Category Archives: Trust

“Love Everyone Trust No One”

your will.jpgWe hear this kind of saying from time to time. And we sometimes say it or are tempted to say it, especially after we are betrayed by a very good friend, we fear to trust any other person again. We lose the confidence of trusting anyone for fear of hurt that comes from the past history of the unfaithfulness of others.

Nobody pretends that a trust issue is an easy subject of black and white. Trust isn’t an easy subject at all.

Human beings are created to be social beings. Humans are created to work together. Humans need a relationship with each other.

To relate to other trust is a must. Without trust, no one operates in life leave alone to be successful.

Actually, the success rate is determined in the art of trusting others. Successful people know who to trust and the amount of trust they have on different people. The more we trust others the more we relate to others. The more we relate to others, we extend our influence. The more we relate with others, we work together for a better achievement.

IT is obvious that we sometimes miss estimating others to trust heavily on them. But it is ok. We learn from that. If we fear to trust others we are stopped to live.

With all the risks attached to trusting others, trusting others is a must. We need an amount of trust to live and achieve in life. It is better to trust others and betrayed by them than not to trust anyone.

We have to have a room for betrayal. We have to be vulnerable.

The sayings love everyone and trust no one is opposed to each other as love always trusts.

It always protects, always trusts, always hopes, always perseveres. 1 Corinthians 13:7

We trust others in trusting God. The more we trust God, the more we trust people.

Jesus lived and ministered with Judas knowing that he was the one who betrays him.

For he knew who was going to betray him, and that was why he said not every one was clean. John 13:11

Trust must always be held with caution. But we have to train ourselves to trust others.

Abiy Wakuma Dinsa

For More Articles https://www.facebook.com/abiy.wakuma/notes

#Jesus #God #Trust #praise #livelife #betrayal #blessed #rejoice #faith #enjoylife #faithfulness #church #achievement #celebration #preaching #salvation #bible #countingthecost #abiy #facebook #abiywakuma #abiywakumadinsa

Advertisements

ብትበደሉ አይሻልምን?

heart 1.jpgእንግዲህ ፈጽሞ የእርስ በርስ ሙግት እንዳለባችሁ በእናንተ ጉድለት ነው። ብትበደሉ አይሻልምን? ብትታለሉስ አይሻልምን? ነገር ግን እናንተ ትበድላላችሁ ታታልሉማላችሁ፥ ያውም ወንድሞቻችሁን። 1ኛ ቆሮንቶስ 6፡7-8

እግዚአብሄር በትክክል ይፈርዳል፡፡ እንደ እግዚአብሄር በፅድቅ የሚፈርድ ማንም የለም፡፡

እንደ እግዚአብሔር ቅዱስ የለምና፥ እንደ አምላካችንም ጻድቅ የለምና፤ ከአንተ በቀር ቅዱስ የለም። 1ኛ ሳሙኤል 2፡2

ከእግዚአብሄር በላይ የምናውቅ አይምሰለን፡፡ ከእግዚአብሄር በላይ ፃዲቅ እንደሆንን አይሰማን፡፡ ከእግዚአብሄር የተሻለ እንደምንፈርድ አይምሰለምን፡፡

አትታበዩ፥ በኩራትም አትናገሩ፤ እግዚአብሔር አዋቂ ነውና፥ እግዚአብሔርም ሥራውን የሚመዝን ነውና፥ ከአፋችሁ የኵራት ነገር አይውጣ። 1ኛ ሳሙኤል 2፡3

እግዚአብሄር ስራን ይመዝናል፡፡ እግዚአብሄር የተበደለን እንዴት እንደሚክስ ያውቃል፡፡ እግዚአብሄር በዚህ የተበደለን በዚያ እንዴት እንደሚክስ ያውቃል፡፡ እግዚአብሄር ፃዲቅ ፈራጅ ነው፡፡

እኛ ብንበደል ችግር የለውም፡፡ የእኛ ነገር በእግዚአብሄር እጅ ውስጥ ነው፡፡ እርሱ እንዴት እንደሚፈታው ያውቃል፡፡ እርሱ የተበደለን እንዴት እንደሚክስ ያውቃል፡፡ እርሱ የወደቀን እንዴት እንደሚያነሳ ያውቃል፡፡ እርሱ የተዋረደን እንዴት እንደሚያከብር ያውቃል፡፡

ሰው በደለም አልበደለም የሚያመጣው ነገር የለም፡፡ ጉዳዬ የምንለው እግዚአብሄር ነው፡፡ ቁልፉ ያለው በእግዚአብሄር እጅ ነው፡፡ ሰው በደለንም አልበደለንም በአጠቃላይ የሚያመጣው ለውጥ የለም፡፡

ነገር ግን የሚመካው፦ ምሕረትንና ፍርድን ጽድቅንም በምድር ላይ የማደርግ እኔ እግዚአብሔር መሆኔን በማወቁና በማስተዋሉ በዚህ ይመካ፤ ደስ የሚያሰኙኝ እነዚህ ናቸውና፥ ይላል እግዚአብሔር፡፡ ኤርሚያስ 9፡24

ስለዚህ ነው መፅሃፍ ቅዱስ የተዋረደ ወንድም በውርደቱ ይመካ የሚለው፡፡

የተዋረደ ወንድም ግን በከፋታው ባላጠጋም በውርደቱ ይመካ እንደ ሥር ያልፋልና። ያዕቆብ 1÷9-10

ማድረግ የሌለብን አንድ ነገር ሌላውን አለመበደል ነው፡፡ የሚበድል ሰው ግን እግዚአብሄር አብሮት አይሆንም፡፡ የሚበድል ሰው እግዚአብሄር ቢቀጣው እንጂ አይደግፈውም፡፡ የሚበድል ሰው ከእግዚአብሄር ተስፋ አያደርግም፡፡ የሚበድል ሰው በእግዚአብሄር ፊት ድፍረቱ የለውም፡፡ የሚበድል ሰው ቶሎ ካልተመለሰ ከእግዚአብሄር እየራቀ ይሄዳል፡፡ የሚበድል ሰው እግዚአብሄር እንዲክሰው አይጠብቅም፡፡

የተበደለ ሰው እግዚአብሄር አብሮት ይቆማል፡፡ የተበደለ ሰው እግዚአብሄር ይክሰዋል፡፡

እንግዲህ ፈጽሞ የእርስ በርስ ሙግት እንዳለባችሁ በእናንተ ጉድለት ነው። ብትበደሉ አይሻልምን? ብትታለሉስ አይሻልምን? ነገር ግን እናንተ ትበድላላችሁ ታታልሉማላችሁ፥ ያውም ወንድሞቻችሁን። 1ኛ ቆሮንቶስ 6፡7-8

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ  #ጌታ #እግዚአብሔር #ብትበደሉ #ካሳ #ይቅርታ #ምህረት #ፍርድ #ጠላት #ዲያቢሎስ #ስፍራ #ኢየሱስ #ጥላቻ #ትእቢት #መራርነት #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እምነቱም እግዚአብሔር የሆነ

trust.jpgበእግዚአብሔር የታመነ እምነቱም እግዚአብሔር የሆነ ሰው ቡሩክ ነው። በውኃ አጠገብ እንደ ተተከለ፥ በወንዝም ዳር ሥሩን እንደሚዘረጋ ሙቀትም ሲመጣ እንደማይፈራ ቅጠሉም እንደሚለመልም፥ በድርቅ ዓመትም እንደማይሠጋ ፍሬውንም እንደማያቋርጥ ዛፍ ይሆናል። ኤርምያስ 17፡7-8

በእግዚአብሄር የታመኑ ሰዎች አይታወኩም፡፡

በእግዚአብሔር የታመኑ እንደማይታወክ ለዘላለም እንደሚኖር እንደ ጽዮን ተራራ ናቸው። መዝሙር 125፡1

በእግዚአብሄር የሚታመን ሰው አያፍርም፡፡

ስለዚህ ጌታ እግዚአብሔር እንዲህ ይላል፦ እነሆ፥ በጽዮን ድንጋይን ለመሠረት አስቀምጣለሁ፤ የተፈተነውን፥ የከበረውን፥ መሠረቱ የጸናውን የማዕዘን ድንጋይ የሚያምን አያፍርም። ኢሳያስ 28፡16

እግዚአብሄርን የሚያውቁት በእርሱ ይታመናሉ፡፡

ስምህን የሚያውቁ ሁሉ በአንተ ይታመናሉ፥ አቤቱ፥ የሚሹህን አትተዋቸውምና። መዝሙር 9፡10

ስለዚህ በእግዚአብሄር ታመኑ እርሱ ረዳት ነው፡፡

የሕዝብ ማኅበር ሁላችሁ፥ በእርሱ ታመኑ፥ ልባችሁንም በፊቱ አፍስሱ፤ እግዚአብሔር ረዳታችን ነው። መዝሙር 62፡8

በእግዚአብሄር የሚታመን ምስጉን ነው፡፡

የሠራዊት አምላክ ሆይ፥ በአንተ የታመነ ሰው ምስጉን ነው። መዝሙር 84፡12

በእግዚአብሄር የታመነ ሰው ከእግዚአብሄር ውጭ የሚያስፈነድቀውም የሚያስፈራውም ነገር የለም፡፡ እግዚአብሄር በሁሉ ፍሬያማ እንደሆነ በእግዚአብሄር የታመነ በምንም ሁኔታ ውስጥ ፍሬያማ ነው፡፡ በእግዚአብሄር እንደሚታመን ሰው ፍሬያማ የተሳካለትና የተከናወነለት ሰው የለም፡፡

በእግዚአብሔር የታመነ እምነቱም እግዚአብሔር የሆነ ሰው ቡሩክ ነው። በውኃ አጠገብ እንደ ተተከለ፥ በወንዝም ዳር ሥሩን እንደሚዘረጋ ሙቀትም ሲመጣ እንደማይፈራ ቅጠሉም እንደሚለመልም፥ በድርቅ ዓመትም እንደማይሠጋ ፍሬውንም እንደማያቋርጥ ዛፍ ይሆናል። ኤርምያስ 17፡7-8

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መደገፍ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

ሁሉን በሚችል አምላክ ጥላ ውስጥ

grace teaching.jpgበልዑል መጠጊያ የሚኖር ሁሉን በሚችል አምላክ ጥላ ውስጥ ያድራል። መዝሙር 91፡1

በዚህ ለህይወታችን ምንም ማስተማመኛ በሌለው አለም በአግዚአብሄር ጥበቃ እንደመታመን የሚያሳርፍ ነገር የለም፡፡ አለ ያልነው ሰው በድንገት ሲወሰድ ደጋግመን አይተናል፡፡ ይሞታል ብለን በአእምሮዋችን ያላሰብነው ሰው ሲሞት አይተናል፡፡

ያልታሰቡ አደጋዎችን ስናይ እኔስ መድህኔ ምንድነው ብለን እንጠይቃለን፡፡ ለህይወታችን ብቸኛ ጥበቃ እግዚአብሄር ብቻ ነው፡፡ እስካሁንም ችለን ራሳችንን አልጠበቅንም፡፡ እስካሁንም የጠበቀን እግዚአብሄር ብቻ ነው፡፡

ካላየነውና ካየነው ክፋት እስጥሎና ከልሎ እዚህ አድርሶናል፡፡ እግዚአብሄር ሳናየው ያስመለጠንን አደጋ ሁሉ ብናይ ከማሰብና ከመያዝ አቅማችን በላይ ስለሆነ አእምሮዋችን ጤነኛ የሚሆን አይመስለኝም፡፡

ከክፉ አደጋ ተጠብቀን በህይወት በመኖራችን ብቻ እግዚአብሄር ሊመሰገን ይገባዋል፡፡ እግዚአብሄርን ለማመስገን ህያው መሆናችን መተንፈሳችን ብቻ ይበቃል፡፡

እስትንፋስ ያለው ሁሉ እግዚአብሔርን ያመስግን፦ ሃሌ ሉያ። መዝሙር 150፡6

አንዳንድ አደጋዎችን ስንሰማ ከአልጋችን ተነሰተን እንደገና ህይወትን መጋፈጥ ይፈታተነናል፡፡ ስለ ደህንነታችን ስናስብ እንደገና መኖር እንፈራለን፡፡ እግዚአብሄርን ካላሰብን በስተቀር እንደገና ለመኖር አቅም እናጣለን፡፡

በልዑል መጠጊያ የሚኖር ሁሉን በሚችል አምላክ ጥላ ውስጥ ያድራል። እግዚአብሔርን፦ አንተ መታመኛዬ ነህ እለዋለሁ፤ አምላኬና መሸሸጊያዬ ነው፥ በእርሱም እታመናለሁ። እርሱ ከአዳኝ ወጥመድ ከሚያስደነግጥም ነገር ያድንሃልና። በላባዎቹ ይጋርድሃል፥ በክንፎቹም በታች ትተማመናለህ፤ እውነት እንደ ጋሻ ይከብብሃል። ከሌሊት ግርማ፥ በቀን ከሚበርር ፍላጻ፥ በጨለማ ከሚሄድ ክፉ ነገር፥ ከአደጋና ከቀትር ጋኔን አትፈራም። በአጠገብህ ሺህ በቀኝህም አሥር ሺህ ይወድቃሉ፤ ወደ አንተ ግን አይቀርብም። በዓይኖችህ ብቻ ትመለከታለህ፥ የኃጥኣንንም ብድራት ታያለህ። መዝሙር 91፡1-8

የትኛውም ብልጠታችን ከሌሊት ግርማ፥ በቀን ከሚበርር ፍላጻ፥ በጨለማ ከሚሄድ ክፉ ነገር፥ ከአደጋና ከቀትር ጋኔን አይጠብቀንም፡፡ የትኛውም እውቀታችን ከአዳኝ ወጥመድና ከሚያስደነገጥ ነገር አያድነንም፡፡

ያለው ብቸኛ አማራጭ እግዚአብሄር ብቻ ነው፡፡ ያለው አማራጭ በልኡል መጠጊያ መኖር ነው፡፡ አንዱና ብቻኛው አማራጭ ከላባዎቹ በታች በጋረደን በእግዚአብሄር ክንፎች መተማመን ነው፡፡

በእግዚአብሄር ካልታመንን የምንታመንበት ምንም ነገር አይቀርልንም፡፡ ሁሉን በሚችል አምላክ መታመን አማራጭ አይደለም፡፡ በምድር ላይ ስለደህንነታችን ሁሉን በሚችል በእግዚአብሄር መታመን ግዴታ ነው፡፡

ትእዛዙ በፍፁም ልብህ በእግዚአብሄር ታመን ነው፡፡ በፍፁም ልብህ በእግዚአብሄር ታመን። ምሳሌ 3፡5

ትእዛዙ በእግዚአብሄር ታመን በምድር ተቀመጥ ታምነህ ተሰማራ ነው፡፡

በእግዚአብሔር ታመን፥ መልካምንም አድርግ፥ በምድርም ተቀመጥ፥ ታምነህም ተሰማራ። መዝሙር 37፡3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መደገፍ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

በልቡ ሳይጠራጠር

doubt.jpgእውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። ማርቆስ 11፡23

ጥርጥር የክርስትና የእምነት ጉዞ ህይወት ጠር ነው፡፡ ሰው የእግዚአብሄርን ቃል መጠራጠር ከጀመረና እስከ መጨረሻው በእምነት ውስጥ የተዘጋጀለትን በረከት ያጣዋል፡፡

ሰው ስለ እምነቱ ከእግዚአብሄር ዘንድ ሽልማት ይቀበላል፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

ሰው ወይ ያምናል ወይ ይጠራጠራል፡፡ 50% አምኗል ተብሎ 50% ሽልማት የሚሸለም ሰው የለም፡፡ ከተጠራጠረ ተጠራጠረ 0% ሽልማት ያገኛል ካመነ አመነ 100% ሽልማት ያገኛል፡፡ ስለዚህ ነው ልባችንን ከየትኛውም አይነት ጥርጥር አጥብቀን መጠበቅ ያለብን፡፡

ነገር ግን በምንም ሳይጠራጠር በእምነት ይለምን፤ የሚጠራጠር ሰው በነፋስ የተገፋና የተነቃነቀ የባሕርን ማዕበል ይመስላልና። ሁለት አሳብ ላለው በመንገዱም ሁሉ ለሚወላውል ለዚያ ሰው ከጌታ ዘንድ አንዳች እንዲያገኝ አይምሰለው።ሁለት አሳብ ላለው በመንገዱም ሁሉ ለሚወላውል ለዚያ ሰው ከጌታ ዘንድ አንዳች እንዲያገኝ አይምሰለው። ያዕቆብ 1፡6-8

ሰው ካመነ በኋላ ጥርጥርን ላለማስተናገድ መጋደል አለበት፡፡ ሰው ጥርጥርምን ለማስተናገድ ቸልተኛ ከሆነና መንገድ ከከፈተ ሳያውቅው በእምነት ምክኒያት ያገኘውን ወይም ማግኘት የሚገባውን በረከት ያጣዋል፡፡

እምነት የሚመጣው የእግዚአብሄርን ቃል እንደመሆኑ መጠን ጥርጥር የሚመጣው ከእግዚአብሄር ቃል ውጭ የሆነን ነገር በመስማት  ነው፡፡ ከእግዚአብሄር ቃል ተቃራኒ የሚናገረውን ሁኔታን ከሰማን እንጠራጠራለን፡፡

ጴጥሮስ ና የሚለውን ቃል ሰምቶ በውሃ ላይ መራመድ ጀምሮ ነበር፡፡ ነገር ግን የነፋሱን ሃይል አይቶ ተጠራጠረ እምነቱን አጣው፡፡

ነገር ግን የነፋሱን ኃይል አይቶ ፈራ፥ ሊሰጥምም በጀመረ ጊዜ፦ ጌታ ሆይ፥ አድነኝ ብሎ ጮኸ። ወዲያውም ኢየሱስ እጁን ዘርግቶ ያዘውና፦ አንተ እምነት የጎደለህ፥ ስለምን ተጠራጠርህ? አለው። ማቴዎስ 14፡30-31

ሰው የሰማውንም የእግዚአብሄርን ቃል ትቶ ከእግዚአብሄር ፈቃድ ውጭ የሚናገሩትን የሰዎችን ቃል ከሰማ ጥርጥርን ያስተናግዳል፡፡

የምኵራብ አለቃው ስለልጁ ፈውስ ከአዚየሱስ ጋረ እየሄደ ሰዎች ከፈውስ ተቃራኒ ነገር ነገሩት፡፡ ኢየሱስን እምነቱ እንዳይጠፋ መስማት ያለበትን የእርሱን ቃልና መስማት የሌለበትን የጥርጥር ቃል እንደገና አስታወሰው፡፡

እርሱም ገና ሲናገር ከምኵራብ አለቃው ቤት ዘንድ የመጡት፦ ልጅህ ሞታለች፤ ስለ ምን መምህሩን አሁን ታደክመዋለህ? አሉት። ኢየሱስ ግን የተናገሩትን ቃል አድምጦ ለምኵራቡ አለቃ፦ እመን ብቻ እንጂ አትፍራ አለው። ማርቆስ 5፡35-36

እምነታችን እንዲሰራ በሰማነው በእግዚአብሄር ቃል ላይ መቆም አለብን፡፡ ሁኔታዎች ባይመሰክሩ እንኳን በሰማነው በእግዚአብሄር ቃል ላይ መቆም አለብን፡፡ ሰዎች የተለየ ሃሳብ ቢኖራቸው እንኳን  መጀመሪያ በሰማነው በእግዚአብሄር ቃል ላይ መቆማችን እግዚአብሄር በእምነት ውስጥ ያስቀመጠውን ሽልማታችንን መውሰድ ያስችለናል፡፡

እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። ማርቆስ 11፡23

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ልብ #ማመን #ቃል #መናገር #ስሜት #ሁኔታ #አካባቢ #አማርኛ #ስብከት #መዳን #መፅሃፍቅዱስ #አለማመን #ጥርጥር #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ለጭንቀት ጥያቄ አምስቱ የተሳሳቱ መልሶች

Worry-2 (1).jpgሰይጣን ሰውን የሚያጠቃው በጭንቀት ነው፡፡ ሰይጣን ሃሳብን በመላክ ሰውን ያስጨንቃል፡፡ ሰይጣን ወደ ሰው አእምሮ ሃሳብን በመላክ ጥያቄዎችን ይጠይቃል፡፡

ሰይጣን እንደዚሁ አይነት ንግግር ጀምሮ ነው ሄዋንን የጣላት፡፡ ሰይጣን ሃሳብን ያስገባል፡፡ ሰይጣን ጥያቄዎችን ይጠይቃል፡፡

እባብም እግዚአብሔር አምላክ ከፈጠረው ከምድር አውሬ ሁሉ ይልቅ ተንኰለኛ ነበረ። ሴቲቱንም፦ በውኑ እግዚአብሔር ከገነት ዛፍ ሁሉ እንዳትበሉ አዝዞአልን? አላት። ዘፍጥረት 3፡1

ሰይጣን ኢየሱስንም ሊጥለው የነበረው በተመሳይ መንገድ ነበር፡፡ ሰይጣን ጥያቄን ይጠይቃል፡፡ ለጥያቄው መልስ ከሌለን ሰይጣን ያስጨነቀናል፡፡ ለጥያቄው የተሳሳተ መልስ ከሰጠን እንጨነቃለን እንደክማለን ሰላማዊ ህይወታችን መኖር ያቅተናል፡፡

ፈታኝም ቀርቦ፦ የእግዚአብሔር ልጅ ከሆንህ፥ እነዚህ ድንጋዮች እንጀራ እንዲሆኑ በል አለው። ማቴዎስ 4፡3

አሁንም ሰይጣን የሚዋጋን በዚሁ መልክ ነው፡፡ ሃሳብን ይልካል ፡፡ ሰይጣን ቅን ያልሆኑ ጥያቄዎችን ይጠይቃል፡፡ መልስ ካላገኘን ያስጨንቀለናል፡፡ ትክክለፃውን መልስ ካልሰጠን ያዋርደነባል፡፡

በእግዚአብሔር ቅንዓት እቀናላችኋለሁና፥ እንደ ንጽሕት ድንግል እናንተን ለክርስቶስ ላቀርብ ለአንድ ወንድ አጭቻችኋለሁና፤ ነገር ግን እባብ በተንኮሉ ሔዋንን እንዳሳታት፥ አሳባችሁ ተበላሽቶ ለክርስቶስ ከሚሆን ቅንነትና ንጽሕና ምናልባት እንዳይለወጥ ብዬ እፈራለሁ። 2ኛ ቆሮንቶስ 11፡2-3

ሰይጣን ምንም ይበል ምንም ሰይጣን የተለያየ ርእስ ያምጣ የሰይጣን የጭንቀት ጥያቄ ሲጨመቅ እነዚህን የመሳሰሉ ናቸው፡፡

  1. አንተ አታውቅም

ሰይጣን አንተ አታውቅም የሚል እንደምታ ሊሰጠን ሲሞክር እኔ አውቃልሁ ብለን ከተንፈራገጥን ይጥለናል፡፡ አውቃለሁ ብለን ስላልተገለጠልን ወደፊት ማስረዳት ከሞከርን እንስታለን፡፡ ወይም ያልተገለጠልንን ወደፊት እኛ ራሳችን ፈልገን ለመድረስና ለመረዳትና ለማስረዳት ከሞከርን እንሳሳታለን፡፡ ሰይጣን አታውቅም ሲለን ራሳችንን ትሁት ማድረግ አለብን፡፡ የማናውቀውን አናውቅም ማለት ትህትና ነው፡፡ አዎ ስለ ወደፊቴ ሁሉንም ዝርዝር አላውቅም ማወቅም አያስፈልገኝም መልስ ነው፡፡ ሁሉን የሚያውቅ የሚመራኝ አባት አለኝ ማለት ይጠበቅብናል፡፡ ሁሉን የሚያውቀው ይጠነቀቅልኛል ይመራኛል፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርምያስ 29፡11

እርሱ ስለ እናንተ ያስባልና የሚያስጨንቃችሁን ሁሉ በእርሱ ላይ ጣሉት። 1ኛ ጴጥሮስ 5፡7

  1. አንተ አትችልም

ሌላው ሰይጣን የሚልከው የጭንቀት ጥያቄ ሲጨመቅ የምናገኘው ሌላው መልክት አንተ አትችልም የሚል ነው፡፡ እችላለሁ ብለን ከተከራከርነው የማንችልበትን ብዙ ተፈጥሮአዊ ምክኒያቶች ደርድሮ ያዳክመናል፡፡ አትችልም ለሚለው መልሱ አዎ በራሴ አልችልም የሚል ነው፡፡ አዎ በራሴ ጉልበት የለኝም ነገር ግን አንተን በመስቀል ላይ ድል የነሳህ ኢየሱስ ጉልበቴ ነው ማለት ይጠበቅብናል፡፡

ኃይልን በሚሰጠኝ በክርስቶስ ሁሉን እችላለሁ። ፊልጵስዩስ 4፡13

  1. ለእግዚአብሄር እየኖርክ አይደለም

ሌላው ከተቀበልነው ጭንቀት ውስጥ የሚያስገነባን ሰይጣን የሚልከው ሃሳብ ለጌታ እየኖርክ አይደለም የሚል ነው፡፡ ለዚህ መልሱ እግዚአብሄር በክርስቶስ ወዶኛል፡፡ ምንም ሳልሆነ ፣ ምንም ሳላደርግለትና ምንም ሳይኖረኝ ጠላት ሳለሁ ወዶኛል፡፡ እግዚአብሄር በክርስቶስ ደስ ተሰኝቶብኛል፡፡ እግዚአብሄር የማይፈልገው ነገር ካለ ደግሞ ይነግረኛል፡፡ አንተ የምን ቤት ነህ፡፡ አጥፍቼ ከሆነ ከእርሱ ጋር እጨርሳለሁ ፡፡ ይህ የቤተሰብ ጉዳይ ነው፡፡ በቤተሰብ ጉዳይ ጣልቃ አትግባ ማለት ይጠበቅብናል፡፡

  1. ይህ እና ያ የለህም

ሌላው ሰይጣንን የሚልከውን ሃሳብ እህ ብለን ከሰማነው ሊያሳምነን የሚሞከረው የሚያስፈልግህ የለህም የሚል ነው፡፡ ይህ እና ይህ ላይኖረኝ ይችላል፡፡ የሚያስፈክልገኝ ግን አለኝ፡፡ ይህ እና ይህ አሁን ላይኖረኝ ይችላል በሚያስፈልገኝ ሰአት ግን ይኖረኛል፡፡ ይህ ሁሉ ሆኖ የሌላኝ ግን የማያስፈልገኝነው፡፡ እግዚአብሄር እረኛዬ ነው የሚያሳጣኝ የለም፡፡ የሌለኝ ነገር ካለ አያስፈልገኝም ማለት ነው፡፡

እግዚአብሔር እረኛዬ ነው፥ የሚያሳጣኝም የለም። መዝሙር 23፡1

  1. ይህ ጉድለት አለብህ

አዎ ይህ ጉድለት አለብኝ፡፡ ስለዚህ ነው የእግዚአብሄ ፀጋ የተዘጋጀው፡፡ የማልችለውን ሊያስችል ጉድለቴን ሊሞላ ድካሜን ሊያበረታ ክፍተቴን ሊሸፍን የሚያስችል የእግዚአብሄር ፀጋ ተሰጥቶኛል፡፡

ነገር ግን በሁሉ እንደ እግዚአብሔር አገልጋዮች ራሳችንን እናማጥናለን፤ አብረንም እየሠራን የእግዚአብሔርን ጸጋ በከንቱ እንዳትቀበሉ ደግሞ እንለምናለን፤ በብዙ መጽናት፥ በመከራ፥ በችግር፥ በጭንቀት፥ በመገረፍ፥ በወኅኒ፥ በሁከት፥ በድካም፥ እንቅልፍ በማጣት፥ በመጦም፥ በንጽህና፥ በእውቀት፥ በትዕግሥት፥ በቸርነት፥ በመንፈስ ቅዱስ፥ ግብዝነት በሌለው ፍቅር፥ በእውነት ቃል፥ 2ኛ ቆሮንቶስ 6፡4-6

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። 2ኛ ቆሮንቶስ 12፡9

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ጭንቀት #ማረፍ #ፀጋ #ቅንነት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

579707_10151486274873638_1709956794_n.jpg

ከዚህ በፊት ወገዛን የምንመልስበት የተሳሳቱትን መንገዶችን ለውግዘት የተሳሳቱ መልሶች በሚለው በአጭር ፅሁፌ አስረድቼ ነበር፡፡ አሁን ደደግሞ ከወገዛውስጥ እንዴት የተሻለን ነገር ማውጣት እንደምንችል እንመለከታለን፡፡

በመጀመሪያ ደረጃ የወገዛ አላማ ሰዎችን መመለስ ማቅናት መሆን አለበት፡፡

ወንድሞች ሆይ፥ ሰው በማናቸውም በደል ስንኳ ቢገኝ፥ መንፈሳውያን የሆናችሁ እናንተ እንደዚህ ያለውን ሰው በየውሃት መንፈስ አቅኑት፤ አንተ ደግሞ እንዳትፈተን ራስህን ጠብቅ። ገላትያ 6፡1

የወገዛ አላማ ሰዎችን መመለስ ማቅናት ይሁን አይሁን መነሻ ሃሳቡን መመርመር ወይም መፅሃፍ ቅዱሳዊ ቅደም ተከተሉን ይከተል አይከተል ራሱን ማየት የአውጋዡ ሃላፊነት ነው፡፡

ወንድምህም ቢበድልህ፥ ሄደህ አንተና እርሱ ብቻችሁን ሆናችሁ ውቀሰው። ቢሰማህ፥ ወንድምህን ገንዘብ አደረግኸው፤ ባይሰማህ ግን፥ በሁለት ወይም በሦስት ምስክር አፍ ነገር ሁሉ እንዲጸና፥ ዳግመኛ አንድ ወይም ሁለት ከአንተ ጋር ውሰድ፤ እነርሱንም ባይሰማ፥ ለቤተ ክርስቲያን ንገራት፤ ደግሞም ቤተ ክርስቲያንን ባይሰማት፥ እንደ አረመኔና እንደ ቀራጭ ይሁንልህ። ማቴዎስ 18፡15-18

የአውጋዡ አላማ ማቅናት ይሁንም አይሁን ወይም መፅሃፍ ቅዱሳዊ ቅደም ተከተሉን ይከተል አይከተል ተወጋዡ ሁልጊዜ ከወገዛው ውስጥ በጥበብ የሚያወጣቸው ጠቃሚ ነገሮች አሉ፡፡

ወገዛ ራሳችንን የምናይበት ትልቅ አጋጣሚ ነው፡፡

አንዳንድ ጊዜ በአገልግሎት ሩጫ ባተሌ ስለምንሆን የሚገባንን ያህል ራሳችንን ማየት ያቅተናል፡፡ ወገዛ ሲደርስብን ግን ሳንወድ በግዳችን ስለህይወታችን ስለትምህርታችንና ስለኑሮዋችን እንደገና በደንብ እንድናስብ ያስገድደናል፡፡ ህይወታችንን በቅንነት ካየን ወገዛ በህይወታችን ያለውን ትክክለኛ ትምህርትና ልምምድ አጠንክረን ለመቀጠል የምንወስንበት ትልቅ አጋጣሚ ነው፡፡ ትምህርታችንና አካሄዳችን ደግሞ እንደ እግዚአብሄር ቃል ያልሆነና ጥበብ የጎደለው ከሆነ እንዴት አድርገን እንደምናስተካክል የምንወስንበት መልካም አጋጣሚ ነው፡፡

እንደ ተገለጠልኝም ወጣሁ፤ ምናልባትም በከንቱ እንዳልሮጥ ወይም በከንቱ ሮጬ እንዳልሆን በአሕዛብ መካከል የምሰብከውን ወንጌል አስታወቅኋቸው፤ ዋኖች ግን መስለው ለሚታዩ ለብቻቸው አስታወቅኋቸው። ገላትያ 2፡2

ወገዛ ወደ እግዚአብሄር የምንቀርብት አጋጣሚ ነው፡፡

ሁልጊዜ ወደ እግዚአብሄር የምንቀርብ ቢሆንም ነገር ግን ማንም ተሳስቶ ህይወቱን ማባከን ስለማይፈልግ በወገዛ ወቅት ይበልጥ ወደ እግዚአብሄር መቅረብ ያስፈልገናል፡፡ ስለትምህርታችን ስለአካሄዳችን ወደ እግዚአብሄር መቅረብ እና ልባችንን መፈተሽ ምንም ጉዳት የለውም፡፡ ለእግዚአብሄር ለመኖር እስከወሰንን ድረስ በእግዚአብሄር ፊት በመቅረብና መንፈስ ቅዱስ ልባችንን እንዲፈትሽ በመፍቀድ  የምናጣው ምንም ነገር የለም፡፡

አቤቱ፥ ንጹሕ ልብን ፍጠርልኝ፥ የቀናውንም መንፈስ በውስጤ አድስ። መዝሙር 51፡10

መንፈስ ቅዱስ በሚያሳየን ነገር ብቻ ንስሃ ገብተን መመለስ ሲኖርብን መንፈስ ቅዱስ ባላሳየን ነገር ግን ራሳችንን ላለመኮነን መጠንቀቅ አለብን፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ 1ኛ ወደ ቆሮንቶስ ሰዎች 4፡3

ወገዛ ልንወድቅ እንድምንችል የሚያስታውስ አስታዋሽ ነው፡፡

የወደቁ ሰዎች የጋራ ባህሪያቸው ልወድቅ አልችልም ከመውደቅ አልፌያለሁ ብለው ማሰባቸው ነው፡፡ ሰው ልወድቅ እችላለሁ ብሎ ከተጠነቀቀ ላለመውደቅ ሃይል ይሆነዋል፡፡ ሰው ግን ልወድቅ አልችልም ካለ መጠንቀቁን ይተዋል ይወድቃል፡፡ ሰው ልወድቅ እችላለሁ ካለ በራሱ ጉልበት ላይ ሳይሆን በእግዚአብሄር ሃይል ላይ ይታመናል፡፡

ስለዚህ እንደ ቆመ የሚመስለው እንዳይወድቅ ይጠንቀቅ። 1ኛ ቆሮንቶስ 10፡12

ወገዛ ሰውን በማዋረድ የእግዚአብሄር ፀጋ እንዲበዛለት ያደርጋል

ሰው በትምህርቱ ከተሳሳተ እና በአካሄዱ ከሳተ መመለስ አለበት፡፡ ሰው ራሱን አዋርዶ ከተመለሰ የእግዚአብሄር ሃይል በእርሱ ላይ በሃይል ይሰራል፡፡ የእግዚአብሄር አላማ የሰዎች መመለስ ብቻ ነው፡፡ የሰዎች ውድቀት አግዚአብሄርን አያስደስተውም፡፡ ሰው የወደቀውን ሰው ላይረሳ ይችላል፡፡ እግዚአብሄር ግን ከተሳሳተበት አቅጣጫ በዞረ ጊዜ ስህተት እንዳልሰራ አድርጎ ተቀብሎታል፡፡ ሰው በሳተበት ነገር ራሱን ትሁት ካደረገና ከተመለሰ የእግዚአብሄር ፀጋ ይበዛለታል፡፡

ነገር ግን ጸጋን አብልጦ ይሰጣል፤ ስለዚህ፦ እግዚአብሔር ትዕቢተኞችን ይቃወማል፥ ለትሑታን ግን ጸጋን ይሰጣል ይላል። ያዕቆብ 4፡6

የተወገዘ ሰው ስለአውጋዦች እግዚአብሄርን ሊያመሰግን ይገባዋል፡፡

የተወገዘ ሰው ብወድቅ እንኳን የሚነግሩኝ ሰዎች አሉ ብሎ ስለአውጋዦች እግዚአብሄርን ሊያመሰግን ይገባዋል፡፡ የሚመረምር ሰውን ማግኘት ትልቅ እድል ነው፡፡ የሰው ፍርድ ሁሌ ትክክልም ባይሆን በትክክሉ ፍርድ ተጠቃሚ ለመሆን የሚመርመር ሰው በአካባቢ ማግኘት በረከት ነው፡፡ የሚተቹና የሚመረምሩ ሰዎች በአጠገቡ የሌለ ሰው መቼ እንደወደቀ አያውቅም፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አገልጋይ #ወገዛ #ስህተተ #ልብ #መሪ #ህሊና #ቀራጭ #ወገዛ #ትህትና #ፀጋ #ተቃውሞ #ቤተክርስትያን #አማርኛ #ስብከት #መዳን #መፅሃፍቅዱስ #መነሻሃሳብ #ነቢይ #አቢይ #አቢይዋቁማ #አቢይዋቁማዲንሳ

ስለሚበላና ስለሚለበስ የሚያምን ሰው ልዩ ምልክት

o-TRUST-facebook.jpgካለእምነት እግዚአብሄርን ደስ ማሰኘት አይቻልም፡፡ ካለእምነት ከእግዚአብሄር ጋር መኖር አይቻልም፡፡ ካለእምነት ከእግዚአብሄር ጋር መስራት አይቻልም፡፡ እግዚአብሄር እምነትን ከእኛ ይጠብቃል፡፡ እግዚአብሄር ቃሉን እንድናምን ይፈልጋል፡፡ ከደህንነት ቀጥሎ መሰረታዊው እምነት ደግሞ እግዚአብሄር እንደሚያስፈልገን ሁሉ እንደሚያውቅና እንደሚጨምር ማመን ነው፡፡

ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡32-33

ሰው ስለሚበላው ስለሚጠጣውና ስለሚለብሰው ካመነ በነፃነት ለእግዚአብሔር መኖር ይችላል፡፡ ሰው ስለመሰረታዊ ፍላጎቱ እግዚአብሄርን ካመነ በሁለንተናው እግዚአብሄርን ለማገልገል ይለቀቃል፡፡

እምነት የልብ ስለሆነ አንድ ሰው ማመኑና አለማመኑን ማወቅ ቀላል አይደለም፡፡ ነገር ግን ስለሚበላና ስለሚለበስ የሚያምን ሰውም ምልክቶች ከእግዚአብሄር ቃል መመልከት እንችላለን፡፡

  1. ስለመሰረታዊ ፍላጎቱ የሚያምን ሰው አይጨነቅም፡፡

ስለ መሰረታዊ ፍላጎቱ የሚያምን ሰው ጉልበቱን የእግዚአብሄርን ነገር በመፈለግ ላይ እንጂ በጭንቀት ላይ አያፈስም፡፡ የሚያምን ሰው የጭንቀትን ፍሬ ቢስነት ይረዳል፡፡ የሚያምን ሰው በእግዚአብሄርን ፅድቅና መንግስቱን በመፈለግ ላይ ሙሉ በሙሉ ከመጠመዱ የተነሳ ለጭንቀት የሚተርፍ ትርፍ ጊዜና ጉልበት የለውም፡፡ ስለፍላጎቱ በእግዚአብሄር የሚታመን ሰው ጭንቀት ጉልበቱን እንዲበላ አይደፈቅድለትም፡፡

ስለመሰረታዊ ፍላጎቱ ጌታን የማያምን ሰው የእግዚአብሄርን ስራ በሚሰራበት ጊዜና ጉልበቱ ሲጨነቅ ይውላል፡፡ የማያምን ሰው ጉልበቱን በትክክለኛው በእግዚአብሄር መንግስት ላይ ማፍሰስን አያውቅም፡፡ የማያምን ሰው  ምንም ነገር በትክክል መስራት ሳይችል በጭንቀት ብቻ ካለፍሬ ይቀራል፡፡ የማያምን ሰው የሚያስጨንቀው ነገር ጌታ እንዲሆንበት ይፈቅድለታል፡፡ ስለመሰረታዊ ግፍላጎቱ የማያምን ሰው ይጨነቃል በጭንቀትም ውድ ህይወቱን ያባክናል፡፡

ስለዚህ እላችኋለሁ፥ ስለ ነፍሳችሁ በምትበሉትና በምትጠጡት፥ ወይም ስለ ሰውነታችሁ በምትለብሱት አትጨነቁ፤ ነፍስ ከመብል ሰውነትም ከልብስ አይበልጥምን? ማቴዎስ 6፡25

  1. ስለመሰረታዊ ፍላጎቱ የሚያምን ሰው ይፀልያል፡፡

ስለመሰረታዊ ፍላጎቱ የሚያምን ሰው ከመጨነቅ ይልቅ ይፀልያል፡፡ እግዚአብሄርን የሚያምን ሰው ይፀልያል በእምነትም ያመሰግናል፡፡ አማኝ የሚያስጨንቀውን ይጥላል በእግዚአብሄር ላይ መልሶም አይወስደውም፡፡ የሚያምን ሰው በእግዚአብሄር ይተማመናል ያርፋል፡፡

የማያምን ሰው በመጨነቁ ትልቅ ስራ እንደሰራ ያስባል፡፡ የማያምን ሰው መፀለይ በሚገባው ጊዜ ሲጨነቅ ይውላል፡፡ የማያምን ሰው ጉልበቱንና ጊዜውን በጭንቀት ላይ ያሳልፋል፡፡ የማያምን ሰው ቢፀልይም  ጭንቀቱን መልሶ ይወስደዋል፡፡ የማያመን ሰው መጨነቁ የህይወት አንዱ ስራ ይመስለዋል፡፡ ስለመሰረታዊ ፍላጎቱ የማያምን ሰው ሸክሙን  በእግዚአብሄር ላይ እንዴት እንደሚጥለው አያውቅም፡፡ የማያምን ሰው በእግዚአብሄር እንዴት እንሚያርፍ አያውቅም፡፡

እናንተ ደካሞች ሸክማችሁ የከበደ ሁሉ፥ ወደ እኔ ኑ፥ እኔም አሳርፋችኋለሁ። ማቴዎስ 11፡28

  1. ስለመሰረታዊ ፍላጎቱ የሚያምን ሰው ልቡን ይሰማል፡፡

እግዚአብሄርን ስለመሰረታዊ ፍላጎቱ የሚያምን ሰው ሞትክ አለቀልህ ጠፋህ የሚለውን የውጭውንና የአእምሮውን ድምፅ ሳይሆን የልቡን ድምፅ በዝምታ ይሰማል፡፡

በአንድ አካልም የተጠራችሁለት ደግሞ የክርስቶስ ሰላም በልባችሁ ይግዛ፤ የምታመሰግኑም ሁኑ። ቆላስይስ 3፡15

ስለመሰረታዊ ፍላጎቱ በእግዚአብሄር የማይታመን ሰው በአእምሮ የሚመጣውን ሃሳብ ሁሉ ያስተናግዳል፡፡ ስለመሰረታዊ ፍላጎቱ በእግዚአብሄር የማይታመን ሰው ይታወካል ሰላም የለውም፡፡

ሰላምን እተውላችኋለሁ፥ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጥ አይደለም። ልባችሁ አይታወክ አይፍራም። ዮሃነስ 14፡27

  1. ስለመሰረታዊ ፍላጎቱ የሚያምን ሰው በእግዚአብሄር ይወራረዳል፡፡

ስለመሰረታዊ ፍላጎቱ የሚያምን ሰው ይህን ካላገኘሁ አይሆንም የሚለው ፍላጎት የለም፡፡ የሚያምነ ሰው በምንም ነገር ውስጥ እግዚአብሄር እንደሚያስችለው ያምናል፡፡ ስለመሰረታዊ ፍላጎቱ የሚያምን ሰው በከፍታም በዝቅታም በምንም ነገር ውስጥ በክርስቶስ እንደሚበረታ ያውቃል፡፡

መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ፊልጵስዩስ 4፡12-23

ስለፍላጎቱ የሚያምን ሰው ሰው በእግዚአብሄር ቃል ሁሉ እንጂ በእንጀራ ብቻ እንደማይኖር ያውቃል፡፡

እርሱም መልሶ፦ ሰው ከእግዚአብሔር አፍ በሚወጣ ቃል ሁሉ እንጂ በእንጀራ ብቻ አይኖርም ተብሎ ተጽፎአል አለው። ማቴዎስ 4፡4

ስለመሰረታዊ ፍላጎቱ በእግዚአብሄር የሚታመን ሰው የሌለኝ ነገር የማያስፈልገኝ ነው ብሎ በእግዚአብሄር እረኝነትና  አቅርቦት ሙሉ ለሙሉ ይታመናል፡፡

እኔ ሕይወት እንዲሆንላቸው እንዲበዛላቸውም መጣሁ። መልካም እረኛ እኔ ነኝ። መልካም እረኛ ነፍሱን ስለ በጎቹ ያኖራል። ዮሃንስ 10፡10-11

ስለፍላጎቱ የሚያምን ሰው እግዚአብሄር በሰጠው ነገር ብቻ መኖር እንደሚችል ያውቃል፡፡ ስለፍላጎቱ የሚያምን ሰው እግዚአብሄር የሰጠው ነገር ለአላማው በቂ እንደሆነ ያምናል፡፡ እግዚአብሄርን የሚያምን ሰው በእግዚአብሄር እቅርቦት ላይ ምንም ትችት የለውም፡፡

ስለፍላጎቱ በእግዚአብሄር የማየታመን ሰው ገንዘቡ ተቆጥሮ እሰካልገባ አያምንም፡፡ ስለፍላጎቱ የማያምን ሰው የሚያየውን ብቻ ያምናል፡፡

ወደ ዓለም ምንም እንኳ አላመጣንምና፥ አንዳችንም ልንወስድ አይቻለንም፤ ምግብና ልብስ ከኖረን ግን፥ እርሱ ይበቃናል። 1ኛ ጢሞቴዎስ 6፡7-8

  1. ስለመሰረታዊ ፍላጎቱ የሚያምን ሰው ከአለም ፉክክር ራሱ ያገላል፡፡

እግዚአብሄርን የሚታመን ሰው በአለም ካለ ክፉ የፉክክር መንፈስ በፈቃዱ ራሱን ያገላል፡፡ እግዚአብሄርን የሚታመን ሰው ከሌላው ጋር ተፎካክሮም ለእግዚአብሄር ኖሮም እንደማይችል ይረዳል፡፡ እግዚአብሄርን የሚያምን ሰው የፉክክርን ክፋትና አታላይነት ይረዳል፡፡

ስለፍላጎቱ ጌታን የማያምን ግን ሰው የደረሰበት ደረጃ ለመድረስ ይጥራል፡፡ ስለፍላጎቱ የማያምን ሰው በሰው ፊት ሙሉ መስሎ ለመታየትና ላለመበለጥ ይዳክራል፡፡ ስለፍላጎቱ የማያምን ሰው የሰውን ደረጃ ለማሟላት ህይወቱን ያባክናል፡፡ ስለፍላጎቱ በእግዚአብሄር የማይታመን ሰው ከጭንቀት አርፎ እግዚአብሄርን ማገልገል ያቅተዋል፡፡

በእሾህ መካከል የተዘራውም ይህ ቃሉን የሚሰማ ነው፥ የዚህም ዓለም አሳብና የባለጠግነት መታለል ቃሉን ያንቃል፥ የማያፈራም ይሆናል። ማቴዎስ 13፡22

  1. ስለመሰረታዊ ፍላጎቱ ጌታን የሚያመን ሰው የተረጋጋ ህይወት አለው፡፡

ስለመሰረታዊ ፍላጎቱ የሚያምን ሰው ከማረፍ ውጭ ሲቅበዘበዝ አይታይም፡፡ ስለመሰረታዊ ፍላጎቱ የሚያምን ሰው አይናወጥም፡፡ ጌታን የሚያምን ሰው ለጌታ ሙሉ ለሙሉ ለመኖር ነፃ ነው፡፡ በጌታ የሚታመን ሰው የረካ በመሆኑ ሌላውን ለማርካት ይሮጣል፡፡

የምትባረክ ነፍስ ትጠግባለች፥ የረካም እርሱ ደግሞ ይረካል። ምሳሌ 11፥25

ደስ ያላት ልብ መልካም መድኃኒት ናት፤ ያዘነች ነፍስ ግን አጥንትን ታደርቃለች። ምሳሌ 17፡22

ስለመሰረታዊ ፍላጎቱ በጌታ ሰላም ያለው ሰው ለሌላው ሰላምን ይሰጣል፡፡ ስለመሰረታዊ ፍለጎቱ የረካ ሰው ትኩረቱ አንድ ስለሆነ ሰላሙን ሊወስድ የሚችል ምንም ሃይል አይኖርም፡፡

ስለመሰረታዊ ፍላጎቱ ያልረካ ሰው ሁለት ነገሮችን በአንድ ላይ ለማድረግ ስለሚሞክር ሁለቱንም ማድረግ ያቅተዋል፡፡ ስለፍላጎቱ በጌታ ያልታመነ ሰው ሌሎችን ስለማገልገልና ሌሎችን ስለመጥቀም ሲሰማ ቁጣ ቁጣ ይለዋል፡፡ ስለፍላጎቱ የማያምን ሰው “ምስኪን እኔ” አስተሳብ “ለእኔስ ማን አለኝ?” የሚል ምስኪንነት አስተሳሰብ አለው፡፡

ስለዚህ ጌታ እግዚአብሔር እንዲህ ይላል፦ እነሆ፥ በጽዮን ድንጋይን ለመሠረት አስቀምጣለሁ፤ የተፈተነውን፥ የከበረውን፥ መሠረቱ የጸናውን የማዕዘን ድንጋይ የሚያምን አያፍርም። ኢሳያስ 28፡16

  1. ስለመሰረታዊ ፍላጎቱ የሚያመን ሰው ሰውን የበረከቱ ምንጭ አያደርግም፡፡

ስለመሰረታዊ ፍላጎቱ ጌታን የሚያምን ሰው አይጣላም አይጨቃጨቅም፡፡ ስለመሰረታዊ ፍላጎቱ ጌታን የሚያምን ሰው የእርሱን ነገር ከሰው ጋር አያያይዘውም፡፡

በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን?ያዕቆብ 4፡1

ስለመሰረታዊ ፍላጎቱ ጌታን የሚያምን ሰው ሰውን የበረከቱ ምንጭ አያደርግም፡፡

ስለመሰረታዊ ፍላጎቱ የማያመን ሰው ሰውን ለመጥቀም ሳይሆን በሰው ለመጠቀም ያስባል፡፡ ስለፍላጎቱ የማያንምን ሰው ከዚህ የምጠቀመው ምንድነው ብሎ ስለግል ጥቅሙ ሁሌ ያስባል፡፡ ስለመሰረታዊ ፍላጎቱ በጌታ የማይታመን ሰው የእግዚአብሄርን አቅርቦት ስለማያይ አገልግሎትን የጥቅም ማግኛ መንገድ ያደርገዋል፡፡ ስለመሰረታዊ ፍላጎቱ የማይታመን ሰው እግዚአብሄር ለሌሎች ጥቅም የሰጠውን የፀጋ ስጦታ በጥቅም ይቸረችረዋል፡፡ ስለፍላጎቱ የማይታመን ሰው እግዚአብሄር ለሌሎች ጥቅም የሰጠውን ነገር ሁሉ ወደግል ስሙ ያዞረዋል፡፡ ስለ መሰረታዊ ፍላጎቱ የማያምን ሰው በግል በማይጠቀምበት ምንም ነገር ውስጥ የመሳተፍ ሃሞቱ የለውም፡፡

ድውዮችን ፈውሱ፤ ሙታንን አስነሡ፤ ለምጻሞችን አንጹ፤ አጋንንትን አውጡ፤ በከንቱ ተቀበላችሁ፥ በከንቱ ስጡ። ማቴዎስ 10፡8

  1. ስለመሰረታዊ ፍላጎቱ ጌታን የሚታመን ሰው ነውረኛ ረብን ይጠላል፡፡

ስለፍላጎቱ በአግዚአብሄር የሚታመን ሰው ክቡርና ነውረኛን ጥቅምን ይለያል፡፡ በእግዚአብሄር የሚታመን ሰው በፊቱ የመጣውን ሁሉ አያግበሰብስም፡፡ ስለፍላጎቱ የሚታመን ሰው ኩሩ ነው፡፡ ስለፍላጎቱ ጌታን የሚያመን ሰው ለቀቅ ብሎ ይኖራል፡፡ በእግዚአብሄር የሚታመን ሰው ክብር ከእግዚአብሄር ብቻ እንደሚመጣ ይረዳል፡፡

ክብር ከምሥራቅ ወይም ከምዕራብ ወይም ከምድረ በዳ የለምና፤ እግዚአብሔር ፈራጅ ነውና ይህን ያዋርዳል ይህንም ያከብራል። መዝሙር 75፡6-7

ነውረኛ ረብ የማይወዱ፥ በንጹሕ ሕሊና የሃይማኖትን ምሥጢር የሚይዙ ሊሆኑ ይገባቸዋል። 1ኛ ጢሞቴዎስ 3፡9

ስለፍላጎቱ የማይታመን ሰው የጥቅም ደረጃ የለውም፡፡ ስለፍላጎቱ ጌታን የማይታመን ሰው የህይወት መርህ የለውም ወደተመቸው ይገለባበጣል፡፡ ስለፍላጎቱ የማይታመን ሰው ጥቅም ይሁን እንጂ የሚንቀውና እንቢ የሚለው ነገር የለም፡፡ በእግዚአብሄር የማይታመን ሰው እግዚአብሄር በክብር እንደሚባረክ አይረዳም፡፡

አምላኬም እንደ ባለ ጠግነቱ መጠን በክብር በክርስቶስ ኢየሱስ የሚያስፈልጋችሁን ሁሉ ይሞላባችኋል። ፊልጵስዩስ 4፡19

 

የክርስትናም የመጨረሻ ደረጃና የስኬት ጣራ ስለመሰረታዊ ፍላጎት ጌታን ታምኖ ጌታን መከተል ነው፡፡

 

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#መሰረታዊፍላጎት #ነፃነት #አትጨነቁ #ቅድሚያ #ምንእንበላለን #ምንእንጠጣለን #ምንእንለብሳለን #አስቀድማችሁ #ፅድቁን #የአለምሃሳብ #የባለጠግነትማታለል #ኢየሱስ #ክርስቶስ #ጌታ #ቤተክርስትያን #አማርኛ #ስብከት #እምነት #መፅሃፍቅዱስ #መንፈስቅዱስ #ምህረት #ፌስቡክ #አቢይዋቁማ #አቢይዋቁማዲንሳ

በእግዚአብሄር ላይ የመደገፍ ሰባቱ ምክኒያቶች

father son 2.jpgባለን በምንም ነገር ላይ ከመደገፍ በእግዚአብሄር መደገፍ ይሻላል፡፡ ያለን ምረጥ ነገር እንድንደገፍበት የሚያስችል አይደለም፡፡ ሰዎች የሚደገፉባቸው ነገሮች ሁሉ ሲያሳዝኑዋቸውና ሲክዷቸው ይታያል፡፡

  1. በእግዚአብሄር እንድንደገፍ ታቅደን ስለተሰራን ነው፡፡ ከዚያ ውጭ ሰላም ስለሌለ ነው፡፡

በአንተ ላይ ታምናለችና በአንተ ለምትደገፍ ነፍስ ፈጽመህ በሰላም ትጠብቃታለህ። ኢሳይያስ 26፡3

  1. ምንም ልንደገፍበት የምንችል ነገር ስለሌለ ነው፡፡

በባለጠግነቱ የሚተማመን ሰው ይወድቃል፤ ጻድቃን ግን እንደ ቅጠል ይለመልማሉ። ምሳሌ 11፡28

  1. በሰው ወይም በሌላ ነገር መታመን ስለሚያዋርድ ነው፡፡

ከእርሱ ጋር የሥጋ ክንድ ነው፤ ከእኛ ጋር ያለው ግን የሚረዳንና የሚዋጋልን አምላካችን እግዚአብሔር ነው ብሎ አጸናናቸው። ሕዝቡም በይሁዳ ንጉሥ በሕዝቅያስ ቃል ተጽናና። 2ኛ ዜና 32፡8

እግዚአብሔር እንዲህ ይላል፦ በሰው የሚታመን ሥጋ ለባሹንም ክንዱ የሚያደርግ ልቡም ከእግዚአብሔር የሚመለስ ሰው ርጉም ነው። በምድረ በዳ እንዳለ ቍጥቋጦ ይሆናል፥ መልካምም በመጣ ጊዜ አያይም፤ ሰውም በሌለበት፥ ጨው ባለበት ምድር በምድረ በዳ በደርቅ ስፍራ ይቀመጣል። ኤርምያስ 17፡5-6

  1. ካለእርሱ ምንም ልናደርግ ስለማንችል ነው፡፡

ያለ እኔ ምንም ልታደርጉ አትችሉምና ዮሃንስ 15፡5

  1. በእግዚአብሄር መደገፍ ከምንም ባለጠግነት በላይ ባለጠግነትና ብሩክነት ስለሆነ ነው፡፡

የሠራዊት አምላክ ሆይ፥ በአንተ የታመነ ሰው ምስጉን ነው። መዝሙር 84፡12

  1. በእግዚአብሄር የሚታመን ሰው መቼም ስለማይወድቅ ነው፡፡

የአለም ታሪክ ሁሉ የሚናገረው እግዚአብሄርን ታምኖ የተጣለ ሰው እንደሌለ ነው፡፡

ስምህን የሚያውቁ ሁሉ በአንተ ይታመናሉ፥ አቤቱ፥ የሚሹህን አትተዋቸውምና። መዝሙር 9፡10

እግዚአብሔርን በመተማመን የሚጠባበቁ ግን ኃይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፥ አይታክቱም፤ ይሄዳሉ፥ አይደክሙም። ኢሳይያስ 40፡31

  1. ውስንና በራሳችን ብዙ የማናውቃቸው ነገሮች ስላሉ ነው፡፡

በህይወት ጎዳና ከመጀመሪያ መጨረሻውን ሁሉ ስለማናውቀው በእግዚአብሄር ላይ ታምነን ብቻ ነው እርምጃ የምንወስደው፡፡

አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳይያስ 40፡28

በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ ምሳሌ 3፡5

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መደገፍ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

%d bloggers like this: