Category Archives: Praise

ሃሌ ሉያ። እግዚአብሔርን አመስግኑ ስሙንም ጥሩ፥ ለአሕዛብም ሥራውን አውሩ። ተቀኙለት፥ ዘምሩለት፥ ተአምራቱንም ሁሉ ተናገሩ።

conscious.jpgሃሌ ሉያ። እግዚአብሔርን አመስግኑ ስሙንም ጥሩ፥ ለአሕዛብም ሥራውን አውሩ። ተቀኙለት፥ ዘምሩለት፥ ተአምራቱንም ሁሉ ተናገሩ። መዝሙር 105፡1-2

ሃሌ ሉያ፤ ቸር ነውና፥ ምህረቱም ለዘላለም ነውና እግዚአብሔርን አመስግኑ። መዝሙር 106፡1

ሃሌ ሉያ። የእግዚአብሔር ባሪያዎች ሆይ፥ አመስግኑት፥ የእግዚአብሔርንም ስም አመስግኑ። ከዛሬ ጀምሮ እስከ ዘላለም ድረስ የእግዚአብሔር ስም ቡሩክ ይሁን። ከፀሐይ መውጫ ጀምሮ እስከ መግቢያው ድረስ የእግዚአብሔር ስም ይመስገን። መዝሙር 113፡1-3

ሃሌ ሉያ። አቤቱ፥ በቅኖች ሸንጎ በጉባኤም በፍጹም ልቤ አመሰግንሃለሁ። መዝሙር 111፡1

ጻድቃን ሆይ፥ በእግዚአብሔር ደስ ይበላችሁ፤ ለቅኖች ምስጋና ይገባል። እግዚአብሔርን በመሰንቆ አመስግኑት፥ አሥር አውታርም ባለው በበገና ዘምሩለት። አዲስ ቅኔም ተቀኙለት፥ በእልልታም መልካም ዝማሬ ዘምሩ፤ መዝሙር 33፡1-3

አቤቱ፥ ሙታን የሚያመሰግኑህ አይደሉም፥ ወደ ሲኦልም የሚወርዱ ሁሉ፤ እኛ ሕያዋን ግን ከዛሬ ጀምሮ እስከ ዘላለም እግዚአብሔርን እንባርካለን፡፡ ሃሌ ሉያ። መዝሙር 115፡17-18

ወደ ደጆቹ በመገዛት፥ ወደ አደባባዮቹም በምስጋና ግቡ፤ አመስግኑት፥ ስሙንም ባርኩ፤ መዝሙር 100፡4

እንግዲህ ዘወትር ለእግዚአብሔር የምስጋናን መሥዋዕት፥ ማለት ለስሙ የሚመሰክሩ የከንፈሮችን ፍሬ፥ በእርሱ እናቅርብለት። ዕብራውያን 13፡15

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

Advertisements

ሳታንጐራጉሩ ክፉም ሳታስቡ ሁሉን አድርጉ

light-681199_960_720.jpgበመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ፤ በእነርሱም መካከል የሕይወትን ቃል እያቀረባችሁ በዓለም እንደ ብርሃን ትታያላችሁ፥ ፊልጵስዩስ 2፡14-15

በምድር ላይ ያለነው ለአለም ብርሃን ለመሆን ነው፡፡ በምድር ላይ ያለነው ስለእግዚአብሄርን በጎነት ለመመስከር ነው፡፡

እናንተ ግን ከጨለማ ወደሚደነቅ ብርሃኑ የጠራችሁን የእርሱን በጎነት እንድትናገሩ የተመረጠ ትውልድ፥ የንጉሥ ካህናት፥ ቅዱስ ሕዝብ፥ ለርስቱ የተለየ ወገን ናችሁ፤ 1ኛ ጴጥሮስ 2፡9

ሰዎች የምናስበውን የምንናገረውንና የምናደርገውን ነገር በቅርበት ይከታተላሉ፡፡ በምንናገረውና በምናደርግው ነገር ለእግዚአብሄር መንግስት ጥሩ ወይም መጥፎ ምስክር ልንሆን እንችላለን፡፡ በምንናገረው ነገር ሰዎች ቤተክርስትያንን እንዲያምኑ ወይም እንዲጠራጠሩ ልናደርግ እንችላለን፡፡ በምንናገረው ነገር ሰዎች አገልጋዮችንና መሪዎችን እንዲሰሙ ወይም እንዳይሰሙ ማድረግ እንችላለን፡፡ በምንናገረው ነገር ሰዎች ወደ እግዚአብሄር መንግስት እንዲመጡ ወይም እንዳይመጡ ልናደርግ እንችላለን፡፡

የሚያንጎራጉር ሰው ሰይጣን ስራ እንጂ ስለ እግዚአብሄር መልካምነት ሊመሰክር አይችልም፡፡ የሚንጎራጉር ሰው ስለሰይጣን ጨለማ እንጂ ስለእግዚአብሄር ብርሃን ምስክር ሊሆን አይችልም፡፡ የሚያንጎራጉር ሰው ስለሰይጣን ሃይልነት እንጂ ስለእግዚአብሄር ሃያልነት አይናገርም፡፡ የሚያንጎራጉር ሰው ስለሰይጣን ተንኮል እንጂ ስለሚበልጠው ስለእግዚአብሄር ጥበብ ሊመሰክር አይችልም፡፡ የሚያንጎራጉር ሰው ስለሃጢያት ብርታት እንጂ ስለእግዚአብሄር ፀጋ ብርታት ሊመሰክር አይችልም፡፡

የሚያንጎራጉር ሰው ጥያቄ ያለበት እንጂ ጥያቄው የተመለሰለት ሰው አይደለም፡፡ የሚያንጎራጉር ሰው ኢየሱስ ጥያቄን ይመልሳል ብሎ የሚመሰከር ህይወትም አንደበትም የለውም፡፡

የሚያንጎራጉር ሰው ሌላውን ሰው ወደ እግዚአብሄር መንግስት አያበረታታም፡፡ የሚያንጎራጉር ሰው ሌላው ወደእግዚአብሄር መንግስት እንዳይመጣ እንቅፋት ይሆናል፡፡ የሚያንጎራጉር ሰው ሌላው እግዚአብሄርን እንዲያገለግል አያበረታታም፡፡ የሚያንጎራር ሰው ሌላው ለእግዚአብሄር እንዳይሰጥ ያዳክማል፡፡ የሚያንጎራጉር ሰው የሰዎችን በጎ ህሊና ያበላሻል፡፡ የሚያንጎራጉር ሰው የሰዎችን እምነት ይሰርቃል፡፡ የሚያምጎራጉስር ሰው የሰዎችን ልብ ያወርዳል፡፡ የሚያንጎራጉር ሰው የሰዎችን ተስፋ ያጨልማል፡፡

የሚያንጎራጉር ሰው የተሸነፈ ሰው ነው፡፡ የተሸነፈን ሰው ለመከተል የሚፈልግ ሰው የለም፡፡ የሚያንጎራጉር ሰው የአሸናፊነት መንገድ የጠፋበት ሰው ነው፡፡ የአሸናፊን መንግስት እንጂ ተሸናፊን መንግስት ውስጥ መግባት የሚፈልግ ሰው እንደሌለ ሁሉ የሚያንጎራጉር ሰው ለእግዚአብሄር መንግስት ምስክር መሆን አይችልም፡፡

የሚያንጎራጉር ሰው ምህረትን እንድናደርግና ቻይ እንድንሆንና ቸር እንድንሆን የሚያስተምረውን የኢየሱስን ትምህርት ይቃወማል፡፡

እኔ ግን እላችኋለሁ፥ ክፉውን አትቃወሙ፤ ዳሩ ግን ቀኝ ጉንጭህን በጥፊ ለሚመታህ ሁሉ ሁለተኛውን ደግሞ አዙርለት፤ እንዲከስህም እጀ ጠባብህንም እንዲወስድ ለሚወድ መጎናጸፊያህን ደግሞ ተውለት፤ ማንም ሰው አንድ ምዕራፍ ትሄድ ዘንድ ቢያስገድድህ ሁለተኛውን ከእርሱ ጋር ሂድ። ማቴዎስ 5፡39-41

የሚያንጎራጉር ሰው ስለራሱ ድካም እንጂ ስለሚሸንፈነው የእግዚአብሄር ፀጋ ሊመሰክር አይችልም፡፡ የሚያንጎራጉር ሰው የእግዚአብሄርን ፀጋ በሚያበዛለት በድካሙ የማይመካ ሰው ነው፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። 2ኛ ቆሮንቶስ 12፡9

በመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ፤ በእነርሱም መካከል የሕይወትን ቃል እያቀረባችሁ በዓለም እንደ ብርሃን ትታያላችሁ፥ ፊልጵስዩስ 2፡14-15

በሚያጠፋውም እንደ ጠፉ አታንጐርጕሩ

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #አታንጎራጉሩ #አታጉረምርሙ #ብርሃን #ምስክር #ጠማማ #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

በሚያጠፋውም እንደ ጠፉ አታንጐርጕሩ

kingdome.jpgከእነርሱም አንዳንዶቹ እንዳንጎራጎሩ በሚያጠፋውም እንደ ጠፉ አታንጐርጕሩ። 1ኛ ቆሮንቶስ 10፡10

የእስራኤል ህዝብ በእግዚአብሄር መሪነት ደስተኛ አልነበሩም፡፡ የእስራኤል ህዝብ እግዚአብሄር እንደዚህ አድርጎ ሊይዘን አይገባም ነበር የሚል ጥያቄ ነበራቸው፡፡ የእስራኤል ህዝብ እግዚአብሄር ከዚህ በላይ ሊያደርግልን ይገባል የሚል ቅሬታ ነበራቸው፡፡ የእስራኤል ህዝብ እግዚአብሄ ጠላቶቻችንን እንደዚህ ነበር ማድረግ የነበረበት የሚል የተለየ ሃሳብ አላቸው፡፡ የእስራኤልክ ህዝብ እግዚአብሄር እንደሚገባን አልተንከባከበንም የሚል ጥያቄ ነበራቸው፡፡ ሰው የሚያንጎራጉረው በመሪው ላይ ጥያቄ ሲኖረው ነው፡፡

ሰው በሚስቴ በባሌ ደስተኛ እይደለሁም ሲል አልገረምም፡፡ ሰው በፍፁሙ በእግዚአብሄር መሪነት ላይ ጥያቄ ካለው ሚስት በባልዋ መሪነት ላይ ጥያቄ ባይኖራት ይገርማል እንጂ የማይገባት ነገር ስላለ አያስገርምም፡፡ ሰው በእግዚአብሄር መሪነት ላይ አቃቂር የሚያወጣ ሰው በሰው መሪነት ላይ አቃቂር ቢያወጣ አያስገርምም፡፡ ሁላችንም በምናውቃቸው ሰዎች መሪነት ላይ አቃቂር ማውጣት እንችላለን፡፡

የሚያንጎራጉር ሰው በህይወቱ ለሰይጣን በር እየከፈተ ይሄዳል፡፡ የሚያንጎራጉር ሰው የእግዚአብሄርን መንፈስ እያሳዘነ ይሄዳል፡፡ የሚያንጎራጉር ሰው እደከመ መቋቋም እያቃተው ይሄዳል፡፡ ስለዚህጅ ነው መፅሃፍ ቅዱስ በግልፅ አታንጎራጉሩ የሚለው፡፡

ማንጎራጎር ተስፋ መቁረጥ ነው

ማንጎራጎር ተስፋን አለማየት ነው፡፡ ማንጎራጎር ጨለማ ነው፡፡ ማንጎራጎር ተስፋ ቢስነት ነው፡፡

እኔ ግን ሁልጊዜ ተስፋ አደርጋለሁ፥ በምስጋናህም ሁሉ ላይ እጨምራለሁ። መዝሙር 71፡14

ማንጎራጎር እግዚአብሄር እውነተኛ ዳኛ መሆኑን መርሳት ነው

ማንጎራጎር እግዚአብሄር በወቅቱ እንደማየፈርድ መጠራጠር ነው፡፡ ማንጎራጎር አግዚአብሄር ለመፍረድ የሆነ ነገር እንደጎደለው ማሰብ ነው፡፡

ሕግን የሚሰጥና የሚፈርድ አንድ ነው፤ እርሱም ሊያድን ሊያጠፋም የሚችል ነው፤ በሌላው ግን የምትፈርድ አንተ ማን ነህ? ያዕቆብ 4፡12

ማንጎራጎር እግዚአብሄርን አለማመስገን ነው

የሚያንጎራጉር ሰው የእግዚአብሄር ምስጋና ያነሰበት ሰው ነው፡፡ የሚያንጎራጉር ሰው የእግዚአብሄርን መልካምነት ያልተረዳ ሰው ነው፡፡ የሚያንጎራጉር ሰው የእግዚአብሄርን አሰራር የማያውቅ ሰው ነው፡፡ የሚያንጎራጉር ሰው የእግዚአብሄርን እርምጃ ያልተረዳ ሰው ነው፡፡

በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ተሰሎንቄ 5፡17-18

ማንጎራጎር በእግዚአብሄር ደስ አለመሰኘት ነው

በእግዚአብሄር ደስ የተሰኘ ሰው ጥያቄውን ዋጥ ያደርገዋል እንጂ ለማንጎራጎር አፉን ለመክፈት አይደፍርም፡፡

ማንጎራጎር በሰው ቁጣ የእግዚአብሄርን ፅድቅ የመስራት ከንቱ ሙከራ ነው፡፡

ማንጎራጎር በእግዚአብሄር መታመን አይደለም፡፡ ማንጎራጎር በራስ ችሎታ መታመን ነው፡፡ ማንጎራጎር የስጋ ክንፍ ነው፡፡

ስለዚህ፥ የተወደዳችሁ ወንድሞቼ ሆይ፥ ሰው ሁሉ ለመስማት የፈጠነ ለመናገርም የዘገየ ለቍጣም የዘገየ ይሁን፤ የሰው ቍጣ የእግዚአብሔርን ጽድቅ አይሠራምና። ያእቆብ 1፡19-20

ማንጎራጎር የእግዚአብሄርን መሪነት ጥያቄ ውስጥ መክተት ነው

ምድርን እና ሞላዋን ለራሱ ክብር የፈጠረና እያስተዳደር ያለ ባለቤት እያለ የሚያንጎራጉር ሰው እግዚአብሄር መምራት በትክክል አልቻለም እያለ ነው፡፡ የሚያንጎራጉር ሰው መሪነቱን ከእግዚአብሄር ተቀብሎ በተሻለ ለማምራት እየተፈተነ ነው፡፡

ማንጎራጎር ባለን ነገር ላይ ሳይሆን በጎደለን ነገር ላይ ማተኮር ነው

እግዚአብሄር በህይወታችን ያደረጋቸው ከቁጥር የበዙ ታእምራቶች እያሉ አልሆነልኝም በምንለው ነገር ላይ ማተኮር ማጉረምረምን ያመጣል፡፡

የማይመረመረውን ታላላቅ ነገር፥ የማይቈጠረውንም ተአምራት ያደርጋል። ኢዮብ 9፡10

ማንጎራጎር እኔ አውቃለሁ ባይነት ነው

የሚያንጎራጉር ሰው ከእርግዚአብሄር በላይ እንደሚያውቅ የተሰማው ሰው ነው፡፡ የሚያንጎራጉር ሰው እግዚአብሄርን ሊመክርው የሚዳዳው ሰው ነው፡፡ የሚያንጎራጉር ሰው በእግዚአብሄር ያልተረዳውነ አንድ ነገር ያገኘ የመሰለው ሰው ነው፡፡

ማንም አንዳች የሚያውቅ ቢመስለው ሊያውቅ እንደሚገባው ገና አላወቀም፤ 1ኛ ቆሮንቶስ 8፡2

በፊቱ ሙግቴን አዘጋጅ ነበር፥ አፌንም በማስረጃ እሞላው ነበር። የሚመልስልኝም ቃል ምን እንደ ሆነ አውቅ ነበር፥ የሚለኝንም አስተውል ነበር። ኢዮብ 23፡4-5

ማንጎራጎር ትእቢት ነው

ማንጎራጎር ሰው ከሚገባው በላይ በትእቢት ማሰብ ነው፡፡

ለጣዖት ስለ ተሠዋ ሥጋም፥ ሁላችን እውቀት እንዳለን እናውቃለን። እውቀት ያስታብያል ፍቅር ግን ያንጻል። 1ኛ ቆሮንቶስ 8፡1

ማንጎራጎር እግዚአብሄርን አለመፍራት ነው፡፡

እግዚአብሄርን በትክክል የማያውቀው ሰው ይዳፈረዋል፡፡ እግዚአብሄርን የሚዳፈር ሰው ለማንጎራጎር ቅርብ ነው፡፡ እግዚአብሄርን የሚፈራ ሰው ላለማንጎራጎር የሚጠይቀውን ሁሉ ያደርጋል፡፡

ሰው ዝም ብሎ የእግዚአብሔርን ማዳን ተስፋ ቢያደርግ መልካም ነው። ሰቆቃው ኤርምያስ  3፥29

ተስፋ የሆነው እንደ ሆነ አፉን በአፈር ውስጥ ያኑር።  ሰቆቃው ኤርምያስ 3፥26

ያዕቆብ ሆይ፥ እስራኤልም ሆይ፦ መንገዴ ከእግዚአብሔር ተሰውራለች ፍርዴም ከአምላኬ አልፋለች ለምን ትላለህ? ለምንስ እንዲህ ትናገራለህ? አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳያስ 40፡27-28

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #አታንጎራጉሩ #አታጉረምርሙ #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

በሰማያት ላይ ለረድኤትህ እንደሚሄድ እንደ እግዚአብሔር ያለ ማንም የለም

cloudy_sky_over_mountains-t2 (1).jpgይሹሩን ሆይ፥ በሰማያት ላይ ለረድኤትህ፥ በደመናትም ላይ በታላቅነት እንደሚሄድ እንደ እግዚአብሔር ያለ ማንም የለም። ዘዳግም 33:26

የፈጠረን እግዚአብሄር ነው፡፡ የሚረዳን እግዚአብሄር ነው፡፡ እግዚአብሄር በሰማይ ያለው ሊረዳን ነው፡፡ እግዚአብሄር እኛን ከመርዳት ውጭ ሌላ ስራ የለውም፡፡ የእግዚአብሄር ስራ እኛን መርዳት ነው፡፡

እግዚአብሄር በሰማይ ያለው እኛን ለመርዳት ብቻ ሳይሆን እግዚአብሄር በሰማይ ያለው በታላቅነት ነው፡፡ እግዚአብሄር በታላቅነት በሰማይ ያለው ሊረዳን ነው፡፡

እግዚአብሄር ከፍ ያለ ቦታ ያለው ሁሉን ሊያይና ሊረዳን ነው፡፡

የሚያስተውል እግዚአብሔርንም የሚፈልግ እንዳለ ያይ ዘንድ እግዚአብሔር ከሰማይ የሰው ልጆችን ተመለከተ። መዝሙር 53፡2

ስለዚህ ነው የእግዚአብሄርን እርዳታ ያየው መዝሙረኛው ዳዊት እግዚአብሄርን እንዲህ እያለ የሚያመሰግነው፡፡

ረዳቴ ሆነኸኛልና፥ በክንፎችህም ጥላ ደስ ይለኛልና። መዝሙር 63፡7

እግዚአብሄር አምላኩ የሆነለት ህዝብ ምስጉን ነው፡፡

የያዕቆብ አምላክ ረዳቱ የሆነ ተስፋውም በአምላኩ በእግዚአብሔር የሆነ ሰው ምስጉን ነው፤ መዝሙር 146፡5

ህዝቡን እንደሚረዳና እንደሚደግፍ እንደ እግዚአብሄር ያለ ማንም የለም፡፡ እንደ እኛ የታደለ ሰው የለም፡፡ እንደ እኛ ደስ ሊለው የሚገባው ሰው የለም፡፡ እንደ እኛ ሳያቋርጥ እግዚአብሄርን ማመስገን የሚገባው ሰው የለም፡፡ እግዚአብሄር በሰማይ ያለው እኛን ሊረዳ ነው፡፡

ይሹሩን ሆይ፥ በሰማያት ላይ ለረድኤትህ፥ በደመናትም ላይ በታላቅነት እንደሚሄድ እንደ እግዚአብሔር ያለ ማንም የለም። ዘዳግም 33:26

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #እርዳታ #ታላቅነት #ቃል #መልካም #መታመን #መደገፍ #መንፈስቅዱስ #ቃሉንመስማት #ረድኤት #ቤተክርስትያን #አማርኛ #ስብከት  #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ

መዝሙር 136፡1-26

army.jpg1 እግዚአብሔርን አመስግኑ፤ ቸር ነውና፥ ምሕረቱ ለዘላለም ነውና።

2 የአማልክትን አምላክ አመስግኑ፤ ምሕረቱ ለዘላለም ነውና።

3 የጌቶችን ጌታ አመስግኑ፤ ምሕረቱ ለዘላለም ነውና፤

4 እርሱ ብቻውን ታላቅ ተኣምራትን ያደረገ፤ ምሕረቱ ለዘላለም ነውና፤

5 ሰማያትን በብልሃት የሠራ፤ ምሕረቱ ለዘላለም ነውና፤

6 ምድርን በውኃ ላይ ያጸና፤ ምሕረቱ ለዘላለም ነውና፤

7 ብቻውን ታላላቅ ብርሃናትን የሠራ፤ ምሕረቱ ለዘላለም ነውና፤

8 ለፀሐይ ቀንን ያስገዛው፤ ምሕረቱ ለዘላለም ነውና፤

9 ለጨረቃና ለከዋክብትም ሌሊትን ያስገዛቸው፤ ምሕረቱ ለዘላለም ነውና፤

10 ከበኵራቸው ጋር ግብጽን የመታ፤ ምሕረቱ ለዘላለም ነውና፤

11 እስራኤልንም ከመካከላቸው ያወጣ፤ ምሕረቱ ለዘላለም ነውና፤

12 በጸናች እጅ በተዘረጋችም ክንድ፤ ምሕረቱ ለዘላለም ነውና፤

13 የኤርትራን ባሕር በየክፍሉ የከፈለ፤ ምሕረቱ ለዘላለም ነውና፤

14 እስራኤልን በመካከሉ ያሳለፈ፤ ምሕረቱ ለዘላለም ነውና፤

15 ፈርዖንንና ሠራዊቱን በኤርትራ ባሕር የጣለ፤ ምሕረቱ ለዘላለም ነውና፤

16 ሕዝቡን በምድረ በዳ የመራ፤ ምሕረቱ ለዘላለም ነውና፤

17 ታላላቅ ነገሥታትን የመታ፤ ምሕረቱ ለዘላለም ነውና፤

18 ብርቱዎችንም ነገሥታት የገደለ፤ ምሕረቱ ለዘላለም ነውና፤

19 የአሞራውያንን ንጉሥ ሴዎንን፤ ምሕረቱ ለዘላለም ነውና፤

20 የባሳንን ንጉሥ ዐግን፤ ምሕረቱ ለዘላለም ነውና፤

21 ምድራቸውን ርስት አድርጎ የሰጠ፤ ምሕረቱ ለዘላለም ነውና፤

22 ለባሪያው ለእስራኤል ርስት፤ ምሕረቱ ለዘላለም ነውና።

23 እኛን በመዋረዳችን አስቦናልና፤ ምሕረቱ ለዘላለም ነውና፤

24 ከጠላቶቻችንም እጅ አድኖናልና፤ ምሕረቱ ለዘላለም ነውና

25 ለሥጋ ሁሉ ምግብን የሚሰጥ፤ ምሕረቱ ለዘላለም ነውና።

26 የሰማይን አምላክ አመስግኑ፤ ምሕረቱ ለዘላለም ነውና።

መዝሙር 136፡1-26

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

“No complaint” isn’t enough

cropped-concert_hands_in_the_air-wallpaper-2560x1440.jpgWhen people are asked about life they sometimes say “no complaint”. What they mean is that they don’t want to complain about God or thank Him either. Actually, they are tempted not to thank Him. They are tempted to complain.

All of us are tempted to complain. All of us are tempted not to thank Him either.

And it is clear that it is good not to complain. Complain is bad. Complain is criticizing Gods dealing in our lives. Complaint isn’t acceptable at all.

And do not grumble, as some of them did–and were killed by the destroying angel. 1 Corinthians 10:10

But not complaining isn’t enough. Being passive isn’t enough. It takes to praise God. Praising God is the will of God towards us.

give thanks in all circumstances; for this is God’s will for you in Christ Jesus. 1 Thessalonians 5:18

We have to humble ourselves not only to complain but also to thank God in everything.

Don’t just keep quite. Praise Him. Even if you are tempted not to praise him, defeat the Devil by praising him.

Not only we are commanded not to complain, we are also commanded to praise Him.

For More Articles https://www.facebook.com/abiy.wakuma/notes

#complain #praise #persecution #blessed #temptation #trial #tribulation #faith #church #perseverance #preaching #salvation #bible #countingthecost #test #facebook #abiywakuma #abiywakumadinsa

እግዚአብሄርን የሚያከብር ምስጋና

praise god.jpgምስጋና የሚሠዋ ያከብረኛል፤ የእግዚአብሔርን ማዳን ለእርሱ የማሳይበት መንገድ ከዚያ አለ። መዝሙር 50፡23

እግዚአብሄርን ማመስገን የመንፈሳዊ ጤንነት ምልክት ነው፡፡

የዋህነት የመንፈሳዊ ጤንነት ምልክት ነው፡፡

ብልጣብልጥ ሰው እግዚአብሄርን ሊያመሰግን አይችልም፡፡ ብልጣብልጥ ሰው ነገሮች የሚሆኑለት በብልጠቱ ይመስለዋል፡፡ በአራድነት መኖር የሚፈልግ ሰው የራሱን ቅልጥፍና እንጂ እግዚአብሄርን ሊያመሰግን አይችልም፡፡

እነሆ፥ ነፍሱ ኰርታለች፥ በውስጡም ቅን አይደለችም፤ ጻድቅ ግን በእምነቱ በሕይወት ይኖራል። ዕንባቆም 2፡4

ትህትና የመንፈሳዊ ጤንነት ምልክት ነው፡፡

ትእቢተኛ የሆነ ሰው ከእግዚአብሄር በላይ ሁሉን የሚያውቅ የሚመስለው ሰው እግዚአብሄርን አያመሰግንም፡፡ ትሁት ሰው የማላውቅው ነገር አለ እግዚአብሄር ሁሉን ያውቃል ለሚል ሰው እግዚአብሄርን ለማመስገን ይቀለዋል፡፡

ሰው ሆይ፥ መልካሙን ነግሮሃል፤ እግዚአብሔርም ከአንተ ዘንድ የሚሻው ምንድር ነው? ፍርድን ታደርግ ዘንድ፥ ምሕረትንም ትወድድ ዘንድ፥ ከአምላክህም ጋር በትሕትና ትሄድ ዘንድ አይደለምን?  ሚክያስ 6፡8

እምነት የመንፈሳዊ ጤንነት ምልክት ነው፡፡

በማየት የማይመላለስ ሰው ነገሩ ከመሆኑ በፊት እግዚአብሄርን ያመሰግናል፡፡ በዝቅታ ውስጥ እግዚአብሄርን ለማመስገን ከፍታን ማየት ይጠይቃል፡፡ በተቀራኒ ሁኔታዎች ውስጥ እግዚአብሄርን ለማመስገን የሚታየውን አለማየት የማይታየውን ማየት ይጠይቃል፡፡

የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው። 2ኛ ቆሮንቶስ 4፡17-18

እግዚአብሄርን ሃይልና ጥበብ ማወቅ የመንፈሳዊ ጤንነት ምልክት ነው፡፡

እግዚአብሄርን የሚያውቅ ሰው በእግዚአብሄር ላይ አያጉረመርምም፡፡ እግዚአብሔርን የሚያውቅ ሰው እግዚአብሄርን ሁል ጊዜ ያመሰግነዋል፡፡

ያዕቆብ ሆይ፥ እስራኤልም ሆይ፦ መንገዴ ከእግዚአብሔር ተሰውራለች ፍርዴም ከአምላኬ አልፋለች ለምን ትላለህ? ለምንስ እንዲህ ትናገራለህ? አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳይያስ 40፡27-28

የእግዚአብሄርን መልካምነት ማወቅ የመንፈሳዊ ጤንነት ምልክት ነው፡፡

እግዚአብሄርን የሚያውቅ ሰው እግዚአብሄር መልካም እንደሆነ እንጂ ሌላ እውቀት ስለሌለው ነበገር ሁሉ እግዚአብሄርን ያመሰግናል፡፡

እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን። ሮሜ 8፡28

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

ምስጋና አልባ መሥዋዕት

praise.jpgሕዝቤ፥ ስማኝ፥ ልንገርህ፤ እስራኤልም፥ ስማኝ፥ ልመስክርብህ፤ አምላክስ እኔ አምላክህ ነኝ። ስለ ቍርባንህ የምዘልፍህ አይደለሁም፤ የሚቃጠል መሥዋዕትህ ሁልጊዜ በፊቴ ነው። ከቤትህ ፍሪዳን ከመንጋህም አውራ ፍየልን አልወስድም፤ የምድረ በዳ አራዊት ሁሉ በሺህ ተራራዎች ያሉ እንስሶችም የእኔ ናቸውና። የሰማይን አዕዋፍ ሁሉ አውቃለሁ፥ የምድረ በዳ አራዊትም በእኔ ዘንድ ናቸው። ብራብም ለአንተ አልነግርህም፥ ዓለምና ሞላው የእኔ ነውና። የፍሪዳውን ሥጋ እበላለሁን? የፍየሉንስ ደም እጠጣለሁን? ለእግዚአብሔር የምስጋናን መሥዋዕት ሠዋ፥ ለልዑልም ስእለትህን ስጥ፤ ምስጋና የሚሠዋ ያከብረኛል፤ የእግዚአብሔርን ማዳን ለእርሱ የማሳይበት መንገድ ከዚያ አለ። መዝሙር 50፡7-14፣23

የእስራኤል ህዝብ መሥዋዕት የማቅረብ ትርጉሙን አልተረዳውም ነበር፡፡ የእስራኤል ህዝብ መሥዋዕት የሚሰዋው እንደ ልምድ ነበር፡፡ የእስራኤል ህዝብ መሥዋዕት የሚሰዋው ግዴታው ስለነበረ ይመስላል፡፡

ለእግዚአብሄር ግን መሥዋዕት የበግና የፍየል ጉዳይ አይደለም፡፡ መሥዋዕት ማድረግ ማለት የከብት ሃብታችሁን ለእግዚአብሄር ማካፈል ማለት አይደለም፡፡ እግዚአብሄር ሃብታችሁን አይካፈልም፡፡ በሺህ ተራራዎች ያሉ እንስሶችም የእግዚአብሄር ነው፡፡ ምድርና  ሞላዋ የእግዚአብሄር ናት፡፡

ምድርና ሞላዋ ለእግዚአብሔር ናት: ዓለምም በእርስዋ የሚኖሩ ሁሉ መዝሙር 24፡4.

መስዋእት ማድረግ ማለት እግዚአብሄር ተርቦ ለእግዚአብሄር በግ አርዶ ማብላት አይደለም፡፡ እግዚአብሄር መስዋእት እንዲያደርጉ ያዘዘው ርቦትና ጠምቶት አይደለም፡፡ ስጋ የምበላ ደም የምጠጣ ከሆነ ቢርበኝ ለአንተም አልነግርህም ይላል እግዚአብሄር፡፡

ታዲያ እግዚአብሄር ምን ፈልጎ ነው መስዋእት አድርጉ ያለው ብለን ልንጠይቅ እንችላለን፡፡

እግዚአብሄር የፈለገው ምስጋናን ነው፡፡ እግዚአብሄር የፈለገው በበጉና በፍየሉ ላይ ተጭኖ የሚመጣውን ምስጋና ነው፡፡ እግዚአብሄር የፈለገው በጉንና ፍየሉን የሚያመጣውን ሰው የልብ ምስጋናን ማየት ነው፡፡ እግዚአብሄር የፈለገው የመስዋእት አድራጊውን የልብ ምስጋና ነው፡፡

በጉበና ፍየሉ ምስጋናውን የሚሸከም ተሸካሚ እንጂ ስጦታ አይደለም፡፡ በጉና ፍየሉ የልብን ምስጋና የሚያሳይ መጠቅያ እቃ እንጂ ራሱ ስጦታ አይደለም፡፡ በጉና ፍየሉ ምስጋናውን ማሳያ መንገድ እንጂ በራሱ ምስጋና አይደለም፡፡

የእስራኤል ህዝብ መስዋእት ሊያደርጉ ሲሄዱ በመጀመሪያ ደረጃ በእግዚአብሄር ፊት ሊታዩ ነው የሚሄዱት፡፡ እግዚአብሄር የሰውን የህይወት ጤንነት የሚያየው በምስጋናው ነው፡፡

በአንተ ዘንድ ያለው ወንድ ሁሉ በእስራኤል አምላክ በጌታ በእግዚአብሔር ፊት በዓመት ሦስት ጊዜ ይታይ። ዘጸአት 34፡23

ሰው ወደእግዚአብሄር ሲገባ ፕሮቶኮሉ ወይም ስርአቱ በምስጋና መሆን አለበት፡፡

ወደ ደጆቹ በመገዛት፥ ወደ አደባባዮቹም በምስጋና ግቡ፤ አመስግኑት፥ ስሙንም ባርኩ፤ መዝሙር 100፡4

እግዚአብሄር መስዋእትን ሲቀበል መጀመሪያ የሚያየው መስዋእት አድራጊውን ነው፡፡

አቤልም ደግሞ ከበጎቹ በኵራትና ከስቡ አቀረበ። እግዚአብሔርም ወደ አቤልና ወደ መሥዋዕቱ ተመለከተ፤ ዘፍጥረት 4፡4

አሁንም እግዚአብሄርን በምናገለግላቸው መንገዶች ሁሉ አገልግሎታችንን ከማየቱ ጌታ ልባችንን ያያል፡፡ በልባችን ምስጋና ከሌለ የምናገለግለው ከምስጋና ተነስተን ካልሆነ ባዶ ሃይማኖታዊ ወግ እየፈፀምን እንጂ ጌታን እያገለገልን አይደለም፡፡

ስናገለግል ፣ ስንሰጥ ፣ ህብረት ስናደርግና ስንመሰክር ከምስጋና ልብ ማገልገል አለብን፡፡

ለእግዚአብሔር የምስጋናን መሥዋዕት ሠዋ፥ ለልዑልም ስእለትህን ስጥ፤ ምስጋና የሚሠዋ ያከብረኛል፤ የእግዚአብሔርን ማዳን ለእርሱ የማሳይበት መንገድ ከዚያ አለ። መዝሙር 50፡14፣23

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ምስጋና #መዳን #እምነት #መሥዋዕት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #ትግስት #መሪ

የግንኙነት መለኪያ – ምስጋና

termo.jpgምስጋና የሚሠዋ ያከብረኛል፤ የእግዚአብሔርን ማዳን ለእርሱ የማሳይበት መንገድ ከዚያ አለ። መዝሙር 50፡23

ምስጋና እግዚአብሄር ስለደረገልን መልካምነት ምላሽ ከመስጠት ያልፋል፡፡ ምስጋና ከእግዚአብሄር ጋር ያለንን የግንኙነት ደረጃ ያሳያል፡፡ ከእግዚአብሄር ጋር ያለንን ግንኘነት ጤንነት ማወቅ ከፈለግን ምስጋናችንን መለካት ይጠይቃል፡፡

ምስጋና የሚሰዋ እርሱ ያከብረኛል ይላል፡፡ ምስጋና እግዚአብሄርን ማክበራችን ያሳያል ማለት ነው፡፡ ምስጋና ለእግዚአብሄር የመጀመሪያውን ስፍራ መሰጠታችንን ያሳያል፡፡ ምስጋና የተፈጠርንለትን አላማ እየፈፀምንም መሆናችንን ያሳያል፡፡

ምስጋና ስለ ትህትናችን ይናገራል

ምስጋና የልባችንን ትህትና ይገልጣል፡፡ ትሁት የሆነ ሰው እግዚአብሄር ላይ ለማጉረምረም ምክኒያት አያገኝም፡፡ ትሁት የሆነ ሰው እግዚአብሄር ከእኔ በላይ ያውቃል ይላል፡፡ ትሁት ሰው እኔ የማላውቀው ነገር አለ ይላል፡፡ ትሁት ሰው እግዚአብሄር የሚሰጠው አያንስበትም ይበቃዋል፡፡ ትሁት ሰው እግዚአብሄር የሚሰጠው ጥቂት ነገርን እንኳን እንደሚገባው አይቆጥረውም፡፡  ትሁት ሰው እያንዳንዱን መልካምነት አቅልሎ አያየውም፡፡

አንተ እንድትበልጥ ማን አድርጎሃል? ያልተቀበልኸውስ ምን አለህ? የተቀበልህ ከሆንህ ግን እንዳልተቀበልህ የምትመካ ስለ ምንድር ነው? 1ኛ ቆሮንቶስ 4፡7

የተወደዳችሁ ወንድሞቼ ሆይ፥ አትሳቱ። በጎ ስጦታ ሁሉ ፍጹምም በረከት ሁሉ ከላይ ናቸው፥ መለወጥም በእርሱ ዘንድ ከሌለ በመዞርም የተደረገ ጥላ በእርሱ ዘንድ ከሌለ ከብርሃናት አባት ይወርዳሉ። ያዕቆብ 1፡16-17

ምስጋና እግዚአብሄርን ስለመፍራታችን ይናገራል

ምስጋና እግዚአብሄርን እንደምንፈራው ያሳያል፡፡ ምስጋና ለእግዚአብሄር ያለንን ፍርሃትና አክብሮት ያሳያል፡፡ ለእግዚአብሄር የተለየ ክብር ያለው ሰው በእግዚአብሄር ፊት ምስጋናን እንጂ ማጉረምረም ሊያወጣ አይችልም፡፡

ማስፈራራታቸውንም አትፍሩ አትናወጡም፥ ዳሩ ግን ጌታን እርሱም ክርስቶስ በልባችሁ ቀድሱት። 1ኛ ጴጥሮስ 3፡14-15

ምስጋና በእምነት መኖራችነንን ያሳያል፡፡ ምስጋና የምንመላለሰው በማየት ሳይሆን በእምነት እንደሆነ ያሳያል፡፡ እግዚአብሄር መልካም እንደሆነ ካመንን እግዚአብሄርን ለማመስገን እንችላል፡፡

ምስጋናችን በእግዚአብሄር ደስታ መርካታችንንና አለምን መናቃችንን ያሳያል

ሰው ሃጢያት የሚሰራው የእግዚአብሄር ደስታ ወይም እቅርቦት አልበቃ ብሎት ነው፡፡ በእግዚአብሄር ደስ የተሰኘ ሰው ግን ሃጢያትን ይንቃል፡፡ ከሃጢያት መራቃችን በእግዚአብሄር መርካታችንንና የሚያመሰግን ልብ እንዳለን ያሳያል፡፡

አካሄዳችሁ ገንዘብን ያለ መውደድ ይሁን፥ ያላችሁም ይብቃችሁ፤ እርሱ ራሱ፦ አልለቅህም ከቶም አልተውህም ብሎአልና፤ ስለዚህ በድፍረት፦ ጌታ ይረዳኛልና አልፈራም፤ ሰው ምን ያደርገኛል? እንላለን። ዕብራውያን 13፡5-6

ምስጋና እግዚአብሄርን ማወቃችንን ያሳያል

ምስጋና የእግዚአብሄን አሰራር መረዳታችንን ያሳያል፡፡ የእግዚአብሄርን አሰራር ያልተረዳ ሰው ሁል ጊዜ ጥያቄ አለው ሁል ጊዜ ያጉረመርማል፡፡ ምስጋና የሚሰጥ ሰው ግን የእግዚአብሄርን አሰራር የተረዳ ሰው ነው፡፡

በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ተሰሎንቄ 5፡18

ምስጋና በእግዚአብሄር ላይ መደገፋችንን ይመሰክራል

ምስጋና በማናውቅው ነገር እንኳን በእግዚአብሄር ላይ መደገፋችንን ያሳያል፡፡ የጠበቅነው ነገር ሳይሆን ያልጠበቅነው ነገር ሲሆን በእውቀታችን ላይ ሳይሆን በእግዚአብሄር ላይ ተደግፈን እግዚአብሄርን እናመሰግናለን፡፡

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

የሁለቱ ቅርጫቶች ባለቤት ታሪክ

full empty 2.jpgአንድ የሰማሁትን ልብ የሚነካ ታሪክ ላካፍላችሁ፡፡ ታሪኩ በጣም ልቤን ስለነካኝና ስላስደነገጠኝ ምን ያህል ጊዜ ለሰዎች እንደተናገርኩት አላስታውሰውም፡፡

ታሪኩ እንደዚህ ነው፡፡ አንድ ክርስትያን ስለ አንዲት ክርስቲያን ሲፀልይ ራእይ ያያል፡፡ በራእዩም ውስጥ ሁለት ቅርጫቶችን ይመለከታል፡፡ አንደኛው ቅርጫት ሙሉ ነው ፡፡ አንደኛው ቅርጫት ግን ከሞላ ጎደል ባዶ ነው ማለት ይቻላል፡፡ ይህ ክርስትያን ይህ ምንድነው ብሎ ጌታን ሲጠይቅ እግዚአብሄር ተናገረው፡፡

ይህ የምታየው የሞላው ቅርጫት የዚህች ሴት ልመናዋ ነው፡፡ ይህች ሴት መለመን ታውቅበታለች፡፡ ስለዚህ በትጋት ትለምነኛለች፡፡ ይህ የምታየው ከሞላ ጎደል ባዶው የዚህች ሴት የምስጋና ህይወትዋ ነው፡፡ ይህች ሴት እኔን እንዴት እንድምታመሰግን አታውቅም፡፡ እኔን ለማመስገን አትተጋም፡፡ እኔ ደግሞ ልመናዋን መመለስ እፈልጋለሁ፡፡

ለዚህች ሴት እንዲህ ብለህ ነገራት፡፡ እኔን ማመሰገን ጀምሪ፡፡ እኔን በነገር ሁሉ ማመስገን ተማሪ፡፡ እኔን የሚያመሰግን ህይወት ይኑርሽ፡፡ እኔን በትጋት ማመስገን ስትጀምሪ ይህ የፀሎት ልመናሽ ሁሉ እየተመለሰ ይሄዳል ብሎ ተናገረው፡፡

ልመናና ጸሎት ምልጃም ምስጋናም ስለ ሰዎች ሁሉ ስለ ነገሥታትና ስለ መኳንንትም ሁሉ እንዲደረጉ ከሁሉ በፊት እመክራለሁ። 1ኛ ጢሞቴዎስ 2፡2

በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ። ፊልጵስዩስ 4፡6

ወደ ደጆቹ በመገዛት፥ ወደ አደባባዮቹም በምስጋና ግቡ፤ አመስግኑት፥ ስሙንም ባርኩ፤ መዝሙር 100፡4

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

እግዚአብሔር መልካም

good god.pngእግዚአብሔር መልካም ነው፥ በመከራ ቀንም መሸሸጊያ ነው፤ በእርሱ የሚታመኑትንም ያውቃል። ናሆም 1፡7

ማስታዋሉ የማይመረመር የምድር ዳርቻ ፈጣሪ መልካም ባይሆን እንዴት እንሆን ነበር? ሁሉን ያደርግ ዘንድ ቻይ የሆነ እግዚአብሄር መልካም ባይሆን ምን እንሆን እንደነበር ማሰብ ይከብዳል፡፡

እግዚአብሄር ለመረዳት የሚያዳግተውን ሃይሉን የሚጠቀመው በመልካምነት ነው፡፡ እግዚአብሄር የማይመረመረውን ማስተዋሉንና ጥበቡን የሚጠቀመው በመልካምነት ነው፡፡

የእግዚአብሄር መልካምነት የማይለዋወጥ ቋሚ ነው፡፡ አንድ ቀን ይለወጥ ብለን የምንፈራው አይደለም፡፡

እኔ እግዚአብሔር አልለወጥም፤ እናንተ የያዕቆብ ልጆች ሆይ፥ ስለዚህ የጠፋችሁ አይደላችሁም። ሚልክያስ 3፡6

እግዚአብሄር ሁለንተናው መልካም ነው፡፡ እግዚአብሄርን በግራም በቀኝም ብታዩት መልካም ነው፡፡ እግዚአብሄር መልካም እንጂ ሌላ ምንም ሊሆን አይችልም፡፡

የተወደዳችሁ ወንድሞቼ ሆይ፥ አትሳቱ። በጎ ስጦታ ሁሉ ፍጹምም በረከት ሁሉ ከላይ ናቸው፥ መለወጥም በእርሱ ዘንድ ከሌለ በመዞርም የተደረገ ጥላ በእርሱ ዘንድ ከሌለ ከብርሃናት አባት ይወርዳሉ። ያዕቆብ 1፡16-17

እግዚአብሄር መልካም ብቻ ሳይሆን የመልካምነትም ጣራው ነው፡፡ ስለ መልካምነት ክርክር ቢነሳ ሊፈታው የሚችል እግዚአብሄር ብቻ ነው፡፡ እግዚአብሄር መልካም ያለው መልካም ነው እግዚአብሄር መልካም ያላለው መልካም አይደለም፡፡

ስለዚህ ነው ሁል ጊዜ በነገር ሁሉ እግዚአብሄርን ማመሰገን መልካም የሆነው፡፡ እግዚአብሄር ሁለንተናው መልካም ስለሆነ እግዚአብሄን ማመስገን መልካም ነው፡፡ ሰው ሌላ ነገር አድርጎ ቢስት እግዚአብሄርን በማመስገኑ የሚሳሳት ሰው የለም፡፡

እግዚአብሔርን ማመስገን መልካም ነው፥ ልዑል ሆይ፥ ለስምህም ዝማሬ ማቅረብ፤አቤቱ፥ በሥራህ ደስ አሰኝተኸኛልና፤ በእጅህም ሥራ ደስ ይለኛልና። መዝሙር 92፡1፣4

በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ተሰሎንቄ 5፡18

እግዚአብሔር ቸር ነውና እግዚአብሔርን አመስግኑ ለስሙ ዘምሩ፥ መልካም ነውና፡፡ መዝሙር 135፡3

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

ብራብም ላንተ አልነግርህም ይላል እግዚአብሄር

prayer-in-field.jpgየእግዚአብሄርና የህዝቡ ግንኙነትእንዲሳካ የሰው ዝንባሌ መስተካከል እንዳለበት መፅሃፍ ቅዱስ ያስተምራል፡፡ እግዚአብሄር ንጉስ ነው፡፡ እግዚአብሄር ክቡር ነው፡፡ እኛ ህዝቡ ከእግዚአብሄር ጋር ባለን ማንኛውም ግንኙነት ትክክለኛን ዝንባሌና ልብ ማሳየት ይጠበቅብናል፡፡  እኛ ህዝቡ ከእግዚአብሄር ጋር ባለን አካሄድ እንደሚገባ መመላለስ አለብን፡፡

አንደኛው ዝንባሌ ለእግዚአብሄር የምናሳየው የምስጋናን አመለካከት ነው፡፡

እግዚአብሄር መልካም አምላክ ነው፡፡ እግዚአብሄር የማይለወጥ መልካም ነው፡፡ እግዚአብሄር ምንም እንከን የማይወጣለት መልካም ነው፡፡ እግዚአብሄር የመልካምነት መጨረሻ ነው፡፡ እግዚአብሄር እንዲህ መልካም ሆኖ ወደ እግዚአብሄር የምንቀርበው በመልካም ልብና በምስጋና ልብ ካልሆነ አግባብ አይሆንም፡፡

እግዚአብሄር ይህን ሁሉ አድርጎለት ወደእግዚአብሄር ሲቀርብ ካለምስጋና የሚቀርብ ሰው የተሳሳተ ሰው ነው፡፡ እግዚአብሄር ምንም የማይወጣለት መልካም ሆኖ ወደእግዚአብሄር ሲቀርብ ማመስገን የማያውቅበት ሰው ያልገባው ነገር እንዳለ ግልፅ ነው፡፡ እግዚአብሄር የመልካምነት ጣራው ሆኖ ሳለ እግዚአብሄርን ማመስገን ካላወቀ ተሸውዷል፡፡

እስራኤላዊያን ለእግዚአብሄር መስዋእት ሲያመጡ ካለምስጋና ያመጡለት ነበር፡፡ እስራኤላዊያን መስዋእት ሲያቀርቡ ምስጋናን ያልተሸከመ የእንስሳን መስዋእት ያመጡለት ነበር፡፡ እስራኤላዊያን ምስጋናን እንዲሸከም የተሰጣቸውን መስዋእት ካለ ምስጋና ባዶውን ወደ እግዚአብሄር ይሸኙት ነበር፡፡

እግዚአብሄርም ሲገስፃቸው እናያለን፡፡

ለእግዚአብሄር የምናደርገውን ነገር ሁሉ በምስጋና ካላደረግነው እግዚአብሄር አይቀበለውም፡፡ ለእግዚአብሄር የምንሰዋው መስዋእት ሁሉ ምስጋናን የሚሸከም መስዋእት መሆን አለበት፡፡ ለእግዚአብሄር የምናቀርበው ንግግር ሁሉ በምስጋና መሆን አለበት፡፡ ኑሮዋችን ሁሉ የእግዚአብሄርን ምስጋና የሚያሳይና የሚያንፀባርቅ መሆን አለበት፡፡

በምስጋና ልብ ያልተደረገ ነገር ሁሉ በእግዚአብሄር ፊት ክብደት የለውም፡፡

ሕዝቤ፥ ስማኝ፥ ልንገርህ፤ እስራኤልም፥ ስማኝ፥ ልመስክርብህ፤ አምላክስ እኔ አምላክህ ነኝ። ስለ ቍርባንህ የምዘልፍህ አይደለሁም፤ የሚቃጠል መሥዋዕትህ ሁልጊዜ በፊቴ ነው። ከቤትህ ፍሪዳን ከመንጋህም አውራ ፍየልን አልወስድም፤ የምድረ በዳ አራዊት ሁሉ በሺህ ተራራዎች ያሉ እንስሶችም የእኔ ናቸውና። የሰማይን አዕዋፍ ሁሉ አውቃለሁ፥ የምድረ በዳ አራዊትም በእኔ ዘንድ ናቸው። ብራብም ለአንተ አልነግርህም፥ ዓለምና ሞላው የእኔ ነውና።የፍሪዳውን ሥጋ እበላለሁን? የፍየሉንስ ደም እጠጣለሁን?ለእግዚአብሔር የምስጋናን መሥዋዕት ሠዋ፥ ለልዑልም ስእለትህን ስጥ፤ ምስጋና የሚሠዋ ያከብረኛል፤ የእግዚአብሔርን ማዳን ለእርሱ የማሳይበት መንገድ ከዚያ አለ። መዝሙረ ዳዊት 50፡7-14፣23

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ምስጋና #መዳን #እምነት #ሞት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #ትግስት #መሪ

እግዚአብሔርን እንዲህ ብለው አሙት

Whisper.jpgእግዚአብሔርን እንዲህ ብለው አሙት፦ እግዚአብሔር በምድረ በዳ ማዕድን ያሰናዳ ዘንድ ይችላልን? ዓለቱን መታ፤ ውኆችም ወጡ፥ ወንዞችም ጐረፉ፤ እንጀራን መስጠትስ ይችላልን? ለሕዝቡስ ማዕድን ያዘጋጃልን? መዝሙር 78፡19፥20

ከእግዚአብሄር ጋር መኖር እምነት ይጠይቃል፡፡ እግዚአብሄርን የምናየው በእምነት ነው፡፡ እግዚአብሄርን የምንፈልገው በእምነት ነው፡፡ እግዚአብሄርን የምንታዘዘው በእምነት ነው፡፡ እግዚአብሄርን ደስ የምናሰኘው በእምነት ነው፡፡ ካለእምነት እግዚአብሄርን ማስደሰት አይቻልም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡4

እስራኤላዊያን እግዚአብሄር ያደርጋል! ብለው የተማመኑት ነገር ነበር፡፡ ችግሩ ግን እግዚአብሄር ይህንንስ ያደርጋልን? ብለው በጥርጣሬ አይን በማየት እግዚአብሄርን አሙት፡፡

ለእግዚአብሄር ሁሉ ይቻላል፡፡ እግዚአብሄር የማይችለው ነገር የለም፡፡

ኢየሱስም እነርሱን ተመልክቶ፦ ይህ በሰው ዘንድ አይቻልም በእግዚአብሔር ዘንድ ግን ሁሉ ይቻላል አላቸው። ማቴዎስ 19፡26

እግዚአብሄር የዘላለም አምላክ ነው፡፡ አይደክምም አይታክትም ፡፡

አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳይያስ 40፡28

ለእግዚአብሄር የሚሳነው ነገር የለም፡፡

በውኑ ለእግዚአብሔር የሚሳነው ነገር አለን? የዛሬ ዓመት እንደ ዛሬው ጊዜ ወደ አንተ እመለሳለሁ፤ ሣራም ልጅን ታገኛለች። ዘፍጥረት 18፡14

ሁሉን ያደርግ ዘንድ እግዚአብሄር ይችላል፡፡

ሁሉን ታደርግ ዘንድ ቻይ እንደ ሆንህ፥ አሳብህም ይከለከል ዘንድ ከቶ እንደማይቻል አወቅሁ። ኢዮብ 42፡2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #መናገር #አማርኛ #ስብከት #መዳን #መፅሃፍቅዱስ #ልብ #እምነት #ቃል #መዳን #ማድረግ #መስዋእት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እግዚአብሄርን የማመስገን መልካምነት

give thanks.jpgእግዚአብሄርን ለማመስገን ብዙ ምክኒያቶች ሊኖሩ ይችላሉ፡፡ እግዚአብሄርን ለማመስገን የሁሉም ሰው የጋራ ምክኒያት የሆነው አንድ ምክኒያት ነው፡፡ ሰው ሌላ ምክኒያት ቢያጣ እንኳን በዚህ ምክኒያት እግዚአብሄርን ሊያመሰግን ይገባዋል፡፡ ሰው ምክኒያት ቢያጣ እንኳን ይህ ምክኒያት እግዚአብሄርን ለማመስገን በቂ ነው፡፡

መፅሃፍም ቅዱስም ይህን ምክኒያት እግዚአብሄርን ለማመስገን ምክኒያት አድርጎ ደጋግሞ ፅፎታል፡፡

እግዚአብሄር መልካም ነው፡፡ እግዚአብሄር ሁለንተናው መልካም ነው፡፡ እግዚአብሄር አይለወጥም ሁልጊዜም መልካም ነው፡፡

የተወደዳችሁ ወንድሞቼ ሆይ፥ አትሳቱ። በጎ ስጦታ ሁሉ ፍጹምም በረከት ሁሉ ከላይ ናቸው፥ መለወጥም በእርሱ ዘንድ ከሌለ በመዞርም የተደረገ ጥላ በእርሱ ዘንድ ከሌለ ከብርሃናት አባት ይወርዳሉ። ያዕቆብ 1፡16-17

የመልካምነት ትርጉሙ ቢያከራክር እንኳን ለመልስ እግዚአብሄርን ማየት በቂ ነው፡፡ እግዚአብሄር የመልካምነት ማጣቀሻ (Refrence) ነው፡፡ ሰው በሚያነበው መፅሃፍ ላይ ያለን ቃል ትርጉም ባይረዳ ማጣቀሻን ይፈልግና የቃሉን ትርጉም ያያል፡፡ እንደዚሁ የመልካምነት ትርጉሙ ቢያጠራጥር እግዚአብሄር ጋር መልሱ አይታጣም፡፡

እግዚአብሄር መልካም ብቻ ሳይሆን የመልካምነትም ደረጃ መዳቢ ነው፡፡ እሱ መልካም ያለው መልካም ነው እርሱ መልካም አይደለም ያለው መልካም አይደለም፡፡ ስለ መልካምነት የመጨረሻው ወሳኝ አካል እግዚአብሄር ነው፡፡ እግዚአብሄርን የሚያርመው የለም፡፡ እግዚአብሄርም ማንንም አያማክርም፡፡

እግዚአብሄርን መልካም ስለሆነና ምንም የማይወጣለት ፍፁም መልካም ስለሆነ እግዚአብሄርን ማመስገን መልካም ነው፡፡ ሰው በምንም ነገር ቢሳሳት እግዚአብሄርን ስለማመስገኑ በጭራሽ አይሳሳትም፡፡ እግዚአብሄርን ማመስገን ምንም የሚወጣለት ነገር የለም፡፡

እግዚአብሄር መልካም ስለሆነ ምስጋና ይገባዋል፡፡ እግዚአብሄርን ማመስገን ይገባል፡፡ እግዚአብሄርን ማመስገን ውበት አለው፡፡ እግዚአብሄርን ማመስገን ያማረ ነው፡፡

እግዚአብሔርን አመስግኑ፥ መዝሙር መልካም ነውና። ለአምላካችን ምስጋና ያማረ ነው። መዝሙር 147፡1

ሃሌ ሉያ። የእግዚአብሔርን ስም አመስግኑ፤ እናንተ የእግዚአብሔር ባሪያዎች ሆይ፥ አመስግኑት፥ እግዚአብሔር ቸር ነውና እግዚአብሔርን አመስግኑ፤ ለስሙ ዘምሩ፥ መልካም ነውና፤ መዝሙር 135፡1፣3

እግዚአብሔርን ማመስገን መልካም ነው፥ ልዑል ሆይ፥ ለስምህም ዝማሬ ማቅረብ፤ በማለዳ ምሕረትን፥ በሌሊትም እውነትህን ማውራት አሥር አውታር ባለው በበገና፥ ከምስጋና ጋርም በመሰንቆ። መዝሙር 92፡1-3

ሃሌ ሉያ። ቸር ነውና፥ ምሕረቱ ለዘላለም ነውና እግዚአብሔርን አመስግኑ፤ መዝሙር 107፡1

ሃሌ ሉያ። እግዚአብሔርን አመስግኑ፥ ቸር ነውና፤ ምሕረቱ ለዘላለም ናትና። መዝሙር 118፡ 1

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #አመስግኑ #መልካም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #አብርሃም #መንፈስ #መንፈስቅዱስ

የአስቸኳይ ጊዜ ፀሎት

alone-with-godፀሎት ሁል ጊዜ የምናደርገው ደስ የምንሰኝበትና የምንረካበት የህየወት ዘይቤ እንጂ የአስቸኳይ ጊዜ አዋጅ አይደለም፡፡ ሁል ጊዜ ወደእርሱ እንድንቀርብ እግዚአብሄር ይፈልጋል፡፡
በመፅሃፍ ቅዱስ የእግዚአብሄርና የህዝቡ ግንኙነት እንደባልና ሚስት ግንኙነት ጊዜ ተጠቅሶ እናገኘዋለን፡፡ ይታያችሁ ሚስት ባልዋን የምትፈልገውና ከባልዋ ጋር የምታወራው ከባልዋ የሆነ ነገር ስትፈልግ የሆነ ፣ ልክ የፈለገችውን ስታገኝ ደግሞ ብትለየው ፣ እንደገና ባልዋን የምትፈልገው ደግሞ ከባልዋ የምትፈልገው ሌላ ነገር ሲገኝ ብቻ ቢሆን ይህ ጤናማ ትዳር አይደለም፡፡
ባልና ሚስት ከሁሉም በላይ ወዳጆችና ጓደኛሞች ናቸው፡፡ የባልና ሚስትን ትልቁን ድርሻ የሚይዘው አብሮነትና ፣ ማውራትና መነጋገር ነው፡፡ አንድ ልጅ አባቱን የሚያናግረው ከአባቱ የሆነ ነገር ሲፈልግ ብቻ ቢሆን ይህ የተበላሸ የአባትና የልጅ ግንኙነት እንደሆነ በቀላሉ እናስተውላለን፡፡ ምክኒያቱም ልጅ አባቱን የሚፈልገው ለአንድ ነገር ብቻ ሳይሆን ለሁሉም ነገር ሁልጊዜም ነው፡፡ አባት ልጁን ማየት ይፈልጋል ፣ ከልጁ ጋር ማዋራት ይፈልጋል ፣ ከልጁ ጋር መጫወት ይፈልጋል፡፡ ከልጁ ጋር አብሮ መቀመጥ ጊዜ ማሳለፍ ይፈልጋል፡፡ አባት ልጁን ይራበዋል ይናፍቀዋል፡፡
እንደዚሁ እግዚአብሄር እኛን ልጆቹን ይራበናል ይጠማናል ይናፍቀናል፡፡ ለእርሱ ጊዜ እንድንሰጥ ይፈልጋል፡፡ እርሱና እኛ ብቻ የምንገናኝበትን ጊዜ እንድናዘጋጅለት ይፈልጋል፡፡ ትኩረታችን እንድንሰጠው ይፈልጋል፡፡ በእኛና በእርሱ መካከል ምንም ነገር ጣልቃ እንዲገባ እግዚአብሄር አይፈልግም፡፡
እነዚህም ጌታን ሲያመልኩና ሲጦሙ መንፈስ ቅዱስ፦ በርናባስንና ሳውልን ለጠራኋቸው ሥራ ለዩልኝ አለ። ሐዋርያት 13፡2
ከዚህ የመፅሃፍ ቅዱስ ክፍል እንደምንረዳው እነዚህ ሰዎች የተለየ የፀሎት ርእስ እንደነበራቸው የሚያሳይ ምንም ነገር የለም፡፡ ራሳቸውን ለይተው በእግዚአብሄር ፊት ነበሩ፡፡ እግዚአብሄርን ይጠብቁ ነበር፡፡ ለእግዚአብሄር ሙሉ ትኩረታቸውን በመስጠት ከእርሱ ጋር ህብረት ያደርጉ ነበር፡፡ አንድ አስተናጋጅ ተመጋቢ ጋር ቀርቦ ምን ይጠጣሉ ምን ይበላሉ እንዴት ይሁንሎት ብሎ እንደሚጠይቅና ተመጋውን ለማስደሰት እንደሚጠብቅ እንደሚያገለግለውም እነርሱም በእግዚአብሄር ፊት ይቆዩ ይጠብቁ ነበር፡፡
እግዚአብሄር የሚፈልገውን ለማድረግ ተዘጋጅተው ይሰሙት ነበር፡፡ ጊዜያቸውን ለእግዚአብሄር ሰጥተው በፊቱ ነበሩ፡፡ እግዚአብሄርን ያመልኩ ነበር ከፍ ከፍ ያደርጉት ያወድሱት ነበር፡፡
የምንጠይቀው ነገር ሲኖር ብቻ መሆን የለበትም እግዚአብሄርን መፈለግ ያለብን፡፡ ከመሬት ተነስተን የእግዚአብሄርን ፊት መፈለግ አለብን፡፡ የፀሎት ጥያቄ ባይኖረንም እግዚአብሄርን ማምለክና በፊቱ መቆየት ይጠበቅብናል፡፡ ከእርሱ ጋር ህብረት ለማድረግ ብቻ ከእርሱ ጋር መሆን ያስፈልገናል፡፡ በሌሎች ነገሮች ላይ ባተሌ በመሆን እግዚአብሄርን አለመፈለግ በቂ ምክኒያት አይደለም፡፡ ለእግዚአብሄር ጊዜ ላለመስጠት ለምናቀርበው ማንኛውም ምክኒያት እግዚአብሄር አያጨበጭብልንም፡፡ ለምንም ነገር ባተሌ ብንሆን ለእግዚአብሄር ባተሌ መሆን ተቀባይነት የሌለው ሰንካላ ምክኒያት ነው፡፡
የእኛን ኑሮ ለማሸነፍ በሚል እግዚአብሄርን ችላ ማለት እግዚአብሄር የማይቀበለው ሰንካላ ምክኒያት ነው፡፡ ኑሮህን ለማሸነፍ የምረዳን እኔን ፈልገኝ ነው የሚለው እግዚአብሄር፡፡ ሌላ የምንፈልገውን ትተን እግዚአበሄርን ስንፈልግ ሌሎች ፍላጎቶቻችን ይሟላሉ፡፡ እግዚአብሄርን መፈለግ ትተን ሌሎች ነገሮችን ስንፈልግ የህይወት አላማችን እንጎድላለን፡፡
እግዚአብሄር የፈጠረን ለእርሱ ክብር ነው፡፡ እግዚአብሄ የፈጠረን ዋናው አላማ ከእርሱ ጋር ህብረት እንድናደርግ ነው፡፡ ከእግዚአብሄር ጋር ህብረት እንዳናደርግ ምንም ምክኒያት ካገኘን ከህይወት ዋናው ግባችን እንደወደቅን ማረጋገጫው ነው፡፡
እግዚአብሄር ሰውን የፈጠረው ቤተሰብ ፈልጎ ነው፡፡ እግዚአብሄር ሰውንም በመልኩና በአምሳሉ የፈጠረው ካለምንም እንቅፋት ከሰው ጋር ህብረትን ለማድረግ ነው፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
ለቪዲዮ መልእክቶች https://www.youtube.com/user/awordm/videos
#ኢየሱስ #ጌታ #ራእይ #ፀሎት #እግዚአብሄርንመፈለግ #መሰረታዊፍላጎት #ቤተክርስትያን #አማርኛ #ጥሪ #አላማ #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ግብ #ትግስት #መሪ

ካለ ንግግር ማመስገኛ መንገዶች

summer_nature_hd_wallpapersእግዚአብሄርን ማመስገን በአፍ እግዚአብሄር ሆይ አመሰግንሃልሁ ከማለት ያለፈ ነው፡፡
ለእግዚአብሄር መስእት ያመጡ ሰዎች በእግዚአብሄር ተገስፀዋል፡፡ የምስጋናን መስዋእት እንዲያመጡ እግዚአብሄር አዞዋል፡፡
በመኝሃፍ ቅዱስ ካለቃልና ካለንግግር ቀን ለቀን የእግዚአበሄርን ክብር እንደሚናገሩ ያስተምራል፡፡
ሰማያት የእግዚአብሔርን ክብር ይናገራሉ፥ የሰማይም ጠፈር የእጁን ሥራ ያወራል። ቀን ለቀን ነገርን ታወጣለች፥ ሌሊትም ለሌሊት እውቀትን ትናገራለች። ነገር የለም መናገርም የለም፥ ድምፃቸውም አይሰማም። ድምፃቸው ወደ ምድር ሁሉ፥ ቃላቸውም እስከ ዓለም ዳርቻ ወጣ። መዝሙር 19፡1-4
እግዚአብሄርን በቃላችን አመስግነን አንጠግብም፡፡ እግዚአብሄር ካደረገልን አንፃር የእግዚአብሄርን ውለታ በምንም አንከፍለውም፡፡ ከንግግር ውጭ ግን እግዚአብሄርን አመሰግንሃልሁ የምንልበት ሌሎች መንገዶች አሉ፡፡ ከንግግር ያለፈ በእያንዳንዱ አስተሳሰባችንና አካሄዳችን እግዚአብሄርን ለማመስገን እድሉ ተሰጥቶናል፡፡
ካለንግግር እግዚአብሄርን የምናመሰግንበት ሰባቱ የህይወት ዘይቤዎች
  • · ለሰዎች በጎን ማድረግ
ከእግዚአብሄር መልካምነት የተቀበለ ሰው ሁሉ በተራው ለሰዎች መልካም በማድረግ እግዚአብሄርን በተዘዋዋሪም አመሰግናለሁ ይለዋል፡፡ መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። ማቴዎስ 5፡16
  • · ሰዎችን ይቅር ማለት
እግዚአብሄር እርሱን ይቅር እንዳለው የተረዳና አመሰግናለሁ የሚል ሰው በተራው ይቅርታ የሚፈልግ ሰው ሲያገኝ ይቅር በማለት ካለንግግር እግዚአብሄርን በድርጊቱ ያመሰግናል፡፡ ብዙም ከተሰጠው ሰው ሁሉ ከእርሱ ብዙ ይፈለግበታል፥ ብዙ አደራም ከተሰጠው ከእርሱ አብዝተው ይሹበታል።ሉቃስ 12፡48 ከዚያ ወዲያ ጌታው ጠርቶ፦ አንተ ክፉ ባሪያ፥ ስለ ለመንኸኝ ያን ዕዳ ሁሉ ተውሁልህ፤ እኔ እንደ ማርሁህ ባልንጀራህ የሆነውን ያን ባሪያ ልትምረው ለአንተስ አይገባህምን? አለው። ማቴዎስ 18፡32-33
  • · እግዚአብሄርን መታዘዘ
እግዚአብሄርን በንግግር ብቻ ማመስገን ፈፅሞ አያረካንም ፡፡ እግዚአብሄርን የምናመሰግንበት ሌላው መንገድ እግዚአብሄር እንዳስደሰተን እርሱን በመታዘዝ ማስደሰት ነው፡፡ በጌታ እንደረካንና ደስ እንደተሰኘን ማሳያው መንገድ ቃሉን በመታዘዝ በድርጊት ስናመሰግነው ነው፡፡ ኢየሱስም መለሰ አለውም፦ የሚወደኝ ቢኖር ቃሌን ይጠብቃል፤ አባቴም ይወደዋል ወደ እርሱም እንመጣለን በእርሱም ዘንድ መኖሪያ እናደርጋለን። ዮሃንስ 14፡23
  • · አለማጉረምረም
ህይወቱ እግዚአብሄርን የሚያመሰገን ሰው በንግግሩ እግዚአብሄርን ማመስገን ብቻ ሳይሆን በሚያልፍበት በማንኛውም መንገድ እግዚአብሄር ላይ አያጉረመርምም፡፡ የምትባረክ ነፍስ ትጠግባለች፥ የረካም እርሱ ደግሞ ይረካል። ምሳሌ 11፥25 ደስ ያላት ልብ መልካም መድኃኒት ናት፤ ያዘነች ነፍስ ግን አጥንትን ታደርቃለች። ምሳሌ 17፡22
  • · ራስን ማዋረድና ወይም ትህትና
የሚያመሰግን ልብ ሁል ጊዜ ራሱን ለማዋረድ ዝግጁ ነው፡፡ የሚያመሰግን ልብ ያለው ሰው ሌሎች ሊሰሩት የማይፈቅዱትን ዝቅ ያለውን ነገር ያደረጋል፡፡ የምስጋና ህይወት ያለው ሰው ራሱን ከዝቅተኛ ሰዎች ጋር ሲያስተባብር ይታያል፡፡ እርስ በርሳችሁ በመስማማት ኑሩ። ዝቅተኛ ኑሮ ውስጥ ካሉ ጋር አብራችሁ ለመሆን ፍቀዱ እንጂ አትኵራሩ፤ በራሳችሁም አትመኩ። ሮሜ 12፡16 (መደበኛ ትርጉም)
  • · በአስተሳሰብ ህይወታችን እግዚአብሄርን መፍራት
እግዚአብሄርን የምናመሰግን ከሆነ የእግዚአብሄር ያልሆኑትን ሃሳቦች እንጠየፋቸዋለን፡፡ የሚያመሰግን ልብ ካለን የእግዚአብሄርንና የእኛ ጠላት የሆነውን የሰይጣንን ሃሳብ አናስተናግድም፡፡ ምስጉን ነው በክፉዎች ምክር ያልሄደ፥ በኃጢአተኞችም መንገድ ያልቆመ፥ በዋዘኞችም ወንበር ያልተቀመጠ። ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። መዝሙር 1፡1-2
  • እግዚአብሄርን መፈለግ
ለእግዚአብሄር በምስጋና የተሞላ ልብ ያለው ሰው ሁል ጊዜ እግዚአብሄርን በሁሉም የህይወት ክፍሉ ይፈልጋል፡፡ እግዚአብሔርን አመስግኑ ስሙንም ጥሩ፥ ለአሕዛብም ሥራውን አውሩ። ተቀኙለት፥ ዘምሩለት፥ ተአምራቱንም ሁሉ ተናገሩ። በቅዱስ ስሙ ተጓደዱ፤ እግዚአብሔርን የሚፈልግ ልብ ደስ ይበለው። እግዚአብሔርን ፈልጉት ትጸናላችሁም፤ ሁልጊዜ ፊቱን ፈልጉ። መዝሙር 105፡1-4
ይህንን ፅሁፍ ሼር ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ምስጋና #እምነት #መደገፍ #ልብ #ቃል #ምስጉን #ሃሳብ #ማሰላሰል #ወንጌል #ደቀመዝሙር #ኢየሱስ #ጌታ #መዳን #አማርኛ #ኢትዮጲያ #አቢይዋቁማ #ፌስቡክ #አዋጅ

10 Reasons Why Every Day is a Thanksgiving Day?

publication2It is very wise to seize any opportunity set-aside to give thanks to the Lord.  But thanks-giving isn’t a once a year activity to be observed. There are good reasons that every day must be a thanksgiving day.
There are valid reasons that in everything we give thanks to the Lord and there are enough reasons that God deserves our thank you in each and every moment of our lives. We make a big mistake if we forget to thank him for everything he is doing in our lives, and it will be equally wrong if we stop thanking him or murmur against him for any reason.
Thanksgiving should be a day-to-day attitude towards God. Whatever we do we have to do it recognizing his goodness in our lives. Any day in which we don’t actively praise the Lord is a waste of time.
  • · God is good all the time
The Lord is good, a refuge in times of trouble. He cares for those who trust in him, Nahum 1:7
  • · His compassion is new every day
Because of the LORD’s great love we are not consumed, for his compassions never fail. They are new every morning; great is your faithfulness. Lamentations 3:22-23
  • God personally sustains us.
We could never sustain ourselves. I lie down and sleep; I wake again, because the Lord sustains me. Psalm 3:5
  • God deserves our praise as He holds our breath we live and we have our being in him
For in him we live and move and have our being.’ As some of your own poets have said, ‘We are his offspring.’ Acts 17:28
  • We have to use every day every day for He loved and saved us while we were yet sinners and his enemies. he saved us, not because of righteous things we had done, but because of his mercy.
He saved us through the washing of rebirth and renewal by the Holy Spirit, Titus 3:5
  • · God deserves our thank you as he provides our needs each day.
And my God will meet all your needs according to the riches of his glory in Christ Jesus. Philippians 4:19
  • · The fact we have breath reminds us to praise the Lord.
Let everything that has breath praise the LORD. Praise the LORD. Psalm 150:6
  • · Everyday is a thanksgiving day as God is our light and fortress that we shall not fear anyone or anything.
Of David. The LORD is my light and my salvation– whom shall I fear? The LORD is the stronghold of my life– of whom shall I be afraid? Psalm 27:1
  • · We are grateful every day as our gratefulness attitude is the way we acknowledge his goodness.
What shall I return to the LORD for all his goodness to me? Psalm 116:12
  • · We can’t have any valid reason to be ungrateful.
God isn’t only He loves us he is also loved. He can’t be anything else except love. In whatever way you look at God he is love and nothing else.
 His mouth is sweetness itself; he is altogether lovely. This is my beloved, this is my friend, daughters of Jerusalem. Song of Solomon 5:16
Whoever does not love does not know God, because God is love. 1 John 4:8
#God #Jesus #knowledge #rejoice #trustgod #grace #salvation #church #testimony #rejoice #preaching #Bible #theword #Abiydinsa #scriptures #abiywakumadinsa

በሁሉ አመስግኑ

beautiful-maroon-flowerሁልጊዜ ደስ ይበላችሁ፤ ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ተሰሎንቄ 5፡16-18
በሁሉ አመስግኑ የሚለው አባባል ለስጋችን ቀላል አይደለም፡፡ በሁሉ አመስግኑ የሚለው በቃሉ የተሰጠንን ደረጃችንን ትተን ሁሉንም እንድቀበል እየተጠየቅን አይደለም፡፡
እኛ በክርስትና ቃሉ እንድንጠብቀው የሰጠን የህይወት ደረጃ አለን፡፡ ሁሉንም እንዳመጣ የምንቀበል ሰዎች አይደለንም፡፡ የምንቀበለው ነገር አለ የማንቀበለው የምንቃወመው ነገር ደግሞ አለ፡፡
በሁሉ አመስግኑ ሲል ታዲያ ምን ማለቱ ነው የሚለውን መረዳት ይህን ቃል በሚገባ እንድንታዘዘው ይረዳናል፡፡ በሁሉ አመስግኑ ምን ማለት እንደሆነና እንዳልሆነ ካወቅን ከምን አንፃር እንደምናመሰግን መረዳትን እናገኛለን፡፡
በሁሉ ማመስገን ያለብን ሰባት ምክኒያቶች ፡-
  • · በሁሉ አመስግኑ የሚለው ትእዛዝ የተሸነፉ ሰዎች ንግግር ሊመስል ይችላል፡፡ እኛ እግዚአብሄር አይደለንም፡፡ እንደ ሰውነታችን አቅማችን የሚፈቅደውን ነገር ሁሉ ካደረግን በኋላና ሃላፊነታችንን ከተወጣን በኋላ ከዚያ አልፎ የሚመጣውን በፀጋ የመቀበል ጥሪ ነው ፡፡
መርከቡም ተነጥቆ ነፋሱን ሲቃወም መሄድ ስላልቻለ ለቀነው ተነዳን። ሐዋርያት 27፡15
  • · በሁሉ አመስግኑ የሚለው ትእዛዝ መሞከር ያቆሙ ሰዎች ንግግር ሊመስል ይችላል፡፡ በሁሉ አመስግኑ የሚለው ትእዛዝ ለመታዘዝ በራስ ማስተዋልና ችሎታ አለመታመንና በእግዚአብሄር ሁሉን አዋቂነት ላይ መደገፍን ይጠይቃል፡፡ ነገሮች ከእኛ እጅ የወጡ ሲመስለን በሁሉ ልናመሰግን የምንችለው ከእግዚአብሄር እጅ ግን እንዳልወጡ ስናስተውል ብቻ ነው፡፡
አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ለደካማ ኃይልን ይሰጣል፥ ጕልበት ለሌለውም ብርታትን ይጨምራል። ኢሳይያስ 40፡28-29
  • · በሁሉ አመስግኑ የሚለው ትእዛዝ ፈቃዳችንን ለእግዚአብሄር ፈቃድ የምናስገዛበት መንገድ ነው፡፡ ኢየሱስ ወደሞት በሚሄድበት ጊዜ አባት ሆይ ቢቻልህ ይህ ፅዋ ከእኔ ይለፍ ነገር ግን የእኔ ፈቃድ አይሁን ያንተ ፈቃድ ይሁን በማለት ፈቃዱን ለእግዚአብሄር ፈቃድ ያስገዛበትን ንግግር እንመለከታለን፡፡ በሁሉ አመስግኑ የእኔ ፈቃድ አይሁን ያንተ ፈቃድ ይሁን ብለን ራሳችንን የምናስገዛበት ትእዛዝ ነው፡፡
አባ አባት ሆይ፥ ሁሉ ይቻልሃል፤ ይህችን ጽዋ ከእኔ ውሰድ፤ ነገር ግን አንተ የምትወደው እንጂ እኔ የምወደው አይሁን አለ። ማርቆስ 14፡36
  • · በሁሉ አመስግኑ የሚለው ቃል ወደፊታችንን በእግዚአብሄር እጅ የምናስቀምጥበት ትእዛዝ ነው፡፡ በምድር ላይ ስንኖር ሁሉንም አናውቅም፡፡ እግዚአብሄር ግን ሁሉን ያውቃል፡፡ በሁሉ አመስግኑ የሚለው ትእዛዝ ታዲያ ሁሉን ከማናውቅበት ከእኛ ክልል ወጥተን ሁሉን በሚያውቀው በእግዚአብሄር የእውቀት ችሎታ ላይ የመደገፍ ጥሪ ነው፡፡
ኢዮብም መለሰ እግዚአብሔርንም እንዲህ አለው፦ ሁሉን ታደርግ ዘንድ ቻይ እንደ ሆንህ፥ አሳብህም ይከለከል ዘንድ ከቶ እንደማይቻል አወቅሁ። ኢዮብ 42፡1-2
  • · በሁሉ አመስግኑ የሚለው ትእዛዝ የሚያመለክተው ቸልተኝነትን ሳይሆን ነፍሱን ስለእኔ የሚተዋት ያገኛታል የሚለውን የእግዚአብሄርን ፈቃድ የምንፈፅምበት የትጋት መንገድ ነው፡፡
ነፍሱን ሊያድን የሚወድ ሁሉ ያጠፋታልና፤ ስለ እኔ ነፍሱን የሚያጠፋ ሁሉ ግን እርሱ ያድናታል። ሉቃስ 9፡24
  • · በሁሉ አመስግኑ የሚለው ትእዛዝ በህይወት ተስፋ የቆረጡ ተስፋ የሌላቸው ሰዎች ንግግር አይደለም፡፡ ነገር ግን በሁሉ አመስግኑ ማለት በራሳችሁ ጉልበትና አቅም ተስፋ ቁረጡ በእግዚአብሄር ችሎታ ላይ ሙሉ ለሙሉ ተደገፉ ማለት ነው፡፡ በሁሉ አመስግኑ ማለት እንዲያውም ተስፋ አትቁረጡ ማለት ነው፡፡
በተስፋ ደስ ይበላችሁ፤ በመከራ ታገሡ፤ በጸሎት ጽኑ፤ ሮሜ 12፡12
  • · በሁሉ አመስግኑ ማለት በሰው ክንድ ላይ ከመደገፍ ወጥተን ለእግዚአብሄር ስፍራ የመስጠትን ጥበብ ያሳያል፡፡
ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና። ሮሜ 12፡19
ምሥጢሩ ለአምላካችን ለእግዚአብሔር ነው፤ የተገለጠው ግን የዚህን ሕግ ቃሎች ሁሉ እናደርግ ዘንድ ለእኛ ለዘላለምም ለልጆቻችን ነው። ዘዳግም 29፡29
ሁልጊዜ ደስ ይበላችሁ፤ ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና። 1ኛ ተሰሎንቄ 5፡16-18
ይህን ፅሁፍ ለሌሎች ማካፈል share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #አመስግኑ #መዳን #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #አብርሃም #መንፈስ #መንፈስቅዱስ
%d bloggers like this: