Category Archives: Soul

ስንሞት ምን እንሆናለን ?

angeles carried lazarus.jpgሰው የተፈጠረው በእግዚአብሄር መልክና አምሳል ነው፡፡የሰው መኖሪያ ቤቱ እና ስጋው ከምድር አፈር ቢበጅም ሰው ግን አፈር አይደለም፡፡ ሰው በእግዚአብሄር አምሳል የተፈጠረ በስጋ ውስጥ የሚኖረው መንፈስ ነው፡፡

እግዚአብሔር አምላክም ሰውን ከምድር አፈር አበጀው፤ በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ። ዘፍጥረት 2፡7

እግዚአብሄር ሰውን ሲፈጥረው ስጋውን ከምድር አፈር አበጀው፡፡ የሰው ስጋ ከምድር አፈር ስለተበጀ የህይወት እስትንፋስ እፍ እስኪባልበት ጊዜ ድረስ ስጋው ሙት ነበር፡፡ እግዚአብሄር የህይወት እስትንፋስ እፍ ከማለቱ በፊት የሰው ስጋ ስሜት ያለው ፣ ፈቃድ ያለውና ሃሳብ ያለው አልነበረም፡፡ እግዚአብሄር በሰው ስጋ ላይ የህይወትን እስትንፋስ እፍ ከማለቱ በፊት የሰው ስጋ ግኡዝ አካል ነበር፡፡ እግዚአብሄር በሰው ስጋ ላይ የህይወትን እስትንፋስ እፍ ከማለቱ በፊት ሰው ህያው ነፍስ ያለው አልነበረም፡፡

እግዚአብሄር በፈጠረው የሰው አካል አፍንጫ ላይ የህይወትን እስትንፋስ እፍ ካለበት በኋላ ሰው ህያው ነፍስ ያለው ሆነ፡፡

ሰው ሲሞት አይጠፋም፡፡ ሰው ሲሞት አይበንም፡፡ ሰው  ሲሞት መንፈሱ ከስጋ ይለያል፡፡ የማንኛውም ሰው በስጋ መሞት ከስጋ መለየት ነው፡፡ የውስጠኛው ሰው መንፈስ ከስጋ ተለይቶ ወደ መንፈሳዊው አለም ይሄዳል፡፡ የውጭው ሰው ስጋው ከመንፈስ ተለይቶ ወደ መቃብር ይገባል፡፡

ድሀውም ሞተ፥ መላእክትም ወደ አብርሃም እቅፍ ወሰዱት፤ ሉቃስ 16፡22

ሰው  ወዲህና ወዲያ ለመሄድ ፈቃድ ያለው በምድር ላይ ብቻ ነው፡፡ ሰው በምድር ላይ ሲኖር ብቻ ነው የፈለገበት የሚሄደው ያልገፈልገበት የማይሄደው ፡፡ ሰው በስጋ ሲሞት መንፈሱ ከስጋው ሲለይ ግን በመላእክት ይወሰዳል እንጂ ራሱን የትም አይወስድም፡፡ ሰው በስጋ ሲሞት ራሱ ወደፈለገበት ቦታ አይሄድም፡፡

ሰው የተገኘው ከእግዚአብሄር ነው፡፡ ሰው ሲሞት መኖሪያ ስጋው ወደ ነበረበት ምድር ይመለሳል፡፡ ሰው ግን ወደ ሰጠው ወደ እግዚአብሄር ይመለሳል፡፡

አፈርም ወደ ነበረበት ምድር ሳይመለስ፥ ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ። መክብብ 12፡7

ሰው ሲሞት ከስጋ ስለሚለይ በስጋ ውስጥ እንደሚንቀሳቀሰው መንቀሳቀስ ስለማይችእል መላእክት ይወስዱታል፡፡

ለሰው አንድ ጊዜ መሞት ከዚያም ፍርድ ይጠብቀዋል፡፡ ሰው የኢየሱስን አዳኝነት የሚቀበለው በስጋ ውስጥ እያለ ነው፡፡ ሰው ከስጋ ከተለየ መላእከት ወደሚወስዱት ቦታ ይሄዳል እንጂ ጌታን ለመከተል ወይም ላለመከተል መወሰን አይችልም፡፡

ለሰዎችም አንድ ጊዜ መሞት ከእርሱ በኋላም ፍርድ እንደ ተመደበባቸው፥ እብራዊያን 9፡27

በምድር ላይ ጌታ ኢየሱስን አንደ አዳኙ የተቀበለ ሰው ሁሉ ወደዘላለም እረፍት ይሄዳል፡፡ እግዚአብሄር ለሰው ሃጢያት በመስቀል ላይ እንደዲሞት የሰጠውን ኢየሱስን በምድር ላይ ያልተቀበለ ሰው ለዘላም ከእግዚአብሄር ይለያያል፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #መንፈስ #ማንነት #መልክ #አምሳል #የእግዚአብሄርልጅ #ክብር  #ቤተክርስትያን #አማርኛ #ማየት #አፈር #ስጋ #ቤት #የእግዚአብሄርመንግስት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #የእግዚአብሄርቤተሰብ

Advertisements

ስንፈጠር ምን ነበርን?

god created.jpgስለ አንድ ነገር ትክክለኛውን ነገር ለመረዳት ካስቸገረ ስለዚያ ነገር ለመረዳት ወደ ቀድሞው ነገሩ መመለስ በጣም ወሳኝ ነው፡፡ ስለአንድ ነገር ክርክር ከተነሳ ቀድሞ ምን እንደነበረ ማወቅ ለክርክሩ መቋጫ ያደርግለታል፡፡

ደቀመዛሙርቱ በጊዜ ሂደት ውስጥ ስለተለወጠው የትዳር ህግ ኢየሱስን ሲጠይቁት የመለሰላቸው መልስ ይህ ነበር፡፡ አዎ የምትሉት እውነት ነው፡፡ ነገር ግን ከመጀመሪያ እንደዚህ አልበነረም፡፡

የእግዚአብሄርን የመጀመሪያውን ሃሳብ ለመረዳት ወደ መጀመሪያ ታሪኩ መመለስ በጣም አስፈላጊ ነው፡፡

እነርሱም፦ እንኪያስ ሙሴ የፍችዋን ጽሕፈት ሰጥተው እንዲፈቱአት ስለ ምን አዘዘ? አሉት። እርሱም፦ ሙሴስ ስለ ልባችሁ ጥንካሬ ሚስቶቻችሁን ትፈቱ ዘንድ ፈቀደላችሁ፤ ከጥንት ግን እንዲህ አልነበረም። ማቴዎስ 19፡7-8

በየጊዜው ስለሰው ማንነት የተለያ አወዛጋቢ ትንታኔዎች ሲሰጡ ቆይተዋል፡፡ አሁንም ሰው ከየት እንደመጣና ወደፊት ምን እንደሚሆን የተለያዩ መላምቶች ይሰጣሉ፡፡ ስለሰው ማንነት ለማወቅ በመጀመሪያ የነበረውን ታሪክ መመልከት እውነተኛውን እውቀት ይሰጠናል፡፡

ሰው እንዴት እንደተፈጠረ መመልከት ሰው ከየት እንደመጣ ማን እንደሆነ እውቀትን ያስጨብጠናል፡፡

እግዚአብሄር ሰውን በድንገት አልፈጠረውም፡፡ እግዚአብሄር በድንገት ሰው የሚባለ ፍጥረት አላገኘም፡፡ እግዚአብሄር ሰውን ከመፍጠሩ በፊት ምን አይነት ፍጥረት መፍጠር እንደሚፈልግ አስቦበት ነበር፡፡ እግዚአብሄር ፍጥረቱን ከመፍጠሩ በፊት ይህ ፍጥረት ምንን መስሎ እንደሚፈጠር ፣ በምን ሁኔታ እንደሚፈጠር ፣ ምን እንደሚያደርግለት ሁሉንም ነገር አስቀድሞ አቅዶና አስቦበት ነው ሰውን የፈጠረው፡፡

እግዚአብሔርም አለ፦ ሰውን በመልካችን እንደ ምሳሌአችን እንፍጠር፤ የባሕር ዓሦችንና የሰማይ ወፎችን፥ እንስሳትንና ምድርን ሁሉ፥ በምድር ላይ የሚንቀሳቀሱትንም ሁሉ ይግዙ። ዘፍጥረት 1፡26

ሰው ሲፈጠር እግዚአብሄር ያየውን ነገር እንዲሰራ ለዚያው ለተፈጠረበት አላማ ዲዛይን ተደርጎ ነው የተፈጠረው፡፡

እግዚአብሔርም ሰውን በመልኩ ፈጠረ፤ በእግዚአብሔር መልክ ፈጠረው፤ ወንድና ሴት አድርጎ ፈጠራቸው። ዘፍጥረት 1፡26-27

እግዚአብሄር ሰውን እንዴት እንደ ፈጠረው ከቃሉ በመረዳት ሰው ከየት እንደመጣና ወደየት እንደሚሄድ መረዳትን ማግኘት እንችላለን፡፡

እግዚአብሔር አምላክም ሰውን ከምድር አፈር አበጀው፤ በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ። ዘፍጥረት 1፡7

እግዚአብሄር ሰውን የፈጠረው በምድር ላየ እንበዲኖር በመሆኑ ለምድር የሚስማማ ቤትን ፈጠረለት፡፡ እግዚአብሄ ሰውን የላከው በምድር ላይ በመሆኑ ለምድር ኑሮ የሚስማማ መኖሪያን ከምድር አዘጋጀለት፡፡ እግዚአብሄር የሰውን መኖሪያ ቤት የሰውን ስጋ ከምድር አፈር አበጀው፡፡ እግዚአብሄር ከምድር አፈር ያበጀው የሰው በምድር ላይ መኖሪያ ቤት ነው፡፡

እግዚአብሄር ከምድር ያዘጋጀው የሰው መኖሪያ ቤት ሰው ዝንደሌለበት ቤት ባዶ ነበር፡፡ እግዚአብሄ ከምደር አፈር ያበጀው የሰው ስጋ በሰው እንዳልተለበሰ ልብስ ባዶ እና የሞተ ነበር፡፡

እግዚአብሄር የፈጠረው የሰው ስጋ ስሜት ያለው ፈቃድ ያለው ሃሳብ ያለው አልነበረም፡፡ እግዚአብሄር ያበጀው የሰው ስጋ ሙት ነበር፡፡ ሰው ስጋ ስላይደለ እግዚአብሄር ያበጀው የሰው ስጋ የምድር አካል የሆነ አፈር ብቻ ነበር፡፡ ስጋ በእግዚአብሄር መልክና አምሳል አልተፈጠረም፡፡ ስጋ በእግዚአብሄር መልክና አምሳሉ የተፈጠረ የሰው መኖሪያ እንጂ ሰው አይደለም፡፡

ከምድር አፈር የተበጀውን የሰው ስጋ እንዲሆን ያደረገው እግዚአብሄር በመልኩና በአምሳሉ የፈጠረው ሰው ነው፡፡

እግዚአብሔር አምላክም ሰውን ከምድር አፈር አበጀው፤ በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ። ዘፍጥረት 1፡7

እግዚአብሄር የህይወትን እስትንፋስ እፍ እስካለበት ጊዜ ድረስ ከምድር የተበጀው ቢያነሱት ተመልሶ የሚወድቅ ፣ ቢያቆሙት የማይቆም ፣ ስሜት የሌለው ፣ ሃሳብ የሌለውና ፈቃድ የሌለው ሬሳ ብቻ ነበር፡፡

የህይወት እስትንፋስ እፍ ካለበት በኋላ ብቻ ነበር ሰው ህያው ነፍስ ሆነ ተብሎ የተፃፈው፡፡

ሰው የተገኘው ከእግዚአብሄር ነው፡፡ ስጋው ወደነበረበት ምድር ይመለሳል፡፡ ሰው ግን ወደሰጠው ወደ እግዚአብሄር ይመለሳል፡፡ 7

አፈርም ወደ ነበረበት ምድር ሳይመለስ፥ ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ። መክብብ 12፡7

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #መንፈስ #ማንነት #መልክ #አምሳል #የእግዚአብሄርልጅ #ክብር  #ቤተክርስትያን #አማርኛ #ማየት #አፈር #ስጋ #ቤት #የእግዚአብሄርመንግስት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #የእግዚአብሄርቤተሰብ

ሁለት ወዶ አይሆንም!

lean 2.jpgፈጥነውም ሥራውን ረሱ፥ በምክሩም አልታገሡም። በምድረ በዳም ምኞትን ተመኙ፥ በበረሃም እግዚአብሔርን ተፈታተኑት። የለመኑትንም ሰጣቸው፤ ለነፍሳቸው ግን ክሳትን ላከ። መዝሙር 106፡13-15

እግዚአብሄር ለክብሩ ፈጥሮናል፡፡ ሰው የተፈጠረው ለእግዚአብሄር አላማ ነው፡፡ ሰው የተፈጠረው ለእግዚአብሄር ነው፡፡ ስለዚህ ነው እግዚአብሄር ሰውን ሲነግረው ለሁለት መሆን እንደማይችልና እርሱን መታዘዝ ባቆምን ጊዜ ከእግዚአብሄር ጋር እንደሚቆራረጥ አስቀድሞ አስጠነቀቀው፡፡

እግዚአዘብሄር ኩሩ ነው፡፡ እግዚአብሄር ለክብሩ የፈጠረውን ሰው ከሌላ ከማንም ጋር ሊጋራው አይፈልግም፡፡

እግዚአብሔር አምላክም ሰውን እንዲህ ብሎ አዘዘው፦ ከገነት ዛፍ ሁሉ ትበላለህ፤ ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። ዘፍጥረት 2፡16-17

ሁለት ወዶ አይሆንም ይላል ያገሬ ሰው፡፡ አንዳንድ ሰዎች ሰው እንዴት ለሁለት ጌቶች እንዴት መገዛት እንደሚችል በብዙ ቃላት ሊያስረዱን ቢሞክሩም ኢየሱስ ለሁለት ጌቶች መገዛት የሚቻለው ማንም የለም ይለናል፡፡ ኢየሱስ ወይም አንዱን ይጠላል ሁለተኛውንም ይወዳል ይለናል በግልፅ ቃል፡፡

ለሁለት ጌቶች መገዛት የሚቻለው ማንም የለም፤ ወይም አንዱን ይጠላል ሁለተኛውንም ይወዳል፤ ወይም ወደ አንዱ ይጠጋል ሁለተኛውንም ይንቃል፤ ለእግዚአብሔርና ለገንዘብ መገዛት አትችሉም። ማቴዎስ ወንጌል 6፡24

የእግዚአብሄርን የፈለገ ሰው የእግዚአብሄርን ያገኛል፡፡ የእግዚአብሄርን መንገድ ያልፈለገ ሰው ግን የእግዚአብሄርን ነገር አያገኝም፡፡ ከእግዚአብሄር ጋር የምንገናኘው በእርሱ መንገድ ነው፡፡ እግዚአብሄር ለማንም ብሎ ቃሉን አይለውጥም፡፡ እግዚአብሄር ንጉስ ነው፡፡

የእግዚአብሄርን ነገር ስትመርጡ የእግዚአብሄርን ሙሉ ነገር ታገኛላችሁ፡፡ የእግዚአብሄርን መንገድ ስትፈልጉ አብሮ የሚመጣ የነፍስ ብልፅግናን ታገኛላችሁ፡፡ የእግዚአብሄርን መንገድ ለመከተል ስትፈልጉ አብሮ የሚመጣ ጉርሻ አለው፡፡ የእግዚአብሄርን ነገር መከተል ጥቅማ ጥቅም አለው፡፡ አንድን እቃ ስትገዙ ምርቃት ሊኖረው ይችላል፡፡ ምንም ሳትገዙ ምርቃት መጠበቅ ሞኝነት ነው፡፡

አትሳቱ፤ እግዚአብሔር አይዘበትበትም። ሰው የሚዘራውን ሁሉ ያንኑ ደግሞ ያጭዳልና፤ በገዛ ሥጋው የሚዘራ ከሥጋ መበስበስን ያጭዳልና፥ በመንፈስ ግን የሚዘራው ከመንፈስ የዘላለምን ሕይወት ያጭዳል። ገላትያ ሰዎች 6፡7-8

የእስራኤል ህዝብ እግዚአብሄርን አልፈለጉም፡፡ የእስራኤል ህዝብ የራሳቸውን መንገድ መረጡ፡፡ ያን ጊዜ የእግዚአብሄርን አብሮነት አጡት፡፡ የእግዚአብሄርን ነገር ሳንፈልግ የእግዚአብሄርን ነገር የሚፈልጉ ሰዎች የሚያገኙትን ለማግኘት መሞከር አጉል ብልጣብልጥነት ነው፡፡

የእግዚአብሔር በረከት ባለጠጋ ታደርጋለች፥ ኀዘንንም ከእርስዋ ጋር አይጨምርም። ምሳሌ 10፡22

እግዚአብሄር በሰጠን ካልረካንና በራሳችን እጃችንን ዘርግተን እግዚአብሄርን ያልሰጠንን ከወሰደን እግዚአብሄር እጁን ያወጣል፡፡ እግዚአብሄር ለእያንዳንዳችን የራሱ ልዩ አላ አለው፡፡ እግዚአብሄር ከእኛ አላማ ጋር አይተባበርም፡፡ በራሳችን የምንወስደው እርምጃ የእግዚአብሄርን አብሮነት አያስተማምንም፡፡ የእግዚአብሄርን እርምጃ ሳንታገስ የምንወስደው እርምጃ ለነፍሳችን ጉስቁልናን ያመጣል፡፡

በምንም ሁኔታ ውስጥ የእግዚአብሄርን ነገር ስንከተል ነው ሰላምና እረፍት እርካታን የምናገኘው፡፡

ፈጥነውም ሥራውን ረሱ፥ በምክሩም አልታገሡም። በምድረ በዳም ምኞትን ተመኙ፥ በበረሃም እግዚአብሔርን ተፈታተኑት። የለመኑትንም ሰጣቸው፤ ለነፍሳቸው ግን ክሳትን ላከ። መዝሙር 106፡13-15

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

የእውቀት ማጣት አደጋ

Sunset_in_the_deseart.jpgነፍስ እውቀት የሌለባት ትሆን ዘንድ መልካም አይደለም፤ ምሳሌ 19፡2

ኢየሱስ በመስቀል ላይ የከፈለልንን የሃጢያት ዋጋ ለእኔ ነው ብለን ስንቀበል እግዚአብሄር ይቀበለናል፡፡ እግዚአብሄር ያዘጋጀውን የመዳኛ መንገድ የመስቀል ስራ ስንቀበል ዳግመኛ እንወለዳለን፡፡ ሰው ከእናትና አባቱ በስጋ ሲወለድ ወደዚህ ምድር ይገባል፡፡ ሰው ደግሞ የእግዚአብሄርን ቃል ሰምቶ ሲቀበል ዳግመኛ ይወለዳል፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ እነርሱም ከእግዚአብሔር ተወለዱ እንጂ ከደም ወይም ከሥጋ ፈቃድ ወይም ከወንድ ፈቃድ አልተወለዱም። ዮሃንስ 1፡12-13

በክርስቶስ የሆነ ሰው አዲስ ፍጥረት ነው፡፡ ሰው ዳግመኛ ሲወለድ መንፈሱ አዲስ ነው፡፡

ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል። 2ኛ ቆሮንቶስ 5፡17

ሰው አዲስ ፍጥረት ቢሆንም በነፍሱ ውስጥ ለዘመናት የተቀመጠ አለማዊ እውቀት ብንን ብሎ አይጠፋም፡፡ ዳግመኛ የተወለደው ሰው አሮጌውን የአለም እውቀት በአዲሱ የእግዚአብሄር ቃል እውቀት መተካት ይገባዋል፡፡ ዳግም የተወለደው ሰው ነፍስ አለማዊ እውቀት በቃሉ እውቀት ካልተተካ ሰው ዳግመኛ ተወልዶ እንደ አለማዊ ሰው በሃጢያት እና በሽንፈት ሊኖር ይችላል፡፡ ነፍስ ካለቃሉ እውቀት ከሆነች በምታውቀው በአለማዊ አሰራር እውቀት ብቻ ስለምትኖር መለወጥ ያቅታታል፡፡ ነፍስ በእግዚአብሔር ቃል እውቀት ከአለማዊ እውቀት መዳን አለባት፡፡

ስለዚህ ርኵሰትን ሁሉ የክፋትንም ትርፍ አስወግዳችሁ፥ ነፍሳችሁን ማዳን የሚችለውን በውስጣችሁም የተተከለውን ቃል በየዋህነት ተቀበሉ። ያዕቆብ 1፡21

ነፍስ የእግዚአብሄር ቃል እውቀት ከሌላት ለእግዚአብሄር መኖር ያቅታታል፡፡ የእግዚአብሄር መንግስት አሰራርና የአለም አሰራር እጅግ ስለሚለያይ ነፍስ የእግዚአብሄር ቃል እውቀት ከሌላት በምድር ላይ የተጠራችበትን አላማ መፈፀም ያቅታታል፡፡

ነፍስ እውቀት የሌለባት ትሆን ዘንድ መልካም አይደለም፤ ምሳሌ 19፡2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ነፍስ #መዳን #ኢየሱስ #ጌታ #እግዚአብሔር #እውቀት #መልካም #መታዘዝ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #አእምሮ #ሰላም #ማስተዋል #ልጅ

%d bloggers like this: