Category Archives: Uncategorized

የአንድነት ዋጋ

1_bdXH39-cK9kSgvduun1ABw

መተባበርና አንድነት የከበረ ነገር ነው፡፡ አንድነት ትልቅ ዋጋ ያለው ሃብት ነው፡፡ ሰው በአንድነት የሚያደርጋቸው ነገሮች  በተናጥል ከሚያደርጋቸው ነገሮች በላይ ፍሬያማ ያደርጉታል፡፡

በአንድነት ውስጥ የታመቀ ትልቅ ጉልበት አለ፡፡ ሰው ሲተባበር እና በአንድ ላይ ሲሰራ በተናጥል ከሚያመጣው ውጤት በላይ የተሻለ ውጤት ያመጣል፡፡ ሰው ፣ በቤተሰብ ፣ በቤተክርስትያን ፣ በስራና በአገር ደረጃ በተናጥል ከሚሰራው ስራ ይልቅ ተባብሮ የሚሰራው ስራ ብዙ ጥቅምን ብዙ ነው፡፡

ከእናንተም አምስቱ መቶውን ያሳድዳሉ፥ መቶውም አሥሩን ሺህ ያሳድዳሉ፤ ጠላቶቻችሁም በፊታችሁ በሰይፍ ይወድቃሉ። ኦሪት ዘሌዋውያን 26፡8

አንድነት ግን ቀላል አይደለም፡፡ አንድነት ይበልጥ ፍሬያማ እንደሚያደርግ ሁሉ አንድነት ይበልጥ ዋጋ ያስከፍላል፡፡

ሰው ብዙን ጊዜ ከአንድነት ይልቅ መለያየትን የሚመረጥው በአንድነት ውስጥ ያለውን እምቅ ሃይል በቅጡ ስለማይረዳና አንድነት የሚጠይቀውን ዋጋ መክፈል ስለማይፈልግ ነው፡፡ ብዙ ሰው በአንድንት ያለውን ዋጋ ከመክፈል ይልው በስንፍና በተናጥል ያነሰ ነገርን ማግኘትን ይመርጣል፡፡ ሰው ለአንድነት ዋጋ መክፈል ሳይፈልግ ሲቀር በውስጡ ያለውን የአንድነትን እምቅ ጉልበት ያባክነዋል፡፡

ማንም ሃያል ሰው በጋራ ከሚሰራ ስራ በላይ ውጤት ሊያመጣ አይችልም፡፡ ማንም ጠቢብ ሰው ብቻውን ምንም ያህል ቢጥር በጋራ ቢሰራ እንደሚያመጣው ከፍተኛ ውጤት ሊያመጣ አይችልም፡፡ በአንድነት ብቻ ውስጥ የሚገኝ በተናጥል ውስጥ የሚየገኝ ለአንድነት ብቻ የተለየ ታላቅ ሃይል አለ፡፡

አንድነት ከተናጥልነት በላይ ዋጋ ያስከፍላል፡፡ ነገር ግን አንድነት ከተናጥል በላይ እጅግ ብዙ ፍሬ እንድናፈራ ያደርገናል፡፡

አንድነት ማለት ተመሳሳይነት ማለት አይደለም፡፡ አንድነት ማለት የተለያዩ ሰዎች ለአንድ የጋራ አላማ መስራት ማለት ነው፡፡ እውነት ነው እኛን ከማይመስል ሰው ጋር ከመስራት ይልቅ ከእኛ ተመሳሳይ ሰው ጋር መስራት ይቀላል፡፡ ነገር ግን እኛን ከማይመስል ሰው ጋር ለጋራ አላማ መስራት ይበልጥ ፍሬያማ ያስደርጋል፡፡

አንድነት ትህትናን ይጠይቃል፡፡ አንድነት የማይመስለንን ሰው መቀበል ይጠይቃል፡፡ አንድነት ከእኛ በተለየ ሰው ማመን ይጠይቃል፡፡ አንድነት ከእኛ የተለየን ሰው ለጋራ አላማ መታገስን ይጠይቃል፡፡ አንድነት ዋጋ ይከፍላል፡፡ አንድነት ዋጋን ይከፍላል፡፡

አንድነት ሌላውን መረዳትና ሌላውን ማመንን ይጠይቃል፡፡ አንድነት ራስ ወዳድ አለመሆን ሌላውን ማስቀደምን ይጠይቃል፡፡ አንድነት እኛን የማይመስልን ሰው መታገስ ይጠይቃል፡፡ አንድነት የእኔ  አሳብ ብቻ ይሰማ አለማለትን ይጠይቃል፡፡ አንድነት ትህትናን ለጋራ አላማ በሌሎች ሃሳብ መስማማትን ይጠይቃል፡፡

በክርስቶስም አንዳች ምክር ቢሆን፥ የፍቅር መጽናናት ቢሆን፥ የመንፈስ ኅብረት ቢሆን፥ ምሕረትና ርኅራኄ ቢሆኑ፥ ደስታዬን ፈጽሙልኝ፤ በአንድ አሳብ ተስማሙ፥ አንድ ፍቅር አንድም ልብ አንድም አሳብ ይሁንላችሁ፤ ወደ ፊልጵስዩስ ሰዎች 2፡1-2

አንድነት የሰነፎች እና የቸልተኞች አይደለም፡፡ አንድነት ትጋትን ይጠይቃል፡፡

በትሕትና ሁሉና በየዋህነት በትዕግሥትም፤ እርስ በርሳችሁ በፍቅር ታገሡ፤ በሰላም ማሰሪያ የመንፈስን አንድነት ለመጠበቅ ትጉ።ወደ ኤፌሶን ሰዎች 4፡2-3

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #መዳን #እምነት #አንድነት #ቤተክርስትያን #አማርኛ #ህብረት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #ትግስት #መሪ

ክብር ከምሥራቅ ወይም ከምዕራብ ወይም ከምድረ በዳ የለምና፤ እግዚአብሔር ፈራጅ ነውና ይህን ያዋርዳል ይህንም ያከብራል። መዝሙረ ዳዊት 75፡6-7

makeda

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ወደ ዕብራውያን 11:6

Young woman with flower wreath from Frangipani leaning on palm trunk, Raiatea, French Polynesia, Oceania

Elizabeth Jordan : I don’t know where you are, Devil, but I know you can hear me. You have played with my mind and had your way long enough! No more! You are done! Jesus is the Lord of this house, and that means there’s no place for you here any more! So take your lies, your schemes, and your accusations and get out in Jesus’ name! You can’t have my marriage, you can’t have my daughter and you sure can’t have my man! This house is under new management and that means you are out! And another thing, I am so sick of you stealing my joy, but that’s changing too. My joy doesn’t come from my friends, it doesn’t come from my job, it even doesn’t come from my husband. My joy is found in Jesus, and just in case you forgot, he has already defeated you, so go back to Hell where you belong and leave my family alone! From War room Christian movie.

Elizabeth Jordan : I don’t know where you are, Devil, but I know you can hear me. You have played with my mind and had your way long enough! No more! You are done! Jesus is the Lord of this house, and that means there’s no place for you here any more! So take your lies, your schemes, and your accusations and get out in Jesus’ name! You can’t have my marriage, you can’t have my daughter and you sure can’t have my man! This house is under new management and that means you are out! And another thing, I am so sick of you stealing my joy, but that’s changing too. My joy doesn’t come from my friends, it doesn’t come from my job, it even doesn’t come from my husband. My joy is found in Jesus, and just in case you forgot, he has already defeated you, so go back to Hell where you belong and leave my family alone! From War room Christian movie.

WAR ROOM | Elizabeth Jordan sends the devil out of her house

አጽናኑ፥ ሕዝቤን አጽናኑ ይላል አምላካችሁ። የአዋጅ ነጋሪ ቃል፦ የእግዚአብሔርን መንገድ በምድረ በዳ ጥረጉ፥ ለአምላካችንም ጐዳና በበረሀ አስተካከሉ። ሸለቆው ሁሉ ከፍ ይላል፥ ተራራውና ኮረብታውም ሁሉ ዝቅ ይላል፤ ጠማማውም ይቃናል፥ ስርጓጕጡም ሜዳ ይሆናል፤ የእግዚአብሔርም ክብር ይገለጣል፥ ሥጋ ለባሹም ሁሉ በአንድነት ያየዋል፥ የእግዚአብሔር አፍ ይህን ተናግሮአልና። ትንቢተ ኢሳይያስ 40፡1፣3-5

62227994_617992992003528_3139751535827746816_o.jpg

የምሄድበትም ጊዜ ደርሶአል። መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤ ወደ ፊት የጽድቅ አክሊል ተዘጋጅቶልኛል፥ ይህንም ጻድቅ ፈራጅ የሆነው ጌታ ያን ቀን ለእኔ ያስረክባል፥ ደግሞም መገለጡን ለሚወዱት ሁሉ እንጂ ለእኔ ብቻ አይደለም። 2ኛ ወደ ጢሞቴዎስ 4፡6-8

0 (28).jpg

የምሄድበትም ጊዜ ደርሶአል። መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤ ወደ ፊት የጽድቅ አክሊል ተዘጋጅቶልኛል፥ ይህንም ጻድቅ ፈራጅ የሆነው ጌታ ያን ቀን ለእኔ ያስረክባል፥ ደግሞም መገለጡን ለሚወዱት ሁሉ እንጂ ለእኔ ብቻ አይደለም። 2ኛ ወደ ጢሞቴዎስ 4፡6-8

ልጅም ትወልዳለች፤ እርሱ ሕዝቡን ከኃጢአታቸው ያድናቸዋልና ስሙን ኢየሱስ ትለዋለህ። የማቴዎስ ወንጌል 1፡21

Publication1.jpg

Happy New You

your will11.jpg

Happy New You

We all are always eager to have a new year. We need a new beginning. We long for a fresh start. There is nothing wrong with great expectations.

The truth is how much we are eager to have a new thing in life; we cannot get it. We cannot have the desired new life unless we do the right thing. Desiring without the corresponding action is nothing.

It isn’t up to God to give us a change of life. God only gives us an opportunity for a change in life.

If our mind isn’t new, the newness of the year doesn’t benefit us at all. If the mind of man isn’t changed, the life of the same can’t be changed. Man is changed through his thoughts.

For as he thinks in his heart, so is he. Proverbs 23:7

The best way to renew your life is to renew your mind. The best way to renew your mind is to align your mind to the original intent of God. The best way of renewing your life is to align your thought to the truth of the word of God.

And do not be conformed to this world, but be transformed by the renewing of your mind, that you may prove what is that good and acceptable and perfect will of God. Romans 12:2

The only way of escaping from the corruption of the world is by the renewal of the minds.

This I say, therefore, and testify in the Lord, that you should no longer walk as the rest of the Gentiles walk, in the futility of their mind, Ephesians 4:17

We have to be born again to have a truly new year. We have to be a new creation to benefit from the fullness of the year. We have to renew our minds to have a renewed year months and days. Our change in life isn’t related to the change of calendar. Our change in life is directly proportional to the renewal of our minds.

Therefore, if anyone is in Christ, he is a new creation; old things have passed away; behold, all things have become new. 2 Corinthians 5:17

What makes the year new is the newness of the person.

You can even have a new year if you change your mind by the word of God by the 31 of December.

Abiy Wakuma Dinsa

For more articles https://www.facebook.com/abiy.dinsa.37/notes

#Jesus #God #Church #Lord #Trust #praise #livelife #Amharic #peace #season #faith #enjoylife #faithfulness #church #new #bornagain #preaching #salvation #bible #countingthecost #peace #discipline #morale #abiy #facebook #abiywakuma #abiywakumadins

የሙላት ዓመት The Year of Fullness 2020

the year of fullness 2020.jpg

የሙላት ዓመት The Year of Fullness 2020

ተስፋ ባልሆነው ጊዜ ተስፋ ይዞ አመነ

1_8PNvnNhM_fWg0GfNMPWTrQ.jpeg

ዘርህ እንዲሁ ሊሆን ነው እንደ ተባለ፥ ተስፋ ባልሆነው ጊዜ የብዙ አሕዛብ አባት እንዲሆን ተስፋ ይዞ አመነ። ወደ ሮሜ ሰዎች 4፡18

እግዚአብሄር ለአብርሃም ልጅ እሰጥሃለሁ ሲለው እስከ 100 ዓመቱ ድረስ ልጅህ አልነበረውም፡፡ ሚስቱም ሳራ አርጅታ ነበር 90 ዓመት ሆኗት ነበር፡፡

በምድራዊ አስተያየት አብርሃም ልጅ የመውለድ ምንም ተስፋ አልበነረውም፡፡

አብርሃም የቀረው አንድ ተስፋ የእግዚአብሄር የተስፋ ቃል ብቻ ነበር፡፡

እምነት የሚያስፈልገው በምድር ተስፋ ስለሌለው ነገር ነው፡፡ በምድር ተስፋ ላለው ነገር ግን ምን እምነት ያስፈልገዋል ?

እምነት ከመስማት ነው መስማትም በእግዚአብሄር ቃል ነው እንደሚል አብርሃም የእግዚአብሄርን ቃል ተስፋ አደረገ፡፡ የምድር አሰራር ልጅ ለመውለድ ተስፋ ቢያስቆርጠውም አብርሃም የእግዚአብሄርን አሰራር ተስፋ አደረገ፡፡ አብርሃም የመውለድ ሃይሉ ተስፋ ቢያስቆርጠውም በእግዚአብሄር ሃይል ተስፋ አደረገ፡፡ አብርሃም ሰውነቱ ተስፋ ቢያስቆርጠውም እግዚአብሄርን ተስፋ አደረገ፡፡

የመቶ ዓመትም ሽማግሌ ስለ ሆነ እንደ ምውት የሆነውን የራሱን ሥጋና የሳራ ማኅፀን ምውት መሆኑን በእምነቱ ሳይደክም ተመለከተ፤ወደ ሮሜ ሰዎች 4፡19

አብርሃም በስጋ ሲደክም በእምነት በረታ፡፡ የምድራዊ ልጅ የመውለድ ተስፋው ቢያደክመውም አብርሃም በእምነቱ አልደከመም፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪነት #ተስፋ #እምነት #ቃል #ከመስማት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ተስፋ #አሁን #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

 

Enjoying the goodness of the Lord in every moment of my life.

IMG_6573 abiy.jpg

Enjoying the goodness of the Lord in every moment of my life.

ይህን ተራራ መዞር ይበቃችኋል ተመልሳችሁ ወደ ሰሜን ሂዱ

1589916-hiking-wallpaper.jpg

እግዚአብሔርም እንዳለኝ ተመልሰን በኤርትራ ባሕር መንገድ ወደ ምድረ በዳ ሄድን፤ የሴይርንም ተራራ ብዙ ቀን ዞርን። እግዚአብሔርም እንዲህ ብሎ ተናገረኝ፦ ይህን ተራራ መዞር ይበቃችኋል ተመልሳችሁ ወደ ሰሜን ሂዱ። ኦሪት ዘዳግም 2፡1-3

እግዚአብሄር የእስራኤል ህዝብ ከግብፅ ያወጣቸው ወደከንአን ሊስገባቸው ነው፡፡ እግዚአብሄር የእስራኤልን ህዝብ ከግብፅ ያወጣቸው አንድን ተራራ እየዞሩ እንዲቀሩ አይደለም፡፡

ነገር ገን የእስራኤል ህዝብ ተራራውን ወደውታል፡፡ ተራራውን ያውቁታል፡፡ ተራራው አስተማማኝ ነው፡፡ ተራራውን መዞር ምንም አደጋ የለውም፡፡ ተራራውን መዞር ተመችቷቸዋል፡፡

የእግዚአብሄር ፈቃድ ግን ተራራውን እንዲዞሩ ሳይሆን ወደ ተስፋይቱ ምደር እንዲገቡ ነው፡፡

ወደተስፋይቱ ምድር ለመግባት ተራራውን እንደ መዞር ከአደጋ ነፃ አይደለም፡፡ ወደ ተስፋይቱ ምድር መሄድ የሚያውቁትን አካባቢ መተው ይጠይቃል፡፡ ወደተስፋይቱ መደር መጓዝ ለአመታት የለመዱትን መተው ይጠይቃል፡፡ ወደተስፋይቱ ምድር ለመግባት ወደማያውቁት ምድር መሄድ ይጠይቃል፡፡ ወደተስፋይቱ ምድር ለመግባት መዋጋት ይጠይቃል፡፡

ወደተስፋይቱ ምድር መሄድ ወደማያውቁት ምድር መሄድን ይጠይቃል፡፡ ወደተስፋይቱ መደር መጓዝ የማይታየውን ማየት ይጠይቃል፡፡ ወደተስፋይቱ መደር መጓዝ በእምነት መራመድ ይጠይቃል፡፡

እንግዲህ ሁልጊዜ ታምነን፥ በእምነት እንጂ በማየት አንመላለስምና 2ኛ ወደ ቆሮንቶስ ሰዎች 4፡6-7

ወደተስፋይቱ መደር መጓዝ ሽልማቱን አስተያይቶ የጊዜውን መከራ መናቅን ይጠይቃል፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው። 2ኛ ወደ ቆሮንቶስ ሰዎች 4፡17-18

ወደተስፋይቱ ምድር መጓዝ ነፍስን በእግዚአብሄር እጅ ላይ መተው ይጠይቃል፡፡

ነፍሱን ሊያድን የሚወድ ሁሉ ያጠፋታል፤ ስለ እኔ ግን ነፍሱን የሚያጠፋ ሁሉ ያገኛታል። የማቴዎስ ወንጌል 16፡25

ወደተስፋይቱ ምድር መጓዝ የፍርሃት ስሜቱ እያለ በፍርሃት ስሜት አለመቆምን ይጠይቃል፡፡

ወደተስፋይቱ ምድር መጓዝ ለአመታት በነፃ የምንበላውን መና ትተን ማረስ መስራት መድከም መጀመርን ይጠይቃል፡፡

ወደተስፋይቱ ምድር መጓዝ ከነፍሳችን ምቾት በላይ የእግዚአብሄርን አላማ ማስቀደምን ይጠይቃል፡፡

ነገር ግን ሩጫዬንና ከጌታ ከኢየሱስ የተቀበልሁትን አገልግሎት እርሱም የእግዚአብሔርን ጸጋ ወንጌልን መመስከር እፈጽም ዘንድ ነፍሴን በእኔ ዘንድ እንደማትከብር እንደ ከንቱ ነገር እቆጥራለሁ። የሐዋርያት ሥራ 20፡20

ወደተስፋይቱ ምድር መጓዝ ባለፈው ከግብፅ በመውጣታችን ብቻ ደስ በመሰኘት የለመድነውን ተራራ እየዞርን በምድረ በዳ አለመቅረትን ይጠይቃል፡፡ ወደተስፋይቱ ምድር መጓዝ ወደከንአን የመግባት ህልማችንን ብቻ እያሰብን በምኞት ከመኖር ይጠብቀናል፡፡ እግዚአብሄር ህልምን የሚሰጠን ስለ ህልምነቱ ሳይሆን በህይወታችን እንዲፈፀም ነው፡፡ ወደተስፋይቱ ምድር መጓዝ በግብፅ ባለመጥፋታችንና በመጠበቃችን ብቻ አለመርካትን ይጠይቃል፡፡

ወደተስፋይቱ ምድር መጓዝ በመጠበቃችን ብቻ አለመርካትን ይጠይቃል፡፡ በምድር ላይ ያለነው ራሳችንን ጠብቀን ልንኖር ብቻ ሳይሆን ፍሬ እንድናፈራ ነው፡፡ በምድር ላይ ያለነው የእግዚአብሄርን አላማ ልንፈፅም ነው፡፡ ወደተስፋይቱ ምድር መጓዝ ከመጠበቃችን አልፎ ለፍሬያማነት መዘርጋትን ይጠይቃል፡፡

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ክርስቶስ #ጌታ #እረፍት #ቅድሚያ #መደገፍ #መታመን #እንዴት #እምነት #እውቀት #መደገፍ #ሰንበት #በመንፈሴ #በሃይል #በብርታት #ፀጥታ #መመለስ #ማረፍ #ፅድቁን #ኢየሱስ #ቤተክርስትያን #አማርኛ #ስብከት #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

በክርስቶስ መከራ በምትካፈሉበት ልክ

your will11.jpg

ወዳጆች ሆይ፥ በእናንተ መካከል እንደ እሳት ሊፈትናችሁ ስለሚሆነው መከራ ድንቅ ነገር እንደ መጣባችሁ አትደነቁ፤ ነገር ግን ክብሩ ሲገለጥ ደግሞ ሐሤት እያደረጋችሁ ደስ እንዲላችሁ፥ በክርስቶስ መከራ በምትካፈሉበት ልክ ደስ ይበላችሁ። ስለ ክርስቶስ ስም ብትነቀፉ የክብር መንፈስ የእግዚአብሔር መንፈስ በእናንተ ላይ ያርፋልና ብፁዓን ናችሁ። 1ኛ የጴጥሮስ መልእክት 4፡12-14

በክርስቶስ መከራ በምንካፈልበት ልክ ወደእኛ የሚመጡ ብዙ በረከቶች አሉ፡፡

በክርስቶስ መከራ መካፈል ክብር ነው፡፡ በክርስቶስ መከራ የመካፈልን ክብር ከመፅሃፍ ቅዱስ እንመልከት

  1. በክርስቶስ መከራ መካፈል የመዳናችን ምልክት ነው

ኢየሱስ ጌታ ነው ብንለን ከመሰከርብ ጊዜ አንስቶ ከጠላት ግዛት ወጥተን ወደ እግዚአብሄር መንግስት ውስጥ ገብተናል፡፡ ለኢየሱስ እሺ ማለት ለሰይጣን እንቢ ማለት ነው፡፡ ሰይጣን እንደፈለገ ሲገዛቸውና ሲጠቀምባቸው የነበሩት ሰዎች ሲያምፁበት ደስ አይለውም፡፡ ከቻለ ከክርስቶስ መንገድ ሊያሰናክለን ካልቻለ ደግሞ ደስተኛ ሆንን እንዳንከተለው ይጥራል፡፡

ልትቀበለው ያለህን መከራ አትፍራ። እነሆ፥ እንድትፈተኑ ዲያብሎስ ከእናንተ አንዳንዶቻችሁን በወኅኒ ሊያገባችሁ አለው፥ አሥር ቀንም መከራን ትቀበላላችሁ። የዮሐንስ ራእይ 2፡10

  1. በክርስቶስ መከራ መካፈል የጥሪያችን አንዱ ክፍል ነው

መከራ ሲገጥመን እንግዳ ነገር እንደመጣብን ከእግዚአብሄር መንገድ እንደሳትን መቁጠር የለብንም፡፡

ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት የያዕቆብ መልእክት 1፡2-3

ከክርስቶስ ጋር አብረን ለመውረስ አብረን መከራን መቀበል አለብን፡፡

ልጆች ከሆንን ወራሾች ደግሞ ነን፤ ማለት የእግዚአብሔር ወራሾች ነን፥ አብረንም ደግሞ እንድንከበር አብረን መከራ ብንቀበል ከክርስቶስ ጋር አብረን ወራሾች ነን። ወደ ሮሜ ሰዎች 8፡17

  1. በክርስቶስ መከራ መካፈል የመዳን ምልክት ነው

በአንድም ነገር እንኳ በተቃዋሚዎች አትደንግጡ፤ ይህም ለእነርሱ የጥፋት፥ ለእናንተ ግን የመዳን ምልክት ነው፥ ይህም ከእግዚአብሔር ነው፤ ይህ ስለ ክርስቶስ ተሰጥቶአችኋልና፤ ስለ እርሱ መከራ ደግሞ ልትቀበሉ እንጂ በእርሱ ልታምኑ ብቻ አይደለም፤ ወደ ፊልጵስዩስ ሰዎች 1፡28-29

ክርስቶስን እየተከተለ መከራ የማይቀበል ሰው እንጂ መከራን የሚቀበለ ሰው አያስደንቅም፡፡

በአንጾኪያና በኢቆንዮን በልስጥራንም የሆነብኝን የታገሥሁትንም ስደት ታውቃለህ፤ ጌታም ከሁሉ አዳነኝ። በእውነትም በክርስቶስ ኢየሱስ እግዚአብሔርን እየመሰሉ ሊኖሩ የሚወዱ ሁሉ ይሰደዳሉ። 2ኛ ወደ ጢሞቴዎስ 3፡11-12

  1. በክርስቶስ መከራ መካፈል ሙሉ ሰዎች ያደርገናል

ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ትዕግሥትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም። የያዕቆብ መልእክት 1፡2-4

በሌላ መንገድ የማይሰራውን ባህሪያችንን ስለሚሰራ በክርስቶስ መከራ በመፅናት እንመካለን

ይህም ብቻ አይደለም፥ ነገር ግን መከራ ትዕግሥትን እንዲያደርግ፥ ትዕግሥትም ፈተናን ፈተናም ተስፋን እንዲያደርግ እያወቅን፥ በመከራችን ደግሞ እንመካለን፤ ወደ ሮሜ ሰዎች 5፡3-4

  1. በክርስቶስ መከራ መካፈል ከክብሩ አንፃር ምንም አይደለም

ልጆች ከሆንን ወራሾች ደግሞ ነን፤ ማለት የእግዚአብሔር ወራሾች ነን፥ አብረንም ደግሞ እንድንከበር አብረን መከራ ብንቀበል ከክርስቶስ ጋር አብረን ወራሾች ነን። ለእኛም ይገለጥ ዘንድ ካለው ክብር ጋር ቢመዛዘን የአሁኑ ዘመን ሥቃይ ምንም እንዳይደለ አስባለሁ። ወደ ሮሜ ሰዎች 8፡17-18

  1. በክርስቶስ መከራ መካፈል የእግዚአብሄርን መንፈስ ሃይል ያበዛልናል

ስለ ክርስቶስ ስም ብትነቀፉ የክብር መንፈስ የእግዚአብሔር መንፈስ በእናንተ ላይ ያርፋልና ብፁዓን ናችሁ። 1ኛ የጴጥሮስ መልእክት 4፡14

  1. በክርስቶስ መከራ መፅናት የአክሊላችን ምክኒያት ነው

ልትቀበለው ያለህን መከራ አትፍራ። እነሆ፥ እንድትፈተኑ ዲያብሎስ ከእናንተ አንዳንዶቻችሁን በወኅኒ ሊያገባችሁ አለው፥ አሥር ቀንም መከራን ትቀበላላችሁ። እስከሞት ድረስ የታመንህ ሁን የሕይወትንም አክሊል እሰጥሃለሁ። የዮሐንስ ራእይ 2፡10

  1. በክርስቶስ መከራ መካፈል ክብራችን ነው

ሰሙትም፥ ሐዋርያትንም ወደ እነርሱ ጠርተው ገረፉአቸው፥ በኢየሱስም ስም እንዳይናገሩ አዝዘው ፈቱአቸው። እነርሱም ስለ ስሙ ይናቁ ዘንድ የተገባቸው ሆነው ስለ ተቈጠሩ ከሸንጎው ፊት ደስ እያላቸው ወጡ፤ የሐዋርያት ሥራ 5፡40-41

  1. በክርስቶስ መከራ መካፈል የሚያስደስት እንጂ የሚያሳፍር አይደለም

ክርስቲያን እንደሚሆን ግን መከራን ቢቀበል ስለዚህ ስም እግዚአብሔርን ያመስግን እንጂ አይፈር። 1ኛ የጴጥሮስ መልእክት 4፡16

  1. በክርስቶስ መከራ መካፈል በሰማይ ታላቅ ዋጋ አለው

ሰዎች ስለ ሰው ልጅ ሲጠሉአችሁ ሲለዩአችሁም ሲነቅፉአችሁም ስማችሁንም እንደ ክፉ ሲያወጡ፥ ብፁዓን ናችሁ። እነሆ፥ ዋጋችሁ በሰማይ ታላቅ ነውና በዚያን ቀን ደስ ይበላችሁ ዝለሉም፤ አባቶቻቸው ነቢያትን እንዲህ ያደርጉባቸው ነበርና። የሉቃስ ወንጌል 6፡22-23

  1. የእምነት አባቶች እንድንመስላቸው ያዘዙን በክርስቶስ መከራ በመካፈል ጭምር ነው

እንግዲህ በጌታችን ምስክርነት ወይም በእስረኛው በእኔ አትፈር፥ ነገር ግን እንደ እግዚአብሔር ኃይል መጠን ስለ ወንጌል አብረኸኝ መከራን ተቀበል፤ 2ኛ ጢሞቴዎስ 1፡8

  1. በክርስቶስ መከራ መካፈል የተሻለ ነገር እንዳለን የእምነት ምልክት ነው

ነገር ግን ግማሽ በነቀፋና በጭንቅ እንደ መጫወቻ ስለ ሆናችሁ ግማሽም እንዲህ ካሉት ጋር ስለ ተካፈላችሁ፥ ብርሃን ከበራላችሁ በኋላ መከራ በሆነበት በትልቅ ተጋድሎ የጸናችሁበትን የቀደመውን ዘመን አስቡ። የሚበልጥና ለዘወትር የሚኖር ገንዘብ በሰማይ ራሳችሁ እንዳላችሁ አውቃችሁ፥ በእስራቴ ራራችሁልኝ የገንዘባችሁንም ንጥቂያ በደስታ ተቀበላችሁ። ወደ ዕብራውያን 10፡32-34

  1. በክርስቶስ መከራ መካፈል አውቀን ወስነን የምንገባበት ክብር ነው

ህይወት በምርጫ የተሞላች ነች፡፡ በክርስቶስ መከራ መካፈል ዋጋችንን ተምነን በእውቀት የምንወስነው ውሳኔ ነው፡፡

ከግብፅም ብዙ ገንዘብ ይልቅ ስለ ክርስቶስ መነቀፍ እጅግ የሚበልጥ ባለ ጠግነት እንዲሆን አስቦአልና ለጊዜው በኃጢአት ከሚገኝ ደስታ ይልቅ ከእግዚአብሔር ሕዝብ ጋር መከራ መቀበልን መረጠ፤ ብድራቱን ትኵር ብሎ ተመልክቶአልና። ወደ ዕብራውያን 11፡25-26

  1. መከራ የእግዚአብሄርን ብቸኛ አዳኝነት እና የሚያስችል ሃይል የምናይበት ወርቃማ እድል ነው

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ወደ ቆሮንቶስ ሰዎች 12፡9-10

  1. በክርስቶስ መከራ መካፈል እግዚአብሄርን የሚያስደስተውን እውነተኛ መታዘዝን ያስተምረናል

ልጅነታችን ከመከራ አያድነንም፡፡ ኢየሱስ በምድር ላይ መታዝዝን የተማረው ከተቀበለው መከራ ነው፡፡

ምንም ልጅ ቢሆን፥ ከተቀበለው መከራ መታዘዝን ተማረ፤ ወደ ዕብራውያን 5፡8

 

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #መዋረድ #መከራ #ፈተና #መፅናት #መታገስ #አማርኛ #ስብከት #መዳን #መፅሃፍቅዱስ #ብፅእና #እምነት #አንድነት #ፀጋ  #አቢይ #አቢይዋቁማ #አቢይዋቁማዲንሳ

In 1991 I was sleeping in my car, I had $35 to my name, everything I had could fit into two bags. I started talking to God about my dreams… Fast forward, out of nowhere I get a call from the Apollo asking me to come on the show. That same night I met D.L. Hughley, Dwayne “The Rock” Johnson, and Jamie Foxx for the first time. We were all comedians that went on that night. This is my Apollo story and how I became the host. This was my turnback moment. Everybody has a turn back a moment, it’s the moment you can either go forward or give everything up. There’s one guarantee if you give up it will never happen. Faith is everything, God is always on time, he’s never too late. Watch more #Motivated + on SteveHarvey.com

ይህ እንዴት ይሆናል?

your will11.jpg

ማርያምም መልአኩን፦ ወንድ ስለማላውቅ ይህ እንዴት ይሆናል? አለችው። መልአኩም መልሶ እንዲህ አላት፦ መንፈስ ቅዱስ በአንቺ ላይ ይመጣል፥ የልዑልም ኃይል ይጸልልሻል ስለዚህ ደግሞ ከአንቺ የሚወለደው ቅዱስ የእግዚአብሔር ልጅ ይባላል። የሉቃስ ወንጌል 1፡34-35

ማሪያም በድንግልናዋ ልጅ ትወልጃለሽ ስትባል ይህ እንዴት ይሆናል ብላ በመጠየቅዋ እግዚአብሄር አልተቆጣም፡፡

ከእግዚአብሄ ጋር ባለሽ የህይወት እርምጃ ይህ እንዴት ይሆናል ካላልሽ በእምነት መኖር አልጀመርሽም ማለት ነው፡፡ ሁሉንም ነገር አውቀሽ ከጨረሽ የምትኖሪው በስሌት እንጂ በእምነት አይደለም፡፡ ህይወትሽን ከመጀመሪያው እስከመጨረሻው የምታውቂ ከሆንሽ የምትመላለሽው በእምነት ሳይሆን በማየት ነው፡፡

እንግዲህ ሁልጊዜ ታምነን፥ በእምነት እንጂ በማየት አንመላለስምና በሥጋ ስናድር ከጌታ ተለይተን በስደት እንዳለን የምናውቅ ከሆንን፥ 2ኛ ወደ ቆሮንቶስ ሰዎች 5፡6-7

እምነት ያስፈለገው በተፈጥሮአዊ አይናችን የማናየውን ነገር ለማየት ነው፡፡ እምነት የሚያስፈልገው እውቀት ስለሌለን ነገር እውቀት ባለው በእግዚአብሄር ላይ ለመደገፈ ነው፡፡

ስለዚህ በህይወት ጉዞሽ ይህ እንዴት ይሆናል ካላልሽ እምነትን የምታውቂው በዝና እንጂ በተግባር አይደለም፡፡

ሁላችንም ይህ እንዴት ይሆናል የምንልበት አጋጣሚ አለ፡፡ እግዚአብሄር የሚናገረንና እኛ ያለንበትን ስናስተያየው ይህ እንደት ይሆናል ብሎ መጠየቅ ያለ ነው፡፡ በእጃችን ያለው ሃይልና እግዚአብሄር እንድንፈፅጽመው የሰጠን ስራ ሲስተያይ ይህ እንደት ይሆናል ማለት የተለመደ ነው፡፡ የህይወት መንገዳችንን አስልተን አስልተን እንቆቅልሹ አልፈታም ሲለን ይህ እንዴት ይሆናለ ማለት ግዴታ ነው፡፡

አምኛለሁ መንገዱን ግን አላውቀውም ማለት ያለ ነው፡፡ አንተ ትክክል ነህ አንተ ፃድቅ ነህ አንተ አትሳትም ግን ይህ እንዴት ይሆናል ማለት ትህትና ነው፡፡ እንዴት እንደሚሆን ባይገባቸውም እንኳን እግዚአዚአብሄር የሚናገራችውን ነገር አምነው የሚቀበሉት እግዚአብሄር ደስ ይሰኛሉ፡፡

የእግዚአብሄርንም አደራረግ ሙሉ ለሙሉ ባይረዱትም በትህትና ሁሉን ታደርግ ዘንድ ቻይ እንደ ሆንህ በሚሉት እግዚአብሄር ይደሰታል፡፡

ሁሉን ታደርግ ዘንድ ቻይ እንደ ሆንህ፥ አሳብህም ይከለከል ዘንድ ከቶ እንደማይቻል አወቅሁ። መጽሐፈ ኢዮብ 42፡2

እግዚአብሄር እንድናምን እንጂ ሁሉንም እንድንረዳ አይጠብቅብንም፡፡ እግዚአብሄር በእምነት እርምጃ እንድንወስድ እና ከእግዚአብሄር ጋር እንድንተባበር እንጂ እንድንፈፅጽመው አይጠብቅብንም፡፡ የስራው ባለቤት እግዚአብሄር ነው፡፡ የስራው ዋና ሰራተኛ እግዚአብሄር ነው፡፡ እኛ አብረን ሰራተኞች ነን፡፡

እሺ ጌታ ሆይ የሚሉትን ሰዎች እጃቸውን ይዞ ወደ እቅዱ ወስጥ ያስገባቸዋል፡፡

በትህትና ሳይሆን ይህ አይሆንም ከሚል ድምዳሜ ተነስቶ እንዴት ይሆናል ማለት ግን ትእቢት ነው፡፡

ዘካርያስም መልአኩን፦ እኔ ሽማግሌ ነኝ ምስቴም በዕድሜዋ አርጅታለችና ይህን በምን አውቃለሁ? አለው። እነሆም፥ በጊዜው የሚፈጸመውን ቃሌን ስላላመንህ፥ ይህ ነገር እስከሚሆን ቀን ድረስ ዲዳ ትሆናለህ መናገርም አትችልም አለው። የሉቃስ ወንጌል 1፡18፣20

ሰው የእግዚአብሄር ፈቃድ ሲሰማ በጣም የሚረበሸው እግዚአብሄር በራሱ እንዲፈፅመው የፈለገበት ስለሚመስለው ነው፡፡ ነገር ግን እግዚአብሄር ማንንም ተማምኖ አይናገረም፡፡ እግዚአብሄር ታላቅ አምላክ ነው፡፡ እግዚአብሄር ሁሉን ለራሱ ሊያስገዛ የሚችልበት አሰራር አለው፡፡ እግዚአብሄር ሊሆን ያለውን ሲናገር ሁሉንም አዘጋጅቶ ነው፡፡ የእግዚአብሄር አምላዊ መልስ በመንፈስ ቅዱስ አማካኝነት ነው፡፡

ማርያምም መልአኩን፦ ወንድ ስለማላውቅ ይህ እንዴት ይሆናል? አለችው። መልአኩም መልሶ እንዲህ አላት፦ መንፈስ ቅዱስ በአንቺ ላይ ይመጣል፥ የልዑልም ኃይል ይጸልልሻል ስለዚህ ደግሞ ከአንቺ የሚወለደው ቅዱስ የእግዚአብሔር ልጅ ይባላል። የሉቃስ ወንጌል 1፡34-35

ስለዚህ ነው መፅሃፍ ቅዱስ በመንፈሴ እንጂ በሃይልና በብርታተ አይደለም የሚለው፡፡

ከእኔ ጋር ይነጋገር የነበረውም መልአክ መልሶ፦ እነዚህ ምን እንደ ሆኑ አታውቅምን? አለኝ። እኔም፦ ጌታዬ ሆይ፥ አላውቅም አልሁ። መልሶም፦ ለዘሩባቤል የተባለው የእግዚአብሔር ቃል ይህ ነው። በመንፈሴ እንጂ በኃይልና በብርታት አይደለም፥ ይላል የሠራዊት ጌታ እግዚአብሔር፡፡ ትንቢተ ዘካርያስ 4፡5-6

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ክርስቶስ #ጌታ #እረፍት #ቅድሚያ #መደገፍ #መታመን #እንዴት #እምነት #እውቀት #መደገፍ #ሰንበት #በመንፈሴ #በሃይል #በብርታት #ፀጥታ #መመለስ #ማረፍ #ፅድቁን #ኢየሱስ #ቤተክርስትያን #አማርኛ #ስብከት #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

ዕውር ነውና፥ በቅርብም ያለውን ብቻ ያያል

cropped-defocused-foreign-city-skyline-648x439

እነዚህ ነገሮች የሌሉት ዕውር ነውና፥ በቅርብም ያለውን ብቻ ያያል፥ የቀደመውንም ኃጢአቱን መንጻት ረስቶአል። 2ኛ የጴጥሮስ መልእክት 1፡9

የሰው ብስለት እና በእግዚአብሄር መንግስት ጠቃሚነት ደረጃ ከሚለካባቸው መመዘኛዎች አንዱ የእይታ ርቀት ነው፡፡ ሰው እይታው ቅርብ ከሆነ አልተረዳም ህፃን መማር አለበት ማለት ነው፡፡ ሰው እይታው ሩቅ ከሆነ ብስለት አለው በብዙ ይጠቅማል ማለት ይቻላል፡፡

ዛሬ ስለሚበላውና ስለሚጠጣው ብቻ የሚያስብና ለሩቁ ዋጋ የማይሰጥ ሰው ከእግዚአብሄርም ከሰውም ጋር ዘለቄታዊ ወዳጅነት ሊኖረው አይችልም፡፡

እንደ ሰው በኤፌሶን ከአውሬ ጋር ከታገልሁ፥ ሙታንስ የማይነሡ ከሆነ፥ ምን ይጠቅመኛል? ነገ እንሞታለንና እንብላና እንጠጣ። 1ኛ ወደ ቆሮንቶስ ሰዎች 15፡32

እግዚአብሄር ለታላላቅ ነገር አጭቶን እያለ እይታው ቅርብ ብቻ የሆነ ሰው ምስኪን ነው፡፡

አንተ ታናሽ መንጋ፥ መንግሥትን ሊሰጣችሁ የአባታችሁ በጎ ፈቃድ ነውና አትፍሩ። የሉቃስ ወንጌል 12፡32

ለጊዜያዊ ለቅርቡ ብቻ እግዚአብሄርን ተስፋ የሚያደርግ ሰው ምስኪን ሰው ነው፡፡

በዚች ሕይወት ብቻ ክርስቶስን ተስፋ ያደረግን ከሆነ፥ ከሰው ሁሉ ይልቅ ምስኪኖች ነን። 1ኛ ወደ ቆሮንቶስ ሰዎች 15፡19

ሰው እይታው ራቅ ሲል የዛሬ ደስታውን ገድቦ ለነገ ፍሬያማነቱ በትጋት ይሰራል፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ወደ ዕብራውያን 12፡1-2

ሰው መንገዱ እይታው ሩቅ ሲሆን በህይወቱ ኢንቨስት የሚያደርገው ነገር ብዙ ይሆናል፡፡

ሰው እይታው ራቅ ሲል ጊዜያዊ ደስታን ይንቃል ለዘላቂው ደስታ ዋጋ ይከፍላል፡፡

ከግብፅም ብዙ ገንዘብ ይልቅ ስለ ክርስቶስ መነቀፍ እጅግ የሚበልጥ ባለ ጠግነት እንዲሆን አስቦአልና ለጊዜው በኃጢአት ከሚገኝ ደስታ ይልቅ ከእግዚአብሔር ሕዝብ ጋር መከራ መቀበልን መረጠ፤ ብድራቱን ትኵር ብሎ ተመልክቶአልና። ወደ ዕብራውያን 11፡25-26

ሰው እይታው ቅርብ ሲሆንና ለሩቁ የእግዚአብሄር ሃሳብ ሲታወር በጊዜያዊው ነገር ዘለቄታዊውን ክብር ያጣዋል፡፡

እናንተ እርስ በርሳችሁ ክብር የምትቀባበሉ ከአንዱም ከእግዚአብሔር ያለውን ክብር የማትፈልጉ፥ እንዴት ልታምኑ ትችላላችሁ? የዮሐንስ ወንጌል 5፡44

እይታው ቅርብ የሆነ ሰው ህይወቱን የሚያባክነው በሚጠፋው መብል ላይ ነው፡፡

ለሚጠፋ መብል አትሥሩ፤ ነገር ግን ለዘላለም ሕይወት ለሚኖር መብል የሰው ልጅ ለሚሰጣችሁ ሥሩ፤ እርሱን እግዚአብሔር አብ አትሞታልና። የዮሐንስ ወንጌል 5፡27

እይታው ሩቅ የሆነ ሰው የሚተጋው ስለእምነት ስራ በአይን ስለማይታየው ነገር ነው፡፡

እንግዲህ፦ የእግዚአብሔርን ሥራ እንድንሠራ ምን እናድርግ? አሉት። ኢየሱስ መልሶ፦ ይህ የእግዚአብሔር ሥራ እርሱ በላከው እንድታምኑ ነው አላቸው። የዮሐንስ ወንጌል 5፡28፣29

እይታው ሩቅ የሆነ ሰው

መጨረሻቸው ጥፋት ነው፥ ሆዳቸው አምላካቸው ነው፥ ክብራቸው በነውራቸው ነው፥ አሳባቸው ምድራዊ ነው። እኛ አገራችን በሰማይ ነውና፥ ከዚያም ደግሞ የሚመጣ መድኃኒትን እርሱንም ጌታን ኢየሱስ ክርስቶስን እንጠባበቃለን፤ ወደ ፊልጵስዩስ ሰዎች 3፡19፣20

እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ወደ ቆላስይስ ሰዎች 3፡1-2

እይታው ቅርብ ያልሆነ ሰው በምድር ላይ በትጋት የሚሰራው እና የምድሩን መከራ የሚታገሰው ለዘላማዊው ሽልማት ነው፡፡

እነሆ፥ ቶሎ ብዬ እመጣለሁ፤ ማንም አክሊልህን እንዳይወስድብህ ያለህን አጽንተህ ያዝ። የዮሐንስ ራእይ 3፡11

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እይታ #ተስፋ #መፀለይ #መንፈስ #በረከት #መዝገብ #ሰማይ #እንግዶች #ዘላለም #ቤተክርስትያን #አማርኛ #ስብከት #መዳን #እምነት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እይታ #ምድራዊ #ሰማያዊት #ማየት #ቅርብ

አስተማማኝ ድጋፍ

your will11.jpg

ህይወትህ ብትንትን ያለና ምንም ቅርፅ የሌለው መስሎሃል?

የምትፈልግው ተስፋ ርቆ እንደተሰቀለ ያህል ተሰምቶሃል?

አለኝ ብለህ የተማመንከብተ ነገር እየፈረሰ እንዳለ ተሰምቶሃል?

ያለፈው ህይወትህ መላው ህይወትህን ሁሉ እንዳበላሸው እና ሊስተካከል እንደማይችል ተሰምቶሃል?

በህይወት ያለህ ጊዜ እና ማድርግ የምትፈልገው ነገር እንዳልተመጣነ ተሰምቶሃል?

የህይወት መንገድህ ተግዳሮት እንደተራራ ገዝፎብሃል?

ሰው ሊታመን እና ለጨበጥ እንደማይችል ተሰምቶሃል?

ጊዜ እያለፈብህ እንደሆነ ከህይወት ወደኋላ እንደቀረህ ተሰምቶሃል?

ካለህበት አስቸጋሪ ነገር ውስጥ የመውጫው መንገድ እንደሌለው ተሰምቶሃል?

በልብህ ወደምታየው ደረጃ እየሄድክ እንዳለሆንክ ተሰምቶሃል?

እዛው አንድ ቦታ እየረገጥክ እንደሆነና ህይወትህ ለውጥ የሌለው ድግግሞሽ እንደሆነ ተሰምቶህ ይሆን?

እንግዲያውስ በእግዚአብሄር ለመደገፍ ትክክለኛው ቦታ ላይ ነህ፡፡

እንግዲያውስ በእግዚአብሄር መደገፍ ብቻ የሚጠቅምበት ትክክለኛ ቦታ ላይ ነህ፡፡

እንግዲያውስ ሲጀመር በእግዚአብሄር መደገፍ ያስፈለገበት ትክክለኛ ቦታ ላይ መጥተሃል፡፡

እንግዲያውስ በእግዚአብሄር መደገፈ የሚባለው ነገር የተሰራበት እና የታለመበት ትክክለኛው ቦታ ላይ ደርሰሃል፡፡

እውቀታችን ሙሉ አይደለም፡፡ ሁሉንም ከመጀመሪያው እስከመጨረሻው እንደ ነጭና ጥቁር በፍፁም የምንረዳና እውቀታችን ሙሉ ቢሆን ኖሮ በእግዚአብሄር ላይ መደገፍ አይጠበቀብንም ነበር፡፡ ሁሉን በሚያውቀውና እኛን ከምናስበው በላይ በሚወደን በእግዚአብሄር ላይ መደገፍ ያስፈለገው እውቀታችን ውስን ስለሆነ ነው፡፡

በራሳችን ሁሉንም ነገር ማድረግ የምንችል ብንሆን በእግዚአብሄር ላይ መደገፍን አያስፈልግም ነበር፡፡ በሃይልም በችሎታም ከእኛ እጅግ ከፍ ባለው በእግዚአብሄር ላይ የምንደገፈው ጉልበታችን ውስን ስለሆነና በራሳችን ማድረግ የማንችለው ነገር ስላለ ነው ፡፡

ደግሞም በእግዚአብሄር ላይ ያለን መደገፍ ለዚህ ወሳኝ ጊዜ ካልጠቀመን መቼ ሊጠቅመን ነው?

እምነት የሚጠቅመው ሁሉ ነገር ቦታ ቦታውን ሲይዝ እና ሲሰምር አይደለም፡፡ እምነት የሚጠቅመው የምንፈልገውን ነገር ሁሉ በእጃችን ስናስገባ አይደለም፡፡ እምነት የሚጠቅውመው ሁሉም ነገር በታሰበው ጊዜና ሁኔ ሲሄድ አይደከለም፡፡ እምነት የሚያስፈልገው በስኬት ተራራ ላይ የወጣን ሲመስለን አይደለም፡፡ እምነት የሚያስፈልገው ሁሉንም የህይወትህ አቅጣጫ ቅርፅ ሲይዝ አይደለም፡፡ እምነት እና በእግዚአብሄር ላይ ተስፋ ማድረግ የሚያስፈልገው የምትፈልገው ነገር በእጅህ ለመግባት ሲፈጥን አይደለም፡፡

ነገር ግን ተስፋ የሚደረግበቱ ነገር ቢታይ ተስፋ አይደለም፤ የሚያየውንማ ማን ተስፋ ያደርገዋል? ወደ ሮሜ ሰዎች 8፡24

እምነትና በእግዚአብሄር ላይ መደገፍ የሚጠቅመው ማድረግ የሚገባህን ነገር ለማድርግ አቅም ሲያንስህ ነው፡፡ በእግዚአብሄር ላይ መደገፍ የሚጠይቀው እንዴት ሊሆን እንደሚችል መውጫና መግቢያው ሲጠፋህ ነው፡፡ በእግዚአብሄር ላይ መደገፍ የሚጠይቀው የህይወት ክር ውስብስብ ብሎ ውሉ ሲጠፋብህ ነው፡፡ በእግዚአብሄር ላይ መደገፍ የሚጠይቀው ህይወት እንደቆመ ሲመስልህ ነው፡፡ በእግዚአብሄር ላይ መደገፍ የሚጠይቀው በህይወት ማድረግ የምትፈልጋቸው ነገሮችና ያለህ ጊዜ ሳይመጣጠን ሲቀር ነው፡፡ በእግዚአብሀር ላይ መደገፍ የሚጠይቀው ማድርግ አለብኝ ብለህ የምታስበውና ማድርግ የምትችልበት አቅምህ ልዩነት ሲያመጣ ነው፡፡ በእግዚአብሄር ላይ መታመን የሚጠይቀው ጊዜ እያለፈብህ እንደሆነ እና ወደኋላ እንደቀረህ ሲሰማህ ነው፡፡ በእግዚአብሄር ላይ መታመን የሚያስፈልገው በህይወትህ የሚሆኑት ነገሮች ለምን እንደሆኑ ምክኒያትን ስታጣላቸው ነው፡፡ በእግዚአብሄር ላይ መታመን የሚጠይቀው ለዚህ አልፌ አልሰጠም ላልከው ነገር አልፈህ ስትሰጥ ነው፡፡ በእግዚአብሄር ላይ መታመን የሚጠይቀው በህይወትህ የሆነው ነገር ምክኒያቱ ነገር ሁሉ ለበጎ ስለሚደረግ ብቻ እንደሆነ ከማመን በቀር ሌላ ምክኒያትን ስታጣ ነው፡፡

አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳይያስ 40፡28፣31

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ ምሳሌ 3፡5

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #መታመን #መገደፍ #መተማመን #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መደገፍ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

ለምን ግን?

administrator.jpgበእግዚአብሄር ፈቃድ ውስጥ ለመገኘትና በምድር ላይ የእግዚአብሄርን አላማ ለማስፈፀም ምን እያደረኩኝ ነው የሚለው ጥያቄ ብቻ ሳይሆን የማደርገውን ነገር የማደርገው ለምንድነው የሚለውን ጥያቄ መመለስ ወሳኝ ነው፡፡ የምናደርግው ነገር እስካልተቋረጠ ድረስ የምናደርግበትን ምክኒያት በትጋት መመርምር መቋረጥ የለበትም፡፡

ምን እያደረኩኝ ነው ከሚለው ጥያቄ ከመመለስ ያላነሰ የማደርገውን የማደርገው ለምንድነው የሚለውን ጥያቄ መለመለስ አስፈላጊ ነው፡፡

እግዚአብሄር ምን እንድምታደርግ ብቻ ሳይሆን ለምን እንደምታደረገው ማወቅ ይፈልጋል፡፡ እግዚአብሄር ምን እንደምታደርግ ብቻ ሳይሆን ለምን እንድምታደርገው ግድ ይለዋል፡፡

የምታደርገው ትክክል ቢሆንም የምታደርግበት የልብህ መነሻ ሃሳብ ስህተት ሊሆን ይችላል፡፡ የምታደርገው ነገር መልካም ቢሆንም የልብህ ሃሳብ ክፉ ሊያደርገው ይችላል፡፡ የምታደርገው የተቀደሰ ቢሆንም የምታደርገበት ምክኒታት ሊያረክሰው ይችላል፡፡

መፀለይን የመሰለ የተቀደሰ ነገረ የለም፡፡ የምንፀልይበት የልባችን መነሻ ሃሳብ መፀለይን ሊያረክሰው ይችላል፡፡

ስትጸልዩም እንደ ግብዞች አትሁኑ፤ ለሰው ይታዩ ዘንድ በምኩራብና በመንገድ ማዕዘን ቆመው መጸለይን ይወዳሉና፤ እውነት እላችኋለሁ፥ ዋጋቸውን ተቀብለዋል። የማቴዎስ ወንጌል 6፡5

ምጽዋት ማድረግ የተባረከ ነገር ነው ነገር ግን ምጽዋት የምናደርግበት የልባችን መነሻ ሃሳብ የተረገመ ሊያደርገው ይችላል፡፡

እንግዲህ ምጽዋት ስታደርግ፥ ግብዞች በሰው ዘንድ ሊከበሩ በምኩራብ በመንገድም እንደሚያደርጉ በፊትህ መለከት አታስነፋ፤ እውነት እላችኋለሁ፥ ዋጋቸውን ተቀብለዋል። የማቴዎስ ወንጌል 6፡2

የፀሎት እርዝማኔ ለሰው ካለን ርህራሄና ፍቅር ሳይሆን ከልባችን ስስትና ለጥቅም ያለ ስግብግብነት ሊመነጭ ይችላል፡፡

የመበለቶችን ቤት የሚበሉ ጸሎታቸውንም በማስረዘም የሚያመካኙ፥ እነዚህ የባሰ ፍርድ ይቀበላሉ አለ። የሉቃስ ወንጌል 20፡47

የምናደርገው ምንም መልካም ነገር በፍቅር ካልተደረገ ምንም አይጠቅመንም፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ወደ ቆሮንቶስ ሰዎች 13፡1-3

ይህንን የማደርገው ለምንድነው ብለን በቅንነት ራሳችንን እንጠይቅ፡፡ ለራሳችን ግልፅ እንሁን፡፡ እውነተኛ መነሻ የልብ ሃሳባችንን እንጋፈጠው፡፡ ቢያንስ ለራሳችን ሃቀኛ እንሁን፡፡ ለራሳችን እውነተኞች እንሁን፡፡

በመጨረሻ ለዘመናት የገነባነው ህይወታችንና አገልግሎታችን በልብ የመነሻ ሃሳብ መበላሸት ከንቱ እንዳይሆን ልባችንን እንመርምር፡፡

ስለዚህም በጨለማ የተሰወረውን ደግሞ ወደ ብርሃን የሚያወጣ የልብንም ምክር የሚገልጥ ጌታ እስኪመጣ ድረስ ጊዜው ሳይደርስ አንዳች አትፍረዱ፤ በዚያን ጊዜም ለእያንዳንዱ ምስጋናው ከእግዚአብሔር ዘንድ ይሆናል። 1ኛ ወደ ቆሮንቶስ ሰዎች 4፡5

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#እምነት #ሃሳብ #መነሻሃሳብ #ልብ #ንፁህ #ፍቅር #ፉክክር #ቃል #ክብር #የእግዚአብሔርቃል #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

የሰላም ምንጭ በእኔ ሳላችሁ ሰላም እንዲሆንላችሁ

your will11.jpg

በእኔ ሳላችሁ ሰላም እንዲሆንላችሁ ይህን ተናግሬአችኋለሁ። በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ። የዮሐንስ ወንጌል 16:33

የመጀመሪያው የሰላም ምንጭ መከራ እንደለ መረዳት ነው፡፡ መጀመሪያ ሰላሙን የሚያጣው መከራ እንዳለ የማይረዳ ሰው ነው፡፡ መጀመሪያ ሰላሙን የሚያጣው የተሳሳተ ከመከራ የፀዳ የአለም ምስል በአእምሮው ያለው ሰው ነው፡፡ መጀመሪያ ሰላሙን የሚያጣው መከራን የማይጠብቅ ሰው ነው፡፡

በአለም መከራ መጀመሪያ የሚሰናከለው በአለም ሳለን ከመከራ ነፃ እንደምንሆን የሚያስብ ሰው ነው፡፡ በአለም ሳለን መከራ እንዳለብን የሚረዳ ሰው አሸናፊ ነው፡፡

የአለምን መከራ ለማሸነፍ የመጀመሪያው ደረጃ መከራ የአለም ኑሮ አንዱ ክፍል እንደሆነ መረዳት ነው፡፡ የአለምን መከራ የማሸነፍ ቅድም ሁኔታው በአለም ሳለን መከራ እንደሚገጥመን መጠበቅ ነው፡፡

መከራ ሊገጥመኝ አይችልም ብሎ የሚያስብ ሰው ሞኝ ነው፡፡ የእግዚአብሄርን ሃሳብ ሳደርግ ተግዳሮት አይገጥመኝም የሚል ሰው ስለህይወት ያለተረዳ ሰው ነው፡፡

በሳል ሰው በሁኔታዎች ውስጥ የእግዚአብሄርን አሰራር የሚረዳ ሰው ነው፡፡ በሳል ሰው የእግዚአብሄርን አላማ ስናስፈፅም በመንገዳችን የሚቆመውን የሰይጣንን አካሄድ የሚረዳ ሰው ነው፡፡

በሰይጣን እንዳንታለል፤ የእርሱን አሳብ አንስተውምና። 2ኛ ወደ ቆሮንቶስ ሰዎች 2፡11

ጥያቄው እንዴት መከራን እንለፈው እንጂ መከራ አለ የለም አይደለም፡፡ ወደ ፈተና ላለመግባት ለመከራ የምንዘጋጀው በሰላሙ ቀን በፀሎት ነው፡፡

ወደ ፈተና እንዳትገቡ ተነሥታችሁ ጸልዩ አላቸው። የሉቃስ ወንጌል 22፡46

ጥያቄው መከራን ለማለፍ ህይወታችን የእግዚአብሄርን ቃል በመታዘዝ መሰረት ላይ እንገንባ እንጂ መከራ አለ የለም አይደለም፡፡

ስለዚህ ይህን ቃሌን ሰምቶ የሚያደርገው ሁሉ ቤቱን በዓለት ላይ የሠራ ልባም ሰውን ይመስላል። ዝናብም ወረደ ጎርፍም መጣ ነፋስም ነፈሰ ያንም ቤት ገፋው፥ በዓለት ላይም ስለ ተመሠረተ አልወደቀም። የማቴዎስ ወንጌል 7፡24-25

ጥያቄው መከራን የምናልፈው የእግዚአብሄርን ጥበብ በመቀበል ነው የሚል እንጂ መከራ አለ የለም አልነበረውም፡፡

ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት . . . ከእናንተ ግን ማንም ጥበብ ቢጎድለው፥ ሳይነቅፍ በልግስና ለሁሉ የሚሰጠውን እግዚአብሔርን ይለምን፥ ለእርሱም ይሰጠዋል። የያዕቆብ መልእክት 1፡2-5

ጥያቄው መከራ አለ የለም ሳይሆን መከራ በህይወታችን የሚሰራውን የፍፁምነት ድንቅ ስራ ነው፡፡

ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ትዕግሥትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም። የያዕቆብ መልእክት 1፡2-4

የሰላም ምንጭ በአለም ሳለን መከራ እንዳለብን መረዳትና መከራን እንዴት ማስተናገድ እንደለብን እንደምናሸንፈው ከእግዚአብሄር ቃል መማር ነው፡፡

በእኔ ሳላችሁ ሰላም እንዲሆንላችሁ ይህን ተናግሬአችኋለሁ። በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ። የዮሐንስ ወንጌል 16:33

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #መዋረድ #መከራ #ፈተና #መፅናት #መታገስ #ሰላም #አማርኛ #ስብከት #መዳን #መፅሃፍቅዱስ #ብፅእና #እምነት #አንድነት #ፀጋ  #አቢይ #አቢይዋቁማ #አቢይዋቁማዲንሳ

እግዚአብሄር የሚረዳበት ብቸኛው መንገድ

your will11.jpg

እግዚአብሄር መንገዱ ብዙ ነው፡፡ እግዚአብሄር አሰራሩ ልዩ ልዩ ነው፡፡ እግዚአብሄር ባላሰብነው መንገድ ሲረዳን አይተናል፡፡ እግዚአብሄር ብዙዎችን በተለያ መንገድ ይረዳል፡፡

እግዚአብሄር ቢፈልግም እንኳን በብዙ መንገድ ሊረዳው የማይችለው ሰው አለ፡፡ እግዚአብሄር ቢፈልግ እንኳን በአንድ መንገድ ብቻ ሊረዳው የሚገደድበት ሰው አለ፡፡

የሚማር ልብ የሌለው ሰው የመዳን ተስፋ የሌለው ሰው ነው፡፡

በቃሉ የሚቸኵለውን ሰው ብታይ፥ ከእርሱ ይልቅ ለሰነፍ ተስፋ አለው። መጽሐፈ ምሳሌ 29፡20

ሁሉን አውቃለሁ የሚል ሰው ለመለወጥ ተስፋው የመነመነ ሰው ነው፡፡

ለራሱ ጠቢብ የሆነ የሚምስለውን ሰው አየኸውን? ከእርሱ ይልቅ ለሰነፍ ተስፋ አለው። መጽሐፈ ምሳሌ 26፡12

እግዚአብሄር በአንድ መንገድ ብቻ ሊረዳው የሚችል ሰው ደግሞ አለ፡፡

እግዚአብሄር ሰውን የሚረዳበት በጣም ብዙ መንገድ ቢኖውርም ትእቢተኛን ግን ሊረዳው የሚችለው በአንድ መንገድ ብቻ ነው፡፡ እግዚአብሄር ሰውን የሚገናኝበት ብዙ መንገድ ቢኖረውም ከትእቢተኛ ጋር በአንድ መንገድ ብቻ እንዲገናኝ ይገደዳል፡፡

እግዚአብሄር ትእቢተኛውን የሚገናኘው በተቃራኒው ጎን ብቻ ነው፡፡ እግዚአብሄር ትእቢተኛውን የሚገናኘው ትእቢተኛውን ፊትለፊት በመግጠም ብቻ ነው፡፡ እግዚአብሄር ትእቢተኛውን የሚገናኘ ትእቢተኛውን በማሳየት ብቻ ነው፡፡ እግዚአብሄር ትእቢተኛውን የሚገናኘው በመጋፈጥ ብቻ ነው፡፡ እግዚአብሄር ትእቢተኛውን  የሚገናኘው በተቃውሞ ብቻ ነው፡፡

ሰው የተፈጠረው በእግዚአብሄር መልክና አምሳል ነፃ ፈቃድ ያለው ተደርጎ ነው፡፡ ሰው ትእቢትን ከመረጠ ማንም ከምርጫው ሊመልሰው አይችልም፡፡ የፈጠረን እግዚአብሄር እንኳን በእኛ ፋንታ አይመርጥልንም፡፡ እግዚአብሄር እንኳን ሊያደርግ የሚችለው የትህትናና የትእቢትን ምርጫዎች መስጠትና ትህትናን እንዲመርጥ  መምከር ብቻ ነው፡፡

በፊታችሁ ሕይወትንና ሞትን በረከትንና መርገምን እንዳስቀመጥሁ እኔ ዛሬ ሰማይንና ምድርን በአንተ ላይ አስመሰክራለሁ፤ እንግዲህ አንተና ዘርህ በሕይወት ትኖሩ ዘንድ ሕይወትን ምረጥ፤ ኦሪት ዘዳግም 30፡19

እግዚአብሄር ለትሁታን ፀጋ ቢሰጥም ለትእቢተኛው ግን ከተቃውሞ ውጭ ምንም ሊሰጠው አይችልም፡፡

ነገር ግን ጸጋን አብልጦ ይሰጣል፤ ስለዚህ፦ እግዚአብሔር ትዕቢተኞችን ይቃወማል፥ ለትሑታን ግን ጸጋን ይሰጣል ይላል። የያዕቆብ መልእክት 4፡6

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ትህትና #መዋረድ #ባህሪ #ዝቅታ #ትዕቢት #ትምክህት #መመካት #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ጥፋት #ውድቀት #ኩሩ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እንደገና መኖር ቢፈቀድልኝ

BBXU9My.jpg

እንደገና መኖር ቢፈቀድልኝ ደግሜ እና አብዝቼ የምኖረው የፍቅርን ህይወት ነው፡፡ የክርስትና ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ህይወት ምንም እንከን የማይወጣለት ህይወት ነው፡፡

ሰዎች ይህንን የፍቅርን ህይወት ላለመኖር የሚያቀርቡት አንዱ ምክኒያት ስለማልችል ነው አቅቶኝ ነው ከባድ ነው የሚል ብቻ ነው፡፡ ይህንን የፍቅርን ህይወት ላለመኖር የፍቅር ህይወት ችግሩ ይህ ነው የሚል ሰው የለም፡፡ በህይወቴ ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ጥሩ አይደለም የሚል ሰው አጋጥሞኝ አያውቅም፡፡

እውነተኛው ፍቅር በኢየሱስ አዳኝነት ከእግዚአብሄር ጋር በመታረቃችን በልባችን የሚፈስ የእግዚአብሄር ስጦታ ነው እንጂ እውነተኛው ፍቅር በተፈጥሮ አይገኝም፡፡ ሰው ኢየሱስ በውስጡ ካልኖረ በስተቀር የፍቅርንብ ህይወት ለመኖር አቅም የለውም፡፡

በተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። ወደ ሮሜ ሰዎች 5፡5

ነገር ግን የሰው ግብ መሆን ያለበት በፍቅር መኖር ነው፡፡

ፍቅር የሚወጣለት ነገር የለም፡፡ በፍቅር ላይ የሚሰራ ህግ የለም፡፡ ፍቅር ከህጎች ሁሉ የበላይ ነው፡፡ ፍቅርን ደርሶበት የሚከሰውና የሚያስቀጣው ምንም ህግ የለም፡፡ ከፍቅር በላይ የሚጠበብ ጠቢብ የለም፡፡ ከፍቅር በላይ ሃያል የለም፡፡ ከፍቅር በላይ ባለጠጋ የለም፡፡ ህጎች ሁሉ ለፍቅር ህግ ይገዛሉ፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ወደ ገላትያ ሰዎች 5፡22-23

ፍቅር ንፁህ ነው፡፡ ፍቅርን በንፅህና ጉድለት የሚያማው ማንም የለም፡፡ ፍቅርን ይህ ይህ ችግር አለበት የሚል ሰው የለም፡፡

ለሰው መልካም አሰብክ ፣ ለሰው መልካም ተናገርክ ለሰው መልካም አደረክ ብሎ የሚከስ እና የሚያስፈርድ ሰው የለም፡፡

እንዲህም ከሆነ፥ እምነት ተስፋ ፍቅር እነዚህ ሦስቱ ጸንተው ይኖራሉ፤ ከእነዚህም የሚበልጠው ፍቅር ነው። 1ኛ ወደ ቆሮንቶስ ሰዎች 13፡13

ጌታ ኢየሱስን በመከተል የሚገኘውን የዘላለምን ህይወት የእግዚአብሄር አብሮነትና ከሃጢያት አርነት መውጣት ትተን በምድር ላይ በፍቅር መኖር ጤናን ይሰጣል፡፡ ሰው ለፍቅር በፍቅር ስለተፈጠረ ከፍቅር ውጭ ጤናማ አይሆንም፡፡

ማንም ሰው በንፅህናው ምንም እንከን በማይወጣለት በፍቅር ቢኖር ያተርፋል እንጂ አይከስርም፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ወደ ገላትያ ሰዎች 5፡22-23

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #መውደድ #መስጠት #መባረክ #ማንሳት #ድፍረት #መልካም #ማካፈል #ሙላት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #መታበይ #ራስወዳድነት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ሳይታክቱም ዘወትር ሊጸልዩ እንዲገባቸው የሚል ምሳሌን ነገራቸው

Widow_and_Judge.jpg

ሳይታክቱም ዘወትር ሊጸልዩ እንዲገባቸው የሚል ምሳሌን ነገራቸው፥

እንዲህ ሲል፦ በአንዲት ከተማ እግዚአብሔርን የማይፈራ ሰውንም የማያፍር አንድ ዳኛ ነበረ።

በዚያችም ከተማ አንዲት መበለት ነበረች፥ ወደ እርሱም እየመጣች፦ ከባላጋራዬ ፍረድልኝ ትለው ነበር።

አያሌ ቀንም አልወደደም፤ ከዚህ በኋላ ግን በልቡ፦ ምንም እግዚአብሔርን ባልፈራ ሰውንም ባላፍር፥

ይህች መበለት ስለምታደክመኝ ሁልጊዜም እየመጣች እንዳታውከኝ እፈርድላታለሁ አለ።

ጌታም አለ፦ ዓመፀኛው ዳኛ ያለውን ስሙ።

እግዚአብሔር እንኪያስ ቀንና ሌሊት ወደ እርሱ ለሚጮኹ ለሚታገሣቸውም ምርጦቹ አይፈርድላቸውምን?

እላችኋለሁ፥ ፈጥኖ ይፈርድላቸዋል። ነገር ግን የሰው ልጅ በመጣ ጊዜ በምድር እምነትን ያገኝ ይሆንን? የሉቃስ ወንጌል 18፡1-8

የዝነኝነት ወጪ

your will1.jpg

ዝነኝነት ዋጋ ያስከፍላል፡፡ እግዚአብሄር ዝነኛ እንድንሆን ከፈለገ ለዝነኝነት የምንከፍለው ዋጋ በእግዚአብሄር ዘንድ ተቀባይነት ይኖረዋል፡፡ ዝነኝነታችን ለህይወት አላማችን የሚያስፈልግ ከሆነ ለዝነኝነት የምንከፍለው ዋጋ ወጭው በእግዚአብሄር ዘንድ የተሸፈነ ነው፡፡ እግዚአብሄር በውስጣችን ያስቀመጠውን ስጦታ ብዙዎች እንዲጠቀሙ ሲፈልግ እግዚአብሄር ዝናችንን ያወጣዋል፡፡

እኛ ግን በራሳችን አነሳሽነት ካለን እውቅና በላይ እውቅና ለማግኘት የምንሞክረው ማንኛውም ሙከራ አደገኛ ነው፡፡ እግዘኢአብሄር ከሰጠን የህይወት አላማ በተጨማሪ ዝነኛ ለመሆን የምንሮጠው ሩጫ ከህይወት አላማችን ያዘገየናል ሊያሰናክለንም ይችላል፡፡

በህይወታችን የእግዚአብሄርን አላማ መፈፀም በራሱ ሙሉ ሃሳባችንን ጉልበታችንን ትኩረታችንን የሚጠይቅ ትልቅ ሃላፊነት ነው፡፡ ሰው እግዚአብሄር ከሰጠው የህይወት አላማ በተጨማሪ ዝነኛ የመሆን አላማን ከጨመረበት ህይወቱ ይወሳሰባል፡፡

እግዚአብሄር ሌሎችን እንድናገለግል የሰጠንን ነገር ራስን በማስተዋወቅ ላይ ማዋል ጥበብ አይደለም፡፡ እግዚአብሄር ከሰጠን ተሰሚነት በላይ በራስ ዝነኛ ለመሆን መጣር አላስፈላጊ ዋጋ ያስከፍላል፡፡ እግዚአብሄር የሰጠን ነገር ሁሉ መዋል ያለበት እግዚአብሄር ወደእኛ ያመጣቸውን ሰዎችን በማገልገል እና በመጥቀም ላይ ብቻ ነው፡፡

እግዚአብሄር አገልግሎታችንን ሊያሰፋ ብዙዎች እንዲጠቀሙ ሲፈልግ እራሱ እግዚአብሄር ይበልጥ ዝነኛ ያደርገናል፡፡ እግዚአብሄር ዝነኛ ሲያደርግ ካለምንም ማስታወቂያ እንዲሁ መወደድን እና መፈለግን ይሰጣል፡፡ እግዚአብሄር ዝነኛ ሲያደርግ እንደበቅ ብንልም አንችልም፡፡ እግዚአብሄር ለአላማው ዝናችንን ሲያወጣው ሞገስ ከተደበቅነበት ቦታ ፈልጎ ያወጣናል፡፡

ዕጣውም በቂስ ልጅ በሳኦል ላይ ወደቀ፤ ፈለጉትም፥ አላገኙትምም። ከእግዚአብሔርም፦ ገና ወደዚህ የሚመጣ ሰው አለን? ብለው ደግሞ ጠየቁት፤ እግዚአብሔርም፦ እነሆ፥ በዕቃ መካከል ተሸሽጎአል ብሎ መለሰ። እነርሱም ሮጠው ከዚያ አመጡት፤ መጽሐፈ ሳሙኤል ቀዳማዊ 10፡21-23

በተለይ ሰው በራሱ አነሳሽነት ዝነኛ ከሆነ እጅግ ብዙ ዋጋ ያስከፍለዋል፡፡ ሰው እጅግ ብዙ አላስፈላጊ ዋጋ ላለመክፈል በራስ ጥረት የሚመጣ የዝነኝትን ፈተና ማለፍ አለበት፡፡

ኢየሱስ በምድር በሚመላስበት ጊዜ ከጊዜው በፊት የነበረውን ዝነኝነት ይሸሸው ነበር፡፡ ከዝና ጋር አብሮ የሚመጣ ፈተና ስላለ ኢየሱስ ከፈወሰ በኋላ እንኳን የሚያዘው ለማንም እንዳትናገሩ ብሎ ነበር፡፡

ኢየሱስም፦ ለማንም እንዳትናገር ተጠንቀቅ፥ ነገር ግን ሄደህ ራስህን ለካህን አሳይ፥ ለእነርሱም ምስክር እንዲሆን ሙሴ ያዘዘውን መባ አቅርብ አለው። የማቴዎስ ወንጌል 8፡4

ኢየሱስ ከጊዜ በፊት ያለን ዝነኝነት ይሸሸው ነበር፡፡ ነገር ግን በጊዜው አገልግሎቱ ለብዙዎች መትረፍ ስለነበረበት ዝናው ይወጣ ነበር፡፡ አገልግሎቱ ለብዙዎች እንዲደርስ እግዚአብሄር ስለፈለገ ሰዎች አትናገሩ በተባሉ መጠን አብዝተው ይናገሩ ነበር፡፡ ኢየሱስ ዝነኛ ለመሆን ሳይጥርና ራሱን ሳያስተዋውቅ በጊዜው ዝነኛ እንዳይሆን ያገደው ምንም ነገር አልነበረም፡፡

እርሱም ለማንም እንዳይናገር አዘዘው፥ ነገር ግን፦ ሄደህ ራስህን ለካህን አሳይ፥ ለእነርሱም ምስክር እንዲሆን ስለ መንጻትህ ሙሴ እንዳዘዘ መሥዋዕት አቅርብ አለው። ወሬው ግን አብዝቶ ወጣ፥ ብዙ ሕዝብም ሊሰሙትና ከደዌአቸው ሊፈወሱ ይሰበሰቡ ነበር፤ የሉቃስ ወንጌል 5፡14-15

ለማንም አትንገሩ ብሎ አዘዛቸው እነርሱ ግን ባዘዛቸውም መጠን ይልቅ እጅግ አወሩት። የማርቆስ ወንጌል 7፡36

እግዚአብሄር ብዙዎች በመፈወስ ሊጠቀምበት ጊዜው ሲደርስ ግን የኢየሱስ ዝና ከእስራኤል አልፎ በሶሪያ ሁሉ ወጣ፡፡

ዝናውም ወደ ሶርያ ሁሉ ወጣ፤ በልዩ ልዩ ደዌና ሥቃይም ተይዘው የታመሙትን ሁሉ አጋንንትም ያደሩባቸውን በጨረቃም የሚነሣባቸውን ሽባዎችንም ወደ እርሱ አመጡ፥ ፈወሳቸውም። የማቴዎስ ወንጌል 4፡24

እኛም ራሳችንን ካለጊዜው ለማስተዋወቅ ከምንጥር እና እግዚአብሄር የሰጠንን ስጦታና ጊዜ በከንቱ ራሳችንን በማስተዋወቅ ላይ ከማባክነው እግዚአብሄር በሰጠን አገልግሎት ላይ ብቻ እናተኩር፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #አላማ #እቅድ #ግብ  #ቃል #ዝራ #የምድርጨው #ስም #ዝና #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ኢየሱስ ሕያው ነው፡፡ ሕይወቴን ለህያው ክርስቶስ እንጂ ለሙት ክርስቶስ አልሰጠሁም፡፡ እናም የምከተለው ሕያው አዳኝን ነው፡፡ እንድዘምር መዝሙርን ሰጠኝ ፡፡ የምከተለውን ባንዲራን ሰጠኝ ፡፡ የማምነውን ነገር ሰጠኝ፡፡ የመኖር ምክንያት አለኝ፡፡ ከየት እንደመጣሁ አውቃለሁ፡፡ ለምን እዚህ እንዳለሁ አውቃለሁ፡፡ የት እንደምሄድ አውቃለሁ፡፡ አንተስ? አንቺስ?

https://www.facebook.com/BillyGrahamEvangelisticAssociation/videos/704260430017839/UzpfSTEwMjc4NzQwMzA1ODEzMDA6MjU4OTMxMjgxNzc3MDczOQ/

ኢየሱስ ሕያው ነው፡፡ ሕይወቴን ለህያው ክርስቶስ እንጂ ለሙት ክርስቶስ አልሰጠሁም፡፡ እናም የምከተለው ሕያው አዳኝን ነው፡፡ እንድዘምር መዝሙርን ሰጠኝ ፡፡ የምከተለውን ባንዲራን ሰጠኝ ፡፡ የማምነውን ነገር ሰጠኝ፡፡ የመኖር ምክንያት አለኝ፡፡ ከየት እንደመጣሁ አውቃለሁ፡፡ ለምን እዚህ እንዳለሁ አውቃለሁ፡፡ የት እንደምሄድ አውቃለሁ፡፡ አንተስ? አንቺስ?

 

የእግዚአብሔር አላማ የሌለበት ሀገር

dims.jpg

እግዚአብሄር የአላማ አምላክ ነው፡፡ እግዚአብሄር የፈጠረን በግብታዊነት ሳይሆን በአላማ ነው፡፡ እግዙአብሄር የፈጠረን አላማውን የምንፈፅመብት አገር ላይ ነው፡፡ የምንኖርበትን አገር የወሰነው እግዚአብሄር ነው፡፡

ምናልባትም እየመረመሩ ያገኙት እንደ ሆነ፥ እግዚአብሔርን ይፈልጉ ዘንድ በምድር ሁሉ ላይ እንዲኖሩ የሰውን ወገኖች ሁሉ ከአንድ ፈጠረ፥ የተወሰኑትንም ዘመኖችና ለሚኖሩበት ስፍራ ዳርቻ መደበላቸው። ቢሆንም ከእያንዳንዳችን የራቀ አይደለም። የሐዋርያት ሥራ 17፡26-27

እግዚአብሄር ያስቀመጠንን አገር መለወጥ ያለብን እግዚአብሄር ሲመራን በእግዚአብሄር ፈቃድና በእግዚአብሄር ጊዜ ብቻ መሆን አለበት፡፡ እግዚአብሄር ካልመራን በስተቀር ያለንበት አገር ላይ እንደመኖር አስተማመኝ ቦታ የለም፡፡ እግዚአብሄር እኛን ለመድረስ እና ለመባረክ ቦታ አይወስነውም፡፡ እግዚአብሄርን ታዝዘን በሰው አይን ድርቅ በሆነበት ቦታ እግዚአብሄር ህይወታችንን ሊያለመልመው ለብዙዎች መነሳት ምክኒያት ሊያደርገን ይችላል፡፡

በምድርም ቀድሞ በአብርሃም ዘመን ከሆነው ራብ በላይ ራብ ሆነ፤ ይስሐቅም ወደ ፍልስጥኤም ንጉሥ ወደ አቢሜሌክ ወደ ጌራራ ሄደ። እግዚአብሔር ተገለጠለት፥ እንዲህም አለው፦ ወደ ግብፅ አትውረድ፥ እኔ በምልህ ምድር ተቀመጥ እንጂ። ይስሐቅም በዚያች ምድር ዘርን ዘራ፥ በዚያች ዓመትም መቶ እጥፍ አገኘ እግዚአብሔርም ባረከው። ኦሪት ዘፍጥረት 26፡1፣2፣12

ለምንሰራው ስራ ብቻ ሳይሆን ለምንሰራበት ቦታ እና አገር ጌታ ግድ ይለዋል፡፡ እግዚአብሄር ስለዝርዝር ህይወታችን ግድ ይለዋል፡፡

እንኳን አገርን ይቅርና ስለምንኖርበት ሰፈር እግዚአብሄር ግድ ይለዋል፡፡ ስለዚህ አገራችንን ከመልቀቃችን በፊት በምንሄድበት አገር ላይ የእግዚአብሄር አላማ እንዳለ ማረጋገጥ አለብን፡፡

እግዚአብሄር አብሮን እንደሚወጣ ካላረጋገጥን በስተቀር መልካም ነገር ለማግኘት ብለን ብቻ አገራችንን መቀየር የለብንም፡፡ ልዩነት የሚያመጣው አገሩ ሳይሆን እግዚአብሄር ከእኛ ጋር መውጣቱ ነው፡፡

እርሱም፦ አንተ ከእኛ ጋር ካልወጣህስ፥ ከዚህ አታውጣን። ኦሪት ዘጸአት 33፡15
እግዚአብሄርን በመፍራትና በመታዘዝ የእግዚአብሄርን አብሮነት ካገኘን ያነሰው ነገር ይሻለናል፡፡

እግዚአብሔርን ከመፍራት ጋር ያለ ጥቂት ነገር ሁከት ካለበት ከብዙ መዝገብ ይሻላል። የጐመን ወጥ በፍቅር መብላት የሰባ ፍሪዳን ጥል ባለበት ዘንድ ከመብላት ይሻላል። መጽሐፈ ምሳሌ 15፡16-17

ከሰማይ በታች አዲስ ነገር የለም፡፡ አዲስ ነገር የእግዚአብሄር አላማ ብቻ ነው፡፡ በሰው አይን ዝቅ ያለ ነገር ግን የእግዚአብሄርን አላማ የምንፈፅምበት ቦታ ለእኛ ገነታችን ነው፡፡ የእግዚአብሄርን አላማ የማንፈጽምበት ቦታ ምኑም ቢመች ምንም አይጠቅመንም፡፡ የእግዚአብሄር አላማ የሌለበት አገር ልፋት እና መቅበዝበዝ ነው፡፡ የእግዚአብሄር አላማ የሌለበት አገር መንከራተት ነው፡፡

የእግዚአብሄር አላማ ያለበት ቦታ ደግሞ ምንም ከፍታና ዝቅታ ቢሆን የእግዚአብሄር እጅና አብሮነት ስላለበት ብቻ ሁሌ ተመራጭ ነው፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #አላማ #ተስፋ #ፍፃሜ #አማርኛ #ስብከት #መዳን #መፅሃፍቅዱስ #ተስፋ #ፍፃሜ #የእግዚአብሄርሃሳብ #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

ከአንዱ ከእግዚአብሔር በቀር ቸር ማንም የለም

71698865_1232231733631050_816572788771913728_o.jpg

ከአለቆችም አንዱ፦ ቸር መምህር፥ የዘላለምን ሕይወት እንድወርስ ምን ላድርግ? ብሎ ጠየቀው። ኢየሱስም፦ ስለ ምን ቸር ትለኛለህ? ከአንዱ ከእግዚአብሔር በቀር ቸር ማንም የለም። የማርቆስ ወንጌል 10፡18-19

ኢየሱስ የእኛን አይነት ስጋ ለብሶ ሰው ሆኖ በምድር በተመላለሰበት ጊዜ ቸር መምህር ሆይ ተብሎ እንዲጠራ አልፈቀደም፡፡ ኢየሱስ ሰው ሆኖ በምድር ሲመላለስ ለተጠየቀው ጥያቄ የመለሰው መልስ በጣም አስገራሚ ነው፡፡

ኢየሱስ እንኳን በምድር ሲመላለስ ቸር ተብሎ እንዲጠራና የእግዚአብሔር አብን ክብር ለመውሰድ አልፈቀደም፡፡ ምክኒያቱም በሰው ውስጥ መልካምነት አይገኝም፡፡ ሰው መልካምነት ካሳየ ከእግዚአብሔር የመጣ መልካምነት መሆን አለበት፡፡ የመልካም ሰውን መልካምነት አመጣጥ ለማወቅ ተከትልን ብንሔድ የምንደርሰው ራሱ እግዚአብሔር ጋር ነው፡፡

በጎ ስጦታ ሁሉ ፍጹምም በረከት ሁሉ ከላይ ናቸው፥ መለወጥም በእርሱ ዘንድ ከሌለ በመዞርም የተደረገ ጥላ በእርሱ ዘንድ ከሌለ ከብርሃናት አባት ይወርዳሉ። የያዕቆብ መልእክት 1፡17

የማንም ሰው መልካምነት ወደምንጩ ወደ እግዚአብሔር ካላመለከተ መልካምነት አይደለም፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ  ብሎ መፅሃፍ ቅዱስ የሚያስተምረው የማንም ሰው መልካምነት ማመልከት ያለበት ወደ ምንጩ ወደ እግዚአብሔር መሆኑን ለማስተማር ነው፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። የማቴዎስ ወንጌል 5፡16

ሰው መልካም ሊያደርግላችሁ አስቦ አቅዶ በራሱ ጉልበት መልካም ሊያደርግላችሁ አይችልም፡፡ ሰው አብሯችሁ ሊቸገር ይችላል ነገር ግን በራሱ መልካምን ሊያደርግላችሁ ግን አይችልም፡፡

ሰው እግዚአብሔር ካልረዳው አቅዶና አስቦ ለራሱ እንኳን መልካም ሊያደርግ አይችልም፡፡

አሁንም፦ ዛሬ ወይም ነገ ወደዚህ ከተማ እንሔዳለን በዚያም ዓመት እንኖራለን እንነግድማለን እናተርፍማለን የምትሉ እናንተ፥ ተመልከቱ፥ ነገ የሚሆነውን አታውቁምና። የያዕቆብ መልእክት 4፡13

ሰው እግዚአብሔር ካልተጠቀመበት ምንም መልካም ነገር ሊያደርግላችሁ አይችልም፡፡ ሰው ምንም መልካም ነገር ካደረገላችሁ እግዚአብሔር ተጠቅሞበታል ማለት ነው፡፡

ስለዚህ ነው መዝሙረኛው ከአንተ በቀር በጎነት የለኝም የሚለው፡፡

እግዚአብሔርን፦ አንተ ጌታዬ ነህ አልሁ፤ ከአንተ በቀር በጎነት የለኝም። መዝሙረ ዳዊት 16፡2

እግዚአብሔር ካልተጠቀመብን ለምንም አንጠቅምም፡፡ እግዚአብሔር ከተጠቀመብን ደግሞ የማንጠቅመው ነገር አይኖርም፡፡ እግዚአብሔ ካልተጠቀመብን ለጥቂትም አንጠቅምም፡፡ እግዚአብሔር ከተጠቀመብን ደግሞ በብዙ እንጠቅማለን፡፡

ከሰው መልካምነት ባሻገር ማየት የመልካምነቱን ምንጭ እግዚአብሔርን ራሱ ማየት ካልቻልን እንሳሳታለን፡፡ ለሰው በቀጥታ መልካምነትን የሚያደርገው ሰው ነው፡፡ ለሰው በተዘዋዋሪ መልካምነትን የሚያደርገው እግዚአብሔር ብቻ ነው፡፡

ኢየሱስም፦ ስለ ምን ቸር ትለኛለህ? ከአንዱ ከእግዚአብሔር በቀር ቸር ማንም የለም። የማርቆስ ወንጌል 10፡18-19

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #ቸር #ደግ #በጎ #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

ሥራ ፈቶች

shutterstock_461354353-900x506.jpg

እነዚህ ነገሮች ለእናንተ ሆነው ቢበዙ፥ በጌታችን በኢየሱስ ክርስቶስ እውቀት ሥራ ፈቶችና ፍሬ ቢሶች እንዳትሆኑ ያደርጉአችኋልና፤ እነዚህ ነገሮች የሌሉት ዕውር ነውና፥ በቅርብም ያለውን ብቻ ያያል፥ የቀደመውንም ኃጢአቱን መንጻት ረስቶአል። ስለዚህ፥ ወንድሞች ሆይ፥ መጠራታችሁንና መመረጣችሁን ታጸኑ ዘንድ ከፊት ይልቅ ትጉ፤ እነዚህን ብታደርጉ ከቶ አትሰናከሉምና። 2ኛ የጴጥሮስ መልእክት 1፡8-10

ስንፈጠር ለስራ ለትጋት ለመከናወን ተፈጥረናል፡፡

በህይወት ደግሞ ገለልተኛ የሚባል ነገር የለም፡፡ ወይ አንዱን ይወዳል ሌላውን ይጠላል ወይ አንዱን ይንቃል ሌላውን ያከብራል፡፡

ለገንዘብ ያለመገዛት ፍቱን መድሃኒት ለእግዚአብሄር መገዛት ነው፡፡ ለእግዚአብሄር የሚገዛ ሰው ለገንዘብ መገዛት በህይወቱ ይሞታል፡፡

ለሁለት ጌቶች መገዛት የሚቻለው ማንም የለም፤ ወይም አንዱን ይጠላል ሁለተኛውንም ይወዳል፤ ወይም ወደ አንዱ ይጠጋል ሁለተኛውንም ይንቃል፤ ለእግዚአብሔርና ለገንዘብ መገዛት አትችሉም። የማቴዎስ ወንጌል 6፡24

ሰው ካልተጋ ስራ ፈት እና ፍሬ ቢስ ይሆናል፡፡ ሰው ከተጋ ፍሬያማ ደግሞ ይሆናል፡፡ በትጋትና በስራ ፈትነት መካከል ከሁለቱም ያለሆነ ምንም ገለልተኛ ስፍራ የለም፡፡

በአንድ ጊዜ ሁለት ነገር ማድረግ እንችልም፡፡ ራሳችንን ለአንድ ነገር ከሰጠን ለሌላው ተቃራኒ ነገር እንከለክላለን፡፡

የስጋን ነገር ካሰብን የመንፈስን ነገር ማሰብ አንችልም፡፡ የመንፈስን ነገር ካሰብን በቅፅበት የስጋን ነገር ከማሰብ ነጻ እንወጣለን፡፡

እንደ ሥጋ ፈቃድ የሚኖሩ የሥጋን ነገር ያስባሉና፥ እንደ መንፈስ ፈቃድ የሚኖሩ ግን የመንፈስን ነገር ያስባሉ። ስለ ሥጋ ማሰብ ሞት ነውና፥ ስለ መንፈስ ማሰብ ግን ሕይወትና ሰላም ነው። ወደ ሮሜ ሰዎች 8፡5-6

ብልቶቻችንን የዓመፃ የጦር ዕቃ አድርገን ካቀረብን የጽድቅ የጦር ዕቃ አድርገን ለእግዚአብሔር ማቅረብ አንችልም፡፡

ብልቶቻችሁንም የዓመፃ የጦር ዕቃ አድርጋችሁ ለኃጢአት አታቅርቡ፥ ነገር ግን ከሙታን ተለይታችሁ በሕይወት እንደምትኖሩ ራሳችሁን ለእግዚአብሔር አቅርቡ፥ ብልቶቻችሁንም የጽድቅ የጦር ዕቃ አድርጋችሁ ለእግዚአብሔር አቅርቡ። ወደ ሮሜ ሰዎች 6፡13

ራሳችንን ለጭንቀት ከሰጠን መፀለይና ጭንቀታችንን በጌታ ላይ መጣል አንችልም፡፡ ከፀለይን አቅማችንንና ጉልበታችንን ከጭንቀት መልሰን ወደ ፀሎት አናፈሰዋለን፡፡ ከፀለይን ጊዜያችንን ጉልበታችንን አቅማችንን በጭንቀት ላይ ከማዋል እንድናለን፡፡

የእግዚአብሄርን ቃል ለማመን ጊዜን ከሰጠን የእግዚአብሄርን ቃል ከሰማን እና ካሰላሰልን ቃሉን ማመን እንጂ መጠራጠር አንችልም፡፡

ኢየሱስም መልሶ፦ እውነት እላችኋለሁ፥ እምነት ቢኖራችሁ ባትጠራጠሩም፥ በበለሲቱ እንደ ሆነባት ብቻ አታደርጉም፤ ነገር ግን ይህን ተራራ እንኳ፦ ተነቅለህ ወደ ባሕር ተወርወር ብትሉት ይሆናል፤ የማቴዎስ ወንጌል 21፡21

ፍቅርን የምትከታተሉ ከሆነ ለጥላቻ ጊዜ ጉልበት አቅም አይተርፋችሁም፡፡

ፍቅርን ተከታተሉ፥ 1ኛ ወደ ቆሮንቶስ ሰዎች 14፡1

ሰይጣንን የመቃወሚያ ተዘዋዋሪ መንገድ ለእግዚአብሄር መገዛት ነው፡፡ ለእግዚአብሄር መገዛታችሁ በራሱ ዲያቢሎስን በህይወታችሁ እንድትቃወሙ ያደርጋችኋል፡፡ ለእግዚአብሄር መገዛታችሁ ዲያቢሎስ በህይወታችሁ ስፍራ እንዳይኖረው ያደርጋል፡፡

እንግዲህ ለእግዚአብሔር ተገዙ፤ ዲያብሎስን ግን ተቃወሙ ከእናንተም ይሸሻል፤ የያዕቆብ መልእክት 4፡7

በመንፈስ መመላለሳችሁ ከስጋ ስራ ጋር እንድትለያዩና የስጋን ስራ እንዳትፈፅሙ ያደርጋችኋል፡፡ ሰው የስጋን ምኞት ላለመፈፀም ከመንቀጥቀጥና ከመፍራት ይልቅ በመንፈስ ቢመላለስ ሳያውቀው የስጋን ስራ አይፈፅምም፡፡

ነገር ግን እላለሁ፥ በመንፈስ ተመላለሱ፥ የሥጋንም ምኞት ከቶ አትፈጽሙ። ወደ ገላትያ ሰዎች 5፡16

ሰው ማሰብ የሚችለው አንድ ነገር ብቻ ነው፡፡ የእግዚአብሄርን ቃል የሚያስብ ሰው ከእግዚአብሄር ቃል ውጭ ማሰብ ዜና ቦታ አይኖረውም፡፡

በቀረውስ፥ ወንድሞች ሆይ፥ እውነተኛ የሆነውን ነገር ሁሉ፥ ጭምትነት ያለበትን ነገር ሁሉ፥ ጽድቅ የሆነውን ነገር ሁሉ፥ ንጹሕ የሆነውን ነገር ሁሉ፥ ፍቅር ያለበትን ነገር ሁሉ፥ መልካም ወሬ ያለበትን ነገር ሁሉ፥ በጎነት ቢሆን ምስጋናም ቢሆን፥ እነዚህን አስቡ፤ ወደ ፊልጵስዩስ ሰዎች 4፡8

ሰው የአለምን ነገር ላለማሰብ እና ላለማድረግ ከመፍጨርጨር ይልቅ የእግዚአብሄርን ነገር ለማሰብ ራሱን ቢሰጥ ከአለማዊነት ይድናል፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ወደ ሮሜ ሰዎች 12፡2

ሰው በተጠራበት ነገር ላይ ሲያተኩርና ሲተጋ ህይወቱ ከስራ ፈትነትና ከፍሬ ቢስነት ይድናል፡፡ ሰው የራሱ ስራ ከሌለው በሰው ስራ ውስጥ ራሱን ማግኘቱ እና ህይወቱን ማባከኑ አይቀሬ ነው፡፡ ሰው ስለተጠራበት ነገር ግልፅ ራእይ ከሌለው ጊዜውን እና ህይወቱን በሌላው ራእይ ላይ ያባክናል፡፡

ሥራ ከቶ ሳይሠሩ፥ በሰው ነገር እየገቡ፥ ያለ ሥርዓት ከእናንተ ዘንድ ስለሚሄዱ ስለ አንዳንዶች ሰምተናልና። 2ኛ ወደ ተሰሎንቄ ሰዎች 3፡11

እነዚህ ነገሮች ለእናንተ ሆነው ቢበዙ፥ በጌታችን በኢየሱስ ክርስቶስ እውቀት ሥራ ፈቶችና ፍሬ ቢሶች እንዳትሆኑ ያደርጉአችኋልና፤ እነዚህ ነገሮች የሌሉት ዕውር ነውና፥ በቅርብም ያለውን ብቻ ያያል፥ የቀደመውንም ኃጢአቱን መንጻት ረስቶአል። ስለዚህ፥ ወንድሞች ሆይ፥ መጠራታችሁንና መመረጣችሁን ታጸኑ ዘንድ ከፊት ይልቅ ትጉ፤ እነዚህን ብታደርጉ ከቶ አትሰናከሉምና። 2ኛ የጴጥሮስ መልእክት 1፡8-10

ሰው የህይወት መንፈስ ህግን ከተከተለ ከሃጢያትና ከሞት ህግ ነፃ ይወጣል፡፡ ሰው ሃጢያትን ላለመስራት ከመፍጨርጨር ይልቅ የህይወት መንፈስን ህግ መከተሉ በራሱ ከሃጢያት ያድነዋል፡፡

በክርስቶስ ኢየሱስ ያለው የሕይወት መንፈስ ሕግ ከኃጢአትና ከሞት ሕግ አርነት አውጥቶኛልና። ወደ ሮሜ ሰዎች 8፡2

ሰው ሌላውን ሰው ከባረከና ከፀለየለት እርሱን የሚጠላበት እና የሚረግምበት አቅም አይተርፈውም፡፡

ክፉን በክፉ ፈንታ ወይም ስድብን በስድብ ፈንታ አትመልሱ በዚህ ፈንታ ባርኩ እንጂ፥ በረከትን ልትወርሱ ለዚህ ተጠርታችኋልና። 1ኛ የጴጥሮስ መልእክት 3፡9

ሰው ትኩረቱን የሰማያዊው ነገር ላይ ካደረገ በሚጠፋው የምድራዊ ነገር ላይ ማተኮር አይችልም፡፡

እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ወደ ቆላስይስ ሰዎች 3፡1-2

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#እምነት #ንስሃ #መመለስ #ሃጢያት #ይቅርታ #መንፈስቅዱስ #ቃሉንመስማት #መናዘዝ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

የሚበልጥ አላማ

71645180_1232231270297763_8891365520071196672_n (1).jpg

ከእኛ መካከል ራሱን የፈጠረ ማንም የለም፡፡ ሁላችንም በእግዚአብሄር ለእግዚአብሄር ክብር ተፈጥረናል፡፡ የተፈጠረንበት አለማ ከመፈጠራችን በፊት ነበር፡፡ የተፈጠረነው የተፈጠርንበትን አላማ ለማሳካት ነው፡፡ ወደምድር የመጣነው የተፈጠርንበትን አላማ ለማስፈፀም ነው፡፡

ከእግዚአብሄር አላማ የሚበልጥ ምንም ነገር በምድር ላይ የለም፡፡

በምድር ላይ ያለው ነገር ሁሉ የእግዚአብሄርን አላማ ለማስፈፀም የተሰራ ነገር ነው፡፡ በምድር ላይ ያለው ነገር ሁሉ ለእግዚአብሄር አላማ ተስርቷል እንጂ የእግዚአብሄር አላማ በምድር ላይ ላለው ነገር አልረተሰራም፡፡

የእግዚአብሔር አላማ ከደስታችን ይበልጣል

ደስ ሊለን የሚገባው በህይወታችን የእግዚአብሄርን አላማ ስናደርግ ብቻ ነው፡፡ ደስ ሊለን የሚገባው ከእግዚአብሄር አላማ በተቃራኒ ባለመሄዳችን ነው፡፡ ደስ ሊለን የሚገባው የእግዚአብሄርን ፈቃድ በህይወታችን በመፈፀም እግዚአብሄርን ስናስደስተው ነው፡፡ ከእግዚአብሄር አላማ በተቃራኒው በመሄድ የሚገኝን ጊዜያዊ ደስታ መናቅ አለብን፡፡

ከግብፅም ብዙ ገንዘብ ይልቅ ስለ ክርስቶስ መነቀፍ እጅግ የሚበልጥ ባለ ጠግነት እንዲሆን አስቦአልና ለጊዜው በኃጢአት ከሚገኝ ደስታ ይልቅ ከእግዚአብሔር ሕዝብ ጋር መከራ መቀበልን መረጠ፤ ብድራቱን ትኵር ብሎ ተመልክቶአልና። ወደ ዕብራውያን 11፡25-26

የእግዚአብሔር አላማ ከክብራችን ይበልጣል

በእግዚአብሀረ መልክና አምሳል በእግዚአብሀረ ክብር ተፈጥረን ነበር፡፡ በሃጢያት ምክኒያት ከእግዚአብሄ ክብር ወድቀን ለዘላለም ከእግዚአብሄር ጋር ተለያይተን ነበር፡፡ ክርስቶስ ኢየሱስ ስለሃጢያታችን በመስቀል ላይ በሰራው የደህንነት ስራ ምክኒያት የእግዚአብሄር  ልጆች ሆነናል፡፡ አሁን ክብራችን እግዚአብሄር ነው፡፡ ከእግዚአብሄር ቤተሰብ ውጭ ክብር የለንም፡፡ ከእግዚአብሄር አላማ ውጭ ክብር የለንም፡፡

ነገር ግን ሩጫዬንና ከጌታ ከኢየሱስ የተቀበልሁትን አገልግሎት እርሱም የእግዚአብሔርን ጸጋ ወንጌልን መመስከር እፈጽም ዘንድ ነፍሴን በእኔ ዘንድ እንደማትከብር እንደ ከንቱ ነገር እቆጥራለሁ። የሐዋርያት ሥራ 20፡24

የእግዚአብሔር አላማ ከፈቃዳችን ይበልጣል

በህይወት የምንወደው እና የምንፈልገው ነገር አለ፡፡ የምንወድውንና የምንፈልገውን ነገር የምንፈልገው ከእግዚአብሄር አላማ ጋር እስካልተጋጨ ድረስ ብቻ ነው፡፡ ከእግዚአብሄር አላማ ጋር የተጋጨ እለት የምንፈልገውን ነገር አንፈልገውም የምንወደውን ነገር አንወደውም፡፡

ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። የሉቃስ ወንጌል 22፡42

የእግዚአብሔር አላማ ከምቾታችን ይበልጣል

አንድን ነገር የምናደርገው ስለሚመቸን ወይም ስከለማይመቸን አይደለም፡፡ አንድን ነገር የምናደርገው የእግዚአብሄር አላማ ስላበት ነው፡፡ የእግዚአብሄር አላማ ከሌለበት ምንም ምቹ ነገርን ምቹ ስለሆነ ብቻ አናደርገውም፡፡ ለእኛ የመጨረሻው የምቾት ቦታ የእግዚአብሄር አላማ ያለበት ቦታ ነው፡፡

እርሱም፦ አንተ ከእኛ ጋር ካልወጣህስ፥ ከዚህ አታውጣን። በምድርም ፊት ካለው ሕዝብ ሁሉ እኔና ሕዝብህ የተለየን እንሆን ዘንድ አንተ ከእኛ ጋር ካልወጣህ፥ እኔና ሕዝብህ በአንተ ዘንድ ሞገስ ማግኘታችን በምን ይታወቃል? አለው። ኦሪት ዘጸአት 3315-16

የእግዚአብሔር አላማ ከእኔነታችን ክብር ይበልጣል

የእኛ ኑሮ ለሞተልን ለእርሱ ነው፡፡ የሞተልንም ለሞተልን እንጂ ወደፊት ለራሳችን እንዳንኖር ነው፡፡ ከእርሱ ክብር የተለየ ክብር የለንም፡፡ ከእርሱ አላማ የሚበልጥ አላማ የለንም፡፡

በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ። 2ኛ ወደ ቆሮንቶስ ሰዎች 5፡15

እርስ በእርስ ከምንቀባበለው ክብር ይበልጥ የምንፈልገው ከአንዱ ከእግዚአብሄር የሚገኘውን ክብር ነው፡፡

እናንተ እርስ በርሳችሁ ክብር የምትቀባበሉ ከአንዱም ከእግዚአብሔር ያለውን ክብር የማትፈልጉ፥ እንዴት ልታምኑ ትችላላችሁ? የዮሐንስ ወንጌል 5፡44

የእግዚአብሄር አላማ ከተቀባይነት ይበልጣል

የእግዚአብሄር አላማ ከሰው ከምናገኘው እሺታ እና ተቀባይነት ይበልጣል፡፡ ሰው ቢቀበለን ባይቀበለምን እግዚአብሄር ከተቀበለን ይበቃናል፡፡

ሰውን ወይስ እግዚአብሔርን አሁን እሺ አሰኛለሁን? ወይም ሰውን ደስ ላሰኝ እፈልጋለሁን? አሁን ሰውን ደስ ባሰኝ የክርስቶስ ባሪያ ባልሆንሁም። ወደ ገላትያ ሰዎች 1፡10

የእግዚአብሔር አላማ ከዝናችን ይበልጣል

አዎን፥ በእውነት ከሁሉ ይልቅ ስለሚበልጥ ስለ ክርስቶስ ኢየሱስ ስለ ጌታዬ እውቀት ነገር ሁሉ ጉዳት እንዲሆን እቈጥራለሁ፤ ስለ እርሱ ሁሉን ተጐዳሁ፥ ክርስቶስንም አገኝ ዘንድ፥ በክርስቶስም በማመን ያለው ጽድቅ ማለት በእምነት ከእግዚአብሔር ዘንድ ያለው ጽድቅ እንጂ ከሕግ ለእኔ ያለው ጽድቅ ሳይሆንልኝ፥ በእርሱ እገኝ ዘንድ ሁሉን እንደ ጕድፍ እቈጥራለሁ፤ ወደ ፊልጵስዩስ ሰዎች 3፡8-9

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #አላማ #እቅድ #ግብ  #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

በእኛ እንደሚማልድ

download.jpg

ነገር ግን የሆነው ሁሉ፥ በክርስቶስ ከራሱ ጋር ካስታረቀን የማስታረቅም አገልግሎት ከሰጠን፥ ከእግዚአብሔር ነው፤ እግዚአብሔር በክርስቶስ ሆኖ ዓለሙን ከራሱ ጋር ያስታርቅ ነበርና፥ በደላቸውን አይቆጥርባቸውም ነበር፤ በእኛም የማስታረቅ ቃል አኖረ። እንግዲህ እግዚአብሔር በእኛ እንደሚማልድ ስለ ክርስቶስ መልክተኞች ነን፤ ከእግዚአብሔር ጋር ታረቁ ብለን ስለ ክርስቶስ እንለምናለን። 2ኛ ወደ ቆሮንቶስ ሰዎች 5፡18-20

በክርስቶስ ሞትና ትንሳኤ አምነትን የዳንን ሁላችን የክህንነት አገልግሎታችን ሁለት ነው፡፡ አንደኛው ስለሰው ለእግዚአብሄር መናገር ሲሆን ሁለተኛው ደግሞ ስለእግዚአብሄር ለሰው መናገር ነው፡፡

ስለሰው ለእግዚአብሄር የመናገር የክህንንት አገልግሎታችን የምልጃ አገልግሎታችን ነው፡፡ በጠላት ስለተያዙ ራሳቸውን ማዳን ስለማይችሉ ሰዎች ካሉበት እስራት ውስጥ ይወጡ ዘንድ ስለሰው በእግዚአብሄር ፊት እንቆማለን፡፡

ከእግዚአብሄር ጋር በክርስቶስ ኢየሱስ የታረቅን ሁላችን እግዚአብሄር የሰውን ክፋት እና አመፅ አይቶ እንዳይቀጣ እንዲራራ ይቅር እንዲል በእግዚአብሄርን በሰው መካከል እንቆማለን ስለሰዎች እንማልዳለን፡፡ ለራሳቸው መፀለይ ለማይችሉ ሰዎች በእነርሱ ቦታ ሆነን ህመማቸው ስቃያቸው እይተሰማን በእግዚአብሄር ፊት እንቆማለን እንለምናለን እንማልዳለን፡፡

እንግዲህ እግዚአብሔርን በመምሰልና በጭምትነት ሁሉ ጸጥና ዝግ ብለን እንድንኖር፥ ልመናና ጸሎት ምልጃም ምስጋናም ስለ ሰዎች ሁሉ ስለ ነገሥታትና ስለ መኳንንትም ሁሉ እንዲደረጉ ከሁሉ በፊት እመክራለሁ። 1ኛ ወደ ጢሞቴዎስ 2፡1-2

ሁለተኛው የክህንነት አገልግሎታችን ስለእግዚአብሄር ለሰው መናገር ነው፡፡ ለእግዚአብሄር መንግስት አምባሳደሮች መልክተኞች ነን፡፡ እንደ ካህናት የእግዚአብሄርን ፍላጎትና ፈቃድ እናስፈፅማለን፡፡ እንደካህናት በህይወታችን የእግዚአብሄርን መንግስትና ፅድቅ ፍላጎት እናስቀድማለን፡፡ እንደ ካህናት ስለእግዚአብሄር መንግስት መስፋት አንሰራለን፡፡ እንደካህናት በህይወታችንም በንግግራችንም ስለእግዚአብሄር መንግስት በጎነት እንመሰክራለን፡፡

እንደካህናት ሰዎች የእግዚአብሄርን መልካምነት በህይወታችው አይተው እንዲማረኩ የእግዚአብሄርን በጎነት በህይወታችን በማንፀባረቅ በጎን በማድረግ እንተጋለን፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። የማቴዎስ ወንጌል 5፡16

እንደካህናት ሰዎች ከእግዚአብሄር ጋር እንዲታረቁ እንለምናለን፡፡ እንደካህናት የእግዚአብሄርን የፍቅር ልብ ለሰዎች እናሳያለን፡፡

እንግዲህ እግዚአብሔር በእኛ እንደሚማልድ ስለ ክርስቶስ መልክተኞች ነን፤ ከእግዚአብሔር ጋር ታረቁ ብለን ስለ ክርስቶስ እንለምናለን። 2ኛ ወደ ቆሮንቶስ ሰዎች 5፡20

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ልመናና #ጸሎት #ምልጃ #ህይወት #ፋሲካ #ትንሳኤ #ሞት #አማርኛ #ስብከት #መዳን #መፅሃፍቅዱስ #መንፈስቅዱስ #ማለፍ #ፌስቡክ #አቢይዋቁማ #አቢይዋቁማዲንሳ

ሞትም ጥቅም ነውና

photo-1516026672322-bc52d61a55d5.jpg

ለእኔ ሕይወት ክርስቶስ፥ ሞትም ጥቅም ነውና። ነገር ግን በስጋ መኖር ለእኔ የሥራ ፍሬ ቢሆን፥ ምን እንድመርጥ ኣላስታውቅም። በእነዚህም በሁለቱ እጨነቃለሁ፤ ልሄድ ከክርስቶስም ጋር ልኖር እናፍቃለሁ፥ ከሁሉ ይልቅ እጅግ የሚሻል ነውና፤ ነገር ግን በሥጋ መኖሬ ስለ እናንተ እጅግ የሚያስፈልግ ነው። ወደ ፊልጵስዩስ ሰዎች 1፡21-24

በምድር ያለንው ተልከን ነው፡፡ በምድር ያለንው እግዚአብሄር በምድር ላይ የሰጠንን ወንጌልን የመስበክ ስራን ለመፈፀም ብቻ ነው፡፡ በምድር ያለነው ስራችንን እስክንጨርስ ብቻ ነው፡፡

እግዚአብሄር እኛን በምድር ላይ ያስቀመጠበት አላማ ሲያልቅ በምድር ላይ አንድ ሰከንድ መቆየት አንፈልግም፡፡

በመሥዋዕት እንደሚደረግ፥ የእኔ ሕይወት ይሠዋልና፥ የምሄድበትም ጊዜ ደርሶአል። መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤ 2ኛ ወደ ጢሞቴዎስ 4፡6-7

በምድር ያለነው ከዚህ የተሻለ ቦታ ስለሌለ አይደለም፡፡ ክርስቶስን የምንከተል ሁላችን የምድርን ውጣ ውረድ ስናስብ መሄድን ከክርስቶስ ጋር መሆንን እንመርጣለን ለእኛ እጅግ የሚሻል ነውና፡፡ ከርስቶስን ስንቀበል በትንሳኤ ከሞት ስለተነሳን እና ለዘላለም ከእግዚአብሄ ጋር ስለምንኖር ሞት ለእኛ ወደጌታ መሄጃ በር ነው፡፡

ለእኛ ለሞተውና ለተነሳው እንጂ ወደፊት ለራሳችን ስለማንኖር ለእኛ የሚሻል ስለሆነ ብቻ አንፈልገውም፡፡ የምንፈልገው የእግዚአብሄርን አላማ ነው፡፡ የእግዚአብሄር አላማ ስላለበት ከምቾት ይልቅ የምንፈልገው ተግዳሮቱን ነው፡፡ የእግዚአብሄር አላማ ስላለበት ከእረፍቱ ይልቅ የምንፈልገው ተጋድሎውን ነው፡፡ የእግዚአብሄር አላማ ስላበት የምንፈለግው ቶሎ መሄዱን ሳይሆን ጠብቀን ሃላፊነታችንን ተወጥተን በመጨረሻ አክሊላችንን መቀበል ነው፡፡

ለእኔ ሕይወት ክርስቶስ፥ ሞትም ጥቅም ነውና። ነገር ግን በስጋ መኖር ለእኔ የሥራ ፍሬ ቢሆን፥ ምን እንድመርጥ ኣላስታውቅም። በእነዚህም በሁለቱ እጨነቃለሁ፤ ልሄድ ከክርስቶስም ጋር ልኖር እናፍቃለሁ፥ ከሁሉ ይልቅ እጅግ የሚሻል ነውና፤ ነገር ግን በሥጋ መኖሬ ስለ እናንተ እጅግ የሚያስፈልግ ነው። ወደ ፊልጵስዩስ ሰዎች 1፡21-24

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ህይወት #ፋሲካ #ትንሳኤ #ሞት #አማርኛ #ስብከት #መዳን #መፅሃፍቅዱስ #መንፈስቅዱስ #ማለፍ #ፌስቡክ #አቢይዋቁማ #አቢይዋቁማዲንሳ

ተምሬአለሁ

 

leadstar (1).jpg

የምኖርበት ኑሮ ይበቃኛል ማለትን ተምሬአለሁና። መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ወደ ፊልጵስዩስ ሰዎች 4፡11-13

በክርስትና ህይወት በምናልፍበት የህይወት ዝቅታና ከፍታ የምንማረው እጅግ ውድ የሆነ ትምህርት ይበቃኛል ማለትን ነው፡፡

ሰው ይበቃኛል የሚለውን ከተማረ በእውነት እጅግ ውድ የሆነ ትምህርት ቀስሟል ማለት ነው፡፡ ሰው በሚያልፍፈበት ነገር ውስጥ ሁሉ ይበቃኛል የሚለውን ካልተማረ ገና አልተማረም ማለት ነው፡፡

ሰው ሌላውን ለማገልገል ዝግጁ የሚሆነው ይበቃኛል ሲል ብቻ ነው፡፡ ሰው ለሌላው የሚተርፈው ይበቃኛል ሲል ብቻ ነው፡፡ ሰው ሌላውን የሚያገለግልበት ነገር የሚኖረው ይበቃኛል ሲል ብቻ ነው፡፡

ሰው ራሱ ካላቆመው የሰው ልጅ ፍላጎት የማያልቅ እንደሆነ የሚረዳው ለመኖር ብዙ እንደማያስፈልገው ሲረዳ ብቻ ነው ፡፡ ሰው ከማያልቅ የሰው ልጅ የሩጫ ውድድር ራሱን የሚያገለው ለመኖር ብዙ እንደማያስፈልገው ሲረዳ ብቻ ነው፡፡ ሰው የዚህን አለም ፉክክር ከንቱነት የሚረዳውና ጌታን ለማገልገል ራሱን የሚሰጠው ያለኝ ይበቃኛል የሚለውን ሲማር ብቻ ነው፡፡

በእግዚአብሄር ዘንድ የተማረ የሚባለው ሰው ማግኘትም ማጣትም ምንም እንዳይደሉ የሚረዳ ሰው ነው፡፡ በእግዚአብሄር አይን የተማረ የሚባለው ማግኘትም ማጣትም ምንም ነገር እንደማያስችሉ የተረዳ ሰው ነው፡፡ በእግዚአብሄር ዘንድ የተማረ የሚያስብለው ማጣት ሁሉን ማድረግን እንደማይከለክል ማግኘት ሁሉን ማድረግን እንደማያስችል መረዳት ነው፡፡ በእግዚአብሄር ዘንድ የተማረ የሚያስብለው ያጣንም ሆነ ያገኘንም ሰው የሚያስችለው ማግኘታቸው ወይም ማጣታቸው ሳይሆን ክርስቶስ እንደሆነ መረዳት ነው፡፡ በእግዚአብሄር ፊት የተማረ የሚባለው ክርስቶስ ሁሉን እንደሚያስችል የተረዳ ሰው ነው፡፡

ኃይልን በሚሰጠኝ በክርስቶስ ሁሉን እችላለሁ።

ሰው የተማረ የሚያሰኘው ማግኘትንም ማጣትንም ትክክለኛ አቅማቸውን ማወቁ ነው፡፡ ሰው የተማረ የሚያሰኘው ለማግኘት ከሚገባው በላይ ትኩረት አለመሰጠቱ ነው፡፡ ሰው የተማረ የሚያሰኘው ማግኘትን ከአቅሙ በላይ ዋጋ አለመስጠቱ ነው፡፡ ሰውን የተማረ የሚያሰኘው ማግኘት ሊያደርግ የሚችለውንና ሊያደርግ የማይችለውን ነገር ለይቶ መረዳት ነው፡፡ ሰውን የተማረ የሚያሰኘው የክርስቶስ ሃይል እንጂ ማግኘትም ሆነ ማጣት በህይወት ላይ ምንም እንደማይጨምሩ ማወቁ ነው፡፡ ሰውን የተማረ የሚያሰኘው ማጣት በህይወት ላይ ምንም እንደማያጎድል መረዳቱ ነው፡፡ ሰውን የተማረ የሚያሰኘው ማጣት ህይወታችንን ሊያበላሽ እቅም እንደሌለው መረዳቱ ነው፡፡ ሰውን የተማረ የሚያሰኘው በህይወት ማጣት ከህይወት አላችን እንደማያግደንንና አቅምን እንደማያሳጣን ልኩን ማወቁ ነው፡፡ ሰውን የተማረ የሚያሰኘው ማጣትን ልኩን ማወቁና አለመፍራቱ ነው፡፡

የምኖርበት ኑሮ ይበቃኛል ማለትን ተምሬአለሁና። መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ወደ ፊልጵስዩስ ሰዎች 4፡11-13

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መጥገብ #መራብ #መብዛት #መጉደል #በረከት #ስኬት #እረኛእግዚአብሄር #ስምረት #መሰረታዊፍላጎት #ሁሉየእናንተነውና #ቤተክርስትያን #አማርኛ #ስብከት #መዳን #የተትረፈረፈህይወት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

abiy office.jpg

በፈቃዱ የመኖር ክብር

WhatsApp Image 2019-11-18 at 09.07.44.jpeg

እግዚአብሄር የአላማ አምላክ ነው፡፡ እግዚአብሔር ሰውን ከመፍጠሩ በፊት ለሰው የተለየ አላማ ነበረው፡፡ እግዚአብሄር ሰውን የፈጠረው በልቡ ያለውን አላማውን እንዲያስፈጽምለት ነው፡፡
ሰው በእግዚአብሄር የተፈጠረው በአላማ ነው፡፡ ሰው የተፈጠረው የፈለገውን እንዲያደርግ አይደለም፡፡ ሰው የተፈጠረው የተፈጠረበትን አላማ እንዲከተልና እንዲፈፅም ነው፡፡
ምንም ነገር ከተፈጠረበት አላማ ውጭ ክብር እንደማይኖረው ሁሉ የሰው ህይወቱ ክብር የሚኖረው የተፈጠረበትን አላማ ሲፈፅም ብቻ ነው፡፡
ሰው የእግዚአብሄርን አላማ በህይወቱ የመፈፀሙን ክብር እንመልከት፡፡
1. ሰው የተፈጠረበትን አላማ ሲፈፅም ይሳካለታል
ሰው የተፈጠረበትን አላማ ከማድረግ በላይ የሚሳካለት ጊዜ የለም፡፡ ሰው ፍሬያመ የሚሆነው ከጥንት የተሰራበትን ንድፉን ሲሰራ ነው፡፡ ሰው ነገሮች ትክክለኛ ቦታ ቦታቸውን የሚይዙለትና ስክትክት የሚሉለት ዲዛይን የተደረገበትን ነገር ሲሰራ ነው፡፡
ለሰው ከአላማው ውጭ መኖር ቤት ለመጥረግ የተሰራ መጥረጊያን እንደ ዶማ መሬት ለመቆፈር እንደመጠቀም ነው፡፡
2. ሰው የተፈጠረበትን አላማ ሲፈፅም ይረካል ይደሰታል፡፡
ሰው የተፈጠረው የእግዚአብሄርን አላማ አድርጎ እንዲረካ ነው፡፡ ሰው እግዚአብሄርን ካረካ የማይረካበት ምንም ምክኒያት አይኖርም፡፡
ሰው የተፈጠረበትን አላማ ሲፈፅም ይደሰታል፡፡
ሰው ትክክለኛ ቦታውን ሲያገኝ ይደሰታል፡፡ ሰው የእግዚአብሄርን አላማ ለመፈፀም ሲጨክን በብዙ ከፍታና ዝቅታ ውስጥ ያልፋል ነገር ግን የእግዚአብሄር ደስታ ሃይሉ ይሆነዋል፡፡
የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ወደ ሮሜ ሰዎች 12፡2
3. ሰው የተፈጠረበትን አላማ ሲፈፅም ዘላቂ ውርስ ይኖረዋል
ሰው የተፈጠረበትን አላማ ሲፈፅም ከትውልዱ አልፎ ለዘላም የሚኖር ዘላቂ ውርስን ይተዋል፡፡ አብርሃም ለሁላችን የእምነት አባት የሆነው በጊዜው የእግዚአብሄርን አለማ ስለተከተለ ብቻ ነው፡፡
ለሚጠፋ መብል አትሥሩ፤ ነገር ግን ለዘላለም ሕይወት ለሚኖር መብል የሰው ልጅ ለሚሰጣችሁ ሥሩ፤ እርሱን እግዚአብሔር አብ አትሞታልና። የዮሐንስ ወንጌል 6፡27
ዓለሙም ምኞቱም ያልፋሉ፤ የእግዚአብሔርን ፈቃድ የሚያደርግ ግን ለዘላለም ይኖራል። 1ኛ የዮሐንስ መልእክት 2፡17
4. ሰው የተፈጠረበትን አላማ ሲፈፅም የትኩረት ማእከል ይሆናል
ሰው የተፈጠረበትን አላማ ለመፈፀም ሲመለስ ሞገስን ያገኛል፡፡ ሰው የተፈጠረበትን አላማ ሲከተል ለብዙዎች ምሳሌ የሚሆን የሚያስቀና ህይወት ይኖረዋል፡፡
ስለዚህ እግዚአብሔር እንዲህ ይላል፦ ብትመለስ እመልስሃለሁ በፊቴም ትቆማለህ፤ የከበረውንም ከተዋረደው ብትለይ እንደ አፌ ትሆናለህ፤ እነርሱ ወደ አንተ ይመለሳሉ፥ አንተ ግን ወደ እነርሱ አትመለስም። ትንቢተ ኤርምያስ 15፡19
ሰው በህይወቱ የእግዚአብሄርን አላማ ለመፈፀም ሲጨክን በእግዚአብሄር ስልጣን ይመላለሳል፡፡
5. ሰው የእግዚአብሄርን አላማ ሲፈፅም እግዚአብሄር አብሮት ይሆናል ያሳርፈውማል፡፡
እርሱም፦ አንተ ከእኛ ጋር ካልወጣህስ፥ ከዚህ አታውጣን። እግዚአብሔርም፦ እኔ ከአንተ ጋር እሄዳለሁ፥ አሳርፍህማለሁ አለው። ኦሪት ዘጸአት 33፡15፣14
አቢይ ዋቁማ ዲንሳ Abiy Wakuma Dinsa
#ኢየሱስ #ጌታ#ራእይ #እይታ #አላማ #ተስፋ #ፍፃሜ #አማርኛ #ስብከት #መዳን #መፅሃፍቅዱስ #ተስፋ #ፍፃሜ #የእግዚአብሄርሃሳብ #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

የማንጠቅም ባሪያዎች

blog_washingfeet_900.jpg

እንዲሁ እናንተ ደግሞ የታዘዛችሁትን ሁሉ ባደረጋችሁ ጊዜ፦ የማንጠቅም ባሪያዎች ነን፥ ልናደርገው የሚገባንን አድርገናል በሉ። የሉቃስ ወንጌል 17፥10
አንዳንድ ጊዜ አገልግለን ሰጥተን ጠቅመን ነገር ግን መጨረሻ ላይ የምናፈርሰው በአመለካከታችን አለመስተከካል ምክንያት ነው፡፡
ሲጀመር አገልግሎት መስጠት መጥቀም የሚጀመረው ከእግዚአብሄር ነው፡፡ አገልግሎት መጥቀም መስጠት የሚጀመረው እግዚአብሄርን ከማመስገን ከምስጋና ልብ ነው፡፡
በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ። 2ኛ ወደ ቆሮንቶስ ሰዎች 5፡15
ለሌላው አገልግሎት መጥቀም መባረከ ለእኛ ለመገልገል ለመጠቀም ለመባረክ መሆን የለበትም፡፡ አገልግሎት መጥቀም መባረክ እኛ አስቀድመን በእግዚአብሄር ስለተገለገልን በእግዚአብሄር ስለተባረክንና በእግዚአብሄር ስለተጠቀምን ነው፡፡
አገልግሎት መጥቀም መባረክ ተደርጎልኛል ተቀብያለሁ ተሞልቻለሁ ከሚል ከምስጋና ልብ ካልመጣ ሙሉ ፍሬ አያፈራም፡፡
ሌላውን መጥቀም መባረከ እና ማገልገል ተደርጎልኛል ተባርኬያለሁ ተጠቅሜያለሁ ከሚል የምስጋና ልብ ከመጣ ውለታን ለመክፈል ይተጋል እንጂ ውለታ እንዲዋልለት አይጠብቅም፡፡
ተጠቅሜያለሁ ተባርኬያለሁ ተቀብያለሁ የሚል ሰው የሚያደርገውን ሁሉ በምስጋና ልብ ያደርገዋል እንጂ ስለሚያደርገው ማንኛውም ነገር ምስጋናን አይጠብቅም፡፡
እግዚአብሄር ለህይወቱ ሙሉን ዋጋ ከፍሎለት በከበረው በክርስቶስ ደም የገዛው ሰው ራሱን ሊሰጥ ሊያገለግል ጌታውን ሊያስደስት እንጂ ጎሽ እንዲባል እንዲጨበጨብለት አይጠብቅም፡፡
በዚያ ዘመን ከእስራኤል መንግሥት ርቃችሁ ለተስፋውም ቃል ኪዳን እንግዶች ሆናችሁ በዚህም ዓለም ተስፋን አጥታችሁ ከእግዚአብሔርም ተለይታችሁ ያለ ክርስቶስ ነበራችሁ። ወደ ኤፌሶን ሰዎች 2፡12
ልጁን ኢየሱስን ከፍሎለት ከጥፋት ከሞት ከመቅበዝበዝና ከከንቱነት ያደነው ሰው ለጌታው የሚጠቅም እቃ በመሆኑ ብቻ ይደሰታል እንጂ ጌታው ስለተጠቀመበት ከጌታው ክፍያ እና ከሚያገለግለው ምስጋናን አይጠብቅም፡፡
ልጁን ኢየሱስን ከፍሎለት ለዘላለም ከእግዚአብሄር ከመለየት የዘላለም ሞት ያዳነው ሰው እግዚአብሄር ስለተጠቀመበት ብቻ ራሱን እንደ እድለኛ ያደርጋል እንጂ ስለተጠቀመበት ዋጋን አይጠብቅም፡፡ እግዚአብሄር ታዘዘኝ አገልግለኝ የሚለው ሰው በፊት ከሰይጣን ስልጣን በፊት የወደቀ ሰው ነበር፡፡
በበደላችሁና በኃጢአታችሁ ሙታን ነበራችሁ፤ በእነርሱም፥ በዚህ ዓለም እንዳለው ኑሮ፥ በማይታዘዙትም ልጆች ላይ አሁን ለሚሠራው መንፈስ አለቃ እንደ ሆነው በአየር ላይ ሥልጣን እንዳለው አለቃ ፈቃድ፥ በፊት ተመላለሳችሁባቸው። ወደ ኤፌሶን ሰዎች 2፡1-2
ልጁን ከፍሎ ከጠላት መንግስት ያዳነው ሰው ወደ እግዚአብሄር አላማ በመመለሱ እና ጌታ ለአለማው ስለተጠቀመበት ብቻ ደስ ይለዋል አገልግሎቱንም በነፃ ይሰጣል እንጂ ስለመታዘዙ ክፍያን አይጠይቅም፡፡
እርሱ ከጨለማ ሥልጣን አዳነን፥ ቤዛነቱንም እርሱንም የኃጢአትን ስርየት ወዳገኘንበት ወደ ፍቅሩ ልጅ መንግሥት አፈለሰን። ወደ ቆላስይስ ሰዎች 1፡13-14
ልጁን ኢየሱስን በመስቀል ላይ ሰውቶ ያዳነው ሰው እግዚአብሄር ካልተጠቀመብኝ ለምንም የማልጠቅም ሰው ነበርኩ ብሎ ራሱን ያዋርዳል እግዚአብሄርም ስለተጠቀመበት ብቻ ደስ ይለዋል እንጂ እንደ እኩያ ስለደሞዝ ስለምስጋና ስለክብር አይደራደርምን፡፡
ከእግዚአብሄር በቀር በጎነት የለንም፡፡ የምንጠቅም ካደረገን እግዚአብሄር ነው፡፡
እግዚአብሔርን፦ አንተ ጌታዬ ነህ አልሁ፤ ከአንተ በቀር በጎነት የለኝም። መዝሙረ ዳዊት 16፡2
እንዲሁ እናንተ ደግሞ የታዘዛችሁትን ሁሉ ባደረጋችሁ ጊዜ፦ የማንጠቅም ባሪያዎች ነን፥ ልናደርገው የሚገባንን አድርገናል በሉ። የሉቃስ ወንጌል 17፥10
አቢይ ዋቁማ ዲንሳ Abiy Wakuma Dinsa
ይህን ፅሁፍ ለሌሎች ሼር share ማድረግ ቢወዱ
#ትህትና #መዋረድ #ባህሪ#ዝቅታ ትህትና#ኢየሱስ #ጌታ#መሪነት #ቤተክርስትያን#አማርኛ #ስብከት#መዳን #መፅሃፍቅዱስ#መጋቢ #እምነት#ተስፋ #ፍቅር#ጌታ #ሰላም#ደስታ #አቢይ#አቢይዋቁማ #አቢይዋቁማዲንሳ#እወጃ #መናገር#ፅናት #ትግስት#መሪ

የእግዚአብሔርን ቃል በህይወታችን ላለንበት ሁኔታ ህያው የሚያደርገው የእግዚአብሄር መንፈስ ነው፡፡

የእግዚአብሔርን ቃል በህይወታችን ላለንበት ሁኔታ ህያው የሚያደርገው የእግዚአብሄር መንፈስ ነው፡፡

የእግዚአብሄር ቃል መልእክት እግዚአብሄርን ማስደሰት ይቻላል

የእግዚአብሄር ቃል መልእክት እግዚአብሄርን ማስደሰት ይቻላል Abiy Wakuma Dinsa

የምስራች! የቀጥታ መልዕክት በኢትዮጲያ ሰአት አቆጣር ከሰአት በኋላ በ10 ሰአት https://www.facebook.com/abiy.dinsa.37 https://twitter.com/AbiyWakumaDinsa https://www.youtube.com/user/awordm https://www.linkedin.com/in/abiy-dinsa-b16b1611/ https://www.instagram.com/abiywakuma/

የምስራች!

የቀጥታ መልዕክት በኢትዮጲያ ሰአት አቆጣር ከሰአት በኋላ በ10 ሰአት

https://www.facebook.com/abiy.dinsa.37

https://twitter.com/AbiyWakumaDinsa

https://www.youtube.com/user/awordm

https://www.linkedin.com/in/abiy-dinsa-b16b1611/

https://www.instagram.com/abiywakuma/

በግልጥ ይከፍልሃል

a64d321f-889d-4001-dd58-6cb75bd2d3e7.jpg

አንተ ግን ስትጸልይ፥ ወደ እልፍኝህ ግባ መዝጊያህንም ዘግተህ በስውር ላለው አባትህ ጸልይ፤ በስውር የሚያይ አባትህም በግልጥ ይከፍልሃል። የማቴዎስ ወንጌል 6፡6

ከሚያስፈነቅዱኝ የእግዚአብሄር የተስፋ ቃሎእች አንዱ ይህ በስውር ላለው አባትህ ጸልይ፤ በስውር የሚያይ አባትህም በግልጥ ይከፍልሃል የሚለው ቃል ነው፡፡

ወደ እግዚአብሄር መፀለይ እግዚአብሄር ትልቅ ስራን እንደሰራንለት ያህል ዋጋን እንዲከፍለን ያደርገዋል፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ወደ ዕብራውያን 11፡6

በሁኔታዎች ውስጥ መፅናት ትልቅ ነገር ነው፡፡ እግዚአብሄርን ስንፈልግ እግዚአብሄር በፅናት ዋጋን ይከፍለናል፡፡

እግዚአብሔርን የሚፈልግ ልብ ደስ ይበለው። እግዚአብሔርን ፈልጉት ትጸናላችሁም፤ ሁልጊዜ ፊቱን ፈልጉ። መዝሙረ ዳዊት 105፡3-4

እግዚአብሄርን መፈለግ ብቻ እግዚአብሄር ዋጋ እንዲከፈለን ያስደርጋል፡፡

እግዚአብሄር መጠየቅ መለመንን ይወዳል፡፡ እግዚአብሄር ለሚጠይቁት ለሚለምኑት መስጠት ይወዳል፡፡ እግዚአብሄር የሚጠይቁትን የሚለምኑትን መልስ በመስጠት ደስ ይለዋል፡፡

እግዚአብሄር የሚለምኑትንና የሚጠይቁትን ከባለጠግነቱ በማካፈል ይደሰታል፡፡

በአይሁዳዊና በግሪክ ሰው መካከል ልዩነት የለምና፤ አንዱ ጌታ የሁሉ ጌታ ነውና፥ ለሚጠሩትም ሁሉ ባለ ጠጋ ነው፤ ወደ ሮሜ ሰዎች 10፡12

እግዚአብሄርን ያየው ማንም የለም በእቅፉ ያለው አንድ ልጁ ተረከው እንደሚል እግዚአብሄርን በትክክል ልቡን የሚተርክልን ኢየሱስ ነው፡፡ እግዚአብሄርን ልብ የምናየው በኢየሱስ ትምህርት ነው፡፡ እግዚአብሄርን ለልጆቹ ያለውን ልብ የምንረዳው በኢየሱስ እካሄድና ትምህርት ነው፡፡

ኢየሱስ ከተራራው ስብከት ጀምሮ እስከ መጨረሻው ሰአት ድረስ ደቀመዛሙርቱ ወደደእርሱ ለሚፀልዩት ሰዎች ሁሉ ወደሚከፍለው እንዲፀልዩ በትጋት ያስተምር ነው፡፡

ለምኑ፥ ይሰጣችሁማል፤ ፈልጉ፥ ታገኙማላችሁ፤ መዝጊያን አንኳኩ፥ ይከፈትላችሁማል። የሚለምነው ሁሉ ይቀበላልና፥ የሚፈልገውም ያገኛል፥ መዝጊያንም ለሚያንኳኳ ይከፈትለታል። የማቴዎስ ወንጌል 7፡7-8

ሰው የሚፀልየው ፀሎት ይታያል፡፡ ሰው በእልፍኙ የሚተጋው ትጋት ይታያል፡፡

ፀሎት አይደበቅም አይሰወርም፡፡ ፀሎት በክፍያ ይታያል ይገለጣል፡፡

የማይገለጥ የተሰወረ የለምና፥ የማይታወቅም ወደ ግልጥም የማይመጣ የተሸሸገ የለም። የሉቃስ ወንጌል 8፡17

በእልፍኙ እግዚአብሄርን የሚፈልግና ወደ እግዚአብሄር የሚፀልይን ሰው እግዚአብሄር በግልፅ ይከፍለዋል፡፡

ነገር ግን የማይገለጥ የተከደነ፥ የማይታወቅም የተሰወረ ምንም የለም። ስለዚህ በጨለማ የምትናገሩት ሁሉ በብርሃን ይሰማል፥ በእልፍኝም ውስጥ በጆሮ የምትናገሩት በሰገነት ላይ ይሰበካል። የሉቃስ ወንጌል 12፡2-3

እግዚአብሄር ፀሎትን የሚከፍለው እንዳይሰወር በወዳጅም በጠላትም ፊት ለፊት በግልፅ ነው፡፡

በፊቴ ገበታን አዘጋጀህልኝ፤ በጠላቶቼ ፊት ለፊት ራሴን በዘይት ቀባህ፥ ጽዋዬም የተረፈ ነው። መዝሙረ ዳዊት 23፡5

አንተ ግን ስትጸልይ፥ ወደ እልፍኝህ ግባ መዝጊያህንም ዘግተህ በስውር ላለው አባትህ ጸልይ፤ በስውር የሚያይ አባትህም በግልጥ ይከፍልሃል። የማቴዎስ ወንጌል 6፡6

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #እግዚአብሔር #ለምኑ #ፈልጉ #አንኳኩ #ይቀበላል #ያገኛል #ይከፈትለታል #በግልፅ #ይከፍልሃል #ቃል #ብልፅግና #ሃብት #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርቃል  #የእግዚአብሔርፈቃድ #አቢይዋቁማ #አቢይዋቁማዲንሳ

ከሠሪው ጋር ለሚታገል ወዮለት! በምድር ሸክላዎች መካከል ያለ ሸክላ ነው። ጭቃ ሠሪውን፦ ምን ትሠራለህ? ወይስ ሥራህ፦ እጅ የለውም ይላልን? ትንቢተ ኢሳይያስ 45:9 ነገር ግን፥ አንተ ሰው ሆይ፥ ለእግዚአብሔር የምትመልስ ማን ነህ? ሥራ ሠሪውን፦ ስለ ምን እንዲህ አድርገህ ሠራኸኝ ይለዋልን? ወይም ሸክላ ሠሪ ከአንዱ ጭቃ ክፍል አንዱን ዕቃ ለክብር አንዱንም ለውርደት ሊሠራ በጭቃ ላይ ሥልጣን የለውምን? ወደ ሮሜ ሰዎች 9:20-21

ከሠሪው ጋር ለሚታገል ወዮለት! በምድር ሸክላዎች መካከል ያለ ሸክላ ነው። ጭቃ ሠሪውን፦ ምን ትሠራለህ? ወይስ ሥራህ፦ እጅ የለውም ይላልን? ትንቢተ ኢሳይያስ 45:9
ነገር ግን፥ አንተ ሰው ሆይ፥ ለእግዚአብሔር የምትመልስ ማን ነህ? ሥራ ሠሪውን፦ ስለ ምን እንዲህ አድርገህ ሠራኸኝ ይለዋልን? ወይም ሸክላ ሠሪ ከአንዱ ጭቃ ክፍል አንዱን ዕቃ ለክብር አንዱንም ለውርደት ሊሠራ በጭቃ ላይ ሥልጣን የለውምን? ወደ ሮሜ ሰዎች 9:20-21

ሰባቱ የፆም ጥቅሞች

your will1.jpg

ፆም በመንፈሳዊ ህይወታችን ውስጥ ትልቅ ስፍራ አለው፡፡ ፆም ለህይወታችን የሚጠቅመውን ነገሮች ከእግዚአብሄ ቃል እንመልከት

  1. ስጋ ያለልክ እንዳይጠግብ ይጠቅማል

ፆም እግዚአብሄርን የማይፈልገው የወደቀው የሃጢያት ማንነት እንዳያይል ስጋን ለመጎሸም እና ለእግዚአብሄር ፈቃድ ብቻ ለማሰገዛት ይጠቅማል፡፡

ነገር ግን ለሌሎች ከሰበክሁ በኋላ ራሴ የተጣልሁ እንዳልሆን ሥጋዬን እየጎሰምሁ አስገዛዋለሁ። 1ኛ ወደ ቆሮንቶስ ሰዎች 9፡27

  1. ፆም ስጋችን እንዳይከብደው ያደርጋል

ምግብን የማድቀቅ ስርአት በጣም ጉልበትን የሚጠይቅ ስርአት ነው፡፡ ሰውነታችን የምግብን ውህደት ሂደት የሚያካሂደው እንደትልቅ ፋብሪካ ነው፡፡ ከባድ ምግብ ልክ እንደበላን ድካም ድካም የሚለን ስለዚህ ነው፡፡

ፆም የሰውነታችንን ትልቅ የምግብ ማድቀቅ ስርአት ነፃ በመሆን ሰውነታችን ቀለል እንዲለውና እንድንነቃ በመንፈሳዊ ሁኔታ ላይ እንድናተኩር ይረዳናል፡፡

  1. ፆም በመንፈሳዊ ነገር ላይ እንድናተኩር ይረዳል

ፆም  በማይታየው በእግዚአብሄር በአምልኮ ላይ እንድናተኩር ያደርገናል፡፡ ፆም ስጋችነነ ስለሚያደክመው የምድሩን ሳይሆን ቅድሚያ መስጠት ያለብንን ሰማያዊውን እንዳናስብ ይረዳናል፡፡

በአንጾኪያም ባለችው ቤተ ክርስቲያን ነቢያትና መምህራን ነበሩ፤ እነርሱም በርናባስ፥ ኔጌር የተባለው ስምዖንም፥ የቀሬናው ሉክዮስም፥ የአራተኛው ክፍል ገዥ የሄሮድስም ባለምዋል ምናሔ፥ ሳውልም ነበሩ። የሐዋርያት ሥራ 13፡1

  1. ፆም መንፈስ እንዲያሸንፍ ይረዳል

ፆም መንፈስን እንዲያሸንፍ መንፈስን ለመደገፍ ይጠቅማል፡፡ ፆም ስጋ እንዳያሸንፍ ለመጫን ይጠቅማል፡፡

ሥጋ በመንፈስ ላይ መንፈስም በሥጋ ላይ ይመኛልና፥ እነዚህም እርስ በርሳቸው ይቀዋወማሉ፤ ወደ ገላትያ ሰዎች 5፡17

የክርስቶስ ኢየሱስም የሆኑቱ ሥጋን ከክፉ መሻቱና ከምኞቱ ጋር ሰቀሉ። ወደ ገላትያ ሰዎች 5፡24

  1. ፆም ለመንቃት ይጠቅማል

ብዙ ስንበላ እንቅልፍ እንቅልፍ ይለናል መንቃትም ይከብደናል፡፡ ብዙ ካልባለን ግን ነቅተን ስራችንን ማቀላጠፍ እንችላን፡፡

በጣም ብዙ በልቶ ከተኛ ሰው እና ጥቂት በልቶ ከተኛ ሰው መካከል ማነትው ንቁ እና ቶሎ የሚነቃው ብንል ትንሽ በልቶ የተኛው ሰው ነው፡፡ ብዙ ከጠጣውና ጥቂት ከጠጣው ሰው መካከል ማነው በቶሎ ሊነቃ የሚችለው ብለን ብንመለከት ጥቂት የጠጣው በቶሎ ነገሮችን ማስተዋል ወደ አእምሮው መመለስ እንደሚችል እናስተውላለን፡፡

በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤  1ኛ የጴጥሮስ መልእክት 5፡8

  1. ስጋ ፍላጎቱ እንዲገደብ ያደርጋል

ስጋ በሰጠነው መጠን ሌላ ይጠይቃል፡፡ ስጋ ባሟላልነት መጠን የሚቀጥለውን ይጠይቃል፡፡ ነገር ግን ፆም ስንይዝ ስጋ በምግብ ጥያቄ ብቻ ላይ እንዲቆም እንገድበዋለን፡፡

ይህ እንደ ገዛ ፈቃድህ በማምለክና በትሕትና ሥጋንም በመጨቆን ጥበብ ያለው ይመስላል፥ ነገር ግን ሥጋ ያለ ልክ እንዳይጠግብ ለመከልከል ምንም አይጠቅምም። ወደ ቆላስይስ ሰዎች 2፡23

  1. ፆም የስጋችንን ድምፅ በመቀነስ የመንፈስን ድምፅ እንድንሰማ ይረዳናል

ፆም የስጋን ድምፅ በመቀነስ የመንፈስ ድምፅ እንዲያይል ለማድረግ ይጠቅማል፡፡

እግዚአብሄር በመንፈሳችን አማካኝነት ሁልጊዜ ፈቃዱን ይናገራል፡፡ የመንፈስን ድምፅ ለመስማይት የሚያስፈልገውን ነገር ማድረግ ያለብን እኛ ነን፡፡ ስጋውን እንደፈለገ የሚመግበው ሰው የመንፈስን ድምፅ ለመስማት ይቸግረዋል፡፡ በፆም የስጋውን ድምፅ የሚያዳክም ሰው ግን የመንፈስን ድምፅ በጥራት መስማት ይችላል፡፡

እንግዲያስ እንንቃ በመጠንም እንኑር እንጂ እንደ ሌሎች አናንቀላፋ። 1ኛ ወደ ተሰሎንቄ ሰዎች 5፡6

በፀሎት እግዚአብሄርን ይበልጥ መስማት የምንችለው ስንፆም ነው፡፡

ትጸልዩም ዘንድ በመጠን ኑሩ፤ 1ኛ የጴጥሮስ መልእክት 4፡8

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #ፆም #ፀሎት #ስጋ #መንፈስ #ነፍስ #እምነት #ሃሳብ #ጥበብ #ማስተዋል #አምልኮ #መስማት #ጥበብ #አማርኛ #ስብከት #መዳን #መፅሃፍቅዱስ  #እምነት #ቃል  #ማደስ #አቢይ #አቢይዋቁማ #አቢይዋቁማዲንሳ

እግዚአብሔር ይችል ነበር ስላልፈለገ ነው

እግዚአብሔር ይችል ነበር ስላልፈለገ ነው

የጥበብ የወርቅ አንኳር

gold+nugget+earrings-7.jpg

በህይወት ያለን ጉልበት ለመከናወን በቂ ነው፡፡ ብዙ ጊዜ የሃይል ጉድለት የለብንም፡፡ ብዙ ጊዜ ያለብን ጉድለት ሃይላችንን በምን ላይ እናውለው የሚለው ጥያቄ ነው፡፡ ምንም ሃያል ብንሆን ያለንን ሃይል በተሳሳተ ቦታ ላይ ካዋልነው ውጤት አናገኝም፡፡

ለመኖር ብዙ ነገር አያስፈልግም፡፡ ለመኖር የሚያስፈልገው ጥቂትና አንድ ነገር ነው፡፡ በብዙ ነገሮች መካከል ጥቂቱንና አንዱን ነገር ለመለየት ጥበብ ይጠይቃል፡፡

የሚያስፈልገው ግን ጥቂት ወይም አንድ ነገር ነው፤ ማርያምም መልካም ዕድልን መርጣለች ከእርስዋም አይወሰድባትም አላት። የሉቃስ ወንጌል 10፡42

ቅድሚያ የሚሰጠውንና የማይሰጠውን ነገር መለየት ጥበብ ነው

በህይወታችን ቅድሚያ እንዲሰጣቸው የሚጠይቁ ብዙ ነገሮች አሉ፡፡ ሰው ለጁሉም ነገር ቅድሚያ መስጠት አይችልም፡፡ ሰው በህይወት ዘመኑ ቅድሚያ በሚሰጣቸውና ቅድሚያ በማይሰጣቸው ነገሮች መለየት ካልቻለ ስኬታማ አይሆንም፡፡

ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። የማቴዎስ ወንጌል 6፡33

ጥበብ የሚተኮርበት ላይ ማተኮር የማይተኮርበትን ማለፍ ነው

ሰው ውስን ነው፡፡ ሰው የተፈጠረው ለሁሉም ነገር አይደለም፡፡ ሰው የተፈጠረው ለተለየ አላማ ብቻ ነው፡፡ ሰው ያለው ስጦታ ለህይወት አላማው ብቻ የሚበቃ ነው፡፡ ሰው በአንድ ጎዜ ብዙ ነገር ላይ ማተኮር አይችልም፡፡ ውጤት የሚመጣው በትኩረት ስራ ነው፡፡ ውጤት የሚመጣው በአንድ ነገር ላይ ብቻ በማተኮርና በትጋት በመስራት ነው፡፡ ሰው በአንድ ጊዜ ብዙ ነገር ላይ ሊያተኩር ከሞከረ ምንም ነገር ላይ ማተኮር አይችልም፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና።ወደ ዕብራውያን 12፡1-2

ጥበብ በሚፈልገውና በሚያስፈልገው መካከል መለየት ጥበብ ነው

የሰው ፍላጎት አያልቅም፡፡ ሰው ፍላጎቱን ሁሉ ከተከተለ በህይወቱ ተቅበዝባዥ ይሆናል፡፡ ሰው ፍላጎቱን ሁሉ ከተከተለ ህይወቱን በከንቱ ያባክናል፡፡ ሰው በህይወት ዘመኑ በሚያስፈልገውና እንዲሁ በሚፈልገው ነገር መካከል መለየት ካልቻለ ውጤታማ አይሆንም፡፡

ኑሮዬ ይበቃኛል ለሚለው ግን እግዚአብሔርን መምሰል እጅግ ማትረፊያ ነው፤ ወደ ዓለም ምንም እንኳ አላመጣንምና፥ አንዳችንም ልንወስድ አይቻለንም፤ ምግብና ልብስ ከኖረን ግን፥ እርሱ ይበቃናል። 1ኛ ወደ ጢሞቴዎስ 6፡6-8

ጥበብ ዛሬ ብቻ እንዳለን መረዳት ነው

ጥበብ ያለፈውን ለመለወጥ ያለመሞከር ብልሃት ነው፡፡ እግዚአብሔር ዘመንንን ከፋፍሎ የሰራው ስራችን በዘመን መካከል እንዲከፋፈልና እንዲቀል አስቦ ነው፡፡ ሰው የነገውን ዛሬ አምጥቶ ለመስራት መሞከሩ የጥበበ ጉድለት ነው፡፡  ጥበብ የዛሬውን ሰርቶ ለነገ አለመጨነቅና የነገን ለነገ የመተው ብልጠት ነው፡፡

ነገ ለራሱ ይጨነቃልና ለነገ አትጨነቁ፤ ለቀኑ ክፋቱ ይበቃዋል። የማቴዎስ ወንጌል 6፡34

ጥበብ የማይታየውን ማየት የሚየታየውን አለማየት ነው

ጥበብ የማይታየውን የእግዚአብሔን ፈቃድ ማየትና በዚያ ያል ማተኮር በአንይን የሚያታየውን ነገር ላየ አለማተኮት ነው፡ሸ ጥበ በአይን በማይታየው የእግዚአብሔ መንግስት ፈቃድ ላይ ማተኮር በአይን በሚታየው በሁኔታ ላይ አለማተኮት ነው፡፡ ጥበብ በእግዚአብሔር ቃል በተገለጠው በእግዚአብሔር ፈቃድ ላይ ማተኮር ከእግዚአብሔር ቃል በተቃራኒር በሚናገረው በሁኔታዎች ላይ አለማተኮት ነው፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው። 2ኛ ወደ ቆሮንቶስ ሰዎች 4፡17-18

ጥበብ ጉልበትን በምን ላይ ማፍሰስ እንዳለብን መረዳት ነው

ጥበብ በጭንቀት ላይ የሚፈሰውን ጉልበት መልሶ በፀሎት ላይ ማፈስስ ነው፡፡ ጭንቀት እንድንጨነቅ ስንፈተን ያንን ለጭንቀት የምናውለውን ጉልበት በፀሎት ላይ ማዋል ውጤትን እንድናገኝ ያደርጋል፡፡

ጌታ ቅርብ ነው። በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ። ወደ ፊልጵስዩስ ሰዎች 4፡6

ጥበብ ክፉ ነገርን በማሰቢያ ጉልበት ፋንታ የእግዚአብሔርሔርን ቃል የማስላሰል ብልሃት ነው

ጥበብ በእግዚአብሔር ቃል አእምሮን መሙላት ነው፡፡ ጥበብ አእምሮን በእግዚአብሔር ቃል ሳይሞሉ ክፉ ነገርን ላለማሰብ መታገል ሳይሆን የእግዚአብሔርን ቃል በማሰላለስ ክፉ ሃሳብ ቦታን ማሳጣት ነው፡፡

እንደ ሥጋ ፈቃድ የሚኖሩ የሥጋን ነገር ያስባሉና፥ እንደ መንፈስ ፈቃድ የሚኖሩ ግን የመንፈስን ነገር ያስባሉ። ስለ ሥጋ ማሰብ ሞት ነውና፥ ስለ መንፈስ ማሰብ ግን ሕይወትና ሰላም ነው። ስለ ሥጋ ማሰብ በእግዚአብሔር ዘንድ ጥል ነውና፤ ለእግዚአብሔር ሕግ አይገዛምና፥ መገዛትም ተስኖታል፤ ወደ ሮሜ ሰዎች 8፡5-7

ጥበብ የዘመናችን ቁጥር ጥቂት መሆኑን መረዳት ነው

ጥበብ ያለንን ጊዜ ባወቅና በጊዜያችን መጠቀምን ያስችላል፡፡ ሰው ለዘላለም በምድር ላይ ለዘላለም እንደሚኖር እያሰበ ከኖረ ይሳሳታል፡፡ በምድር ላይ የምንኖረው ኑሮ አጭር መሆኑንና ይህ አጭር የምድር ቆይታን እንዴት እንዳሳለፍነው እንደምንጠየቅ ማወቅ ጥበብ ነው፡፡

አቤቱ፥ ፍጻሜዬን አስታውቀኝ፥ የዘመኔ ቍጥሮች ምን ያህል እንደ ሆኑ፥ እኔ ምን ያህል ወደ ኋላ እንደምቀር አውቅ ዘንድ። መዝሙረ ዳዊት 39፡4

ጥበብ ማድረግ የምንችለውንና ማድረግ የማንችለውን መለየት ነው፡፡

ሰው ማድረግ የሚችለው ነገር አለ፡፡ ሰው ማድረግ የማይችለው ነገር አለ፡፡ ሰው ለእግዚአብሔር የሚሰራው ነገር አለ፡፡ እግዚአብሔር ለሰው የሚሰራው ነገር አለ፡፡ ማድረግ የምንችለውንና ማድረግ የማንችለውን መለየት ጥበብ ነው፡፡ ሰው ማድረግ የሚችለውን ነገር አድርጎ ማድረግ የማይችለውን ነገር ለማድረግ አለመሞከር ጥበብ ነው፡፡ ሰው ማድረግ ያለበትን ነገር አድርጎ ማድረግ ስለማይችለው ነገር በእግዚአብሄር ላይ መደገፍ እነ ራሰን መስጠት ጥበብ ነው፡፡

ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር። የሉቃስ ወንጌል 22፡42

ጥበብ የሆነውንና ያልሆነውን ማወቅ ነው

የተፈጠርንበትን አላማ የተጠራንበትን ጥሪና የተሰጠንን ስጦታ ማወቅ ወሳኝ እንደመሆኑ መጠን እንዲሁ ያልተፈጠርንበትን አላማ ያልተጠራንበትን ነገር ያለተሰጠንን ስጦታ ማወቅ ያሳርፋል፡፡ የሆነውን ነገር መረዳት ያልሆነውን ነገር እንድንረዳ እና የሆነውን ነገር እንድናደርገው ባለሆነው ነገር ውስጥ ባለመግባት ለሆኑት ሰዎች ስጦታው ላላቸው ሰዎች ስፍራን መልቀቅን ያስተምረናል፡፡

ከሕዝቡም አንድ ሰው፦ መምህር ሆይ፥ ርስቱን ከእኔ ጋር እንዲካፈል ለወንድሜ ንገረው አለው። እርሱም፦ አንተ ሰው፥ ፈራጅና አካፋይ በላያችሁ አንድሆን ማን ሾመኝ? አለው። የሉቃስ ወንጌል 12፡13-14

ጥበብ መቼ እሺ እንደምንልና መቼ እንቢ እንደምንል ማወቅ ነው

ጥበብ እሺ ማለትን ብቻ ሳይሆን እንቢ ማለትን ይጠይቃል፡፡ ለሁሉም ነገር እሺ የምንልን ከሆንን ልካችንን አናውቅም ማለት ነው፡፡

ጥበብ ሃጢያትን ላለማድረግ መታገል ሳይሆን ፅድቅን በማድረግ ጉልበትን ማፍሰስ ነው

ሰው ያለውን ጉልበት ሃጢያትን ለማድረግ በመታገል ላይ ቢያውለው ምንም አይጠቅመውም፡፡ ሰው ያለውን ጉልበት ፅድቅ በማድረግ ላይ ቢያፈሰው ሃጢያትን አለማድረግ ይችላል፡፡ ሰው ያለውን ጉልበት ሃጢያትን ላለማድረግ በመታገል ላይ ከማዋል ይልቅ ፅድቅ በማድረግ ላይ ቢያውለው ሃጢያትም አያደርግም ፅድቅንም ያደርጋል፡፡

ብልቶቻችሁንም የዓመፃ የጦር ዕቃ አድርጋችሁ ለኃጢአት አታቅርቡ፥ ነገር ግን ከሙታን ተለይታችሁ በሕይወት እንደምትኖሩ ራሳችሁን ለእግዚአብሔር አቅርቡ፥ ብልቶቻችሁንም የጽድቅ የጦር ዕቃ አድርጋችሁ ለእግዚአብሔር አቅርቡ። ወደ ሮሜ ሰዎች 6፡13

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ሃሳብ #ጥበብ #ማስተዋል #ተግሳፅ #ዘለፋ #ጥበብ #አማርኛ #ስብከት #መዳን #መፅሃፍቅዱስ  #እምነት #ቃል  #ማደስ #አቢይ #አቢይዋቁማ #አቢይዋቁማዲንሳ

ሰው መኖር የሚጀምረው

9-newresearchs.jpg

እርሱም መልሶ፦ ሰው ከእግዚአብሔር አፍ በሚወጣ ቃል ሁሉ እንጂ በእንጀራ ብቻ አይኖርም ተብሎ ተጽፎአል አለው። የማቴዎስ ወንጌል 4፡4

ሰው የተፈጠረው በእግዚአብሄር ምልክና አምሳል ነው፡፡ ሰው የተፈጠረው በእግዚአብሄር ቤተሰብ ውስጥ ነው፡፡ ሰው የተፈጠረው ለእግዚአብሄር ክብር ነው፡፡ ሰው የተፈጠረው በእግዚአብሄር ክብር ነው፡፡

እንስሳት በእግዚአብሄር መልክና አምሳል ስላልተፈጠሩ በምግብ ብቻ ሊኖሩ ይችላሉ፡፡ እንስሳት በእግዚአብሄር እንስሳት ሰው እንደ እንስሳት በምግብ ብቻ መኖር አይችልም፡፡ ሰው ለመኖር ከምግብ ያለፈ ነገር ያስፈልገዋል፡፡ ሰው የተፈጠረበትን አላማ ግቡን እንዲመታ ከምግብ ከፍ ያለ ነገር ይጠይቃል፡፡

የእግዚአብሄርን ቃል መቀበል ያቆመውን አዳምን እግዚአብሄር ያለው ሞትን ትሞታለህ ነው፡፡ በእግዚአብሄር እይታ የእግዚአብሄርን ቃል በታዘዘ ቀን አዳም ህይወትን መኖር አቁሟል፡፡ የእግዚአብሄርን ቃል በጣለ ቀን አዳም በስጋ ይኑር እንጂ በመንፈስ ከህይወት ምንጭ ከእግዚአብሄር ጋር ተለያይቷል፡፡

ሰው የእግዚአብሄር ቃል ከማግኘቱ በፊት የሚኖረውን ኑሮ እግዚአብሄር ኑሮ አይለውም፡፡ ሰው የእግዚአብሄርን ቃል ከመታዘዙ በፊት የሚኖረው ኑሮ የት ኑሮ እንጂ ህይወት አይደለም፡፡

በበደላችሁና በኃጢአታችሁ ሙታን ነበራችሁ፤ በእነርሱም፥ በዚህ ዓለም እንዳለው ኑሮ፥ በማይታዘዙትም ልጆች ላይ አሁን ለሚሠራው መንፈስ አለቃ እንደ ሆነው በአየር ላይ ሥልጣን እንዳለው አለቃ ፈቃድ፥ በፊት ተመላለሳችሁባቸው። በእነዚህም ልጆች መካከል እኛ ሁላችን ደግሞ፥ የሥጋችንንና የልቡናችንን ፈቃድ እያደረግን፥ በሥጋችን ምኞት በፊት እንኖር ነበርን እንደ ሌሎቹም ደግሞ ከፍጥረታችን የቁጣ ልጆች ነበርን። ወደ ኤፌሶን ሰዎች 2፡1-3

ሰው የእግዚአብሄርን ቃል ከመቀበሉ በፊት የሚኖረው ኑሮ የቁጣ የመርገም ህይወት ነው፡፡

በልጁ የሚያምን የዘላለም ሕይወት አለው፤ በልጁ የማያምን ግን የእግዚአብሔር ቍጣ በእርሱ ላይ ይኖራል እንጂ ሕይወትን አያይም። የዮሐንስ ወንጌል 3፡36

ኢየሱስ ወደ ምድር የመጣው እግዚአብሄር ቃል በኩል ህይወት እንዲሆነን እንዲበዛልን ነው፡፡

እኔ ሕይወት እንዲሆንላቸው እንዲበዛላቸውም መጣሁ። የዮሐንስ ወንጌል 10፡10

ሰው ህይወትን የሚጀምረው የእግዚአብሄን ቃል መቀበል ሲጀምር በነው፡፡ ሰው ህይወቱ የሚበዛው የእግዚአብሄር ቃል በህይወቱ ሲበዛ ነው፡፡ ሰው ህይወትን በሙላት የሚኖረው የእግዚአብሄር ቃል በሙላት ሲኖርበት ነው፡፡

የእግዚአብሔር ቃል በሙላት ይኑርባችሁ፤ በጥበብ ሁሉ እርስ በርሳችሁ አስተምሩና ገሥጹ፤ በመዝሙርና በዝማሬ በመንፈሳዊም ቅኔ በጸጋው በልባችሁ ለእግዚአብሔር ዘምሩ፤ ወደ ቆላስይስ ሰዎች 3፡16

ሰው እግዚአብሄር ወዳየለት የህይወት የክብር ደረጃ ሙሉ ለሙሉ የሚገባው ከእግዚአብሄር አፍ በሚወጣው በእያንዳንዱ ቃል ነው፡፡

እርሱም መልሶ፦ ሰው ከእግዚአብሔር አፍ በሚወጣ ቃል ሁሉ እንጂ በእንጀራ ብቻ አይኖርም ተብሎ ተጽፎአል አለው። የማቴዎስ ወንጌል 4፡4

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍሬያማነት #ፍሬ #ማፍራት #ስኬት #በእኔኑሩ #ቃል #ህይወት #ሙላት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መመዘኛ #መስፈርት #ፅናት #ትግስት #መሪ

ከፊተኛው ይልቅ የዚህ የሁለተኛው ቤት ክብር ይበልጣል

your will11.jpg

ከፊተኛው ይልቅ የዚህ የሁለተኛው ቤት ክብር ይበልጣል፥ ይላል የሠራዊት ጌታ እግዚአብሔር፤ በዚህም ስፍራ ሰላምን እሰጣለሁ፥ ይላል የሠራዊት ጌታ እግዚአብሔር፡፡ ትንቢተ ሐጌ 2፡9

በህይወታችን ፈልገን ያጣናቸውን ነገሮች ስናይ እናዝናለን፡፡ በህይወታችን ጠብቀን ያላገኘነውን ነገር ስናስብ ልባችን ይወድቃል፡፡ በህይወታችን ይዘን ያጣነውንም ነገር ስናስብ እንደገና ደስታን አገኝ ይሆን ብለን እናስባለን፡፡

ምክንተያቱን ሲናገር ብሩ የእኔ ው ወርቁ የእኔ ነው፡፡ የመጀመሪያውን ክብር የሰጠሁት እኔ ነኝ የሁለተኛውን ክብር የምሰጠው እኔ ነኝ፡፡

ብሩ የእኔ ነው፥ ወርቁም የእኔ ነው፥ ይላል የሠራዊት ጌታ እግዚአብሔር፡፡ትንቢተ ሐጌ 2፡8

ነገሮች ይመጣሉ ይሄዳሉ፡፡ ነገሮች ይለወጣሉ የመልካምነት ምንጭ እግዚአብሄር ግን አይለወጥም፡፡

እኔ እግዚአብሔር አልለወጥም፤ እናንተ የያዕቆብ ልጆች ሆይ፥ ስለዚህ የጠፋችሁ አይደላችሁም። ትንቢተ ሚልክያስ 3፡6

እግዚአብሄር በራሱ በእግዚአብሄር በሰጭው ላይ እንጂ በስጦታው ላይ እንድንደገፍ አይደፈልግም፡፡

ሲጀመር እግዚአብሄር ለከፍታ እንጂ ለውድቀት አልጠራንም፡፡ የእኛ ከፍታ የእግዚአብሄር ፈቃድ ነው፡፡

የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። መጽሐፈ ምሳሌ 4፡18

እግዚአብሄር ለተሻለ እንጂ ላነሰ ነገር አልጠራንም፡፡

ዛሬም ያዘዝሁህን የአምላክህን የእግዚአብሔርን ትእዛዝ ሰምተህ ብትጠብቃት ብታደርጋትም፥ ዛሬም ካዘዝሁህ ከእነዚህ ቃሎች ወደ ቀኝ ወደ ግራም ፈቀቅ ባትል፥ ታመልካቸውም ዘንድ ሌሎችን አማልክት ባትከተል፥ እግዚአብሔር ራስ ያደርግሃል እንጂ ጅራት አያደርግህም፤ ሁልጊዜም በላይ እንጂ በታች አትሆንም። ኦሪት ዘዳግም 28፡13-14

ነገር ግን ካነሰው ተራራ ላይ ካልወረድክ ታላቁ ተራራ ላይ መውጣት አትችልም፡፡ ከታናሹ ተራራ ወደ ታላቁ ተራራ ለመዝለል መሞከር የእግዚአብሄርን አሰራር አለመረዳት ነው፡፡

ያጣነው ነገር ካለ ለተሻለው ቦታ ሊለቅ እንጂ ልንከስር አይደለም፡፡ የለቀቅነው የተሻለ ነገር ልንይዝ እየተዘጋጀን እንጂ ባዶ እጃችንን ልንቀር አይደለም፡፡ የኋላችንን የምንረሳው ለሚመጣው ለወደፊቱ ከፍ ላለው ስፍራ እንዲለቅ እንጂ ልናንስ አይደለም፡፡ የተውነው ይበልጥ ልንበለፅግ እንጂ ልናነሰ አይደለም፡፡

ወንድሞች ሆይ፥ እኔ ገና እንዳልያዝሁት እቈጥራለሁ፤ ነገር ግን አንድ ነገር አደርጋለሁ፤ በኋላዬ ያለውን እየረሳሁ በፊቴ ያለውን ለመያዝ እዘረጋለሁ፥ ወደ ፊልጵስዩስ ሰዎች 3፡13

እግዚአብሄር የተሻለውን እንደሚከፍት ሁሉ ያነሰውን እንደሚዘጋ መረዳት አለብን፡፡

በፊልድልፍያም ወዳለው ወደ ቤተ ክርስቲያን መልአክ እንዲህ ብለህ ጻፍ፦ የዳዊት መክፈቻ ያለው፤ የሚከፍት፥ የሚዘጋም የሌለ፤ የሚዘጋ፥ የሚከፍትም የሌለ፤ ቅዱስና እውነተኛ የሆነው እርሱ እንዲህ ይላል። የዮሐንስ ራእይ 3፡7

የተዘጋ በር ካለ የተሻለው ሊከፈት እንጂ ተዘግቶ ሊቀር አይደለም፡፡

ሥራህን አውቃለሁ፤ እነሆ፥ በአንተ ፊት የተከፈተ በር ሰጥቼአለሁ ማንምም ሊዘጋው አይችልም፤ የዮሐንስ ራእይ 3፡8

እኛም ሁላችን በመጋረጃ በማይከደን ፊት የጌታን ክብር እንደ መስተዋት እያብለጨለጭን መንፈስ ከሚሆን ጌታ እንደሚደረግ ያን መልክ እንመስል ዘንድ ከክብር ወደ ክብር እንለወጣለን። 2ኛ ወደ ቆሮንቶስ ሰዎች 3፡18

ባጣው ነገር የሚያዝንና የሚፀጸፀት ሰው የኋለኛውን ክብር ያልተረዳ ሰው ነው፡፡

ከፊተኛው ይልቅ የዚህ የሁለተኛው ቤት ክብር ይበልጣል፥ ይላል የሠራዊት ጌታ እግዚአብሔር፤ በዚህም ስፍራ ሰላምን እሰጣለሁ፥ ይላል የሠራዊት ጌታ እግዚአብሔር፡፡ ትንቢተ ሐጌ 2፡9

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #ጻድቃን #የታመነ #ፊተኛ #ሁለተኛ #ኋለኛ #ክብር #ይበልጣል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ጥቂትበጥቂት #ሙሉቀን #እየተጨመረ #በረከት #ትግስት #መሪ

የድንኳንሽን ስፍራ አስፊ፥ ይዘርጉ፤ አትቈጥቢ፤ አስረዝሚ

your will11.jpg

ብዙ ጊዜ በህይወታችን ከደረሰብን ውጣ ውረድ አንፃር ራሳችንን መወሰን ይቀለናል፡፡ ፍፁም ባይሆንም ባለንበት የምቾት ቀጠና መኖርና መሞት እንፈልጋለን፡፡ እግዚአብሄር የተሻለ ነገር እንዳለው ልባችን እያወቀው ነገር ግን ጥሩ ላለመዘርጋትና ላለመውረስ ምክኒያት ያገኘን መስሎን እንታለላለን፡፡

እግዚአብሄር ግን ራሳችንን የወሰንነበትን ውስንነት በየጊዜው እንድንጥስ ይፈልጋል፡፡ እግዚአብሄር ራሳችንን ከመጠንንበት መጠን አልፈን እግዚአብሄር ወደአየልን እንድንሻገር ይፈልጋል፡፡ እግዚአብሄር ሰዎች ከወሰኑልን ገደብ ጥሰን እንድንወጣ ይፈልጋል፡፡ እግዚአብሄር ግን ሁኔታው ከወሰነን ወሰን አልፈን እንድሄድ ይፈልጋል፡፡ ከእርሱ ቃል ውጭ ምንም አይነት ገደብ በህይወታችን እንዲኖር እግዚአብሄር አይፈልግልም፡፡ የእኛ ገደብ እግዚአብሄር የተናገረው ቃል ብቻ እንዲሆን እግዚአብሄር ይፈልጋል፡፡

የድንኳንሽን ስፍራ አስፊ፥ መጋረጃዎችሽንም ይዘርጉ፤ አትቈጥቢ፤ አውታሮችሽን አስረዝሚ ካስሞችሽንም አጽኚ። በቀኝና በግራ ትሰፋፊያለሽና፥ ዘርሽም አሕዛብን ይወርሳልና፥ የፈረሱትንም ከተሞች መኖሪያ ያደርጋልና። ትንቢተ ኢሳይያስ 54፡2-3

በመጀመሪያ ደረጃ ለእግዚአብሄር ሁሉ ቻይነት እውቅና እንድንሰጥ እግዚአብሄር ይፈልጋል፡፡ እግዚአብሄር እንድናመሰግነው  ይፈልጋል፡፡ እግዚአብሄር በእርሱ ደስ እንድንሰኝ ይፈልጋል፡፡

አንቺ ያልወለድሽ መካን ሆይ፥ ዘምሪ፤ አንቺ ያላማጥሽ ሆይ፥ እልል በዪ፥ ጩኺም፤ ባል ካላት ይልቅ ፈት የሆነቺቱ ልጆች በዝተዋልና፥ ይላል እግዚአብሔር፡፡ ትንቢተ ኢሳይያስ 54፡1

ውስንነት የሚመጣው እምነት እስኪመጣ ድረስ ብቻ ነው፡፡ እምነት ከመጣ ውስንነት ቦታውን ይለቃል፡፡ እግዚአብሄር የማይቻለውን እንደሚያደርግ ልናምን ይገባል፡፡ የሚያምንመ በምንም አይወሰንም፡፡ ለሚያምን ሁሉ ይቻለዋል፡፡

የኃያላንን ቀስት ሰብሮአል፥ ደካሞችንም በኃይል ታጥቀዋል። ጠግበው የነበሩ እንጀራ አጡ፤ ተርበው የነበሩ ከራብ ዐርፈዋል፤ መካኒቱ ሰባት ወልዳለችና፥ ብዙም የወለደችው ደክማለች። መጽሐፈ ሳሙኤል ቀዳማዊ 2፡4-5

ለእግዚአብሄር ሁሉ ይቻለዋል፡፡ እግዚአብሄር ከእኛ ጋር ሊሰራ ሲፈልግ እግዚአብሄርን አንወስነው፡፡

እግዚአብሔር ድሀ ያደርጋል፥ ባለጠጋም ያደርጋል፤ ያዋርዳል፥ ደግሞም ከፍ ከፍ ያደርጋል። ከሕዝቡ መኳንንት ጋር ያስቀምጣቸው ዘንድ፥ የክብርንም ዙፋን ያወርሳቸው ዘንድ፥ ችግረኛውን ከመሬት ያስነሣል፥ ምስኪኑንም ከጉድፍ ያስነሣል፤ የምድር መሠረቶች የእግዚአብሔር ናቸውና፥ በእነርሱ ላይም ዓለምን አደረገ። መጽሐፈ ሳሙኤል ቀዳማዊ 2፡7-8

ከቃሉ እግዚአብሄር እንደሚያይ እያየን ውስንነታችንን አስወግደን ከእግዚአብሄር ጋር ታላላቅ ነገሮችን ለመስራት እንነሳ፡፡

የድንኳንሽን ስፍራ አስፊ፥ መጋረጃዎችሽንም ይዘርጉ፤ አትቈጥቢ፤ አውታሮችሽን አስረዝሚ ካስሞችሽንም አጽኚ። በቀኝና በግራ ትሰፋፊያለሽና፥ ዘርሽም አሕዛብን ይወርሳልና፥ የፈረሱትንም ከተሞች መኖሪያ ያደርጋልና። ትንቢተ ኢሳይያስ 54፡2-3

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #አስፊ #ይዘርጉ #አትቆጥቢ #አስረዝሚ #አፅኚ #ትሰፋፊያለሽ #ይወርሳል #ቤተክርስትያን #አማርኛ #ማየት #መርገጥ #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መቃተት #መንበርከክ #መጠበቅ #ትግስት #መሪ

በንጹሕም ልብ ጌታን ከሚጠሩ ጋር

16927921_303.jpg

በንጹሕም ልብ ጌታን ከሚጠሩ ጋር ጽድቅን እምነትን ፍቅርን ሰላምን አጥብቀህ ተከተል። 2ኛ ወደ ጢሞቴዎስ 2፡22

አካባቢያችንን ስናይና የክፋትን መብዛት ስንመለከት ተስፋ ለመቁረጥ እንፈተናለን፡፡

ነገር ግን ትክክለኛው ነገር እንዳለ ሁሉ ማስመሰያው ነገር እንዳለ መዘንጋት የለብንም፡፡ ማስመሰያው የመኖሩ ምልክቱ ትክክለኛው ነገር እንዳለ ነው፡፡ ንፁህ ባልሆነ ልብ የእግዚአብሔርን ስም የሚጠሩ እንዳሉ ሁሉ በንፁህ ልብ የእግዚአብሄር ስም የሚጠሩ ሰዎች ደግሞ አሉ፡፡

ሰይጣን ሊያሳምነን የሚፈልገው በንጹህ ልብ የእግዚአብሄርን ስም የሚጠሩ ሰዎች እንደሌሉና ሁሉም ስው እንደተባለሸ ንፁህ እንዳልሆነ ነው፡፡ ይህ ግን የሰይጣን ማታለል ነው፡፡ በዚህ ዘመን በንፁህ ልብ የእግዚአብሔርን ስም የሚጠራ ሰው የለም የሚለው አባባል እኛን ከንፁህ ልብ ሊያወጣን የሚመጣ የሰይጣን ውሸት ነው፡፡

እኛ ብቻ ብቻችንን እንደቀረን የሚሰማን ስሜት በሁሉም እግዚአብሔርን በንፁህ ልብ በሚከተል ላይ የሚመጣ ፈተና ነው፡፡

እርሱም፦ ለሠራዊት አምላክ ለእግዚአብሔር እጅግ ቀንቻለሁ፤ የእስራኤል ልጆች ቃል ኪዳንህን ትተዋልና፥ መሠዊያዎችህንም አፍርሰዋልና፥ ነቢያትህንም በሰይፍ ገድለዋልና እኔም ብቻዬን ቀርቻለሁ፤ ነፍሴንም ሊወስዱአት ይሻሉ አለ። መጽሐፈ ነገሥት ቀዳማዊ 19፡10

እኔ ብቻ ቀረሁ ላለው ለኤልያስ የእግዚአብሄር አምላካዊ መልስ አንተ ብቻ አይደለህም ለጣኦት ያልሰገዱ ብዙዎች አሉኝ የሚል ነው፡፡ እግዚአብሄር በየዘመናቱ ቅሬታ አሉት፡፡

እኔም ከእስራኤል ጕልበታቸውን ለበኣል ያላንበረከኩትን ሁሉ፥ በአፋቸውም ያልሳሙትን ሁሉ፥ ሰባት ሺህ ሰዎች ለእኔ አስቀራለሁ። መጽሐፈ ነገሥት ቀዳማዊ 19፡18

የክርስቶስን ሳይሆን የራሳቸውን የሚፈልጉ ሰዎች እንዳሉ ሁሉ በቅንነት ስለ እግዚአብሄር መንግስት ስለቤተክርስትያን ስለእግዚአብሄር  ህዝብ የሚጨነቁ ሰዎች አሉ፡፡

እንደ እርሱ ያለ፥ ስለ ኑሮአችሁ በቅንነት የሚጨነቅ፥ ማንም የለኝምና፤ ሁሉ የራሳቸውን ይፈልጋሉና፥ የክርስቶስ ኢየሱስን አይደለም። ወደ ፊልጵስዩስ ሰዎች 2፡20-21

በንጹሕም ልብ ጌታን ከሚጠሩ ጋር ጽድቅን እምነትን ፍቅርን ሰላምን አጥብቀህ ተከተል። 2ኛ ወደ ጢሞቴዎስ 2፡22

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #የማይቻል #ይቻላል #ለእግዚአብሔርቀላልነው #ቅንነት #ንፁህልብ #ጽድቅን #ፍቅርን #እምነትን #ንጹህ  #አማርኛ #ስብከት #መዳን #መፅሃፍቅዱስ #ልብ #እምነት #ቃል #ማሰላሰል #ማድረግ #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የማይቻል ነገር በማድረግ የተካነ

http-www.carlmassy.com-blog-5-ways-to-make-the-impossible-possible-500x333.jpg

አምላካችን እግዚአብሔር ታላቅ አምላክ ነው፡፡ እግዚአብሔር ሰማይንና ምድርን የፈጠረ አምላክ ነው፡፡ እግዚአብሔር የሚታየውን ነገር ሁሉ ከማይታይ አለም የፈጠረ ታላቅ አምላክ ነው፡፡

እግዚአብሔር ለታላቅነቱ ፍፃሜ የለውም፡፡

እግዚአብሔር ታላቅ ነው እጅግም የተመሰገነ ነው፤ ለታላቅነቱም ፍጻሜ የለውም። መዝሙረ ዳዊት 145፡3

እግዚአብሔር የፈጠረን በግኡዙ አለም ስለሆነ እኛ የእግዚአብሔርን ነገር የምንረዳው በእምነት ብቻ ነው፡፡ እኛ የእግዚአብሔርን ስራ የምናውቀው በእምነት ብቻ ነው፡፡

እግዚአብሔር ይችላል ያደርጋል ብለን በቃሉ ካመንነው እግዚአብሔር ማድረግ የማይችለው ነገር የለም፡፡

እርሱ ግን፦ በሰው ዘንድ የማይቻል በእግዚአብሔር ዘንድ ይቻላል አለ። የሉቃስ ወንጌል 18፡27

እግዚአብሔር ሁሉንም ማድረግ ይችላል፡፡ የእግዚአብሔርን ሃሳብ ሊከለክል የሚችል ማንም የለም፡፡

ሁሉን ታደርግ ዘንድ ቻይ እንደ ሆንህ፥ አሳብህም ይከለከል ዘንድ ከቶ እንደማይቻል አወቅሁ። መጽሐፈ ኢዮብ 42፡1

ለሰው የማይቻለው ነገር ሁሉ ለእግዚአብሔር ይቻላል፡፡ ለሰው የማይቻል ለእግዚአብሔር ይቻላል፡፡

እግዚአብሔር በምንም አይወሰንም፡፡

ለሰው የሚከብደው ለእግዚአብሔር አይከብደውም፡፡

እግዚአብሔርም እንዲህ ይላል፦ ነፋስ አታዩም፥ ዝናብም አታዩም፥ ይህ ሸለቆ ግን ውኃ ይሞላል፤ እናንተም ከብቶቻችሁም እንስሶቻችሁም ትጠጣላችሁ። ይህም በእግዚአብሔር ዓይን ቀላል ነገር ነው፤ መጽሐፈ ነገሥት ካልዕ 3:17-18

እግዚአብሔር የማይቻልን ነገር በማድረግ የታወቀ ነው፡፡ እግዚአብሔ የማይቻልን ነግር በማድረግ የተፈራ ነው፡፡ በምስጋና የተፈራ

አቤቱ፥ በአማልክት መካከል እንደ አንተ ያለ ማን ነው? በምስጋና የተፈራህ፥ ድንቅንም የምታደርግ፥ በቅድስና የከበረ እንዳንተ ያለ ማን ነው? ኦሪት ዘጸአት 15፡11

እግዚአብሔር ለሰው የማይቻል ነገር በማድረግ ክብሩን መውሰድ ይፈልጋል፡፡

ኢየሱስ ይህን የምልክቶች መጀመሪያ በገሊላ ቃና አደረገ፤ ክብሩንም ገለጠ፥ ደቀ መዛሙርቱም በእርሱ አመኑ። የዮሐንስ ወንጌል 2፡11

እግዚአብሔርን በሚወስት ሰዎች አይደሰትም፡፡ የእስራኤል ህዝብእግዚአብሔር ብዙ ነገር አድርጎላቸው ከግብፅ ከባርነት ነፃ አውጥቶዋቸው እሺ ይሁን አሁን ግን በምድረበዳ ስጋን ሊሰጠን ይችላል? ብለው እግዚአብሔርን አሙት እግዚአብሔርን ወሰኑት፡፡

ተመለሱ፥ እግዚአብሔርንም ፈተኑት፥ የእስራኤልንም ቅዱስ አሳዘኑት። እነርሱም እጁን አላሰቡም፥ ከጠላቶቻቸው እጅ ያዳነበትን ቀን፥ በግብጽ ያደረገውን ተኣምራቱን፥ በጣኔዎስም በረሃ ያደረገውን ድንቁን። መዝሙረ ዳዊት 78፡41-43

የእግዚአብሔር አሰራር ሙሉ በሙሉ ባይገባንም እንኳን እግዚአብሔር አይችልም ማለት የለብንም፡፡ እግዚአብሔር ይችላል፡፡

የማይቻለውን እንዴት እንደሚችል ስለ እግዚአብሔር ችሎታ እርግጠኛ ላልሆኑ ሰዎች የእግዚአብሔር አምላካዊ መልስ ይህ ነው፡፡

አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ትንቢተ ኢሳይያስ 40፡28

እግዚአብሔር ይችላል፡፡ እግዚአብሔርን በእምነት እንጠብቀው፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #የማይቻል #ይቻላል #ለእግዚአብሔርቀላልነው ##መናገር #አማርኛ #ስብከት #መዳን #መፅሃፍቅዱስ #ልብ #እምነት #ቃል #ማሰላሰል #ማድረግ #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

አሁንስ ተስፋዬ ማን ነው?

hopeflower-1516x900.jpg

አሁንስ ተስፋዬ ማን ነው? እግዚአብሔር አይደለምን? ትዕግሥቴም ከአንተ ዘንድ ነው። መዝሙረ ዳዊት 39፡7

ሰው ከአልጋው የሚነሳው በተስፋ ነው፡፡ ሰው ለመኖር ለመውጣት ለመግባት የሚወስነው በተስፋ ነው፡፡ ሰው እንደገና ለመኖር የማይፈራው በተስፋ ነው፡፡

ሰው በእግዚአብሄር ለልዩ አላማ ተፈጥሮአል፡፡ ሰው ለዚያ ለተፈጠረለት አላማ ለመኖር ተስፋ ያደርጋል፡፡ ሰው በውስጡ ያለውን አላማ ለማሳካት ተስፋ ያደርጋል፡፡ ሰው መድረስ የሚፈልግበት ለመድረስ ተስፋ ያደርጋል፡፡

መኖር የተስፋ ማስፈፀሚያ መንገድ እንጂ በራሱ ግብ አይደለም፡፡ ሰው ተስፋ ከሌለው ለመኖር ምንም ምክኒያት አይኖረውም፡፡ ሰው ተስፋ ካላደረገ የመኖር ምክኒያትን ያጣዋል፡፡

ሰው በሚያልፍበት መንገድ ሁሉ እርምጃን እንዳያቆም የሚጠብቀው እግዚአብሄርን ተስፋ ማድረጉ ነው፡፡ ሰው በከፍታና በዝቅታ እጁን እንዳይሰጥ የሚጠብቀው እግዚአብሄርን ተስፋ ማድረጉ ነው፡፡ ሰው መከራን የሚታገሰው በተስፋ ነው፡፡

ይህም ብቻ አይደለም፥ ነገር ግን መከራ ትዕግሥትን እንዲያደርግ፥ ትዕግሥትም ፈተናን ፈተናም ተስፋን እንዲያደርግ እያወቅን፥ በመከራችን ደግሞ እንመካለን፤ ወደ ሮሜ ሰዎች 5፡3-4

በምድር ላይ ሰዎች ተስፋ የሚያደርጉዋቸው ብዙ ነገሮች ቢኖሩም እንደ እግዚአብሄር አስተማማኝ ተስፋ የለም፡፡ ሰዎች ውስን ስለሆኑ ብዙ የማያውቁትና ብዙ ማድረግ የማይችሉት ነገር ስላለን ለሌላው ሰው የሚሰጡት ተስፋ አስተማማኝ ተስፋ አይደለም፡፡

እግዚአብሄር ሁሉን ቻይ ስለሆነ የሚሰጠው ተስፋ አስተማማኝ ተስፋ ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም።ትንቢተ ኤርምያስ 29፡11

እግዚአብሄር በእርሱ ላይ ብቻ እንጂ በሰዎች ላይ ተስፋ እንድናደርግ አይፈልግም፡፡

እስትንፋሱ በአፍንጫው ውስጥ ያለበትን ሰው ተዉት፤ እርሱ ስለ ምን ይቈጠራል? ትንቢተ ኢሳይያስ 2፡22

እስትንፋስ አፍንጫው ላይ ባለች በሰው አትታመኑ፤ ከቶ ምን የሚበጅ ነገር አለው! ትንቢተ ኢሳይያስ 2፡22 /አዲሱ መደበኛው ትርጉም/

ይልቁንስ ልአያንዳንዱ ጥያቄ መልስ ያለው ለእያንዳንዱ ችግር መውጫ መንገድ ያለው እግዚአብሄር እርሱን ብቻ ተስፋ በሚያደርጉት ይደሰታል፡፡

እግዚአብሔር በሚፈሩት፥ በምሕረቱም በሚታመኑት ይደሰታል። መዝሙረ ዳዊት 147፡11

ከእግዚአብሄር ውጭ ተስፋ ያደረግናቸው ነገሮች ይዘግይም ይፍጠንም ያሳፍሩናል፡፡

ዘመን ሲያልፍ ዘመን ሲተካ ተስፋችን በእኛ ላይ አላማው ፍቅር የሆነውን እግዚአብሄር ብቻ ነው፡፡

በእኔ ላይ ያለው ዓላማውም ፍቅር ነው። መኃልየ መኃልይ ዘሰሎሞን 2፡4

ነገሮች ሲለዋወጡ የማይለወጥ እግዚአብሄን ተስፋ እናደርጋለን፡፡

እኔ እግዚአብሔር አልለወጥም፤ እናንተ የያዕቆብ ልጆች ሆይ፥ ስለዚህ የጠፋችሁ አይደላችሁም። ትንቢተ ሚልክያስ 3፡6

ነገሮች ሲከፉ በየትኛወም አቅጣጫ ብታዩት ብታገላብጡት መልካም እንጂ ሌላ ሊሆን በማይችለው መልካምነቱ በማይለወጥው በእግዚአብሄር ላይ ብቻ ተስፋ እናርጋለን፡፡

 

በጎ ስጦታ ሁሉ ፍጹምም በረከት ሁሉ ከላይ ናቸው፥ መለወጥም በእርሱ ዘንድ ከሌለ በመዞርም የተደረገ ጥላ በእርሱ ዘንድ ከሌለ ከብርሃናት አባት ይወርዳሉ። የያዕቆብ መልእክት 1፡17

እግዚአብሄርን ብቻ ተስፋ እናደርጋለን እግዚአብሄርን ብቻ እንጠብቃለን፡፡ ከእግዚአብሄር ውጭ በምንም ነገር ላይ ተስፋ ባለማድረግ እግዚአብሄርን ብቻ በትግስት እንጠብቃለን፡፡

አሁንስ ተስፋዬ ማን ነው? እግዚአብሔር አይደለምን? ትዕግሥቴም ከአንተ ዘንድ ነው። መዝሙረ ዳዊት 39፡7

አቢይ ዋቁማ ዲንሳ  Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #መዋረድ #መከራ #ፈተና #ሞት #በሁሉ #እንገፋለን #አንጨነቅም #እናመነታለን #ተስፋአንቆርጥም #እንሰደዳለን #አንጣልም #እንወድቃለን #አንጠፋም #ህይወት #ስጋ #መፅናት #መታገስ #አማርኛ #ስብከት #መዳን #መፅሃፍቅዱስ #ብፅእና #እምነት #አንድነት #ፀጋ  #አቢይ #አቢይዋቁማ #አቢይዋቁማዲንሳ

ዋላ ወደ ውኃ ምንጭ እንደሚናፍቅ፥ አቤቱ፥ እንዲሁ ነፍሴ ወደ አንተ ትናፍቃለች። ነፍሴ ወደ ሕያው አምላክ ተጠማች፤ መቼ እደርሳለሁ? የአምላክንስ ፊት መቼ አያለሁ? መዝሙረ ዳዊት 42፡1-2

Publication2.jpg

ዋላ ወደ ውኃ ምንጭ እንደሚናፍቅ፥ አቤቱ፥ እንዲሁ ነፍሴ ወደ አንተ ትናፍቃለች። ነፍሴ ወደ ሕያው አምላክ ተጠማች፤ መቼ እደርሳለሁ? የአምላክንስ ፊት መቼ አያለሁ? መዝሙረ ዳዊት 42፡1-2

ከክርስቶስ ፍቅር ማን ይለየናል?

ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? ወደ ሮሜ ሰዎች 8፡35

ሰላም ለእናንተ ይሁን የሉቃስ ወንጌል 24፡36

ሰላም ለእናንተ ይሁን
የሉቃስ ወንጌል 24፡36

ወደሚቀጥለው የህይወት ምዕራፍ መሸጋገሪያ ጥበብ

your will11.jpg

እያንዳንዳችን ማደግ መለወጥ ወደሚቀጥለው የህይወት ምእራፍ መሸጋገር እንፈልጋለን፡፡ በህይወት ላለ ሰው ይህ ፍላጎት የጤነኛ ሰው ፍላጎት ነው፡፡

ወንድሞች ሆይ፥ እኔ ገና እንዳልያዝሁት እቈጥራለሁ፤ ነገር ግን አንድ ነገር አደርጋለሁ፤ በኋላዬ ያለውን እየረሳሁ በፊቴ ያለውን ለመያዝ እዘረጋለሁ፥ በክርስቶስ ኢየሱስ ከፍ ከፍ ያለውን የእግዚአብሔርን መጥራት ዋጋ እንዳገኝ ምልክትን እፈጥናለሁ። ወደ ፊልጵስዩስ ሰዎች 3፡13-14

ነገር ግን ወደሚቀጥለው ምእራፍ መሻገር ወደሚቀጥለው ምእራፍ ለመሻገር እንደመፈለግ ቀላል አይደለም፡፡ ወደሚቀጥለው ምእራፍ በጥንቃቄ ለመሻገር ጥበብ ይጠይቃል፡፡

ሰው በፍሬያማነት ወደ ሚቀጥለው ምእራፍ የሚሻገርበትን መጽፅሃፍ ቅዱሳዊ ጥበብ እንመልከት

  1. ለእግዚአብሄር አላማ ጊዜ አለው

እግዚአብሄር ለህይወታችን ሙሉ እቅድ አለው፡፡ እኛ በፈለግንበት ጊዜ ወደ ሚቀጥለው ምእራፍ መሸጋገር አንችልም፡፡ እግዚአብሄር የህይወት እቅዳችንን በትጋት በጊዜው እየሰራው ነው፡፡ ወደሚቀጥለው የህይወት ምእራፍ ለመሻገር ማድረግ የምንችለው ነገር ባለንበት ምእራፍ ላይ ታማኝ ሆነን የምእራፍ መለወጫውን ጊዜ መጠበቅ ብቻ ነው፡፡

ለሁሉ ዘመን አለው፥ ከሰማይ በታችም ለሆነ ነገር ሁሉ ጊዜ አለው። ለመወለድ ጊዜ አለው፥ ለመሞትም ጊዜ አለው፤ ለመትከል ጊዜ አለው፥ የተተከለውንም ለመንቀል ጊዜ አለው፤ መጽሐፈ መክብብ 3፡1

  1. ባለንበት ምእራፍ መቆየት

እግዚአብሄር ሁኔታዎችን ሁሉ እስኪመቻች ባለንበት ምእራፍ እንደመቆየት የመሰለ ቦታ የለም፡፡ እግዚአብሄር እንድትለውጥ እስካልመራህ ድረስ ስታደርግ የቆየኸውን እንደማድረግ ምቹ ቦታ የለም፡፡ እግዚአብሄር ሳይልህ እርምጃ መውሰድ ብዙ ዋጋ የሚያስከፍል እርምጃ ነው፡፡ ስለወደፊቱ የህይወት ምእራፍህ ግልፅ ካልሆነ ጊዜው አይደለም ማለት ነው፡፡ ስለሚቀጥለው የህይወት ምእራፍህ አቅጣጫ ምሪት ካጣህ ካለምሪት ከመንቀሳቀስ ይልቅ ስታደርግ የቆየኸውን እንደማድረግ አስተማማኝ ነገር የለም፡፡

በእስያም ቃሉን እንዳይናገሩ መንፈስ ቅዱስ ስለ ከለከላቸው በፍርግያና በገላትያ አገር አለፉ፤ በሚስያም አንጻር በደረሱ ጊዜ ወደ ቢታንያ ይሄዱ ዘድን ሞከሩ፥ የኢየሱስ መንፈስም አልፈቀደላቸውም፤ የሐዋርያት ሥራ 16፡6-7

  1. ባለንበት ምእራፍ መትጋት

ወደሚቀጥለው ምእራፍ የምንሻገረው እንደው ወደሚቀጥዐው ምእራፍ ለመሻገር ብለን ብቻ አይደለም፡፡ ወደሚቀጥለው ምእራፍ የምንሸጋገረው የእግዚአብሄርን አላማ በሚቀጥለው ምእራፍ ውስጥ የእግዚአብሄርን አላማ ለማስፈፀም ነው፡፡ ወደ ሚቀጥለው ምእራፍ በስኬት መሸጋገር የምንችለበት አንደኛው መንገድ ያለንበትን ምእራፍ በትጋት በመጨረስ ነው፡፡ በትጋት ካልጨረስነው ያለንበት የህይወት ምእራፍ ወደሚቀጥለው ምእራፍ አይለቀንም፡፡

ስለዚህ እኔ ከሰው ሁሉ ደም ንጹሕ እንደ ሆንሁ ዛሬ በዚች ቀን እመሰክርላችኋለሁ። የእግዚአብሔርን ምክር ሁሉ ነግሬአችኋለሁና፥ ምንም አላስቀረሁባችሁም። የሐዋርያት ሥራ 20፡26-27

ያለንበት የህይወት ደረጃ ራሱ ትልቅ ግብ ነው፡፡ ስለዚህ ወደሚቀጥለው ለመሻገር እየሰራን ስለአሁኑ እግዚአብሄርን ማመስገንና የአሁኑን ማክበር ለሚመጣው እንድንታጭ ያደርገናል፡፡

እንግዲያስ በዓመፃ ገንዘብ ካልታመናችሁ፥ እውነተኛውን ገንዘብ ማን አደራ ይሰጣችኋል? በሌላ ሰው ገንዘብ ካልታመናችሁ፥ የእናንተን ማን ይሰጣችኋል? የሉቃስ ወንጌል 16፡11-12

  1. የቆየንበትን የህይወት ምእራፍ ላይ በሩን አለመጠርቀም፡፡

የነበርንበት የህይወት ምእራፍ መርገም አይደለም፡፡ የነበርንበት የህይወት ምእራፍ ወደሚቀጥለው የህይወት ምእራፍ የማያስተላልፍ በር ነው፡፡ የነበርንበት የህይወት ምእራፍ ለሚቀጥለው የህይወት ምእራፍ የሚያዘጋጅ የዝግጅት ጊዜ ነው፡፡ ወደሚቀጥለው የህይወት ምእራፍ አለፍን ማለት ባለፈው የህይወት ምእራፍ በር ላይ ጠርቅመን እንወጣለን ማለት አይደለም፡፡ ወደሚቀጥለው የህይወት ምእራፍ በር ስንገባ ያለፈውን ምእራፍ በር ቀስ ብለን ዘግተን መውጣት አለብን፡፡ የነበርክበትን የህይወት ምእራፍ ማጣጣል የብስለት ማጣት ምልክት ነው፡፡ የነበርክበት የህይወት ምእራፍ መናቅ በአዲሱ የህይወት ምእራፍ እርግጠኛ እንዳልሆንክ የሚያሳይ የስጋት ምልክት ነው፡፡ ሰው ለዘመናት ሲጠጣበት የነበረውን ምንጭ ልክ ሊወጣ ሲል መጣላትና ውሃውነ ማደፍረስ ጤነኝነት አይደለም፡፡

እነዚህም ጌታን ሲያመልኩና ሲጦሙ መንፈስ ቅዱስ፦ በርናባስንና ሳውልን ለጠራኋቸው ሥራ ለዩልኝ አለ። በዚያን ጊዜም ከጦሙ ከጸለዩም እጃቸውንም ከጫኑ በኋላ አሰናበቱአቸው። የሐዋርያት ሥራ 13፡2-3

  1. ያለፍንበት የህይወት ምእራፍ ሰዎችን መርዳት

እኛ ካለፈው የህይወት ምእራፍ ተሻገርን ማለት ሌሎች ሰዎች በቀድሞው ይህይወት ምእራፍ ውስጥ የሉም ማለት አይደለም፡፡ ላለፍንበት የህይወት ምእራፍ ሰዎች መራራት እና አብረናቸው መቆም የህይወትን ምእራፍ መለወጥን አስፈላጊነት በአግባቡ መረዳት ነው፡፡ ወደሚቀጥለው ምእራፍ የተሻገርነው ሌሎችን ለማሻገር እንደሆነ መርሳት የለብንም፡፡

ደግሞ የተሰጠኝን ጸጋ አውቀው፥ አዕማድ መስለው የሚታዩ ያዕቆብና ኬፋ ዮሐንስም እኛ ወደ አሕዛብ እነርሱም ወደ ተገረዙት ይሄዱ ዘንድ ለእኔና ለበርናባስ ቀኝ እጃቸውን ሰጡን፤ ድሆችን እናስብ ዘንድ ብቻ ለመኑን፥ ይህንም ደግሞ ላደርግ ተጋሁ። ወደ ገላትያ ሰዎች 2፡9-10

ከላፍንበት የህይወት ምእራፍ ሰዎች ጋር መጣላት ያሳንሰናል፡፡ ሰዎችን ባለመጣላት በመታገስ ወዳጆችን ይበልጥ እያፈራንና እያበዛን እንጂ በጥል እየቀነስን መሄድ አይገባንም፡፡

ወንድምህም ቢበድልህ፥ ሄደህ አንተና እርሱ ብቻችሁን ሆናችሁ ውቀሰው። ቢሰማህ፥ ወንድምህን ገንዘብ አደረግኸው፤ የማቴዎስ ወንጌል 18፡15

  1. በትጋትና በታማኝነት መጨረስ

ያለንበትን የህይወት ምእራፍ ለመረዳት ራሳችንን መስጠት ጥበብ ነው፡፡ ያለንበት አዲሱ የህይወት ምእራፍ አዲስ እድል እንጂ በራሱ ውጤት እንዳልሆነ አውቀን በትጋትና በታማኝነት ሩጫችንን መጨረስ ይጠበቅብናል፡፡

መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤ 2ኛ ወደ ጢሞቴዎስ 4፡7

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ጌታ #ኢየሱስ #ትጋት #ታማኝነት #ጊዜ #ፅናት #መጠበቅ #ምስጋና ##ሃሳብ #ቃል #እግዚአብሄር #ትጋት #መንፈስቅዱስ #ንስሃ #መለወጥ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #መጨረስ #ፌስቡክ #አቢይዋቁማ #አቢይዋቁማዲንሳ

ሰው ማርጀቱን የሚያውቀው

your will11.jpg

“አንድ ሰው ማርጀቱን የሚያውቀው በተስፋ መኖሩን ትቶ በትዝታ መኖር ሲጀምር ነው” የሚባል የተለመደ አባባል አለ፡፡

እውነተኛ አባባል ነው፡፡ ሰው ለመውጣትና ለመውረስ ሙሉ ጉልበትን ይዞ ልቡ ግን ካረጃ ምንም ሊያደርግ አይችልም፡፡

ኢያሱ ሊወርሰው የሚችለው ብዙ ምድር ቢኖርም ኢያሱ ግን ስላረጀ መውረስ እንደማይችል እግዚአብሄር ስለኢያሱ ሲመሰከር እንመለከታለን፡፡

ኢያሱም ሸመገለ በዕድሜም አረጀ እግዚአብሔርም አለው፦ አንተ ሸመገልህ፥ በዕድሜህም አረጀህ፤ ያልተወረሰች እጅግ ብዙ ምድር ገና ቀርታለች፤ መጽሐፈ ኢያሱ ወልደ ነዌ 13፡1

ሰው እድሜው እየጨመረ ሲሄድ በጥበብና በማስተዋል እያደገ ይሄዳል፡፡ ሰው በእድሜ እየጨመረ ሲሄድ በህይወት የሚሰራበትንና የማይሰራበትን መንገድ በልምድ ማወቅና መረዳት ይጀምራል፡፡ ሰው በእድሜ እየጨመረ ሲሄድ ጥፋት እየቀነሰ ልማት እየጨመረ ይሄዳል፡፡ ሰው በእድሜ ጥበብን በጨመረ መጠን ብክነት እየቀነሰ ውጤታማነትን እየጨመረ ይሄዳል፡፡

ጠንካራ ምግብ ግን መልካሙንና ክፉውን ለመለየት በስራቸው የለመደ ልቡና ላላቸው ለፍጹማን ሰዎች ነው። ወደ ዕብራውያን 5፡14

ሰው የመጀመሪያዎቹ የክርስትና ህይወቱ ዋናው ፈተናው የእግዚአብሄርን አሰራር መረዳት ነው፡፡

ሰው በጌታ ቤት በእድሜ እየጨመረ ሲሄድ ክፉውንና መልካሙን ለመለየት ሰፊ ልምድን ያካብታል፡፡ ሰው በጌታ ቃል እየኖረ ሲሄድ እግዚአብሄርን ይበልጥ እያወቀ ከብዙ እስራቶች ነፃ እየወጣ ይሄዳል፡፡ ሰው ከእግዚአብሄርን ጋር በኖረ መጠን እግዚአብሄር የሚሰራበትንና የማይሰራበትን መንገድ በቀላሉ ስለሚረዳ ጌታን በቅርብ ለመከተል ይቀለዋል፡፡

ኢየሱስም ያመኑትን አይሁድ፦ እናንተ በቃሌ ብትኖሩ በእውነት ደቀ መዛሙርቴ ናችሁ፤ እውነትንም ታውቃላችሁ እውነትም አርነት ያወጣችኋል አላቸው። የዮሐንስ ወንጌል 8፡31-32

ሰው ከእግዚአብሄር ጋር ኖሮ ጌታ ኢየሱስን ተከትሎ የእግዚአብሄርን አሰራር መረዳት ሲጀምር ፈተናው የልብ እርጅና ፈተና ይሆናል፡፡ የእርጅና ፈተና የሚመጣው የእግዚአብሄር ቃል እንዴት እንደሚሰራ መረዳት ስንጀምር ነው፡፡

ስለእርጅና ስናወራ የምናወራው ስለእድሜ መጨመር አይደለም፡፡ የእድሜ መጨመረ ማንም ሊያመልጥበት የማይችል በምድር ላይ የሚኖር  ሰው ሁሉ እጣ ፈንታ ነው፡፡ እንዲያውም የሰው እድሜ መጨመር እግዚአብሄር እንደታገሰው የክብር ምልክት ነው፡፡

የሸበተ ጠጕር የክብር ዘውድ ነው፥ እርሱም በጽድቅ መንገድ ይገኛል። መጽሐፈ ምሳሌ 16፡31

እድሜያችን ሲጨምር ታዲያ የመውጣትና የመውረስ ፍላጎታችን እየጨመረ እንጂ በፍፁም እየቀነሰ መሄድ የለበትም፡፡

ስለእርጅና ስናወራ የምናወራው ከጊዜው በፊት ዋጋን የመክፈልና የመውረስ ፍላጎት ማጣትን እያወራን ነው፡፡ ስለእርጅና ስናወራ የምናወራው በመውረሻ ጊዜያችን ለመውጣት ፈቃደኛ አለመሆንንና የልብን መቀዝቀዝን ነው፡፡ ስለእርጅና ስናወራ የምናወራው ከጊዜው በፊት የልብን ፍላጎት ማጣትን ነው፡፡ ስለእርጅና ስናወራ የምናወራው ከጊዜው በፊት የልብን እሳት ማጣት እና አላግባብ ዋጋ ለመክፈል መሳሳትን ነው፡፡

ሰው እንዳይወጣ እንዳይወርስ በእድሜ ከመጨመሩ በላይ የሚፈታተነው የልብ እርጅና ነው፡፡ ሰው በመጀመሪያዎቹ ጌታን በተከተለባቸው አመታት ደስ ብሎት ለጌታ ዋጋን ይከፍላል፡፡ ሰው እየቆየ ሲሄድ ግን ለእግዚአብሄር ነገር ዋጋ ላለመክፈል ይፈተናል፡፡ ሰው እየቆየ ሲሄድ ሰው ከመጠን በላይ ለራሱ እየሳሳ ይሄዳል፡፡ ሰው እየቆየ ሲሄድ ራሱን አደጋ ላይ ላለመጣል “ሪስክ” ላለመውሰድ ይሳሳል፡፡ ሰው እየቆየ ሲሄድ በህይወቱ ከገጠመው ውድቀት አንፃር አዲስ ነገርን ለመሞከር ይበልጥ እይፈራ ይሄዳል፡፡ ሰው እየቆየ ሲሄድ ላለመጎዳት ከመጠን በላይ መጠንቀቅ ይጀምራል፡፡ ሰው እየቆየ ሲሄድ የምቾት ቀጠናውን ለመተው እምቢተኛ ይሆናል፡፡

በክርስትና ህይወትና አገልግሎት ደግሞ ስኬታማ የሚኮነው በእምነት ብቻ ነው፡፡ እምነት ደግሞ እግዚአብሄር ያለውን ሰምቶ ተጋላጭ የመሆን ወይም ሪስክ የመውሰድ ጉዳይ ነው፡፡

ሰው እግዚአብሄር ለመራው ነገር ዋጋ መክፈል ካቃተው በልብ እርጅና ተይዟል ማለት ነው፡፡ ሰው እግዚአብሄር ለመራው ነገር የሚከፍለው ዋጋ ከሚያገኘው ጥቅም ከበለጠበት በልብ እርጅና በሽታ እየተቃየ ነው ማለት ነው፡፡

እግዚአብሄር የእስራኤልን ህዝብ የገባላቸውን የተስፋ ምድር ተዋግቶ እንዲያስወርስ ለመላክ አልቻለም ነበር፡፡  ኢያሱን በእርጅና ምክኒያት ያልተወረሱትን ምድሮች ለመውረስ በእግዚአብሄር መላክ አይችልም ነበር፡፡

ሰው ልቡ ሲያረጅ መውጣት መግባት መውረስ እየቻለ ልቡ ድክም ይላል፡፡ ሰው ልቡ ሲያረጅ መውጣት መግባት መውረስ እየቻለ እግሩን ዘርግቶ እንዳይራመድ ስንፍና ይጫጫነዋል፡፡ ሰው ልብ ሲያረጅ የሚያወጣውን ወጭ በጣም ከማጋነኑ የተነሳ የሚያገኘውን እግዚአብሄርን በመታዘዝ የሚያገኘውን ዘላለማዊ ትርፍ አያስበውም፡፡ ሰው ልቡ ሲያረጅ ያለውን መጠበቅ እንጂ ሌላ መጨመር አያስብም፡፡ ሰው ለመውጣት ለመውረስ ያለው እድል በህይወት እስካለ ድረስ ብቻ ነው፡፡ ሰው ወደሚሄድበት እነዚህ ሥራና አሳብ እውቀትና ጥበብ አይኖሩም፡፡

አንተ በምትሄድበት በሲኦል ሥራና አሳብ እውቀትና ጥበብ አይገኙምና እጅህ ለማድረግ የምታገኘውን ሁሉ እንደ ኃይልህ አድርግ። መጽሐፈ መክብብ 9፡10

ከእግዚአብሄር ጋር በኖርን መጠን የመውጣትና የመውረስ ፍላጎታችን በዚያው መጠን መጨመር እንጂ መቀነስ የለበትም፡፡ በጌታ ያለን ልምምድ እየጨመረ ሲሄድ የመውጣት የመውረስ እምነታችን ካልጨመረ ችግር አለ ማለት ነው፡፡ በጌታ ቤት በቆየን መጠን ጌታን ለመታዘዝ ለመውረስ እየሰነፉ መሄድ የመንፈሳዊ ጤንነት ምልክት አይደለም፡፡ ትክክለኛው እድገት በእድሜያችን መጠን ልባችን ሲታደስ ፍሬያችንም ሲበዛ ነው፡፡

ጻድቅ እንደ ዘንባባ ያፈራል፥ እንደ ሊባኖስ ዝግባም ያድጋል። በእግዚአብሔር ቤት ውስጥ ተተክለዋል፥ በአምላካችንም አደባባይ ውስጥ ይበቅላሉ። ያን ጊዜ በለመለመ ሽምግልና ያፈራሉ፤ ደስተኞችም ሆነው ይኖራሉ። መዝሙረ ዳዊት 92፡12-14

የህይወት ፈተና አላማው እምነታችንን እንዲያጠራና እንዲያከብረው እንጂ እንዲያጠፋው አይደለም፡፡

በዚህም እጅግ ደስ ይላችኋል፥ ነገር ግን በእሳት ምንም ቢፈተን ከሚጠፋው ወርቅ ይልቅ አብልጦ የሚከብር የተፈተነ እምነታችሁ፥ ኢየሱስ ክርስቶስ ሲገለጥ፥ ለምስጋናና ለክብር ለውዳሴም ይገኝ ዘንድ አሁን ለጥቂት ጊዜ ቢያስፈልግ በልዩ ልዩ ፈተና አዝናችኋል።  1ኛ የጴጥሮስ መልእክት 1፡6-7

ካሌብ እድሜው በጨመረ ቁጥር ሃይሉን እንደዚያው ይጨምር ነበር፡፡

አሁንም፥ እነሆ፥ እግዚአብሔር ለሙሴ ይህን ቃል ከተናገረ በኋላ፥ እስራኤል በምድረ በዳ ሲዞሩ፥ እርሱ እንደ ተናገረኝ እግዚአብሔር እነዚህን አርባ አምስት ዓመት በሕይወት አኖረኝ፤ አሁንም፥ እነሆ፥ ለእኔ ዛሬ ሰማንያ አምስት ዓመት ሆነኝ። ሙሴም በላከኝ ጊዜ እንደ ነበርሁ፥ ዛሬ ጕልበታም ነኝ፤ ጕልበቴም በዚያን ጊዜ እንደ ነበረ፥ እንዲሁ ዛሬ ለመዋጋት ለመውጣትም ለመግባትም ጉልበቴ ያው ነው። መጽሐፈ ኢያሱ ወልደ ነዌ 14፡10-11

የክርስትያን ህይወት ሙሉ ቀን እስከሚሆን ካለማቋረጥ እየጨመረ እንደሚበራ የንጋት ፀሃይ እንጂ እንደሚጠልቅ የምሽት ጀንበር አይደለም፡፡

ጫማህ ብረትና ናስ ይሆናል፤ እንደ ዕድሜህ እንዲሁ ኃይልህ ይሆናል። ኦሪት ዘዳግም 33፡25

እግዚአብሄርን የሚጠብቅ ሰው ሃይሉ እየታደሰ አስከመጨረሻው በብቃት ይጨርሳል እንጂ ከመንገድ አይመለስም፡፡

ምኞትሽን ከበረከቱ የሚያጠግባት፥ ጕልማስነትሽን እንደ ንስር ያድሳል። መዝሙረ ዳዊት 103፡5

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እሳት #ህብረት #ቃል #ሽበት #ሽምግልና #ድፍረት #መቀጣጠል #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

ፈጻሚውን ኢየሱስን

your will11.jpg

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ ወደ ዕብራውያን 12፡2

ህይወት ሩጫ ነው፡፡ የህይወት ሩጫ አሸናፊነታችን የሚለካው በምናተኩርነት ነገር ላይ ነው፡፡ በትክክለኛ ነገር ላይ ካተኮትን ሩጫውን በድል እንወጣዋለን፡፡ ትክክለኛውን ነገር ካልተመለከትን ሩጫውንም መጨረስም ሆነ አሸናፊ መሆን እንችልም፡፡

ኢየሱስን ተመልከተን እንድንሮጥ በኢየሱስ ላይ እንድናተኩር መፅሃፍ ቅዲስ ያስተምረናል፡፡

ነገር ግን በህይወት እኔን ስማኝ ፣ በእኔ ላይ አተኩር የሚሉ ብዙ ተፎካካሪ ነገሮች አሉ፡፡ እኔን ካልተመለከትክ አይሳካልህም፡፡ እኔን ካለሰማህ ዋ የሚሉ የሚያስፈራሩ ብዙ ነገሮች በዙሪያችን አሉ፡፡ አንዳንዶቹ እኔን ካጣህ ዋጋ የለህም ብለው ያስፈራራሉ፡፡ እኔን ካገኘህ ህይወትህ ይለወጣል ብለው ካላቅማችው ቃል የሚገቡ ብዙ ነገሮች ናቸው፡፡

ሰው በአንድ ጊዜ ሁለት ነገር ላይ ማተኮር አይችልም፡፡ ኢየሱስ ላይ ብቻ በማተኮር ሮጠን ይድሉን እክሊል ከተጎናፀፍን ማተኮር የሌሉብንን ነገሮች ከእግዚአብሄር ቃል እንመልከት፡-

  1. በደስታ እና በሃዘን ላይ ማተኮር ትኩረታችንን ከኢየሱስ ላይ እንድንመልስ ያደርጋል፡፡

ደስታም ሆነ ሀዘን ይመጣሉ ይሄዳሉ፡፡ የትኛውንም ደስታ አይናችንን ከኢየሱስ ላይ እንድናነሳ እንዲያደርገን መፍቀድፍ የለብንም፡፡ እንዲሁም የትኛውም ሃዘን በኢየሱስ ላይ እንዳናተኩር ለማድረግ ከተሳካለት ተሸንፈናል፡፡

የሚያለቅሱም እንደማያለቅሱ፥ ደስ የሚላቸውም ደስ እንደማይላቸው፥ የሚገዙም ምንም እንደሌላቸው፥ በዚችም ዓለም የሚጠቀሙ በሙሉ እንደማይጠቀሙባት ይሁኑ፤ የዚች ዓለም መልክ አላፊ ነውና። 1ኛ ወደ ቆሮንቶስ ሰዎች 7፡30-31

  1. አድናቆትና ትችት ላይ ማተኮር አይናችንን ኢየሱስ ላይ እንዳናተኩር ያደርጋል፡፡

የሰው አድናቆት ላይ ልባችንን መጣል የለብንም፡፡ አንዳንድ ጊዜ ሰው የሚያደንቀንም ሆነ የሚጥለን ስለማያውቀን ነው፡፡ በሰው አድናቆት ላይ ልባችንን ከጣልን ህይወታችንን እንጥላለን፡፡ የሰውን ክፉም ወሬም ይሁን አድናቆት መጠበቅ ያለብን በልባችን ውስጥ ሳንከት በውጭ ነው፡፡ በክፉ ወሬም ሆነ በመልካመ ወሬ ራሳችንን ማማጠን አለብን፡፡

በክፉ ወሬና በመልካም ወሬ ራሳችንን እናማጥናለን፤ አሳቾች ስንባል እውነተኞች ነን፤ 2ኛ ወደ ቆሮንቶስ ሰዎች 6፡8

ጠላትህ ቢወድቅ ደስ አይበልህ፥ በመሰናከሉም ልብህ ሐሤት አያድርግ፥ መጽሐፈ ምሳሌ 24፡17

አስተማማኙ ደስታ በጌታ ደስ የምንሰኝበት ደስታ ብቻ ነው፡፡ ከጌታ ውጭ ያለው ደስታ ሁሉ ጊዜያዊ ደስታ ነው፡፡

ዳሩ ግን፥ ወንድሞች ሆይ፥ ይህን እናገራለሁ፤ ዘመኑ አጭር ሆኖአል፤ ከእንግዲህ ወዲህ ሚስቶች ያሉአቸው እንደሌላቸው ይሁኑ፥ የሚያለቅሱም እንደማያለቅሱ፥ ደስ የሚላቸውም ደስ እንደማይላቸው፥ የሚገዙም ምንም እንደሌላቸው፥ በዚችም ዓለም የሚጠቀሙ በሙሉ እንደማይጠቀሙባት ይሁኑ፤ የዚች ዓለም መልክ አላፊ ነውና። 1ኛ ወደ ቆሮንቶስ ሰዎች 7፡29-31

  1. በክብርም በውርደትም ላይ ማተኮር አደገኛ ነው፡፡

የምድራዊ ክብርም ሆነ ውርደት ልናተኩርባቸውና ልንደገፍባቸው የማንችላቸው ጊዜያዊ ነገሮች ናቸው፡፡

የተዋረደው ወንድም ግን በከፍታው፥ ባለ ጠጋም በውርደቱ ይመካ፤ እንደ ሣር አበባ ያልፋልና። ፀሐይ ከትኵሳት ጋር ይወጣልና፥ ሣርንም ያጠወልጋልና፥ አበባውም ይረግፋልና፥ የመልኩም ውበት ይጠፋልና፤ እንዲሁ ደግሞ ባለ ጠጋው በመንገዱ ይዝላል። የያዕቆብ መልእክት 1፡9-11

  1. ነገና ትላንት ላይ ማተኮር ኢየሱስ ላይ እንዳናተኩር ያደርገናል፡፡

የእግዚአብሄር ምህረት ማለዳ ማለዳ አዲስ ነው፡፡ ነገር ግን እግዚአብሄር ባለፈው በሰራው በትላንት ላይ ከቆምን ከዛሬ በረከት ሰላምና ስኬት ጋር እንተላፋለን፡፡ ዛሬን ንቀን ደግሞ በነገ ብቻ ላይ ካተኮርን እንሳሳታለን፡፡ ነገን ጎትተን ዛሬ ላይ ለመኖር ከፈለግን ነገራችን ይዛባል፡፡

ነገ ለራሱ ይጨነቃልና ለነገ አትጨነቁ፤ ለቀኑ ክፋቱ ይበቃዋል። የማቴዎስ ወንጌል 6፡34

በጌታ ላይ ማተኮር ትተን በማናውቀው ነገ ላይ ማተኮር ውድቀት ያመጣል፡፡

አሁንም፦ ዛሬ ወይም ነገ ወደዚህ ከተማ እንሄዳለን በዚያም ዓመት እንኖራለን እንነግድማለን እናተርፍማለን የምትሉ እናንተ፥ ተመልከቱ፥ ነገ የሚሆነውን አታውቁምና። የያዕቆብ መልእክት 4፡13

  1. በውድቀትና በስኬት ላይ ማተኮር በኢየሱስ ላይ እንዳናተኩር ይሸፍነናል፡፡

ውድቀት ላይ ማተኮር ኢየሱስን ተመልከተን ሩጫችንን በትግስት እንዳንሮጥ ሊያግደን ይችላል፡፡ ከውድቀታችን ተምረን እንደገና ኢየሱስ ላይ ማተኮር ግን ወደፊታችንን ያሳምረዋል፡፡ እግዚአብሄር ከማንም ጋር ውድድር ውስጥ አይገባም፡፡ እግዚአብሄር ሆን ብሎ ለመጣል ብሎ ማንንም በክፉ አይፈትንም፡፡ እግዚአብሄር ከውድቀታችን የሚጠቀመው ነገር ትሁት መሆናችን ራሳችንን ይበልጥ ማወቃችንና ለመስማት መዘጋጀታችንን ብቻ ነው፡፡

እንዲሁም በስኬት ላይ ማተኮራችን ትልቁን የእግዚአብሄርን አላማ እንዳናይ ያደርገናል፡፡ ስኬትን የሚሰጠን እግዚአብሄር ላይ እንጂ ስኬቱን ላይ ካተኮርን መውደቃችን አይቀርም፡፡ ያለፈው ስኬታችን ላይ ካተኮርነና በስኬታችን ከተኩራራን የሚበልጠውን የወደፎረቱን ስኬት ለመያዝ እናዳንዘረጋ ጠላት ይሆንብናል፡፡

ወንድሞች ሆይ፥ እኔ ገና እንዳልያዝሁት እቈጥራለሁ፤ ነገር ግን አንድ ነገር አደርጋለሁ፤ በኋላዬ ያለውን እየረሳሁ በፊቴ ያለውን ለመያዝ እዘረጋለሁ፥ ወደ ፊልጵስዩስ ሰዎች 3፡13

  1. በድካማችንም ይሁን በጥንካሬያችን ላይ ማተኮር እንዲሁ ሩጫውን በትግስ እንዳንሮጥ እና እንዳንፈፅመው ያግደናል፡፡

ማግኘታችንም ሁሉን እንድንችል አያደርገንም፡፡ ማጣታችንም ሁሉን እንድንችል አያግደንም፡፡ ማጣትም ማግኘትም ምንም አይደሉም፡፡

መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ወደ ፊልጵስዩስ ሰዎች 4፡12-13

  1. በሰዎች ላይ ማተኮር

በመልካም ሰዎችም ላይ ይሁን በክፉ ሰዎች ላይ ማተኮር የብርታታችን ምንጭ በሆነው በክርስቶስ ላይ እንዳናተኩር ያደናቅፈናል፡፡ ሰዎች መልካም የሚሆኑልን እግዞአብሄር ሲጠቀምባቸው ብቻ ነው፡፡ የሰዎች የመልካምነታችው ምንጭ እግዚአብሄር ነው፡፡ ሰዎች ክፉ ቢሆኑብን እንዲሁ ተጠቃሚው ሰይጣን እንጂ ሰዎች አደሉም፡፡ የበደሉን ሰዎችን ይቅር አለማለት ትኩረታችንን ከኢየሱስ ላይ አንስተን ሰዎች ላይ እንድናደርግ ያደርገናል፡፡ በሰዎች ላይ ማተኮር ውድቀትን ያመጣል፡፡

በህይወታችን ራሳቸውን ሰጥተው ከሚያገለግሉን ሰዎች አልፈን ካላየን እንሰናከላለን፡፡ ሰዎች በስጦታ ቢያገለግሉን የእግዚአብሄር ስጦታ እንጂ የሰዎች አይደለም፡፡

እኔ ተከልሁ አጵሎስም አጠጣ ነገር ግን እግዚአብሔር ያሳድግ ነበር፤ እንግዲያስ የሚያሳድግ እግዚአብሔር እንጂ የሚተክል ቢሆን ወይም የሚያጠጣ ቢሆን አንዳች አይደለም። 1ኛ ወደ ቆሮንቶስ ሰዎች 3፡6-7

  1. በሰይጣን ላይ ማተኮር የእግዚአብሄርን በጎነት እንዳናጣጥመው ያደርገናል፡፡

ሰይጣንን ምንም እንደማያደርግ መናቅ መልካም አለመሆኑ ያህል ሰይጣን ላይ ማተኮር መልካመ አይደለም፡፡ ሰይጣን የተሸነፈ ጠላት ነው፡፡ ሰይጣን የሚሰራው ሰውን በማስፈራራት ስለሆነ ሁልጊዜ ትኩረትን ይፈልጋል፡፡ ትኩረታችሁን ከኢየሱስ ላይ በማንሳታችሁ ብቻ ሰይጣን ይጠቀማል፡፡

እኛ የምንኖረው በሰይጣን ምህረት አይደለም፡፡ እኛ የምንኖረው አስኮናኞች ኑሩ ብሎ ሰይጣን ስለፈቀደለን ሳይሆን በተሰጠን በልጅነት ስልጣናችን ተጠቅመን በግድ ነው፡፡ እኛ የምንኖረው በእግዚአብሄር ምህረት ብቻ ነው፡፡

ስለ ፍርድም፥ የዚህ ዓለም ገዥ ስለ ተፈረደበት ነው። የዮሐንስ ወንጌል 16፡11

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ተመልክተን #እይታ #ማጣት #ማግኘት #ትላንት #ነገ #ውድቀት #ስኬት #አድናቆት #ትችት #ደስታ #ሃዘን #አማርኛ #ስብከት #መዳን #መፅሃፍቅዱስ #ቃል #አሸናፊ #አማልክት #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

ቸርነትህና ምሕረትህ በሕይወቴ ዘመን ሁሉ ይከተሉኛል

3090701-child_cute_female_fun_girl_leisure_moving_path_people-walking_person_pink_shade_shadow_summer_walk_walking_walking-people_wall_young.jpg

ቸርነትህና ምሕረትህ በሕይወቴ ዘመን ሁሉ ይከተሉኛል፥ በእግዚአብሔርም ቤት ለዘላለም እኖራለሁ። መዝሙረ ዳዊት 23፡6

እግዚአብሄር ፈጣሪያችን ነው፡፡ እኛ ለእግዚአብሄር ተፈጥረናል፡፡ እኛ የእግዚአብሄር ነን፡፡ እግዚአብሄር የህይወታችን ባለቤት ነው፡፡

እኛ የእግዚአብሄርን ቸርነትና ምህረት ለማግኘት ከምንፈልገው በላይ እግዚአብሄር የእኛን ምህረትና ቸርነት ማግኘት ይፈልገዋል፡፡

በእኛ ቸርነቱንና ምህረቱን በመከተል ላይ ብቻ እግዚአብሄር አይተማመንም፡፡ እኛ የመከተል ችሎታችን እንከን የለሽ ስላይደለ የእግዚአብሄርን ምህረትና ቸርነት ብንከተል በትክክል ላንከተለው እንችላለን፡፡ እኛ እውቀታችን ፍፁም ስላይደለ የእግዚአብሄርን ምህረትና ቸርነት በትክክል ላንከተል ልንሳሳት እንችላለን፡፡

እግዚአብሄር የምህረትና የቸርነትን ነገር ለእድል አልተወውም፡፡ እግዚአብሄር የቸርነትና የምህረትን ነገር ለእኛ ፍፁም ያልሆነ ችሎታም አልተወውም፡፡ ምህረትና ቸርነት እኛን የመከተሉን ነገር እግዚአብሄር ራሱ የሚያደርገው ሃላፊነቱ አድርጎ ወስዶታል፡፡

እግዚአብሄር ግን እንደ ህይወታችን ባለቤት በምህረትና በቸርነት ከተከተለን ምህረትና ቸርነት ያገኙናል እንጂ አይስቱንም፡፡

አንድ ሰው በህልሙ አባቱ እጁን ይዞት አየ፡፡ ህልሙ ሲፈታለት እኔ አግዚአብሄር አባተህ እጅህን ይዤሃለሁ፡፡ አንተ እጄን ብትይዘኝ በመንገድ ላይ ከፍታና ዝቅታ ልትለቀኝ ትችላለህ፡፡ አንተ ምንም አስቸጋሪ ነገር ውስጠ ብታለፍ እኔ ስለያዝኩህ አስተማማኝ ነው፡፡

እግዚአብሄር የሚይዘን እስከጊዜው አይደለም፡፡ ከማኅፀን እስካሁን የተሸከመን እግዚአብሄር እስከሽምግልና ይሸከመናል፡፡

እናንተ የያዕቆብ ቤት ሆይ፥ የእስራኤልም ቤት ቅሬታ ሁሉ፥ ከሆድ ያነሣኋችሁ ከማኅፀንም የተሸከምኋችሁ፥ ስሙኝ። እስከ ሽምግልና ድረስ እኔ ነኝ፥ እስከ ሽበትም ድረስ እሸከማችኋለሁ፤ እኔ ሠርቻለሁ እኔም አነሣለሁ፤ እኔ እሸከማለሁ እኔም አድናለሁ። ትንቢተ ኢሳይያስ 46፡3-4

በእናንተ መልካምን ሥራ የጀመረው እስከ ኢየሱስ ክርስቶስ ቀን ድረስ እንዲፈጽመው ይህን ተረድቼአለሁና፤ ወደ ፊልጵስዩስ ሰዎች 1፡6

እንደዚህ የጌታችንን የኢየሱስ ክርስቶስን መገለጥ ስትጠባበቁ አንድ የጸጋ ስጦታ እንኳ አይጎድልባችሁም፤ እርሱም ደግሞ በጌታችን በኢየሱስ ክርስቶስ ቀን ያለ ነቀፋ እንድትሆኑ እስከ ፍጻሜ ድረስ ያጸናችኋል። ወደ ልጁ ወደ ጌታችን ወደ ኢየሱስ ክርስቶስ ኅብረት የጠራችሁ እግዚአብሔር የታመነ ነው። 1ኛ ወደ ቆሮንቶስ ሰዎች 17-9

ህይወታችንን ዘመናችንን የሰጠነው እግዚአብሄር ታማኝ ነው፡፡

ስለዚህም ምክንያት ይህን መከራ ደግሞ ተቀብዬአለሁ፥ ነገር ግን አላፍርበትም፤ ያመንሁትን አውቃለሁና፥ የሰጠሁትንም አደራ እስከዚያ ቀን ድረስ ሊጠብቅ እንዲችል ተረድቼአለሁ። 1ኛ ወደ ጢሞቴዎስ 1፡12

ቸርነትህና ምሕረትህ በሕይወቴ ዘመን ሁሉ ይከተሉኛል፥ በእግዚአብሔርም ቤት ለዘላለም እኖራለሁ። መዝሙረ ዳዊት 23፡6

ይህን ፅሁፍ ለሌሎች ሼር   share ያድርጉ!

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቸርነት #ምሕረት #ሽምግልና #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #አስተምርሃለሁ #መንገድ #እመራሃለሁ #ዓይኖቼን #አጠናለሁ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የንቀት መድሃኒት

contempt-768x511 (1).jpg

እግዚአብሄር በእኛ ውስጥ ለሌሎች ሰዎች በረከት የሚሆንን ነገር አስቀምጧል፡፡ እንዲሁም እግዚአብሄር የእኛን ህይወታችንን በረከት ያስቀመጠው በሌላው ሰው ውስጥ ነው፡፡ ሌላውን ሰው መናቅ የእግዚአብሄርን ስጦታ መናቅ ነው፡፡ ሌላውን ሰው መናቅ የእግዚአብሄርን ስጦታ መጣል ነው፡፡ ሌላውን ሰው መናቅ ከእግዚአብሄር በረከት ጋር መተላለፍ ነው፡፡

እውነት ነው ሁላችንም የህይወት ደረጃ አለን፡፡ ሁላችንም የምናከብረውና የምንንቀው ነገር አለ፡፡ በተለምዶ አብረን ለመስራት የምንመርጠውና የማንመርጠው ሰው አለ፡፡ ለጓደኝነት የምንመርጠውና የማንመረጥው ሰው ሊኖር ግድ ነው፡፡ ነገር ግን የምንመርጥበት መመዘኛ መዛባት ምርጫችንን ከትእቢት የመነጨ ንቀት ያደርገዋል፡፡

ሁላችንም በተለያየ ጊዜ ሌሎችን ለመናቅ እንፈተናለን፡፡ በተለይ ድካም ያየንበትን ሰው ይህ ሰው ለምንም አይጠቅምም አይረባም በማለት ለመናቅ በእጅጉ እንፈተናለን፡፡ ሰውን አይረባም አይጠቅምም ብሎ መናቅ እና ዝቅ ዝቅ አድርጎ ማየት ግን ከእግዚአብሄር አይደለም፡፡ በሰው ላይ ሙሉ ለሙሉ ተስፋ መቁረጥ ግን የክፉ እግዚአብሄራዊ ምዘና አይደለም፡፡

መፅሃፍ ቅዱስ እንደ እነርሱ የሰው ልጆች የሆኑትን ሰዎች ዝቅ ዝቅ አድርገው ለሚያዩና ለሚንቁ ሰዎች ብርቱ ማስጠንቀቂያ አለው፡፡ ነው፡፡

እኔ ግን እላችኋለሁ፥ በወንድሙ ላይ የሚቆጣ ሁሉ ፍርድ ይገባዋል፤ ወንድሙንም ጨርቃም የሚለው ሁሉ የሸንጎ ፍርድ ይገባዋል፤ ደንቆሮ የሚለውም ሁሉ የገሃነመ እሳት ፍርድ ይገባዋል። የማቴዎስ ወንጌል 5፡22

አንተ ከሌላው እንድትለይ እና እንዳትናቅ ያደረገህ እግዚአብሄር ነው፡፡ ከእግዚአብሄር በተቀበልከው ነገር መልሰውህ እንዳንተው በእግዚአብሄር የተፈጠረውን ሰው ለመናቅ መጠቀም አግባብ አይደለም፡፡

አንተ እንድትበልጥ ማን አድርጎሃል? ያልተቀበልኸውስ ምን አለህ? የተቀበልህ ከሆንህ ግን እንዳልተቀበልህ የምትመካ ስለ ምንድር ነው? 1ኛ ወደ ቆሮንቶስ ሰዎች 4፡7

ንቀት ከትእቢት ይመጣል፡፡ ንቀት ያለን ነገር ባለቤቱ እኛ እንደሆንን በስህተት ከማሰብ ይመጣል፡፡

እርሱን እንድትንቀው ያደረገው የሃጢያት ፍላጎት በአንተም ውስጥ አለ፡፡ እርሱን እንደዚህ እንድትንቀርው ያደረገውን የሃጢያት ፍላጎት ይዘህ እንደአንተው የተፈጠረውን ሰው መናቅ አለማስተዋል ነው፡፡

ንቀት በክፉ ከመፍርድ ይመጣል፡፡ ንቀት ማሰብ ከሚገባው አልፎ ራስን ከፍ አድርጎ ከማየት ይመጣል፡፡ ንቀት ማሰብ ከሚገባው አልፎ ሌላውን ዝቅ አድርጎ ከማየት ይመጣል፡፡

ወንድሞቼ ሆይ፥ በክብር ጌታ በጌታችን በኢየሱስ ክርስቶስ ያለውን እምነት ለሰው ፊት በማድላት አትያዙ። የወርቅ ቀለበት ያደረገና የጌጥ ልብስ የለበሰ ሰው ወደ ጉባኤአችሁ ቢገባ፥ እድፍ ልብስም የለበሰ ድሀ ሰው ደግሞ ቢገባ፥ የጌጥ ልብስም የለበሰውን ተመልክታችሁ፦ አንተስ በዚህ በመልካም ስፍራ ተቀመጥ ብትሉት፥ ድሀውንም፦ አንተስ ወደዚያ ቁም ወይም ከእግሬ መረገጫ በታች ተቀመጥ ብትሉት፥ ራሳችሁን መለያየታችሁ አይደለምን? ክፉ አሳብ ያላቸውም ዳኞች መሆናችሁ አይደለምን? የያዕቆብ መልእክት 2፡1

ሰው እግዚአብሄር እንዴት እንደሚያከብረው እንደ አይኑ ብሌን እንደሚጠነቀቅለት ሲያውቅ እግዚአብሄር ሌላውንም ሰው እንደሚያከብረው ስለሚያውቅ ሌላውምን ለመናቅ አይደፍርም፡፡

ሰው እግዚአብሄር እንዴት እንደወደደው ሲረዳ እግዚአብሄር ደግሞ ሁሉንም ስለሚወድ ከእግዚአብሄር ጋር ተባብሮ ሰዎችን ሁሉ ይወዳል ያከብራል እንጂ ማንንም አይንቅም፡፡ ሰዎችን የሚንቅ ሰው እግዚአብሄር እንዴት እንደወደደው በደንብ ያልተረዳ ሰው ነው፡፡

የእግዚአብሔር ልጆች ተብለን ልንጠራ አብ እንዴት ያለውን ፍቅር እንደ ሰጠን እዩ፥ እንዲሁም ነን። ስለዚህ ምክንያት ዓለም እርሱን ስላላወቀው እኛን አያውቀንም። 1ኛ የዮሐንስ መልእክት 3፡1

ሰው በእግዚአብሄር መልክና አምሳል እንደተፈጠረ ሲረዳ ፣ ራሱን ሲያከብርና ሲወድ ሌላውን ያከብራል ማንንም አይንቅም፡፡

ሰውን የሚንቅ ሰው መናቅ የጀመረው ራሱን ነው፡፡ ሰውን የሚንቅ ሰው ለራሱ የሚገባ ፍቅርና አክብሮት የለውም፡፡ ሰውን የሚንቅ ሰው ራሱን እንደሚገባ አያከብርም አይወድም፡፡ ሰውን የሚያከብር ሰው ራሱን እንደሚያከብር ማረጋገጫው ነው፡፡

 

ሁለተኛይቱም ይህችን ትመስላለች፥ እርስዋም፦ ባልንጀራህን እንደ ነፍስህ ውደድ የምትለው ናት። የማቴዎስ ወንጌል 22፡39

ሰው ሰው ቢደክም እና ቢወድቅ እንኳን አንተ እንዳትወድቅ ያደረገህ ያው እግዚአብሄር የወደቀው እንዲነሳ ያደርገዋል፡፡

አንተ በሌላው ሎሌ የምትፈርድ ማን ነህ? እርሱ ቢቆም ወይም ቢወድቅ ለገዛ ጌታው ነው፤ ነገር ግን እግዚአብሔር ሊያቆመው ይችላልና ይቆማል። ወደ ሮሜ ሰዎች 14፡4

ንቀት በራስ ካለመተማመን ይመጣል፡፡ እውነተኛ የከበረ ሰው ሰውን በማክበር ይታወቃል፡፡ እውነተኛ ከአጉል ፉክክር የዳነ ሰው ሌላውን በማክበር ይታወቃል፡፡ ሰው ትልቅነቱ የሚታወቀው በእያንዳንዱ ሰው ውስጥ ታላቅነትን በማየት ችሎታው ነው፡፡ ሰው ትልቅነቱ የሚታወቀው ከድካም አልፎ ብርታት በማየት ችሎታው ነው፡፡ ሰው ታላቅነቱ የሚያወቀው በትንሹ ሰው ድካም ላይ ሳይሆን በሰው ጥንካሬው ላይ በማተኮር ችሎታው ነው፡፡

ሰውን የሚንቅ ሰው መረዳት የጎደለው ሰው ነው፡፡ ሰው እግዚአብሄር የሰውን ልጅን በመልኩና በአምሳሉ እንደፈጠረውና ምን ያህል እንደሚወደው ከእግዚአብሄር ቃል እየተረዳ ሲሄድ ሌላውቅን ሰው ለመናቅ አቅም ያነሰዋል፡፡ ሰው መረዳቱ ሲጨምርና ነገሮችን እንደ እግዚአብሄር መረዳት ሲጀምር የሚንቀውን እየተወ የሚያከብረውን እያበዛ ይሄዳል፡፡

እነሆ፥ እግዚአብሔር ኃያል ነው፥ ማንንም አይንቅም እርሱም በማስተዋል ብርታት ኃያል ነው። መጽሐፈ ኢዮብ 36፡5

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ንቀት #ትህትና #ትእቢት #ጥንካሬ #ብርታት #ቃል #ህይወት #አገልግሎት #አምልኮ #ፀሎት #ጥሪ #ተመልክተን #መቃጠል #መቀጣጠል #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

በትናንት እና በነገ መካከል የመኖር ወርቃማ እድል ክፍል 1

DKvnOjAXkAA0nZX.jpg

ትናንት ታሪክ ነገ ደግሞ ተስፋ ነው፡፡ አሁን ያለን ዛሬ ብቻ ነው፡፡

ምንም ያህል ብንመኝ ትላንትን መለወጥ አንችልም፡፡ ምንም ያህል ብንተጋ ትላንትን ማስተካከለ እንችልም፡፡

ምንም ያህል ብንፀፀት ትላንትን አንመለስም፡፡ ፀፀት ሞት እንጂ ሌላ ምንም አያመጣም፡፡

እንደ እግዚአብሔር ፈቃድ የሆነ ኀዘን ጸጸት የሌለበትን፥ ወደ መዳንም የሚያደርሰውን ንስሐ ያደርጋልና፤ የዓለም ኀዘን ግን ሞትን ያመጣል። 2ኛ ወደ ቆሮንቶስ ሰዎች 7፥10

ስለትላንት መፀፀት ትላንት አያስተካክልም ዛሬን ግን ያበላሻል፡፡ የትላንት ፀፀት የዛሬን ንፅህና ይበርዛል፡፡ የትላንት ፀፀት የዛሬን እንደ አዲስ የመጀመር እድል ያበላሻል፡፡

እግዚአብሄር ማለዳ ማለዳ አዲስ ነው፡፡ እግዚአብሄር በየእለቱ አዲስን እድል ወደ ህይወታችን ያመጣል፡፡

እግዚአብሄር ዘመናችንን በቀን የከፋፈለው የትላንቱን ትተን በዛሬ ላይ እንድንኖር ትላንትንና ዛሬን እየለያቸው ነው፡፡ እግዚአብሄር ትላንትንና ዛሬን ያልደባለቀው አዲስን እድል እየሰጠንነው፡፡

ሔት። ያልጠፋነው ከእግዚአብሔር ምሕረት የተነሣ ነው፤ ርኅራኄው አያልቅምና። ማለዳ ማለዳ አዲስ ነው፤ ታማኝነትህ ብዙ ነው። ሰቆቃው ኤርምያስ 3፡22-23

ትላንትን ካልተውን ወደዛሬ ካመጣነው ዛሬን እናበላሸዋለን፡፡

ጆይስ ማይር ስትናገር የትላንትን መልካምነት እያሰበ ዛሬ ላይ የሚኖር ሰው ሳያውቀው ትላንትን አሮጌውን ቀን ዛሬ ደግሞ ይኖረዋል፡፡ ዛሬን እስከሚንቅ ድረስ በትላንት በጣም የተማረከ ሰው ከዛሬ ትላንት ይሻላል እያለ ነው በማለት ታስተምራለች፡፡

በትላንት  ላይ የቆመ ሰው ሳያውቅ ትላንትን ደግሞ ደጋግሞ በዛሬ ላይ ይኖረዋል፡፡ ዛሬ ምንም አዲስ ቢሆንም ትላንትን በዛሬ ላይ እየኖረ አዲሱን ትላንትን ያበላሸዋል፡፡

ትላንት በህይወታችን ልዩ ስፍራ አለው፡፡ ዛሬም በህይወታችን የራሱ ስፍራ አለው፡፡ ትላንት ታሪክ ነው፡፡ በትላንት እንማራለን፡፡ ትላንት እስከ ክብሩና  ድካሙ ያለፈ ቀን ትላንት ነው፡፡ ትላንትን ደግመን አንኖረውም፡፡ ትላንት ከዛሬ አይሻልም፡፡

ትላንት ምንም መልካም ቢሆን ዛሬን ሊተካ አይችልም፡፡ የዛሬ ጎዶሎ የትላንትን ሙላት ይበልጣል፡፡ የዛሬ ውርደት የትላንትን ክብር ይበልጣል፡፡ የዛሬ ድካም የትላንትን ብርታት ይበልጣል፡፡ ከትላንት አንበሳ የዛሬ ውሻ ይበልጣል፡፡

ያልሞተ ውሻ ከሞተ አንበሳ ይሻላልና ሰው ከሕያዋን ሁሉ ጋር በአንድነት ቢኖር ተስፋ አለው። መጽሐፈ መክብብ 9፡4

ዛሬ ላይ ቆሞ በትላንት ላይ መኖር ሞኝነት እንጂ ጥበብ አይደለም፡፡

ከዚህ ዘመን ይልቅ ያለፈው ዘመን ለምን ተሻለ? ብለህ አትናገር፤ የዚህን ነገር በጥበብ አትጠይቅምና። መጽሐፈ መክብብ 7፡10

ትላንት ምንም ብንመኝ ያላገኘነውን ዛሬ ያገኘነው አሁን ብቻ ነው፡፡ ትላንት ላይ ቆመን ተራራ የሆነብን ነገ የተደረሰበትና የተገኘው ዛሬ ብቻ ነው፡፡ ዛሬ የምንኖረው ኑሮ የትላንት ህልማችን ነው፡፡

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #ጊዜ #ዘመን #ውብ #አሁን #ፀጋ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #ዛሬ #ነገ #ትላንት #መሪ

የእግዚአብሔርን ጽድቅ የማይሰራው የሰው ቁጣ ባህሪያት

your will11.jpg

የሰው ቍጣ የእግዚአብሔርን ጽድቅ አይሠራምና። የያዕቆብ መልእክት 1፡20

የእግዚአብሄርን ፅድቅ ለመስራት የሚፈልግ የሰው ቁጣ አይሳካለትም፡፡ የሰው ቁጣ የእግዚአብሄ ፅድቅ ለመስራት አቅም ያነሰዋል፡፡ የሰው ቁጣ ለእግዚአብሄር ፅድቅ ጥያቄ የተሳሳተ መልስ ነው፡፡

የሰው ቁጣ የእግዚአብሄር እጅ የሌለበት ሰው በራሱ በስጋው ሃሳብ ተነሳስቶ የሚቆጣው ቁጣ ነው፡፡

የእግዚአብሄር ቁጣ እግዚአብሄር ራሱ ሲቆጣ የሚቆጣው ቁጣ ነው፡፡ እውነት ነው የእግዚአብሄር ቁጣ በሰው አማካኝነት ይገለጣል፡፡ የእግዚአብሄርን ቁጣ በትክክል ተረድተው ከእግዚአብሄር ጋር አብረው የሚቆጡ ሰዎች የሚቆጡት ቁጣ የእግዚአብሄር ቁጣ እንጂ የሰው ቁጣ አይደለም፡፡

እውነት ነው የእግዚአብሄር ቁጣ በሰው ውስጥ የሚገለጥበት ጊዜ አለ፡፡ ነገር ግን ሰው በተቆጣ ቁጥር እግዚአብሄር ተቆጣ ማለት ግን አይቻለም፡፡ ሰው ከራሱ ግላዊ ፍላጎት ተነስቶ ሊቆጣ ይችላል፡፡ ሰው ከራሱ የእውቀት እና የማስተዋል ማነስ የተነሳ ሊቆጣ ይችላል፡፡

አንዳንደ ጊዜ በአንዳነድ ሰው ላይ ልባችን ያዝናል፡፡ በግል እኛን ያደረገን ምንም ነገር የለም፡፡ ወይም በዚያ ሰው ላይ እንደናዝንበት የተለየ በደል አላደረሰብንም፡፡ ነግር ግን ልባችን ካለ ምክኒያት ያዝናል ይቆጣል፡፡ እግዚአብሄር በልባችን ቁጣውን ካካፈለን ከእግዚአብሄር ጋር ተባብረን አብረን መቆጣት ይገባናል፡፡ የእግዚአብሄር ቁጣ ነገሮችን ያስተካክላል፡፡ በራሳችን ተነሳሰተን የምንቆጣው ቁጣ ግን ነገሮችን ለማስተካከል አቅም የለውም፡፡

የሰው ቁጣ የእግዚአብሄርን ቁጣ የማይሰራበትን ምክንያት እንመልከት

  1. የሰው ቁጣ የሚመሰረተው በሰው ውስን እውቀት ላይ ነው፡፡ እግዚአብሄር እግዚአብሄ ለሰው የሰጠውን ስለሚያውቅ እና እንደተሰጠው መጠን እንዳልኖረ በትክክል ስለሚመዝን እግዚአብሄር ሲቆጣ በትክክል ይቆጣል፡፡

የጌታውንም ፈቃድ አውቆ ያልተዘጋጀ እንደ ፈቃዱም ያላደረገ ያ ባሪያ እጅግ ይገረፋል፤ ያላወቀ ግን መገረፍ የሚገባውንም ያደረገ ጥቂት ይገረፋል። ብዙም ከተሰጠው ሰው ሁሉ ከእርሱ ብዙ ይፈለግበታል፥ ብዙ አደራም ከተሰጠው ከእርሱ አብዝተው ይሹበታል። የሉቃስ ወንጌል 12፡47-48

  1. የሰውን ድካምና ጥንካሬ ስለሚያውቅ የእግዚአብሄር ቁጣ በትክክል ሊፈርድ ይችላል፡፡

ወደ ሌላ አገር የሚሄድ ሰው ባሮቹን ጠርቶ ያለውን ገንዘብ እንደ ሰጣቸው እንዲሁ ይሆናልና፤ ለእያንዳንዱ እንደ ዓቅሙ፥ ለአንዱ አምስት መክሊት ለአንዱ ሁለት ለአንዱም አንድ ሰጠና ወደ ሌላ አገር ወዲያው ሄደ። የማቴዎስ ወንጌል 25፡14-15

  1. ሰውን ሁሉ እኩል ስለሚያይና ለማንም ስለማያዳላ የእግዚአብሄር ቁጣ ትክክለኛ ቁጣ ነው፡፡ የሰው ቁጣ ከሌላው ሰው አላግባብ ጥቅምን ፈልጎ ሊቆጣ ስለሚችል የእግዚአብሄርን ፅድቅ የመስራት አቅም ይጎድለዋል፡፡

ክፉ አሳብ ያላቸውም ዳኞች መሆናችሁ አይደለምን? የያዕቆብ መልእክት 2፡4

  1. የሰው ቁጣ ትክክለኛውን የመቅጫና የመታገሻን ጊዜ አይለይም፡፡ የሰው ቁጣ ትክክለኛውን ጊዜ ስለማይለይ የእግዚአብሄርን ፅድቅን የማምጣትን አላማ ግቡን አይመታም፡፡

ስለዚህም በጨለማ የተሰወረውን ደግሞ ወደ ብርሃን የሚያወጣ የልብንም ምክር የሚገልጥ ጌታ እስኪመጣ ድረስ ጊዜው ሳይደርስ አንዳች አትፍረዱ፤ 1ኛ ወደ ቆሮንቶስ ሰዎች 4፡5

  1. ሰው በሃይሉ ስለማይበረታ እግዚአብሄር የሌለበት ቁጣ ፍሬ የለውም

እርሱ የቅዱሳኑን እግር ይጠብቃል ኃጥኣን ግን ዝም ብለው በጨለማ ይቀመጣሉ፤ ሰው በኃይሉ አይበረታምና። መጽሐፈ ሳሙኤል ቀዳማዊ 2፡9

  1. የሰው ቁጣ ለእግዚአብሄር ቁጣ ስፍራን ስለማይተው አይሳካተለትም

ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና። ወደ ሮሜ ሰዎች 12፡19

  1. የሰው ቁጣ ዋናውን የስራውን ባለቤት እግዚአብሄርን ከውሳኔ የማግለል ዝንባሌ ስላለው አይከናወንም፡፡

ከሕዝቡ መኳንንት ጋር ያስቀምጣቸው ዘንድ፥ የክብርንም ዙፋን ያወርሳቸው ዘንድ፥ ችግረኛውን ከመሬት ያስነሣል፥ ምስኪኑንም ከጉድፍ ያስነሣል፤ የምድር መሠረቶች የእግዚአብሔር ናቸውና፥ በእነርሱ ላይም ዓለምን አደረገ። መጽሐፈ ሳሙኤል ቀዳማዊ 2፡8

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #ቁጣ #ፅድቅ #ሃይል #ጥበብ #ልብ #መዳን #እምነት #መንንፈስንአታጥፉ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #መንፈስ #መንፈስቅዱስ

ይታክቱማል

your will11.jpg

ብላቴኖች ይደክማሉ ይታክቱማል፥ ጐበዛዝቱም ፈጽሞ ይወድቃሉ፤ ትንቢተ ኢሳይያስ 40፡30

ሰው ይቸኩላል፡፡ ሰው አይጠብቅም፡፡ ሰው ብዙ ጊዜ ነገሮች ወዲያው እንዲሆኑለት ይፈልጋል፡፡

ሰው አዲስ ነገር ሲያገኝ ይፈነጥዛል ነገር ግን ወዲያውም ይሰለቻል፡፡ በሰው ዘንድ ክብሩን ጠብቆ የሚቆይ ነገር የለም፡፡ ሰው የተመኘውን ነገር ሲያገኘው ክብሩን ያጣዋል፡፡ በሰው ዘንድ የከበረ ነገር በእጅ ሲያዝ ዋጋው ይቀንሳል ይረክሳል፡፡

ሰው ለጥቂት ሊፀና ይችላል፡፡ ነገር ግን ሰው ለረጅም ጊዜ የመፅናት ችሎታ የለውም፡፡

ሰው ወዲያው ይሰለቻል፡፡ ሰው ሃይሉ ያልቃል ይደክመዋል፡፡ ማንም ሰው ወጣቱ ትኩስ ጉልበት ያለውም ቢሆን ይታክታል፡፡

እግዚአብሄር ብቻ ለደካማ ሃይልን ይሰጣል፡፡ ብርታት ለሌለው ጉልበትን ይጨምራል፡፡ ትንቢተ ኢሳይያስ 40፡29

እግዚአብሄር ለደካማ ሃይልን በመስጠት ሰው እንዲጠብቅ ያስችለዋል፡፡ ሰው እንዳይቸኩል እና ሰልችቶት ጥሎ እንዳይሄድ ልቡን የሚይዘው የእግዚአብሄር ፀጋ ብቻ ነው፡፡ ሰው የሚያስችለውን የእግዚአብሄርን ሃይል የሚቀዳው እግዚአብሄርን ከመጠበቅ በእግዚአብሄር ፊት በፀሎት ከመቆየት ብቻ ነው፡፡

እግዚአብሄር ግን እንዲህ ይላል፡፡ ብላቴኖች ይደክማሉ ይታክቱማል፥ ጐበዛዝቱም ፈጽሞ ይወድቃሉ፤ እግዚአብሔርን በመተማመን የሚጠባበቁ ግን ኃይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፥ አይታክቱም፤ ይሄዳሉ፥ አይደክሙም። ትንቢተ ኢሳይያስ 40፡30-31

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #መጠበት #መተማመን #እምነት #ያድሳሉ #ይወጣሉ #አይደክሙም #አይታክቱም #እግዚአብሔር #አማርኛ #ስብከት #መዳን #መፅሃፍቅዱስ #ቃል #አሸናፊ #አማልክት #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

የእግዚአብሔር ሰው ሆይ

0 (13).jpg

አንተ ግን፥ የእግዚአብሔር ሰው ሆይ፥ ከዚህ ሽሽ፤ ጽድቅንና እግዚአብሔርን መምሰል እምነትንም ፍቅርንም መጽናትንም የዋህነትንም ተከታተል። 1ኛ ወደ ጢሞቴዎስ 6፡11

እግዚአብሄርን በተለይ በአምስቱ የአገልግሎት ስጦታዎች የሚያገለግሉት ሐዋርያት ፥ ነቢያት፥ ወንጌልን ሰባኪዎች፥ እረኞችና አስተማሪዎች የእግዚአብሄር ሰው ተብለው ሲጠሩ እንሰማለን፡፡ እውነት ነው በእነዚህ የአገልግሎት ስጦታዎች የሚያገለግሉ ሁሉ የእግዚአብሄር ሰው መሆን ይገባቸዋል፡፡

ነገር ግን የእግዚአብሄር ሰው የሚለው አገላለፅ ለእግዚአብሄር ለሚኖር ሰው ሁሉ የሚሰጥ መጠሪያ ስም እንጂ ለጥቂት አገልጋዮች የሚሰጥ የማእረግ ስም አይደለም፡፡

እነዚህን እግዚአብሄርን የመምሰል ባህሪያትን በህይወቱ የሚያሳይ ማንኛውም ሰው የእግዚአብሄር ሰው ነው፡፡ የእግዚአብሄር ሰው ማለት ለእግዚአብሄር እንጂ ለሌላ ነገር የማይኖር ለእግዚአብሄር የተሰጠ ሰው ማለት ነው፡፡

አገልጋይ ነኝ ቢልም እንኳን እነዚህን እግዚአብሄርን የመምሰል ባህሪያት የማያሳይ ማንኛውም ሰው ግን የእግዚአብሄር ሰው ሊባል አይገባውም፡፡ እግዚአብሄርን የመምሰል ባህሪ የሚያሳየውን ሰው ሰዎች እንደ ማእረግ ሳይሆን እንደ መግለጫ የእግዚአብሄር ሰው ብለው ይጠሩታል፡፡ ሰዎች የክርስትያኑን ህይወቱን ተመልከተው የእግዚአብሄር ሰው ይበሉት እንጂ የእግዚአብሄር ሰው ካላሉት መቆጣትና መናደድ የለበትም፡፡ ሰው ራሱን የእግዚአብሄር ሰው የሚል ማእረግ ሰጥቶ የእግዚአብሄር ሰው በሉኝ ማለት የለበትም፡፡

የእግዚአብሄር ሰው የሚያስብሉትን ባህሪያት ከመፅሃፍ ቅዱስ እንመልከት

  1. ገንዘብን ከመውደድ የሚሸሽ ሰው

ገንዘብን መውደድ የክፋት ሁሉ ሥር ነውና፥ አንዳንዶች ይህን ሲመኙ፥ ከሃይማኖት ተሳስተው በብዙ ሥቃይ ራሳቸውን ወጉ። አንተ ግን፥ የእግዚአብሔር ሰው ሆይ፥ ከዚህ ሽሽ፤ 1ኛ ወደ ጢሞቴዎስ 6፡10-11

ገንዘብን የሚወድ ሰው የገንዘብ ሰው እንጂ የእግዚአብሄር ሰው አይባልም፡፡ የእግዚአብሄር ሰው ባለው የሚረካ ያለኝ ይበቃኛል የሚል ራሱን የሚያማጥን ሰው ነው፡፡

አገልግሎታችንም እንዳይነቀፍ በአንዳች ነገር ማሰናከያ ከቶ አንሰጥም። ነገር ግን በሁሉ እንደ እግዚአብሔር አገልጋዮች ራሳችንን እናማጥናለን፤ በብዙ መጽናት፥ በመከራ፥ በችግር፥ በጭንቀት፥ በመገረፍ፥ በወኅኒ፥ በሁከት፥ በድካም፥ እንቅልፍ በማጣት፥ 2ኛ ወደ ቆሮንቶስ ሰዎች 6፡3-5

  1. ጽድቅን የሚከታተል

የእግዚአብሄር ሰው የፅድቅ ሰው ነው፡፡ የእግዚአብሄር ሰው በእግዚአብሄር ዘንድ ትክክል መሆኑን ራሱን ሁልጊዜ የሚፈትሽ ሰው ነው፡፡ የእግዚአብሄር ሰው እንደ እግዚአብሄር ቃል ትክክለኛውን ነገር ማድረጉን በማረጋገጥ በማስተዋል የሚራመድ ሰው ነው፡፡ የእግዚአብሄር ሰው የማይገባውን የማያደርግ ሰው ነው፡፡ የእግዚአብሄር ሰው በላይኛይቱ ጥበብ በመራመድ ፅድቅን በትጋት የሚዘራ ሰው ነው፡፡

ላይኛይቱ ጥበብ ግን በመጀመሪያ ንጽሕት ናት፥ በኋላም ታራቂ፥ ገር፥ እሺ ባይ ምሕረትና በጎ ፍሬ የሞላባት፥ ጥርጥርና ግብዝነት የሌለባት ናት። የጽድቅም ፍሬ ሰላምን ለሚያደርጉት ሰዎች በሰላም ይዘራል። የያዕቆብ መልእክት 3፡17-18

  1. እግዚአብሔርን መምሰል

የእግዚአብሄር ሰው በህይወቱ ክርስቶስን የሚመስል ሰው ነው፡፡ የእግዚአብሄር ሰው የክርስቶስ ልብ ያለው ሰው ነው፡፡ የእግዚአብሄር ሰው የክርስቶስን ባህሪ በህይወቱ የሚያሳይ ሌሎችን የሚያስቀድም ራስ ወዳድ ያልሆነ ትሁት ሰው ነው፡፡

በክርስቶስ ኢየሱስ የነበረ ይህ አሳብ በእናንተ ዘንድ ደግሞ ይሁን። ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ በምስሉም እንደ ሰው ተገኝቶ ራሱን አዋረደ፥ ለሞትም ይኸውም የመስቀል ሞት እንኳ የታዘዘ ሆነ። ወደ ፊልጵስዩስ ሰዎች 2፡5፣7-8

  1. እምነትን የሚኖር

የእግዚአብሄር ሰው የእምነት ሰው ነው፡፡ የእግዚአብሄር ሰው ሁልጊዜ በማይመስል ሁኔታ ውስጥ እንኳን እግዚአብሄርን በማመኑ ይታወቃል፡፡ የእግዚአብሄር ሰው በሰዎች ላይ አይታመንም፡፡ የእግዚአብሄር ሰው በሁኔታ ላይ አይደገፍም፡፡ የእግዚአብሄር ሰው በእግዚአብሄር ቃል ላይ የሚቆም ሰው ነው፡፡ የእግዚአብሄር ሰው በእግዚአብሄር የተስፋ ቃል ላይ የሚቆም ሰው ነው፡፡ የእግዚአብሄር ሰው የሚመላለሰው በተፈጥሮ አይን በሚታየው ሳይሆን በተፈጥሮ አይን በማይታየው ነው፡፡

የማይታየውን እንጂ የሚታየውን ባንመለከት፥ . . . የሚታየው የጊዜው ነውና፥ የማይታየው ግን የዘላለም ነው። 2ኛ ወደ ቆሮንቶስ ሰዎች 4፡17-18

  1. ፍቅር

የእግዚአብሄር ሰው እግዚአብሄርንና ሰውን የሚወድ ሰው ነው፡፡ የእግዚአብሄር ሰው ለእግዚአብሄርና ለሰው መልካም የሚያስብ መልካም የሚናገርና መልካም የሚያደርግ ፍቅር ያለው ሰው ነው፡፡

አንተም በፍጹም ልብህ በፍጹምም ነፍስህ በፍጹምም አሳብህ በፍጹምም ኃይልህ ጌታ አምላክህን ውደድ የምትል ናት። ፊተኛይቱ ትእዛዝ ይህች ናት። ሁለተኛይቱም፦ ባልንጀራህን እንደ ራስህ ውደድ የምትል እርስዋን የምትመስል ይህች ናት። ከእነዚህ የምትበልጥ ሌላ ትእዛዝ የለችም። የማርቆስ ወንጌል 12፡30-31

  1. መጽናትን ይከታተላል

የእግዚአብሄር ሰው በፅናቱ ይታወቃል፡፡ የእግዚአብሄር ሰው ወረተኛ አይደለም፡፡ የእግዚአብሄር ሰው የእግዚአብሄር ፈቃድ ካደረገ በኋላ ይታገሳል፡፡ የእግዚአብሄር ሰው እግዚአብሄርንና ሰውን ይታገሳል በአስቸጋሪ ሁኔታ ውስጥ ይጠብቃል፡፡ የእግዚአብሄር ሰው በታማኝነቱ እና በመፅናቱ ይታወቃል፡፡

የእግዚአብሔርን ፈቃድ አድርጋችሁ የተሰጣችሁን የተስፋ ቃል እንድታገኙ መጽናት ያስፈልጋችኋልና። ወደ ዕብራውያን 10፡36

  1. የዋህነት

የእግዚአብሄር ሰው በየዋህነቱ ይታወቃል፡፡ የእግዚአብሄር ሰው ያለውን ተፅእኖውን ለክፋት ባለመጠቀም ይታወቃል፡፡ የእግዚአብሄር ሰው ክፉ ለማድርግ ሃይሉና እድሉን እግኝቶ ክፉ ላለማድረግ የወሰነ ሰው ነው፡፡ የእግዚአብሄር ሰው ክፉ ለሚያደርግበት ሰው መልካም በማድረግ ይታወቃል፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። ወደ ገላትያ ሰዎች 5፡22

አንተ ግን፥ የእግዚአብሔር ሰው ሆይ፥ ከዚህ ሽሽ፤ ጽድቅንና እግዚአብሔርን መምሰል እምነትንም ፍቅርንም መጽናትንም የዋህነትንም ተከታተል። 1ኛ ወደ ጢሞቴዎስ 6፡11

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #እምነት #ህይወት #የገንዘብፍቅር #የዋህነት #መጽናት #ባህሪ #ቤተክርስትያን #አማርኛ #ስብከት #እግዚአብሔርንመምሰል #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #ትህትና

ከ2019 የኖቤል የሰላም ሽልማት ተሸላሚ የዶክተር አቢይ አህመድ የታዘብኩት

your will11.jpg

በተለያየ መልኩ ከተማርኩት የመሪነት መርሆዎች አንፃር ፣ እኔም በህይወቴ ካለፍኩባቸው የተለያዩ መሪነት ሃላፊነቶች አንፃር ከዶክተር አቢይ የመሪነት ባህሪያት የታዘብኩትን ላካፍላችሁ ወደድኩ፡፡

መሪነት የተፅእኖ ጉዳይ ነው፡፡ በዚህ ፅሁፌ ዶክተር አቢይ በጥቂት ወራት ውስጥ በኢትዮጲያ ህዝብ ላይ ያሳደሩትን ተፅእኖ ለመዘርዘር ወደድኩ፡፡

  1. ፍትህ

ዶክተር አቢይ ህዝቡን ካስደመሙበት ባህሪያት አንዱ ፍትህ ነው፡፡ ፍትህ ማለት አለማዳላት ማለት ነው፡፡ ዶክተር አቢይ የኢትዮጲያን ህዝብ እኩል የሚያዩ መሪ እንደሆኑ አስመስክረዋል፡፡ ለሰው ልጅ ያላቸው ክብር ከፍተኛ ነው፡፡ ለዶክተር አቢይ ትልቁም ሰው ትንሹም ሰው አንድ ነው፡፡ ሰውን በሰውነቱ እንጂ በዘሩ በሃብቱ በእውቀቱ እና በፆታው አይለዩም፡፡ ሰውን ሲያዩ የሚታያቸው የአገር እዳ ሳይሆን የአገር ሃብት ነው፡፡ ሰው ሁሉ ሁኔታው ከተመቻቹለት ሊነሳ ሊያድግ ሊበለፅግ እንደሚችል ያምናሉ፡፡

  1. እውነተኝነት

ዶክተር አቢይ እውነተኛ ሰው ናቸው፡፡ በአፋቸው የሚናገሩት አንድ በልባቸው ያለው ሌላ ነገር አይደለም፡፡ የተዘጋጁት የኢትዮጲያን ህዝብ ለማገልገል ነው፡፡ በስልጣን ላይ ያሉት ለህዝቡ እኔ አውቅልሃለሁ እያሉ የራሳቸውን ጥቅም ለማሳደድ አይደለም፡፡ እውነት እንደምታሸንፍ ያምናሉ፡፡ ሁሌ ከእውነት ጋር ለመወገን እውነትን ለመፈለግ ይተጋሉ፡፡ የመሪነት እና የተመሪነት ጉዳይ የመተማመን ጉዳይ ነው፡፡ አንድ የአገር መሪ እውነተኛ ሰው እንደሆነ የሚመራው ህዝብ ሊያመነው እና ራሱን ሊሰጠው ሊተባበረው ይገባል፡፡ ዶክተር አቢይ በእውነተኝነት የህዝቡን ልብ ያስከተሉ መሪ ናቸው፡፡

  1. ፍቅር

ዶክተር አቢይ በፍቅራቸው ይታወቃሉ፡፡ ዶክተር አቢይ ለሰውም መልካም በማሰብ ለሰው መልካም በመናገር ለሰው መልካም በማድረግ ይታወቃሉ፡፡

  1. ምህረት

ዶክተር አቢይ በምህረታቸው እንደሚታወቁ አለም የመሰከረው ነው፡፡ ዶክተር አቢይ እስረኞችን በመፍታት በምህረታቸው ይታወቃሉ፡፡ ዶክተር አቢይ የሚያበሳጩዋቸው ሰዎችን ላለማሰር በትግስታቸው ይታወቃሉ፡፡ ዶክተር አቢይ አብረዋቸው ለሚሰሩ ሰዎች ርህራሄ አላቸው፡፡ ዶክተር አቢይ የሰዎችን ድካም አለፈው ማየትና በብርታታቸው ላይ ብቻ የማተኮር ዝንባሌ አላቸው፡፡

  1. ታማኝነት

ዶክተር አቢይ ቀን ከሌሊት ለሃገሪቱ እድገት ካለእረፍት እንዲሰሩ የሚጎተገታቸው የታማኝነት ስሜት ነው፡፡ ለህዝቡ ታማኝ መሆን ይፈልጋሉ፡፡ ለህዝቡ ካላቸው አክብሮት የተነሳ ህዝቡ የሰጣቸውን ሃላፊነትና ማባከን አይፈልጉም፡፡ ህዝቡ ያሳያቸውን ፍቅር እና ድጋፍ ህዝቡን መልሰው ህዝቡን በማገፈልገል መክፈል ይፈልጋሉ፡፡ ዶክተር አቢይ ህዝብን ባለቸው እውቀት ሁሉ ከማገልገል ውጭ ሌላ ድብቅ አጀንዳ ያላቸውም፡፡

  1. ባለራእይነት

ዶክተር አቢይ ከብዙ ሰዎች ከፍ ያለ ነገርን ያያሉ፡፡ ዶክተር አቢይ የኢትዮጲያን እምቅ ጉልበት ያያሉ፡፡ ኢትዮጲያ በትክክል ከተመራች የት ልትደርስ እንደምትችል ያልማሉ፡፡ ብዙ ሰዎች አሁን አገሪቱ ያለችበትን ሁኔታ አይተው ተስፋ ሲቆርጡ ዶክተር አቢይ አሁን ያለችበትን ሁኔታ ሳይሆን እየሄደችበትን ያለችውን የብልፅግና ደረጃ አይተው በድፍረት ይናገራሉ፡፡ ዶክተር አቢይ በብጥብጥ ውስጥ ሰላምን ያያሉ፡፡ ዶክተር አቢይ በመቀነስ ውስጥ መጨመርን ያያሉ፡፡ ዶክትር አቢይ በውድቀት ውስጥ መነሳትን ያያሉ፡፡

  1. ብሩህነት

ዶክተር አቢይ አእምሮዋቸው ብሩህ ነው፡፡ ዶክተር አቢይ ለውጥን አይፈሩም፡፡ ዶክተር አቢይ ውድቀትን ፈርተው መውሰድ  የሚገባቸውን አስፈላጊ እርምጃ ከመውሰድ ወደኋላ አይሉም፡፡ ዶክተር አቢይ የአገሪቱን የፖለቲካ ምህዳር ለማስፋት ሲወስኑ እጅግ የተራራቁ ሊታረቁ የማይችሉ ፅንፍ አስተሳሰቦች እንዳሉ እየተረዱት ነው፡፡ ዶክተር አቢይ ለመማር የተዘጋጁ ሰው ናቸው፡፡ ዶክተር አቢይ የአገሪቱን ፣ የቀጠናውንና እና የአለምን ወቅታዊ ሁኔታ ለማንበብ አእምሮዋቸው ክፍት ነው፡፡ ዶክተር አቢይ የኢኮኖሚ መርሆዎችን ለመረዳት አእምሮዋቸው ክፍት ነው፡፡

  1. አገልጋይነት

ዶክተር አቢይ ያላቸውን መሪነት መጠቀሚያ አጋጣሚ ሳይሆን መጥቀሚያ አጋጣሚ አድርገው ነው የሚመለከቱት፡፡ ዶክተር አቢይ ስልጣኑን የሚመለከቱት እንደ ሸክም እንጂ እንደ ጥቅም አይደለም፡፡ ዶክተር አቢይ ስልጣኑን የሚያዩት ሰውን እንደማገልገያ አጋጣሚ እንጂ በሰው እንደ መገልገያ አጋጣሚ አይደለም፡፡ ዶክተር አቢይ ነገር ስልጣን ባይኖራቸው በደስታ ከስልጣናቸው ወርደው ሌላ የሚያስደስታቸውን ነገር ለማድረግ ራሳቸውን የማያካብዱ ህይወታቸው ቀለል ያለ ሰው ናቸው፡፡ ዶክተር አቢይ እሳቸው ብቻ የተለዩ መሪ እንደሆኑ አያስቡም፡፡ በተለያየ ጊዜ እንደሰማሁዋቸው ይህችን አገር ለመምራት እሳቸው ብቻ እንደተመረቁና እንደተለዩ ሰው አድርገው ስለራሳቸው አያስቡም፡፡ እርሳቸው ስልጣን በሚለቁበት ጊዜ ይህችን አገር እንደእርሳቸው ወይው ከእርሳቸው የተሻለ የሚመራ መሪ እንደሚነሳ ያምናሉ፡፡ እንደተመረጡ የአንድ መሪ የመምራት ዘመን እንዲወሰን ለምክር ቤቱ ጥያቄ ያቀረቡት ስለዚህም ይመስለኛል፡፡

  1. በሰዎች ማመን

ዶክተር አቢይ በሰዎች ያምናሉ፡፡ ዶክተር አቢይ ስጋት እና ፍርሃት የለባቸውም፡፡ ዶክተር አቢይ “እሺ ጌታዬ” ብቻ የሚሉትን ሰዎች በዙሪያቸው አይሰበስቡም፡፡ ዶክተር አቢይ የተለየ አመለካት ካለው ሰው ጋር ለመስራት ስጋት የለባቸውም፡፡ ዶክተር አቢይ የእኔ የፖለቲካ ድርጅት ሰውን አምናለሁ ከእኔ የፖለቲካ ድርጅት ውጭ ያለን ሰውን አላምንም የሚል አስተሳሰብ የላቸውም፡፡ የሰውን እምቅ ጉልበት ከተረዱ የተቃዋሚ ድርጅት አባልን በማስጠጋት ለአገሪቱ እድገት አስተዋጽኦ እንዲያደርግ ይሾማሉ፡፡ ዶክትር አቢይ ሰዎችን በፖለቲካ ታማኝነት ብቻ አይለኩም፡፡ ዶክተር አቢይ  ከእርሳቸው የተለየ የፖለቲካ አቋም ያለው ማንም ሰው በየትኛውም የስልጣን ደረጃ በሙያው አገሪቱን ማገልገል እንደሚችል ያምናሉ፡፡

  1. ዲሞክራቲክ

አንዳንደ ሰዎች ዲሞክራሲ ብለው የሚጮኹት የራሳቸውን ፍላጎት ለማሳካት ብቻ ነው፡፡ የራሳቸውን ፍላጎት እስካላሳካ ድረስ ዲሞክራሲ የሚባለውን ነገር በመስኮት አሽቀንጥረው ነው የሚጥሉት፡፡ ዶክተር አቢይ ዲሞክራሲ ሲሉ ለእርሳቸው ብቻ ሳይሆን በእርሳቸውም ላይ እንደሚሰራ ተቀብለዋል፡፡ ዶክተር አቢይ ዲሞክራሲ የሚሉት ለአፋቸው አይደልም ከልባቸው ነው፡፡ ብዙ ሰዎች ዲሞክራሲና የህግ የበላይነት ብለው በብዛት የሚጮሁት ስልጣኑ ላይ ስላይደሉ ነው፡፡ ልክ ስልጣኑ ላይ ሲሆኑ የስልጣን እና የሃይል ፈተና በአፋቸውም ባይሆን በልባቸው የምን ዲሞክራሲ የምን የህግ የበላይነት እንዲሉ ያደርጋቸዋል፡፡

ይህን ሁሉ ያደረገው እግዚአብሄር ነው፡፡ የኢትዮጲያ ህዝብ እግዚአብሄር ትክክለኛ መሪ እንዲነሳ አብዝቶ ፀልዮዋል፡፡ ይህ የፀሎት መልስ ነው፡፡ እግዚአብሄር ይመስገን፡፡

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #ፖለቲካ #ፀሎት #ዶክተርአቢይ #ኖቤልሽልማት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #አቢይአህመድ #ፅናት #ትግስት #መሪ

ሞገስ በስራ ላይ

Cash-for-work-project-Ethiopia1 (2).png

እነሆ፥ የማታውቀውን ሕዝብ ትጠራለህ፥ የእስራኤልም ቅዱስ አክብሮሃልና ስለ አምላክህ ስለ እግዚአብሔር የማያውቁህ ሕዝብ ወደ አንተ ይሮጣሉ። ትንቢተ ኢሳይያስ 55፡5

እግዚአብሄር እርሱን በምንፈልግ በእያንዳንዳችን ህይወት በትጋት እየሰራ ነው፡፡ እግዚአብሄር ሲሰራ ብዙ ጊዜ አይጮኽም፡፡ እግዚአብሄር በዝምታ እና ውስጥ ውስጡን ሰራ ማለት እግዚአብሄር እየሰራ አያደለም ማለት አይደለም፡፡

እግዚአብሄር በዝምታ ከሚሰራባቸው መንገዶች አንዱ ሞገስን በመስጠት መንገዳችንን ማቅናት ነው፡፡ እግዚአብሄር በህይወታችን ያለውን አላማውን ለመፈፀም ሞገስን ይሰጠናል፡፡

እግዚአብሔር አምላክ ምሕረትንና እውነትን ስለ ወደደ፥ ሞገስንና ክብርን ይሰጣል፤ መዝሙረ ዳዊት 84፡11

በእያንዳንዱ የህይወታችን ክፍል የእግዚአብሄርን የሞገሱን ስራ መጠበቅ ይገባናል፡፡ ሁሉም የህይወታችን ነገር ተሰልቶ የሚታወቅ መሆን የለበትም፡፡ በጎደለው ነገር የእግዚአብሄርን ሞገስ ተስፋ የምናደርግ መሆን አለብን፡፡ በህይወታችን የእግዚአብሄርን ከተፈጥሮ በላይ የሆነን የሞገስን አሰራር መጠበቅ አለብን፡፡

የእግዚአብሄርን የሞገስ እርዳታ ለመረዳት እና በእያንዳንዱ ቀን የእግዚአብሄርንም የሞገስ አሰራር ለመጠባበቅ ሞገስ ምን እንደሆነና በምን እንደሚገለጥ ከእግዚአብሄር ቃል እንመልከት፡፡

  1. ሞገስ የማይገባንን ተቀባይነትን ይሰጣል

ሰዎች ስለአንድ ነገር የሚቀበሉት ሰው አለ የማይቀበሉት ሰው አለ፡፡ ሰዎች ሰውን የሚቀበሉበት የተለያየ መመዘኛ አላቸው፡፡ ሰው የመሆን አንዱ ስጦታ በነፃ ፈቃድ መምረጥ መቻሉ ነው፡፡ ሰው የመሆን አንዱ ስጦታ የሚመርጠውና የማይመርጠው ነገር መኖሩ ነው፡፡

ሰዎች ሰዎችን የሚቀበሉበትን መመዘኛዎች ሁሉ አሟልተን ሰዎች ከተቀበሉን ምንም አያስደንቅም፡፡ ነገር ግን ሰዎች ሰዎችን የሚቀበሉበትን መሰረታዊ የብቃት ደረጃ ሳናሟላ ሰዎች ከተቀበሉን ይህ ከተፈጥሮ በላይ የሆነ የእግዚአብሄር አሰራር ነው ብለን መቀበል እንችላለን፡፡

ህይወት ፍፁም አይደለም፡፡ የሚያስፈልገውን መመዘኛ ሁሉ ሁል ጊዜ ማሟላት አንችልም፡፡ ህይወትን ፍፁም የሚያደርገው የእግዚአብሄር አሰራር ነው፡፡ የጎደለንን የሚሞላውና የእግዚአብሄር ሞገስ ነው፡፡

አንድ ሴት ለአቅመ ሄዋን ከደረሰች ጀምሮ ብዙ ወንዶች ወደ እርስዋ ይሳባሉ፡፡ እርስዋም ወደ ብዙ ወንዶች ልትሳብ ትችላች፡፡ ነገር ግን ወደ እርስዋ የተሳቡትን እርስዋም ወደ እነርሱ የተሳበቻቸውን ወንዶች ለማግባት አትወስንም፡፡ በህይወትዋ ዘመን እንዲመራትና እንዲንከባከባት በፊትዋ ሞገስን የሚያገኘው አንድ ወንድ ብቻ ነው፡፡ ባሌ ይሆናለ ብላ የምትወስነው ወንድ ከሌሎቹ ወንዶች በምን እንደተለየ ብዙም ላይገባት ትችላለች ነገር ግን እንዲሁ በፊቷ ሞገስን ያገኛል፡፡

አስቴርም በሚያዩአት ሁሉ ዓይን ሞገስ አግኝታ ነበርና። መጽሐፈ አስቴር 2፡15

ሚስት ያገኘ በረከትን አገኘ፥ ከእግዚአብሔርም ሞገስን ይቀበላል። መጽሐፈ ምሳሌ 18፡22

  1. በእግዚአብሄር ሞገስ ምክኒያት ሰዎች እምቢ ያሉትንና የከለከሉትን ይፈቅዱልናል

ሰዎች በተለምዶ የሚከለክሉትን ነገር ለእኛ ከፈቀዱልን የእግዚአብሄር ሞገስ ከእኛ ጋር እየሰራ እንደሆነ ማረጋገጫው ነው፡፡

በቤቱም አጠገብ ላለው ለግንብ በሮች፥ ለከተማውም ቅጥር፥ ለምገባበትም ቤት እንጨት እንዲሰጠኝ ለንጉሡ ዱር ጠባቂ ለአሳፍ ደብዳቤ ይሰጠኝ አልሁት። ንጉሡም በእኔ ላይ መልካም እንደ ሆነችው እንደ አምላኬ እጅ ሰጠኝ። በወንዙም ማዶ ወዳሉት አለቆች መጥቼ የንጉሡን ደብዳቤ ሰጠኋቸው፤ ንጉሡም ከእኔ ጋር የሠራዊቱን አለቆችና ፈረሰኞች ሰደደ። መጽሐፈ ነህምያ 2፡8-9

የእግዚአብሄር ሞገስ ከእኛ ጋር ሲሰራ ሰዎች ሃሳባችንን ለማስፈፀም ከተለመደው የተለየ በትጋት ይሰራሉ፡፡

የአምላኬም እጅ በእኔ ላይ መልካም እንደሆነች፥ ንጉሡም የነገረኝን ቃል ነገርኋቸው። እነርሱም፦ እንነሣና እንሥራ አሉ። እጃቸውንም ለበጎ ሥራ አበረቱ። መጽሐፈ ነህምያ 2፡18

  1. እግዚአብሄር በእኛ ላይ ካስቀመጠው ሞገስ የተነሳ ሰዎች ካለምክንያት ይወዱናል

እውነት ነው ሰዎች እኛን የሚወዱበትን ምክኒያት በግልፅ ሊያውቁና ሊመሰክሩ ይችላሉ፡፡ ነገር ግን ሰዎች ካለ ምክኒያት ሲወዱ ይህ ሰው እንደሁ ደስ ይለኛል ሲሉ የእግዚአብሄር ሞገስ አንዱ መገለጫው ነው፡፡ ሰዎች ወደ ሌላው ሰው ለመሳብ ብዙ ምክንያት እያላቸው ካለ ምክኒያት ወደ እኛ ከተሳቡ የእግዚአብሄር ሞገስ በስራ ላይ ነው ማለት ነው፡፡

ከመከራውም ሁሉ አወጣው፥ በግብፅ ንጉሥ በፈርዖንም ፊት ሞገስንና ጥበብን ሰጠው፥ በግብፅና በቤቱ ሁሉ ላይም ቢትወደድ አድርጎ ሾመው። የሐዋርያት ሥራ 7፡10

  1. ሰዎች ስህተታችንን በቀላሉ ካለፉት የእግዚአብሄር ሞገስ ከእኛ ጋር ነው

ሰዎች አጥፍተንም የማይጨክኑብን ከሆነ የእግዚአብሄርን የሞገስ ስራን በህይወታችን አናስተውላለን፡፡ በሰዎች ፊት ሞገስ ካገኘን ሰዎች የስህተት ንግግራችንን አስተካልው ይሰሙታል፡፡ በሰዎች ፊት ሞገስ ስናገኝ ሰዎች በተለምዶ የማይቀበሉትን የሚያበሳጫቸውን ኑሮዋችንን አስተካክለው ያነቡታል፡፡ ሰዎች ስህተታችን የሚያንስባቸው ብርታታችን የሚያይልባቸው ከሆነ በፊታቸው ሞገስን አግኝተናል፡፡

ንጉሡም ከሴቶች ሁሉ ይልቅ አስቴርን ወደደ፥ በዓይኑም ከደናግል ሁሉ ይልቅ ሞገስንና መወደድን አገኘች፤ የመንግሥቱንም ዘውድ በራስዋ ላይ አደረገ፥ በአስጢንም ፋንታ አነገሣት። መጽሐፈ አስቴር 2፡17

  1. ሰዎች ምንም ይሁን ከእኛ ወገን ከቆሙ የእግዚአብሄር ሞገስ አንደኛው ማረጋገጫ ነው

ሰዎች ስህተታችን ለማጋለጥ ሳይሆን ለመሸፈን ከተጉ በፊታቸው ሞገስ አግኝተናል ማለት ነው፡፡ ሰዎች የእኛ ጉድለት እንደራሳቸው ጉድለት ለመቁጠር ከእኛ ጋር ራሳቸውን ካስተባበሩ እግዚአብሄር በፊታቸው ሞገስን ሰጥቶናል ማለት ነው፡፡

አቤቱ፥ በሕዝብህ ሞገስ አስበን፥ በመድኃኒትህም ጐብኘን፤ መዝሙረ ዳዊት 106፡4

  1. ጠላት መሆን የሚገባቸው ሰዎች ከእኛ ጋር ሰላም ከሆኑ የእግዚአብሄር ሞገስ ከእኛ ጋር እየሰራ እንደሆነ ያመልክታል፡፡ የሚጠሉን ሰዎች በእኛ ላይ ክፋት እንዳያደርጉ የሚያደርጋቸው እና ሰላምን የሚያደርገው እግዚአብሄር በእኛ ላይ ያደረገው ሞገስ ነው፡፡

የሰው አካሄድ እግዚአብሔርን ደስ ያሰኘው እንደ ሆነ በእርሱና በጠላቶቹ መካከል ስንኳ ሰላምን ያደርጋል። መጽሐፈ ምሳሌ 16፡7

  1. ሰዎች ልመናችንን ሰምተው ካላጉላሉንና ጉዳያችንን በትጋት ከፈፀሙልን የእግዚአብሄር ሞገስ መገለጫው ነው፡፡

እግዚአብሔርም በግብፃውያን ፊት ለሕዝቡ ሞገስን ሰጠው። ሙሴም በፈርዖን ባሪያዎችና በሕዝቡ ፊት በግብፅ አገር እጅግ የከበረ ሰው ነበረ። ኦሪት ዘጸአት 11፡3

የእስራኤልም ልጆች ሙሴ እንዳዘዘ አደረጉ፥ ከግብፃውያንም የብርንና የወርቅን ዕቃ ልብስንም ለመኑ። እግዚአብሔርም ለሕዝቡ በግብፃውያን ፊት የፈለጉትን እንዲሰጡአቸው ሞገስን ሰጠ። እነርሱም ግብፃውያንን በዘበዙ።  ኦሪት ዘጸአት 12፡35-36

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #ሞገስ #ተቀባይነት #ብልፅግና #ስኬት #ስምረት #መጠበቅ #ቤተክርስትያን #አማርኛ #ስብከት #መዳን #መፅሃፍቅዱስ #መፈለግ #አቢይ #አቢይዋቁማ #አቢይዋቁማዲንሳ #እወጃ #መታዘዝ #መውደድ #ትግስት #መሪ

የግንኙነት ስምረት

ff0d840fdc85924748dee034d4850f0e.jpg

ሰው ብቻውን ብዙ ነገር ሊያደርግ አይችልም፡፡ ሰው በግሉ በብዙ ነገሮች የተወሰነ ነው፡፡ ሰው እጅግ ታላላቅ ነገሮችን ሊያደርግ የሚችልበት እምቅ ጉልበቱ የሚለቀቀው በግንኙነት ውስጥ ነው፡፡

ሰው ብቻውን ሊፈፅም ከሚችለው ነገር ሁሉ ይልቅ በግንኙነት ሊፈፀም የሚችለው ነገር እጅግ ይበልጣል፡፡ ለስኬትና ለፍሬያማነት ግንኙነት ወሳኝ ነው፡፡ ለእድገትና ለመስፋት ግንኙነት ግድ ይላል፡፡

ግንኙነት የራሱ ህግ አለው፡፡ ግንኙነት የራሱ ተግዳሮቶች አሉት፡፡ በህጉ ከተመላለስን ግንኙነት ይባርከናል፡፡ በህጉ ካልተመላለስን ግንኙነት የሚገባውን ያክል ሊጠቅመን አይችልም፡፡ ከግንኙነት የተሻለ ነገር ማውጣት የምንችለው የግንኙነትን መሰረታዊ ህጎች ስንረዳ ነው፡፡

ማንኛውም ውድድር ህግ አለው፡፡ ህግ የሌለው ውድድር የለም፡፡ ውድድርን ውድድር የሚያደርገው ህጉን ጠብቆ መወዳደር ነው፡፡

ከሰው ልጅ ግንኙነቶች እጅግ በጣም ወሳኙ ሰው ከእግዚአብሄር ጋር ያለው ግንኙነት ነው፡፡ የሰው ህይወት ስኬት ከእግዚአብሄር ጋር ባለው ግንኙነት ይወሰናል፡፡ ሰው ከእግዚአብሄር ጋር ያለው ግንኙነት ጥበብ የጥበብ ሁሉ መሰረታዊ ጥበብ እንደሆነ መፅሃፍ ቅዱስ የሚያስተውረው ስለዚህ ነው ፡፡ ሰው የብዙ ግንኙነቶች አዋቂ ቢሆን ከእግዚአብሄር ጋር ባለው ግንኙነት አላዋቂ ከሆነ ከንቱ ነው፡፡ በሌሎች ግንኙነቶች ሁሉ ከተካነና ከእግዚአብሄር ጋር ባለ ግንኙነት ጥበብ ከጎደለው ሰው በላይ ምስኪን ሰው የለም፡፡

የጥበብ መጀመሪያ እግዚአብሔርን መፍራት ነው፤ ሰነፎች ግን ጥበብንና ተግሣጽን ይንቃሉ። መጽሐፈ ምሳሌ 1፡7

ከእግዚአብሄር ጋር ያለን ግንኙነት እንደሚገባ ከያዝን ሌሎች ግንኙነቶች ሁሉ ትክክለኛ ስፍራቸውን ይይዛሉ፡፡ ከእግዚአብሄር ጋር ያለን ይህ ወሳኝ ግንኙነት ከተበላሸ ከሌሎች ነገሮች ሁሉ ጋር ያለን ግንኙነት ይበላሻል፡፡ ሰው በህይወቱ የሚገጥመው ማንኛውም ውድቀት ከእግዚአብሄር ጋር ያለው ግንኙነት መበላሸት ውጤት ነው፡፡

እግዚአብሄር ጋር ያለን ግንኙነት የራሱ መሰረታዊ ህጎች አሉት፡፡ እግዚአብሄር ከሰው በጣም ብዙ ነገሮችን አይጠብቅም፡፡ እግዚአብሄር ሰውን አያስጨንቅም፡፡

ትእዛዛቱን ልንጠብቅ የእግዚአብሔር ፍቅር ይህ ነውና፤ ትእዛዛቱም ከባዶች አይደሉም። 1ኛ የዮሐንስ መልእክት 5፡3

እግዚአብሄር ሰውን ከሚችለው በላይ እንዲፈተን አይፈቅድምን፡፡

እግዚአብሄ በአንድ ቀን ራሱን ሰጥቶ ይጨርሳል ብለን መጠበቅ የለብንም፡፡ እግዚአብሄር የሰጠንን ምን እንዳደረግነውና ምን ያህል ታማኝ እንደሆንን ማረጋገጥ ይፈልጋል፡፡

ከእግዚአብሄር ጋር ባለን ግንኙነት እግዚአብሄር ራሱን ይበልጥ የሚሰጠን እነዚህ የግንኙነት ህጎች ስንረዳ ብቻ ነው፡፡ እነዚህን መፅሃፍ ቅዱሳዊ የግንኙነት ህጎች በተረዳንና በእለት ተእለት ኑሮዋችን በተገበርናቸው መጠን ከቀን ወደቀን እግዚአብሄር ራሱን ይበልጥ እየሰጠን ይሄዳል፡፡

ኢየሱስም መለሰ አለውም፦ የሚወደኝ ቢኖር ቃሌን ይጠብቃል፤ አባቴም ይወደዋል ወደ እርሱም እንመጣለን በእርሱም ዘንድ መኖሪያ እናደርጋለን። የዮሐንስ ወንጌል 14፡23

በእግዚአብሄር እና በሰው መካካል ያለው ግንኙነት እንዲሰምር እግዚአብሄር ከሰው የሚፈልገው መሰረታዊ ነገር አለ፡፡ እግዚአብሄር ከሰው የሚጠይቀውን ሰውም ሊያደርግ የሚችለውን ነገሮች ከመፅሃፍ ቅዱስ እንመልከት፡፡

  1. ሰው ከእግዚአብሄር ጋር ያለው ግንኙነቱ የሚሰምረው ሰው ከእግዚአብሄር ጋር በትህትና ሲኖር ነው፡፡

እግዚአብሄር ፈጣሪያችን አምላካችንም ነው እንጂ የቆሎ ጓደኛችን እኩያችን አይደለም፡፡ ካለትህትና ከእግዚአብሄር ጋር ያለን ግንኙነት ይሰምራል ማለት ዘበት ነው፡፡

ሰው ሆይ፥ መልካሙን ነግሮሃል፤ እግዚአብሔርም ከአንተ ዘንድ የሚሻው ምንድር ነው? ፍርድን ታደርግ ዘንድ፥ ምሕረትንም ትወድድ ዘንድ፥ ከአምላክህም ጋር በትሕትና ትሄድ ዘንድ አይደለምን? ትንቢተ ሚክያስ 6፡8

  1. ሰው ከእግዚአብሄር ጋር ባለው ግንኙነት ሙሉ ለሙሉ ተጠቃሚ የሚሆነው እግዚአብሄርን ሲያመሰግን ነው፡፡

እግዚአብሄር በጥበብ እና በሃይል ታላቅ ነው፡፡ ይህን በጥበብና በሃይል ታላቅ የሆነን አምላክ ለታላቅነቱ እውቅና ከመንፈግ  የበለጠ ግንኙነቱን የሚያበላሽ ነገር የለም፡፡ ስናጉረመርም የእግዚአብሄርን ቻይነት ጥያቄ ውስጥ እናስገባለን፡፡ ስናጉረመርም ከእግዚአብሄር በላይ እንዳወቅን እናስመስላን፡፡ ስናንጐርጕር ከእግዚአብሄር በላይ ጥበብኛ እንደሆንን እንመካለን፡፡

ከእነርሱም አንዳንዶቹ እንዳንጎራጎሩ በሚያጠፋውም እንደ ጠፉ አታንጐርጕሩ። 1ኛ ወደ ቆሮንቶስ ሰዎች 10፡10

ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና።  1ኛ ወደ ተሰሎንቄ ሰዎች 5፡17-18

  1. ሰው ከእግዚአብሄር ጋር ያለው ግንኙነት የሚሰምረው ሰው የእግዚአብሄርን እርምጃ ሲታገስ ነው፡፡

እግዚአብሄር ንጉስ ነው፡፡ እግዚአብሄርን እኛ አናጣድፈውም፡፡ እግዚአብሄር በእኛ ፕሮግራም ውስጥ አይገባም፡፡ እግዚአብሄር  ለእኛ ሙሉ ፕሮግራም አለው፡፡ እግዚአብሄር ራሱ እርምጃ ፍጥነት አለው፡፡ የእግዚአብሄርን የእርምጃ ፍጥነት መረዳትና መታገስ ግንኙነታቸን እንዲዳብር እና ፍሬ እንዲያፈራ ያደርጋል፡፡

በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። መጽሐፈ ምሳሌ 13፡11

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። መጽሐፈ ምሳሌ 28፡20

  1. ሰው ከእግዚአብሄር ጋር ያለው ግንኙነት የሚበለፅገው ሰው ከእግዚአብሄር በላይ የሚወደው ነገር ከሌለ ብቻ ነው፡፡

እርሱም መልሶ፦ ጌታ አምላክህን በፍጹም ልብህ በፍጹም ነፍስህም በፍጹም ኃይልህም በፍጹም አሳብህም ውደድ፥ ባልንጀራህንም እንደ ራስህ ውደድ አለው። የሉቃስ ወንጌል 10፡27

እግዚአብሄር ታላቅ አምላክ ነው፡፡ እግዚአብሄር የፍቅር አምላክ ነው፡፡ ሰው ከእግዚአብሄር ጋር በሰላም መኖር ከፈለገ እግዚአብሄርን በሚያንስ ነገር ማስቀናት የለበትም፡፡

የማይጠፋውንም የእግዚአብሔር ክብር በሚጠፋ ሰውና በወፎች አራት እግር ባላቸውም በሚንቀሳቀሱትም መልክ መስለው ለወጡ። ወደ ሮሜ ሰዎች 1፡23

እግዚአብሄርን ታላቅ አምላክ ስለሆነ ብናስቀናው የምንጎዳው እነኛ እንጂ አርሱ አይደለም፡፡

ወይስ ጌታን እናስቀናውን? እኛስ ከእርሱ ይልቅ እንበረታለንን? 1ኛ ወደ ቆሮንቶስ ሰዎች 10፡22

  1. ከእግዚአብሄር ጋር ያለው የሰውን ግንኙነት ከሚያሳኩ ነገሮች አንዱ እግዚአብሄርን መፈለግ ነው፡፡

እግዚአብሄርን ያወቀ ሰው እግዚአብሄርን ይፈልጋል፡፡ እግዚአብሄር መልካም አምላክ ነው፡፡ እግዚአብሄር ይፈለጋል፡፡ ምንም ነገር ከመፈለግ ይበልጥ እግዚአብሄርን መፈለግ ዋጋ እንደሚያሰጥ ማወቅ ጥበብ ነው፡፡

ስወ ምንም ነገር በመፈለግ ቢሳሳት እግዚአብሄርን አብዝቶ በመለጉ አይሳሳትም፡፡ ሳው በምንም መፈለግ ቢከስር እግዚአብሄ በመፈለግ ያተርፋል እንጂ አይከስርም፡፡ እግዚአብሄር እንደ መፈለግ አስተማማኝ ኢንቨስትመንት የለም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ወደ ዕብራውያን 11፡6

እግዚአብሄርን መልካምነት በተረዳን መጠን አብዘተን እንድንፈልገው ያደርጋናል፡፡ ሰው እያደገ ሲሄድ እግዚአብሄርን የሚፈልግበት መንገዱ እየሰፋ ይሄዳል፡፡ ሰው እየበሰለ መሄዱ የሚታወቀው በሁሉ ነገር እግዚአብሄርን መፈለግ ሲጀምር ነው፡፡ እግዚአብሄርን የምንፈልገው ለእግዚአብሄር ጥቅም ሳይሆን ለራሳችን ጥቅም ነው፡፡ እግዚአብሄርን መፈለግ በዋነኝነት የሚጠቅመው እኛን ነው፡፡

  1. ሰው ከእግዚአብሄር ጋር ያለው ግንኙነት የሚሰምረው እግዚአብሄርን ሲጠብቅ ነው፡፡

እግዚአብሄር ይወደናል፡፡ እግዚአብሄር እኛን ይፈልገናል፡፡ እግዚአብሄር እኛን ይናፍቀናል፡፡ ከእግዚአብሄር ጋር ስንቆይ ከእግዚአብሄር የሚገኘውን የፀሎት መልሳችንን ሳይሆን እግዚአብሄርን ራሱን ስንደሰትበት ከእግዚአብሄር ጋር ያለን ይዳብራል፡፡ ነገር ግን እግዚአብሄርን እንደ አባት ካላናገርነው ከእርሱ ጋር ዝም ብለን ጊዜ ማሳለፍ ካልፈለግን ከእርሱ ጋር ያለን ግንኙነት ይዳብራል ብሎም ፍሬያማ ይሆናል ብሎ ማሰብ ዘበት ነው፡፡

ወደ እግዚአብሄር ስንቀርብ ለመስማት እንጂ ተናግሮ ለመሄድ መሆን የለበትም፡፡ ከእግዚአብሄር ጋር ያለን ግንኙነት የሚሰምረው ስንናገርና ስንሰማ ነው፡፡ እግዚአብሄርን ለመስማት ደግሞ በእግዚአብሄር ፊት መቆየት ይጠይቃል፡፡ ለእግዚአብሄር ከመናገራችን በፊት እግዚአብሄርን መስማት ይጠይቃል፡፡

አንዳንዴ ካለምንም የፀሎት ርእስ በእግዚአብሄር ፊት በመቆየት ልናመሰግነውና ልናደንቀውና ይገባናል፡፡

እነዚህም ጌታን ሲያመልኩና ሲጦሙ መንፈስ ቅዱስ፦ በርናባስንና ሳውልን ለጠራኋቸው ሥራ ለዩልኝ አለ። የሐዋርያት ሥራ 13፡2

  1. ሰው ከእግዚአብሄር ጋር ያለው ግንኙነት የሚሰምረው እግዚአብሄርን ሲታዘዝ ነው፡፡

የተፈጠረነው እግዚአብሄርን ለመታዘዝ ስለሆነ እግዚአብሄርን ስንታዘዝ ነፃ እንሆናለን፡፡ እግዚአብሄርን የምናገኘው በቃሉ ነው፡፡ ከእግዚአብሄር ጋር ያለን ግንኙነት የሚወሰነው በቃሉ ብቻ ነው፡፡ እግዚአብሄር የሰውን ፊት አይቶ አያላም፡፡ እግዚአብሄር በቃሉ ውስጥ ለሚፈልገው ሰው ሁሉ ራሱን ሰጥቶዋል፡፡ ከቃሉ ውጭ እግዚአብሄር የምናገኝበት ሌላ አስማታዊ ስራ የለም፡፡

ኢየሱስም ያመኑትን አይሁድ፦ እናንተ በቃሌ ብትኖሩ በእውነት ደቀ መዛሙርቴ ናችሁ፤ እውነትንም ታውቃላችሁ እውነትም አርነት ያወጣችኋል አላቸው። የዮሐንስ ወንጌል 8፡31-32

አልሁም፦ ቃሌን ስሙ፥ ያዘዝኋችሁንም ሁሉ አድርጉ፤ እንዲሁም እናንተ ሕዝብ ትሆኑኛላችሁ እኔም አምላክ እሆናችኋለሁ። ትንቢተ ኤርምያስ 11፡4

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #ግንኙነት #ትህትና #ብልፅግና #ስኬት #ስምረት #መጠበቅ #ቤተክርስትያን #አማርኛ #ስብከት #መዳን #መፅሃፍቅዱስ #መፈለግ #አቢይ #አቢይዋቁማ #አቢይዋቁማዲንሳ #እወጃ #መታዘዝ #መውደድ #ትግስት #መሪ

የሰው ልጅስ ስለ እርሱ እንደ ተጻፈ ይሄዳል

your will11.jpg

የሰው ልጅስ ስለ እርሱ እንደ ተጻፈ ይሄዳል፥ ነገር ግን የሰው ልጅ አልፎ ለሚሰጥበት ለዚያ ሰው ወዮለት፤ ያ ሰው ባልተወለደ ይሻለው ነበር አለ። የማቴዎስ ወንጌል 26፥24

በምድር ከላይ እንደእኛ የተመላለሰው ኢየሱስ ህይወቱ ይሄድ የነበረው እንደተፃፈለት ነው፡፡ ኢየሱስ የመጣው የተፃፈለትን ለመፈፀም ነው፡፡

በዚያን ጊዜ፦ እነሆ፥ በመጽሐፍ ጥቅልል ስለ እኔ እንደ ተጻፈ፥ አምላኬ ሆይ፥ ፈቃድህን ላደርግ መጥቼአለሁ አልሁ ይላል። ወደ ዕብራውያን 10፡7

እንዲሁም በድንገት የተፈጠረ ማንም ሰው የለም፡፡ ሁላችንም በአላማ ተፈጥረናል፡፡ ይህን የእግዚአብሄርን አላማ ለመከተል ራሳችንን ስንሰጥ በህይወታችን የሚሆኑ ነገሮች ሁሉ በዚያ በእግዚአብሄር አላማ ይተረጎማሉ፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ትንቢተ ኤርምያስ 29፡11

እግዚአብሄርን ለሚወዱ ሰዎች ክፉ ነገሮች ለመልካምነታቸው ይሰራሉ፡፡ እንደሃሳቡ የተጠሩ ሰዎች ከግባቸው የሚያቆማቸው አንድም ክፉ ነገር የለም፡፡ እግዚአብሄር የሚወዱ ሰዎች ክፉ ነገር እንኳን ለመልካምነታቸው ይሰራል፡፡ እግዚአብሔርንም ለሚወዱት እንደ አሳቡም ለተጠሩት ከፍቶ የሚቀር ነገር አይኖርም፡፡

መፅሃፍ ቅዱስ እግዚአብሄርን ለሚወዱ እንደ ሃሳቡ ለተጠሩ ነገር ሁሉ ለበጎ እንዲደረግ እናውቃለን የሚለው ስለዚህ ነው፡፡

እግዚአብሄርን የሚያስደንቀው ነገር የለም፡፡ ለእግዚአብሄር ድንገተኛ የሆነ ነገር የለም፡፡ ለሰው ድንገት የሆነው ነገር ሁሉ እግዚአብሄር ከመሆኑ በፊት ያውቃዋል፡፡ ሰይጣን ለክፋት ያደረግውን ነገር ሁሉ እግዚአብሄር ለበጎነት ይለውጠዋል፡፡ እግዚአብሄ ከሚጎዳ ነገር ውስጥ ጥቅምን ያወጣል፡፡ እግዚአብሄር ከበላተኛ ውስጥ የሚበላ ያወጣል፡፡

እርሱም፦ ከበላተኛው ውስጥ መብል ወጣ፥ ከብርቱም ውስጥ ጥፍጥ ወጣ አላቸው። ሦስት ቀንም እንቈቅልሹን መተርጎም አልቻሉም። መጽሐፈ መሣፍንት 14፡14

እግዚአብሄር በማንም አይበለጥም፡፡ እግዚአብሄርን በጥበብ የሚበልጠው የለም፡፡ የሰይጣንን ነገር ራሱን ተጠቅሞ ወደበጎ ይለውጠዋል በዚያም ይባርከናል፡፡ እግዚአብሔርንም ለሚወዱት እንደ አሳቡም ለተጠሩት ሰዎች ሰይጣን ያደረገው ነገር እንኳን ለጥፋታቸው ሳይሆን ተመልሶ ለበጎነታቸው ይሰራል፡፡ እግዚአብሔርንም ለሚወዱት እንደ አሳቡም ለተጠሩት ሰዎች ሁሉም ነገር ተሰብስቦ ለበጎነታቸው ይሰራል፡፡

እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን። ወደ ሮሜ ሰዎች 8፡28

ከቁጥጥር ውጭ አይደለም

ብዙ ጊዜ እኛ ራሳችንን እና ነገሮችን እንደሚገባው ስለማንረዳ ነገሮች ከቁጥጥር የወጡ ይመስለናል፡፡ ነገር ግን ነገሮች ከቁጥጥር ውጭ አይደሉም፡፡ ነገሮች ገደብ አላቸው ከገደቡ ሊያልፉ አይችሉም፡፡ ሰው የሚያልፈው በተፃፈለት ነው፡፡ ሰው ከተፃፈለት በላይ ሊያልፍ አይችልም፡፡ ሰው ከሚችለው በላይ እንዲፈተን እግዚአብሄር አይፈቅድም፡፡

የተፃፈው መፈፀሚያ መሆን ከቅጣት አያስመልጥም

ክፉ ሰው የተፃፈው ነገር መፈፀሚያ የሚሆነው አውቆ አይደለም፡፡ ክፉ ሰው ክፋት የሚሰራው የእግዚአብሄርን ፈቃድ ለማድረግ ብሎ አይደለም፡፡ ክፉ ሰው ክፋት የሚሰራው በራስ ወዳድነት ነው፡፡

እግዚአብሄር እውነተኛ ዳኛ ነው፡፡ እግዚአብሄር ስራውን መዝኖ የተበደለውን ሰው እንዴት እንደሚክሰው ያውቃል፡፡

አትታበዩ፥ በኩራትም አትናገሩ፤ እግዚአብሔር አዋቂ ነውና፥ እግዚአብሔርም ሥራውን የሚመዝን ነውና፥ ከአፋችሁ የኵራት ነገር አይውጣ። መጽሐፈ ሳሙኤል ቀዳማዊ 2፡3

በሌላው መበደል የእግዚአብሄርን ካሳ ስለሚያስገኝ ምንም ጉዳት የለውም፡፡ እግዚአብሄር የሌላው ሰው የሚበደለውን ስለሚክስ ሰውን ከመበደል ይልቅ በሰው መበደል መበደል ይሻላል፡፡ ሰውን መበደል የሚያስገኘው ምንም ጥቅም የለም፡፡ ሰውን መበደል ቅጣት እንጂ ጥቅም የለውም፡፡

እንግዲህ ፈጽሞ የእርስ በርስ ሙግት እንዳለባችሁ በእናንተ ጉድለት ነው። ብትበደሉ አይሻልምን? ብትታለሉስ አይሻልምን? 1ኛ ወደ ቆሮንቶስ ሰዎች 6፡7

እግዚአብሄር ከሚበደል ሰው ጋር ስለሚወግን እና በደሉን ለመልካም ስለሚለውጥለት ሁልጊዜ የችግሩ ሳይሆን የመፍትሄው አካል ለመሆን እንጠንቀቅ፡፡

የሰው ልጅስ ስለ እርሱ እንደ ተጻፈ ይሄዳል፥ ነገር ግን የሰው ልጅ አልፎ ለሚሰጥበት ለዚያ ሰው ወዮለት፤ ያ ሰው ባልተወለደ ይሻለው ነበር አለ። የማቴዎስ ወንጌል 26፥24

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#የእግዚአብሄርምክር #የእግዚአብሔርፈቃድ #እግዚአብሔር #እንደተፃፈ #እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ኢሬቻ ባህል ወይስ ሃይማኖት ?

198e33777279c198a61161f29112b868.jpg

ስለኢሬቻ በዓል የተለያዩ አስተያየቶች ሲሰነዘሩ ቆይተዋል፡፡ የኢሬቻ በአል ሃይማኖታዊ በአል ነው የሚሉ ወገኖች ይህንን ያሉበት ምክንያታቸውን ሲሰጡ ቆይተዋል፡፡ የኢሬቻ በአል ሃይማኖታዊ በአል ነው የሚሉ ወገኖች የኢሬቻ በአል የዋቄፈታ እምነት ተከታዮች የሚያከብሩት በአል ነው ብለው ይከራከራሉ፡፡

የኢሬቻ በአል ሃይማኖታዊ በአል አይደለም የሚሉም ምክኒያታቸውን የሚሰጡ ወገኖችም አሉ፡፡ የኢሬቻ በአል ብሄራዊ የምስጋና ቀን ነው እንጂ የዋቄፈታ እምነት ተከታዮች የሚያከብሩት በአል ብቻ አይደለም የሚሉ ወገኖችም አስታያየታቸውን ሲሰጡ ተስተውለዋል፡፡ ስለዚህ የኢሬቻ በአል የሁሉም ሃይማኖት ተከታዮች ሊያከብሩት የሚችሉት የምስጋና በአል እንደሆነ ምክኒያታቸውን ይሰጣሉ፡፡

የዚህ ፅሁፍ ፀሃፊ የኢሬቻ በአል ባህላዊ በአል ይሁን ሃይማኖታዊ በዚህ ላይ ምንም አስተያየት መስጠት አይችልም፡፡ የዚህ ፅሁፍ ፀሃፊ የሰው ልጅ ጥናትን አንትሮፖሎጂ ስላላጠና በዚህ ላይ አስተያየት መስጠት አይሞክርም፡፡

ሰዎች ስለክርስትና ሃይማኖት ሳያውቁ አስተያየት መስጠታቸው እንደሚያሳስታቸው ሁሉ የዚህ ፅሁፍ ፀሃፊ ስለህዝብ ጥናት ሳያጠና ኢሬቻ ሃይማኖት ነው ባህል የሚለውም አስተያየት ቢሰጥ ሌሎችን ሊያሳስት ይችላል፡፡ እውቀቱ ስለሌለው ከሚናገር ይልቅ ዝም ቢል ይበልጥ እንደምታከብሩት ያስባል፡፡

ጥቂት ቃልን የሚናገር አዋቂ ነው፥ መንፈሱም ቀዝቃዛ የሆነ አስተዋይ ነው። ሰነፍ ዝም ቢል ጠቢብ ሆኖ ይቈጠራል፥ ከንፈሩንም የሚቈልፍ፦ ባለ አእምሮ ነው ይባላል። መጽሐፈ ምሳሌ 17፡27-28

እውነት ነው አሁን አሁን እንደዚህ አይነት የህዝብ በአላት ከሃይማኖት በአልነታቸው አልፎ የብሄርትኝነት ስሜት መገለጫ ሲሆኑ ይስተዋላል፡፡ አሁን አሁን እንደ እነዚህ አይነት የህዝብ በአላት የፖለቲካ ስሜትን መግለጫ ሲሆኑ ይስተዋላል፡፡ ሰው ብሄርተኝነቱንና የፖለቲካ ስሜቱን መግለፁ ምንም ችግር የለውም፡፡

ክርስትና የሌሎችን ባህል በማክበር ይታወቃል፡፡ ክርስትና የሌሎችን ቋንቋ በመቀበል ይታወቃል፡፡

ኢየሱስ የመጣው ለእስራኤላዊያን ብቻ አልነበረም፡፡ ኢየሱስ ለነገዶችና ለቋንቋዎች ሁሉ መጥቶዋል፡፡ ስለዚህ የሚገርመን በመጨረሻው ዘመን በኢየሱስ ክርስቶስ አምነው የዳኑት ሰዎች የሚገኙት ከእስራኤል ነገድ ብቻ አደለም፡፡ በመጨረሻው ዘመን ብዙ ቋንቋ የሚናገሩ ሰዎች የተለያ ነገድ ያላቸው ሰዎች ከእግዚአብሄር ጋር ለዘላም እንደሚኖሩ መፅሃፍ ቅዱስ ያስተምረናል፡፡

ክርስትና የማንም ባህልና ነገድ ተቃዋሚ አይደለም፡፡ ክርስትና የሌላውን ነገድና ቋንቋ የመለወጥ እና አንድ የማድረግ አላማ የለውም፡፡ ክርስትና የሰዎች ልብ ለእግዚአብሄር የመለወጥ እና የማስገዛት እንጂ ሰዎችን ሁሉ አንድ ቋንቋ የሚናገሩ አንድ ነገድ የማድረግ አላማ ግብም የለውም፡፡

ክርስትና አላማው በሃጢያት ምክንያት ከእግዚአብሄር የተለያዩ ሰዎች ሁሉ በክርስቶስ ኢየሱስ የመስቀል ስራ ከእግዚአብሄር ጋር እንዲታረቁና የእግዚአብሄር ሴትና ወንድ ልጆች እንዲሆኑ ማድረግ ነው፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ እነርሱም ከእግዚአብሔር ተወለዱ እንጂ ከደም ወይም ከሥጋ ፈቃድ ወይም ከወንድ ፈቃድ አልተወለዱም። የዮሐንስ ወንጌል 1፡11-13

ኢየሱስ በምድር ላይ ሰመላስ ፈሪሳዊያኑን ስለወጋችሁ የእግዚአብሄርን ቃል ትሽራላቸሁ ብሎ ገስፆዋቸዋል፡፡

ባህልና ክርስትና አብረው የሚሄዱበት ብዙ አጋጣሚዎች አለ፡፡ ባህልና ክርስትና አብረው የማይሄዱበት ጊዜ ሲያጋጥም ስለ ክርስትና ባህልን መተው ግድ ይላል፡፡ ስለክርስቶስ ብለን ማንኛውንም እንደእግዚአብሄር ቃል ያልሆነ ባህል ለመተው ዝግጁ ነን፡፡

ማንም ወደ እኔ የሚመጣ ቢኖር አባቱንና እናቱን ሚስቱንም ልጆቹንም ወንድሞቹንም እኅቶቹንም የራሱን ሕይወት ስንኳ ሳይቀር ባይጠላ፥ ደቀ መዝሙሬ ሊሆን አይችልም። የሉቃስ ወንጌል 14፡26

ነገር ግን ባህልና የክርስትና ሃይማኖት ድንበራቸው እስከማይለይ ድረስ መቀላቀል የለባቸውም ብዬ አምናለሁ፡፡

እኔ ግን እኔ ከተረዳሁት የክርስትና እምነት አንፃር የኢሬቻ በአል ባህልነት እስከምን ድረስ እንደሆነ እና የኢሬቻ በአል ከምን ሲያልፍ  እንደሚሳሳት ከማውቃት እውቀት በዚህች አጭር ፅሁፍ ከእግዚአብሄር ቃል ላካፍል ወደድኩ፡፡

  1. ኢሬቻ የምስጋና ቀን ከሆነ ምንም ችግር የለውም

ኢሬቻ የምስጋና ቀን ነው ብለው የሚከራከሩ ሰዎች እውነት ኢሬቻ ከምንም መንፈሳዊ እንቅስቃሴ የተለየ የምስጋና ቀን ከሆነ እሰየው የሚያስብል ልምምድ ነው፡፡ በኢሬቻ ከባህል የተለየ መንፈሳዊ እንቅስቃሴ ውስጥ መካተት ግን በእሳት እንደመጫወት ነው፡፡ ሰው እግዚአብሄርን ማመስገኑ መልካም ነው፡፡ ሰው እግዚአብሄርን ማመስገኑ የሚወጣለት ምንም ነገር የለም፡፡

እግዚአብሔርን ማመስገን መልካም ነው፥ ልዑል ሆይ፥ ለስምህም ዝማሬ ማቅረብ፤ መዝሙረ ዳዊት 92፡1

ነገር ግን እግዚአብሄርን ከማመስገን የሚቀድም በጣም እስቸኳይ ነገር አለ፡፡

በሃጢያት ምክንያት ሰው ከእግዚአብሄር ጋር ተጣልቷል፡፡ ሰው በሃጢያቱ ምክንያት ከእግዚአብሄር ክብር የተለየ በመንፈስ ሙት ነው፡፡ ሰው በሃጢያት ምክኒያት ከእግዚአብሄር ጋር የነበረው የአባትና የልጅ ግንኙነቱ ተቋርጧል፡፡

ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። ኦሪት ዘፍጥረት 2፡17

ሰው እግዚአብሄርን ከማመስገኑ በፊት ከእግዚአብሄር ጋር መታረቅ አለበት፡፡ በክርስቶስ ከእግዚአብሄ ጋር ያልታረቀ ሰው ከሰይጣን ጥቃት ስር ነው፡፡ ሰው እግዚአብሄርን ለማመስገን ከተያዘበት ከሰይጣን ስልጣን ስር ማምለጥ አለበት፡፡

በበደላችሁና በኃጢአታችሁ ሙታን ነበራችሁ፤ በእነርሱም፥ በዚህ ዓለም እንዳለው ኑሮ፥ በማይታዘዙትም ልጆች ላይ አሁን ለሚሠራው መንፈስ አለቃ እንደ ሆነው በአየር ላይ ሥልጣን እንዳለው አለቃ ፈቃድ፥ በፊት ተመላለሳችሁባቸው። ወደ ኤፌሶን ሰዎች 2፡1-2

ሰው እግዚአብሄርን ከማመስገኑ በፊት የሚያመሰግነውን እግዚአብሄርን ማወቅ አለበት፡፡ ሰማይንና ምድርን የፈጠረው እግዚአብሄር ደግሞ ራሱን የገለፀው በኢየሱስ ክርስቶስ በኩል ነው፡፡ ሰው በሃጢያት ምክኒያት ከእግዚአብሄር ጋር ተጣልቷል፡፡ ሰው ስለሃጢያቱ በመስቀል ላይ የሞተውን ኢየሱስን ካልተቀበለ በስተቀር ለዘላለም ከእግዚእብሄር ይለያል፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። የዮሐንስ ወንጌል 3፡16

እግዚአብሄር ስለሃጢያቱ ዋጋን እንዲከፍል ወደምድር የላከውን ኢየሱስን ካልተቀበለ የእግዚአብሄር ፍርድ በእርሱ ላይ ይኖራል እንጂ ህይወትን አያየም፡፡

በልጁ የሚያምን የዘላለም ሕይወት አለው፤ በልጁ የማያምን ግን የእግዚአብሔር ቍጣ በእርሱ ላይ ይኖራል እንጂ ሕይወትን አያይም። የዮሐንስ ወንጌል 3፡36

  1. ሁሉም ሰው እግዚአብሄርን አያመልክም

አንዳንድ ሰዎች ሁሉም ሰው እግዚአብሄርን ነው የሚያመልከው ይላሉ፡፡ አንዳንድ ሰዎች ሁሉም መንገድ ወደ እግዚአብሄር ያደርሳል ብለው የአጋንንትን ትምህርት ሰምተው ውሸትን ያምናሉ፡፡ ሁሉም መንገድ ወደ እግዚአብሄር አያደርስም፡፡ ወደ እግዚአብሄር የሚያደርሰው ኢየሱስ ብቻ ነው፡፡

ኢየሱስም፦ እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም። የዮሐንስ ወንጌል 14፡6

ሰው እግዚአብሄርን ከማመስገኑ በፊት መንገድና ህይወት እውነት የሆነውን ኢየሱስን መቀበል ግዴታ አለበት፡፡ ሰው መንገድ በሆነው በኢየሱስ ብቻ ወደ እግዚአብሄር ይደርሳል፡፡ ሰው ህይወት የሆነውን ኢየሱስን ሲቀበል ብቻ ከሞት ወደ ህይወት በመሸጋገር የዘላለም ህይወት ያገኛል፡፡ ሰው እውነት የሆነውን ኢየሱስን በመቀበል ብቻ ከስህተት ይድናል ከእግዚአብሄር ሃሳብ ጋር ይገናኛል፡፡

  1. ከተፈጥሮ በላይ የሆነ ነገር ሁሉ ከእግዚአብሄር አይደለም

ብዙ ሰዎች ከተፈጥሮ በላይ የሆነን ነገር ሲያዩ ሰማይንና ምድርን የፈጠረ እግዚአብሄር ያደረገው ይመስላቸዋል፡፡

የእስራኤልን ህዝብ ከግብፅ ባርነት ነፃ እንዲያወጣ እግዚአብሄር ሙሴን በድንቅና በተአምራት ሲልከው በግብፅ የነበሩ መተተኞችን ፣ ጠንቋዮች እና አስማተኞች ከተፈጥሮ በላይ በሆነ ድንቅ የራሳቸውን ሃይል አሳይተው ነበር፡፡ ከተፈጥሮ ስራ በላይ የሆነ ነገር ሁሉ እግዚአብሄር አይደለም፡፡

ሙሴና አሮንም ወደ ፈርዖን ገቡ፥ እግዚአብሔርም እንዳዘዛቸው እንዲሁ አደረጉ፤ አሮንም በትሩን በፈርዖንና በባሮቹ ፊት ጣለ፥ እባብም ሆነች። ፈርዖንም ጠቢባንንና መተተኞችን ጠራ፤ የግብፅም ጠንቋዮች በአስማታቸው እንዲሁ ደግሞ አደረጉ። እያንዳንዳቸውም በትራቸውን ጣሉ፥ እባቦችም ሆኑ፤ የአሮን በትር ግን በትራቸውን ዋጠች። ኦሪት ዘጸአት 7፡10-12

  1. መንፈስ ሁሉ ከእግዚአብሄር አይደለም

በአለም ላይ ያለው ሁለት አይነት መንፈስ ብቻ ነው፡፡ ከሁለቱ አይነት መንፈሶች የተለየ ገለልተኛ መንፈስ የለም፡፡ የክርስቶስ መንፈስ አለ፡፡ የክርስቶስ ተቃዋሚ መንፈስ አለ፡፡ እውነተኛ መንፈስ አለ፡፡ ሃሰተኛ መንፈስ አለ፡፡ የክርስቶስን መንፈስ ካልተከተልን ወደድንም ጠላንም የምንከተለው የክርስቶስ ተቃዋሚ መንፈስን ነው፡፡

ወዳጆች ሆይ፥ መንፈስን ሁሉ አትመኑ፥ ነገር ግን መናፍስት ከእግዚአብሔር ሆነው እንደ ሆነ መርምሩ፤ ብዙዎች ሐሰተኞች ነቢያት ወደ ዓለም ወጥተዋልና። የእግዚአብሔርን መንፈስ በዚህ ታውቃላችሁ፤ ኢየሱስ ክርስቶስ በሥጋ እንደ መጣ የሚታመን መንፈስ ሁሉ ከእግዚአብሔር ነው፥ ኢየሱስ ክርስቶስም በሥጋ እንደ መጣ የማይታመን መንፈስ ሁሉ ከእግዚአብሔር አይደለም፤ ይህም የክርስቶስ ተቃዋሚው መንፈስ ነው፤ ይህም እንዲመጣ ሰምታችኋል፥ አሁንም እንኳ በዓለም አለ። 1ኛ የዮሐንስ መልእክት 4፡1-3

  1. ስለሰዎች በመፀለይ

እውነትን የተረዳን ሁላችን ለሰዎች ሁሉ መፀለይና መማለድ ይጠበቅብናል፡፡ ሰው መቼም አሁን ልሳሳት ብሎ አይሳሳትም፡፡ አንድን ህዝብ በአጠቃላይ መናቅ መፅሃፍ ቅዱሳዊ አይደለም፡፡ የማንወደውን ህዝብ ማገልገል እንችልም፡፡ የማንወደውንና የማናዝልትን ህዝብ ለማልገል እግዚአብሄር አይጠቀምብንም፡፡ ይህን አጋጣሚ ተጠቅመን ስለክልሉ ህዝብ ብሎም ስለሃገሩ ለመፀለይ እድሉን መጠቀም ይኖርብናል፡፡

ብዙ ሕዝብም ባየ ጊዜ፥ እረኛ እንደ ሌላቸው በጎች ተጨንቀው ተጥለውም ነበርና አዘነላቸው።  የማቴዎስ ወንጌል 9፡36

እኛ እውነትን የምናውቅ የምናውቀውን በትጋት ማካፈልና ስለሌሎች መዳን መፀለይ ግዴታ አለብን፡፡

እንግዲህ እግዚአብሔርን በመምሰልና በጭምትነት ሁሉ ጸጥና ዝግ ብለን እንድንኖር፥ ልመናና ጸሎት ምልጃም ምስጋናም ስለ ሰዎች ሁሉ ስለ ነገሥታትና ስለ መኳንንትም ሁሉ እንዲደረጉ ከሁሉ በፊት እመክራለሁ። ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው። 1ኛ ወደ ጢሞቴዎስ 2፡1-4

ብዙ ኀዘን የማያቋርጥም ጭንቀት በልቤ አለብኝ ስል በክርስቶስ ሆኜ እውነትን እናገራለሁ፤ አልዋሽምም፤ ሕሊናዬም በመንፈስ ቅዱስ ይመሰክርልኛል። በሥጋ ዘመዶቼ ስለ ሆኑ ስለ ወንድሞቼ ከክርስቶስ ተለይቼ እኔ ራሴ የተረገምሁ እንድሆን እጸልይ ነበርና። ወደ ሮሜ ሰዎች 9፡1-2

በእናንተ ስላለ ተስፋ ምክንያትን ለሚጠይቁአችሁ ሁሉ መልስ ለመስጠት ዘወትር የተዘጋጃችሁ ሁኑ፥ ነገር ግን በየዋህነትና በፍርሃት ይሁን። 1ኛ የጴጥሮስ መልእክት 3፡15

  1. የሰይጣን ስራ ማፍረስ

ሰዎች ከእግዚአብሄር ህይወት ቢርቁ የመጀመሪያው ተጠቃሚ ሰይጣን እንጂ ሰው አይደለም፡፡ ሰይጣን የሰው ጠላት ነው፡፡ የሰይጣን አላማ መስረቅ ማረድና ማጥፋት ብቻ ነው፡፡ ሰይጣን ከዚህ ሌላ ምንም አላማ የለውም፡፡

ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ። የዮሐንስ ወንጌል 10፡10

ኢየሱስም የተገለጠው የዲያቢሎስን ስራ እንዲያፈርስ ነው፡፡

ስለዚህ የዲያብሎስን ሥራ እንዲያፈርስ የእግዚአብሔር ልጅ ተገለጠ። 1ኛ የዮሐንስ መልእክት 3፡9

መፅሃፍ ቅዱስ ዲያብሎስን ተቃወሙት ከእናንትም ይሸሻል እንደሚል ሰይጣን የሰዎችን ህይወት እንዳያጠፋ እንዳይሰርቅና እንዳያጠፋ ልንቃወመው ይገባል፡፡ ጦርነታቸን ከሰው ልጆች ጋር አይደለም፡፡ ጦርነታችን የሰው ልጆችን አሳሳቶ ወደሲኦል ሊወስድ ከሚሰራው ከሰይጣን ጋር ነው እንጂ፡፡

በሰው ልማድ ምንም እንኳ የምንመላለስ ብንሆን፥ እንደ ሰው ልማድ አንዋጋም፤ የጦር ዕቃችን ሥጋዊ አይደለምና፥ ምሽግን ለመስበር ግን በእግዚአብሔር ፊት ብርቱ ነው፤ የሰውንም አሳብ በእግዚአብሔርም እውቀት ላይ የሚነሣውን ከፍ ያለውን ነገር ሁሉ እናፈርሳለን ለክርስቶስም ለመታዘዝ አእምሮን ሁሉ እንማርካለን፥  2ኛ ወደ ቆሮንቶስ ሰዎች 10፡3-5

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የእግዚአብሔርመንፈስ #መንፈስቅዱስ #ፈትኑ #ባህል #ሃይማኖት #የእግዚአብሔርመንፈስ #መሪ #ቤተመቅደስ #ቤተክርስትያን #አማርኛ #እርኩስመንፈስ #ሰይጣን #ኢሬቻ #መዳን #መፅሃፍቅዱስ #ኦሮሞ #ዋቄፈታ #አቢይ #አቢይዋቁማ #አቢይዋቁማዲንሳ

ከፍርሃት ነፃ የሚያወጣ ፍርሃት

0 (11).jpg

ሰው ከፈጠረው ከእግዚአብሄር ጋር እንዴት መኖር እንዳለበት ካወቀ ይሳካለታል፡፡ ሰው ለፈጠረው ለእግዚአብሄር እውቅና ካልሰጠ ይወድቃል፡፡ ሰው ከፈጠረው ከእግዚአብሄር ጋር እንዴት መኖር እንዳለበት ካላወቀ ከሌላ ከምንም ነገር ጋር እንዴት መኖር እንዳለበት ቢያውቅም ዋጋ የለውም፡፡

ሰማይና ምድርን ሰውን የፈጠረው እግዚአብሄር ነው፡፡ ሰው ከምድር ባለቤት ከእግዚአብሄር ጋር እንዴት እንደሚኖር ካላወቀ ሌሎች ሁሉ እውቀቶች ቢኖሩትም ዋናውን እውቀት አጥቶታልና ሊሳካለት አይችልም፡፡

የጥበብ ሁሉ መጀመሪያ እግዚአብሄርን መፍራት ነው፡፡ የጥበብ መሰረታዊ ፍላጎት እግዚአብሄርን መፍራት ነው፡፡ ሰው ሌላ ምንም ጥበብ ባይኖረውና እግዚአብሄርን የመፍራት ጥበብ ብቻ ካለው በምድር ላይ ነገሮችን ሁሉ ተቋቁሞ ማለፍ ይችላል፡፡ ሰው ሌሎች ጥበቦች ሁሉ ኖሮት እግዚአብሄርን የመፍራት ጥበብ ከጎደለው ይወድቃል፡፡

የጥበብ መጀመሪያ እግዚአብሔርን መፍራት ነው፤ ሰነፎች ግን ጥበብንና ተግሣጽን ይንቃሉ። መጽሐፈ ምሳሌ 1፡7

የጥበብ መሰረታዊ ፍላጎት ከምድር ባለቤት ጋር እንዴት መኖር እንዳለብህ ማወቅ ነው፡፡

ሰው እንዲያመልክ እና እንዲፈራ ተፈጥሮአል፡፡ ሰው እግዚአብሄርን እንዲያመልከና እንዲፈራ ተፈጥሮአል፡፡

ሰው ከእግዚአብሄር ክብር ከመውደቁ በፊት እግዚአብሄርን ብቻ በሚያመልክበትና በሚፈራበት ጊዜ ሁሉ ማንንም አይፈራም ማንንም አያመልክም ነበር፡፡

ሰው እግዚአብሄርን መፍራትና እግዚአብሄርን ማምለክ ሲያቆም ነገሮች ሁሉ ያስፈሩት ጀመሩ፡፡ ሰው እግዚአብሄርን መታዘዝ ሲያቆም በእግዚአብሄር ፍርሃት ምትክ ሌሎች ፍርሃቶች ህይወቱን ተቆጣሩት፡፡ ሰው እግዚአብሄርን ከመፍራት ሲመለስ የሌሎች ፍርሃቶች ሁሉ አስረኛ ሆነ፡፡

ሰው ወደተፈጠረበት የጥንቱ የቀደመው አላማ ሲመለስ እና የሚያስፈራው እግዚአብሄር ብቻ ሲሆን ሌሎች ፍርሃቶች ሁሉ ስፍራቸውን ይለቃሉ፡፡

ሰው እግዚአብሄርን የመፍራት ጥበብ ካለው ሌላ ምንም ነገር ሊያስፈራው አይችልም፡፡ ሰው እግዚአብሄርን የመፍራት ጥበብ ሲበዛለት ሌሎች ፍርሃቶች ሁሉ ከህይወቱ እየጠፉ ይሄዳሉ፡፡

ሰው እግዚአብሄርን ካልፈራ በምትኩ ሰይጣንን ፣ ወደፊቱን ፣ ራሱን ፣ ሁኔታን ፣ ሌሎችን ሰዎችና ነገርን ይፈራል፡፡ የሰው ልብ በእግዚአብሄር ፍርሃት ከተሞላ ሰው ከሰው ከሁኔታ እና ከነገ ፍርሃት ነፃ ይሆናል፡፡

ሰው በአንድ ጊዜ ሁለት ነገርን ሊፈራና ሊያመልክ አይችልም፡፡

እግዚአብሄርን የሚፈራ ሰው ሌላ ምንም ነገር እስከማይፈራ ድረስ ይጠበቃል በነፃነትም ይኖራል፡፡

ሰው እግዚአብሄርን ሲፈራ ሰይጣንን አይፈራም

ሰው ፍርሃቱን ለእግዚአብሄር ከሰጠ ሰይጣን በሰው ውስጥ ምንም ፍርሃት አያገኝም፡፡ ሰው እግዚአብሄርን ከፈራ ሰይጣንን አይፈራም፡፡ ሰው ከሰይጣን እጅግ ከፍ ያውን እግዚአብሄርን ከፈራ ያነሰውን ሰይጣንን ሊፈራ አቅም ያነሰዋል፡፡

በጨለማ ከሚሄድ ክፉ ነገር፥ ከአደጋና ከቀትር ጋኔን አትፈራም። መዝሙረ ዳዊት 91፡6

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ወደ ቆላስይስ ሰዎች 2፡15

ሰው እግዚአብሄርን ከፈራ ነገን አይፈራም

ሰው እግዚአብሄርን ከፈራ ስለዘላሙ አይፈራም፡፡ ስለዘላለሙ እርግጠኛ የማይሆነው እግዚአብሄርን በሚገባ የማይፈራ ሰው ብቻ ነው፡፡ ስለሞት የሚፈራው እግዚአብሄርን የማይፈራ ሰው ነው፡፡ እግዚአብሄርን ለሚፈራና ለሚያመልክ ሰው ሞት ከምድር ወደሰማይ ህይወት መሸጋገሪያ በር ብቻ ነው፡፡

እንግዲህ ልጆቹ በሥጋና በደም ስለሚካፈሉ፥ እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ፥ በሥጋና በደም እንዲሁ ተካፈለ። ወደ ዕብራውያን 2፡14-15

ሰው እግዚአብሄርን ሲፈራ እና እግዚአብሄርን በመፍራት ሲያድግ ሁኔታዎችን መፍራቱ እየቀነሰና እየሞተ ይሄዳል፡፡ ሰው ሁኔታን የሚፈራው እግዚአብሄርን እንደሚገባው ስለማይፈራ ነው፡፡ ሰው ሁኔታን የሚፈራው ለእግዚአብሄር አምላክነት እውቅና ባልሰጠበት የህይወት ክፍሉ ብቻ ነው፡፡

በእሾህ መካከል የተዘራውም ይህ ቃሉን የሚሰማ ነው፥ የዚህም ዓለም አሳብና የባለጠግነት መታለል ቃሉን ያንቃል፥ የማያፈራም ይሆናል። የማቴዎስ ወንጌል 13፡22

ሰው ለእግዚአብሄር አምላክነት እውቅና ሲሰጥና እግዚአብሄርን እንደሚገባው ሲፈራ ሌላውን ሰው አይፈራም፡፡ ሰው ለእግዚአብሄር የሚገባውን ክብር ከሰጠ ለሌላ ሰው ክብርን ለመስጠት ምንም ቦታ አይቀረውም፡፡ ሰው እግዚአብሄርን እንደሚገባው ከፈራ ሰውን መፍራት ያቅተዋል፡፡ እግዚአብሄርን በሚገባ የሚፈራ ሰው ሌላ ሰው ለመፍራት በልቡ ቦታ አይቀረውም፡፡

ዳሩ ግን ጌታን እርሱም ክርስቶስ በልባችሁ ቀድሱት። 1ኛ የጴጥሮስ መልእክት 3፡15

እግዚአብሄርን ፈርተህ ኢየሱስ ጌታ ነው ስትል ጌታ የሆኑብህ ነገሮች ሁሉ ስፍራ ይለቃሉ፡፡ እውነተኛውን ጌታ በላይህ ላይ ስትሾም ጌታ ተብዬዎቹ ሁሉ ስፍራቸውን ይለቃሉ፡፡

ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ወደ ሮሜ ሰዎች 10፡9

ሰውን መፍራት ወጥመድ ነው፡፡ ሰው ከሰው ፍርሃት ባርነት የሚያመልጥበት ብቸኛው መንገድ እግዚአብሄርን ሲፈራ ነው፡፡

ሰውን መፍራት ወጥመድ ያመጣል፤ በእግዚአብሔር የሚታመን ግን እርሱ ይጠበቃል። መጽሐፈ ምሳሌ 29፡25

ሰው ለእግዚአብሄር የሚገባውን ስፍራ በህይወቱ ከሰጠ ወደፊቱ አያስፈራውም፡፡ ሰው ግን እግዚአብሄርን እንደሚገባው ካልፈራና ከእግዚአብሄርን የሚደብቀውና የሚሰስተው ነገር ሲኖር ነገን ይፈራል፡፡ ሰው ለእግዚአብሄር ክብርን በመስጠት ነፍሱን ሲተው ያገኘዋል፡፡ ሰው እግዚአብሄርን ባለመፍራት ነፍሱን አልተውም ሲል ነፍሱን በፍርሃት ያጣታል፡፡

ነፍሱን ሊያድን የሚወድ ሁሉ ያጠፋታል፤ ስለ እኔ ግን ነፍሱን የሚያጠፋ ሁሉ ያገኛታል። የማቴዎስ ወንጌል 16፡25

ነፍሱን የሚያገኝ ያጠፋታል፥ ነፍሱንም ስለ እኔ የሚያጠፋ ያገኛታል። የማቴዎስ ወንጌል 10፡39

እግዚአብሄርን መፍራት ውድቀትን ከመፍራት ነፃ ያወጣል

እግዚአብሄርን የሚፈራ ሰው ውድቀትን አይደፈራም፡፡ እግዚአብሄርን የሚፈራ ሰው የሚኖረው በእግዚአብሄር ምህረት ነው፡፡ እግዚአብሄርን የሚፈራ ሰው ቢሳሳት እንኳን እግዚአብሄር እንደማይጥለው ያውቃል፡፡ እግዚአብሄርን የሚፈራ ሰው እንደገና እንደሚነሳ ያውቃል፡፡

ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? ወደ ሮሜ ሰዎች 8፡35

እግዚአብሔርን መፍራት ወደ ሕይወት ይመራል፤ የሚፈራውም ጠግቦ ይኖራል፥ ክፉ ነገርም አያገኘውም። መጽሐፈ ምሳሌ 19፡23

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ትንቢተ ኤርምያስ 29፡11

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ሃሳብ #ጥበብ #ማስተዋል #እግዚአብሔርንመፍራት #ጥበብ #አማርኛ #ስብከት #መዳን #መፅሃፍቅዱስ  #እምነት #ቃል  #ማደስ #አቢይ #አቢይዋቁማ #አቢይዋቁማዲንሳ

ሁለቱ አይነት መንፈሶች

0 (14).jpg

በአለም ላይ ብዙ መንፈሶች አሉ፡፡ ነገር ግን ብዙ አይነት መንፈሶች የሉም፡፡ በአለም ላይ ያሉት መንፈሶች ሁለት አይነት ብቻ ነው፡፡ ነገር ግን አይነታቸው ሁለት አይነት ብቻ ነው፡፡

የእግዚአብሄር መንፈስ አለ፡፡ የሰይጣን መንፈስ አለ፡፡ የእግዚአብሄር መንፈስ ቅዱስ መንፈስ ነው፡፡ የሰይጣን መንፈስ ደግሞ እርኩስ መንፈስ ነው፡፡

መንፈስ ግን በግልጥ፦ በኋለኞች ዘመናት አንዳንዶች የሚያስቱ መናፍስትንና በውሸተኞች ግብዝነት የተሰጠውን የአጋንንትን ትምህርት እያደመጡ፥ ሃይማኖትን ይክዳሉ ይላል፤ በገዛ ሕሊናቸው እንደሚቃጠሉ ደንዝዘው፥ 1ኛ ወደ ጢሞቴዎስ 4፡1-2

ከእግዚአብሄርና ከሰይጣን መንፈሶች መካከል ገለልተኛ መንፈስ የለም፡፡ የእግዚአብሄርን መንፈስ ያልሆነ የሰይጣንም መንፈስ ያልሆነ ገለልተኛ መንፈስ የለም፡፡

የእግዚአብሄር መንፈስ ካልሆነ የሰይጣን መንፈስ ነው፡፡ የሰይጣን መንፈስ ካልሆነ የእግዚአብሄር መንፈስ ነው፡፡ ቅዱስ መንፈስ ካልሆነ እርኩስ መንፈስ ነው፡፡ እርኩስ መንፈስ ካልሆነ ቅዱስ መንፈስ ነው፡፡

ገለልተኛ መንፈስ እንደሆነ ሊያሳምን የሚፈልግ መንፈስ አለ፡፡ የሰይጣን መንፈስ በግልፅ አይሰራም፡፡ የሰይጣን መንፈስ ገለግለተኛ መንፈስ መስሎ በድብቅ ይሰራል፡፡ የሰይጣን መንፈስ በሃይማኖት በባህል ጀርባ ተሸሸጎ እንጂ በግልፅ አይሰራም፡፡

በግልፅ አይሰራም

የሰይጣንን እና የእግዚአብሄርን መንፈስ እንዴት መለየት እንችላን፡፡

  1. የእግዚአብሄር መንፈስ ከእግዚአብሄር ቃል ከመፅሃፍ ቅዱስ ጋር ይስማማል፡፡ የእግዚአብሄር መንፈስ ትምህርትና ተግባር በእግዚአብሄር ቃል ተፈትኖ ያልፋል፡፡ በእግዚአብሄር ቃል በተለይ በአዲስ ኪዳን አስተምሮት ሊደገፍ የማይችል ማንኛውም አስተሳሳብና ልምምድ ከእግዚአብሄር መንፈስ አይደለም፡፡ በእግዚአብሄር ቃል ጋር የማይስማማ ትምህርት ሁሉ ከሰይጣን ነው፡፡

መንፈስ ግን በግልጥ፦ በኋለኞች ዘመናት አንዳንዶች የሚያስቱ መናፍስትንና በውሸተኞች ግብዝነት የተሰጠውን የአጋንንትን ትምህርት እያደመጡ፥ ሃይማኖትን ይክዳሉ ይላል፤ በገዛ ሕሊናቸው እንደሚቃጠሉ ደንዝዘው፥ 1ኛ ወደ ጢሞቴዎስ 4፡1-2

  1. የእግዚአብሄር መንፈስ የሚደረስበት በኢየሱስ ብቻ ነው

የእግዚአብሄር መንፈስ የሚገኘው በኢየሱስ በኩል ብቻ ነው፡፡ የእግዚአብሄር መንፈስ በየትኛውም ሃይማኖት በኩል አይገኝም፡፡ የእግዚአብሄር መንፈስ የሚገኘው በኢየሱስ የመስቀል ስራ ብቻ ነው፡፡ የእግዚአብሄር መንፈስ የሚገኘው ኢየሱስ  ስለሃጢያታችን በመስቀል ላይ በመሞት ዋጋን እንደከፈለ በማመን ብቻ ነው፡፡

ኢየሱስም፦ እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም። የዮሐንስ ወንጌል 14፡6

  1. የሰይጣን መንፈስ ሊሰርቅ ሊያርድ ሊያጠፋ እንጂ ስለሌላ አይመጣም

የሰይጣን መንፈስ ሃብት ዝና ስልጣን እሰጣችኋለሁ በማለት ሰዎችን በማታለል ሰዎች ያላቸውንም መንፋሰዊ ሃብት ሰላም ደስታ እርካታ ይሰርቃል፡፡ ሰይጣን ከሰላምና ከገንዘብ ሰላም እንደሚበልጥ ያውቃል፡፡ ሰይጣን ከእረፍትና ከስልጣን እረፍት እንደሚበልጥ ያውቃል፡፡ ሰይጣን ከእርካታና ከዝና እርካታ እንደሚበልጥ ያውቃል፡፡ ሰይጣን ሰዎችን ሃብት ዝና ስልጣን እሰጣችሁዋለሁ በማለት የሚበልጠቅውን ሰላም ደስታና እርካታቸውን ይሰርቃል፡፡

ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ የዮሐንስ ወንጌል 10፡10

የእግዚአብሄር መንፈስ ህይወትን ሊሰጥ ሊባርክ ሊያበዛ ሊጠቅም ይመጣል፡፡

እኔ ሕይወት እንዲሆንላቸው እንዲበዛላቸውም መጣሁ። የዮሐንስ ወንጌል 10፡10

  1. የእግዚአብሄር መንፈስ ኢየሱስን ያከብራል፡፡ የእግዚአብሄር መንፈስ ሰውን ዝነኛ ለማድረግ አይመጣም፡፡ የእግዚአብሄር መንፈስ ከሆነ የሚያከብረው ኢየሱስን ነው፡፡ የእግዚአብሄር መንፈስ የሰዎችን ትኩረት ከእግዚአብሄር እና ከኢየሱስ አይመልስም፡፡ የእግዚአብሄር መንፈስ የሰዎችን ትኩረት ወደ ኢየሱስ ይመልሳል፡፡

ግን እርሱ የእውነት መንፈስ በመጣ ጊዜ ወደ እውነት ሁሉ ይመራችኋል፤ የሚሰማውን ሁሉ ይናገራል እንጂ ከራሱ አይነግርምና፤ የሚመጣውንም ይነግራችኋል። እርሱ ያከብረኛል፥ ለእኔ ካለኝ ወስዶ ይነግራችኋልና። የዮሐንስ ወንጌል 16፡13-14

  1. የእግዚአብሄር መንፈስ በፍቅር ይሰራል

በሰዎች መካከል ጠብን የሚዘራ ጥላቻን የሚያስፋፋ የእግዚአብሄርን መንፈስ አይደለም፡፡ የእግዚአብሄር መንፈስ ፍቅርን ይቅር ባይነትን ምህረትን በጎነትን ያስፋፋል፡፡

እኛም እግዚአብሔር ለእኛ ያለውን ፍቅር አውቀናል አምነንማል። እግዚአብሔር ፍቅር ነው፥ በፍቅርም የሚኖር በእግዚአብሔር ይኖራል እግዚአብሔርም በእርሱ ይኖራል። 1ኛ የዮሐንስ መልእክት 4፡16

  1. የእግዚአብሄር መንፈስ የሰይጣንን መንፈስ ይገዛል

የሰይጣን መንፈስ ለኢየሰስ ስም ይገዛል፡፡ ሰዎችን የያዘ የሰይጣን መንፈስ በኢየሱስ ስም ይለቃል፡፡ ሰይጣን የተፈረደበት ስለሆነ ፍርዱን እየጠበቀ ያለ ፍርደኛ ነው፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ወደ ቆላስይስ ሰዎች 2፡15

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የእግዚአብሔርመንፈስ #እርኩስመንፈስ #ሰይጣን #ፈትኑ #የመንፈስፍሬ #ቅባት #መንፈስቅዱስ #የእግዚአብሔርመንፈስ #መሪ #ቤተመቅደስ #ቤተክርስትያን #አማርኛ #ስብከት #መዳን #መፅሃፍቅዱስ #ነቢያት #ነቢይ #አቢይ #አቢይዋቁማ #አቢይዋቁማዲንሳ

የፍቅር አውራ ጎዳና

download (91).jpg

ፍቅር ከሁሉም የሚበልጥ መንገድ ነው፡፡ ፍቅር ከስጦታዎች ሁሉ ይበልጣል፡፡ ፍቅር ከሃብት እና ንብረት ሁሉ ይበልጣል፡፡

ደግሞም ከሁሉ የሚበልጥ መንገድ አሳያችኋለሁ። 1ኛ ወደ ቆሮንቶስ ሰዎች 12፡31

በመኪና ስትሄዱ ትንንሽ መንገድን ላየ በነዳችሁ መጠን የምትፈልጉበት ቦታ በቀላሉ ለመድረስ ጭንቅ ነው፡፡ ትንንሽ መንገድን ላይ መኪናን ለመንዳት በሞከራችሁ መጠን ግርግሩ ይበዛል፡፡ ትንንሽ መንገድ በተጠቀማችሁ መጠን መዘግየትና መቆም የተለመደ እና ግዴታ ነው፡፡

ላለመዘግየት ለመፍጠንና በራሳችሁ ፍጥነት ለመሄድ ከተፈለገ እንደ አውራ ጎዳና ያለ መንገድ ምቹ መንገድ የለም፡፡

አውራ ጎዳና ልዩ ነፃነት ይሰጣችኋል፡፡ አውራ ጎዳና ከፍ ብላችሁ በከፍተኛ ፍጥነት እንድትነዱ ያስችላችኋል፡፡

እንዲሁም ፍቅር ከሁኔታዎች ሁሉ በላይ ከፍ ብለን እንድንሄድ ያስችለናል፡፡ በፍቅር መንገድ ይቅር አለማለት ከመንገዳችን አያዘገየንም፡፡ በፍቅር መንገድ ከሁኔታዎች ሁሉ ከፍ ብለን ስለምንበር በመንገዱ መራርነት የለም፡፡ በፍቅር መንገድ እግዚአብሄር እንደፈጠረን ለመኖር ነፃነት እናገኛለን፡፡

በፍቅር መንገድ በነፃነት ለሌሎች መልካምን ለማሰብ እንችላለን፡፡ በፍቅር መንገድ ለሌሎች መልካምን መናገር ማንም አይከልክለንም፡፡ በፍቅር አውራ ጎዳና ለሌሎች መልካምን ለማድረግ የሚከለክለን ህግ የለም፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ወደ ገላትያ ሰዎች 5፡22-23

ፍቅር ከህግ ሁሉ በላይ ስለሆነ በፍቅር የሚኖር ሰው ህግን እጥሳለሁ ብሎ የሚጨነቅበት ምንም ምክንያት የለም፡፡ ሰው የፍቅር ህግን ብቻ በመከተል ስለሌላ ሳያስብ እግዚአብሄርን ብቻ ማስደሰት ይችላል፡፡ ሌሎች ህጎች የተሰጡት የፍቅር ህግ ምን እንደሆነ እንዲተነትኑና እንዲተረጉሙ ብቻ ነው እንጂ እግዚአብሄር ከፍቅር ህግ ውጭ ሌላ ምንም ህግ የለውም፡፡

ታላቂቱና ፊተኛይቱ ትእዛዝ ይህች ናት። ሁለተኛይቱም ይህችን ትመስላለች፥ እርስዋም፦ ባልንጀራህን እንደ ነፍስህ ውደድ የምትለው ናት። በእነዚህ በሁለቱ ትእዛዛት ሕጉም ሁሉ ነቢያትም ተሰቅለዋል። የማቴዎስ ወንጌል 22፡38-40

አውሮፕላን ለምድር የመንገድ ህግ እንደማይገዛ ሁሉ ፍቅር ከህግ ሁሉ በላይ ከፍ ብሎ የሚበር ህጎች ሁሉ ለእርሱ የሚገዙለት እርሱ ለማንም የማይገዛ ከፍ ያለ ህግ ነው፡፡

እያንዳንዱ ድርጊታችን በፍቅር እንደተደረገና እንዳልተደረገ በእግዚአብሄር ይፈተናል፡፡ በፍቅር ያልተደረገ ማንኛውም ሃይማኖታዊ ድርጊትም ቢሆን ኪሳራ ነው፡፡ በፍቅር ያልተደረገ ማንኛውም ታላቅ ነገር በእግዚአብሄር እይታ ከንቱ ነው፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ወደ ቆሮንቶስ ሰዎች 13፡1-3

ከሁሉ የሚበልጠውን የፍቅር መንገድን ከያዛችሁ ከአላማችሁና ከግባችሁ የሚያዘገያችሁና የሚያስቆማችሁ ማንም ነገር አይኖርም፡፡

ስለሰው ለምን መልካም አሰብክ ብሎ የሚቀጣ ህግ የለም፡፡ ስለሰው ለምንም መልካም ተናገርክ ብሎ የሚቆጣ አምላክ የለም፡፡ ለሰው ለምን መልካም አደረግክ ብሎ የሚከስ ሰው የለም፡፡ ከሌላው ሰው መልስን ሳይጠብቅ መልካምን የሚያስብ የሚናገርና የሚያደርግ ሰው ከህይወት አላማ የሚያግደው ምንም ነገር የለም፡፡

ፍቅር ራሱ የህግ ፍፃሜ ነው፡፡ የትኛውም ህግ የሚለካው በፍቅር ህግ ነው፡፡ የትኛውም ህግ ከፍቅር ህግ ጋር ካልሄደ አይፀናም፡፡ ትእዛዛት ሁሉ የፍቅር ህግ ትንተናዎች ናቸው፡፡ የትእዛዛት አላማ ሰው ከእግዚአብሄርና ከሌላው ሰው ጋር በፍቅር እንዲኖር መርዳት ነው፡፡

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ወደ ጢሞቴዎስ 1፡5

ፍቅር ምንም አይወጣለትም፡፡ ፍቅር ንፁህ ነው፡፡ የማንኛውም ትእዛዝ ንፅህና የሚለካው በፍቅር ህግ ነው፡፡ ፍቅር ወንድሙን አይበድልም፡፡ ፍቅር ራስ ወዳድ አይደለም፡፡ በፍቅር የሚኖር ሰው ህግን ሁሉ ፈፅሞታል፡፡

እርስ በርሳችሁ ከመዋደድ በቀር ለማንም ዕዳ አይኑርባችሁ፥ ሌላውን የሚወድ ሕግን ፈጽሞታልና። አታመንዝር፥ አትግደል፥ አትስረቅ፥ በውሸት አትመስክር፥ አትመኝ የሚለው ከሌላይቱ ትእዛዝ ሁሉ ጋር በዚህ፦ ባልንጀራህን እንደ ነፍስህ ውደድ በሚለው ቃል ተጠቅልሎአል። ፍቅር ለባልንጀራው ክፉ አያደርግም፤ ስለዚህ ፍቅር የሕግ ፍጻሜ ነው። ወደ ሮሜ ሰዎች 13፡8-10

ፍቅር ከፍ ያለ ላይኛው ሰማያዊ ጥበብ ነው፡፡

ላይኛይቱ ጥበብ ግን በመጀመሪያ ንጽሕት ናት፥ በኋላም ታራቂ፥ ገር፥ እሺ ባይ ምሕረትና በጎ ፍሬ የሞላባት፥ ጥርጥርና ግብዝነት የሌለባት ናት። የያዕቆብ መልእክት 3፡17

ቅርንጫፍ በግንዱ ላይ እንደሚንጠለጠል የትኛውም ህግ በፍቅር ህግ ላይ ይንጠለጠላል፡፡ ፍቅር የትእዛዛቶች ሁሉ መሰረት ነው፡፡ ፍቅር የትእዛዛት ሁሉ ፊተኛ ነው፡፡

እንዲህም ከሆነ፥ እምነት ተስፋ ፍቅር እነዚህ ሦስቱ ጸንተው ይኖራሉ፤ ከእነዚህም የሚበልጠው ፍቅር ነው። 1ኛ ወደ ቆሮንቶስ ሰዎች 13፡13

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa37/notes

#ኢየሱስ #ጌታ #እምነት #ፍቅር #መውደድ #ቃል #መሰረት #ትእዛዝ #መስጠት #ሃሳብ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

ሥራውም ሁሉ በእምነት ነው

11988246_10207285580247621_8971506001270599877_n.jpg

 

የእግዚአብሔር ቃል ቅን ነውና ሥራውም ሁሉ በእምነት ነውና። መዝሙረ ዳዊት 33፡4

እግዚአብሄር መንፈስ ነው፡፡ እግዚአብሄር በቁሳዊው አለም አይገኝም፡፡ እግዚአብሄርን በቁሳዊው አለም ልናገኘው ልናናግረው ልንዳስሰው ልንደርሰው የሚያስፈልገንን ነገር ከእርሱ ልንቀበል አንችልም፡፡ እግዚአብሄርን እግዚአብሄር ለህይወታችን ያለውን ነገር ማየት የእግዚአብሄርን ነገር መድረስ እና ከእግዚአብሄር መቀበል የምንችለው በእምነት ነው፡፡

እግዚአብሄር ሰውን የፈጠረው በእምነት ከእርሱ ጋር እንዲገናኝ አድርጎ ነው፡፡

እግዚአብሄር የሚሰራው በእምነት ነው፡፡

እምነትም ተስፋ ስለምናደርገው ነገር የሚያስረግጥ፥ የማናየውንም ነገር የሚያስረዳ ነው። ወደ ዕብራውያን 11፡1

ካለ እምነት እጅ እግዚአብሄርን መድረስ አንችልም፡፡ ካለ እምነት አይን የእግዚአብሄርን ነገር ማየት አንችልም፡፡ ካለ እምነት እጅ ከእግዚአብሄር መቀበል እንችልም፡፡

ኢየሱስም መልሶ፦ እውነት እላችኋለሁ፥ እምነት ቢኖራችሁ ባትጠራጠሩም፥ በበለሲቱ እንደ ሆነባት ብቻ አታደርጉም፤ ነገር ግን ይህን ተራራ እንኳ፦ ተነቅለህ ወደ ባሕር ተወርወር ብትሉት ይሆናል፤ አምናችሁም በጸሎት የምትለምኑትን ሁሉ ትቀበላላችሁ አላቸው። የማቴዎስ ወንጌል 21፡21-22

ካለእምነት እግዚአብሄርን ልናገኘው አንችልም፡፡ ካለ እምነት ከእግዚአብሄር ጋር አብረንም መጓዝ አንችልም፡፡ ካለ እምነት እግዚአብሄርን ደስ ማሰኘት አንችልም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ወደ ዕብራውያን 11፡6

ካለ እምነት የሆነ ነገር ሁሉ ሃጥያት ነው፡፡

በእምነትም ያልሆነ ሁሉ ኃጢአት ነው። ወደ ሮሜ ሰዎች 14፡23

ምንም የሃይማኖት ወጎችን ብንፈፅምም ካለእምነት ግን ከእግዚአብሄር ጋር እግዚአብሄርን መገናኘት እና እግዚአብሄር ለእኛ ያለውን ነገር መቀበል አንችልም፡፡

እርሱም፦ ልጄ ሆይ፥ እምነትሽ አድኖሻል፤ በሰላም ሂጂ ከሥቃይሽም ተፈወሽ አላት። የማርቆስ ወንጌል 5፡34

ኢየሱስ እንኳን በምድር አገልግሎቱ በእምነት ያልተቀበሉትን ሰዎች መፈቀስ አልቻለም፡፡

በአለማመናቸውም ምክንያት በዚያ ብዙ ተአምራት አላደረገም። የማቴዎስ ወንጌል 13፡58

በዚያም በጥቂቶች ድውዮች ላይ እጁን ጭኖ ከመፈወስ በቀር፥ ተአምር ሊያደርግ ምንም አልቻለም። ስለ አለማመናቸውም ተደነቀ። በመንደሮችም እያስተማረ ይዞር ነበር። የማርቆስ ወንጌል 6፡5-6

እግዚአብሄርን ተጠራጥረን ከእግዚአብሄር የምናገኘው ነገር የለም፡፡

ነገር ግን በምንም ሳይጠራጠር በእምነት ይለምን፤ የሚጠራጠር ሰው በነፋስ የተገፋና የተነቃነቀ የባሕርን ማዕበል ይመስላልና። ሁለት አሳብ ላለው በመንገዱም ሁሉ ለሚወላውል ለዚያ ሰው ከጌታ ዘንድ አንዳች እንዲያገኝ አይምሰለው። የያዕቆብ መልእክት 1፡6-8

የእግዚአብሄር መንገድ ሁሉ በእምነት እና በቅንነት ቃሉን በማመን እንጂ በብልጠትና በጥርጥር አይደለም፡፡

የእግዚአብሔር ቃል ቅን ነውና ሥራውም ሁሉ በእምነት ነውና። መዝሙረ ዳዊት 33፡4

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa37/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

እግዚአብሔር ራስ ያደርግሃል እንጂ ጅራት አያደርግህም፤ ሁልጊዜም በላይ እንጂ በታች አትሆንም

your will11.jpg

ዛሬም ያዘዝሁህን የአምላክህን የእግዚአብሔርን ትእዛዝ ሰምተህ ብትጠብቃት ብታደርጋትም፥ ዛሬም ካዘዝሁህ ከእነዚህ ቃሎች ወደ ቀኝ ወደ ግራም ፈቀቅ ባትል፥ ታመልካቸውም ዘንድ ሌሎችን አማልክት ባትከተል፥ እግዚአብሔር ራስ ያደርግሃል እንጂ ጅራት አያደርግህም፤ ሁልጊዜም በላይ እንጂ በታች አትሆንም። ኦሪት ዘዳግም 28፡13-14

ሰው በእግዚአብሄር ክብር የተፈጠረው ለእግዚአብሄር እየተገዛ እንዲገዛ ነው፡፡ ሰው የተፈጠረው የበላይ ለሆነው ለእግዚአብሄር እውቅና እየሰጠ የበላይ ለመሆን ነው፡፡ ሰው የተፈጠረው እግዚአብሄርን ብቻ እያመለከ ራስ እንዲሆን ነው፡፡

የመጀመሪያው ሰው አዳም ለእግዚአብሄር በተገዛበት ጊዜ ሁሉ ራስ ነበረ፡፡ አዳም ከእግዚአብሄር ቃል ወደግራም ወደቀኝንም ባላለ ጊዜ የበላይ እንጂ የበታች አልነበረም፡፡

ሰው ለእግዚአብሄር አምላክነት በታዘዘ ጊዜና ለእግዚአብሄርና ለእግዚአብሄር ብቻ በሚገዛበት ጊዜ ነገሮች ሁሉ በሙሉ ልባቸው ለእርሱ ይሰሩለት ነበር፡፡ ሰው ለእግዚአብሄር ቃል በታዘዘበት ዘመን ሁሉ ተፈጥሮ እንደ ሃይሉ መጠን ይሰጠው ነበር፡፡ ሰው ከእግዚአብሄር ቃል ወደ ቀኝ ወደ ግራም ፈቀቅ ባላለበት ጊዜ ሁሉም ነገሮች ሁሉ ይሰሩለት ይታዘዙት ይሰሙት ነበር፡፡

ሰው አሁንም ለእግዚአብሄር ቃል እውቅና በሰጠ መጠን ነገሮች ለእርሱ እውቅና ይሰጣሉ፡፡ ሰው ለእግዚአብሄር ቃል ልቡን በሰጠ መጠን ነገሮች ለእርሱ ልባቸውን ይሰጡታል፡፡

ሰው ከእግዚአብሄር ቃል ወደቀኝና ወደግራ ሲል ነገሮችም ከትእዛዙ ያፈነግጣሉ፡፡ ሰው የእግዚአብሄር ቃል ችላ ባለ መጠን ነገሮች ችላ ይሉታል፡፡ ሰው ራሱን ለእግዚአብሄር አምላክነት ባስገዛ መጠን ሁኔታዎች ለእርሱ ይገዙለታል፡፡

ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙረ ዳዊት 1፡2-3

ሰው የእግዚአብሄርን ቃል ብቸኛ የህይወቱ መመሪያ ሲያደርግ በሚሰራው ነገር ሁሉ ይከናወንለታል፡፡

ነገር ግን ጽና፥ እጅግ በርታ፤ ባሪያዬ ሙሴ ያዘዘህን ሕግ ሁሉ ጠብቅ፥ አድርገውም፤ በምትሄድበትም ሁሉ እንዲከናወንልህ ወደ ቀኝም ወደ ግራም አትበል። የዚህ ሕግ መጽሐፍ ከአፍህ አይለይ፥ ነገር ግን የተጻፈበትን ሁሉ ትጠብቅና ታደርግ ዘንድ በቀንም በሌሊትም አስበው፤ የዚያን ጊዜም መንገድህ ይቀናልሃል ይከናወንልሃልም። መጽሐፈ ኢያሱ ወልደ ነዌ 1፡7-8

ሰው እንደእግዚአብሄር ቃል ለእግዚአብሄር ከተገዛ እግዚአብሄርን አልፎ የሚገዛው ሌላ ምንም ነገር ሊኖር አይችልም፡፡ ሰው ግን ለእግዚአብሄር ስልጣን ካልተገዛ ለሌላ ነገር እንደማይገዛ ምንም ማስተማመኛ አይኖረውም፡፡

ዛሬም ያዘዝሁህን የአምላክህን የእግዚአብሔርን ትእዛዝ ሰምተህ ብትጠብቃት ብታደርጋትም፥ ዛሬም ካዘዝሁህ ከእነዚህ ቃሎች ወደ ቀኝ ወደ ግራም ፈቀቅ ባትል፥ ታመልካቸውም ዘንድ ሌሎችን አማልክት ባትከተል፥ እግዚአብሔር ራስ ያደርግሃል እንጂ ጅራት አያደርግህም፤ ሁልጊዜም በላይ እንጂ በታች አትሆንም። ኦሪት ዘዳግም 28፡13-14

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ስኬት #ክንውን #መታዘዝ #ስልጣን #ሃይል #መገዛት #መታዘዝ #ፍቅር #ሰላም #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #ትህትና

ይቅርታ አንጠይቅም

your will11.jpg

ስለአፈጣጠራችን ማንምም ሰው ይቅርታ አንጠይቅም፡፡

እግዚአብሄር አንድ ቀን ተገልጦ እኛን እንደዚህ አድርጌ ስለፈጠርኳቸው ይቅርታ እጠይቃለሁ ሲል አታገኙትም፡፡ እግዚአብሄር እንደዚህ አድርጎ ስለፈጠረን አይፀፀትም፡፡ እግዚአብሄር ስለአፈጣጠራችን ማንንም ይቅርታ አይጠይቅም፡፡ እግዚአብሄር ስለፈጠረን ስለባህሪያችን ፣ ስለመልካችን ፣ ስለዘራችን ስለአገራችን ማንንም ይቅርታ አይጠይቅም፡፡ እግዚአብሄር ግሩምና ድንቅ አድርጎ ፈጥሮናል፡፡

ግሩምና ድንቅ ሆኜ ተፈጥሬአለሁና አመሰግንሃለሁ፤ ሥራህ ድንቅ ነው፥ ነፍሴም እጅግ ታውቀዋለች። መዝሙረ ዳዊት 139፡14

ሰው ሲያየን እንዲህ ተደርገው ቢፈጠሩ ኖሮ መልካም ነበር ብለው አፈጣጠራችንን ለማስተካከል ሊፈተኑ ይችላሉ፡፡ ሰው አንዳንድ ጊዜ ነሸጥ ሲያደርገው እግዚአብሄርን ሊያርም ይዳዳዋል፡፡ ሰው የእግዚአብሄርን ፍጥረት ለማስተካል መፈተኑ የእርሱ ችግር እንጂ የእግዚአብሄር ወይም የተፈጠረው ሰው ችግር አይደለም፡፡

ስለደረስንበት መንፈሳዊ ደረጃ ማንንም ይቅርታ አንጠይቅም

አንዳንድ ጊዜ ሰይጣን ከሚያመጣብን ኩነኔ ተነስተን ያለንበትን መንፈሳዊ ደረጃ መቀበል ያቅተናል፡፡ ስለዚህ ስለመንፈሳዊ የህይወት ደረጃችን እንሳቀቃለን፡፡ ስለደረስንበት መንፈሳዊ ደረጃችን እናዝናለን እንኮነናለን ይቅርታ እንጠይቃለን፡፡ ስለደረስንበት መንፈሳዊ ደረጃ ማነስ ስለምንሳቀቅ ከደረስንበትን መንፈሳዊ ደረጃ በላይ እንደደረስን ለሌሎች ለማሳየት እንፈተናለን፡፡ የደረስንበትን መንፈሳዊ ደረጃ አጋንነን መናገር መፈለጋችን ስላለንበት መንፈሳዊ ደረጃ ደስተኞች አለመሆናችንን ያመለክታል፡፡ ስለደረስንበት መንፈሳዊ ደረጃ ምቾት ስለማይሰማን መድረስ ይገባን ነበር ብለን ስለምናስበው መንፈሳዊ ደረጃ ሰዎችን ሃገርን ራሳችንን እንኮንናለን፡፡

እውነት ነው ልደርስበት ካለው መንፈሳዊ ደረጃ እንፃር ያለንበት መንፈሳዊ ደረጃ ያነሰ ነገር ነው፡፡ ነገር ግን ያለንበት መንፈሳዊ ደረጃ ከነበርንበት መንፈሳዊ ደረጃ እንፃር ደግሞ ህልምን በእውን እንደመኖር በብዙ እጅ የተሻለ ነው፡፡ ያለሁንበት መንፈሳዊ ደረጃ ወደፊት መድረስ ካለብን መንፈሳዊ  ደረጃ ቢያንስም ከነበርንበት መንፈሳዊ ደረጃ ቢበልጥም ላለንበት ጊዜ ፍፁም ነው፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ 1ኛ ወደ ቆሮንቶስ ሰዎች 4፡3

ስለደረስንበት የገንዘብ ሁኔታ ማንንም ይቅርታ አንጠይቅም

አንዳንድ ጊዜ ራሳችንን ካለአግባብ ከሌሎች ጋር በማስተያየት እና በማወዳር በስራ አለም ይሄን ያህል ቆይቼ በማለት ምን አለኝ ብለን ራሳችንን እንኮንናለን፡፡ ራሳችንን ከሌሎች ጋር ካስተያየን ያለንበትን የገንዘብ ሁኔታ ለመቀበል ይቸግረናል፡፡ ስለዚህ ከአቅማችን በላይ ውድ ነገሮችን በመግዛት ካለን ገንዘብ በላይ እንዳለን ለሌሎች ለማሳየት እንፈተናለን፡፡ እግዚአብሄር ያለንበትን የገንዘን ሁኔታ አበጥሮ ያውቃል፡፡ የገንዘብ ሁኔታችንን በተመለከተ እግዚአብሄር ከየት እንደመጣን ፣ አሁን የት እንደደረስንና ወደየት እየሄድን እንዳለን ያውቃል፡፡ እግዚአብሄር ስለእኛ የገንዘብ ሁኔታ አይሳቀቅም፡፡ እግዚአብሄር እኛ ስላለንበት የገንዘብ ሁኔታ ማንንም ይቅርታ አይጠይቅም፡፡

እኛም ስላለንበት የገንዘብ ሁኔታ ምንንም ይቅርታ መጠየቅ የለብንም፡፡ እግዚአብሄር ስላደረሰን የገንዘብ ሁኔታ እርማት እና ማስተካያ ሊሰጥ የሚፈተን ሰው ካለ ያ የእርሱ ችግር እንጂ የእኛ ችግር አይደለም፡፡

ስለሌለን ስጦታ ማንንም ይቅርታ አንጠይቅም፡፡

ወደምድር ስንፈጠረ ሁላችንም ለምድር ከሚጠቅም ስጦታ ጋር ተፈጥረናል፡፡ ማን ከምን ስጦታ ጋር እንደሚፈጠር የሚወስነው እኛ ሳንሆን እግዚአብሄር ራሱ ነው፡፡ ሌሎች በጣም ስልተካኑት እኛ ግን ስለሌለን ስጦታ ማንም እንዲኮንነን አንፈቅድለትም፡፡

በክርስትናም መንፈስ ቅዱስ እንደወደደ ስጦታዎችን ያካፍላል፡፡ ስጦታን የሚሰጠው እግዚአብሄር እንጂ እኛ ስላይደለን ስለሌለን መንፈሳዊ ስጦታ ማንንም ይቅርታ መጠየቅ የለብን፡፡

እንግዲህ በክርስቶስ ኢየሱስ ላሉት አሁን ኵነኔ የለባቸውም። ወደ ሮሜ ሰዎች 8፡1

ለተጨማሪ ፅሁፎች https://www.facebook.com/abiy.dinsa37/notes

#ኢየሱስ #ጌታ #ግሩም #ድንቅ #ክርስቶስ #ህይወት #ብልፅግና #የብልፅግናወንጌል #መፀለይ #ሞገስ #በረከት #ስኬት #እረኛእግዚአብሄር #ስምረት #ቤተክርስትያን #አማርኛ #ስብከት #መዳን #የተትረፈረፈህይወት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መርካት #ደስታ #እረፍት

በእግዚአብሄር ፈቃድ ውስጥ የመግባት አስሩ ጥቅሞች

your will11.jpg

  1. አፈጣጠራችን በእግዚአብሄር ፈቃድ ውስጥ በመኖር እንዲሳካልንና እንዲከናወንልን ነው፡፡ ሰው ከእግዚአብሄር ፈቃድ ሲወጣ ያልተሰራበትን ስሪት ለመስራት እንደመሞከር ነው፡፡ ቤት መጥረጊያ የተፈጠረበት አላማ አለው፡፡ ብረት መቁረጫ መጋዝ ደግሞ የተፈጠረበት ሌላ አለማ አለው፡፡ ከእግዚአብሄር ፈቃድ መውጣት ቤትን ለመጥረግ የተሰራ መጥረጊያን ብረትን ለመቁረጥ እንደተሰራ እንደመጋዝ እንደመጠቀም ነው፡፡
  2. ክብራችን ያለው የእግዚአብሄርን ፈቃድ በመታዝ ውስጥ ነው፡፡ ሰው የእግዚአብሄርን ፈቃድ ከመታተዝ ሲወጣ ክብሩን ያጣል፡፡ ሰው እግዚአብሄርን በመታተዝ በንግስና እንዲኖር ተፈጥሮአል፡፡ ሰው እግዚአብሄርን ፈቃድ ሲስተው ከንግስናው ይሻራል፡፡

ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። ኦሪት ዘፍጥረት 2፡17

  1. ስልጣናችን ያለው የእግዚአብሄርን ፈቃድ በማድረግ ውስጥ ነው፡፡ የሰው ስልጣን የሚመነጨው ከእግዚአብሄር ነው፡፡ ሰው ነገሮችን ሊገዛ የሚችለው የእግዚአብሄርን ፈቃድ በማድረግ ለእግዚአብሄር ሲገዛ ብቻ ነው፡፡ ሰው የእግዚአብሄርን ፈቃድ ሲያጣው ስልጣኑን ያጣል፡፡ ሰው የእግዚአብሄር ፈቃድ መከተል ቸል ሲል ነገሮች ቸል ይሉታል፡፡ ሰው የእግዚአብሄርን ፈቃድ ከመከተል ሲመለስ ነገሮች እርሱን ከመስማትና ከመታዘዝ ይመለሱበታል፡፡

ምድርንም ባረስህ ጊዜ እንግዲህ ኃይልዋን አትሰጥህም፤ በምድርም ላይ ኰብላይና ተቅበዝባዥ ትሆናለህ። ኦሪት ዘፍጥረት 4፡12

  1. ጥበቃችን ያለው የእግዚአብሄር ፈቃድ ውስጥ ብቻ ነው፡፡ የእግዚአብሄር ፈቃድ ከማንኛውም የመድህን ድርጅት በላይ አስተማማኝ መድን ነው፡፡ የእግዚአብሄር ፈቃድ ከሰይጣን በላይ ሃያል ነገር ነው፡፡ ሰይጣን ብዙ ነገሮችን ሊያደርግ ይችላል፡፡ ነገር ግን ሰይጣን የእግዚአብሄርን ፈቃድ የያዘ ሰው ሊቋቋም አይችልም፡፡ የእግዚአብሄርን ፈቃድ የሚከተል ሰው ሰይጣንና በሰይጣን የሚመራ ሰው ሊያስቆመው አይችልም፡፡

በሕይወትህ ዕድሜ ሁሉ ማንም አይቋቋምህም፤ ከሙሴ ጋር እንደ ሆንሁ እንዲሁ ከአንተ ጋር እሆናለሁ፤ አልጥልህም፥ አልተውህም። መጽሐፈ ኢያሱ ወልደ ነዌ 1፡5

  1. ሰው በህይወቱ እውነተኛን ፍሬን የሚያየው በእግዚአብሄር ፈቃድ ውስጥ በመቆይት ብቻ ነው፡፡ ሰው በተለያየ ነገር ውስጥ ሊወጣና ሊወርድ ይችላል፡፡ ሰው ግን የእግዚአብሄርን ፈቃድ ካላገኘና ካላደረገው በስተቀር እውነተኛ ፍሬያማነት የህልም እንጀራ ነው፡፡

እኔ የወይን ግንድ ነኝ እናንተም ቅርንጫፎች ናችሁ። ያለ እኔ ምንም ልታደርጉ አትችሉምና በእኔ የሚኖር እኔም በእርሱ፥ እርሱ ብዙ ፍሬ ያፈራል። ብዙ ፍሬ ብታፈሩና ደቀ መዛሙርቴ ብትሆኑ በዚህ አባቴ ይከበራል። የዮሐንስ ወንጌል 15፡5፣8

  1. የደስታና የእርካታ ስሜታችን በእግዚአብሄር ፈቃድ ውስጥ ከመኖር ብቻ ይመጣል፡፡ እውነት ነው ሰው የእግዚአብሄርን ፈቃድ ሲያደርግ በከፍታና በዝቅታ ያልፋል፡፡ ነገር ግን ህይወቱን መልስ ብሎ ሲያየው ለእግዚአብሄር በሚገባ የተኖረ ህይወት ብሎ መደሰትና መፈንደቅ የሚችለው የእግዚአብሄርን ፈቃድ የሚያደርግ ሰው ብቻ ነው፡፡ እውነተኛን ደስታን የሚያጣጥመው ፈቃዱን የሚያደርግ ሰው ብቻ ነው፡፡ ምንም ዋጋ ቢያስከፍል እውነተኛን እርካታን የሚረካው ፈቃዱን የሚያደርግ ሰው ብቻ ነው፡፡

ያለ እርሱ ፈቃድ የበላ ደስ ብሎትም ተድላን የቀመሰ ማን ነው?” መጽሐፈ መክብብ 2:25

ልጆችሽም ሁሉ ከእግዚአብሔር የተማሩ ይሆናሉ፥ የልጆችሽም ሰላም ብዙ ይሆናል። ትንቢተ ኢሳይያስ 54፡13

  1. ፈቃዱን የሚከተል ሰው የእግዚአብሄር ጥበብ ይሰጠዋል፡፡

የእግዚአብሄር ጥበብ የሚሰራው የእግዚአብሄርን ፈቃድ ለሚከተል ሰው ነው፡፡ የእግዚአብሄር ፈቃድ የሚደግፈው እግዚአብሄርን ፈቃድ የሚኖርን ሰው ነው፡፡ እግዚአብሄር ስንፈተን መውጫውን የሚያዘጋጀው በፈቃዱ ወሰጥ ስንኖር ብቻ ነው፡፡ የእግዚአብሄርን ፈቃድ ስንከተል የእግዚአብሄር ጥበብ ሙሉ ለሙሉ ከእኛ ጋር ለእኛ ጥቅምና ማሸነፍ ይሰራል፡፡

ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ከእናንተ ግን ማንም ጥበብ ቢጎድለው፥ ሳይነቅፍ በልግስና ለሁሉ የሚሰጠውን እግዚአብሔርን ይለምን፥ ለእርሱም ይሰጠዋል። የያዕቆብ መልእክት 1፡2-3፣5

  1. ፈቃዱን የሚከተል ሰው ብቻ ነው ዘላለለማዊ ቅርስን የሚተወው፡፡ ጊዜያዊና ምድራዊ ነገርን አድርገን ህይታችንን በከንቱ ማሳለፍ እንችላለን፡፡ ነገር ግን ዘላለም የሚያስተጋባ ዘላቂን ነገርን የምናደርገው የእግዚአብሄርን ፈቃድ ስናደርግ ብቻ ነው፡፡ የእግዚአብሄርን ፈቃድ ካላደረገና ለሚጠፋ መብል ለከንቱነት እንሰራለን፡፡

ለሚጠፋ መብል አትሥሩ፤ ነገር ግን ለዘላለም ሕይወት ለሚኖር መብል የሰው ልጅ ለሚሰጣችሁ ሥሩ፤ እርሱን እግዚአብሔር አብ አትሞታልና። የዮሐንስ ወንጌል 6፡27

  1. የእግዚአብሄርን ህልውና የምናረጋገጥው በእግዚአብሄር ፈቃድ ውስጥ በመኖር ብቻ ነው፡፡ እግዚአብሄር አብሮን ካለ ደግሞ ምንም ሌላ ነገር አያስፈልገንም፡፡

ኢየሱስም መለሰ አለውም፦ የሚወደኝ ቢኖር ቃሌን ይጠብቃል፤ አባቴም ይወደዋል ወደ እርሱም እንመጣለን በእርሱም ዘንድ መኖሪያ እናደርጋለን። የዮሐንስ ወንጌል 14፡23

  1. አክሊልን የምንሸለመው የእግዚአብሄርን ፈቃድ ስንከተል ብቻ ነው፡፡

በፈተና የሚጸና ሰው የተባረከ ነው፤ ከተፈተነ በኋላ ለሚወዱት ተስፋ ስለ እርሱ የሰጣቸውን የሕይወትን አክሊል ይቀበላልና። የያዕቆብ መልእክት 1፡12

ማንም ግን በዚህ መሠረት ላይ በወርቅ ቢሆን በብርም በከበረ ድንጋይም በእንጨትም በሣርም ወይም በአገዳ ቢያንጽ፥ የእያንዳንዱ ሥራ ይገለጣል፤ በእሳት ስለሚገለጥ ያ ቀን ያሳያልና፥ የእያንዳንዱም ሥራ እንዴት መሆኑን እሳቱ ይፈትነዋል። ማንም በእርሱ ላይ ያነጸው ሥራ ቢጸናለት ደመወዙን ይቀበላል፤ የማንም ሥራ የተቃጠለበት ቢሆን ይጎዳበታል፥ እርሱ ራሱ ግን ይድናል ነገር ግን በእሳት እንደሚድን ይሆናል። 1ኛ ወደ ቆሮንቶስ ሰዎች 3፡12-15

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች https://www.facebook.com/abiy.dinsa.37/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የእግዚአብሄርፈቃድ #ህልውና #አብሮነት #ደስታ #እርካታ #ሰላም #ጥበቃ #ቅርስ #ሽልማት #አክሊል #ፀሎት #ልመና #እንዲሰማን #ቤተክርስትያን #አማርኛ #የእግዚአብሄርቃል #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መጠየቅ #መንበርከክ #ምስጋና

የምታስበው ክፉ ሀሳብ ይታያል

your will11.jpg

ብዙ ሰው የሚያስበው አሳብ በሌላ ሰው እንደሚታይ አያስብም:: እግዚአብሄር ወደአእምሮህ የመጣውን አሳብ በአጭሩ የቀጨኸውን ሃሳብ ያስተናገድከውንና በውስጥህ የበቀለውን እና ፍሬ ያፈራውን አሳብ ሁሉ ያያል ያውቃል፡፡

መልካም ብታደርግ ፊትህ የሚበራ አይደለምን? መልካም ባታደርግ ግን ኃጢአት በደጅ ታደባለች፤ ፈቃድዋም ወደ አንተ ነው፥ አንተ ግን በእርስዋ ንገሥባት። ኦሪት ዘፍጥረት 4፡7

ብዙ ሰው የሚያስበው አሳብ በሌላ ሰው እንደሚታይ አድርጎ አይጠነቀቅም:: ብዙ ሰው ሃሳቡ እንደማይታይ አድርጎ ስለሚኖር ብዙ ጊዜ ችግር ውስጥ ይገባል::

ሰው የሚኖረው ያሰበውን አሳብ ነው፡፡ ሰው የሚተገብረው ያሰበውን አሳብ ነው፡፡

በልቡ እንዳሰበ እንዲሁ ነውና፤ መጽሐፈ ምሳሌ 23፡7

ያሰብነውን ስለምንኖረው በእኛ ውስጥ ያስተናገድነው አሳብ ሁሉ ይታያል::

እውነት ነው ወደአእምሮዋችን የሚመጣ ሃሳብ ሁሉ አይታይም:: ነገር ግን የምናስተናግደው ሃሳብ ይፍጠንም ይዘግይም ይታያል:: ወደ አእምሮዋችን ሲመጣ እንደቆሻሻ ቆጥረን እሽቀንጥረን ከአእምሮዋችን የማናስወጣው ክፉ ሃሳብ በሰው ዘንድ ይታያል ያዋርደናል::

ወደአእምሮዋችን የሚመጣውን የንቀት ሃሳብ በፍጥነት በእንጭጩ ካልቀጭነው ወደድንም ጠላንም በዝንባሌያችንንና በአመለካከታችን ይንፀባረቃል:: ስለሌላው ሰው የንቀት ሃሳብ ሲመጣልን ደስ ከተሰኘንበት ካስተናገድነውና ካሰላሰልነው በአመለካከታችን ይንፀባረቃልሸ

አንዳንድ ሰዎች ስለክፉ ንግግራቸው ስለዝንባሌና አመለካከታቸው መነሻ ችግር ከስር መሰረቱ መፍትሄ ከመስጠት ይልቅ ከንፈራቸው ላይ ሊያስተካክሉ ይፈልጋሉ::

ችግሩ ክፉ ሃሳብ በንግግርም ባይታይ በአመለካከት ይታያል:: ክፉ ሃሳብ በአመለካከት ባይታይም በንግግር ይታያል፡፡

የአፍ ወለምታ በቅቤ አይታሽም ይባላል:: እውነት ነው የንግግር ስህተት አይስተካከልም:: የአፍ ወለምታ የአስተሳሰብ ወለምታ ማሳያው ነው:: ንግግር የአስተሳሰብ መስታወት ነው:: ዛፍ የሚቃናው በችግኝነት ደረጃ እንደሆነ ሁሉ ንግግር የሚስተካከለው በሃሳብ ደረጃ  ብቻ ነው::

ሃሳባችንን እንደፈለግን ለቀነው በእግዚአብሄር እውቀት ላየ የሚነሳውን የሰውን ሃሳብ ካላዋረድነው ሃሳብ ይታያል፡፡

የሰውንም አሳብ በእግዚአብሔርም እውቀት ላይ የሚነሣውን ከፍ ያለውን ነገር ሁሉ እናፈርሳለን ለክርስቶስም ለመታዘዝ አእምሮን ሁሉ እንማርካለን፥ 2ኛ ወደ ቆሮንቶስ ሰዎች 10፡5

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ትህትና #መዋረድ #ባህሪ #ዝቅታ #ትዕቢት #ትምክህት #መመካት #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #አመለካከት #መናገር #ፅናት #ትግስት #መሪ

ሁልጊዜ የፀሎት መልሳችንን የምንቀበልባቸው አምስቱ ጥበቦች

your will11.jpg

ከልባችን የፀለይናቸው ፀሎቶች ሁሉ ተመልሰዋል፡፡

ለምኑ፥ ይሰጣችሁማል፤ ፈልጉ፥ ታገኙማላችሁ፤ መዝጊያን አንኳኩ፥ ይከፈትላችሁማል። የማቴዎስ ወንጌል 7፡7

የሚለምነውም ሁሉ ይቀበላል፡፡ ነገር ግን በእግዚአብሄር መንገድ እንጂ በእኛ መንገድ አንቀበልም፡፡ የሚፈልግ ሁሉ ያገኛል፡፡ ነገር ግን በእግዚአብሄር ጊዜ እንጂ በእኛ ጊዜ አናገኝም፡፡ ለሚያንኳኳ ይከፈትለታል፡፡ ነገር ግን የሚከፈትልን በእኛ ሁኔታ ሳይሆን በእግዚአብሄር ሁኔታ ነው፡፡

የሚለምነው ሁሉ ይቀበላልና፥ የሚፈልገውም ያገኛል፥ መዝጊያንም ለሚያንኳኳ ይከፈትለታል። የማቴዎስ ወንጌል 7፡8

  1. እግዚአብሄር የፀሎት መልሳችንን በእርግጥ ይመልሳል፡፡ እግዚአብሄር የፀሎት መልሳችንን በችኮላ አይመልስም፡፡ እግዚአብሄር ፀሎታችንን በጊዜው እንጂ በችኮላ አይመስለስም፡፡ እግዚአብሄር ማንም አይቀድመውም፡፡ እግዚአብሄር ጊዜ አያልፍበትም፡፡ እግዚአብሄር ከአላማው ጋር እንጂ ከጊዜ ጋር አይሮጥም፡፡ እግዚአብሄር ሁሉን ነገር ስለሚያይ እኛ እንደምንቸኩል አይቸኩልም፡፡ እግዚአብሄር እኛ በቸኮልንበት ጊዜ የፀሎት መልሳችንን በችኮላ ስላልመለሰ ያልተመለሰ ሊመስለን ይችላል፡፡ ነገር ግን የሚለምነው ሁሉ በጊዜውና በሰአቱ በእግዚአብሄር መንገድ ይቀበላል፡፡

ሳይታክቱም ዘወትር ሊጸልዩ እንዲገባቸው የሚል ምሳሌን ነገራቸው፥ እግዚአብሔር እንኪያስ ቀንና ሌሊት ወደ እርሱ ለሚጮኹ ለሚታገሣቸውም ምርጦቹ አይፈርድላቸውምን? እላችኋለሁ፥ ፈጥኖ ይፈርድላቸዋል። ነገር ግን የሰው ልጅ በመጣ ጊዜ በምድር እምነትን ያገኝ ይሆንን? የሉቃስ ወንጌል 18፡1፣7፣8

  1. የፀሎት ምለሳችን ሁሉ ይመጣል፡፡ ነገር ግን የፀሎት መልሳችን በጣም በጓጓን ጊዜ ላይመለስ ይችላል፡፡ ለፀሎት መልሳችን በጣም መጓጓት አይናችንን ከእግዚአብሄር ላይ አንስተን የፀሎት መልሳችን ላይ እንድናደርግ ያደርገናል፡፡ ለፀሎት መልሳችን በጣም መጓጓት የፀሎት መልሳችንን ጣኦት እንድናደርገው ያደርገናል፡፡ ለእግዚአብሄር የፀሎት መልሳችንን ለመመለስ ትክክለኛው ጊዜ ከመጠን ያለፈ መጓጓታችን ሲበርድልን ነው፡፡ እግዚአብሄር አንዳንዴ ፀሎታችንን የሚመልሰው ከመጠን ያለፈ ጉጉታችንን ከጨረስን በኃላ ነው፡፡ የሚለምነው ሁሉ ይቀበላል ነገር ግን የለመንነውን ሁሉ ከመጠን በላይ በጓጓን ጊዜ አንቀበልም፡፡ ከመጠን በላይ መጓጓት የፀሎት መልሳችንን እንደሚገባ እንዳንይዘው ያደርገናል፡፡ ለፀሎት መልሳችን ከመጠን ያለፈ መጓጓት የፀሎት መልሳችንን እንድናመልከው ይፈትነናል፡፡
  2. የፀሎት መልሳችን በቅንጦት አይመለስም፡፡ እግዚአብሄር የሚያቀርበው እንደፍላጎታችን መጠን ነው፡፡ ስለዚህ ብዙ ፍላጎት ባለብን የህይታችን ክፍል በብዙ እንቀበላለን፡፡ ብዙ ፍላጎት በሌለን በህይወታችን ክፍል በብዙ አንቀበልምን፡፡ ብዙ ፍላጎት ላለበት ሰው እግዚአብሄር በብዙ ያቀርብለታል፡፡ ጥቂት ፍላጎት ላለለው ሰው በብዙ አያቀርብም፡፡ እግዚአብሄር በብዙ ካቀረበለን አሁንም ባይሆን ወደፊት ብዙ ፍላጎት እየመጣ ነው ማለት ነው፡፡ እግዚአብሄር ከላቀረበ ፍላጎት የለብንም ማለት ነው ብለን ማመን እና እግዚአብሄርን ማመስገን አለብን፡፡ ቀድሞ እንኳን ብዙ ካቀረበ ብዙ ፍላጎት እየመጣ ነው ብለን ለወደፊት ማስቀመጥ እንጂ ሁሉንም አቅርቦት በምቾቶቻችን መክፈል ወይም በቅንጦት ላይ ማዋል የለብንም፡፡

ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። የያዕቆብ መልእክት 4፡3

  1. የፀሎት መልሳችን ሞቲቫችን ሲጣራ ይመልሳል፡፡ ብዙ ጊዜ ስንፀልይ በሁለት መነሻ ሃሳቦች እንፀልያለን፡፡ አንዱ በፀሎት መልሳችን እግዚአብሄርን የማክበር ንፁህ የልብ መነሻ ሃሳብ ሲሆን ሌላው ደግሞ ከሌላው ሰው መብለጥ ታዋቂ መሆን ባለጠጋ መሆን ወይም ደግሞ ከሰው ሁሉ በልጦ ሃያል መሆን ነው፡፡ እግዚአብሄር የፀሎት መልሳችንን በእኛ ጊዜ ሳይሆን በራሱ ጊዜ ሲመልስ ንፁህ ያልሆነው የልባችን መነሻ ሃሳብ ከቀነሰ በኃላ ነው፡፡ ስጋችን የፀሎት መልሳችን እንዲመልስ የሚፈልገው ለእግዚአብሄር መንግስት ጥቅም ሳይሆን ለራሱ ምቾት ነው፡፡ የሚፈልግ ሁሉ ያገኛል ነገር ግን ብዙ ጊዜ የፈለግነውን ሁሉ እንዳለገኘን የሚሰማን የስጋ መነሻ ሃሳባችን ከጠፋ በኃላ የጸሎት መልሳችን ስለሚመለስ ነው፡፡

ሃና ልጅ የምትፈልገው የልብዋ መነሻ ሃሳብ ለእግዚአብሄር መልሳ ለመስጠት ሲሆን እግዚአብሄር መለሰላት፡፡

እርስዋም፦ አቤቱ፥ የሠራዊት ጌታ ሆይ፥ የባሪያህን መዋረድ ተመልክተህ ብታስበኝ፥ እኔንም ባትረሳ፥ ለባሪያህም ወንድ ልጅ ብትሰጥ፥ ዕድሜውን ሁሉ ለእግዚአብሔር እሰጠዋለሁ፥ ምላጭም በራሱ ላይ አይደርስም ብላ ስእለት ተሳለች። መጽሐፈ ሳሙኤል ቀዳማዊ 1፡11

  1. የፀሎት መልሳችን ካደግን በኃላ ይመለሳል፡፡ ክርስቶስን የምንከተል ሁላችንም በየቀኑ እያደግን ነው፡፡ አንዳንድ ጊዜ የፀሎት መልሳችን እንዳልተመለሰ የሚሰማን ከፀሎት ጥያቄው አልፈን ወደሌላ የፀሎት ጥያቄ ውስጥ ከገባን በኃላ ስለሚመለስ ነው፡፡ እኛ ህይወታችን አድጎና የፀሎት ጥያቄያችን አድጎ ወደሌላ ከፍ ወዳለ የፀሎት ጥያቄ ውስጥ ከገባን በኃላ የበፊቱ የፀሎት መልሳችን ስለሚመጣ ያልተመለሰ ይመስለናል፡፡ የሚፈልገውም ያገኛል፡፡ የቀድሞውን የፀሎት ርእሳችንን አልፈን ሌላ ነገር በመፈለግ ላይ ስለተጠመድን የመጀመሪያውን የፀሎት መልስ ያገኘን አይመስለንም፡፡

አብዝተን እንድንቀበል አብዝተን እንለምን፡፡ መቼ እንደምናገኝ ሳናስብ አብዝተን እንፈልግ፡፡ እንዴት እንደሚከፈት ሳንጨነቅው አብዝተን አናንኳኳ፡፡

ለምኑ፥ ይሰጣችሁማል፤ ፈልጉ፥ ታገኙማላችሁ፤ መዝጊያን አንኳኩ፥ ይከፈትላችሁማል። የሚለምነው ሁሉ ይቀበላልና፥ የሚፈልገውም ያገኛል፥ መዝጊያንም ለሚያንኳኳ ይከፈትለታል። የማቴዎስ ወንጌል 7፡8

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.dinsa.37/notes

#ኢየሱስ #ጌታ #እግዚአብሔር #ለምኑ #ፈልጉ #አንኳኩ #ይቀበላል #ያገኛል #ይከፈትለታል #ቃል #ብልፅግና #ሃብት #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርቃል  #የእግዚአብሔርፈቃድ #አቢይዋቁማ #አቢይዋቁማዲንሳ

ህይወታችን እንዳልተለወጠ ሲሰማን ማድረግ ያለብን 5 ነገሮች

plant-growing-v2 (2).png

ሁላችንን በየጊዜው ህይወታችን እንደቆመ እንደሚገባው እንዳልተራመድን እያደግን እየተለወጥን እንዳይደለ ይሰማናል፡፡ የእስራኤል ህዝብ በእግዚአብሄር ላይ እልከኛ በመሆንና ባለመታዘዝ አርባ አመት ሙሉ አንድን ተራራ ሲዞሩ ኖረዋል፡፡ እኛም በተለያየ ጊዜ እንደ እስራኤላዊያን የሴይርን ተራራ እንደምንዞር ፣ ህይወታችን ለውጥ አልባ እንደሆነና ህይወታችን እርምጃ እንደሌለው ሲሰማን ማድረግ ያለብን 5 ነገሮች

  1. በጌታ ፊት ጊዜ መውሰድ

እርምጃችን በእውነት መቆሙን ለማረጋገጥ በጌታ ፊት ጊዜ መውሰድ ይጠይቃል፡፡ እርምጃችን እንደቆመ መሰማቱ ብቻ እርምጃችን በእውነትም መቆምሙን ሊያረጋጋጥ አይችልም፡፡ እርምጃችን እንደቆመ መሰማቱ መቆማችንን ሊያሳይ ወይም ደግሞ ላያሳይ ይችላል፡፡ ስለዚህ በህይወታችን እርምጃ ማጣት ሲሰማን እውነት እድገቴ ቆሟል ወይስ አልቆመመ ብለን መጠየቅ ያስፈልጋል፡፡ ያለመራመድ ፣ ያለማደግና ያለመለወጥ ስሜት በሚሰማን ጊዜ የእግዚአብሄርን ፊት መፈለግፍ ወርቃማ አጋጣሚ ነው፡፡ እርምጃችን እንደቆመ ሲሰማን እግዚአብሄር ትኩረታችን ፈልጎና ከእኛ ጋር ህብረትን ለማድረግ ናፍቆን ሊሆን ይችላል፡፡ እርምጃችን እንደቆመ ሲሰማን እርሱን በግል እንድንፈልገው ፈልጎ ሊሆን ይችላል፡፡ እርምጃችን እንደቆመ ሲሰማን እግዚአብሄር ወደሚቀጥለው የህይወታችን ምእራፍ ሊያሻግረን መለወጥ ያለብንን ነገር እንድንለውጥ ፈልጎ ሊሆን ይችላል፡፡ እርምጃችን እንደቆመ ሲሰማን እግዚአብሄር የነበርንበት የህይወት ምእራፍ በመዝጋት ስለሚቀጥለው የህይወት ምእራፍ እርሱን እንድንፈልገውና ምሪትን እንድንቀበል ምልክት እየሰጠን ሊሆን ይችላል፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። እናንተም ትጠሩኛለችሁ፥ ሄዳችሁም ወደ እኔ ትጸልያላችሁ፥ እኔም እሰማችኋለሁ። እናንተ ትሹኛላችሁ፥ በፍጹም ልባችሁም ከሻችሁኝ ታገኙኛላችሁ። ትንቢተ ኤርምያስ 29፡11-13

  1. በእግዚአብሄር ቃል ራሳችንን ማየት

መራመድ እንዳቆምን የተሰማን እውነትም እድገታችን ቆሞ ሊሆን ይችላል፡፡ እድገትን ሊያቆም የሚችለውና ከእግዚአብሄር ጋር ያለንንን ግንኙነት እና ህብረት የሚያበላሸው ሃጢያት እና አለመታዘዘ ነው፡፡ እግዚአብሄር የመራንን መሪት ሳንከተል ሌላ ምሪትይ እንዲሰጠን መፈለግ አንችልም፡፡ እግዚአብሄር ያዘዝንን ትእዛዘ በእምነት ሳንፈፅጽም ህይወታችን እንዲለወጥ መጠበቅ የለብንም፡፡ የሰናፍጭ ቅንጣት የምታክለውን እምነታችንን ሳንጠቀም እምነት እንዲጨምርልን መፀለይና እምነት እንዳልጨመርን ሊሰማን አይገባም፡፡

ሐዋርያትም ጌታን፦ እምነት ጨምርልን አሉት። ጌታም አለ፦ የሰናፍጭ ቅንጣት የሚያህል እምነት ቢኖራችሁ፥ ይህን ሾላ፦ ተነቅለህ ወደ ባሕር ተተከል ብትሉት፥ ይታዘዝላችሁ ነበር። የሉቃስ ወንጌል 17፡5-6

እግዚአብሄር ያስረዳንን የእግዚአብሄርን ቃል ወተት መረዳት ሳንታዘዝ ጠንካራ ምግብ ለመመገብ መሞከር አይቻልም፡፡ በእግዚአብሄር ቃል ልባችንን በመፈተሽና እርምጃችንን በእግዚአብሄር ቃል በመመርመር እየተራመድን ከሆነ ቆመን ከሆነ እግዚአብሄርን በማመስገን በዚያው መቀጠል ይገባናል፡፡ በእግዚአብሄር ቃል ራሳችንን ስንፈትሽ የሳትነው ነገር ካለ በእግዚአብሄር ፊት ሃሳባችንን ለውጠን የእግዚአብሄርን ቃል ለመታዘዝ መወሰን አለብን፡፡

ቃሉን የምታደርጉ ሁኑ እንጂ ራሳችሁን እያሳታችሁ የምትሰሙ ብቻ አትሁኑ። የያዕቆብ መልእክት 1፡22

  1. የእግዚአብሄርን እርምጃ መታገስ

እርምጃችን እንደቆመ እና ህይወታችን እንዳልተለወጠ ሲሰማን ስለእግዚአብሄር አሰራር ያለንን አመለካከት መፈተሽ አለብን፡፡ እግዚአብሄር አይቸኩልም፡፡

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። መጽሐፈ ምሳሌ 28፡20

በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። መጽሐፈ ምሳሌ 13፡11

እግዚአብሄር ነገሮችን የሚያደርገው በራሱ ጊዜ እንጂ በእኛ ጊዜ አይደለም፡፡ እግዚአብሄር መልካም አምላክ ነው፡፡ እግዚአብሄር ነገሮችን ውብ የሚያደርገው በጊዜው ነው፡፡

ለሁሉ ዘመን አለው፥ ከሰማይ በታችም ለሆነ ነገር ሁሉ ጊዜ አለው። ነገርን ሁሉ በጊዜው ውብ አድርጎ ሠራው፤ መጽሐፈ መክብብ 3፡1፣11

ከእኛ የሚጠበቀው በጊዜው መልካም ማድረግ ፣ መልካምን በማድረግ አለመታከትና እንዲሁም መታገስና መጠበቅ ነው፡፡

ባንዝልም በጊዜው እናጭዳለንና መልካም ሥራን ለመሥራት አንታክት። ወደ ገላትያ ሰዎች 6፡9

የእግዚአብሄር ፈቃድን ካደረግን በኃላ እንኳን የተሰጠንን የተስፋ ቃል እስክናገኝ መፅናት አለብን፡፡ የእግዚአብሄር ፈቃድን ስላደረግን ብቻ እግዚአብሄር ነገሮች ከመቀፅበት ይሆኑልናል ብለን ካሰብን እንሳሳታለን፡፡

የእግዚአብሔርን ፈቃድ አድርጋችሁ የተሰጣችሁን የተስፋ ቃል እንድታገኙ መጽናት ያስፈልጋችኋልና። ወደ ዕብራውያን 10፡36

  1. ስለደረስንበት ደረጃ እግዚአብሄርን ማመስገን

ብዙ ጊዜ ህይወታችን እድገት እንደሌለው የሚሰማን ልንሄድበት የምንፈልገውንና ያለንበትን ደረጃ ስናነፃፅር ብቻ ነው፡፡ እውነት ነው የምንሄድበትንና ያለንበትን ማነፃፀር መልካም እና አስፈላጊም ነው፡፡  ነገር ግን የመጣንበትንና ያለንበትን ስናስተያይ ደግሞ ምን ያህል ህይወታችን እንደተለወጠ እናስተውላለን፡፡ ቀድሞ የነበርንበትንና አሁን ያለንበትን ስናስተያይ አሁን እየኖርነው ያለነው ህልማችንን እንደሆነ እናስተውላለን፡፡ የነበርንበትንና ያለንበትን ደረጃ ስናነፃፅር አሁን ያለንበትን ደረጃ ከጊዜ በፊት ሊደረስበት የማይችል የመሰለን እንደተራራ የገዘፈብን የህይወት ደረጃ እንደነበረ እናስተውላለን፡፡

ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ወደ ተሰሎንቄ ሰዎች 5፡17-18

  1. እየታዘዝነው ያለውን የእግዚአብሄርን ቃል በመታዘዝ መቀጠል

ህይወታችን ካለ እድገት እንደቆመ ሲሰማን እየታዘዝነው ያለውን የእግዚአብሄርን ቃል በመታዘዝ መቀጠል ይኖርብናል፡፡ እድገት የሚመጣው ጥቃቅን የሚመስሉ የእለት ተእለት ተደጋጋሚ ነገሮችን በፅናት በማድረግ ነው፡፡ እውነተኛ እድገት የሚመጣው ከውስጥ ወደ ውጭ ነው፡፡ የእግዚአብሄር ቃል ከሰማን ከታዘዝንና ከፀናንበት እድገትና ለውጥ የማይቀር ነገር ነው፡፡

በመልካም መሬት ላይም የወደቀ እነርሱ በመልካምና በበጎ ልብ ቃሉን ሰምተው የሚጠብቁት በመጽናትም ፍሬ የሚያፈሩ ናቸው። የሉቃስ ወንጌል 8፡15

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ጌታ #ኢየሱስ #ፅናት #መጠበቅ #ምስጋና ##ሃሳብ #ቃል #እግዚአብሄር #መንፈስቅዱስ #ንስሃ #መለወጥ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #አእምሮ #ፌስቡክ #አቢይዋቁማ #አቢይዋቁማዲንሳ

It is complicated

your will11.jpg

Life isn’t always black and white. If life is black and white, we wouldn’t have to fight to succeed.

Life isn’t simple. It is foolish to try to give a simple answer to complicated life questions. It is not possible to give a simple solution to a complex life situation.

Life takes a lot of wisdom and understanding solving its problems.

The reason we have been equipped with the manifold wisdom of God is that life problems take a pearl of variety wisdom to solve them.

His intent was that now, through the church, the manifold wisdom of God should be made known to the rulers and authorities in the heavenly realms, Ephesians 3:10

That was the exact reason that Jesus was not only having wisdom but also grew in having more wisdom. Jesus had to become wiser to solve more complicated problems.

And Jesus grew in wisdom and stature, and in favor with God and man. Luke 2:52

That is the reason that we don’t just need wisdom but wisdom abundantly.

If any of you lacks wisdom, you should ask God, who gives generously to all without finding fault, and it will be given to you. James 1:5

Some of the life’s problem is solved by prayer, the others by being patience, the other by loving others, the others by forgiveness, and the others by being contented etc.

There is no one size fits all solution to every life problems. Life isn’t a single battlefield. Life has many battlefields. Wining in one and losing on the other isn’t really wining. It takes to win in each and every life battlefields to win.

Any challenge that isn’t be dealt with one kind of wisdom will be dealt with the other kind of wisdom. But there is wisdom somewhere that can solve the problem we are facing.

The LORD said to him, “Go, return on your way to the wilderness of Damascus, and when you have arrived, you shall anoint Hazael king over Aram; 16and Jehu the son of Nimshi you shall anoint king over Israel; and Elisha the son of Shaphat of Abel-meholah you shall anoint as prophet in your place. “It shall come about, the one who escapes from the sword of Hazael, Jehu shall put to death, and the one who escapes from the sword of Jehu, Elisha shall put to death. 1 Kings 19:15-17

Les’t come to the Lord in prayer to have manifold wisdom of God.

That is the reason that we don’t just need wisdom but abundant wisdom.

If any of you lacks wisdom, you should ask God, who gives generously to all without finding fault, and it will be given to you. James 1:5

For more articles https://www.facebook.com/abiy.wakuma/notes

#Christian #prayer #wisdom #Jesus #Church #Lord # inspired #Amharic # sermon #steward of the # bible # Faith # Hope # Love # #peace #abiywakuma #abiywakumadinsa #Politics

19ኙ የጥበብ ጉድለት አደጋዎች

jacar1.jpg

የህይወት ጥያቄዎች ሁሉ መልስ አላቸው፡፡ መልስ የሌለው ጥያቄ መፍትሄ የሌለው ችግር መውጫ የሌለው ፈተና የለም፡፡ የሚያስፈልገን ጥበብ ነው፡፡ ጥበበ ከጎደለን ግን በህይወታችን ለእነዚህ አደጋዎች እንጋለጣለን፡፡

ጥበብ በጎደለን መጠን የህይወት አደጋችን እየጨመረ ይሄዳል፡፡

ከእናንተ ግን ማንም ጥበብ ቢጎድለው፥ ሳይነቅፍ በልግስና ለሁሉ የሚሰጠውን እግዚአብሔርን ይለምን፥ ለእርሱም ይሰጠዋል። የያዕቆብ መልእክት 1፡5

  1. የጥበብ ጉድለት ያለንን ነገር ሁሉ ለማይረባና ለማያጠግብ እንጀራ እንድናውለው ያደርገናል፡፡ ጥበብ ሲጎድለን የዋጋ አሰጣጣችን ይዛባል፡፡ ጥበብ ሲጎድለን የከበረውን ከተዋረደው መለየት ያቅተናል፡፡ ጥበብ ሲጎድለን ዋጋ ለሌለው ዋጋ እንሰጣለን ለከበረው የሚገባውን ክብር እንሰጥም፡፡

ገንዘብን እንጀራ ላይደለ፥ የድካማችሁንም ዋጋ ለማያጠግብ ነገር ለምን ትመዝናላችሁ? አድምጡኝ፥ በረከትንም ብሉ፥ ሰውነታችሁም በጮማ ደስ ይበለው። ትንቢተ ኢሳይያስ 55፡2

  1. የጥበብ መጉደል ከእኛ የተለዩ ሰዎችን ባለመቀበልና በመግፋት የአካላችንን አንዱን እንድንጥል ያደርገናል፡፡

እግዚአብሄር ወደ አየልን የህይወት አላማ እንድንደርስ የሚረዱን ሌሎች ሰዎች ናቸው፡፡ የህይወታችን መፍትሄ ሁሉ እኛ ውስጥ የለም፡፡ እግዚአብሄር ለህይወታችን የሚያስፈልገውን እኛ ውስጥ ግን የሌለውን ነገር ሁሉ ያስቀመጠው በሌሎች ውስጥ ነው፡፡ እግዚአብሄር በሌሎች ውስጥ ለእኛ ያስቀመጠውን በረከት መጠቀንም የምንችለው ከእኛ የተለዩትን ሰዎች ለመለወጥ ባለመሞከር ነው፡፡ እግዚአብሄር በሌሎች ውስጥ ለእኛ ያስቀመጠውን በረከት መጠቀንም የምንችለው ሌሎችን በጥበብ መያዝ ስንችል ብቻ ነው፡፡

አካል ሁሉ ዓይን ቢሆን መስማት ወዴት በተገኘ? ሁሉም መስማት ቢሆን ማሽተት ወዴት በተገኘ? አሁን ግን እግዚአብሔር እንደ ወደደ ብልቶችን እያንዳንዳቸው በአካል አድርጎአል። 1ኛ ወደ ቆሮንቶስ ሰዎች 12፡17-18

  1. ጥበብ መጉደል ሁሉንም ሰው በአንድ አይን እንድንመለከትና የሰውን ልዩነት ተረድተን እንደ እያንዳንዳንዱ ሰው ጥንካሬ እና ድካም እንዳንይዘው እንቅፋት ይሆንብናል፡፡ ከሁሉም ሰው ተመሳሳይ ነገር ከጠበቅን እንሳሳታለን፡፡ ሁሉንም ሰው ተመሳሳይ ለማድረግ ከሞከርን እኛ ውስጥ የሌለውን የሰዎችን ልዩ ስጦታ እንገድላለን፡፡

እንዲሁም፥ እናንተ ባሎች ሆይ፥ ደካማ ፍጥረት ስለ ሆኑ ከሚስቶቻችሁ ጋር በማስተዋል አብራችሁ ኑሩ፤ ጸሎታችሁ እንዳይከለከል አብረው ደግሞ የሕይወትን ጸጋ እንደሚወርሱ አድርጋችሁ አክብሩአቸው።1ኛ የጴጥሮስ መልእክት 3፡7

  1. የጥበብ ጉድለት ለፈጠረን ለእግዚአብሄር የሚገባውን የክብር ስፍራ እንዳንሰጥ ያደርገናል፡፡ የጥበብ መጉደል ከፈጠረን ከእግዚአብሄር ጋር እንዴት እንድምንኖር እንዳናውቅ ያደርገናል፡፡

የጥበብ መጀመሪያ እግዚአብሔርን መፍራት ነው፤ ሰነፎች ግን ጥበብንና ተግሣጽን ይንቃሉ። መጽሐፈ ምሳሌ 1፡7

  1. ጥበብ ሲጎድለን ለህጉ ዋና ነገር የሚገባውን ትኩረት እንዳንሰጥ ያደርገናል፡፡ ጥበብ ሲጎድለን ህይወት የሚሰጠውን የህጉን መንፈስ ትተን የህጉን ፊደል እንድንከተል ያደርገናል፡፡

እናንተ ግብዞች ጻፎችና ፈሪሳውያን፥ ከአዝሙድና ከእንስላል ከከሙንም አሥራት ስለምታወጡ፥ ፍርድንና ምሕረትን ታማኝነትንም፥ በሕግ ያለውን ዋና ነገር ስለምትተዉ፥ ወዮላችሁ፤ ሌላውን ሳትተዉ ይህን ልታደርጉ ይገባችሁ ነበር። የማቴዎስ ወንጌል 23፡23

  1. የጥበብ መጉደል ለገንዘብና ለቁሳቁስ የማይገባውን ክብር እንድንሰጥ ያደርገናል፡፡ የጥበብ መጉደል ለገንዘብ ካለአቅሙ ከፍተኛ ግምት እንድንሰጥና ለገንዘብ እንድንጎመጅ ያደርገናል፡፡

የሰው ሕይወት በገንዘቡ ብዛት አይደለምና ተጠንቀቁ፥ ከመጐምጀትም ሁሉ ተጠበቁ አላቸው። የሉቃስ ወንጌል 12፡15

  1. የጥበብ መጉደል የህይወት ቁልፍ ያለው ሃያል ባለጠጋ እና ጥበበኛ ጋር እንደሆነ በማሳመን ያሳስተናል፡፡ የጥበብ መጉደል ትኩረታችንን ከእግዚአብሄር ላይ እንድናነሳ እና ሃይል ባለጠግናትና ጥበብ ላይ እንድናደርግ ያደርጋል፡፡

እግዚአብሔር እንዲህ ይላል፦ ጠቢብ በጥበቡ አይመካ፥ ኃያልም በኃይሉ አይመካ፥ ባለ ጠጋም በብልጥግናው አይመካ፤ ነገር ግን የሚመካው፦ ምሕረትንና ፍርድን ጽድቅንም በምድር ላይ የማደርግ እኔ እግዚአብሔር መሆኔን በማወቁና በማስተዋሉ በዚህ ይመካ፤ ደስ የሚያሰኙኝ እነዚህ ናቸውና፥ ይላል እግዚአብሔር፡፡ ትንቢተ ኤርምያስ 9፡23-24

  1. የጥበብ መጉደል መናገር በሌለብን ጊዜ እንድንናገር ዝም ማለት ባለብን ጊዜ እንድንናገር ያደርገናል፡፡ ጠቢብ መቼ እንደሚናገር መቼ ዝም እንደሚል ማስተዋል ይመራዋል፡፡

ስለዚህ ክፉ ዘመን ነውና በዚያ ዘመን አስተዋይ የሚሆን ዝም ይላል። ትንቢተ አሞጽ 5፡13

  1. የጥበብ መጉደል ነገራችንን በልክ እንዳናደርግ ይፈታነናል፡፡ ከራሳችን አልፈን ለሌላው የምንተርፈው ነገራችንን በልክ ስናደርግ ያለኝ ይበቃኛል ስንል ብቻ ነው ፡፡

አንተ ግን ነገርን ሁሉ በልክ አድርግ፥ መከራን ተቀበል፥ የወንጌል ሰባኪነትን ሥራ አድርግ፥ አገልግሎትህን ፈጽም። 2ኛ ወደ ጢሞቴዎስ 4፡5

  1. የጥበብ መጉደል በቅንጦትና በመሰረታዊ ፍላጎት መካከል እንዳንለይ ያደርገናል፡፡ እግዚአብሄር እረኛችን ነው የሚያሳጣን የሚያስፈልገን ነገር የለም፡፡ ሰው በመሰረታዊ ፍላጎትና በቅንጦት መካከል ያለውን መለየት ካልቻለ ህይወቱ አያርፍም፡፡ ሰው በመሰረታዊ ፍላጎትና በቅንጦት መካከል ያለውን ልዩነት ማወቅ ካልቻለ ሞልቶ የማይሞላውን ቅንጦት በማሟላት ሩጫ ህይወቱን ያባክናል፡፡ ሰው በመሰረታዊ ፍላጎትና በቅንጦት መካከል ያለውን ልዩነት ማወቅ ካልቻለ በጭንቀት ታስሮ እግዚአብሄር ያስቀመጠለትን የህይወት አላማ ከግብ ማድረስ አይችልም፡፡

ኑሮዬ ይበቃኛል ለሚለው ግን እግዚአብሔርን መምሰል እጅግ ማትረፊያ ነው፤ . . . አንዳችንም ልንወስድ አይቻለንም፤ ምግብና ልብስ ከኖረን ግን፥ እርሱ ይበቃናል። 1ኛ ወደ ጢሞቴዎስ 6፡6-9

  1. ጥበብ ማጣት እውነተኛውን የህይወት ምንጭ ትተን ውሃ የማይዝ ጉድጉዋድ እንድንቆፍር ያደረገናል፡፡ ጥበብ እውነተኛውን የህይወት ምንጭ እግዚአብሄርን እንድንፈልግ ያስተምረናል፡፡

ሕዝቤ ሁለቱን ክፉ ነገሮች አድርገዋልና እኔን የሕያውን ውኃ ምንጭ ትተውኛል፥ የተቀደዱትንም ጕድጓዶች፥ ውኃውን ይይዙ ዘንድ የማይችሉትን ጕድጓዶች፥ ለራሳቸው ቆፍረዋል። ትንቢተ ኤርምያስ 2፡13

  1. የጥበብ ጉድለት እኛን ለማይመስሉ እና ከእኛ ለተለዩ ሰዎች ልባችን እንዲጠብ ያደርገናል፡፡ የጥበብ ጉድለት እኛን የማይመስሉንን ሰዎች በጥበብ ከመያዝ ይልቅ ጨፍልቀን እኛን እንዲመስሉ በምናደርገው ሙከራ እንድንጥላቸው ያደርገናል፡፡ የጥበብ ጉድለት ከእኛ ለየት ያሉት ሰዎች ውስጥ እግዚአብሄር ያስቀመጠልንን በረከት በመጣል በእጦት እና በሽንፈት እንድንኖር ያደርገናል፡፡

እግዚአብሔርም ለሰሎሞን እጅግ ብዙ ጥበብና ማስተዋል በባሕርም ዳር እንዳለ አሸዋ የልብ ስፋት ሰጠው። መጽሐፈ ነገሥት ቀዳማዊ 4፡29

  1. የጥበብ መጉደል ያለንን ውስን ጉልበት ባላስፈላጊ ነገር ላይ እንድናባክን ያደርጋል፡፡ የጥበብ ጉድለት ቅድሚያ መስጠት ላለብን ነገር ቅድሚያ እንዳንሰጥ ስለሚያደርገን ብዙ ዘርተን ትንሽ እንድንሰበስብ ያደርጋል፡፡ በተቃራኒው ጥበብን ማግኘት ማስተዋል ባለበት በትንሽ ስራ ብዙ ውጤት እንድናገኝ ይረዳናል፡፡

የሰነፍ ሥራ ያደክመዋል ወደ ከተማ መሄድ አያውቅምና። መጽሐፈ መክብብ 10፡15

  1. የጥበብ መጉደል ሰው ዝም ብሎ መስራትና መጣር ብቻ እንጂ በውጤቱና በግኝቱ እንዳይሰደሰት ማስተዋል ይነሳዋል፡፡ ጥበብ መጉደል ህይወታችንን እንደልጅ በሚገባ እንዳንደሰትበት ያደርገናል፡፡ ህይወት ሃላፊነትና ሸክም ብቻ ሳይሆን እንድንደሰትበት የተሰጠ ስጦታ እንደሆነ ጥበብ ያስተምረናል፡፡ ጥበብ በሰራነው ነገር ፣ ባገኘነው ነገርና በደረስንበት ደረጃ እንድንደሰት ያስተምረናል፡፡

እነሆ፥ እኔ ያየሁት መልካምና የተዋበ ነገር ሰው እግዚአብሔር በሰጠው በሕይወቱ ዘመን ሁሉ ይበላና ይጠጣ ዘንድ፥ ከፀሐይ በታችም በሚደክምበት ድካም ሁሉ ደስ ይለው ዘንድ ነው፤ ይህ እድል ፈንታው ነውና። እግዚአብሔር ለሰው ሁሉ ባለጠግነትንና ሀብትን መስጠቱ፥ ከእርስዋም ይበላና እድል ፈንታውን ይወስድ ዘንድ በድካሙም ደስ ይለው ዘንድ ማሠልጠኑ፤ ይህ የእግዚአብሔር ስጦታ ነው። መጽሐፈ መክብብ 5፡18-19

  1. የጥበብ መጉደል ባላስፈላጊ ፉክክርና ውድድር ውስጥ ህይወታችንን እንድናባክን ያደርጋል፡፡

ጠቢብ ሰው ስኬቱን የሚለካው እግዚአብሄር በሰጠው የስራ ሃላፊነት ብቻ ነው፡፡ ጠቢብ ሰው ጎረቤቱ በሆነ ነገር በምንም ነገር ከጎረቤቱ ማነሱም ሆነ መብለጡ ስለስኬቱ ወይም ስለውድቀቱ አይነግረውም፡፡

ራሳቸውን ከሚያመሰግኑ ከአንዳንዶች ጋር ራሳችንን ልንቆጥር ወይም ራሳችንን ልናስተያይ አንደፍርምና፤ ነገር ግን እነርሱ ራሳቸውን ከራሳቸው ጋር ሲያመዛዝኑ፥ ራሳቸውንም ከራሳቸው ጋር ሲያስተያዩ፥ አያስተውሉም። 2ኛ ወደ ቆሮንቶስ ሰዎች 10፡12

  1. የጥበብ መጉደል ትክክለኛውን ጊዜ እንዳንለይ ያደርገናል፡፡ በትክክለኛው ጊዜ ውስጥ የሚለቀቅ ልዩ ሃይልና ስኬት አለ፡፡ ልክ ከጊዜው በፊት ልክ እንደጊዜው ነገሮች ውብ ሊሆኑ አይችሉም፡፡

ለሁሉ ዘመን አለው፥ ከሰማይ በታችም ለሆነ ነገር ሁሉ ጊዜ አለው። መጽሐፈ መክብብ 3፡1

  1. ጥበብ ከጎደለን ውብና ድንቅ ተደርገን ለልዩ አላማ እንደተፈጠረን ስለማንረዳ ሌላውን ለመምሰል በመጣጣር አንዷን ልዩ ህይወታችንን በከንቱ እናባክናታለን፡፡

ግሩምና ድንቅ ሆኜ ተፈጥሬአለሁና አመሰግንሃለሁ፤ ሥራህ ድንቅ ነው፥ ነፍሴም እጅግ ታውቀዋለች። መዝሙረ ዳዊት 139፡14

  1. የጥበብ ጉድለት የእግዚአብሄርን እርምጃ እና ፍጥነት እንዳንታገሰው ያደርጋል፡፡ እግዚአብሄር አይቸኩልም፡፡ የእግዚአብሄርን እርምጃ ፍጥነት ከታገስን ፀፀትን በማትጨምረው እውነተኛ በረከት ውስጥ እንገባለን፡፡

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። መጽሐፈ ምሳሌ 28፡20

በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። መጽሐፈ ምሳሌ 13፡11

  1. የጥበብ ጉድለት ከፍቅር ውጭ በመኖር ህይወታችን ዋጋ እንዳይኖረው ያደርጋል፡፡

ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ወደ ቆሮንቶስ ሰዎች 13፡2-3

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ጥበብ #ቤተክርስትያን #አማርኛ #ስብከት #መዳን #መፅሃፍቅዱስ #ማስተዋል #እምነት #ፈተና #ፀሎት #ጌታ #የእግዚአብሄርቃል #አቢይ #አቢይዋቁማ #አቢይዋቁማዲንሳ

የሌለኝ ሁሉ የማያስፈልገኝ ነው

your will11.jpg

እግዚአብሔር እረኛዬ ነው፥ የሚያሳጣኝም የለም። መዝሙረ ዳዊት 23፡1

የሌለኝ የማያስፈልገኝ እንደሆነ በትክክል ለመረዳት አመታት ሊፈጅብኝ ይችላል፡፡ የሌለኝ የማያስፈልገኝ እንደሆነ ሙሉ ለሙሉ ለመረዳት ጌታ መጥቶ አሁን በድንግዝግዝ የማየውን በግልፅ ላየው ይገባ ይሆናል፡፡ እውነቱ ግን የሌለኝ የማያስፈልገኝ ነው፡፡

እግዚአብሄር እረኛዬ ነው የሚያሳጣኝ የለም እያልኩ የሚያስፈልገኝን አጣሁ ማለት አልችልም፡፡ የሌለኝ የማያስፈልገኝ ነው፡፡

የሌለኝ የማያስፈልገኝ እንደሆነ ለአእምሮዬ ሊከብድ ይችላል፡፡ እውነቱ ግን የሚያስፈልገኝን ሁሉ የሰጠኝ እግዚአብሄር ያልሰጠኝን ያልሰጠኝ ስለማያስፈልግኝ ብቻ ነው፡፡

እኔ ራሴን አልፈጠርኩትም፡፡ የፈጠረኝ እግዚአብሄር ነው፡፡ የሰራኝ እርሱ ነው፡፡ እርሱ ሁለንተናዬን ያውቃል፡፡ እርሱ እንደ መልካም እረኛ ያልሰጠኝ ነገር ካለ የማያስፈልገኝ ነገር መሆን አለበት፡፡

አቤቱ፥ መረመርኸኝ፥ አወቅኸኝም። አንተ መቀመጤንና መነሣቴን አወቅህ፤ አሳቤን ሁሉ ከሩቅ አስተዋልህ። ፍለጋዬንና ዕረፍቴን አንተ መረመርህ፤ መንገዶቼን ሁሉ ቀድመህ አወቅህ፥ መዝሙረ ዳዊት 139፡1-3

እግዚአብሄር ምን እንደሚያስፈለገን ያውቃል፡፡ ከእኛ በላይ እግዚአብሄር ለእኛ ያውቃል፡፡ እፃ የሚያስፈልገንን ለማግኘት ከምንፈልገው በላይ እግዚአብሄር የሚያስፈልገንን ለማሟላት ይፈልጋል፡፡

ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። የማቴዎስ ወንጌል 6፡32

የሚያስፈልገኝን አጣሁ ከማለት ይልቅ የሌለኝ የማያስፈልገኝ ነው ማለት ይቀላል፡፡

እግዚአብሄ እረኛዬ ሆኖ የሚያስፈልገኝን አሳጣኝ ከምል ይልቅ የሌለኝ የማያስፈልገኝ ነው ብል አልሳሳትም፡፡

ወይስ ከእናንተ፥ ልጁ እንጀራ ቢለምነው፥ ድንጋይን የሚሰጠው ከእናንተ ማን ሰው ነው? ዓሣስ ቢለምነው እባብን ይሰጠዋልን? እንኪያስ እናንተ ክፉዎች ስትሆኑ ለልጆቻችሁ መልካም ስጦታ መስጠትን ካወቃችሁ፥ በሰማያት ያለው አባታችሁ ለሚለምኑት እንዴት አብልጦ መልካም ነገርን ይሰጣቸው? የማቴዎስ ወንጌል 7፡9-11

እግዚአብሄር መልካም ሆኖ በትእቢት የሚያስፈልገኝን አሳጣኝ ከምል የሌለኝ የማያስፈልገኝ ነው ብል እውነተኛ ትህትና ነው፡፡

እግዚአብሄር እረኛዬ ሆኖ የሚያስፈልገኝን አሳጣኝ ብዬ ከምጠራጠር የሌለኝ የማያስፈልገኝ ነው ብዬ ማመን ይሻለኛል፡፡ እግዚአብሄር ከፍቅሩ የተነሳ ኢየሱስን እንዲሞትልኝ አሳልፎ እስኪሰጠኝ ወዶኝ ሌላውን ጥቃቅኑን ያነሰውን ነገርማ እንዴት አይሰጠፅም ብዬ ልመን?  የሚያስፈልገኝ ጎድሎብኛል ብዬ ከማመን አንድ ልጁን ሳይሳሳ የሰጠኝ እግዚአብሄር ሌላውንማ አብልጦ ይሰጠኛል ብዬ ማመን ይቀርበኛል፡፡

ለገዛ ልጁ ያልራራለት ነገር ግን ስለ ሁላችን አሳልፎ የሰጠው ያው ከእርሱ ጋር ደግሞ ሁሉን ነገር እንዲያው እንዴት አይሰጠንም? ወደ ሮሜ ሰዎች 8፡32

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እረኛ #አላማ #መሰረታዊፍላጎት #ቤተክርስትያን #አማርኛ #ጥሪ #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ