Category Archives: Vision and Leading

ባሪያህ ይሰማልና ተናገር

yes sir.jpg

እግዚአብሔርም መጥቶ ቆመ፥ እንደ ቀድሞውም፦ ሳሙኤል ሳሙኤል ብሎ ጠራው። ሳሙኤልም፦ ባሪያህ ይሰማልና ተናገር አለው። መጽሐፈ ሳሙኤል ቀዳማዊ 3፡10

ብዙ ሰዎች እነርሱ የሚፈልጉትን ለእግዚአብሄር ለመናገር ቅርብ ናቸው፡፡ ለእግዚአብሄር መናገር የሚያስፈልግበት ጊዜ ቢኖረም ነገር ግን ለመስማት መቅረብ ብዙ ጊዜ አትራፊ ያደርገናል፡፡

ብዙ ሰዎች እግዚአብሄር ከእነርሱ በላይ ለእነርሱ የሚያስብ አባት መሆኑን በማወቅ ለመስማት አይቀርቡም፡፡

ወደ እግዚአብሔር ቤት በገባህ ጊዜ እግርህን ጠብቅ፤ ለመስማት መቅረብ ከሰነፎች መሥዋዕት ይበልጣልና፤ እነርሱም ክፉ እንዲያደርጉ አያውቁምና። መጽሐፈ መክብብ 5:1

በእግዚአብሄር ፊት ለመስማት አለመቅረብን የመሰለ ሞኝነት የለም፡፡ በእግዚአብሄር ፊት ለመስማት አለመቅረብን የመሰለ ብክነት የለም፡፡ በእግዚአብሄር ፊት ለመስማት አለመቅረብ ክፋት ነው፡፡

ብዙ ሰዎች እነርሱ ለራሳቸው ካላሰቡ እግዚአብሄር ለእነርሱ እንደማያስብ ስለሚመስላቸው ለመስማት አይቀርቡም፡፡ ብዙ ሰዎች እግዚአብሄርን የሚያዩት ለእነርሱ ሃሳብ እንደሌለውና እነርሱ ሃሳብ ካልሰጡት በስተቀር እንደማያስብ ራእይ እንደጎደለው ሰው ስለሆነ ብዙ ጊዜ ለመስማት ሲቀርቡ አይታዩም፡፡ ብዙ ሰዎች እግዚአብሄርን የሚያዩት በሃሳብ እንደሚረዱትና እንደሚያስታውሱት ሰው ፍጡር ስለሆነ ለመስማት አይቀርቡም፡፡

እግዚአብሄር ለእኛ ያስባል፡፡ ለእኛ በማሰብ እግዚአብሄርን ማንም አይቀድመውም፡፡ እኛ እንኳን እግዚአብሄር ለእኛ እንደሚያስብው ለራሳችን አናስብም፡፡ ከእግዚአብሄር ሃሳቢነት አንፃር እኛ እንኳን ለእራሳችን አናስብም፡፡ ከእግዚአብሄር ፍፁም በጎ አሳቢነት አንፃር እኛ እንኳን ክፉ አሳቢዎች ነን፡፡

እንኪያስ እናንተ ክፉዎች ስትሆኑ ለልጆቻችሁ መልካም ስጦታ መስጠትን ካወቃችሁ፥ በሰማያት ያለው አባታችሁ ለሚለምኑት እንዴት አብልጦ መልካም ነገርን ይሰጣቸው? የማቴዎስ ወንጌል 7፡11

እግዚአብሄር የእኛን የህይወት እቅድ አስቀድሞ አውጥቶ ጨርሷል፡፡ በምድር ላይ የተፈጠርነው እንድንሰራው የታቀደ የህይወት አላማ ስላለን ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ትንቢተ ኤርምያስ 29፡11

ወደእርሱ የምንፀልየው ለእግዚአብሄር ሃሳብ ልንሰጠው አይደለም፡፡ የምንፀልየው የእርሱን ሃሳብ ለመካፈል ነው፡፡ የምንፀልየው ልናማክረው አይደለም፡፡ የምንፀልየው ሊመክረን ነው፡፡ የምንፀልየው ልንነግረው አይደለም፡፡ የምንፀልየው ልንሰማው ነው፡፡

የፀሎት ዋናው ከፍል ባሪያህ ይነግርሃልና ስማ ሳይሆን ባሪያህ ይሰማሃልና ተናገር ነው፡፡

የምንፀልየው እኛ የምንፈልገውን ለመስማት ነው የምንፀልየው ወይስ እርሱ የሚናገረውን ለመስማት ነው?

እርሱ የሚናገረውን ለማድረግ እናምነዋለን ወይስ እኛ የምንናገረውን እንዲያድግ ነው የምናምነው?

ነፍሱን ሊያድን የሚወድ ሁሉ ያጠፋታል፤ ስለ እኔ ግን ነፍሱን የሚያጠፋ ሁሉ ያገኛታል። የማቴዎስ ወንጌል 16፡25

ስለህይወታችን አምነነው እርሱ የሚናገረውን ለማድረግ ተዘጋጅተናል ወይስ እኛ የምንናገረውን እንዲያደግ ብቻ ነው የምንፈልገው?

እግዚአብሄር እኔን ላከኝ የምትፈልገውን አደርጋለሁ የሚል ለመስማት እና ለማድረግ የተዘጋጀን ሰው ይፈልጋል፡፡ ለመስማት እና ለማድረግ የተዘጋጀ ሰው እግዚአብሄርን ሲጣራ ይሰማል፡፡

የጌታንም ድምፅ፦ ማንን እልካለሁ? ማንስ ይሄድልናል? ሲል ሰማሁ። እኔም፦ እነሆኝ፥ እኔን ላከኝ አልሁ። ትንቢተ ኢሳይያስ 6፡8

እግዚአብሔርም መጥቶ ቆመ፥ እንደ ቀድሞውም፦ ሳሙኤል ሳሙኤል ብሎ ጠራው። ሳሙኤልም፦ ባሪያህ ይሰማልና ተናገር አለው። መጽሐፈ ሳሙኤል ቀዳማዊ 3፡10

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ምሪት #ጆሮ #ትህትና #ቃል #ድምፅ #አእምሮ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #መታዝዝ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

Advertisements

የእግዚአብሄር ፈቃድ ይበልጣል

your will 2222.jpg

የፈጠረን እግዚአብሄር ነው፡፡ የሰራን እግዚአብሄር ነው፡፡ ስለእኛ የሚያውቅው እግዚአብሄር ነው፡፡

ከእግዚአብሄር የበለጠ ስለእኛ የሚያውቅ የለም፡፡ ከእግዚአብሄር የበለጠ ራሳችንም ስለራሳችን አናውቅም፡፡

የእግዚአብሄር ፈቃድ ምንም የሚወጣለት ነገር የለም፡፡ የእግዚአብሄር ፈቃድ ፍፁም ነው፡፡ የእግዚአብሄር ፈቃድ ደስ የሚያሰኝ ነው፡፡

የእግዚአብሄር ፈቃድ እውነተኛውን ደስታ እንድናጣጥም ያደርገናል፡፡ የእግዚአብሄር ፈቃድ ከፍታና ዝቅታ ውጣ ውረድ ቢኖርበትም በእግዚአብሄር እይታ ደስታ የሚባለው በፈቃዱ ውስጥ የሚገኘው ደስታ ብቻ ነው፡፡ ከእግዚአብሄር ፈቃድ ውጭ እውነተኛውን ደስታ የቀመሰ ሰው የለም፡፡

ያለ እርሱ ፈቃድ የበላ ደስ ብሎትም ተድላን የቀመሰ ማን ነው? መጽሐፈ መክብብ 1:25

ከእግዚአብሄር ፈቃድ ውጭ ከምናገኘው ተድላ ይልቅ በእግዚአብሄ ፈቃድ የምናገኘው መከራ ይሻላል፡፡

ከግብፅም ብዙ ገንዘብ ይልቅ ስለ ክርስቶስ መነቀፍ እጅግ የሚበልጥ ባለ ጠግነት እንዲሆን አስቦአልና ለጊዜው በኃጢአት ከሚገኝ ደስታ ይልቅ ከእግዚአብሔር ሕዝብ ጋር መከራ መቀበልን መረጠ፤ ብድራቱን ትኵር ብሎ ተመልክቶአልና። ወደ ዕብራውያን 11፡25-26

በእግዚአብሄር ፈቃፍ ውስጥ ያለ ትንሽ ነገር ከፈቃዱ ውጭ ካለ ታላቅ ነገር ይሻላል፡፡

እግዚአብሔርን ከመፍራት ጋር ያለ ጥቂት ነገር ሁከት ካለበት ከብዙ መዝገብ ይሻላል። የጐመን ወጥ በፍቅር መብላት የሰባ ፍሪዳን ጥል ባለበት ዘንድ ከመብላት ይሻላል። መጽሐፈ ምሳሌ 15፡16-17

የእግዚአብሄርን መልካምነት የቀመሱ ሰዎች የእግዚአብሄርን ፈቃድ እንጂ ምንም ቢያጓጓ ሌላን ነገር አይመርጡም፡፡ የእግዚአብሄርን ፈቃድ ጣፋጭነት የቀመሱ ሰዎች በፈቃዱ መኖር ምንም ያህል ዋጋ ቢያስከፍል ፈቃዱን እንጂ ሌላ አይመርጡም፡፡

ኢየሱስ የእኔ ፈቃድ አይሁን የአንተ ፈቃድ ይሁን ያለው ለዚህ ነው፡፡

ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። የሉቃስ ወንጌል 22፡42

ፀሎት

እግዚአብሄር ሆይ ፈቃድህን እፈልጋለሁ፡፡ ለጊዜው ደስ ባይልም ፣ ለጊዜው የሚስብ ባይሆንም ፣ ብዙ ሰዎች የሚመርጡት ባይሆንም ነገር ግን ለእኔ ፈቃድህ ይሻለኛል፡፡ ምንም ዋጋ ቢያስከፍል ፈቃድህ ይሻለኛል፡፡ ምንም ቢያሳምም ፈቃድህን እፈልጋለሁ፡፡ በህይወቴ ሁሉ ፈቃድህ ይሁንልኝ፡፡ በኢየሱስ ስም፡፡ አሜን

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የእግዚአብሄርፈቃድ #ፀሎት #ልመና #እንዲሰማን #ቤተክርስትያን #አማርኛ #የእግዚአብሄርቃል #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መጠየቅ #መንበርከክ #ምስጋና

ከዛሬ ተግዳሮት ባሻገር

your will.jpg

ይብዛም ይነስም ችግሮች ወደህይወታችን በየጊዜው ይመጣሉ፡፡ ችግሮቹ ሲከሰቱ ችግሮችን መፍታት ወሳኝ ነገር ነው፡፡ ችግሮች ሲከሰቱ ችግሮችን ካልፈታናቸው ችግሮቹ የእግዚአብሄርን አላማ ከማድረግ ሊያደናቅፉን ይችላሉ፡፡

ችግሮች ሲመጡ መፍታት መልካም ሆኖ ሆኖ ሳለ ችግሮችን ከመፍታት የተሻለ መንገድ ደግሞ አለ፡፡

በህይወታችን አላማ ያስፈልገናል፡፡ እግዚአብሄር በምድር ላይ እንድንሰራ ያዘጋጀውን ስራ በትክክል ማወቅ አለብን፡፡ እግዚአብሄ በህይወታችን ያስቀመጠውን አላማ በትጋት መከተል አለብን፡፡ እግዚአብሄር በህይወታችን ያስቀመጠው አላማ ላይ በትጋት መስራት ይጠበቅብናል፡፡ እግዚአብሄር በህይወታችን ያስቀመጠውን አላማ ለመፈፀም ስንንቀሳቀስ ከጉዞዋችን ሊያግደን የሚመጣ ችግርን እና ፈተናን ማለፍ ሃላፊታችን ነው፡፡

በክርስቶስ ለማድረግ እንደ ወደደ እንደ አሳቡ፥ የፈቃዱን ምሥጢር አስታውቆናልና፤ በዘመን ፍጻሜ ይደረግ ዘንድ ያለው አሳቡም በሰማይና በምድር ያለውን ሁሉ በክርስቶስ ለመጠቅለል ነው። ወደ ኤፌሶን ሰዎች 1፡9-10

ካልሆነ ግን ችግሮች ይመጣሉ እንፈታዋለን፡፡ የህይወት አላማ ከሌለን ለተወሰነ ጊዜ ደግሞ ተዝናንተን እንኖርና ደግሞ ሌሎች ችግሮች ይመጣሉ፡፡ በዚህ ሁኔታ ችግሮችን እየፈታን ችግሮቹ የሚጠብቁብንን ነገሮች እያደረግን ህይወታችንን እንገፋለን እንጂ እግዚአብሄር በህይወታችን ባለው አላማ እንደሚገባን ወደፊት መሄድ አንችልም፡፡ በየጊዜው የሚመጡትን ችግሮች በመፍታታችን ብቻ ከረካን እግዚአብሄር በህይወታችን ያቀደውን አላማ ከግብ ለማድረስ ይሳነናል፡፡

በየጊዜው መልካቸውን እየለዋወጡ የሚመጡትን ችግሮችን ብቻ እየፈታን የምንኖር ከሆንን ትልቁን የእግዚአብሄርን አላማ ምስል ማየት ያቅተናል፡፡ በየጊዜው የሚመጡትን ችግሮች ብቻ በመፍታት ላይ ከተሰማራን ዋናውን የእግዚአብሄርን አላማ ማየት ይሳነናል፡፡ በየጊዜው የሚመጡትን ችግሮች እየፈታን ከኖርን ሰይጣን የተለያየ የቤት ስራ እየሰጠን ባተሌ ያደርገናል፡፡ በየጊዜው የሚመጡት ችግሮች ላይ ብቻ ካተኮርን ስለነገ ማሰብ ያቅተናል፡፡ በየጊዜው የሚመጡት ችግሮች ላይ ባቻ ካተኮርን እግዚአብሄር በህይወታችን ስላለው ዋናው አላማ ማሰብና ማቀድ ያቅተናል፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ትንቢተ ኤርምያስ 29፡11

በህይወታችን የእግዚአብሄር አላማ ያስፈልገናል፡፡ በህይወታችን ያለውን የእግዚአብሄርን አላማ በትጋት መከተል ይገባናል፡፡ የእግዚአብሄርን አላማ ለመከተል ስንሄድ የሚቋቋመን ነገር ብቻ ነው ችግር ሊሆንብን የሚገባው፡፡ የእግዚአብሄርን አላማ ከመከተል የሚቋቋመን ችግር መፍታት የአላማችን መፈፀም አካል ሰለሆነ እግዚአብሄር በዚህ ይከብራል፡፡

ራእይ ባይኖር ሕዝብ መረን ይሆናል፤ ሕግን የሚጠብቅ ግን የተመሰገነ ነው። መጽሐፈ ምሳሌ 29፡18

የሰይጣን አላማ ህይወታችንን በጥቃቅን ነገር ባተሌ ማድረግና ከአግዚአብሄር አላማ ማደናቀፍ ነው፡፡ በህይወታችን የእግዚአብሄር አላማ በትክክል መረዳት ከሌለንና እግዚአብሄር ለምን የተለየ አላማ እንደፈጠረን ካልተረዳን ሰይጣን የቤት ስራ እየሰጠን ህይወታችንን ከንቱ ያደርጋል፡፡ ወደዚህ ምድር ለምን የተለየ አላማ እንደመጣን ካልተረዳን ችግሮችን በመፍታታችን ብቻ ደስ እያለን ዋናውን የእግዚአብሄርን አላማ ሳናከናውን ጊዜያችን ያልፋል፡፡

ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ። የዮሐንስ ወንጌል 10፡10

ስለዚሀ በተነሳሽነት መንፈስ የእግዚአብሄርን ልዩ አላማ መፈለግ አለብን፡፡ በተነሳኽሽነት መንፈስ ያንን አላማ ለመፈፀም እቀድ ማውጣት አለብን፡፡ በተነሳሽነት መንፈስ ያንን አላማ ለማስፈፀም የህይወት እቅዳችንን በትጋት መከተል አለብን፡፡

የእግዚአብሄርን አላማ በትጋት ስንከተል ችግሮች የሚሆኑት አታልፍም ብለው በፊታችን የሚቆሙ ከአለማችን ሊያደናቅፉ የሚመጡ እንቅፋቶች ብቻ ይሆናሉ፡፡ የእግዚአብሄርን አላማ በመፈፀም ላይ ከተጋን ሰይጣን ሊመራንና በየጊዜው በሚሰጠን የቤት ስራ ላይ ባተሌ ሆነን ዋናውን የህይወታችን አላማ አንዘነጋም፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #አላማ #ተስፋ #ፍፃሜ #ችግር #አማርኛ #ስብከት #መዳን #መፅሃፍቅዱስ #ተሰፋ #ፍፃሜ #የእግዚአብሄርሃሳብ #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

የድንኳንሽን ስፍራ አስፊ፥ መጋረጃዎችሽንም ይዘርጉ፤ አትቈጥቢ፤ አውታሮችሽን አስረዝሚ

seen by men.jpg

አንቺ ያልወለድሽ መካን ሆይ፥ ዘምሪ፤ አንቺ ያላማጥሽ ሆይ፥ እልል በዪ፥ ጩኺም፤ ባል ካላት ይልቅ ፈት የሆነቺቱ ልጆች በዝተዋልና፥ ይላል እግዚአብሔር፡፡ የድንኳንሽን ስፍራ አስፊ፥ መጋረጃዎችሽንም ይዘርጉ፤ አትቈጥቢ፤ አውታሮችሽን አስረዝሚ ካስሞችሽንም አጽኚ። በቀኝና በግራ ትሰፋፊያለሽና፥ ዘርሽም አሕዛብን ይወርሳልና፥ የፈረሱትንም ከተሞች መኖሪያ ያደርጋልና። ትንቢተ ኢሳይያስ 54፡1-3

የእግዚአብሄርን ሃሳብ በሙላት አገልግለን እንዳናልፍ ከሚያደርጉን ነገሮች አንዱ የአእምሮ ውስንነት ነው፡፡ የአእምሮ ውስንነት የስጦታ ጠላት ነው፡፡ የአእምሮ ውስንነት የውጤት እንቅፋት ነው፡፡

ሰው ምንም ነገር ኖሮት አእምሮው ግን ከተወሰነ  ምንም ማድረግ አይችልም ተወሰነ ማለት ነው፡፡ ሰው ምንም ነገር ኖሮት ልቡ ከደከመ አቃተው ደከመ ማለት ነው፡፡ ሰው ምንም በእድሜ ወጣት ቢሆን ልቡ ካረጀ አረጀ ደከመ ማለት ነው፡፡

ኢያሱም ሸመገለ በዕድሜም አረጀ እግዚአብሔርም አለው፦ አንተ ሸመገልህ፥ በዕድሜህም አረጀህ፤ ያልተወረሰች እጅግ ብዙ ምድር ገና ቀርታለች፤ መጽሐፈ ኢያሱ ወልደ ነዌ 13፡1

ሰው ለማሸነፍ የሚያስፈልገው ነገር ሁሉ ኖሮት በልቡ አይችልም ካለ ስለማይሞክር አይችልም፡፡ የእስራኤል ህዝብ እግዚአብሄር ከእነርሱ ጋር ሆኖ አንችልም በማለት ለማሸነፍ ለመውረስ የቀረበላቸውን እድል አበላሹ፡፡

ከእርሱ ጋር የወጡ ሰዎች ግን፦ በኃይል ከእኛ ይበረታሉና በዚህ ሕዝብ ላይ መውጣት አንችልም አሉ። ኦሪት ዘኍልቍ 13፡31

ሰዎች አንችልም የሚሉት በተለያየ ምክኒያት ነው፡፡ ሰዎች ራሳቸውን የሚወስኑበትን ነገር ጥሰው ከዚህ አታልፍም ብሎ የሚወስናቸውን ነገር ሁሉ በማለፍ እችላለሁ ማለት ከቻሉ ይችላሉ፡፡

ካሌብም ሕዝቡን በሙሴ ፊት ዝም አሰኘና፦ ማሸነፍ እንችላለንንና እንውጣ፥ እንውረሰው አለ። ኦሪት ዘኍልቍ 13፡30

እግዚአብሄር ፂዮንን አእምሮዋን እንድታሰፋና ትልቅ ከሆነው ከእግዚአብሄር ትልቅን ነገር እንድትጠብቅ ይናገራታል፡፡ እግዚአብሄር  በነቢዩ አማካኝነት ፂዮን ከወሰናት ነገር አልፋ እንድታይ ያበረታታል፡፡ ፂዮን መጠበቅዋን እንዳታሳንስ እግዚአብሄር ይናገራታል፡፡

የድንኳንሽን ስፍራ አስፊ፥ መጋረጃዎችሽንም ይዘርጉ፤ አትቈጥቢ፤ አውታሮችሽን አስረዝሚ ካስሞችሽንም አጽኚ። በቀኝና በግራ ትሰፋፊያለሽና፥ ዘርሽም አሕዛብን ይወርሳልና፥ የፈረሱትንም ከተሞች መኖሪያ ያደርጋልና። ትንቢተ ኢሳይያስ 54፡2-3

ሰዎች በተለይ ካለፉበት የህይወት ተሞክሮ ተነስተው ይህን ማድረግ አልችልም ፣ ከዚህ ማለፍ አልችልም እነዚህ ማድረግ አልችልም ብለው ራሳቸውን ይወስናሉ፡፡

እግዚአብሄር ደግሞ ሁልጊዜ በምንም ነገር እንዳንወሰን ፣ ለራሳችን የሰጠነውን ድንበር እንድናልፍና ከገደበን ነገር አልፈን ራሳችንን እንድንዘረጋ ያበረታናል፡፡

እርሱም፦ ሄደሽ ከጐረቤቶችሽ ሁሉ ከሜዳ ባዶ ማድጋዎችን ተዋሺ አታሳንሻቸውም አላት። መጽሐፈ ነገሥት ካልዕ 4፡3

ለእግዚአብሄር ታእምር ማድረግ ቀላል ነው፡፡ እግዚአብሄር ጊዜን የሚፈጅበት የእኛን ልብ በማዘጋጀት ነው፡፡ እግዚአብሄር በህይወታችን ታእምራትን ሲያደርግ መጀመሪያ የሚያዘጋጀው እኛን ነው፡፡ እኛ እንድንሰፋ እንድንዘጋጅ እንድንቆፍር እንድናሰፋ ይፈልጋል፡፡ ራሳችን አስፍተን ካልጠበቅን ታአምር ሲመጣ ከታእምራቱ እንደሚገባን መጠቀም ያቅተናል፡፡

እንዲህም አለ፦ እግዚአብሔር እንዲህ ይላል፦ በዚህ ሸለቆ ሁሉ ጕድጓድ ቆፈሩ። እግዚአብሔርም እንዲህ ይላል፦ ነፋስ አታዩም፥ ዝናብም አታዩም፥ ይህ ሸለቆ ግን ውኃ ይሞላል፤ እናንተም ከብቶቻችሁም እንስሶቻችሁም ትጠጣላችሁ። መጽሐፈ ነገሥት ካልዕ 3፡16-17

ዛሬ እግዚአብሄር ወዳየልህ ወደሚቀጥለው የህይወት ደረጃ የወሰነህ ነገር ምንድነው? ይህን ማድረግ እችላለሁ ይህንን ማድረግ ግን አልችልም ብለህ የደመደምከው ነገር ምንድነው? የእግዚአብሄርን ቃል ፈልግ፡፡

እምነት ከመስማት ነው መስማትንም በእግዚአብሄር ቃል ነውና፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ወደ ሮሜ ሰዎች 10፡17

የራስህን ህይወት በእግፍዚአብሄር ቃል እንጂ በልምድህ ወይም በሰዎች አስተያየት አትመዝን፡፡ የእግዚአብሄርን ቃል እንዳለ ተቀበል፡፡ ቃል ለሚያምን ሁሉ ይቻለዋል፡፡

ኢየሱስም፦ ቢቻልህ ትላለህ፤ ለሚያምን ሁሉ ይቻላል አለው። የማርቆስ ወንጌል 9፡23

አንቺ ያልወለድሽ መካን ሆይ፥ ዘምሪ፤ አንቺ ያላማጥሽ ሆይ፥ እልል በዪ፥ ጩኺም፤ ባል ካላት ይልቅ ፈት የሆነቺቱ ልጆች በዝተዋልና፥ ይላል እግዚአብሔር፡፡ የድንኳንሽን ስፍራ አስፊ፥ መጋረጃዎችሽንም ይዘርጉ፤ አትቈጥቢ፤ አውታሮችሽን አስረዝሚ ካስሞችሽንም አጽኚ። በቀኝና በግራ ትሰፋፊያለሽና፥ ዘርሽም አሕዛብን ይወርሳልና፥ የፈረሱትንም ከተሞች መኖሪያ ያደርጋልና። ትንቢተ ኢሳይያስ 54፡1-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #አስፊ #ይዘርጉ #አትቆጥቢ #አስረዝሚ #አፅኚ #ትሰፋፊያለሽ #ይወርሳል #ቤተክርስትያን #አማርኛ #ማየት #መርገጥ #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መቃተት #መንበርከክ #መጠበቅ #ትግስት #መሪ

7ቱ የህይወት ብክነት መንገዶች

seen by men.jpg

ህይወት አንድና ብቸኛ እድል ነው፡፡ በህይወት ትክክለኛውን ነገር በማድረግ ሁልጊዜ የምንመኘውን እግዚአብሄርን ለማክበር ህይወታችን በአግባቡ እንጠቀምበታለን፡፡ በህይወት ደግሞ ትክክለፃውን ነገር ባለማድረግ ወይም የተሰሳተን ነገር በማድረግ ህዝቤ እውቀት ከማጣት የተነሳ ጠፍቷል እንደሚል በህይወት እንጠፋለን፡፡ ህይወትን ማባከን በፅንሰ ሃሳብ ደረጃ ያለ ነገር ብቻ ሳይሆን በህይወት የሚሆንና የሚከሰት እውነታ ነው፡፡

ማንም በእርሱ ላይ ያነጸው ሥራ ቢጸናለት ደመወዙን ይቀበላል፤ የማንም ሥራ የተቃጠለበት ቢሆን ይጎዳበታል፥ እርሱ ራሱ ግን ይድናል ነገር ግን በእሳት እንደሚድን ይሆናል። 1ኛ ወደ ቆሮንቶስ ሰዎች 3፡14-15

  1. ስንፍና

ስንፍና እግዚአብሄር በህይወታችን ያስቀመጠውን መልካምነት በትክክል እንዳናገለግልበት የሚያግድ እንቅፋት ነው፡፡ ሰው ምንም ያህል ስጦታ ቢኖረው ሰነፍ ከሆነ እምቅ ጉልበቱን ይገድለዋል፡፡ ትልቅ ስጦታ ኖሮት በስንፍና ህይወቱን ከሚያባክን ሰው ይልቅ ያነሰ ስጦታ ኖሮህ ትጉህ ሰው ይሻላል፡፡ ጉልበት ካልሰራህበት ይባክናል እንጂ ጉልበት አይቆጠብም፡፡

አንተ በምትሄድበት በሲኦል ሥራና አሳብ እውቀትና ጥበብ አይገኙምና እጅህ ለማድረግ የምታገኘውን ሁሉ እንደ ኃይልህ አድርግ። መጽሐፈ መክብብ 9፡10

ለሰው ሳይሆን ለጌታ እንደምታደርጉ፥ የምታደርጉትን ሁሉ በትጋት አድርጉት፥ ወደ ቆላስይስ ሰዎች 3፡23

  1. በሰው ጉዳይ ጣልቃ መግባት

እግዚአብሄር መጀመሪያ እንድንከነባከበው የሰጠን የራሳችን ጉዳይ አለ፡፡ ቅድሚያ ሰጥቼ የምንከባከበው የራሴ ሃላፊነት አለ ማለት የማይችል ስው ተሳስቷል፡፡ የራሳችንን ጉዳይ ጥለን በሰው ጉዳይ ላይ ጣልቃ ከገባን ህይወታችን እናባክነዋለን፡፡ ሰው በአንድ ጊዜ ሁለት ነገር መስራት ስለማይችል በሰው ጉዳይ ጣልቃ መግባት ጣልቃ የምንገባበትን ሰው ህይወት እንረብሻለን እንዲሁም ለራሳችን የተሰጠንን ሃላፊነት መስራት ያቅተናል፡፡

ሥራ ከቶ ሳይሠሩ፥ በሰው ነገር እየገቡ፥ ያለ ሥርዓት ከእናንተ ዘንድ ስለሚሄዱ ስለ አንዳንዶች ሰምተናልና። 2ኛ ወደ ተሰሎንቄ ሰዎች 3፡11

በሰው ጉዳይ ጣልቃ የሚገባ ሰው ካያችሁ ራእዩን ያልተረዳ ሰው እንደሆነ ታስተውላችሁ፡፡ ራእይ ያለው ሰው በዘመኑ የእግዚአብሄርን ሃሳብ ለማገልገል ከጊዜ ጋር ይሮጣል እንጂ ጊዜ ተርፎት በሌላው ሰው ጉዳይ ጣልቃ የሚገባበት ትርፍ ጉልበትና ጊዜ የለውም፡፡

ከዚህም ጋር ቤት ለቤት እየዞሩ ሥራን መፍታት ደግሞ ይማራሉ፥ የማይገባውንም እየተናገሩ ለፍላፊዎችና በነገር ገቢዎች ይሆናሉ እንጂ፥ ሥራ ፈቶች ብቻ አይደሉም። 1ኛ ወደ ጢሞቴዎስ 5፡13

  1. ያልተጠራንበትን ስራ ወይም አገልግሎት ማድረግ

ወደዚህ ምድር በአጋጣሚ የመጣ ማንም ሰው የለም፡፡ እግዚአብሄር ወደዚህች ምድር ሲልከን ለምድር ህዝብ መባረክና ጥቅም የምናደርገው አስተዋፅኦ ስላለ ነው፡፡ እግዚአብሄር ወደዚህ ምድር እንድንወለድ ሲያደርግ የምድር ህዝብን የምናገለግልበትን ፀጋና ሃይል አስታጥቆ ነው፡፡

  1. እግዚአብሄር በስራም ሆነ በአገልግሎት ለምንድነው የጠራኝ ብሎ እግዚአብሄርን በትጋት የማይፈልግ ሰው ያገኘውን ነገር የሚያደርግና እንዳመጣለት የሚኖር ሰው ህይወቱን ያባክናል፡፡

እኛ ፍጥረቱ ነንና፤ እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን። ወደ ኤፌሶን ሰዎች 2፡10

  1. ሰውን ሁሉ ለማስደሰት መሞከር

አግዚአብሄር ምን እንደምንሰራና እንዴት እንደምንሰራ ካሳየን ያንን ይዘን በስራና በአገልግሎት መትጋት በጣም ወሳኝ ነገር ነው፡፡ የሰው ፍላጎት ብዙ ነው፡፡ እያንዳንዱ ሰው አስተያየት አለው፡፡ ያንን ሁሉ አስተያየት ለማድረግ መሞከር የህይወት ብክነት ነው፡፡ ሰው እንኳን በእኛ መሪነት ይቅርና በፍፁሙ በእግዚአብሄር መሪነት ደስተኛ ላይሆን ይችላል፡፡ እግዚአብሄር ይህችን ነገር እንዲህ ቢያደርጋት ኖሮ ብሎ አንዳነድ ጊዜ እግዚአብሄርን እንኳን ሊያርም የሚፈልግ ሰው አለ፡፡ ህይወታችንን መንገዳችንን በየጊዜው በእግዚአብሄር ቃል እየመረመርን በተረዳንበት ደረጃ መኖር እንጂ ሰውን ማስደሰት የማይቻለ ነገር ለመስራት እንደሞከር ነው፡፡

ሰውን ወይስ እግዚአብሔርን አሁን እሺ አሰኛለሁን? ወይም ሰውን ደስ ላሰኝ እፈልጋለሁን? አሁን ሰውን ደስ ባሰኝ የክርስቶስ ባሪያ ባልሆንሁም። ወደ ገላትያ ሰዎች 1፡10

  1. ስለሌላው ሰው ውሳኔ ሃላፊነት መውሰድ

እያንዳንዱ ሰው ከነጻ ፈቃድ ጋር በእግዚአብሄር ተፈጥሮአል፡፡ እግዚአብሄር ሰውን እንደሬዲዮና ቴሌቪዠን ሲከፍቱት የሚከፈት ሲዘጉት የሚዘጋ ፈቃድ የሌለው አድርጎ አልፈጠረውም፡፡ እግዚአብሄር እያንዳንዱን ሰው ከነፃ ፈቃድ ጋር ፈጥሮታል፡፡ ስለዚህ ሃላፊነት መውሰድ የምንችለው ስለራሳችን ህይወትና ውሳኔ እንጂ ስለሌላው ሰው ውሳኔ አይደለም፡፡ ሰው ትክክለኛ ውሳኔ እንዲወስን እንመክራለን እናስተምራለን እንጂ ሰው ትክክለኛ ውሳኔ እንዲወስን አናስገድድም፡፡ ስለሰው ውሳኔ ሃላፊነት መውሰድ አንችልም፡፡ ስለሌላው ሰው ውሳኔ ሃላፊነት መውሰድ የሚፈልግ ሰው ህይወቱን ያባክነዋል፡፡

  1. ስለነገ መጨነቅ

እያንዳንዱ ቀን የራሱ ጭንቀትና የራሱ መፍትሄ እያለው ነገ ላይ ሳይደርሱ ዛሬ ላይ ሆኖ ስለነገ መጨነቅ የዛሬን ህይወትን ማባከን ነው፡፡ ትንሽ ብንጠብቅ ነገ ከጭንቀቱና ከመፍትሄው ጋር ይመጣል፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ነገ ለራሱ ይጨነቃልና ለነገ አትጨነቁ፤ ለቀኑ ክፋቱ ይበቃዋል። የማቴዎስ ወንጌል 6፡31-34

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #ጭንቀት #ፉክክር #ምስጋና #ስንፍና #ጣልቃመግባት #ሃላፊነትመውሰድ ##ሁልጊዜ #ልብ #ለበጎስራሁሉ #ፀጋንሁሉ #እምነት #ፀሎት #ማማጠን #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ

በህይወቴ የምጠላው

pride.jpg

በህይወቴ የምፈራው ሞትን አይደለም፡፡ ሞት የተሸነፈ ጠላት ነው፡፡ ሞት የሚያስፈራው የጌታ ኢየሱስን አዳኝነት ላልተቀበለ ሰው ለዘላለም ከእግዚአብሄር መለያያ መንገድ ስለሆነ ያስፈራል፡፡ ሞት የሚያስፈራው ከሞት ፍርሃት ነፃ ላልወጣ ላልዳነ ሰው ነው፡፡

እንግዲህ ልጆቹ በሥጋና በደም ስለሚካፈሉ፥ እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ፥ በሥጋና በደም እንዲሁ ተካፈለ። ወደ ዕብራውያን 2፡14-15

የስጋ ሞት ከምድራዊ ህይወት ወደ መንፈሳዊ ህይወት የምንሸጋገርበት መተላለፊያ በር ነው፡፡ በእውነት ካሰብነው እግዚአብሄር በሰማይ ያዘጋጀልንን ክብር ካየነው መሞት ያስደስታል እንጂ አያስፈራም፡፡ መሞት እንዲያውም እረፍትና ጥቅም ነው፡፡ በምድር የምንኖረው የእግዚአብሄርን መንግስት ለመስራት እንጂ ለእግዚአብሄር ስራ ባይሆን ኖሮ መሞት እረፍት ነው፡፡

ለእኔ ሕይወት ክርስቶስ፥ ሞትም ጥቅም ነውና። ነገር ግን በስጋ መኖር ለእኔ የሥራ ፍሬ ቢሆን፥ ምን እንድመርጥ ኣላስታውቅም። በእነዚህም በሁለቱ እጨነቃለሁ፤ ልሄድ ከክርስቶስም ጋር ልኖር እናፍቃለሁ፥ ከሁሉ ይልቅ እጅግ የሚሻል ነውና፤ ወደ ፊልጵስዩስ ሰዎች 1፡21-23

በህይወቴ የምፈራው ማጣትን አይደለም፡፡

ማጣት እንደማይገድል አይቸዋለሁ፡፡ ማጣት ሊፈራ የሚገባ እንዳይደለ አይቼዋለሁ፡፡ ማጣት ማንንም መንከስ እንደማይችል እንደታሰረ ውሻ ባዶ ጩኸት መሆኑን በህይወቴ አይቼዋለሁ፡፡ ማጣት የእግዚአብሄርን ፈቃድ መፈፀም እንደማያግድ አይቼቸዋለሁ፡፡ ዋናው ነገር ማጣት ወይም ማግኘትን ሳይሆን ሁሉንም የሚያስችለን ክርስቶስ በእኛ ውስጥ መሆኑ ነው፡፡ ክርስቶስ ካለ ተጨማሪ ነገር አያስፈልገንም፡፡ ክርስቶስ ካለ ማጣት አያቆመንም፡፡ የሚያስችለን ማግኘት ሳይሆን ክርስቶስ ነው፡፡ በክርስቶስ ሁሉን እንችላለን፡፡

ይህን ስል ስለ ጉድለት አልልም፤ የምኖርበት ኑሮ ይበቃኛል ማለትን ተምሬአለሁና። መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ወደ ፊልጵስዩስ ሰዎች 4፡11-13

በህይወቴ የምፈራው ድካምን አይደለም፡፡

ስንደክም ስንዋረድ በድካምና በመዋረድ ውስጥ ክብር አለ፡፡ በራሳችን ስንደክም ያን ጊዜ በክርስቶስ ሃይል ሃይለኛ ነኝ፡፡ የእግዚአብሄር ጉልበት በድካሜ ስለሚታይበት በድካሜ ደስ ይለኛል፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ወደ ቆሮንቶስ ሰዎች 12፡9-10

በህይወቴ የምፈራው ሃዘንን አይደለም

ሃዘንተኛን በማፅናናት የተካነ የመፅናናት አምላክ እግዚአብሄር አባቴ ነው፡፡ አእምሮን ሁሉ የሚያልፍ ሰላም የሚሰጥ እገዚአብሄ አብሮን ነው፡፡

የርኅራኄ አባት የመጽናናትም ሁሉ አምላክ የሆነ የጌታችን የኢየሱስ ክርስቶስ አምላክና አባት ይባረክ። 2ኛ ወደ ቆሮንቶስ ሰዎች 1፡3

በህይወቴ የምፈራው መከራን አይደለም

ፈተና እኛን አሻሽሎን አበርትቶን ከፊት ይልቅ አሳድጎን ነው የሚያልፈው፡፡ ከምንችለው በላይ እንድንፈትን የማይፈቅድ ታማኝ እግዚአብሄር ስላለ መከራን አያስፈራንም፡፡ መከራ የሚያገኘው በእኛ ላይ ያለን የማያስፈልግ ስጋዊነትነ ብቻ ነው፡፡ መከራ የሚያራግፈው ክርስቶስን የማይመስለውን የስጋ ምኞታችንን ብቻ ነው፡፡ ስጋዊነትን በሰዎች ህይወት ስናይ እንደሚቀፈን ሁሉ ለእግዚአብሄር የማይመቸው በመከራ የሚራገፈውን ስጋዊነትን ስናይ እግዚአብሄር ይመስገን ልንል ይገባል፡፡

ሰላም ለእናንተ ይሁን። ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ትዕግሥትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም። የያዕቆብ መልእክት 1፡2-4

መውጫውን ያዘጋጀው እግዚአብሄር ከእኛ ጋር ስላለ ፈተና አያስፈራም፡፡

ለሰው ሁሉ ከሚሆነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል። 1ኛ ወደ ቆሮንቶስ ሰዎች 10፡13

የሚያስፈራው የእግዚአብሄርን ሃሳብ መጣስ ነው፡፡ የሚያስፈራው የምድር ህይወታችንን ለጊዜያዊ ለግል ጥቅማችን ማሳለፍ ነው፡፡ የሚያስፈራው ዋጋቸውን በምድር ተቀብለዋል መባል ነው፡፡ የሚያስፈራው በህይወታችን ዘመን ሁሉ እግዚአብሄር ያላለንን ነገር ሲያደርጉ በመኖር ህይወትን ማባከን ነው፡፡ የሚያስፈራው እግዚአብሄር ያዘዘንን ትተን እግዚአብሄር ያላዘዘንን ነገር ማድረግ ነው፡፡ የሚያስፈራው እግዚአብሄር ያልጠራንን ነገር በማድረግ አንዱን ህይወታችንን ማባከን ነው፡፡ የሞያስፈራው እግዚአብሄር ሳያዘን አንድ እርምጃን መራመድ ነው፡፡

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ልብ #መዳን #እምነት #ማስተዋል #አላማ #ግብ #የምፈራው #የምጠላው #ማጣት #ሃዘን #ፈተና #ሞት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #ማሰብ #መሪ

ብዙ ዘራችሁ፥ ጥቂትም አገባችሁ፤ በላችሁ፥ ነገር ግን አልጠገባችሁም፤ ጠጣችሁ፥ ነገር ግን አልረካችሁም፤ ለበሳችሁ፥ ነገር ግን አልሞቃችሁም

conscious.jpg

አሁንም የሠራዊት ጌታ እግዚአብሔር እንዲህ ይላል፦ ልባችሁን በመንገዳችሁ ላይ አድርጉ። ብዙ ዘራችሁ፥ ጥቂትም አገባችሁ፤ በላችሁ፥ ነገር ግን አልጠገባችሁም፤ ጠጣችሁ፥ ነገር ግን አልረካችሁም፤ ለበሳችሁ፥ ነገር ግን አልሞቃችሁም፤ ደመወዙን የተቀበለ ሰው በቀዳዳ ከረጢት ያደርገው ዘንድ ደመወዙን ተቀበለ። የሠራዊት ጌታ እግዚአብሔር እንዲህ ይላል፦ ልባችሁን በመንገዳችሁ ላይ አድርጉ። ትንቢተ ሐጌ 1፡5-7

በህይወት የምንሰራቸው ነገሮች ውጤት አምጥተዋል ማለት ትክክል ነን ማለት አይደለም፡፡ እግዚአብሄር በሰው ውስጥ ያስቀመጠው እምቅ ጉልበት አለ፡፡ ያንን እምቅ ጉልበት ከተጠቀመ ሰው ውጤታማ ይሆናል፡፡ ሰው የሚፈልገውን ነገር አገኘ ማለት ግን በእግዚአብሄር ዘንድ ስኬታማ ነው ማለት አይደለም፡፡ ሰው የሚፈልገውን ነገር አገኘ ማለት በእግዚአብሄር አይን ውጤታማ ነው ማለት ግን አይደለም፡፡

አንዳንድ እግዚአብሄርን ሳንሰማ በራሳችን አነሳሽነት የምናደርጋቸው ነገሮች ብክነታቸው ይበዛል፡፡ አንዳንድ እግዚአብሄርን ሳንጠብቅ የምናደርጋቸው ነገሮች በህይወት ለብዙ አዳ ያጋልጡናል፡፡

እውነት ነው ምንም ብንሰራ ጥቅም እናገኛል፡፡ ነገር ግን እግዚአብሄርን ሳንጠብቅ የምናደርጋቸው ነገሮች ከጥቅማቸው ጉዳታቸው ያመዝናል፡፡ እግዚአብሄርን ሳንሰማ በራሳችን አነሳሽነት የምናደርጋቸው ነገሮችን እግዚአብሄር ሃላፊነትን አይወስድም፡፡

ብዙ ዘራችሁ፥ ጥቂትም አገባችሁ፤ በላችሁ፥ ነገር ግን አልጠገባችሁም፤ ጠጣችሁ፥ ነገር ግን አልረካችሁም፤ ለበሳችሁ፥ ነገር ግን አልሞቃችሁም፤ ደመወዙን የተቀበለ ሰው በቀዳዳ ከረጢት ያደርገው ዘንድ ደመወዙን ተቀበለ። ትንቢተ ሐጌ 1፡6

ስለዚህ ነው በፍቅር የማይደረግ ነገር ምንም እንደማይጠቅም መፅሃፍ ቅዱስ የሚያስተምረው፡፡

ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ወደ ቆሮንቶስ ሰዎች 13፡2-3

በእግዚአብሄር ሃሳብ የማይሰበሰብ ሰው ምንም ቢሰበስብ እንደማይጠቀም መፅሃፍ ቅዱስ የሚያስተምረው፡፡

ብዙ የሰበሰበ አላተረፈም እንዲህ ተብሎ እንደ ተጻፈ፦ ብዙ ያከማቸ አላተረፈም፥ ጥቂትም ያከማቸ አላጎደለም። 2ኛ ወደ ቆሮንቶስ ሰዎች 8፡15

ሰው በከንቱ ይጓጓል እንጂ ያለ እግዚአብሄር ፈቃድ የበላ ደስ ብሎትም ተድላን የቀመሰ ማንም የለም፡፡ እግዚአብሄርን ሳንሰማ የምናደርገው ነገር ወጭውና ገቢው አይመጣጠንም፡፡ የእግዚአብሄርን ፈቃድ ሳንከተል የምናደርገው ነገር ወጭው ብዙ ገቢው ግን ጥቂት ይሆናል፡፡ እግዚአብሄርን ሳንሰማ የማደርገው በነገር ቁሳቁስ ሊያስገኝልን ይችላል እርካታ ፣ ሰላምና ደስታ ግን አይሰጠንም፡፡ እግዚአብሄርን ሳንታዘዝ የምናደርገው ነገር በሰው ዘንድ ሊያስመሰግነን ይችላል እግዚአብሄርን ግን አናታልለውም፡፡

ያለ እርሱ ፈቃድ የበላ ደስ ብሎትም ተድላን የቀመሰ ማነው? መጽሐፈ መክብብ 2፡25

እግዚአብሄር የሰራውን አብረህ ስትሰራ ብቻ ነው ትርፋማ የምትሆነው፡፡ ነገር ግን እግዚአብሄር ካልሰራ ሰራተኛ በከንቱ ይደክማል፡፡ እግዚአብሄር የጠበቀውን አብረህ ስትጠብቅ ነው ፍሬያማ የምትሆነው ካለበለዚያ ግን መትጋትህ አይቀርም ግን በከንቱ ትተጋለህ፡፡

እግዚአብሔር ቤትን ካልሠራ፥ ሠራተኞች በከንቱ ይደክማሉ፤ እግዚአብሔር ከተማን ካልጠበቀ፥ ጠባቂ በከንቱ ይተጋል። በማለዳ መገሥገሣችሁም ከንቱ ነው። ለወዳጆቹ እንቅልፍን በሰጠ ጊዜ፥ እናንተ የመከራን እንጀራ የምትበሉ፥ ከተቀመጣችሁበት ተነሡ። መዝሙረ ዳዊት 127፡1-2

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ልብ #መዳን #እምነት #ማስተዋል #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #ማሰብ #መሪ

ሲሆን ህልም ተራ

conscious

ሲሆን ህልም ተራ

አንዳንድ ሰው ሲናገር ስትሰሙት ህልሙ ተራ እንደሆነ በግልፅ ያስታውቃል፡፡ አንዳንድ ሰው ሲናገር ስትሰሙት እይታው ቅርብ እንደሆነ ቃላቶቹና በህይወቱ ዋጋ የሚሰጣቸው ነገሮች ያሳብቁበታል፡፡

ኢየሱስ ወደምድር ሲመጣ በጨለማ የነበርነውን እኛን ማየት የማንችለው የነበርነውን እኛን ብርሃን ሰጠን፡፡ ኢየሱስ ህይወታችንን ለመለወጥ በምድር ላይ ካደረጋቸው ነገሮች አንዱ እይታችን ከምድር አንስቶ ሰማይ ላይ እንዲሆን ማድረግ ነበር፡፡

ብልና ዝገት በሚያጠፉት ሌቦችም ቆፍረው በሚሠርቁት ዘንድ ለእናንተ በምድር ላይ መዝገብ አትሰብስቡ፤ ነገር ግን ብልም ዝገትም በማያጠፉት ሌቦችም ቆፍረው በማይሠርቁት ዘንድ ለእናንተ በሰማይ መዝገብ ሰብስቡ፤ የማቴዎስ ወንጌል 6፡19-20

ሰው የኢየሱስን ትመህርት ሰምቶ ምኞቱ ፣ ፍላጎቱና ህልሙ ካልተቀየረ የኢየሱስ ትምህርት አልገባውም ማለት ነው፡፡ ሰው ኢየሱስን አይቶ እይታው ካልተስተካከለ እምነትን አልተረዳም ማለት ነው፡፡

እነዚህ ነገሮች የሌሉት ዕውር ነውና፥ በቅርብም ያለውን ብቻ ያያል፥ የቀደመውንም ኃጢአቱን መንጻት ረስቶአል። 2ኛ የጴጥሮስ መልእክት 1፡9

መፅሃፍ ቅዱስ እይታችንን ከማስተካከል አንፃር ያስተማረውን ጥቂት ነገሮች እንመልከት፡፡

መፅሃፍ ቅዱስ እንብላ እንጠጣ ነገ እንሞታለን ከሚል አጭር እይታ እንድንድን ያስተምራል፡፡

ክርስቶስን ሳንረዳ ተስፋ አልበነረንም፡፡ ተስፋችን ዛሬን መደሰት አለማችንን መቅጨት ነበር፡፡ በአለም ያለ ሰው የሚያየው ዛሬን ብቻ  ነው፡፡ በአለም ያለ ሰው ነገሮችን የሚመዝነው በዛሬ ጥቅሙ ነው፡፡ በአለም ያለ ሰው ነገሮችን የሚያየው ለዛሬ በሚያገኘው ጥቅም ብቻ ነው፡፡

በአለም ያለ ሰው ምድርን እንደ ጊዜያዊ ስፍራ ማየት አይችልም፡፡ በአለም ያለ ሰው ምድርን እንደመተላለፊያ ማየት አይችልም፡፡ በአለም ያለ ሰው ምድርን እንደጊዜያዊ ድንኳን ማየት አይችልም፡፡ አለማዊ ሰው ያለው ይህ ህይወት ብቻ ነው፡፡ አለማዊ ሰው እኔ የሚጠይቀው ከዚህ ነገር ምን አገኛለሁ የሚለውን ጥያቄ ነው፡፡ አለማዊ ሰው ከራሱ በስቲያ የሚያየው ጌታ ስለሌለ ያለውን ህይወት እንደፈለገ ያደርገዋል፡፡ አለማዊ ሰው ጌታ ኢየሱስ ጌታው ስላይደለ የራሱ ጌታ ራሱ ነው፡፡

በአለም ያለ ሰው በዘላለም ህይወት አእምሮ መኖር አይችልም፡፡  በአለም ያለ ሰው ነገሮችን በዘላለም ህይወት ሚዛን መመዘን አይችልም፡፡ በአለም ያለ ሰው ነገሮችን በዘላለም ህይወት እይታ ማየት አይችልም፡፡ በአለም ያለ ሰው አንድ ቀን በእግዚአብሄር ፊት እንደሚጠየቅ ሰው በሃላፊነት ስሜት ሊኖር አይችልም፡፡

አእምሮው ያልታደሰም ሰው እንዲሁ ዳግም ይወለድ እንጂ ነገሮችን የሚያየው አለማዊ ነገሮችን እንደሚያየው ነው፡፡ አእምሮው ያልታደሰ ሰው ምድርን እንደጊዜያዊ መተላፊያ መንገድ ሊያይ አይችልም፡፡ አእምሮው በእግዚአብሄር ቃል ያልታደሰ ሰው በዘላማዊ ህይወት እይታ ነገሮችን ሊመዝን አችልም፡፡ አእምሮው ያልታደሰ ሰው ከሞት ተነስቶ በእግዚአብሄር ፊት እንደሚጠየቅ በሃላፊነት ስሜት እግዚአብሄርን በመፍራት ሊኖር አይችልም፡፡

እንደ ሰው በኤፌሶን ከአውሬ ጋር ከታገልሁ፥ ሙታንስ የማይነሡ ከሆነ፥ ምን ይጠቅመኛል? ነገ እንሞታለንና እንብላና እንጠጣ። 1ኛ ወደ ቆሮንቶስ ሰዎች 15፡32

አእምሮው ያልታደሰ ሰው የሚያስበውና የሚያልመው ከማንኛውም ነገር ውስጥ ምን ጥቅም እንደሚያገኝ ነው፡፡ አእምሮው ያልታደሰ ሰው የሚያስበው በእግዚአብሄር መንግስር ላይ ምን እንደሚዘራ ምን ኢንቨስት አንደሚያደርግ አያስብም፡፡ አእምሮው ያልተለወጠ ሰው የሚያስበው እርሱ ስለሚበዛለት ጥቅማጥቅም እንጂ የእግዚአብሄር ህዝብ ስለሚያገኘው በረከት መለወጥና መሻገር አይደለም፡፡ አእምሮው በእግዚአብሄር ቃል ያልታደሰ ሰው ካለው የምስኪንነት አስተሳሰብ የተነሳ ከምንም ነገር ውስጥ ምን እንደሚያገኝ ነው፡፡ አእምሮው በእግዚአብሄር ቃል ያልታደሰ ሰው ምን እንደሚሰጥ ፣ ምን እንደሚባርክና ምንን እንደሚጠቅም አያስበውም፡፡ አእምሮው ላልታደሰ ሰው አምላክ ሆድ እንጂ እግዚአብሄር አይደለም፡፡ አእምሮው በእግዚአብሄር ቃል ያልተለወጠ ሰው አሳቡ ምድራዊ ነው፡፡

መጨረሻቸው ጥፋት ነው፥ ሆዳቸው አምላካቸው ነው፥ ክብራቸው በነውራቸው ነው፥ አሳባቸው ምድራዊ ነው። እኛ አገራችን በሰማይ ነውና፥ ከዚያም ደግሞ የሚመጣ መድኃኒትን እርሱንም ጌታን ኢየሱስ ክርስቶስን እንጠባበቃለን፤ ወደ ፊልጵስዩስ ሰዎች 3፡19-20

አእምሮው ያልታደሰ ሰው የእግዚአብሄርን መንግስትር እና የእግዚአብሄርን ቤተክርስትያን የሚያየው እንደ ቤተሰብ ሳይሆን እንደመጠቀሚያ መንገድ ነው፡፡

መፅሃፍ ቅዱስ በላይ ያለውን እንጂ በምድር ያለውን እንዳንፈልግ ያስተምረናል፡፡

እይታችን ከሙታን እንደተነሱ ሰዎች በምድር ላይ ከቀረ በክርስትና ህይወታችን ውጤታማ አንሆንም፡፡ እይታችን በሰማያዊ ስፍራ እንደተቀመጡ ሰዎች ካልሆነ ህይወታችን ከማያምኑት የማይሻል ይሆናል፡፡ እይታችን በሰማያዊው ስፍራ በመንፈሳዊው በረከት ሁሉ እንደተባረከ ሰው ካልሆነ እግዚአብሄር በልቡና በነፍሱ እንዳለ ፈቃዱን በምድር ፈጽፅመን ማለፍ እንችልም፡፡

እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ወደ ቆላስይስ ሰዎች 3፡1-2

መፅሃፍ ቅዱስ እንደ አህዛብ የሚበላና የሚጠጣ በመፈልግ ህይወታችንን እንዳናባክን ያስተምረናል፡፡

እኛ የእግዚአብሄር ልጆች ነን፡፡ እኛ በራሳችን አይደለንም፡፡ እኛ አምላክ አለን፡፡ እኛ የሚያስፈልገንን ነገር የሚያቀርብልን አባት አለን፡፡ የእኛ አላማ አባታችን ከእኛ የሚፈልገውን ነገር በማድረግ እርሱን ማስደሰት እንጂ ይጨመርላችኋል ያለውን የሚበላና የሚጠጣ በመፈለግ አይደለም፡፡ እይታችን ከአህዛብ ካልበለጠ ለእግዚአብሄር ጠቃሚ ልንሆን አንችልም፡፡ እይታችን የሚበላና ከሚጠጣ መፈለግ አልፎ የእግዚአብሄርን መንግስትና ፅድቁን በመፈለግ ላይ ካልሆነ በክርስትና ህይወታችን እንከስራለን፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። የማቴዎስ ወንጌል 6፡31-33

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እይታ #ተስፋ #መፀለይ #መንፈስ #በረከት #መዝገብ #ሰማይ #እንግዶች #ዘላለም #ቤተክርስትያን #አማርኛ #ስብከት #መዳን #እምነት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እይታ #ምድራዊ #ሰማያዊት #ማየት #ቅርብ

የሰው ልጅስ እንደ ተወሰነው ይሄዳል

The-Walk-to-the-cross-1600x768.jpgየሰው ልጅስ ስለ እርሱ እንደ ተጻፈ ይሄዳል፤ ነገር ግን የሰው ልጅ አልፎ ለሚሰጥበት ለዚያ ሰው ወዮለት፤ ያ ሰው ባልተወለደ ይሻለው ነበር አላቸው። የማርቆስ ወንጌል 14፡21

የሰው ልጅስ እንደ ተወሰነው ይሄዳል፥ ነገር ግን አልፎ ለሚሰጥበት ለዚያ ሰው ወዮለት። የሉቃስ ወንጌል 22፡22

እግዚአብሄር የአላማ አምላክ ነው፡፡ እግዚአብሄር ሰውን ከመፍጠሩ በፊት ሰው በምድር ላይ የሚያደርግለት ነገር የተወሰነ ነገር ነበር፡፡ እግዚአብሄር መጀመሪያ ሰውን ከመፍጠሩ በፊት ሰው በምድር ላይ ለምን አላማ እንደሚፈጠር ያውቅ ነበር፡፡ ሰው በምድር ላይ የተፈጠረውም ያንን እግዚአብሄር በልቡ የነበረውን አላማ እንዲፈፅም ነበር፡፡

እያንዳንዳችን ደግሞ ወደ ምድር ከመፈጠራችን በፊት በምድር ላይ እንድንፈፅመው የተዘጋጀ መልካም ስራ ነበር፡፡ በምድር ላይ መወለዳችን የሚያሳየው ልንሰራ ያለነው ልዩ ስራ እንዳለ ነው፡፡ በምድር ላይ የምንሰራው ስራ ባይኖር ኖሮ በምድር ላይ ባልተወለድን ነበር፡፡

በምድር ላይ የተወለድንበትን ስራ ስንሰራ በብዙ ነገሮች ውስጥ እናልፋለን፡፡ በምን ውስጥ አልፈን የእግዚአብሄርን ስራ እንደምንሰራ አስቀድሞ በእግዚአብሄር ተወስኗል፡፡

በምድር ላይ የምናልፍበትን ነገር ሊያስጥል የሚችል ማንም ሰው የለም፡፡ በእግዚአብሄር ከተወሰነውና በእግዚአብሄ ልብ ካለው ውጭ የሚሆንብን ምንም ነገር የለም፡፡

ኢየሱስ ሊሰቀል በሚወሰድበት ጊዜ ስለእርሱ የሚያለቅሱ ሴቶችን ለእኔስ አታልቅሱልኝ፤ ዳሩ ግን፦ ለራሳችሁና ለልጆቻችሁ አልቅሱ አላቸው።

ዋይ ዋይ ከሚሉና ሙሾ ከሚያወጡ ሴቶችና ከሕዝቡ እጅግ ብዙዎች ተከተሉት። ኢየሱስ ግን ወደ እነርሱ ዘወር ብሎ እንዲህ አለ፦ እናንተ የኢየሩሳሌም ልጆች፥ ለእኔስ አታልቅሱልኝ፤ ዳሩ ግን፦ መካኖችና ያልወለዱ ማኅፀኖች ያላጠቡ ጡቶችም ብፁዓን ናቸው የሚሉበት ጊዜ እነሆ ይመጣልና ለራሳችሁና ለልጆቻችሁ አልቅሱ። የሉቃስ ወንጌል 23፡27-29

ኢየሱስ መሲህ ስለሆነና ሰዎች ሁሉ ሊቀበለኩት ስለተገባ ኢየሱስ የሚያልፍናቸው ነገሮች ሁሉ አስቀድመው በእግዚአብሄ ይታወቃሉ እንዲሁም በመፅሃፍ ቅዱስ ተፅፈውልናል፡፡ ኢየሱስ ስለሚያልፍባቸው መንገዶች ሁሉ እንደተፃፈ ሁሉ እያንዳንዳችን ስለምናልፍባቸው መንገዶች በእግዚአብሄር ዘንድ የታወቀ ነው፡፡

በዚያን ጊዜ፦ እነሆ፥ በመጽሐፍ ጥቅልል ስለ እኔ እንደ ተጻፈ፥ አምላኬ ሆይ፥ ፈቃድህን ላደርግ መጥቼአለሁ አልሁ ይላል። ዕብራውያን 10፡7

ኢየሱስ በምድር ላይ ስለእርሱ በመፅሃፍ ቅዱስ የተፃፈውን ሊያደርግ እንደመጣ ሁሉ እኛም በምድር ላይ ልንፈፅመው የተወሰነልንን ነገር ልናደርግ ነው ወደምድር የመጣነው፡፡

የሰው ልጅስ ስለ እርሱ እንደ ተጻፈ ይሄዳል፥ ማቴዎስ 26፡24

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#የእግዚአብሄርምክር #የእግዚአብሔርፈቃድ #እግዚአብሔር #እንደተፃፈ #እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ሕያው ሆኜ አልኖርም

conscious.jpgበሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ። 2ኛ ቆሮንቶስ 5፡15

ኢየሱስ የሞተው ለእኛ ነው፡፡ ኢየሱስ እንደሞተልን እኛ ለእርሱ ልንሞት ይገባናል፡፡ ኢየሱስ ለእኛ ሲል ለፍላጎቱ ለምርጫው እና ለምቾቱ እንደሞተ ሁሉ እኛም ለፍላጎታችን ለምርጫችንና ለምቾታችን መሞት ይገባናል፡፡ ኢየሱስ በመስቀል ላይ እኛ የምንፈልገውን እንጂ እሱ የሚፈልገውን አላደረገም፡፡ እኛም ክርስቶስ የሚፈልገውን እንጂ እኛ የምንፈልገው ማድርግ የለብንም፡፡ ክርስቶስ ለእኛ የሚመርጠውን እንጂ እኛ ለራሳችን የምንመርጠውን እንድናደርግ አይገባም፡፡ እርሱ የሚያምረውን እንጂ ራሳችን የሚያምረንን እንድናደርግ አልሞተልንም፡፡

ለራሳችን ፍላጎት ሞተን ለእርሱ ፍላጎት ህያው እንድንሆን ሞቶልናል፡፡ የራሳችንን ምርጫ ወደጎን አድርገን የእርሱን ምርጫ እንድንከተል ራሱን አሳልፎ ሰጥቶዋል፡፡ ለራሳችን ሞተን ለእርሱ ህያው እንድንሆን ስለፈለግ ስለእኛ ሞተ፡፡

ነፍሱን ሊያድን የሚፈልግ ሁሉ ያጠፋታል፥ ነፍሱንም የሚያጠፋ ሁሉ በሕይወት ይጠብቃታል። ሉቃስ 17፡33

ለራሳችን ፍላጎትና ምርጫ ሞተን ለእርሱ ፍላጎትና ምርጫ ለመኖር በምድር ላይ አለን፡፡ ኢየሱስን የሚከተል ሰው ሆኖ ለራሱ ጥቅም የሚኖር የለም ለራሱ ጥቅም የሚሞት ሰው የለም፡፡ የምንኖረው ለክርስቶስ ኢየሱስ ነው የምንሞተው ለክርስቶስ ኢየሱስ ነው፡፡

ከእኛ አንድ ስንኳ ለራሱ የሚኖር የለምና፥ ለራሱም የሚሞት የለም፤ በሕይወት ሆነን ብንኖር ለጌታ እንኖራለንና፥ ብንሞትም ለጌታ እንሞታለን። እንግዲህ በሕይወት ሆነን ብንኖር ወይም ብንሞት የጌታ ነን። ሮሜ 14፡7-8

ስለዚህ ነው ሃዋሪያው እኔ ህያው ሆኜ አልኖርም የሚለው፡፡ ሃዋሪያው ጳውሎስ ክርስቶስ የሚፈልገውን ያደርጋል ክርስቶስ የማይፈልገውን ደግሞ አያደርግም፡፡ ክርስቶስ ሲቆም ይቆማል ፣ ክርስቶስ ሲራመድ ይራመዳል ፣ ክርስቶስ ሲፈጥን ይፈጥናል ፣ ክርስቶስ ሲዘገይ ይዘገያል ፣ ክርስቶስ ዝም ሲል ዝም ይላል ፣ ክርስቶስ ሲናገር ይናገራል፡፡

ከክርስቶስ ጋር ተሰቅዬአለሁ፤ እኔም አሁን ሕያው ሆኜ አልኖርም ክርስቶስ ግን በእኔ ይኖራል፤ አሁንም በሥጋ የምኖርበት ኑሮ በወደደኝና ስለ እኔ ራሱን በሰጠው በእግዚአብሔር ልጅ ላይ ባለ እምነት የምኖረው ነው። ገላትያ 2፡20

ስለዚህ ነው ሃዋሪያው እኔ ክርስቶስን እንደምከተል የሚለው፡፡

እኔ የክርስቶስን ምሳሌ እንደምከተል እናንተም የእኔን ተከተሉ። 1 ቆሮንጦስ 11:1

በጳውሎስ ውስጥ የሚኖረው ክርስቶስ እንጂ ጳውሎስ አይደለም፡፡ የጳውሎስን አይን ተጠቅሞ የሚያየው ክርስቶስ ነው ፣ የጳውሎስን እግር ጠተጠቅሞ የሚያሄደው ክርስቶስ ነው ፣ የጳውሎስን እጅ ተጠቅሞ የሚሰራው ጌታ ነው፡፡

እናንተም የክርስቶስ አካል ናችሁ እያንዳንዳችሁም ብልቶች ናችሁ። 1ኛ ቆሮንቶስ 12፡27

ጳውሎስ በራሱ አነሳሽነት የሚያደርግው ነገር የለም፡፡ ጳውሎስ የሚከተለው በውስጡ የሚኖረውን የክርስቶስን እንቅስቃሴ ነው፡፡

ነገር ግን የአካሉ ብልቶች ስለሆንን፥ ኤፌሶን 5፡30

ስለዚህ ነው ሃዋሪያው ክርስቶስም በልባችሁ በእምነት እንዲኖር እፀልያለሁ ብሎ የሚናገረው፡፡ ክርስቶስ በውስጡ እንዳለ ንቁ የሆነ ሰው በውስጡ ላለው ክርስቶስ የአካል ብልት ለመሆን ይዘጋጃል፡፡ ክርስቶስ በውስጡ ለመኖር እንደሚፈልግ ያወቀና ክርስቶስ በውስጡ እንዲኖር እንዲወጣ ፣ እንዲገባ ፣ እንዲሰራና እንዲናገር ራሱን ያዘጋጀ ሰው በህይወቱ ፍሬያማ ይሆናል፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #በመንፈስመመላለሰ #ቃሉንማሰላሰል #መንፈስበእኛ #ህግንመፈፀም #ኢየሱስ #ቤተመቅደስ #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሔርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #መሪ #መንፈስቅዱስ

ቀን በደመና አምድ ሌሊት በእሳት አምድ

conscious.jpgደመናውም ከድንኳኑ ላይ በተነሣ ጊዜ በዚያን ጊዜ የእስራኤል ልጆች ይጓዙ ነበር ደመናውም በቆመበት ስፍራ በዚያ የእስራኤል ልጆች ይሰፍሩ ነበር። በእግዚአብሔር ትእዛዝ የእስራኤል ልጆች ይጓዙ ነበር፤ በእግዚአብሔርም ትእዛዝ ይሰፍሩ ነበር። ደመናው በማደሪያው ላይ በተቀመጠበት ዘመን ሁሉ በሰፈራቸው ይቀመጡ ነበር። ደመናውም በማደሪያው ላይ ብዙ ቀን በተቀመጠ ጊዜ የእስራኤል ልጆች የእግዚአብሔርን ትእዛዝ ይጠብቁ ነበር፥ አይጓዙምም ነበር። አንዳንድ ጊዜ ደመናው ጥቂት ቀን በማደሪያው ላይ ይሆን ነበር፤ በዚያን ጊዜ እንደ እግዚአብሔር ትእዛዝ በሰፈራቸው ይቀመጡ ነበር፤ እንደ እግዚአብሔርም ትእዛዝ ይጓዙ ነበር። አንዳንድ ጊዜም ደመናው ከማታ ጀምሮ እስከ ጥዋት ድረስ ይቀመጥ ነበር፤ በጥዋትም ደመናው በተነሣ ጊዜ ይጓዙ ነበር፤ በቀንም በሌሊትም ቢሆን፥ ደመናው በተነሣ ጊዜ ይጓዙ ነበር። ደመናውም ሁለት ቀን ወይም አንድ ወር ወይም አንድ ዓመት ቆይቶ በማደሪያው ላይ ቢቀመጥ የእስራኤል ልጆች በሰፈራቸው ይቀመጡ ነበር፥ አይጓዙምም ነበር፤ ነገር ግን በተነሣ ጊዜ ይጓዙ ነበር። በእግዚአብሔር ትእዛዝ ይሰፍሩ ነበር፥ በእግዚአብሔርም ትእዛዝ ይጓዙ ነበር፥ እግዚአብሔር በሙሴ እጅ እንዳዘዘ የእግዚአብሔርን ትእዛዝ ይጠብቁ ነበር። ዘኍልቍ 9፡17-23

እግዚአብሄር የእስራኤል ህዝብን ከግብፅ ምድር ሲያወጣና ወደተስፋይቱ ምድር ለማስገባት በትጋት ይመራቸው ነበር፡፡ እግዚአብሄር ለግምት አልተዋቸውም ነበር፡፡ እግዚአብሄር በየቀኑና በየሰአቱ ይመራቸው ነበር፡፡ እግዚአብሄር በራሳቸው የአየር ሁኔታ እውቀት እንደኖሩ አልተዋቸውም፡፡ ምክኒያቱም የሰው ምንም ያህል እውቀት የእግዚአብሄርን መንገድ ሊያውቀው አይችልም፡፡

አሳቤ እንደ አሳባችሁ መንገዳችሁም እንደ መንገዴ አይደለምና፥ ይላል እግዚአብሔር፡፡ ሰማይ ከምድር ከፍ እንደሚል፥ እንዲሁ መንገዴ ከመንገዳችሁ አሳቤም ከአሳባችሁ ከፍ ያለ ነው። ኢሳይያስ 55፡8-9

ስለዚህ ነው መፅሃፍ ቅዱስ እንዲሳካልን በመንገዳችን ሁሉ የእርሱን መሪነት እውቅና እንድንሰጥ በመሪነቱ ሙሉ ለሙሉ እንድንታመንና መሪነቱን ብቻ እንድንከተል የሚያስተምረን፡፡

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ በመንገድህ ሁሉ እርሱን እወቅ፥ እርሱም ጎዳናህን ያቀናልሃል። በራስህ አስተያየት ጠቢብ አትሁን፤ ምሳሌ 3፡5-7

የእስራኤል ህዝብ የሚሄድበትን መንገድ ካለእግዚአብሄር ማንም እንደማያውቀው ሁሉ እግዚአብሄር ካልመራን በስተቀር እግዚአብሄር ለህይወታችን ያለውን አላማ በአእምሮዋችን ማወቅ አንችልም፡፡ የእግዚአብሄርን ምሪት ሳንከተል ይሳካልናል ማለት ምንም መንገድ በሌለበት በምድረበዳ መቅበዝበዝ ነው፡፡ ሰው እንደ ድንገት አይሳካለትም፡፡ በእግዚአብሄር መንገድ እንዲሳካልን የእግዚአብሄርን ምሪት መከተል አማራጭ የለውም፡፡

ልጆች ሆነን እቃ ሲጠፋብን የጠፋብንን እቃ አቅጣጫውን ለማግኘት ምራቃችንን እጃችን ላይ እንተፋና በሌላው እጃችን እንመታዋለን፡፡ ምራቁ የተፈናጠረበት ቦታ ትክክለኛ እቅጣጫ ነው ብለን እድላችንን እንሞክራለን፡፡ የእግዚአብሄር ነገር ግን እንደዚያ አይደለም፡፡

ደመናውም ከማደሪያው በተነሣ ጊዜ የእስራኤል ልጆች በመንገዳቸው ሁሉ ይጓዙ ነበር። ደመናው ባይነሣ እስከሚነሣበት ቀን ድረስ አይጓዙም ነበር። በመንገዳቸውም ሁሉ በእስራኤል ቤት ሁሉ ፊት የእግዚአብሔር ደመና በማደሪያው ላይ በቀን ነበረና፥ እሳትም በሌሊት በዚያ ላይ ነበረና። ዘፀአት 40፡36-38

የእስራኤል ህዝብ ለእግዚአብሄር መሪነት ራሳቸውን የሰጡ ነበሩ፡፡ ደመናው ካልተንቀሳቀሰ አይንቀሳቀሱም ነበር፡፡ እግዚአብሄር ሳይናገረን አንድን እርምጃ መውሰድ በራስ ማስተዋል መደገፍ ነው፡፡ እግዚአብሄር እስኪናገረን እርምጃን ላለመውሰድ መፍራት እግዚአብሄን ያከብረዋል፡፡

የእስራኤል ህዝብ በራሳቸው ማስተዋል አይደገፉም ነበር፡፡ ደመናው ለአንድ ሰአትም ፣ ለአንድ ቀንም ፣ ለአንድ ሳምንትም ወይም ለአንድ ወርም ይቆይ ከደመናው ስር ይቆዩ ነበር፡፡ አምዱ ሁልጊዜ ስለሚመራቸው ሌሊትም ይሁን ቀን በተነሳ ፊዜ አብረው ይነሱ ነበር፡፡ ሌሊትም ይሁን ቀን አምዱ በቆመ ጊዜ በሰፈራቸው ይሰፍሩ ነበር፡፡

እግዚአብሄር ደመናውን የሰጣቸው ለመሪነት ብቻ ሳይሆን ደመናው ባለበት ሲጓዙ ከሚጎዳ ጠራራ ፀሃይ እንዲድኑ ነበር፡፡ እግዚአብሄር የእሳቱን አምድ የሰጣቸው ለመሪነት ብቻ ሳይሆን የሚሄዱበትን መንገድ ብርሃን እንዲሰጣቸው በጨለማ ከመጓዝ እንዲድኑ ነበር፡፡ ደመናውን አንከተልም ቢሉ ግን እግዚአብሄርን ይስቱታል፡፡ የእሳቱን አምድ ባይከተሉት እግዚአብሄር ለህይወታቸው ካለው የእግዚአብሄር ሃሳብ ጋር ይተላለፋሉ እንዲሁም የእግዚአብሄር ጥበቃ በእነርሱ ላይ አይሆንም፡፡

እኛ እግዚአብሄር እንዲመራን ከምንፈልገው በላይ እግዚአብሄር ሊመራን ይፈልጋል፡፡ እግዚአብሄር ሊመራን አብሮን ነው፡፡ እግዚአብሄር ሁልጊዜ እኛን ከመምራት ፈቀቅ ብሎ አያውቅም፡፡

በቀንና በሌሊትም ይሄዱ ዘንድ፥ መንገድ ሊያሳያቸው ቀን በደመና ዓምድ፥ ሊያበራላቸውም ሌሊት በእሳት ዓምድ እግዚአብሔር በፊታቸው ሄደ። የደመና ዓምድ በቀን፥ የእሳት ዓምድ በሌሊት ከሕዝቡ ፊት ከቶ ፈቀቅ አላለም። ዘፀአት 13፡21-22

እንዲያውም በአዲስ ኪዳን ወደ እውነት ሁሉ ሊመራን መንፈስ ቅዱስ በእኛ ውስጥ አለ፡፡

ግን እርሱ የእውነት መንፈስ በመጣ ጊዜ ወደ እውነት ሁሉ ይመራችኋል፤ የሚሰማውን ሁሉ ይናገራል እንጂ ከራሱ አይነግርምና፤ የሚመጣውንም ይነግራችኋል። ዮሃንስ 16፡13

እናንተም ከቅዱሱ ቅባት ተቀብላችኋል፥ ሁሉንም ታውቃላችሁ። እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡20፣27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የደመናአምድ #የእሳትአምድ #ይጓዙ ##ይሰፍሩ #እስራኤል #ምድረበዳ #የመንፈስፍሬ #ቅባት #መንፈስቅዱስ #የእግዚአብሔርመንፈስ #መሪ #ቤተመቅደስ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሔርህይወት #አቢይ #አቢይዋቁማ #አቢይዋቁማዲንሳ

ራእይ ባይኖር

vision_in_a_bottle.jpgራእይ ባይኖር ሕዝብ መረን ይሆናል፤ ሕግን የሚጠብቅ ግን የተመሰገነ ነው። ምሳሌ 29፡18

በአጠቃላይ አነጋገር ራእይ ማለት ማየት መረዳት ማለት ነው፡፡

እንደ መፅሃፍ ቅዱስ ደግሞ ራእይ አለን ማለት ማለት እግዚአብሄር ለእኛ ያለውን ሃሳብ ማወቅ መረዳት ችለናል ማለት ነው፡፡ እግዚአብሄር እኛ እንድንሰራ የሚፈልገውን ነገር ማወቅ ማለት ነው፡፡ በህይወታችን እንድንሰራው በውስጣችን ያለ ሸክም ራእይ ይባላል፡፡ ካልሰራነው እረፍትን የማይሰጠን ሸክም ራእይ ይባላል፡፡ የህይወት ትኩረታችን ራእይ ይባላል፡፡ የህይወተ አላማችን ራእይ ይባላል፡፡ በምድር ላይ የምንኖርበት ምክኒያት ራእይ ይባላል፡፡

በምድር ላይ የተፈጠርነው ለምክኒያት ነው፡፡ በምድር ላይ የተፈጠርነው እንደ ድንገት በእድል አይደለም፡፡ በምድር ላይ ያለነው በአጋጣሚ አይደለም፡፡

የእግዚአብሔርም ቃል ወደ እኔ እንዲህ ሲል መጣ። በሆድ ሳልሠራህ አውቄሃለሁ፥ ከማኅፀንም ሳትወጣ ቀድሼሃለሁ፥ ለአሕዛብም ነቢይ አድርጌሃለሁ። ኤርሚያስ 1፡4-5

በምድር ላይ የተፈጠርነው እግዚአብሄር ያዘጋጀውን ስራ ለመስራት ነው፡፡ በምድር ላይ ያለነው ያገኘነውን ስራ ሁሉ ለመስራት አይደለም፡፡ በምድር ላይ ያለነው የሚያዋጣውን ስራ ሁሉ ለመስራት አይደለም፡፡ በምድር ላይ ያለነው ለእኛ የተዘጋጀውን ስራ ለመስራት ነው፡፡

እኛ ፍጥረቱ ነንና፤ እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን። ኤፌሶን 2፡10

እግዚአብሄር ሲፈጥረን ከስራ ጋር ፈጥሮናል፡፡ እግዚአብሄር ሲፈጥረን የመደበልን ስራ አለ፡፡ እግዚአብሄር ሲፈጥረን ለመደበልን ስራ የሚያስፈልገውን ነገር ሁሉ በመስጠት ነው፡፡ የተፈጠርነው እግዚአብሄር ለመደበልን ስራ የሚያስፈልገው ስጦታና ክህሎት ሁሉ በውስጣችን ተቀምጦ ነው፡፡ የተፈጠርነው በምድር ላይ ለተመደበልን ስራ ከሚያስፈልገው ክህሎት ሁሉ ጋር ነው፡፡

እግዚአብሄር ለምን እንደጠራን ማወቅ የሚያስፈልገው ስለዚህ ነው፡፡ በህይወት ራእይ እንዲኖረን የሚያስፈልገው ስለዚህ ነው፡፡

ራእይ የምናገኘው ሁኔታዎች አይደለም፡ሸ ራእይት የምናገኘው ከወላጆቻቸነ አይደለም፡ የልጅነት ምኚታችንን አይደለም እንደራእይ የምንከተለው፡፡ሸ ራእይትን የመናገኘው በምድር ላይ ያለውን ክፍተት በማየት አይደለም፡፡

ራእይን የሚሰጠው ለራሱ ስራ አላማ የፈጠረን እግዚአብሄር ብቻ ነው፡፡ ለክብሩ ከፈጠረን ከእግዚአብሄር ብቻ ራእያችንን እናውቃለን፡፡ እግዚአብሄር ለእኛ የሚያስባትን ሃሳብ ማወቅ ራእይን መቀበል ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርሚያስ 29፡11

እግዚአብሄር ለእኛ የሚያስበውን ሃሳብ ያውቃል፡፡ ከመወለዳችን በፊት የተወለድንበት ምክኒያት ነበር፡፡ ከመወለዳችን በፊት ስንወለድ የምንሰራው ስራ ነበር፡፡ የተወለድንበት ምክኒያት ልንሰራው ያለ የተመደበልን ስራ ስለነበረ ብቻ ነው፡፡

የእኛ ስራ በፀሎት ከእግዚአብሄር ራእያችንን መቀበል ነው፡፡ እግዚአብሄ ሆይ ምን እንድሰራ ነው በምድር ላይ ያለሁት ብሎ መጠየቅ የእኛ ሃላፊነት ነው፡፡ በምድር ላይ ያለሁት ለምንድነው ብሎ መጠየቅ ሃላፊነታችን ነው፡፡ የእኛ ስራ የተቀበልነው ራእይ በምድር ላይ በትጋት መፈፀም ነው፡፡

የህይወቱን ራእይ ከእግዚአብሄ ፈልጎ ያላገኘ ሰው መረን ነው፡፡ ራእይ የሌለው ሰው የት እንደሚሄድ የማያውቅ ስርአት የሌለው ሰው ነው፡፡ ራእይ የሌለው ሰው መነሻም መድረሻም ስለሌለው አያርፍም፡፡ ራእይ የሌለው ሰው የሚሄድበትን ስለማያውቅና ሲደርስ ስለማያውቅ በህይወቱ እረፍት የለውም፡፡ ራእይ የሌለው ሰው ሌላው የሚሰራውን ሊሰራ ሲሞክር ለዚያ ስላልተካነ ይወድቃል፡፡ ራእይ የሌለው ሰው ግብ ስለሌለው ፍሬያማ አይሆንም፡፡ ራእይ የሌለው ሰው አንድ ህይወቱን በከንቱ ያባክናል፡፡

ፀሎት

እግዚአብሄር ሆይ ለአንድ ስራ እንደ ፈጠርከኝ አውቃለሁ፡፡ እግዚአብሄር ሆይ ለምን እንደ ፈጠርከኝ እረዳ ዘንድ አይኖቼክ ክፈት፡፡ እግዚአብሄር ሆይ አስቀድሞ የተመደበለኝን ስራ ብቻ ለመስራት እችል ዘንድ መንፈስህ ስለሚመራኝ አመሰግንሃለሁ፡፡ እግዚአብሄር ሆይ የተለያዩ ነገሮችን አይቼ ከራእዬ እንዳልወጣ በመንፈስህ ጠብቀኝ፡፡ እግዚአብሄር ሆይ ራእዬን መከተል እችል ዘንድ ፀጋን ስለምታበዛልኝ አመሰግንሃለሁ፡፡  በኢየሱስ ስም እፀልያለሁ፡፡ አሜን

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #አማርኛ #ስብከት #መረን #መዳን #መፅሃፍቅዱስ #ቃል #አሸናፊ #አማልክት #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

አንተ የምትወደው እንጂ እኔ የምወደው አይሁን

your will.jpgጥቂትም ወደ ፊት እልፍ ብሎ በፊቱ ወደቀና ሲጸልይ፦ አባቴ፥ ቢቻልስ፥ ይህች ጽዋ ከእኔ ትለፍ፤ ነገር ግን አንተ እንደምትወድ ይሁን እንጂ እኔ እንደምወድ አይሁን አለ። ማቴዎስ 26፡39

ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። ሉቃስ 22፡42

አባ አባት ሆይ፥ ሁሉ ይቻልሃል፤ ይህችን ጽዋ ከእኔ ውሰድ፤ ነገር ግን አንተ የምትወደው እንጂ እኔ የምወደው አይሁን አለ። ማርቆስ 14፡36

እኛ ለእግዚአብሄር ክብር ለመኖር የተጠራን ሁላችን ለእግዚአብሄር መኖር እንፈልጋላን፡፡ ኢየሱስን ስንከተል ለክብሩ ለመኖር ወስነን ነው፡፡ ኢየሱስን የተከተልነው ለሞተልንና ለተነሳው ለኢየሱስ እንጂ ወደፊት ለራሳችን ላለመኖር ነው፡፡

በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ።  2ኛ ቆሮንቶስ 5፡15

በተለያየ ጊዜያት በህይወታችን የተለያዩ ምርጫዎች ይቀርቡልናል፡፡ በተለይ ኢየሱስን በሁለንተናችን ለመከተል የወሰንንእኛ ክርስትያኖች በየጊዜው የእኛ ፍላጎትና የእግዚአብሄር ፍላጎት ሲለያይ እንመለከታለን፡፡ በህይወት ጉዞዋችን እኛ የምንፈቅደውና እግዚአብሄር የሚፈቅደው በፊታችን እንደምርጫ ሲቀርብልን እናገኛለን፡፡፡ እኛ በህይወታችን እንዲሆን የምንወደው ነገር እግዚአብሄር የማይወደው ነገር ይሆንና እጅግ እንጨነቃለን፡፡ ወይም እኛ የማንወደው ነገርን እግዚአብሄር ይህንን እወዳለሁ ሲለን የእግዚአብሄርን ወይም የእኛን ለመምረጥ በውሳኔ መካከል ራሳችንን እናገኛለን፡፡

የራሳችንን ፈቃድ መከተል ለጊዜው ደስ ይል ይሆናል እንጂ ዘለቄታዊነት የለውም፡፡ የራሳችንን ፍላጎት መከተል እኛን ከእግዚአብሄር ፈቃድ በረከቶች ውጭ ያደርገናል፡፡ የራሳችን ፈቃድ መከተል በምድር ላይ ያለንን አንድ የህይወት እድል እንድናባክነው ያደርገናል፡፡  የራሳችንን ፍላጎት መከተል የእግዚአብሄር አብሮነት ያሳጣናል፡፡ የራሳችን ፍላጎት መከተል ክስረት ያመጣብናል፡፡ የራሳችንን ፍላጎት መከተል በእግዚአብሄር ፊት ያለንን ድፍረት ያሳጣናል፡፡

የእኛ ምርጫ ችግር አለበት፡፡ የእኛ ምርጫ ሁሉን የማያውቅ ሰው ምርጫ ነው፡፡ የእኛ ምርጫ እውቀት የጎደለው ሰው ምርጫ ነው፡፡ የእኛ መርጫ እንከን አያጣውም፡፡ በአለም ላይ የእጅግ ጥበበኛው ሰው ምርጫ ፍፁም አይደለም ጉድለት አለበት፡፡

የእግዚአብሄር ምርጫ ሁሉ የሚችል አምላክ ምርጫ ነው፡፡ የእግዚአብሄር ምርጫ ሁሉን የሚያውቅ ጌታ ምርጫ ነው፡፡ የእግዚአብሄር ምርጫ የቅዱስ አምላክ ምርጫ ነው፡፡ የእግዚአብሄር ምርጫ የፍቅር አምላክ ምርጫ ነው፡፡

ስለዚህ ነው በራሳችን ፈቃድና በእግዚአብሄር ፈቃድ መካካል የምንጨነቀው፡፡ የእኛ ምርጫ ምን ያህን እንከን እንዳበት ስለምናውቅ በራሳችን መንገድ ላመሄድ ከራሳችን ጋር እንከራከራለን፡፡ በራሳችን ማስተዋል መደገፍ ስለማንፈልግ ነው ሁልጊዜ የእግዚአብሄርን ምርጫ መከተል የምንፈልገው፡፡

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ምሳሌ 3፡5

የእግዚአብሄር ምርጫ የተሳሳተና የማይመስል ብዙዎች የማይደግፉት ቢሆን እንኳን የእርሱ ምርጫ ከየትኛውም መርጫችን የተሻለ ነው፡፡ የእግዚአብሄር ምርጫ ሞኝነት ቢመስል እንኳን የእግዚአብሄር ሞኝነት ከሰው ጥበብ ይጠበባል፡፡

ከሰው ይልቅ የእግዚአብሔር ሞኝነት ይጠበባልና፥ የእግዚአብሔርም ድካም ከሰው ይልቅ ይበረታልና። 1ኛ ቆሮንቶስ 1፡25

ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። ሉቃስ 22፡42

ፀሎት

እግዚአብሄር ሆይ ስለተናገርከኝ ስለዚህ ቃል አመሰግንሃለሁ፡፡ እግዚአብሄር ሆይ በሁለንተናዬ ለአንተ መኖር እፈልጋለሁ፡፡ የአንተን ፈቃድ ብቻ ማድረግ እፈልጋለሁ፡፡ እግዚአብሄር ሆይ ፈቃድህን ስለምትገልጥልኝ አመሰግንሃለሁ፡፡ ፈቃድህን እንድከተል ሃይል ስለምትሆነኝ ፀጋህን ስለምታበዛልኝ አመሰግንሃለሁ፡፡ አንተን በሁለንተናዬ እስከመጨረሻው ተከትዬህ ስለማልፍ አመሰግንሃለሁ፡፡ ስለ ሁሉም ተመስገን ፡፡ በኢየሱስ ስም ፡፡ አሜን

በተጠራችሁበት መጠራታችሁ

Lord-calling.jpgእንግዲህ በጌታ እስር የሆንሁ እኔ በተጠራችሁበት መጠራታችሁ እንደሚገባ ትመላለሱ ዘንድ እለምናችኋለሁ፤ ኤፌሶን 4፡1

እግዚአብሄር ለክብሩ ፈጥሮናል፡፡ ወደዚህ መደር ከመፈጠራችን በፊት በምድር ላይ እንድናደርገው የታቀደው ነገር ስለነበረ ወደዚህ ምድር ተፈጥረናል፡፡ ወገጌታ መነግስት ከመጣረራታችን ባሻገር እንወቀውም አንወቀውንም ወደምድር የመጣንበት ምክኒያት አለ፡፡ እያንዳንዳችን በምድር ላይ ልንሰራው የሚገባው ስራ ወይም ጥሪ አለን፡፡

በራሳችን አነሳሽነት ለእግዚአብሄር ምንም ነገር ከማድረጋችን በፊት ጥሪዬ ምንድነው ብሎ መጠየቅ ወሳኝ ነው፡፡ በምድር ላይ ያለን ህይወት አንድ ህይወት ነው፡፡ ይህንን ህይወት እግዚአብሄር ለጠራን መጠቀም ብልህነት ነው፡፡ ይህን ህይወት እግዚአብሄር ላልጠራን ነገር ላይ ማዋል ብክነት ነው፡፡

የአካል ብልቶቻችን እያንዳንዳቸው የተለየ ስራና ጥሪ እንዳለቸው ሁሉ እያንዳንዳችን በምድር ላይ እንድንሰራው የተላክነው የተለያየ ስራና ጥሪ አለን፡፡ ያንን ጥሪ ማግኘትና መከተል የእኛ ሃላፊነት ነው፡፡

ጥሪ ከጎረቤት አይኮረጅም፡፡ ጥሪ የሚገኘው ከጠራን ከእግዚአብሄር ነው፡፡ እግዚአብሀር ለእያንዳንዳችን ጥሪ አለው፡፡ የእኛ ሃላፊነት እግዚአብሄን መፈለግና ጥሪያችንን ማወቅ ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። እናንተም ትጠሩኛለችሁ፥ ሄዳችሁም ወደ እኔ ትጸልያላችሁ፥ እኔም እሰማችኋለሁ። እናንተ ትሹኛላችሁ፥ በፍጹም ልባችሁም ከሻችሁኝ ታገኙኛላችሁ። ኤርሚያስ 29፡11-13

በምድር ላይ ያለሁት ለምን አላማና ጥሪ ነው? ብሎ መጠየቅ ፣ ጥሪን አውቆ በትጋት መከተል ከምንም ነገር በላይ ስኬታማ ያደርገናል፡፡

ጥሪያችንን ስንከተል ከጥሪያችን መንገድ ሊስወጡ የሚመጡ ልዩ ልዩ ተግዳሮቶች ይገጥሙናል፡፡ የጥሪያችን አንዱ ክፍል ነውና እንታገሰዋለን፡፡

የተጠራችሁለት ለዚህ ነውና፤ ክርስቶስ ደግሞ ፍለጋውን እንድትከተሉ ምሳሌ ትቶላችሁ ስለ እናንተ መከራን ተቀብሎአልና። 1ኛ ጴጥሮስ 2፡21

ከጥሪያችን ውጭ መኖር ምንም ዋስትና የለንም፡፡ በጥሪያችን ላይ መኖራችን ግን ክፉ ነገር እንኳን ቢሆን ለመልካምነታችን እንዲሰራ ያደርገዋል፡፡

እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን። ሮሜ 8፡28

ሰዎች ከተለያየ ቦታ ሽልማትን ያገኛሉ፡፡ ከእግዚአብሄር የሆነ ሽልማት ያለው ጥሪን በመከተል ውስጥ ብቻ ነው፡፡

በክርስቶስ ኢየሱስ ከፍ ከፍ ያለውን የእግዚአብሔርን መጥራት ዋጋ እንዳገኝ ምልክትን እፈጥናለሁ። ፊልጵስዩስ 3፡14

የጠራንን ጥሪ ለማድረግ ስንተጋ እርሱ የእኛን ነገር ለመስራት ታማኝ ነው፡፡

የሚጠራችሁ የታመነ ነው፥ እርሱም ደግሞ ያደርገዋል። 1ኛ ተሰሎንቄ 5፡24

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጥሪ #ምስክር #ፀጋ #ምናን ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

አትያዝ፥ አትቅመስ፥ አትንካ

pride.jpgከዓለማዊ ከመጀመሪያ ትምህርት ርቃችሁ ከክርስቶስ ጋር ከሞታችሁ፥ እንደ ሰው ሥርዓትና ትምህርት። አትያዝ፥ አትቅመስ፥ አትንካ ለሚሉት ትእዛዛት በዓለም እንደምትኖሩ ስለ ምን ትገዛላችሁ? እነዚህ ሁሉ በመደረግ ሊጠፉ ተወስነዋልና። ቆላስይስ 2፡20-21

አትያዝ፥ አትቅመስ፥ አትንካ የሚል ትእዛዝ ለእኛ በክርስቶስ አምነን ለዳንን አይገባንም፡፡ አትያዝ፥ አትቅመስ፥ አትንካ የሚል ትእዛዝ ለእኛ የማይመጥንበትን ምክነቢያቶች እንመልከት

አትያዝ፥ አትቅመስ፥ አትንካ አለማዊ ስርአት ነው

በአለም ያሉ ሰዎች የእግዚአብሄር መንፈስ በውስጣቸው አይኖርም፡፡ በአለም ያሉ ሰዎች የእግዚአብሄርን ፍቅር አልተረዱም፡፡ በአለም ያሉ ሰዎች የእግዚአብሄር ፍቅር አይመራቸውም፡፡ በአለም ያሉ ሰዎች መንፈሳቸው ሙት ነው፡፡ በአለም ያሉ ሰዎች በእግዚአብሄር መንፈስ ህያው አልሆኑም፡፡ በአለም ያሉ ሰዎች የእግዚአብሄር ቃል በውስጣቸው የለም፡፡ ስለዚህ  አትያዝ፥ አትቅመስ፥ አትንካ ትእዛዝ ያስፈልጋቸዋል፡፡

በበደላችሁና በኃጢአታችሁ ሙታን ነበራችሁ፤ ኤፌሶ 2፡1

በአለም ያሉ ሰዎች የሚመሩት አትያዝ፥ አትቅመስ፥ አትንካ  ስርአት ብቻ ነው፡፡ ሌላ የሚያሸንፍ መንፈስ በውስጣቸው ስለሌለ አትያዝ፥ አትቅመስ፥ አትንካ ትእዛዝ ብቻ ነው በአለም ያሉትን ሰዎች የሚያሸንፋቸው፡፡ ለእኛ ግን መንፈሳችን ህያው ስለሆነ አትያዝ፥ አትቅመስ፥ አትንካ ትእዛዝ አያስፈልገንም፡፡ እኛ በኢየሱስ ስለምንኖር ቃሎቹም በውስጣችን ስለሚኖር እግዚአብሄር በመንፈሱ አማካኝነት ይመራናል፡፡

በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሃንስ 15፡7

አትያዝ፥ አትቅመስ፥ አትንካ የመጀመሪያ ትምህርት ነው

አትያዝ፥ አትቅመስ፥ አትንካ የመጀመሪያ ትምህርት ነው፡፡ ልጅ መጀመሪያ የነገሮችን ጉዳትና ጥቅም በራሱ ስለማይረዳ ትእዛዘ ይሰጠዋል፡፡ ልጅ በራሱ አነሳሽነት ነገሮችን ለማድርግ ብቃቱን ስላዳበረ ትእዛዝ በትእዛዝ ይሰጠዋል፡፡ ልጅ እራሱ አውቆ ነገሮችን ስለማይሰራ አትያዝ፥ አትቅመስ፥ አትንካ ተብሎ ይታዘዛል፡፡

ጎልማሳ ሰው ግን ይህ አያስፈልገውም፡፡ የነገሮችን ጥቅምና ጉዳት ስለሚያመዛዘን በራሱ ይወስናል፡፡ በተመሳይ መልኩ በክርስትና የምንመራው በህጉ መንፈስ እንጂ በህጉ ፊደል አይደለም፡፡ ህጉን ተረድተን በገባነ መንገድ እንተረጉመዋለን እንጂ ሰዎች ይህን አድርጉ ይህን አታድርጉ እያሉ እንደህፃን ልጅ እንዲመሩን እንጠብቅም፡፡  ቃሉን ሰምተን የታዘዘው ትእዛዝ ለምን እንደታዘዘ ተረድተን እናደርገዋለን እንጂ በእያንዳንዱ የህይወት እንቅስቃሴያችን ይህን አትያዝ፥ አትቅመስ፥ አትንካ የሚለን ሌላ ሰው እንጠብቅም፡፡

አትያዝ፥ አትቅመስ፥ አትንካ የሰው ስርአት ነው

አትያዝ፥ አትቅመስ፥ አትንካ የሰው ስርአት ነው፡፡ የእግዚአብሄር ስርአት አንድ ነው፡፡ የእግዚአብሄር ስርአት ፍቅር ነው፡፡ የእግዚአብሄር ስርአት እግዚአብሄርን እና ባልንጀራህን ውደድ ነው፡፡ ትእዛዛት ሁሉ በሁለቱ ትእዛዛት ይጠቃለላሉ፡፡

እርስ በርሳችሁ ከመዋደድ በቀር ለማንም ዕዳ አይኑርባችሁ፥ ሌላውን የሚወድ ሕግን ፈጽሞታልና። ፍቅር ለባልንጀራው ክፉ አያደርግም፤ ስለዚህ ፍቅር የሕግ ፍጻሜ ነው። ሮሜ 12፡8-10

የትእዛዛት ሁሉ አላማ እኛ በፍቅር እንድንኖር መርዳት ነው፡፡

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ጢሞቴዎስ 1፡5

ከፍቅር ህግ በላይ የሚጨምር ግን ህጉን ይሽረዋል፡፡

ባስተላለፋችሁትም ወግ የእግዚአብሔርን ቃል ትሽራላችሁ፤ እንደዚሁም ይህን የሚመስል ብዙ ነገር ታደርጋላችሁ። ማርቆስ 7፡13

ለእኛ ግን የእግዚአብሄር ምንፈስ በእናንት ውስጥ ይኖራል እንዳስተማራችሁ በእርሱ ኑሩ ነው የምንባለው፡፡

እናንተም ከቅዱሱ ቅባት ተቀብላችኋል፥ ሁሉንም ታውቃላችሁ። እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሃንስ 2፡20-27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አትያዝ #አትቅመስ #አትንካ #አለማዊ #ስርአት #መጀመሪያ #ፅድቅ ሰላም #መንፈስቅዱስ #ደስታ #መብል #መጠጥ #ቤተክርስትያን #አማርኛ #ስብከት #መዳን #መፅሃፍቅዱስ #ልብ #አለም #ድምፅ #ቅባት #ደስታ #አቢይ #አቢይዋቁማ #አቢይዋቁማዲንሳ #መሪ

የእግዚአብሔር ሶስቱ የምሪት ደረጃዎች

leading.jpgአስተምርሃለሁ በምትሄድበትም መንገድ እመራሃለሁ፤ ዓይኖቼን በአንተ ላይ አጠናለሁ። መዝሙር 32፡8

የእግዚአብሄርን የተስፋ ቃል እንደማወቅ የሚያሳርፍና የሚያስደስት ነገር የለም፡፡ እግዚአብሄር የተስፋ ቃሎች ንፁህ ናቸው፡፡ የእግዚአብሄር ቃል የነጠረ ነው፡፡

በምድር ላይ እንደ ተፈተነ ሰባት ጊዜ እንደ ተጣራ ብር የእግዚአብሔር ቃላት የነጹ ቃላት ናቸው። መዝሙር 12፡6

የእግዚአብሔር ቃል ሁሉ ተፈትናለች፤ እርሱ ለሚታመኑት ጋሻ ነው። ምሳሌ 30፡5-6

እግዚአብሄር በተስፋ ቃሉ እንዲህ ይላል፡፡

  • አስተምርሃለሁ

እግዚአብሄር የፈጠረን ለክብሩ ነው፡፡ እግዚአብሄ የፈጠረን ለአላማው ነው፡፡ ከመፈጠራችን በፊት በምድር ላይ ይምንሰራው ስራ ነበር፡፡ የተፈጠረንው እኛ የምንሰራው ስራ ስልነበረ ነው፡፡ ያንን ስራ ሊያሳየን ሊያስተምረን እግዚአብሄር ይፈልጋል፡፡

በእግዚአብሄር ካልተማርንና ካለ እውቀት ከሆንን እንደምንጠፋ እግዚአብሄር ያውቃል፡፡ በእግዚአብሄር ካልተማርን የተፈጠረንበትን አላማ መፈፀም አንደማንችልና ሰላም እንደማይኖረን እግዚአብሄር ያውቃል፡፡

ልጆችሽም ሁሉ ከእግዚአብሔር የተማሩ ይሆናሉ፥ የልጆችሽም ሰላም ብዙ ይሆናል። ኢሳያስ 54፡13

እኛ መማር ከምንፈልግው በላይ እግዚአብሄር እንድንማርለት ይፈልጋል፡፡ እግዚአብሄር ይናገራል፡፡ እግዚአብሄር በመረጠው መንገድ ሃሳቡን ይገልጣል ይናገራል፡፡ እግዚአብሄር በተለያየ መንገድ ይናገራል፡፡ እግዚአብሄር ሲናገር እናውቃለን፡፡ እግዚአብሄ ይናገር እንጂ የማናውቅው የእገዚአብሄ ንግግር የለም፡፡ እግዚአብሄር ሲያስተምር ልባችን ያውቀዋል፡፡ እግዚአብሄር በእኛ ደረጃ ወርዶ በሚገባን ቋንቋ ያስተምረናል፡፡

እግዚአብሔር በአንድ መንገድ በሌላም ይናገራል፤ ኢዮብ 33፡14

  • በምትሄድበትም መንገድ እመራሃለሁ፤

ያስተማረንን እንዴት እንደምንተገብረው ደግሞ ያሳየናል፡፡ አስተምሮን ብቻ ዘወር አይልም፡፡ ያስተማረንን እንዴት እንደምንለማመደው ያሳየናል፡፡ እግዚአብሄ ማስተማር ብቻ ሳይሆን እግዚአብሄር ይመራናል፡፡ ስንለማመድ አብሮን ይሆናል፡፡ ማስተማር ብቻ ሳይሆን መንገዱን ያሳየናል፡፡ በእውቀት ብቻ ሳይሆን በተግባር ይመራናል፡፡ መንፈሱ የተማርነውን ያሳሳበናል፡፡ ያ በሃሳብ ደረጃ የተማራችሁት በተግባር ይህ ነው ይለናል፡፡

አብ በስሜ የሚልከው ግን መንፈስ ቅዱስ የሆነው አጽናኝ እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል። ዮሃንስ 14፡26

  • ዓይኖቼን በአንተ ላይ አጠናለሁ

እግዚአብሄ ማስተማርና መምራት ብቻ ሳይሆን እስከመጨረሻው መሄዳችንን ይከታተለናል፡፡ እግዚአብሄር አይኑን ከእኛ ላይ አይነቅልም፡፡ እግዚአብሄር በመንገዳችን ይከታተለናል፡፡ እግዚአብሄር ከመንገዱ አለመውጣታችንንና በመንገዱ ውስጥ መሆናችንን ይከታተለናል፡፡

ቸርነትህና ምሕረትህ በሕይወቴ ዘመን ሁሉ ይከተሉኛል፥ በእግዚአብሔርም ቤት ለዘላለም እኖራለሁ። መዝሙር 23፡6

እግዚአብሄር በቸርነቱና በምህረቱ በህይወታችን ዘመን ሁሉ ይከታተለናል፡፡ እግዚአብሄር ስለእኛ አይተኛም አያንቀላፋም፡፡

እግርህን ለመናወጥ አይሰጠውም፤ የሚጠብቅህም አይተኛም። እነሆ፥ እስራኤልን የሚጠብቅ አይተኛም አያንቀላፋምም። መዝሙር 121፡3-4

አስተምርሃለሁ በምትሄድበትም መንገድ እመራሃለሁ፤ ዓይኖቼን በአንተ ላይ አጠናለሁ። መዝሙር 32፡8

ይህን ፅሁፍ ለሌሎች ሼር   share ያድርጉ!

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #አስተምርሃለሁ #መንገድ #እመራሃለሁ #ዓይኖቼን #አጠናለሁ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የልብ ዓይን መብራት ሶስቱ ጣምራ ፋይዳዎች

eyes.jpgስለ እናንተ እያመሰገንሁ ስጸልይ ስለ እናንተ ማሳሰብን አልተውም፤ የክብር አባት የጌታችን የኢየሱስ ክርስቶስ አምላክ እርሱን በማወቅ የጥበብንና የመገለጥን መንፈስ እንዲሰጣችሁ እለምናለሁ። ይህም የልባችሁ ዓይኖች ሲበሩ የመጥራቱ ተስፋ ምን እንዲሆን በቅዱሳንም ዘንድ ያለው የርስት ክብር ባለ ጠግነት ምን እንዲሆን ለምናምን ከሁሉ የሚበልጥ የኃይሉ ታላቅነት ምን እንዲሆን ታውቁ ዘንድ ነው፤ ኤፌሶን 1፡16-19

በምድር ላይ የአይናችን ወሳኝ ጤንነት ወሳኝ ነው፡፡ አይናችን በትክክል ሲያይ ከብዙ ችግሮች እናመልጣለን፡፡ አይናቸው አጥርቶ ማየት የማይችሉ ሰዎች ከብዙ ነገር ይጎድላሉ፡፡ አይኑ የበራለለት ሰው ራሱን ችሎ ውሳኔዎችን መወሰን ይችላል፡፡ አይኑ የበራለት ሰው ስለሚያይ ትክክለኛ ውሳኔን እንዲወስን ያስችለዋል፡፡

በተፈጥሮአዊ አይናችን ወሳኝ አንደሆነ ሁሉ በተመሳሳይ መልኩ የልባችን አይን ጤንነትነ አጥርቶ ማየት ለክርስትና ፍሬያማነት ወሳኝ ነው፡፡ አይኑ የተከፈተለት ሰው እድልን ማየት ይችላል፡፡ አይኑ የተከፈተለት ሰው በረከቱን አይቶ መጠቀም ይችላል፡፡ እይታችን የህይወታችንን ጥራትና ልቀት ይወስነዋል፡፡

እነዚህ ነገሮች የሌሉት ዕውር ነውና፥ በቅርብም ያለውን ብቻ ያያል፥ የቀደመውንም ኃጢአቱን መንጻት ረስቶአል። 2ኛ የጴጥሮስ 1፡9

ሃዋሪያው ጳውሎስ ለኤፌሶን ክርስትያኖች ይፀልይ የነበረውና እግዚአብሄርን ማሳሰብ አልተውም አላቆምም የሚለው የልቦናቸው አይኖች እንዲበሩ ነበር፡፡

የልቦናችን አይኖች ሲበሩ የምናውቃቸው ወይም በትክክል የምናስተውላቸው ሶስቱ የእግዚአብሄር ታላላቅ ስጦታዎች

የመጥራቱ ተስፋ ምን እንዲሆን

እግዚአብሄር ወደምን ተስፋ እንደጠራን ማወቅ ህይወታችንን ያሳርፋል፡፡ ተስፋ ያለን ሰዎች ነን፡፡ እንደ እኛ ታላቅ ተስፋ ያለው ሰው የለም፡፡ የእግዚአብሄር ልጆች ነን፡፡ እግዚአብሄር ከእኛ ጋር ነው፡፡ ከሞት ወደ ህይወት ተሸጋገረናል፡፡ ለዘላለም ከእግዚአብሄር ጋር እንኖራለን፡፡

በቅዱሳንም ዘንድ ያለው የርስት ክብር ባለ ጠግነት ምን እንዲሆን

በክርስቶስ ወራሾች ተደርገናል፡፡ የእግዚአብሄር ወራሾች ነን፡፡ የወረስነው እግዚአብሄርን ነው፡፡ የወረስነው ብርና ወርቅ አይደለም፡፡ ያለን ርስት እጅግ የከበረ ነው፡፡

ልጆች ከሆንን ወራሾች ደግሞ ነን፤ ማለት የእግዚአብሔር ወራሾች ነን፥ አብረንም ደግሞ እንድንከበር አብረን መከራ ብንቀበል ከክርስቶስ ጋር አብረን ወራሾች ነን። ሮሜ 8፡17

የእግዚአብሄር የተስፋ ቃል ወራች ነን፡፡

ይህም፥ አሕዛብ አብረው እንዲወርሱ፥ በአንድ አካልም አብረው እንዲሆኑ፥ በወንጌልም መስበክ በክርስቶስ ኢየሱስ በሆነ የተስፋ ቃል አብረው እንዲካፈሉ፥ ለቅዱሳን ሐዋርያትና ለነቢያት በመንፈስ አሁን እንደ ተገለጠ በሌሎቹ ትውልዶች ዘንድ ለሰው ልጆች አልታወቀም። ኤፌሶን 3፡5-6

በብርሃን ርስትን እንድንካፈል ያበቃንን እግዚአብሄርን ልናመሰግነው ይገባል፡፡

ከደስታም ጋር በሁሉ ለመጽናትና ለመታገሥ እንደ ክብሩ ጉልበት መጠን በኃይል ሁሉ እየበረታችሁ፥ በቅዱሳንም ርስት በብርሃን እንድንካፈል ያበቃንን አብን እያመሰገናችሁ፥ በነገር ሁሉ ደስ ልታሰኙ ለጌታ እንደሚገባ ትመላለሱ ዘንድ እንለምናለን። ቆላስይስ 1፡12

ለምናምን ከሁሉ የሚበልጥ የኃይሉ ታላቅነት ምን እንዲሆን

በምድር ላይ ሞት ሃያል ነበር፡፡ የእግዚአብሄር የሃይል ታላቅነት የተገለጠው ኢየሱስን ከሙታን በማስነሳት ነው፡፡ የመጨረሻው ሃይል ሞት በክርስቶስ ትንሳኤ ድል ተነስቶዋል፡፡ ይህ ታላቅ ሃይል በህይወታችን አለ፡፡ ይህን ታላቅ ሃይል ማየት ከቻልን አለምን እናሸንፋለን፡፡

በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን? 2ኛ ቆሮንቶስ 13፡5

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እይታ #አይን #ቃል #የጠራ #ኩል #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

ምን ታያለህ?

see.jpg

ደግሞ የእግዚአብሔር ቃል። ኤርምያስ ሆይ፥ ምን ታያለህ? እያለ ወደ እኔ መጣ። እኔም። የለውዝ በትር አያለሁ አልሁ። እግዚአብሔርም፦ እፈጽመው ዘንድ በቃሌ እተጋለሁና መልካም አይተሃል አለኝ። ኤርሚያስ 1፡11-12

እግዚአብሄር የፈጠረን ለአላማው ነው፡፡ እግዚአብሄር የፈጠረን በክብሩ ነው፡፡ እግዚአብሄር ሰውን የፈጠረው ከእርሱ ጋር አብሮ እንዲሰራ ነው፡፡ እግዚአብሄር የፈጠረን ለአብሮ ሰራተኝነት ነው፡፡

የእግዚአብሔር እርሻ ናችሁ፤ የእግዚአብሔር ሕንፃ ናችሁ፤ ከእርሱ ጋር አብረን የምንሠራ ነንና። 1ኛ ቆሮንቶስ 3፡9

አብሮን ሊሰራ ከሚፈልገው ከእግዚአብሄር ጋር ተስማምተን አብረን መስራት የምንችለው እርሱ የሚያየውን ስናይ ብቻ ነው፡፡ ሰው እግዚአብሄር የሚሰራውን ማየት ካልቻለ በስተቀር ከእግዚአብሄር ጋር አብሮ ሊሰራ አይችልም፡፡

አብሮት የሚሰራውን ሰው እርሱ የሚያየውን አብሮ እንዲያይ እግዚአብሄር የሚፈልገው ለዚህ ነው፡፡

እግዚአብሄር የሚሰራውን ማየት ካልቻልን በራሳችን ብቻችንን ሰርተን ውጤት ላይ መድረስ እንችልም፡፡ እግዚአብሄር የሚሰራውን ማየት ካልቻልን ከእግዚአብሄር ጋር አብረን ልንሰራ አንችልም፡፡ አግዚአብሄር ሲሰራ ካላየን ከእርሱ ጋር ተባብረን ፍሬያማ መሆን አንችልም፡፡

ኢየሱስ በምድር በነበረ ጊዜ አብ የሚሰራውን ያይ አብሮም ይሰራ ነበር፡፡ አብ የሚሰራወነ ያይና ከእርሱ ሃር ይተበናበር ስለነበረ ኢየሱስ በምድር ላይ በአገልግሎቱ ስኬታማ ነበር፡፡

ኢየሱስ ግን፦ አባቴ እስከ ዛሬ ይሠራል እኔም ደግሞ እሠራለሁ ብሎ መለሰላቸው። ዮሃንስ 5፡17

ስለዚህ ኢየሱስ መለሰ እንዲህም አላቸው፦ እውነት እውነት እላችኋለሁ፥ አብ ሲያደርግ ያየውን ነው እንጂ ወልድ ከራሱ ሊያደርግ ምንም አይችልም፤ ያ የሚያደርገውን ሁሉ ወልድ ደግሞ ይህን እንዲሁ ያደርጋልና። አብ ወልድን ይወዳልና፥ የሚያደርገውንም ሁሉ ያሳየዋል፤ እናንተም ትደነቁ ዘንድ ከዚህ የሚበልጥ ሥራ ያሳየዋል። ዮሃንስ 5፡19-20

አሁንም እግዚአብሄር በየጊዜው የሚጠይቀው ይህንኑ ጥያቄ ነው፡፡

አብሮን ሊሰራ ሲፈልግ ምን ታያለህ ይለናል፡፡ ውጤታማ እንድንሆን ስለሚፈለግ ምን እንዳየን ማወቅ ይፈልጋል፡፡ ምክኒያቱም ባየነው መጠን ብቻ ነው አብረነው የምንሰራውና ውጤታማ የምንሆነው፡፡

የእግዚአብሄርን መንግስት እና የእግዚአብሄርን አሰራር የምናየው በቃሉ ነው፡፡

ቃሉን በሚገባ ካየን እግዚአብሄርን እናየዋለን፡፡ ቃሉን ካየን የእግዚአብሄርን መንግስት አሰራር እንረዳለን፡፡ ቃሉን ካየን እግዚአብሄር ሲሰራ እናየዋለን አብረንም በመስራት ውጤታማ መሆን እንችላለን፡፡

እግዚአብሄር በህይወታችን የሚሰራውን ካየን እግዚአብሄር በህይወታችን ሊፈፅም ያሰበውን አላማ በሚገባ መፈፀም እንችላለን፡፡ እግዚአብሄር በህይወታችን የሚሰራውን ካየን ከእርሱ ጋር ተባበረን ስኬታማ መሆን እንችላለን፡፡

ደግሞ የእግዚአብሔር ቃል። ኤርምያስ ሆይ፥ ምን ታያለህ? እያለ ወደ እኔ መጣ። እኔም። የለውዝ በትር አያለሁ አልሁ። እግዚአብሔርም፦ እፈጽመው ዘንድ በቃሌ እተጋለሁና መልካም አይተሃል አለኝ። ኤርሚያስ 1፡11-12

ፀሎት

እግዚአብሄር ሆይ ስለአባትነትህ ሁሉ አመሰግንሃለሁ፡፡ እግዚአብሄር ሆይ አይኖቼን ክፈት፡፡ እግዚአብሄር ሆይ አንተ በክርስቶስ ያደረክልኝን ሁሉ መረዳት እንድችል  የጥበብና የመገለጥን መንፈስ ስጠኝ፡፡ አንተ በህይወቴ የምታየውን ማየት አችል ዘንድ አይኖቼን ክፈት፡፡ አንተ የምትሰራወነ አይቼ እተባበርክህ ዘንድ አይኔን ክፈት፡፡ ከአንት ጋር በትክክል መራመድ እንድችል አንተ ስለህይወቴ የምታየውን ሁሉ ልይ፡፡ አይኔን ስለምትከፍት ስራህን በህይወቴ ሰለማይ አመሰግንሃለሁ፡፡ በኢየሱስ ስም፡፡ አሜን

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪነት #አይን #እይታ #ተኣምራት #እድል #ዘመን #እድል #ዋጁ #ጥበብ #መተርጎም #ይሳኮር #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

በመንገድህ ሁሉ እርሱን እወቅ

after you .jpgከሰው ይልቅ የእግዚአብሔር ሞኝነት ይጠበባልና

ከሰው ይልቅ የእግዚአብሔር ሞኝነት ይጠበባልና፥ የእግዚአብሔርም ድካም ከሰው ይልቅ ይበረታልና። 1ኛ ቆሮንቶስ 1፡25

የሰው ጥበብ ሲጨርስ የእግዚአብሄር ጥበብ ይጀምራል፡፡ የእግዚአብሄር ሞኝነት የሰውን እጅግ ታላቅ ጥበብ ይበልጠዋል፡፡ የእግዚአብሄር ድካም ከሰውን እጅግ ታላቅ ሃይል ይበረታል፡፡

ከሰው እጅግ ታላቅ ጥበብ ይልቅ የእግዚአብሄር ሞኝነት ይሻላል፡፡ በሰው እጅግ ታላቅ ጥበብ ከመደገፍ ይልቅ በእግዚአብሄር ሞኝነት መደገፍ ይሻላል፡፡

የእግዚአብሄር ማስተዋል ጥልቅ ነው፡፡

አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳያስ 40፡28

ስለዚህ ነው ማንም አንዳች የሚያውቅ ቢመስለው ሊያውቅ እንደሚገባው ገና አላወቀም የሚለው፡፡

ማንም አንዳች የሚያውቅ ቢመስለው ሊያውቅ እንደሚገባው ገና አላወቀም፤ 1ኛ ቆሮንቶስ 8፡1

በራስ ማስተዋል እንደመደገፍ አደገኛ ነገር የለም፡፡ የእኛ ማስተዋል ልንደገፍበት የሚበቃ አይደለም፡፡ ሰው በሸንበቆ ላየ ዘና ብሎ እንደማይደገፍ ሁሉ የእኛ ማስተዋል ለመደገፍ የማይበቃ ደካማ ነው፡፡ ስለዚህ ነው መፅሃፍ ቅዱስ በራስህ ማስተዋል አትደገፍ የሚለው፡፡ የትኛውም የእኛ ማስተዋል ልንደገፍበት በቂ አይደለም፡፡ የእኛ እጅግ ታላቁ ማስተዋል የእግዚአብሄርን ጥበብ አይደለም ሞኝነቱን አይደርስበትም፡፡

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ በመንገድህ ሁሉ እርሱን እወቅ፥ እርሱም ጎዳናህን ያቀናልሃል። ምሳሌ 3፡5-6

ስለዚህ ነው መፅሃፍ ቅዱስ በመንገድህ ሁሉ አርሱን እወቅ የሚለው፡፡ በመንገድህ ሁሉ ለእርሱ አዋቂነት እውቅና ስጥ፡፡ በመንገድህ ሁሉ እኔ ለራሴ ከማውቀው በላይ እርሱ ለእኔ ያውቃል በል፡፡ በመንገድህ ሁሉ እኔ የማላውቀው ነገር አለ እርሱ ሁሉን ያውቃል በል፡፡ በመንገድህ ሁሉ እኔ ልሳሳት እችላሁ አርሱ ግን አይሳሳትም በል፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ማስተዋል #ቃል #መልካም #መታመን #መደገፍ #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት  #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ

ለአንድ ጥሪ አልተጠራንም

calling.jpgሁላችንም ለእግዚአብሄር ክብር ተፈጥረናል፡፡ እግዚአብሄር በእያንዳንዳችን ህይወት ሊሰራ ያለው ልዩ አላማ አለ፡፡ ለዚያ አላማ ተጠርተናል፡፡ እግዚአብሄር ለምን አላማ እና አገልግሎት እንደጠራን ማወቅን የመሰለ በህይወት የሚያሳርፍና የሚያረጋጋ ነገር የለም፡፡ ጥሪያችንን ስናውቅ በጥሪያችን ላይ ብቻ እናተኩራለን፡፡ ጥሪያችንን ስናውቅ የተከፈቱ እጅግ ብዙ በሮች ውስጥ አንገባም፡፡ ጥሪያችንን ስናውቅ ከሙከራ እንድናለን፡፡ ጥሪያችንን ስናውቅ ህይወትን መኖር እንጀምራለን፡፡

ጥሪያችን የሆነውን ነገር ማወቅ በጣም አስፈላጊ እንደሆነ መጠን ጥሪያችን ያልሆነውን ነገር ማወቅም በጣም አስፈላጊ ነገር ነው፡፡ ጥሪያችንን ስናውቅ ጥሪያችን ያልሆነውን እንለያለን፡፡ ማን እንደሆንን ስንረዳ መን እንዳልሆንን ይገባናል፡፡ እሺ የምንለውን ስናውቅ እምቢ የምንለውን እናውቃለን፡፡ ጥሪያችንን ስናውቅ ውስን የሆነውን ጊዜያችንን ጉልበታችንን እውቀታችንን ገንዘባችንን ባልተጠራንበት ነገር ላይ ከማፍሰስ እንድናለን፡፡ ጥሪያችንን ስናውቅ ምንም ብንጥር ፍሬ ከማናፈራበት ቦታ እንርቃለን፡፡

እውነተኛ ፍሬ የሚፈራው በእድል አይደለም፡፡ ፍሬ የሚፈራው በቅልጥፍና አይደለም፡፡ ፍሬ የሚፈራው ጥሪን አውቆ በመከተል ነው፡፡

ጥሪያችንን ስናውቅ ማድረግ የማንችለውን እንድናውቅ ለዚያ ለተጠሩት እንድንተወው ያስችለናል፡፡ ጥሪያችን ስናውቅ ራሳችንን ትሁት አድርገን ለተጠሩት ሰዎች እንድንተው ይረዳናል፡፡ ጥሪያችንን ስናውቅ ከእኛ የተሻለ ለሚሰሩት በመተው በራሳችን ጥሪ ላይ እንድናተኩር ያስችለናል፡፡

ጥሪያችንን ስናውቅ ጥሪያችን ያልሆነው ውስጥ ገብተን ጥሪያቸው ከሆኑ ሰዎች ጋር እንዳንጣላ ይጠብቀናል፡፡ ጥሪያችንን ስናውቅ ጥሪያችን ያልሆነው ውስጥ ገብተን ጥሪያቸው የሆኑትን ሰዎች እንዳናስተጓጉል ይጠብቀናል፡፡ ጥሪያችንን ስናውቅ በራሳችን ጥሪ ላይ አተኩረን ጥሪያችንን በትጋት እንድንፈፅም ያደርገናል፡፡ ጥሪያችንን ስናውቅ ለጥሪያችን ብቻ ተለክቶ የተሰጠንን የእግዚአብሄር ፀጋ በአግባቡ እንድንጠቀምበት ያደርገናል፡፡

ጥሪያችንን በሚገባ ካልተረዳንና ያየነውና የሰማነው ጥሪ ሁሉ የሚያመረን ከሆነ መኪናን እንደመንዳት ሳይሆን እንደመግፋት ይሆንብናል፡፡ በህይወታቸን የሚለቀቀው የእግዚአብሄር ፀጋ የጥሪያችን አይነትና ልክ ስለሆነ የእግዚአብሄርን ስራ በጭንቀት ሳይሆን በደስታ እናደርገዋለን፡፡ በህይወታችን ያለው የእግዚአብሄር ፀጋ ስለማያንስና ስለማይበዛ ለጥሪያችን ብቻ የሚበቃ ስለሆነ የሚረዳንና የሚያከናውንልን በጥሪያችን ላይ ብቻ ስንቆም ነው፡፡ ባለተጠራንበት ቦታ ቆመን የእግዚአብሄር ፀጋ ይደግፈናል ማለት የማይታሰብ ነገር ነው፡፡

ሰው እግዚአብሄር እንደሚያስችለው እና እንደሚያበረታው እንደሚያውቀው ሁሉ ለሁሉም ነገር ደግሞ እንዳልተጠራ ማወቁ ወሳኝ ነው፡፡ የእርሱ ጥሪ በጣም ልዩ ከመሆኑ የተነሳ ሁሉንም ነገር ማድረግ የሚችል የሚመስለው ሰው ተታሏል፡፡ በእግዚአብሄር ነገር እየበሰለን ስንሄድ የምንረዳው በጣም አስፈላጊ ነገር ማድረግ የምንችለው በጣም ውስን ነገር ብቻ እንደሆነ መረዳት ነው፡፡ በዚያ በተጠራንበት ውስን ነገር ላይ ከተወሰንን ፍሬያማ እንሆናለን፡፡

በጥሪያችን ስትቆም እርሱ መሰረታዊ ፍላጎታችን ነው ፣ ሞገሳችን ነው ፣ ውበታችን ነው ፣ ዝናችን ነው ፣ እውቅናችን ነው ፣ እርካታችን  ነው እንዲሁም ደስታችን ነው፡፡ የተሳካልህ ለመሆን የራስህ ጥሪ ማድርግ በቂ ነው፡፡ እንዲከናወንልህ የሌላን ሰው ጥሪ ማድረግ እና እንደምትችለው ማሳየት የለብህም፡፡

ብቻ ለእያንዳንዱ እግዚአብሔር እንደ ከፈለለት እያንዳንዱም እግዚአብሔር እንደ ጠራው እንዲሁ ይመላለስ። እንዲሁም በአብያተ ክርስቲያናት ሁሉ እደነግጋለሁ። 1ኛ ቆሮንቶስ 7፡17

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጥሪ #ምስክር #ፀጋ #ምናን ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

አዘነላቸው ድውዮቻቸውንም ፈወሰ

moved by compassion.jpgብዙ ሕዝብም ባየ ጊዜ፥ እረኛ እንደ ሌላቸው በጎች ተጨንቀው ተጥለውም ነበርና አዘነላቸው። ማቴዎስ 9፡36

ኢየሱስ በምድር ላይ ያገለገለው ብዙዎችን ነፃ ያወጣው በአዘኔታና በርህራሄ ተመርቶ ነው፡፡ ርህራሄ ወደ ትክክለኛው አገልግሎት ይመራል፡፡ ርህራሄ ወደ እግዚአብሄር ሃሳብ ይመራል፡፡ ርህራሄ ወደፈውስ ወደነኛ ማውጣት ወደአገልግሎት ይመራል፡፡

እግዚአብሄር የሚሰራው በፍቅር ነው፡፡ እግዚአብሔር የሚንቀሳቀሰው በርህራሄ ነው፡፡ እግዚአብሄር ሲራራላችሁ ህይወታችሁን ይለውጣል፡፡ እግዚአብሄር ህይወታችሁን እንዲለወጥ ሲፈልግ ለሚያገለግላችሁ አገልጋይ ርህራሄውን ያካፍለዋል፡፡

እግዚአብሄር አገልጋዩን ለፈውስና ለነፃ ማውጣት ሊጠቀም ሲል ለአገልጋዩ ርህራሄ ይሰጣል፡፡ እግዚአብሄር እንዲጠቀምብህ ካስፈለገ ርህራሄ ያስፈልግሃል፡፡ ለምታገለግለው ህዝብ ርህራሄ ከሌለህ በከንቱ ትለፋለህ፡፡ የምታገለግለውን ህዝብ የምታገለገልው ካለፍቅርና ካለርህራሔ እንደስራ ከሆነ አገልግሎቱ ቢቀርብህ ይሻላል፡፡

በፍቅር የማይደረግ አገልግሎትም እንኳን ቢሆን አይጠቅምም፡፡ ካለ ምህረትና ርህራሄ የሚደረግ አገልግሎት ሁሉ ከንቱ ነው፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ  ቆሮንቶስ 13፡1-3

የምታገለግላቸውንና የምትጠቅማቸውን ሰዎች ለማገልገል ፍቅር ያስፈልግሃል፡፡ ፍቅር ከሌለህ እግዚአብሄር አይጠቀምብህም፡፡ ፍቅርና ርህራሄ ካልመራህ እግዚአብሄር አልመራህም፡፡ ፍቅር ሃይልህ ካልሆነ እግዚአብሄር ሃይል አይሆንም፡፡ በፍቅርና በርህራሄ ካልሆነ እግዚአብሄር ካንተ ጋር አይሆንም፡፡

አለምን የምናሸንፍበት እምነት የሚሰራው በፍቅር ነው፡፡ እምነት እንዲሰራና በእምነት ሰዎችን ለመጥቀምና ለማገለግል ፍቅር ይጠይቃል፡፡ እምነት ከፍቅር ተለይቶ አይሰራም፡፡

በክርስቶስ ኢየሱስ ሆኖ፥ በፍቅር የሚሠራ እምነት እንጂ መገረዝ ቢሆን ወይም አለመገረዝ አይጠቅምምና። ገላትያ 5፡6

ወጥቶም ብዙ ሕዝብ አየና አዘነላቸው ድውዮቻቸውንም ፈወሰ። ማቴዎስ 14፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ምህረት #ርህራሄ #ፍቅር #መውደድ  #አዘነላቸው #ነፃማውጣት #አገልግሎት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

አለቅነትም በጫንቃው ላይ ይሆናል

jesus.jpgሕፃን ተወልዶልናልና፥ ወንድ ልጅም ተሰጥቶናልና፤ አለቅነትም በጫንቃው ላይ ይሆናል፤ . . . የሰላም አለቃ ተብሎ ይጠራል። ኢሳይያስ 9፡6

የአለቅነት ብቸኛው ጥቅም ሰዎች ሲገለገሉና ሲጠቀሙ ማየት ነው፡፡ አለቅነት በራሱ ጥቅም አይደለም፡፡ የአለቅነት ጥቅም ሰዎች ካሉበት እግዚአብሄር ወደ አየላቸው ደረጃ ሲደርሱ ማየት ነው፡፡ አለቅነት ሰዎች ከታሰሩበት ነገር ተፈትተው በነፃነት እግዚአብሄርን ሲያገለግሉ ማየት ነው፡፡

አለቅነትን ለራሳቸው ጥቅም የሚጠቀሙበት ሰዎች በአለም ላይ ስላሉ አለቅነት ከጥቅም ጋር ተያይዞዋል፡፡ በአገራችንም ያለውም አባባል ሲሺም ያልበላ ሲሻር ይቆጨዋል የሚለው አባባል የመጣው አለቅነትን ከተጠቃሙነት ጋር አያይዞ ነው፡፡ ነግር ግን አባባሉ መሆን የነበረበት “ሲሾም በትጋትና በታማኝነት ህዝብን ያላገለገለ ሲሻር ይቆጨዋል” መሆን ነበረበት፡፡ አለቅነት ሰውን ከመጥቀም ያለፈ ጥቅም የለውም፡፡ አለቅነት ግን እግዚአብሄርን አገልግሎ ከእግዚአብሄር ሽልማትን ከመቀበል ውጭ ጥቅማ ጥቅም የለውም፡፡

የአለቅነትን ሃላፊነት የተረዱ ሰዎች አለቅነትን እንደ ጥቅም አይጓጉለትም፡፡ የአለቅነት ሃላፊነትን የተረዱ ሰዎች ሸክሙ እንጂ ጥቅሙ ትዝ አይላቸውም፡፡ የአለቅነትን ሸክም የተረዱ ሰዎች አላቅነትን እንደጥቅም አይፈልጉትም፡፡

እርግጥ ነው በአለም ያሉ ሰዎች አለቅነትን እንደመጠቀሚያ ይጠቀሙበታል፡፡ በአለም ያሉ ሰዎች ከሰው ውስጥ ትልቁን ድርሻ ለመጠቀም የአለቅነትን ስልጣን በጭካኔ ይጠቀሙበታል፡፡ በአለም ብዙ አለቅነት ያለው ብዙ ይጠቀማል ትንሽ አለቅነት ያለው ትንሽ ይጠቀማል፡፡ በአለም ያሉ ሰዎች አለቅነትን ሰውን ለመበዝበዝ ይጠቀሙበታል፡፡

ኢየሱስ ግን ወደ እርሱ ጠርቶ እንዲህ አላቸው፦ የአሕዛብ አለቆች እንዲገዙአቸው ታላላቆቹም በላያቸው እንዲሠለጥኑ ታውቃላችሁ። ማቴዎስ 20፡25-26

አለቅነትን ለራስ ጥቅም መጠቀሚያ ማድረግ የእግዚአብሄር ሃሳብ አይደለም፡፡ አለቅነት የመጠቀሚያ መንገድ አይደለም፡፡

በእናንተ ዘንድ ያለውን የእግዚአብሔርን መንጋ ጠብቁ፤ እንደ እግዚአብሔር ፈቃድ በውድ እንጂ በግድ ሳይሆን፥ በበጎ ፈቃድ እንጂ መጥፎውን ረብ በመመኘት ሳይሆን ጐብኙት፤ ለመንጋው ምሳሌ ሁኑ እንጂ ማኅበሮቻችሁን በኃይል አትግዙ፤ 1ኛ የጴጥሮስ መልእክት 5፡2-3

አለቅነት ሃላፊነት ነው፡፡ አለቅነት ሸክም ነው፡፡ አለቅነት የትጋት ስራ ነው፡፡ አለቅነት ታማኝነት ነው፡፡ አለቅነት መሰጠት ነው፡፡ አለቅነት ፊት ቀዳሚነት ነው፡፡ አለቅነት ማንም ባያደርገው እኔ አደርገዋለሁ ማለት ሃላፊነት መውሰድ ነው፡፡ አለቅነት ምሪትን በየጊዜው በመስጠት የመጥቀም የማገልገል መንገድ ነው፡፡

በእናንተስ እንዲህ አይደለም፤ ነገር ግን ማንም ከእናንተ ታላቅ ሊሆን የሚወድ የእናንተ አገልጋይ ይሁን፥ ከእናንተም ማንም ፊተኛ ሊሆን የሚወድ የእናንተ ባሪያ ይሁን፤ እንዲሁም የሰው ልጅ ሊያገለግል ነፍሱንም ለብዙዎች ቤዛ ሊሰጥ እንጂ እንዲያገለግሉት አልመጣም። ማቴዎስ 20፡26-28

አለቅነት ሰላምን መስጠት ነው፡፡ አለቅነት ሰዎችን ወደ ሰላም ምንም ወዳልጎደለበትና ምንም ወዳልተበላሸበት ቦታ መርቶ ማድረስ ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ሰላም #ድንቅመካር #ሃያልአምላክ #የሰላምአለቃ #የዘላለምአባት #ኢየሱስ #ክርስቶስ #ጌታ #ማገልገል #ቤተክርስትያን #አማርኛ #ስብከት #እምነት #መፅሃፍቅዱስ #መንፈስቅዱስ #አለቅነት #ፌስቡክ #አቢይዋቁማ #አቢይዋቁማዲንሳ

ኢየሱስ ፈቃድህን ላደርግ መጥቼአለሁ እንዳለ እኛም የእርሱን ፈቃዱን ልናደርግ ተወልደናል

Publication15.jpgሰው በድንገት ወደ ምድር አልመጣም፡፡ እግዚአብሄር ሰውን የፈጠረው ለክብሩ ነው፡፡ እግዚአብሄር ሰውን የፈጠረው አቅዶና አልሞ በአላማ ነው፡፡ እግዚአብሄር ሰውን ከመፍጠሩ በፊት ሰው ሲፈጠር እንዴት እንደሚኖር ፣ ምን እንደሚያደርግና እንዴት እንደሚሆን ሁሉ ታቅዶ ነው፡፡

እግዚአብሔርም አለ፦ ሰውን በመልካችን እንደ ምሳሌአችን እንፍጠር፤ የባሕር ዓሦችንና የሰማይ ወፎችን፥ እንስሳትንና ምድርን ሁሉ፥ በምድር ላይ የሚንቀሳቀሱትንም ሁሉ ይግዙ። ዘፍጥረት 1፡26

ኢየሱስ አንዲሁ በድንገት ወደ ምድር አልመጣም፡፡ የሃጢያቱን እዳ በመክፈል በሃጢያት የወደቀውን ሰው ለማዳን ኢየሱስ ወደምድር መጣ፡፡ ኢየሱስ ከመምጣቱ በፊት እንዴት እንደሚመጣ ፣ ለምን እንደሚመጣ ፣ ምን እንደሚያደርግና ምን እንደሚሆን ሁሉ በመፅሃፍት ተፅፎ ነበር፡፡

ስለዚህ ወደ ዓለም ሲገባ፦. . . ። በዚያን ጊዜ፦ እነሆ፥ በመጽሐፍ ጥቅልል ስለ እኔ እንደ ተጻፈ፥ አምላኬ ሆይ፥ ፈቃድህን ላደርግ መጥቼአለሁ አልሁ ይላል። ዕብራውያን 10፡5-7

ኢየሱስ ወደምድር ሲመጣ የመጣበትንና ያልመጣነበትን ጠንቅቆ ያውቅ ነበር፡፡

ጲላጦስም፦ እንግዲያ ንጉሥ ነህን? አለው። ኢየሱስም መልሶ፦ እኔ ንጉሥ እንደ ሆንሁ አንተ ትላለህ። እኔ ለእውነት ልመሰክር ስለዚህ ተወልጃለሁ ስለዚህም ወደ ዓለም መጥቻለሁ፤ ከእውነት የሆነ ሁሉ ድምፄን ይሰማል አለው። ዮሃንስ 18፡37

ኢየሱስ አለምን አሸንፎ የሄደው ወደምድር የመጣነበትን አላማ ጠንቅቆ ስለሚያውቅና ያልተጠራበትን አላማ ላለማድረግ እጅግ ስለሚጠነቀቅ ነበር፡፡

ከሕዝቡም አንድ ሰው፦ መምህር ሆይ፥ ርስቱን ከእኔ ጋር እንዲካፈል ለወንድሜ ንገረው አለው። እርሱም፦ አንተ ሰው፥ ፈራጅና አካፋይ በላያችሁ አንድሆን ማን ሾመኝ? አለው። ሉቃስ 12፡13-14

ታእምር በማድረግ ኢየሱስ ሲያስደስታቸው ህዝቡ ንጉስ ሊያደርጉት ሊሾሙት ሲሞክሩ አምልጧል፡፡ ንጉስ መሆን ጥሩ ነገር ቢሆንም ነገር ግን የተጠራበት አላማ አልነበረም፡፡

በዚህም ምክንያት ኢየሱስ ያነግሡት ዘንድ ሊመጡና ሊነጥቁት እንዳላቸው አውቆ ደግሞ ወደ ተራራ ብቻውን ፈቀቅ አለ። ዮሃንስ 6፡15

ኢየሱስ ነፍሴ እስከ ሞት ድረስ እጅግ አዘነች ባለ ጊዜ እንኳን ያንተ ፈቃድ ይሁን የእኔ ፈቃድ አይሁን በማለት ወደምድር ለመጣበት አላማ ራሱን ሙሉ ለሙሉ እንደሰጠ አሳይቷል፡፡

ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። ሉቃስ 22፡42

ኢየሱስ በሚያልፍበት ነገር እየፀለየና ራሱን ለእግዚአብሄር አይሰጠ ፈቃዱን እያስገዛ ያለፈ የነበረው እንደተፃፈለት ይሄድ ስለነበረ ነው፡፡ እርሱ እግዚአብሄርን በታዘዘ መጠን ከተፃፈው ውጭ እንደማይደርስበት መተማመኑ ስለነበረው ነው፡፡

የሰው ልጅስ ስለ እርሱ እንደ ተጻፈ ይሄዳል፥ ማቴዎስ 26:24

አሁንም እኛ በምድር የተወለድነው የምንፈልገውን ነገር አድርገን ለማለፍ ሳይሆን የእግዚአብሄርን አላማ ለመፈፀም ነው፡፡ ወደ ምድር ከመምጣታችን በፊት ብሎም ወደ እግዚአብሄር መንግስት ከመግባታችን በፊት በእግዚአብሄር መንግስት ውስጥ የምንሰራው ነገር ነበር፡፡ በስማችን የተዘጋጀ መልካም ስለነበረ ነው ወደፍቅሩ ልጅ መንግስት የፈለስነው፡፡

እኛ ፍጥረቱ ነንና፤ እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን። ኤፌሶን 2፡10

ስኬት የእግዚአብሄርን አላማ መፈፀም ነው፡፡ በምድር ላይ ስኬታማ ለመሆን እግዚአብሄር ያዘጋጀልንን አላማ ፈልገን ማግኘት ይኖርብናል፡፡ እግዚአብሄር በምድር ላይ የፈጠረንን አግኝተን ከፀናንበት በሚገባ የተኖረ ህይወት ይኖረናል፡፡ የተወለድንበት አላማ ላይ ሳናተኩር የፈለግነውን ነገር አድርገን ካለፍን ህይወታችን ይባክናል፡፡

. . . የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#የእግዚአብሄርምክር #የእግዚአብሔርፈቃድ #እግዚአብሔር #እንደተፃፈ #እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

በሲንጋፖር ውስጥ የትምህርት ቤት ርእሰ መምህር ፈተናው ከመድረሱ በፊት ለወላጆቹ ይህን ደብዳቤ ላከ

23804395_10212502836579309_85256023_n.jpgውድ ወላጆች

የልጆችዎ ፈተናዎች በቅርቡ ይጀመራል፡፡ ለልጅዎ ደህና ውጤት እንደሚፈልጉ አውቃለሁ፡፡

ነገር ግን እባክዎን ይህንን አይርሱ፡፡ ለፈተናው ከተቀመጡት ተማሪዎች መካከል ሂሳብን መረዳት የማይፈልግ አርቲስቶች አሉ፡፡ ለፈተናው ከተቀመጡት ተማሪዎች መካከል  ስለ ታሪክ ወይም የእንግሊዘኛ ሥነ-ጽሑፍ ግድ የማይሰጠው ሥራ ፈጣሪዎች ወይም ነጋዴዎች አሉ፡፡ ለፈተናው ከተቀመጡት ተማሪዎች መካከል የኬሚስትሪ ውጤታቸው ምንም የማያመጣላቸው ሙዚቀኞች አሉ፡፡ ከፊዚክስ ፈተና ውጤታቸው የበለጠ አካላዊ ብቃታቸው አስፈላጊ የሆነ አትሌቶች አሉ፡፡

ልጅዎ ከፍተኛ ውጤት የሚያመጣ ከሆነ ጥሩ ነው፡፡ ነገር ግን ከፍተኛ ውጤት ካላመጡ እባክዎን በራስ የመተማመን ስሜታቸውንና ክብራቸውን መንካት የለብዎትም፡፡ መልካም ይሁን በሉዋቸው፡፡ ይህ ፈተና ብቻ ነው! በህይወት ውስጥ በጣም ወሳኝ በሆኑ በርካታ ክህሎቶች ተክነዋል፡፡ ምንም ውጤት ቢያመጡ ይወደዱዋቸው አይፍረዱባቸው፡፡

እባክዎ ይህን ያድርጉ፡፡ ልጆችዎ በምንም ሁኔታ ውስጥ ካበረታቷቸው ዓለምን ሲያሸንፉ ይመለከታሉ፡፡ አንድ ፈተና ወይም ዝቅተኛ ውጤት ህልማቸውን እና ችሎታዎቻቸውን አያጠፋውም፡፡ እባክዎ በአለም ውስጥ ብቸኛ ደስተኛ ሰዎች  ዶክተሮች እና ኢንጂነሮች ብቻ ናቸው ብለው አያስቡ፡፡

በታላቅ አክብሮት

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ክህሎት #ስጦታ #የእግዚአብሔርፈቃድ #እግዚአብሔር #ጥሪ #እንደተፃፈ #እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

አስሩ የእይታ ደረጃዎች

240_F_103024878_Fe4e7O7HWo6hADaoWlJPD1AQuu59XeDc.jpgእግዚአብሄር እንደሚያይ የሚያይ ሰው ከእግዚአብሄር ጋር ይራመዳል፡፡ እንደ እግዚአብሄር የማያይ ስው በጨለማ ውስጥ ይመላለሳል፡፡ እንደ እግዚአብሄር የማያይ ለብዙዎች ጥቅም በውስጡ እግዚአብሄር ያስቀመጠውን ታላቅ እምቅ ጉልበት ሳይጠቀምና ፍሬ ሳያፈራበት ተራ ሰው ሆኖ ህይወቱን ያባክናል፡፡ እይታችን ከፍታችንን ይወስነዋል፡፡ እይታችን ነፃነታችንን ይወስናል፡፡ እይታችን ፍሬያማነታችንን ይወስናል፡፡

  1. አሁን ያለበትን አለማየት ከየት እንደመጣን ማስተዋል

ሰው ከዘላለም ሞት እንደዳነ ካልረሳው ለእግዚአብሄር በሚገባ ኖሮ ማለፍ ይችላል፡፡ ሰው ከምን አይነት ውድቀትና አደጋ እንደዳነ በትክክል ካየ ትጋቱ ይጨምራል፡፡ ሰው ከምን አይነት ጥፋት እንደዳነ ካልረሳው እግዚአብሄርን በሁሉ ያመሰግናል፡፡ ሰው ከምን አይነት ጥፋት ውስጥ እንደዳነ ካወቀ ለትጋርት ጉልበት ያገኛል፡፡ ሰው ከምን እይነት አሰቃቂ ቦታ እንዳመለጠ ካወቀ ሰዎችን የሚያምሩዋቸውና ከመንገዳቸው የሚያሰናክሉዋቸው ተራ ነገሮች አያምሩትም፡፡

እነዚህ ነገሮች የሌሉት ዕውር ነውና፥ በቅርብም ያለውን ብቻ ያያል፥ የቀደመውንም ኃጢአቱን መንጻት ረስቶአል። 2ኛ ጴጥሮስ 1፡9

  1. የቅርቡን አለማየት የሩቁን ማየት

እንደ ክርስትያን አርቆ ማየት ያለበት ሰው የለም፡፡ ክርስትና ከዘላለማዊ አምላከ ጋር ያለ ግንኙነት ነው፡፡ ክርስትያን የሚኖረው ለዘላለም ነው፡፡ ክርስትያን  በሚያደርገው በእያንዳንዱ ነገር ከጊዜያዊ እይታ አልፎ በእግዚአብሄር የዘላላም እቅድ ውስጥ ያለውን ድርሻ መመልከት አለበት፡፡ ክርስትያን አንደ ሰው ኖረው እንደሰው አንደሚሞቱት ሰዎች አያይም፡፡ የክርስትያን እይታ ሰው ብቻ ሆኖ እንዳያልፍ ያደርገዋል፡፡

እኔም፥ ወንድሞች ሆይ፥ የሥጋ እንደ መሆናችሁ፥ በክርስቶስም ሕፃናት እንደ መሆናችሁ እንጂ መንፈሳውያን እንደ መሆናችሁ ልናገራችሁ አልቻልሁም። ገና ሥጋውያን ናችሁና እስከ አሁን ድረስ ገና አትችሉም። ቅናትና ክርክር ስለሚገኝባችሁ ሥጋውያን መሆናችሁ አይደላችሁምን? እንደ ሰው ልማድስ አትመላለሱምን? 1ኛ ቆሮንቶስ 3፡1፣3

  1. አካባቢን አለመመልከት ኢየሱስን መመልከት

ሰው አሁን ያለውን ጊዜያዊውን ችግር ካይ ካተኮረና አይኑን ከኢየሱስ ላይ ካላተኮረ ሩቅ መሄድ ያቅተዋል፡፡ ሰው በጊዜያዊ ደስታ ላይ ለካተኮረ ዘለቄታዊ ነገርት ማድረግ ያቅተዋል፡፡ ሰው እይታው በአሁን ላይ ብቻ ከሆነ ቋሚ ክብር ያለው ነገር ማድረግ ያቅተዋል፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

  1. የሚታየውን አለማየት የማይታየውን ማየት

ሰው የሚታየውን ብቻ ካየ በእግዚአብሄር ቃል መኖር አችልም፡፡ ሰው የሚታየውን ብቻ ካየ በእምነት እግዚአብሄን ደስ ማሰኘት አይችልን፡፡ ሰው የማይታየውን ካላየ በማይታየው በእግግዚአብሄር መንግስት ፍሬያማ መሆን አይችልም፡፡

ሰው በላይ ያለውም ካላየ ውጤታማ ቸአይሆንም፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው። 2ኛ ቆሮንቶስ 4፡17-18

  1. ምድራዉን ብቻ አለማየት ሰማያዊውን ሃገር ማየት

ሰው በምድር ላይ ጊዜያዊ እንደሆነ ካወቀ እግዚአብሄር የሚፈልገው ኑሮ ይኖራል፡፡ ሰው የምድር ላይ ኑሮውን እንደ እንግድነት ካላየው እግዚአብሄርን ሊያስደስት አይችልም፡፡ ሰው በምድር ላይ እንደጊዜያዊ ተላላፊ ካልኖረ ለእግዚአብሄር ኖሮ ማለፍ አይችልም፡፡

ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ቆላስይስ 3፡1-2

መጨረሻቸው ጥፋት ነው፥ ሆዳቸው አምላካቸው ነው፥ ክብራቸው በነውራቸው ነው፥ አሳባቸው ምድራዊ ነው። እኛ አገራችን በሰማይ ነውና፥ ከዚያም ደግሞ የሚመጣ መድኃኒትን እርሱንም ጌታን ኢየሱስ ክርስቶስን እንጠባበቃለን፤ ፊልጵስዩስ 3፡19-20

  1. የሚታየውን ሳይሆን የማይታየውን ጌታ ማየት

ክርስትያን ጌታው በልቡ ነው፡፡ ክርስትያን የሚፈራው የማይታየውን ጌታ እንጂ የሚታዩትን የአካባቢውን ሁኔታዎች አይደለም፡፡ ክርስትያን የሚከተለው በነውስጡ የሚመራውን ክርስቶስን ነው፡፡ የሰው ተስፋ በውስጡ የሚኖረው ክትስቶስ ነው፡፡

ዳሩ ግን ጌታን እርሱም ክርስቶስ በልባችሁ ቀድሱት። 1ኛ ጴጥሮስ 3፡15

ለእነርሱም እግዚአብሔር በአሕዛብ ዘንድ ያለው የዚህ ምሥጢር ክብር ባለ ጠግነት ምን እንደ ሆነ ሊያስታውቅ ወደደ፥ ምሥጢሩም የክብር ተስፋ ያለው ክርስቶስ በእናንተ ዘንድ መሆኑ ነው። ቆላስይስ 1፡27

የእግዚአብሔርን ፈቃድ እንደሚያደርጉ እንደ ክርስቶስ ባሪያዎች እንጂ ለሰው ደስ እንደምታሰኙ ለታይታ የምትገዙ አትሁኑ። ለሰው ሳይሆን ለጌታ እንደምትገዙ በትጋትና በበጎ ፈቃድ ተገዙ፤ ኤፌሶን 6፡6-7

  1. የሚታየውን ሁኔታ ሳይሆን የማይታየውን የእግዚአብሄርን ቃል ተስፋ ማድረግ

ክርስትያን የሚያየው የእግዚአብሄርን ቃል ነው፡፡ ክርስትያን የሚያምነው የእግዚአብሄርን ቃል ነው፡፡ ክርስትያን የሚያተኩረው በእግዚአብሄር ቃል ላይ ነው፡፡ ክርስትያን ህይወቱን የሚገነባው በእግዚአብሄር ቃል ላይ ነው፡፡ ክርስትያን  በአካባቢው ከሚታዩ ነገሮች ሁሉ ይልቅ በአይን የማይታየውን የእግዚአብሄርን ቃል ነው የሚከተለው፡፡

ዘርህ እንዲሁ ሊሆን ነው እንደ ተባለ፥ ተስፋ ባልሆነው ጊዜ የብዙ አሕዛብ አባት እንዲሆን ተስፋ ይዞ አመነ። የመቶ ዓመትም ሽማግሌ ስለ ሆነ እንደ ምውት የሆነውን የራሱን ሥጋና የሳራ ማኅፀን ምውት መሆኑን በእምነቱ ሳይደክም ተመለከተ፤ ሮሜ 4፡18-19

  1. ሰው ምድራዊውን ስጋ ሳይሆን ሰማያዊውን መንፈስ ያያል

ሰው በእግዚአብሄር አምሳል የተፈጠረውን መንፈሱን ካላየ ለእግዚአብሄር ሊኖር አይችልም፡፡ ሰው የማይታየውን ማንነቱን ካላየ በእግዚአብሄር መልክና አምሳል መፈጠሩን አይረዳም፡፡

ለእኔ ሕይወት ክርስቶስ፥ ሞትም ጥቅም ነውና። ነገር ግን በስጋ መኖር ለእኔ የሥራ ፍሬ ቢሆን፥ ምን እንድመርጥ ኣላስታውቅም። ፊልጵስዩስ 1፡22-23

ኢየሱስም መለሰ፥ እንዲህ ሲል፦ እውነት እውነት እልሃለሁ፥ ሰው ከውኃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም። ዮሃንስ 3፡5

ስለዚህም አንታክትም፥ ነገር ግን የውጭው ሰውነታችን ቢጠፋ እንኳ የውስጡ ሰውነታችን ዕለት ዕለት ይታደሳል። 2ኛ ቆሮንቶስ 4፡16

  1. ምድራዊው ሳይሆን ሰማያዊውን ሽልማት ማየት

ሰው ለምድራዊው ሽልማት ቦታ ከሰጠ ለሰማያዊው ለማያልፈው ሽልማት ቦታ አይኖረውም፡፡ ሰው በምድራዊ ፉክክርና ውድድር ከተያዘ የሰማያዊውን ሩጫ በትግስት መሮጥ ያቅተዋል፡፡

የሚታገልም ሁሉ በነገር ሁሉ ሰውነቱን ይገዛል፤ እነዚያም የሚጠፋውን አክሊል ሊያገኙ ነው፥ እኛ ግን የማይጠፋውን። 1ኛ ቆሮንቶስ 9፡25

  1. በምድራዊው ሳይሆን በሰማዩን መዝገብ ማከማቸት

ሰው በምድር የሚያገኘውን ማንኛውንም ነገር እንዴት በሰማይ መዝገብ እንደሚያስመዘግበው ካላሰበ ይከስራል፡፡ በጊዜያዊ ገንዘብ ዘላለማዊ ውጤት የሚያገኝ ሰው ጥበበኛ ሰው ነው፡፡

እኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16፡9

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እይታ #ተስፋ #መፀለይ #መንፈስ #በረከት #መዝገብ #ሰማይ #እንግዶች #ዘላለም #ቤተክርስትያን #አማርኛ #ስብከት #መዳን #እምነት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እይታ #ምድራዊ #ሰማያዊት #ማየት #ቅርብ

በተግዳሮቶች መካከል በታላላቅ እድሎች የተሞላ የራእይ ህይወት

New-Business-Opportunities-.jpgህይወት በልዩ ልዩ አስደናቂ እድሎች እና አጋጣሚዎች የተሞላ ነው፡፡ ህይወት ዝቀን በማንጨርሰው እድልና ጥቅሞች የተሞላ ነው፡፡ ህይወት ለማደግ፣ ለመለወጥ ፣ ለማበብና ለማብራት ምቹ እና ተስማሚ በሆኑ ጊዜያቶች የተሞላ ነው፡፡

ሁላችንም ማደግ መለወጥ መነሳት ማበብ እንችላለን፡፡ ህይወትን በሚገባ ከያዝነውና እንደ ህጉ ከተጫወትን ህይወት ደስ የሚያሰኝና የሚያረካ ጀብድ /adventure/ ነው፡፡

የእግዚአብሄርን ፈቃድ ህይወት እንዲሆንልን ብቻ ሳይሆን እንዲበዛልንም ነው፡፡ ጥቂት ሰዎች ብቻ ሳይሆኑ ሁላችንም በየፊናችን እንድንወጣ ፣ እንድንሰፋ ፣ እንድናብብና እንድናፈራ እግዚአብሄር ይፈልጋል፡፡ ለሁላችንም የሚበቃ አቅርቦትና ጥቅም ተገልጦዋል፡፡

እኔ ሕይወት እንዲሆንላቸው እንዲበዛላቸውም መጣሁ። ዮሃንስ 10፡10

አንዱ ህይወትን በሚገባ አጣጥሞ ሲኖረው ፣ ህይወት ሲበዛለት እና በህይወት ሲያፈራና ሲያበራ እናያለን፡፡ ሌላው ደግሞ ህይወት የማይገፋ ተራራ ሲሆንበት እያንዳንዷ እርምጃ ጭንቅ ስትሆንበት እናያለን፡፡ አንዱ የህይወት ቁልፉን እንዳገኘ ሲከፍት ሲገባና ሲወጣ ስናይ ሌላው ደግሞ የህይወት ቁልፍ ጠፍቶበት ሲፈራ ሲወጣና ሲወርድ ከምኑም ሳይሆን ሲባክን እናያለን፡፡

በሩ እኔ ነኝ፤ በእኔ የሚገባ ቢኖር ይድናል፥ ይገባልም ይወጣልም መሰማርያም ያገኛል። ዮሃንስ 10፡9

አንዱ ህይወትን አጣጥሞ ሲኖረው ፣ መኖር መኖር ሲለው ፣ እያንዳንዱዋን የህይወቱን አፍታ በእግዚአብሄር መልካምነት ደስ ሲሰኝበት እናያለን፡፡ ሌላው ደግሞ እያንዳንዱ የህይወት ሃላፊነት ሲጨንቀው እንመለከታለን፡፡ አንዱ ትንሽ ጨለማ ውጣ ስታስቀረው ሌላው ግን በብዙ ጨለማ መካከል ደምቆ ያበራል፡፡ ለአንዱ የእንቅፋት ድንጋይ የሆነው ለሌላው መወጣጫ ደረጃ ነው፡፡

ብርሃንሽ መጥቶአልና፥ የእግዚአብሔርም ክብር ወጥቶልሻልና ተነሺ፥ አብሪ። እነሆ፥ ጨለማ ምድርን ድቅድቅ ጨለማም አሕዛብን ይሸፍናል፤ ነገር ግን በአንቺ ላይ እግዚአብሔር ይወጣል ክብሩም በአንቺ ላይ ይታያል፤ ኢሳይያስ 60፡1

አንዳንዱ ህይወት ሲበዛለት ፣ ሲትረፈረፍለት ፣ ሲወጣ ፣ ሲያብብ ፣ ሲያፈራ ስናይ ሌላው ደግሞ አንዱንም ነገር ከውጤት ሳያደርስ ሲዳክር ዘመኑን ይፈጃል፡፡ አንዱ ህይወትን እንደመኪና ተደላድሎ ሲነዳ ሌላው ግን ህይወትን እንደቆመ መኪና ሲገፋ አንዱ የያዘው ሲያንስ ፣ አቅም ሲያንሰው ፣ ህይወትን ሲገፋ ፣ ሲለፋ ሲጥር እንደልፋቱም ሳያገኝ እንደድካሙ ሳያፈራ ይታያል፡፡ አንዱ መንገዱ ሰፍቶለት አማርጦ ሲያደርግ ሌላው ግን ያለውም አንዱ እየጠበበት ሲሄድ ይታያል፡፡ አንዱ ለመኖር ሲፈራ ሌላው ግን በሞት ጥላ መካከል በድፍረት ኖሮ ኖሮ አይጠግብም፡፡

ላለው ይሰጠዋልና ይበዛለትማል፤ ከሌለው ግን ያው ያለው እንኳ ይወሰድበታል። ማቴዎስ 13፡12

እግዚአብሄር ሁላችንም እንድናብብ ፣ እንድንሰፋ ፣ እንድንወጣ እየፈለገ ለዚያም በትጋት እየሰራ በሰዎች መካከል ልዩነት ያመጣው ነገር ራእይ ነው፡፡ ራእይ በሁለት ሰዎች መካከል ልዩነትን ያለመጣል፡፡ እግዚአብሄር በህይወታችን ያለውን አላማ መረዳት በሁለት ጓደኛች መካከል ልዩነትን ያመጣል፡፡ የእግዚአብሄርን ለእያንዳንዳችን ያለውን ጥሪና ተልእኮ መረዳት በሁለት አማኞች ህይወት መካከል ልዩነት እንዲታይ ያደርጋል፡፡ የእግዚአብሄርን ራእይ ማግኘት እና አለማግኘት በሁለት አገልጋዮች መካከል ልዩነትን ያመጣል፡፡

የራዕይ እጥረት የህይወት እጥረት ያመጣል ፡፡ የራእይ መብዛት የህይወትን መትረፍረፍን ያመጣል፡፡ የራእይ ጥራት የህይወትን ጥራት ያመጣል፡፡

የሰውነትህ መብራት ዓይንህ ናት። ዓይንህ ጤናማ በሆነች ጊዜ ሰውነትህ ሁሉ ደግሞ ብሩህ ይሆናል። ዓይንህ ታማሚ በሆነች ጊዜ ግን ሰውነትህ ደግሞ የጨለመ ይሆናል። ሉቃስ 11፡34

ህይወት እግዚአብሄር ለህይወታችን ያለውን አላማ ከማወቅ ይጀምራል፡፡ እያንዳንዳችን የተፈጠርንበትን ልዩ አላማ ካወቅን ህይወት በብርሃን ይሞላል፡፡ ከተፈጠርንበትን አላማ ውጭ ከኖርን ህይወታችን አሰቃቂ ይሆናል፡፡

በመጀመሪያው ቃል ነበረ፥ ቃልም በእግዚአብሔር ዘንድ ነበረ፥ ቃልም እግዚአብሔር ነበረ። ይህ በመጀመሪያው በእግዚአብሔር ዘንድ ነበረ። ሁሉ በእርሱ ሆነ፥ ከሆነውም አንዳች ስንኳ ያለ እርሱ አልሆነም። በእርሱ ሕይወት ነበረች፥ ሕይወትም የሰው ብርሃን ነበረች። ብርሃንም በጨለማ ይበራል፥ ጨለማም አላሸነፈውም። ዮሐንስ 1፡1-4

በህይወታችን ራእይ በጣም ያስፈልገናል፡፡ የራእይ እጥረት ካለብን የህይወት እጥረት አለብን ማለት ነው፡፡ ኢየሱስ ግን የመጣው ህይወት እንዲሆንልን እንዲበዛልንም ነው፡፡

ህይወት በታላላቅ እድሎች ተግዳሮቶችና ድሎች የተሞላች ነች፡፡ ራእይ ካለንና አጥርተን በህይወታችን የእግዚአብሄርን አላማ ካየን ከህይወት የተሻለውን ነገር ማውጣትና በሚገባ የተኖረ ህይወት ይኖረናል፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ራዕይ #ምሪት #የእግዚአብሄርአጀንዳ #የእግዚአብሄርፈቃድ #የእግዚአብሄርአላማ #የእግዚአብሄርምክር #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተግዳሮት #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #አይን #እይታ #አጥርቶ #ራእይ #መሪ

የእግዚአብሔር እረኛነት የሚገለጥባቸው ሶስት ዋና ዋና ጥቅሞች

good_shepherd_3.jpg

አምላክ ያለው ሰው ጥቅሙ ይህ ነው፡፡ እግዚአብሔር እረኛ ነው፡፡ እግዚአብሔር ይመራል ፣ ያበረታል ያፅናናል፡፡ የእግዚአብሔር እረኝነት የሚገለጥባቸው ሶስት ዋና ዋና ነገሮችን እንመልከት

  1. እግዚአብሔር ይመራል

እግዚአብሔር አምላኩ የሆነለት ህዝብ ዋነኛው ጥቅም በእግዚአብሔር ማስተዋል መጠቀም ነው፡፡ እግዚአብሔር ማስተዋል አይመረመርም፡፡ እግዚአብሔር ሁሉን ያውቃል፡፡ ይህ ሁሉን የሚያውቅ እግዚአብሔር መንጋ ከመሆን የተሻለ ምን ነገር አስተማማኝ ነገር ይኖራል፡፡ እግዚአብሔር ይመራናል፡፡ እግዚአብሔር ባለንበት ደረጃ ወርዶ ይናገረናል፡፡ እግዚአብሔር መረዳት በምንችልበት መጠን እና ቋንቋ ሃሳቡን ይገልጥልናል፡፡ እግዚአብሔር ከተናገረ እናውቃለን፡፡ እግዚአብሔር እንደተረዳን እርግጠኛ እስኪሆን ድረስ ይናገራል፡፡

እግዚአብሔር እረኛዬ ነው፥ የሚያሳጣኝም የለም። በለመለመ መስክ ያሳድረኛል፤ በዕረፍት ውኃ ዘንድ ይመራኛል። ነፍሴን መለሳት፥ ስለ ስሙም በጽድቅ መንገድ መራኝ። መዝሙር 23፡1-3

  1. እግዚአብሔር ያበረታል

እግዚአብሔር ትክክለኛውን አቅጣጫ ማሳየት ብቻ ሳይሆን በዚያ መንገድ እንድንሔድ ሃይልን ይሰጠናል፡፡ እግዚአብሔር ያበረታል፡፡ እግዚአብሔር ይደግፋል፡፡

አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ለደካማ ኃይልን ይሰጣል፥ ጕልበት ለሌለውም ብርታትን ይጨምራል። ኢሳያስ 40፡28-29

  1. እግዚአብሔር ያፅናናል

እግዚአብሔር ልባችንን ያፅናናል፡፡ በምድር ላይ እኛን ለማሳዘን የሚመጡ ብዙ ነገሮች ቢኖሩም ከሁሉም በላይ እንድንምኖትር እግዚአብሔር ያፅናናል እግዚአብሔር ልባችን በደስታ ይደግፋል፡፡ ከሁኔታ ጋር ያልተያያዘ ደስታን ይሰጠናል፡፡ ከሁኔታዎች ባላይ እንድንኖር ልባችንን ያፅናናል፡፡

የርህራሔ አባት የመፅናናት ሁሉ አምላክ የሆነው የጌታችን የእየሱስ ክርስቶስ አባትና አምላክ ይባረክ፡፡ 1ኛቆሮንቶስ 1፥3

ይህን ፅሁፍ ለሌሎች ሼር share ያድርጉ!

ለተጨማሪ ፅሁፎች https://www.faሼር share/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪነት #ያበረታል #ያፅናናል #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ

ክርስቶስም በልባችሁ እንዲኖር

cloakoflove11.jpgበመንፈሱ በውስጥ ሰውነታችሁ በኃይል እንድትጠነክሩ ክርስቶስም በልባችሁ በእምነት እንዲኖር እንደ ክብሩ ባለ ጠግነት መጠን ይስጣችሁ፤ የእናንተ ሥርና መሠረት በፍቅር ይጸና ዘንድ፥ኤፌሶን 3፡16-17

በክርስትና ውጤታማ ከሚያደርገን ነገር አንዱ ክርስቶስ በልባችን እንደሚኖር ማወቅ እና ሁልጊዜ ንቁ መሆን ነው፡፡ ክርስቶስ በልባችን እንዳለ ካወቅን እንደሚመራን እናውቃለን፡፡

በአዲስ ኪዳን የብሉይ ኪዳንን አትቅመስና አትንካ ትእዛዝ አንከተልም፡፡

ከዓለማዊ ከመጀመሪያ ትምህርት ርቃችሁ ከክርስቶስ ጋር ከሞታችሁ፥ እንደ ሰው ሥርዓትና ትምህርት። አትያዝ፥ አትቅመስ፥ አትንካ ለሚሉት ትእዛዛት በዓለም እንደምትኖሩ ስለ ምን ትገዛላችሁ? እነዚህ ሁሉ በመደረግ ሊጠፉ ተወስነዋልና። ቆላስይስ 2፡20-22

በአዲስ ኪዳን በአእምሮዋችን ክፉና ደጉን በመለየት ብቻ በአእምሮዋችን አንመራም፡፡

እግዚአብሔር አምላክም ሰውን እንዲህ ብሎ አዘዘው፦ ከገነት ዛፍ ሁሉ ትበላለህ፤ ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። ዘፍጥረት 2፡16-17

በምድር በመመላለስ አለምን ያሸነፈው ኢየሱስ በእኛ እያንዳንዳችን ውስጥ በመኖር እኛን በመምራትና በማበርታት አለምን ማሸነፍ ይፈልጋል፡፡

በእኔ ሳላችሁ ሰላም እንዲሆንላችሁ ይህን ተናግሬአችኋለሁ። በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ። ዮሃንስ 16፡33

አንድ ሰባኪ ሲናገር ኢየሱስ የተራራውን ስብከት የሰበከው እሱ በምድር ላይ ስጋ ለብሶ የሰራውን ስራ በእኛ በእያንዳንዳችን ውስጥ በመኖር እንደሚደግመው እየተናገረ ነበር ብሎዋል፡፡

በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን? 2ኛ ቆሮንቶስ 13፡5

ክርስቶስ በእኛ የሚኖረው ሃይል ሊሆነን ነው፡፡ ክርስቶስ በእኛ የሚኖረው ለእግዚአብሄር አላማ ብቁ ሊያደርገን ነው፡፡

ኢየሱስ በእኛ ውስጥ የሞኖረው ሊመራን ነው፡፡ በውስጣችን መለኮታዊ ህይወት ይኖራል፡፡ በውስጣችን ያለው ኢየሱስ አንድ ነገር ለማድረግ ሲነሳሳ አንብረነው እንንነሳለን፡፡ በውስጣችን ያለው ኢየሱስ አንድን ለማድረግ ካልፈለገ እኛም አንፈልግም፡፡ በውስጣችን ያለው ኢየሱስ ከሮጠ አብረነው እንሮጣለን፡፡ በውስጣችን ያለው ኢየሱስ ከቆመ አብረነው እንቆማለን፡፡

እኛ ለራሳችን ፈቃድ ሞተናል፡፡ አሁን የምንኖረው ኑሮ በውስጣችን ባለው ኢየሱስ አሰራር ላየ በመታመን የምንኖረው ኑሮ ነው፡፡ አሁን ያለን ኑሮ በውስጣችን ያለውን ኢየሱስ ታምነን በመከተል የምንኖረው ኑሮ ነው፡፡

ከክርስቶስ ጋር ተሰቅዬአለሁ፤ እኔም አሁን ሕያው ሆኜ አልኖርም ክርስቶስ ግን በእኔ ይኖራል፤ አሁንም በሥጋ የምኖርበት ኑሮ በወደደኝና ስለ እኔ ራሱን በሰጠው በእግዚአብሔር ልጅ ላይ ባለ እምነት የምኖረው ነው። ገላትያ 2፡20

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #በመንፈስመመላለሰ #ቃሉንማሰላሰል #መንፈስበእኛ #ህግንመፈፀም #ኢየሱስ #ቤተመቅደስ #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሔርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #መሪ #መንፈስቅዱስ

ትንቢት የሚፈተንባቸው ስድስቱ መንገዶች

TEST PROPHECY.jpgትንቢት ፍፁም አይደለም፡፡ ነቢያትም ፍፁም አይደሉም፡፡ ፍፁሙ የእግዚአብሔር ፈቃድ ግን ሊሳሳት በሚችል ሰው ውስጥ ነው የሚተላለፈው፡፡ እግዚአብሔር ግን ከማይተላለፍ ፍፁም ባልሆነ ሰው ውስጥ ቢተላለፍ ይሻላል ብሎ ነው ነቢያትን የሰጠን፡፡

በብሉይ ኪዳን የእግዚአብሔር መንፈስ የሚኖረው በነቢያት በካህናትና በነገስታት ላይ ብቻ ስለነበረ የእግዚአብሔር ህዝብ ቃሉን ከመቀበል ውጭ በውስጡ ባለው መንፈስ ትንቢቱን የሚመዝንበት እድል አልነበረውም፡፡

ሰዎች በብሉይ ኪዳን የእግዚአብሔር ቃል የሚገኝበት ነቢይ እዚህ ይኖራል? በማለት ችግር ሲገጥማቸው ነቢያትን ይፈልጉ ነበር፡፡

በአዲ ኪዳን ግን መንፈስ ቅዱስ በአማኞች ሁለ ውሰጥ አለ፡፡ እንዲያውም በውስጡ መንፈስ ቅዱስ ከሌላ አማኝ አይደለም፡፡

የክርስቶስ መንፈስ የሌለው ከሆነ ግን ይኸው የእርሱ ወገን አይደለም። ሮሜ 8፡9

ትንቢትን የመፈተን ትልቁ ሃላፊነት ያለው እኛ ጋር ነው፡፡ ነቢይ ስላሳሳተኝ ነው ብለን የምንሰጠው ሰበብ ሊኖር አይችልም፡፡

ነቢይ በጉባኤ ሲናገር ሌሎች ነቢያት የሚናገረውን ነገር እንዲፈትኑት መፅሃፍ ቅዱስ ያስተምራል፡፡

ነቢያትም ሁለት ወይም ሦስት ሆነው ይናገሩ ሌሎችም ይለዩአቸው፤ 1ኛ ቆሮንቶስ 14፡29

በጉባኤም ይሁን በግል የተሰጡትን ትንቢቶች መቀበል ወይም አለመቀበል ሃላፊነቱ ያለው አማኙ ጋር ነው፡፡ እኔ ታላቅ ነቢይ ነኝና የምናገረውን ሁሉ ሳትጠራጠረሩ ዋጡ የሚል ነቢይ እኛም አማኞች እያንዳንዳችን እንደ ነቢይ የምንለይበት መንፈስ እንዳለን ማወቅ ይገባዋል፡፡

ትንቢት የሚፈተሽባቸው ስድስት መንገዶች

  1. ትንቢት ከእግዚአብሔር ቃል ጋር መስማማት አለበት፡፡

ትንቢት ከእግዚአብሔር ቃል ከተቃረነ በቃሉ ላይ ከጨመረ ወይም ከቀነሰ ስህተት መሆኑን አውቆ መጠንቀቅ ይገባል፡፡ የእግዚአብሔር ቃል ሰባት ጊዜ የተፈተነ ራሱ የትንቢት ቃል ነው፡፡ እያንዳንዱ ትንቢት ከተፈተነው ከእግዚአብሔር ቃል ካለተስማማ ትንቢቱ ተሳስቷል ያሳስታልም፡፡

ወንድሞች ሆይ፥ ስለ አንዱ በአንዱ ላይ አንዳችሁም እንዳይታበዩ፦ ከተጻፈው አትለፍ የሚለውን በእኛ ትማሩ ዘንድ፥ ይህን በእናንተ ምክንያት ስለ ራሴና ስለ አጵሎስ እንደ ምሳሌ ተናገርሁ። 1ኛ ቆሮንቶስ 4፡6

ማንም ሰው የሚናገር ቢሆን፥ እንደ እግዚአብሔር ቃል ይናገር፤ 1ኛ ጴጥሮስ 4፡11

  1. ትንቢት ከመንፈሳችን ምሪት ጋር መስማማት አለበት

አንዳንድ ጊዜ ትንቢት ከአጠቃላይ የእግዚአብሔር ምክር ጋር ተስማምቶ ነገር ግን አግዚአብሔር በጊዜው ያልሰጠን ሬማ ቃል አይደለም ይሆናል፡፡ ምንም እንኳን ነቢዩ ከመፅሃፍ ቅዱስ ጠቅሶ ቢተነብይም ለጊዜው እግዚአብሔር ለእኛ የሰጠን መልእክት መሆኑን ማመረጋገጥ አለብን፡፡ ነቢይ ለግል ህይወታችን የሚናገረው ነገር ጉሉ እግዚአብሔር ለግላችን በመንፈሱ የሚያተረጋገጥልን ካልሆነ አለመቀበል እንችላለን፡፡ እግዚአብንሔርን በልባችን ለግላችን ያልመራንን  ነቢዩ ስለተናገረ ብቻ ለምን አልፈፀሙትም አይለንም፡፡

በእግዚአብሔር መንፈስ የሚመሩ ሁሉ እነዚህ የእግዚአብሔር ልጆች ናቸውና። የእግዚአብሔር ልጆች መሆናችንን ያ መንፈስ ራሱ ከመንፈሳችን ጋር ይመሰክራል። ሮሜ 8፡14፣16

እናንተም ከቅዱሱ ቅባት ተቀብላችኋል፥ ሁሉንም ታውቃላችሁ። እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡20፣27

  1. ትንቢት የሰው ፈቃድ መሆን የለበትም

ትንቢት የሚናገረው ከራሱ ፍላጎት ብቻ ከሆነ ትንቢቱ ትክክል አይሆንም፡፡ ትንቢትን የሚናገረው ሰው ከኪሱ አውጥቲ እንደሚሰጥ ከሆነ ትንቢቱ እውነተኛ ላይሆን ይችላል፡፡ ትንቢት በሰው ፈቃድ አይመጣም፡፡

እግዚአብሔርም እንዲህ አለኝ፦ ነቢያቱ ውሸት በስሜ ትንቢት ይናገራሉ፤ አላክኋቸውም፥ አላዘዝኋቸውም፥ አልተናገርኋቸውም፤ የውሸቱን ራእይ ምዋርትንም ከንቱንም ነገር የልባቸውንም ሽንገላ ይሰብኩላችኋል። ኤርሚያስ 14፡14

የሠራዊት ጌታ እግዚአብሔር እንዲህ ይላል፦ ትንቢት የሚናገሩላችሁን የነቢያትን ቃል አትሰሙ፤ ከንቱነትን ያስተምሩአችኋል፤ ከእግዚአብሔር አፍ ሳይሆን ከገዛ ልባቸው የወጣውን ራእይ ይናገራሉ። ኤርምያስ 23፡16

 

ትንቢት ከቶ በሰው ፈቃድ አልመጣምና፥ ዳሩ ግን በእግዚአብሔር ተልከው ቅዱሳን ሰዎች በመንፈስ ቅዱስ ተነድተው ተናገሩ። 2ኛ ጴጥሮስ 1፡21

  1. ትንቢት መፈፀም አለበት

ትንቢቱ ካለተፈፀመ ትንቢቱን እንደተሳሳተ እንረዳለን፡፡ በተለይ በብሉይ ኪዳን የእግዚአብሔር ህዝብ ትንቢትን በመንፈስ የመለየት ምንም እድል ስላልነበረው የትንቢትን እውነተኝነት የሚያረጋግጡት መፈፀሙንና አለመፈፀሙን ጠብቀው አይተው ነበር፡፡ ነቢይ እንደማንም ሰው ሊሳሳት ይችላል፡፡ ነቢዩም ትንቢይ ካመጣ ደግሞ ተሳስቻለሁ ብሎ ይቅርታ መጠየቅ አለበት፡፡

በልብህም፦ እግዚአብሔር ያልተናገውን ቃል እናውቅ ዘንድ እንዴት ይቻለናል? ብትል፥ ነቢዩ በእግዚአብሔር ስም በተናገረ ጊዜ የተናገረው ነገር ባይሆን ባይመጣም፥ ያ ነገር እግዚአብሔር ያልተናገረው ነው፤ ነቢዩ በድፍረቱ ተናግሮታል እርሱን አትፍራው። ዘዳግም 18፡21-22

  1. የነቢዩን አጠቃላይ የህይወት ባህሪ በመመልከት

ሰው ነቢይ ነኝ ቢል ነገር ግን ገንዘብን መውደድ የተሞላ ከሆነ እግዚአብሔር ለነቢይነት ቢጠራውም አንኳን ገንዘብን መውደድ የክፋት ሁሉ ስር ነው እንደሚል ነቢይነቱን ለራሱ የግል ጥቅም ለክፋት ሊጠቀምበት ስለሚችል ከዚህ አይነት ሰው ትንቢት መጠንቀቅ ያስፈልጋል፡፡

የበግ ለምድ ለብሰው ከሚመጡባችሁ በውሥጣቸው ግን ነጣቂዎች ተኵላዎች ከሆኑ ከሐሰተኞች ነቢያት ተጠንቀቁ። ከፍሬያቸው ታውቋቸዋላችሁ። ከእሾህ ወይን ከኩርንችትስ በለስ ይለቀማልን? ማቴዎስ 7፡15-16

  1. የነቢዩን አምልኮ እና ለእግዚአብሔር ያለውን መሰጠት በመመልከት

በብሉይ ኪዳን እንዲያውም ሰው የተናገረው እንኳን ቢፈፀም እንኳን ነገር ግን ባእዳን አማልክትን እናመልክ ካለ ስቷል፡፡ ከተፈጥሮ በላይ ሃይል ነው ማለት ከእግዚአብሔር ብቻ ነው ማለት አይደለም፡፡ ከተፈጥሮ በላይ የሆነ ነገር ግን የእግዚአብሔር መንፈስ ግን ያልሆነ ሃይል በአለም ላይ አለ፡፡

በመካከልህም ነቢይ ወይም ሕልም አላሚ ቢነሣ፥ ምልክትም ተአምራትም ቢሰጥህ፥ እንደ ነገረህም ምልክቱ ተአምራቱም ቢፈጸም፥ እርሱም፦ ሔደን የማታውቃቸውን ሌሎች አማልክት እንከተል እናምልካቸውም ቢልህ፥ አምላካችሁን እግዚአብሔርን በፍጹም ልባችሁ በፍጹምም ነፍሳችሁ ትወድዱት እንደ ሆነ ያውቅ ዘንድ አምላካችሁ እግዚአብሔር ሊፈትናችሁ ነውና የዚያን ነቢይ ቃል ወይም ያን ሕልም አላሚ አትስማ። ዘዳግም 13፡1-3

ወዳጆች ሆይ፥ መንፈስን ሁሉ አትመኑ፥ ነገር ግን መናፍስት ከእግዚአብሔር ሆነው እንደ ሆነ መርምሩ፤ ብዙዎች ሐሰተኞች ነቢያት ወደ ዓለም ወጥተዋልና። 1ኛ ዮሐንስ 4፡1

እግዚአብሔር በነቢያት ቢጠቀምም እግዚአብሔር አብዛኛውን ጊዜ የሚናገረው በልባችን ነው፡፡ እግዚአብሔር በልባችን እንደሚናገረን አስተማማኝ መልእክት የለም፡፡ እግዚአብሔር በግላችን እንዲናገረን ጊዜ እንስጠው፡፡ እግዚአብሔር በነቢያቱ የሚናገረንን አንናቅ ነገር ግን ሁሉን እንፈትን መልካሙን እንያዝ፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ቅባት #መንፈስቅዱስ #የእግዚአብሔርመንፈስ #መሪ #ቤተመቅደስ #ቤተክርስትያን #አማርኛ #ስብከት #መዳን #መፅሃፍቅዱስ #ነቢያት #ነቢይ #አቢይ #አቢይዋቁማ #አቢይዋቁማዲንሳ

የአዲስ አመት ውሳኔዎች

new year resolution.jpg

  1. በ 2010 ዓመተ ምህረት በእምነት ለማደግ የሚያስፈልጉትን ነገሮች ማድረግ፡፡ አዲስ ኪዳንን ቢያንስ አንድ ወይም ሁለት ጊዜ ማንበብ ወይም በድምፅ መስማት ውሳኔዬ ነው፡፡

የእግዚአብሔር ቃል በሙላት ይኑርባችሁ፤ በጥበብ ሁሉ እርስ በርሳችሁ አስተምሩና ገሥጹ፤ በመዝሙርና በዝማሬ በመንፈሳዊም ቅኔ በጸጋው በልባችሁ ለእግዚአብሔር ዘምሩ፤ ቆላስይስ ሰዎች 3፡16

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17

  1. በ 2010 ዓመተ ምህረት ለእግዚአብሔር ቤት ስራ ለቤተክርስትያን ስራ በተጨማሪ ገንዘብ በመስጠት የእግዚአብሄርን መንግስት የማገለግልበትን መንገድ መፈለግ ውሳኔዬ ነው፡፡

ይህንም እላለሁ፦ በጥቂት የሚዘራ በጥቂት ደግሞ ያጭዳል፥ በበረከትም የሚዘራ በበረከት ደግሞ ያጭዳል። እግዚአብሔር በደስታ የሚሰጠውን ይወዳልና እያንዳንዱ በልቡ እንዳሰበ ይስጥ፥ በኀዘን ወይም በግድ አይደለም። 2ኛ ቆሮንቶስ 9፡6-7

  1. በ 2010 ዓመተ ምህረት እግዚአብሄርን ከቅዱሳን ቃል ለማምለክ ፣ ለመፀለይ ፣ የእግዚአብሄርን ቃል ለመማር እንዲሁም ከእግዚአብሄር ህዝብ ጋር ህብረት ለማድረግ ለቅዱሳንን ህብረት ይበልጥ ራሴን መስጠትና ለመትጋት ውሳኔዬ ነው፡፡

ለፍቅርና ለመልካምም ሥራ እንድንነቃቃ እርስ በርሳችን እንተያይ፤ በአንዳንዶችም ዘንድ ልማድ እንደ ሆነው፥ መሰብሰባችንን አንተው እርስ በርሳችን እንመካከር እንጂ፤ ይልቁንም ቀኑ ሲቀርብ እያያችሁ አብልጣችሁ ይህን አድርጉ። ዕብራዊያን 10፡24-25

  1. በ 2010 ዓመተ ምህረት በጉልበቴ በእውቀቴ በገንዘቤና በጊዜዬ ደከመኝ ሳልል የእግዚአብሄርን ህዝብ ለማገልገል ወስኛለሁ፡፡

ነገር ግን በእግዚአብሔር ጸጋ የሆንሁ እኔ ነኝ፤ ለእኔም የተሰጠኝ ጸጋው ከንቱ አልነበረም ከሁላቸው ይልቅ ግን ደከምሁ፥ ዳሩ ግን ከእኔ ጋር ያለው የእግዚአብሔር ጸጋ ነው እንጂ እኔ አይደለሁም። 1ኛ ቆሮንቶስ 15፡10

አገልግሎት ቢሆን በአገልግሎታችን እንትጋ፤ የሚያስተምርም ቢሆን በማስተማሩ ይትጋ፤ የሚመክርም ቢሆን በመምከሩ ይትጋ፤ የሚሰጥ በልግስና ይስጥ፤ የሚገዛ በትጋት ይግዛ፤ የሚምር በደስታ ይማር። ሮሜ 12፡7-8

  1. በ 2010 ዓመተ ምህረት እግዚአብሄር በግል ህይወቴ የተናገረኝን ለመፈፀም የሚጠይቀውን ዋጋ ለመክፈል ውሳኔዬ ነው፡፡

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ። ቆላስይስ 4፡17

  1. በ 2010 ዓመተ ምህረት እግዚአብሄር በህይወቴ ያለውን አላማ በሙላት መፈፀም እችል ዘንድ በግል የፀሎት ጊዜዬ ጌታን ለመስማትና ለመታዘዝ ዘወትር የጥሞና ጊዜ ለመውሰድ ውሳኔዬ ነው፡፡

እነዚህም ጌታን ሲያመልኩና ሲጦሙ መንፈስ ቅዱስ፦ በርናባስንና ሳውልን ለጠራኋቸው ሥራ ለዩልኝ አለ። ሐዋርያት 13፡2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#አዲስፍጥረት #አዲስ #ፀሎት  #መዳን #ኢየሱስ #ጌታ #እግዚአብሔር #ንስሃ #አምልኮ #መታዘዝ #ህብረት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #አገልግሎት #መናገር #የእግዚአብሄርአላማ #ሰላም ትግስት #ውሳኔ

የእግዚአብሔርን ድምፅ እንዳንሰማ የሚያግዱን አራት እንቅፋቶች

listening.jpg 2.jpgእግዚአብሔርን ሰውን ሲፈጥረው ከሰው ጋር በደንብ መነጋገር እንዲችል በመልኩና በአምሳሉ ነው የፈጠረው፡፡ እግዚአብሔር በመልኩና በአምሳሉ ለፈጠረው ለሰው ይናገራል፡፡

የእግዚአብሔርና የሰው ግንኙነት በሃጢያት ምክኒያት ከተበላሸም በኋላ ኢየሱስ ስለሃጢያታችን እንደሞተ የተቀበልን ሁሉ እግዚአብሔር እንደልጅ ይናገረናል፡፡ እግዚአብሔርን እንደ ቤተሰብ አባል ለመስማት ኢየሱስን መቀበል በቂ ነው፡፡ እኛ እግዚአብሔርን መስማት ከምንፈልገው በላይ እግዚአብሔር ሁልጊዜ ሊናገረንና እኛም እንድንሰማው ይፈልጋል፡፡ እግዚአብሔር ልጅ አድርጎ ከተቀበልን ጊዜ ጀምሮ ይናገራል፡፡ እኛም እግዚአብሔርን መስማት እንችላን፡፡

ፈቃዱን ሊያደርግ የሚወድ ቢኖር፥ እርሱ ይህ ትምህርት ከእግዚአብሔር ቢሆን ወይም እኔ ከራሴ የምናገር ብሆን ያውቃል። ዮሃንስ 7፡17

እግዚአብሔር ስለሚናገፈር እኛም እግዚአብሔርን ለመስማት መዘገጋጀት አለብን፡፡ እግዚአብሔርን አጥርተን ለመስማት ማድረግ ያለብንን ነገሮች እንመልከት፡፡

እግዚአብሔርን አለመስማት የሚያጋጥሙንን እንቅፋቶችና እንዴት እንደምናልፍ እንመልከት

  1. ከባቢው ውስጥ አለመገኘት

እግዚአብሔር ይናገራል፡፡ እግዚአብሔር ሲናገር አጥርቶ ለመስማት በእግዚአብሔር ቃል ከባቢ ውስጥ መገኘት ይጠበቅብናል፡፡  የእግዚአብሔርን ቃል ስንሰማና ስናሰላስለው የእግዚአብሔርን ድምፅ ለመስማትና ለመለየት ቀላል ይሆንልናል፡፡ የእግዚአብሔርን ድምፅና የስጋችንን ድምፅ ለመለየት የእግዚአብሔር ቃል ከባቢ ውስጥ መቆየት ግዴታ ነው፡፡ የእግዚአብሔር ቃል የሚያሰላስል ሰው የእግዚአብሔርን ድምፅ ለመለየት ችሎታው ከፍ ይላል፡፡

የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። ኢያሱ 1፡8

በቀረውስ፥ ወንድሞች ሆይ፥ እውነተኛ የሆነውን ነገር ሁሉ፥ ጭምትነት ያለበትን ነገር ሁሉ፥ ጽድቅ የሆነውን ነገር ሁሉ፥ ንጹሕ የሆነውን ነገር ሁሉ፥ ፍቅር ያለበትን ነገር ሁሉ፥ መልካም ወሬ ያለበትን ነገር ሁሉ፥ በጎነት ቢሆን ምስጋናም ቢሆን፥ እነዚህን አስቡ፤ ፊልጵስዩስ 4፡8

  1. ራስን ትሁት አለማድረግ

እግዚአብሔርን ለመስማት ራስን ትሁት ማድረግና ለእግዚአብሔር ድምፅ ጊዜን መስጠት ያስፈልጋል፡፡ የማናውቀው ብዙ ነገር እነዳለ እግዚአብሔር ደግሞ ሁሉንም እንደሚያውቅ እውቅና ካልሰጠን እግዚአብሔርን እንዳንሰማ ያግደናል፡፡ ያወቅን ሲመስለን እግዚአብሔር ሲናገር መስማት አንችልም፡፡ እግዚአብሔር በሰማይ እንዳለ እኛም በምድር እንዳለን በብርቱ ካልፈለግነውና በዝግታና በትህትና ካልቀረብን እግዚአብሔርን መስማት ያቅተናል፡፡ ሌላ አማራጭ ይዘን እንድንፈልገው እግዚአብሔር አይፈልግም፡፡

ወደ እግዚአብሔር ቤት በገባህ ጊዜ እግርህን ጠብቅ፤ ለመስማት መቅረብ ከሰነፎች መሥዋዕት ይበልጣልና፤ እነርሱም ክፉ እንዲያደርጉ አያውቁምና። እግዚአብሔር በሰማይ፥ አንተም በምድር ነህና በአፍህ አትፍጠን፥ በእግዚአብሔርም ፊት ቃልን ይናገር ዘንድ ልብህ አይቸኵል፤ ስለዚህም ቃልህ ጥቂት ትሁን። መክብብ 5፡1-2

እግዚአብሔር እንዲህ ይላል፦ ሰማይ ዙፋኔ ነው፥ ምድርም የእግሬ መረገጫ ናት፤ የምትሠሩልኝ ቤት ምን ዓይነት ነው? የማርፍበትስ ስፍራ ምንድር ነው? እነዚህን ሁሉ እጄ ሠርታለችና እነዚህ ሁሉ የእኔ ናቸው፥ ይላል እግዚአብሔር፤ ነገር ግን ወደዚህ ወደ ትሑት፥ መንፈሱም ወደ ተሰበረ፥ በቃሌም ወደሚንቀጠቀጥ ሰው እመለከታለሁ። ኢሳይያስ 66፡1-2

እናንተ ትሹኛላችሁ፥ በፍጹም ልባችሁም ከሻችሁኝ ታገኙኛላችሁ። ኤርምያስ 29፡13

  1. እግዚአብሔርን ለመስማት ጊዜ አለመስጠት፡፡

በምድር ብዙ ድምፆች ስላሉ የእግዚአብሔርን ድምፅ እንዳንለይ ይገዳደራሉ፡፡ እግዚአብሔርን እንዳንሰማ የመያወናብዱ ብዙ ድምፆች አሉ፡፡ ሌሎችን ነገሮች ከመስማት ራሳችንን አግልለን እግዚአብሔርን ለመስማት ራሳችንን ማዘጋጀት የእኛ ድርሻ ነው፡፡ አንዳንዴ የእግዚአብሔርን ድምፅ ለመስማት ሌሎቹን ድምፆች ሁሉ ውጭ ማስቀረት አለብን፡፡

እነዚህም ጌታን ሲያመልኩና ሲጦሙ መንፈስ ቅዱስ፦ በርናባስንና ሳውልን ለጠራኋቸው ሥራ ለዩልኝ አለ። ሐዋርያት 13፡2

አንተ ግን ስትጸልይ፥ ወደ እልፍኝህ ግባ መዝጊያህንም ዘግተህ በስውር ላለው አባትህ ጸልይ፤ በስውር የሚያይ አባትህም በግልጥ ይከፍልሃል። ማቴዎስ 6፡6

  1. እግዚአብሔርን ድምፅ በአእምሮ መፈለግ፡፡

የእግዚአብሔር ድምፅ የሚሰማው በልብ ነው፡፡ እግዚአብሔርን በጎና መልካም በመለያ አእችምሮዋችን እንወስነውም፡፡ እግዚአብሔር የሚናገረው በመንፈስ ቅዱስ በልባችን ነው፡፡ ሰዎች መልካም የሚሉት ሁሉ ለእግዚአብሔር መልካም ላይሆን ይችላል፡፡ ሰዎች ክፉ የሚሉት ሁሉ ለእግዚአብሔር ክፉ ላይሆን ይችላል፡፡ በአእምሮዋችን ክፉና መልካም መለኪያ ብቻ የእግዚአብሔርን ድምፅ መለካት የእግዚአብሔርን ድምፅ ስንሰማ እንዳልየው ያግደናል፡፡

እግዚአብሔር አምላክም ሰውን እንዲህ ብሎ አዘዘው፦ ከገነት ዛፍ ሁሉ ትበላለህ፤ ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። ዘፍጥረት 2፡16-17

እንግዲህ በክርስቶስ ኢየሱስ ላሉት አሁን ኵነኔ የለባቸውም። በክርስቶስ ኢየሱስ ያለው የሕይወት መንፈስ ሕግ ከኃጢአትና ከሞት ሕግ አርነት አውጥቶኛልና። ሮሜ 8፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ምሪት #ጆሮ #ትህትና #ቃል #ድምፅ #አእምሮ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

መመላለስ ከመቀመጥ ይጀምራል

sit.jpgለእግዚአብሄር እንደሚገባ መመላለስ በሰው ጉልበት የሚቻል ነገር አይደለም፡፡ እንደ እግዚአብሄር ልጅ መመላለስ የእግዚአብሄር ሃይልና አሰራርን ይጠይቃል፡፡ ስለዚህ ነው ከመመላለስ በፊት መቀመጥ ይቀድማል የሚባለው፡፡

በሰማያዊ ስፍራ በአብ ቀኝ በተቀመጥንበት ሃይልና ምሪት ለእግዚአብሄር እንደሚገባ መኖር እንችላለን፡፡ በሰማያዊ ስፍራ ባለንበት ስልጣን የምድር ህይወታችንን ሃላፊነት በስኬት እንወጣለን፡፡ በእግዚአብሄር ዘንድ በናለን ልዩ ስፍራ በምደር ላይ ነገሮችን ተቋቁመን እናልፋለን፡፡

በክርስቶስ በሰማያዊ ስፍራ በመንፈሳዊ በረከት ሁሉ የባረከን የጌታችን የኢየሱስ ክርስቶስ አምላክና አባት ይባረክ። ኤፌሶን 1፡3

በእግዚአብሄር ዘንድ ያለን ስፍራ በምድር ስፍራ እንዳንፈልግ ይረዳናል፡፡ በሰማያዊ ስፍራ ያለብ ስልጣን በሰይጣን ፊት እንዳንዋረድ ያስችለናል፡፡ በእግዚአብሄር ልብ ያለን ስፍራ ስንረዳ ከእግዚአብሄር ውጭ በምድር ምንም ነገር በልባች የመጀመሪያውን ስፍራ እንዳይዝ ያደርገናል፡ በእግዚአብሄ ዘንድ ያለን ከፍታ ስንረዳ በምድር ያለ ምንም ዝቅታ አያስደነግጠንም፡፡ በእግዚአብሄር እንደነገስን ስንረዳ ከጌታ ውጭ ምንም ነገር ንጉስ እንዳይሆንብን ያደርጋል፡፡ በሰማያዊ ስፍራ ያለን ከፍታ በምድር ራሳችንን እንድናዋርድ ያስታጥቀና፡፡ በሰማያዊ ያለን ስፍራ ለምድር ስፍራ እንዳንፎካከር ያግዘናል፡፡ በእግዚአብሄር ያለንን ክብር ስንረዳ የምድሩን ክብር እንድንቀው ያስችለናል፡፡

ኢየሱስ አብ ሁሉን በልጁ እንደ ሰጠው ከእግዚአብሔርም እንደ ወጣ ወደ እግዚአብሔርም እንዲሄድ አውቆ፥ ከእራት ተነሣ ልብሱንም አኖረ፥ ማበሻም ጨርቅ ወስዶ ታጠቀ፤ በኋላም በመታጠቢያው ውኃ ጨመረ፥ የደቀ መዛሙርቱንም እግር ሊያጥብና በታጠቀበትም ማበሻ ጨርቅ ሊያብስ ጀመረ። ዮሃንስ 13፡3-4

ለእርሱ ለመኖራችን የሚያስፈልገውን ነገር ሳያዘጋጅ እግዚአብሄር አልጠራንም፡፡  ለእርሱ ለመኖርና ለእርሱ በሚገባ ለመመላለስ እግዚአብሄር የጠራን ለክርስትና ህይወት ሁሉ የሚያስፈልገውን ሁሉ ሰጥቶን ነው፡፡

የመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ ጴጥሮስ 1፡2-3

በሰማያዊ ስፍራ ሳያስቀምጠን በፊት እንደ ልጅ ለእርሱ እንድንመላለስ አልጠየቀንም፡፡

በሚመጡ ዘመናትም በክርስቶስ ኢየሱስ ለእኛ ባለው ቸርነት ከሁሉ የሚበልጠውን የጸጋውን ባለ ጠግነት ያሳይ ዘንድ፥ ከእርሱ ጋር አስነሣን በክርስቶስ ኢየሱስም በሰማያዊ ስፍራ ከእርሱ ጋር አስቀመጠን። ኤፌሶን 2፡6-7

በክርስቶስ ያለንን ስፍራ ፣ ስልጣንና ክብር ካላወቅን ለጥሪያችን እንደሚገባ መኖር አንችልም፡፡ በክርስቶስ ያለንን አቅርቦት ካለተረዳን በአቅርቦቱ በድል መመላለስ አንችልም፡፡

ለምሳሌ መኪና የተሰራው ለመነዳት ነው፡፡ መኪና ለመገፋት አልተሰራም፡፡ መኪና የሚነዳውም ሰው ይሁን የሚገፋውም ሰው ሁለቱም መኪናውን አንድ ቦታ ቢያደርሱትም መኪና መንዳትና መግፋት ግን ሁለት የተለያዩ ነገሮች ናቸው፡፡ በእግዚአብሄር ዘንድ ያለንን ስልጣን በተረዳን ቁጥር ክርስትና እንደ መኪና መንዳት እንጂ እንደ መኪና መግፋት አይሆንብንም፡፡

እግዚአብሄር በክርስቶስ ባዘጋጀው ጥቅምና መብት ሙሉ ለሙሉ ተጠቃሚ ለመሆን እግዚአብሄርን በማወቅ ማደግ አለብን፡፡ እግዚአብሄር በልቡ እንዳለው ለመመላለስ በቃሉ አማካኝነት ክርስቶስን ማጥናትና መማር አለብን፡፡ የእግዚአብሄር ቃል በሙላት ሊኖርብንና በክርስቶስ እውቀት ማደግ ይገባናል፡፡

በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ ጴጥሮስ 1፡3

እግዚአብሄርን ባወቅነው መጠን እንዴት ከእግዚአብሄር ጋር በሰላም እንደምንኖር እናውቃለን፡፡ እግዚአብሄርን ባወቅነው መጠን ሰላማችን እየበዛ ይሄዳል፡፡ እግዚአብሄርን በተረዳነው መጠን የእግዚአብሄር ፀጋ በህይወታችን በሙላት መፍሰስ ይጀምራል፡፡ እግዚአብሄርን ባወቅነው መጠን ሰውን እንዴት እንደምንይዝ እናውቃለን፡፡ እግዚአብሄርን ባወቅነው መጠን ነገሮችን እንዴት እንደምንዝ እናውቃለን፡፡ እግዚአብሄር በክርስቶስ የሰጠንን ቦታ ስንረዳ የእግዚአብሄርን ሃሳብ በሙላት ፈፅመን እናልፋለን፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እረፍት #ቅድሚያ #መቀመጥ #ሰማያዊ #በክርስቶስ #በጌታ #እምነት #መደገፍ #ሰንበት #በመንፈሴ #በሃይል #በብርታት #ፀጥታ #መመለስ #ማረፍ #ፅድቁን #ኢየሱስ #ክርስቶስ #ጌታ #ቤተክርስትያን #አማርኛ #ስብከት #ፀጥታ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

ተመላለሱ

Men-and-Women-walking_cropped-1024x396.jpgየተጠራነው በእምነት ለመኖር ነው፡፡ ሁልጊዜ በእምነት እንመላለስ፡፡

እንግዲህ ሁልጊዜ ታምነን፥ በእምነት እንጂ በማየት አንመላለስምና በሥጋ ስናድር ከጌታ ተለይተን በስደት እንዳለን የምናውቅ ከሆንን፥ 2ኛ ቆሮንቶስ 5፡6-7

የተጠራነው ለእግዚአብሔር ልጅነት ነው፡፡ የተጠራነው የመለኮት ባህሪ ለመካፈል ነው፡፡

እንግዲህ በጌታ እስር የሆንሁ እኔ በተጠራችሁበት መጠራታችሁ እንደሚገባ ትመላለሱ ዘንድ እለምናችኋለሁ፤ ኤፌሶን 4፡1

የተጠራነው በፍቅር ለመመላለስ ነው፡፡

እንግዲህ እንደ ተወደዱ ልጆች እግዚአብሔርን የምትከተሉ ሁኑ፥ ክርስቶስም ደግሞ እንደ ወደዳችሁ ለእግዚአብሔርም የመዓዛ ሽታ የሚሆንን መባንና መሥዋዕትን አድርጎ ስለ እናንተ ራሱን አሳልፎ እንደ ሰጠ በፍቅር ተመላለሱ። ኤፌሶን 5፡1-2

የተጠራነው በነገር ሁሉ ጌታን ደስ ለማሰኘት ለጌታ እንደሚገባ እንድንመላለስ ተጠርተናል፡፡

ከደስታም ጋር በሁሉ ለመጽናትና ለመታገሥ እንደ ክብሩ ጉልበት መጠን በኃይል ሁሉ እየበረታችሁ፥ በቅዱሳንም ርስት በብርሃን እንድንካፈል ያበቃንን አብን እያመሰገናችሁ፥ በነገር ሁሉ ደስ ልታሰኙ ለጌታ እንደሚገባ ትመላለሱ ዘንድ እንለምናለን። ቆላስይስ 1፡12

በመንፈስ እንድንመላለስ ተጠርተናል፡፡

የእግዚአብሄር ቃል የመንፈስን ነገር በማሰብ በመንፈስ መመላለስ፡፡

በመንፈስ ብንኖር በመንፈስ ደግሞ እንመላለስ። ገላትያ 5፡25

በውጭ ባሉት ዘንድ በአግነባኑ እንድንመላለስ ተጠርተናል፡፡

ነገር ግን፥ ወንድሞች ሆይ፥ . . . እንዳዘዝናችሁም፥ በውጭ ባሉት ዘንድ በአገባብ እንድትመላለሱ፥ አንዳችም እንዳያስፈልጋችሁ በእጃችሁ ልትሠሩ እንለምናችኋለን። 1ኛ ተሰሎንቄ 4፡11-12

በየትኛውም ጊዜ ቢታይ እንደማያሳፍር በብርሃን በታማኝነት ለመመላለስ ተጠርተናል፡፡

ቀድሞ ጨለማ ነበራችሁና፥ አሁን ግን በጌታ ብርሃን ናችሁ፤ የብርሃኑ ፍሬ በበጎነትና በጽድቅ በእውነትም ሁሉ ነውና ለጌታ ደስ የሚያሰኘውን እየመረመራችሁ፥ እንደ ብርሃን ልጆች ተመላለሱ፤ ኤፌሶን 5፡8-10

በአጠቃላይ ወደ መንግስቱና ወደ ክብሩ ለጠራን ለእግዚአብሄር አንደሚገባ እንድንመላለስ ተጠርተናል፡፡

ወደ መንግሥቱ ወደ ክብሩም ለጠራችሁ ለእግዚአብሔር እንደሚገባ ትመላለሱ ዘንድ እየመከርንና እያጸናን እየመሰከርንላችሁም፥ አባት ለልጆቹ እንደሚሆን ለእያንዳንዳችሁ እንደ ሆንን ታውቃላችሁና። 1ኛ ተሰሎንቄ 2፡11-12

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #መጠበቅ #መመላለስ #እምነት #መራመድ #መውጣት #መግባት #አልተገኘም #እግዚአብሔር #አማርኛ #ስብከት #መዳን #መፅሃፍቅዱስ #አካሄድ #አሸናፊ #አማልክት #የእግዚአብሄርእቅድ #የእግዚአብሔርፈቃድ #አቢይ #አቢይዋቁማ #አቢይዋቁማዲንሳ

ሄኖክ አካሄዱን ከእግዚአብሄር ጋር አደረገ

dad-909510_960_720.jpgሄኖክም አካሄዱን ከእግዚአብሔር ጋር ስላደረገ አልተገኘም፤ እግዚአብሔር ወስዶታልና። ዘፍጥረት 5፡24

ሄኖክ ከእግዚአብሄር ጋር አኩል ተራመደ፡፡ ሄኖክ እግዚአብሄርን ጠበቀ፡፡ ሄኖክ እግዚአብሄርን ሰማ፡፡ ሄኖክ እግዚአብሄርን አልቀደመም፡፡ ሄኖክ ከእግዚአብሄር አልዘገየም፡፡ ሄኖክ አካሄዱን ከእግዚአብሄር ጋር አደረገ፡፡

ሄኖክ በአካሄዱ ከእግዚአብሄር እኩል ወጣ ከእግዚአብሔር እኩል ገባ፡፡ ሄኖክ በአካሄዱ በእግዚአብሄር ኖረ፡፡

መኖሪያህ የዘላለም አምላክ ነው፥ የዘላለምም ክንዶች ከአንተ በታች ናቸው፤ ዘዳግም 33፡27

ሄኖክ በአካሄዱ በእግዚአብሄር ውስጥ ተሸሸገ፡፡ ሄኖክ በአካሄዱ በእግዚአብሄር ተተገነ፡፡ ሄኖክ በአካሄዱ በእግዚአብሔር ተሰወረ፡፡

አቤቱ ጕልበቴ ሆይ፥ እወድድሃለሁ። እግዚአብሔር ዓለቴ፥ አምባዬ፥ መድኃኒቴ፥ አምላኬ፥ በእርሱም የምተማመንበት ረዳቴ፥ መታመኛዬና የደኅንነቴ ቀንድ መጠጊያዬም ነው። መዝሙር 18፡1-2

ሄኖክ በአካሄዱ በእግዚአብሄር ውስጥ ተሰወረ፡፡

ሄኖክ አካሄዱን ከእግዚአብሔር ጋር ስላደረገ አልተገኘም፡፡ ሄኖክ አካሄዱን ከእግዚአብሄር ጋር ስላደረገ ውድቀት አላገኘውም፡፡ ሄኖክ ከእግዚአብሄር እኩል ስለተራመደ ሽንፈትን አልቀመሰም፡፡

ሄኖክም አካሄዱን ከእግዚአብሔር ጋር ስላደረገ አልተገኘም፤ እግዚአብሔር ወስዶታልና። ዘፍጥረት 5፡24

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #መጠበቅ #መተማመን #እምነት #መራመድ #መውጣት #መግባት #አልተገኘም #እግዚአብሔር #አማርኛ #ስብከት #መዳን #መፅሃፍቅዱስ #አካሄድ #አሸናፊ #አማልክት #የእግዚአብሄርእቅድ #የእግዚአብሔርፈቃድ #አቢይ #አቢይዋቁማ #አቢይዋቁማዲንሳ

የሰው አካሄድ

Steps.jpgየሰው አካሄድ ከእግዚአብሔር ዘንድ ይጸናል፥ መንገዱንም ይወድዳል። መዝሙር 37፡23

ሰውን እግዚአብሄር የፈጠረው ለክብሩ ነው፡፡ እግዚአብሄር በእያንዳንዱ የህይወት ክፍላችን ውሰጥ ሙሉ ለሙሉ ይካተታል፡፡ እግዚአብሄር የህይወታችን ዝርዝር ነገሮች ሁሉ ግድ ይሉታል፡፡

አምስት ድንቢጦች በአሥር ሳንቲም ይሸጡ የለምን? ከእነርሱም አንዲቱ ስንኳ በእግዚአብሔር ፊት አትረሳም። ነገር ግን የእናንተ የራሳችሁ ጠጕር ሁሉ እንኳ የተቈጠረ ነው፤ እንግዲያስ አትፍሩ ከብዙ ድንቢጦች ትበልጣላችሁ። ሉቃስ 12፡6-7

እግዚአብሄር የፈጠረን በአላማ ነው፡፡ ወደ ምድር ከመምጣታችን በፊት የተዘጋጀ የምንሰራው መልካም ስራ አለ፡፡ ወደ ምድር የመጣነው እግዚአብሄር አስቀድሞ ያየልንን መልካም ስራ ለመስራት ነው፡፡

እኛ ፍጥረቱ ነንና፤ እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን። ኤፌሶን 2፡10

እግዚአብሄር ለእድል የሚተወው ነገር የለም፡፡ እግዚአብሄር የሚፈልገውን ያውቃል፡፡ የሚታዘዘውና ራሱን የሚሰጠው ካገኘ ደግሞ በትጋት ይሰራዋል፡፡

ስለዚህ ነው እግዚአብሄር የሰውን አካሄድ በትጋት የሚመራው፡፡ እግዚአብሄር እንዲመራን ከምንፈልገው በላይ እግዚአብሄር ሊመራን ይፈልጋል፡፡

የሰው አካሄድ ከእግዚአብሔር ዘንድ ይጸናል፥ መንገዱንም ይወድዳል። ቢወድቅም ለድንጋፄ አይጣልም፥ እግዚአብሔር እጁን ይዞ ይደግፈዋልና። መዝሙር 37፡23-24

የእግዚአብሄርንም መንገድ ፈልጎ አካሄዱ የማይፀና ሰው የለም፡፡

ይህን ፅሁፍ ለሌሎች ሼር share ያድርጉ!

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #አካሄድ #እርምጃ #ሰላም  #አቢይ #አቢይዋቁማ #አቢይዋቁማዲንሳ  #መናገር #መንገድ #ትግስት #መሪ

100% አስተማማኝ ፍጻሜና ተስፋ

safe22.jpgለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርምያስ 29፡11

እግዚአብሄር እኛን የፈጠረው በአላማ ነው፡፡ ለእግዚአብሄር ክብር ተፈጥረናል፡፡ እግዚአብሄር እኛን ከመፍጠሩ በፊት በምድር ላይ ምን እንድምናደርግ አላማውና እቅዱ ነበረው፡፡ በምድር ላይ ድንገት አልተፈጠርንም፡፡ እግዚአብሄር ከፈጠረን በኋላ አይደለም አሁን ምን ላድርጋቸው ብሎ ያሰበው፡፡ የተፈጠርንለት ልዩ የሆነ አላማ አለን፡፡ ዲዛይን የተደረግነውና የተፈጠርነው ስለዚያ ልዩ አላማ ነው፡፡

የተፈጠርንለትን ያንን አላማ በትጋት እግዚአብሄር እየሰራበት ነው፡፡ እግዚአብሄር በህይወት ንድፋችን ዝርዝር አፈፃፀም ላይ ዘወትር እየሰራበት ነው፡፡

እግዚአብሄር የህይወት እቅዳችንን የሚሰራው የፀሎት ጥያቄያችንን ሰብስቦና ቀጣጥሎ አይደለም፡፡ ወደምድር ከምምጣታችን በፊት እንድንፈፅመው አስቀድሞ የተዘጋጀ መልካም ስራ አለ፡፡

እኛ ፍጥረቱ ነንና፤ እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን። ኤፌሶን 2፡10

ለእግዚአብሄር ክብር ስለተፈጠርን የህይወት እቅዳችንን ከእግዚአብሄር ተቀብለን በዚያ ላይ መስራት ብቻ ነው እውነተኛ ስኬታማ የሚያደርገን፡፡

ስለዚህ ነው ይህንን እግዚአብሄር ለእኛ ያሰበውን ሃሳብ ለማወቅ እግዚአብሄርን መፈለግ ያለብን፡፡ እግዚአብሄር ሆይ ምን እንዳደርግልህ ትወዳለህ ማለት ጥበብ ነው፡፡  በአካሄዳችን ሁሉ በፍፁም ልባችን እግዚአብሄርን መፈለግ ፍሬያማ ያደርገናል፡፡

እናንተም ትጠሩኛለችሁ፥ ሄዳችሁም ወደ እኔ ትጸልያላችሁ፥ እኔም እሰማችኋለሁ። እናንተ ትሹኛላችሁ፥ በፍጹም ልባችሁም ከሻችሁኝ ታገኙኛላችሁ። ኤርምያስ 29፡12-13

እግዚአብሄርን ፈልገን መቀበል ያለብን እግዚአብሄር ለእኛ የሚያስበው ሃሳብ መልካም ሃሳብ ነው፡፡ እግዚአብሄር መልካም አምላክ ነው፡፡ እግዚአብሄር የማይለወጥ ሁለንተናው መልካመ የሆነ አምላክ ነው፡፡ እግዚአብሄር በእኛ ላይ ያለው አላማ ፍቅር ነው፡፡  የእግዚአብሄር ሃሳብ ለእኛ ሁልጊዜ መልካም ነው፡፡

በእኔ ላይ ያለው ዓላማውም ፍቅር ነው። መኃልየ መኃልይ  2፡4

ወደ እግዚአብሄር ፀልየን መረዳት ያለብን እግዚአብሄር ለእኛ ያለው ሃሳብ ፍፃሜና ተስፋ ያለው ነው፡፡ እግዚአብሄር የመጨረሻውን ከመጀመሪያ ያያል፡፡ እግዚአብሄር ለእኛ ያለው የፍፃሜ እቅድ ነው፡፡ የእግዚአብሄር ሃሳብ መጨረሻው የያማረ ነው፡፡ በህይወት ወደፊታችንና ፍፃሜያችን እንዲያምር እግዚአብሄር ለእኛ ያለውን ሃሳብ ከመፈልግ ውጭ አስተማማኝ መንገድ የለም፡፡ እግዚአብሄር ለእኛ የሚያስበው ሃሳብ 100% አስተማማኝ ነው፡፡

እግዚአብሄር ለእኛ ያለውን ሃሳብ ስንከተል  በህይወታችን ሰላምን ማጣጣም እንችላለን፡፡ እግዚአብሄር ለእኛ የሚያስበው ሃሳብ በጥቅሉ ሙሉ እና ምንም የሚጎድለው ነገር የሌለ በመሆኑ እውነተኛ እርካታን የምናገኘው ያንን ሃሳብ ስንከተል ብቻ ነው፡፡  እውነተኛ እርካታና የሚገኘው እቅዳችንን አምጥተን እግዚአብሄን ለማስፈለም ሳይሆን እግዚአብሄር ለእኛ ያለውን ሃሳብ በማግኘትና በመከተል ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርምያስ 29፡11

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #አማርኛ #ስብከት #መዳን #መፅሃፍቅዱስ #ተሰፋ #ፍፃሜ #የእግዚአብሄርሃሳብ #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

አብዛኛውን ጊዜ እግዚአብሄር የሚመራበት ትንሽ የዝምታ ድምፅ

tickling-ears-healthy-heartእግዚአብሄር ሰውን ሲፈጥረው እግዚአብሄርን እንዲሰማውና እንዲረዳው አድርጎ በመልኩና በአምሳሉ ነው የፈጠረው፡፡ ሰዎች ሁሌ እንዲረዱት እግዚአብሄር ይፈልጋል፡፡ እኛ እግዚአብሄርን ለመስማትና ፈቃዱን ለማወቅ ከምንፈልገው በላይ እግዚአብሄር እኛ ፈቃዱን እንድናውቅ ይፈልጋል፡፡

እግዚአብሄር ደግሞ አንዳንዴ ሳይሆን ሁል ጊዜ ይናገራል፡፡ እግዚአብሄር በስራ ላይ ነው፡፡ እግዚአብሄር ሁል ጊዜ እየተናገረ ነው፡፡ የእኛ ሃላፊነት እግዚአብሄርን እንዲናገረን ማድረግ ሳይሆን እግዚአብሄርን መስማት ነው፡፡ የእኛ ሃላፊነት የእግዚአብሄርን ፈቃድ እንዴት እንደምንረዳ ማወቅ ነው፡፡

ብዙ ጊዜ ሰዎች እግዚአብሄርን የማይሰሙት እግዚአብሄር ስላልተናገረ ወይም እግዚአብሄር ፈቃድ ፈቃዱን ሰውሮት ሳይሆን እግዚአብሄር እንዲናገራቸው የሚጠብቁት በጣም አስደናቂና ድራማዊ መንገድ ስለሆነ ነው፡፡

ሰዎች አብዛኛውን ጊዜ እግዚአብሄር የሚናገር የሚመስላቸው በነጎድጉዋድ ድምፅ ከሰማይ በከፍተኛ ድምፅ ነው፡፡ እውነት ነው እግዚአብሄር እንደዚያም ይናገራል፡፡ ነገር ግን እግዚአብሄር እጅግ ለተለየ ሁኔታ ካልሆነ በስተቀር በዚያ መልክ አይናገርም፡፡

ኤልያስ እግዚአብሄርን በነፋስ ፣ በምድር መናወጥ እንዲሁም በእሳት ውስጥ ቢጠብቀውም እግዚአብሄር ግን ሰዎች በሚጠብቁዋቸው በነጎድጉዋድ ውስጥ አልነበረም፡፡

እርሱም፦ ውጣ፥ በተራራውም ላይ በእግዚአብሔር ፊት ቁም አለ። እነሆም፥ እግዚአብሔር አለፈ፥ በእግዚአብሔርም ፊት ትልቅና ብርቱ ነፋስ ተራሮቹን ሰነጠቀ፤ ዓለቶቹንም ሰባበረ፥ እግዚአብሔር ግን በነፋሱ ውስጥ አልነበረም። ከነፋሱም በኋላ የምድር መናወጥ ሆነ፥ እግዚአብሔር ግን በምድር መናወጥ ውስጥ አልነበረም። ከምድር መናወጥ በኋላ እሳት ሆነ፥ እግዚአብሔር ግን በእሳቱ ውስጥ አልነበረም። ከእሳቱም በኋላ ትንሽ የዝምታ ድምፅ ሆነ። 1ኛ ነገሥት 19፡11-12

መንፈሳችን የእግዚአብሄርን ፈቃድ ያውቃል፡፡ ከእግዚአብሄር ዳግም በተወለደው በመንፈሳችን ውስጥ የእግዚአብሄር ፈቃድ አለ፡፡ የእኛ ሃላፊነት ያንን የእግዚአብሄርን ፈቃድ ለመረዳት ጊዜ ወስደም ልባችንን መስማት ነው፡፡ የእኛ ሃላፊነት ጊዜ ወስደን የመንፈስን ምስክርነት በልባችን ውስጥ መፈለግና መስማት ነው፡፡ የእግዚአብሄን ፈቃድ ለመስማት ራሳችንን ስንሰጥ ትንሽዋን የለሆሳስ ድምፅ በልባችን መስማት እንችላለን፡፡

በእግዚአብሔር መንፈስ የሚመሩ ሁሉ እነዚህ የእግዚአብሔር ልጆች ናቸውና። የእግዚአብሔር ልጆች መሆናችንን ያ መንፈስ ራሱ ከመንፈሳችን ጋር ይመሰክራል። ሮሜ 8፡14፣16

የእግዚአብሄርን ፈቃድ እንድናውቅ ተሰጥቶናል፡፡ ይህንን የእግዚአብሄርን ፈቃድ የምናውቀው በመንፈሳችን አማካኝነት ነው፡፡ ኢየሱስን ስንቀበል ከእግዚአብሄር የተወለደው መንፈሳችን የእግዚአብሄን ፈቃድ ያውቃል፡፡ ይህ በስንት ጊዜ አንድ ጊዜ የሚሆ ሳይሆን መንፈሳችን በሰማን ቁጥር የእግዚአብሄርን ፈቃድ የምንሰማበት መንገድ ነው፡፡

በእርሱ ውስጥ ካለው ከሰው መንፈስ በቀር ለሰው ያለውን የሚያውቅ ሰው ማን ነው? እንዲሁም ደግሞ ከእግዚአብሔር መንፈስ በቀር ለእግዚአብሔር ያለውን ማንም አያውቅም። እኛ ግን ከእግዚአብሔር እንዲያው የተሰጠንን እናውቅ ዘንድ ከእግዚአብሔር የሆነውን መንፈስ እንጂ የዓለምን መንፈስ አልተቀበልንም። 1ኛ ቆሮንቶስ 2፡11-12

ስለ አንድ ነገር የእግዚአብሄርን ፈቃድ ማወቅ ስንፈልግ ልባችንን መስማት ያስፈልገናል፡፡ በልባችን የእግዚአብሄን አዎንታ ወይም አሉታ ምልክት እንፈልጋለን፡፡ በልባችን የእግዚአብሄርን የፈገግታ ወይም የተኮሳተረ ፊት እንፈልጋለን፡፡ የእግዚአብሄርን ፈቃድ ማወቅ ስንፈልግ በልባችን መንፈሳዊውን የማስጠንቀቂያ ቀይ መብራት ወይም የይለፍ አረንጋዴ መብራት ለመለየት ጊዜ መውሰድ ያስፈልገናል፡፡

DUNK360-Featured-Image-kanye.pngየእግዚአብሄርን ፈቃድ ማወቅ ስንፈልግ በልባችን መንፈሳዊውን የማስጠንቀቂያ ቀይ መብራት ወይም የይለፍ አረንጋዴ መብራት ለመለየት ለመለየት ጊዜ መውሰድ ያስፈልገናል፡፡

traffic_light_hearts__eps_vector_sjpg2297.jpg

የእግዚአብሄርን ፈቃድ ለማወቅ ስለምንፈልግበት ነገር ስናስብ እና በፀሎት ልባችንን ለመስማት ጊዜ ስንወስድ ልባችን ወይ በሰላም ይሞላል ወይም ልባችን ይረበሻል፡፡ ለእግዚአብሄ ፈቃድ ልባችንን ስናዳምጥ ወይ ልባችን በደስታ ይሞላል ወይም ይኮሰኩሰናል፡፡ ስለዚህ ነው ለልባችን ሰላም ቅድሚያ መስጠትና በልባችን ሰላም ካልተሰማን የእግዚአብሄር ፈቃድ ስላይደለ ማድረግ የሌለብን፡፡ በልባችን ደሰታ ከፈሰሰና ሰላም ከተሰማን ደግሞ የእግዚአብሄር  ፈቃድ መሆኑን አውቀን ማድረግ ያለብን፡፡

በአንድ አካልም የተጠራችሁለት ደግሞ የክርስቶስ ሰላም በልባችሁ ይግዛ፤ ቆላስይስ 3፡15

ይህን ፅሁፍ ለሌሎች ሼር   share ያድርጉ!

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ራእይን መቀበል

vision.jpgሰው በእግዚአብሄር አምሳል ተፈጥሮአል፡፡ ሰው ለእግዚአብሄር ክብር ተፈጥሯል፡፡ ሰው የተፈጠረበትን አላማ አግኝቶ ካልፈፀመው ህይወቱን ያባክናል፡፡ ሰው እግዚአብሄር ለእርሱ ያለውን አላማ አግኝቶ ከፈፀመው ግን በህይወት ይሳካል፡፡ ሰው እግዚአብሄር በህይወቱ ሊሰራ ያለውን አይቶ ከተባበረ ከእግዚአብሄር ጋር በመስራቱ ውጤታማ ይሆናል፡፡

ስለዚህ ነው ሰው ራእይ ያስፈልገዋል የምንለው፡፡ ሰው ራእይ ከሌለውና የእግዚአብሄርን አላማ በህይወቱ ካላገኘ በከንቱ ይተጋል፡፡

ራእይ ባይኖር ሕዝብ መረን ይሆናል፤ ምሳሌ 29፡18

እግዚአብሄር ካልመራን በስተቀር ለእግዚአብሄር ብለን የምናደርጋቸው ሁሉ እግዚአበሄር አይቀበላቸው፡፡ እግዚአብሄር የሃሳብ እጥረት የለበትም፡፡ እግዚአብሄን በራእይ አንረዳውም፡፡ እግዚአብሄር ህይወታችን በምን መንገድ መሄድ እንዳለበት እቅዱ አለው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም።  ኤርምያስ 29፡11

በመጀመሪያው ቃል ነበረ፥ ቃልም በእግዚአብሔር ዘንድ ነበረ፥ ቃልም እግዚአብሔር ነበረ። ይህ በመጀመሪያው በእግዚአብሔር ዘንድ ነበረ። ሁሉ በእርሱ ሆነ፥ ከሆነውም አንዳች ስንኳ ያለ እርሱ አልሆነም። በእርሱ ሕይወት ነበረች፥ ሕይወትም የሰው ብርሃን ነበረች። ብርሃንም በጨለማ ይበራል፥ ጨለማም አላሸነፈውም። ዮሃንስ 1፡1-5

በመጀመሪያው ቃል ወይም ራእይ ነበረ

ምንም ባልነበረ ጊዜ ቃል ነበረ፡፡ ሁሉን የሚያመጣው ራእይ ስለሆነ ምንም ሳይኖር የሚቀድመው ራእይ ነው ፡፡ በራሳችን አነሳሽነት የሆነ ቦታ እየሄድን እግዚአብሄርን እግረመንገዳችንን ከመንገድ ላይ የምንጭነው ነገር አይደለም፡፡ እግዚአብሄር በእኛ ተጠቅሞ መሄድ የሚፈልግበት የራሱ እቅድ አለው፡፡ ምንም ነገር ከማድረጋችን በፊት የሚቀድመው የእግዚአብሄርን ፈቃድ መፈለግ ነው ወይም ራእይን መቀበል ነው፡፡ ምንም ነገር ለማድረግ ከመፈለጋችን በፊት ራእይን መፈለግ አለብን፡፡ ምክኒያቱም ነገሮች በእግዚአብሄር የሚሆኑት በራእይ ነው፡፡

ቃልም በእግዚአብሔር ዘንድ ነበረ

ራእይ አውጥተን አውርደን የምንቀርፀው ሳይሆን ከእግዚአብሄር የምንቀበለው ነው፡፡ የእኛ የህይወት ንድፋችን ያለው በእግዚአብሄር ዘንድ ነው፡፡ ራእይ ከእግዚአብሄር ይገኛል እንጂ ከሁኔታዎች አይገኝም፡፡ እግዚአብሄር ለምን እንደፈጠረንና ለምን እንደሰራን ስለሚያውቅ ራእይን ሊሰጠን የሚችው እግዚአብሄር ብቻ ነው፡፡ እግዚአብሄር የሚደግፈው ራእይ ከሰዎች ፣ ከሁኔታዎች ፣ ከሃሳባችንና ከምኞታችን አይገኝም፡፡

ቃልም እግዚአብሔር ነበረ

ራእይ በጣም ወሳኝ ነገር ነው፡፡ ቃልን ያዝነው ማለት እግዚአብሄርን ያዝነው እንደማለት ነው፡፡ እንዲሁም ራእይ አለን ማለት የእግዚአብሄር ሙሉ እርዳታ ከእኛ ጋር ይሆናል ማለት ነው፡፡ ራእይን ወይም የእግዚአብሄርን ፈቃድ በተከተልንበት የህይወታችን ክፍል በእግዚአብሄር ሙሉ የውክልና ስልጣን የምንመላላስ እንሆናለን፡፡ እግዚአብሄር ሃላፊነትን በሰጠን አካባቢ ሙሉ ስልጣን አለን፡፡ ራእይ በተቀበልንበት የእግዚአብሄርን አላማ ባወቅንበት የህይወታችን ክፍል ሁሉ ሰይጣንም ፣ ሁኔታዎችም ፣ ሰዎችም ፣ ሊያቆሙን አይችሉም፡፡

በሕይወትህ ዕድሜ ሁሉ ማንም አይቋቋምህም፤ ከሙሴ ጋር እንደ ሆንሁ እንዲሁ ከአንተ ጋር እሆናለሁ፤ አልጥልህም፥ አልተውህም። ኢያሱ 1፡5

ስለዚህ ነው መፅሃፍ ቅዱስ የእግዚአብሔር ቃል የመጣላቸውን የእግዚአብሄር ሙሉ የውክልና ስልጣን ስለሚያስፈፅሙ አማልክት የሚላቸው፡፡

ኢየሱስም እንዲህ ብሎ መለሰላቸው፦ እኔ፦ አማልክት ናችሁ አልሁ ተብሎ በሕጋችሁ የተጻፈ አይደለምን? መጽሐፉ ሊሻር አይቻልምና እነዚያን የእግዚአብሔር ቃል የመጣላቸውን አማልክት ካላቸው፥ ዮሐንስ 10፡34-35

ሁሉ በእርሱ ሆነ

እግዚአብሄር ፈቃዱን በሙሉ ስለሚደግፍ ራእይ ሁሉንም ያመጣል፡፡ ራእያችን ምግባችን ነው ፣ ራእያችን ልብሳችን ነው ፣ ራእያችን እርካታችን ነው ፣ ራእያችን ውበታችን ነው ፣ ራእያችን ዝናችን ነው ፣ ራእያችን ሙላታችን ነው ፣ ራእያችን ደስታችን ነው ፣ ራእያችን ሞገሳችን ነው፡፡ ራእያችንን ተከትለን የሚጎድልብን መልካም ነገር አይኖርም፡፡

በእርሱ ሕይወት ነበረች

የእግዚአብሄር ህይወት የሚፈሰው በራእያችን ውስጥ ነው፡፡ የእግዚአብሄርን ህይወት ማስተላለፍ ከፈለግን ከእግዚአብሄር ስለህይወታችን ያለውን አላማ መግኘትና የእግዚአብሄርን እቅድ ማየት አስፈላጊ ነው፡፡ በራእያችን ስንሄድ ህይወትን እንሸከማለን፡፡ በራእያችል ስንኖር ህይወትን እናካፍላለን፡፡ በራእይ ስንኖር ህይወት ይሆንልናል ህይወትም ይበዛልናል ህይወትንም እናካፍላለን፡፡ እኛም ሆነ የምናገለግላቸው ሰዎች እውነተኛውን ህይወት ማጣጣም የሚችሉት በራእይ ስንኖር ነው፡፡

ከሆነውን አንዳች ያለእርሱ አልሆነም

ትርጉም ያለው ነገር ማድረግ ካለብን በራእይ ነው፡፡ ካለ ራእይ ምንም ነገር አይሆንም፡፡ ካለ ራእይ ዘላለማዊ ነገር ሊደረግ አይችልም፡፡ ካለ ራእይ እውነት ነገር ማድረግ አይቻልም፡፡ የእግዚአብሄርን ነገር ማድረግ ካለብን በራእይ ብቻ ነው፡፡

ህይወትም የሰው ብርሃን ነበረች

ሁላችንም እግዚአብሄር እንዲጠቀምብን እንፈልጋለን፡፡ እግዚአብሄር ሆይ ተጠቀምብን የሚለው የልባችን የዘወትር ጩኸት ነው፡፡ ለሰዎች ብርሃንን የምናካፍለው የእግዚአብሄን ህይወት በማካፈል ነው፡፡ ህይወት ያለው ፣ የሚሰራ ፣ የሚያድግና የሚበዛ አገልግሎት ለማገልገል ራእይ ወሳኝ ነው፡፡ ራአይ ካለን ህይወት ይኖረናል፡፡ ራእይ ካለን እንደዘር የሚሰራ ፣ የሚበዛና ፣ የሚያሸንፍ ነገር ይኖረናል፡፡

ብርሃንም በጠለማ ይበራል

ጨለማ ያለበትን የሚያውቀው እግዚአብሄር ብቻ ነው፡፡ እግዚአብሄር ብርሃንን ሲሰጠንና ፈቃዱን ሲገልጥልን ብቻ ነው በጨለማ ላይ ብርሃንን ማብራት የምንችለው፡፡ የእግዚአብሄርን የፈቃዱን እውቀት ራእይን ስናገኝ ብርሃንን ለሰዎች እናስተላልፋለን፡፡ ሰዎችን ላስጨነቃቸው ጨለማ ላይ ብርሃን ፣ ለድካማቸው ብርታት ፣ ለበሽታቸው መድሃኒት ፣ ለውድቀታቸው መነሳትና ለሞታቸው ህይወት እናካፍላለን፡፡

ጨለማም አላሸነፈውም

ጨለማን ለማሸነፍ መታገል አይጠይቅም ፡፡ ለጨለማ ብርሃንን ማብራት ብቻ በቂ ነው፡፡ ብርሃንን ሊቋቋም የቻለ ጨለማ እንደሌለ ሁሉ ራእይን ሊቋቋም የሚችል አንድም ሃይል ከሰማይ በታች የለም፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #አማርኛ #ስብከት #መዳን #መፅሃፍቅዱስ #ቃል #አሸናፊ #አማልክት #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

መሳጭ ታሪክ

black-women-beautiful-eyes-1-614x800.jpgይህም የልባችሁ ዓይኖች ሲበሩ የመጥራቱ ተስፋ ምን እንዲሆን በቅዱሳንም ዘንድ ያለው የርስት ክብር ባለ ጠግነት ምን እንዲሆን ለምናምን ከሁሉ የሚበልጥ የኃይሉ ታላቅነት ምን እንዲሆን ታውቁ ዘንድ ነው፤

አንድ የሰማሁትን ልቤን የነካኝን ታሪክ ላካፍላችሁ፡፡

በክርስትያን ቤተሰብ ውስጥ ያደገ ልጅ ወደ ታላቅ እህቱ ይሄድና እግዚአብሄርን ማየት እፈልጋለሁ ይላታል፡፡ እህቱም አይደለም እኮ እግዚአብሄር አይታይም ብላ ትመልስለታለች፡፡

በመልሱ ያልረካው ልጅ ወደ እናቱ ጋር ይሄድና እማዬ  እንዴት ነው እግዚአብሄርን ላየው የምችለው ይላታል፡፡ እሱዋም እግዚአብሄር የሚታየው በቃሉ ነው ብላ ትመልስለታለች፡፡

በእህቱም በእናቱም መልስ ያልረካው ልጅ በእርጅና ምክኒያት አይናቸው ወደፈዘዘ ወደአያቱ ይቀርብና አያቴ እግዚአብሄርን ማየት እፈልጋለሁ ብዬ እህቴን ብጠይቃት እግዚአብሄር አይታይም አለችኝ እናቴ ደግሞ እግዚአብሄር በቃሉ ነው እንጂ አይታይም አለችኝ፡፡ ፊታቸው በደስታ የበራው አያቱ ልጄ አሁን አሁንማ ከእርሱ በስተቀር ሌላ ምንም ነገርም አልታይም ብሎኛል አሉት ይባላል፡፡

በእነዚህ መካከል የነበረው ልዩነት የእይታ ልዩነት ነው፡፡ ለአያትየው መንፈሳዊው አለም ፍንትው ብሎ ከመታየቱ የተነሳ የምድራዊው ነገር ጨልሞባቸዋል፡፡

ኢየሱስ ጌታና ንጉሷ የሆነባት የእግዚአብሄር መንግስት በመካከላችን አለች፡፡ ኢየሱስ ስለሃጢያቱ እንደሞተለት አምኖ ዳግመኛ ያልተወለደ ማንም ሰው የእግዚአብሄርን መንግስት ሊያይ አይችልም፡፡
ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው።ዮሐንስ 3፡3
ዳግመኛ እንደተወለድን እንደ እኛ ባለጠጋ ሰው የለም፡፡ ግን ማየት ይጠይቃል፡፡ ነገር ግን አይናችን ተከፍቶ ካላየን ባለጠጋ ለመሆን በከንቱ በመድከም ጊዜያችንን እናባክናለን፡፡

ይህም የልባችሁ ዓይኖች ሲበሩ የመጥራቱ ተስፋ ምን እንዲሆን በቅዱሳንም ዘንድ ያለው የርስት ክብር ባለ ጠግነት ምን እንዲሆን ለምናምን ከሁሉ የሚበልጥ የኃይሉ ታላቅነት ምን እንዲሆን ታውቁ ዘንድ ነው፤ ኤፌሶን 1፡18-19

የሰው ጤንነት አይን ነው፡፡ አይኑ የታመመና በትክክል የማያይ ሁለንተናው ይጨልማል፡፡

መዝገብህ ባለበት ልብህ ደግሞ በዚያ ይሆናልና። የሰውነት መብራት ዓይን ናት። ዓይንህ እንግዲህ ጤናማ ብትሆን፥ ሰውነትህ ሁሉ ብሩህ ይሆናል፤ ዓይንህ ግን ታማሚ ብትሆን፥ ሰውነትህ ሁሉ የጨለመ ይሆናል። እንግዲህ በአንተ ያለው ብርሃን ጨለማ ከሆነ፥ ጨለማውስ እንዴት ይበረታ! ማቴዎስ 6፡21-23

መንፈሳዊውን አለም ማየት የተሳናትን የቤተክርስትያን መሪ እንድታይም ዓይኖችህን የምትኳለውን ኵል ከእኔ ከእኔ ትገዛ ዘንድ እመክርሃለሁ ይላል ጌታ፡፡ ሰው ካላየ ደሃ ሆኖ ባለጠጋ ነኝ ብሎ ይመካል ራቁቱን ሆኖ የዘነጠ ይመስለዋል፡፡

ባለ ጠጋ እንድትሆን በእሳት የነጠረውን ወርቅ፥ ተጐናጽፈህም የራቁትነትህ ኃፍረት እንዳይገለጥ ነጭ ልብስን፥ እንድታይም ዓይኖችህን የምትኳለውን ኵል ከእኔ ትገዛ ዘንድ እመክርሃለሁ። ራእይ 3፡18

ይህም የልባችሁ ዓይኖች ሲበሩ የመጥራቱ ተስፋ ምን እንዲሆን በቅዱሳንም ዘንድ ያለው የርስት ክብር ባለ ጠግነት ምን እንዲሆን ለምናምን ከሁሉ የሚበልጥ የኃይሉ ታላቅነት ምን እንዲሆን ታውቁ ዘንድ ነው፤ ኤፌሶን 1፡18-19

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እይታ #አይን #ቃል #የጠራ #ኩል #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

የቱ ይቀድማል ውሳኔ ወይስ ራእይ?

vision-1ብዙ ሰዎች በአመቱ መጀመሪያ ላይ ውሳኔን ይወስናሉ፡፡ በዚህ አመት እንደዚህ አደርጋለሁ ፣ እንደዚህ እሆናለሁና እንደዚህ አገኛሁ በማለት ለራሳቸው ቃል ይገባሉ፡፡ አንዳንዶቹ እንዳሉትም ማድረግም ይጀምራሉ ነገር ግን አይዘልቁበትም፡፡

ይህ በየአመቱ እየተደጋገመ የሚመጣ በውሳኔ አለመፅናትና የህይወት ለውጥ እጦት ታዲያ የውሳኔ እጥረት ነው ወይስ የሌላ ያሰኛል፡፡

ፍላጎት ብቻውን የሚያመጣው ነገር የለም፡፡ የዚህ ሁሉ ችግር የፍላጎት እጥረት ሳይሆን የራእይ እጥረት ነው፡፡ ፍላጎት በእውቀትና በመረዳት ሲሆን ወደ ፍሬያማነት ያደርሳል፡፡

ሰው የተፈጠረበትን አላማ ሲረዳ ፣ ራእይ ሲኖረውና ሰው የሚሄድበትን ሲያውቅ ሁል ቀን የውሳኔ ቀን ነው ሁል ቀን የተግባር ቀን ነው ሁልጊዜ የፍያማነት ቀን ነው፡፡

ሰው እግዚአብሄር ለምን እንደፈጠረው ከመፅሃፍ ቅዱስ ፈልጎ ሲረዳ ለመኖር ፣ ለመስራትና ለመለወጥ በቂ አቅም ይኖረዋል፡፡  ለተለየ አላማ እግዚአብሄር ወደ ምድር እንዳመጣው የተረዳ ሰው አላማውን ለመፈፀም የማይከፍለው ዋጋ አይኖርም፡፡ በህይወቱ ያለውን የእግዚአብሄርን አላማ የተረዳ ሰው ራእዩ እንዳይተኛ ይጎተጉተዋል፡፡

ለእግዚአብሔር እንደ ማለ፥ ለያዕቆብም አምላክ እንደ ተሳለ፦ በእውነት ወደ ቤቴ ድንኳን አልገባም፥ ወደ ምንጣፌም አልጋ አልወጣም፥ ለዓይኖቼም መኝታ ለሽፋሽፍቶቼም እንቅልፍ፥ ለጕንጮቼም ዕረፍትን አልሰጥም፥ ለእግዚአብሔር ስፍራ፥ ለያዕቆብ አምላክ ማደሪያ እስካገኝ ድረስ ብሎ። እነሆ፥ በኤፍራታ ሰማነው፥ በዱር ውስጥም አገኘነው። መዝሙር 132፡2-6

ሰው ለምን አገልግሎትና ስራ ወደ ምድር እንደመጣ ሲረዳ ስራውን ጨርሶ እግዚአብሄርን እስከሚያከብር አያርፍም፡፡

የቀረውንም ነገር ሳልቆጥር፥ ዕለት ዕለት የሚከብድብኝ የአብያተ ክርስቲያናት ሁሉ አሳብ ነው። 2ኛ ቆሮንቶስ 11፡28

በምድር ያለበትን አላማ የተረዳ ሰው ከአላማው ሊያስተጓጉለው የሚመጣውን ማንኛውንም ነገር ይንቃል፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

ሰው የተፈጠረበትን አላማ ከእግዚአብሄር ሲያገኝ የኋላውን በመርሳት ሁልጊዜ ወደፊት ይዘረጋል፡፡

ወንድሞች ሆይ፥ እኔ ገና እንዳልያዝሁት እቈጥራለሁ፤ ነገር ግን አንድ ነገር አደርጋለሁ፤ በኋላዬ ያለውን እየረሳሁ በፊቴ ያለውን ለመያዝ እዘረጋለሁ፥ በክርስቶስ ኢየሱስ ከፍ ከፍ ያለውን የእግዚአብሔርን መጥራት ዋጋ እንዳገኝ ምልክትን እፈጥናለሁ። ፊልጵስዩስ 3፡13-14

ህይወታችንን እግዚአብሄር በልቡና በሃሳቡ እንዳለ ለመምራት ራእይ ያስፈልገናል፡፡ ራእይ ሲኖረን የት እንደምንሄድ ስናውቅ ለህይወታችን ጉልበት ይሆነዋል፡፡ ህይወታችንን ለመለወጥ አቅም የሚሰጠን ጥሩ ነገር መፈለጋችን ሳይሆን እግዚአብሄር በህይወታችን ሊሰራ ያለውን መረዳትና ለተፈፃሚነቱ ከእግዚአብሄር ጋር አብሮ መስራት ነው፡፡

ኢየሱስ ግን፦ አባቴ እስከ ዛሬ ይሠራል እኔም ደግሞ እሠራለሁ ብሎ መለሰላቸው። ዮሃንስ 5፡17

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እይታ #ራእይ #አላማ #ግብ #ውሳኔ #ኢየሱስ #ክርስቶስ #ጌታ #ቤተክርስትያን #አማርኛ #ስብከት #ብርሃን #መፅሃፍቅዱስ #መንፈስቅዱስ #መንገድ #ፌስቡክ #አቢይዋቁማ #አቢይዋቁማዲንሳ

የህይወት ዛፍ ፍሬ

publication2እግዚአብሄር ሰውን ሲፈጥረው በራሱ መልካምና ክፉን እንዲያውቅ አድርጎ አልነበረም የፈጠረው፡፡ ሰው ሲፈጠር እግዚአብሄርን እየሰማ እየታዘዘ እንዲኖር ነው፡ ሰው ሲፈጠር በየዋህነት እግዞአብሄርን እየተከተለ እንዲኖር ነው የተፈጠረው፡፡
ሰው የተፈጠረው በህይወት ዛፍ ፍሬ እንዲኖር ነው፡፡ ሰው የተፈጠረው አንድ ምሪት ብቻ በየዋህነት እንዲከተል ነው፡፡
እግዚአብሔር አምላክም ሰውን እንዲህ ብሎ አዘዘው፦ ከገነት ዛፍ ሁሉ ትበላለህ፤ ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። ዘፍጥረት 2፡16-17
ሰው በሃጢያት ሲወድቅ መልካምና ክፉውን በራሱ እየመረጠ እንዲኖር ተገደደ፡፡ ሰው በራሱ ሆነ፡፡ ሰው በግምት ለመኖር ተገደደ፡፡ ሰው ለእግዚአብሄር አንድ ምሪት በየዋህነት የመመራትን እድሉን ሊያገኘው አልቻለም፡፡
ሰው ክፉና መልካምን በራሱ ለመለየት ስለመረጠ ከእግዚአብሄር ክብር ወደቀ፡፡ ሰው በእግዚአብሄር ብቻ የመመራት እድሉን አጣው፡፡ ሰው በአንዱ የህይወት ዛፍ ፍሬ የመኖር ነፃነቱን ተነፈገ፡፡ የሰው ህይወቱ ተከፋፈለ፡፡ የሰው ህይወቱ ተሰነጠቀ፡፡ ሰው የእግዚአብሄርን አላማ ሳተ፡፡
ሰው መልካም ነው ብሎ የሚያስበው ሁሉ መልካም አይደለም፡፡ ሰው ክፉ ነው ብሎ የሚያስበው ሁሉ ደግሞ ክፉ አይደለም፡፡ ስለዚህ ሰው በራሱ ምርጫ ባሪያ ሆነ፡፡
አሳቤ እንደ አሳባችሁ መንገዳችሁም እንደ መንገዴ አይደለምና፥ ይላል እግዚአብሔር፡፡ ሰማይ ከምድር ከፍ እንደሚል፥ እንዲሁ መንገዴ ከመንገዳችሁ አሳቤም ከአሳባችሁ ከፍ ያለ ነው። ኢሳይያስ 55፡8-9
ኢየሱስ የሃጢያታችንን እዳ ከከፈለ በኋላ ግን እግዚአብሄር ወደ ቀድሞ አንዱ ምሪት ሊመልሰን የሚያስፈልገውን የሃጢያት እዳ ሁሉ በልጁ በኢየሱስ በኩል ከፈለ፡፡ አሁንም ኢየሱስን ስንቀበለው በልባችን መኖር ይጀምራል፡፡
የእግዚአብሄር ህይወት በልባችን ሲኖር በአእምሮዋችን “ይህ ክፉ ነው” “ይህ መልካም ነው” በሚል ብቻ በራሳችን ከመኖር እንወጣለን፡፡ በውስጣችን ያለውን የእግዚአብሄርን ህይወትን በየዋህነት ከተከተልን የእግዚአብሄር ወዳዘጋጀልን የክብር ደረጃ እንደርሳለን፡፡
በክርስቶስ ኢየሱስ ያለው የሕይወት መንፈስ ሕግ ከኃጢአትና ከሞት ሕግ አርነት አውጥቶኛልና። ሮሜ 8፡2
“ይህ ክፉ ነው” “ይህ መልካም ነው” ብለን መምረጥ ሳያስፈልገን በውስጣችን ያለውን መንፈስ በመከተል ብቻ የእግዚአብሄርን ፈቃድ በሙላት በመፈፀም እግዚአብሄርን እናስደስተዋለን፡፡
እናንተም ከቅዱሱ ቅባት ተቀብላችኋል፥ ሁሉንም ታውቃላችሁ። እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡20፣27
ለተጨማሪ ፅሁፎች https://www.facebook.com/abiy.wakuma/notes
ለቪዲዮ መልእክቶች https://www.youtube.com/user/awordm/videos
#ኢየሱስ #መንፈስቅዱስ #የእውቀትዛፍፍሬ #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ቅባት #ሰላም #ደስታ #አቢይ #አቢይዋቁማ #አቢይዋቁማዲንሳ #የህይወትፍሬ #መናገር #ቅባት #ትግስት #መሪ

ማን ጠራህ?

publication22ለእግዚአብሄር መንግስት ስራ ተጠርተናል፡፡ ለእዚአብሄር ክብር ተጠጨርተናል፡፡ ጌታን የጌታን ህዝብ ለማገልገል ተጠርተናል፡፡
ለምን እንደተጠራን ማወቅ ለምን እንዳልተጠራን እንድናውቅ ያስችለናል፡፡ ለምን እንዳልተጠራን ካላወቅን እግዚአብሄር ለጥሪያችንን የሰጠንን ጉልበት ጊዜና ገንዘብ ሁሉ በተሳሳተ ቦታ ላይ አላግባብ እናባክነዋለን፡፡ ለምን እንዳልተጠራን ማወቅ ለምን እንደተጠራን ግልፅ እንዲሆንልንና ህይወታችንን በጥበብ እንድንመራ ያስችለናል፡፡
ለምን እንዳልተጠራን እንመልከት
  • · ከሌላው ጋር ለመወዳደር አልተጠራንም
ከሌላው ጋር ተወዳድርህ ያደረግከው ነገር ሁሉ ብክነት ነው፡፡ አንድ እንድትወዳደረው የተሰጠህ ደረጃ እግዚአብሄር የሰጠህ ራእይና ስራ ነው፡፡ የተሰጠህና ያለህ ለዚያ የሚበቃ ጉልበትና ፀጋ ብቻ ነው፡፡ ለሌላ ውድድር የሚበቃ ትርፍ ጊዜ ስለሌለህ ለውድድር የምታወጣው ወጪ ለራእይህ የተሰጠህን ወጪ ቀንሰህ ነው፡፡ በፉክክር የምታጠፋው ጉልበት የራስህን ጥሪ በሚገባ እንዳትፈፅመው ያግድሃል፡፡
ነገር ግን እያንዳንዱ የገዛ ራሱን ሥራ ይፈትን፥ ከዚያም በኋላ ስለ ሌላው ሰው ያልሆነ ስለ ራሱ ብቻ የሚመካበትን ያገኛል፤ እያንዳንዱ የገዛ ራሱን ሸክም ሊሸከም ነውና። ገላትያ 6፡4-5
  • · ለሃሜት አልተጠራንም
ሰው የተጠራው ወንድሙን ሊደግፍና ሊያቀናው ነው፡፡ ወንድሙን በሆነ ባልሆነው የሚኮንን ሰው ህይወቱን እያባከነ ነው፡፡ አንተ ህጉን መጠበቅ ህጉን እንዲጠብቅ ወንድምህን መርዳት እንጂ ወንድምን ማማት ከጉዳት ውጭ ምንም እንደማይጠቅምና ወንድምን ማማት ህጉን ራሱን ማማት እንደሆነ ያስተምራል፡፡
ወንድሞች ሆይ፥ እርስ በርሳችሁ አትተማሙ። ወንድሙን የሚያማ በወንድሙም የሚፈርድ ሕግን ያማል በሕግም ይፈርዳል፤ በሕግም ብትፈርድ ፈራጅ ነህ እንጂ ሕግን አድራጊ አይደለህም። ያዕቆብ መልእክት 4፡11
  • · ሰውን ለማሰናከል አልተጠራንም
በማንም ሰው ላይ የችግር ምክኒያት እንድንሆን አልተጠራንም፡፡ ሰውን ከመባረክና ከመጥቀም ውጭ ክርስትናን በማንም ላይ ከባድ እንድናደርግ አልተጠራንም፡፡ የሰውን ሸክም ለመሸከምና ሌላውን ለመባረክ እንጂ ማንንም ለማሰናከልና ለማሳዘን አልተጠራንም፡፡
ከእነዚህ ከታናናሾች አንዱን ከማሰናከል ይልቅ የወፍጮ ድንጋይ በአንገቱ ታስሮ ወደ ባሕር ቢጣል ይጠቅመው ነበር።ሉቃስ 17፡2
  • · ለቅናት አልተጠራንም
እንደ ልጅ እያንዳንዳችን ድርሻ አለን፡፡ እንደጥሪውና እንደተሰጠው ሃላፊነት የአንዱ ድርሻ ከሌላው ድርሻ ይለያል፡፡ የአንዱ የህይወት ተግዳሮት ከሌላው እንደሚለይ ሁሉ የአንዱ ድርሻ ከሌላው ድርሻ ይለያያል፡፡ የአንዱ አቅራቦት ከሌላው አቅርቦት ጥሪው እንደሚጠይቀው ፍላጎት መጠን ይለያያል፡፡ ለጎረቤቴ ያልሰጠውን ስጦታ ከሰጠኝ ጎረቤቴ ያ ስጦታ የሚጠይቀው ተግዳሮት የለበትም ማለት ነው፡፡ እግዚአብሄር ለጎረቤቴን የሰጠውን ካልሰጠኝ እግዚአብሄር ይመስገን የጎረቤቴ ተግዳሮት የለብኝም ማለት ነው፡፡
ቅንዓትና አድመኛነት ባሉበት ስፍራ በዚያ ሁከትና ክፉ ስራ ሁሉ አሉና። ያዕቆብ 3፡16
  • · ለመለያየት አልተጠራንም
ለመለያየት ከፈለግን የሚያለያዩ ብዙ ነገሮች አሉ፡፡ ትልቁ ነገር መለያየት ሳይሆን ትሁት ሆኖ በአንድ ሃሳብ መስማማትና አንዳችን ለአንዳችን መገዛት ነው፡፡ በትግስት ተቻችሎ ለአንድ አላማ መስራት እንጂ መለያየት ብዙ ጥረት አይጠይቅም፡፡ ትልቁ ነገር አብሮ በእግዚአብሄር መንግስት ውስጥ ለአንድ አላማ መስራት ነው፡፡
በክርስቶስም አንዳች ምክር ቢሆን፥ የፍቅር መጽናናት ቢሆን፥ የመንፈስ ኅብረት ቢሆን፥ ምሕረትና ርኅራኄ ቢሆኑ፥ ደስታዬን ፈጽሙልኝ፤ በአንድ አሳብ ተስማሙ፥ አንድ ፍቅር አንድም ልብ አንድም አሳብ ይሁንላችሁ፤ ፊልጵስዩስ 2፡1-2
  • · ለማጉረምረም አልተጠራንም
እግዚአብሄር በግሉ የሚንከናከበው እንደኛ አይነት ህዝብ የለም፡፡ እግዚአብሄር ለእኛ ያለውን ሃሳብ የሚያውቅ ፍፃሜና ተስፋ ያለው ሃሳብ ያለው እንደእኛ ማመስገንና ደስተኛ መሆን ያለበት ሰው የለም፡፡ ሁሉንም ለመልካም የሚለውጥለት እንደ እኛ አይነት ህዝብ የለም፡፡
በመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ፤ ፊልጵስዩስ 2፡14-15
ከእነርሱም አንዳንዶቹ እንዳንጎራጎሩ በሚያጠፋውም እንደ ጠፉ አታንጐርጕሩ። 1ኛ ቆሮንቶስ 10፡10
  • · ለጥላቻ አልተጠራንም
ይቅር ለማለት ለመፍታት ለመባረክ ለማንሳት ለመጥቀም እንጂ ማንም ሰው ለመጥላት አልተጠራንም፡፡ እግዚአብሄር እንደ እኛ ምህረት ያደረገለት ሰው የለም፡፡ ታላቅ ምህረት ያደረገልን እግዚአብሄር እኛም በተራችን ለሚበድሉን ሰዎች ምህረት እንድናደርግ ይጠብቅብናል፡፡ ሰውን ይቅር እንዳንል ፣ በምሬት እንድንኖርና ሰውን እንድንጠላ አልተፈጠርንም፡፡
ወንድምህን በልብህ አትጥላው፤ በባልንጀራህ ምክንያት ኃጢአት እንዳይሆንብህ ገሥጸው። ዘሌዋውያን 19፡17
ሌሎቹንም ያልጠራንን ነገሮች እርስዎም ይጨምሩበት
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ጥላቻ #ማጉረምረም #ቅናት #ሃሜት #ፉክክር #ማሰናከያ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ጥሪያችንን የምንለይባቸው 7 መንገዶች

talentሰው ሁሉ እንዲድንና እውነቱን ወደማወቅ እንዲደርስ የእግዚአብሄር ይወዳል፡፡ የዳንነው ሁላችን ደግሞ የዳነው እንድናገለግለው ነው፡፡ እንደ ክርስትያንነታችን ሁላችንም የምናደርጋቸው የጋራ ነገሮች ቢኖሩም በተለይ ደግሞ ለእያንዳንዳችን የተለየ ጥሪን በህይወታችን አስቀምጧል፡፡ እያንዳንዳችን ውስን በመሆናችን ሁላችንም ለሁሉም ነገር አልተጠራንም፡፡ ከሌሎች በተለየ መልኩ ጥሩ አድርገን የምንሰራው የተለየ ጥሪ አለን፡፡
እግዚአብሄር ለምን እንደጠራን ማወቅ በጣም ወሳኝ ነገር ነው፡፡ እግዚአብሄር ለምን እንደጠራን ስናውቅ ጥሪያችንን ብቻ በማድረግ እንረካለን፡፡ እግዚአብሄር ለምን እንደጠራን ስናውቅ ለምን እንዳልጠራንም ስለምናውቅ እናርፋለን፡፡ እግዚአብሄር የጠራንን ጥሪ ስንለይ ካለ አስፈላጊ ፉክክር ነፃ እንወጣለን፡፡
እግዚአብሄር ለምን እንንደጠራን ስናውቅ ራሳችንን ስራችንን አገልግሎታችንን የምንለካው እግዚአብሄር በህይወታችን ካስቀመጠው ጥሪ አንፃር ብቻ ይሆናል፡፡ እግዚአብሄር ለምን እንደጠራን ስናውቅ እግዚአብሄር የሰጠንን ሃይልና ጉልበት በአላስፈላጊ ነገር ላይ ከማባከን እንድናለን፡፡ እግዚአብሄር ለምን ወደዚህ ምድር እንዳመጣን ስናውቅ ያንን ሰርተን በምድር ጌታን እናከብረዋለን፡፡
ልዩ ልዩን የእግዚአብሔርን ጸጋ ደጋግ መጋቢዎች እንደ መሆናችሁ፥ እያንዳንዳችሁ የጸጋን ስጦታ እንደ ተቀበላችሁ መጠን በዚያው ጸጋ እርስ በርሳችሁ አገልግሉ፤ 1ኛ ጴጥሮስ 4፡10
የእግዚአብሄር ጥሪ ማወቂያ አንድ ቀመር ወይም ፎርሙላ ባይኖረውም ከዚህ በታች የተዘረዘሩት የእግዚአብሄር ጥሪ እንዴት ለማወቅ እችላለሁ ለሚለው ጥያቄያችሁ የተወሰነ መልስ ሊሰጣችሁ እንደሚችል አምናለሁ፡፡ እንዲሁም ጥሪያችንን መለየት ጊዜ የሚጠይቅ ጉዳይ ስለሆነ በእግዚአብሄር ቃል ማደግ ፣ በፀሎት መቆየትና እግዚአብሄርን መታዘዝ በጊዜው ውስጥ ጥሪያችንን እንድንለይ በእጅጉ ይረዳናል፡፡ እግዚአብሄር ለምን እንደጠራን የምለይባቸው መንገዶች
  • · ፍላጎታችን የሚያመዝንበት
በህይወታችን ያለውን ጥሪ የምንለየው እግዚአብሄር በልባችን ያስቀመጠውን ፍላጎት በመመልከት ነው፡፡ ልባችን ወዴት እንደሚያዘነብል በመሰለል ጥሪያችን ምን እንደሆነ ጥሩ ሃሳብ ሊሰጠን ይችላል፡፡ ለምሳሌ የተቸገረ ሰው በቀላሉ የሚታየው የተቸገረ ሰው ረድቶ የማይጠግብ እንዲያውም አገልግሎት ማለት የተቸገረ ሰው መርዳት ብቻ የሚመስለው ሰው ጥሪው ምህረት ማድረግ ሊሆን ይችላል፡፡
  • · በቀላሉ ማድረግ የምንችለው
ሌላው እግዚአብሄር ለምን እንደጠራን የምንለየው በቀላሉ ለማድረግ የምንችለውን ነገር በመለየት ነው፡፡ ከሌላው ነገር ይበልጥ እግዚአብሄር ለጠራን ነገር አእምሮዋችን ይበልጥ ይከፈታል፡፡ ሌሎች ለማድረግ የሚከብዳቸውን ነገር እኛ በቀላሉ ማድረግ ከቻልን ጥሪያችን ያ ሊሆን እንደሚችል መገመት እንችላል፡፡
  • · የተለየ ደስታ የሚሰጠን
አንድን አገልግሎት ማድረግ ከሌላው አገልግሎት ይበልጥ ደስታን የሚሰጠን ከሆነ ጥሪያችን ያ እንደሆነ አንደኛው ማረጋገጫ እንደሆነ ልናስተውል እንችላለን፡፡
  • · የእግዚአብሄር መንፈስ የሚመሰክርልን
እግዚአብሄር ለምን እንደጠራን ከሁሉም ነገር በላይ የሚመሰክርልን የእግዚአብሄር መንፈስ ነው፡፡ ጥሪያችንን ለመለየት የእግዚአብሄርን መንፈስ በልባችን ልንሰማው ይገባል፡፡ እግዚአብሄር ለምን እንደጠራን የጠራን ራሱ ሊያሳየን ስለሚገባ በፀሎት ልንጠይቀው ይገባል፡፡
  • · ልባችን የሚያርፍበት
ጥሪያችን ልባችን የሚያርፍበት አገልግሎት ነው፡፡ ልክ ስናገኘው ሌላ ነገር የማያምረንና ጥሪያችንን መፈለግ የምናቆምበት አገልግሎት ጥሪያችን የሆነ አገልግሎት ይሆናል፡፡
  • · እርካታን የሚሰጠን
ለምንም አይነት ክፍያ ወይም ማበረታቻ የማንሰራው ነገር ፣ ለራሳችን እርካታ ብለን የምናደርገው ነገር ፣ የማንንም ማበረታቻ ሳንጠብቅ በትጋት ልናደርገው የምንችለው እርካታን የሚሰጠን አገልግሎት ጥሪያችን ነው፡፡
  • የሌሎች ምስክርነት
ሌሎች ብዙ ሰዎች ይህን አገልግሎት በአንተ ውስጥ አያለሁ ብለው የሚመሰክሩልን አገልግሎት ጥሪያችን ሊሆን ይችላል፡፡ እንዲሁም እግዚአብሄር በተለየ ለምን እንደጠራን እስከምናውቅ ድረስ እግዚአብሄር በከፈተልን አገልግሎት ገብተን እግዚአብሄርንና የእግዚአብሄርን ህዝብ ማገልገል ይኖርናል፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ጥሪ #ምስክር #ፀጋ #ምናን ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የኢየሱስ ራዕይ

eye.jpgራእይ በህይወታችን በጣም ያስፈልገናል፡፡ የራእይ እጥረት ካለብን የህይወት እጥረት አለብን ማለት ነው፡፡
ራእይ ባይኖር ሕዝብ መረን ይሆናል፤ ምሳሌ 29፡18
እኛ ሰዎች በጣም ውስን ነን፡፡ በአንድ ጊዜ ማድረግ የምንችለው አንድን ነገር ብቻ ነው፡፡ በአንዴ ብዙ ስራዎችን መስራት አንችልም፡፡በእኛ ውስጥ ያለው ፀጋና ሃይል እግዚአብሄር ለጠራን ስራ ብቻ የሚበቃ ነው፡፡ ይህን በውስጣችን ያለውን ፀጋ ተጠቅመን ውጤታማ መሆን የምንችለው እግዚአብሄር በምድር ላይ ለምን እንደፈለገን ስንረዳ ብቻ ነው፡፡
ውጤታማ ለመሆን እግዚአብሄር የጠራንን ያንን አንዱን ነገር ብቻ ነው ማድረግ ያለብን፡፡ የምናደርገውን ነገር ደግሞ እኛ አንመርጥም፡፡ እንድንሰራው የፈለገውን የሚያውቀው ለምን እንደጠራን የሚነግረን እግዚአብሄር ብቻ ነው፡፡
ስለዚህ ነው እግዚአብሄር የጠራንን ጥሪ ከእግዚአብሄ ፈልገን ማግኘትና በዚያ በጠራን ብቻ ላይ ማተኮር ያለብን፡፡
ለዚህ ምሳሌ ሊሆንልን የሚችለው ኢየሱስ ነው፡፡ ኢየሱስ በምድር ላይ ሲኖር እግዚአብሄር አብ ለምን እንደፈለገውና ለምን እንደጠራው ጠንቅቆ ያውቅ ነበር፡፡
ጲላጦስም፦ እንግዲያ ንጉሥ ነህን? አለው። ኢየሱስም መልሶ፦ እኔ ንጉሥ እንደ ሆንሁ አንተ ትላለህ። እኔ ለእውነት ልመሰክር ስለዚህ ተወልጃለሁ ስለዚህም ወደ ዓለም መጥቻለሁ፤ ዮሃንስ 18፡37
ኢየሱስ በምድር ላይ ለምን እንደመጣ ጠንቅቆ ያውቅ ስለነበር ከራእዩ ጋራ የማይሄዱ ነገሮችን ላለማድረግ እጅግ ይጠነቀቅ ነበር፡፡ ኢየሱስ ለምን እንደተሾመ ብቻ ሳይሆን ለምን እንዳልተሾመም ጭምር ጠንቅቆ ተረድቶ ነበር፡፡
ከሕዝቡም አንድ ሰው፦ መምህር ሆይ፥ ርስቱን ከእኔ ጋር እንዲካፈል ለወንድሜ ንገረው አለው። እርሱም፦ አንተ ሰው፥ ፈራጅና አካፋይ በላያችሁ አንድሆን ማን ሾመኝ? አለው። ሉቃስ 12፡13-14
ኢየሱስ ለምን እንዳልተጠራ ጥርት ያለ ራእይ ስለነበረው በአገልግሎቱ የተደነቁ ሰዎች ሊያነግሱት ሲሞክሩ ፈቀቅ እንዳለ መፅሃፍ ቅዱስ ያስተምራል፡፡ በዚህም ምክንያት ኢየሱስ ያነግሡት ዘንድ ሊመጡና ሊነጥቁት እንዳላቸው አውቆ ደግሞ ወደ ተራራ ብቻውን ፈቀቅ አለ። ዮሃንስ 6፡15
ኢየሱስ ወደ ምድር የመጣው ስለእርሱ እንደተፃፈው ሊፈፅም ነበር፡፡ እግዚአብሄር ያየለትን ሃላፊነት ሊወጣ ነበር ኢየሱስ ወደምድር የመጣው፡፡
በዚያን ጊዜ፦ እነሆ፥ በመጽሐፍ ጥቅልል ስለ እኔ እንደ ተጻፈ፥ አምላኬ ሆይ፥ ፈቃድህን ላደርግ መጥቼአለሁ አልሁ ይላል። ዕብራውያን 10፡7
እግዚአብሄር ያዘጋጀለት ነገር ሁሉ ለራእዩ ማስፈፀሚያ ታስቦ እንደሆነ ይናገራል፡፡ ስለዚህ ወደ ዓለም ሲገባ፦ መሥዋዕትንና መባን አልወደድህም ሥጋን ግን አዘጋጀህልኝ፤ ዕብራዊያን 10፡5
ባለራእይ የሚንቃቸው ብዙ ነገሮች እንዳሉና ወደ ራእዩ ለመሄድ የማይረዱትን ወይም የሚያደናቅፉትን ነገሮች እየናቀ እንደሚሄድ የባለ ራእዩ ከኢየሱስ ህይወት እንመለከታለን፡፡
እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና።
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ራዕይ #ምሪት #የእግዚአብሄርአጀንዳ #የእግዚአብሄርፈቃድ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ህልሜን እየኖርኩት ነው

dreamእግዚአብሄር ይመስገን ህልሜን እየኖርኩት ነው፡፡ ይህንን ንግግር ስናገር ሰዎች በአንድ አቅጣጫ ብቻ ስለሚመለከቱት ህልሜ ውስንና ትንሽ እንደሆነ ያስባሉ፡፡ ህልሜን እየኖርኩት ነው ስል ማለም እንዳቆምኩኝና ህልሜ ያለቀ ይመስላቸዋል፡፡ ህልሜን አየኖርኩት ነው ስል አንዳንዶች ተስፋ የቆረጥኩ ከዚህ በላይ ማየት ያቃተኝም ሁሉ ይመስላቸዋል፡፡
በፍፁም አይደለም፡፡ ህልሜን እየኖርኩት ነው ስል ምን ማለቴ እንደሆነ እኔ ነኝ የማውቀው፡፡
በመጀመሪያ ደረጃ አሁን ያለኝ ነገር ሁሉ የእኔ አይደለም፡፡ አሁን ያለኝ ነገር እኔጋ ስለቆየ የእኔ እንደሆነ አላስብም፡፡ አሁን ያለኝ ነገር ሁሉ ከእግዚአብሄር የተቀበልኩት ነው እንጂ የእኔ አይደለም፡፡
አንተ እንድትበልጥ ማን አድርጎሃል? ያልተቀበልኸውስ ምን አለህ? የተቀበልህ ከሆንህ ግን እንዳልተቀበልህ የምትመካ ስለ ምንድር ነው? 1ኛ ቆሮንቶስ 4፡7
ስለዚህ ህልሜን እየኖርኩት ነው ስል እግዚአብሄ ታማኝ አምላክ ነው እንደተራራ የከበደብኝን ነገር እርሱ ራሱ አድርጎልኛል ማለቴ ነው፡፡
በሁለተኛ ደረጃ አሁን የደረስኩበት ደረጃ ከአመታት በፊት ተራራ ሆኖብኝ የነበረ መንፈሳዊ ደረጃ ነው፡፡ አሁን ያለሁበት የአገልግሎት ደረጃ ላይ እንደምደርስ እኔን ለማሳመን እግዚአብሔር ብዙ ቃል መጠቀም ነበረበት፡፡ እግዚአብሄር ተስፋ ስቆርጥ አፅናንቶኛል፡፡ ህልሜን ለመጣል ስፈተን ይቻላል ይደረስበታል ብሎ አበረታቶኛል፡፡
ዳዊትን ከበግ እረኝነት ወደንግስና ያመጣው እግዚአብሄር ነው፡፡ ህልሙን እየኖረ እያለ እግዚአብሄር ከተጨማሪ ህልሞች ጋር ወደእርሱ ሲመጣ እግዚአብሄርን እየኖረ ስላለው ህልምና ሊፈፀም ስላለው ህልም አመሰገነ፡፡
ንጉሡ ዳዊትም ገባ፥ በእግዚአብሔርም ፊት ተቀምጦ እንዲህ አለ፦ ጌታዬ እግዚአብሔር ሆይ፥ እስከዚህ ያደረስኸኝ እኔ ማን ነኝ? 2ኛ ሳሙኤል 7፡18
ስለዚህ ነው ህልሜን እየኖርኩት ነው የምለው፡፡ በፊት ያልነበረኝ አሁን የደረስኩበት የህይወትና የአገልግሎት ደረጃ ሰላለ ነው ህልሜን እየኖርኩት ነው የምለው፡፡
ሶስተኛ እግዚአብሄር ስለዚህ ስለደረስኩበት ደረጃ ሊመሰገን ስለሚገባው ነው፡፡ ይህ ማለት ከአሁን በኋላ ምንም ህልም የለኝም ማለት ግን አይደለም፡፡ አንዳንድ ሰዎች እግዚአብሄርን ስለደረሱበት ማመስገን የማይፈልጉት ሌላ የሚፈልጉት ነገር የሌለ ይመስልብናል ብለው በማሰብ ነው፡፡ ህልምን መኖርና ሌላ ህልም ማለም አብረው የሚሄዱ እንዲያውም የአንዱ እምነት ለሌላው ምስክር የሚሆንበት እንጂ የሚቃረኑ አይደሉም፡፡
አሁንም ብዙ የሚፈፀሙ ህልሞች አሉኝ፡፡ ወደፊት የማያያቸው ብዙ ደረጃዎች አሉኝ፡፡ ብዙ የምደርስባቸው ግቦች አሉኝ፡፡ ልደርስባቸው የምዘረጋባቸው ህልሞች ከፊቴ አሉ ማለት ግን አሁን የምኖረውን ኑሮና የመንፈሳዊ ህይወት ደረጃ ስለደረስኩበትር ብቻ አጣጥለዋለሁ ማለት አይደለም፡፡ የወደፊት ህልም አለኝ ማለት አሁን ስለደረስኩበት ጌታን አላመሰግንም ማለት አይደለም፡፡ ወደፊት ህልም አለኝ ማለት በደረስኩበት ህልም አልደሰትም ማለት አይደለም፡፡
የአሁኑም የህይወቴ ደረጃ ፣ አሁን በክርስቶስ ያለኝ የነፃነት ደረጃ ፣ አሁን ያለኝ መንፈሳዊ አርነት ፣ አሁን ያለኝ የአገልግሎት ደረጃ አንድ ቀን የፀለይኩበት ፣ አንድ ቀን በእጅጉ የፈለኩት ፣ አንድ ቀን ያወጅኩትና አንድ ቀን እንደተራራ የሆነብኝ ደረጃ ነበር፡፡ ስለእናንተን አላውቅም እኔ ግን ህልሜን እየኖርኩት ነው፡፡ እግዚአብሄ ይመስገን፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ራእይ #ህልም #ስምረት #መሰረታዊፍላጎት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እግዚአብሄር ሲመራ

God-speaks-to-us-through-dreams-and-visions.-God-is-constantly-speaking-to-us-revealing-His-heart-mind-and-will..jpgእግዚአብሄር ለህዝቡ መናገር ህዝቡን መምራት ይወደል፡፡ እግዚአብሄር የሚናገረው ግን ብዙ ጊዜ እንደምንጠብቀው አይደለም፡፡ ሰዎችም እግዚአብሄር ተናገረኝ ሲሉ የሚመስለን በሚታይና ግልፅ በሆነ በእንቅስቃሴ በተደገፈ ሁኔታ እግዚአብሄር የሚናገር ነው፡፡
እውነት ነው እግዚአብሄር ሁሌ ለህዝቡ መናገር ስለሚወድ በእንደዚህ አይነት መልኩም ጭምር አንዳንዴ ይናገራል፡፡ በአብዛኛው ግን እግዚአብሄር እንደዚያ በደመናና በእሳት በውጫዊ ምልክት አይናገርም፡፡
ታዲያ እግዚአብሄር ለህዝቡ ሁል ጊዜ የሚናገር ከሆነና አብዛኛውን ጊዜ ደግሞ በግልፅና በሚታይ መልኩ ካልተናገረ እግዚአብሄር እንዴት ነው ብለን ልንጠይቅ እንችላለን፡፡
እግዚአብሄር አብዛኛውን ጊዜ የሚናገረን በልባችን ነው፡፡ ይህ በልባችን በዝምታ የምንሰማው ድምፅ በጣም ዝቅተኛ ከመሆኑ የተነሳ በልባችን ውስጥ ፈልገን ማግኘት ያለብን እኛው ራሳችን ነን፡፡
ይህን ድምፅ በልባችን ፈልገን ለማግኘት በራችንን መዝጋትና አእምሮዋችንንና ሌሎችን ድምፆች ሁሉ ዝም ማሰኘት ሊጠበቅብን ይችላል፡፡
ይህ ድምፅ በልባችን ሁሌ ያለ ሲሆን መጥቶ የሚሄድ አይነት ለተወሰነ ጊዜ ብቻ የሚሰማ ድንገተኛ ድምፅ አይደለም፡፡ ለምሳሌ ስለአንድ ነገር ስናስብ የእግዚአብሄር ፈቃድ ከሆነ የደስታና የምቾት ስሜትን የሚሰጠን ወይም ደግሞ የእግዚአብሄር ሃሳብ ካልሆነ የመኮስኮስ ፣ የመቆርቆርና ያለመመቸት ስሜትን በመስጠት የሚመራን ድምፅ ነው፡፡
በአንድ አካልም የተጠራችሁለት ደግሞ የክርስቶስ ሰላም በልባችሁ ይግዛ፤ ቆላስይስ 3፡15
ይህ በልባችን ውስጥ ፈልገን የምናገኘው ድምፅ ስለአንድ ነገር ስናስብ የእግዚአብሄርን የፈገግታ ፊትንና የእግዚአብሄርን የመኮሳተር ፊቱን በልባችን ፈልገን የምንለይበት ምሪት ነው፡፡
እግዚአብሔር አምላክ የሚናገረውን እሰማለሁ፤ ሰላምን ለሕዝቡና ለቅዱሳኑ ልባቸውንም ወደ እርሱ ለሚመልሱ ይናገራልና። መዝሙር 85፡8
ብዙ ጊዜ የእግዚአብሄርን ፈቃድ ለማወቅና ምሪቱን ለመከተል የምፈልገው በአእምሮዋችን ነው፡፡ እግዚአብሄር ግን የሚመራን በልባችን ነው፡፡ ስለአንድ ውሳኔ ስለሚያስፈልገው ነገር ስናስብ በልባችን ሰላምን ከሰጠን በአእምሮዋችን እንኳን ረብሻ ቢኖር መከተል ያለብን የልባችንን ምሪት ነው፡፡
ስለዚህ፥ እነሆ፥ አባብላታለሁ፥ ወደ ምድረ በዳም አመጣታለሁ፥ ለልብዋም እናገራለሁ። ሆሴዕ 2፡16
እግዚአብሄር ሁሌ ይናገራል፡፡ የእግዚአብሄርን ድምፅ ለመስማት ግን በጌታ ፊት በፀሎት ጊዜ መውሰድ ይጠይቃል፡፡ የእግዚአብሄርን ድምፅ ለመስማት በቃሉ ከባቢ ውስጥ መኖር ይጠይቃል፡፡
ይህን ፅሁፍ ለሌሎች ሼር share ያድርጉ!
#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ራዕይ ግዴታ ነው!

ሰው በህይወት እንዲከናወንለት የሚያስፈልገውን ነገር ማድረግ አለበት እንጂ ሰው በድንገት እንደ እድል አይከናወንለትም፡፡

 

በህይወይት ለመከናወን ራዕይ እጅግ ወሳኝ ነው፡፡ ራዕይ የሌለው ሰው የትም አይደርስም፡፡ ሰው ህይወቱን በሚገባ ተጠቅሞ ፍሬያማ እንዲሆን ራዕይን መከተል ወሳኝ ነው፡፡
ራዕይ ባይኖር ሕዝብ መረን ይሆናል፤ ሕግን የሚጠብቅ ግን የተመሰገነ ነው። ምሳሌ 29፡18
ሰው ራዕይ አለው ወይም ባለራዕይ ነው የሚባለው ለህይወቱ የእግዚአብሄርን ሃሳብ ወይም አጀንዳ ሲያውቅና ሲከተል ነው፡፡
  • ራዕይ ምኞት አይደለም፡፡
በህይወታችን የምንመኛቸው ውይ ይህ ቢሆንልኝ የምንላቸው ብዙ ነገሮች አሉ፡፡ አንዳንዶቹ መልካም ናቸው አንዳንዶቹ ግን መልካም ላይሆኑ ይችላሉ፡፡ ራዕይ ግን የሰው ምኞች በራሱ ሊደርስበት የሚፈልገው ነገር አይደለም፡፡ራዕይ የሰው ምርጫና ፍላጎት አይደለም፡፡
  • ራዕይ እድል አይደለም፡፡
ራዕይ በሃገሪቱ ላይ ያለውን የስራ እድል ወይም በአካባቢው ያለውን ክፍተት በመመልከት የሚመርጡት የስራ እድል አይደለም፡፡ ራዕይ በመመልከት የምንከተለው ነገር አይደለም፡፡ ራዕይ ምድራዊ እውቀታችንን አሰባስበን የምንገነባው የፕሮጀክት እቅድ አይደለም፡፡ ይህ ራዕይ ሳይሆን ይህ ምድራዊ እውቀት ነው፡፡
  • ራዕይ ማየት ነው
ራዕይ የእግዚአብሄርን የተለየ አጀንዳ ማየት ነው፡፡ ራዕይ እግዚአብሄር በልቡና በነፍሱ እንዳለ ማድረግ ነው፡፡
የታመነም ካህን ለእኔ አስነሣለሁ፥ በልቤም በነፍሴም እንዳለ እንዲሁ ያደርጋል፤ እኔም የታመነ ቤት እሠራለታለሁ፥ ዘመኑን ሁሉ እኔ በቀባሁት ሰው ፊት ይሄዳል። 1ኛ ሳሙኤል 2፡35
እነርሱም ሙሴ ድንኳኒቱን ሊሠራ ሳለ እንደ ተረዳ፥ ለሰማያዊ ነገር ምሳሌና ጥላ የሚሆነውን ያገለግላሉ። በተራራው እንደ ተገለጠልህ ምሳሌ ሁሉን ታደርግ ዘንድ ተጠንቀቅ ብሎት ነበርና። ዕብራዊያን 8፡5
ራዕይ እግዚአብሄር ስለህይወታችን ያየውን አይቶ መከተል ነው፡፡ በራዕይ ስንመራ እግዚአብሄር አብሮን ይቆማል፡፡ የጉዞዋችን ሁሉ ወጪው በእርሱ ነው፡፡ ስራውን ለመፈፀም የሚያስፈልገውን አቅራቦት ሁሉ ይሰጠናል ያበረታናል እንዲሁም በየጊዜው ይመራናል ፡፡
በዚህም እግዚአብሄር በምድር ላይ ያዘጋጀልንን ስራ ሰርተን በምድር እናከብረዋለን፡፡
ይህን ፅሁፍ ለሌሎች ሼር share ማድረግ ቢወዱ
%d bloggers like this: