Category Archives: spirit

የጌታ መንፈስ አብሮን እንዲሆንና በሃይል እንዲሰራ የሚያደርጉ 5 ነገሮች

church leader.jpgየእግዚአብሄር መንፈስ መገኘት ለማንኛውም ጥያቄያችን መልስ ነው፡፡ የእግዚአብሄር መንፈስ ሲገኝ በህይወታችን ሙሉ ነፃነትን እንለማመዳለን፡፡ የእግዚአብሄር መንፈስ ሲገኝ በህይወታችን የማይቻል ነገር አይኖርም፡፡

ጌታ ግን መንፈስ ነው፤ የጌታም መንፈስ ባለበት በዚያ አርነት አለ። 2ኛ ወደ ቆሮንቶስ ሰዎች 3፡17

እኛ የምናደርጋቸው የእግዚአብሄርን መንፈስ የሚያሳዝኑት ነገሮች አሉ፡፡ እኛ የምናደርጋቸው የእግዚአብሄርን መንፈስ የሚያስደስቱት ነገሮች አሉ፡፡

ለቤዛም ቀን የታተማችሁበትን ቅዱሱን የእግዚአብሔርን መንፈስ አታሳዝኑ። ወደ ኤፌሶን ሰዎች 4፡30

የእግዚአብሄርን መንፈስ የሚስቡ ባህሪዎች አሉ፡፡ የእግዚአብሄርን መንፈስ የሚገፉ ባህሪዎችም አሉ፡፡

የልብ ንፅህና

የእግዚአብሄር መንፈስ በሃይል እንዲገኝና ከእኛ ጋር አብሮ እንዲሰራ ከሚያደርጉት ነገሮች አንዱ የልባችን ንፅህና ነው፡፡ እግዚአብሄር ቅዱስና ንፁህ ስለሆነ ንፁህ ነገር ይስበዋል፡፡

ልበ ንጹሖች ብፁዓን ናቸው፥ እግዚአብሔርን ያዩታልና። የማቴዎስ ወንጌል 5፡8

ትህትና

እግዚእብሄር ትእቢተኛን ይቃወማል ለትሁታንም ፀጋን ይሰጣል፡፡ 1ኛ የጴጥሮስ መልእክት 5፡5

እግዚአብሔር እንዲህ ይላል፦ ሰማይ ዙፋኔ ነው፥ ምድርም የእግሬ መረገጫ ናት፤ የምትሠሩልኝ ቤት ምን ዓይነት ነው? የማርፍበትስ ስፍራ ምንድር ነው? ትንቢተ ኢሳይያስ 66፡1-2

እነዚህን ሁሉ እጄ ሠርታለችና እነዚህ ሁሉ የእኔ ናቸው፥ ይላል እግዚአብሔር፤ ነገር ግን ወደዚህ ወደ ትሑት፥ መንፈሱም ወደ ተሰበረ፥ በቃሌም ወደሚንቀጠቀጥ ሰው እመለከታለሁ።

እግዚአብሄርን መፍራት

ወደ እግዚአብሔር ተራራ ማን ይወጣል? በቅድስናውስ ስፍራ ማን ይቆማል? እጆቹ የነጹ፥ ልቡም ንጹሕ የሆነ፥ ነፍሱን ለከንቱ ያላነሣ፥ ለባልንጀራውም በሽንገላ ያልማለ። እርሱ ከእግዚአብሔር ዘንድ በረከትን ከመድኃኒቱ አምላክም ምሕረትን ይቀበላል። መዝሙረ ዳዊት 24፡3-5

ሕይወትን ሊወድ መልካሞችንም ቀኖች ሊያይ የሚፈልግ ሰው፥ መላሱን ከክፉ ከንፈሮቹንም ተንኰልን ከመናገር ይከልክል፤ ከክፉ ፈቀቅ ይበል፥ መልካምንም ያድርግ፥ ሰላምን ይሻ ይከተለውም፤ የጌታ ዓይኖች ወደ ጻድቃን ናቸውና፥ ጆሮዎቹም ለጸሎታቸው ተከፍተዋል፥ የጌታ ፊት ግን ክፉ ነገርን በሚያደርጉ ላይ ነው። 1ኛ የጴጥሮስ መልእክት 3፡10-12

ምስጋና

በሆነው ባልሆነው የማያጉረመርም ሰው የእግዚአብሄርን መንፈስ አብሮይት ሊሀና ሊሰራ አይችልም፡፡ እግዚአብሄን በነገር ሁሉ የሚያመሰግን ሰው ግን የእግዚአብሄር መንፈስ አብሮት ይሰራል በሚያልፍበት ነገር ሁሉ ውስጥ አብሮት ይሆናል ያሳልፈዋል፡፡

አሁንም ያዕቆብ ሆይ፥ የፈጠረህ፥ እስራኤልም ሆይ፥ የሠራህ እግዚአብሔር እንዲህ ይላል፦ ተቤዥቼሃለሁና አትፍራ፤ በስምህም ጠርቼሃለሁ፥ አንተ የእኔ ነህ። በውኃ ውስጥ ባለፍህ ጊዜ ከአንተ ጋር እሆናለሁ፥ በወንዞችም ውስጥ ባለፍህ ጊዜ አያሰጥሙህም፤ በእሳትም ውስጥ በሄድህ ጊዜ አትቃጠልም፥ ነበልባሉም አይፈጅህም። ትንቢተ ኢሳይያስ 43፡2-3

ምስጋና የሚሠዋ ያከብረኛል፤ የእግዚአብሔርን ማዳን ለእርሱ የማሳይበት መንገድ ከዚያ አለ። መዝሙረ ዳዊት 50፡23

መፈለግ

ሙሴም እግዚአብሔርን፦ እነሆ አንተ፦ ይህን ሕዝብ አውጣ ትለኛለህ፤ ከእኔም ጋር የምትልከውን አላስታወቅኸኝም። አንተም፦ በስምህ አወቅሁህ፥ ደግሞም በእኔ ፊት ሞገስን አገኘህ አልኸኝ። አሁንም በፊትህ ሞገስን አግኝቼ እንደ ሆነ፥ አውቅህ ዘንድ በፊትህም ሞገስን አገኝ ዘንድ መንገድህን እባክህ አሳየኝ፤ ይህም ሕዝብ ሕዝብህ እንደ ሆነ ተመልከት አለው። እግዚአብሔርም፦ እኔ ከአንተ ጋር እሄዳለሁ፥ አሳርፍህማለሁ አለው። እርሱም፦ አንተ ከእኛ ጋር ካልወጣህስ፥ ከዚህ አታውጣን። ኦሪት ዘጸአት 33፡12-15

እናንተ ትሹኛላችሁ፥ በፍጹም ልባችሁም ከሻችሁኝ ታገኙኛላችሁ። ከእናንተም ዘንድ እገኛለሁ፥ ይላል እግዚአብሔር፥ ምርኮአችሁንም እመልሳለሁ፥ ትንቢተ ኤርምያስ 29፡13-14

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ልጅነት #መገኘት #ህልውና #ቃል #ህልዎት #የጌታመንፈስ #አብሮነት #ክብር #የእግዚአብሄርሃይል #መንፈስቅዱስ #ምስክርነት #አማርኛ #መዳን #መፅሃፍቅዱስ #ነፃነት #ሞገስ #እረፍት #እርካታ #አርነት #ንፅህና #ብርሃን #ጨው #ልጅነት #ፌስቡክ #አቢይ #አቢይዋቁማ #አቢይዋቁማዲንሳ

Advertisements

የጌታም መንፈስ ባለበት

church leader.jpg

ጌታ ግን መንፈስ ነው፤ የጌታም መንፈስ ባለበት በዚያ አርነት አለ። 2ኛ ወደ ቆሮንቶስ ሰዎች 3፡17

የጌታ መንፈስ ባለበት በዚያ መታወክ የለም፡፡ የጌታ መንፈስ ባለበት በዚያ ደስታ አለ፡፡ የጌታ መንፈስ ባለበት በዚያ ተስፋ አለ፡፡ የጌታ መንፈስ ባለበት በዚያ አቅጣጫን የሚያሳይ ብርሃን አለ፡፡

ሁልጊዜ እግዚአብሔርን በፊቴ አየዋለሁ፤ በቀኜ ነውና አልታወክም። ስለዚህ ልቤን ደስ አለው ምላሴም ሐሴት አደረገች፤ ሥጋዬም ደግሞ በተስፋ ታድራለች፤ የሕይወትን መንገድ አሳየኸኝ፤ ከፊትህ ጋር ደስታን አጠገብኸኝ፥ በቀኝህም የዘላለም ፍሥሐ አለ። መዝሙረ ዳዊት 16፡8 ፣ 9 ፣ 11

የጌታ መንፈስ ባለበት እርካታ አለ፡፡

እኔ ግን በጽድቅ ፊትህን አያለሁ፤ ክብርህን ሳይ እጠግባለሁ። መዝሙረ ዳዊት 17፡15

የጌታ መንፈስ ባለበት እረፍት አለ፡፡

ሙሴም እግዚአብሔርን፦ እነሆ አንተ፦ ይህን ሕዝብ አውጣ ትለኛለህ፤ ከእኔም ጋር የምትልከውን አላስታወቅኸኝም። አንተም፦ በስምህ አወቅሁህ፥ ደግሞም በእኔ ፊት ሞገስን አገኘህ አልኸኝ። አሁንም በፊትህ ሞገስን አግኝቼ እንደ ሆነ፥ አውቅህ ዘንድ በፊትህም ሞገስን አገኝ ዘንድ መንገድህን እባክህ አሳየኝ፤ ይህም ሕዝብ ሕዝብህ እንደ ሆነ ተመልከት አለው። እግዚአብሔርም፦ እኔ ከአንተ ጋር እሄዳለሁ፥ አሳርፍህማለሁ አለው። እርሱም፦ አንተ ከእኛ ጋር ካልወጣህስ፥ ከዚህ አታውጣን። ኦሪት ዘጸአት 33፡12-15

የእግዚአብሄር መንፈስ ባለበት ሁለንተናዊ ነፃነት አለ፡፡

ደግሞ እላችኋለሁ፥ ከእናንተ ሁለቱ በምድር በማናቸውም በሚለምኑት ነገር ሁሉ ቢስማሙ በሰማያት ካለው ከአባቴ ዘንድ ይደረግላቸዋል። ሁለት ወይም ሦስት በስሜ በሚሰበሰቡበት በዚያ በመካከላቸው እሆናለሁና። ማቴዎስ 18፡19-20

ጌታ ግን መንፈስ ነው፤ የጌታም መንፈስ ባለበት በዚያ አርነት አለ። 2ኛ ወደ ቆሮንቶስ ሰዎች 3፡17

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ልጅነት #መገኘት #ህልውና #ቃል #ህልዎት #የጌታመንፈስ #አብሮነት #ክብር #የእግዚአብሄርሃይል #መንፈስቅዱስ #ምስክርነት #አማርኛ #መዳን #መፅሃፍቅዱስ #ነፃነት #ሞገስ #እርፍት #እርካታ #አርነት #አምባሳደር #ብርሃን #ጨው #ልጅነት #ፌስቡክ #አቢይ #አቢይዋቁማ #አቢይዋቁማዲንሳ

ጽድቅና ሰላም በመንፈስ ቅዱስም የሆነ ደስታ

kingdome.jpgየእግዚአብሔር መንግሥት ጽድቅና ሰላም በመንፈስ ቅዱስም የሆነ ደስታ ናት እንጂ መብልና መጠጥ አይደለችምና። ሮሜ 14፡17

የእግዚአብሄር መንግስት የቁሳቁስ ጉዳይ አይደለም፡፡ የእግዚአብሄር መንግስት የሚበላና የሚጠጣ ጉዳይ አይደለም፡፡

የእግዚአብሄር መንግስት ከፍ ያለ መንግስት ነው፡፡ የእግዚአብሄር መንግስት የመንፈስ መንግስት ነው፡፡ የእግዚአብሄር መንግስት የእግዚአብሄርና የልጆቹ መንግስት ነው፡፡ የእግዚአብሄር መንግስት የነገስታት ቤተሰብ መንግስት ነው፡፡

ለእግዚአብሄር መንግስት በሚበላና በሚጠጣ መጋጨት አይመጥነውም፡፡

የእግዚአብሄር መንግስ አትቅመስ አትንካ በሚል የመጀመሪያ ደረጃ ትምህርት የሚተዳር መንግስት አይደለም፡፡ የእግዚአብሄር መንግስት ስርአት በስርአት የሆነበት መንግስት አይደለም፡፡ የእግዚአብሄር መንግስት በስርአት ብዛት ሰዎችን የሚቆጣጠሩበት መንግስት አይደለም፡፡

ከዓለማዊ ከመጀመሪያ ትምህርት ርቃችሁ ከክርስቶስ ጋር ከሞታችሁ፥ እንደ ሰው ሥርዓትና ትምህርት። አትያዝ፥ አትቅመስ፥ አትንካ ለሚሉት ትእዛዛት በዓለም እንደምትኖሩ ስለ ምን ትገዛላችሁ? እነዚህ ሁሉ በመደረግ ሊጠፉ ተወስነዋልና። ቆላስይስ 2፡20-21

የእግዚአብሄር መንግስት ልጆቹ በመንፈሱ የሚመሩበት መንግስት ነው፡፡ የእግዚአብሄር መንግስት ሰው ከውጭ በስርአትና በህግ ሰውን የሚቆጣጠርበት መንግስት ሳይሆን የእግዚአብሄር መንፈስ እያንዳንዱን ወደ እውነት ሁሉ የሚመራበት መንግስት ነው፡፡

እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡27

የእግዚአብሄር መንግስት ሰው በፍቅር በፈቃዱ ለእግዚአብሄር የሚገዛበት የፍቅር መንግስት ነው፡፡

የእግዚአብሄ መንግስት ፅድቅ ነው

የእግዚአብሄር መንግስት በእግዚአብሄር ፊት ትክክል መሆን መፈለግ ነው፡፡ የእግዚአብሄር መንግስት በእግዚአብሄር ፊት ትክክለኛ አቋም መያዝ ነው፡፡ የእግዚአብሄር መንግስት ለእግዚአብሄርና ለእግዚአብሄር ብቻ ለመኖር መፈለግ ነው፡፡ የእግዚአብሄ መንግስት ኢየሱስን ፈፅሞ መከተል ነው፡፡

የእግዚአብሄር መንግስት የሰላም መንግስት ነው

የእግዚአብሄር መንግስት የእረፍት መንግስት ነው፡፡ የእግዚአብሄር መንግስት በእግዚአብሄር ላይ የመደገፍ መንግስት ነው፡፡ የእግዚአብሄር መንግስት የፉክክርና የረብሻ መንግስት አይደለም፡፡ የእግዚአብሄር መንግስት ረጋ ብለን እግዚአብሄርን እየሰማን የምንኖርበበት መንግስት ነው፡፡ የእግዚአብሄ መንገስት በረብሻ ጊዜ እንኳን አእምሮን የሚያልፍ ሰላም የምንለማመድበት መንግስት ነው፡፡

የእግዚአብሄር መንግስት በመንፈስ ቅዱስ የሆነ የደስታ መንግስት ነው፡፡

የእግዚአብሄር መንግስት የቁሳቁስ ደስታ መንግስት አይደለም፡፡ የእግዚአብሄር መንግስት የእርስ በእርስ ፉክክር መንግስት አይደለም፡፡ የእግዚአብሄር መንግስት በገንዘብ የመመካት መንግስት አይደለም፡፡ የእግዚአብሄር መንግስት በኑሮ የመመካት መንግስት አይደለም፡፡

ዓለምን ወይም በዓለም ያሉትን አትውደዱ፤ በዓለም ያለው ሁሉ እርሱም የሥጋ ምኞትና የዓይን አምሮት ስለ ገንዘብም መመካት ከዓለም ስለ ሆነ እንጂ ከአባት ስላልሆነ፥ ማንም ዓለምን ቢወድ የአባት ፍቅር በእርሱ ውስጥ የለም። 1ኛ ዮሃንስ 2፡15-16

የእግዚአብሄር መንግስት በእግዚአብሄር ደስ የመሰኘት መንግስት ነው፡፡ የእግዚአብሄር መንግስት በእግዚአብሄር ብቻ የመመካት መንግስት ነው፡፡ የእግዚአብሄር መንግስት ሁልጊዜ በጌታ ደስ የምንሰኝበት የደስታ መንግስት ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፅድቅ #ሰላም #መንፈስቅዱስ #ደስታ #መብል #መጠጥ ##ቤተክርስትያን #አማርኛ #ስብከት #መዳን #መፅሃፍቅዱስ #ልብ #አለም #ሃጢያት #ድምፅ #ቅባት #ደስታ #አቢይ #አቢይዋቁማ #አቢይዋቁማዲንሳ #የህይወትፍሬ #መናገር #ቅባት #ትግስት #መሪ

የፀሎት መሰረት

prayer foundation.jpgበፀሎት ውስጥ እጅግ ታላቅ ሃይል አለ፡፡ ለእግዚአብሄር የኖሩና እግዚአብሄርን ያገለገሉ ሰዎች ሁሉ በፀሎታቸው ይታወቃሉ፡፡ የፀሎት ሰዎች የሃይል ሰዎች ናቸው፡፡ የፀሎት ሰዎች የእምነት ሰዎች ናቸው፡፡ የፀሎት ሰዎች ፍሬያማ ሰዎች ናቸው፡፡ ካለ ፀሎት የእግዚአብሄርን ፈቃድ በሚገባ መፈፀም የማይታሰብ ነገር ነው፡፡

ፀሎት ደግሞ በእግዚአብሄር ላይ በመደገፍ የምናደርግው ነገር ነው፡፡ ፀሎት የምናስበውን ሃሳብ ተናግረን የምንሄድበት ነገር አይደለም፡፡ ፀሎት ከእግዚአብሄር ጋር መነጋገር ነው፡፡ ፀሎት እግዚአብሄርን መስማት ለእግዚአብሄር መናገር ነው፡፡

የፀሎት ዋናው ክፍል እግዚአብሄርን መስማት ነው፡፡ የፀሎት መሰረቱ እግዚአብሄርን መስማት ነው፡፡ ፀሎት የሚጀመረው ለእግዚአብሄር ከመናገር አይደለም፡፡ ፀሎት የሚጀመረው እግዚአብሄርን ከመስማት ነው፡፡

ፀሎትይ ወደአእምሮዋችን የሚመጣውን ነገር ተናግሮ መነሳት አይደለም፡፡ ፀሎት የሚጀመረው በእግዚአብሄር ፊት ከመቆየት ነው፡፡ ጸሎት የሚጀመረው እግዚአብሄርን ከመጠበቅ ነው፡፡

ቆይቼ እግዚአብሔር ደጅ ጠናሁት፥ እርሱም ዘንበል አለልኝ ጩኽቴንም ሰማኝ። መዝሙር 40፡31

የፀሎት ዋናው ጉዳይ ለእግዚአብሄር ንግግር ቅድሚያ መስጠት ነው፡፡ የፀሎት ዋናው ክፍል ለማናገር ሳይሆን ለመስማት መቅረብ ነው፡፡

ወደ እግዚአብሔር ቤት በገባህ ጊዜ እግርህን ጠብቅ፤ ለመስማት መቅረብ ከሰነፎች መሥዋዕት ይበልጣልና፤ እነርሱም ክፉ እንዲያደርጉ አያውቁምና። እግዚአብሔር በሰማይ፥ አንተም በምድር ነህና በአፍህ አትፍጠን፥ በእግዚአብሔርም ፊት ቃልን ይናገር ዘንድ ልብህ አይቸኵል፤ ስለዚህም ቃልህ ጥቂት ትሁን። መክብብ 5፡1-2

በፀሎታችን ፍሬያማ የምንሆነው በእግዚአብሄር ላይ በተደገፍን መጠን ብቻ ነው፡፡

በፀሎት ለመናገር የሚያስቸኩለን ነገር የለም፡፡ የሚያስፈልጋችሁን እርሱ ያውቃል ብሎናል፡፡

አሕዛብም በመናገራቸው ብዛት እንዲሰሙ ይመስላቸዋልና ስትጸልዩ እንደ እነርሱ በከንቱ አትድገሙ። ስለዚህ አትምሰሉአቸው፤ ሳትለምኑት አባታችሁ የሚያስፈልጋችሁን ያውቃልና። ማቴዎስ 6፡7-8

ፀሎት በእረፍት መሆን አለበት፡፡ ፀሎት በፀጥታና በመታመን መሆን አለበት፡፡

የእስራኤል ቅዱስ፥ ጌታ እግዚአብሔር እንዲህ ይላልና፦ በመመለስና በማረፍ ትድናላችሁ፣ በፀጥታና በመታመን ኃይል ይሆንላችኋል፡፡ ኢሳያስ 30፡15

የፀሎት ዋናው ክፍል በእግዚአብሄር ፊት ማረፍ ነው፡፡ የፀሎት ዋናው ክፍል እግዚአብሄርን መስማት ነው፡፡ የፀሎት መሰረት እግዚአብሄርን መስማት ነው፡፡

ከእግዚአብሄር መንፈስ ውጭ በራሳችን እንዴት እንድንጸልይ እንደሚገባን አናውቅም፡፡ በፀሎታችን መንፈሱን መጠበቅና መስማት ያስፈልገናል፡፡

እንዲሁም ደግሞ መንፈስ ድካማችንን ያግዛል፤ እንዴት እንድንጸልይ እንደሚገባን አናውቅምና፥ ነገር ግን መንፈስ ራሱ በማይነገር መቃተት ይማልድልናል፤ ልብንም የሚመረምረው የመንፈስ አሳብ ምን እንደ ሆነ ያውቃል፥ እንደ እግዚአብሔር ፈቃድ ስለ ቅዱሳን ይማልዳልና። ሮሜ 8፡26-27

በፀሎታችን የእግዚአብሄርን መንፈስ ሰምተን የምንፀልየው ፀሎት መሬት አይወድቅም፡፡ የፀሎት ዋናው እና በጣም አስፈላጊው ክፍል የእግዚአብሄርን መንፈስ መጠበቅና መስማት ነው፡፡ መንፈሱን ሰምተን የምንፀልየው ነገር ሁሉ አንደ እግዚአብሄር ፈቃድ ስለሆነ ሁሉም ይመለሳል፡፡ መጠበቅ መታገስ የሚጠይቀው መንፈሱን መስማት እና መከተል እንጂ ለእግዚአብሄር መናገር አይደለም፡፡ አንድ ጊዜ የመንፈስን ሃሳብ ካወቅን የሚመለስ ፀሎትን መፀለይ ይቀላል፡፡

መንፈስም የእግዚአብሔርን ጥልቅ ነገር ስንኳ ሳይቀር ሁሉን ይመረምራልና ለእኛ እግዚአብሔር በመንፈሱ በኩል ገለጠው። በእርሱ ውስጥ ካለው ከሰው መንፈስ በቀር ለሰው ያለውን የሚያውቅ ሰው ማን ነው? እንዲሁም ደግሞ ከእግዚአብሔር መንፈስ በቀር ለእግዚአብሔር ያለውን ማንም አያውቅም። እኛ ግን ከእግዚአብሔር እንዲያው የተሰጠንን እናውቅ ዘንድ ከእግዚአብሔር የሆነውን መንፈስ እንጂ የዓለምን መንፈስ አልተቀበልንም። 1ኛ ቆሮንቶስ 2፡10-12

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የእግዚአብሄርፈቃድ #ፀሎት #ልመና #ምልጃ #ምስጋና #ውዳሴ #ይማልዳል #እንደፈቃዱ #መንፈስቅዱስ #እንዲሰማን #ቤተክርስትያን #አማርኛ #የእግዚአብሄርቃል #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መጠየቅ #መንበርከክ #ይቃትታል

ስንሞት ምን እንሆናለን ?

angeles carried lazarus.jpgሰው የተፈጠረው በእግዚአብሄር መልክና አምሳል ነው፡፡የሰው መኖሪያ ቤቱ እና ስጋው ከምድር አፈር ቢበጅም ሰው ግን አፈር አይደለም፡፡ ሰው በእግዚአብሄር አምሳል የተፈጠረ በስጋ ውስጥ የሚኖረው መንፈስ ነው፡፡

እግዚአብሔር አምላክም ሰውን ከምድር አፈር አበጀው፤ በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ። ዘፍጥረት 2፡7

እግዚአብሄር ሰውን ሲፈጥረው ስጋውን ከምድር አፈር አበጀው፡፡ የሰው ስጋ ከምድር አፈር ስለተበጀ የህይወት እስትንፋስ እፍ እስኪባልበት ጊዜ ድረስ ስጋው ሙት ነበር፡፡ እግዚአብሄር የህይወት እስትንፋስ እፍ ከማለቱ በፊት የሰው ስጋ ስሜት ያለው ፣ ፈቃድ ያለውና ሃሳብ ያለው አልነበረም፡፡ እግዚአብሄር በሰው ስጋ ላይ የህይወትን እስትንፋስ እፍ ከማለቱ በፊት የሰው ስጋ ግኡዝ አካል ነበር፡፡ እግዚአብሄር በሰው ስጋ ላይ የህይወትን እስትንፋስ እፍ ከማለቱ በፊት ሰው ህያው ነፍስ ያለው አልነበረም፡፡

እግዚአብሄር በፈጠረው የሰው አካል አፍንጫ ላይ የህይወትን እስትንፋስ እፍ ካለበት በኋላ ሰው ህያው ነፍስ ያለው ሆነ፡፡

ሰው ሲሞት አይጠፋም፡፡ ሰው ሲሞት አይበንም፡፡ ሰው  ሲሞት መንፈሱ ከስጋ ይለያል፡፡ የማንኛውም ሰው በስጋ መሞት ከስጋ መለየት ነው፡፡ የውስጠኛው ሰው መንፈስ ከስጋ ተለይቶ ወደ መንፈሳዊው አለም ይሄዳል፡፡ የውጭው ሰው ስጋው ከመንፈስ ተለይቶ ወደ መቃብር ይገባል፡፡

ድሀውም ሞተ፥ መላእክትም ወደ አብርሃም እቅፍ ወሰዱት፤ ሉቃስ 16፡22

ሰው  ወዲህና ወዲያ ለመሄድ ፈቃድ ያለው በምድር ላይ ብቻ ነው፡፡ ሰው በምድር ላይ ሲኖር ብቻ ነው የፈለገበት የሚሄደው ያልገፈልገበት የማይሄደው ፡፡ ሰው በስጋ ሲሞት መንፈሱ ከስጋው ሲለይ ግን በመላእክት ይወሰዳል እንጂ ራሱን የትም አይወስድም፡፡ ሰው በስጋ ሲሞት ራሱ ወደፈለገበት ቦታ አይሄድም፡፡

ሰው የተገኘው ከእግዚአብሄር ነው፡፡ ሰው ሲሞት መኖሪያ ስጋው ወደ ነበረበት ምድር ይመለሳል፡፡ ሰው ግን ወደ ሰጠው ወደ እግዚአብሄር ይመለሳል፡፡

አፈርም ወደ ነበረበት ምድር ሳይመለስ፥ ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ። መክብብ 12፡7

ሰው ሲሞት ከስጋ ስለሚለይ በስጋ ውስጥ እንደሚንቀሳቀሰው መንቀሳቀስ ስለማይችእል መላእክት ይወስዱታል፡፡

ለሰው አንድ ጊዜ መሞት ከዚያም ፍርድ ይጠብቀዋል፡፡ ሰው የኢየሱስን አዳኝነት የሚቀበለው በስጋ ውስጥ እያለ ነው፡፡ ሰው ከስጋ ከተለየ መላእከት ወደሚወስዱት ቦታ ይሄዳል እንጂ ጌታን ለመከተል ወይም ላለመከተል መወሰን አይችልም፡፡

ለሰዎችም አንድ ጊዜ መሞት ከእርሱ በኋላም ፍርድ እንደ ተመደበባቸው፥ እብራዊያን 9፡27

በምድር ላይ ጌታ ኢየሱስን አንደ አዳኙ የተቀበለ ሰው ሁሉ ወደዘላለም እረፍት ይሄዳል፡፡ እግዚአብሄር ለሰው ሃጢያት በመስቀል ላይ እንደዲሞት የሰጠውን ኢየሱስን በምድር ላይ ያልተቀበለ ሰው ለዘላም ከእግዚአብሄር ይለያያል፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #መንፈስ #ማንነት #መልክ #አምሳል #የእግዚአብሄርልጅ #ክብር  #ቤተክርስትያን #አማርኛ #ማየት #አፈር #ስጋ #ቤት #የእግዚአብሄርመንግስት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #የእግዚአብሄርቤተሰብ

ስንፈጠር ምን ነበርን?

god created.jpgስለ አንድ ነገር ትክክለኛውን ነገር ለመረዳት ካስቸገረ ስለዚያ ነገር ለመረዳት ወደ ቀድሞው ነገሩ መመለስ በጣም ወሳኝ ነው፡፡ ስለአንድ ነገር ክርክር ከተነሳ ቀድሞ ምን እንደነበረ ማወቅ ለክርክሩ መቋጫ ያደርግለታል፡፡

ደቀመዛሙርቱ በጊዜ ሂደት ውስጥ ስለተለወጠው የትዳር ህግ ኢየሱስን ሲጠይቁት የመለሰላቸው መልስ ይህ ነበር፡፡ አዎ የምትሉት እውነት ነው፡፡ ነገር ግን ከመጀመሪያ እንደዚህ አልበነረም፡፡

የእግዚአብሄርን የመጀመሪያውን ሃሳብ ለመረዳት ወደ መጀመሪያ ታሪኩ መመለስ በጣም አስፈላጊ ነው፡፡

እነርሱም፦ እንኪያስ ሙሴ የፍችዋን ጽሕፈት ሰጥተው እንዲፈቱአት ስለ ምን አዘዘ? አሉት። እርሱም፦ ሙሴስ ስለ ልባችሁ ጥንካሬ ሚስቶቻችሁን ትፈቱ ዘንድ ፈቀደላችሁ፤ ከጥንት ግን እንዲህ አልነበረም። ማቴዎስ 19፡7-8

በየጊዜው ስለሰው ማንነት የተለያ አወዛጋቢ ትንታኔዎች ሲሰጡ ቆይተዋል፡፡ አሁንም ሰው ከየት እንደመጣና ወደፊት ምን እንደሚሆን የተለያዩ መላምቶች ይሰጣሉ፡፡ ስለሰው ማንነት ለማወቅ በመጀመሪያ የነበረውን ታሪክ መመልከት እውነተኛውን እውቀት ይሰጠናል፡፡

ሰው እንዴት እንደተፈጠረ መመልከት ሰው ከየት እንደመጣ ማን እንደሆነ እውቀትን ያስጨብጠናል፡፡

እግዚአብሄር ሰውን በድንገት አልፈጠረውም፡፡ እግዚአብሄር በድንገት ሰው የሚባለ ፍጥረት አላገኘም፡፡ እግዚአብሄር ሰውን ከመፍጠሩ በፊት ምን አይነት ፍጥረት መፍጠር እንደሚፈልግ አስቦበት ነበር፡፡ እግዚአብሄር ፍጥረቱን ከመፍጠሩ በፊት ይህ ፍጥረት ምንን መስሎ እንደሚፈጠር ፣ በምን ሁኔታ እንደሚፈጠር ፣ ምን እንደሚያደርግለት ሁሉንም ነገር አስቀድሞ አቅዶና አስቦበት ነው ሰውን የፈጠረው፡፡

እግዚአብሔርም አለ፦ ሰውን በመልካችን እንደ ምሳሌአችን እንፍጠር፤ የባሕር ዓሦችንና የሰማይ ወፎችን፥ እንስሳትንና ምድርን ሁሉ፥ በምድር ላይ የሚንቀሳቀሱትንም ሁሉ ይግዙ። ዘፍጥረት 1፡26

ሰው ሲፈጠር እግዚአብሄር ያየውን ነገር እንዲሰራ ለዚያው ለተፈጠረበት አላማ ዲዛይን ተደርጎ ነው የተፈጠረው፡፡

እግዚአብሔርም ሰውን በመልኩ ፈጠረ፤ በእግዚአብሔር መልክ ፈጠረው፤ ወንድና ሴት አድርጎ ፈጠራቸው። ዘፍጥረት 1፡26-27

እግዚአብሄር ሰውን እንዴት እንደ ፈጠረው ከቃሉ በመረዳት ሰው ከየት እንደመጣና ወደየት እንደሚሄድ መረዳትን ማግኘት እንችላለን፡፡

እግዚአብሔር አምላክም ሰውን ከምድር አፈር አበጀው፤ በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ። ዘፍጥረት 1፡7

እግዚአብሄር ሰውን የፈጠረው በምድር ላየ እንበዲኖር በመሆኑ ለምድር የሚስማማ ቤትን ፈጠረለት፡፡ እግዚአብሄ ሰውን የላከው በምድር ላይ በመሆኑ ለምድር ኑሮ የሚስማማ መኖሪያን ከምድር አዘጋጀለት፡፡ እግዚአብሄር የሰውን መኖሪያ ቤት የሰውን ስጋ ከምድር አፈር አበጀው፡፡ እግዚአብሄር ከምድር አፈር ያበጀው የሰው በምድር ላይ መኖሪያ ቤት ነው፡፡

እግዚአብሄር ከምድር ያዘጋጀው የሰው መኖሪያ ቤት ሰው ዝንደሌለበት ቤት ባዶ ነበር፡፡ እግዚአብሄ ከምደር አፈር ያበጀው የሰው ስጋ በሰው እንዳልተለበሰ ልብስ ባዶ እና የሞተ ነበር፡፡

እግዚአብሄር የፈጠረው የሰው ስጋ ስሜት ያለው ፈቃድ ያለው ሃሳብ ያለው አልነበረም፡፡ እግዚአብሄር ያበጀው የሰው ስጋ ሙት ነበር፡፡ ሰው ስጋ ስላይደለ እግዚአብሄር ያበጀው የሰው ስጋ የምድር አካል የሆነ አፈር ብቻ ነበር፡፡ ስጋ በእግዚአብሄር መልክና አምሳል አልተፈጠረም፡፡ ስጋ በእግዚአብሄር መልክና አምሳሉ የተፈጠረ የሰው መኖሪያ እንጂ ሰው አይደለም፡፡

ከምድር አፈር የተበጀውን የሰው ስጋ እንዲሆን ያደረገው እግዚአብሄር በመልኩና በአምሳሉ የፈጠረው ሰው ነው፡፡

እግዚአብሔር አምላክም ሰውን ከምድር አፈር አበጀው፤ በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ። ዘፍጥረት 1፡7

እግዚአብሄር የህይወትን እስትንፋስ እፍ እስካለበት ጊዜ ድረስ ከምድር የተበጀው ቢያነሱት ተመልሶ የሚወድቅ ፣ ቢያቆሙት የማይቆም ፣ ስሜት የሌለው ፣ ሃሳብ የሌለውና ፈቃድ የሌለው ሬሳ ብቻ ነበር፡፡

የህይወት እስትንፋስ እፍ ካለበት በኋላ ብቻ ነበር ሰው ህያው ነፍስ ሆነ ተብሎ የተፃፈው፡፡

ሰው የተገኘው ከእግዚአብሄር ነው፡፡ ስጋው ወደነበረበት ምድር ይመለሳል፡፡ ሰው ግን ወደሰጠው ወደ እግዚአብሄር ይመለሳል፡፡ 7

አፈርም ወደ ነበረበት ምድር ሳይመለስ፥ ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ። መክብብ 12፡7

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #መንፈስ #ማንነት #መልክ #አምሳል #የእግዚአብሄርልጅ #ክብር  #ቤተክርስትያን #አማርኛ #ማየት #አፈር #ስጋ #ቤት #የእግዚአብሄርመንግስት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #የእግዚአብሄርቤተሰብ

የአፅናኙ መንፈስ ቅዱስ አምስት እጥፍ በረከቶች

holy spirit 5.jpgአብ በስሜ የሚልከው ግን መንፈስ ቅዱስ የሆነው አጽናኝ (አፅናኝ ፣ ተሟጋች ፣ የሚማልድ ፣ አማካሪ ፣ አብሮ የሚቆም ) እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል። ዮሐንስ  14:26

ኢየሱስ በምድር ላይ በነበረ ጊዜ ለደቀመዛሙርቱ እንደአባት ነበር፡፡ እንደአባት ይመራቸዋል ያስተምራቸዋል ይመክራቸዋል፡፡ ኢየሱስ በምድር በነበረ ጊዜ ስጋ ለብ ስለመጣ ውስን በመሆኑ ይህንን ሊያደርግ የቻለው ለደቀመዛሙርቱ ብቻ ነበር፡፡ ኢየሱስ ከምድር ላይ ሲወሰድ ደቀመዛሙርቱን አባት እንደሌላቸው ልጆች እንደማይተዋቸውና አጽናኙ መንፈስ ቅዱስ እንደሚመጣና እንደሚመራቸው ይነግራቸው ነበር፡፡ መንፈስ ቅዱስ ሲመጣ እና በአማኙ ውስጥ ሲኖር የሚያደርጋቸውን አምስት ነገሮችን እንመልከት፡፡

  1. አፅናኝ

ኢየሱስን ስንቀበል እና መንፈስ ቅዱስ በእኛ ውስጥ ሲኖር የሚያደርገው ነገር እኛን ማፅናናተ ነው፡፡ ማፅናናተ ማለት ደግሞ ህይወታቸንነ ማመቻቸት የተመቻቸ ሁኔታን መፍጠር የሚቆረቁረንን ነገር ማወገድ እንቅፋትን ከፊታችን ማስወገድ ማጽፅናናት ደስ ማሰኘትና በደስታ እና በስኬት ጌታን እንድንከተል ማስቻል የመንፈስ ቅዱስ ስራ ነው፡፡

ብትወዱኝ ትእዛዜን ጠብቁ። እኔም አብን እለምናለሁ ለዘላለምም ከእናንተ ጋር እንዲኖር ሌላ አጽናኝ ይሰጣችኋል፤ ዮሃንስ 14፡15-16

  1. ተሟጋች

መንፈስ ቅዱስ ጠበቃችን ነው፡፡ መንፈስ ቅዱስ በእኛ ወገን ሆኖ ነገሮችን እና ሁኔታዎችን እንዴት እንደምናልፍ ይቆምልናል፡፡ እኛ መናገር ባልቻልን ጊዜ መንፈስ ቅዱስ አፋችንን ተጠቀሞ ይናገርልናል፡፡ በህይወት ሁኔተ ውስጥጭ በተግዳሮት ውስጥ የእኛ ወገን ሆኖ ምን ማድረግ እንዳለብን እንደጠበቃ ያማክረናል ይመራናል፡፡

አሳልፈውም ሲሰጡአችሁ፥ የምትናገሩት በዚያች ሰዓት ይሰጣችኋልና እንዴት ወይስ ምን እንድትናገሩ አትጨነቁ፤ በእናንተ የሚናገር የአባታችሁ መንፈስ ነው እንጂ፥ የምትናገሩ እናንተ አይደላችሁምና። ማቴዎስ 10፡19-20

  1. የሚማልድ

መንፈስ ቅዱስ ምን መፀለይ እንዳለብን በማናውቅበት ጊዜ እንኳን ያለማወቅ ድካችንን ያግዛል፡፡ ፀሎታችን ከንቱ አንዳይሆን ይረዳል፡፡ ፀሎታችን የእግዚአብሄርን ልብ ያማከለ እንዲሆን ያደርጋል፡፡ ጸሎታችን ፍሬያማ እንዲሆን ያደርጋል፡፡

እንዲሁም ደግሞ መንፈስ ድካማችንን ያግዛል፤ እንዴት እንድንጸልይ እንደሚገባን አናውቅምና፥ ነገር ግን መንፈስ ራሱ በማይነገር መቃተት ይማልድልናል፤ ሮሜ 8፡26

  1. አማካሪ

ኢየሱስ በምድር ላይ በነበረ ጊዜ ድንቅ መካር ነበር፡፡ አሁን መንፈስ ቅዱስ በውስጣችን ድንቅ መካር ነው፡፡ መንፈስ ቅዱስ የሚመክረው ምክር መሬት ጠብ የማይል ምክር ነው፡፡

እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሃንስ 2፡27

  1. አብሮ የሚቆም

መንፈስ ቅዱስ ሁሌ አብሮን ነው፡፡ መንፈስ ቅዱስ የተሰጠን ለዘላለም ከእኛ ጋር አብሮ እንዲኖር ነው፡፡ መንፈስ ቅዱስ አልነበረም ብለምን የምናመካኝበት ጊዜ የለም፡፡ መንፈስ ቅዱስ በየጊዜው አይጎበኘንም፡፡ መንፈስ ቅዱስ በውስጣችን ይኖራል፡፡

ይናገርበት የነበረውንም ጥበብና መንፈስ ይቃወሙ ዘንድ አልቻሉም። ሐዋሪያት 6፡10

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #መንፈስቅዱስ #አፅናኝ #የሚማልድ #አማካሪ #ተሟጋች #ጠበቃ #እውነት #በውስጣችሁ #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ቅባት #ሰላም #ደስታ #አቢይ #አቢይዋቁማ #አቢይዋቁማዲንሳ #መውደድ #መናገር #ፅናት #ትግስት #መሪ

ወላጆች እንደ ሌላቸው ልጆች

Holy-Spirit.jpgብትወዱኝ ትእዛዜን ጠብቁ። እኔም አብን እለምናለሁ ለዘላለምም ከእናንተ ጋር እንዲኖር ሌላ አጽናኝ ይሰጣችኋል፤ እርሱም ዓለም የማያየውና የማያውቀው ስለ ሆነ ሊቀበለው የማይቻለው የእውነት መንፈስ ነው፤ ነገር ግን ከእናንተ ዘንድ ስለሚኖር በውሥጣችሁም ስለሚሆን እናንተ ታውቃላችሁ። ወላጆች እንደ ሌላቸው ልጆች አልተዋችሁም፤ ወደ እናንተ እመጣለሁ። ዮሃንስ 14፡15-18

ኢየሱስ በምድር ላይ በነበረ ጊዜ ደቀመዛሙርቱን ያስተምራቸውና ይመራቸው ነበር፡፡ ጥያቄ ሲኖርባቸው ጥያቄያውን በትክክል ይመልስላቸው ነበር፡፡ ኢየሱስ ደቀመዛሙርቱን እንደአባት ወደ እውነት ሁሉ ይመራቸው ነበር፡፡

ኢየሱስ የምድር አገልግሎቱን ጨርሶ በሚወሰድበት ጊዜ ግን ደቀመዛሙርቱ የኢየሱስን የአባትነት መሪነት ያጡታል፡፡ ኢየሱስ ወደሰማይ ሲወሰድ በግል እያንዳንዳቸውን አግኝቶ ሊመክራቸ ወደ እውነት ሁሉ ሊመራቸው አይችልም ነበር፡፡ ስለዚህ ነው ኢየሱስ ከምድር ከመሄዱ በፊት አባት እንደሌላቸው ልጆች ካለ ምሪትና ካለ ማፅናናት እንደማይተዋቸው በመንፈስ ቅዱስ አማካኝነት ተመልሶ እንደሚመጣ ለደቀመዛሙርቱ የሚነግራቸው፡፡

አሁን መንፈስ ቅዱስ በምድር ላይ አለ፡፡ አሁን መንፈስ ቅዱስ ኢየሱስን በሚከተሉ ሰዎች ውስጥ ያድራል፡፡ አሁን መንፈስ ቅዱስ ኢየሱስ በምድር ላይ በነበረ ጊዜ ለደቀመዛሙርቱ ያደርገው የነበረውን ማፅናትና ምሪት ሁሉ ይሰጣል፡፡

ኢየሱስ በምድር ላይ በነበረ ጊዜ ሊያፅናና ፣ ሊመክር ፣ ሊያስተምርና ወደ እውነት ሁሉ ሊመራ የሚችለው ጥቂት ሰዎችን ብቻ ነበር፡፡ ኢየሱስ በምደር ሲኖር በስጋ የተወሰነ ስለነበር የምድር ህዝብን ሁሉ በግል ሊያፅናናና ሊመራ አይችልም ነበር፡፡

አሁን መንፈስ ቅዱስ ግን በስጋ ስለማይኖርና በስጋ ስለማይወሰን ኢየሱስን የተቀበሉት ሰዎች ሁሉ ውስጥ ይኖራል፡፡ ኢየሱስን በሚከተሉት ሰዎች ሁሉ ውስጥ በመኖር ወደ እውነት ሁሉ ይመራቸዋል፡፡

እኔም አብን እለምናለሁ ለዘላለምም ከእናንተ ጋር እንዲኖር ሌላ አጽናኝ ይሰጣችኋል፤ እርሱም ዓለም የማያየውና የማያውቀው ስለ ሆነ ሊቀበለው የማይቻለው የእውነት መንፈስ ነው፤ ነገር ግን ከእናንተ ዘንድ ስለሚኖር በውሥጣችሁም ስለሚሆን እናንተ ታውቃላችሁ። ወላጆች እንደ ሌላቸው ልጆች አልተዋችሁም፤ ወደ እናንተ እመጣለሁ። ዮሃንስ 14፡15-18

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #መንፈስቅዱስ #አፅናኝ #እውነት #በውስጣችሁ #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ቅባት #ሰላም #ደስታ #አቢይ #አቢይዋቁማ #አቢይዋቁማዲንሳ #መውደድ #መናገር #ፅናት #ትግስት #መሪ

የአዲስ ኪዳን ነቢያት !

images (2).jpgበብሉይ ኪዳን የእግዚአብሔር መንፈስ የሚያርፈው በጥቂት ሰዎች ላይ ነበር፡፡ በብሉይ ኪዳን በእግዚአብሔር መንፈስ የሚቀቡት ነቢያት ፣ ነገስታትና በካህናት ብቻ ነበሩ፡፡ ሌላው የእግዚአብሔር ህዝብ ከእግዚአብሔር መጠየቅ ቢፈልግ ወደ እነዚህ ወደ ነቢያት ፣ ወደ ካህናትና ወደነገስታት ነበር የሚሔደው፡፡ ስለዚህ ነው የብሉይ ኪዳን ሰዎች ስለህይወት ጥያቄያቸው እግዚአብሔርን መጠየቅ ሲፈልጉ ነቢያትን የሚፈልጉት፡፡

. . . ለዘላለምም ከእናንተ ጋር እንዲኖር ሌላ አጽናኝ ይሰጣችኋል፤ እርሱም ዓለም የማያየውና የማያውቀው ስለ ሆነ ሊቀበለው የማይቻለው የእውነት መንፈስ ነው፤ ነገር ግን ከእናንተ ዘንድ ስለሚኖር በውሥጣችሁም ስለሚሆን እናንተ ታውቃላችሁ። ዮሃንስ 14፡15-17

ኢየሱስ በመስቀል ላይ የሃጢያት እዳችንን ከከፈከና ወደሰማይ ካረገ በኋላ መንፈስ ቅዱስ ወርዷል፡፡ ኢየሱስን እንደ አዳኝ እና ጌታ የተቀበሉት ሁሉ የእግዚአብሔርን መንፈስ ይቀበላሉ፡፡

ጴጥሮስም፦ ንስሐ ግቡ፥ ኃጢአታችሁም ይሰረይ ዘንድ እያንዳንዳችሁ በኢየሱስ ክርስቶስ ስም ተጠመቁ፤ የመንፈስ ቅዱስንም ስጦታ ትቀበላላችሁ። የተስፋው ቃል ለእናንተና ለልጆቻችሁ ጌታ አምላካችንም ወደ እርሱ ለሚጠራቸው በሩቅ ላሉ ሁሉ ነውና አላቸው። ሐዋርያት 2፡38-39

አሁን በአዲስ ኪዳን መንፈስ ቅዱስ ኢየሱስን በተቀበሉ ሰዎች ሁሉ ውስጥ ይኖራል፡፡ መንፈስ ቅዱስ ኢየሱስን በተቀበሉ ሰዎች ሁሉ ውስጥ ስለሚኖር በአዲስ ኪዳን ሰዎች እግዚአብሔርን መጠየቅ ሲፈልጉ ሲፀልዩና መንፈስ ቅዱስን ሲሰሙ እንጂ ወደ ነቢያት ሲሔዱና እግዚአብሔር ስለእኔ ምን አለህ ብለው ነቢያትን ሲጠይቁ አንመለከትም፡፡ አሁን የእግዚአብሔር መንፈስ በሁላችን ውስጥ ይኖራል፡፡

የእግዚአብሔር ቤተ መቅደስ እንደ ሆናችሁ የእግዚአብሔርም መንፈስ እንዲኖርባችሁ አታውቁምን? 1ኛ ቆሮንቶስ 3፡16

በአዲስ ኪዳን ሁላችንም ተቀብተናል፡፡ በአዲስ ኪዳን ጌታን በተቀበልን በሁላችን ውስጥ የእግዚአብሔር ቅባት ይኖራል፡፡

እናንተም ከቅዱሱ ቅባት ተቀብላችኋል፥ ሁሉንም ታውቃላችሁ። እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡20፣27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ቅባት #መንፈስቅዱስ #የእግዚአብሔርመንፈስ #መሪ #ቤተመቅደስ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሔርህይወት #አቢይ #አቢይዋቁማ #አቢይዋቁማዲንሳ

በመንፈስ የመመላለስ ሌላው ትርጉም

foot print.jpg

በመንፈስ መመላለስ እጅግ ርቆ ያለ ጥቂቶች ብቻ ሊደርሱበትና ሊገቡበት የሚችሉ ልምምድ አይደለም፡፡ በመንፈስ መመላለሰ ማንኛውም በጌታ ኢየሱስ አዳኝነት ያመነ ሰው ሁሉ ሊለማመደው የሚችል የእግዚአብሄርን ፈቃድ የምንፈፅምበት በዚያም እግዚአብሄርን ደስ የምናሰኝበት የእግዚአብሄር አሰራር ነው፡፡ በመንፈስ መመላለስ ተመሳሳይ ትርጉሞችን ማየት በመንፈስ መመላለስ ምን ማለት እንደሆነ ተጨማሪ መረዳትን ይሰጠናል፡፡

በመንፈስ መመላለስ በብርሃን መመላለስ ነው፡፡

ነገር ግን እርሱ በብርሃን እንዳለ በብርሃን ብንመላለስ ለእያንዳንዳችን ኅብረት አለን፥ የልጁም የኢየሱስ ክርስቶስ ደም ከኃጢአት ሁሉ ያነጻናል። 1ኛ ዮሐንስ 1፡7

በመንፈስ መመላለስ በእምነት መመላለስ ነው፡፡

ካለእምነት እግዚአብሄርን ደስ ማሰኘት አይቻለም፡፡ በእምነት እግዚአብሄርን ደስ መሰኘት ይቻላል፡፡ በመንፈስ መመላለስ ማለት የሚታየውን አለማየት የማይታየውን ማየት ነው፡፡ 2ኛ ቆሮንቶስ 4፡17-18

እንግዲህ ሁልጊዜ ታምነን፥ በእምነት እንጂ በማየት አንመላለስምና፡፡ 2ኛ ቆሮንቶስ 5፡6-7

በመንፈስ መመላለስ በፍቅር መመላለስ ነው፡፡

በፍቅር መመላለስ ማለት እግዚአብሄርንና ሰውን መውደድ ነው፡፡ ለሰው መልካም ማሰብ መልካም መናገርና መልካም ማድረግ ፍቅር ነው፡፡ በፍቅር የሚኖር ህጉን ሁሉ ፈፅሞታል፡፡ ገላትያ 5፡4

እንግዲህ እንደ ተወደዱ ልጆች እግዚአብሔርን የምትከተሉ ሁኑ፥ ክርስቶስም ደግሞ እንደ ወደዳችሁ ለእግዚአብሔርም የመዓዛ ሽታ የሚሆንን መባንና መሥዋዕትን አድርጎ ስለ እናንተ ራሱን አሳልፎ እንደ ሰጠ በፍቅር ተመላለሱ። ኤፌሶን 5፡1-2

እርስ በርሳችሁ ከመዋደድ በቀር ለማንም ዕዳ አይኑርባችሁ፥ ሌላውን የሚወድ ሕግን ፈጽሞታልና። ሮሜ 13፡8

በመንፈስ መመላለሰ በጥበበ መመላለስ ነው፡፡

ዘመኑን እየዋጃችሁ፥ በውጭ ባሉቱ ዘንድ በጥበብ ተመላለሱ። ቆላስይስ 4፡5

እንግዲህ እንደ ጥበበኞች እንጂ ጥበብ እንደሌላቸው ሳይሆን እንዴት እንድትመላለሱ በጥንቃቄ ተጠበቁ፤ኤፌሶን 5፡15

በመንፈስ መመላለሰ በቃሉ መመላለስ ነው፡፡

ቃሉ በሙላት ያለበት ቃሉን የሚያሰላስል ከቃሉ ውጭ የማያስብ ሰው በመንፈስ ይመላለሳል፡፡

በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሃንስ 15፡7

እንደ ሥጋ ፈቃድ የሚኖሩ የሥጋን ነገር ያስባሉና፥ እንደ መንፈስ ፈቃድ የሚኖሩ ግን የመንፈስን ነገር ያስባሉ። ሮሜ 8፡5

በመንፈስ መመላለስ በሰማያዊ ሃሳብ መመላለስ

እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ቆላስይስ 3፡1-2

በመንፈስ መመላለሰ በእውነት መመላለስ

ወንድሞች መጥተው አንተ በእውነት እንደምትሄድ ስለ እውነትህ ሲመሰክሩ እጅግ ደስ ብሎኛልና። ልጆቼ በእውነት እንዲሄዱ ከመስማት ይልቅ የሚበልጥ ደስታ የለኝም። 3ኛ ዮሐንስ 1፡4

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #በመንፈስመመላለሰ #ቃሉንማሰላሰል #መንፈስበእኛ #ህግንመፈፀም #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሔርህይወት #አቢይ #አቢይዋቁማ #አቢይዋቁማዲንሳ #ፍቅር #እውነት #እምነት #ብርሃን #ሰማይ

በመንፈስ ስለመመላለስ ማወቅ ያለብን 5 ወሳኝ ነገሮች

nature-landscapes_other_walk-in-the-clouds_11179-1576x1177.jpgነገር ግን እላለሁ፥ በመንፈስ ተመላለሱ፥ የሥጋንም ምኞት ከቶ አትፈጽሙ። ገላትያ 5፡16

ክርስትያኖች በመንፈስ እንድንመላለስ ታዘናል፡፡ በክርስትያ ስኬታማ የምንሆነው በመንፈስ ስንመላለስ ብቻ ነው፡፡ የእግዚአብሔርን ፈቃድ ለመፈፀም በመንፈስ መመላለስ ሌላ አማራጭ የሌለው ነገር ነው፡፡

  1. በመንፈስ መመላለስ የአትያዝ፥ አትቅመስ፥ አትንካ ጉዳይ አይደለም፡፡

በመንፈስ መመላለስ ማለት አትያዝ፥ አትቅመስ፥ አትንካ በሚሉ ህጎች መኖር ማለት አይደለም፡፡ እነዙህ ንጎች ሰውን የእግዚአብሔርን ፈቃድ እንዲፈፅም የሚጠቅሙ ቢሆኑ በብሉይ ኪዳን የእግዚአብሔር ህዝብ እግዚአብሔርን ባስደሰተው ነበር፡፡ አትያዝ፥ አትቅመስ፥ አትንካ የሚሉ ህጎች የእግዚአብሔርን አላማ እንድንፈፅም የሚረዱ ቢሆኑ ኖሮ ኢየሱስ ለሃጢያታችን መሞትና መንፈስ ቅዱስ መሰጠቱ አለዓስፈለገም ነበር፡፡ አትያዝ፥ አትቅመስ፥ አትንካ በሚሉት ህንጎች የእግዚአብሔርን መንገድ መጠበቅ የምንችል ቢሆን ኖሮ መንፈስ ቅዱስ በእኛ ውስጥ መኖርና መምራት አያስፈልገውም ነበር፡፡

እንደ ሰው ሥርዓትና ትምህርት። አትያዝ፥ አትቅመስ፥ አትንካ ለሚሉት ትእዛዛት በዓለም እንደምትኖሩ ስለ ምን ትገዛላችሁ? እነዚህ ሁሉ በመደረግ ሊጠፉ ተወስነዋልና። ቆላስያስ 2፡22

  1. በመንፈስ መመላለስ በሆነ ደመና ውስጥ መመላለስ ማለት አይደለም፡፡

በመንፈስ መመላለስ ማለት የሆነ ልዩና የማይደረስበት መንፈሳዊ ልምምድ ውስጥ መግባት ማለት አይደለም፡፡ በመንፈስ መመላለስ ማንም ክርስትያን ሊያደርገው የሚችለው ነገር ነው፡፡ በመንፈስ መመላለስ እያንደሳንዱ ክርስትያን እንዲያደርገው የታዘዘውም ነገር ነው፡፡ በመንፈስ መመላለስ ባንታዘዘው ሃጢያት የሚሆንብን የእግዚአብሔር ሊፈፀም የሚችል ትእዛዝ ነው፡፡ በመንፈስ መመላለስ ጥቂት የተመረጡ ሰዎች እንደ እድል የሚገቡበት ልምምድ ሳይሆን ጌታ ኢየሱስን እንደ አዳኝና ጌታ የተቀበልን ሁላችን በየእለቱና በየደቂቃው የምንኖረው የህይወት ዘይቤ ነው፡፡

ነገር ግን እላለሁ፥ በመንፈስ ተመላለሱ፥ የሥጋንም ምኞት ከቶ አትፈጽሙ። ገላትያ 5፡16

  1. በመንፈስ መመላለስ የእግዚአብሔር መንፈስ በእኛ ውስጥ መኖሩ ማለት ነው፡፡

የእግዚአብሔ ህይወት በእኛ ውስጥ ይኖራል፡፡ ይህ የእግዚአብሔር ህይወት ይመራናል፡፡ ይህ የእግዚአብሔር ህይወት ሃይልን ይሰጠናል፡፡ ይህ የእግዚአብሔር ህይወት በውስጣችን መኖሩ በመንፈስ እንድንኖር ያደርገናል፡፡

እናንተ ግን የእግዚአብሔር መንፈስ በእናንተ ዘንድ ቢኖር፥ በመንፈስ እንጂ በሥጋ አይደላችሁም። የክርስቶስ መንፈስ የሌለው ከሆነ ግን ይኸው የእርሱ ወገን አይደለም። ሮሜ 8፡9

  1. በመንፈስ መመላለስ በእግዚአብሔር ቃል ሃሳብ መኖር ማለት ነው፡፡
    በመንፈስ መመላለስ ማለት የእግዚአብሔርን ቃል ማሰብ ማለት ነው፡፡ በመንፈስ መመላለስ ማለት እንደቃሉ መመላለስ ማለት ነው፡፡ በመንፈስ መመላለስ ማለት ከቃሉ ውጭ የሆነን ነገር አለማሰብ ማለት ነው፡፡ በመንፈስ መመላለስ ማለት እንደቃሉ ማሰብ መናገር እና ማድረግ ማለት ነው፡፡

እንደ ሥጋ ፈቃድ የሚኖሩ የሥጋን ነገር ያስባሉና፥ እንደ መንፈስ ፈቃድ የሚኖሩ ግን የመንፈስን ነገር ያስባሉ። ስለ ሥጋ ማሰብ ሞት ነውና፥ ስለ መንፈስ ማሰብ ግን ሕይወትና ሰላም ነው። ስለ ሥጋ ማሰብ በእግዚአብሔር ዘንድ ጥል ነውና፤ ለእግዚአብሔር ሕግ አይገዛምና፥ መገዛትም ተስኖታል፤ ሮሜ 8፡5-7

  1. በመንፈስ መመላለስ የእግዚአብሔርን ህግ ሁሉ መፈፀም ነው፡፡

በመንፈስ የሚመላለስ ሰው እያንዳንዱን የብሉይ ኪዳን ህጎች መጠበቅ ሳያስፈልገው በመንፈስ በመመላለስ ብቻ በራሱ ሁሉንም የእግዚአብሔርን ህግ ይፈፅመዋል፡፡ መንፈስ ወደ እግዚአብሔር ፈቃድ ስለሚመራ በመንፈስ የሚመላለስ ሰው በዝርዝር ሳያውቀው የእግዚአብሔርን ህግ ይፈፅመዋል፡፡ በመንፈስ የሚመላለስ ሰው በህጉን ሁሉ ፀሃፊ ስለሚመላለስ የሚስተው አንድም የእግዚአብሔር ህግ የለም፡፡ በመንፈስ የሚመላለሰ ሰው የቱን ህግ እየፈፀምኩ ነው ብሎ በአእምሮው ሳይመራመር  የእግዚአብሔርን ፈቃድ ሲፈፅም ራሱን ያገኘዋል፡፡

እንደ ሥጋ ፈቃድ ብትኖሩ ትሞቱ ዘንድ አላችሁና፤ በመንፈስ ግን የሰውነትን ሥራ ብትገድሉ በሕይወት ትኖራላችሁ። ሮሜ 8፡13

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #በመንፈስመመላለሰ #ቃሉንማሰላሰል #መንፈስበእኛ #ህግንመፈፀም #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሔርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #መሪ

የመንፈስ ፍሬዎች

fruit2.jpgእግዚአብሄር ሰውን የፈጠረው በመልኩና በአምሳሉ ነው፡፡ ውስጠኛው ሰው የተፈጠረው እግዚአብሄርን መስሎ ነው ፡፡

እግዚአብሄር ላይ ባመፀ ጊዜ ሰው መንፈስ ከእግዚአብሄር ተለየ፡፡ ከእግዚአብሄር ጋር የነበረው የአባትና የልጅ ግንኙነት ተቋረጠ፡፡ ሰው እግዚአብሄርን የሚመስልበት መልኩ ጠፋ፡፡ ሰው የእግዚአብሄር ህይወት ፍሬ የነበረውን ፅድቅ ሰላም ደስታ ፍቅር በጎነት የመሳሰሉትን ባህሪ አጣ፡፡

ሰው እግዚአብሄርን ባለመታዘዝ በሰይጣን ግዛት ውስጥ ከወደቀ በኋላ እነዚህን የመንፈስ ፍሬዎች ሁሉ አጣ፡፡ ከእውነተኛው የህይወት ምንጭ ጋር ስለተለያየ እነዚህን የመንፈስ ፍሬዎች ማፍራት ተሳነው፡፡ ከመልካምነት ግንድ ላይ ተቆርጦና ተለያይቶ መልካም ፍሬ የሚያፈራ ቅርንጫፍ የለም፡፡

ወንድሞቼ ሆይ፥ በለስ ወይራን ወይስ ወይን በለስን ልታፈራ ትችላለችን? ከጨው ውኃም ጣፋጭ ውኃ አይወጣም። ያዕቆብ 3፡12

ክርስትና እውነተኛ ህይወት ነው፡፡ ካለ እግዚአብሄር እውነተኛን ፍሬ ማፍራት መሞከር ልፋት ነው፡፡

በእኔ ኑሩ እኔም በእናንተ። ቅርንጫፍ በወይኑ ግንድ ባይኖር ከራሱ ፍሬ ሊያፈራ እንዳይቻለው፥ እንዲሁ እናንተ ደግሞ በእኔ ባትኖሩ አትችሉም። እኔ የወይን ግንድ ነኝ እናንተም ቅርንጫፎች ናችሁ። ያለ እኔ ምንም ልታደርጉ አትችሉምና፡፡ ዮሐንስ 15፡4-5

ሰው የተጠራው እግዚአብሄርን ለመምሰል ነው፡፡ ሰው በኢየሱስ አዳኝነት ሲያምን ዳግመኛ ይወለዳል፡፡ ሰው እግዚአብሄር ያዘጋጀውን የመዳኛ መንገድ ሲቀበል መንፈሱ ህይወት ይዘራል፡፡ ህይወት ያለው ነገር ደግሞ አድጎ ፍሬ ማፍራቱ አይቀርም፡፡

አሁንም እግዚአብሄርን መምሰል የምንችለው በባህሪያችን ፍሬ ነው፡፡ ከእውነተኛ ህይወት ጋር መገናኘታችን የሚታወቀው የመንፈስ ፍሬ በህይወታችን ሲታይ ነው፡፡

በክርስቶስ የእግዚአብሄርን ቃል ስንታዘዝ ፍሬን ማፍራት እንጀምራለን፡፡ ለእግዚአብሄር ቃል አብዝተን በታዘዝን ቁጥር የመንፈስን ፍሬ በህይወታችን ይበዛል፡፡

ያለ እኔ ምንም ልታደርጉ አትችሉምና በእኔ የሚኖር እኔም በእርሱ፥ እርሱ ብዙ ፍሬ ያፈራል። ዮሐንስ 15፡5

የእግዚአብሄር ህይወት እንዳለንና ህይወታችን እያደገ እንደሆነ የሚታየው የእግዚአብሄር ባህሪ የሆኑትን የመንፈስ ፍሬዎች ስናፈራና ፍሬዎቻችንም ሲበዙ ነው፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። ገላትያ 5፡22

ክርስትና እውነተኛ ህይወት ነው፡፡ የመንፈስን ፍሬ አብዝተን ባፈራን መጠን ሰዎች ይህንን እውነተኛ ፍሬ ለመጠቀም ወደ እኛ ይሳባሉ፡፡ የመንፈስ ፍሬ በህይወታችን በታየ መጠን ሰዎች እኛን መሆን ይፈልጋሉ እንዲሁም እኛ የምንከተለውን ጌታ ኢየሱስን መከተል ይፈልጋሉ፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #መሪ

መንፈስ ሥጋና አጥንት የለውም

spirit soul and body1.jpgደቀመዛሙርቱ በስጋ ውስጥ የማይኖር  መንፈስ ብቻ ያዩ ስለመሰላቸው ኢየሱስ ስጋ እንዳለውና በስጋ ውስጥ እንደሚኖር አሳያቸው፡፡ ሰው ነፍስ የሌለው በስጋ ውስጥ የማይኖር መንፈስ ብቻ አይደለም፡፡

እኔ ራሴ እንደ ሆንሁ እጆቼንና እግሮቼን እዩ፤ በእኔ እንደምታዩት፥ መንፈስ ሥጋና አጥንት የለውምና እኔን ዳስሳችሁ እዩ አላቸው። ይህንም ብሎ እጆቹንና እግሮቹን አሳያቸው። ሉቃስ 24፡39-40

ሰው በእግዚአብሄር መልክና አምሳል የተፈጠረ ፍጥረት ነው፡፡ ሰው እግዚአብሄርን የሚመስለው በነፍሱና በስጋው አይደለም፡፡ እግዚአብሄርን የሚመስለው መንፈሱ ነው፡፡

እግዚአብሔርም አለ፦ ሰውን በመልካችን እንደ ምሳሌአችን እንፍጠር፤ . . . እግዚአብሔርም ሰውን በመልኩ ፈጠረ፤ ዘፍጥረት 1፡26-27

እግዚአብሄር ነፍስ አይደለም፡፡ እግዚአብሄር ስጋ አይደለም፡፡ እግዚአብሄር መንፈስ ነው፡፡

እግዚአብሔር መንፈስ ነው፥ የሚሰግዱለትም በመንፈስና በእውነት ሊሰግዱለት ያስፈልጋቸዋል። ዮሃንስ 4፡24

እግዚአብሄር ሰውን በመልኩና በአምሳለ ከፈጠረውና እግዚአብሄር ደግሞ መንፈስ ከሆነ ሰው ነፍስ ወይም ስጋ ሊሆን አይችልም፡፡

ሰው ነፍስ ማለትም ስሜት ፣ ሃሳብ እና ፈቃድ ያለውና በስጋ ውስጥ የሚኖር ፍጥረት ነው፡፡

ሰው ሲፈጠር እግዚአብሄር የሰውን ስጋ ከምድር አፈር አበጀው፡፡ እግዚአብሄር የሰወን መኖሪያ ስጋውን ከሰራው በሁዋላ ሰውን በመኖሪያው ስጋ ውስጥ ፈጠረው፡፡ እግዚአብሄር የህይወትን እስትንፋስ እፍ አለበት፡፡ እግዚአብሄር በስጋ ውስጥ ስለማይኖር ኦክስጅን አይተንፍስም፡፡ የእግዚአብሄር የህይወት እስትንፋሱ መንፈስ ነው፡፡

እግዚአብሔር አምላክም ሰውን ከምድር አፈር አበጀው፤ በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ። ዘፍጥረት 2፡7

ሰውም ሲሞት የሞተው መንፈሱ ነው፡፡ ሰው በሃጢያት ምክኒያት ሲሞት  ስጋውና ነፍሱ ወዲያው አልሞተም፡፡ ሰው አትብላ የተባለውን በበላ ቀን የሞተው መንፈሱ ነው፡፡

ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። ዘፍጥረት 2፡17

ስለስጋውና ስለነፍሱ የሚናገረው መዝሙረኛው ዳዊት ስጋ ወይም ነፍስ እንዳይደለ እንረዳለን፡፡

ጠላቶቼ ሁልጊዜ፦ አምላክህ ወዴት ነው? ባሉኝ ጊዜ አጥንቶቼን እየቀለጣጠሙ ሰደቡኝ። ነፍሴ ሆይ፥ ለምን ታዝኛለሽ? ለምንስ ታውኪኛለሽ? የፊቴን መድኃኒት አምላኬን አመሰግነው ዘንድ በእግዚአብሔር ታመኚ። መዝሙር 42፡10-11

ኢየሱስ ሰው ዳግመኛ ካልተወለደ የሚለው ነፍሱን ወይም ደግሞ ስጋውን አይደለም፡፡

ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። ዮሃንስ 3፡3

ከመንፈስም የሚወለደው ነፍሱ ወይም ስጋው አይደለም፡፡ ከመንፈስ የሚወለደው መንፈሱ ነው፡፡

ኢየሱስም መለሰ፥ እንዲህ ሲል፦ እውነት እውነት እልሃለሁ፥ ሰው ከውኃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም። ከሥጋ የተወለደ ሥጋ ነው፥ ከመንፈስም የተወለደ መንፈስ ነው። ዮሐንስ 3፡5-6

በስጋ ስኖር ከስጋ ስለይ እያለ የሚናገረው ሐዋሪያው ጳውሎስ ነፍስ ወይም ስጋ አይደለም፡፡

በእነዚህም በሁለቱ እጨነቃለሁ፤ ልሄድ ከክርስቶስም ጋር ልኖር እናፍቃለሁ፥ ከሁሉ ይልቅ እጅግ የሚሻል ነውና፤ ነገር ግን በሥጋ መኖሬ ስለ እናንተ እጅግ የሚያስፈልግ ነው። ፊልጵስዩስ 1፡23-24

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #መንፈስ #ነፍስ  #መልክ #አምሳል #የእግዚአብሄርልጅ #ስጋ #ቤተክርስትያን #አማርኛ #ማየት #የእግዚአብሄርመንግስት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #የእግዚአብሄርቤተሰብ #ማእረግ #ስልጣን #ዳግመኛመወለድ

ታላቅ ሚስጥር

christ in me.jpgክርስትና ከባዶ ከሃይማኖቶች አንዱ አይደለም፡፡ ክርስትና የእግዚአብሄርና የሰው እውነተኛ ግንኙነት ነው፡፡ ይህ የእግዚአብሄርና የሰው ግንኙነት ሃሳባዊ ግንኙነት ሳይሆን የተግባርና የእለት ተእለት ግንኙነት ነው፡፡

ክርስትናን ከሌሎች ሃይማኖቶች ልዩ የሚያደርገው ክርስቶስ በተከታዮች ውስጥ መኖሩ ነው፡፡ ክርስቶስ በተከታዩ ልብ ውስጥ በመንፈሱ ይኖራል፡፡

በክርስትና ህይወታችን በስኬታማነት ለመኖር ክርስቶስ በልባችን እንደሚኖር ማመን አለብን፡፡ ክርስትናን ብቻችንን አንኖረውም፡፡ ክርስትናን በራስ እውቀትና በራስ ሃይል የሚኖር አይደለም፡፡ ክርስቶስ ሁልጊዜ ሊመራን በልባችን እንዳለ ማወቅ አለብን፡፡

ራሳችንን በውስጣችን ላለው ክርስቶስ እንዲመራን ከሰጠን እግዚአብሄር ወደ አየልን ግብ የማንደርስበት ምንም ምክኒያት አይኖርም፡፡

ከክርስቶስ ጋር ተሰቅዬአለሁ፤ እኔም አሁን ሕያው ሆኜ አልኖርም ክርስቶስ ግን በእኔ ይኖራል፤ አሁንም በሥጋ የምኖርበት ኑሮ በወደደኝና ስለ እኔ ራሱን በሰጠው በእግዚአብሔር ልጅ ላይ ባለ እምነት የምኖረው ነው። ገላትያ 2፡20

ክርስቶስ ሃይል ሊሆነን በልባችን እንዳለ ልንረዳ ይገባናል፡፡ ክርስትናን በሙላት ለመኖር ክርስቶስ በእኛ እንደሚያድር ማወቅ ይጠበቅብናል፡፡

ክርስቶስ በእናንተ ውስጥ ቢሆን ሰውነታችሁ በኃጢአት ምክንያት የሞተ ነው፥ መንፈሳችሁ ግን በጽድቅ ምክንያት ሕያው ነው። ሮሜ 8፡10

ክርስቶስ በውስጣችን እንዳለ ማመን ፣ ማወቅ ፣ መረዳትና ለምሪቱ ንቁ መሆን አንዳለብን መፅሃፍ ቅዱስ ያስተምራል፡፡

በመንፈሱ በውስጥ ሰውነታችሁ በኃይል እንድትጠነክሩ ክርስቶስም በልባችሁ በእምነት እንዲኖር እንደ ክብሩ ባለ ጠግነት መጠን ይስጣችሁ፤ የእናንተ ሥርና መሠረት በፍቅር ይጸና ዘንድ፥ ኤፌሶን 3፡16-17

በምድር ላይ በስጋ ሲመላለስ አሸናፊ የነበረው ክርስቶስ አሁን እኛንም አሸናፊዎች ሊያደርገን  በመንፈስ በእኛ ውስጥ መኖሩ እጅግ ታላቅ ሚስጥር ነው፡፡

ይህም ቃል ከዘላለምና ከትውልዶች ጀምሮ ተሰውሮ የነበረ ምሥጢር ነው፥ አሁን ግን ለቅዱሳኑ ተገልጦአል፤ ለእነርሱም እግዚአብሔር በአሕዛብ ዘንድ ያለው የዚህ ምሥጢር ክብር ባለ ጠግነት ምን እንደ ሆነ ሊያስታውቅ ወደደ፥ ምሥጢሩም የክብር ተስፋ ያለው ክርስቶስ በእናንተ ዘንድ መሆኑ ነው። ቆላስይስ 1፡26-27

ይህን ፅሁፍ ለሌሎች ሼር share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የእግዚአብሄርፈቃድ #የእግዚአብሄርቤተመቅደስ #ክርስቶስ #ክርስቶስበእኛ #ቤተክርስትያን #አማርኛ #የእግዚአብሄርቃል #መፅሃፍቅዱስ #ልብ #አቢይ #አቢይዋቁማ #አቢይዋቁማዲንሳ #በመንፈሱ #የእግዚአብሄርቤተመቅደስ #እምነት

ሥጋ በመንፈስ ላይ መንፈስም በሥጋ ላይ ይመኛል

flesh_vs__spirit_visible_by_hawklaw101-d2yn4oo 2.jpgነገር ግን እላለሁ፥ በመንፈስ ተመላለሱ፥ የሥጋንም ምኞት ከቶ አትፈጽሙ። ሥጋ በመንፈስ ላይ መንፈስም በሥጋ ላይ ይመኛልና፥ እነዚህም እርስ በርሳቸው ይቀዋወማሉ፤ ስለዚህም የምትወዱትን ልታደርጉ አትችሉም። በመንፈስ ብትመሩ ግን ከሕግ በታች አይደላችሁም። ገላትያ 5፡16-18

ክርስትና ባዶ የሃይማኖት ስርአትን የመጠበቅ ወግ አይደለም፡፡ ክርስትና ህይወት ነው፡፡ ክርስትና የመንፈስና የስጋ እውነተኛ ትግል ነው፡፡

እንደ ሥጋ ፈቃድ የሚኖሩ የሥጋን ነገር ያስባሉና፥ እንደ መንፈስ ፈቃድ የሚኖሩ ግን የመንፈስን ነገር ያስባሉ። ስለ ሥጋ ማሰብ ሞት ነውና፥ ስለ መንፈስ ማሰብ ግን ሕይወትና ሰላም ነው። ስለ ሥጋ ማሰብ በእግዚአብሔር ዘንድ ጥል ነውና፤ ለእግዚአብሔር ሕግ አይገዛምና፥ መገዛትም ተስኖታል፤ ሮሜ 8፡5-7

የመንፈስንና የስጋን ምኞት ማወቅ ይጠቅመናል፡፡

ሰባቱ የስጋና የመንፈስ ምኞት ልዩነቶች

የስጋ ፈቃድ ለእግዚአብሄር ህግ የመገዛት ሃሳብ አይደለም፡፡ ስጋ ለእግዚአብሄር ፈቃድ ግድ የለውም፡፡

ስለ ሥጋ ማሰብ በእግዚአብሔር ዘንድ ጥል ነውና፤ ለእግዚአብሔር ሕግ አይገዛምና፥ መገዛትም ተስኖታል፤ ሮሜ 8፡7

የስጋ ፈቃድ ለጊዜው ራስን ማስደሰት ነው፡፡ የመንፈስ ፈቃድ እግዚአብሄርን ማስደሰት ነው፡፡

ዓለምን ወይም በዓለም ያሉትን አትውደዱ፤ በዓለም ያለው ሁሉ እርሱም የሥጋ ምኞትና የዓይን አምሮት ስለ ገንዘብም መመካት ከዓለም ስለ ሆነ እንጂ ከአባት ስላልሆነ፥ ማንም ዓለምን ቢወድ የአባት ፍቅር በእርሱ ውስጥ የለም። 1ኛ ዮሐንስ 2፡15-16

የስጋ ፈቃድ በሚታይ ነገር መመካት ነው፡፡ የመንፈስ ፈቃድ በማይታየው በእግዚአብሄር መንግስት አሰራር መመካት ነው፡፡

ሥጋን የለበሰ ሁሉ በእግዚአብሔር ፊት እንዳይመካ። ነገር ግን፦ የሚመካ በእግዚአብሔር ይመካ ተብሎ እንደ ተጻፈው ይሆን ዘንድ፥ ከእግዚአብሔር ዘንድ ጥበብና ጽድቅ ቅድስናም ቤዛነትም በተደረገልን በክርስቶስ ኢየሱስ የሆናችሁ ከእርሱ ነው። 1ኛ ቆሮንቶስ 1፡29-31

የስጋ ፈቃድ በምድር ላይ በቅንጦት መኖር ነው፡፡ የመንፈስ ፈቃድ መሰረታዊ ፍላጎትን አሟልቶ ጌታን መከተል ነው፡፡

በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን? ትመኛላችሁ ለእናንተም አይሆንም፤ ትገድላላችሁ በብርቱም ትፈልጋላችሁ፥ ልታገኙም አትችሉም፤ ትጣላላችሁ ትዋጉማላችሁ ነገር ግን አትለምኑምና ለእናንተ አይሆንም፤ ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። ያዕቆብ 4፡1-3

እንግዲህ ከክርስቶስ ጋር ከተነሣችሁ፥ ክርስቶስ በእግዚአብሔር ቀኝ ተቀምጦ ባለበት በላይ እሹ፤ በላይ ያለውን አስቡ እንጂ በምድር ያለውን አይደለም። ቆላስይስ 3፡1-2

የስጋ ፈቃድ እኔ የእኔ ለእኔ ነው፡፡ የመንፈስ ፈቃድ ሌላውን ማገልገል ሌላውን መጥቀም ነው፡፡

ለወገኔ ይጠቅማል በማለት ወይም በከንቱ ውዳሴ ምክንያት አንድ እንኳ አታድርጉ፥ ነገር ግን እያንዳንዱ ባልንጀራው ከራሱ ይልቅ እንዲሻል በትሕትና ይቍጠር፤ እያንዳንዱ ለራሱ የሚጠቅመውን አይመልከት፥ ለባልንጀራው ደግሞ እንጂ። ፊልጵስዩስ 2፡3-4

የስጋ ፈቃድ ምድራዊ ነገር ላይ ያተኮረ ነው፡፡ የመንፈስ ፈቃድ ከምድራዊ ውድድር ወጥቶ ለሰማያዊው አገር ለመስራት ነው፡፡

መጨረሻቸው ጥፋት ነው፥ ሆዳቸው አምላካቸው ነው፥ ክብራቸው በነውራቸው ነው፥ አሳባቸው ምድራዊ ነው። እኛ አገራችን በሰማይ ነውና፥ ከዚያም ደግሞ የሚመጣ መድኃኒትን እርሱንም ጌታን ኢየሱስ ክርስቶስን እንጠባበቃለን፤ ፊልጵስዩስ 3፡19-20

የስጋ ፈቃድ እውነት በሚመስል ማታለያው ላይ የተመሰረተ ነው፡፡ የመንፈስ ፈቃድ ግን እውነተኛ ትክክለኛውን ነገር በማድረግ ላይ ያተኮረ ነው፡፡

ነገር ግን መራራ ቅንዓትና አድመኛነት በልባችሁ ቢኖርባችሁ፥ አትመኩ በእውነትም ላይ አትዋሹ። ይህ ጥበብ ከላይ የሚወርድ አይደለም፤ ነገር ግን የምድር ነው፥ የሥጋም ነው፥ የአጋንንትም ነው፤ ቅንዓትና አድመኛነት ባሉበት ስፍራ በዚያ ሁከትና ክፉ ስራ ሁሉ አሉና። ያዕቆብ 3፡14-16

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #መንፈስ #የእግዚአብሄርንእይታ #ስጋ #ቤተክርስትያን #አማርኛ #ማየት #በስጋደረጃ #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #ስፍራ #ማእረግ #ስልጣን

መንፈሳዊ ቤት

276b_House_With_Legs.jpgቤት በጣም አስፈላጊ ነገር ነው፡፡ ሰው የሚያርፍበትና የሚያድርበት ቤት ከሌለው አያርፍም፡፡ ሰው ቤት ካለው ደግሞ ነፃነቱ ይበዛል፡፡

እንዲሁም እግዚአብሄር የሚንቀሳቀስበት ፣ የሚናገርበት ፣ የሚገኝበት ፣ የሚያርፍበትና በጎነቱን የሚያስተላልፍበት ቤት ይፈልጋል፡፡ ቤት ሰፋ ባለ ቁጥር ፣ ቤት ንፁህ በሆነ መጠንና ቤት ጠንካራ በሆነ መጠን ለመኖርም ፣ እንግዳን ለመቀበልም ፣ ለማረፍም እንዲሁም ለማደር ያበረታታል፡፡ ቤት ግን በደንብ ካልተሰራ ፣ ንፅህናው በደንብ ካልተጠበቀ ፣ ጠንካራ መሰረት ላይ ካልተመሰረተ ፣ ውበት ከሌለው ለመኖር ፣ ለማረፍና እንግዳ ለመቀበል አይመችም፡፡

እኛም ንፁህ ሰፊ ጠንካራ መንፈሳዊ ቤት ለመሆን ራሳችንን ሰጠንና በተሰራን መጠን እግዚአብሄር በቀላሉ ፣ በደስታና በእረፍት በእኛ ይኖራል በእኛ ይታያል ፣ በእኛ ይናገራል ፣ በእኛ ይወቅሳል ፣ በእኛ ሌሎችን ይደርሳል ፣ በእኛ ያርፋል ፡፡

እናንተ ደግሞ እንደ ሕያዋን ድንጋዮች ሆናችሁ፥ በኢየሱስ ክርስቶስ ለእግዚአብሔር ደስ የሚያሰኝ መንፈሳዊ መሥዋዕትን ታቀርቡ ዘንድ ቅዱሳን ካህናት እንድትሆኑ መንፈሳዊ ቤት ለመሆን ተሠሩ። 1ኛ ጴጥሮስ 2፡5

ቤት ማረፊያና መደሰቻ እንደመሆኑ መጠን የእግዚአብሄር ማረፊያና መደሰቻ ለመሆን እለት በእለት በእግዚአብሄር ቃል መሰራት ይኖርብናል፡፡ ሰው ሌላ ቦታ ቢያዝን ቤቱ ግን ማዘን የለበትም፡፡ ሰው ሌላ ቦታ ቢታመፅበት በቤቱ የሚነገረው ነገር ሁሉ እርሱን የሚያከብርና እርሱን የሚያስደስተው ብቻ መሆን አለበት፡፡

. . . ክፉ ቃል ከአፋችሁ ከቶ አይውጣ። ለቤዛም ቀን የታተማችሁበትን ቅዱሱን የእግዚአብሔርን መንፈስ አታሳዝኑ። ኤፌሶን 4፡29-30

ቤት መገኛ አድራሻ እንደመሆኑ መጠን የእግዚአብሄር በጎነት የሚገኝበት ፣ የእግዚአብሄር ምህረት የማይታጣበት ፣ የእግዚአብሄር ይቅርታ በልግስና የሚከፋፈልበት ፣ የእግዚአብሄር ፍቅር የማይጠፋበት መንፈሳዊ ቤት ለመሆን ተሰሩ፡፡

እርስ በርሳችሁም ቸሮችና ርኅሩኆች ሁኑ፥ እግዚአብሔርም ደግሞ በክርስቶስ ይቅር እንዳላችሁ ይቅር ተባባሉ። ኤፌሶን 4፡32

ቤት ንፁህ ነገር ብቻ የሚገኝበት እንደመሆኑ መጠን የእግዚአብሄር ነገር ብቻ የሚገኝበት ከሰይጣን ሃሳብና ከሃጢያት ምኞት የፀዳ መንፈሳዊ ቤት ለመሆን ተሰሩ፡፡

የእግዚአብሔር ቤተ መቅደስ እንደ ሆናችሁ የእግዚአብሔርም መንፈስ እንዲኖርባችሁ አታውቁምን? ማንም የእግዚአብሔርን ቤተ መቅደስ ቢያፈርስ እግዚአብሔር እርሱን ያፈርሰዋል፤ የእግዚአብሔር ቤተ መቅደስ ቅዱስ ነውና፥ ያውም እናንተ ናችሁ።1ኛ ቆሮንቶስ 3፡16-17

ቤት ከምንም አስቀድሞ አስተማማኝ በሆነ አለት መሰረት ላይ እንደሚገነባ ሁሉ በቃሉ መሰረት የእግዚአብሄር ቤት ለመሆን ተሰሩ፡፡

ስለዚህ ይህን ቃሌን ሰምቶ የሚያደርገው ሁሉ ቤቱን በዓለት ላይ የሠራ ልባም ሰውን ይመስላል። ማቴዎስ 7፡24

ሰው ከምንም በላይ ቤቱን በከበረ ነገር እንደሚያስውበው መጠን በየዋህነትና በዝግተኝነት የተዋበ መንፈሳዊ ቤት ለመሆን ተሰሩ፡፡

ነገር ግን በእግዚአብሔር ፊት ዋጋው እጅግ የከበረ የዋህና ዝግተኛ መንፈስ ያለውን የማይጠፋውን ልብስ ለብሶ የተሰወረ የልብ ሰው ይሁንላችሁ። 1ኛ ጴጥሮስ 3፡4

ቤት የሚስብ ትህትና የሚታይበት ቦታ እንደመሆኑ መጠን በትህትናና በተሰበረ ልብ ለእግዚአብሄር መኖሪያ ቤት ለመሆን ተሰሩ፡፡

እግዚአብሔር እንዲህ ይላል፦ ሰማይ ዙፋኔ ነው፥ ምድርም የእግሬ መረገጫ ናት፤ የምትሠሩልኝ ቤት ምን ዓይነት ነው? የማርፍበትስ ስፍራ ምንድር ነው? እነዚህን ሁሉ እጄ ሠርታለችና እነዚህ ሁሉ የእኔ ናቸው፥ ይላል እግዚአብሔር፤ ነገር ግን ወደዚህ ወደ ትሑት፥ መንፈሱም ወደ ተሰበረ፥ በቃሌም ወደሚንቀጠቀጥ ሰው እመለከታለሁ። ኢሳይያስ 66፡1-2

ኢየሱስም መለሰ አለውም፦ የሚወደኝ ቢኖር ቃሌን ይጠብቃል፤ አባቴም ይወደዋል ወደ እርሱም እንመጣለን በእርሱም ዘንድ መኖሪያ እናደርጋለን። ዮሃንስ 14፡23

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ትህትና #የእግዚአብሔርቤት #በቃሉመንቀጥቀጥ #ማረፊያ #መኖሪያ #የተሰበረልብ #ቤተክርስትያን #አማርኛ #ስብከት #ማደሪያ #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ  #የዋህነት #ንፁህ

%d bloggers like this: