Category Archives: Uncategorized

እንዲህ ተናገሩ፥ እንዲህም አድርጉ

church leader.jpg

በነጻነት ሕግ ፍርድን ይቀበሉ ዘንድ እንዳላቸው ሰዎች እንዲህ ተናገሩ፥ እንዲህም አድርጉ። የያዕቆብ መልእክት 2፡12

በክርስቶስ ከሃጢያት እስራትና ፍርድ ነፃ ወጥተናል፡፡ ነገር ግን ነፃነት የሚመጣው ከሃላፊነት ጋር ነው፡፡ ነፃነት ሃላፊነትን ይጠይቃል፡፡ ሃላፊነትን የማይጠይቅ ነፃነት የለም፡፡

ነፃነትን ለሃጢያት ምክኒያይ ሊሰጥ አይገባውም፡፡ ነፃ በወጣን መጠን ከሃጢያት እየራቅን እንጂ ወደ ሃጢያት መቅረብ የለብንም፡፡ ነፃነታችን ሃጢያትን ላለማድረግ እንጂ ሃጢያትን ለማድረግ አይሁን፡፡

ወንድሞች ሆይ፥ እናንተ ለአርነት ተጠርታችኋልና፤ ብቻ አርነታችሁ ለሥጋ ምክንያትን አይስጥ፥ ነገር ግን በፍቅር እርስ በርሳችሁ እንደ ባሪያዎች ሁኑ። ወደ ገላትያ ሰዎች 5፡13

እግዚአብሄር ከጨለማው ስልጣን አድኖናል ወደፍቅሩም ልጅ መንግስትይ አፍልሶናል፡፡ ይህ የፈለስንበት መንግስት ግን ያለ ስርአት አይደለም፡፡ በዚህ መንግስት የማሰብ የመናገርና የማድረግ ስርአት አለ፡፡

እውነት ነው በዚህ መንግስት ስንኖር ተፈርዶበት ወደሲኦል እንደሚጣል ጌታን ኢየሱስን እንዳልተቀበለ ሰው አይፈረድብንም፡፡

ሰው ስለሚናገረው ማንኛውም ከንቱ ነገር ሁሉ መልስ ይሰጥበታል፡፡

እኔ እላችኋለሁ፥ ሰዎች ስለሚናገሩት ስለ ከንቱ ነገር ሁሉ በፍርድ ቀን መልስ ይሰጡበታል፤ የማቴዎስ ወንጌል 12፡36

ነገር ግን በዚህ  መንግስት የሰራነው ስራ ለምን እንደሰራነው መነሻ ሃሳባችን ይፈተናል፡፡

ማንም ግን በዚህ መሠረት ላይ በወርቅ ቢሆን በብርም በከበረ ድንጋይም በእንጨትም በሣርም ወይም በአገዳ ቢያንጽ፥ የእያንዳንዱ ሥራ ይገለጣል፤ በእሳት ስለሚገለጥ ያ ቀን ያሳያልና፥ የእያንዳንዱም ሥራ እንዴት መሆኑን እሳቱ ይፈትነዋል። ማንም በእርሱ ላይ ያነጸው ሥራ ቢጸናለት ደመወዙን ይቀበላል፤ የማንም ሥራ የተቃጠለበት ቢሆን ይጎዳበታል፥ እርሱ ራሱ ግን ይድናል ነገር ግን በእሳት እንደሚድን ይሆናል። 1ኛ ወደ ቆሮንቶስ ሰዎች 3፡12-15

በነጻነት ሕግ ፍርድን ይቀበሉ ዘንድ እንዳላቸው ሰዎች እንዲህ ተናገሩ፥ እንዲህም አድርጉ። የያዕቆብ መልእክት 2፡12

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አክሊል #ፍርድ #ወርቅ #ብር #የከበረድንጋይ #እሳት #ፈተና #ሽልማት #ትንሳኤ #ሰማይ #የማይጠፋአከሊል #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

Advertisements

ዘመናዊው ፈሪሳዊ

pride.jpg

አንዳንዴ ሰዎች አገልጋይ የሚለውን ስም ካለአግባብ ሲጠቀሙበት ስናይ አገልጋይነት ትርጉሙ ተለወጠ እንዴ? ያሰኛል፡፡ አገልጋይ ማለት ሁሉን ለማገልገል የተዘጋጀ ሁሉን ካስቀመጠ በኋላ የሚቀመጥ ትሁት ሰው ማለት ነው፡፡ አንዳንዴ ግን አገልጋይ ማለት እርሱ ካልተቀመጠ ማንም የማይቀመጥ ከሰው ሁሉ በላይ የተከበረ ሰው ተብሎ ይተረጎማል፡፡ አገልጋይ የከበሬታን ወንበር የሚፈልግ ሲሆን ይታያል፡፡ በተለይ አገልጋይ ብዙዎች የሚያዩትና የሚከተሉት በፈሪሳዊያን ትምህርት ሲወሰድ እጅግ ያሳዝናል፡፡

የፈሪሳዊያን ትምህርት እንደ እርሾ ነው፡፡ ጥቂት በጥቂት ሊጡን ሁሉ እንደሚያቦካው እርሾ የፈሪሳዊነት የትምህርት ሂደት ጥቂት በጥቂት ነው፡፡ በዚህም ዘመን ማንም ሰው ይብዛም ይነስም በፈሪሳዊያን ትምህርት ሊያዝ ይችላል፡፡ ሰው ፈሪሳዊ ሆኖ የሚመረቅበት የተወሰነ ቀን የለውም ነገር ግን ፈሪሳዊያን ያላቸውን ምልክት በማየት ምን ያህል ከፈሪሳዊያን ትምህርት የነፃን እንደሆንን ራሳችንን መፈተን እንችላለን፡፡

እናንተ ፈሪሳውያን፥ በምኵራብ የከበሬታ ወንበር በገበያም ሰላምታ ስለምትወዱ፥ ወዮላችሁ። የሉቃስ ወንጌል 11፡43

አገልጋይ በከበሬታ ስም ካልተጠራ ቅር የሚለው ናቁኝ ብሎ የሚያስብ ከሆነ ወደደም ጠላም የፈሪሳዊነት አስተሳሰብ ይዞታል ማለት ነው፡፡

በገበያም ሰላምታና፦ መምህር ሆይ መምህር ሆይ ተብለው እንዲጠሩ ይወዳሉ። እናንተ ግን፦ መምህር ተብላችሁ አትጠሩ፤ መምህራችሁ አንድ ስለ ሆነ እናንተም ሁላችሁ ወንድማማች ናችሁ። አባታችሁ አንዱ እርሱም የሰማዩ ነውና በምድር ላይ ማንንም፦ አባት ብላችሁ አትጥሩ። ሊቃችሁ አንድ እርሱም ክርስቶስ ነውና፦ ሊቃውንት ተብላችሁ አትጠሩ። የማቴዎስ ወንጌል 23፡7-10

አገልጋይ ሁሉንም ከመታገስ ይልቅ ማንንም የማይታገስ ሲሆንና ሁሉ ግን ሊታገሰው የሚገባ ከሆነ የፈሪሳዊነት ትምህርት ውስጥ በፈሪሳዊነት እርሾ ውስጥ ገብቶ ተነካክቷል ማለት ነው፡፡

አገልጋይ ሁሉ እንዲያገለግሉት ከሌሎች ሁሉ በላይ የተመረቀ ተወርዋሪ ኮከብ እንደሆነ ሌሎች እርሱን ሊያገለግሉ የተወሰነባቸው አድርጎ ካሰበ አገልጋይነት ጠፍቶበታል ማለት ነው፡፡

እንዲሁም የሰው ልጅ ሊያገለግል ነፍሱንም ለብዙዎች ቤዛ ሊሰጥ እንጂ እንዲያገለግሉት አልመጣም። የማቴዎስ ወንጌል 20፡28

አገልጋይ በአገልጋይነቱ ብቻ ከሚያገለግላቸው ሰዎች የተሻለ ነገር ከፈለገ ከአገልግሎት ወድቋል ማለት ነው፡፡ በአገልጋይነቱ ብቻ ከሚያገለግለው ህዝብ በላይ የላቀን ነገር ለራሱ የሚፈልግ ሰው አገልጋይ አይደለም፡፡

ለራስህ ታላቅን ነገር ትፈልጋለህን? በሥጋ ለባሽ ሁሉ ላይ፥ እነሆ፥ ክፉ ነገርን አመጣለሁና አትፈልገው፥ ይላል እግዚአብሔር፤ ነገር ግን በሄድህበት ስፍራ ሁሉ ነፍስህን እንደ ምርኮ አድርጌ እሰጥሃለሁ። ትንቢተ ኤርምያስ 45፡5

ፈሪሳያን ራሳቸውን እንደ ጠቃሚ ካህን ሌላውን እንደ ተጠቃሚ ህዝብ ያያሉ፡፡ ፈሪሳዊያን ራሳቸውን እንደባራኪ ሌላውን ሰው ሁሉ አንደተባራኪ ይቆጥራሉ፡፡ ፈሪሳዊያን እግዚአብሄር በእነርሱ እንጂ በሌላ በማንም እንደማየጠቀም ያስባሉ፡፡ ፈሪሳዊያን ራሳቸውን ከህዝብ ጋር ማየት አይፈልጉም፡፡ ፈሪሳዊያን ራሳቸውን ከህዝብ ይለያሉ፡፡ በአዲስ ኪዳን ካህንና ምእመን የሚባለ ነገር የለም፡፡ በአዲስኪዳን በክርስቶስ አምነን የዳንን ሁላችን ካህናት ነን፡፡

አባታችሁ አንዱ እርሱም የሰማዩ ነውና በምድር ላይ ማንንም፦ አባት ብላችሁ አትጥሩ። ሊቃችሁ አንድ እርሱም ክርስቶስ ነውና፦ ሊቃውንት ተብላችሁ አትጠሩ። የማቴዎስ ወንጌል 23፡9-10

ፈሪሳያን የህይወት ንጽፅህና ስለሌላቸውና በህይወታቸው መልካም ምሳሌ በመሆን ማንም ላይ ተፅእኖ ማድረግ ስለማይችሉ ህጉ እንዲህ ይላል በማለት ለራሳቸው ጥቅም በሃይል ያመቻቹታል፡፡

በእናንተ ዘንድ ያለውን የእግዚአብሔርን መንጋ ጠብቁ፤ እንደ እግዚአብሔር ፈቃድ በውድ እንጂ በግድ ሳይሆን፥ በበጎ ፈቃድ እንጂ መጥፎውን ረብ በመመኘት ሳይሆን ጐብኙት፤ ለመንጋው ምሳሌ ሁኑ እንጂ ማኅበሮቻችሁን በኃይል አትግዙ፤ 1ኛ የጴጥሮስ መልእክት 5፡2-3

ፈሪሳዊያን እግዚአብሄር ስለሚያየው ስለልባቸው መቆሸሽ ግድ የላቸውም፡፡ ማስተካከል የሚፈልጉት ሰው የሚያየውን የውጫዊውን ነገር ብቻ ነው፡፡

ጌታም እንዲህ አለው፦ አሁን እናንተ ፈሪሳውያን የጽዋውንና የወጭቱን ውጭ ታጠራላችሁ፥ ውስጣችሁ ግን ቅሚያና ክፋት ሞልቶበታል፡፡ እናንት ደንቆሮዎች፥ የውጭውን የፈጠረ የውስጡን ደግሞ አልፈጠረምን? ነገር ግን በውስጥ ያለውን ምጽዋት አድርጋችሁ ስጡ፥ እነሆም፥ ሁሉ ንጹሕ ይሆንላችኋል። የሉቃስ ወንጌል 11፡39-41

ሳኦል በሃጢያት ሲያዝ በህዝቡ ዘንድ ብቻ እክብረኝ እንዳለው ከእግዚአብሄር ጋር ስላላቸው ነገር ግድ የላቸውም፡፡

እርሱም፦ በድያለሁ፤ አሁን ግን በሕዝቤ ሽማግሌዎች ፊትና በእስራኤል ፊት፥ እባክህ፥ አክብረኝ፤ ለአምላክህም ለእግዚአብሔር እሰግድ ዘንድ ከእኔ ጋር ተመለስ አለው። መጽሐፈ ሳሙኤል ቀዳማዊ 15፡30

በዚህ ምክኒያት ፈሪሳያን በእግዚአብሄር ስለማያምኑ ይጠቅመኛል ብለው የሚያስቡትን ከሰው የሚመጣው ክብር እንጂ ከእግዚአብሄር የሚመጣውን ክብር አይፈልጉትም፡፡ ከሰው ስለሚመጣው ክብር ዋጋ ይከፍላሉ ከእግዚአብሄር ስለሚመጣው ክብር ዋጋ ለመክፈል ዝግጁ አይደሉም፡፡

እናንተ እርስ በርሳችሁ ክብር የምትቀባበሉ ከአንዱም ከእግዚአብሔር ያለውን ክብር የማትፈልጉ፥ እንዴት ልታምኑ ትችላላችሁ? የዮሐንስ ወንጌል 5፡44

ፈሪሳዊያን ምንም ነገር የሚያደርጉት በህዝብ ዘንድ ምን ያስገኝልኛል በሚል ስሌት ብቻ ነው፡፡ የሚያሳውቃቸው ዝነኛ የሚያደርጋቸው ካልሆነ በስተቀር ማንንም ማገልገል አይፈልጉም፡፡ ስምና ዝናቸውን የሚያወጣ ከመሰላቸው ደግሞ የተሳሳተም ነገር ያደርጋሉ፡፡

የፈሪሳዊያን ትምህርት አስከፊነቱ ትምህርቱ ህይወታቸውን በጣም ከማባከኑ የተነሳ ዋጋቸውን በምድር ተቀብለዋል እንደሚባሉት ሰዎች ያስብላቸዋል፡፡

ለሰዎች ትታዩ ዘንድ ምጽዋታችሁን በፊታቸው እንዳታደርጉ ተጠንቀቁ፤ ያለዚያ በሰማያት ባለው አባታችሁ ዘንድ ዋጋ የላችሁም። እንግዲህ ምጽዋት ስታደርግ፥ ግብዞች በሰው ዘንድ ሊከበሩ በምኩራብ በመንገድም እንደሚያደርጉ በፊትህ መለከት አታስነፋ፤ እውነት እላችኋለሁ፥ ዋጋቸውን ተቀብለዋል። የማቴዎስ ወንጌል 6፡1-2

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፈሪሳዊ #ግብዝ #ውጭውን #ውስጡን #ልብ #ውበት #ዋጋ #ፊት #ባህሪ #ፍቅር #ልብ #ሃዘን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

ራእይ ለምን

pride.jpg

ለተሳካ ህይወትና ለአገልግሎት ራእይ ወሳኝ ነገር ነው፡፡ ራእይ ከየት እንደመጣን ወዴት እንደምንሄድ ይጠቁመናል፡፡

አንዳንድ ሰዎች ራእይ ሊጨበጥ የማይችል ሃይማኖታዊ ሃሳብ ብቻ ይመስላቸዋል፡፡ ስለዚህ አንዳንድ ሰዎች ስለህይወትህ ፣ ስለቤተሰብህ ፣ ስለአገልግሎትህና ስለስራህ ራእይ አለህ? ተብለው ሲጠየቁ ህይወታቸውን የሚያወሳሰብ ሊደረስበት የማይችል ረቂቅ ጥያቄ የተጠየቁ ይመስላቸዋል፡፡ ራእይ ውስብስብ ሊረዱት የማይችሉት ረቂቅ ነገር ይመስላቸዋል፡፡ ስለራእያቸው የሚጠይቃቸው ሰው የሚያካብድና ህይወታቸውን ማወሳሰብ የፈለገ ሰው ይመስላቸዋል፡፡

ራእይ በአጭሩ ምሪት ማለት ነው፡፡ ራእይ ማለት እግዚአብሄር በህይወታችን ፣ በአገልግሎታችን ፣ በስራችንና በትዳራችን ሊሰራ ያለውን ነገር አስቀድሞ የገለጠልን ምሪት ማለት ነው፡፡ ራእይ ማለት መገለጥ ማለት ነው፡፡ ራእይ አለን ማለት የምንሄድበትን ቦታ እናውቃለን ማለት ነው፡፡ ራእይ ማለት በህይወት የምንከተለውን አቅጣጫ መረዳት ማለት ነው፡፡

ራእይ አለን ማለት እንዳመጣልን አንኖርም ማለት ነው፡፡ ራእይ አለን ማለት ወደነፈሰበት አቅጣጫ እንሄደም ማለት ነው፡፡ ራአየ አለን ማለት ውሃ ላይ እንሚንሳሰፈፍ ቀላል ነገር ውሃው በተንቀሳቀሰበት አቅጣጫ እንንሳፈፍም ማለት ነው፡፡

ራእይ በጣም አስፈላጊ ነገር ነው፡፡ እግዚአብሄር ለክብሩ ነው የፈጠረን፡፡ እግዚአብሄር የፈጠረን የራሳችንን ነገር አድርገን እንድናልፍ አይደለም፡፡ እግዚአብሄር የፈጠረን የልጅነት ምኞታችንን እንድንፈፅም አይደለም፡፡ እግዚአብሄር የፈጠረን እርሱ በህይወታችን ያለውን አላማ እንድንከተል ነው፡፡ እግዚአብሄር የፈጠረን በራእይ እንድንኖር ነው፡፡

ራእይ በጣም አስፈላጊ ነገር ነው፡፡ ራእይ ለምን እንዳስፈለገ እንመልከት

በግምት ስለማይሳካልን

በክርስትና የእግዚአብሄርን መሪት ካልተከተልን በግምት አይሳካልንም፡፡ ክርስትና ሰፊ መንገድ አይደለም፡፡ ክርስትና ጥንቃቄን የሚፈልግ ጠባብ መንገድ ነው፡፡ በራእይ መንገድ እንጂ እንደፈለግን ኖረን እግዚአብሄርን አናስደስተውም፡፡

በጠበበው ደጅ ግቡ፤ ወደ ጥፋት የሚወስደው ደጅ ሰፊ፥ መንገዱም ትልቅ ነውና፥ ወደ እርሱም የሚገቡ ብዙዎች ናቸው፤ ወደ ሕይወት የሚወስደው ደጅ የጠበበ፥ መንገዱም የቀጠነ ነውና፥ የሚያገኙትም ጥቂቶች ናቸው። የማቴዎስ ወንጌል 7፡13-14

ለምን እንዳልተጠራን ማወቅ ስላለብን፡፡

በአለም ላይ ብዙ ድምፆች አሉ፡፡ በአለም ላይ ተከተለኝ ይሳካልሃል የሚሉ ብዙ መንገዶች አሉ፡፡ በአለም ላይ ብዙ አማራጮች አሉ፡፡ እኛ ማድረግ የምንችለው ደግሞ አንድ ነገርን ብቻ ነው፡፡ በህይወትም የሚሳካልን በብዙ አማራጮች ሳይሆን በአንድ መንገድ ብቻ ነው፡፡ በህይወት ያለን ጊዜና ጉልበት የሚበቃው እግዚአብሄር ለጠራን ስራ ብቻ ነው፡፡ እግዚአብሄር ያለጠራንን ለማድረግ የሚበቃ ምንም ትርፍ ነገር የለንም፡፡ ራእይ አስፈላጊ የሆነበት ምክኒያት ለምን እንደተጠራን ብቻ ሳይሆን ለምን እንዳልተጠራን ማወቅ ስላለብን ነው፡፡ ለዚህ እግዚአብሄር ጠርቶኛል እንደምንል ሁሉ ለዚህ እግዚአብሄር አልጠራኝም የምንለው ነገር መኖር አለበት፡፡ ራአይ ያለው ሰው አግዚአብሄር ብሎኛል እንደሚል ሁሉ እግዚአብሄር አላለኝም የሚለውና ምንም መንፈሳዊ ነገር ቢሆን የማያደርገው ነገር አለ፡፡ ራእይ ያለው ሰው ያልተጠራበት ነገር ላይ ጉልበቱን ከማባከን ያርፋል፡፡

ኢየሱስ ሊያደርግ ስላለው ነገር ሁሉ ራእይ ስለነበረው ለዚህ አልተጠራሁም ይል ነበር፡፡

ከሕዝቡም አንድ ሰው፦ መምህር ሆይ፥ ርስቱን ከእኔ ጋር እንዲካፈል ለወንድሜ ንገረው አለው። እርሱም፦ አንተ ሰው፥ ፈራጅና አካፋይ በላያችሁ አንድሆን ማን ሾመኝ? አለው። የሉቃስ ወንጌል 12፡13-14

መንፈሳዊ አገልግሎትም ቢሆን እግዚአብሄር እንድንሰራው የጠራን አገልግሎት አለ እንዳንሰራው የሚፈልገው አገልግሎት ደግሞ አለ፡፡ ያንን መረዳት ባልተጠራንበት ፀጋው በሌለን ቦታ ህይወታችንን እንዳናቃጥል ያደርገናል፡፡

ለማጥመቅ ክርስቶስ አልላከኝምና፥ ወንጌልን ልሰብክ እንጂ፤ የክርስቶስ መስቀል ከንቱ እንዳይሆን በቃል ጥበብ አይደለም። 1ኛ ወደ ቆሮንቶስ ሰዎች 1፡17

ራእትይ በጣም ወሳኝ የሆነበት ምክንያት ግባችን ስንደርስ እንድናውቅ ነው

ራእይ የሌለው ሰው ወደግቡ አነጣጠሮ ከመወርወር ይልቅ ከወረወረ በኋላ ይህ ነበር ግቤ ብሎ ያከብበታል፡፡ ራእይ የምንሄድበትን መንገስ ያሳያል ራእይ የህይወት ግብን ይሰጠናል፡፡ ራእይ የሌለው ሰው እና የሚሄደበትን የማያውቅ ሰው ሲደርስ አያውቅም፡፡ ራእይ የሌለው ሰው እንደደረሰ ስለማያውቅ እርካታ የለውም፡፡

በመሥዋዕት እንደሚደረግ፥ የእኔ ሕይወት ይሠዋልና፥ የምሄድበትም ጊዜ ደርሶአል። መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤ 2ኛ ወደ ጢሞቴዎስ 4፡6-7

ራእይ የሌለው ሰው ሁኔታዎች ሲቃረኑ ራእዩን ያያል

ራእይ ያለው ሰው ሁኔታዎች እንደተፈለገው በማይሄዱት ጊዜ ተስፋ እንዳይቆርጥ ራእዩ ተስፋ ይሆነዋል፡፡ ሁኔታው ተስፋ ሲያስቆርጥ በራእዪ ተስፋ ያደርጋል፡፡ ወደ ሮሜ ሰዎች 4፡18

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ራዕይ #ምሪት #የእግዚአብሄርአጀንዳ #የእግዚአብሄርፈቃድ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የትኛው ዲሞክራሲ?

conscious.jpg

ዲሞክራሲ ትልቅ ሃላፊነት ነው፡፡ ዲሞክራሲ የሚደግፈንን ሰው መደገፍ ብቻ አይደለም፡፡ ዲሞክራሲ የሚቃወመንን መቀበል ነው፡፡ ዲሞክራሲ ከእኛ የተለየ ሃሳብ ያለውን ሰው ስፍራ መስጠት ማክበር ነው፡፡

ሰሞኑን ለዶክተር አቢይ ህዝቡ ከፍተኛ ድጋፍ ሲያደርግ ቆይቶዋል፡፡ ወደፊትን ድጋፉን ለመቀጠል ቁርጠኝነቱን በመግለፅ ላይ ይገኛል፡፡ መቼም ህዝብ የሚደግፈውና የህዝብን ልብ የሚያሳርፍ ሰው ማግኘት የእግዚአብሄር ስጦታ ነው እላለሁ፡፡

ግን ግን ሰው ሁሉ እንደዚህ ስሜታዊ በሆነበት ጊዜ አንድ ሰው ተነስቶ ዶክተር አቢይን አልደግፍም ቢል ምላሻችን ምን ይሆን ብለን ራሳችንን መጠየቅ አለብን፡፡ መለስ ብለን ከስሜት ወጥተን መብቱ ነው ማለት እንችላለን ወይስ መሳደብ ማጥላላት ማንቋሸሽ መጥላት ይቀናናል?

መብቱ ነው ብለን ልባችንን ካሰፋን የዲሞክራሲ ፅንሰ ሃሳብ ገብቶናል ማለት ነው፡፡ ነገር ግን አይ እንዴት ላይደግፍ ይችላል ችግር ስላለበት ብቻ ነው የማይደግፈው ካልን ግን ተሸውደናል፡፡ ዲሞክራሲ የምንለው ዲሞክራሲ ሳይሆን የምንቃወማቸው ሰዎች ሆኑ ብለን የምንለው አምባገነንነት ነው፡፡ መንግስትን የሚያስወቅሰው ነገር እኛ በማድረጋችን ትክክል አያደርገንም፡፡

ዶክተር አቢይን አብዛኛው ሰው የወደደበት ምክንያት ፍትሃዊ አመለካከት ስላንፀባረቀ ነው፡፡ የመንግስት ባልስላጣኖችንም ተቃዋሚዎችንም በእኩልነት በህገ መንግስቱ ስላያቸው ነው፡፡ ተቃዋሚ ህገ መንግስቱን ሲጥስ አሸባሪ መንግስት ግን ህገ መንግስቱ ሲጥስ ትክክለኛ አያደርገውም፡፡ ህገመንግስቱን መጣስ መንግስትም ያድርገው ተቃዋሚ አሸባሪነት ነው፡፡ ይህ መድልዎ የሌለበት የፍትህ አስተሳሰብ ነው፡፡

አሁንም እኛ ብዙ ስለሆንን ዶክተር አቢይን ስለደገፍን የማይደግፈንን ሰው ማስፈራራት እና ማንቋሸሽ ፍትሃዊ አያደርገንም፡፡

ሰብአዊ መብት ማንም ለማንም የማይሰጠው ከእግዚአብሄር የተሰጠ ስጦታ ነው፡፡ መንግስት ለህዝብ ዲሞክራሲያዊ መብቱን ያከብርለታል እንጂ ሰብአዊ መብት ማንም ለማንም በችሮታ የሚሰጥ ስጦታ አይደለም፡፡ ሰብአዊ መብት አብላጫ ድምፅ ያለው ለአናሳ ድምፅ ላለው በችሮታ የሚሰጠው መብት ሳይሆን ከእግዚአብሄር የተሰጠ ሰብአዊ መብት ነው፡፡

አንድ ሺህ ሰው ቢደግፈው የማይደግፈው አንድ ሰው የመቃወም መብቱ ሊከበር ይገባዋል፡፡ የዲሞክራሲ አንዱ መርህ አብላጫው ድምፅ ያለው ይመራል አናሳው መብቱ ይከበርለታል የሚል ነው፡፡ የራሱን ስሜት ብቻ የሚሰማ ሰው ለሌላው ድምፅ ቦታ የሌለው ሰው ከመንግስትም ስልጣን ይሁን በህዝብ መካከል በዲሞክራሲያዊ አገር ውስጥ ቦታ የለውም፡፡ ብዙም እንሁን ጥቂት በሃሳብ የማይመስለንን ሰው መጥላት ትክክል አያደርገንም፡፡ ዲሞክራሲያዊ መብታችንን ስንጠቀም የሌላውን ዲሞክራሲያዊ መብት በማክበር መሆን አለበት፡፡ ዲሞክራሲ የሁሉም ሰው አንድ አይነት መሆን ሳይሆን ከማይመስለን ሰው ጋር አብሮ የመኖርና በአንድነት ለአገር የመስራት የልብ ስፋት ነው፡፡

እግዚአብሔርም ለሰሎሞን እጅግ ብዙ ጥበብና ማስተዋል በባሕርም ዳር እንዳለ አሸዋ የልብ ስፋት ሰጠው። መጽሐፈ ነገሥት ቀዳማዊ 4፡29

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፍትህ #ፍርድ #አናሳ #አብላጫ #ዲሞክራሲ #ጭቆና #እምባገነን #ሰብአዊመብት #ድሃ  #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #ዛሬ #ነገ #ትላንት #መሪ

ለማይመቸን መሪ መፀለይ

church leader.jpg

ለማይመቸን መሪ መፀለይ

በምድሪቱ ላይ ተስፋን እየታየ ነው፡፡ ብዙ ሰው መሪውን ለመደገፍ ቁርጠኝነት እያሳየ ነው፡፡ ብዙ ሰው ለመሪው ለመፀለይ ከፊት ይልቅ እየተበረታታ ነው፡፡ ይህ በርቱ ቀጥሉበት የሚያሰኝነው፡፡

ግን ግን እንደክርስትያን መሪ ሲመቸን ብቻ ነው የምንፀልይለት? መሪ ሲመቸን ብቻ ነው ድምፃችንን የምናሰማውና ለአገር የሚጠቅም ነገር የምንናገረው? መሪ ሲመቸን ብቻ ነው ከመንግስት ጋር የምንቆመው? መሪ ሲመቸን ብቻ ነው ለነገስታት የምንገዛው?

አንድ ጊዜ ቄስ በሊና ሰርቃ ሲናገሩ ያስደነገጠኝን ነገር ላካፍላቹ፡፡ ቄስ በሊና ለመንግስቱ ሃይለማርያም እፀልይለት ነበር ሲሉ ስሰማ  በወቅቱ እጅግ ተገርሜ ነበር፡፡ መንግስቱ ሃይለማሪያም ኮሚኒስትን ስርአት የሚከተል ፣ እግዚአብሄር የለም የሚልና ክርስትያኑን ያሳደደ ሰው እንደነበር የአደባባይ ሚስጥር ነው፡፡ ነገር ግን እኝህ የእግዚአብሄር ሰው ለመንግስቱ ይፀልዩለት ነበር፡፡

እውነተኛው ክርስትና ያ ነው፡፡ ለማይመቸን መሪ በጌታ መታዘዝና መገዛት ይጠይቃል፡፡ ክርስትና ለማይመቸን መሪ መፀለይ ይፈልጋል፡፡ በክርስትና የማይመቸንን መሪ ባገኘነው አጋጣሚ በተቃውሞም ይሁን በድጋፍ ሃሳብ ከጎን መቆም ይጠበቅብናል፡፡ ከእግዚአብሄር የሚመጣውን ማንኛውም ስልጣን በምስጋና ልብ ልንቀበለው ይገባል፡፡

ክርስትያን በመሪ የፖለቲካ ድርጅትም ይሁን በተቃዋሚ የፖለቲካ ድርጅት ውስጥ ሆኖ አገሩን ማገልገል ይችላል፡፡ ክርስትያን በተቃዋሚ የለቲካ ድርጅት ውስጥ ሆኖ ለፍትህ ለእኩልነትና ለሰላም ሊታገል ይችላል፡፡ ነገር ግን ወደ መንግስት አሰራር ሲመጣ ግን ስልጣን ለያዘው መንግስት መገዛት ግድ ነው፡፡

ሁሉን አክብሩ፥ ወንድሞችን ውደዱ፥ እግዚአብሔርን ፍሩ፥ ንጉሥን አክብሩ። ሎሌዎች ሆይ፥ ለበጎዎችና ለገሮች ጌቶቻችሁ ብቻ ሳይሆን ለጠማሞች ደግሞ በፍርሃት ሁሉ ተገዙ። በግፍ መከራን የሚቀበል ሰው እግዚአብሔርን እያሰበ ኃዘንን ቢታገሥ ምስጋና ይገባዋልና። 1ኛ የጴጥሮስ መልእክት 2፡17-19

ለበላይ ባለስልጣን መገዛት የአገርን አንድነት ይጠብቃል፡፡ የአገርን አንድነት መጠበቅ ማለት ሁሉንም አንድ ቋንቋና አንድ ባህል አርጎ ማስተዳደር ማለት ሳይሆን ሁሉም በመሪው ስር ለአገር ብልፅግና በአንድነት እንዲሰራ ማስቻል ነው፡፡

ነፍስ ሁሉ በበላይ ላሉት ባለ ሥልጣኖች ይገዛ። ከእግዚአብሔር ካልተገኘ በቀር ሥልጣን የለምና፤ ያሉትም ባለ ሥልጣኖች በእግዚአብሔር የተሾሙ ናቸው። ስለዚህ ባለ ሥልጣንን የሚቃወም የእግዚአብሔርን ሥርዓት ይቃወማል፤ የሚቃወሙትም በራሳቸው ላይ ፍርድን ይቀበላሉ። ገዥዎች ለክፉ አድራጊዎች እንጂ መልካም ለሚያደርጉ የሚያስፈሩ አይደሉምና። ባለ ሥልጣንን እንዳትፈራ ትወዳለህን? መልካሙን አድርግ ከእርሱም ምስጋና ይሆንልሃል፤ ለመልካም ነገር ለአንተ የእግዚአብሔር አገልጋይ ነውና። በከንቱ ግን ሰይፍ አይታጠቅምና ክፉ ብታደርግ ፍራ፤ ቍጣውን ለማሳየት ክፉ አድራጊውን የሚበቀል የእግዚአብሔር አገልጋይ ነውና። ስለዚህ ስለ ቍጣው ብቻ አይደለም ነገር ግን ስለ ሕሊና ደግሞ መገዛት ግድ ነው። ስለዚህ ደግሞ ትገብራላችሁና፤ በዚህ ነገር የሚተጉ የእግዚአብሔር አገልጋዮች ናቸውና። ለሁሉ የሚገባውን አስረክቡ፤ ግብር ለሚገባው ግብርን፥ ቀረጥ ለሚገባው ቀረጥን፥ መፈራት ለሚገባው መፈራትን፥ ክብር ለሚገባው ክብርን ስጡ። ወደ ሮሜ ሰዎች 13፡1-7

ስለ ሰዎች ሁሉ ስለ ነገሥታትና ስለ መኳንንትም ሁሉ መደረጉ አገር ፀጥና ዝግ በማለት እንድታደርግ ያደርጋታል፡፡ ስለ ሰዎች ሁሉ ስለ ነገሥታትና ስለ መኳንንትም ሁሉ መደረጉ ፖለቲከኞች በአስተዳደሩ ፣ ጋዜጠኞች በመረጃ ልውውጥ ፣ የፀጥታና የደህንንት ተቋማት ወታደራዊና በመረጃ እውቀት አገራችውን እንዲያገለግሉ ሙስናም እንዲዋጉ ፍትህ እንዲሰፍንና የበለፀገች አገርን ለመፍጠር ጉልበት ይሰጣቸዋል፡፡ ስለ ሰዎች ሁሉ ስለ ነገሥታትና ስለ መኳንንትም ሁሉ መደረጉ ተቃዋሚ ድርጅቶችም የመንግስትን ሃይልን ያለአግባብ መጠቀምን እንዲከታተሉና እንዲያጋልጡ አማራጭ ሃሳቦችን እንዲያቀርቡ ያስችላቸዋል፡፡

እንግዲህ እግዚአብሔርን በመምሰልና በጭምትነት ሁሉ ጸጥና ዝግ ብለን እንድንኖር፥ ልመናና ጸሎት ምልጃም ምስጋናም ስለ ሰዎች ሁሉ ስለ ነገሥታትና ስለ መኳንንትም ሁሉ እንዲደረጉ ከሁሉ በፊት እመክራለሁ። ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው። 1ኛ ወደ ጢሞቴዎስ 2፡1-4

እንደአሁኑ ደስ ደስ ሲለን ብቻ ሳይሆን ሲከፋንም ስለ ሰዎች ሁሉ ስለ ነገሥታትና ስለ መኳንንትም ሁሉ መፀለይን እንርሳ፡፡ እግዚአብሄርን የምናውቅ እኛ ለክፉ መሪ ካልፀለይን ፣ ከክፋት ካልጠበቅነውና ካልተዋጋንለት ለማን እንተወዋለን፡፡  እግዚአብሄር መሪን እግዚአብሄር ይመራዋል ብለን የምናምን እኛ ለክፉ መሪ በመታዘዝ ምሳሌ ካልሆንን ማን ሊታዘዘው ይችላል፡፡

 

የንጉሥ ልብ እንደ ውኃ ፈሳሾች በእግዚአብሔር እጅ ነው፤ ወደ ወደደውም ያዘነብለዋል። መጽሐፈ ምሳሌ 21፡1

እግዚአብሄርን የምናምን እኛ ለማይመቸን መሪ ካልፀለይንና ካልጠበቅነው ለክፉ አሳልፈን እንሰጠዋለን፡፡ እግዚአብሄርን ተስፋ የምናደርግ እኛ ፍትህ ሲዛባ ድምፃችንን ካላሰማን ማን ሊያሰማ ይችላል ብለን እንጠብቃልን?

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፖለቲካ #ፀሎት #ተቃውሞ #ሃዘን #ምልጃ #ምስጋና #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

Father Forgets – by W. Livingston Larned

“Listen, son: I am saying this as you lie asleep, one little paw crumpled under your cheek and the blond curls wet on your damp forehead.
I have stolen into your room alone. Just a few minutes ago, as I sat reading my paper in the library, a stifling wave of remorse swept over me. Guiltily I came to your bedside.

There are the things I was thinking, son: I had been cross to you. I scolded you as you were dressing for school because you gave your face merely a dab with a towel. I took you to task for not cleaning your shoes. I called out angrily when you threw some of your things on the floor.

At breakfast I found fault, too. You spilled things. You gulped down your food. You put your elbows on the table. You spread butter too thick on your bread. And as you started off to play and I made for my train, you turned and waved a hand and called, “Goodbye Daddy!” and I frowned, and said in reply, “Hold your shoulders back!”

Then it began all over again in the late afternoon. As I came up the road I spied you, down on your knees playing marbles. There were holes in your stockings. I humiliated you before your boyfriends by marching you ahead of me to the house. Stockings were expensive – and if you had to buy them you would be more careful! Imagine that, son, from a father!

Do you remember, later, when I was reading in the library, how you came in timidly, with a sort of hurt look in your eyes? When I glanced up over my paper impatient at the interruption, you hesitated at the door. “What is it you want?” I snapped.

You said nothing, but ran across in one tempestuous plunge, and threw your arms around my neck and kissed me, and your small arms tightened with an affection that God had set blooming in your heart and which even neglect could not wither. And then you were gone, pattering up the stairs.

Well, son, it was shortly afterwards that my paper slipped from my hands and a terrible sickening fear came over me. What has habit been doing to me? The habit of finding fault, of reprimanding – this was my reward to you for being a boy. It was not that I did not love you; it was that I expected too much of youth. I was measuring you by the yardstick of my own years.

And there was so much that was good and fine and true in your character. The little heart of you was as big as the dawn itself over the wide hills.

This was shown by your spontaneous impulse to rush in and kiss me good night. Nothing else matters tonight, son. I have come to your bedside in the darkness, and I have knelt there, ashamed!

It is a feeble atonement; I know you would not understand these things if I told them to you during your waking hours.

But tomorrow I will be a real daddy! I will chum with you, and suffer when you suffer, and laugh when you laugh. I will bite my tongue when impatient words come. I will keep saying as if it were a ritual: “He is nothing but a boy – a little boy!”

I am afraid I have visualized you as a man. Yet as I see you now, son, crumpled and weary in your cot. I see that you are still a baby. Yesterday you were in your mother’s arms, your head on her shoulder. I have asked too much, too much.”

የድካም ክብር

the cross power.jpgየኢየሱስ የመጨረሻው ሃይሉ የተገለጠው በድካሙ እንጂ በሃይሉ አልነበረም፡፡ የኢየሱስ ሃየል የተገለጠው በሞቱ ነበር፡፡

በድካም ተሰቅሎአልና፥ ነገር ግን በእግዚአብሔር ኃይል በሕይወት ይኖራል። 2ኛ ቆሮንቶስ 13፡4

አለም አይቶ የማያውቀውን ታላቁን የትንሳኤ ሃይል ያየነው በኢየሱስ ድካም ነው፡፡ ኢየሱስ በሞቱ ነው ህይወትን ያሳየን፡፡

ክርስቶስንም ከሙታን ሲያስነሣው ከአለቅነትና ከሥልጣንም ከኃይልም ከጌትነትም ሁሉ በላይና በዚህ ዓለም ብቻ ሳይሆን ነገር ግን ሊመጣ ባለው ዓለም ደግሞ ከሚጠራው ስም ሁሉ በላይ በሰማያዊ ስፍራ በቀኙ ሲያስቀምጠው በክርስቶስ ባደረገው ሥራ የብርታቱ ጉልበት ይታያል፤ ኤፌሶን 1፡20-21

ኢየሱስ በሞት ላይ ስልጣን ያለውን ዲያቢሎስን የሻረው በህይወት አይደለም በድካምና በሞቱ ነው ፡፡

እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ፥ እብራዊያን 2፡14-15

እኛም በራሳችን ስንደክም ያን ጊዜ የእግዚአብሄር ሃይል ያድርብናል፡፡ የሰው ሃይል ሲያልቅ የአግዚአብሄር ሃይል ይጀምራል፡፡

እኛ ደግሞ ከእርሱ ጋር እንደክማለንና፥ ነገር ግን ስለ እናንተ በሆነ በእግዚአብሔር ኃይል ከእርሱ ጋር በሕይወት እንኖራለን። 2ኛ ቆሮንቶስ 13፡4

በራሳችን ስንደክም በእግዚአብሄር ሃይለኛ ነንና፡፡ በመከራ ስናልፍ በራሳችን ስንደክም የእግዚአብሄር ሃይል በእኛ በሃይል ይሰራል፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ቆሮንጦስ 12፡9-10

ይህን ፅሁፍ ለሌሎች ሼር share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #እግዚአብሄር #ድካም #ሞት #ህይወት #ትንሳኤ #የእግዚአብሄርሃይል #መንፈስቅዱስ #መመካት #ብርታት #እምነት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

እናንተንም እንዳስተማራችሁ፥ በእርሱ ኑሩ

anointing 55.jpgእናንተም ከቅዱሱ ቅባት ተቀብላችኋል፥ ሁሉንም ታውቃላችሁ። እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡20፣27

እግዚአብሄር ኢየሱስን ለምንከተል ሁላችን  መንፈሱን ሰጥቶናል፡፡ እግዚአብሄር መንፈሱን የሰጠን ሁል ጊዜ እንዲመራን ነው፡፡ እግዚአብሄር መንፈሱ የሰጠን ስለ ሁሉም እንዲመራን ነው፡፡ እግዚአብሄር መንፈሱ የሰጠን በሰዎች አስተያየት ግራ እንዳንጋባ ነው፡፡ እግዚአብሄር መንፈሱን የሰጠን በሁሉም ነገር የሚመራን ነገር ስላለ ነው፡፡ እግዚአብሄ መንፈሱን የሰጠን በራሳችን ሃሳብ እነማ ማስተዋል እንኳን እንዳንደገፍ ነው፡፡

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ ምሳሌ 3፡5

አንዳንድ ጊዜ የቤተክርስተያነ መሪዎች ተከታዮቻቸውን በእያንዳንዱ የህይወት ክፍላቸው ለመምራት ይፈልጋሉ፡፡ አንዳንድ ጊዜም መሪዎች እግዚአብሄር ለህዝቡ ያልሰጣቸውን ሸክም ተከታዮቻቸው ላይ ይጭናሉ፡፡ አንዳንድ ጊዜ የቤተክርስትያን መሪዎች ህዝቡ በእግዚአብሄር መንፈስ እንዲመራ እድል አይሰጡትም፡፡ አንዳንድ ጊዜ የቤተክርስትያነ መሪዎች ህዝቡ መንፈሱን እንዲከተል ነፃ አያደርጉትም፡፡ አንዳንድ ጊዜ የቤተክርስትያን መሪዎች ይህ ሃጢያት ነው ይህ ሃጢያት አይደለም በማለት የእግዚአብሄርን ህዝብ በእያንዳንዱ ነገር ይመራሉ፡፡

አንዳንድ ጊዜ አማኞች ራሳቸው እግዚአብሄር ያልሰጣቸውን ይሸከማሉ፡፡ አንዳድ ጊዜ እግዚአብሄር ያልሰጣቸውን ለማድረግ ሲሞክሩ ይወድቃሉ በዚያም ያማርራሉ፡፡ አንዳንድ ጊዜ ክርስትያኖች እግዚአብሄር ያልተናገራቸውን ነገር ተናግረው ራሳቸውን ይኮንናሉ፡፡ አንዳንድ ጊዜ ክርስትያኖች እግዚአብሄር ባልወቀሳቸው ነገር ራሳቸውን በመውቀስ ራሳቸውን ያጎሳቁላ፡፡

አንዳንድ ጊዜ ክርስትያኖች ሌሎች ሰዎች ያሉዋቸውን ሰምተው ራሳቸውን ይኮንናሉ፡፡ ክርስትያኖች ከሰው አስተያየት ብቻ ተነስተው እግዚአብሄር ያልወቀሳቸውን ወቀሳ በላያቸውን ላይ ያመጣሉ፡፡

ሃዋሪያው ጳውሎስ ስለሚፈርዱበት ሰዎች እንዲህ ይላል፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ በራሴ ላይ ምንም አላውቅምና፥ ነገር ግን በዚህ አልጸድቅም፤ እኔን የሚፈርድ ግን ጌታ ነው። 1ኛ ቆሮንቶስ 4፡3-4

ሃዋሪያው ጳውሎስ ከሰው ፍርድ ተነስቶ ራሱ ላይ አይፈርድም ራሱን አይኰንንም ፡፡

ሃዋሪያው ጳውሎስ ከራሱንም አስተሳሰብ እንኳን ተነስቶ ራሱን እይኲንንም፡፡

ሃዋሪያው ጳውሎስ የሚቀበለው አንድ ፍርድ በውስጡ የሚሰማውን የመንፈስን ቅዱስን ድምፅ ብቻ ነው፡፡ የሰውን ድምፅ የሚሰማው በውስጡ ካለው ከመንፈስ ቅዱስ ድምፅ ጋር ከተስማማ ብቻ ነው፡፡ የራሱንም ሃሳብ የሚቀበልው እውነት እንደሆነ በውስጡ ያለው መንፈስ ቅዱስ ከመሰከረለት ብቻ ነው፡፡ ካለበለዚያ ግን ሰው የሚፈርድበትንም ሆነ ራሱ በራሱ ላይ የሚፈርደውን ፍርድ አይቀበልም፡፡

እናንተም ከቅዱሱ ቅባት ተቀብላችኋል፥ ሁሉንም ታውቃላችሁ። እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡20፣27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ቅባት #መንፈስቅዱስ #የእግዚአብሔርመንፈስ #መሪ #ቤተመቅደስ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሔርህይወት #አቢይ #አቢይዋቁማ #አቢይዋቁማዲንሳ

የቃልኪዳን በረከቶቻችን

covenant ss.jpgእግዚአብሄር የፈጠረን ለክብሩ ነው፡፡ እግዚአብሄር ሰውን የፈጠረው በመልኩና በአምሳሉ ነው፡፡ እግዚአብሄር እርሱ ፈቃድ እንዳለው ሁሉ ሰውንም የፈጠረው ፈቃድ እንዲኖረው አድርጎ ነው፡፡ እግዚአብሄር ሰውን የፈጠረው በፈቃዱ ከእግዚአብሄር ጋር አብሮ እንዲሰራ ነው፡፡ እግዚአብሄር ሰውን የፈጠረው ለአብሮ ሰራተኝነት ነው፡፡

የእግዚአብሔር እርሻ ናችሁ፤ የእግዚአብሔር ሕንፃ ናችሁ፤ ከእርሱ ጋር አብረን የምንሠራ ነንና። 1ኛ ቆሮንቶስ 3፡9

እግዚአብሄር ሰውን በመልኩና በአምሳሉ የፈጠረው በምድር ላይ ሙሉ ለሙሉ እንዲወክለው ነው፡፡ እግዚአብሄር ሰውን የፈጠረው እርሱ በሰማይ እንዳለና እንደሚገዛ ሰውም እርሱን ወክሎ በምድር ላይ እንዲገዛ ነው፡፡

እግዚአብሄር ሰውን በመልኩና በአምሳሉ የፈጠረው ለአብሮ ሰራተኛነት ነው፡፡

እግዚአብሄር አብሮን የሚሰራው ደግሞ በመርህ ነው፡፡ እግዚአብሄር የሚሰራው ነገር አለ፡፡ እኛ የምንሰራው ነገር አለ፡፡ እግዚአብሄር ሁሉንም ነገር አይሰራም፡፡ እኛም ሁሉንም ነገር አንሰራም፡፡ እግዚአብሄር የማይሰራው ነገር አለ፡፡ እኛም የማንሰራው ነገር አለ፡፡

በክርስትና እኛ የምንሰራውንና የማንሰራውን ለይተን ማወቅ በጣም አስፈላጊ ነው፡፡ በክርስትና እግዚአብሄር የሚሰራልንንና የማይሰራልንን ማወቅ ወሳኝ ነው፡፡ በክርስትና እግዚአብሄር የሚሰራውን ማወቅና ያንን ለመስራት አለመሞከር እንዲሁም እግዚአብሄር የማይሰራውን ማወቅና ያንን ለመስራት መትጋት ውጤታማ ያደርጋል፡፡

እግዚአብሄር ከእኛ ጋር የሚሰራው በቃልኪዳን ነው፡፡ ቃልኪዳን በሁለት ወገኖች መካከል የሚደረግ ስምምነት ነው፡፡ ቃልኪዳን ሁለቱ ወገኖች አንዱ ለሌላው የሚያደርጉትን መስማማት ነው፡፡ ቃልኪዳን ውጤታማ የሚሆነው አንዱ ማድረግ የሚችለውን ነገር ብቻ ሲያደርግ የማይችለውንም ነገር ሌላው እንደሚያደርግ ሲያምን ብቻ ነው፡፡

ቃልኪዳን የሚመሰረተው በመተማመን ነው፡፡ እግዚአብሄር ታማኝ አምላክ ነው፡፡ እግዚአብሄርን ልናምነው ይገባል፡፡ ስለዚህ ነው ካለ እምነት እግዚአብሄርን ማስደሰት የማይቻለው፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

እግዚአብሄር በቃሉ ስለ ቃልኪዳናችን ያለውን ካመንን እንከናወናለን፡፡ እግዚአብሄር በቃሉ ስለ ቃልኪዳኑ ውል የተናገረውን ካመንና ከተከተልን ይሳካልናል፡፡ እግዚአብሄር ስለ ቃልኪዳኑ ያለውን ካመነን በቃልኪዳን አጋራችን በእግዚአብሄር ሃይል እንኖራለን፡፡ እግዚአብሄር ስለ ቃልኪዳኑ በቃሉ ያለውን ካመንን ለቃልኪዳን አጋራችን እግዚአብሄር ጠቃሚ ሰዎች እንሆናለን፡፡

ለምሳሌ መፅሃፍ ቅዱስ ስለመሰረታዊ ፍላጎታችን ስለምንበላውና ስለምንጠጣው መሟላት ሃላፊነት ያለበት እግዚአብሄር እንደሆነና እርሱ እነዚህ ነገሮች እንደሚያቀርብ ያስተምረናል፡፡ የእኛ ሃላፊነት ደግሞ የእግዚአብሄርን መንግስትና ፅድቁን መፈለግና መፈፀም መሆኑን በተለያየ መልኩ ደጋግሞ ያስተምረናል፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡31፣33

ስለዚህ የሚያጨንቃችሁን በእርሱ ላይ ጣሉት እርሱ ስለእናንተ ያስባልና በማለት ስለቃልኪዳኑ ድርሻ ያስተምረናል፡፡

እርሱ ስለ እናንተ ያስባልና የሚያስጨንቃችሁን ሁሉ በእርሱ ላይ ጣሉት። 1ኛ ጴጥሮስ 5፡7

የወደፊት ህይወታችን መጨነቅ እንደሌለብን የህይወት እቅዳችን ሁሉ በእግዚአብሄር ዘንድ እንዳለና የእኛ ሃላፊነት በፀሎት ወደእርሱ በመቅረብ የህይወት እቅዳችንን ተረድተን ያንን መከተል እንደሆነ መፅሃፍ ቅዱስ ስለቃልኪዳን የስራ ድርሻችን ያስተምረናል፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። እናንተም ትጠሩኛለችሁ፥ ሄዳችሁም ወደ እኔ ትጸልያላችሁ፥ እኔም እሰማችኋለሁ። እናንተ ትሹኛላችሁ፥ በፍጹም ልባችሁም ከሻችሁኝ ታገኙኛላችሁ። ኤርሚያስ 29፡11-13

እግዚአብሄር ራሱ የቃልኪዳን አጋራችን ስለሆነ ነው እግዚአብሔር አምላኩ የሚሆንለት ሕዝብ ምስጉን ነው ተብሎ የተነገረው፡፡

እግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ። መዝሙር 33፡12

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቃልኪዳን #ድርሻ #የስራክፍፍል #እግዚአብሄር #አትጨነቁ #ቃልኪዳን #መታመን #መደገፍ #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

ልቦችን የሚመረምር እርሱ አያስተውልምን?

The-sad-outcomes-of-being-fatherless.jpgበመከራ ቀን ብትላላ ጉልበትህ ጥቂት ነው። ወደ ሞት የሚነዱትን ታደግ፤ ሊታረዱ የተወሰኑትን አድን። እነሆ፥ ይህን አላወቀውም ብትል፥ ልቦችን የሚመረምር እርሱ አያስተውልምን? ነፍስህንም የሚመለከት እርሱ አያውቅምን? ለሰውስ ሁሉ እንደ ሥራው አይመልስለትምን? ምሳሌ 24፡10-12

በምሥራቅ ካሉ ሰዎች ሁሉ ይልቅ ታላቅ ነበረ የተባለለት ኢዮብ ድምፅ ለሌለው ድምፅ በመሆን ፣ ተሰሚነቱን ተጠቅሞ ለተገፋው በመቆምና ለተጨቆነው ሲከራከር ታላቅ የሆነበትን ምክኒያቶች ልናይ እንችላለን፡፡

ለድሀው አባት ነበርሁ፤ የማላውቀውንም ሰው ሙግት መረመርሁ። ኢዮብ 29፡6

የሚጮኸውን ችግረኛ፥ ድሀ አደጉንና ረጂ የሌለውን አድኜ ነበርሁና። ኢዮብ 29፡12

ተሰሚነት ሌሎችን የመጥቀም እድል ነው፡፡ ተወዳጅነት ሌሎችን የማገልገል ሃላፊነት ነው፡፡ ዝነኝነት ተሰሚነታችንን ተጠቅመን ሌሎችን የመጥቀም ስልጣን ነው፡፡ እግዚአብሄር ተሰሚነትን የሚሰጠን ካለ ምክኒያት አይደለም፡፡ እግዚአብሄር ተሰሚነትን የሚሰጠን የልቡን  ሃሳብ እንድናስፈፅም ነው፡፡

ስለዚህ ነው ካለ ፍርድ ወደ ሞት የሚነዱትን እንድንታደግ መፅሃፍ ቅዱስ የሚያስተምረን፡፡ ስለዚህ ነው መፅሃፍ ቅዱስ ሊታረዱ የተወሰኑትን ለማዳን ድምፃችንን እንድናሰማ የሚጠብቅብን፡፡ ስለዚህ ነው መፅሃፍ ቅዱስ ተሰሚነታችንን ተጠቅመን ለራ መከራከል ለማይችለው እንድንከራከር የሚያስተምረን፡፡

መልካም መሥራትን ተማሩ፥ ፍርድን ፈልጉ፥ የተገፋውን አድኑ፥ ለድሀ አደጉ ፍረዱለት ስለ መበለቲቱም ተምዋገቱ። ኢሳያስ 1፡17

የፍርድ መጉደልን ካየህ የመናገር ሃላፊነት አለብህ፡፡ አላየሁም ማለት አትችልም፡፡ አላየሁም ብለህ ራስህን ብታታልል ትችል ይሆናል፡፡ አላየሁም ብለህ በሰው ገፊ ብትናገር ሰውን ማታለል ትችል ይሆናል፡፡ በእግዚአብሄር ፊት ግን አላየሁን አልሰማሁም ማለት አትችልም፡፡ ሰውን ፈርተህ ከሆነ  እርሱን ይበልጥ ስላልፈራህ እግዚአብሄር ያዝናል፡፡

ሰውን መፍራት ወጥመድ ያመጣል፤ በእግዚአብሔር የሚታመን ግን እርሱ ይጠበቃል። ምሳሌ 29፡25

እንዲውም እውነተኛ ሰውነትህ የሚታየው በሰላም እና በፍትህ ቀን አይደለም፡፡ እውነተኛ ሰውነትህ የሚታየው ንፁህ ሰው ሲገፋ ፣ ደካማ ሰው ሲጨቆንና ፍትህ ሲዛባ ስታይ ነው፡፡ የዛን ጊዜ ለደካማው ከቆምክ ጉልበት አለህ ማለት ነው፡፡ ለደካማው ካልቆምክ ይመስልሃል እንጂ ጉልበት የለህም ማለት ነው፡፡

ወደ ሞት የሚነዱትን ታደግ፤ ሊታረዱ የተወሰኑትን አድን። እነሆ፥ ይህን አላወቀውም ብትል፥ ልቦችን የሚመረምር እርሱ አያስተውልምን? ነፍስህንም የሚመለከት እርሱ አያውቅምን? ለሰውስ ሁሉ እንደ ሥራው አይመልስለትምን? ምሳሌ 24፡10-12

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #መበለት #ድሃአደግ #ድሃ #ጭቆና #ፍትህ #ፍርድ #ፀጋ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #ዛሬ #ነገ #ትላንት #መሪ

%d bloggers like this: