Category Archives: warfare

እንደ እንጀራ ይሆኑልናል

seen by men.jpg

ለእስራኤልም ልጆች ማኅበር ሁሉ፦ ዞረን የሰለልናት ምድር እጅግ መልካም ናት። እግዚአብሔርስ ከወደደን ወተትና ማር ወደምታፈስሰው ወደዚች ምድር ያገባናል እርስዋንም ይሰጠናል። ነገር ግን በእግዚአብሔር ላይ አታምፁ፤ እንደ እንጀራ ይሆኑልናልና የምድሪቱን ሰዎች አትፍሩ፤ ጥላቸው ከላያቸው ተገፍፎአል፥ እግዚአብሔርም ከእኛ ጋር ነው፤ አትፍሩአቸው ብለው ተናገሩአቸው። ኦሪት ዘኍልቍ 14፡7-9

የእስራኤል ህዝብ ወደከንአን ሊገቡ ሲሉ ኢያሱ ምድሪቱን እንዲሰልሉ 12 ሰላዮችን ላከ፡፡ ከኢያሱና ከካሌብ በስተቀር ሁሉም ሰላዮች ስለምድሪቱ ክፉን ነገር ለእስራኤል ህዝብ አወሩ፡፡

ስለ ሰለሉአትም ምድር ክፉ ወሬ ለእስራኤል ልጆች እያወሩ፦ እኛ ዞረን የሰለልናት ምድር የሚኖሩባትን ሰዎች የምትበላ ምድር ናት፤ በእርስዋም ዘንድ ያየናቸው ሰዎች ሁሉ ረጃጅም ሰዎች ናቸው። ኦሪት ዘኍልቍ 14፡32

እነዚያ ሰላዮች እንዲያውም እኛ በእነርሱ ፊት እንደ አንበጣ ነን ብለው ራሳቸውን ዝቅ ዝቅ አደረጉ፡፡

በዚያም ከኔፊሊም ወገን የሆኑትን ኔፊሊም፥ የዔናቅን ልጆች፥ አየን፤ እኛም በዓይናችን ግምት እንደ አንበጣዎች ነበርን፥ ደግሞም እኛ በዓይናቸው ዘንድ እንዲሁ ነበርን አሉ። ኦሪት ዘኍልቍ 14፡33

እነዚህ አስሩ ሰላዮች ራሳቸውን እንጂ አብሮዋቸው የሚወጣውን የሰራዊት ጌታ ማየት አልቻሉ፡፡ ሊዋጉ የፈለጉት እንደዳዊት በእግዚአብሄር ስም ሳይሆን በራሳቸው ስም ነው፡፡

ዳዊትም ፍልስጥኤማዊውን አለው፦ አንተ ሰይፍና ጦር ጭሬም ይዘህ ትመጣብኛለህ፤ እኔ ግን ዛሬ በተገዳደርኸው በእስራኤል ጭፍሮች አምላክ ስም በሠራዊት ጌታ በእግዚአብሔር ስም እመጣብሃለሁ። መጽሐፈ ሳሙኤል ቀዳማዊ 17፡45

ዳዊት ሁልጊዜ የሚያስበው ጦርነቱን በየእለቱ የሚዋጋለት እግዚአብሄር ነው፡፡

አንድ ጊዜም እንዲህ ሆነ፡፡ በመጽሃፍ ቅዱስ የኤልሳ ባሪያ አንድ ጊዜ የጠላትን ሰራዊት ብዛት ተመልክቶ ልቡ ተሸበረ፡፡

የእግዚአብሔር ሰው ሎሌ ማለዳ ተነሥቶ በወጣ ጊዜ፥ እነሆ፥ በከተማይቱ ዙሪያ ጭፍራና ፈረሶች ሰረገሎችም ነበሩ። ሎሌውም፦ ጌታዬ ሆይ፥ ወዮ! ምን እናደርጋለን? አለው። መጽሐፈ ነገሥት ካልዕ 6፡15

ሲሸበር ኤልሳም እግዚአብሄር የብላቴናውን አይን እንዲከፍት ፀለየ፡፡

ኤልሳዕም፦ አቤቱ፥ ያይ ዘንድ ዓይኖቹን፥ እባክህ፥ ግለጥ ብሎ ጸለየ። እግዚአብሔርም የብላቴናውን ዓይኖች ገለጠ፥ አየም እነሆም፥ በኤልሳዕ ዙሪያ ያሉት የእሳት ፈረሶችና ሰረገሎች ተራራውን ሞልተውት ነበር። መጽሐፈ ነገሥት ካልዕ 6፡17

እርሱም፦ ከእኛ ጋር ያሉት ከእነርሱ ጋር ካሉት ይበልጣሉና አትፍራ አለው። መጽሐፈ ነገሥት ካልዕ 6፡16

አስሩ ሰላዮች ስለምድሪቱ ክፉ ወሬን አስወሩ፡፡ አስሩ ሰላዮች የጠላታቸውነ በዛት እነጂ የእግዚአብሄርን ትልቅነት አላስተዋሉም፡፡ አስሩ ሰላዮች የጠላታቸውን ሃያልነት እንጂ የእግዚአብሄርን ሃያልነት ረሱ፡፡

ሁለቱ ሰላዮች ግን የጠላታቸውን ብዛት ሳይክዱ የእግዚአብሄርን ታላቅነት ተመለከቱ፡፡

ስለዚህ እንዳውም ጠላት ሲበዛ ድል ይበዛል፡፡ እንደ እንጀራ ይሆኑልናል በማለት እግዚአብሄር ከእነርሱ ጋር ስላለ ምንም እንደማያቅታቸውና እነርሱን ማሸነፍ ለእግዚአብሄር ቀላል እንደሆነ ተናገሩ፡፡

ጠላት ሲገዝፍ ድላችን ይገዝፋል፡፡

ጨለማው በጨለመ መጠን ብርሃናችን ይደምቃል፡፡

ጠላት ሲተልቅ እንጀራው ይተልቃል፡፡

የጠላታችን ግዙፍነት የድላችንን መጠን ያገዝፈዋል፡፡

እኛ የምናሸንፈው ተሸናፊዎችን አይደለም፡፡ እኛ የምናሸንፈው አሸናፊዎችን ነው፡፡ እኛ የምናሸንፈው ብዙዎችን ያሸነፉትን ነው፡፡ እኛ የምናሸንፈው ብዙዎችን ያንበረከኩትን ነው፡፡ የአሸናፊዎች አሸናፊ ለመሆን አሸናፊውን ማሸነፍ ግዴታ ነው፡፡

በዚህ ሁሉ ግን በወደደን በእርሱ ከአሸናፊዎች እንበልጣለን። ወደ ሮሜ ሰዎች 8፡37

ነገር ግን በእግዚአብሔር ላይ አታምፁ፤ እንደ እንጀራ ይሆኑልናልና የምድሪቱን ሰዎች አትፍሩ፤ ጥላቸው ከላያቸው ተገፍፎአል፥ እግዚአብሔርም ከእኛ ጋር ነው፤ አትፍሩአቸው ብለው ተናገሩአቸው። ኦሪት ዘኍልቍ 14፡7-9

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ራዕይ #ምሪት #ድል #አሸናፊ #የእግዚአብሄርአላማ #የእግዚአብሄርምክር #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተግዳሮት #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #አይን #እይታ #አጥርቶ #ራእይ #መሪ

Advertisements

የጦሩ ሜዳ

mind-battlefieldየሰው ጠላት ሰይጣን ነው፡፡ የሰይጣን ብቸኛው አላው የሰውን ህይወት መግደል ማረድና ማጥፋት ነው፡፡ ዮሃንስ 10፡10

ሰይጣን በኢየሱስ የመስቀል ስራ ሙሉ ለሙሉ ተሸንፏል፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ ሰዎች 2፡15

ነገር ግን ሰይጣን አሁንም በቀረው መሳሪያ ተጠቅሞ የጥፋት አላውን ለማስፈፀም ይተጋል፡፡ በኢየሱስ የመስቀል ስራ የተሸነፈውና ስልጣኑን ያጣው ሰይጣን አሁን ያለው ብቸኛ የማጥቂያ መንገድ ማታለል ነው፡፡ ሰይጣን ከእግዚአብሄር ቃል ውጭ የሆነን ሃሳብ ወደ አእምሮዋችን በመላክ ህይወታችንን ለማጥቃት ይሞክራል፡፡ ያንን ሃሳብ ካልተቀበልው ሃሳቡ በእንጭጩ ይቀጫል፡፡ ሃሳቡን ከተቀበልነው ግን በዚያ ሃሳብ ተጠቅሞ ህይወታችንን ያጠቃል፡፡

ስለዚህ እውነተኛውና ዋናው መንፈሳዊ ውጊያ ያለው በአእምሮ ውስጥ ነው፡፡ የሰው ከሰይጣን ጋር ያለው ትንንቅ በአእምሮ ውስጥ ነው፡፡ ሰይጣን የሚተኩሰው የጦር መሳሪያ መድፍ ሳይሆን ክፉ ሃሳብ ነው፡፡ ሰይጣን የሚወረውረው ቦንብ በእግዚአብሄር እውቀት ላይ ከፍ ያለን የሰውን ሃሳብ ነው፡፡

የሰውንም አሳብ በእግዚአብሔርም እውቀት ላይ የሚነሣውን ከፍ ያለውን ነገር ሁሉ እናፈርሳለን ለክርስቶስም ለመታዘዝ አእምሮን ሁሉ እንማርካለን፥ 2ኛ ቆሮንቶስ 10፡5

ጦርነቱ በአእምሮ ውስጥ ነው፡፡ ሰይጣን መማረክ የሚፈልገው ገዢ መሬት አእምሮዋችን ነው፡፡ አእምሮዋችንን ከማረከ ህይወታችንን ማርኳል፡፡

ስለዚህ ነው መፅሃፍ ቅዱስ በአእምሮዋችሁ እንዲታደስ የሚያዘን፡፡ በእግዚአብሄር ቃል ያልታደሰ አእምሮ የሰይጣን መፈንጫ ነው፡፡ በእግዚአብሄር ቃል ያልታደሰ አእምሮ የሰይጣን ህይወታችንን የማጥቂያ ቀዳዳ ነው፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2

ልቡን በትጋት የማይጠብቅ ሰው ቤቱን ከፋፍቶ እንደሚተኛ ሰነፍ ሰው ነው፡፡

አጥብቀህ ልብህን ጠብቅ፥ የሕይወት መውጫ ከእርሱ ነውና። ምሳሌ  ምሳሌ 4፡23

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #የጦርመሳሪያ #ምሽግ #አእምሮ #ሃሳብ #ማታለል #ብርቱ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

%d bloggers like this: