Category Archives: mother

ያልወለደችው እናት ታሪክ

mother.jpgእናት ለመሆን ልጅ መውለድ አያስፈልግም፡፡ እናት ለመሆን የሚጠይቀው በውስጥ ያለን የእናትነት መንፈስ ካለስስት በማውጣት ለሰዎች እንክብካቤ ማዋል ብቻ ነው፡፡

ከአመታት በፊት አንድ ታሪክ ሰማሁ፡፡ አንዲት ሴት ቃለ መጠይቅ ይደረግላት ነበር፡፡ በቃለ መጠይቁ መካከል ልጆች አለሽ ወይ ተብላ ለተጠየቀችው ጥያቄ ልጆች እንዳልወለደች መለሰች፡፡ በመቀጠልም ልጆች መውለድ አላስፈለገኝም ምክኒያቱም በአካባቢዬ ተወልደው እንዴት እንደሚያድጉ የጨነቃቸው ብዙ ልጆች አሉ እነርሱን አሳድጋለሁ ብላ መለሰች፡፡ ንግግርዋ ልቤን ነካኝ፡፡ ይች እናት ልጆቻቸውን ወልደው እንክብካቤ ከማያደርጉ እናቶች ይበልጥ የተባረከች ናት፡፡

አንዳንድ እናቶች ድግሞ አሉ የራሳቸውን ልጆች ከወለዱ በኋላ በተጨማሪ ልጆችን በማደጎ ለማሳደግ የሚወስኑ፡፡ እግዚአብሄር እነርሱንም ይባርካቸው፡፡

ሌሎች እናቶች ደግሞ የቻሉትን ያህል ልጆች በየቦታው የሚረዱ፡፡ እግዚአብሄር ይባርካቸው በማለት እንመርቃቸዋለን፡፡

ልጅዋን ወልዳ ከማትንከባከብ እናት ይልቅ ራስዋ ያልወለደችውን ልጅ የምትንከባከብ እናት እውነተኛ እናት ነች፡፡

እናት የወለደችውን ልጅ መንከባከብ በረከት ነው፡፡ እናት ያልወለደችውን ልጅ መንከባከብ ከፍ ያለ በረከት ነው፡፡

ለወለዱት ልጅ ብቻ ሳይሆን ከራሳቸው ቤተሰብ አልፈው ላልወለዱት ልጅ እንክብካቤ የሚያደርጉ እናቶች የተናረኩ ናቸው፡፡ በትምህርት ቤት ፣ በመዋእለ ህፃናት ፣ በሆስፒታሎች ፣ በጎረቤት በመሳሰሉት ላልወለዱት ልጅ እንደልጃቸው አድርገው የሚንከባከቡ እናቶች ክብር ይገባቸዋል፡፡

መልካም መሥራትን ተማሩ፥ ፍርድን ፈልጉ፥ የተገፋውን አድኑ፥ ለድሀ አደጉ ፍረዱለት ስለ መበለቲቱም ተምዋገቱ። ኢሳያስ 1፡17

የወለዱትን ልጅ ከማይንከባከቡ ይልቅ ያልወለዱትን ልጅ እንደ ልጃቸው የሚንከባከቡ የተባረኩ ናቸው፡፡

መልካም የእናቶች ቀን!

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እግዚአብሔር #ሴት #እናትነት #ጌታ #መከተል #ፍቅር #ርህራሄ #ይቅርታ  #ቃል #ደግነት #ቸርነት #እግዚአብሔርንመምሰል #ደቀመዝሙር #ቤተክርስትያን #አማርኛ #ስብከት  #ህይወት #ፌስቡክ #አቢይዋቁማ #አቢይዋቁማዲንሳ

Advertisements

እናት ልጅዋን እንደምታጽናና

mother.jpgእግዚአብሔር እንዲህ ይላልና፦ እነሆ፥ ሰላምን እንደ ወንዝ፥ የአሕዛብንም ክብር እንደሚጐርፍ ፈሳሽ እመልስላታለሁ፤ ከዚያም ትጠባላችሁ፥ በጫንቃ ላይ ይሸከሙአችኋል በጕልበትም ላይ እያስቀመጡ ያቀማጥሉአችኋል። እናት ልጅዋን እንደምታጽናና እንዲሁ አጽናናችኋለሁ፥ በኢየሩሳሌምም ውስጥ ትጽናናላችሁ። ኢሳያስ 66፡12-13

እግዚአብሄር ርህሩህ ነው፡፡ እግዚአብሄር አዛኝ ነው፡፡ እግዚአብሄር ያፅናናል፡፡ እግዚአብሄር ልብን ይደግፋል፡፡ እግዚአብሄር ሲያፅናና የማይጽናና ሰው የለም፡፡

እግዚአብሔር ርኅሩኅና መሓሪ ነው፥ ከቍጣ የራቀ፥ ምሕረቱም ብዙ ነው፡፡ እግዚአብሔር ለሚታገሡት ቸር ነው። ምሕረቱም በሥራው ሁሉ ላይ ነው። መዝሙር 149፡8-9

ሃዘን ከባድ ነገር ነው፡፡ እግዚአብሄር ፍጥረታችንን ያውቃል፡፡ እግዚአብሄር ከማንኛውም ሃዘን እንዴት እንደሚያፅናናን ያውቃል፡፡

ስለዚህ ነው ሃና እግዚአብሄር ስራን መዝኖ ያዘነን እንዴት እንደሚክስ ትናገራለች፡፡

አትታበዩ፥ በኩራትም አትናገሩ፤ እግዚአብሔር አዋቂ ነውና፥ እግዚአብሔርም ሥራውን የሚመዝን ነውና፥ ከአፋችሁ የኵራት ነገር አይውጣ። 1ኛ ሳሙኤል 2፡3

ሃዋሪያው ጳውሎስ እግዚአብሄርን የርኅራኄ አባት የመጽናናትም ሁሉ አምላክ ይለዋል፡፡

የርኅራኄ አባት የመጽናናትም ሁሉ አምላክ የሆነ የጌታችን የኢየሱስ ክርስቶስ አምላክና አባት ይባረክ። እርሱ በመከራችን ሁሉ ያጽናናናል፥ የክርስቶስ ሥቃይ በእኛ ላይ እንደ በዛ፥ እንዲሁ መጽናናታችን ደግሞ በክርስቶስ በኩል ይበዛልናልና። 2ኛ ቆሮንቶስ 1፡3-5

በአለም ሳላችሁ መከራ አለባችሁ ብሎ ኢየሱስ እንደተናገረ እግዚአብሄር በውስጣችን እንዲኖር የላከው መንፈስ ቅዱስ እንደ እናት አፅናኝ ነው፡፡

አብ በስሜ የሚልከው ግን መንፈስ ቅዱስ የሆነው አጽናኝ እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል። ዮሐንስ 14፡26

እግዚአብሄር ሲያበረታ ተመልሶ የሚበረታ የማይመስለው ሰው እንደገና ይበረታል፡፡ እግዚአብሄር እንደ እናት ይንከባከባል፡፡ እግዚአብሄር ሰላምን ይመልሳል፡፡ እግዚአብሄር እንደገና ደስ ያሰኛል፡፡ እግዚአብሄር ሲያፅናና ሰው እንዴት ተፅናሁ ብሎ እስከሚያስብ ድረስ ይፅናናል፡፡

አእምሮንም ሁሉ የሚያልፍ የእግዚአብሔር ሰላም ልባችሁንና አሳባችሁን በክርስቶስ ኢየሱስ ይጠብቃል። ፊልጵስዩስ 4፡7

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እግዚአብሔር #ሴት #እናትነት #ጌታ #መፅናናት #ፍቅር #ርህራሄ #ይቅርታ  #ቃል #ደግነት #ቸርነት #አልረሳሽም #እግዚአብሔርንመምሰል #ደቀመዝሙር #ቤተክርስትያን #አማርኛ #ስብከት  #የእናቶችቀን #ፌስቡክ #አቢይዋቁማ #አቢይዋቁማዲንሳ

እኔ ግን አልረሳሽም

14064233_1313270928691015_8507530893785444500_n.jpgጽዮን ግን፦ እግዚአብሔር ትቶኛል ጌታም ረስቶኛል አለች። በውኑ ሴት ከማኅፀንዋ ለተወለደው ልጅ እስከማትራራ ድረስ ሕፃንዋን ትረሳ ዘንድ ትችላለችን? አዎን፥ እርስዋ ትረሳ ይሆናል፥ እኔ ግን አልረሳሽም። ኢሳይያስ 49፡14-15

እግዚአብሄር ስለራሱ አዛኝና ርሁርሁነት ሲናገር የእርሱን አዛኝነት ከእናት አዛኝነት ጋር ያመሳሰልዋል፡፡

እናት አዛኝ ርህሩህ ተንከባካቢ ይቅር ባይ መሃሪ ነች፡፡ እግዚአብሄር ታጋሽ ፣ ደግና ቸር ነው፡፡

እግዚአብሔር ርኅሩኅና መሓሪ ነው፥ ከቍጣ የራቀ፥ ምሕረቱም ብዙ ነው፡፡ እግዚአብሔር ለሚታገሡት ቸር ነው። ምሕረቱም በሥራው ሁሉ ላይ ነው። መዝሙር 149፡8-9

ሰው ደግሞ እግዚአብሄር ላይ ሙሉ ለሙሉ እንዲደገፍ ስለተፈጠረ የእግዚአብሄርን የቅርብ ክትትል ይፈልጋል፡፡

እግዚአብሄር ሁሉን ቻይ ሁሉን አዋቂ ነው፡፡

እኛን በሚቆጣጠር በእርሱ ዓይኖቹ ፊት ሁሉ ነገር የተራቆተና የተገለጠ ነው እንጂ፥ በእርሱ ፊት የተሰወረ ፍጥረት የለም። ዕብራውያን 4፡13

እግዚአብሄር የምድር ዳርቻ ፈጣሪ ነው አይደክምም አይታክትም ማስተዋሉም አይመረመርም፡፡

ያዕቆብ ሆይ፥ እስራኤልም ሆይ፦ መንገዴ ከእግዚአብሔር ተሰውራለች ፍርዴም ከአምላኬ አልፋለች ለምን ትላለህ? ለምንስ እንዲህ ትናገራለህ? አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳያስ 40፡27-28

እግዚአብሄር ስለእርሱ እናትነት ደረጃ ሲናገር ከምድር እናትነት እጅግ የላቀ መሆኑን ይናገራል፡፡ እናት የወለደችውን ልጅ ትረሳለችን እያለ ይጠይቃል፡፡ እናተ ብትረሳ እንኳን እርሱ ግን እንደሚራራልንና እንደማይረሳን ይነግረናል፡፡

ጽዮን ግን፦ እግዚአብሔር ትቶኛል ጌታም ረስቶኛል አለች። በውኑ ሴት ከማኅፀንዋ ለተወለደው ልጅ እስከማትራራ ድረስ ሕፃንዋን ትረሳ ዘንድ ትችላለችን? አዎን፥ እርስዋ ትረሳ ይሆናል፥ እኔ ግን አልረሳሽም። ኢሳይያስ 49፡14-15

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እግዚአብሔር #ሴት #እናትነት #ጌታ #መከተል #ፍቅር #ርህራሄ #ይቅርታ  #ቃል #ደግነት #ቸርነት #አልረሳሽም #እግዚአብሔርንመምሰል #ደቀመዝሙር #ቤተክርስትያን #አማርኛ #ስብከት  #ህይወት #ፌስቡክ #አቢይዋቁማ #አቢይዋቁማዲንሳ

የእናትህንም ሕግ

ethiopia_woman_jeffrey2000.JPGልጄ ሆይ፥ የአባትህን ትእዛዝ ጠብቅ፥ የእናትህንም ሕግ አትተው፤ ሁልጊዜ በልብህ አኑረው፥ በአንገትህም እሰረው። ስትሄድም ይመራሃል፤ ስትተኛ ይጠብቅሃል፤ ስትነሣ ያነጋግርሃል። ምሳሌ 6፡20

ሰው ሞኝነቱ በግልፅ የሚታወቅው እናቱን ሲንቅ ነው፡፡

ጠቢብ ልጅ አባቱን ደስ ያሰኛል፤ ሰነፍ ልጅ ግን እናቱን ይንቃል። ምሳሌ 15፡20

እናቱን የማይንቅና የሚሰማ ሰው ጥበበኛ ነው፡፡ በእናቱ የተጠራቀመ ጥበብ የሚጠቀም ሰው ጥበበኛ ነው፡፡ እናቱ የማታውቅ የማይመስለው ሰው ጥበበኛ ነው፡፡ በእናቱ ርህራሄ ተጠቃሚ የማይሆን ሰው ሞኝ ሰው ነው፡፡

እናት ስትናገር ከርህራሄ ትናገራለች፡፡ እናት ስትናገር ከጥንቃቄ ትናገራለች፡፡ እናት ስትናገር ከሸክም ትናገራለች፡፡ የእናቱም ምክር የበቀላሉ የሚያሳልፍ ሰው ታላቅ ሃብትን ያሳልፋል፡፡

እናቶች የሚሰራበትንና የማይሰራበትን መንገድ በተግባር ኖረው አይተውታል፡፡ እናቶች ልጆች ለሚጓጉለት ነገር ሁሉ አይጓጉም፡፡ እናቶች ከልጆች ያለፈን ነገር ያያሉ፡፡

እናቱን የማይንቅና የሚታዘዝ ሰው መልካም ይሆንለታል ዘመኑም ይረዝማል፡፡

ልጆች ሆይ፥ ለወላጆቻችሁ በጌታ ታዘዙ፥ ይህ የሚገባ ነውና። መልካም እንዲሆንልህ ዕድሜህም በምድር ላይ እንዲረዝም አባትህንና እናትህን አክብር፤ እርስዋም የተስፋ ቃል ያላት ፊተኛይቱ ትእዛዝ ናት። ኤፌሶን 6፡13

እናቶች ልጆቻቸውን ብቻ ሳይሆን ወጣቶችን እናቶች በተለያየ መንገድ ያሰለጥናሉ፡፡ እናትነት በተፈጥሮ ልጅ ላይ ብቻ አይወሰንም፡፡ እናትነት ርህራሄ ቸርነት ምህረትን ለሌላው ማድረግ ነው፡፡ እናትነት እንክብካቤ ነው፡፡ እናትነት አዘኔታ ነው፡፡ እናትነት መርዳት መደገፍ ነው፡፡ እናትነት መምከር ማስተማር በርህራሄ መምራት ነው፡፡

እንዲሁም አሮጊቶች ሴቶች አካሄዳቸው ለቅዱስ አገልግሎት የሚገባ፥ የማያሙ፥ ለብዙ ወይን ጠጅ የማይገዙ፥ በጎ የሆነውን ነገር የሚያስተምሩ ይሁኑ፤ ቆነጃጅትም የእግዚአብሔር ቃል እንዳይሰደብ፥ ባሎቻቸውን የሚወዱ፥ ልጆቻቸውን የሚወዱ፥ ራሳቸውን የሚገዙ፥ ንጹሖች፥ በቤት የሚሠሩ፥ በጎዎች፥ ለባሎቻቸው የሚታዘዙ እንዲሆኑ ይምከሩአቸው። ቲቶ 2፡3-5

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እግዚአብሔር #ሴት #እናትነት #ጌታ #መከተል #ፍቅር #ርህራሄ #ይቅርታ  #ቃል #ደግነት #ቸርነት #እግዚአብሔርንመምሰል #ደቀመዝሙር #ቤተክርስትያን #አማርኛ #ስብከት  #ህይወት #ፌስቡክ #አቢይዋቁማ #አቢይዋቁማዲንሳ

%d bloggers like this: