ነገር ታደርጋላችሁ። ማርቆስ 7፡13

ስናስተምር በጣም ትምህርቱን ከሚገባው በላይ ከመለጠጣችን የተነሳ ከፅንፉ ለመመለስ ድፍረቱ ከሌለን ሰውን እያሳሳትን ነው፡፡ ዛሬ የምናስተምረው ትምህርት ነገ ለምናስተምረው ትምህርት እንቅፋት ከሆነ ሚዛኑን ያልጠበቀ ትምህርት እያስተማርን ሰውን ግራ እያጋባን እንዲሁም ከማበርታት ይልቅ እያደከምነው ነው፡፡ ዛሬ የምናስተምረው ትምህርት ነገ ማስተማር ካለብን ትምህርት ጋር የሚጋጭ ከሆነ ተጋኗል፡፡

አስተማሪዎች ስንሆን አንዳንዱን ብቻ ሳይሆን መሉውን የእግዚአብሄር ምክር ማስተማር አለብን፡፡

የእግዚአብሔርን ምክር ሁሉ ነግሬአችኋለሁና፥ ምንም አላስቀረሁባችሁም። ሐዋርያት 20፡27

ሙሉው የእግዚአብሄር ምክር ነው የሚማሩትን ሰዎች ወደ ሙላት የሚያመጣው፡፡

ከተሳሳትን ደግሞ ይቅርታ ባለፈው ያስተማርኩት ትምህርት ስህተት ነበር ብለን ፈጥነን ማስተካከል ይጠብቅብናል፡፡

እውቀት ስላለን ብቻ አናስተምርም፡፡ በእግዚአብሄር ፊት እንፀልያለን፡፡ እግዚአብሄር በልባችን የሚያፈሰውን መልክት ይዘን እናጠናለን እንዘጋጃለን፡፡ መልክቱን ጊዜ ወስደን እናወጣለን እናወርዳለን፡፡ እንዴት እንደምናስተላልፈው ከእግዚአብሄር ጥበብን እንጠይቃለን፡፡ የባሰውን ፍርድ እንድንቀበል አውቀን በትህትና በፍርሃት ሁሉ እናስተምራለን፡፡

ወንድሞቼ ሆይ፥ ከእናንተ ብዙዎቹ አስተማሪዎች አይሁኑ፥ የባሰውን ፍርድ እንድንቀበል ታውቃላችሁና። ያዕቆብ 3፣1

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ማስተማር #ቃል #ማሰላሰል #የእግዚአብሄርቃል #ሚዛን #ምክር #አስተማሪ #መምህር #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አእምሮ #ፍርድ #ፅናት #ትግስት #መሪ

የእግዚአብሔር ቃል ሕያው ነው

Double-EdgedSword.jpgየእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ ዕብራውያን 4፡12

የእግዚአብሄር ቃል ህይወት ያለው ነው፡፡ የእግዚአብሄር ቃል የሚለውጥ ነው፡፡ የእግዚአብሄር ቃል ሃይል ያለው ነው፡፡  የእግዚአብሄር ቃል የሚሰራ ነው፡፡ የእግዚአብሄር ቃል ሃይልን የተሞላ ነው፡፡ የእግዚአብሄር ቃል ምንም ነገር የመለወጥ ሃይል እና ጉልበት አለው፡፡

ስለታም ሰይፍ በጣም አደገኛ ነው፡፡ ሁለት ስለት ያለው ሰይፍ ደግሞ ይበልጥ አደገኛ ነው፡፡ የእግዚአብሄር ቃል ሁለት አፍ ካለው ሰይፍ ይልቅ የተሳለ ነው፡፡ የእግዚአብሄር ቃል ሁለት አፍ ካለፍ ሰይፍ ይልቅ ሃያል ነው፡፡

የእግዚአብሄር ቃል በጣም የተሳለ ከመሆኑ የተነሳ ሌሎች ምንም ነገሮች የማይደርሱበትን ቦታ ይደርሳል፡፡ መንፈስና ነፍስ በጣም ተመሳሳይና በቀላሉ ሊለዩ የማይችሉ ነገሮች ናቸው፡፡ የእግዚአብሄር ቃል በጣም በትክክል የሚለይ በመሆኑ መንፈስንና ነፍስን እንኳን በትክክል ይለያል፡፡ የእግዚአብሄር ቃል ግን ነፍስንና መንፈስን እስኪለይ ድረስ ይወጋል፡፡

የእግዚአብሄር ቃል የትኛው የነፍስ ሃሳብ የትኛው ደግሞ የመንፈስ ሃሳብ እንደሆነ አጥርቶ ይለያል፡፡ የእግዚአብሄር ቃል ኢላማውን አይስትም፡፡ የእግዚአብሄር ቃል በትክክል ይለያል፡፡

የእግዚአብሄር ቃል የልብን ስሜትና ሃሳብ ይመረምራል፡፡ የእግዚአብሄር ቃል ልብን ይመዝናል፡፡ የእግዚአብሄር ቃል የልብን ስሜት ይመረምራል፡፡ የእግዚአብሄር ቃል የሰውን ሃሳብ ይመረምራል፡፡ የእግዚአብሄር ቃል እውነተኛ መርማሪ ነው፡፡ የእግዚአብሄር ቃል ልባቸን ያለበትን ሁኔታ ይነግረናል፡፡ የእግዚአብሄር ቃል ትክክለኛ መርማሪ ነው፡፡ የእግዚአብሄር ቃል በልብህ ላይ ችግር አለ ካለ በልብህ ላይ ችግር አለ ማለት ነው፡፡ የእግዚአብሄር ቃል ጤነኛ ነህ ካለ ጤነኛ ነን ማለት ነው፡፡

እኛን በሚቆጣጠር በእርሱ ዓይኖቹ ፊት ሁሉ ነገር የተራቆተና የተገለጠ ነው እንጂ፥ በእርሱ ፊት የተሰወረ ፍጥረት የለም። ዕብራውያን 4፡13

ልባችን በሌላ ነገር ፊት ሊደበቅ ይችላል፡፡ በእግዚአብሄር ቃል ፊት ሁሉ ነገር የተገለጠና የተራቆተ ነው፡፡ በእግዚአብሄር ቃል ፊት የተሰወር ነገር የለም፡፡

የሰው ልብ ከሁሉ ይልቅ ተንኰለኛ እጅግም ክፉ ነው፤ ማንስ ያውቀዋል? እኔ እግዚአብሔር ለሰው ሁሉ እንደ መንገዱ፥ እንደ ሥራው ፍሬ እሰጥ ዘንድ ልብን እመረምራለሁ ኵላሊትንም እፈትናለሁ። ኤርምያስ 17፡9-10

ስለዚህ ነው የእግዚአብሄርን ቃል እንደ መስታወት ተጠቅመን ጉድለታችንን ቶሎ ብለን እንድናስተካካል መፅሃፍ ቅዱስ የሚመክረን፡፡ ስለዚህ ነው የእግዚአብሄር ቃል የሚያሳየንን ማየት ብቻ ሳይሆን ማድርግ እንዳለብትነ መፅሃፍ ቅዱስ የሚያስተምረን፡፡

ቃሉን የምታደርጉ ሁኑ እንጂ ራሳችሁን እያሳታችሁ የምትሰሙ ብቻ አትሁኑ። ቃሉን የሚሰማ የማያደርገውም ቢኖር የተፈጥሮ ፊቱን በመስተዋት የሚያይን ሰው ይመስላል፤ ራሱን አይቶ ይሄዳልና፥ ወዲያውም እንደ ምን እንደ ሆነ ይረሳል። ነገር ግን ነጻ የሚያወጣውን ፍጹሙን ሕግ ተመልክቶ የሚጸናበት፥ ሥራንም የሚሠራ እንጂ ሰምቶ የሚረሳ ያልሆነው፥ በሥራው የተባረከ ይሆናል። ያዕቆብ 1፡22-25

የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ ዕብራውያን 4፡12

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሄርቃል #ህያው #መንፈስ #ነፍስ #የሚሰራ #ቃልኪዳን #የተሳለ #ጤንነት #ለውጥ #ንፁህ #አትለፍ #ትምህርት # #ፍሬ #አማርኛ #ስብከት #መዳን #መፅሃፍቅዱስ #አትጨነቁ  #አቢይ #አቢይዋቁማ #አቢይዋቁማዲንሳ

የእምነት ያለህ አትበል

faith comes.jpgእግዚአብሄር ከሰው ጋር ግንኙነት ማድረግ ስለፈለገ ሰውን በመልኩና በአምሳሉ ፈጠረው፡፡ ሰው በሃጢያት ምክንያት ከእግዚአብሄር ከተለያየም በኋላ ሰው ከእግዚአብሄር ጋር እንዲገናኝ በዘመናት ሁሉ እግዚአብሄር ሁኔታዎችን ሲያመቻች ቆይቷል፡፡

እግዚአብሄር አሁንም ከሰው ጋር ግንኙነት ማድረግ ስለሚፈልግ ከእርሱ ጋር የሚገናኝበትን መንገድ አዘጋጅቷል፡፡ እግዚአብሄር መንፈስ ነው፡፡ ሰው ከእግዚአብሄር ጋር መገናኘት የሚችለው በእምነት ነው፡፡ ሰው እግዚአብሄርን የሚደርሰው በእምነት ነው፡፡ ሰው እግዚአብሄርን የሚያገኘው በእምነት ነው፡፡ ሰው ከእግዚአብሄር ጠይቆ የሚቀበለው በእምነት ነው፡፡ ሰው ከእግዚአብሄር ጋር ተግባብቶ የሚኖረው በእምነት ነው፡፡ ሰው እግዚአብሄርን የሚሰማውና የሚታዘዘው በእምነት ነው፡፡ ሰው ከእግዚአብሄር ጋር የሚራመደው በእምነት ነው፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

እምነትን ለማግኘት ሰው እጅግ የተመረቀ ሰው መሆን የለበትም፡፡ እምነትን እንዲኖረው ሰው ቅዱስ መሆን አይጠበቅበትም፡፡ ሰው እምነት እንዲኖረው ሰማእት መሆን የለበትም፡፡

እምነት እጅግ ርቆ የተሰቀለ ዳቦ አይደለም፡፡ እምነት አንዳንድ ሰዎች ብቻ በድንገት የሚያገኙት እድል አይደለም፡፡ እምነት ለጥቂት ለተመረጡ ሰዎች የሚመጣ ገጠመኝ አይደለም፡፡ እምነት እጅግ ጥቂት ሰዎች ተመራምረው የሚደርሱበት ረቂቅ ነገር አይደለም፡፡

እምነት የሚመጣው ከመስማት ነው፡፡ የእግዚአብሄር ቃል መስማት የሚችል ሰው ሁሉ እምነት ሊኖረው ይችላል፡፡ የእግዚአብሄርን ቃል የሚያነብ ሰው ሁሉ እምነት ሊመጣለት ይችላል፡፡ እምነት የሚመጣው የእግዚአብሄርን ቃል ከመስማት ነው፡፡ የእግዚአብሄርን ቃል የሚሰማ ማንኛውም ሰው እምነት ይመጣለታል፡፡

ሰው ዝም ብሎ እምነትን መመኘት የለበትም፡፡ ሰው እምነት እንዲኖረው ቁጭ ብሎ መጓጓት የለበትም፡፡ ሰው እምነት ያላቸውን ሰዎች ተመልክቶ በተስፋ መቁረጥ መቋመጥ የለበትም፡፡ ሰው እኔ እንግዲህ እምነትን ከየት አመጣዋለሁ ማለት የለበትም፡፡

ከእምነት የሆነ ጽድቅ ግን እንዲህ ይላል፦ በልብህ፦ ማን ወደ ሰማይ ይወጣል? አትበል፤ ይህ ክርስቶስን ለማውረድ ነው፤ ወይም፦ በልብህ፦ ወደ ጥልቁ ማን ይወርዳል? አትበል፤ ይህ ክርስቶስን ከሙታን ለማውጣት ነው። ነገር ግን ምን ይላል? በአፍህ በልብህም ሆኖ ቃሉ ቀርቦልሃል፤ ይህም የምንሰብከው የእምነት ቃል ነው። ሮሜ 10፡6-8

እምነት ቀርቧል፡፡ እምነት በማንም ሰው ይገኛል፡፡ እምነት ለማንም ሰው የተሰወረ አይደለም፡፡ እምነት ከማንም ሰው ሩቅ አይደለም፡፡ ሰው እግዚአብሄርን የማገኝበት እምነት ከየት ይገኛል ማለት አይችልም፡፡ ሰው የእምነት ያለህ እንዳይል እምነት እንዴት እንደሚገኝ በመፅሃፍ ቅዱስ ተፅፏል፡፡

እምነት የሚገኘው የእግዚአብሄርን ቃል በመስማት ነው፡፡ የእግዚአብሄርን ቃል አንብብ እምነት ይሆንልሃል፡፡ የእግዚአብሄርን ቃል ስማ የእምነት ሰው ትሆናለህ፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ዓለምንም የሚያሸንፈው እምነታችን

how to overcome fear of failure in sports.pngከእግዚአብሔር የተወለደ ሁሉ ዓለምን ያሸንፋልና፤ ዓለምንም የሚያሸንፈው እምነታችን ነው። 1ኛ ዮሐንስ 5፡4

እግዚአብሄር የዘላለም ንጉስ ነው፡፡ እግዚአብሄር አሸናፊ ነው፡፡

አለም በመንፈሳዊ አለም በጦርነት የተሞላች ነች፡፡ በዚህ ምክኒያት ብዙ ሰዎች በአለም ተሸንፈው ቀርተዋል፡፡

አለምን የምናሸንፈው በእድል አይደለም፡፡ አለምን የምናሸንፈው በእውቀት አይደለም፡፡ አለምን የምናሸንፈው በሃይል አይደለም፡፡ አለምን የምናሸንፈው በብልጥግና አይደለም፡፡ የአለም አሸናፊነት የምድራዊ አሸናፊነት ጉዳይ አይደለም፡፡ አለም ከእግዚአብሄር ያልተወለዱትን አዋቂዎች ፣ ሃያላን እና ባለጠጎች ሁሉ አሸንፋ ከንቱ አድርጋለች፡፡

በአለም ላይ አሸናፊ ለመሆን ብቸኛው መንገድ ከእግዚአብሄር መወለድ ነው፡፡ ከእግዚአብሄር የተወለደ ሁሉ ደግሞ አለምን ያሸንፋል፡፡

ሰው በእምነት መንፈሳዊውን አለም ካላየና ከእግዚአብሄር ጋር በእምነት ካልተገናኘ አለምን መሸነፍ በፍፁም አይችልም፡፡ ሰው ከእግዚአብሄር ቃል ዳግመኛ በመወለድ ብቻ የእግዚአብሄርን መንግስት ማየትና ከንጉሱም ጋር መገናኘት ይችላል፡፡

ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። ዮሃንስ 3፡3

ሰው በእምነት የዘላለሙንና የማይታየውን ካላየ በስተቀር አለምን ማሸነፍ አይችልም፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው።2ኛ ቆሮንቶስ 4፡17-18

ሰው በእግዚአብሄር ቃል ጉልበት ካልሆነ አለምን ማሸነፍ አይችልም፡፡ ሰው የእግዚአብሄርን ቃል በመስማት በእምነት አይን ካላየ አለምን ማሸነፍ አይችልም፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

ሰው ግን የሁሉ ነገር ምንጭ የሆነውን መንፈሳዊውን አለም ማየት ከቻለ አለምን ማሸነፍ ይችላል፡፡

ዓለሞች በእግዚአብሔር ቃል እንደ ተዘጋጁ፥ ስለዚህም የሚታየው ነገር ከሚታዩት እንዳልሆነ በእምነት እናስተውላለን። ዕብራውያን 11፡3

ከእግዚአብሔር የተወለደ ሁሉ ዓለምን ያሸንፋልና፤ ዓለምንም የሚያሸንፈው እምነታችን ነው። 1ኛ ዮሐንስ 5፡4

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ሃያል #ጠቢብ #ባለጠጋ #ድልነሺ #ዳግመኛመወለድ #የእግዚአብሄርልጅ #መንፈስ #አማርኛ #ስብከት #መዳን #መፅሃፍቅዱስ #ልብ #አሸናፊ #አለቅነት #ስልጣናት #ስልጣን #አቢይ #አቢይዋቁማ #አቢይዋቁማዲንሳ

how to overcome fear of failure in sports.png

የአባትና የልጅ እንቆቅልሽ ታሪክ

moving-jigsaw-puzzle.jpgነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡33

ሰው ለእግዚአብሄር ክብር ተፈጥሮአል፡፡ ለእግዚአብሄር ክብር የተፈጠረው ሰው ለእግዚአሄር ክብር እሰከኖረ ደርስ ነገሮች ሁሉ ትክክለኛ ቦታቸውን ይይዛሉ፡፡ ሰው የተፈጠረው ለእግዚአብሄር ነው፡፡ ሰው የተፈጠረው የእግዚአብሄርን ነገር እንዲያስቀድም ነው፡፡

ሰው ማስቀደም ያለበትን የእግዚአብሄርን ነገር ሳያስቀድም የራሱን ነገር ሊያስቀድም ሲሞክር ሁሉም ነገሮች ቦታቸውን ይለቃሉ፡፡ሸ ሰው ግን ማስቀደም ያለበትን የእግዚአብሄርን ነገር ሲያስቀድም ሁሉም ነገሮች ቦታቸውን ይይዛሉ፡፡

የሰው ሃላፊነት ነገሮችን ቦታ ማስያዝ አይደለም፡፡ የሰው ሃላፊነት ለእግዚአብሄ ቅድሚያ መሰጠት ነው፡፡ ሰው ለእግዚአብሄር ቅድሚያ ከሰጠ ለሌሎችነገሮች ቅደም ተከተል መስጠት አይጠበቅበትም፡፡ ሰው ግን ለእግዚአብሄር ቅድሚየ ካልሰጠ የሚከረሉትን ነገሮች ሁሉ ቅደም ተከተል መስጠት አለበት፡፡

አንድ ጊዜ እንዲህ ሆነ አሉ፡፡ አንድ አባት በማንበቢያ ክፍሉ ውስጥ ሆኖ ተመስጦ መፅሃፍ ያነባል፡፡ ልጁ ደግሞ የአባቱን ትኩረት ፈልጎ ጥያቄ በመጠየቅ በተከታታይ ከተመሰጠበት ንባቡ ያቋርጠዋል፡፡

አባትም ልጁን ባተሌ የሚያደርግበት እና መፅሃፉን ተመስጦ የሚያነበብበት እንድ ብልሃት አገኘ፡፡ ለልጁ የተገዛለትን ፐዝል ብትንትን ካደረገው በኋላ ገጣጥመው ብሎ ለልጁ ይሰጠዋል፡፡ ልጁ ግን ፐዝሉን ጥቂት ደቂቃ ውሰጥ ገጣጥሞት ተመለሰ፡፡ አባትየው በልጁ ብልሃት እጅግ ሲገረም ልጁ ፐዝሉን መገጣጠም ቀላል እንደነበረ አስረዳው፡፡ ውስብስቡን ፐዝል ለመገጣጠም መቸገር እንደሌለበት ይልቁንም ከኋላ ያለውን የሰውን ምስል ማየትና የጀርባውን የሰው ምስል በመከተል ብቻ የፊቱን ፐዝሉን ሳያይ በትክክል መገጣጠም እንደቻለ ለአባቱ አስረዳ፡፡

እኛም ብዙ ጊዜ የምናተኩረው የህይወትን ችግሮችን በመፍታት ላይ ነው፡፡ የህይወትን ችግሮች የመፍታት ቁልፉ ያለው ለእግዚአብሄር ቅድሚያ በመስጠት ላይ ነው፡፡ ሰው ለእግዚአብሄር ቅድሚያ ከሰጠ በተዘዋዋሪ የህይወት ችግሮችን ቁልፍ እያገኘ ነው፡፡ ሰው ግን ለእግዚአብሄር ቅድሚያ ካልሰጠ የህይወትን ተግዳሮት ቁልፍ እየራቀው ነው፡፡

ሰው ውስብስብ ነገሮችን ከማወቁ በፊት የጥበብ መጀመሪያ ለሆነው ለእግዚአብሄር መፍራት ቅድሚያ መስጠት አለበት፡፡

ሰው ብዙ የሆነውን የህይወትን ሸክም ከመሸከሙ በፊት አስቀድሞ የእግዚአብሄርን ፅድቅና መንግስቱን መፈለግ አለበት፡፡

ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡33

ሰው ለብዙ ነገር ጥብበኛ ከመሆኑ በፊት ለወንጌል መልእክት ሞኝ መሆን አለበት፡፡ ሰው በራሱ መንገድ ለመዳን ከመሞከሩ በፊት ነፃ ስጦታ የሆነውን የእግዚአብሄርን ፀጋ መቀበል አለበት፡፡

የመስቀሉ ቃል ለሚጠፉት ሞኝነት፥ ለእኛ ለምንድን ግን የእግዚአብሔር ኃይል ነውና። 1ኛ ቆሮንቶስ 1፡18

ሰው በህይወቱ በራሱ ማስተዋል ከመደገፉ በፊት በመንገዱ ሁሉ እርሱን ማወቅ አለበት፡፡

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ በመንገድህ ሁሉ እርሱን እወቅ፥ እርሱም ጎዳናህን ያቀናልሃል። ምሳሌ 3፡5-6

በክርስቶስ ኢየሱስ ያለው የሕይወት መንፈስ ሕግ ከኃጢአትና ከሞት ሕግ አርነት አውጥቶኛልና። ሮሜ 8፡2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#አትጨነቁ #ቅድሚያ ##እግዚአብሄርንመፍራት #ጥበብ #መንፈስ #ሞኝነት #የእግዚአብሄርን #እምነት #ምንእንበላለን #ምንእንጠጣለን #ምንእንለብሳለን #አስቀድማችሁ #ፅድቁን #ኢየሱስ #ክርስቶስ #ጌታ #ቤተክርስትያን #አማርኛ #ስብከት #እምነት #መፅሃፍቅዱስ #መንፈስቅዱስ #ምህረት #ፌስቡክ #አቢይዋቁማ #አቢይዋቁማዲንሳ

ከፀሐይም በታች አዲስ ነገር የለም

nothing new under the sun.jpgየሆነው ነገር እርሱ የሚሆን ነው፥ የተደረገውም ነገር እርሱ የሚደረግ ነው፤ ከፀሐይም በታች አዲስ ነገር የለም። መክብብ 1፡9

በምድር ላይ ቢሆንልኝ ብለን እጅግ ስንመኘው የነበረ ስናገኘው ለዚህ ነው እንደዚህ የሆንኩት ብለናል፡፡ በምድር ላይ እንደተራራ ገዝፎብን የነበረ ላይ እንደተራራት ትንሽነቱ አስገርሞናል፡፡ በምድር ላይ ስንናፍቀው የነበረ ስናገኘው ሰልችቶናል፡፡ በምድር ላይ እንደ አድማስ ርቆብን የነበረ ነገር ስንቀርበው ምንም አዲስነት አላገኘንበትም፡፡ እደርስበት ይሆን ብለን እጅግ የፈለግነው ውይ ይሄ ነው እንዴ ብለናል፡፡

በምድር ላይ ብናገኘው ህይወታችን ይለወጣል ብለን አስበን የነበረው ነገር ህይወታችንንን ሊለውጥ ሳይችልና ሲቀር ቅር ሲያሰኘን ምስክር ሆነናል፡፡

በምድር ላይ ይህ ያላቸው ሰዎች የታደሉ ናቸው ብለን ያሰብናቸው ሰዎች ያገኙትን ስናገኝ ቀድሞ እንዳስብነው እንዳልታደሉ ደርሰንበታል፡፡ አሁንም ሰዎች እኛ ፈልገን ስናገኘው የተሰናከልንበትን ነገር እጅግ ሲፈልጉ ስናይ ይህ የተሳተ ግምታቸው ነግሩን ባገኙት ጊዜ ቅር እንደሚያሰኛቸው ስለምናውቅ እናዝናላቸዋለን፡፡

በምድር ላይ አንዲህ ብሆን እኮ ብለን የተመኘነውን ስንሆን ወዲያው ረስተነው አሁን ደግሞ ፍላጎታችን እጅግ የተለየ ሆኗል፡፡

ከሰማይት በታች አዲስ ነገር የለም፡፡ አዲስ ነገር ያለ ከመሰለን ስላልደረስንበት ብቻ ነው፡፡ የደረሱበት ምንም አዲስ ነገር እንደሌለ እንደተረዱት ስንደርስነበት ምንም አዲስ ነገር እንደሌለ ይገባናል፡፡ ውይ እነርሱን ባደረገኝ የምንላቸው ሰዎች ከዚህ መቼ በወጣሁ ብለው ሲመኙ ደርሰናል፡፡

ብቻኛው አዲሱ ነገር የእግዚአብሄርን ስራ በምድር ላይ ሰርቶ እግዚአብሄርን በህይወታችንና በአገልግሎታችን ማክበር ነው፡፡

እኔ ላደርገው የሰጠኸኝን ሥራ ፈጽሜ በምድር አከበርሁህ፤ ዮሃንስ 17፡4

ብቸኛው አዲሱ ነገር ሰውን መውደድ ፣ ሰውን ማገልገል ፣ ሰውን መጥቀምና ሰውን ማንሳት ነው፡፡

በምድር ላይ አዲሱ ነገር በዘላለማዊ እይታ የምድር ህይወትን እንደ እንግድነት መኖር ብቻ ነው፡፡ አዲሱ ነገር በምድር ላይ እንደ እግዚአብሄር መልክተኛ ፈቃዱን ፈፅሞ ማለፍ ብቻ ነው፡፡ በምድር ላይ አዲሱ ነገር በሰማይ መዝገብን መሰብሰብ ነው፡፡

ብልና ዝገት በሚያጠፉት ሌቦችም ቆፍረው በሚሠርቁት ዘንድ ለእናንተ በምድር ላይ መዝገብ አትሰብስቡ፤ ነገር ግን ብልም ዝገትም በማያጠፉት ሌቦችም ቆፍረው በማይሠርቁት ዘንድ ለእናንተ በሰማይ መዝገብ ሰብስቡ፤ ማቴዎስ 6፡19-20

በምድር አዲሱ ነገር በዘላለማዊ ሽልማትን እንደሚቀበል ራስን መግዛት ነው፡፡ በምድር አዲሱ ነገር በምድር ገንዘብ የዘላለም ወዳጆችን ማፍራት ነው፡፡

እኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16፡9

ብቸኛው አዲስ ነገር በምድር ለሚቀር ዘላለማዊ ላልሆነ ለጊዜያዊ መብል አለመስራትና ዘላለማዊ ለሆነ ለማይጠፋ መብል መስራት ነው፡፡

ለሚጠፋ መብል አትሥሩ፤ ነገር ግን ለዘላለም ሕይወት ለሚኖር መብል የሰው ልጅ ለሚሰጣችሁ ሥሩ፤ እርሱን እግዚአብሔር አብ አትሞታልና። ዮሃንስ 6፡27

ዓለሙም ምኞቱም ያልፋሉ፤ የእግዚአብሔርን ፈቃድ የሚያደርግ ግን ለዘላለም ይኖራል። 1ኛ ዮሃንስ 2፡17

አዲሱ ነገር ጌታ ኢየሱስ ብቻ ነው፡፡ አዲሱ ነገር ከጌታ ጋር መኖር ነው፡፡ አዲሱ ነገር ጌታን መውደድ ነው፡፡ አዲሱ ነገር ጌታን ኢየሱስን መከተል ብቻ ነው፡፡ ዘመን የማይሽረው አዲሱ ነገር ጌታን መውደድ ፣ ጌታን መከተል ፣ ጌታን ማገልገል ብቻ ነው፡፡

ከላይ የሚመጣው ከሁሉ በላይ ነው፤ ከምድር የሚሆነው የምድር ነው የምድሩንም ይናገራል። ከሰማይ የሚመጣው ከሁሉ በላይ ነው። ዮሃንስ 3፡31

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ዘላለማዊ #አዲስ #ልብ #ሰማይ #ዘላለም #ጌታ #ከፀሐይበታች #ያልፋሉ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

አማኑኤል – እግዚአብሔር ከእኛ ጋር

shutterstock_182332070.jpgእግዚአብሄር ሰውን ከእርሱ ጋር ፍፁም ህብረት እንዲያደርግ አድርጎ በመልኩና በአምሳሉ ፈጥሮታል፡፡ የእግዚአብሄር አላማ ከሰው ጋር በህብረት መኖር ነበር፡፡

ሰው ግን አታድርግ የተባለውን በማድረጉ በአመፅ ከእግዚአብሔር ተለየ፡፡ ሰው በእግዚአብሄር ላይ በማመፁ ምክኒያት ከእግዚአብሄር ጋር ተቆራረጠ በዚያም ከእግዚአብሄር ጋር የነበረውን የአባትና የልጅ ግንኙነት አጣው፡፡ ሰው ሰይጣንን በመስማቱ በአመፁ የእግዚአብሄር ጠላት ሆነ፡፡

እግዚአብሄር በመልኩና በአምሳሉ የፈጠረው አንድም ሰው እንዲጠፋ አይፈልግም፡፡

ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው። 1ኛ ጢሞቴዎስ 2፡3-4

ስለዚህ እግዚአብሄር ሰውን ለመፈለግ ስጋ ለብሶ ወረደ፡፡ ኢየሱስ በእግዚአብሄር መልክ ሲኖር እኛን ሰዎችን ለመፈለግ ስጋ ለብሶ ወደ ምድር መጣ፡፡

ልጅም ትወልዳለች፤ እርሱ ሕዝቡን ከኃጢአታቸው ያድናቸዋልና ስሙን ኢየሱስ ትለዋለህ። በነቢይ ከጌታ ዘንድ፦ እነሆ፥ ድንግል ትፀንሳለች ልጅም ትወልዳለች፥ ስሙንም አማኑኤል ይሉታል የተባለው ይፈጸም ዘንድ ይህ ሁሉ ሆኖአል፥ ትርጓሜውም፦ እግዚአብሔር ከእኛ ጋር የሚል ነው። ማቴዎስ 1፡21-23

እርሱ በእግዚአብሔር መልክ ሲኖር ሳለ ከእግዚአብሔር ጋር መተካከልን መቀማት እንደሚገባ ነገር አልቈጠረውም፥ ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ በምስሉም እንደ ሰው ተገኝቶ ራሱን አዋረደ፥ ለሞትም ይኸውም የመስቀል ሞት እንኳ የታዘዘ ሆነ። ፊልጵስዩስ 2፡5-7

ቃልም ሥጋ ሆነ፤ ጸጋንና እውነትንም ተመልቶ በእኛ አደረ፥ ዮሃንስ 1፡14

ኢየሱስ እኛን ሰዎችን መስሎ የመጣው ለእኛ ያለውን ፍቅር ሊገልፅልንና ከሰው ጋረ የነበረውን የተበላሸ ህብረት ለማደስ የሚያስፈልገውን የሃጢያታችንን ዋጋ በመሞት ሊከፍልልን ነው፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

እግዚአብሄር በኢየሱስ በመካከላችን ቢያድርም ኢየሱስ በመስቀል ላይ የሰራው ስራ ለእኔ ነው ብለን እስካልተቀበለን ድረስ ኢየሱስ ወደ ምድር የመጣበትና የእኛን ስጋ ለብሶ የተመላለሰበትን ብሎም ስለሃጢያታችን የሞተበትን አላማ እንስተዋለን፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ሰው በልቡ አምኖ ይጸድቃልና በአፉም መስክሮ ይድናልና። ሮሜ 10፡9-10

የንስሃ ፀሎት

እግዚአብሄር ሆይ ስለሃጢያቴ እንዲሞት ልጅህን ኢየሱስን ወደምድር ስለላከው አመሰግንሃለሁ፡፡ እግዚአብሄር ሆይ እኔ ሃጢያተኛ ነኝ፡፡ በሃጢያቴ ምክኒያት ለዘላለም ከአንተ መለየት አልፈልግም፡፡ እኔ ከአንት ለዘላለም እንዳልለያይ ኢየሱስ በመስቀል ላይ የሰራለኝን ስራ ለእኔ ነው ብዬ እቀበላለሁ፡፡ ኢየሱስ እንደሞተልኝና ከሙታን እንደተናሳ አምናለሁ፡፡ ኢየሱስ ጌታ እንደሆነ በአፌ እመሰክራለሁ፡፡ ኢየሱስ ጌታ ነው፡፡ ልጅ አድርገህ ስለተቀበልከኝ አመሰግንሃለሁ፡፡ አሜን

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #መናገር #አማርኛ #ስብከት #መዳን #መፅሃፍቅዱስ #ልብ #እምነት #ቃል #መዳን #ማድረግ #መስዋእት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

መሥዋዕትንና መባን አልወደድህም

Publication15.jpgስለዚህ ወደ ዓለም ሲገባ፦ መሥዋዕትንና መባን አልወደድህም ሥጋን ግን አዘጋጀህልኝ፤ በሙሉ በሚቃጠል መሥዋዕትና ስለ ኃጢአት በሚሰዋ መሥዋዕት ደስ አላለህም። በዚያን ጊዜ፦ እነሆ፥ በመጽሐፍ ጥቅልል ስለ እኔ እንደ ተጻፈ፥ አምላኬ ሆይ፥ ፈቃድህን ላደርግ መጥቼአለሁ አልሁ ይላል። ዕብራውያን 10፡5-7

እግዚአብሄር ሰውን ለክብሩ ፈጥሮታል፡፡ እግዚአብሄር ሰውን የፈጠረው እርሱን እየታዘዘ ምድርን እንዲገዛ ነው፡፡ እግዚአብሄር ሰውን የፈጠረው ለራሱ አላማ ነው፡፡ ሰው በወደደው መንገድ እግዚአብሄርን እንዲያገለግል እግዚአብሄር ሰውን አልፈጠረውም፡፡ ሰው በወደደው መንገድ እንዲያገለግለው እግዚአብሄር ሰውን አልፈጠረውም፡፡

እግዚአብሄር ስውን የፈጠረው ሰው እግዚአብሄርን እየታዘዘ በምድር ላይ የእግዚአብሄርን ፈቃዱን እንዲፈፅም ነው፡፡ ነገር ግን እግዚአብሄር የጠየቀውን ነገር ከማድረግ ከመታዘዝ ይልቅ ይልቅ በራሳችን የፈጠራ ሃሳብ እግዚአብሄርን ልናስደስተው መፈልግ ከንቱ ድካም ነው፡፡ እግዚአብሄር አድርግ ያለውን ሳይሆን በራሳችን አነሳሽነት ለእግዚአብሄር የተለያዩ መባዎችና መስዋእቶች በማቅረብ እግዚአብሄርን የምናስደስተው ከመሰለን ተሳስተናል፡፡ እግዚአብሄ ታዛዥ ልጅነ እንጂ የፈጠራን ሰው አይፈልግም፡፡ እግዚአብሄር አዳዲስ የማስደሰቻ መንገድ እንዲፈጥረለት ሰውን አይጠብቅም፡፡ እግዚአብሄር ምን መሆን እንዳለበት እግዚአብሄር ጠንቅቆ ያውቃል፡፡ እግዚአብሄር ከሰው የሚፈልገው አንድ ነገር መታዘዝን ብቻ ነው፡፡

ሰው በራሱ ሃሳብ እንዲያስደስተው እግዚአብሄር አይጠብቅምም አይፈልግምም፡፡ ሰው ካልታዘዘው ምንም ታላላቅ መስዋእቶች ቢያደርግለትም እግዚአብሄር በሰው አይደሰትም፡፡

ሰው እግዚአብሄር አድርግልኝ ያለውን ትቶ የተለያየ መስዋእትን ቢያቀርብ እግዚአብሄርን ደስ አያሰኘውም፡፡

ስለዚህ ነው ኢየሱስ ከድንግል ማርያም ሲወለድ እንዲህ ተብሎ የተፃፈው፡፡

ስለዚህ ወደ ዓለም ሲገባ፦ መሥዋዕትንና መባን አልወደድህም ሥጋን ግን አዘጋጀህልኝ፤ በሙሉ በሚቃጠል መሥዋዕትና ስለ ኃጢአት በሚሰዋ መሥዋዕት ደስ አላለህም። ዕብራዊያን 10፡5-6

ኢየሱስ ወደ ምድር የመጣው እግዚአብሄር ያልጠየቀውን ሌላ ተጨማሪ መስዋእትንት ሊያደርግ ሳይሆን እግዚአብሄርን ሊታዘዝ ነው፡፡ ኢየሱስ ወደ ምድር የመጣው በራሳ አነሳሽነት አንድ ተጨማሪ መባ ሊሰጥ ሳይሆን የእግዚአብሄርን አላማ ሊፈፅም ነው፡፡

በዚያን ጊዜ፦ እነሆ፥ በመጽሐፍ ጥቅልል ስለ እኔ እንደ ተጻፈ፥ አምላኬ ሆይ፥ ፈቃድህን ላደርግ መጥቼአለሁ አልሁ ይላል። ዕብራውያን 10፡7

በራስ አነሳሽነት መስዋእትን በማድረግ እግዚአብሄርን ማስደሰት ባዶ ሃይማኖተኝነት ነው፡፡ እግዚአብሄርን የሚያስደስተው አንድ ነገር  እግዚአብሄር የሚፈልገውን ፈቃዱን አግኝቶ ማድረግ ነገር ነው፡፡

አሁንም እግዚአብሄር ከእኛ በራስ አነሳሽነት የሚደረግ መስዋእትና መባን አይፈልግም፡፡ እግዚአብሄር የሚፈልገው ያዘዘንን እንደድናደርግ ነው፡፡ ያዘዘንን ካደረግን እግዚአብሄርን እናስደስተዋለን፡፡ መባንና መስዋእትን እያደረግን ያዘዘንን ካላደረግን ግን እግዚአብሄርን በፍፁም አናስደስተውም፡፡ መባንና መስዋእትን ባናደርግ እንኳን እግዚአብሄርን በየእለቱ ከታተዘን በቂ ነው፡፡ እግዚአብሄርን በመባና በመስዋት የምናስደስተው ብቸኛ መንገድ እርሱ ከጠየቀን ብቻ ነው፡፡ እግዚአብሄር በመባችንና በመስዋእታችን ደስ የሚሰኝበት ብቸኛ መንገድ እርሱን ታዝዘነው ስናደርገው ብቻ ነው፡፡

እግዚአብሄር የእስራኤልን ህዝብ እርሱ ለመስዋእት ምንም እንደማይጓጓ እነርሱ በመስዋት የሚያቀርቡለት ነገር ሁሉ የእርሱ የራሱ እንደሆነ ያስታውሳቸዋል፡፡ ከዚያ ይልቅ የጠየቀውን እንዲያደርጉለት እንዲታዘዙት ያዛቸዋል፡፡

ሕዝቤ፥ ስማኝ፥ ልንገርህ፤ እስራኤልም፥ ስማኝ፥ ልመስክርብህ፤ አምላክስ እኔ አምላክህ ነኝ። ስለ ቍርባንህ የምዘልፍህ አይደለሁም፤ የሚቃጠል መሥዋዕትህ ሁልጊዜ በፊቴ ነው። ከቤትህ ፍሪዳን ከመንጋህም አውራ ፍየልን አልወስድም፤ የምድረ በዳ አራዊት ሁሉ በሺህ ተራራዎች ያሉ እንስሶችም የእኔ ናቸውና። የሰማይን አዕዋፍ ሁሉ አውቃለሁ፥ የምድረ በዳ አራዊትም በእኔ ዘንድ ናቸው። ብራብም ለአንተ አልነግርህም፥ ዓለምና ሞላው የእኔ ነውና። የፍሪዳውን ሥጋ እበላለሁን? የፍየሉንስ ደም እጠጣለሁን? ለእግዚአብሔር የምስጋናን መሥዋዕት ሠዋ፥ ለልዑልም ስእለትህን ስጥ፤ መዝሙር 50፡7-14

ለእግዚአብሄር አምልኮ ነገራችንን መስጠት ሳይሆን ራሳችንን መስጠት ነው፡፡ ራሱን ያልሰጠ ሰው ምንም ነገር እግዚአብሄርን አያስደስተውም፡፡ እግዚአብሄር ከእኛ የሚፈልገው ፈቃዳችንን ለእርሱ ፈቃድ እንድናስገዛ እንጂ ነገራችንን ብቻ እንድንሰጠው አይደለም፡፡ እግዚአብሄር በመስዋእት እንዲቀርብን የሚፈልገው የሰው ፈቃድ እንጂ መስዋእት አይደለም፡፡ እግዚአብሄር ማየት የሚፈልገው የሰውን ፈቃድ መሸነፍ እንጂ የመባና የመስዋእትን መአት አይደለም፡፡

እግዚአብሄ ኢየሱስ በምድር ላይ እንዲወለድ የሰውን ስጋ ያዘጋጀለት እንዲታዘዘው ነው፡፡ እግዚአብሄር በራሳቸው አነሳሽነት ሳይታዘዙት መስዋእት የሚያደርገለትን አልፈለገም፡፡ ፈቃዱን የሚያስገዛ የሚታዘዘን ሰው ስለፈለገ ነው እግዚአብሄር ለኢየሱስ ስጋን ያዘጋጀውና ከሰው እንዲወለድ ያደረገው፡፡

ስለዚህ ወደ ዓለም ሲገባ፦ መሥዋዕትንና መባን አልወደድህም ሥጋን ግን አዘጋጀህልኝ፤ በሙሉ በሚቃጠል መሥዋዕትና ስለ ኃጢአት በሚሰዋ መሥዋዕት ደስ አላለህም። በዚያን ጊዜ፦ እነሆ፥ በመጽሐፍ ጥቅልል ስለ እኔ እንደ ተጻፈ፥ አምላኬ ሆይ፥ ፈቃድህን ላደርግ መጥቼአለሁ አልሁ ይላል። ዕብራውያን 10፡5-7

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#የእግዚአብሄርምክር #የእግዚአብሔርፈቃድ #እግዚአብሔር #እንደተፃፈ #ማታዘዝ #መባ #መሥዋዕት ##እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

አዲሱ አመት በእውነት አዲስ የሚሆንበት ሶስቱ መንገዶች

Publication16.jpg

አመት ሲለወጥ ሁልጊዜ ተስፋችን ይታደሳል አዲስን ነገር ተስፋ እናደርጋለን፡፡ ነገር ግን ከተረዳነው የአመቱ ወሮችና ቀኖች በራሳቸው አዲስ አይደሉም ካለእኛም በራሳቸው አዲስን ነገር ሊያደርጉልን አይችሉም፡፡ ያው እሁድ ሰኞ ማክሰኞ ሮብ ሃሙስ አርብ ቅዳሜ ናቸው የአመቱም ወሮች ያው መስከረም ጥቅምት ህዳር ታህሳሰ ወዘተ ናቸው፡፡

አዲስን አመት አዲስ የሚያደርገው አዲሱን አመት የሚኖርበት ሰው አዲስ መሆኑና መታደሱ ነው፡፡ ምክኒያቱም አሮጌን ነገር በአዲስ ነገር ውስጥ ብንጨምር አይሰራም፡፡ አሮጌ ሰው በአዲስ አመት ውስጥ መኖሩ አመቱን በፍፁም አዲስ አያደርገውም፡፡ አሮጌ ሰው ከአዲስ አመት አዲስን ነገር መጠበቅ ነፋስን እንደመጨበጥ ከንቱ ድካም ነው፡፡

በአረጀ አቁማዳ አዲስ የወይን ጠጅ የሚያኖር የለም፤ ቢደረግ ግን፥ አቁማዳው ይፈነዳል፥ የወይን ጠጁም ይፈሳል አቁማዳውም ይጠፋል፤ ነገር ግን አዲሱን የወይን ጠጅ በአዲስ አቁማዳ ያኖረዋል፥ ሁለቱም ይጠባበቃሉ። ማቴዎስ 9፡17

ሰውን የሚለውጠው አመት አይደለም፡፡ ሰውን የሚለውጠው እና አዲስና በቀጣይነት የታደሰ የሚያደርገው የእግዚአብሄር ቃል ነው፡፡

የአዲስን አመት ጥቅም ለመጠቀም አዲስን ነገር በአዲስ ነገር ውስጥ መጨመር ግዴታ ነው፡፡ አዲሱን አመት በአዲስነት የምንቀበልበትና በአዲስነት የምናድስባቸው ሶስት መንገዶች፡-

  1. አዲስ ፍጥረት መሆን

ሰው ስለሃጢያቱ እንደሞተለት እና የሃጢያቱን ዋጋ ሁሉ እንደከፈለለት በእግዚአብሄር ካላመነ ፣ ኢየሱስን እንደ አዳኙ ካልተቀበለና እግዚአብሄር በኢየሱስ ያዘጋጀለትን የመዳኛ መንገድ ካልተቀበለ የህይወት አዲስነት በፍፁም አይገኝም፡፡ ሰው ኢየሱስን ካልተቀበለ የእግዚአብሔር ቍጣ በእርሱ ላይ ይኖራል እንጂ ሕይወትን አያይም፡፡

በልጁ የሚያምን የዘላለም ሕይወት አለው፤ በልጁ የማያምን ግን የእግዚአብሔር ቍጣ በእርሱ ላይ ይኖራል እንጂ ሕይወትን አያይም። ዮሃንስ 3፡36

ኢየሱስን የተቀበለ ሰው ግን እግዚአብሄር ልጅ አድርጎ ይቀበለዋል በክርስቶስም አዲስ ፍጥረት ይሆናል፡፡

ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል። 2ኛ ቆሮንቶስ 5፡17

  1. አእምሮን ማደስ

አዲሱን አመት በአዲስነት እንድንደሰትበት አሮጌውን አስተሳሰባችንን በእግዚአብሄር ቃል በማደስ እንደ አዲስ ፍጥረትነታችን መኖር ይኖርብናል፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2

የእግዚአብሄርን ቃል በመቀበል በልባችን ያለውን አለማዊ አስተሳሰብ ካላስወገድን በስተቀር አዲስ አመት አዲስ ይሆንልናል ማለት ዘበት ነው፡፡

ስለዚህ ርኵሰትን ሁሉ የክፋትንም ትርፍ አስወግዳችሁ፥ ነፍሳችሁን ማዳን የሚችለውን በውስጣችሁም የተተከለውን ቃል በየዋህነት ተቀበሉ። ያዕቆብ 1፡21

  1. አዲሱን ሰው መልበስ

ምንም እንኳን አዲስ ፍጥረት መሆን ወሳኝ ቢሆንም አዲስን አመት አዲስ የሚያደርገው አዲስ ፍጥረት መሆን ብቻ አይደለም፡፡ በአዲስ ህይወት ለመመላለስ አእምሮን በእግዚአብሄር ቃል ማደስና እንደ እግዚአብሄር ቃል መኖር መመላለስ ይጠይቃል፡፡

ፊተኛ ኑሮአችሁን እያሰባችሁ እንደሚያታልል ምኞት የሚጠፋውን አሮጌውን ሰው አስወግዱ፥ በአእምሮአችሁም መንፈስ ታደሱ፥ ለእውነትም በሚሆኑ ጽድቅና ቅድስና እንደ እግዚአብሔር ምሳሌ የተፈጠረውን አዲሱን ሰው ልበሱ። ኤፌሶን 4፡22-24

ኢየሱስን ተቀብለን አዲስ ፍጥረት ብንሆን ፣ አእምሮዋችንን በእግዚአብሄር ቃል ብናድስና እንደ አዲስ ፍጥረትነታችንና እንደታደሰ አእምሮ ብንመላለስ አዲሱ አመት በእውነት አዲስ ይሆንልናል፡፡ ህይወታችን እስካልተለወጠ ዘመናችን አይለወጥም፡፡ ህይወታችን በተለወጠ ቁጥር ዘመናችን እየታደሰ ይሄዳል፡፡

የንስሃ ፀሎት

እግዚአብሄር ሆይ ይህንን ቃል እንደሰማ ስለረዳኽኝ አመሰግንሀለሁ፡፡ ኢየሱስ ስለሃጢያቴ እንደሞተ አምናለሁ ፣ እግዚአብሄር ስለሃጢያቴ ከሙታን እንዳስነሳው አምናለሁ ኢየሱስም ጌታ እንደሆነ በአፌም እመሰክራለሁ፡፡ ሃጢያቴን ሁሉ ይቅር ስላልከኝ አመሰግንሃለሁ፡፡ ልጅህ አድርገህ ስለተቀበልከኝ አመሰግንሃለሁ፡፡

በኢየሱስ ስም፡፡

አሜን

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሔር #እውቀት #ጥበብ #ነፍስ #መዳን #ሃሳብ #መልካም #መታዘዝ #ቅድስና #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #አዲስፍጥረት #መናገር #አእምሮ #ነፍስ #ቃል #ልጅ

አያዋጣም

MostProfitableInvestment (1)5.pngበንግድ አንድን እቃ ሸጠን የምናገኘውን ገንዘብ ብቻ አይተን ያዋጣል ማለት አንችልም፡፡ የአንድን ነገር አዋጪነቱን ለማወቅ አንድን ነገር የሸጥንበትን ዋጋ ብቻ ሳይሆን የገዛንበትን ዋጋም ከግምት ውስጥ እናስገባዋለን፡፡ ምንም በውድ ዋጋ ቢሸጥ በውድ ዋጋ የተገዛ ከሆነና ትርፉን እጅግ የሚቀንስ ከሆነ አዋጭ አይደለም እንላለን፡፡ እንደ ነጋዴ አዋጪ ያልሆነን ነገር ለመሸጥ ፍላጎት አይኖረንም፡፡

በህይወታችን ጊዜያችንን ፣ ጉልበታችንንና እውቀታችንን የምናፈስባቸው ነገሮች ብዙን ጊዜ ውጤት ያመጣሉ፡፡ ነገር ግን የምንከፍለው ዋጋ ከምናገኘው ውጤት ከበለጠ ወይም እኩል ከሆነ አዋጭ አይደለም፡፡ አንዳንድ የምናደርጋቸው ነገሮች በእርግጥ ይከናወናሉ ነገር ግን ካወጣነው ጉልበት አንፃር አዋጪ አይደሉም፡፡ በጥበብ ነው ያደረግነው አዋጪ ነው የሚባለው ነገር የምንከፍለው ዋጋ ሲያንስ የምናገኘው ሲበዛ ነው፡፡

በክርስትናም እንዲሁ ነው፡፡ አንዳንድ ነገሮች ጥሩ ናቸው ነገር ግን ከፍተኛ ጥቅም አይሰጡንም፡፡ አንዳንድ ነገሮች አይጎዱም ነገር ግን ከፍተኛን ጥቅም አይሰጡም፡፡ በክርስትና አዋጪ ስለሆኑ የጥበብ ውሳኔዎች እንመልከት፡፡

አዋጪነቱን የተረዳ ብልሃተኛ ሰው ነፍሱን አይዝም በጌታ ላይ ይጥላል፡፡ አዋጪነቱን የተረዳ ሰው የእግዚአብሄርን ቃል ታዞ ከነፍሱ ድምፅ በላይ የጌታን ድምፅ ይሰማል ይታዘዛል፡፡ አዋጪነቱን የተረዳ ሰው

ነፍሱን ሊያድን የሚወድ ሁሉ ያጠፋታል፤ ስለ እኔ ግን ነፍሱን የሚያጠፋ ሁሉ ያገኛታል። ማቴዎስ 16፡25

አዋጪነቱን የተረዳ ብልሃተኛ ብልሃተኛ አናፂ ዋጋ መክፈል በሚገባው በጥራት ላይ ዋጋ ይከፍላል፡፡

ጥበበኛ ሰው ዋጋ በሚያስከፍል እውነተኛ ነገር ላይ በደስታ ዋጋ ይከፍላል፡፡ አሁን ዋጋ የከፈለበት ነገር ነገ በብዙ እጥፍ ይጠቅመዋል፡፡ ብልሃተኛ አናፂ ለትክለክለኛ ነገር ዋጋ ይከፍላል፡፡ ትክክለኛ አናፂ ቤቱን ቶሎ ሰርቶ መጨረሱን ብቻ ሳይሆን ቤቱ በትክክለኛ ነገር መሰራቱን ያረጋግጣል፡፡ ትክክለኛ አናፂ ገንብቶ ለመጨረስ አይቸኩልም ነገር ግን በሚቆይ በሚበረክትና ዘላቂ ነገር ላይ ዋጋ ለመክፈል ይታገሳል፡፡

ማንም ግን በዚህ መሠረት ላይ በወርቅ ቢሆን በብርም በከበረ ድንጋይም በእንጨትም በሣርም ወይም በአገዳ ቢያንጽ፥ የእያንዳንዱ ሥራ ይገለጣል፤ በእሳት ስለሚገለጥ ያ ቀን ያሳያልና፥ የእያንዳንዱም ሥራ እንዴት መሆኑን እሳቱ ይፈትነዋል። ማንም በእርሱ ላይ ያነጸው ሥራ ቢጸናለት ደመወዙን ይቀበላል፤ የማንም ሥራ የተቃጠለበት ቢሆን ይጎዳበታል፥ እርሱ ራሱ ግን ይድናል ነገር ግን በእሳት እንደሚድን ይሆናል። 1ኛ ቆሮንቶስ ሰዎች 3፡12-15

አዋጪነቱን የተረዳ ብልሃተኛ ሰው የጊዜው መከራ በመታገስ የሚበልጠውን ክብር ይጠብቃል፡፡

ሰው ማለፍ ያለበትን የጊዜውን መከራ በራሱ መንገድ ለመሸወድ ቢሞክር አያዋጣም፡፡ ሰው በራሱ መንገድ ከእግዚአብሄር ሃሳብ ወጥቶ ማለፍ ያለበትን መከራ ሊሸውደው ይችላል፡፡ ይህ ግን ትርፉና ኪሳራው ሲታይ አዋጪ አይደለም፡፡ የሚያዋጣው ከሚመጣው ክብር ጋር ሲመዛዘን ቀላል የሆነውን የጊዜውን ስቃይ መታገስ ነው፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው። 2ኛ ቆሮንቶስ 4፡17-18

ለእኛም ይገለጥ ዘንድ ካለው ክብር ጋር ቢመዛዘን የአሁኑ ዘመን ሥቃይ ምንም እንዳይደለ አስባለሁ። ሮሜ 8፡18

አዋጪነቱን የተረዳ ብልሃተኛ ሰባኪ የሰዎችን እምነት በእግዚአብሄር ሃይል ላይ እንዲሆን ዋጋ ይከፍላል፡፡

ጠቢብ ሰባኪ ህይወቱን በንግግር ብልጫ ላይ ሳይሆን በእግዚአብሄር ቃልና ሃይል ላይ ይመሰርታል፡፡ ጠቢብ ሰው በእምነት እንጂ በብልጣብልጥነት አይኖርም፡፡ ጠቢብ ሰባኪ የሚሰሙትን ለእምነት ኑሮ እንጂ ለብልጣብልጥነት ምሳሌ አይሆናቸውም፡፡ ጠቢብ ሰባኪ ሰዎች በእግዚአብሄር ቃል ጥበብ ላይ እንጂ በሰው ጥበብ ላይ እንዲታመኑ አያደርጋቸውም፡፡ ሰው ካገለገለና ከሰበከ ላይቀር እውነተኛውን ነገር ሰብኮ እውነተኛውን ነገር ኖሮ ህይወቱን ቢያሳልፍ ብቻ አዋጪ ነው፡፡

እኔም፥ ወንድሞች ሆይ፥ ወደ እናንተ በመጣሁ ጊዜ በቃልና በጥበብ ብልጫ ለእግዚአብሔር ምስክርነቴን ለእናንተ እየነገርሁ አልመጣሁም። እምነታችሁም በእግዚአብሔር ኃይል እንጂ በሰው ጥበብ እንዳይሆን፥ ቃሌም ስብከቴም መንፈስንና ኃይልን በመግለጥ ነበረ እንጂ፥ በሚያባብል በጥበብ ቃል አልነበረም። 1ኛ ቆሮንቶስ 2፡1፣4-5

አዋጪነቱን የተረዳ ብልሃተኛ ኢንቨስተር በሰው ልጆች መዳን ላይ ገንዘቡን ያፈሳል፡፡

አዋጪነቱን የተረዳ ባለገንዘብ በምድር ላይ የሚቀር ጊዜያዊ ነገርን ሲሰራ አይኖርም፡፡ አዋጪነቱን የተረዳ ሰው ገንዘቡን ዘላለማዊ ዋጋ ያለው ነገር ላይ ያጠፋል፡፡ አዋጪነቱን የተረዳ ሰው የሰው ልጆችን ወደ መግስተ ሰማያት እንዲሄዱ በመርዳት የላቀ ዋጋ ያለው የሰዎች መዳን ላይ ያውለዋል፡፡ አዋጭነቱን የተረዳ ሰው ብዙዎችን ለመታደግ የሚውለውን ሃብቱን ሁሉ በራሱ ላይ ብቻ አውሎ እየጨርሰውም፡፡

እኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16፡9

ብልና ዝገት በሚያጠፉት ሌቦችም ቆፍረው በሚሠርቁት ዘንድ ለእናንተ በምድር ላይ መዝገብ አትሰብስቡ፤ ነገር ግን ብልም ዝገትም በማያጠፉት ሌቦችም ቆፍረው በማይሠርቁት ዘንድ ለእናንተ በሰማይ መዝገብ ሰብስቡ፤ መዝገብህ ባለበት ልብህ ደግሞ በዚያ ይሆናልና። ማቴዎስ 6፡19-21

አዋጪነቱን የተረዳ ብልሃተኛ ባለጠጋ በገንዘብ ብቻ ሳይሆን ለእውነተኛ ህይወት በመልካም ስራ ባለጠጋ ይሆናል፡፡

አዋጪነቱን የተረዳ ባለጠጋ ባለጠግነት ግብ እንዳልሆነ ይረዳል፡፡ ባለጠግነት የመልካም ስራ ባለጠግነት የመጀመሪያ ደተረጃ እንጂ የመጨረሻው ደረጃ እነዳልሆነ ይረዳል፡፡ የገባው ባለጠጋ ባለጠግነቱ ታማኝነቱ የሚፈተንበት መልካም አጋጣሚ ብቻ እንደሆነ ይረዳል፡፡ የገባው ባለጠጋ በገንዘብ ባለጠግነቱ ልክ የመልካም ባለጠጋ ለመሆን ይተጋል፡፡ የገባው የገንዘብ ባለጠጋ የገንዘቡን ባለጠግነት ወደ እውነተኛ የመልካም ስራ ባለጠግነት ይለውጠዋል፡፡

እውነተኛውን ሕይወት ይይዙ ዘንድ፥ ለሚመጣው ዘመን ለራሳቸው መልካም መሠረት የሚሆንላቸውን መዝገብ እየሰበሰቡ፥ መልካምን እንዲያደርጉ በበጎም ሥራ ባለ ጠጎች እንዲሆኑ፥ ሊረዱና ሊያካፍሉም የተዘጋጁ እንዲሆኑ ምከራቸው። 1ኛ ጢሞቴዎስ 6፡18-19

አዋጪነቱን የተረዳ ብልሃተኛ ሰው አለሙን ሁሉ አትርፎ ነፍሱን ማጉደል አይፈልግም፡፡

አዋጪነቱን የተረዳ ብልሃተኛ ሰው አለሙን ሁሉ አጥቶ ነፍሱን ቢያጎድል ይመርጣል፡፡

ሰው ዓለሙን ሁሉ ቢያተርፍ ነፍሱንም ቢያጐድል ምን ይጠቅመዋል? ወይስ ሰው ስለ ነፍሱ ቤዛ ምን ይሰጣል? ማቴዎስ 16፡26

አዋጪነቱን የተረዳ ብልሃተኛ ሰው ስሜቱን ይገዛል እንጂ የከበረውን ብኩርናውን በጊዜያዊ ጥቅም አይለውጠውም፡፡

ወይም ስለ አንድ መብል በኵርነቱን እንደ ሸጠ እንደ ዔሳው ለዚህ ዓለም የሚመች ሰው እንዳይሆን ተጠንቀቁ። ዕብራውያን 12፡16

አዋጪነቱን የተረዳ ብልሃተኛ ሰው በታማኝነት ይጠብቃል እንጂ መሰረት ለሌላት ፈጥና ለምትከማች ሃብት አይጓጓም አላስፈላጊ ዋጋም አይከፍልም፡፡

በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። ምሳሌ 13፡11

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። ምሳሌ 28፡20

አዋጪነቱን የተረዳ ብልሃተኛ ሰው እግዚአብሄር እንዲያከብረው ቀድሞ ራሱን ያዋርዳል፡፡

ራስን ማክበር ከንቱ ድካምና ንፋስን እንደ መከተል መሆኑን የተረዳ ሰው ራሱን ለማክበር ሲሯሯጥ አይታይም፡፡ ራስን ማክበር ወጭው ብዙ ገቢው ግን ጥቂት መሆኑን የተረዳ ሰው እራሱን ለማክበር መውጣት መውረዱን ትቶ እግዚአብሄር እንዲያከብረው ለእግዚአብሄር ጊዜ ይሰጣል፡፡ አዋጭነቱን የተረዳ ሰው እግዚአብሄር ያልሰጠውን ክብር እጁን ተንጠራርቶ እራሱ እይወስድም እግዚአብሄር እስኪሰጠው የእግዚአብሄርን ጊዜ በትግስት ይጠብቃል፡፡

እንዲሁም፥ ጐበዞች ሆይ፥ ለሽማግሌዎች ተገዙ፤ ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ፥ እግዚአብሔር ትዕቢተኞችን ይቃወማልና፥ ለትሑታን ግን ጸጋን ይሰጣል። እንግዲህ በጊዜው ከፍ እንዲያደርጋችሁ ከኃይለኛው ከእግዚአብሔር እጅ በታች ራሳችሁን አዋርዱ፤ 1ኛ ጴጥሮስ 5፡5-6

አዋጪነቱን የተረዳ ብልሃተኛ ሰው ይባርካል በረከትን ይወርሳል እንጂ ማንንም አይረግምም፡፡

ክፉን በክፉ ፈንታ ወይም ስድብን በስድብ ፈንታ አትመልሱ በዚህ ፈንታ ባርኩ እንጂ፥ በረከትን ልትወርሱ ለዚህ ተጠርታችኋልና። ሕይወትን ሊወድ መልካሞችንም ቀኖች ሊያይ የሚፈልግ ሰው፥ መላሱን ከክፉ ከንፈሮቹንም ተንኰልን ከመናገር ይከልክል፤ ከክፉ ፈቀቅ ይበል፥ መልካምንም ያድርግ፥ ሰላምን ይሻ ይከተለውም፤ 1ኛ ጴጥሮስ 3፡9

አዋጪነቱን የተረዳ ብልሃተኛ ሰው ራሱን ለመንፈሳዊ ነገር ያስለምዳል፡፡

ሰውነትን ለሥጋዊ ነገር ማስለመድ ለጥቂት ይጠቅማልና፤ እግዚአብሔርን መምሰል ግን የአሁንና የሚመጣው ሕይወት ተስፋ ስላለው፥ ለነገር ሁሉ ይጠቅማል። 1ኛ ጢሞቴዎስ 4፡8

አዋጪነቱን የተረዳ ብልሃተኛ ሰው ለዘላለም በሚኖረው በቃሉ ለመኖር የሚከፈለውን ዋጋ ሁሉ ይከፍላል፡፡

አዋጭነቱ የተረዳ ሰው ከእግዚአብሄር ቃል ውጭ ያለን ማንኛውንም ነገር ላለማድረግና ህይወቱን ላለማባከን ይሳሳል፡፡ አዋጭነቱን የተረዳ ሰው አስቸጋሪ ቢሆን እንኳን ለእግዚአብሄር ቃል ዋጋን በደስታ ይከፍላል፡፡ አዋጭነቱን የተረዳ ሰው ምንም ወደታች ቢያስወርደውና ቢያስቆፍረውም በቃሉ የተመሰረተ አስተማማኝ ህይወትን ለመገንባት ይተጋል፡፡

ወደ እኔ የሚመጣ ሁሉ ቃሌንም ሰምቶ የሚያደርገው፥ ማንን እንዲመስል አሳያችኋለሁ። ቤት ሲሠራ አጥልቆ የቆፈረ በዓለት ላይም የመሠረተ ሰውን ይመስላል፤ ጐርፍም በመጣ ጊዜ ወንዙ ያን ቤት ገፋው፥ በዓለት ላይም ስለ ተመሠረተ ሊያናውጠው አልቻለም። ሰምቶ የማያደርገው ግን ያለ መሠረት በምድር ላይ ቤቱን የሠራ ሰውን ይመስላል፤ ወንዙም ገፋው ወዲያውም ወደቀ የዚያ ቤት አወዳደቅም ታላቅ ሆነ። ሉቃስ 6፡47-49

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #መዳን #እምነት #አንድነት #ቤተክርስትያን #አማርኛ #ህብረት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #ትግስት #መሪ

የቅዱሳን መጻሕፍት አስፈላጊነት

Publication2.jpgከሕፃንነትህም ጀምረህ ክርስቶስ ኢየሱስን በማመን፥ መዳን የሚገኝበትን ጥበብ ሊሰጡህ የሚችሉትን ቅዱሳን መጻሕፍትን አውቀሃል። የእግዚአብሔር ሰው ፍጹምና ለበጎ ሥራ ሁሉ የተዘጋጀ ይሆን ዘንድ፥ የእግዚአብሔር መንፈስ ያለበት መጽሐፍ ሁሉ ለትምህርትና ለተግሣጽ ልብንም ለማቅናት በጽድቅም ላለው ምክር ደግሞ ይጠቅማል። 2ኛ ጢሞቴዎስ 3፡15-17

የቅዱሳን መጻሕፍት ቃል የእግዚአብሔር መንፈስ ያለባቸው መፃሕፍት ናቸው፡፡ ቅዱሳን መጻሕፍት የተፃፉት በሰዎች ፍላጎት አይደለም፡፡ ቅዱሳን መጻሕፍት የሰው ሃሳብ አይደሉም፡፡ ቅዱሳን መጻሕፍት ቅዱስ የእግዚአብሄር ቃላት ናቸው፡፡ ቅዱሳን መጻሕፍት የእግዚአብሄር ስራ ነው፡፡ ሰዎች በመንፈስ ተነድተው ነው ቅዱሳን መጻሕፍትን የፃፉት፡፡ የእግዚአብሄርን ሃሳብ ፅፈውታል

ስለዚህ ነው ቅዱሳት መፅሃፍት የህይወታችን ዋና ክፍል መሆን ያለባቸው፡፡ ከእግዚአብሄር ጋር ላለን ግንኙነት ቅዱሳት መጽሃፍት ማእከላዊውን ቦታ ይይዛሉ፡፡

በምንም ነገር ባንመራ በቅዱሳት መጻሕፍት መመራት አስፈላጊና ወሳኝ ነው፡፡ ለሰው ከእግዚአብሄር ጋር ለመኖር የሚያስፈልገው እውቀት ሁሉ ቅዱሳን መጻሕፍት ውስጥ ይገኛል፡፡ ሰውን ፍፁም ለማድረግ ቅዱሳን መጻሕፍት በቂ ናቸው፡፡ ቅዱሳን መጻሕፍት ሰውን በእግዚአብሄር ቃል ሙሉ የማድረግ ሃይል አላቸው፡፡ ቅዱሳን መጻሕፍትን የሚያውቅ ሰው የእግዚአብሄርን ፈቃድ ያውቃል፡፡ ቅዱሳን መጻሕፍትን የሚረዳ ሰው የእግዚአብሄን ልብ ይረዳል፡፡

ሰው ከእግዚአብሄር ጋር በሚገባ እኩል መራመድ ከፈለገ ቅዱሳን መጻሕፍትን መፈለግ አማራጭ የሌለው ግዴታ ነው፡፡ ቅዱሳን መጻሕፍት እውቀትና መረዳት ሰውን በመረዳት ፍፁም ማድረግ ብቻ ሳይሆን ለተፈጠረለት ለበጎ ስራ ሁሉ የተዘጋጀ ያደርጉታል፡፡

ሰው ቅዱሳን መጻሕፍትን ሲረዳ የህይወት አላማውን በሚገባ ይረዳል፡፡ ሰው ቅዱሳን መጻሕፍትን ሲያውቅ ለተፈጠረለት ለመልካም ስራ ሁሉ የተዘጋጀ ይሆናል፡፡ እግዚአብሄር ቅዱሳን መጻሕፍት ውስጥ ያስቀመጠውን በረከት እጅግ ድንቅ ነው፡፡ ቅዱሳን መጻሕፍት ለአንዳንድ በጎ ስራ ብቻ አይደለም የሚያዘጋጁት ነገር ግን ሰው ቅዱሳን መጻሕፍትን ሲያውቅ አለ ለሚባለው ለበጎ ስራ ሁሉ የተዘጋጀ ይሆናል፡፡

ቅዱሳን መጻሕፍት ሰውን ፍፁምና ለበጎ ስራ ሁሉ የተዘጋጀ የሚያደርጉት ለሚያነባቸውና ለሚረዳቸው ሰው የሚከተሉትን እጅግ በጣም አስፈላጊ ጥቅም በመስጠት ነው፡፡

  1. ቅዱሳን መጻሕፍት ለትምህርት ይጠቅማሉ

ቅዱሳን መጻሕፍት የደህንነትን እውቀት ያካፍላሉ፡፡ ስለእግዚአብሄር የጥንቱ የመጀመሪያው አላማው ፣ ስለእግዚአብሄር ፈቃድ ፣ ስለእግዚአብሄር መንገድ ትክክለኛውን የነጠረ እውቀት የሚሰጡን ቅዱሳን መጻሕፍት ብቻ ናቸው፡፡ ማናቸውም መጻሕፍት የሚናገሩት ቃል ከቅዱሳን መጻሕፍት ሃሳብ ጋር ካልተስማማ የስህተት አስተማሪዎች ናቸው፡፡ የማንኛውም ሃሳብ ማጣቀሻ ስህተት ይሁን ትክክል ለመመዘን ስልጣን ያላቸው ቅዱሳን መጻሕፍት ናቸው፡፡

  1. ቅዱሳን መጻሕፍት ለተግሣጽ ይጠቅማሉ

ቅዱሳን መጻሕፍት እንደ መስታወት ናቸው፡፡ ቅዱሳን መጻሕፍት ብቻ ናቸው የቀደመውን ኦሪጅናል መልካችንን የሚያውቁትና የሚያሳዩን ከቀደመው መልካችችን ከተለወጥን የሚነግሩን፡፡ ቅዱሳን መጻሕፍት ብቻ ናቸው ከእግዚአብሄር ኦሪጅናል ሃሳብ ዝንፍ ስንል የሚገስፁን፡፡ ቅዱሳን መጻሕፍት ብቻ ናቸው እንደቃሉ የማይሄድን ሰው ለመገሰፅ ማንንም የማይፈሩት፡፡ ቅዱሳን መጻሕፍት ብቻ ናቸው ተመለስ አያዋጣህም የሚሉት፡፡ ቅዱሳን መጻሕፍት ብቻ ናቸው ያለንበትን ትክክለኛውን ቦታ ካለማመቻመች የሚነግሩን፡፡

  1. ቅዱሳን መጻሕፍት ልብንም ለማቅናት ይጠቅማሉ

ልብ የህይወታችን አማካኝ ክፍል ነው፡፡ ልብ የህይወታችን ምንጭ ነው፡፡ ልባችን ከተበላሸ ህይወታችን ይበላሻል፡፡ ልባችን ከተስተካከለ በቅፅበት ህይወታችን ይስተካከላል፡፡ ቅዱሳን መጻሕፍት ሌላው የማይደርስበትን ልብን የመድረስ ሃይል አላቸው፡፡ ልብ በጥንቃቄ ካልተያዘ ጥርጥር ሊሞላና ከእምነት ሊያፈነግጥ ይችላል፡፡ ቅዱሳን መጻሕፍት ልብን ያቀናሉ፡፡ ቅዱሳን መጻሕፍት ልብን ወደቃሉ ይመልሳሉ፡፡ ቅዱሳን መጻሕፍት ልብን ወደ እግዚአብሄር መንገድ ለመመለስ ሙሉ ጥበብ  አላቸው፡፡

  1. ቅዱሳን መጻሕፍት በጽድቅም ላለው ምክር ደግሞ ይጠቅማሉ

ቅዱሳን መጻሕፍት ልብን የሚያሳርፍ ምክር አላቸው፡፡ የቅዱሳን መጻሕፍትን ምክር ተቀብሎ የሚስት ሰው አይገኝም፡፡  መፅሃፍ ቅዱስ በእውነት ይመክራል፡፡ የእግዚአብሔርን የልብ ሃሳብ የምናገኘው በቅዱሳን መጻሕፍት ውስጥ ነው፡፡ ቅዱሳን መጻሕፍት የሚመከር ሰው በእግዚአብሄር መንፈስ ይመከራል፡፡ የቅዱሳን መጻሕፍት ምክር የማይረባውን እንዳንከተል የሚጠቅመውን እንድንይዝ ምክርን ይለግሳል፡፡ ከመፅሃፍ ቅዱስ ውጭ ትክክለኛውምን መንገድ ፅድቅን ከፈለግን እንሳሳታለን፡፡

እግዚአብሄርን በሙላት የምንከተል ለበጎ ስራ ሁሉ የተዘጋጀን ፍፁማን ሰዎች የሚያደርግን የቅዱሳት መፅሃፍት እውቀት ነው፡፡

ከሕፃንነትህም ጀምረህ ክርስቶስ ኢየሱስን በማመን፥ መዳን የሚገኝበትን ጥበብ ሊሰጡህ የሚችሉትን ቅዱሳን መጻሕፍትን አውቀሃል። የእግዚአብሔር ሰው ፍጹምና ለበጎ ሥራ ሁሉ የተዘጋጀ ይሆን ዘንድ፥ የእግዚአብሔር መንፈስ ያለበት መጽሐፍ ሁሉ ለትምህርትና ለተግሣጽ ልብንም ለማቅናት በጽድቅም ላለው ምክር ደግሞ ይጠቅማል። 2ኛ ጢሞቴዎስ 3፡15-17

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሄር #ምክር #ቃልኪዳን #ተግሳፅ #ትምህርት #አማርኛ #ስብከት #መዳን #መፅሃፍቅዱስ #ቅዱሳትመፅሃፍት  #አቢይ #አቢይዋቁማ #አቢይዋቁማዲንሳ #የእግዚአብሄርመንፈስ #የእግዚአብሄርቃል

በእግዚአብሄር ቃል የመኖር አምስቱ ደረጃዎች

eDev_010916_1920x800 jpg.jpg

በእውነት ፍሬያማ ለመሆን በክርስቶስ መኖር ግድ ነው፡፡ የፍሬያማነታችን ልክ በክርስቶስ የመኖራችን ልክ ብቻ ነው፡፡ በኢየሱስ መኖር ደግሞ በቃሉ መኖር ነው፡፡ በእግዚአብሄር ቃል የመኖር አምስቱን ደረጃዎች ከመፅሃፍ ቅዱስ አንመልከት፡፡

የእግዚአብሄርን ቃል መስማት

በቃል የመኖር የመጀመሪያው ደረጃ የእግዚአብሄርን ቃል መስማት ነው፡፡ ካለ እግዚአብሄር ቃል መስማት ፍሬያማነት የማይታሰብ ነው፡፡ የፍሬማነታችን ቁልፍ በቃሉ መኖር ነው፡፡ ስለዚህ ቃሉም ለመስማት ራሳችንን ልንሰጥ ይገባል፡፡ ቃሉን መስማት ሁኔታዎችን ማመቻቸት አለብን፡፡ በአሁኑ ጊዜ በተለይ በአሁኑ ጊዜ መፅሃፍ ቅዱስ በኰምፒተር በታብሌት በስልካችን በፅሁፍና በድምፅ እናገኘዋለን፡፡ በቤታችን ቴፕ ውስጥ ከፍተነው ማዳመጥ እንችላለን፡፡ መኪና ስንነዳና ወረፋ ስንጠብቅ ቃሉን መስማት እንችላለን፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ዕብራዊያን 10፡17

ለእግዚአብሄርን ቃል የመጀመሪያውን ስፍራ መስጠት

ፍሬያማ የሚያደርገን ቃሉ እንደመሆናችን መጠን ጠላትም የሚመጣው ቃሉን ሊነጥቅ ነው፡፡ ቃሉን ከሰረቀ ህይወታቸንነ ይሰረቃል ቃሉን ከጠበቅን ህይወታቸነ በደህንነት የጠበቃል፡፡ ሰይጣን ቃሉን ከሰረቀን ፍሬያችንን ሰረቀን፡፡ ሰይጣን ቃሉን መስረቅ ካልቻለ ምንም ነገራችንን መስረቅ አይችልም፡፡

የመንግሥትን ቃል ሰምቶ በማያስተውል ሁሉ፥ ክፉው ይመጣል፥ በልቡ የተዘራውንም ይነጥቃል፤ በመንገድ ዳር የተዘራው ይህ ነው። ማቴዎስ 13፡19

ሰው ውድ የሆነ ነገሩን እጅግ ውስጠኛው ቦታ ያስቀምጠዋል እንጂ ውጭ አይተወውም፡፡ እንዲሁ የእግዚአብሄርን ቃል የመጀመሪያውንም ስፍራ ልባችንን ልንሰጠው ይገባል፡፡ የእግዚአብሄርን ቃል ለመሰረቅ በማይመች በውስጠኛው የህይወታችን ክፍል ውስጥ ልናደርገውና በልባችን ልንሰውረው እና ልንሸሽገው ይገባል፡፡

ከእርሱም ይልቅ እጅግ የጸና የትንቢት ቃል አለን፤ ምድርም እስኪጠባ ድረስ የንጋትም ኮከብ በልባችሁ እስኪወጣ ድረስ፥ ሰው በጨለማ ስፍራ የሚበራን መብራት እንደሚጠነቀቅ ይህን ቃል እየጠነቀቃችሁ መልካም ታደርጋላችሁ። 2ኛ ጴጥሮስ 1፡19

በፍጹም ልቤ ፈለግሁህ፥ ከትእዛዝህ አታርቀኝ። አንተን እንዳልበድል፥ ቃልህን በልቤ ሰወርሁ። መዝሙር 119፡10-11

የእግዚአብሄርን ቃል ማሰላሰል

የእግዚአብሄርን ቃል ለመታተዘዝ ያስችለን ዘንድ በቃሉ ከባቢ ውስጥ ለመገኘት የእግዚአብሄርን ቃል ማሰብና ማሰላሰል ወሳኝ ነው፡፡ ቃሉን ስናሰላስል ቃሉን እናስታውሳለን፡፡ ቃሉን ስናሰላስል ቃሉን ለማድረግ ሃይል እናገኛለን፡፡

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። ኢያሱ 1፡8

በቀረውስ፥ ወንድሞች ሆይ፥ እውነተኛ የሆነውን ነገር ሁሉ፥ ጭምትነት ያለበትን ነገር ሁሉ፥ ጽድቅ የሆነውን ነገር ሁሉ፥ ንጹሕ የሆነውን ነገር ሁሉ፥ ፍቅር ያለበትን ነገር ሁሉ፥ መልካም ወሬ ያለበትን ነገር ሁሉ፥ በጎነት ቢሆን ምስጋናም ቢሆን፥ እነዚህን አስቡ፤ ፊልጵስዩስ 4፡8

የእግዚአብሄርን ቃል መናገር

ሌላው የእግዚአብሄርን ቃል የምናደርግበት መንገድ የእግዚአብሄርን ቃል መናገር ነው፡፡ ንግግራችን እንደ እግዚአብሄር ቃል መሆን አለበት፡፡

እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። ማርቆስ 11፡23

የእግዚአብሄርን ቃል ማድረግ

ነገር ግን ነጻ የሚያወጣውን ፍጹሙን ሕግ ተመልክቶ የሚጸናበት፥ ሥራንም የሚሠራ እንጂ ሰምቶ የሚረሳ ያልሆነው፥ በሥራው የተባረከ ይሆናል። ያዕቆብ 1፡25

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍሬያማነት #ፍሬ #ማፍራት #ስኬት #በእኔኑሩ #ቃል #ማሰላሰል #መጠበቅ #ማደርግ #መታዘዝ #መናገር #ስፍራመስጠት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መመዘኛ #መስፈርት #ፅናት #ትግስት #መሪ

በቃሉ መኖር

open-bible-man-walking1sm (1).jpgበፍሬያማነት ለመኖር በኢየሱስ መኖር ወሳኝ ነው፡፡ በኢየሱስ መኖር የተፈጠሩበትን አላማ መፈፀም ነው፡፡ በኢየሱስ መኖር ፍሬያማነት ነው፡፡

በእኔ ኑሩ፤ እኔም በእናንተ፤ ቅርንጫፍ በወይኑ ግንድ ከአልኖረ ብቻውን ሊያፈራ እንደማይችል እናንተም እንዲሁ በእኔ ካልኖራችሁ ፍሬ ማፍራት አትችሉም። ዮሐንስ 15፡4

በኢየሱስ መኖር ደግሞ በአጭሩ በቃሉ መኖር ነው፡፡ በቃሉ ከኖርን በኢየሱስ ኖረናል፡፡ በቃሉ ካልኖርን በኢየሱስ አልኖርንም፡፡

በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሐንስ 15፡7

በቃሉ መኖር ምን ማለት እንደሆነ እንመልከት

በቃሉ መኖር ማለት ቃሉን ምንጭ ማድረግ ማለት ነው፡፡

በህይወታችን ለሚያስፈልገን ነገር ሁሉ ቃሉን ምንጭ ካደረግነው በቃሉ እየኖርን ነው፡፡ ቃሉን ለምሪታችን ምንጭ ፣ ቃሉን ለሃይላችን ምንጭ ፣ ቃሉን ለመፅናናታችን ምንጭ ፣ ቃሉን የደስታችን ምንጭ ካደረግነው በቃሉ እየኖርን ነው፡፡ ነገር ግን እነዚህን በህይወት አስፈላጊ የሆኑት ነገሮች ከቃሉ ውጭ የምንፈልግ ከሆነ በቃሉ እየኖርን አይደለንም፡፡ በቃሉ መኖር ማለት ቃሉ የማይሰጠኝ ነገር የእኔ አይደለም ማለት ነው፡፡ በቃሉ መኖር ማለት ቃሉ የሚሰጠኝ ነገር ብቻ ነው የእኔ እውነተኛ ሃብት ማለት ነው፡፡

ለእግዚአብሔርም ክብር እየሰጠ፥ የሰጠውንም ተስፋ ደግሞ ሊፈጽም እንዲችል አጥብቆ እየተረዳ፥ በእምነት በረታ እንጂ በአለማመን ምክንያት በእግዚአብሔር ተስፋ ቃል አልተጠራጠረም። ሮሜ 4፡20-21

በቃሉ መኖር ማለት ቃሉን መልስ ማድረግ ማለት ነው፡፡

ሰው በህይወቱ ለሚነሳው ጥያቄ የእግዚአብሄር ቃል ምን ይላል የሚል ከሆነና ቃሉን የሚያጣቅስ ከሆነ በቃሉ እየኖረ ነው፡፡ ሰው በህይወቱ ለሚገጥመው ተግዳሮት ወደቃሉ የሚሮጥ ከሆነ በቃሉ እየኖረ ነው፡፡ ሰው በህይወቱ ለሚገጥመው ማንኛውም ጥያቄ ቃሉን እንደ መልስ ካየውና ካረፈ በቃሉ እየኖረ ነው፡፡ ለህይወቱ ጥያቄ የቃሉ መልስ የእኔ መልስ ነው ብሎ ከተቀበለ በቃሉ እየኖረ ነው፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡2

በቃሉ መኖር ማለት በቃሉ መደገፍ ማለት ነው

በቃሉ መኖር ማለት ቃሉን ማመን በቃሉ መገደፍ ማለት ነው፡፡ በቃሉ መኖር ማለት በቃሉ መተማመን ማለት ነው፡፡ በቃ መኖር ማለት ቃሉ አይጥልም ብሎ ህይወትን በቃሉ ላይ መጣል ማለት ነው፡፡ በቃሉ መኖር ማለት ወደፊትን በቃሉ ላይ መተው ማለት ነው፡፡ በቃሉ መኖር ማለት ቃሉን ታዝዤ ቃሉ ያደረገኝን መሆን እፈልጋለሁ ማለት ነው፡፡ በቃሉ መኖር ማለት ቃሉ የሚያደርገንን መሆንን እንደክብር መቁጠር ነው፡፡

ነፍሱን ሊያድን የሚወድ ሁሉ ያጠፋታል፤ ስለ እኔ ግን ነፍሱን የሚያጠፋ ሁሉ ያገኛታል። ማቴዎስ 16፡25

በቃሉ መኖር ማለት ቃሉን ብቻ የደህንነት ምንጭ ማድረግ ማለት ነው፡፡

ሰው የህይወት ደህንነቱን ከቃሉ ውጭ  ከፈለገ በቃሉ እየኖረ አይደለም፡፡ ሰው ደህንነት የሚሰማው ቃሉን ሲያደርግ ከሆነ በቃሉ እየኖረ ነው፡፡ በተቃራኒው ቃሉን ሳይታዘዝ ደህንነት ካልተሰማው በቃሉ እየኖረ ነው፡፡ ሰው ቃሉን የደህንነቱ ምንጭ ካደረገ በቃሉ እየኖረ ነው፡፡ ሰው ቃሉን አስተማማኝ ጥላ ካደረገው በቃሉ እየኖረ ነው፡፡ ሰው ግን ለህይወቱ የደህንነት ስሜት የሚሰጠው እንደ አለም ሃብት ሲያከማችና ዝና ሲኖረው ከሆነ በቃሉ እየኖረ አይደለም፡፡

የሚያደርጉበትንም አጡ፤ ሕዝቡ ሁሉ ሲሰሙት ተንጠልጥለውበት ነበርና። ሉቃስ 19፡48

በቃሉ መኖር ማለት በእግዚአብሄር ቃል መመካት ማለት ነው

ሰው የሚያስደስተውና የሚያኮራው የእግዚአብሄር ቃል ከሆነ በቃሉ እየኖረ ነው፡፡ ሰው ግን የሚያስመካው ከቃሉ ውጭ የሆኑ ነገሮች ከሆኑ ሊመስለው ይችላል እንጂ በቃሉ እየኖረ አይደለም፡፡ ሰውን ከምንም በላይ የሚያስደስተው ቃሉ ከሆነ በቃሉ እየኖረ ነው፡፡

ብዙ ምርኮ እንዳገኘ በቃልህ ደስ አለኝ። መዝሙር 119፡162

በቃሉ መኖር ማለት የእግዚአብሄርን ቃል ማክበር ማለት ነው፡፡

ሰው ከምንም ነገር በላይ የእግዚአብሄርን ቃል ካከበረ በቃሉ እየኖረ ነው፡፡ ሰው ግን ለእግዚአብሄር ቃል ግድ ከሌለው በቃሉ እየኖረ አይደለም፡፡ ሰው ከእግዚአብሄር ቃል በላይ የሚፈራው ነገር ካለ በቃሉ እየኖረ አይደለም፡፡

እነዚህን ሁሉ እጄ ሠርታለችና እነዚህ ሁሉ የእኔ ናቸው፥ ይላል እግዚአብሔር፤ ነገር ግን ወደዚህ ወደ ትሑት፥ መንፈሱም ወደ ተሰበረ፥ በቃሌም ወደሚንቀጠቀጥ ሰው እመለከታለሁ። ኢሳይያስ 66፡2

ቃሉን ለማድረግ ምንም ነገር ለማጣት የተዘጋጀ ሰው በቃሉ እየኖረ ነው፡፡

ቃሉን ለማድረግ ምቹ ጊዜ እስኪያገኝ እየጠበቀና እያመቻመቸ ያለ ሰው ቃሉን እየጠበቀ አይደለም፡፡ ቃሉን ግን በሚመችም በማይመች ሁኔታ ውስጥ የሚያደርገው ከሆነ በቃሉ እየኖረ ነው፡፡

ቃሉን ስበክ፥ በጊዜውም አለጊዜውም ጽና፥ ፈጽመህ እየታገሥህና እያስተማርህ፥ ዝለፍና ገሥጽ ምከርም።2ኛ ጢሞቴዎስ 4

ቃሉ እንደሚሰራ እንደህያው ካየው በቃሉ እየኖረ ነው፡፡

ቃሉ እንደሚሰራ እንደሚለውጥ ካየ በቃ እየኖረ ነው፡፡ ቃሉ ግን እንደማይሰራ እንደማይለወጥ እንደአንድ ባዶ ሃይማኖታዊ ትእዛዝ ካየው በቃሉ እየኖረ እንዳይደለ በቂ ምልክት ነው፡፡

የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ ዕብራዊያን 4፡12

በእኔ ኑሩ፤ እኔም በእናንተ፤ ቅርንጫፍ በወይኑ ግንድ ከአልኖረ ብቻውን ሊያፈራ እንደማይችል እናንተም እንዲሁ በእኔ ካልኖራችሁ ፍሬ ማፍራት አትችሉም። በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሐንስ 15፡4፣7

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ሬያማነት #ፍሬ #ማፍራት #ስኬት #በእኔኑሩ #ቃል #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መመዘኛ #መስፈርት #ፅናት #ትግስት #መሪ

በእኔ ብትኖሩ ቃሎቼም በእናንተ ቢኖሩ

truth.jpgበእኔ ኑሩ፤ እኔም በእናንተ፤ ቅርንጫፍ በወይኑ ግንድ ከአልኖረ ብቻውን ሊያፈራ እንደማይችል እናንተም እንዲሁ በእኔ ካልኖራችሁ ፍሬ ማፍራት አትችሉም። በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሐንስ 15፡4፣7

ፍሬያማነት በኢየሱስ መኖር እንደሆነ የፍሬያማነት ብቸኛው መንገድ በሚለው በፅሁፌ አስረድቻለሁ፡፡

በኢየሱስ መኖር ማለት በቃሉ መኖር ማለት ነው፡፡ ኢየሱስን መስማት ማለት ቃሉን መስማት ማለት ነው፡፡ ኢየሱስን መታዘዝ ማለት ቃሉን መታዘዝ ማለት ነው፡፡ ኢየሱስን መከተል ማለት ቃሉን መከተል ማለት ነው፡፡

ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ ማቴዎስ 28፡19

እውነተኛ ፍሬያማነት የሚመጣው በኢየሱስ በመኖር ነው፡፡ በኢየሱስ መኖርን ደግሞ ከባድ አላደረገውም፡፡ በኢየሱስ ላለመኖር ምንም ሰበብ እስከማይኖረን ድረስ ቀላል አድርጎታል፡፡ በኢየሱስ መኖር ማለት ደግሞ በቀላሉ በቃሉ መኖር ማለት ነው፡፡ በቃሉ ካልኖርን በኢየሱስ አልኖርንም፡፡ በቃሉ ከኖርን በኢየሱስ ኖረናል በዚያም ደግሞ ፍሬ እናፈራለን፡፡

በእኔ ኑሩ፤ እኔም በእናንተ፤ ቅርንጫፍ በወይኑ ግንድ ከአልኖረ ብቻውን ሊያፈራ እንደማይችል እናንተም እንዲሁ በእኔ ካልኖራችሁ ፍሬ ማፍራት አትችሉም። በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሐንስ 15፡4፣7

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ሬያማነት #ፍሬ #ማፍራት #ስኬት #በእኔኑሩ #ቃል #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መመዘኛ #መስፈርት #ፅናት #ትግስት #መሪ

 

579707_10151486274873638_1709956794_n.jpg

ከዚህ በፊት ወገዛን የምንመልስበት የተሳሳቱትን መንገዶችን ለውግዘት የተሳሳቱ መልሶች በሚለው በአጭር ፅሁፌ አስረድቼ ነበር፡፡ አሁን ደደግሞ ከወገዛውስጥ እንዴት የተሻለን ነገር ማውጣት እንደምንችል እንመለከታለን፡፡

በመጀመሪያ ደረጃ የወገዛ አላማ ሰዎችን መመለስ ማቅናት መሆን አለበት፡፡

ወንድሞች ሆይ፥ ሰው በማናቸውም በደል ስንኳ ቢገኝ፥ መንፈሳውያን የሆናችሁ እናንተ እንደዚህ ያለውን ሰው በየውሃት መንፈስ አቅኑት፤ አንተ ደግሞ እንዳትፈተን ራስህን ጠብቅ። ገላትያ 6፡1

የወገዛ አላማ ሰዎችን መመለስ ማቅናት ይሁን አይሁን መነሻ ሃሳቡን መመርመር ወይም መፅሃፍ ቅዱሳዊ ቅደም ተከተሉን ይከተል አይከተል ራሱን ማየት የአውጋዡ ሃላፊነት ነው፡፡

ወንድምህም ቢበድልህ፥ ሄደህ አንተና እርሱ ብቻችሁን ሆናችሁ ውቀሰው። ቢሰማህ፥ ወንድምህን ገንዘብ አደረግኸው፤ ባይሰማህ ግን፥ በሁለት ወይም በሦስት ምስክር አፍ ነገር ሁሉ እንዲጸና፥ ዳግመኛ አንድ ወይም ሁለት ከአንተ ጋር ውሰድ፤ እነርሱንም ባይሰማ፥ ለቤተ ክርስቲያን ንገራት፤ ደግሞም ቤተ ክርስቲያንን ባይሰማት፥ እንደ አረመኔና እንደ ቀራጭ ይሁንልህ። ማቴዎስ 18፡15-18

የአውጋዡ አላማ ማቅናት ይሁንም አይሁን ወይም መፅሃፍ ቅዱሳዊ ቅደም ተከተሉን ይከተል አይከተል ተወጋዡ ሁልጊዜ ከወገዛው ውስጥ በጥበብ የሚያወጣቸው ጠቃሚ ነገሮች አሉ፡፡

ወገዛ ራሳችንን የምናይበት ትልቅ አጋጣሚ ነው፡፡

አንዳንድ ጊዜ በአገልግሎት ሩጫ ባተሌ ስለምንሆን የሚገባንን ያህል ራሳችንን ማየት ያቅተናል፡፡ ወገዛ ሲደርስብን ግን ሳንወድ በግዳችን ስለህይወታችን ስለትምህርታችንና ስለኑሮዋችን እንደገና በደንብ እንድናስብ ያስገድደናል፡፡ ህይወታችንን በቅንነት ካየን ወገዛ በህይወታችን ያለውን ትክክለኛ ትምህርትና ልምምድ አጠንክረን ለመቀጠል የምንወስንበት ትልቅ አጋጣሚ ነው፡፡ ትምህርታችንና አካሄዳችን ደግሞ እንደ እግዚአብሄር ቃል ያልሆነና ጥበብ የጎደለው ከሆነ እንዴት አድርገን እንደምናስተካክል የምንወስንበት መልካም አጋጣሚ ነው፡፡

እንደ ተገለጠልኝም ወጣሁ፤ ምናልባትም በከንቱ እንዳልሮጥ ወይም በከንቱ ሮጬ እንዳልሆን በአሕዛብ መካከል የምሰብከውን ወንጌል አስታወቅኋቸው፤ ዋኖች ግን መስለው ለሚታዩ ለብቻቸው አስታወቅኋቸው። ገላትያ 2፡2

ወገዛ ወደ እግዚአብሄር የምንቀርብት አጋጣሚ ነው፡፡

ሁልጊዜ ወደ እግዚአብሄር የምንቀርብ ቢሆንም ነገር ግን ማንም ተሳስቶ ህይወቱን ማባከን ስለማይፈልግ በወገዛ ወቅት ይበልጥ ወደ እግዚአብሄር መቅረብ ያስፈልገናል፡፡ ስለትምህርታችን ስለአካሄዳችን ወደ እግዚአብሄር መቅረብ እና ልባችንን መፈተሽ ምንም ጉዳት የለውም፡፡ ለእግዚአብሄር ለመኖር እስከወሰንን ድረስ በእግዚአብሄር ፊት በመቅረብና መንፈስ ቅዱስ ልባችንን እንዲፈትሽ በመፍቀድ  የምናጣው ምንም ነገር የለም፡፡

አቤቱ፥ ንጹሕ ልብን ፍጠርልኝ፥ የቀናውንም መንፈስ በውስጤ አድስ። መዝሙር 51፡10

መንፈስ ቅዱስ በሚያሳየን ነገር ብቻ ንስሃ ገብተን መመለስ ሲኖርብን መንፈስ ቅዱስ ባላሳየን ነገር ግን ራሳችንን ላለመኮነን መጠንቀቅ አለብን፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ 1ኛ ወደ ቆሮንቶስ ሰዎች 4፡3

ወገዛ ልንወድቅ እንድምንችል የሚያስታውስ አስታዋሽ ነው፡፡

የወደቁ ሰዎች የጋራ ባህሪያቸው ልወድቅ አልችልም ከመውደቅ አልፌያለሁ ብለው ማሰባቸው ነው፡፡ ሰው ልወድቅ እችላለሁ ብሎ ከተጠነቀቀ ላለመውደቅ ሃይል ይሆነዋል፡፡ ሰው ግን ልወድቅ አልችልም ካለ መጠንቀቁን ይተዋል ይወድቃል፡፡ ሰው ልወድቅ እችላለሁ ካለ በራሱ ጉልበት ላይ ሳይሆን በእግዚአብሄር ሃይል ላይ ይታመናል፡፡

ስለዚህ እንደ ቆመ የሚመስለው እንዳይወድቅ ይጠንቀቅ። 1ኛ ቆሮንቶስ 10፡12

ወገዛ ሰውን በማዋረድ የእግዚአብሄር ፀጋ እንዲበዛለት ያደርጋል

ሰው በትምህርቱ ከተሳሳተ እና በአካሄዱ ከሳተ መመለስ አለበት፡፡ ሰው ራሱን አዋርዶ ከተመለሰ የእግዚአብሄር ሃይል በእርሱ ላይ በሃይል ይሰራል፡፡ የእግዚአብሄር አላማ የሰዎች መመለስ ብቻ ነው፡፡ የሰዎች ውድቀት አግዚአብሄርን አያስደስተውም፡፡ ሰው የወደቀውን ሰው ላይረሳ ይችላል፡፡ እግዚአብሄር ግን ከተሳሳተበት አቅጣጫ በዞረ ጊዜ ስህተት እንዳልሰራ አድርጎ ተቀብሎታል፡፡ ሰው በሳተበት ነገር ራሱን ትሁት ካደረገና ከተመለሰ የእግዚአብሄር ፀጋ ይበዛለታል፡፡

ነገር ግን ጸጋን አብልጦ ይሰጣል፤ ስለዚህ፦ እግዚአብሔር ትዕቢተኞችን ይቃወማል፥ ለትሑታን ግን ጸጋን ይሰጣል ይላል። ያዕቆብ 4፡6

የተወገዘ ሰው ስለአውጋዦች እግዚአብሄርን ሊያመሰግን ይገባዋል፡፡

የተወገዘ ሰው ብወድቅ እንኳን የሚነግሩኝ ሰዎች አሉ ብሎ ስለአውጋዦች እግዚአብሄርን ሊያመሰግን ይገባዋል፡፡ የሚመረምር ሰውን ማግኘት ትልቅ እድል ነው፡፡ የሰው ፍርድ ሁሌ ትክክልም ባይሆን በትክክሉ ፍርድ ተጠቃሚ ለመሆን የሚመርመር ሰው በአካባቢ ማግኘት በረከት ነው፡፡ የሚተቹና የሚመረምሩ ሰዎች በአጠገቡ የሌለ ሰው መቼ እንደወደቀ አያውቅም፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አገልጋይ #ወገዛ #ስህተተ #ልብ #መሪ #ህሊና #ቀራጭ #ወገዛ #ትህትና #ፀጋ #ተቃውሞ #ቤተክርስትያን #አማርኛ #ስብከት #መዳን #መፅሃፍቅዱስ #መነሻሃሳብ #ነቢይ #አቢይ #አቢይዋቁማ #አቢይዋቁማዲንሳ

ለውግዘት የተሳሳቱ መልሶች

Publication15.jpgበህይወታችንና በአገልግሎታችን ውግዘትና ተቃውሞ ይብዛም ይነስም በየጊዜው የሚከሰቱ ነገሮች ናቸው፡፡

ሰዎች በትክክለኛውም መንገድ ይሁን በተሳሳተ መንገድ ሊቃወሙንና ሊያወግዙን ይችላሉ፡፡ ሰዎች የእግዚአብሄርን ቃል ተከትለው ትክክለኛውን እርምጃ ጠብቀው ሊያወግዙን ይችላሉ፡፡

ወንድምህም ቢበድልህ፥ ሄደህ አንተና እርሱ ብቻችሁን ሆናችሁ ውቀሰው። ቢሰማህ፥ ወንድምህን ገንዘብ አደረግኸው፤ ባይሰማህ ግን፥ በሁለት ወይም በሦስት ምስክር አፍ ነገር ሁሉ እንዲጸና፥ ዳግመኛ አንድ ወይም ሁለት ከአንተ ጋር ውሰድ፤ እነርሱንም ባይሰማ፥ ለቤተ ክርስቲያን ንገራት፤ ደግሞም ቤተ ክርስቲያንን ባይሰማት፥ እንደ አረመኔና እንደ ቀራጭ ይሁንልህ። ማቴዎስ 18፡15-17

ሰዎች ለትክክለኛውም ሆነ ለተሳሳተ ምክኒያት ሊቃወሙንና ሊያወግዙን ይችላሉ፡፡ ሰዎች ከፍቅር ተነስተው እኛን ለማዳንና ከደከምንበት ለማቅናት የእኛን መመለስና እንደገና ጠቃሚ መሆን አልመው ሊያወግዙን ይችላሉ፡፡ ወይም ደግሞ ከቅናት ከጥላቻ መነሻ ሃሳብ /motive/ ስለ በለጥናቸው ፣ ስላደግንና ስለሰፋን ሊያወግዙንና ሊቃወሙን ይችላሉ፡፡

አንዳንዶቻችን እስከዛሬ ተወግዘን ሊሆን ይችላል፡፡ ሌሎቻችን ደግሞ ከአሁን በኋላ ልንወገዝ እንችላለን፡፡ አንዳንዶቻችን በአደባባይ እንወገዛለን ሌሎቻችን ደግሞ በቤተሰባችን በትምህርታችንም ይሁን በአካሄዳችን ልንወገዝ እንችላለን፡፡ በምንም መልኩ ቢሆን የሚመጣን ተቃውሞና ወገዛ የምንቀበልበትና የምናስተናግድበት የተሳሳተና ትክክለኛ መንገድ አለው፡፡ ወገዛን በትክክለፃው መንገድ ካስተናገድነው ይጠቅመናል በተሳሳተ መልኩ ከመለስነው ደግሞ አይጠቅመንም፡፡

ለተቃውሞ የምንመልስበት አምስት የተሳሳቱ መንገዶች

ጥላቻ

ሰውን ሁሉ ከመውደድ በስተቀር ማንንም ሰው እንድንጠላ መብት የለንም፡፡ ሰው ጠላኝ ብለን ብንጠላ የምንጎዳው እኛው ነን፡፡ የተሳሳተ ሰውን እንኳን ለመጥላት መብት የለንም፡፡

እርስ በርሳችሁ ከመዋደድ በቀር ለማንም ዕዳ አይኑርባችሁ፥ ሌላውን የሚወድ ሕግን ፈጽሞታልና። ሮሜ 13፡8

መልሶ ማውገዝ

ያወገዘንን ሰው መልሶ ማውገዝ ተሳስቷል የምንለውን ነገር እኛው መድገም ሊሆን ይችላል፡፡ ሁለት ስህተቶች አንድ ትክክል አያስገኙም፡፡ ትክክለኛ መፅሃፍ ቅዱሳዊ መንገዱን ሳይጠብቅ ነው ያወገዘኝ ብለን የምንለውንም ሰው ትክክለኛ መንገዱን ሳንጠብቅ በስሜታዊነት ማውገዝ ስህተትን በስህተት ለማረም እንደ መሞከር ከንቱ ጥረት ነው፡፡

ዓይን ስለ ዓይን ጥርስም ስለ ጥርስ እንደ ተባለ ሰምታችኋል። እኔ ግን እላችኋለሁ፥ ክፉውን አትቃወሙ፤ ዳሩ ግን ቀኝ ጉንጭህን በጥፊ ለሚመታህ ሁሉ ሁለተኛውን ደግሞ አዙርለት፤ ማቴዎስ 5፡38-39

እልኽ ውስጥ መግባት

እግዚአብሄር በህይወታችን የጠራን የተወሰነ ነገር እያለ ያንን ሃላፊነት ትተን የተቃውሞ መልስ ለመመለስ ጉልበታችንን ጊዜያችንን እውቀታችንምን ሁሉ ማባከን ስህተት ነው፡፡ ጥሪያችንን ትተን እልክ ውስጥ መግባት እግዚአብሄር የሰጠንን ተሰሚነት ፣ ፀጋና ፣ ጉልበትና ጊዜ አላስፈላጊ አታካራ ላይ ማዋል የህይወትና የአገልግሎት ብክነት ነው፡፡ እግዚአብሄር የሰጠንን ሃላፊነት እርግፍ አድርገን ትተን ለተቃውሞ የመልስ እርምጃ መራመድ ብክነት ነው፡፡ የተሳተን ተቃውሞን የምናሸንፍበት አንዱ መንገድ ትክክለኛውንም ነገር በማድረግ በመቀጠል ባለማቋረጥ ነው፡፡

ቃሉን ስበክ፥ በጊዜውም አለጊዜውም ጽና፥ ፈጽመህ እየታገሥህና እያስተማርህ፥ ዝለፍና ገሥጽ ምከርም። 2ኛ ጢሞቴዎስ 4፡2

መራገም

በተሳሳተም ይሁን በትክክለኛ መነሻ ሃሳብ እንዲሁም በትክክለኛው መፅሃፍ ቅዱሳዊው መንገድ ይሁን በሌላ መንገድ የተቃወመንን  ሰው ለመርገም አልተጠራንም፡፡ ሰውን ለመባረክ መልካምነቱን ለመፈለግ ለመልካምነቱ ለመስራት ብቻ ተጠርተናል፡፡ አጋጣሚውን ተጠቅመን የሚቃወመንን በእውነት በማመስገን በማክበር እድሉን ሌላውን ለማነፅ ልንጠቀምበት ይገባናል፡፡

ክፉን በክፉ ፈንታ ወይም ስድብን በስድብ ፈንታ አትመልሱ በዚህ ፈንታ ባርኩ እንጂ፥ በረከትን ልትወርሱ ለዚህ ተጠርታችኋልና። 1ኛ ጴጥሮስ 3፡9

የተወገዝንበትን ነገር ይበልጥ ማጋነን

በተወገዝን ማግስት የተወገዝንበትን ነገር ይበልጥ ማፋፋም ማጋነን ትክክለኛው መንገድ አይደለም፡፡ ትምህርታችንና የህይወት መርሆዋችን ከሆነ ተቃውሞ ሲመጣ ካልለወጥነው እንኳን በዚያው ይቀጠላል እንጂ ይበልጥ ይበልጥ አይለጠጥም፡፡ ሌላው ፅንፍ የተሳሳተውን ሚዛናዊ አያደርገውም፡፡

በትምህርትህም ደኅንነትን፥ ጭምትነትን፥ ጤናማና የማይነቀፍ ንግግርን ግለጥ። ቲቶ 2:8

እራስን ከሰው ጋር አብሮ ማውገዝ

በተሳትነው ነገር ላይ ካልሆነ በስተቀር ስለተወገዝን በደፈናው ራስን ማውገዝ ሌላው ስህተት ነው፡፡ የተወገዝንበትን ነገር ራሱ መንፈስ ቅዱስ ሊመሰክርልን ይገባል እንጂ ሰዎች ስለፈረዱብን ብቻ ራሳችን ላይ መፍረድ ዋናው ስህተት ነው፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ 1ኛ ወደ ቆሮንቶስ ሰዎች 4፡3

ተቃውሞን በአጠቃላይ እንደ ክፉ ማየት

ተቃውሞ በራሱ ክፉም መልካምም አይደለም፡፡ ለተቃዋሚው ክፉ የሚያደርገው በንፁህ የልብ መነሻ ሀሳብ ካላደረገው ወይም ትክክለኛውን መፅሃፍ ቅዱሳዊ መርህ ሳይከተል በግብታዊነት ካደረገው ስህተት ይሆናል እንጂ ተቃውሞ በራሱ ስህተት አይደለም፡፡ ተወጋዡም ተቃውሞን እንከ እንቅፋትና እንደ ሰይጣን ስራ ካየው ከተቃውሞ ውስጥ ማውጣት ያለበትን ወሳኝ ጥቅም መጠቀም ያቅተዋል፡፡

እንግዲህ እንደ ጥበበኞች እንጂ ጥበብ እንደሌላቸው ሳይሆን እንዴት እንድትመላለሱ በጥንቃቄ ተጠበቁ፤ ቀኖቹ ክፉዎች ናቸውና ዘመኑን ዋጁ። ኤፌሶን 5፡15-16

እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን። ሮሜ 8፡28

ተቃውሞን ከሰው ጋር ማያያዝ

ተቃውሞ ሲደርስብን የተቃውሞውን ይዘት ከመመልከት ይልቅ አከሌ የተቃወመኝ እንደዚህ ስለሆነ ነው ብብሎ ምክኒያት መስጠትና ከሰው ጋረ ማያያዝ ከተቃውሞ የሚገባንን ጥቅም እንዳናገኝ ያደርገናል፡፡ ተቃውሞ ያጠራናል፡፡ ተቃውሞን በሚገባ ከያዝነው ትሁት ያደርገናል በዚያም የእግዚአብሄር ፀጋ እንዲበዛለን ያደርገናል፡፡

እንዲሁም፥ ጐበዞች ሆይ፥ ለሽማግሌዎች ተገዙ፤ ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ፥ እግዚአብሔር ትዕቢተኞችን ይቃወማልና፥ ለትሑታን ግን ጸጋን ይሰጣል። 1ኛ ጴጥሮስ 5፡5

እግዚአብሄር ቢፈቅድ በሚቀጥለው ፅሁፍ ትክክለኛው የውግዘትን መልሶች ሃሳብ ይዤላችሁ እቀርባለሁ፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አገልጋይ #ወገዛ #ስህተተ #ልብ #መሪ #ህሊና #ቀራጭ #ወገዛ #ትህትና #ፀጋ #ተቃውሞ #ቤተክርስትያን #አማርኛ #ስብከት #መዳን #መፅሃፍቅዱስ #መነሻሃሳብ #ነቢይ #አቢይ #አቢይዋቁማ #አቢይዋቁማዲንሳ

ጤናማ ያልሆነ ምግብ – ጤናማ ያልሆነ ህይወት

injera.jpgምግብ ለሰው ሁለንተናዊ እድገት ወሳኝ ነው፡፡ ምግብ ለሰውነት ጠቃሚ ቢሆንም በንፅህና ካልተያዘና ጤንነቱ ካልተጠነቀ የሚጠቅመውን ያህል ሊጎዳ ይችላል፡፡ ምግብ ለሰው እድገትና ውጤታማነት ወሳኝ አንደ መሆኑ መጠን የምንመገበውን ምግብ ንፅህናና ጤንነት ካለተረጋገጠ በዛኑ መጠን አደገኛ ሊሆን ይችላል፡፡

መንፈስ ግን በግልጥ፦ በኋለኞች ዘመናት አንዳንዶች የሚያስቱ መናፍስትንና በውሸተኞች ግብዝነት የተሰጠውን የአጋንንትን ትምህርት እያደመጡ፥ ሃይማኖትን ይክዳሉ ይላል፤ በገዛ ሕሊናቸው እንደሚቃጠሉ ደንዝዘው፥ 1ኛ ወደ ጢሞቴዎስ 4፡1-2

እንምዲሁም ለመንፈሳዊ እድገት መንፈሳዊ ምግብ ወሳኝ ነው፡፡ የምንመገበውን ምግብ ንፅህናና ጤንነት መከታተል ከመንፈሳዊ ድካምና በሽታ እንድንጠበቅ ያስችለናል፡፡

በሐዋርያትም ትምህርትና በኅብረት እንጀራውንም በመቍረስ በየጸሎቱም ይተጉ ነበር። ነገር ግን በሰው ሁሉ ፍርሀት ሆነ፤ በሐዋርያትም እጅ ብዙ ድንቅና ምልክት ተደረገ። ያመኑትም ሁሉ አብረው ነበሩ፤ ያላቸውንም ሁሉ አንድነት አደረጉ። መሬታቸውንና ጥሪታቸውንም እየሸጡ፥ ማንኛውም እንደሚፈልግ ለሁሉ ያካፍሉት ነበር። በየቀኑም በአንድ ልብ ሆነው በመቅደስ እየተጉ በቤታቸውም እንጀራ እየቈረሱ፥ በደስታና በጥሩ ልብ ምግባቸውን ይመገቡ ነበር፤ እግዚአብሔርንም እያመሰገኑ በሕዝብ ሁሉ ፊት ሞገስ ነበራቸው። ጌታም የሚድኑትን ዕለት ዕለት በእነርሱ ላይ ይጨምር ነበር። ሐዋሪያት 2፡42-47

በተፈጥሮአዊ ታንታመም የህመማችን መንስኤ የምግብ መበከል መሆኑን የሚያሳዩ ምልክቶች እንዳሉ ሁሉ ከበላነው ጤናማ ያልሆነ ሚዛኑን ያልጠበቀ እንደእግዚአብሄር ቃል ያልሆነ ምግብ የተነሳ መንፈሳዊ ጤንነታችን ሲታወክ የሚያሳየው ምልክት አለ፡፡

እንዲሁም ጤናማ መንፈሳዊ ምግብ የተመገበ ሰው የሚያሳየው ህይወት ያለ ሲሆን ጤናማ ያልሆነ ምግብን የተመገበ ሰው እንዲሁ የሚታወቅበት ባህሪዎች አሉ፡፡

ጤናማ ያልሆነ መግብ ምልክቶች

  1. ጤናማ ያልሆነ ምግብ የተመገበ ሰው ሌላ ምግብ ያስጠላዋል

ንፁህ ምግብ ጤናማ ያደርጋል፡፡ ጤናማ ምግብ ለሌላ ምግብ ፍላጎት ይከፍታል፡፡ ጤናማ ምግብ የሰውን የምግብ ፍላጎት አያውክም፡፡ ጤናማ ያልሆነ ምግብ ግን የተመገበው ሰው ለሌላ ምግብ ፋላጎት እንዲያጣ ያደርገዋል፡፡ የተሳሳተ ምግብ የበላ ሰው ለእግዚአብሄር ቃል ትምህርት ፍላጎት ያጣል፡፡

ጽድቅን የሚራቡና የሚጠሙ ብፁዓን ናቸው፥ ይጠግባሉና። ማቴዎስ 5፡6

  1. ጤናማ ያልሆነ ምግብ የተመገበ ሰው ፍላጎቱ ይበላሻል፡፡

የተበላሸ ምግብ የበላ ሰው ፍላጎቱ ከጤነኛ ሰው ፍላጎት የተለየ ይሆናል፡፡ ንፁህ ምግብ የበላ ሰው ፍላጎቱ መውጣት መግባት መስራት ሲሆን የተበላሸ ምግብ የበላ ሰው ግን ፍላጎቱ ከዚህ ይለያል፡፡ ጤናማ ምግብ የበላ ሰው እግዚአብሄርን ማመስገን ፣ ክርስቶስን መከተል ለእግዚአብሄር መኖር የዘወትር ፍላጎቱ ነው፡፡ የተሳሳተ ምግብ የበላ ሰው ግን ምስጋና ከህይወቱ ይጠፋል፡፡ የተሳሳተ ምግብ የበላ ሰው እንደጎደለው ድሃ እንደሆነ እንዳጣ ይሰማዋል፡፡ የተሳሳተ ምግብ የበላ ሰው ሃብታም አንዳልሆነ የሚጎድለው እንዳለ ምስኪን እንደሆነ ይሰማዋል፡፡ ጤናማ ምግብ ያልበላ ሰው በምስጋና ልብ እግዚአብሄርን ማገልገል ያቅተዋል፡፡ ጤናማ ምግብ ያልበላ ሰው ለእኔስ ማን አለኝ በማለት በራስ ወዳድነት ላይ ያተኩራል፡፡ ጤናማ ምግብ ያልበላ ሰው ሌሎችን መድረስ ለሌሎች በረከት መሆን ሌሎችን መጥቀም ሞኝነት ይመስለዋል፡፡

መጨረሻቸው ጥፋት ነው፥ ሆዳቸው አምላካቸው ነው፥ ክብራቸው በነውራቸው ነው፥ አሳባቸው ምድራዊ ነው። ፊልጵስዩስ 3፡19

የእግዚአብሔር ጸጋ ለማንም እንዳይጎድለው፥ ብዙዎቹም የሚረክሱበት አንድ መራራ ሥር ወደ ላይ በቅሎ እንዳያስጨንቅ፥ ሴሰኛም የሚሆን እንዳይገኝ፥ ወይም ስለ አንድ መብል በኵርነቱን እንደ ሸጠ እንደ ዔሳው ለዚህ ዓለም የሚመች ሰው እንዳይሆን ተጠንቀቁ። ዕብራዊያን 12፡15-16

  1. ጤናማ ያልሆነ ምግብ የተመገበ ሰው ኢየሱስን አተኩሮ ማየት ይቸግረዋል፡፡

ጤናማ ምግብ ያልተመገበ ሰው ትኩረቱ ኢየሱስ ላይ ሳይሆን ሌሎች ነገሮች ላይ ይሆናል፡፡ ጤናማ ምግብ ያልተመገበ ሰው ሃሳቡ ምድራዊ ይሆናል፡፡ ጤናማ ምግብን ያልተመገበ ሰው እይታው የቅርብ ብቻ ይሆናል፡፡ ጤናማ ምግብን ያልተመገበ ሰው ስለዘላለማዊ ህይወት ማሰብ አቅም ያጣል፡፡

እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ቆላስይስ 3፡1-2

እንግዲህ እነዚህን የሚያህሉ ምስክሮች እንደ ደመና በዙሪያችን ካሉልን፥ እኛ ደግሞ ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

  1. ጤናማ ያልሆነ ምግብ የተመገበ ሰው ትህትና አይኖረውም፡፡

ጤናማ ምግብ የተመገበ ሰው ምልክቱ ትሁት ይሆናል፡፡ እግዚአብሄርን መረዳት ምልክቱ ሰው በእግዚአብሄር ፊት ያሱን ያዋርዳል፡፡ ጤናማ ምግብ ያልተመገበ ሰው ትህትና የለውም፡፡ ጤናማ ምግብ ያልተመገበ ሰው ሰዎችን ይንቃል፡፡ ጤናማ ምግብ ያልተመገበ ሰው ለአንድነት ግድ የለውም፡፡ ጤናማ ምግብ ያልተመገበ ሰው ለሌሎች እውቅና አገልግሎት መስጠት አይፈልግም፡፡ ጤናማ ምግብ ያልተመገበና መንፈሳዊ ጤንነቱ የተዛባ ሰው በትህትና ከሌላው ጋር መስራት አይፈቅድም፡፡ ጤናማ ምግብ ያልተመገበ ሰው የራሱን ብቻ ነው የሚፈልገው፡፡

አንድም ብልት ቢሣቀይ ብልቶች ሁሉ ከእርሱ ጋር ይሣቀያሉ፤ አንድ ብልትም ቢከበር ብልቶች ሁሉ ከእርሱ ጋር ደስ ይላቸዋል። እናንተም የክርስቶስ አካል ናችሁ እያንዳንዳችሁም ብልቶች ናችሁ። 1ኛ ቆሮንቶስ 12፡26-27

እንዲሁም፥ ጐበዞች ሆይ፥ ለሽማግሌዎች ተገዙ፤ ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ፥ እግዚአብሔር ትዕቢተኞችን ይቃወማልና፥ ለትሑታን ግን ጸጋን ይሰጣል። እንግዲህ በጊዜው ከፍ እንዲያደርጋችሁ ከኃይለኛው ከእግዚአብሔር እጅ በታች ራሳችሁን አዋርዱ፤ 1ኛ ጴጥሮስ 5፡5-6

  1. ጤናማ ምግብ ያልተመገበ ሰው ለእግዚአብሄር ለመስጠትና ለመሰጠት አቅም ያጣል

በተፈጥሮ ምግብ ለስራ ጉልበት እንደሚሰጥ ሁሉ የእግዚአብሄር ቃል ሌላውን ሁሉ እንድንቅ ለእግዚአብሄር ብቻ እንድንሰጥ ያደርጋል፡፡ ንፁህ መንፈሳዊ ምግብ ምልክቱ ለእግዚአብሄር ይበልጥ ለመሰጠት አቅም ይጨምራል፡፡ ንፁህ ምግብ የተመገበ ሰው ለእግዚአብሄርና ለእግዚአብሄር ብቻ ለመኖር ይወስናል፡፡

የእግዚአብሔር ጸጋ ለማንም እንዳይጎድለው፥ ብዙዎቹም የሚረክሱበት አንድ መራራ ሥር ወደ ላይ በቅሎ እንዳያስጨንቅ፥ ሴሰኛም የሚሆን እንዳይገኝ፥ ወይም ስለ አንድ መብል በኵርነቱን እንደ ሸጠ እንደ ዔሳው ለዚህ ዓለም የሚመች ሰው እንዳይሆን ተጠንቀቁ። ዕብራዊያን 12፡15-16

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሄር #አስተማሪ #ቃልኪዳን #መልካምትምህርት #ጤንነት #ንፁህ #ትኩረት #ትህትና #አንድነት #ዘላለም #አትለፍ #ትምህርት #ጤና #ፍሬ #አማርኛ #ስብከት #መዳን #መፅሃፍቅዱስ #አትጨነቁ  #አቢይ #አቢይዋቁማ #አቢይዋቁማዲንሳ

ሕይወት የሚገኝበትን ትምህርት

main_home1_770x350.jpgምግብ ለሰውነታችን እጅግ አስፈላጊ እንደሂነ ሁሉ የእግዚአብሄር ቃል ምግብ ለመንፈሳዊ ህይወታቸን አስፈላጊ ነው፡፡

በተፈጥሮ ለምግባችን እጅግ ልዩ ትኩረት እንደምንሰጥ ሁሉ ለመንፈሳዊ ምግባችን ልዩ ትኩረት መስጠት አለብን፡፡ በስጋዊ ምግብ ለጥቂት ደቂቃ መራብ እንደማንፈልግ ሁሉ የእግዚአብሄር ቃል ረሃንብ ሳይረካ እንዲቆት ማድረግ የለዐብንም፡፡ ሰው መንፈሱ የሚኖረው የሚመገበው የሚበረታው መንፈስ የሆነውን የእግዚአብሄርን ቃል በመመገብ ነው፡፡

ለሰውነታችን ሁለንተናዊ እድገት የምግብ ጥራት ወሳኝ እንደሆነ ሁሉ ለመንፈሳዊ ህይወታችን ጥራት የምንሰማው ቃል ጥራት ወሳኝ ነው፡፡ እንደ እግዚአብሄር ቃል የሆነ ትምህርት ህይወታቸንነ ያሳድገዋል መንፈሳ አቅም ይሰጠናል ከመንፈሳዊ በሽታ የምንካላከልበት አቅም ይሰጠናል፡፡

የምንበላው መግብ ከበሽታ እንደሚከላከልልን ሁሉ የምንሰማው ቃል ከመንፈሳ በሽታ ይከላከልልናል፡፡

በሳይንስ አብዛኛው በሽታ ምግብን በማስተካከል ብቻ መከላከል ይቻላል፡፡ እንዲሁ የምንሰማው የእግዚአብሄቃል በስጋዊ ባህሪ ውስጥ ያለውን የህይወት በሽታ ይከላከልልናል፡

ስለዚህ ርኵሰትን ሁሉ የክፋትንም ትርፍ አስወግዳችሁ፥ ነፍሳችሁን ማዳን የሚችለውን በውስጣችሁም የተተከለውን ቃል በየዋህነት ተቀበሉ። ያዕቆብ 1፡21

እንዲሁ በተፈጥሮ የምንበላው ምግብ በአንዳድዳ ነገር ከተበከለ ጤናችንን እንደሚጎዳው ሁሉ ከእግዚአብሄር ቃል ውጭ የሆነ ትምህርት መንፈሳዊ ጤንናታችንን ይጎዳል እግዚአብሄር ካጠራን የህይወት አላማ ያሰናክላል፡፡ ስለዚህ ነው ሃዋሪያው ጳውሎስ ለጢሞቲዮስ ለትምህርቱ እንዲጠነቅቅ የሚያዘው፡፡

ለራስህና ለትምህርትህ ተጠንቀቅ፥ በእነዚህም ጽና፤ ይህን ብታደርግ፥ ራስህንም የሚሰሙህንም ታድናለህና። 1ኛ ጢሞቴዎስ 4:16

ጤናማ ቃል ጤናማ ህይወት ይሰጣል፡፡ ጤናማ ያልሆነ ቃል የመንፈሳዊ ህይወትን ጤንነት ያውካል፡፡ ጤናማ ትምህርት ህይወትን ያለመልማል፡፡ ጤናማ ያልሆነ ትምህርት ህይወትን ያቀጭጫል፡፡ ጤናማ ትምህርት ለአግዚአብሄር ይበልጥ እንድንሰጥ ያበረታል፡፡ ጤናማ ያልሆነ ትምህርት በእግዚአብሄር ተስፋ እንድንቆርጥ ያደርጋል፡፡ ጤናማ ትምህርት በትክክለኛው ነገር ላይ እንድናተኩር ያደርጋል፡፡ ጤናማ ያልሆነ ትምህርት በተሳሳተ ነገር ላይ አተኩረን ፍሬ ቢስ እንድንሆን ያደርጋል፡፡

ዳሩ ግን ባለ ጠጎች ሊሆኑ የሚፈልጉ በጥፋትና በመፍረስ ሰዎችን በሚያሰጥምና በሚያሰንፍ በሚጎዳም በብዙ ምኞትና በፈተና በወጥመድም ይወድቃሉ። ገንዘብን መውደድ የክፋት ሁሉ ሥር ነውና፥ አንዳንዶች ይህን ሲመኙ፥ ከሃይማኖት ተሳስተው በብዙ ሥቃይ ራሳቸውን ወጉ። 1ኛ ጢሞቴዎስ 6፡10

በክርስቶስ ኢየሱስ ባለ እምነትና ፍቅር አድርገህ፥ ከእኔ የሰማኸውን ጤናማ ቃል ምሳሌ ያዝ፤ 2ኛ ጢሞቴዎስ 1፥13

የሚቃወም ሰው ስለ እኛ የሚናገረውን መጥፎ ነገር ሲያጣ እንዲያፍር፥ በነገር ሁሉ መልካምን በማድረግህ ምሳሌ የሚሆን ራስህን አሳይ፤ በትምህርትህም ደኅንነትን፥ ጭምትነትን፥ ጤናማና የማይነቀፍ ንግግርን ግለጥ። ቲቶ 2፥7-8

ጤናማ ትምህርት አልጋ በአልጋ የሆነ ትምህርት ሳይሆን ለእግዚአብሄርና ለእግዚአብሄርር ብቻ እንድንኖር የሚያስጨክን አለምን እንድንክድ በምድር ላይ እንደ እንግዶችና መጻተኞች እንድንኖር የሚያበረታ ትምህርት ነው፡፡

ስለዚህ ወንድሞችን ብታሳስብ፥ በእምነትና በተከተልኸው በመልካም ትምህርት ቃል የምትመገብ የኢየሱስ ክርስቶስ መልካም አገልጋይ ትሆናለህ። 1ኛ ጢሞቴዎስ 4፡6

ሕይወት የሚገኝበትን ትምህርት የማይታገሡበት ዘመን ይመጣልና፤ ነገር ግን ጆሮቻቸውን የሚያሳክክ ስለ ሆነ፥ እንደ ገዛ ምኞታቸው ለራሳቸው አስተማሪዎችን ያከማቻሉ። 2ኛ ጢሞቴዎስ 4፡3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሄር #አስተማሪ #ቃልኪዳን #መልካምትምህርት #ጤንነት #ንፁህ #አትለፍ #ትምህርት # #ፍሬ #አማርኛ #ስብከት #መዳን #መፅሃፍቅዱስ #አትጨነቁ  #አቢይ #አቢይዋቁማ #አቢይዋቁማዲንሳ

ከተፃፈው አትለፍ

ከተፃፈው አትለፍ.jpgወንድሞች ሆይ፥ ስለ አንዱ በአንዱ ላይ አንዳችሁም እንዳይታበዩ፦ ከተጻፈው አትለፍ የሚለውን በእኛ ትማሩ ዘንድ፥ ይህን በእናንተ ምክንያት ስለ ራሴና ስለ አጵሎስ እንደ ምሳሌ ተናገርሁ። 1ኛ ቆሮንቶስ 4፡6

ለመንፈሳዊ ብርታትና ውጤት መንፈሳዊ ጤንነት ወሳኝ ነው፡፡ ለመንፈሳዊ ጤንነት ደግሞ ጤናማ ምግብ ወሳኝ ነው፡፡

ማንኛውም ትምህርት ጤናማነቱና ጠቃሚነቱ የሚለካው ደግሞ በእግዚአብሄር ቃል ነው፡፡

ሰው ለእግዚአብሄር ክብር ስለተፈጠረ ለሰው ልጅ ጥያቄ መፍትሄ ያለው የሰው ጥሩ ጥሩ ሃሳብ ሳይሆን የእግዚአብሄር ቃል ነው፡፡ የማንኛውም ትምህርት ጤንነት የሚለካውም በእግዚአብሄር ቃል ነው፡፡ እንደ እግዚአብሄር ቃል ያልሆነ ምንም አይነት ትምህርት የተሙዋላ ጤናን የሚሰጥ ምግብ ሊሆን አይችልም፡፡ እንደ እግዚአብሄር ቃል ጤናማነቱ ያልተረጋገጠን ትምህርት ሰዎችን መግበን ጤናቸውን እንጠብቃልን ማለት ዘበት ነው፡፡ እንደ እግዚአብሄር ቃል ጤንነቱ ያልተጠበቀ ምግብን ሰዎችን አብልተን በክርስትና ህይወታቸው እናበረታቸዋለን ማለት አይቻልም፡፡ እንደ እግዚአብሄር ቃል ጤንነቱ ያለተፈሸ ምግብን አብልተን ሰዎች የእግዚአብሄርን ስራ እንዲሰሩ እናበረታታለን ማለት ልፋት ነው፡፡

የቃሉ አስረማሪዎች ምንም ቢፈተኑ ከቃሉ ላለማለፍ ራሳቸውን ትሁት ማድረግ ይገባቸዋል፡፡ ሰዎች ሲሰሙን ሲወዱን ልዩ ትምህርትን ለማምጣት እንፈተናለን፡፡ ነገር ግን ይህን በትምህርታችን ሰውን የማስደነቅን ፈተና ተቋቁመን ከተፃፈው ላለማለፍ መወሰናችን የሚሰሙንን ጤንነት እንድንጠብቅ ያስችለናል፡፡

ለራስህና ለትምህርትህ ተጠንቀቅ፥ በእነዚህም ጽና፤ ይህን ብታደርግ፥ ራስህንም የሚሰሙህንም ታድናለህና። 1ኛ ጢሞቴዎስ 4፡16

ከተፃፈው አልፈን ትምህርታችን ጤነኛ ይሆናል ማለት በእሳት መጫወት ነው፡፡ ከተፃፈው አልፈን ትምህርታችን ጤነኛ ይሆናል ብሎ መጠበቅ እንክርዳድ ዘርቶ ስንዴ ለማጨድ እንደመጠበቅ ነው፡፡

ሰውን የሚፈውሰው የተፃፈው ነው፡፡ በተፃፈው ሃይል ተማመን፡፡ የአንተን ምንም ማጋነን ሳይጨምር የተፃፈው ብቻውን ለሰዎች መድሃኒት ይሰጣል፡፡

ከተፃፈው አትለፍ፡፡ ሄዋን እግዚአብሄር አትብሉ አትንኩትም ብሎዋል ብላ ስታጋንነው የቃሉን ሃይሉን አሳጣችው፡፡ ሰይጣንም ከቃሉ ማለፍዋን ለክፋቱ ተጠቀመበት፡፡

ነገር ግን በገነት መካከል ካለው ከዛፉ ፍሬ እግዚአብሔር አለ:- እንዳትሞቱ ከእርሱ አትብሉ አትንኩትም።

እውነተኛ አስተማሪ በቃሉ ሃይል የሚያምን ነው፡፡ እውነተኛ አስተማሪ ቃሉ ምንም ሳይጨመርበትና ሳይቀነስበት ስራውን ይሰራል ውጤት ያመጣል ቃሉ ብቻውን በቂ ነው ብሎ የሚያመን ነው፡፡

አስተማሪ በእግዚአብሄር ቃል ብቻ ሳይታመን ሲቀርና የእግዚአብሄርን ቃል ለማጠናከርና ሃይል ሊጨምርለት ሲሞክር ሃይሉን ያሳጣዋል፡፡

አባቱን ወይም እናቱን አያከብርም ትላላችሁ፤ ስለ ወጋችሁም የእግዚአብሔርን ቃል ሻራችሁ። ማቴዎስ 15፡6

ሃዋሪያው ጳውሎስ በዚያ ሁሉ አገልግሎቱ በትህትና በመኖርና በማስተማር ከተፃፈው አትለፍ የሚለውን ምሳሌ ትቶልናል፡፡

ወንድሞች ሆይ፥ ስለ አንዱ በአንዱ ላይ አንዳችሁም እንዳይታበዩ፦ ከተጻፈው አትለፍ የሚለውን በእኛ ትማሩ ዘንድ፥ ይህን በእናንተ ምክንያት ስለ ራሴና ስለ አጵሎስ እንደ ምሳሌ ተናገርሁ። 1ኛ ቆሮንቶስ 4፡6

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሄር #አትጨነቁ #ቃልኪዳን #ቃሉንያንቃል #ጤንነት #ንፁህ #አትለፍ #ትምህርት # #ፍሬ #አማርኛ #ስብከት #መዳን #መፅሃፍቅዱስ #አትጨነቁ  #አቢይ #አቢይዋቁማ #አቢይዋቁማዲንሳ

ልባችሁን አጥሩ

deer.jpgወደ እግዚአብሔር ቅረቡ ወደ እናንተም ይቀርባል። እናንተ ኃጢአተኞች፥ እጆቻችሁን አንጹ፤ ሁለት አሳብም ያላችሁ እናንተ፥ ልባችሁን አጥሩ። ያዕቆብ 4፡8

እግዚአብሄር ሲጠራንና የተስፋ ቃል ሲገባልን ሁለት ሃሳቦች በልባችን ይነሳሉ፡፡

አንደኛው እግዚአብሄርን ለማገልገል እድሉን አገኘሁ እግዚአብሄርን አመሰግናለሁ የሚል ሃሳብ ነው፡፡ የእግዚአብሄርን ህዝብ ለማገልገል እግዚአብሄር ታማኝ አደርጎ ስለቆጠረን ደስ ይለናል፡፡ ያለንን ለእግዚአብሄር ህዝብ ማካፈል እንደ እድል እንቆጥረዋለን፡፡ የእግዚአብሄር መጠቀሚያ መሆንንና እግዚአብሄርን ማገልገልን እንደ ትልቅ መብት እናየዋለን፡፡ ሰማይና ምድር የሰራው እግዚአብሄር ሊጠቀምብን

ለአገልግሎቱ ሾሞኝ ታማኝ አድርጎ ስለ ቈጠረኝ፥ ኃይል የሰጠኝን ክርስቶስ ኢየሱስን ጌታችንን አመሰግናለሁ፤ስለወደደ ልባችን በደስታ ይሞቃል፡፡ 1ኛ ጢሞቴዎስ 1፡12

እግዚአብሄር ሲጠራን በልባችን የሚነሳው ሌላኛው ሃሳብ ደግሞ በቃ አሁን እጠቀማለሁ የሚል ነው፡፡ በጥሪያችን ስም ዝነኛ መሆን ፣ በጥሪያችን ተጠቅመን እግዚአብሄ የሰጠንን ሃይልን ለፈለግነው ነገር ማዋል ፣ ተሰሚነታችንን ተጠቅመን የግል ጥቅማችንን ማሳደድ ፣ እግዚአብሄር ለአገልግሎት የሰጠንን ተቀባይነት ለራሳችን ጥቅም ማዋል ፣ ባለን ጥሪ ተጠቅመን ሀብታም መሆንና  የአግልግሎታችንን ክብር ወደ እኛ ማዞር ሃሳብ ይነሳል፡፡

እግዚአብሄር ታዲያ እንዲህ ይላል ሁለት ሃሳብ ያለችሁ ልባችሁን አጥሩ፡፡ እግዚአብሄር ወደ ጠራን አገልግሎት ሙሉ ለሙሉ የሚለቀን ልባችንን ስናጠራ ብቻ ነው፡፡

ልባችን ሲጠራ እግዚአብሄርን የምናገለግለው እግዚአብሄር ብቻ ስለሆነ ብቻ ስለሆነ ይሆናል፡፡ እግዚአብሄርን የምናገለግለው የእግዚአብሄርን ህዝብ ለመጥቀም ብቻ ሲይሆናል፡፡ የእግዚአብሄርን ቤት የምንሰራው ለራሳችን ቤትን ለመስራት አይሆንም፡፡ የእግዚአብሄን ህዝብ የምናገለግለው እግዚአብሄር ወደአየላቸው ተራ እንዲደርሱ በቅንነት ለመርዳት እንጂ ኑሮዋችንን ለመስራት አይሆንም፡፡ ልባችንን ስናጠራ እግዚአብሄር ወዳየልን አገልግሎት ሙሉ ለሙሉ እንለቀቃለን፡፡

ሁለት አሳብም ያላችሁ እናንተ፥ ልባችሁን አጥሩ። ያዕቆብ 4፡8

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ሃሳብ #መነሻሃሳብ #ልብ #ንፁህ #ማየት #አለማየት #ቃል #የእምነትተጋድሎ #የእግዚአብሄርቃል #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ፈትኑኝ፥ ይላል የሠራዊት ጌታ እግዚአብሔር

በዚህ ፈትኑኝ፥ ይላል የሠራዊት ጌታ እግዚአብሔር፡፡ ሚልክያስ 3፡10

እግዚአብሄር እውነተኛ አምላክ ነው፡፡ እግዚአብሄር መልኩ አንድና አንድ ብቻ ነው፡፡ እግዚአብሄር አይለወጥም፡፡ እግዚአብሄር አይዋሽም፡፡ እግዚአብሄር ታላቅ ነው፡፡ እግዚአብሄር የሚፈራው የለም፡፡ እግዚአብሄ ቅዱስ ነው፡ሸ እግዚአብሄ ንፁህ ነው፡፡ እግዚአብሄር ሊደብቀው የሚፈልገው ነገር የለም፡፡ እግዚአብሄር አውነትን ይናገራል፡፡

የእግዚአብሄ ቃል እውነት ነው፡፡ የእግዚአብሄር ቃል የተፈተነ ነው፡፡ የእግዚአብሄ ቃል ተፈትኖ ያለፈ አስተማማኝ ማነም ሰው ሊደገፍበት የሚችል ነው፡፡

በምድር ላይ እንደ ተፈተነ ሰባት ጊዜ እንደ ተጣራ ብር የእግዚአብሔር ቃላት የነጹ ቃላት ናቸው። መዝሙር 12፡6

ስለዚህ ነው እግዚአብሄር ፈትኑኝ የሚለው፡፡ ስለዚህ ነው እግዚአብሄር ያልፈፀምኩት ቃል የት አለ? ኑና እንዋቀስ የሚለው፡፡ እግዚአብሄ ቃሉን ሁልጊዜ ስለሚጠብቅ ከማንም ጋር ለመዋቀስ አይፈራም፡፡ እግዚአብሄር ቃሉን ሙሉ ለሙሉ ስለሚጠብቅ ኑና እንዋቀስ ይላል፡፡ እግዚአብሄር የማንም ባለእዳ አይደለም፡፡

ኑና እንዋቀስ ይላል እግዚአብሔር፤ ኃጢአታችሁ እንደ አለላ ብትሆን እንደ አመዳይ ትነጻለች፤ እንደ ደምም ብትቀላ እንደ ባዘቶ ትጠራለች። ኢሳያስ 1፡18

እግዚአብሄር መጠየቅን አይፈራም፡፡ እግዚአብሄር በቃሉ መፈተንን ይወደዋል፡፡ እግዚአብሄር እውነተኛ ስለሆነ ሁልጊዜ በቃሉ እንድንፈትነው ይጋብዘናል፡፡

በዚህ ፈትኑኝ፥ ይላል የሠራዊት ጌታ እግዚአብሔር፡፡ ሚልክያስ 3፡10

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእምነትተጋድሎ #የእግዚአብሄርቃል #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

የመገለጥ እውቀት የምናገኝባቸው አራቱ መንገዶች

revelation.jpgየአእምሮ  እውቀት ብቻ በራሱ መጥፎ ባይሆንም እንደመገለጥ እውቀት የሰውን ህይወት አይለውጥም፡፡ ህይወታችን በመገለጥ እውቀት ካልተለወጠ ደግሞ እግዚአብሄር በምድር ሰርተን አንድናልፍ ያዘጋጀልንን መልካሙን ስራ ፈፅመን ልናከብረው አንችልምን፡፡ የአእምሮን እውቀት የምናገኘው መፅሃፍ ቅዱስን በማንበብ ብቻ ነው፡፡ የመገለጥ እውቀት ግን መፅሃፍ ቅዱስን በማንበብ ብቻ ወደእኛ ሊመጣ አይችልም፡፡ በህይወታችን የመገለጥ እውቀትን ሊያመጡ የሚችሉትን ነገሮች ካደረግን የመገለጥ እውቀት ወደ ህይወታችን ይመጣል በዚያም ህይወታችን ይለወጣል፡፡ እኛ የመገለጥ እውቀት እንድናገኝ ከምንፈልገው በላይ እግዚአብሄር የመገለጥ እውቀት እንድናገኝ ይፈልጋል፡፡

የመገለጥ እውቀት ለማግኘት የመጀመሪያው ደረጃ ዳግመኛ መወለድ ነው፡፡ ሰው ዳግመኛ ካልተወለደ በስተቀር ምንም ስለ ኢየሱስ  በታሪክ ቢያውቅ እግዚአብሄርን ግን ሊያውቀው አይችልም፡፡ የእግዚአብሄር መንግስት በመካከላችን ሆና ሳለ ሰው ዳግመኛ ካልተወለደ በስተቀር የእግዚአብሄርን መንግስት ሊያያት አይችልም፡፡

ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። ዮሃንስ 3፡3

የመገለጥ እውቀት ለማግኘት ራስህ ትሁት በማድረግ ባወቅነው እውቀት እርምጃ መውሰድን ይጠይቃል፡፡ እግዚአብሄር የመገለጥ እውቀት የሚሰጠን እንድንኩራራበት ሳይሆን እርሱን አንድንታዘዘውና ለክብሩ እንድንኖር ነው፡፡ እግዚአብሄር የመገለጥ እውቀት ከመስጠቱ በፊት ባለን እውቀት ምን ያህል ታማኞች እንደሆንንና እንደታዘዘነው ማወቅ ይፈልጋል፡፡ ፍላጎታችን እግዚአብሄርን ለመታዘዝ ካልሆነ እግዚአብሄር የመገለጥ እውቀት ለእኛ በመስጠት እውቀትን አያባክነውም፡፡

በመልካም መሬት ላይም የወደቀ እነርሱ በመልካምና በበጎ ልብ ቃሉን ሰምተው የሚጠብቁት በመጽናትም ፍሬ የሚያፈሩ ናቸው። ሉቃስ 8፡15

የመገለጥ እውቀት ለማግኘት ቃሉን ማሰላሰል ወሳኝ ነው፡፡ ለቃሉ የመጀመሪያውን ስፍራ መስጠታችን ቃሉን እንድናሰላስለው ያደርገናል፡፡ በዚህም በቃሉ ውስጥ ያለውን ጭማቂ ማግኘት እንችላለን፡፡  የአእምሮ እውቀት ከእኛ ጋር የሚዋሃደውና የሚጠቅመን ለቃሉ የመጀመሪያውን ስፍራ በህይወታችን ስንሰጥና ቃሉን እንደ ባጣ ቆየኝ ካላየነው ነው፡፡ የአእምሮ እውቀት ከእኛ ጋር በእምነት የሚዋሃደው ቃሉን ስናከብርና ቃሉን ሰናሰላስለው ነው፡፡

ለእነዚያ ደግሞ እንደ ተነገረ ለእኛ የምስራች ተሰብኮልናልና፤ ዳሩ ግን የሰሙት ቃል ከሰሚዎቹ ጋር በእምነት ስላልተዋሐደ አልጠቀማቸውም። ዕብራውያን 4፡2

የመገለጥ እወቀት የሚመጣው የእግዚአብሄርን ፊት በመፈለግ ነው፡፡

የክብር አባት የጌታችን የኢየሱስ ክርስቶስ አምላክ እርሱን በማወቅ የጥበብንና የመገለጥን መንፈስ እንዲሰጣችሁ እለምናለሁ። ኤፌሶን 1፡17

ፀሎት

እግዚአብሄር አባት ሆይ ስለህይወቴ አመሰግንሃለሁ፡፡ በምድር ላይ የሰጠኸኝን ስራ ሰርቼ ላከብርህ እፈልጋለሁ፡፡ ህይወቴ እንዲለወጥ በሁለንተናዬ ክርስቶስን እንድመስል እፈልጋለሁ፡፡  ብዙዎችን የሚነካ እና የሚደርስ ህይወት እንዲኖረኝ እፈልጋለሁ፡፡ እግዚአብሄር ሆይ ህይወቴን የሚለውጠውን ይህን የመገለጥ እውቀት እንድስትሰጠኝ እለምንሃለሁ፡፡ ስለሰጠኸኝ አመሰግንሃለሁ፡፡ በጌታ በኢየሱስ ስም፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ነፍስ #መዳን #ኢየሱስ #ጌታ #እግዚአብሔር #መገለጥ #እውቀት #ቅድሚያ #መታዘዝ #ርስት #ቤተክርስትያን #አማርኛ #ስብከት #ማሰላሰል #መፅሃፍቅዱስ #መጋቢ #እምነት #ቅድሚያመስጠት #ጥሪ #ክብር #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #አእምሮ #ሰላም #ማስተዋል #ልጅ

የመገለጥ እውቀት እና የአእምሮ እውቀት

62014cacf77d043fb77094d98e46bd9bc7310c9f.jpgመፅሃፍ ቅዱስ ነፍስ ያለእውቅት ትሆን ዘንድ መልካም አይደለም ሲል የአእምሮ እውቀትን ማለት አይደለም፡፡ አንዳንድ ሰዎች ስለመፅሃፍ ቅዱስ ብዙ የአእምሮ እውቀት አላቸው ነገር ግን እውቀቱ ለህይወት ለውጥ ምንም አይጠቅማቸውም፡፡ የአእምሮ እውቀት በተግባር ሊተረጎም የማይችል ውስን እውቀት ነው፡፡ የአእምሮ እውቀት መፅሃፍ ቅዱስን እንደማንኛውም መፅሃፍ በመሸምደድ የሚገኝ እውቀት ነው፡፡ የአእምሮ እውቀት መፅሃፍ ቅዱስን እንደ ታሪክና ፊዚክስ በማጥናት የሚገኝ ውስን እውቀት ነው፡፡

የአእምሮ እውቀት ብቻ ነፃ አያወጣም፡፡ ነፃ የሚያወጣው የመገለጥ እወቀት ነው፡፡ ሰው ያለው የአእምሮ እውቀት ይሁን ወይም የመገለጥ እውቀት የሚፈተነው የሚያውቀውቅን በመተግበሩና ባለመተግበሩ ነው፡፡ የአእምሮ እውቀት ያለው ሰው የሚያውቀውን ማድረግ አይችልም፡፡ ስለአንድ ነገር ያለህ እውቀት ነገሩን እንድታደርገው ካላስቻለህ ያለህ የአእምሮ ብቻ እውቀት ነው፡፡

ቃሉን የምታደርጉ ሁኑ እንጂ ራሳችሁን እያሳታችሁ የምትሰሙ ብቻ አትሁኑ። ቃሉን የሚሰማ የማያደርገውም ቢኖር የተፈጥሮ ፊቱን በመስተዋት የሚያይን ሰው ይመስላል፤ ራሱን አይቶ ይሄዳልና፥ ወዲያውም እንደ ምን እንደ ሆነ ይረሳል። ነገር ግን ነጻ የሚያወጣውን ፍጹሙን ሕግ ተመልክቶ የሚጸናበት፥ ሥራንም የሚሠራ እንጂ ሰምቶ የሚረሳ ያልሆነው፥ በሥራው የተባረከ ይሆናል። ያዕቆብ 1፡22-25

የአእምሮ እውቀት ብቻ ያለው ሰው የመገለጥ እውቀት እንዳለው ሰው ልቡ ሰፊ አይደለም፡፡ የአእምሮ እውቀት ያለው ሰው ደካማን ከማገዝ ይልቅ ርህራሄ ስለሚጎድለው በደካማ ሰው ላይ በጭካኔ ይፈርዳል፡፡ የመገለጥ እውቀት ያለው ሰው ግን በቤተሰብነት ስሜት ሌሎችን ይረዳል ያነሳል፡፡ የአእምሮ እውቀት ብቻ ያለው ሰው ፊደሉን ብቻ ነው የሚያወቀው፡፡ የመገለጥ እውቀት ያለው ሰው የሚያስችለው ሃይል መንፈሱም ያውቀዋል፡፡

እርሱም ደግሞ በመንፈስ እንጂ በፊደል ለማይሆን ለአዲስ ኪዳን አገልጋዮች እንሆን ዘንድ አበቃን፤ ፊደል ይገድላልና መንፈስ ግን ሕይወትን ይሰጣል። 2ኛ ቆሮንቶስ 3፡6

የአእምሮ እውቀት ያለው ሰው ስለእግዚአብሄር ያለው እውቀት የሰሚ ሰሚ እውቀት አለው፡፡ የመገለጥ እውቀት ያለው ሰው እግዚአብሄር ራሱን ያውቀዋል፡፡ የአእምሮ ብቻ እውቀት ብቻ ያለው ሰው እውቀቱ የሚቆመው በአእምሮ ብቻ ነው እንጂ ከህይወቱ ጋር አልተዋሃደም፡፡

ለእነዚያ ደግሞ እንደ ተነገረ ለእኛ የምስራች ተሰብኮልናልና፤ ዳሩ ግን የሰሙት ቃል ከሰሚዎቹ ጋር በእምነት ስላልተዋሐደ አልጠቀማቸውም። ዕብራውያን 4፡2

የመገለጥ እውቀት ያለው ሰው ቃሉ በህይወቱ ተዋህዶታል፡፡ የአእምሮ እውቀት ብቻ ያለው ሰው የሚመራው በአእምሮው ብቻ ነው፡፡ የመገለጥ እውቀት ያለወ ሰው የሚመራው በልቡ መንፈስ ነው፡፡

እርሱም የላከውን እናንተ አታምኑምና በእናንተ ዘንድ የሚኖር ቃሉ የላችሁም። እናንተ በመጻሕፍት የዘላለም ሕይወት እንዳላችሁ ይመስላችኋልና እነርሱን ትመረምራላችሁ፤ እነርሱም ስለ እኔ የሚመሰክሩ ናቸው ነገር ግን ሕይወት እንዲሆንላችሁ ወደ እኔ ልትመጡ አትወዱም። ዮሃንስ 5፡38-40

የአእምሮ እውቀት ያለው ሰው እውቀት ያለው ይመስለዋል ግን ያለው ተግባራዊ እውቀት ስላልሆነ ለተግባራዊው እውቀት ራሱን ይዘጋል፡፡ የአእምሮ እውቀት ያለው ሰው ያወቀ እየመሰለው ራሱን ያታልላል፡፡ የመገለጥ እውቀት ያለው ሰው እግዚአብሄርን በሙላት አገልግሎ ያልፋል፡፡

ሕይወትን የሚሰጥ መንፈስ ነው፤ ሥጋ ምንም አይጠቅምም፤ እኔ የነገርኋችሁ ቃል መንፈስ ነው ሕይወትም ነው። ዮሃንስ 6፡63

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ነፍስ #መዳን #ኢየሱስ #ጌታ #እግዚአብሔር #መገለጥ #እውቀት #ቅድሚያ #መታዘዝ #ርስት #ቤተክርስትያን #አማርኛ #ስብከት #ባለጠግነት #መፅሃፍቅዱስ #መጋቢ #እምነት #ሃይል #ጥሪ #ክብር #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #አእምሮ #ሰላም #ማስተዋል #ልጅ

የእውቀት ማጣት አምስቱ ምልክቶች

dry_land-t2.jpg

እውቀት ብርሃን ነው፡፡ ሰው የእግዚአብሄር ቃል እውቀት ከሌላው ነገር ሁሉ ይጨላልምበታል፡፡ ሰው ትክክለኛው የመፀሃፍ ቅዱስ እውቀት ከሌላው ኑሮው በሙከራና በውድቀት የተሞላ ይሆናል፡፡

ሰው በእግዚአብሄር ቃል እውቀት ሲሞላ የእግዚአብሄርን መንግስት በደስታ ማገልገል ይችላል፡፡ ሰው በእግዚአብሄር ቃል እውቀት ሲሞላ ነገሮችን እንደ አመጣጣቸው መያዝ እና ማስተናገድ ይችላል፡፡ ሰው በእግዚአብሄር እውቀት ሲሞላ ሁኔታዎችን ሁሉ በማስተዋል ተጋፍጦ ከነገሮች በላይ አሸናፊ ይሆናል፡፡

ሰው የቃሉ እውቀት ከሌላው ቅድሚያ መስጠትን አያውቅም፡፡

የህይወት ስኬት የሚለካው በህይወት ቅድሚያ መስጠትን በማወቅ ላይ ነው፡፡ ለምን ቅድሚያ መስጠት እንዳለብን ካወቅንና የህይወት ሃላፊነቶችን ሁሉ በቦታ በቦታቸው ካስቀመጥናቸው አሸናፊ መሆን እንችላለን፡፡ የእግዚአብሄር ቃል እውቀት የሌለው ሰው ግን የቱን ከየቱ እንደሚያደርገው ስለማያውቅ ሃይሉን በማይገባ ጥቃቅን ነገር ላይ ያባክንና ሃይሉን ማጥፋት ባለበት ነገር ላይ የሚገባውን ሳያደርግ ይቀራል፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡31-33

እውቀት የሌለው ሰው ለምን እንደተጠራ አያውቅም፡፡

እውቀት የሌለው ሰው እግዚአብሄር ለምን እንደጠራው ስለማይረዳ ሁሉም ውስጥ በመግባት ጉልበሩን ሲጨርስ ይኖራል፡፡ የሰው ጉልበት ውስን ነው፡፡ ሰው ሁሉንም ነገር ለማድረግ ከሞከረ ምንም ነገር ሳያደርግ ይቀራል፡፡ የቃሉ አውቀት የሚያስፈልገው እግዚአብሄር ለምን እንደጠራን እንድናውቅ ነው፡፡ ለምን እንደተጠራ የሚያውቅ ሰው በአትኩሮት የህይወት ሩጫን በሚገባ መሮጥ እና መፈፀም ይችላል፡፡ ለምን እንደተጠራ የሚያውቅ ሰው ግቡን እስኪመታ አያርፍም፡፡ የቃሉ እውቀት ያለው ሰው አላማውን ከግብ ሲያደርሷ ያርፋል በህይወቱም ይደሰታል፡፡

የክብር አባት የጌታችን የኢየሱስ ክርስቶስ አምላክ እርሱን በማወቅ የጥበብንና የመገለጥን መንፈስ እንዲሰጣችሁ እለምናለሁ። ይህም የልባችሁ ዓይኖች ሲበሩ የመጥራቱ ተስፋ ምን እንዲሆን . . . ታውቁ ዘንድ ነው፤ ኤፌሶን 1፡17-19

መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤2ኛ ወደ ጢሞቴዎስ 4፡7

እውቀት የጎደለው ሰው በእግዚአብሄር ፊት ያለውን የክብር ደረጃ አይረዳም፡፡

በእግዚአብሄር ያለንን ቦታ ማወቃችን ካለፉክክር ሌሎችን እንድናገለግል ይረዳናል፡፡ በእግዚአብሄር ዘንድ ያለውን ቦታ ያልተረዳ ሰው እግዚአብሄር አክብሮት እያለ ቦታውን ከፍ ለማድርግ ህይወቱን በከንቱ ይፈጃል፡፡ በእግዚአብሄር ያለውን የክብር ቦታ የማያውቅ ሰው ማንንም ማገልገል ሳይችል በምስኪንነት አስተሳሰብ ራሱን ብቻ በማገልገል ላይ ተጠምዶ ራሱን ያባክናል፡፡ ኢየሱስ በምድር ላይ ትሁት ሆኖ ለእግዚአብሄር አብ እስከሞት ድረስ በሚገባ እንዲታዘዝ ያደረገው ማንነቱን ማወቁ ነው፡፡

ኢየሱስ አብ ሁሉን በልጁ እንደ ሰጠው ከእግዚአብሔርም እንደ ወጣ ወደ እግዚአብሔርም እንዲሄድ አውቆ፥ ከእራት ተነሣ ልብሱንም አኖረ፥ ማበሻም ጨርቅ ወስዶ ታጠቀ፤ ዮሃንስ 13፡3-4

እውቀት የጎደለው ሃብታም ሰው ሃብታም ለመሆን በከንቱ ይጥራል፡፡

እውቀት የሌላው ሰው በሁሉ ባለጠጋ ተደርጎ ሳለ ሃብታም ለመሆን በሚደረግ ጥረት በአልባሌ ነገር ህይወቱን ይፈጃል፡፡ ስለ እረኛው በቂ እውቀት የሌለው ሰው ያጣው ነገር እንዳለ ስለሚሰማው ያንን ነገር ለማሟላት እግዚአብሄር የሰጠውን የህይወት ሃላፊነት ይተዋል፡፡ እውቀት የጎደለው ሰው ያለውን የርስት ክብር ስለማይረዳ የሚያልፍ የምድር ርስት ለማከማቸት ቅድሚያ በመስጠት ህይወቱን ያባክናል፡፡

የክብር አባት የጌታችን የኢየሱስ ክርስቶስ አምላክ እርሱን በማወቅ የጥበብንና የመገለጥን መንፈስ እንዲሰጣችሁ እለምናለሁ። ይህም የልባችሁ ዓይኖች ሲበሩ . . . በቅዱሳንም ዘንድ ያለው የርስት ክብር ባለ ጠግነት ምን እንዲሆን . . . ታውቁ ዘንድ ነው፤ ኤፌሶን 1፡17-19

እውቀት የጎደለው ሰው በተሰጠው ሃይል መጠቀም ያቅተዋል፡፡

ኢየሱስን አዳኙ አድርጎ የተቀበለ ሰው ሁሉ የእግዚአብሄር ታላቅ ሃይል በውስጡ ይኖራል፡፡ ሰው ግን በውስጡ ያለውን ሃይል ካልተረዳ በድካምና በሽንፈት ሊኖር ይችላል፡፡ እግዚአብሄር የሁሉ አሸናፊ አድርጎት እያለ ካላወቀ በሁሉ ተሸንፎ ይኖራል፡፡

የክብር አባት የጌታችን የኢየሱስ ክርስቶስ አምላክ እርሱን በማወቅ የጥበብንና የመገለጥን መንፈስ እንዲሰጣችሁ እለምናለሁ። ይህም የልባችሁ ዓይኖች ሲበሩ . . . ለምናምን ከሁሉ የሚበልጥ የኃይሉ ታላቅነት ምን እንዲሆን ታውቁ ዘንድ ነው፤ ኤፌሶን 1፡17-19

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ነፍስ #መዳን #ኢየሱስ #ጌታ #እግዚአብሔር #እውቀት #ቅድሚያ #መታዘዝ #ርስት #ቤተክርስትያን #አማርኛ #ስብከት #ባለጠግነት #መፅሃፍቅዱስ #መጋቢ #እምነት #ሃይል #ጥሪ #ክብር #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #አእምሮ #ሰላም #ማስተዋል #ልጅ

dry_land-t2.jpg

የእውቀት ማጣት አደጋ

Sunset_in_the_deseart.jpgነፍስ እውቀት የሌለባት ትሆን ዘንድ መልካም አይደለም፤ ምሳሌ 19፡2

ኢየሱስ በመስቀል ላይ የከፈለልንን የሃጢያት ዋጋ ለእኔ ነው ብለን ስንቀበል እግዚአብሄር ይቀበለናል፡፡ እግዚአብሄር ያዘጋጀውን የመዳኛ መንገድ የመስቀል ስራ ስንቀበል ዳግመኛ እንወለዳለን፡፡ ሰው ከእናትና አባቱ በስጋ ሲወለድ ወደዚህ ምድር ይገባል፡፡ ሰው ደግሞ የእግዚአብሄርን ቃል ሰምቶ ሲቀበል ዳግመኛ ይወለዳል፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ እነርሱም ከእግዚአብሔር ተወለዱ እንጂ ከደም ወይም ከሥጋ ፈቃድ ወይም ከወንድ ፈቃድ አልተወለዱም። ዮሃንስ 1፡12-13

በክርስቶስ የሆነ ሰው አዲስ ፍጥረት ነው፡፡ ሰው ዳግመኛ ሲወለድ መንፈሱ አዲስ ነው፡፡

ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል። 2ኛ ቆሮንቶስ 5፡17

ሰው አዲስ ፍጥረት ቢሆንም በነፍሱ ውስጥ ለዘመናት የተቀመጠ አለማዊ እውቀት ብንን ብሎ አይጠፋም፡፡ ዳግመኛ የተወለደው ሰው አሮጌውን የአለም እውቀት በአዲሱ የእግዚአብሄር ቃል እውቀት መተካት ይገባዋል፡፡ ዳግም የተወለደው ሰው ነፍስ አለማዊ እውቀት በቃሉ እውቀት ካልተተካ ሰው ዳግመኛ ተወልዶ እንደ አለማዊ ሰው በሃጢያት እና በሽንፈት ሊኖር ይችላል፡፡ ነፍስ ካለቃሉ እውቀት ከሆነች በምታውቀው በአለማዊ አሰራር እውቀት ብቻ ስለምትኖር መለወጥ ያቅታታል፡፡ ነፍስ በእግዚአብሔር ቃል እውቀት ከአለማዊ እውቀት መዳን አለባት፡፡

ስለዚህ ርኵሰትን ሁሉ የክፋትንም ትርፍ አስወግዳችሁ፥ ነፍሳችሁን ማዳን የሚችለውን በውስጣችሁም የተተከለውን ቃል በየዋህነት ተቀበሉ። ያዕቆብ 1፡21

ነፍስ የእግዚአብሄር ቃል እውቀት ከሌላት ለእግዚአብሄር መኖር ያቅታታል፡፡ የእግዚአብሄር መንግስት አሰራርና የአለም አሰራር እጅግ ስለሚለያይ ነፍስ የእግዚአብሄር ቃል እውቀት ከሌላት በምድር ላይ የተጠራችበትን አላማ መፈፀም ያቅታታል፡፡

ነፍስ እውቀት የሌለባት ትሆን ዘንድ መልካም አይደለም፤ ምሳሌ 19፡2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ነፍስ #መዳን #ኢየሱስ #ጌታ #እግዚአብሔር #እውቀት #መልካም #መታዘዝ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #አእምሮ #ሰላም #ማስተዋል #ልጅ

የፀጋ ቃል

grace word.jpgለሚሰሙት ጸጋን ይሰጥ ዘንድ፥ እንደሚያስፈልግ ለማነጽ የሚጠቅም ማናቸውም በጎ ቃል እንጂ ክፉ ቃል ከአፋችሁ ከቶ አይውጣ። ኤፌሶን 4፡29

ፀጋ የሚያስችል ነፃ ስጦታ ነው፡፡ ፀጋ የሚያስችል ሃይል ነው፡፡ ፀጋ የሚያበቃ ችሎታ ነው፡፡ ፀጋ የሚያስችል ሃይል ነው፡፡ እንደ ክርስቲያን የፀጋ ቃል ብቻ ከአፋችንም እንዲወጣ ታዘናል፡፡

እግዚአብሄር በመንፈሱ በተለያየ ፀጋ አሳድጎናል፡፡ እግዚአብሄር በፀጋው ለውጦናል፡፡ እግዚአብሄር በፀጋው ካለንበት አውጥቶናል፡፡ በፀጋው ከብዙ ነገር አሻግሮናል፡፡

እግዚአብሄር በቃላችን ውስጥ ታላቅ ሃይልን አስቀምጧል፡፡ እኛ ውስጥ የተጠራቀመው ፀጋ በቃላችን በኩል ሌሎችን በህይወታቸው ካለው ነገር እንዲያወጣቸው ያስፈልጋል፡፡ በቃላችን ውስጥ ያለው ፀጋ መንፈሳዊ ጉልበትን የሚሰጥ ምግብ ነው፡፡ የሚሰሙን በቃላችን በኩል የእግዚአብሄርን ፀጋ ይመገባሉ፡፡ እኛን ያበረታን ፀጋ በቃላችን በኩል ለሌሎች ይተላለፋል፡፡ የሆነውን የሆንበትን ፀጋን ለሌሎች ማካፈል እንችላለን፡፡

ለሚሰሙት ጸጋን ይሰጥ ዘንድ፥ እንደሚያስፈልግ ለማነጽ የሚጠቅም ማናቸውም በጎ ቃል እንጂ ክፉ ቃል ከአፋችሁ ከቶ አይውጣ። ኤፌሶን 4፡29

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #የሚያስችልሃይል #ንግግር #ቃል #አንደበት #እውቀት #ምስጋና #ትህትና #ልብ #እምነት #ፀሎት #ማማጠን #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ

 

የእምነት ጋሻ

shield7.jpgየዲያብሎስን ሽንገላ ትቃወሙ ዘንድ እንዲቻላችሁ የእግዚአብሔርን ዕቃ ጦር ሁሉ ልበሱ። ስለዚህ በክፉው ቀን ለመቃወም፥ ሁሉንም ፈጽማችሁ ለመቆም እንድትችሉ የእግዚአብሔርን ዕቃ ጦር ሁሉ አንሡ። በሁሉም ላይ ጨምራችሁ የሚንበለበሉትን የክፉውን ፍላጻዎች ሁሉ ልታጠፉ የምትችሉበትን የእምነትን ጋሻ አንሡ፤ ኤፌሶን 6፡11-12፣16

ለእግዚአብሄር ክብር ተፈጥረናል፡፡ ጠላት ደግሞ ይህንን አይፈልግም፡፡ ጠላታችን ዲያቢሎስ የሚፈልገው የእግዚአብሄርን ሃሳብ እንድንጥል የእግዚአብሔርን ቃል እንዳንከተልና የተፈጠርንበትን አላማ በመሳት ከንቱ እንድንሆን ነው፡፡

የጠላት ግቡ መስረቅ ማረድ ማጥፋት ብቻ ነው፡፡ ከዚህ ውጭ አላማ የለውም፡፡

ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ። ዮሃንስ 10፡10

የሰው ልጆችን ህይወት የሚሰርቅበት ፣ የሚያርደበትና የሚያጠፋበት መንገዱ በእግዚአብሄር ቃል እንዳይኖሩ ጥርጥርን ወደልባቸውና መላክ ነው፡፡ ዲያቢሎስ የመስረቅ የማረድ የማጥፋት አላማውን ለማሳካት የክፉ ሃሳብ ፍላፃዎችን ወደ እኛ ካለማሰለስ ይልካል፡፡ ይህ የክፋት ሃሳብ ህይወታችንን ለማቃጠልና ለማጥፋት የታለመ ነው፡፡

ኢየሱስ በዲያቢሎስ ሲፈተን የዲያቢሎስን የጥርጥር ቀስት በሙሉ የመለሰው በእግዚአብሄር ቃል ነው፡፡ (ማቴዎስ 4፡1-11) የእግዚአብሄርን ቃል የማያውቅና  የእግዚአብሄርን ቃል በመስማት በሚመጣው እምነት ያልታጠቀ ክርስትያን ጋሻ ሳይዝ በጠላት ቀስት መካከል እንደተገኘ ሰው ነው፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

የጠላት ዲያቢሎስን የክፋት እሳት ማጥፋት የምንችለው በእምነት ብቻ ነው፡፡ ራሳችንን ከዚህ የጥርጥር ቀስት መጠበቅ የምንችለው ራሳችንን በእምነት ምንጭ ቃል በመመገብ ብቻ ነው፡፡ የእግዚአብሄርን ቃል በቀጣይነት የማይሰማና እምነቱን የማይመግብ ሰው ለዚህ የጥርጥር ቀስት የተጋለጠ ይሆናል፡፡

ሰው በቀጣይነትና በትጋት የእግዚአብሄርን ቃል ካልመገበና ራሱን በእምነት ጋሻ ካላስታጠቀ ልቡ በፍላፃ ይወጋል፡፡ ስለዚህ ነው መፅሃፍ ቅዱስ አጥብቀን ልባችንን እንድንጠብቅ የሚያዘን፡፡

አጥብቀህ ልብህን ጠብቅ፥ የሕይወት መውጫ ከእርሱ ነውና። ምሳሌ 4፡23

በሁሉም ላይ ጨምራችሁ የሚንበለበሉትን የክፉውን ፍላጻዎች ሁሉ ልታጠፉ የምትችሉበትን የእምነትን ጋሻ አንሡ፤ ኤፌሶን 6፡16

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእምነትተጋድሎ #የእግዚአብሄርቃል #ቃሉንመስማት #እወጃ #ፍላጻ #ጋሻ #መስማት #እቃጦር #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

“መልካም” ወይስ የእግዚአብሄር ሃሳብ

good or god.jpgከእርስዋ በበላችሁ ቀን ዓይኖቻችሁ እንዲከፈቱ እንደ እግዚአብሔርም መልካምንና ክፉን የምታውቁ እንድትሆኑ እግዚአብሔር ስለሚያውቅ ነው እንጂ። ሴቲቱም ዛፉ ለመብላት ያማረ እንደ ሆነ፥ ለዓይንም እንደሚያስጎመጅ፥ ለጥበብም መልካም እንደ ሆነ አየች፤ ከፍሬውም ወሰደችና በላች፤ ለባልዋም ደግሞ ሰጠችው እርሱም ከእርስዋ ጋር በላ። ዘፍጥረት 3፡5-6

የክርስትና ህይወት የውሳኔ ጉዳይ ነው፡፡ በክርስትና ያሉት ምርጫዎች ደግሞ መልካሙን እና ክፉውን የመምረጥ ምርጫዎች አይደሉም፡፡ ብዙ መልካም የሆኑ የእግዚአብሄር ፈቃድ ግን ያልሆኑ ነገሮች በህይወታችን ይመጣሉ፡፡

ሰይጣን አታላይ ነው፡፡ ሰይጣን ወደሄዋን የመጣው እኔ ሰይጣን ነኝ ብሎ አይደለም፡፡ ሰይጣን ወደ ሄዋን የመጣው መልካም በሚመስል ነገር ነው፡፡ ሰይጣን ለሄዋን ያሳያት መልካም አሳቢ በመምሰል ነው፡፡

ሴቲቱም ዛፉ ለመብላት ያማረ እንደ ሆነ፥ ለዓይንም እንደሚያስጎመጅ፥ ለጥበብም መልካም እንደ ሆነ አየች፤ ዘፍጥረት 3፡6

እግዚአብሄር መልካም ካላለው ምንም መልካም ነገር የለም፡፡ አብላጫው ድምፅ መልካም ቢለውም እግዚአብሄር መልካም ካላለው መልካም አይደለም፡፡ ያማረ ቢሆንም እግዚአብሄር መልካም ካላለው ህይወት የለበትም፡፡ ለአይን ቢያስጎመጅም እግዚአብሄር የእግዚአብሄር ፈቃድ ከሌለበት አሳሳች ነው፡፡ ለጥበብም መልካም እንደሆነ ብናይም እግዚአብሄር መልካም ካላለው መልካም አይደለም፡፡

እግዚአብሄር በነቢዩ በራሳቸው ማስተዋል ብቻ በጭፍንነት ስለሚመሩ ሰዎች ያስጠነቅቃል እንዲህ ሲል፡-

ክፉውን መልካም መልካሙን ክፉ ለሚሉ፥ ጨለማውን ብርሃን ብርሃኑንም ጨለማ ለሚያደርጉ፥ ጣፋጩን መራራ መራራውንም ጣፋጭ ለሚያደርጉ ወዮላቸው! በዓይናቸው ጥበበኞች በነፍሳቸውም አስተዋዮች ለሆኑ ወዮላቸው! ኢሳይያስ 5፡20-21

አለም በክፉ ተይዟል፡፡ የእግዚአብሄርን ፈቃድ ከህዝብ አብላጫ ድምፅ አናገኘውም፡፡ የእግዚአብሄር ፈቃድ የሚገኘው መልካም በሚመስል ነገር ውስጥ ሳይሆን በእግዚአብሄር ቃል ውስጥ ብቻ ነው፡፡ የእግዚአብሄርን ፈቃድ አገልግለን ለማለፍ ሰዎች መልካም የሚሉትንና እኛ መልካም የመሰለንን መከተል ሳይሆን የእግዚአብሄርን ፈቃድ ከእግዚአብሄር ቃልና ከመንፈሱ ማግኘትና መከተል ይኖርብናል፡፡

የእግዚአብሄርን ቃል እንደ መናገር የከበረ ነገር የለም፡፡ ነገር ግን በህይወታችን ውስን ስለሆንን መንፈስ ቅዱስ በእስያ እና በሚስያም እንዳንናገር ይልቁንም በመቄዶንያ እንድንናገር የሚፈልግበት ጊዜ አለ፡፡ እዚህ ቃሉን መናገር መልካም ነው ግን የእግዚአብሄር ሃሳብ አይደለም፡፡

በእስያም ቃሉን እንዳይናገሩ መንፈስ ቅዱስ ስለ ከለከላቸው በፍርግያና በገላትያ አገር አለፉ፤ በሚስያም አንጻር በደረሱ ጊዜ ወደ ቢታንያ ይሄዱ ዘድን ሞከሩ፥ የኢየሱስ መንፈስም አልፈቀደላቸውም፤ ሐዋርያት 16፡6-7

ኢየሰስ ለአይሁድ ተላልፎ እንደሚሰጥ ለደቀመዛሙርቱ ሲነግራቸው ጴጥሮስ መልካም ሃሳብ አምጥቶ አየሱስን ከመሞት ሊከለክለው  ሞከረ፡፡ የኢየሱስ መሞት በሰው እይታ መልካም አይደለም ግን የእግዚአብሄር ፈቃድ ነበር፡፡ ሰይጣን የሰውን መልካም ሃሳብ ተጠቅሞ ኢየሱስን ከመሞት ሊያስቆመው ነበር፡፡

ጴጥሮስም ወደ እርሱ ወስዶ፦ አይሁንብህ ጌታ ሆይ፤ ይህ ከቶ አይደርስብህም ብሎ ሊገሥጸው ጀመረ። እርሱ ግን ዘወር ብሎ ጴጥሮስን፦ ወደ ኋላዬ ሂድ፥ አንተ ሰይጣን፤ የሰውን እንጂ የእግዚአብሔርን አታስብምና ዕንቅፋት ሆነህብኛል አለው። ማቴዎስ 16፡22-23

ስለዚህ ነው በራስህ ማስተዋል ጠቢብ አትሁን የሚለው፡፡

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ በመንገድህ ሁሉ እርሱን እወቅ፥ እርሱም ጎዳናህን ያቀናልሃል። በራስህ አስተያየት ጠቢብ አትሁን፤ ምሳሌ 3፡5-7

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #መልካም #መታመን #መደገፍ #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት  #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ

የስህተት ገድል

rome-swordfighing-NINA-CAPLAN-large.jpgበህይወታችን በፍፁም መሳተፍ የሌለብን መልካም ያልሆኑ የገድል አይነቶች አሉ፡፡ እንደ እነዚህ አይነት የገድል አይነቶች ውስጥ መሳተፍ አላስፈላጊ ዋጋ ያስከፍለናል፡፡ በተሳሳተ ገድል ላይ መካተት ህይወታችን ፍሬ ቢስ እንዲሆን ያደርጋል፡፡ መልካሙን ገድል እንድንጋደል እንጂ መልካም ያልሆነውን ገድል አንዳንጋደል መፅሃፍ ቀዱስ በብርቱ ያስጠነቅቀናል፡፡ ለመልካም ገድል በቂ ፀጋና ሃይል ተሰጥቶናል፡፡ ነገር ግን መልካም ያልሆነውን ተጋድሎ ስናደርግ እግዚአብሄር ከእኛ ጋር አይሆንም እንዲሁ እንደክማለን እንጂ ምንም ውጤተ አናገኝም፡፡

መልካሙን የእምነት ገድል ተጋደል፥ 1ኛ ጢሞቴዎስ 6፡12

  1. ስለደረሰብን በደል ራስ የመበቀል ገድል

እግዚአብሄር የሁላችን ፈራጅ ነው፡፡ ሰው ግን እራሱን በእግዚአብሄር ቦታ ከፍ አድርጎ እንደፈራጅ ሲሆን እግዚአብሄር አብሮት አይሆንም፡፡ የእግዚአብሄርን ቦታ ወስዶ ፈራጅ ለመሆን መሞከር ብክነትና ፍሬ ቢስነት ነው፡፡ ሰው ምንም ቢበደል ለእግዚአብሄር ፈራጅነት ስፍራ መስጠት አለበት እንጂ ራሱ የመበቀል ተጋድሎ ውስጥ መግባት የለበትም፡፡

ለማንም ስለ ክፉ ፈንታ ክፉን አትመልሱ፤ በሰው ሁሉ ፊት መልካም የሆነውን አስቡ። ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና። ሮሜ 12፡17፣19

ሕግን የሚሰጥና የሚፈርድ አንድ ነው፤ እርሱም ሊያድን ሊያጠፋም የሚችል ነው፤ በሌላው ግን የምትፈርድ አንተ ማን ነህ? ያዕቆብ 4፡12

  1. ሰውን እንደምንጭ የመመልከትና ተስፋ የማድረግ ገድል

የበጎ ነገር ሁሉ ምንጭ እግዚአብሄር ነው፡፡ ሰው ግን ስለ መልካም ነገርና እድገት ስለማግኘት ወደ እግዚአብሄር ማየት ትቶ ወደ ሰው ካየና ሰውን ተስፋ ካደረገ ስለዚህ ስህተቱ አላስፈላጊ ዋጋ ይከፍላል፡፡ የሰው በረከት በእግዚአብሄር እጅ ነው፡፡ የእርሱን እጣ ፈንታ የያዘው ሰው እንደሆነ አድርጎ ከሰው ጋር ከተጋደለ ህይወቱን በከንቱ ያባክናል፡፡

በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን? ትመኛላችሁ ለእናንተም አይሆንም፤ ትገድላላችሁ በብርቱም ትፈልጋላችሁ፥ ልታገኙም አትችሉም፤ ትጣላላችሁ ትዋጉማላችሁ ነገር ግን አትለምኑምና ለእናንተ አይሆንም፤  ያዕቆብ 4፡1-2

  1. ሰውን የመጥላት ገድል

እግዚአብሄር የፈጠረንና ዲዛይን ያደረገን ለፍቅር ነው፡፡ እግዚአብሄር የሰጠን ፀጋ ሰውን ለመውደድ በቂ ነው እንጂ ሰውን ለመጥላት አይተርፍም፡፡ ሰውን የምንጠላውና በሰው ላይ ክፋትን ለማድረግ የምንተጋው በራሳችን ወጭ ነው፡፡ ሰውን ለመጥላት የምናደርገው ማንኛውም ተጋድሎ ውጤት የሌለውና የአቅም ብክነት ብቻ ነው፡፡

ክፉን በክፉ ፈንታ ወይም ስድብን በስድብ ፈንታ አትመልሱ በዚህ ፈንታ ባርኩ እንጂ፥ በረከትን ልትወርሱ ለዚህ ተጠርታችኋልና። 1ኛ ጴጥሮስ 3፡9

  1. በቅንጦት ለመኖር የሚደረግ ተጋድሎ

እግዚአብሄር እረኛችን ነው የሚያሳጣን አንድም ነገር የለም፡፡ ነገር ግን ከመሰረታዊ ፍላጎት አልፈን የምንፈልገውንና በምቾትና በቅንጦት ለመኖር በምናደርገው ተጋድሎ ጉዞ እግዚአብሄር አብሮን ስለማይሆን ከባድ ዋጋ ያስከፍለናል፡፡ እግዚአብሄር የሰጠን ነገር ሳይበቃን ሲቀር እጃችንን ዘርግተን እግዚአብሄር ያልሰጠንን ከወሰድን እግዚአብሄር አብሮን አይቆምም፡፡ ይህ ለቅንጦት ኑሮ እና ለኑሮ ትምክት የሚደረግ ተጋድሎ እግዚአብሄር የሌለበትና እኛው በራሳችን የምናደርገው ስለሆነ ውጤት የሌለው ድካም ነው፡፡

ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። ያዕቆብ 4፡3

ኑሮዬ ይበቃኛል ለሚለው ግን እግዚአብሔርን መምሰል እጅግ ማትረፊያ ነው፤ ወደ ዓለም ምንም እንኳ አላመጣንምና፥

አንዳችንም ልንወስድ አይቻለንም፤ ምግብና ልብስ ከኖረን ግን፥ እርሱ ይበቃናል። 1ኛ ጢሞቴዎስ 6፡6-8

  1. እግዚአብሄር ያላለንን ለማድረግ ያለ ተጋድሎ

እግዚአብሄር በስራ ላይ ነው፡፡ ለእግዚአብሄር የአገልግሎት ሃሳብ አንሰጠውም፡፡ እግዚአብሄር ነገሮች እንዴት መሆን እንደለባቸው ያውቃል፡፡ እግዚአብሄር ዘወትር በስራ ላይ ነው፡፡ የእግዚአብሄርን ስራ ለመስራት እግዚአብሄር በህይወታችን ያሰበውን በነገር ማግኘት አለብን፡፡ የእግዚአብሄርን ስራ ለመስራት አስቀድሞ ያዘጋጀልንን ስራ ከእርሱ ከራሱ ፈልገን ማግኘትና መረዳት አለብን፡፡ ሰው ግን በራሱ አነሳኝነት እግዚአብሄር እንደዚህ ሳይፈልግ አይቀርም ብሎ መልካም የመሰለውን ነገር ለእግዚአብሄር ለማድረግ የሚያደርገው ተጋድሎ እግዚአብሄር ጎሽ የማይለው ከንቱ ተጋድሎ ነው፡፡

ስለዚህ ኢየሱስ መለሰ እንዲህም አላቸው፦ እውነት እውነት እላችኋለሁ፥ አብ ሲያደርግ ያየውን ነው እንጂ ወልድ ከራሱ ሊያደርግ ምንም አይችልም፤ ያ የሚያደርገውን ሁሉ ወልድ ደግሞ ይህን እንዲሁ ያደርጋልና። እኔ ከራሴ አንዳች ላደርግ አይቻለኝም፤ እንደ ሰማሁ እፈርዳለሁ ፍርዴም ቅን ነው፥ የላከኝን ፈቃድ እንጂ ፈቃዴን አልሻምና። ዮሃንስ 5፡19፣30

መልካሙን የእምነት ገድል ተጋደል፥ 1ኛ ጢሞቴዎስ 6፡12

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት  #ቃል #የሰውበቀል #ቅንጦት #ጥላቻ #የእምነትተጋድሎ #የእግዚአብሄርቃል #ቃሉንመስማት #እወጃ #ማስተዋል #ማሰላሰል #መናገር #መፅናት #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

የምንቀበለው ብቸኛው ገድል

fist-fight-shutterstock-crop-1200x480.jpgመልካሙን የእምነት ገድል ተጋደል፥ 1ኛ ጢሞቴዎስ 6፡12

በምድር ላይ ብዙ አይነት ተጋድሎዎች አሉ፡፡ ሰዎች ብዙ ነገር ለማድረግ ፣ ብዙ ነገር ለማግኘትና ብዙ ነገር ለመሆን ይጋደላሉ፡፡

በመፅሃፍ ቅዱስ ውስጥ ግን እንድንጋደለው የተሰጠን አንዱ  ተጋድሎ የእምነት ተጋድሎ ብቻ ነው፡፡

የሰው ልጆች የህይወት ጥያቄ ሁሉ በክርስቶስ የመስቀል ስራ ተመልሷል፡፡ አሁን ያለው ብቸኛ ተጋድሎ በዚያ በክርስቶስ በተሰራው ስራ ላይ የመቆም የእምነት ተጋድሎ ብቻ ነው፡፡

ኢየሱስ በመስቀል ላይ ከሰራው ስራ ውጭ አሁን አንደ አዲስ የምንቆረቁረው ስራ የለም፡፡ ክርስቶስ ኢየሱስ በመስቀል ላይ ካሸነፈው ተጋድሎ ውጭ የምንጋደለው አዲስ ጠላት የለም፡፡ ኢየሱስ በመስቀል ላይ ከጨረሰው ስራ ውጭ አዲስ የምንሰራው አዲስ ስራ የለም፡፡

አሁን ያለው ተጋድሎ የእምነት ተጋድሎ ብቻ ነው፡፡ አሁን ያለው ተጋድሎ የእግዚአብሄርን ቃል ለመስማት ፣ የእግዚአብሄርን ፈቃድ ለመረዳት ፣ በእግዚአብሄር ቃል አካባቢ ውስጥ ለመቆየት ፣ የእግዚአብሄርን ቃል ለመጠበቅ ፣ በእግዚአብሄር ቃል ላይ ለመቆምና በእግዚአብሄር ቃል ላይ ለመጽፅናት ያለ ተጋድሎ ብቻ ነው፡፡

የእምነት ተጋድሎ አይነቶች

  1. እምነት የሚመጣው እግዚአብሄር ስለ እኛ ያለውን ፈቃድ ከመረዳት በመሆኑ የእግዚአብሄርን ፈቃድ ለመረዳት የእግዚአብሄርን ቃል መፈለግ ማጥናት መስማት የእምነት ተጋድሎ ክፍል ነው፡፡

 

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

 

  1. የእግዚአብሄርን ቃል ስንሰማ በሙሉ ልብ በማስተዋል መስማት ሌላው የእምነት ተጋድሎ አካል ነው፡፡

 

የመንግሥትን ቃል ሰምቶ በማያስተውል ሁሉ፥ ክፉው ይመጣል፥ በልቡ የተዘራውንም ይነጥቃል፤ በመንገድ ዳር የተዘራው ይህ ነው። ማቴዎስ 13፡18-19

 

  1. በክርስቶስ ኢየሱስ በመስቀል ላይ የተሰራልንን መብታችንንና ጥቅማችንን ከመፅሃፍ ቅዱስ ውስጥ ፈልገን ማግኘትና መረዳት የእምነት እርምጃ ነው፡፡

 

የእምነትህም ኅብረት፥ በእኛ ዘንድ ያለውን በጎ ነገር ሁሉ በማወቅ፥ ለክርስቶስ ኢየሱስ ፍሬ እንዲያፈራ እለምናለሁ፤ ፊልሞና 1፡6

 

  1. ራሳችንን በቃሉ እውነት ከባቢ ውስጥ ለመጠበቅ ቃሉን ማሰላለስ የእምነት አንዱ ተጋድሎ ነው፡፡

 

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። ኢያሱ 1፡8

 

  1. የእግዚአብሄርን ቃል በነገራችን ላይ መናገር ነው፡፡ የአመንነውን የእግዚአብሄር ቃል መናገር በእምነት ውጤት የማግኛ መንገዱ ነው፡፡

 

ነገር ግን፦ አመንሁ ስለዚህም ተናገርሁ ተብሎ እንደ ተጻፈ ያው አንዱ የእምነት መንፈስ ስላለን፥ እኛ ደግሞ እናምናለን ስለዚህም እንናገራለን፤ 2ኛ ቆሮንቶስ 4፡13

 

  1. ልባችንን ከጥርጥር መጠበቅ ሌላው የእመነት እርምጃ ነው፡፡ በልባችን ያለው የእምነት ቃል በጥርጥር ሃሳብ እንዳይበረዝ ፍርሃትንና ጥርጥርን የሚያመጡትን ነገሮች አለማስተናገድ የእምነት ተጋድሎ ክፍል ነው፡፡

 

እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። ማርቆስ 11፡23

 

ኢየሱስ ግን ሰምቶ፦ አትፍራ፤ እመን ብቻ ትድንማለች ብሎ መለሰለት። ሉቃስ 8፡50

 

  1. የእግዚአብሄርን ቃል ካደረግን በኋላ መፅናት የእምነት ተጋድሎ ነው፡፡ የእግዚአብሄርን ቃል በማድረግ መፅናት መቀጠል የእምነት ገድል የሚጠይቀው ወሳኝ ነገር ነው፡፡

 

እንግዲህ ታላቅ ብድራት ያለውን ድፍረታችሁን አትጣሉ። የእግዚአብሔርን ፈቃድ አድርጋችሁ የተሰጣችሁን የተስፋ ቃል እንድታገኙ መጽናት ያስፈልጋችኋልና። ዕብራውያን 10፡35-36

መልካሙን የእምነት ገድል ተጋደል፥ 1ኛ ጢሞቴዎስ 6፡12

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት  #ቃል #የእምነትተጋድሎ #የእግዚአብሄርቃል #ቃሉንመስማት #እወጃ #ማስተዋል #ማሰላሰል #መናገር #መፅናት #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ኢየሱስን ተመልክተን

focus.jpgእንግዲህ እነዚህን የሚያህሉ ምስክሮች እንደ ደመና በዙሪያችን ካሉልን፥ እኛ ደግሞ ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

ሰው ሊሰራ የሚችለው ነገር ከእግዚአብሄር እንደተሰጠው ስጦታ መጠን ብቻ ነው፡፡ ከጥሪያችን አልፎ ለብክነት የሚተርፍ ነገር አልተሰጠንም፡፡ ስለዚህ ነው በክርስትና ህይወት ትኩረት ወሳኝ ነገር የሆነው፡፡ ሰው ውስን ስለሆነ ትኩረት ሊያደርግ በትክክል ሊሰራ የሚችለው አንድ ነገር ብቻ ነው፡፡ ሰው ከአንድ ነገር በላይ ላይ ትኩረት ለማድረግ ከሞከረ በአንዱም ነገር ላይ ትኩረት ማድረግ ስለሚያቅተው በምንም ነገር ላይ ውጤታማ ሳይሆ ይቀራል፡፡

ትኩረታችንን የሚፈልጉ ብዙ ነገሮች አሉ፡፡ ብዙ ነገሮች ወደእኔ ተመልከት እኔን ካላገኘኸኝ ወዮልህ በማለት ሊያስፈራሩን ይሞክራሉ፡፡ ትኩረታችንን ከምንም ነገር ላይ አንስተን እነርሱ ላይ እንድናደርግ የሚገፋፉ ብዙ ነገሮች አሉ፡፡

እርሱም፦ ና አለው። ጴጥሮስም ከታንኳይቱ ወርዶ ወደ ኢየሱስ ሊደርስ በውኃው ላይ ሄደ። ነገር ግን የነፋሱን ኃይል አይቶ ፈራ፥ ሊሰጥምም በጀመረ ጊዜ፦ ጌታ ሆይ፥ አድነኝ ብሎ ጮኸ። ማቴዎስ 14፡29-30

ጴጥሮስ ኢየሱስ በውሃ ላይ ሲራመድ አይቶ ልምጣ ብሎ ጠየቀ፡፡ ኢየሱስም ና ባለው ጊዜ ጴጥሮስ ከታንኳይቱ ወርዶ ወደ ኢየሱስ ሊደርስ በውሃ ላይ ሄደ፡፡ ነገር ግን ጴጥሮስ አይኑን ከኢየሱስ ላይ አንስቶ ውሃው ወጀቡ ላይ ባደረገ ጊዜ መስመጥ ጀመረ፡፡

ስለዚህ ነው መፅሃፍ ቅዱስ አበክሮ ኢየሱስ ላይ ማተኮር እንዳለብን የሚናገረው፡፡ ከኢየሱስ ውጭ ያሉ ነገሮች ሁሉ አስተማማኝ አይደሉም፡፡ መፅሃፍ ቅዱስ የሚታየው ሁሉ ሃላፊ እንደሆነ ይናገራል፡፡ ሁሉም ነገር እያለፈ ያለ ነው፡፡ ለዘላለም የሚኖረው ኢየሱስ የእግዚአብሄር ቃል ነው፡፡ ሁሉም ነገር አላፊ ነው፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው። 2ኛ ቆሮንቶስ 4፡17-18

ኢየሱስን ስናይ እንበረታለን፡፡ አካባቢያችንን ካየን የሚያደክሙ ብዙ ነገሮች በዙሪያችን አሉ፡፡ አለም በሃጢያት የተበላሸ እንደመሆኑ መጠን ከአለም ፍፁምነት መጠበቅ አንችልም፡፡  ከእግዚአብሄር ውጭ ራሳችንን ስናይ ተስፋ እንቆርጣለን፡፡ ኢየሱስን ስናይ ተስፋችን ይታደሳል ሃይልም ይሆንልናል፡፡ ኢየሰሱስን ስናይ ተስፋ በሌለው ነገር ላይ ተስፋችን ይለመልማል፡፡

የሚያለቅሱም እንደማያለቅሱ፥ ደስ የሚላቸውም ደስ እንደማይላቸው፥ የሚገዙም ምንም እንደሌላቸው፥ በዚችም ዓለም የሚጠቀሙ በሙሉ እንደማይጠቀሙባት ይሁኑ፤ የዚች ዓለም መልክ አላፊ ነውና። 1ኛ ቆሮንቶስ 7፡30-31

አካባቢያችን ላይ ካተኮርን ብዙ የሚያስፈራራ ነገር አለ፡፡ ኢየሱስን ስናይ ግን ኢየሱስ አለምን ስላሸነፈ እንፅናናለን፡፡ በኑሮ ላይ ካተኮርን በቁማችን ሊውጠን ዝግጁ ነው፡፡ ኢየሱስን ካየን ግን በቃኝ ብለን እግዚአብሄርን አገልግለን እናልፋለን፡፡

በእሾህ መካከልም የወደቀ እነዚህ የሚሰሙት ናቸው፤ መንገዳቸውንም ሄደው በሕይወት ዘመን በአሳብና በባለ ጠግነት ምቾት ይታነቃሉ፥ ሙሉ ፍሬም አያፈሩም። ሉቃስ 8:14

በእኔ ሳላችሁ ሰላም እንዲሆንላችሁ ይህን ተናግሬአችኋለሁ። በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ። ዮሃንስ 16፡33

አካባቢያችንን ስናይ እናዝናለን፡፡ ሁኔታዎችን ስናይ ምቾት አይሰማንም፡፡ ኢየሱስን ስናይ የስጋችንን ድካም ረስተን በእርሱ እንበረታለን፡፡ ኢየሱስን ስናይ በአካባቢያችን ጨለማ ላይ ብርሃን ይበራበታል፡፡ ተስፋችን ይታደሳል፡፡

ለእነርሱም እግዚአብሔር በአሕዛብ ዘንድ ያለው የዚህ ምሥጢር ክብር ባለ ጠግነት ምን እንደ ሆነ ሊያስታውቅ ወደደ፥ ምሥጢሩም የክብር ተስፋ ያለው ክርስቶስ በእናንተ ዘንድ መሆኑ ነው። ቆላስይስ 1፡27

ኢየሱስን ስናይ ከወደቅንበት እንነሳለን፡፡ ኢየሱስን ስናይ የአለምን መከራና ነውር እንንቃለን፡፡ ኢየሱስን ላይ ስናተኩር የጊዜውን መከራ ሳይሆን የዘላለምን ክብር ላይ እናተኩራለን፡፡ ኢየሱስን ስናይ በህይወት ውጤታማ እንደምንሆን እናምናለን፡፡

በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን? 2ኛ ቆሮንቶስ 13፡5

በምድር ላይ ትርጉም ያለው ነገር ካደረግን የምናደርገው በራሳችን ሳይሆን በኢየሱስ ነው፡፡

እኔ የወይን ግንድ ነኝ እናንተም ቅርንጫፎች ናችሁ። ያለ እኔ ምንም ልታደርጉ አትችሉምና በእኔ የሚኖር እኔም በእርሱ፥ እርሱ ብዙ ፍሬ ያፈራል። ዮሃንስ 15፡5

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ ዕብራውያን 12፡2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ተመልክተን #እይታ #አማርኛ #ስብከት #መዳን #መፅሃፍቅዱስ #ቃል #አሸናፊ #አማልክት #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

እምነት ይመጣል

faith comes.jpgካለ እምነት እግዚአብሄርን ማስደሰት አይቻልም፡፡ እንደሰው ብዙ የሚያስደስቱንና የሚማርኩን ነገሮች አሉ፡፡

እግዚአብሄር በመልኩና በአምሳሉ ስለፈጠረን እንደ እኛ ስሜት አለው የሚወደውና የማይወደው ነገር አለ፡፡ እግዚአብሄርን የሚስቡትና የማይስቡት ነገሮች አሉ፡፡ እንዲሁም እግዚአብሄር የሚማርኩትና የማይማርኩት ነገሮች አሉ፡፡

እግዚአብሄር እኛን የሚማርኩን ነገሮች ሁሉ አይማርኩትም፡፡ እግዚአብሄርን እንደሚያስደስተው በግልፅ የተፃፈልን ነገር እምነት ነው፡፡ እንዲያውም ካለእምነት እግዚአብሄርን ማስደሰት አይቻልም፡፡ እግዚአብሄር መንፈስ ስለሆነና ከእግዚአብሄር ጋር የምንገኛኘው በእምነት ስለሆነ ካለእምነት እግዚአብሄርን ማስደሰት አንችልም፡፡ ካለ እምነት ከእግዚአብሄር ጋር ያለን ግንኙነት ሊሰምር በፍፁም አይችልም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

አንዳንድ ሰዎች ስለ እምነት ሲያስቡ ጭንቅ ይላቸዋል፡፡ እምነት እጅግ ርቆ የተሰቀለ ሩቅ ነገር ይመስላቸዋል፡፡ እምነት እንደ ምትሃት ከባድ ነገር እንደሆነ ያስባሉ፡፡ እምነት ለጥቂት እድለኛ ሰዎች የሚመጣ አድረገው ያያሉ፡፡

ነገር ግን ካለ እምነት እግዚአብሄር ደስ ማሰኘት እንደማችል የሚያስተምረው መፅሃፍ ቅዱስ እምነት እንዴት እንደሚመጣም አስተምሮዋል፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

እምነት እግዚአብሄር በቃሉ የተናገረው ነገርን መቀበል ሲሆን እምነት ደግሞ የሚመጣው የእግዚአብሄርን ቃል ከመስማት ነው፡፡ የእግዚአብሄር ቃል በሰማን መጠን እምነት ይመጣልናል፡፡

የእግዚአብሄር ቃል የተሰጠው ለሁላችንም እንደመሆኑ መጠን ቃሉን በመስማት የሚመጣው እምነትም የተሰጠው ለሁላችንም ነው፡፡ እምነት የሚመጣላቸው በጣት ለሚቆጠሩ ጥቂት ሰዎች ሳይሆን ቃሉን ሰምተው ለተቀበሉ ሁሉ ነው፡፡

ቃሉን ከሰማን እምነት መምጣቱ ግድ ነው፡፡ ቃሉን የሚሰማ ሰው ሁሉ እምነት ይመጣለታል፡፡ በእምነት ላለመኖር ምንም ምክኒያት እስከማይኖረን ድረስ እግዚአብሄር እምነት የሚገኝበትን የእምነት ቃል ሰጥቶናል፡፡

ከእምነት የሆነ ጽድቅ ግን እንዲህ ይላል፦ በልብህ፦ ማን ወደ ሰማይ ይወጣል? አትበል፤ ይህ ክርስቶስን ለማውረድ ነው፤ ወይም፦ በልብህ፦ ወደ ጥልቁ ማን ይወርዳል? አትበል፤ ይህ ክርስቶስን ከሙታን ለማውጣት ነው። ነገር ግን ምን ይላል? በአፍህ በልብህም ሆኖ ቃሉ ቀርቦልሃል፤ ይህም የምንሰብከው የእምነት ቃል ነው። ሮሜ 10፡6-8

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ቃል #መስማት #አማርኛ #ስብከት #መዳን #መፅሃፍቅዱስ #ልብ #እምነት #አእምሮ #ማደስ #አቢይ #አቢይዋቁማ #አቢይዋቁማዲንሳ

ከመንፈስ የተወለደ መንፈስ ነው

SPIRIT BORN.jpgከፈሪሳውያንም ወገን የአይሁድ አለቃ የሆነ ኒቆዲሞስ የሚባል አንድ ሰው ነበረ፤ እርሱም በሌሊት ወደ ኢየሱስ መጥቶ፦ መምህር ሆይ፥ እግዚአብሔር ከእርሱ ጋር ከሆነ በቀር አንተ የምታደርጋቸውን እነዚህን ምልክቶች ሊያደርግ የሚችል የለምና መምህር ሆነህ ከእግዚአብሔር ዘንድ እንደ መጣህ እናውቃለን አለው። ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። ኒቆዲሞስም፦ ሰው ከሸመገለ በኋላ እንዴት ሊወለድ ይችላል? ሁለተኛ ወደ እናቱ ማኅፀን ገብቶ ይወለድ ዘንድ ይችላልን? አለው። ኢየሱስም መለሰ፥ እንዲህ ሲል፦ እውነት እውነት እልሃለሁ፥ ሰው ከውኃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም። ከሥጋ የተወለደ ሥጋ ነው፥ ከመንፈስም የተወለደ መንፈስ ነው። ዮሐንስ 3፡3-6

ኢየሱስ ኒቆዲሞስ ለተባለው የህግ መምህር ሰው ዳግመኛ ካልተወለደ በቀር የእግዚአብሄርን መንግስት ሊያይ አይችልም አለው፡፡

ሰው ወደዚህ ምድር ለመግባት ከእናትና ከአባቱ መወለድ አለበት፡፡ ይህ መወለድ የመጀመሪያው መወለድ ነው፡፡ ስለዚህ መወለድ መፅሃፍ ቅዱስ በዮሃንስ 1፡13 ሲናገረው ከደም ወይም ከሥጋ ፈቃድ ወይም ከወንድ ፈቃድ በማለት ወደምድር መግቢያውን መንገድ ይናገራል፡፡

ወደዚህ ምድር ለመግባት በስጋ ከእናትና ከአባታችን እንደተወልድን ሁሉ መንፈስ ወደ ሆነው በአይን ወደማይታየው ወደ እግዚአብሄር መንግስት ለመግባት ደግሞ እንዲሁ መወለድ አለብን፡፡ የእግዚአብሄር መንግስት በመንፈስ እንጂ በስጋ አይን ስለማትታይ በመካከላችን ብትሆንም ዳግመኛ ካልተወለድን ልናያት አንችልም፡፡

ፈሪሳውያንም፦ የእግዚአብሔር መንግሥት መቼ ትመጣለች ብለው ቢጠይቁት፥ መልሶ፦ የእግዚአብሔር መንግሥት በመጠባበቅ አትመጣም፤ ደግሞም፦ እንኋት በዚህ ወይም፦ እንኋት በዚያ አይሉአትም። እነሆ፥ የእግዚአብሔር መንግሥት በመካከላችሁ ናትና አላቸው። ሉቃስ 17፡20-21

ከእናትና ከአባታችን ባንወለድ ኖሮ ወደ ምድር መንግስት መግባት እንደማንችል ሁሉ መንፈስ ከሆነው ከእግዚአብሄር ካልተወለድን በስተቀር ወደ እግዚአብሄር /መንፈስ/ መንግስት መግባት አንችልም፡፡

እግዚአብሔር መንፈስ ነው፥ ዮሃንስ 4፡24

መንፈስ ከሆነው ከእግዚአብሄር የተወለደው መንፈስ እንጂ ሌላ ሊሆን አይችልም፡፡ ሰው ከእናትና ከአባቱ ካልተወለደ የምድርን መንግስት ማየት እንደማይችል ሁሉ ሰው ደግሞ መንፈስ ከሆነው ከእግዚአብሄር ካልተወለደ የመንፈስን መንግስት ሊያይ አይችልም፡፡

መጀመሪያ ከእናትና ከአባቱ የተወለደ ሰው ሁለተኛ መንፈስ ከሆነው ከእግዚአብሄር ካልተወለደ በስተቀር የእግዚአብሄርን መንግስት ሊያይ አይችልም፡፡

ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። ዮሃንስ 3፡3

ከእናትና ከአባታችን የተወለድነውን የመጀመሪያውን መወለድ የስጋ መወለድ ይለዋል፡፡ ወይም ስጋችን ከስጋ እንደተወለደ ይናገራል፡፡ ከእናታችንና ከአባታችን የተወለደው ስጋችን ነው፡፡ መንፈስ ከሆነው ከእግዚአብሄር የሚወለደው ደግሞ መንፈሳችን ነው፡፡

ሰው ከእናትና ከአባት ካልተወለደ በስተቀር ወደቤተሰብ መግባት እንደማይችል ሁሉ ሰው መንፈስ ከሆነው ከእግዚአብሄር ካልተወለደ በስተቀር ወደእግዚአብሄር ቤተሰብ ውስጥ መግባት አይችልም፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ እነርሱም ከእግዚአብሔር ተወለዱ እንጂ ከደም ወይም ከሥጋ ፈቃድ ወይም ከወንድ ፈቃድ አልተወለዱም። ዮሃንስ 1፡12-13

ስለዚህ ነው ከስጋ የተወለደ ስጋ ነው፡፡ ከመንፈስ የተወለደ መንፈስ ነው፡፡ መንፈስ ከሆነው ከእግዚአብሄር የተወለደው መንፈስ ነው፡፡ ከእግዚአብሄር የተወለደ መንፈስ እንጂ ሌላ ምንም ነገር ሊሆን አይችልም፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #መንፈስ #የእግዚአብሄርልጅ #ስጋ #ቤተክርስትያን #አማርኛ #ማየት #የእግዚአብሄርመንግስት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #የእግዚአብሄርቤተሰብ #ማእረግ #ስልጣን

የሚሰማ ጆሮ ያለው ይስማ

The-Feast-of-Trumpets.jpgኢየሱስ በምድር ላይ ሲያስተምር በጣም አስፈላጊና ከበድም ስላሉ ነገሮች ሲናገር የሚሰማ ጆሮ ያለው ይስማ ይል ነበር፡፡ እግዚአብሄርን ያሳወቀን ኢየሱስ ነው፡፡ የእግዚአብሄርን ልዕብ የገለጠልን ኢየሱስ ነው፡፡ ኢየሱስ ጆሮ ያለው ይስማ ሲል በእርግጥ ጆሮ ያለው ሁሉ ሊሰማው ሊያስተውለውና ሊድንበት የሚገባ ነገር ነው፡፡

መቼም ቢሆን እግዚአብሔርን ያየው አንድ ስንኳ የለም፤ በአባቱ እቅፍ ያለ አንድ ልጁ እርሱ ተረከው። ዮሃንስ 1፡18

  • የእግዚአብሄርን ቃል አሰማማችን ለፍሬያማነታችን ወሳኝ ነው – የሚሰማ ጆሮ ያለው ይስማ

በምሳሌም ብዙ ያስተምራቸው ነበር፥ በትምህርቱም አላቸው፦ ስሙ፦ እነሆ፥ ዘሪ ሊዘራ ወጣ። ሲዘራም አንዳንዱ በመንገድ ዳር ወደቀና ወፎች መጥተው በሉት። ሌላውም ብዙ መሬት በሌለበት በጭንጫ ላይ ወደቀና ጥልቅ መሬት ስላልነበረው ወዲያው በቀለ፤ ፀሐይም ሲወጣ ጠወለገ፥ ሥርም ስላልነበረው ደረቀ። ሌላውም በእሾህ መካከል ወደቀ፥ እሾህም ወጣና አነቀው፥ ፍሬም አልሰጠም። ሌላውም በመልካም መሬት ላይ ወደቀና ወጥቶ አድጎ ፍሬ ሰጠ፥ አንዱም ሠላሳ አንዱም ስድሳ አንዱም መቶ አፈራ። የሚሰማ ጆሮ ያለው ይስማ አለ።የማርቆስ ወንጌል 4:3-9

  • እግዚአብሄር ሁሉን ያያል ወደ ብርሃንም ያመጣዋል – የሚሰማ ጆሮ ያለው ይስማ

እንዲህም አላቸው፦ መብራትን ከዕንቅብ ወይስ ከአልጋ በታች ሊያኖሩት ያመጡታልን? በመቅረዝ ላይ ሊያኖሩት አይደለምን? እንዲገለጥ ባይሆን የተሰወረ የለምና፤ ወደ ግልጥ እንዲመጣ እንጂ የተሸሸገ የለም። የሚሰማ ጆሮ ያለው ቢኖር ይስማ። ማርቆስ 4:21-23

  • የእኛ ክብራችን ጌታን መከተልና የምድር ጨው መሆን ነው፡፡ ከጌታ ህይወት ውጭ ህይወታችን ትርጉም የለውም – የሚሰማ ጆሮ ያለው ይስማ

እንግዲህ እንደዚሁ ማንም ከእናንተ ያለውን ሁሉ የማይተው ደቀ መዝሙሬ ሊሆን አይችልም። ጨው መልካም ነው፤ ጨው አልጫ ቢሆን ግን በምን ይጣፈጣል? ለምድር ቢሆን ለፍግ መቈለያም ቢሆን አይረባም፤ ወደ ውጭ ይጥሉታል። የሚሰማ ጆሮ ያለው ይስማ። ሉቃስ 14፡33-35

  • ክርስትና ተጋድሎ ነው፡፡ ተጋድለን ድል ከነሳን ብቻ ነው ከእጊአብሄር ሽልማትን የምንቀበለው- የሚሰማ ጆሮ ያለው ይስማ

መንፈስ ለአብያተ ክርስቲያናት የሚለውን ጆሮ ያለው ይስማ። ድል ለነሣው በእግዚአብሔር ገነት ካለው ከሕይወት ዛፍ እንዲበላ እሰጠዋለሁ። ራእይ 2፡7

  • ለህዝብ ሁሉ ምስክር ይሆን ዘንድ ወንጌል በአለም ሁሉ ይሰበካል – የሚሰማ ጆሮ ያለው ይስማ

ለአሕዛብም ሁሉ ምስክር እንዲሆን ይህ የመንግሥት ወንጌል በዓለም ሁሉ ይሰበካል፥ በዚያን ጊዜም መጨረሻው ይመጣል። እንግዲህ በነቢዩ በዳንኤል የተባለውን የጥፋትን ርኩሰት በተቀደሰችው ስፍራ ቆሞ ስታዩ፥ አንባቢው ያስተውል፥  ማቴዎስ ወንጌል 24፡14-15

  • መጀመር ብቻ ሳይሆን እስከመጨረሻ መፅናት ይጠበቅብናል – የሚሰማ ጆሮ ያለው ይስማ

ነገር ግን እስክመጣ ድረስ ያላችሁን ጠብቁ። ድል ለነሣውና እስከ መጨረሻም ሥራዬን ለጠበቀው እኔ ደግሞ ከአባቴ እንደ ተቀበልሁ በአሕዛብ ላይ ሥልጣንን እሰጠዋለሁ፥ በብረትም በትር ይገዛቸዋል፥ እንደ ሸክላ ዕቃም ይቀጠቀጣሉ፤ የንጋትንም ኮከብ እሰጠዋለሁ። መንፈስ ለአብያተ ክርስቲያናት የሚለውን ጆሮ ያለው ይስማ። ራእይ 2፡25-29

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ጌታ #ኢየሱስ #ጆሮያለውይስማ #ቃል #እግዚአብሄር #መንፈስቅዱስ #ቃሉንመስማት #ማስተዋል #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ቃሉን የማሰላሰል 7ቱ ጥቅሞች

medi.jpgቃሉን ማሰላሰል እጅግ ብዙ ጥቅሞች አሉት፡፡ ሰው የዋጠው ምድሃኒት በሰውነቱ ካልቆየ እንደማይጠቅመው ሁሉ ቃሉን ካላሰላሰልነው አይጠቅመንም፡፡ ቃሉን ለረጅም ጊዜ ባሰላሰልነው መጠን ለረጅም ጊዜ ይጠቅመናል፡፡

ቃሉን ማሰላሰል የእግዚአብሔርን ሥራ አስታወስሁ፤ የቀደመውን ተአምራትህን አስታወሳለሁና፤ በምግባርህም ሁሉ እናገራለሁ፥ በሥራህም እጫወታለሁ። መዝሙር 77፡11-12

  1. ቃሉን ማሰላሰል በእግዚአብሄር ሃሳብ ክባቢ ውስጥ እንድንቆይ ይረዳል፡፡ ለምሳሌ አንደ ዘር ለመብቀል ከባቢው አመቺ መሆኑ ወሳኝ ነው፡፡ ዘር ለመብቀል እርጥበት ምቹን ሁኔታ እንደሚፈጥርለት ሁሉ የእግዚአብሄርን ቃል ማሰላሰል በእግዚአብሄር ሃሳብና ፈቃድ ውስጥ አንድንቆይ ምቹን ሁኔታን ይፈጥርልናል፡፡ በተቃራኒው የእግዚአብሄርን ቃል የማናሰላስል ከሆንን የእግዚአብሄር ፈቃድና ሃሳብ በህይወታችን ለመብቀል ፣ ለማበብና ለማፍራት ተስማሚ ሁኔታን አያገኝም፡፡ ቃሉን ሰምተን ብቻ የምንረሳው የማናሰላስለው ካልሆንንና በማስተዋል ለብዙ ጊዜ ከእኛ ጋር የማናቆየው ካልሆነ ሙሉ ፍሬን አይሰጠንም፡፡

በመልካም መሬት የተዘራውም ይህ ቃሉን ሰምቶ የሚያስተውል ነው፤ እርሱም ፍሬ ያፈራል አንዱም መቶ አንዱም ስድሳ አንዱም ሠላሳ ያደርጋል። ማቴዎስ 13፡23

  1. ቃሉን ማሰላሰል ከቃሉ ውጭ እንዳናሰላስል ይጠብቀናል፡፡ ቃሉ ማሰላሰል የሰይጣንን ሃሳብ እንዳናስብ ይጠብቃናል፡፡

ምስጉን ነው በክፉዎች ምክር ያልሄደ፥ በኃጢአተኞችም መንገድ ያልቆመ፥ በዋዘኞችም ወንበር ያልተቀመጠ።ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። መዝሙር 1፡2

  1. ቃሉን ስናሰላስል በመንፈስ እንድንሆን ይረዳናል፡፡ ቃሉን ማሰላሰል ለመንፈስ ቅዱስ ምሪት ስስና ንቁ እንድንሆን ያደርገናል፡፡

እንደ ሥጋ ፈቃድ የሚኖሩ የሥጋን ነገር ያስባሉና፥ እንደ መንፈስ ፈቃድ የሚኖሩ ግን የመንፈስን ነገር ያስባሉ። ስለ ሥጋ ማሰብ ሞት ነውና፥ ስለ መንፈስ ማሰብ ግን ሕይወትና ሰላም ነው። ሮሜ 8፡5-6

  1. ቃሉን ማሰላሰል አግዚአብሄር እንዲናገረን መንገድ ይከፍትልናል ወይም እግዚአብሄር ሲናገር መስማት እንድንችል አቅምን ይሰጠናል፡፡ የእግዚአብሄርን ፈቃድ መለየት እንድንችል ይረዳናል፡፡ ቃሉን በትጋት ማሰላሰል የእግዚአብሄርን ፈቃድ ፈትነን እንድለይ ያስችለናል፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2

  1. ቃሉን ማሰላሰል የእግዚአብሄርን ቃል እንድናደርገው ሃይል ይሰጠናል፡፡ የቃሉን ጥልቅ ትርጉም ማግኘት የምንችለው ስናሰላስለው ብቻ ነው፡፡ ስናሰላስለው ነው የቃሉን ብልት በትክክል በመበለት ልንከፋፍለው የምንችለው፡፡ ቃሉ በትክክል በከፋፈልነው መጠን ለመፈፀም እየቀለለን ይሄዳል፡፡

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ ኢያሱ 1፡8

  1. ቃሉን ማሰላሰል በሁሉ እንዲከናወንልን ያስታጥቀናል፡፡ የእግዚአብሄርን ቃል የያስብ እንደ እግዚአብሄር ያስባል ይባላል፡፡ እግዚአብሄር በነገር ሁሉ እንደሚከናወንለት ሁሉ የእግዚአብሄርን ቃል የሚያሰላስል ሰው በነገር ሁሉ ይከናወንለታል፡፡

ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡2-3

  1. ቃሉን ብቻ በማሰላሰል ልባችንን ከጠበቅን ህይወታችንን በንፅህና እንጠብቃለን፡፡

በልቡ እንዳሰበ እንዲሁ ነውና፤ ምሳሌ 23፡7

ምስጉን ነው በክፉዎች ምክር ያልሄደ፥ በኃጢአተኞችም መንገድ ያልቆመ፥ በዋዘኞችም ወንበር ያልተቀመጠ። ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡1-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ቃል #ማሰላሰል #ማሰብ  #ስኬት #ክንውን #ኢየሱስ #ጌታ #መፅሃፍቅዱስ #ቤተክርስትያን #አማርኛ #አቢይዋቁማ #አቢይዋቁማዲንሳ #ስብከት #እምነት

ትእዛዛቱም ከባዶች አይደሉም

man_carrying_huge_rock.jpgትእዛዛቱን ልንጠብቅ የእግዚአብሔር ፍቅር ይህ ነውና፤ ትእዛዛቱም ከባዶች አይደሉም። 1ኛ ዮሐንስ 5፡3

እግዚአብሄር የሚያደርገውን ነገር ሁሉ የሚያደርገው በእቅድ ነው፡፡ እግዚአብሄር ለስራው ጨካኝ ነው፡፡ እግዚአብሄር ለመዝናናትና ለጫወታ የሚያደርገው ነገር የለም፡፡ እግዚአብሄር የሚያደርገውንብ ሁሉ የሚያደርገው ከልቡ ነው፡፡

ከእኛም ጋር ባለው ግንኙነት በከንቱ የሚያደርገው ነገር የለም፡፡ እግዚአብሄር ይህን አድርጉ ካለ ያንን እንድናደርግ ይፈልጋል፡፡ እግዚአብሄር በቃሉ እንድንፈፅመው ካዘዘው ነገር ለሙከራ ወይም ለወግ የተፃፈ ቃል የለም፡፡ በቃሉ እንድናደርገው የተፃፈው ሁሉ ማድረግ እንደምንችል እግዚአብሄር ያውቃል፡፡

እግዚአብሄር የፍቅር አምላክ ነው፡፡ በቃሉ ያዘዘው ሁሉ የምናደርገው በፍቅር ነው፡፡ በፍቅር ቃሉን እንፈፅማለን፡፡ በፍቅር ቃሉን እንታዘዛለን፡፡ በፍቅር ቃሉን እናደርገዋለን፡፡

የእግዚአብሄር ትእዛዞች ሰው በፍቅር ሊያደርጋቸው የሚችሉ ናቸው፡፡ የእግዚአብሄር ትእዛዛት ከሰው አቅም በላይ አይደሉም፡፡ የእግዚአብሄር ትእዛዞች ማንም የክርስቶስ ተከታዮች ሁሉ ሊያደርጋቸውና ሊፈፅማቸው የሚችላቸው ናቸው፡፡ ትእዛዞቹ በውስጣችን ከሚሰራው የሚያስችል ሃይል ወይም ፀጋ ችሎታ በላይ አይደሉም፡፡ ትእዛዞቹ ከተቀበልነው የፍቅር ጉልበት በላይ አይደሉም፡፡ ትእዛዛቱም ከባዶች አይደሉም፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቃል #መታዘዝ #ፀጋ #የሚያስችልሃይል #የእግዚአብሄርፍቅር #አማርኛ #ስብከት #መስተዋት #መፅሃፍቅዱስ #ነፃነት  #እምነት #መስማት #መከተል #አቢይ #አቢይዋቁማ #አቢይዋቁማዲንሳ

እንቅጩን የሚናገር መስተዋት

chants-field-mirror-4-by-alex-baker-photography.jpgስለዚህ ርኵሰትን ሁሉ የክፋትንም ትርፍ አስወግዳችሁ፥ ነፍሳችሁን ማዳን የሚችለውን በውስጣችሁም የተተከለውን ቃል በየዋህነት ተቀበሉ። ቃሉን የምታደርጉ ሁኑ እንጂ ራሳችሁን እያሳታችሁ የምትሰሙ ብቻ አትሁኑ። ቃሉን የሚሰማ የማያደርገውም ቢኖር የተፈጥሮ ፊቱን በመስተዋት የሚያይን ሰው ይመስላል፤ ራሱን አይቶ ይሄዳልና፥ ወዲያውም እንደ ምን እንደ ሆነ ይረሳል። ነገር ግን ነጻ የሚያወጣውን ፍጹሙን ሕግ ተመልክቶ የሚጸናበት፥ ሥራንም የሚሠራ እንጂ ሰምቶ የሚረሳ ያልሆነው፥ በሥራው የተባረከ ይሆናል። ያዕቆብ መልእክት 1፡21-25

እግዚአብሄር ቃሉን የሰጠን እንድናደርገው ነው፡፡ ቃሉን ስናደርገው ብቻ ነው የሚጠቅመን፡፡ መዋጥ የሚገባንን መድሃኒት ባንውጠውና ከሰውነታችን ጋር ባናዋህደው እንደማይጠቅመን ሁሉ ቃሉም የሚጠቅመን በተግባር ስናደርገውና ከእኛ ጋር ሲዋሃድ ብቻ ነው፡፡

ቃሉን መስማትና ማወቅ ወሳኝ ነው፡፡ ነገር ግን በህይወታችን በእውነት አወቅነው የምንለው ቃል የተገበርነውን ቃል ብቻ ነው፡፡ ምክኒያቱም ፍሬያማ የሚያደርገን የተገበርነው ቃል ብቻ ነው፡፡ ቃሉ በውስጡ ነፃ የሚያወጣ የተጠራቀመ ጉልበት አለው፡፡ ያ የተጠራቀመ ሃያል ጉልበት ሊሰራልን የሚችለው እኛ ውስጥ ሲተገበርና በህይወታችን ስናደርገው ብቻ ነው፡፡ ወሳኙ ውድድር የመስማትና የማወቅ ብቻ ሳይሆን የማድረግም ነው፡፡

የሰማነው ግን ያልተገበርነው ቃል የእኛ አይደለም፡፡ ያልተገበርነው ቃል እንዲያውም ያታልለናል፡፡ ወይ አላወቅኩትም ብለን እውቀቱን አንፈልግም፡፡ ወይም ደግሞ አውቀነው አልተጠቀምንበት፡፡ ስለዚህ በመሃል ቤት እንቀራለን ራሳችን እናታልላለን፡፡

ሰው ቤቱ ውስጥ ምርጥ መስታወት አስቀምጦ ነገር ግን ያየውን ነገር ቶሎ ካላስተካከለው የመስታወቱ ጥቅም ምኑ ላይ ነው፡፡ እንዲሁም ሰው ቃሉን ሰምቶ ቶሎ መንገዱን ካልወጠና እንደቃሉ ካልተገበረው ቃሉን መስማት ብቻ ምንም አይጠቅመውም፡፡ የሰማው ቃል በእውነት የሚጠቅመው ያደረገው ጊዜ ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቃል #መታዘዝ #አማርኛ #ስብከት #መስተዋት #መፅሃፍቅዱስ #ነፃነት  #እምነት #መስማት #መከተል #አቢይ #አቢይዋቁማ #አቢይዋቁማዲንሳ

የድንጋይ ልብ

stone heart.pngወንድሞች ሆይ፥ ምናልባት ሕያው እግዚአብሔርን የሚያስክዳችሁ ክፉና የማያምን ልብ ከእናንተ በአንዳችሁ እንዳይኖር ተጠንቀቁ፤ ዕብራውያን 3፡12

ልብ በጣም ወሳኙ የሁለንተናችን ማእከላዊ ክፍል ነው፡፡ ልብ ከጠነከረ ሁሉም ነገር ይጠነክራል፡፡ ልብ ከሳሳ ደግሞ ሁሉም ነገር ይሳሳል፡፡ ልብ እግዚአብሄርን ማመን ካቃተው ነገር ሁሉ ይበላሻል፡፡ እግዚአብሄርን የሚታመን ስስ የስጋ ልብ ካለን ደግሞ ሁሉም ነገር የሰመረ ይሆናል፡፡

ስለዚህ ነው ኢየሱስን ስንቀበል ልባችን የሚለወጠውና የድንጋይ ልባችን በስጋ ልብ የሚተካው፡፡ ጭካኔን ትተን ርህራሄን የምንለብሰው ፣ ጭለማን ገፍፈን ብርሃንን የምንታጠቀው ፣ ጥላቻን ትተን ፍቅርን የምንለማመደው ልባችን በጌታ በመለወጡ ነው፡፡

የድንጋይ ልብ ደግሞ የሚባለው ለእግዚአብሄር ነገር ምንም ቅናት የሌለው ፣ እሳቱ የጠፋበት ፣ ለእግዚአብሄር ነገር ግድ የሌለው እምነቱ የጠፋበት በጥርጥር የተሞላ ልብ ነው፡፡ ልበ ጠንካራ ሰው ትሁት መሆን ያቃተው ፣ አንገተ ደንዳና ፣ ለእግዚአብሄር እሺ የማይልና ለቃሉ የማይንቀጠቀጥ የእልከኛ ሰው ልብ ነው፡፡

ዛሬ ድምፁን ብትሰሙት ልባችሁን እልከኛ አታድርጉ በፊት እንደ ተባለ፥ ይህን ከሚያህል ዘመን በኋላ በዳዊት ሲናገር፦ ዛሬ ብሎ አንድ ቀን እንደ ገና ይቀጥራል። ዕብራውያን 4፡7

የህይወት መውጫ ከእርሱ ዘንድ ነውና ልብንህን ጠብቅ ብሎ መፅሃፍ ቅዱስ ያስተምረናል፡፡

አጥብቀህ ልብህን ጠብቅ፥ የሕይወት መውጫ ከእርሱ ነውና። ምሳሌ 4፡23

ልባችንን እንዴት እንድንጠብቅ መፅሃፍ ቅዱስ ያስተምራል፡፡ ልባችንን የምንጠብቅበት መንገድ እለት በእለት በመትጋተ መሆኑን የእግዚአብሄር ቃል ያስተምረናል፡፡

ልቡን አለመጠበቅ ያለበት ሰው የለም፡፡ ማንም ሰው ከዚህ አደጋ ነፃ አይደለም፡፡ ከክፉና እልከኛ ልብ የምንድነው እለት በእለት በትጋት ስንሰበሰብና ስንመካከር ብቻ ነው፡፡ ማንም እኔ ይሄ አይነካኝም በሚል አጉል ትምክት በእያንዳንዱ ቀን በእግዚአብሄር ቃል መመካከሩን ቸል ቢል ሳያውቀው ክፉና እግዚአብሄርን የሚያስክድ ልብ ይኖረዋል፡፡

ወንድሞች ሆይ፥ ምናልባት ሕያው እግዚአብሔርን የሚያስክዳችሁ ክፉና የማያምን ልብ ከእናንተ በአንዳችሁ እንዳይኖር ተጠንቀቁ፤ ነገር ግን ከእናንተ ማንም በኃጢአት መታለል እልከኛ እንዳይሆን፥ ዛሬ ተብሎ ሲጠራ ሳለ፥ በእያንዳንዱ ቀን እርስ በርሳችሁ ተመካከሩ፤  ዕብራውያን 3፡12-13

እግዚአብሄርን የሚያምን ፣ ለእግዚአብሄር ቃል ስስ የሆነ ፣ የዋህና የስጋን ልብ ለመጠበቅ ትጋት ይጠይቃል፡፡ አጥብቀን እንጂ በቸልታና በስንፍና ልባችንን አንጠብቅም፡፡ ልባችን በኢየሱስ ክርስቶስ በኩል ተለውጧል ፡፡ ያንን የተለወጠ የስጋ ልብ ፣ የሚያምን ልብ መጠበቅ ግን የእየለቱ ትጋታችንን ይጠይቃል፡፡

ይህንን ፅሁፍ ሼር ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ተመካከሩ #ከሃዲ #እልከኛ #ልብ #ቃል #ምስጉን #ሃሳብ #ማሰላሰል #ወንጌል #ደቀመዝሙር #ኢየሱስ #ጌታ #መዳን #አማርኛ #ኢትዮጲያ #አቢይዋቁማ #ፌስቡክ #አዋጅ

የእምነት ብቸኛው መንገድ

waking.jpgበአይን ከማይታየው መንፈስ ከሆነው ከእግዚአብሄር ጋር ላለን ግንኙነት እምነት በጣም ወሳኝ ነው፡፡ እግዚአብሄርን ለመድረስና ከእግዚአብሄር ለመቀበል የእምነት እጅ ይጠይቃል፡፡ እግዚአብሄርን ለማየት የእምነት እይታ ይጠይቃል፡፡ በአጠቃላይ እግዚአብሄርን ለማስደሰትና ከእግዚአብሄር ጋር ያለው ግንኙነታችን እንዲሰምር እምነት ይጠይቃል፡፡ እንዲያውም ካለእምነት እግዚአብሄርን ማስደሰት አይቻልም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

ታዲያ እምነትን የምናገኘው እንዴት ነው? እምነት እንዴት ይመጣል? የሚለውን ጥያቄ መመለስ ብልህነት ነው፡፡

ከእግዚአብሄር ፈቃድ ውጭ እምነት የማይታሰብ ነው፡፡ እምነት ይኖረን ዘንድ መጀመሪያ ስለ ሁኔታችን የእግዚአብሄር ቃል የሚለውን ማግኘት ግዴታ ነው፡፡ እምነት የሚገኘው የእግዚአብሄር ፈቃድ ሲገኝ ብቻ ነው፡፡ እምነት የሚመጣው በእግዚአብሄር ቃል መረዳት ብቻ ነው፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

ከእምነት ጉዞ የሚቀድመው ዋንኛው ነገር የእግዚአብሄርን ፈቃድ ከቃሉ ፈልጎ ማግኘት ነው፡፡ እምነት የሚያመጣውን ቃሉን መስማትና መረዳት ነው፡፡

በእምነት ለመኖር በእግዚአብሄር ቃል መኖር አለብን፡፡ እግዚአብሄርን ለመስማትና ለማመን ቃሉን መስማት አለብን፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

እውነተኛ አርነት

breaking-chains.jpgኢየሱስም ያመኑትን አይሁድ፦ እናንተ በቃሌ ብትኖሩ በእውነት ደቀ መዛሙርቴ ናችሁ፤ እውነትንም ታውቃላችሁ እውነትም አርነት ያወጣችኋል አላቸው። ዮሐንስ 8፡31-32

እንደ አርነት ጣፋጭ ነገር የለም፡፡ ነፃነት ይጠፍጣል፡፡ የተፈጠርንበትን አላማ እንደ ማግኘት ያለ ነፃነት የለም፡፡ እንደ አፈጣጠራችን መኖርን የመሰለ ነገር የለም፡፡

ኢየሱስ ያመኑትን በቃሌ ብትኖሩ ነፃ ትወጣላችሁ ይላቸዋል፡፡ ነፃ እንድንወጣ ቃሉን መለማመድ ወሳኝ ነው፡፡ ነፃ መውጣት  ጌታን የተቀበልን ቀን በቅፅበት አግኝተን የምንጨርሰው ነገር አይደለም፡፡ ነፃ መውጣት በቃሉ በመኖር ውስጥ የምንለማመደው አርነት ነው፡፡

በእግዚአብሄር መንግስት ውስጥ ያለው ነፃነት ሰፊ ነው፡፡ በክርስቶስ ያለው የነፃነት መጠን ተዝቆ የሚያልቅ አይደለም፡፡ በህይወታችን ነፃ ያለወጣንበት ነገር ቢኖር የእግዚአብሄር መንግስት የነፃነት ጉድለት አይደለም፡፡ የእግዚአብሄር መንግስት ነፃነት ብዛቱ “ይህ ሁሉ ነፃነት አለ?” ብለን እንድንገረም ያደርገናል፡፡ ይህን ነፃነት ማጣጣም የሚቻለው በቃሉ በመኖር ብቻ ነው፡፡

ቃሉ እውነት ነው፡፡ የእኛን እውነተኛ ተፈጥሮና ማንነታችንን በትክክል የሚያሳየን ቃሉ ብቻ ነው፡፡ የተፈጠርንበትን ዲዛይን በተክክል የሚነግረን ቃሉ ብቻ ነው፡፡ በመጀመሪያ እንዴት እንደተፈጠርንና ለምን አላማ ወደምድር እንደመጣን የሚያሳየን ቃሉ ብቻ ነው፡፡ በእግዚአብሄር ዘንድ ያለንን ክብር ሊያሳየን የሚችው ቃሉ ብቻ ነው፡፡ የእግዚአብሄርን ፈቃድ የሚነግረን ቃሉ ብቻ ነው ፡፡

እነዚህ ነገሮች ለእናንተ ሆነው ቢበዙ፥ በጌታችን በኢየሱስ ክርስቶስ እውቀት ሥራ ፈቶችና ፍሬ ቢሶች እንዳትሆኑ ያደርጉአችኋልና፤ 2ኛ ጴጥሮስ 1፡8

ከአላማ ቢስነት እስራት የሚፈታን ቃሉ ብቻ ነው፡፡ ከፍሬ ቢስነት ባርነት ሊያስለቅቀን ብቃቱ ያለው ቃሉ ብቻ ነው ፡፡ እረኛ እንደሌለው በግ እንዳንቅበዘበዝ ወደ እረኛችን የሚመልሰን ቃሉ ብቻ ነው፡፡ ትኩረታችንን ትክክለፃ ቦታ ላይ በማድረግ ውጤታማ የሚያደርገን ቃሉ ብቻ ነው፡፡ እውነተኛን ስኬት የሚሰጠን ቃሉን በመኖር ብቻ ነው፡፡ ለህይወታችን እውነተኛ ብልፅግናን የሚሰጠው ቃሉ ብቻ ነው፡፡ የእውነተኛ ነፃነት ምንጭ ቃሉ ብቻ ነው፡፡

እንግዲህ ልጁ አርነት ቢያወጣችሁ በእውነት አርነት ትወጣላችሁ። ዮሃንስ 8፡36

ከቃሉ ውጭ ነፃነትን መጠበቅ ብከነት ነው፡፡ ካለቃሉ አርነት ለመውጣት መሞከር ከንቱ ነው፡፡ ካለቃሉ እውነተኛ ስኬትን ማግኘት ዘበት ነው፡፡

አልሁም፦ ቃሌን ስሙ፥ ያዘዝኋችሁንም ሁሉ አድርጉ፤ እንዲሁም እናንተ ሕዝብ ትሆኑኛላችሁ እኔም አምላክ እሆናችኋለሁ። ኤርምያስ 11

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቃል #መታዘዝ #አማርኛ #ስብከት #መዳን #መፅሃፍቅዱስ #ብፅእና #እምነት #መስማት #መከተል #አቢይ #አቢይዋቁማ #አቢይዋቁማዲንሳ

cryout.jpgኢየሱስን የምንከተል ሁላችን እግዚአብሄር አባታችን ነው፡፡ አባታችን ደግሞ ቃላችንን እንዲሰማ የምንፈልገውንም እንዲያደርግልን ሁላችንም እንፈልጋለን፡፡ እንደ ስንናገር እንደ ልጆች መሰማት እንፈልጋለን፡፡ እግዚአብሄር ጆሮውን ወደ እኛ እንዲያዘነብል እንፈልጋለን፡፡ ይህ ፍላጎታችን መልካም ፍላጎት ነው፡፡ ይህ ፍላጎታችን ጤናማ ፍላጎት ነው፡፡

ስለዚህ ነው ኢየሱስ በቃሉ እግዚአብሄር የሰውን ቃል የሚሰማበትን መንገድ የሚያስተምረው፡፡ እግዚአብሄር ቃላችንን መስማት እና ማድረግ ይፈልጋል፡፡ እግዚአብሄር ቃሉን እንዲሰማ የሚፈልግ ሰው ምን ማድረግ እንዳለበት መፅሃፍ ቅዱስ መንገዱን ያስተምራል፡፡ በፀሎት የጠየቀው እንዲመለስለት የሚፈልግ ሰው መጀመሪያ እግዚአብሄር የጠየቀውን መመለስ አለበት፡፡

በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሐንስ 15፡7

እግዚአብሄር ቃላችንን እንዲሰማ ካስፈለገ ቃሉን መስማት አለብን፡፡ እግዚአብሄር ለቃላችን የዋህ መሆን ካለበት ለቃሉ የዋህ መሆን አለብን፡፡ እግዚአብሄር ቃላችንን እንዲያምን ካስፈለገ ቃሉን ማመን አለብን፡፡ እግዚአብሄር ለቃላችን ጆሮውን ማዘንበል ካለበት ለቃሉ ጆሮዋችንን ማዘንበል አለብን፡፡ እግዚአብሄር ቃላችንን እንዲያከብር ቃሉን ማክበር ግዴታ ነው፡፡ እግዚአብሄር  ቃላችንን እንዲቀበል ቀላሉ መንገድ ቃሉን መቀበል ነው፡፡ እግዚአብሄር ቃላችንን እንዲታዘዝ እኛ ቃሉን መታዘዝ አለብን፡፡

እግዚአብሄር በቃላችን እንዲኖር በቃሉ መኖር ነው፡፡ የጠየቅነው እንዲደረግ እግዚአብሄር በቃሉ የጠየቀውን ማድረግ ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቃል #መኖር #እምነት #መስማት #መታዘዝ #በቃሉመኖር #አማርኛ #ስብከት #መዳን #መፅሃፍቅዱስ #ብፅእና #አቢይ #አቢይዋቁማ #አቢይዋቁማዲንሳ

ቅዱሳት መፅሃፍት

bible amharic.jpgየእግዚአብሔር ሰው ፍጹምና ለበጎ ሥራ ሁሉ የተዘጋጀ ይሆን ዘንድ፥ የእግዚአብሔር መንፈስ ያለበት መጽሐፍ ሁሉ ለትምህርትና ለተግሣጽ ልብንም ለማቅናት በጽድቅም ላለው ምክር ደግሞ ይጠቅማል። 2ኛ ጢሞቴዎስ 3፡16-17

ለተሳካ የክርስትና ህይወት የእግዚአብሄር ቃል አስፈላጊነት ወሳኝ ነው፡፡ ካለ እግዚአብሄር ቃል እውነተኛ ስኬት የሚታሰብም አይደለም፡፡ በመፅሃፍ ቅዱስ እውቀት የሚገኝ ስኬት አስተማማኝና ዘለቄታዊ ስኬት ነው፡፡

መፅሃፍ ቅዱስ የእግዚአብሄር መንፈስ ያለበት መፅሃፍ

መፅሃፍ ቅዱስ የሰው ሃሳብ አይደለም፡፡ መፅሃፍ ቅዱስ የእግዚአብሄርን ልብ ማሳያ መነፅር ነው፡፡

መንፈስም የእግዚአብሔርን ጥልቅ ነገር ስንኳ ሳይቀር ሁሉን ይመረምራልና ለእኛ እግዚአብሔር በመንፈሱ በኩል ገለጠው። 1ኛ ቆሮንቶስ 2፡10

እግዚአብሄር ሰውን ለክብሩ እንደ መፍጠሩ መጠን ሰው እግዚአብሄርን አስከብሮ የሚያልፈው በእግዚአብሄር መንገድ ብቻ ነው፡፡ ሰው በራሱ መንገድ እግዚአብሄርን ሊያስከብርና ሊያስደስት አይችልም፡፡ እግዚአብሄር ንጉስ ነው፡፡ እግዚአብሄር የሰው ልጅን የሚያስተዳደረው በራሱ መንገድ ነው፡፡ የእግዚአብሄርን መንገድ መረዳት የምንችለውና የቃልኪዳኑን ህግና ስርአት የምንረዳውና የምንከተለው ከመፅሃፍ ቅዱስ ነው፡፡

ለትምህርት ይጠቅማል

እውነተኛ ትምህርት የሚገኘው ከመፅሃፍ ቅዱስ ውስጥ ነው፡፡ የጥበብ መጀመሪያ የሆነውን እግዚአብሄርን ከመፍራት ጀምሮ እውነተኛ እወቀትን የምናገኘው በመፅሃፍ ቅዱስ ነው፡፡ መፅሃፍ ቅዱስ የእግዚአብሄርን እውነተኛ እውቀትን ያካልፋል፡፡ መፅሃፍ ቅዱስ በህይወት እጅግ ወሳኝ ስለሆኑ ስለ እግዚአብሄር ፣ ስለሰው ፣ ስለሰይጣን ፣ ስለምድር ፣ ስለአለም ፣ ስለሃጢያት ፣ ስለስኬት ፣ ስለዘላለማዊ ህይወት ስለመሳሰሉት ሁሉ ያስተምራል፡፡

ለተግሣጽ ይጠቅማል

እግዚአብሄር ማንንም አይፈራም፡፡ እግዚአብሄ የሚፈልገውን በመፅሃፍ ቅዱስ በግልፅ ፅፎታል፡፡ መፅሃፍ ቅዱስ መልካም የሚያደርግን ሰው ያበረታታል እንዲሁም ክፉ የሚያደርግን ሰው ይገስፃል፡፡ የእግዚአብሄርን ፈቃድ የማያደርጉትን እንደልባቸው የሚኖሩትን ሰዎች ይገስፃል፡፡ መፅሃፍ ቅዱስ እንደመስታወት ተመስሏል፡፡ መስታወት ያለንበትን ሁኔታ እንዳለን የሚያሳየን  መፅሃፍ ቅዱስ መልካምና ክፉዋችንን በግልፅ በማሳየት ይገስፀናል፡፡ መፅሃፍ ቅዱስ ተመለሱ ፣ አይጠቅማችሁም ፣ ይጎዳችኋል ብሎ የተሳሳቱ ሰዎችን ይገስፃል፡፡

ልብንም ለማቅናት ይጠቅማል

ልብ በጣም ክፉና አስቸጋሪ በጥንቃቄና በትጋት ልንይዘው የሚገባው ነገር ነው፡፡ ልብ ከተጣመመ ሰው ይጣመማል ልብ ከቀና ሰው ይቀናል፡፡ ብዙ መፅሃፍት ስለስጋ ተናግረዋል ስለልብ ትክክለኛውን እውቀት የምናገኝበት እንደመፅፍ ቅዱስ ያለ መፅሃፍ ግን የለም፡፡ መፅሃፍ ቅዱስ የልባችንን ሁኔታ ፍንትው አድርጎ አሳይቶ ይመልሰናል፡፡ መፅሃፍ ቅዱስ ማንም ሳይንቲስት ሊደርስበት የማይችለውን ልባችንን ይደርሳል፡፡ መፅሃፍ ቅዱስ ማንም ሊያደርገው የማይችለው መንፈስና ነፍስን እስኪለይ ድረስ ይወጋል የልብንም ስሜትና ሃሳብ ይመረምራል፡፡

የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ ዕብራውያን 4፡12

በጽድቅም ላለው ምክር

የመፅሃፍ ቅዱስን ምክር ተቀብሎ የሚሳሳት የለም፡፡ መፅሃፍ ቅዱስ በእውነት ይመክራል፡፡ የእግዚአብሄን የልብ ሃሳብ የምናገኘው በመፅሃፍ ቅዱስ ውስጥ ነው፡፡ የመፅሃፍ ቅዱስ ምክር የማይረባውን እንዳንከተል የሚጠቅመውን አንድንይዝ ይመክራል፡፡ ከመፅሃፍ ቅዱስ ውጭ ፅድቅን ከፈለግን እንሳሳታለን፡፡

እግዚአብሄርን በሙላት የምንከተል ፍፁማን ሰዎች የሚያደርግን የቅዱሳት መፅሃፍት እውቀት ነው፡፡

ከሕፃንነትህም ጀምረህ ክርስቶስ ኢየሱስን በማመን፥ መዳን የሚገኝበትን ጥበብ ሊሰጡህ የሚችሉትን ቅዱሳን መጻሕፍትን አውቀሃል። የእግዚአብሔር ሰው ፍጹምና ለበጎ ሥራ ሁሉ የተዘጋጀ ይሆን ዘንድ፥ የእግዚአብሔር መንፈስ ያለበት መጽሐፍ ሁሉ ለትምህርትና ለተግሣጽ ልብንም ለማቅናት በጽድቅም ላለው ምክር ደግሞ ይጠቅማል። 2ኛ ጢሞቴዎስ 3፡15-17

 

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሄር #ምክር #ቃልኪዳን #ተግሳፅ #ትምህርት #አማርኛ #ስብከት #መዳን #መፅሃፍቅዱስ #ቅዱሳትመፅሃፍት  #አቢይ #አቢይዋቁማ #አቢይዋቁማዲንሳ #የእግዚአብሄርመንፈስ #የእግዚአብሄርቃል

ያንቃል

joel-chokehold-on-hunter (1).jpgየእግዚአብሄር ቃል የሚሰራ ነው፡፡

የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ ዕብራውያን 4፡12

እምነትም ደግሞ የሚመጣው የእግዚአብሄርን ቃል ከመስማት ነው፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

ሰው የሰማው ቃል በህይወቱ ፍሬ እንዳያፈራ የሚያግደው የኑሮ ሃሳብና የባለጠግነት ምኞት ነው፡፡

በእሾህ መካከል የተዘራውም ይህ ቃሉን የሚሰማ ነው፥ የዚህም ዓለም አሳብና የባለጠግነት መታለል ቃሉን ያንቃል፥ የማያፈራም ይሆናል። ማቴዎስ 13፥22

በእሾህም የተዘሩት ሌሎች ናቸው፥ ቃሉን የሰሙት እነዚህ ናቸው፥ የዚህም ዓለም አሳብና የባለጠግነት ማታለል የሌላውም ነገር ምኞት ገብተው ቃሉን ያንቃሉ፥ የማያፈራም ይሆናል። ማርቆስ 4፡18-19

የእግዚአብሄር ቃል በህይወታችን እነዳይታነቅና ፍሬ ቢስ እንዳይሆን ነው መኝሃፍ ቅዱስ በተደጋጋሚ እንዳንጨነቅ የሚያዘን፡፡

እርሱ ስለ እናንተ ያስባልና የሚያስጨንቃችሁን ሁሉ በእርሱ ላይ ጣሉት። 1ኛ ጴጥሮስ 5፡7

ጌታ ቅርብ ነው። በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ። ፊልጵስዩስ 4፡6

ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ነገ ለራሱ ይጨነቃልና ለነገ አትጨነቁ፤ ለቀኑ ክፋቱ ይበቃዋል። ማቴዎስ 6፡33-34

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሄር #አትጨነቁ #ቃልኪዳን #ቃሉንያንቃለ #ፍሬ #አማርኛ #ስብከት #መዳን #መፅሃፍቅዱስ #አትጨነቁ  #አቢይ #አቢይዋቁማ #አቢይዋቁማዲንሳ

የእውነተኛ ስኬት ምንጭ

can-stock-photo_csp14928105.jpgምስጉን ነው በክፉዎች ምክር ያልሄደ፥ በኃጢአተኞችም መንገድ ያልቆመ፥ በዋዘኞችም ወንበር ያልተቀመጠ። ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡1-3

በእግዚአብሄር ህግ ደስ የሚለው ሰው ምስጉን ነው

የእግዚአብሄር ቃል ተስፋችን ነው፡፡ የእግዚአብሄር ቃል ስኬታችን ነው፡፡ የእግዚአብሄር ቃል ህይወታችን ነው፡፡ በእግዚአብሄር ቃል ደስ የሚለው ሰው እንደሚሳካለት ምንም ጥርጥር የለውም፡፡ ለእግዚአብሄር ቃል እክብሮት ያለው ሰው ሊወድቅ አይችልም፡፡ የእግዚአብሄርን ቃል የሚወድ ሰው እንደሚወጣና እንደሚወርስ ሳይታለም የተፈታ ነው፡፡ የእግዚአብሄር ቃል ብርሃን እንደሆነና የትኛውም ጨለማ ሊያሸንፈው እንደማይችል እንዲሁ የእግዚአብሄርን ቃል የያዘ ሰው ሊቋቋመው የሚችል  ከሰማይ በታች ምንም ሃይል የለም፡፡

ብርሃንም በጨለማ ይበራል፥ ጨለማም አላሸነፈውም። ዮሐንስ 1፡5

የእውነተኛ ስኬት ምንጩን ያገኘ ሰው የተመሰገነ ነው

የእውነተኛ ስኬት ምንጩ የእግዚአብሄር ቃል ስለሆነ ሰው ለስኬት የሚያስፈልገው የእግዚአብሄር ቃል ብቻ ነው፡፡ ሰው በእግዚአብሄር መልክ ስለተፈጠረ ካለ እግዚአብሄር ቃል ሙሉ ሊሆን አይችልም፡፡ ሰው በእግዚአብሄር መልክና አምሳል ስለተፈጠረ ካለ እግዚአብሄር ቃል ማሰብና ማሰላሰል እውነተኛ ስኬት ውስጥ መግባት አይችልም፡፡

እርሱም መልሶ፦ ሰው ከእግዚአብሔር አፍ በሚወጣ ቃል ሁሉ እንጂ በእንጀራ ብቻ አይኖርም ተብሎ ተጽፎአል አለው። ማቴዎስ 4፡4

ዘላቂ ስኬት ያለው ሰው የተመሰገነ ነው

ብዙ ስኬት የሚመስሉ ወቅታዊ ነገሮች አሉ፡፡ ስኬቶች ይመጣሉ ይሄዳሉ፡፡ የእግዚአብሄር ቃል ስኬት ግን ምንም የማይለውጠው ስኬት ነው፡፡ የእግዚአብሄር ቃል ስኬት ዘመን የማይሽረው ስኬት ነው፡፡ የእግዚአብሄር ቃል ስኬት በሌሎች በምንም ነገሮች የማይቀያየር ስኬት ነው፡፡ የእግዚአብሄር ቃል ስኬት ሰይጣንም ሆነ ምንም ሁኔታ የማይወሰን አስተማማኝ ስኬት ነው፡፡

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። ኢያሱ 1፡8

ምስጉን ነው በክፉዎች ምክር ያልሄደ፥ በኃጢአተኞችም መንገድ ያልቆመ፥ በዋዘኞችም ወንበር ያልተቀመጠ። ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡1-3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ስኬት #ክንውን #ቃል #ማሰላሰል #አእምሮ #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

ጆሮ ያለው ይስማ!

open-ear-hearing-aids1.jpgበሎዶቅያም ወዳለው ወደ ቤተ ክርስቲያን መልአክ እንዲህ ብለህ ጻፍ፦ አሜን የሆነው፥ የታመነውና እውነተኛው ምስክር፥ በእግዚአብሔርም ፍጥረት መጀመሪያ የነበረው እንዲህ ይላል፦ በራድ ወይም ትኩስ እንዳይደለህ ሥራህን አውቃለሁ። በራድ ወይም ትኩስ ብትሆንስ መልካም በሆነ ነበር። እንዲሁ ለብ ስላልህ በራድም ወይም ትኩስ ስላልሆንህ ከአፌ ልተፋህ ነው። ሀብታም ነኝና ባለጠጋ ሆኜአለሁ አንድም ስንኳ አያስፈልገኝም የምትል ስለ ሆንህ፥ ጐስቋላና ምስኪንም ድሀም ዕውርም የተራቆትህም መሆንህን ስለማታውቅ፥ ባለ ጠጋ እንድትሆን በእሳት የነጠረውን ወርቅ፥ ተጐናጽፈህም የራቁትነትህ ኃፍረት እንዳይገለጥ ነጭ ልብስን፥ እንድታይም ዓይኖችህን የምትኳለውን ኵል ከእኔ ትገዛ ዘንድ እመክርሃለሁ። እኔ የምወዳቸውን ሁሉ እገሥጻቸዋለሁ እቀጣቸውማለሁ፤ እንግዲህ ቅና ንስሐም ግባ። እነሆ በደጅ ቆሜ አንኳኳለሁ፤ ማንም ድምፄን ቢሰማ ደጁንም ቢከፍትልኝ፥ ወደ እርሱ እገባለሁ ከእርሱም ጋር እራት እበላለሁ እርሱም ከእኔ ጋር ይበላል። እኔ ደግሞ ድል እንደ ነሣሁ ከአባቴም ጋር በዙፋኑ ላይ እንደተቀመጥሁ፥ ድል ለነሣው ከእኔ ጋር በዙፋኔ ላይ ይቀመጥ ዘንድ እሰጠዋለሁ። መንፈስ ለአብያተ ክርስቲያናት የሚለውን ጆሮ ያለው ይስማ። ራእይ 3፡14-22

ፍላጎት ማጣት

ሎዶቅያ ቤተክርስትያን የተወቀሰችበት የመጀመሪያው ነገር እግዚአብሄርን መፈለግ ማቆሟ ነው፡፡ እግዚአብሄርን መፈለግ ያቀመችበትም ምክኒያት ሃብታም ነኝ ብላ ስላሰበች ነው፡፡

ሃብት የሚለካው እግዚአብሄርን በመፈለግ ነው፡፡ እግዚአብሄርን መፈለግ በተውን ጊዜ ድሆች ነን፡፡ እግዚአብሄርን በሁሉም የህይወት ክፍላችን መፈለግ እውነተኛ ባለጠጋ ያደርገናል፡፡

የሎዶፂያ ቤተክርስቲያን የተጠራችንው በልታና ጠጥታ ለመኖር ሳይሆን የጌታን በጎነት ለመመስከር ነው የጠፉትን ለመፈለግ ነው ለአለም ብርሃን ለመሆን ነው፡፡ የሎዶቅያን ቤተክርስትያን ግን ምድራዊ ነገሮችን ስላገኘች ደረስኩበት አሁን ምንም አያስፈልግኝም በማለት ከዋናው አላማዋ እግዚአብሄርን ከመፈለግ ተመለሰች፡፡

እግዚአብሄርን የምንፈልገው ስለሚበላና ስለሚጠጣ አይደለም፡፡ እግዚአብሄርን የምንፈልግው በህይወታችን ስላስቀመጠው አላማ ነው፡፡ እግዚአብሄርን የምንፈልግው  የእርሱ ስራ በምድር ሰርተን ጌታን ለማስከበር ነው፡፡ ጌታን የምንፈልገው የእግዚአብሄርን ፅድቅና መንግስቱን በመፈለግ ነው፡፡ ጌታን የምንፈልገው የመንግስቱን ወንጌል ለመስበክ ነው፡፡ ጌታን የምንፈልገው ሰዎችን ደቀመዝሙር ለማድረግ ነው፡፡

ይህ ክብራችን ነው፡፡ ይህ ጥሪያችን ነው፡፡ ይህ ህይወታችን ነው፡፡

የእይታ ችግር

ሰው ራቁቱ ሆኖ በልብሱ ከተመካ የጎደለው እይታ ነው፡፡ የሚያስፈልገው ነገሮችን በትክክል ማየት ነው፡፡ የሰው አይን ጤነኛ ካልሆነ ሁለንተናው ይታመማል፡፡ ሰው በትክክል ካላየ ከፍተኛ ችግር ይገጥመዋል፡፡ ሰው እግዚአብሄር እንደሚያያቸው ነገሮችን ካላየን ህይወታችን ይባክናል፡፡ ሰው እግዚአብሄር የሚንቃቸውን ካልናቀ ጌታ የሚያከብራቸውን ካላከበረ ህይወቱ የብከነት ህይወት ነው የሚሆነው፡፡

በዚህ ምክኒያት ኢየሱስን ከሁኔታው አውጥታዋለች፡፡ እኔ እበቃለሁ ኢየሱስ አያስፈልግም ብላለች፡፡ ኢየሱስ በደጅ ቆሞ እያኳኳ ነው፡፡

እኔ ደግሞ ድል እንደ ነሣሁ ከአባቴም ጋር በዙፋኑ ላይ እንደተቀመጥሁ፥ ድል ለነሣው ከእኔ ጋር በዙፋኔ ላይ ይቀመጥ ዘንድ እሰጠዋለሁ።

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ሎዶቅያ #በራድወይምትኩስ #ድልለነሳው #ጆሮያለውይስማ #አእምሮ #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

ምን ብዬ ልጩኽ?

World-in-Gods-Hands 1.jpgጩኽ የሚል ሰው ቃል፤ ምን ብዬ ልጩኽ? አልሁ። ሥጋ ለባሽ ሁሉ ሣር ነው፥ ክብሩም ሁሉ እንደ ምድረ በዳ አበባ ነው። የእግዚአብሔር እስትንፋስ ይነፍስበታልና ሣሩ ይደርቃል አበባውም ይረግፋል፤ በእውነት ሕዝቡ ሣር ነው። ሣሩ ይደርቃል አበባውም ይረግፋል፥ የአምላካችን ቃል ግን ለዘላለም ጸንታ ትኖራለች። ኢሳይያስ 40፡6-8

የሰው ህይወት በምድር ላይ አጭር ነው፡፡ ሰው ሃላፊ ነው፡፡ የሰው ህይወቱ ታይቶ ኋላ እንደሚጠፋ እንፍዋለት ነው፡፡

ሕይወታችሁ ምንድር ነው? ጥቂት ጊዜ ታይቶ ኋላ እንደሚጠፋ እንፍዋለት ናችሁና። ያዕቆብ 4፡14

ሰው ሰማይና ምድርን ከፈጠረው ከእግዚአብሄር ጋር ለዘላለም መኖር የሚችለው የእግዚአብሄርን የመዳኛ መንገድ ሲቀበል ብቻ ነው፡፡ ሰው ከእግዚአብሄር ጋር ለዘላለም መኖር የሚችለው የማይጠፋውን የእግዚአብሄርን ቃል ሲቀበል ብቻ ነው፡፡ ሰው የዘላለም ህይወት የሚኖረው እግዚአብሄር ስለመዳኑ ያዘጋጀውን የኢየሱስን የመስቀል ስራ ለእኔ ነው የሞተውና የተነሳው ብሎ ብቻ ነው፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

ሰው ዘላለማዊ ህይወትን የሚያገኘው ከእግዚአብሄር ቃል ዳግመኛ ሲወለድ ብቻ ነው፡፡

ሰማይና ምድር ያልፋሉ ከማይጠፋው ለዘላለም ከሚኖረው ከእግዚአብሄር ቃል የተወለደ ሰው ግን አያልፍም፡፡

ዳግመኛ የተወለዳችሁት ከሚጠፋ ዘር አይደለም፥ በሕያውና ለዘላለም በሚኖር በእግዚአብሔር ቃል ከማይጠፋ ዘር ነው እንጂ። ሥጋ ሁሉ እንደ ሣር ክብሩም ሁሉ እንደ ሣር አበባ ነውና፤ ሣሩ ይጠወልጋል አበባውም ይረግፋል፤ የጌታ ቃል ግን ለዘላለም ይኖራል። በወንጌልም የተሰበከላችሁ ቃል ይህ ነው።  1ኛ ጴጥሮስ 1፡23-25

ኢየሱስ ስለሃጢያቱ እንደሞተለትና ሞትን ድል አድርጎ እንደተነሳ የሚያምን ሰው ይድናል፡፡

ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ሰው በልቡ አምኖ ይጸድቃልና በአፉም መስክሮ ይድናልና። ሮሜ 10፡9-10

ሰማይና ምድር ያልፋሉ፡፡ የእግዚአብሄር ቃል ግን አያልፍም፡፡

ሰማይና ምድር ያልፋሉ፥ ቃሌ ግን አያልፍም። ማቴዎስ 24፡35

የሚታየው ሁሉ የጊዜው ነው፡፡ የማይታየው ሁሉ ዘላለማዊ ነው፡፡

የሚታየው የጊዜው ነውና፥ የማይታየው ግን የዘላለም ነው። 2ኛ ቆሮንቶስ 4፡18

ዓለሙም ምኞቱም ያልፋሉ፤ የእግዚአብሔርን ፈቃድ የሚያደርግ ግን ለዘላለም ይኖራል። 1ኛ ዮሃንስ 2፡17

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የጌታቃል #ዘላለም #የዘላለምህይወት #የእግዚአብሄርፈቃድ #የጊዜው #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

የፍላጎት ማጣት ሶስቱ ምክኒያቶች

loss-of-appetite.jpgበክርስትና ህይወት የእግዚአብሄርን ነገር መራብና መጠማት ወሳኝ ነው፡፡ ፅድቅን መራብና መጠማት የመንፈሳዊ ጤንነት ምልክት ነው፡፡ የእግዚአብሄርን ነገር የሚራቡና የሚጠሙ ሰዎች ብፁአን ናቸው፡፡

ጽድቅን የሚራቡና የሚጠሙ ብፁዓን ናቸው፥ ይጠግባሉና። ማቴዎስ 5፡6

በክርስትና ህይወታቸው ፅድቅን መራብ ጀምረው ሲቆይ ወደኋላ ያሉ ብዙ ሰዎችን እናውቃል፡፡ በመልካም ጀምረው የፅድቅ ረሃብና ጥማታቸው በመንገድ ላይ የጠፋባቸው አያሌ ሰዎች ታዝበናል፡፡ የጌታን ቃል ሰምተው የማይጠግቡ የነበሩ በኋላ ግን ያንን ወሳኝ ረሃብና ጥማት የጣሉ ሰዎችን ታዝበናል፡፡

ረሃባችንንና ጥማታችንን የማጣት አደጋ በሁላችንም ላይ አለ፡፡ ፍላጎት ማጣት ሁላችንንም ሊፈትንና ሊጥል የሚችል ፈተና ነው፡፡ ዝለን የእግዚአብሄርን ነገር በትጋት ከመፈለግ ዘወር እንድንል እንፈተናለን፡፡

በነፍሳችሁ ዝላችሁ እንዳትደክሙ፥ ከኃጢአተኞች በደረሰበት እንዲህ ባለ መቃወም የጸናውን አስቡ። ዕብራውያን 12፡3

ይህንን ወሳኝ በረከት እንድናጣው የሚያደርገን ነገር ምን እንደሆነ ማወቅ በዚያ ወጥመድ ውስጥ እንዳንወድቅ ይረዳናል፡፡

  1. ቃሉን በሚዛናዊነት አለመጠበቅ

 

ለፅድቅ ያለንን ረሃብና ጥማት ሊያጠፋውና ከሩጫችን ሊገታን የሚችለውና ነገር አንድን የእግዚአብሄር ሃሳብ ብቻውን በከፍታ ይዞ ሌላውን መጣል ወይም ማሳነስ ነው፡፡ አንዱን የእግዚአብሄ ቃል ለማጠናከር ሌላውን ማሳነስ የለብንም፡፡ የእግዚአብሄር ቃል ሙሉ ነው፡፡ ሁሉም የእግዚአብሄር ቃል ጠቃሚ ነው፡፡ ሙሉ የእግዚአብሄር ቃል ነው ሙሉ የሚያደርገን፡፡

 

ሰው ድንችን ብቻ በየእለቱ በመመገብ ጤናማና ብርቱ ሊሆን አይችልም፡፡ እንዲሁም ሰው ያልተመጣጠነና ሚዛኑን ያልጠበቀ ትምህርት በመመገብ ለእግዚአብሄር ነገር ያለውን ጤናማ ፍላጎት ሊያጣው ይችላል፡፡

 

ለሰው መንፈሳዊ ጤንነት ሙሉ የእግዚአብሄ ምክር አስፈላጊ ነው፡፡ ሰው ፍሬ የሚያፈራው ሙሉውን የእግዚአብሄን ቃል ምክር በመረዳት ብቻ ነው፡፡ ሰው አንዱን ወይም ጥቂት ቃል ብቻ በመያዝና በማጋነን ጤናማ መንፈሳዊ ረሃቡንና ጥማቱን ሊጠብቀው አይችልም፡፡

 

አንዱ የእግዚአብሄር ቃል ተነጥሎ ብቻውን ስለማይሰራ ሰው አጋኖ በያዘው ቃል ተስፋ ይቆርጣል፡፡ ቃሉ ይሰራል ሃያልም ነው፡፡ በቃሉ ምንም ችግር የለም፡፡ ሙሉውን ቃል በሚዛናዊነት ካልያዝነው እውነተኛውን መንፈሳዊ ፍላጎት እናጣዋለን፡፡

 

የእግዚአብሔርን ምክር ሁሉ ነግሬአችኋለሁና፥ ምንም አላስቀረሁባችሁም። ሐዋርያት 20፡27

 

  1. ለደረጃችን ከሚመጥነን በላይ የእግዚአብሄን ቃል ለመረዳት መሞከር

 

ህፃን ምግብ መብላት የሚጀምረው በወተት ነው፡፡ ወተቱ ያጠነክረዋል ለጠንካራ ምግብ ያዘጋጀዋል፡፡  በወተት ላልተፈተነ ህፃን ጠንካራ ምግብ መስጠት አደገኛ ነው፡፡ ህፃንን ካለጊዜው ስጋ ካበላነው ጤንነቱ ይዛባል፡፡ ለወተት ያለው ተፈጥሮአዊ ፍላጎት ይቀንሳል፡፡

 

እንዲሁም አንዳንድ ሰዎች  በፍጥነት ማደግ ይጓጓሉ፡፡ መሰረታዊ የክርስትና ትምህርት ከመማራቸው በፊት ጠንካራ ምግብ ለመብላት ሲሞክሩ ጤንነታቸው ይዛባል፡፡ በፍጥነት ማደግ ከመፈለጋቸው የተነሳ የእግዚአብሄርን የማሳደግ ሂደት አይታገሱም፡፡

 

ቃሉን በአእምሮዋቸው ስለሚያቁት ብቻ የደረሱበት ይመስላቸዋል፡፡ ሰው ግን ደረሰበት የሚባለው በህይወቱ ሲተገብረው ብቻ ነው፡፡ ስለዚህ አዳዲስ መገለጦች ለማግኘት እንደመፈለጋችን በምናውቀው ቃል ለመኖር ራሳችንን ማስለመድ ይገባናል፡፡

 

ቃሉን የምታደርጉ ሁኑ እንጂ ራሳችሁን እያሳታችሁ የምትሰሙ ብቻ አትሁኑ። ያዕቆብ 1፡22

እነዚህ አይነት ሰዎች ሁሉንም ባንድ ጊዜ አውቀው ለመጨረስ ያላቸው ፍላጎት ስለማይሟላ ይሰናከላሉ ለመንፈሳዊ ነገር ያላቸው ፍላጎት ይጎዳል፡፡

 

  1. በቀዳሚነት ከእግዚአብሄር ቃል መፍትሄን አለመፈለግ

 

ህፃናት ልጆች ሰውነታቸውን ስለሚጠቅማቸውና ስለማይጠቅማቸው መረዳቱ ስለሌላቸው በምግብ ወላጆችን ያስቸግራሉ፡፡ ህፃን ከረሜላ ካገኘ ጣፋጭ ስለሆነ ብቻ የቻለውን ያህል መምጠጥ ይፈልጋል፡፡ ከረሜላው ጣፋጭ ነው እንጂ ያለው የምግብ ይዘት በጣም ውስን ነው፡፡ ስለዚህ ህፃኑ ያንን ከረሜላ እንደበላ የምግብ ፍላጎቱ ይዘጋል፡፡ ስለዚህ ህፃኑ የሚጠቅመውን ተመጣጣኝ ምግብ መብላት አይችልም፡፡ ህፃኑ ጥቅሙ ጥቂት በሆነ ጣፋጭ ነገር የምግብ ፍላጎቱ በመዘጋቱ ለሰውነቱ የሚጠቅመውን የተመጣጣነ ምግብ ሳያገኝ ይቀራል፡፡

 

እንደዚሁ በክርስትና የእግዚአብሄርን ቃል አንበብን ተረድተን ታዘነው በህይወታችን ፍሬ እንዲያፈራ በቃሉ ከመፅናትና ከመታገስ ይልቅ ፈጣን መፍትሄን ለመፈለግ እንፈተናለን፡፡ ስላለንበት ሁኔታ እግዚአብሄር በፈጣን ምልክቶችን እንፈልጋለን፡፡ ስለዚህ እግዚአብሄር ይጠቀምባቸዋል ብለን ወደምናስባቸው ሰዎች በመሄድ እግዚአብሄ ስለእኔ ምን ይልሃል ብለን ለመጠየቅ እንፈተናለን፡፡ እውነተኛንና ዘላቂ መፍትሄ ለማግኘት በቀዳሚነት በእግዚአብሄር ቃል ውስጥ መፍትሄን መፈለግ ይገባናል፡፡

 

በቀዳሚነት መፍርትሄ መፈለግ ያለብን ከቃሉ ውስጥ ስለሆነ በራሳችን መፀለይና እግዚአብሄር እንዲናገረን ጊዜ መስጠት አለብን፡፡ ለመፍትሄ በእግዚአብሄር ቃል ላይ ያለን ትኩረት ሲነሳ ህይወታችን ለብዙ ነገር ይጋለጣል፡፡

 

በዚህም ምክኒያት ላለንበት ሁኔታ በቀዳሚነት ከትንቢት አገልግሎት መፍትሄን ለማግኘት እንፈልጋለን፡፡ የጠበቅነው ነገር ሳይሆን ሲቀር የትንቢት አገልግሎት አይሰራም ብሎም የእግዚአብሄር ነገር አይሰራም ወደማለት እንሄዳለን፡፡

 

በዚያም ሁሉንም የእግዚአብሄርን ነገር እርግፍ አድርገን ለመተው እንፈተናለን፡፡ ነገር ግን እውነተኛ ነቢያትም አሉ እግዚአብሄርም በዚህ ዘመን በትንቢት ይሰራል ነገር ግን እግዚአብሄር ለልባችን በቀዳሚነት ከሚናገረን ይልቅ እግዚአብሄር በቀዳሚነት በትንቢት እንደሚናገር ከጠበቅን ስለማይሰራልን ለእግዚአብሄ ነገር ያለንን ፍላጎት ረሃብና ጥማት ይጎዳዋል፡፡

 

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መጠማት #መራብ #አማርኛ #ስብከት #መዳን #መፅሃፍቅዱስ #ብፅእና #እምነት #አንድነት #ፀጋ  #አቢይ #አቢይዋቁማ #አቢይዋቁማዲንሳ

የሃሳብ ሃይል

mind-tricks-380x361.jpgበልቡ እንዳሰበ እንዲሁ ነውና፤ ምሳሌ 23፡7

ሃሳብ በሰው ህይወት ትልቁን ስፍራ ይይዛል፡፡ ሰው ምንም ነገር ከማድረጉ በፊት አስቦ ነው የሚያደርገው፡፡ ሰው ህይወቱ የሚበላሸው ሃሳቡ ሲበላሽ ነው፡፡ የሰው ህይወት መለወጥ የመጀመሪያው እርምጃ የሃሳብ መለወጥ ነው፡፡

ስለዚህ ነው መፅሃፍ ቅዱስ ስለሃሳብ አበክሮ የሚያስተምረው፡፡

ሰው የሚቀደሰውና ከአለም የሚለየው በሃሳብ ነው፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2

ሰው ሃሳቡን የመግራት ስልጣን አለው፡፡

ነፍሴ ሆይ፥ ለምን ታዝኛለሽ? ለምንስ ታውኪኛለሽ? የፊቴን መድኃኒት አምላኬን አመሰግነው ዘንድ በእግዚአብሔር ታመኚ። መዝሙር 42፡5

ሰው ስለሚያስበውና ስለማያስበው ነገር ስርአት ሊኖረው ይገባል፡፡ ሰው ወደአእምሮ የሚመጣውን ነገር ሁሉ ካሳበ ህይወቱ የሰይጣን ሃሳብ ማስተናገጃ ይሆናል፡፡ ሰው የሚያሰበውን ነገር በእነዚህ መመዘኛዎች ሊመዝናቸው ይገባል፡፡ ሃሳቦች ይህንን መመዘኛ ካላሟሉ በፍጥነት ከአእምሮው ሊያስወጣቸው ይገባል፡፡

በቀረውስ፥ ወንድሞች ሆይ፥ እውነተኛ የሆነውን ነገር ሁሉ፥ ጭምትነት ያለበትን ነገር ሁሉ፥ ጽድቅ የሆነውን ነገር ሁሉ፥ ንጹሕ የሆነውን ነገር ሁሉ፥ ፍቅር ያለበትን ነገር ሁሉ፥ መልካም ወሬ ያለበትን ነገር ሁሉ፥ በጎነት ቢሆን ምስጋናም ቢሆን፥ እነዚህን አስቡ፤ ፊልጵስዩስ 4፡8

ሰው ሃሳቡን የሚገራው በእግዚአብሄር ቃል ነው ፡፡ የነፍሳችሁ ክፍል የሆነው አእምሮዋችሁ የሚፈወሰው በእግዘኢአብሄር ቃል ብቻ ነው፡፡

ስለዚህ ርኵሰትን ሁሉ የክፋትንም ትርፍ አስወግዳችሁ፥ ነፍሳችሁን ማዳን የሚችለውን በውስጣችሁም የተተከለውን ቃል በየዋህነት ተቀበሉ። ያዕቆብ 1፡21

ሰው ህይወቱን የሚያጠራው ሃሳቡን በማጥራት ነው፡፡

ወደ እግዚአብሔር ቅረቡ ወደ እናንተም ይቀርባል። እናንተ ኃጢአተኞች፥ እጆቻችሁን አንጹ፤ ሁለት አሳብም ያላችሁ እናንተ፥ ልባችሁን አጥሩ። ያዕቆብ 4፡8

ሰው ሃሳቡ ከተበላሸ ህይወቱ ይበላሻል

ነገር ግን እባብ በተንኮሉ ሔዋንን እንዳሳታት፥ አሳባችሁ ተበላሽቶ ለክርስቶስ ከሚሆን ቅንነትና ንጽሕና ምናልባት እንዳይለወጥ ብዬ እፈራለሁ። 2ኛ ቆሮንቶስ 11፡3

የእግዚአብሄርን ቃል ማሰብና ማሰላሰል ቃሉን ለመፈፀምና ለመከናወን ግዴታ ነው፡፡

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። ኢያሱ 1፡8

ሰው እግዚአብሄርን መፍራት ያለበት ከአስተሳሰቡ ጀምሮ ነው፡፡ በሃሳቡ እግዚአብሄርን የማይፈራና የፈለገውን ለማሰብ ለስጋው አርነት የሚሰጥ ሰው መቼ እንደወደቀ ሳያውቅ ወድቆ ይገኛል፡፡

ሴቲቱም ዛፉ ለመብላት ያማረ እንደ ሆነ፥ ለዓይንም እንደሚያስጎመጅ፥ ለጥበብም መልካም እንደ ሆነ አየች፤ ከፍሬውም ወሰደችና በላች፤ ለባልዋም ደግሞ ሰጠችው እርሱም ከእርስዋ ጋር በላ። ዘፍጥረት 3፡6

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ሃሳብ #አማርኛ #ስብከት #መዳን #መፅሃፍቅዱስ #ልብ #እምነት #ቃል #አእምሮ #ማደስ #አቢይ #አቢይዋቁማ #አቢይዋቁማዲንሳ

መንፈሳዊ ጤንነታችን የምንለካባቸው 12 መንገዶች

doctor_patient1የክርስትና ህይወታችንን ስኬት የምንመዝነው የተመገብነውን ምግብ ጤንነት በማየት ነው፡፡ የምንሰማው ነገር ጤናማ ካልሆነ ህይወታችን የተሳካ ቢመስለን እንኳን እየቀጨጭን እንደሆንን ማወቅ አለብን፡፡ የምንበላውን ምግብ ጤንነት እርግጠኛ ከሆንን ደግሞ እያደግን እየለመልምን እንደሆነ እርግጠኛ እንሆናለን፡፡

በክርስቶስ ኢየሱስ ባለ እምነትና ፍቅር አድርገህ፥ ከእኔ የሰማኸውን ጤናማ ቃል ምሳሌ ያዝ፤ 2ኛ ጢሞቴዎስ 1፡13

የምንመገበውን ምግብ ጤንነት ለመገምገም የሚረዱ አስራ ሁለት መመዘኛዎች

  • የምሰማው ጤናማ ትምህርት በፍቅር እንድኖር ያበራታታል

የምንሰማው ትምህርት በፍቅር እንድኖር የማያበረታታ ከሆነና ፍቅርን በሌሎች መሰል ነገሮች የተካ ከሆነ ጤነኛ ምግብ እንዳልተመገብን ምልክቱ ነው፡፡ በእግዚአብሄር መንግስት ውስጥ በፍቅር ካልኖርንና ካላገለገልን በሁኔታዎች ተቋቁመን ማለፍና እግዚአብሄር የጠራንን የመንግስቱን ስራ ለረጅም ጊዜ ማገልገል ያቅተናል፡፡ የማንኛውም ትምህርት አላማ በፍቅር እንድኖር ማድረግ ነው፡፡

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ጢሞቴዎስ 1፡5

  • የምንመገበው ጤናማ ትምህርት በእግዚአብሄር እንዳምን ይረዳል

የምመገበው ምግብ በእምነት እግዚአብሄርን እንዳይ የሚታየውን የምድራዊውንና ጊዜያዊውን ነገር እንዳላይ ካበረታታኝ ጤነኛ ምግብ እንደተመገብኩ ማረጋገጫው ነው፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው። 2ኛ ቆሮንቶስ 4፡17-18

  • ጤናማ ትምህርት በትዕቢት እንድናስብ አያደርግም

አንዳንዴ የምንሰማው ትምህርት ራሳችንን በትክክል እንዳናይ ይጋርደናል፡፡ ትምህርቱ ከሆንነው በላይ በትቢት እንድናስብ ያደርጋል፡፡ ጤናማ ትምህርት ግን ከፍ ባልን ቁጥር ይበልጥ ትሁት እንድንሆን ያደርጋል፡፡ የምንሰማው ትምህርት ሌሎችን በአክብሮት እንድንይዝ ካላበረታታና ሌሎችን እንድንንቅ ካደፋፈረን የተሳሳተ ትምህርት ነው፡፡

እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ። ሮሜ 12፡3

  • ጤናማ ትምህርት ሰማያዊ ነገር ላይ እንዳተኩር ያደርጋል

የምንመገበው መንፈሳዊ ምግብ ሃሳባችን ምድራዊ እንዲሆ ካደረገ በልባችን ያለው ብርሃን እንዳያጠፋው መጠንቀቅ አለብን፡፡ የምንበላው ምግብ የሰማይን ሃሳብ ይበልጥ የሚያጎላው ካልሆነና በላይ ያለውን እንድንፈልግ ካልረዳን  ምግባችንን በፍጥነት መቀየር አለብን፡፡

እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ቆላስይስ 3፡1-2

  • ጤናማ አስተምሮት ለስኬትና ለብልፅግና እንድቸኩል አያደርግም

የምንማረው ትምህርት የእግዚአብሄርን ፅድቅና መንግስቱን እንድፈልግ ካላበረታታ ይልቁንም ለሁለት ጌቶች ለገንዘብና ለጌታ እንድንገዛ ካበረታታ እንዲሁም ስለኑሮ እንድንጨነቅ ካደረገ የተመገብነው ትምህርት ጤናማነት ያጠራጥራል፡፡ በታማኝነት የሚባርከውን የእግዚአብሄርን እርምጃ እንዳንታገስ ካደረገና በፍጥነት መበልፀግ እንደምንችል ካስተማረ የስህተት ትምህርት ነው፡፡ ጤናማ ትምህርት ያለኝ ይበቃኛል እንድንል ያሳርፋል፡፡

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። ምሳሌ 28፡20

  • ጤናማ ትምህርት መስማት በይቅርታና በምህረት እንድመላለስ ያደርጋል

የምመገበው ምግብ ሰዎችን እንድጠላ የሚያበረታታ ከሆነና በልቤ ቂምና ምሬትን እንዳልይዝ ካልገሰፀኝ ጤነኛ ትምህርት እየተመገብኩ አይደለም ማለት ነው፡፡ ጥላቻ የመንፈሳዊ ህይወትን ጤና የሚያስተጓጉል መርዝ በመሆኑ  የበደለንን ሁሉ ይቅር ማለት እንደምንችል የማያስተምር አስተምሮት ጤናችን እንዲጓደል ያደርጋል፡፡

መራርነትና ንዴት ቁጣም ጩኸትም መሳደብም ሁሉ ከክፋት ሁሉ ጋር ከእናንተ ዘንድ ይወገድ። እርስ በርሳችሁም ቸሮችና ርኅሩኆች ሁኑ፥ እግዚአብሔርም ደግሞ በክርስቶስ ይቅር እንዳላችሁ ይቅር ተባባሉ። ኤፌሶን 4፡31-32

  • ጤናማ ምግብ ለአገልግሎት ያነሳሳል

የተወለድነው ወደ እግዚአብሄር ቤተሰብ ውስጥ ነው ፡፡ የክርስቶስ አካል ደግሞ ህያውና ሰራተኛ ነው፡፡ ስለዚህ የበላነውን ምግብ ጤነኝነት የምንመዝነው ከፊት ይልቅ ለአገልገሎት በመነሳታችን ነው፡፡ ለአገልግሎት ያለን ፍላጎት እየወረደ ከሆነ ጤነኛ ምግብ እየበላን አይደለንም፡፡ የምንመገበው ምግብ የአገልግሎትን ክብር ካላሳየንና አለምን ንቀን ጌታን አንድናገለግል ካላበረታታን የምንመገበው ምግብ ጤነኝነቱ ያጠራጥራል፡፡

ልዩ ልዩን የእግዚአብሔርን ጸጋ ደጋግ መጋቢዎች እንደ መሆናችሁ፥ እያንዳንዳችሁ የጸጋን ስጦታ እንደ ተቀበላችሁ መጠን በዚያው ጸጋ እርስ በርሳችሁ አገልግሉ፤ 1ኛ ጴጥሮስ 4፡10

  • የምመገበው ምግብ የሰውን ድካም የሚያጎላ መሆን የለበትም

የምንመገበው ምግብ የራሳችንን ከንቱነት የሚያጎላና የእግዚአብሄርን እርዳታ የማያሳይ ከለሆነ ለመንፈሳዊ ህይወት እድገታችን ከፍተኛ እንቅፋት ነው፡፡ በሚያስችለው በእግዚአብሄር ፀጋ ላይ ሳይሆን በእኛ ድካም ላይ የሚያተኩር ትምህርት አጉል ሃይማኖተኝነት እንጂ እውነተኛ ክርስትና አይደለም፡፡

በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን? 2ኛ ቆሮንቶስ 13፡5

  • የምንመበው መልካም ትምህርት እንደ እንግዳና መጻተኛ እንድኖር ያደርጋል

የምመገበው ምግብ በአለም ውድድር ውስጥ ተዘፍቄ የክርስትና አላማዬን እንዳልስት አድርጎኛል ወይ ብሎ መጠየቅ ብልህነት ነው፡፡ የምሰማው ትምህርት እንደ እንግዳና ምፃተኛ ራሴን ከአለም ጉድፍ እንድጠብቅና እግዚአብሄርን በማገልገል አላማና ጌታን በማክበር እንድኖር አድርጎኛል፡፡

ወዳጆች ሆይ፥ ነፍስን ከሚዋጋ ሥጋዊ ምኞት ትርቁ ዘንድ እንግዶችና መጻተኞች እንደ መሆናችሁ እለምናችኋለሁ፤ 1ኛ ጴጥሮስ 2፡11

  • የምንመገበው ትምህርት አትያዝ፥ አትቅመስ፥ አትንካ መሆን የለበትም

የምመገበው ትምህርት የእግዚአብሄርን ሃሳብ በመረዳት በመንፈስ ቅዱስ እንድመራ ነፃነቱን የሚሰጠኝ ነው ወይስ እንደ መጀመሪያ ትምህርት በአትቅመስና አትንካ እስራት ውስጥ የሚጨምረኝ ነው ? የምመገበው ትምህርት በሃይማኖታዊ ስርአቶች ላይ ያተኮረ ብቻ ከሆነና በመንፈስ ቅዱስ በመመራት እግዚአብሄርን እንድናስደስት የማይለቅ ከሆነ የእድገት ጠር የሆነ ትምህርት ነው፡፡

እንደዚህ ያለ ሰው ራስ ወደሚሆነው አይጠጋም፥ . . .ከዓለማዊ ከመጀመሪያ ትምህርት ርቃችሁ ከክርስቶስ ጋር ከሞታችሁ፥ እንደ ሰው ሥርዓትና ትምህርት። አትያዝ፥ አትቅመስ፥ አትንካ ለሚሉት ትእዛዛት በዓለም እንደምትኖሩ ስለ ምን ትገዛላችሁ? እነዚህ ሁሉ በመደረግ ሊጠፉ ተወስነዋልና።  ቆላስይስ 2፡20-22

  • የምሰማው ትምህርት ዘላለማዊ ህይወትን የሚያስይዝ መሆን ነው ያለበት

በምናደርገው በማንኛውም ውሳኔ ዘላለም እንደሚኖሩ ሰዎች በክርስቶስ የፍርድ ወንበር እንደምንቀርብ ሰዎች እነዶሆን የማያበረታታ ትምህርት ጤናማ ትምህርት አይደለም፡፡

መልካሙን የእምነት ገድል ተጋደል፥ የተጠራህለትንም በብዙም ምስክሮች ፊት በመልካም መታመን የታመንህለትን የዘላለምን ሕይወት ያዝ። 1ኛ ጢሞቴዎስ 6፡12

  • የምሰማው ንፁህ ትምህርት ወደ ክርስቶስ የሚያሳይ ነው

የትምህርትን ጤነኝነት አንደኛው መመዘኛ ትምህርቱ ወደ ክርስቶስ ማሳየቱ ወይም አለማሳየቱ ነው፡፡ ለሰው ክብርን የሚያመጣ ክርስቶስን የሚሸፍን ትምህርት ጤናማ ትምህርት አይደለም፡፡ ክብርን ለክርስቶስ የማያመጣ ማንኛውም ትምህርት ለጤናም ሆነ ለእድገት የማይጠቅም ትምህርት ነው፡፡

እርሱ ያከብረኛል፥ ለእኔ ካለኝ ወስዶ ይነግራችኋልና። ዮሃንስ 16፡14

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ክብር #ጤናማ #አላማ #ሰማይ #ዘላለም #ኢየሱስ #ክርስቶስ #ጌታ #ቤተክርስትያን #አማርኛ #ስብከት #እምነት #መፅሃፍቅዱስ #መንፈስቅዱስ #መንገድ #ፌስቡክ #አቢይዋቁማ #አቢይዋቁማዲንሳ

የሙሉ ፍሬ ጠላት

publication1ኢየሱስ በዘር ስለሚመሰለው የእግዚአብሄር ቃል በምሳሌ ያስተምር ነበር፡፡ የዘርን ስኬት የሚወስነው የሚዘራበት የሰው ልብ እንደሆነ በምሳሌ ያስረዳቸዋል፡፡

በምሳሌም ብዙ ነገራቸው እንዲህም አላቸው፦ እነሆ፥ ዘሪ ሊዘራ ወጣ። ማቴዎስ 13:3

ሌላውም በእሾህ መካከል ወደቀ፥ እሾህም ወጣና አነቀው። ማቴዎስ 13:7

ሌላውም በእሾህ መካከል ወደቀ፥ እሾሁም አብሮ በቀለና አነቀው። ሉቃስ 8፡7

በእሾህ መካከል የተዘራውም ይህ ቃሉን የሚሰማ ነው፥ የዚህም ዓለም አሳብና የባለጠግነት መታለል ቃሉን ያንቃል፥ የማያፈራም ይሆናል። ማቴዎስ 13:22

በእሾህ መካከልም የወደቀ እነዚህ የሚሰሙት ናቸው፤ መንገዳቸውንም ሄደው በሕይወት ዘመን በአሳብና በባለ ጠግነት ምቾት ይታነቃሉ፥ ሙሉ ፍሬም አያፈሩም። ሉቃስ 8፡14

የምንሰማውም የእግዚአብሄር ቃል ሃያል ሆኖ ሳለ በህይወታችን እንዳይሰራ የሚያግደው አስቀድመን ልባችንን የሰጠንለት ነገር ነው፡፡

የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ ዕብራውያን 4፡12

አስቀድሞ ህይወታችንን የያዘው ነገር የምንሰማው ቃል ሙሉ ፍሬ እንዳያፈራ ያንቀዋል፡፡ የእግዚአብሄር ቃል ለማደግና ለማፍራት በቂ እድል እንዳያገኝ ያስረዋል፡፡

የእግዚአብሄር ቃል ስፍራን አግኝቶ ሙሉ ፍሬ እንዳያፈራ የሚገዳደረው አስቀድመን ልባችንን የሰጠንለት የኑሮ ጭንቀትና የባለጠግነት ምኞት ነው፡፡

ለኑሮ ጭንቀት ራሳችንን በሰጠን መጠን የእግዚአብሄር ቃል በእኛ ላይ ሃይል እንዳይኖረው እናግደዋለን፡፡ ለባለጠግነት ማታለል ራሳችንን ከሰጠን የእግዚአብሄር ቃል በህይወታችን እንዳይሰራ እንበርዘዋለን፡፡ የባለጠግነት ምኞት በህይወታችን ስፍራን ካገኘ የእግዚአብሄር ቃል ሙሉ ፍሬ እንዳያፈራ ያግደዋል፡፡

ፀሎት፡ እግዚአብሄር አባቴ ሆይ ይህንን ቃል እንድሰማ ስለላክልፅ አመሰግንሃለሁ፡፡ ቃልህን ሰምቻለሁ፡፡ የኑሮ ጭንቀት ቃልህ በህይወቴ እንደሚገባው አንዳይሰራ እንደሚያግደው ከቃልህ ተረድቻለሁ፡፡ እግዚአብሄር ሆይ አንተን እታዘዛለሁ፡፡ በህይወቴ ለጭንቀት ፊት አልሰጥም፡፡ ፀጋህ ስለሚረዳኝ አመሰግንሃለሁ፡፡ አሜን

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ጭንቀት #የኑሮሃሳብ #ብልፅግና #የባለግነትምቾት #ዘር #መሰረታዊፍላጎት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ጥበብ ትጣራለች

wisdomጥበብ ቤትዋን ሠራች፥ ሰባቱንም ምሰሶችዋን አቆመች። ፍሪዳዋን አረደች፥ የወይን ጠጅዋን ደባለቀች፥ ማዕድዋን አዘጋጀች። ባሪያዎችዋን ልካ በከተማይቱ ከፍተኛ ስፍራ ላይ ጠራች፦ አላዋቂ የሆነ ወደዚህ ፈቀቅ ይበል፤ አእምሮ የጐደላቸውንም እንዲህ አለች፦ ኑ፥ እንጀራዬን ብሉ፥ የደባለቅሁትንም የወይን ጠጅ ጠጡ። አላዋቂነትን ትታችሁ በሕይወት ኑሩ፥ በማስተዋልም መንገድ ሂዱ። ምሳሌ 9፡1-6
ስለጥበብ ብዙ አይነት ትርጉም ሲሰጥ የቆየ ሲሆን እውነትም ጥበብን በአንድ አረፍተ ነገር መተርጎም አይቻልም፡፡
ጥበብ የእውቀት መተግበሪያ መንገድ ነው፡፡ ጥበብ ምን ማድረግ እንደሚገባን በማናውቅበት ጊዜ ምን ማድረግ እንዳለብን የሚያሳየን የመረዳት ችሎታ ነው፡፡ በህይወታችሁ ሁሉ ነገር የተዘጋጋ የመሰላችሁ ነገር አለ? ለጥበብ መውጫ መንገድ አለ፡፡
ጥበብ ሃብታም ነች፡፡ ሰዎች ግን ካለ ጥበብ ምን ያህል ጎስቋላ እንደሚሆኑ ተመልክታ ጥበብ ትጮሃለች፡፡ ለምን በአላዋቂነት ትጠፋላችሁ? ለምን በህይወት አትኖሩም ? በህይወት መኖር እያለ ለምን በብክነት ትኖራላችሁ? እያለች ሁሉም ይሰማት ዘንድ በከፍተኛ ቦታ ላይ ትጮሀለች፡፡ የእርሱዋም ሳይበቃ በባሪያዎችዋ አማካኝነት ትጣራለች፡፡
ብዙ ጊዜ ብዙ ገንዘብ ብናገኝ ብዙ ፣ ንብረት ብናፈራ ፣ የተሻለ ቤት ውስጥ ብንኖር ፣ የተሻለ መኪና ብንነዳ ፣ ይበልጥ ታዋቂ ብንሆን ፣ ይበልጥ ሃይል ቢኖረን ህይወታችን የሚለወጥ ይመስለናል፡፡ ነገር ግን ጥበብ ብርና ወርቅ የማይሰሩትን ነገሮች ትሰራለች፡፡
ጥበብን የሚያገኝ ሰው ምስጉን ነው፥ ማስተዋልንም ገንዘቡ የሚያደርግ፤ በወርቅና በብር ከመነገድ ይልቅ በእርስዋ መነገድ ይሻላልና። ምሳሌ 3፡13-14
ጥበብን ባገኘን ጊዜ ግን ያለን ነገር እንዳለ ሆኖ ካለምንም ተጨማሪ ወጭ ህይወትን መኖር እንችላለን፡፡ ጥበብ ሲኖረንና ሲበዛልን ደስተኛ ለመሆን የሆነ ጊዜን እንጠብቅም፡፡ጥበብ ሲኖረን ደስታችንንና እርካታችንን ለወደፊቱ አናስተላለፈውም፡፡ ጥበብ ከዛሬ ጀምረን ባለን ነገር መርካትና በህይወታችን እንድንደሰት ያስተምረናል፡፡
ከዚህ ጥቅስ በላይ ስለጥበብ ክብር የሚናገር ሃሳብ የለም፡፡ ስለጥበብ ክብር ብዙ ነገሮችን ይዘረዝርና እንዲህ በማለት ይደመድመዋል፡፡ እግዚአብሔር በጥበብ ምድርን መሠረተ፥ በማስተዋልም ሰማያትን አጸና። ምሳሌ 3፡19
ጥበብ ይህን ያህል በህይወት የተሞላች ከሆነች ጥበብ ታዲያ የሚገኘው እንዴት ነው ብለን እንጠይቃለን፡፡ ጥበብ በሁለት መንገድ ይገኛል፡፡ አንደኛ ጥበብ የተሞላውን የእግዚአብሄርን ቃል በማንበብና በመረዳት ጥበብ ይገኛል፡፡
ከሕፃንነትህም ጀምረህ ክርስቶስ ኢየሱስን በማመን፥ መዳን የሚገኝበትን ጥበብ ሊሰጡህ የሚችሉትን ቅዱሳን መጻሕፍትን አውቀሃል። የእግዚአብሔር ሰው ፍጹምና ለበጎ ሥራ ሁሉ የተዘጋጀ ይሆን ዘንድ፥ የእግዚአብሔር መንፈስ ያለበት መጽሐፍ ሁሉ ለትምህርትና ለተግሣጽ ልብንም ለማቅናት በጽድቅም ላለው ምክር ደግሞ ይጠቅማል። 2ኛ ጢሞቴዎስ 3፡15-17
ሁለተኛ ደግሞ ጥበብ ወደተሞላው ወደእግዚአብሄር በመፀለይ ጥበብ ይገኛል፡፡
ከእናንተ ግን ማንም ጥበብ ቢጎድለው፥ ሳይነቅፍ በልግስና ለሁሉ የሚሰጠውን እግዚአብሔርን ይለምን፥ ለእርሱም ይሰጠዋል። ያዕቆብ 1፡5
ሶስተኛው ጥበብን የምናገኝበት መንገድ ደግሞ በጥበብ እየኖሩ ካሉት ከቀደሙት ምክርን በመቀበል ነው፡፡
ምክርን ስማ፥ ተግሣጽንም ተቀበል በፍጻሜህ ጠቢብ ትሆን ዘንድ። ምሳሌ 19፡20
ጆሮህን አዘንብለህ የጠቢባንን ቃላት ስማ፥ ልብህንም ወደ እውቀቴ አድርግ፤ ምሳሌ 22፡17
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ባለስልጣን #ጥበብ #ማስተዋል #መረዳት #ፀሎት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

ማንም ያለው ነገር እንዲደረግለት ቢያምን

mountainኢየሱስም መልሶ እንዲህ አላቸው፦ በእግዚአብሔር እመኑ። እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። ማርቆስ ወንጌል 11፡22-23
መፅሃፍ ቅዱሳችንን ስናጠና በጣም የሚያስደንቀንና የሚያስገርመን ነገር በእግዚአብሄር ዘንድ ያለን ቦታ እጅግ የከበረ እንደሆና እኛ ራሳችንን እንደምናየው እግዚአብሄር እኛን እነደማያየን ነው፡፡ እኛ በእግዚአብሄር ዘንድ ያለንን ቦታ በትክክል የሚያሳየን የእግዚአብሄር ቃል ብቻ ነው፡፡
በእግዚአብሄር ዘንድ ያለንን ስልጣን የምንጠቀምበት በመናገር እንደሆነ ኢየሱስ ያስተምራል፡፡ በክርስቶስ የዳነ ሰው ቃል ስልጣን አለው፡፡ በክርስቶስ ያለ ሰው በቃሉ ያለው ስልጣን አስደናቂ ነው፡፡
ማንም ያለው እንዲደረግለት በማለት በእግዚአብሄር ዘንድ ያለን የልጅነት ስልጣንና ቦታ እጅግ ልዩ እንደሆነና መፅሃፍ ቅዱስ ያስተምራል፡፡ ማንኛውም ነገር ንግግራችንን እንደሚያከብርና ለቃላችን እንደሚገዛ ኢየሱስ በዚህ ጥቅስ ላይ ያስተምራል፡፡ ንግግራችን ግን የእምነት ንግግር መሆን እንዳለበት መፅሃፍ ቅዱስ ያስተምራል፡፡ የእምነት ንግግራችን ተራራን መንቀል የሚችል ጉልበት አለው፡፡
ንግግራችን ሁኔታችንን የመለወጥ ውጤት እንዳያመጣ የሚያደርገው የልብ ጥርጥር እንደሆነም ይነግረናል፡፡ ንግግራችን በልብ ጥርጥር ከሆነ አይሰራም፡፡ ቃላችን ግን በልብ በእምነትና ጥርጥር የሌለበት ከሆነ ንግግራችን ነገራችንን ይለውጣል፡፡ ነገራችን ቃላችንን ከመታዘዝ ውጭ ሌላ አማራጭ የለውም፡፡
ስለ ሁኔታችን የማንጠራጠረው ደግሞ እምነት ሲኖረን ነው፡፡ እምነት ደግሞ የሚመጣው የእግዚአብሄር ቃል ከመስማት ነው፡፡
እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17
ስለምናገረውን ነገር እምነት የሚኖረን የእግዚአብሄር ቃል ስለሁኔታው ምን እንደሚል ፈልገን ስናገኝ ነው፡፡ ስለሁኔታችን ከእግዚአብሄር ቃል የእግዚአብሄርን ፈቃድ ካገኘን እምነት ይኖረናል፡፡ በእምነት የምንናገረው ነገር ደግሞ ሁኔታችንን ይለውጣል፡፡
ይህን ፅሁፍ ለሌሎች ሼር share ያድርጉ!
#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ሙሉ ስልጣን ተሰጥቶናል

trafic_policeኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና . . . ማቴዎስ 28፡18
በመጀመሪያ ሰው ከሙሉ ስልጣን ጋር ተፈጥሮ ነበር፡፡ እግዚአብሔርም ባረካቸው፥ እንዲህም አላቸው፦ ብዙ፥ ተባዙ፥ ምድርንም ሙሉአት፥ ግዙአትም፤ የባሕርን ዓሦችና የሰማይን ወፎች በምድር ላይ የሚንቀሳቀሱትንም ሁሉ ግዙአቸው። ዘፍጥረት 1፡28
ሰው በሃጢያት እግዚአብሄር ላይ በማመፁ ስልጣኑን ሙሉ ለሙሉ አጣው፡፡ እግዚአብሄር የሰጠውን ስልጣን ባለመታዘዝ ምክኒያት ለሰይጣን አሳልፎ ሰጠ፡፡ ስለዚህ ነው ሰይጣን የዚህ አለም ገዢ ተብሎ የተጠቀሰው ፡፡
ለእነርሱም የእግዚአብሔር ምሳሌ የሆነ የክርስቶስ የክብሩ ወንጌል ብርሃን እንዳያበራላቸው፥ የዚህ ዓለም አምላክ የማያምኑትን አሳብ አሳወረ። 2ኛ ቆሮንቶስ 4፡4
ኢየሱስ ወደዚህ ምድር የመጣበት ዋነኛው አላማ የዲያቢሎስን ስራ ሊያፈርስና ሰው ለሰይጣን አሳልፎ የሰጠውን ስልጣን መመለስ ነው፡፡ ኢየሱስ የሰውን ስጋ ለብሶ ወደምድር የመጣውና ሰይጣንን ድል የነሳው ለራሱ ሳይሆን ለእኛ ነው፡፡ ኢየሱስ ሰይጣንን ያሸነፈው በእኛ ምትክ ሆኖ ለእኛ ነው፡፡
አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15
አሁንም ሰው ኢየሱስን እንደ አዳኝና ጌታው ሲቀበለው የልጅነት ስልጣኑ ይመለሳል፡፡
ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12
የእግዚአብሄር ልጅ የሆነ ሰው ሁሉ ሰይጣንን መቃወም ይችላል፡፡ በሰይጣን ላይ ሙሉ ስልጣን ስላለን ስንቃወመው መሸሽ እንጂ ምንም ማድረግ አይችልም፡፡
እንግዲህ ለእግዚአብሔር ተገዙ፤ ዲያብሎስን ግን ተቃወሙ ከእናንተም ይሸሻል፤ ያዕቆብ 4፡7
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ስልጣን #ሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ሃይለኛ #ጩኽ #በረከት #ትግስት #መሪ

ቃሉን መተግበር

ቃል.pub 2.jpg

እግዚአብሄርን ማስደሰት የመጀመሪያ ፍላጎታችን ስለሆነ ልክ የእግዚአብሄርን ቃል ስናገኝ በራሳችን ልንፈፅመው እንሞክራለን፡፡ ነገር ግን የእግዚአብሄርን ቃል አገኘነው ማለት በራሳችን እናደርገዋለን ማለት አይደለም፡፡
ስለዚህ ነው በህይወታችን ስለ እግዚአብሄር ቃል ስናስብ ከብዛቱ የተነሳ እንዴት እንደምንተገብረው ግራ ይገባናል፡፡ በህይወቴ ከተማርኩት የእግዚአብሄርን ቃል ለመተግበር ከሚረዱ ነገሮች ጥቂቱን ላካፍላችሁ፡-
የእግዚአብሄር ቃል እንድትገብሩ እናንተ ከምትፈልጉት በላይ እግዚአብሄር ይፈልጋል፡፡ የእግዚአብሄርን ቃል መተግበር ከእግዚአብሄር ጋር አብራችሁ የምታደርጉት እንጂ ብቻችሁን ስትሞክሩ እግዚአብሄር እንደታዛቢ የሚያያችሁ ጉዳይ አይደለም፡፡ ቃሉን በመፈፀም ሂደት እግዚአብሄር ሙሉ በሙሉ አብሮን መስራት ይፈልጋል፡፡
የእግዚአብሄርን ቃል ለመፈፀም መንፈስ ቅዱስ ሊያስታውሰን ሁሌ ከእኛ ጋር አለ፡፡ አንዳንድ ጊዜ ጌታ ሲናገረኝ መንፈስ ቅዱስ ይህንን እንግዲህ በጊዜው አሳስበኝ ብዬ ለእርዳታ ልቤን አነሳለሁ፡፡
አብ በስሜ የሚልከው ግን መንፈስ ቅዱስ የሆነው አጽናኝ እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል። ዮሃንስ 14፡26
ምክኒያቱም መንፈስ ቅዱስ ራሱ ነው ያ ማለት ይህ ማለት ነው ብሎ የሚያስታውሰንና በተግባር የሚያሳየን፡፡
ነገር ግን ይህ በነቢዩ በኢዩኤል የተባለው ነው። ሐዋርያት 2፡16
የእግዚአብሄርን ቃል ማወቃችን ብቻ ሳይሆን እንዴት እንደምንፈፅመው እግዚአብሄር ጥበብን ሊሰጠን ይገባል፡፡ ምን እንደምናደርግ ብቻ ሳይሆን እንዴት እንደምናደረግ የእግዚአብሄር መንፈስ ሊያሳየን በዝርዝር ጉዳዮች ጥበብን ሊሰጠን ይገባል፡፡
የእግዚአብሄርን ቃል መተግበር የምንችለው በራሳችን ጉልበት መታመን ስናቆምና በእርሱ መንፈስ ላይ ሙሉ ለሙሉ ስንደገፍ ብቻ ነው፡፡ በራሳችን ለመተግበር ከሞከርን አንችልም፡፡
የማደርገውን አላውቅምና፤ የምጠላውን ያን አደርጋለሁና ዳሩ ግን የምወደውን እርሱን አላደርገውም። ሮሜ 7፡15
የእግዚአብሄርን ቃል ለመፈፀም በእግዚአብሄር ቃል ከባቢ ውስጥ መሆን ይጠይቃል፡፡ የእግዚአብሄርን ቃል ማሰብና ማሰላሰል ቃሉን እንድንተገብረው ተግባራዊ መረዳት ይሰጠናል እንዲሁም ሃይልን ያስታጥቀናል፡፡ ቃሉን ስናሰላስል ይበልጥ ብርሃን ይሰጠናል ዝርዝር አፈፃፀሙን ያሳየናል፡፡
የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። ኢያሱ 1፡8
በእርግጥ በተረዳነው በእግዚአብሄር ቃል ጀምረን ቃሉን ለማድረግ መነሳት አለብን፡፡ አንዳንዴ የተፃፈውን ቃል ሁሉ ለማድረግ ስናስብ ይጨንቀናል እንዲያውም እግዚአብሄር የማይቻል ነገር እንዳዘዘን ሁሉ ሊሰማን ይችላል፡፡ እግዚአብሄር ያዘዘን ሁሉ የሚቻል ነገር ነው ፡፡ ነገር ግን የእግዚአብሄርን ቃል መፈፀም ያለብን በእርግጥ ለተረዳነው ቅድሚያ በመስጠት መሆን አለበት፡፡ ከሁላችንም እኩል አይጠበቅምንም ከእያንዳንዳችን ግን እንደ መረዳታችን መጠን ይጠበቅብናል፡፡
የጌታውንም ፈቃድ አውቆ ያልተዘጋጀ እንደ ፈቃዱም ያላደረገ ያ ባሪያ እጅግ ይገረፋል፤ ያላወቀ ግን መገረፍ የሚገባውንም ያደረገ ጥቂት ይገረፋል። ብዙም ከተሰጠው ሰው ሁሉ ከእርሱ ብዙ ይፈለግበታል፥ ብዙ አደራም ከተሰጠው ከእርሱ አብዝተው ይሹበታል። ሉቃስ 12፡47-48
ህፃን በወተት እንደሚያድግና ለጠንካራ ምግብ እንደሚዘጋጅ ሁሉ ከተረዳነው ከምናውቅው ጀምረን የእግዚአብሄርን ቃል ስንፈፅም ቃሉን መፈፀማችን መንፈሳዊ ጡንቻችንን ስለሚያጠነክረው እግዚአብሄር ሌሎች ቃሎችን እንድንታዘዛቸው ያሳየናል፡፡
የእግዚአብሄርን ቃል ስንፈፅም እግዚአብሄርን ማመስገን ይኖርብናል፡፡
ይህን ፅሁፍ ለሌሎች ሼር share ማድረግ ቢወዱ

ከሐዲ ልብ

9-22-cc-guardyourheart_566029787-1አንድን ሰው አይታችሁዋል፡፡ እግዚአብሄርን ሲያመልክ የነበረ ሰው ፣ ጌታን አገልግሎ የማይጠግብ የነበረ ሰው ፣ እግዚአብሄርን በቀላሉ ያምን የነበረ ሰው ነገር ግን ሁሉም ነገር ጠፍቶበት እግዚአብሄርን ለቀላል ነገር ማመን ሲያቅተው ፣ የእግዚአብሄርን ሃይል ሲክድና ባለማመን ሲሞላ እግዚአብሄርን ማገልገል ሞኝነት ሲመስለው አይታችኋል?
መጠንቀቅ እንጂ እኔ እንደዚያ ልሆን አልችልም ማለት አያስፈልግም፡፡ ያም ሰው አንድ ቀን “እኔን አይመለከተኝም እኔ ልወድቅ አልችልም በጣም ሩቅ መጥቻለሁ” ሲል የነበረ ከመጠን ያለፈ መተማመን በራሱ የነበረው ሰው ነበር፡፡
እንደዚህ አይነት ሰው የወደቀበትን ውድቀት ስናይ ከዚህ በፊት ጌታን ተረድቶት እንደነበር እንጠራጠራለን፡፡ እውነቱ ግን ማንም ሰው ሊወድቅ ይችላል፡፡ ከዚህ ውድቀት አልፌያለሁ እኔን አይነካኝም ሊል የሚችል ሰው የለም፡፡
ስለዚህ ነው መፅሃፍ ቅዱስ “ፍራ እንጂ የትዕቢትን ነገር አታስብ” የሚለው፡፡ሮሜ 11:20
የልብ ችግር ከባድ ችግር ቢሆንም ነገር ግን መፍትሄ የሌለው ችግር አይደለም፡፡ ለዚህ የልብ ክፋት ችግር መፅሃፍ ቅዱስ ፍቱን መድሃኒት አለው፡፡
በመጀመሪያ ሰው እግዚአብሄርን የሚያስክደው ክፉና የማያምን ልብ እንዳይኖረው ሊጠነቀቅ ይገባዋል፡፡ የሚወድቀው የማይጠነቀቅና “እኔ ከመውደቅ አልፌያለሁ” የሚል ሰው ነው፡፡
መፅሃፍ ቅዱስ ልባችን በጥንቃቄ የምንከታተለው እንደሆነ ያስተምራል፡፡ ልባችንን በቸልታ ከያዝነው ሊያስተን የሚችል ትልቅ ሃይል ያለው ነው፡፡
ጌታን ብዙ ዓመት ከተከተልንና ካገለገልን በኋላ አንዳንዴ በልባችን የምናገኘው ክፉ ሃሳብ እኛን ራሳችንን ያስደነግጠናል፡፡እንደዚህ አይነት ሃሳብ ከእኔ ልብ ነው የወጣው ብለን አንድንጠይቅ ያስገድደናል፡፡
ከልብ ክፉ አሳብ፥ መግደል፥ ምንዝርነት፥ ዝሙት፥ መስረቅ፥ በውሸት መመስከር፥ ስድብ ይወጣልና። ማቴዎስ 15፡19
የሰው ልብ ከሁሉ ይልቅ ተንኰለኛ እጅግም ክፉ ነው፤ ማንስ ያውቀዋል? ኤርምያስ 17፡9
ልብን በጥንቃቄ መያዝ የሚበጀው ክፋት ሁሉ የሚወጣው ከልብ ስለሆነ ነው፡፡ ወንድሞች ሆይ፥ ምናልባት ሕያው እግዚአብሔርን የሚያስክዳችሁ ክፉና የማያምን ልብ ከእናንተ በአንዳችሁ እንዳይኖር ተጠንቀቁ፤ ዕብራውያን 3፡12
የሰውን ልብ የሚያውቅውና ሊገራው የሚችለው የእግዚአብሄርን ቃል ብቻ ነው፡፡ የእግዚአብሄር ቃል ብቻ ነው ወደ ልባችን ሊደርስ የሚችለው፡፡ በልባችን ያለውን ነገር ሁሉ እንደ እንደእግዚአብሄር ፈቃድ የሚያሳየንና የሚያስተካክለው የእግዚአብሄር ቃል ብቻ ነው፡፡ በእግዚአብሄር ቃል ፊት ሁሉ ነገር የተገለጠና የተራቆተ ነው፡፡
የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ እኛን በሚቆጣጠር በእርሱ ዓይኖቹ ፊት ሁሉ ነገር የተራቆተና የተገለጠ ነው እንጂ፥ በእርሱ ፊት የተሰወረ ፍጥረት የለም። ዕብራውያን 4፡12-13
ስለዚህ ነው ከምንም ነገር በላይ የእግዚአብሄርን ቃል ለመስማት መትጋት ያለብን፡፡ ስለዚህ ነው ልባችንን በንፅህና ለመጠበቅ ማድረግ ያለብንን ነገር ሁሉ ማድረግ ያለብን፡፡ ስለዚህ ነው መፅሃፍ ቅዱስ “አጥብቀህ ልብህን ጠብቅ፣ የሕይወት መውጫ ከእርሱ ነውና” የሚለው፡፡ ምሳሌ 4፡23
ስለዚህ ነው የእግዚአብሄር ቃልን ከሚያስቡና ከሚናገሩ ሰዎች ጋር በየእለቱ ህብረት ማድረግና መመካከር ክፉና የማያምን ልብ እንዳይኖረን መፍትሄ እንደሆነ የሚናገረው፡፡ ስለዚህ ነው ህይወታችን የእግዚአብሄርን ቃል በሚረዱ ሰዎች ፊት መፈተን ያለበት፡፡
የእግዚአብሄርን ቃል የሚረዱ እህቶችና ወንድሞች ናቸው እኛ ያላየነውን የልባችንን ክፋት የሚነግሩንና ልብህ ንፁህ አይደለም ብለው የሚገስፁን፡፡
ነገር ግን ከእናንተ ማንም በኃጢአት መታለል እልከኛ እንዳይሆን፥ ዛሬ ተብሎ ሲጠራ ሳለ፥ በእያንዳንዱ ቀን እርስ በርሳችሁ ተመካከሩ፤ ዕብራውያን 3፡13
ይህንን ፅሁፍ ሼር ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ተመካከሩ #ከሃዲ #እልከኛ #ልብ #ቃል #ምስጉን #ሃሳብ #ማሰላሰል #ወንጌል #ደቀመዝሙር #ኢየሱስ #ጌታ #መዳን #አማርኛ #ኢትዮጲያ #አቢይዋቁማ #ፌስቡክ #አዋጅ

አካባቢያችንን እንጠብቅ

%e1%8a%a0%e1%8a%a8%e1%89%a0%e1%89%a0ሰው አካባቢውን ከአየርና ከውሃ ብክለት ለመጠበቅ ታላቅ እንቅስቃሴ ይደረጋል፡፡ ሰዎች የአለምን አረንጓዴነትና ለጤና ተስማሚነት ለመጠበቅ ማንኛውም ነገር ያደርጋሉ፡፡
ምድርን የሚበክልን ነገር ለምሳሌ የከታላላቅ ፋብሪካዎች የሚወጣውን የተበከለ ጭስ እንዲቀነስ ከፍተኛ እንቅስቃሴ ያደርጋሉ፡፡ ምክኒያቱም በቀጣይነት በቆሻሻ አካባቢ ውስጥ የሚኖር ሰው ከመታመምና ከመሞት ሊያመልጥ አይችልም፡፡
ከዚህ ሁሉ በላይ ግን አለማችንን የሚበክለው እግዚአብሄርን ባለማመንና ጥርጣሬ ነው፡፡ ሰው አካባቢውን በእግዚአብሄር ቃል ካልሞላ እግዚአብሄርን ካላመነ በስተቀር እግዚአብሄርን ደስ ሊያሰኝ ከእግዚአብሄር የሆነውንም ነገር ሊቀበል አይችልም፡፡ ከባቢው ተበላሽቶ እግዚአብሄርን ማመን ካቃተው ሰው የሚበልጥ ምስኪን ሰው የለም፡፡
ሰይጣን የሚመጣው ሊሰርቅ ሊያርድ ሊያጠፋ ነው፡፡ ሰይጣን የአስተሳሰብ አካባቢያችንን በመበከል መንፈሳዊ ጤንነታችንን የሚጎዱ ነገሮችን ሊያስፋፋ ይመጣል፡፡
የሰይጣን የመስረቂያ የማረጃና የማጥፊያ አካባቢዎች አለማመን ፍርሃትና ጥርጣሬ ናቸው፡፡
ስለዚህ ነው መፅሃፍ ቅዱስ አካባቢያችንን በእግዚአብሄር ቃል እንድንሞላና ንፅህናውን ከአለማመን እንድንጠብቅ የሚያስተምረን፡፡ አካባቢያችን በእግዚአብሄር ቃል ስንሞላና የእግዚአብሄርን ቃል ስንሰማ ንፁህ መንፈሳዊ አየርን መተንፈስ እንችላለን፡፡
የእስራኤል ህዝብ እግዚአብሔርን በፍጹም ልብ በፍጹምም ነፍስ በፍጹምም ኃይል ለመውደድ አካባቢያቸውን በእግዚአብሄር ቃል እንዲሞሉና ከብክለት እንዲጠብቁና እንዲያፀዱ ተመክረዋል፡፡
አንተም አምላክህን እግዚአብሔርን በፍጹም ልብህ በፍጹምም ነፍስህ በፍጹምም ኃይልህ ውደድ። እኔም ዛሬ አንተን የማዝዘውን ይህን ቃል በልብህ ያዝ። ለልጆችህም አስተምረው፥ በቤትህም ስትቀመጥ፥ በመንገድም ስትሄድ፥ ስትተኛም፥ ስትነሣም ተጫወተው። በእጅህም ምልክት አድርገህ እሰረው፤ በዓይኖችህም መካከል እንደክታብ ይሁንልህ። በቤትህም መቃኖች በደጃፍህም በሮች ላይ ጻፈው። ዘዳግም 6፡5-9
የእግዚአብሄር ህዝብ መሪ የነበረው ኢያሱ የእግዚአብሄርን ቃል ለመፈፀም እንዲያስችለው ቃሉን በቀንና በሌሊት እንዲያሰላስልና በቃሉ አካባቢ ውስጥ እንዲኖር ታዟል፡፡
የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። እያሱ 1፡8
እግዚአብሄር እንደልቤ ያለው መዝሙረኛው ዳዊት መዝሙሩን የጀመረው አካባቢውን ከክፋት ሃሳብ ብክለት ስለሚጠብቅና በእግዚአብሄር ቃል ከባቢ ውስጥ ስለሚኖረው ሰው ምስጉንነትና የዘወትር ክንውን በመናገር ነው፡፡
ምስጉን ነው በክፉዎች ምክር ያልሄደ፥ በኃጢአተኞችም መንገድ ያልቆመ፥ በዋዘኞችም ወንበር ያልተቀመጠ። ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡1-3
ሃዋሪያው ሰው አለምን የማይመስልበትን ብቸኛው መንገድ የሃሳብን አካባቢ በእግዚአብሄር ቃል በማፅዳትና በመጠበቅ እንደሆነ ያስተምራል፡፡
የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2
መንፈሳዊ ህይወታችንን ከብክለት ለመጠበቅ በአስተሳሰብ አካባቢያችን የሚፈቀድላቸውና የማይፈቀድላቸው ነገሮች ሊኖሩ እንደሚገቡ መፅሃፍ ቅዱስ በአፅንኦት ያስተምራል፡፡
በቀረውስ፥ ወንድሞች ሆይ፥ እውነተኛ የሆነውን ነገር ሁሉ፥ ጭምትነት ያለበትን ነገር ሁሉ፥ ጽድቅ የሆነውን ነገር ሁሉ፥ ንጹሕ የሆነውን ነገር ሁሉ፥ ፍቅር ያለበትን ነገር ሁሉ፥ መልካም ወሬ ያለበትን ነገር ሁሉ፥ በጎነት ቢሆን ምስጋናም ቢሆን፥ እነዚህን አስቡ፤ ፊሊጲስዮስ 4፡8
ስለዚህ ነው ኢየሱስ ደቀመዛሙርቱን ምን እንደምትሰሙ ተጠበቁ ያላቸው፡፡
አላቸውም፦ ምን እንድትሰሙ ተጠበቁ። ማርቆስ 4፡24
ስለዚህ ነው የእግዚአበሄር ቃል በቤታችን በስልኮቻችን በመኪናችን ልንሰማና ልናነብ የሚገባን፡፡ ለዚህ ነው ባገኘነው አጋጣሚ የእግዚአብሄርን ቃል ከባቢ መፍጠር ያለብን፡፡ ለዚህ ነው የእግዚአብሄርን ቃል ባገኘነው አጋጣሚ ሁሉ መጫወት ያለብን፡፡ የእግዚአብሄርን ቃል ለመስማት ለመረዳትና ለመጠበቅ የእግዚአብሄርን ቃል አካባቢ መፍጠርና በከባቢው ውስጥ መኖር አለብን፡፡ ስለዚህ ነው መፅሃፍ ቅዱስ አጥብቀህ አካባቢህን ጠብቅ ያለው፡፡
ልጄ ሆይ፥ ንግግሬን አድምጥ ወደ ቃሌም ጆሮህን አዘንብል። ከዓይንህ አታርቃት፥ በልብህም ውስጥ ጠብቃት። ለሚያገኙአት ሕይወት፥ ለሥጋቸውም ሁሉ ፈውስ ነውና። አጥብቀህ ልብህን ጠብቅ፥ የሕይወት መውጫ ከእርሱ ነውና። ምሳሌ 4፡20 ፣ 22-23
አንተም አምላክህን እግዚአብሔርን በፍጹም ልብህ በፍጹምም ነፍስህ በፍጹምም ኃይልህ ውደድ። እኔም ዛሬ አንተን የማዝዘውን ይህን ቃል በልብህ ያዝ። ለልጆችህም አስተምረው፥ በቤትህም ስትቀመጥ፥ በመንገድም ስትሄድ፥ ስትተኛም፥ ስትነሣም ተጫወተው። በእጅህም ምልክት አድርገህ እሰረው፤ በዓይኖችህም መካከል እንደክታብ ይሁንልህ። በቤትህም መቃኖች በደጃፍህም በሮች ላይ ጻፈው። ዘዳግም 6፡5-9
ይህንን ፅሁፍ ሼር ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes

በዝምታ ያፈራል!

pencil-cob-corn__57522-1469742629-1280-1280መጠበቅ ሁል ጊዜ ለስጋ አይመችም፡፡ ስጋ የሚፈልገው ሁሉ ነገር ወዲያው እንዲሆንለት ነው፡፡ ረጋ ብሎ ጠብቆ የሚሆንን ነገር የሚመርጠው ጥቅሙን የሚረዳ የበሰለ ሰው ብቻ ነው፡፡ ተፈጥሮአዊው ሰው ቢችል ሳይለፋ ሳይሰራ ሳይጠብቅ ሁሉ ነገር እንዲሁ ቢሆንለት ይመርጣል፡፡
እግዚአብሄርን መጠበቅ የእግዚአብሄርን አሰራር በትግስት መጠበቅና የእግዚአብሄርን እርምጃን መታገስ ለስጋዊ ተፈጥሮ አይመችም፡፡ የሰው ህይወት በመሰረታዊ ደረጃ የሚለወጠው የእግዚአብሄር ቃል ነው፡፡ የእግዚአብሄር ቃል ደግሞ ሲሰራ በቅፅበት ላይሰራ ይችላል፡፡ የእግዚአብሄር ቃል በሂደት ጊዜ ወስዶ ነው የሚሰራው፡፡
የእግዚአብሄር ቃል እንደዘር ነው፡፡ ዘር ተዘርቶ ፍሬ እስከሚያፈራ ጊዜ ይወስዳል፡፡ የእግዚአብሄር ቃል ፍሬ ትግስትን ይጠይቃል፡፡
ስለዚህ ነው ይህንን የእግዚአብሄ አሰራር የማይረዱ ሰዎች ሁሉ ነገር በአስቸኳይ እንዲሆንላቸውና ህይወታቸው በትንቢት በአንድ ቀን እንዲለወጥ የሚፈልጉት፡፡ እነዚህ አይነት ሰዎች በህይወታቸው መሰረታዊ ለውጥ ለሚያመጣው ቀስ ብሎ ከሚሰራው ከእግዚአብሄር ቃል ትምህርት ይልቅ ድንገተኛ በረከት ይፈልጋሉ፡፡
ነገር ግን እውነተኛና የእኛ የምንለው ቋሚ የህይወት ለውጥ የሚያመጣው የእግዚአብሄርን ቃል ሰምተን የምናደርገውና ፍሬን የምናፈራበት አሰራር ነው፡፡
የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤ ዕብራውያን 4፡12
አንድ እርግጠኛ መሆን ያለብን ነገር የእግዚአብሄር ቃል በህይወቴ አለ ወይ የሚለውን ጥያቄ መመለስ ነው፡፡ ፍሬ ለማፍራት የእግዚአብሄርን ቃል መስማታችንና መታዘዛችን ወሳኝ ነው፡፡ የእግዚአብሄር ቃል በውስጣችን ከሌለ ምንም የለም ማለት ነው፡፡ የእግዚአብሄር ቃል በውስጣችን ካለ ግን ለውጥንና ፍሬን መምጣቱ እርግጥ ነው፡፡
በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ብዙ ፍሬ ብታፈሩና ደቀ መዛሙርቴ ብትሆኑ በዚህ አባቴ ይከበራል። ዮሃንስ 15፡7-8
የእግዚአብሄርን ቃል ካደረግን በኋላ መፅናት ይጠበቅብናል፡፡ ዘር ተዘርቶ ባንዴ ፍሬ እንደማያፈራ ሁሉ የእግዚአብሄር ቃልን ከሰማንና ከታዘዝን በኋላ እንዲያድግ ለማፍራት ጊዜ ይወስዳል፡፡
የእግዚአብሔርን ፈቃድ አድርጋችሁ የተሰጣችሁን የተስፋ ቃል እንድታገኙ መጽናት ያስፈልጋችኋልና። ዕብራውያን 10፡36
እርሱም አለ፦ በምድር ዘርን እንደሚዘራ ሰው የእግዚአብሔር መንግሥት እንደዚህ ናት ሌሊትና ቀን ይተኛልም ይነሣልም፥ እርሱም እንዴት እንደሚሆን ሳያውቅ ዘሩ ይበቅላል ያድግማል። ምድሪቱም አውቃ በመጀመሪያ ቡቃያ ኋላም ዛላ ኋላም በዛላው ፍጹም ሰብል ታፈራለች። ፍሬ ግን ሲበስል መከር ደርሶአልና ወዲያው ማጭድ ይልካል። ማርቆስ 4፡26-29