Category Archives: rejoice

ሳታንጐራጉሩ ክፉም ሳታስቡ ሁሉን አድርጉ

light-681199_960_720.jpgበመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ፤ በእነርሱም መካከል የሕይወትን ቃል እያቀረባችሁ በዓለም እንደ ብርሃን ትታያላችሁ፥ ፊልጵስዩስ 2፡14-15

በምድር ላይ ያለነው ለአለም ብርሃን ለመሆን ነው፡፡ በምድር ላይ ያለነው ስለእግዚአብሄርን በጎነት ለመመስከር ነው፡፡

እናንተ ግን ከጨለማ ወደሚደነቅ ብርሃኑ የጠራችሁን የእርሱን በጎነት እንድትናገሩ የተመረጠ ትውልድ፥ የንጉሥ ካህናት፥ ቅዱስ ሕዝብ፥ ለርስቱ የተለየ ወገን ናችሁ፤ 1ኛ ጴጥሮስ 2፡9

ሰዎች የምናስበውን የምንናገረውንና የምናደርገውን ነገር በቅርበት ይከታተላሉ፡፡ በምንናገረውና በምናደርግው ነገር ለእግዚአብሄር መንግስት ጥሩ ወይም መጥፎ ምስክር ልንሆን እንችላለን፡፡ በምንናገረው ነገር ሰዎች ቤተክርስትያንን እንዲያምኑ ወይም እንዲጠራጠሩ ልናደርግ እንችላለን፡፡ በምንናገረው ነገር ሰዎች አገልጋዮችንና መሪዎችን እንዲሰሙ ወይም እንዳይሰሙ ማድረግ እንችላለን፡፡ በምንናገረው ነገር ሰዎች ወደ እግዚአብሄር መንግስት እንዲመጡ ወይም እንዳይመጡ ልናደርግ እንችላለን፡፡

የሚያንጎራጉር ሰው ሰይጣን ስራ እንጂ ስለ እግዚአብሄር መልካምነት ሊመሰክር አይችልም፡፡ የሚንጎራጉር ሰው ስለሰይጣን ጨለማ እንጂ ስለእግዚአብሄር ብርሃን ምስክር ሊሆን አይችልም፡፡ የሚያንጎራጉር ሰው ስለሰይጣን ሃይልነት እንጂ ስለእግዚአብሄር ሃያልነት አይናገርም፡፡ የሚያንጎራጉር ሰው ስለሰይጣን ተንኮል እንጂ ስለሚበልጠው ስለእግዚአብሄር ጥበብ ሊመሰክር አይችልም፡፡ የሚያንጎራጉር ሰው ስለሃጢያት ብርታት እንጂ ስለእግዚአብሄር ፀጋ ብርታት ሊመሰክር አይችልም፡፡

የሚያንጎራጉር ሰው ጥያቄ ያለበት እንጂ ጥያቄው የተመለሰለት ሰው አይደለም፡፡ የሚያንጎራጉር ሰው ኢየሱስ ጥያቄን ይመልሳል ብሎ የሚመሰከር ህይወትም አንደበትም የለውም፡፡

የሚያንጎራጉር ሰው ሌላውን ሰው ወደ እግዚአብሄር መንግስት አያበረታታም፡፡ የሚያንጎራጉር ሰው ሌላው ወደእግዚአብሄር መንግስት እንዳይመጣ እንቅፋት ይሆናል፡፡ የሚያንጎራጉር ሰው ሌላው እግዚአብሄርን እንዲያገለግል አያበረታታም፡፡ የሚያንጎራር ሰው ሌላው ለእግዚአብሄር እንዳይሰጥ ያዳክማል፡፡ የሚያንጎራጉር ሰው የሰዎችን በጎ ህሊና ያበላሻል፡፡ የሚያንጎራጉር ሰው የሰዎችን እምነት ይሰርቃል፡፡ የሚያምጎራጉስር ሰው የሰዎችን ልብ ያወርዳል፡፡ የሚያንጎራጉር ሰው የሰዎችን ተስፋ ያጨልማል፡፡

የሚያንጎራጉር ሰው የተሸነፈ ሰው ነው፡፡ የተሸነፈን ሰው ለመከተል የሚፈልግ ሰው የለም፡፡ የሚያንጎራጉር ሰው የአሸናፊነት መንገድ የጠፋበት ሰው ነው፡፡ የአሸናፊን መንግስት እንጂ ተሸናፊን መንግስት ውስጥ መግባት የሚፈልግ ሰው እንደሌለ ሁሉ የሚያንጎራጉር ሰው ለእግዚአብሄር መንግስት ምስክር መሆን አይችልም፡፡

የሚያንጎራጉር ሰው ምህረትን እንድናደርግና ቻይ እንድንሆንና ቸር እንድንሆን የሚያስተምረውን የኢየሱስን ትምህርት ይቃወማል፡፡

እኔ ግን እላችኋለሁ፥ ክፉውን አትቃወሙ፤ ዳሩ ግን ቀኝ ጉንጭህን በጥፊ ለሚመታህ ሁሉ ሁለተኛውን ደግሞ አዙርለት፤ እንዲከስህም እጀ ጠባብህንም እንዲወስድ ለሚወድ መጎናጸፊያህን ደግሞ ተውለት፤ ማንም ሰው አንድ ምዕራፍ ትሄድ ዘንድ ቢያስገድድህ ሁለተኛውን ከእርሱ ጋር ሂድ። ማቴዎስ 5፡39-41

የሚያንጎራጉር ሰው ስለራሱ ድካም እንጂ ስለሚሸንፈነው የእግዚአብሄር ፀጋ ሊመሰክር አይችልም፡፡ የሚያንጎራጉር ሰው የእግዚአብሄርን ፀጋ በሚያበዛለት በድካሙ የማይመካ ሰው ነው፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። 2ኛ ቆሮንቶስ 12፡9

በመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ፤ በእነርሱም መካከል የሕይወትን ቃል እያቀረባችሁ በዓለም እንደ ብርሃን ትታያላችሁ፥ ፊልጵስዩስ 2፡14-15

በሚያጠፋውም እንደ ጠፉ አታንጐርጕሩ

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #አታንጎራጉሩ #አታጉረምርሙ #ብርሃን #ምስክር #ጠማማ #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

Advertisements

ጽድቅና ሰላም በመንፈስ ቅዱስም የሆነ ደስታ

kingdome.jpgየእግዚአብሔር መንግሥት ጽድቅና ሰላም በመንፈስ ቅዱስም የሆነ ደስታ ናት እንጂ መብልና መጠጥ አይደለችምና። ሮሜ 14፡17

የእግዚአብሄር መንግስት የቁሳቁስ ጉዳይ አይደለም፡፡ የእግዚአብሄር መንግስት የሚበላና የሚጠጣ ጉዳይ አይደለም፡፡

የእግዚአብሄር መንግስት ከፍ ያለ መንግስት ነው፡፡ የእግዚአብሄር መንግስት የመንፈስ መንግስት ነው፡፡ የእግዚአብሄር መንግስት የእግዚአብሄርና የልጆቹ መንግስት ነው፡፡ የእግዚአብሄር መንግስት የነገስታት ቤተሰብ መንግስት ነው፡፡

ለእግዚአብሄር መንግስት በሚበላና በሚጠጣ መጋጨት አይመጥነውም፡፡

የእግዚአብሄር መንግስ አትቅመስ አትንካ በሚል የመጀመሪያ ደረጃ ትምህርት የሚተዳር መንግስት አይደለም፡፡ የእግዚአብሄር መንግስት ስርአት በስርአት የሆነበት መንግስት አይደለም፡፡ የእግዚአብሄር መንግስት በስርአት ብዛት ሰዎችን የሚቆጣጠሩበት መንግስት አይደለም፡፡

ከዓለማዊ ከመጀመሪያ ትምህርት ርቃችሁ ከክርስቶስ ጋር ከሞታችሁ፥ እንደ ሰው ሥርዓትና ትምህርት። አትያዝ፥ አትቅመስ፥ አትንካ ለሚሉት ትእዛዛት በዓለም እንደምትኖሩ ስለ ምን ትገዛላችሁ? እነዚህ ሁሉ በመደረግ ሊጠፉ ተወስነዋልና። ቆላስይስ 2፡20-21

የእግዚአብሄር መንግስት ልጆቹ በመንፈሱ የሚመሩበት መንግስት ነው፡፡ የእግዚአብሄር መንግስት ሰው ከውጭ በስርአትና በህግ ሰውን የሚቆጣጠርበት መንግስት ሳይሆን የእግዚአብሄር መንፈስ እያንዳንዱን ወደ እውነት ሁሉ የሚመራበት መንግስት ነው፡፡

እናንተስ ከእርሱ የተቀበላችሁት ቅባት በእናንተ ይኖራል፥ ማንም ሊያስተምራችሁ አያስፈልጋችሁም፤ ነገር ግን የእርሱ ቅባት ስለ ሁሉ እንደሚያስተምራችሁ፥ እውነተኛም እንደ ሆነ ውሸትም እንዳልሆነ፥ እናንተንም እንዳስተማራችሁ፥ በእርሱ ኑሩ። 1ኛ ዮሐንስ 2፡27

የእግዚአብሄር መንግስት ሰው በፍቅር በፈቃዱ ለእግዚአብሄር የሚገዛበት የፍቅር መንግስት ነው፡፡

የእግዚአብሄ መንግስት ፅድቅ ነው

የእግዚአብሄር መንግስት በእግዚአብሄር ፊት ትክክል መሆን መፈለግ ነው፡፡ የእግዚአብሄር መንግስት በእግዚአብሄር ፊት ትክክለኛ አቋም መያዝ ነው፡፡ የእግዚአብሄር መንግስት ለእግዚአብሄርና ለእግዚአብሄር ብቻ ለመኖር መፈለግ ነው፡፡ የእግዚአብሄ መንግስት ኢየሱስን ፈፅሞ መከተል ነው፡፡

የእግዚአብሄር መንግስት የሰላም መንግስት ነው

የእግዚአብሄር መንግስት የእረፍት መንግስት ነው፡፡ የእግዚአብሄር መንግስት በእግዚአብሄር ላይ የመደገፍ መንግስት ነው፡፡ የእግዚአብሄር መንግስት የፉክክርና የረብሻ መንግስት አይደለም፡፡ የእግዚአብሄር መንግስት ረጋ ብለን እግዚአብሄርን እየሰማን የምንኖርበበት መንግስት ነው፡፡ የእግዚአብሄ መንገስት በረብሻ ጊዜ እንኳን አእምሮን የሚያልፍ ሰላም የምንለማመድበት መንግስት ነው፡፡

የእግዚአብሄር መንግስት በመንፈስ ቅዱስ የሆነ የደስታ መንግስት ነው፡፡

የእግዚአብሄር መንግስት የቁሳቁስ ደስታ መንግስት አይደለም፡፡ የእግዚአብሄር መንግስት የእርስ በእርስ ፉክክር መንግስት አይደለም፡፡ የእግዚአብሄር መንግስት በገንዘብ የመመካት መንግስት አይደለም፡፡ የእግዚአብሄር መንግስት በኑሮ የመመካት መንግስት አይደለም፡፡

ዓለምን ወይም በዓለም ያሉትን አትውደዱ፤ በዓለም ያለው ሁሉ እርሱም የሥጋ ምኞትና የዓይን አምሮት ስለ ገንዘብም መመካት ከዓለም ስለ ሆነ እንጂ ከአባት ስላልሆነ፥ ማንም ዓለምን ቢወድ የአባት ፍቅር በእርሱ ውስጥ የለም። 1ኛ ዮሃንስ 2፡15-16

የእግዚአብሄር መንግስት በእግዚአብሄር ደስ የመሰኘት መንግስት ነው፡፡ የእግዚአብሄር መንግስት በእግዚአብሄር ብቻ የመመካት መንግስት ነው፡፡ የእግዚአብሄር መንግስት ሁልጊዜ በጌታ ደስ የምንሰኝበት የደስታ መንግስት ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፅድቅ #ሰላም #መንፈስቅዱስ #ደስታ #መብል #መጠጥ ##ቤተክርስትያን #አማርኛ #ስብከት #መዳን #መፅሃፍቅዱስ #ልብ #አለም #ሃጢያት #ድምፅ #ቅባት #ደስታ #አቢይ #አቢይዋቁማ #አቢይዋቁማዲንሳ #የህይወትፍሬ #መናገር #ቅባት #ትግስት #መሪ

ሶስቱ ግልፅ የእግዚአብሄር ፈቃዶች

rejoice (1).jpgሁልጊዜ ደስ ይበላችሁ፤ ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ተሰሎንቄ 5፡16-18

እግዚአብሄር ለክብሩ ፈጥሮናል፡፡ እግዚአብሄር እኛን ከመፍጠሩ በፊት በምድር ላይ እንድናደርግለት የፈለገው ፈቃድ ነበረው፡፡ የራሳችንን ፍላጎት ሳይሆን ፈቃዱን በምድር ላይ እንድናደርግ እግዚአብሄር ሰርቶናል፡፡

ሰዎች ሁልጊዜ የእግዚአብሄርን ፈቃድ ለማወቅ ይፈልጋሉ፡፡ ይህ የእግዚአብሄር ፈቃድ ይሆንን ብለው ያስባሉ ይጠይቃሉ፡፡

አእምሮዋችንን በእግዚአብሄር ቃል እንድናድስ የታዘዝነው በጎና ደስ የሚያሰኝ ፍጹምም የሆነው የእግዚአብሄርን ፈቃድ እንድንለይ ነው፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ሮሜ 12፡2

በግልፅ የእግዚአብሄር ፈቃድ እንደሆኑ በመፅሃፍ ቅዱሳችን ከተጠቀሱት ነገሮች መካከል እነዚህ ሶስቱ ይገኙበታል፡፡

ሁልጊዜ ደስ ይበላችሁ፤

በነገሮች ብናዝንም በጌታ ደስ እንዲለን የእግዚአብሄርን ፈቃድ እንደሆነ መፅሃፍ ቅዱስ ያስተምረናል፡፡ ሁኔታዎች ቢያሳዝኑንም በጌታ ግን ሁልጊዜ ደስ እንድንሰኝ የእግዚአብሄር ቃል ያዛል፡፡

ሁልጊዜ በጌታ ደስ ይበላችሁ፤ ደግሜ እላለሁ፥ ደስ ይበላችሁ። ፊልጵስዩስ 4፡6

ሳታቋርጡ ጸልዩ፤

የእግዚአብሄር ልጆች ነን፡፡ ወደእግዚአብሄር መፀለይ እግዚአብሄርን መስማት ከእግዚአብሄር ጋር መነጋገር የእለት ተእለት ተግባራችን ነው፡፡

ጌታ ቅርብ ነው። በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ። ፊልጵስዩስ 4፡6

በሁሉ አመስግኑ፤

እግዚአብሄር መልካም አምላክ ነው፡፡ አምላካችን እግዚአብሄር በእርሱ ዘንድ ምንም ክፉ የሌለበት ሁለንተናው መልካም አምላክ ነው፡፡ እግዚአብሄር ክፉውን ነገር እንኳን ለመልካም የሚለውጥ አምላክ ነው፡

እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን። ሮሜ 8፡28

በምንም ሁኔታ ውስጥ ብናልፍ እግዚአብሄርን ላለማመስገን ምንም ምክኒያት የለንም፡፡ ሰው እነዚህን በማድረግ አይሳሳትም፡፡ ሰው ግን እነዚህን ባለማድረግ ይሳሳታል፡፡

ሁልጊዜ ደስ ይበላችሁ፤ ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ተሰሎንቄ 5፡16-18

ይህን ፅሁፍ ለሌሎች ሼር share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ሳታቋርጡጸልዩ #ሁልጊዜደስይበላችሁ #በሁሉአመስግኑ #የእግዚአብሔርፈቃድ #በክርስቶስ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

መኖርን የረሳው ሽማግሌ ታሪክ

forget to live.jpgመጀመሪያ የሁለተኛ ደረጃ ትምህርቴን ለመጨረስ እና ኮሌጅ ለመጀመር እስከሞት ድረስ እጓጓ ነበር፡፡

ከዚያ ደግሞ ኮሌጅን ለመጨረስ እና ሥራ ለመጀመር እስከሞት ድረስ እጓጓ ነበር፡፡

ከዚያም ለማግባት እና ልጆች ለመውለድ እስከሞት ድረስ እጓጓ  ነበር፡፡

ከዚያ በኋላ ወደ ሥራዬ መመለስ እንድችል ልጆቼን ለትምህርት የሚያበቃ ዕድሜዬ እንኪደርሱ እስከሞት ድረስ እጓጓ ነበር፡፡

ከዚያ በኋላ ጡረታ ለመውጣት እስከሞት ድረስ እጓጓ ነበር፡፡

እና አሁን ለመሞት ተቃርቤያለሁ . . . .

በድንገት የተረዳሁት ነገር በህይወቴ ዘመን ሁሉ የሚቀጥለው ደረጃ ላይ ለመድረስ እጅግ ስጓጓ ነገር ግን መኖርን ረስቼ እንደነበር ነው፡፡

የምድር ህይወት አጭር ነው፡፡ ለስኬታማነት ጊዜ እንደምትሰጥ ሁሉ ስኬትህን ለማጣጣም ጊዜ ስጥ፡፡ ለመከናወን እንደምትጥር ሁሉ በክንውንህን ለመደሰት ጊዜ ውሰድ፡፡

አንዳንድ ሰው ገንዘብ ማከማቸቱን እንጂ ገንዘብ ለምን እንዳከማቸ እንኳን እስኪረሳው ድረስ በገንዘቡ የሚያስፈልገውን ማድረግ ያቅዋል፡፡ ሰው ገንዘብን ለማከማቸት ተምሮ ገንዘቡን መጠቀም ካልተማረ ምን ይጠቅመዋል?

ይህም ደግሞ የሚያሳዝን ክፉ ነገር ነው፤ እንደ መጣ እንዲሁ ይሄዳል፤ ድካሙም ለነፋስ ከሆነ ጥቅሙ ምንድር ነው? ዘመኑን ሁሉ በጨለማ በኀዘን በብስጭት በደዌና በቍጣ ነው። መክብብ 5፡16-17

ሰው ስኬታማ እንዲሆን ብቻ ሳይሆን ስኬቱን እንዲደሰትበት ጌታ ይፈልጋል፡፡ ሰው እንዲከናወንለት ብቻ ሳይሆን ክንውኑን ጊዜ ወስዶ አንዲያጥመው ጌታ ይጠብቃል፡፡ ሰውን ለስኬት ብቻ ሳይሆን ስኬቱን እንዲጠቀምበት ጌታ ያሰለጥነዋል፡፡

እነሆ፥ እኔ ያየሁት መልካምና የተዋበ ነገር ሰው እግዚአብሔር በሰጠው በሕይወቱ ዘመን ሁሉ ይበላና ይጠጣ ዘንድ፥ ከፀሐይ በታችም በሚደክምበት ድካም ሁሉ ደስ ይለው ዘንድ ነው፤ ይህ እድል ፈንታው ነውና። እግዚአብሔር ለሰው ሁሉ ባለጠግነትንና ሀብትን መስጠቱ፥ ከእርስዋም ይበላና እድል ፈንታውን ይወስድ ዘንድ በድካሙም ደስ ይለው ዘንድ ማሠልጠኑ፤ ይህ የእግዚአብሔር ስጦታ ነው። መክብብ 5፡18-19

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ብልፅግና #መደሰት #ስኬት #ህይወት #ስጦታ #በረከት #ስኬት #እረኛእግዚአብሄር #ስምረት #መሰረታዊፍላጎት #ሁሉየእናንተነውና #ቤተክርስትያን #አማርኛ #ስብከት #መዳን #የተትረፈረፈህይወት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መርካት #ደስታ #ማስተዳደር #እረፍት

በእርስዋም ደስ ይበለን

rejoice 1.jpgእግዚአብሔር የሠራት ቀን ይህች ናት፤ ሐሤትን እናድርግ፥ በእርስዋም ደስ ይበለን። መዝሙር 118፡24

ህይወት የእግዚአብሄር ስጦታ ነው፡፡ እያንዳንዱ ቀን የእግዚአብሄር በረከት ነው፡፡

ስለለመድነውና ለአመታት ከእንቅልፋችን ስለተነሳን እኛ በራሳችን የተነሳን ይመስለናል እንጂ በህይወት ያለነው በእያንዳንዱ ቀን እግዚአብሄር ደግፎ ስላነቃን ነው፡፡

እኔ ተኛሁ አንቀላፋሁም፤ እግዚአብሔርም ደግፎኛልና ነቃሁ። መዝሙር 3፡5

እግዚአብሄር የሰጠንን ቀን በሚገባ መያዝ ሰጪውን ማክበር ነው፡፡ በተሰጠንን በዚህ ቀን ሰጪውን ማማረር እግዚአብሄርን ደስ አያሰኘውም፡፡

ነገ እናገኘዋለን እንደርስበታለን ብለን ስለምናስበው ተስፋ ዛሬን ማጣጣልና ማንቋሸሽ የሰጪውን ስጦታ በሚገባ አለማክበር ነው፡፡

ዛሬን የተሰጠንን ስጦታ በሚገባ ሳንይዝ የነገንና የነገ ወዲያን ህይወት ዛሬ ለመኖር መሞከር እግዚአብሄርን የእግዚአብሄርን ስጦታ አላግባብበ መጠቀም ነው፡፡

ነገ ለራሱ ይጨነቃልና ለነገ አትጨነቁ፤ ለቀኑ ክፋቱ ይበቃዋል። ማቴዎስ 6፡34

ዛሬ እግዚአብሄር የሰጠንን አዲስ ቀን ችላ ብለን ባለፈው ስህተታችን እና ውድቀታችን ለመኖር መሞከር ስጦታውን በትክክል አመጠቀም ነው፡፡ ያለፈውን ህይወታችንን አሁን እንደገና ለማስተካካለ መሞከር የማይቻል ከንቱ ድካም ነው፡፡

ዛሬ መኖር የምንችለው ዛሬን ነው፡፡ ትላንት ወደኋላ ተመልሰን ልናስተካክልው የማንችለው ትዝታ ነው፡፡ ነገ ምን እንደሆነ የማናውቅው ልንመካበታን የማንችለው ተስፋ ነው፡፡ ባለንበት ደረጃና ባለን ነገር ዛሬን በሚገባ ከኖርንና በዛሬ ደስ ከተሰኘን ትላንትናና  ነገ ትክክለኛ ቦታቸውን ይይዛሉ፡፡

ዛሬን ግን እንደእግዚአብሄር ስጦታ በከፍተኛ ዋጋ ካልያዝንው ዛሬን እናጣዋለን፡፡ ዛሬ ላይ ትላንትን መኖር አንችልም፡፡ በህይወታችን የምናስባቸው ነገሮች ቢሆኑም እንኳን ነገ ላይ ዛሬን መልሰን መኖር አንችልም፡፡ ዛሬን አጣጣልነውም ፣ ደስ ተሰኘበትም ፣ ተጠቀምንበትም ፣ ገፋነውም ዛሬ ተመልሶ አይመጣም፡፡

ዛሬ ፍፁም ስጦታ ነው፡፡ ዛሬን ምንም አንጨምርበትም ምንም አንቀንስበትም፡፡ ማድረግ የምንችለው ብቸኛ ነገር በዛሬ ደስ መሰኘት ነው፡፡

እግዚአብሔር የሠራት ቀን ይህች ናት፤ ሐሤትን እናድርግ፥ በእርስዋም ደስ ይበለን። መዝሙር 118፡24

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ዛሬ #ነገ #ትላንት #ትዝታ #ተስፋ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ሃሴት #ደስታ #ፅናት #ትግስት #መሪ

%d bloggers like this: