Category Archives: money

የመንግስቱ ኢኮኖሚ – ኢንቨስትመንት

money-growth-investment-seed-ss-1920-770x300.jpgኢንቨስትመንት ማለት በአንድ አትራፊ ነገር ላይ መዋእለ ኑዋይን ማፍሰስ ማለት ነው፡፡

በተለይ ገንዘባችንን ለእግዚአብሄር ቤት ሰጥተን ፣ መሰረታዊ ፍላጎታችንን አሟልተን የሚተርፈውን ገንዘብ መልሰን ኢንቨስት ብናደርገው ተጨማሪ ውጤት ይሰጠናል፡፡

ገንዘብን ጥሩ ወለድ በሚሰጥበት ባንክ በማስቀመጥ ጥሩ የወለድ ትርፍ ማግኘት ያቻላል፡፡

ስለዚህ ገንዘቤን ለለዋጮች አደራ ልትሰጠው በተገባህ ነበር፥ እኔም መጥቼ ያለኝን ከትርፉ ጋር እወስደው ነበር። ማቴዎስ 25፡27

እኛን በግል የማይፈልገን እንደ አክሲዮን በመግዛት ገቢያችንን ማሳደግ እንችላለን፡፡ እንዲሁም ንብረት በመግዛትና በማከራየት በመሳሰሉት ላይ ኢንቨስት ብናደርገው ስራው እኛን በግል ሳይፈልገንና ተቀጣሪ ሳያደርገን ገቢያችንን ያሳድጋል፡፡ እንዲሁም እኛን በግል የማይፈልግ ኢንቨስትመንት ስራ መስራት ባልቻልንበት ጊዜ እንኳን ገንዘባችን ለእኛ ስለሚሰራ ገቢያችን አይቋረጥም፡፡

ኢንቨስትመንት ተቀጥረን ከምንሰራበት ከምናገኘው ገንዘብ በተጨማሪ እኛን በግል የማይፈልገን ኢንቨስትመንትና ትርፍ ይኖረናል ማለት ነው፡፡

ከዚህም በተጨማሪ የግል ስራችንን ብንሰራ እንኳን ከስራችን ጋር ተያያዥነት ያላቸው ስራዎች ላይ ኢንቨስት በማድረግ የገቢያችንን አይነትና መጠን ማብዛት እንችላለን፡፡

ለምሳሌ ጋራዥ ያለው ሰው ተጨማሪ ገንዘቡን የተበላሸ መኪና ገዝቶ በመጠገን መኪና በማሻሻጥ በመሳሰኩት ላይ ተጨማሪ ገንዘብ ኢንቨስት ቢያደርግ ተጨማሪ ትርፍ ያገኛል ለእግዚአብሄርም መንግስት የሚሰጠው ገንዘብ ይበዛል፡፡

የበጎችህን መልክ አስተውለህ እወቅ፥ በከብቶችህም ላይ ልብህን አኑር፤ ባለጠግነት ለዘላለም አይኖርምና፥ ዘውድም ለትውልድ ሁሉ አይጸናምና። ደረቅ ሣር በታጨደ ጊዜ፥ አዲስ ለምለም በታየ ጊዜ፥ ከተራራውም ቡቃያ በተሰበሰበ ጊዜ፥ በጎች ለልብስህ ፍየሎችም የእርሻ ዋጋ ይሆናሉ። ለሲሳይህ ለቤተ ሰቦችህም ሲሳይ ለገረዶችህም ምግብ የፍየል ወተት ይበቃል። ምሳሌ 27፡13

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ኢንቨስትመንት #ገቢ #ብልፅግና #የብልፅግናወንጌል #ስራ #ትጋት #በረከት #ስኬት #ስምረት #መሰረታዊፍላጎት #ጥበብ #ሁሉየእናንተነውና #ቤተክርስትያን #አማርኛ #ስብከት #የተትረፈረፈህይወት #መፅሃፍቅዱስ #መድከም #አቢይ #አቢይዋቁማ #አቢይዋቁማዲንሳ

Advertisements

የመንግስቱ ኢኮኖሚ – ገንዘብን ማስቀመጥ

save.jpgበምድር ስንኖር በጥበብ መኖር እጅግ ወሳኝ ነገር ነው፡፡ ከገንዘብና ከሃብት በላይ እንዴት እንደምናስተዳደረው ማወቅ ገንዘቡን ለሚገባው አላማ እንድናውለው ይረዳል፡፡ ጥበብ ከብዙ ውጣ ውረዶች ይጠብቀናል፡፡

በወርቅና በብር ከመነገድ ይልቅ በእርስዋ መነገድ ይሻላልና። ምሳሌ 3፡14

ገንዘብን ማጠራቀም ወይም መጠባበቂያ ገንዘብን ማስቀመጥ በጣም ጠቃሚ በመሆኑ ካላስፈላጊ ውጣ ውረዶች ያድነናል፡፡ አንዳንድ ወር ወጭው ይበዛል፡፡ ሌላው ወር ደግሞ ወጭው ያንሳል፡፡ በዚህ መሰረታዊ ፍላጎታችንን ካሟላን በኋላ የግዴታ የቀረውን ገንዘብ ሁሉ በቅንጦት ላይ ማዋልና መጨረስ የለብንም፡፡ ከመሰረታዊ ፍላጎት ተረፍ ያለ ገንዘብ በሚመጣ ጊዜ ወደፊት ፍላጎት እንዳለ አውቀን  የተረፈውን ገንዘብ አጥፍቶ አለመጨረስና መያዝ ያስፈልጋል፡፡

ያለንን ገንዘብ ሁሉ አጥፍቶ አለመጨረስ መፅሃፍ ቅዱሳዊ ጥበብ ነው፡፡

የከበረ መዝገብና ዘይት በጠቢብ ሰው ቤት ይኖራል፤ አእምሮ የሌለው ሰው ግን ይውጠዋል። ምሳሌ 21፡20

ገቢዎች ይለዋወጣሉ፡፡ ገቢ ሲለዋወጥ ኑሮዋችንም አብሮ ከፍና ዝቅ እንዳይል ገንዘብ ተረፍ ብሎ በሚለመጣበት ጊዜ ለወደፊት ማስቀመጥ ይጠቅማል፡፡

በበጋ የሚያከማች ልጅ አስተዋይ ነው፤ በመከር የሚተኛ ግን እርሱ ራሱን ያስነውራል። ምሳሌ 10፡5

ከመሰረታዊ ፍላጎት የተረፈውን ስናስቀምጠው ነው በተሻለ ነገር ላይ ማፍሰስ የምንችለው፡፡ ስናጠራቅም ብቻ ነው ገቢያችንን ለማስፋት በተለያዩ ነገሮች ላይ ኢንቨስት የምናደርገው፡፡

የበጎችህን መልክ አስተውለህ እወቅ፥ በከብቶችህም ላይ ልብህን አኑር፤ ባለጠግነት ለዘላለም አይኖርምና፥ ዘውድም ለትውልድ ሁሉ አይጸናምና። ደረቅ ሣር በታጨደ ጊዜ፥ አዲስ ለምለም በታየ ጊዜ፥ ከተራራውም ቡቃያ በተሰበሰበ ጊዜ፥ በጎች ለልብስህ ፍየሎችም የእርሻ ዋጋ ይሆናሉ። ለሲሳይህ ለቤተ ሰቦችህም ሲሳይ ለገረዶችህም ምግብ የፍየል ወተት ይበቃል። ምሳሌ 27፡13

ኢየሱስ በምድር አገልግሎቱ ገንዘብ የሚጠራቀምበት ኮሮጆ ነበረው፡፡

ይሁዳ ከረጢቱን የያዘ ስለ ሆነ፥ ኢየሱስ፦ ለበዓሉ የሚያስፈልገንን ግዛ፥ ወይም ለድሆች ምጽዋት እንዲሰጥ ያለው ለአንዳንዱ መስሎአቸው ነበርና። ዮሃንስ 13፡29

ይብዛም ይነስም እንጂ ሊቆጥብ ሊያጠራቅም ሊያስቀምጥ የማይችል ሰው የለም፡፡

የከበረ መዝገብና ዘይት በጠቢብ ሰው ቤት ይኖራል፤ አእምሮ የሌለው ሰው ግን ይውጠዋል። ምሳሌ 21፡20

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ብልፅግና #የብልፅግናወንጌል #ስራ #ትጋት #በረከት #ስኬት #ስምረት #መሰረታዊፍላጎት #ጥበብ #ሁሉየእናንተነውና #ቤተክርስትያን #አማርኛ #ስብከት #የተትረፈረፈህይወት #መፅሃፍቅዱስ #መድከም #አቢይ #አቢይዋቁማ #አቢይዋቁማዲንሳ

የመንግስቱ ኢኮኖሚ – መስጠት

12741-wallet-cash-money.800w.tn.jpgእኛ የተፈጠርነው ለእግዚአብሄር ክብር ነው፡፡ የተፈጠርነው ሌሎችን ለማገልገል ነው፡፡ ገንዘብን መስጠት ገንዘብን እንደመስራት በጣም ወሳኝ የሆነ ልምምድ ነው፡፡

እግዚአብሄር የሚሰጠን ገንዘብ የምንበላውና የምንዘራው ነው፡፡

ለዘሪ ዘርን ለመብላትም እንጀራን በብዙ የሚሰጥ እርሱም የምትዘሩትን ዘር ይሰጣችኋል ያበረክትላችሁማል፥ የጽድቃችሁንም ፍሬ ያሳድጋል፤ 2ኛ ቆሮንቶስ 9፡10

እግዚአብሄር የሚሰጠን ገንዘብ ነፍሳችንንና ሌሎችን የምናገለግልበት ገንዘብ ነው፡፡ በእጃችን ያለው ገንዘብ የእኛ ብቻ አይደለም፡፡

በእጃቸን ያለው ገንዘብ ባለቤቶች ሳንሆን አስተዳዳሪዎች ነን፡፡ ለእግዚአብሄር ክብር እንደመፈጠራችን መጠን በእጃችን ያለው ገንዘብ እግዚአብሄር እንደወደደ እንደእግዚአብሄር ቃል ትእዛዝ የምናስረዳድር ደጋግ መጋቢዎች ነን፡፡

ልዩ ልዩን የእግዚአብሔርን ጸጋ ደጋግ መጋቢዎች እንደ መሆናችሁ፥ እያንዳንዳችሁ የጸጋን ስጦታ እንደ ተቀበላችሁ መጠን በዚያው ጸጋ እርስ በርሳችሁ አገልግሉ፤

እንደ ተሰጠንም ጸጋ ልዩ ልዩ ስጦታ አለን፤ . . .የሚሰጥ በልግስና ይስጥ፤ የሚገዛ በትጋት ይግዛ፤ የሚምር በደስታ ይማር። ሮሜ 12፡6፣8

በእጃችን ያለው ሁሉ የምንበላው አይደለም የምንሰጠውም እንጂ፡፡

እግዚአብሔርን ከሀብትህ አክብር፥ ከፍሬህም ሁሉ በኵራት፤ ጐተራህም እህልን ይሞላል፥ መጥመቂያህም በወይን ጠጅ ሞልታ ትትረፈረፋለች። ምሳሌ 3፡9-10

ያለውን የሚበትን ሰው አለ፥ ይጨመርለታልም፤ ያለ ቅጥ የሚነፍግ ሰውም አለ፥ ይደኸያልም። ምሳሌ 11፡24

ሰው ደግሞ ብሰጥ ይጎድልብኛል ብሎ እንዳያስብ ስጥ ስለሰጠህ አይጎድልብህም ይሰጥሃል ተባለ፡፡

ስጡ ይሰጣችሁማል፤ በምትሰፍሩበት መስፈሪያ ተመልሶ ይሰፈርላችኋልና፥ የተጨቈነና የተነቀነቀ የተትረፈረፈም መልካም መስፈሪያ በእቅፋችሁ ይሰጣችኋል። ሉቃስ 6፡38

ስለዚህ ነው ከሚቀበል ይበልጥ የሚሰጥ የተባረከ ነው የሚለው፡፡

እንዲሁ እየደከማችሁ ድውዮችን ልትረዱና እርሱ ራሱ፦ ከሚቀበል ይልቅ የሚሰጥ ብፁዕ ነው እንዳለ የጌታን የኢየሱስን ቃል ልታስቡ ይገባችሁ ዘንድ በሁሉ አሳየኋችሁ። ሐዋርያት 20፡35

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ብልፅግና #የብልፅግናወንጌል #ስራ #ትጋት #በረከት #ስኬት #ስምረት #መሰረታዊፍላጎት #ጥበብ #ሁሉየእናንተነውና #ቤተክርስትያን #አማርኛ #ስብከት #የተትረፈረፈህይወት #መፅሃፍቅዱስ #መድከም #አቢይ #አቢይዋቁማ #አቢይዋቁማዲንሳ

የመንግስቱ ኢኮኖሚ – በስራ መትጋት

fairplanet-workanimals.jpgበህይወት ለመሳካት ጥበብ ያስፈልገናል፡፡

በወርቅና በብር ከመነገድ ይልቅ በእርስዋ መነገድ ይሻላልና። ምሳሌ 3:14

መፅሃፍ ቅዱስ ደግሞ ለሰው ልጅ ስኬት የሚያስፈልገውን ጥበብ ሁሉ ይዞዋል፡፡ መፅሃፍ ቅዱስ የማይዳስሰው ለሰው አስፈላጊ የሆነ የህይወት ክፍል የለም፡፡

መፅሃፍ ቅዱስ ስለገንዘብ አያያዛችን ያስተምራል፡፡ መፅሃፍ ቅዱስ ገንዘብን እንዴት እንደምናገኝ ፣ ገንዘብን እንዴት እንደምናጠራቅም ፣ ገንዘብን እንዴት እንደምንሰጥና ገንዘብን እንዴት እንደምንጠቀም በጥበብ የተሞላ ነው፡፡

ምንም እንኳን የመጀመሪያው ጥሪያችን የእግዚአብሄርን መንግስትና ፅድቁን መፈለግ ቢሆንም እግረ መንገዳችንን ገንዘብ እናገኛለን፡፡ የመጀመሪያው ሙያችን ክህነት ቢሆንም በተሰማራንበት የስራ መስክ በምድር ላይ የሚያስፈልገንን ወጭ ለመሸፈን ገንዘብን እናገኛለን፡፡ እግረመንገዳችንን በትጋታችን የእግዚአብሄርን መልካምነትና ፀጋ ምስክር እንሆናለን፡፡

ባሪያዎች ሆይ፥ በቅን ልብ ጌታን እየፈራችሁ እንጂ፥ ለሰው ደስ እንደምታሰኙ ለታይታ የምትገዙ ሳትሆኑ፥ በሥጋ ጌቶቻችሁ ለሆኑ በሁሉ ታዘዙ። ለሰው ሳይሆን ለጌታ እንደምታደርጉ፥ የምታደርጉትን ሁሉ በትጋት አድርጉት፥ ከጌታ የርስትን ብድራት እንድትቀበሉ ታውቃላችሁና፤ የምታገለግሉት ጌታ ክርስቶስ ነውና። ቆላስይስ 3፡22-24

ይህም ብቻ አይደለም አንደኛው በውጭ ካሉት ዘንድ ክብርን የምናገኘበት አንዱ መንገድ ስራን በመስራት የራሳችንን ወጭ ራሳችን በመሸፈን ነው፡፡

ነገር ግን፥ ወንድሞች ሆይ፥ ከፊት ይልቅ ልትበዙ፥ በጸጥታም ትኖሩ ዘንድ ልትቀኑ፥ የራሳችሁንም ጉዳይ ልትጠነቀቁ፥ እንዳዘዝናችሁም፥ በውጭ ባሉት ዘንድ በአገባብ እንድትመላለሱ፥ አንዳችም እንዳያስፈልጋችሁ በእጃችሁ ልትሠሩ እንለምናችኋለን። 1ኛ ተሰሎንቄ 4፡10-12

የምናደርገውን ስራ ሁሉ በትጋት እንድናደርግ መፅሃፍ ቅዱስ ያዘናል፡፡

የታካች እጅ ችግረኛ ታደርጋለች፤ የትጉ እጅ ግን ባለጠጋ ታደርጋለች። ምሳሌ 10፡4

የታካች ሰው ነፍስ ትመኛለች፤ አንዳችም አታገኝም፤ የትጉ ነፍስ ግን ትጠግባለች። ምሳሌ 13፡4

ለመስራትና መድከም በህይወት ያለ ሰው እድልና ጥቅም እንደሆነና ይህንን እድል በሙላት እንድንጠቀምበት መፅሃፍ ቅዱስ ያስተምራል፡፡

አንተ በምትሄድበት በሲኦል ሥራና አሳብ እውቀትና ጥበብ አይገኙምና እጅህ ለማድረግ የምታገኘውን ሁሉ እንደ ኃይልህ አድርግ። መክብብ 9፡10

ከራሳችን አልፈን ለሌሎች መልካም ማድረግ የምንችለው ፣ በእግዚአብሄር መንግስት ላይ ሃብታችንን ማፍሰስ የምንችለውና የክርስቶስን ቤተክርስቲያን መገደፍ የምንችለው በትጋት ስንሰራ ነው፡፡ ተግተን ለመስራት ሃብትን ለማከማቸት ተባርከን ለበረከት እንድንሆን ጉልበትን የሚሰጠን እግዚአብሄር ይባረክ፡፡

ነገር ግን ዛሬ እንደ ሆነ ለአባቶችህ የማለውን ቃል ኪዳን ያጸና ዘንድ፥ ሀብት ለማከማቸት እርሱ ጉልበት ሰጥቶሃልና አምላክህን እግዚአብሔርን አስብ። ዘዳግም 8፡18

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ብልፅግና #የብልፅግናወንጌል #ስራ #ትጋት #በረከት #ስኬት #ስምረት #መሰረታዊፍላጎት #ጥበብ #ሁሉየእናንተነውና #ቤተክርስትያን #አማርኛ #ስብከት #የተትረፈረፈህይወት #መፅሃፍቅዱስ #መድከም #አቢይ #አቢይዋቁማ #አቢይዋቁማዲንሳ

ገንዘብ ሊገዛቸው የማይችላቸው 12 ምርጥ ስጦታዎች

publication1ገንዘብን ልኩን አለማወቅ በህይወት እንድንሳሳት የሚያደርገን ሲሆን ህይወታችንን በሙላት እንዳንደሰትበት ያደርጋል፡፡ እንዲያውም የሰው ብስለት ማወቂያው አንዱ መንገድ ለገንዘብ ያለውን ግምት በመመልከት ነው፡፡ ሰው ለገንዘብ ያለውን ግምት ከተበላሸ ለሌሎች ለሁሉም ነገሮች ያለው ግምት ይበላሻል፡፡
ገንዘብ ሊገዛቸው የሚችሉ ነገሮች ቢኖሩም ገንዘብ ሊገዛቸው የማይችላቸው በህይወታችን በጣም ወሳኝ የሆኑ ነገሮች አሉ፡፡ እንዲያውም በህይወት በጣም ውዶችና ወሳኞቹ ነገሮች ገንዘብ ሊገዛቸው የማይችላቸው በስጦታ የምናገኛቸው ነገሮች ናቸው፡፡
  • · ገንዘብ የትኛውንም የእግዚአብሄርን ስጦታ ሊገዛ አይችልም
ጴጥሮስ ግን እንዲህ አለው፦ የእግዚአብሔርን ስጦታ በገንዘብ እንድታገኝ አስበሃልና ብርህ ከአንተ ጋር ይጥፋ። ሐዋርያት 8፡20
  • · የትኛውም ያህል ገንዘብ እውነተኛን ፍቅር ሊገዛ አይችልም
ብዙ ውኃ ፍቅርን ያጠፋት ዘንድ አይችልም፥ ፈሳሾችም አያሰጥሙአትም፤ ሰው የቤቱን ሀብት ሁሉ ስለ ፍቅር ቢሰጥ ፈጽሞ ይንቁታል። መኃልየ መኃልይ ዘሰሎሞን 8፡7
  • · ብዙ ገንዘብ ከእግዚአብሄር ጋር ያለን ጤናማ ግንኙነትን እግዚአብሄርን መፍራትን ሊገዛ አይችልም፡፡
እግዚአብሔርን ከመፍራት ጋር ያለ ጥቂት ነገር ሁከት ካለበት ከብዙ መዝገብ ይሻላል። ምሳሌ 15፡16
  • · ገንዘብ ለህይወት እጅግ የሚያስፈልገንን ጥበብን ሊገዛ አይችልም፡፡ አእምሮን የሚከፍት ማስተዋልን የሚሰጥ እግዚአብሄር ነው፡፡
በሰነፍ እጅ የጥበብ መግዣ ገንዘብ መኖሩ ስለ ምንድር ነው? ጥበብን ይገዛ ዘንድ አእምሮ የለውምና። ምሳሌ 17፡16
  • · የእምነት መስዋእትነት እንጂ የገንዘብ ብዛት የእግዚአብሄርን ሞገስ አይገዛም፡፡
አንዲትም ድሀ መበለት መጥታ አንድ ሳንቲም የሚያህሉ ሁለት ናስ ጣለች። ደቀ መዛሙርቱንም ጠርቶ፦ እውነት እላችኋለሁ፥ በመዝገብ ውስጥ ከሚጥሉት ሁሉ ይልቅ ይህች ድሀ መበለት አብልጣ ጣለች፤ ሁሉ ከትርፋቸው ጥለዋልና፥ ይህች ግን ከጕድለትዋ የነበራትን ሁሉ ትዳርዋን ሁሉ ጣለች አላቸው። ማርቆስ 12፡43-44
  • እግዚአብሄር እንጂ ገንዘብ በፍፁም እድልና ጊዜን አያገናኝም
እኔም ተመለስሁ፥ ከፀሐይ በታችም ሩጫ ለፈጣኖች፥ ሰልፍም ለኃያላን፥ እንጀራም ለጠቢባን፥ ባለጠግነትም ለአስተዋዮች፥ ሞገስም ለአዋቂዎች እንዳልሆነ አየሁ፤ ጊዜና እድል ግን ሁሉን ይገናኛቸዋል። መክብብ 9፡11
  • · እግዚአብሄር እንጂ የትኛውንም ገንዘብ የልብህምን መሻት ሊሰጥህ አይችልም፡፡
በእግዚአብሔር ደስ ይበልህ፥ የልብህንም መሻት ይሰጥሃል። መዝሙር 37፡4
  • · ገንዘብ ሰላምን ሊገዛ አይችልም
የጐመን ወጥ በፍቅር መብላት የሰባ ፍሪዳን ጥል ባለበት ዘንድ ከመብላት ይሻላል። ምሳሌ 15፡17
ሰላምን እተውላችኋለሁ፥ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጥ አይደለም። ልባችሁ አይታወክ አይፍራም። ዮሃንስ 14፡27
  • · እግዚአብሄር እንጂ ገንዘብ ምሕረትንና ፍርድን ጽድቅንም ማድረግ አይችልም
እግዚአብሔር እንዲህ ይላል፦ ጠቢብ በጥበቡ አይመካ፥ ኃያልም በኃይሉ አይመካ፥ ባለ ጠጋም በብልጥግናው አይመካ፤ ነገር ግን የሚመካው፦ ምሕረትንና ፍርድን ጽድቅንም በምድር ላይ የማደርግ እኔ እግዚአብሔር መሆኔን በማወቁና በማስተዋሉ በዚህ ይመካ፤ ደስ የሚያሰኙኝ እነዚህ ናቸውና፥ ይላል እግዚአብሔር፡፡ ኤርምያስ 9፡23-24
  • · በገንዘብ ብዛት ህይወት አይለካም
የሰው ሕይወት በገንዘቡ ብዛት አይደለምና ተጠንቀቁ፥ ከመጐምጀትም ሁሉ ተጠበቁ አላቸው። ሉቃስ 12፡15
  • · ምንም አይነት ገንዘብ ስራን ሊሰራ ይችላል እንጂ ክንውንን ሊሰጥ አይችልም
እኔም መልሼ፦። የሰማይ አምላክ ያከናውንልናል፥ እኛም ባሪያዎቹ ተነሥተን እንሠራለን፤ እናንተ ግን በኢየሩሳሌም እድል ፈንታና መብት መታሰቢያም የላችሁም አልኋቸው። ነህምያ 2፡20
ዝናባችሁን በወቅቱ አዘንባለሁ፥ ምድሪቱም እህልዋን ትሰጣለች፥ የሜዳው ዛፎችም ፍሬአቸውን ይሰጣሉ። ዘሌዋውያን 26፡4
  • · ምንም አይነት ገንዘብ ለሰው ነፍስ ቤዛ ሊከፈል አይችልም፡፡
ሰው ዓለሙን ሁሉ ቢያተርፍ ነፍሱንም ቢያጐድል ምን ይጠቅመዋል? ወይስ ሰው ስለ ነፍሱ ቤዛ ምን ይሰጣል? ማቴዎስ 16፡26
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ገንዘብ #ብር #ብልፅግና #ስኬት #ስምረት #መሰረታዊፍላጎት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ
%d bloggers like this: