Category Archives: ministry

በማዕድ የተቀመጠ ወይስ የሚያገለግል ማናቸው ታላቅ ነው?

43475115_123001652004607_3267491658576429056_n.jpg

በማዕድ የተቀመጠ ወይስ የሚያገለግል ማናቸው ታላቅ ነው?

እንዲህም አላቸው፦ የአሕዛብ ነገሥታት ይገዙአቸዋል፥ በላያቸውም የሚሠለጥኑት ቸርነት አድራጊዎች ይባላሉ። እናንተ ግን እንዲህ አትሁኑ፤ ነገር ግን ከእናንተ ታላቅ የሆነ በመካከላችሁ እንደ ታናሽ፥ የሚገዛም እንደሚያገለግል ይሁን። በማዕድ የተቀመጠ ወይስ የሚያገለግል ማናቸው ታላቅ ነው? የተቀመጠው አይደለምን? እኔ ግን በመካከላችሁ እንደሚያገለግል ነኝ። የሉቃስ ወንጌል 22፡25-27

ስልጣን መበለጥ መሆኑን ብናውቅ ኖሮ ብዙዎቻችን አንፈልገውም ነበር፡፡ ስልጣን ማገልገል ነው፡፡ ስልጣም መጥቀም ነው፡፡ ስልጣን መባረክ ነው፡፡

ባለስልጣን ህዝቡን ማገልግል ግዴታው ነው፡፡ ባለስልጣን ህዝቡን በማገልግል ውለታ እየሰራላቸው አይደልም፡፡

ከባለስልጣን ይልቅ ህዝብ ይበልጣል፡፡ ከሚያገለግለው ይልቅ የሚገለገለው ይበልጣል፡፡ የሚያገለግለው ባለስልጣን ለሚገለገለው ህዝብ ተዘጋጀ እንጂ የሚገለገለው ህዝብ ለሚያገለግለው ባለስልጣን አልተዘጋጀም፡፡

ባለስልጣንነት በውሳኔ ሌሎችን ማገልገል ነው፡፡ ባለስልጣንነት ፊት በመቅደም ሌሎችን መንገድ ማሳየት ነው፡፡ ባለስልጣንነት ፊት ቀድሞ ለሌሎች መጋፈጥ ነው፡፡

ባለስልጣንንት ደስ የማይል ውሳኔ መወሰን ነው፡፡ ባለስልጣንነት በሌሎች መተቸት ነው፡፡ ባለስልጣንንት ወቀሳን መቀበል ነው፡፡ ባለስልጣንንት የህዝብን ሸክም መሸከም ነው፡፡ ባለስልጣንነት ለህዝብ እድገት ሃላፊነት መውሰድ ነው፡፡

በማዕድ የተቀመጠ ወይስ የሚያገለግል ማናቸው ታላቅ ነው? የተቀመጠው አይደለምን? እኔ ግን በመካከላችሁ እንደሚያገለግል ነኝ። የሉቃስ ወንጌል 22፡27

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #መዋረድ #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

Advertisements

ከመጠን በላይ የምንጓጓው ስለማናውቀው ነው

43315857_10160988994635471_4972634528817348608_n.jpg

ሰው የአንድን ነገር ጥቅም ብቻ ሲያውቅ ያንን ነገር ለማግኘት በጣም ይጓጓል፡፡ በህይወታችን በጣም የምንጓጓለት ምንም ነገር ቢኖር እንረጋጋ፡፡ በህይወታችን በጣም የምንጓጓለት ምንም ነገር ቢኖር መጀመሪያ ይህ እንደዚህ የምጓጓለትን ነገር ሃላፊነትቱ በትክክል አውቀዋለሁ? ብለን ራሳችንን እንጠይቅ፡፡

በጣም የምጓጓለትን ነገር ሃላፊነቱን እስከምናውቅ ድረስ ማግኘታችን አደገኛ ነው፡፡ ጥቅሙን ብቻ እንጂ ሌላውን ጎኑን ሃላፊነቱን የማናውቅ ከሆነ አጠቃቀሙን እንደማናውቅ የኤሌክትሪክ ሃይል ከጥቅሙ ይልቅ ጉዳቱ የሚያመዝን ሊሆንብን ይችላል፡፡ ሃላፊነቱን የማናውቀው ነገር በቀላሉ ያሰናክለናል፡፡

ዳሩ ግን፥ ወንድሞች ሆይ፥ ይህን እናገራለሁ፤ ዘመኑ አጭር ሆኖአል፤ ከእንግዲህ ወዲህ ሚስቶች ያሉአቸው እንደሌላቸው ይሁኑ፥ የሚያለቅሱም እንደማያለቅሱ፥ ደስ የሚላቸውም ደስ እንደማይላቸው፥ የሚገዙም ምንም እንደሌላቸው፥ በዚችም ዓለም የሚጠቀሙ በሙሉ እንደማይጠቀሙባት ይሁኑ፤ የዚች ዓለም መልክ አላፊ ነውና። 1ኛ ወደ ቆሮንቶስ ሰዎች 7፡29-31

ነገር ሁሉ ጊዜያዊ እንደሆነ አስብ፡፡ ነገ ልታዝን እንደማትችል አድርገህ ዛሬ ደስ አይበልህ፡፡ ነገ ደስታ እንደሌለ አድርገህ ዛሬ አትዘን፡፡

ደስታም የራሱ ሃላፊነት አለው፡፡ ሃዘንም የራሱ ሃላፊነት አለውከሃላፊነት ውጭ የሚመጣ ጥቅም የለም፡፡ እውነተኛ ጥቅም የሚመጣው ከሃላፊነት ጋር ነው፡፡

የተዋረደው ወንድም ግን በከፍታው፥ ባለ ጠጋም በውርደቱ ይመካ፤ እንደ ሣር አበባ ያልፋልና። ፀሐይ ከትኵሳት ጋር ይወጣልና፥ ሣርንም ያጠወልጋልና፥ አበባውም ይረግፋልና፥ የመልኩም ውበት ይጠፋልና፤ እንዲሁ ደግሞ ባለ ጠጋው በመንገዱ ይዝላል። የያዕቆብ መልእክት 1፡9-11

ከመጠን በላይ የምንጓጓው ሃላፊነቱን ስለማናውቅ ነው፡፡ ከመጠን በላይ የምንጓጓው ጊዜያዊነቱን ስለማናውቅ ነው፡፡

ሰው የሆነ ነገር ስለማግኘቱ በጣም ሲፈነጥዝ ሲታይ ያስፈራል፡፡ ይህ ሰው ባገኘው ጥቅም እንደዚህ በጣም እንደፈነጠዘ ሁሉ በሃላፊነቱም እንደዚሁ ይሆን ይሆን ብሎ ያሳስባል፡፡

አንተ ግን ነገርን ሁሉ በልክ አድርግ፥ መከራን ተቀበል፥ . . . አገልግሎትህን ፈጽም። 2ኛ ወደ ጢሞቴዎስ 4:5

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ጥበብ #ማስተዋል #መረዳት #ሃያል #ጠቢብ #ባለጠጋ #ውርደቱ #ይመካ #የእግዚአብሄርሃይል #መንፈስቅዱስ #መመካት #ብርታት #እምነት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ከጌታ የተቀበልኸውን አገልግሎት እንድትፈጽሙው ተጠንቀቅ

Tlumacki_BostonMarathonfinishline750.jpg

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ። ወደ ቆላስይስ ሰዎች 4፡17

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ ያለበት ምክኒያት አለው፡፡ በህይወቱና በአገለግሎቱ ብዙ ሰዎች አገልግሎታቸውን መፈፀም ሲያቅታቸው ተመልክቷል፡፡ ሃዋሪያው ጳውሎስ ተጠንቀቅ ያለበት ምክኒያት ማንም ሰው ካልተጠነቀቀ አገልግሎትን ከመፈፀም ሩጫ ሊያቋርጥ እንደሚችል ስለሚረዳ ነው፡፡

ዴማስ የአሁኑን ዓለም ወዶ ትቶኛልና፥ ወደ ተሰሎንቄም ሄዶአል፤ ቄርቂስም ወደ ገላትያ ቲቶም ወደ ድልማጥያ ሄደዋል፤ 2ኛ ወደ ጢሞቴዎስ 4፡10

አገልግሎት ካለጥንቃቄ የሚፈፅሙት ቀላል ተልእኮ አይደለም፡፡ አገልግሎት ብርቱ ጥንቃቄን ይጠይቃል፡፡ በክርስትና ህይወትና አገልግሎት በተለያየ ምክንያት ወደኋላ መመለስ ያለ በእለት ተእለት ህይወታችን የሚከሰት ነገር ነው፡፡

ከክርስትና ህይወትና አገልግሎትን በመንፈስ በመጀመር በስጋ ሊጨረስ የሚችልበት እድል ያለበት ጥንቃቄን የሚፈልግ የህይወት ዘመን ሃላፊነት ነው፡፡

እንዲህን የማታስተውሉ ናችሁ? በመንፈስ ጀምራችሁ አሁን በሥጋ ትፈጽማላችሁን? ወደ ገላትያ ሰዎች 3፡3

ክርስትና ህይወትና አገልግሎት ጠላት የሚጠላውና በቀጣይነት የሚዋጋው አገልጋዩን ሊውጥ የተዘጋጀበት ልዩ ጥንቃቄን የሚፈልግ  የህይወት ሃለፊነት ነው፡፡

በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤ 1ኛ የጴጥሮስ መልእክት 5፡8

  1. በራስ ጉልበት ለማገልገል መሞከር

የእግዚአብሄር ስራ የሚሰራው በራሱ በእግዚአብሄር ሃይል ነው፡፡ አገልግሎት ማለት እግዚአብሄር በህይወታችን የሚሰራውን አይተን መከተል መተባበር ማለት ነው፡፡ አገልግሎትን የምናገለግለው ከእግዚአብሄር ጋር አብርን በመስራት ነው፡፡ የእግዚአብሄርን ስራ የምንሰራው እግዚአብሄር ሲሰራ በእምነት በመተባበር ነው፡፡ የእግዚአብሄርን ስራ የምንሰራው በቦታችን ቆመን ምልክት በመሆን ብቻ ነው፡፡

የእግዚአብሔር እርሻ ናችሁ፤ የእግዚአብሔር ሕንፃ ናችሁ፤ ከእርሱ ጋር አብረን የምንሠራ ነንና። 1ኛ ወደ ቆሮንቶስ ሰዎች 3፡9

መልሶም፦ ለዘሩባቤል የተባለው የእግዚአብሔር ቃል ይህ ነው። በመንፈሴ እንጂ በኃይልና በብርታት አይደለም፥ ይላል የሠራዊት ጌታ እግዚአብሔር፡፡ ታላቅ ተራራ ሆይ፥ አንተ ምንድር ነህ? በዘሩባቤል ፊት ደልዳላ ሜዳ ትሆናለህ፤ ሰዎችም፦ ሞገስ፥ ሞገስ ይሁንለት ብለው እየጮኹ እርሱ መደምደሚያውን ድንጋይ ያወጣል ብሎ ተናገረኝ። ትንቢተ ዘካርያስ 4፡6-7

  1. ከአገልግሎት በሚገኝ ጥቅም ላይ ማተኮር

አገልግሎት የተራቡና የተጠሙ ሰዎች ሳይሆን በእግዚአብሄር አቅርቦት የረኩ ሰዎች ስራ ነው፡፡ ሰው በአገልዕገሎት ሰውን መጥቀም ላይ ሰውን መባረክ ላይ ለሰው በመስጠት ላይ ካላተኮረ ስኬታማ አየሆንም፡፡ ሰው አገልግሎትን ለመጠቀሚያነት ለግል ጥቀም ማካበቻ ከተጠቀመበት ውድቀት ነው፡፡ መንፈሳዊነት ወይም የመጠቀሚያ መንገድ ሳይሆን ራሱ ጥቅም ነው፡፡ እግዚአብሄርን ማገልገል በራሱ እድል ነው እንጂ ለግል ጥቅም የመጠቀሚያ መንገድ አይደለም፡፡

እግዚአብሔርን መምሰል ማትረፊያ የሚሆን በመሰላቸው ሰዎች ይገኛሉ። እንደነዚህ ካሉት ራቅ። 1ኛ ወደ ጢሞቴዎስ 6፡4-5

መፅሃፍ ቅዱስ ወንጌልን የሚሰራ በወንጌል ይኑር ይላል፡፡ ነገር ግን አገልጋይ ዋናው አላማው ገንዘብና ጥቅም ሲሆን የአገልጋይ ትኩረቱ ገነዘብ ሲሆንና ማናቸውም የሚያደርገውን አገልግሎት ከሚያገኘው ጥቅም ጋር ካመዛዘነ በእውነት ማገልገል አይችልም፡፡

  1. የእግዚአብሄርን መንፈስ አለመጠበቅ፡፡

የእግዚአብሄር ስራ የሚሰራው በመንፈስ ነው፡፡ እግዚአብሄር የሚደሰተው በምንፈስ ስለምናገለግለው አገልግሎት ነው፡፡ ከመንፈሱ አርዳታ ውጭ እግዚአብሄርን ለማገልግል መሞከር ከንቱ ልፋት ነው፡፡ ትሁት ሆነን የእግዚአብሄርን መንፈስ ሰምተን እና ጠብቀን የምናገለግለው አገልግሎት ውጤታማ ያደርገናል፡፡

መልሶም፦ ለዘሩባቤል የተባለው የእግዚአብሔር ቃል ይህ ነው። በመንፈሴ እንጂ በኃይልና በብርታት አይደለም፥ ይላል የሠራዊት ጌታ እግዚአብሔር፡፡ ትንቢተ ዘካርያስ 4፡6

መንፈሳዊውን ነገር ከመንፈሳዊው ነገር ጋር አስተያይተን መንፈስ በሚያስተምረን ቃል ይህን ደግሞ እንናገራለን እንጂ የሰው ጥበብ በሚያስተምረን ቃል አይደለም። 1ኛ ወደ ቆሮንቶስ ሰዎች 2፡13

  1. የክርስቶስን ሳይሆን የራስን ክብርን መፈለግ

እግዚአብሄር ለአገልጋይ ተሰሚነትንና ክብርን ይሰጣል፡፡ እግዚአብሄር ተሰሚነትና ክብር ለአገልጋይ የሚሰጠው ለወንጌል ስራ ነው፡፡ እግዚአብሄር በህዝብ ዘንድ ተሰሚነት ሲሰጠን የእግዚአብሄር መንግስት ሰራተኞች እንደመሆናችን መጠን ለእግዚአብሀረ መንግስት መስፋትና ጥቅም ነው፡፡ ሰው ግን ክብሩን ለራሱ ለግል ጥቅም ሲያውለው መውደቅ ይጀምራል፡፡ አገልጋይ እግዚአብሄር የሰጠንን ተሰሚነትና ሞገስድ ለእግዚአብሄር መንግስት ጥቅም ሳይሆን ለራሱ የግል ጥቅም ካዋለውና ወደራሳችን  ካዞርነው እግዚአብሄር ያዝናል፡፡

እንደ እርሱ ያለ፥ ስለ ኑሮአችሁ በቅንነት የሚጨነቅ፥ ማንም የለኝምና፤ ሁሉ የራሳቸውን ይፈልጋሉና፥ የክርስቶስ ኢየሱስን አይደለም።  ወደ ፊልጵስዩስ ሰዎች 2፡20-21

  1. እግዚአብሄርን ያልመራንን ለማድረግ መድፈር

እግዚአብሄር የሰጠን የአግልገሎት ፀጋ የሚሆነው እርሱ ላዘዘን አላማ ብቻ ነው፡፡ እግዚአብሄ ያስታጠቀን ለጠራነ አላማ ብቻ ነው፡፡ ሰው ግን ከከንቱ ውድድርም ተነሳሰቶ እርሱ ካደረገው እኔም ላደርገው እችላለሁ ብሎ እግዚአብሄ ያላዘዘውን ነገር ማድርግ ህይወትን ማባከብን ራስን እና አግህልገሀሎትን መቅጨት ነው፡፡ የእግዚአብሀር አገልጋይ እግዚአብሄር ለምን እንደጠራውና ለምን እነዳልጠራው ካላወቀ ህይወቱን በክንቱ ያባክናል፡፡

ከሕዝቡም አንድ ሰው፦ መምህር ሆይ፥ ርስቱን ከእኔ ጋር እንዲካፈል ለወንድሜ ንገረው አለው። እርሱም፦ አንተ ሰው፥ ፈራጅና አካፋይ በላያችሁ አንድሆን ማን ሾመኝ? አለው። የሉቃስ ወንጌል 12፡13-14

ለማጥመቅ ክርስቶስ አልላከኝምና፥ ወንጌልን ልሰብክ እንጂ፤ የክርስቶስ መስቀል ከንቱ እንዳይሆን በቃል ጥበብ አይደለም። 1ኛ ወደ ቆሮንቶስ ሰዎች 1፡17

  1. ዝናን መፈለግ

እግዚአብሄር በውስጣችን ያለው አገልግሎት ለብዙዎች እንዲጠቅም ሲፈልግ ዝናና ተሰሚነታችንን ያበዛል፡፡ እግዚአብሄር ዝናና ተሰሚነትን የሚሰጥበት የራሱ ጊዜና መንገድ አለው፡፡ በመሰረቱ ይበዛም ይነስም ዝናና ተሰሚነት የሌለው አገልጋይ የለም፡፡ ነገር ግን  በራሳችን አነሳሽነት እግዚአብሄር ያልሰጠንን ዝናንና ተሰሚነትን ለማሳደግ ከጣርን እንከስራለን፡፡ ለዝናና ተሰሚነት መስራት ራሱን የቻለ ከባድ ስታ ነው፡፡ ሰው እግዚአብሀትነ በቅንነነት አገልግሎም ለዝናም ሰርቶ አይሆንም፡፡ ሰው ለዝና የሚሰራው እግዚአብሄን ለከሚያገለግለበት አገልግሎት ጊዜና ጉልብት እውቀት ቀንሶ ነው፡፡ እኛ በአግልገሎታችን ላይ እየተጋን  እግዚአብሀር ግን በራሱ ጊዜ እንደወደደ ተሰሚነትና ዝናን ሲሰጠን ውጤቱ ያማረ የሆናል፡፡

ኢየሱስ ዝነኛ ለመሆን ምንም ነገር ሲያደርግ አናይም፡፡ እንዱየተውን ከወፈወሰ በሁወዐላ ለማንብም እነዳትናገሩ ሲል አናየዋለን፡፡ ምክንያቱም ከጊዜው በፊት የመሆነ ዝና ከጥቅሙ ይልቅ ጊዳቱ ስለሚያመዝን ነው፡፡

ወዲያውም ጆሮቹ ተከፈቱ የመላሱም እስራት ተፈታ አጥርቶም ተናገረ። ለማንም አትንገሩ ብሎ አዘዛቸው እነርሱ ግን ባዘዛቸውም መጠን ይልቅ እጅግ አወሩት። የማርቆስ ወንጌል 7፡35-36

ዝነኝነት የራሱ የሆነ ሸክሞችና ሃላፊነቶች እና ፈተዎች አሉት፡፡ እግዚአብሄር ዝነኛ ሲያደርገን አብሮ ፀጋውን ይሰጠናል፡፡ በራሳችን ዝነኛ ለመሆን ከሞከር አገልግሎታችንን እንዳናገለግል እንቅፋት ይሆናል ሃላፊነቱና ሸክሙን ለመሸከም አቅም ያጥረናል፡፡

እርሱም ለማንም እንዳይናገር አዘዘው፥ ነገር ግን፦ ሄደህ ራስህን ለካህን አሳይ፥ ለእነርሱም ምስክር እንዲሆን ስለ መንጻትህ ሙሴ እንዳዘዘ መሥዋዕት አቅርብ አለው። ወሬው ግን አብዝቶ ወጣ፥ ብዙ ሕዝብም ሊሰሙትና ከደዌአቸው ሊፈወሱ ይሰበሰቡ ነበር፤   የሉቃስ ወንጌል 5፡14-15

አገልጋይ በአገልገሎት መፅናት ከፈለገ እግዚአብሄር በሰጠው ትንሽ በምትባለው ዝና መርካትና በሚጠቅማቸው ሰዎች ላይ ማተኮር አለብት፡፡ ያለውን ዝናና ተሰሚነት የሚንቅ እና ከፍ ያለ ተሰሚነትን በራሱ ጉልበት ለመፈልግ የሚንጠራራ ሰው በአገልግሎት አይዘልቅም፡፡

ኢየሱስም በምኩራቦቻቸው እያስተማረ የመንግሥትንም ወንጌል እየሰበከ በሕዝብም ያለውን ደዌና ሕማም ሁሉ እየፈወሰ በገሊላ ሁሉ ይዞር ነበር። ዝናውም ወደ ሶርያ ሁሉ ወጣ፤ በልዩ ልዩ ደዌና ሥቃይም ተይዘው የታመሙትን ሁሉ አጋንንትም ያደሩባቸውን በጨረቃም የሚነሣባቸውን ሽባዎችንም ወደ እርሱ አመጡ፥ ፈወሳቸውም። የማቴዎስ ወንጌል 4፡23-24

ዝነኛ መሆን በአገልግሎት ስኬታማነትን አያሳይም፡፡ ብዙም ዝና ሳይኖራቸው ጥቂት ሰዎችን ብቻ እያገለገሉ ህይወታቸውን የሚያሳልፉ እግዚአብሄር ደስ የሚሰኝባቸው ብዙዎች ታማኝ አገልጋዮች አሉ፡፡

  1. የእግዚአብሄርን ነገር መልመድ

ሰው የእግዚአብሄርን ነገር ከለመደው እግዚአብሄርን እንደሚያውቅው ምንም ስለእግዚአብሄር የማያውቀው ነገር እንደሌለ ካሰበ ይከስራል፡፡ ሰው እግዚአብሄርን ቤተክርስትያን ካልፈራ እና በእግዚአብሄር ሰዎች ውስጥ እግዚአብሄርን ማየት ካቆመ አገልግሎቱ አይቀጥልም፡፡ ሰው ለእግዚአብሄር ሰዎችና ለእግዚአብሄር ቤተክርስትያን ያለውን ክብር ካጣ ሰይጣን እግኝቶታል ማለት ነው፡፡ ሰው የእግዚአብሄር ቤተክርስትያን በምድር ላይ ክርስቶስን የመወከል ትልቅ ስላጣን እነዳላት ሳይሆን እንደ ተራ ሰው ስብስብ ካየ እና ስለእግዚአብሄር ህዝብና ስለ ቤተክርስትያን ክፋትን ከተናገረ በሰይጣን ማታለል ስር ወድቋል ማለት ነው፡፡ ሰው ለክርስቶስ አካል ክብር ከጎደለው የክርስቶስን አካል የምድር ስልጣን ካልተረዳ በሰይጣን እስራት ውስጥ ወድቆዋል፡፡

እነርሱንም ባይሰማ፥ ለቤተ ክርስቲያን ንገራት፤ ደግሞም ቤተ ክርስቲያንን ባይሰማት፥ እንደ አረመኔና እንደ ቀራጭ ይሁንልህ። የማቴዎስ ወንጌል 18፡17

መለያየትን የሚያነሣ ሰው ጠማማ እንዲሆን በራሱም ላይ ፈርዶ ኃጢአትን እንዲያደርግ አውቀህ፥ አንድ ጊዜ ሁለት ጊዜም ከገሠጽኸው በኋላ እንዲህ ከሚመስል ሰው ራቅ። ወደ ቲቶ 3፡10-11

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጻድቃን #የታመነ #መቀጨት #ፍጥነት #ጥበብ #ድካም #ብርታት #ዝና #ነውር #ስጋ #ዘመን #መውጣት #መውረድ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ጥቂትበጥቂት #ሙሉቀን #እየተጨመረ #በረከት #ትግስት #መሪ

በአጭሩ የመቀጨት አምስት ምክንያቶች

b65bd4c61d03e9bf1c9273ec1a42b3e1--apply-for-a-loan-fast-loans.jpg

በመልካም ጀምረው በብቃት የሚጨርሱ ብዙ የተባረኩ አገልጋዮች አሉ፡፡ ብዙ ሰዎች በመልካም ይጀምሩና ሲፈፅሙ አይታይም፡፡

እግዚአብሄር እንድንጀምር ብቻ ሳይሆን እንድንጨርስም ይፈልጋል፡፡ መጀመር ወሳኝ እንደሆነ ሁሉ መጨረስም በጣም ወሳኝ ነው፡፡

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ። ወደ ቆላስይስ ሰዎች 4፡17

በመልካመ ጀምረን በብቃት እንዳንጨርስ የሚያደርጉንን ምክንያቶች እንመልከት

ፍጥነትን አለመረዳት

የክርስትና ህይወትና አገልግሎት እንደማራቶን እንጂ እንደመቶ ሜትር ሩጫ አይደለም፡፡ የመቶ ሜትር ሩጫ የሚፈልገው ጉልበት ነው፡፡ የማራቶን ሩጫ ግን ጉልበት ብቻ ሳይሆን ጥበብን ትግስትን ይፈልጋል፡፡ በአገልግሎት ውስጥ ብዙ የሚያደክምና የሚያሳምም ነገር አለ፡፡ የማራቶን ሩጫ የሚጠይቀው ጉልበት ብቻ ሳይሆን ህመምን የመታገስ ችሎታንም ነው፡፡ የማራቶን አሸናፊዎች ምንም ህምም የሌለባቸው ይመስለናል፡፡ እንዲያውም ታላቁን ህመም የሚካፈሉት የማራቶን አሸናፊዎች ናቸው፡፡ በክርስትናና አገልግሎት ለመዝለቅ ከፈለግን ከመጠን በላይ መፍጠን የለብንም፡፡ በክርስትናና እና በአገልግሎት መዝለቅ ከፈለግን የእግዚአብሄርን አሰራር እና እርምጃ መታገስ አለብን፡፡ በክርስትናና እና በአገልግሎት መዝለቅ ከፈለግን በጣም ከሚሮጡ አገልጋዮች ውድድር ራሳችንን ማግለል አለብን፡፡

የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። መፅሃፈ ምሳሌ 4:18

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። መጽሐፈ ምሳሌ 28፡20

በህይወትና በአገልግሎት ረጅም መንገድ መሄድ ከፈለግን እግዚአብሄርን መቅደም የለብንም፡፡ ምንም ነገር ከማድርጋችን በፊት እግዚአብሄርን ህልውና መፈለግ መጠበቅና መከተል አለብን፡፡

በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። መጽሐፈ ምሳሌ 13፡11

የማራቶብ ሯጭ ጉልበት ይሰማኛል ብሎ እንደ ስምንት መቶ ሜትር ሯጭ መሮጥ ቢጀምር ማንም ጠቢብ የማራቶን ሯጭ ቀድሞኛል ብሎ አይከተለውም፡፡ የማራቶን ሯጭ ጉልበት ይሰማኛል ብሎ እንደ ስምንት መቶ ሜትር ሯጭ መሮጥ ቢጀምር ጠቢቦቹ ቀስ ብለው በጊዜያቸው ሮጠው ሲደርሱ መንገድ ላይ ቆሞ ይገኛል፡፡ አገልግሎት እንደማራቶን ሩጫ ጉልበትን የመቆጠብ ጥበብ ፣ ትእግስትንና ህምምን የመቋቋም ችሎታን ይጠይቃል፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ ወደ ዕብራውያን 12፡1-2

ዘመንን አለመረዳት

ለሁሉም ጊዜ አለው፡፡ የምንወጣበት ጊዜ አለው የምንወርድበት ጊዜ አለው፡፡ ኢየሱስንም እናንግስህ ያሉት ጊዜ ነበር ስቀለው የተባለበትንም ጊዜ ነበር፡፡ ብዙ ሰዎች የተከተሉት ጊዜ ነበር አስራ ሁለቱ ብቻ የቀሩበት ጊዜ ነበር፡፡ በዚያ ሁሉ ግን አገልግሎቱን እንዲቀጥል ያደረግው የእግዚአብሄርን አሰራር መረዳቱ ነው፡፡

ኢየሱስ ብዙ ህዝም ሲከተሉት አልተደነቀም ሁሉም ትተውት ሲሄዱም አልደነገጠም፡፡

ከዚህም የተነሣ ከደቀ መዛሙርቱ ብዙዎች ወደ ኋላ ተመለሱ፤ ወደ ፊትም ከእርሱ ጋር አልሄዱም። ኢየሱስም ለአሥራ ሁለቱ፦ እናንተ ደግሞ ልትሄዱ ትወዳላችሁን? አለ። የዮሐንስ ወንጌል 6፡66-67

ኢየሱስ ዝነኛ የሆነበት ጊዜ ነበር የተደበቀበት ጊዜ ደግሞ ነበር፡፡ ጌታ ኢየሱስን የሚመለከት እነጂ ዝናንና መጥፋተነ የሚመለከት በአገልግሎት የሚፀና አይደለም፡፡

ሁሉም፦ ይህ ምንድር ነው? በሥልጣን ርኵሳን መናፍስትን ያዝዛል፤ እነርሱም ይታዘዙለታልና ይህ አዲስ ትምህርት ምንድር ነው? ብለው እስኪጠያየቁ ድረስ አደነቁ። ዝናውም ወዲያው በየስፍራው ወደ ገሊላ ዙሪያ ሁሉ ወጣ። የማርቆስ ወንጌል 1፡27-28

ኢየሱስ ስለሃጢያታችን ለመሞት ነውርን መናቅ ነበረበት፡፡ ኢየሱስ ዝናውንና መልካም ስሙን በሰው ዘንድ መጠበቅ ቢፈልግ ኖሮ ለመስቀል ሞት የታዘዘ አይሆንም ነበር፡፡

እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ወደ ዕብራውያን 12፡1-2

በእግዚአብሄር አለመታመን

በእግዚአብሄር የሚታመን ሰው በእርሱ የጀመረውን እራሱ እንደሚፈፅመው ያምናል፡፡ አገልግሎቱ ከእግዚአብሄር እንደተሰጠው የማያምን ሰው ግን እራሱ በስጋው ሊፈፅጽመው ሲሞክር መንገድ ላይ አለክልኮ ከአገልግሎት ሩጫ ያቋርጣል፡፡

ስለ በጎ ፈቃዱ መፈለግንም ማድረግንም በእናንተ የሚሠራ እግዚአብሔር ነውና። ወደ ፊልጵስዩስ ሰዎች 2፡13

ራስን አለመረዳት

በክርስትና በራሳችን ስንደክም የሚያበረታ የእግዚአብሄር ፀጋ አለ፡፡ ሰው ራሱን ከእግዚአብሄር ፀጋ ለይቶ ካየ አገልግሎቱን ሊዘልቅ አይችልም፡፡ እኛ ስንደክም ድካማችንን የሚሸፍን የእግዚአብሄር ፀጋ ባይኖር ኖሮ አገልግሎት የማይታሰብ ነው፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ወደ ቆሮንቶስ ሰዎች 12፡9-10

ራስን አለመግዛት

አገልግሎት የራሱ ክብርና የራሱ ህግ አለው፡፡ ህጉን አለመጠበቅና ለስጋ አርነት መስጠት ከአገልግሎት ብቁ አንዳንሆንና እንድንጣል ያደርገናል፡፡

የሚታገልም ሁሉ በነገር ሁሉ ሰውነቱን ይገዛል፤ እነዚያም የሚጠፋውን አክሊል ሊያገኙ ነው፥ እኛ ግን የማይጠፋውን። ስለዚህ እኔ ያለ አሳብ እንደሚሮጥ ሁሉ እንዲሁ አልሮጥም፥ ነፋስን እንደሚጎስም ሁሉ እንዲሁ አልጋደልም፤ ነገር ግን ለሌሎች ከሰበክሁ በኋላ ራሴ የተጣልሁ እንዳልሆን ሥጋዬን እየጎሰምሁ አስገዛዋለሁ። 1ኛ ወደ ቆሮንቶስ ሰዎች 9፡25-27

በክርስትናና በአገልግሎት በእግዚአብሄር ቤት እንዴት በእውነት መኖር እንዳለብን ማወቅ አለብን፡፡

ብዘገይ ግን፥ በእግዚአብሔር ማደሪያ ቤት መኖር እንዴት እንደሚገባ ታውቅ ዘንድ እጽፍልሃለሁ፤ ቤቱም የእውነት ዓምድና መሠረት፥ የሕያው እግዚአብሔር ቤተ ክርስቲያን ነው። 1ኛ ወደ ጢሞቴዎስ 3፡15

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጻድቃን #የታመነ #መቀጨት #ፍጥነት #ጥበብ #ድካም #ብርታት #ዝና #ነውር #ስጋ #ዘመን #መውጣት #መውረድ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ጥቂትበጥቂት #ሙሉቀን #እየተጨመረ #በረከት #ትግስት #መሪ

እኵሌቶቹም ለክብር፥ እኵሌቶቹም ለውርደት

church leader.jpg

በእርሱም ይህን ተስፋ የሚያደርግ እርሱ ንፁህ እንደሆነ ራሱ ያነፃል፡፡ በእርሱም ይህን ተስፋ የሚያደርግ እርሱ ቅዱስ እንደሆነ ራሱን ይቀድሳል፡፡

ዳሩ ግን፦ እኔ ቅዱስ ነኝና ቅዱሳን ሁኑ ተብሎ ስለ ተጻፈ የጠራችሁ ቅዱስ እንደ ሆነ እናንተ ደግሞ በኑሮአችሁ ሁሉ ቅዱሳን ሁኑ። 1ኛ የጴጥሮስ መልእክት 1፡15-16

በእርሱም ይህን ተስፋ የሚያደርግ እርሱ እንደማይቀላቀል ራሱን አያቀላቅልም፡፡ በእርሱም ይህን ተስፋ የሚያደርግ ርኵስንም አይነካም፡፡

ስለዚህም ጌታ፦ ከመካከላቸው ውጡና የተለያችሁ ሁኑ ርኵስንም አትንኩ ይላል፤ ሁሉንም የሚገዛ ጌታ፦ እኔም እቀበላችኋለሁ፥ ለእናንተም አባት እሆናለሁ እናንተም ለእኔ ወንድ ልጆችና ሴት ልጆች ትሆናላችሁ ይላል። 2ኛ ወደ ቆሮንቶስ ሰዎች 6፡17-18

በእርሱም ይህን ተስፋ የሚያደርግ ራሱን ከአለም እድፈት ይጠብቃል፡፡

አንደበቱን ሳይገታ ልቡን እያሳተ እግዚአብሔርን የሚያመልክ የሚመስለው ማንም ቢኖር የእርሱ አምልኮ ከንቱ ነው። ንጹሕ የሆነ ነውርም የሌለበት አምልኮ በእግዚአብሔር አብ ዘንድ ይህ ነው፤ . . . በዓለምም ከሚገኝ እድፍ ሰውነቱን መጠበቅ ነው። የያዕቆብ መልእክት 1፡26-27

በእርሱም ይህን ተስፋ የሚያደርግ ሁሉ እርሱ ንጹሕ እንደ ሆነ ራሱን ያነጻል። 1ኛ የዮሐንስ መልእክት 3፡3

በትልቅም ቤት የእንጨትና የሸክላ ዕቃ ደግሞ አለ እንጂ የወርቅና የብር ዕቃ ብቻ አይደለም፥ እኵሌቶቹም ለክብር፥ እኵሌቶቹም ለውርደት ይሆናሉ፤ እንግዲህ ማንም ራሱን ከእነዚህ ቢያነጻ፥ ለክብር የሚሆን የተቀደሰም ለጌታውም የሚጠቅም ለበጎም ሥራ ሁሉ የተዘጋጀ ዕቃ ይሆናል። 2ኛ ወደ ጢሞቴዎስ 2፡20-21

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቅዱስ #ክፉ #ቅድስና #እርኩሰት #የተቀደሰ  #ለክብር #ለውርደት #መከባበር #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ #ተስፋ #ያነፃል #ክብር #ውርደት

የተቀበልኸውን አገልግሎት እንድትፈጽሙው ተጠንቀቅ

church leader.jpg

የተቀበልኸውን አገልግሎት እንድትፈጽሙው ተጠንቀቅ

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ። ወደ ቆላስይስ ሰዎች 4፡17

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ ያለበት ምክኒያት አለው፡፡ በህይወቱና በአገልግሎቱ ብዙ ሰዎች አገልግሎታቸውን መፈፀም ሲያቅታቸው ተመልክቷል፡፡ ተጠንቀቅ ያለበት ምክኒያት ማንም ሰው ካልተጠነቀቀ አገልግሎትን ከመፈፀም ሩጫ ሊያቋርጥ እንደሚችል ስለሚረዳ ነው፡፡

ዴማስ የአሁኑን ዓለም ወዶ ትቶኛልና፥ ወደ ተሰሎንቄም ሄዶአል፤ ቄርቂስም ወደ ገላትያ ቲቶም ወደ ድልማጥያ ሄደዋል፤ 2ኛ ወደ ጢሞቴዎስ 4፡10

አገልግሎት ካለጥንቃቄ የሚፈፅሙት ቀላል ተልእኮ አይደለም፡፡ አገልግሎት ብርቱ ጥንቃቄን ይጠይቃል፡፡ በክርስትና ህይወትና አገልግሎት በተለያየ ምክንያት ወደኋላ መመለስ አለ፡፡

ከክርስትና ህይወትና አገልግሎትን በመንፈስ በመጀመር በስጋ ሊጨረስ የሚችልበት እድል ያለበት ጥንቃቄን የሚፈልግ አገልግሎት ነው፡፡

እንዲህን የማታስተውሉ ናችሁ? በመንፈስ ጀምራችሁ አሁን በሥጋ ትፈጽማላችሁን? ወደ ገላትያ ሰዎች 3፡3

ክርስትና ህይወትና አገልግሎት ጠላት የሚጠላውና በቀጣይነት የሚዋጋው አገልጋዩን ሊውጥ የተዘጋጀበት ልዩ ጥንቃቄን የሙፈግ አገልግሎት ነው፡፡

በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤ 1ኛ የጴጥሮስ መልእክት 5፡8

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ። ወደ ቆላስይስ ሰዎች 4፡17

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ክርስቶስ #ጌታ #አገልግሎት #ጥንቃቄ #እምነት #እውቀት #መደገፍ #መፈፀም #በመንፈሴ #በሃይል #በብርታት #ፀጥታ #መመለስ #ማረፍ #ፅድቁን #ኢየሱስ #ቤተክርስትያን #አማርኛ #ስብከት #ፀጥታ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

የመጋቢ ታማኝነት የሚለካበት 12 መፅሃፍ ቅዱሳዊ መለኪያዎች

conscious.jpgመጋቢነት  ለሰዎች ነፍስ የመትጋት የተከበረ ጥሪ ነው፡፡

ለዋኖቻችሁ ታዘዙና ተገዙ፤ እነርሱ ስሌትን እንደሚሰጡ አድርገው፥ ይህንኑ በደስታ እንጂ በኃዘን እንዳያደርጉት፥ ይህ የማይጠቅማችሁ ነበርና፥ ስለ ነፍሳችሁ ይተጋሉ።፡ወደ ዕብራውያን 13፡7

መጋቢነት በእግዚአብሄር የሚሰጥ ፀጋ እንጂ በሰው አነሳሽነትና ፍላጎት የሚደረግ አገልግሎት አይደለም፡፡ ማንም ሰው ማንንም ስው ለመጋቢነት ሊጠራ አይችልም፡፡ ሰውም ራሱን ለመጋቢነት ሊያሰማራ አይችልም፡፡ የመጋቢነትን ፀጋ ሰጥቶ ሰውን ለመጋቢነት የአገልግሎት ስራ ሊጠራ የሚችለው እግዚአብሄር ብቻ ነው፡፡

እርሱም አንዳንዶቹ ሐዋርያት፥ ሌሎቹም ነቢያት፥ ሌሎቹም ወንጌልን ሰባኪዎች፥ ሌሎቹም እረኞችና አስተማሪዎች እንዲሆኑ ሰጠ፤ ወደ ኤፌሶን ሰዎች 4፡11

ሰው በአካባቢው ያለውን ክፍተት አይቶ መጋቢ መሆን አይችልም፡፡ ሰው ስለፈለገና ስለተመኘ ብቻ መጋቢ መሆን አይችልም፡፡ ሰው የሚመገቡ ሰዎች ስላሳዘኑት ብቻ መጋቢ ሊሆን አይችልም፡፡ መጋቢነት ከእግዚአብሄር የሚሰጥ ጥሪ ነው፡፡ መጋቢነት ከእግዚአብሄር የሚሰጥ የአገልገሎት ስጦታ ነው፡፡ መጋቢነት ፀጋ ነው፡፡

መጋቢነት ከእግዚአብሄር የሚሰጥ ስጦታ ስለሆነ ብቻ ታማኝነቱ አይለካም ማለት አይደለም፡፡ ሰው በመጋቢነት ተጠርቶ ታማኝ ሊሆን ይችላል ታማኝ ላይሆን ይችላል፡፡ በመጋቢነት የተጠራ ሰው ታማኝ መሆን እግዚአብሄርም የእግዚአብሄርም ህዝብ ይጠብቅበታል፡፡  መጋቢነት በእግዚአብሄር ቃል ይመዘናል፡፡

የመጋቢነት ታማኝነት የሚለካባቸው መንገዶች አሉ፡፡ እንዲሁም የመጋቢ ታማኝነት የማይለካባቸው መንገዶች አሉ፡፡

  1. መጋቢነት በሰው ብዛት አይለካም

ብዙ ሰው የሚመግብ ሰው የተሳካለት ትንሽ ሰው የሚመግብ ሰው ያልተሳካለት አይደለም፡፡ የሰው መጋቢነት የሚለካው እግዚአብሄር እንዲመግብ በሰጠው ሰዎች ላይ ባለው አገልግሎት ነው፡፡ የመጋቢነት ታማኝነት የሚለካው ራሳቸውን የሰጡትን ሰዎች የእግዚአብሄር ቃል በታማኝነትና በትጋት በመመገቡ ነው፡፡ መጋቢ ታማኝነቱ የሚለካው የተሰጠውን ሰዎች እንዴት በትጋት እንዳገለገላቸው በተሰጠው ሰው ብቻ ነው፡፡

እንዲሁ ሰው እኛን እንደ ክርስቶስ ሎሌዎችና እንደ እግዚአብሔር ምሥጢር መጋቢዎች ይቍጠረን። እንደዚህም ሲሆን፥ በመጋቢዎች ዘንድ የታመነ ሆኖ መገኘት ይፈለጋል። 1ኛ ወደ ቆሮንቶስ ሰዎች 4፡1-2

  1. የመጋቢነት ታማኝነት የሚለካው ሰዎችን በማሳደግ አይደለም፡፡

የመጋቢነት ታማኝነት የሚለካው እግዚአብሄር የላከለትን ሰዎች ኮትኩቶ ለማሳደግ ባለው ትጋት ነው፡፡ የመጋቢ ታማኝነት የሚለካው ባሳደገው ሰው ቁጥር አይደለም፡፡ የመጋቢው ታማኝነት የሚለካው ሰዎችን በማሳደግ አይደለም፡፡ ሰዎች ለማደግ የሚያሳድገውን የእግዚአብሄርን ቃል የሚያስተራቸው ሰው ያስፈልጋቸዋል እንዲሁም ለማደግና ለመለወጥ የሚያደርጉት እርምጃ ያሳድጋቸዋል፡፡ የመጋቢ ታማኝነት የሚለካው በማሳደግ ሳይሆን የሚያሳድገውን የእግዚአብሄርን ቃል በትጋት እና በታማኝነት በማቅረብ ነው፡፡

እኔ ተከልሁ አጵሎስም አጠጣ ነገር ግን እግዚአብሔር ያሳድግ ነበር፤ እንግዲያስ የሚያሳድግ እግዚአብሔር እንጂ የሚተክል ቢሆን ወይም የሚያጠጣ ቢሆን አንዳች አይደለም። የሚተክልና የሚያጠጣ አንድ ናቸው፥ ነገር ግን እያንዳንዱ እንደ ራሱ ድካም መጠን የራሱን ደመወዝ ይቀበላል። 1ኛ ወደ ቆሮንቶስ ሰዎች 3፡6-8

  1. የመጋቢነት ታማኝነት የሚለካው እግዚአብሄር የሰጠውን ሰዎች በእግዚአብሄር ቃል አውቀት ከመንፈሳዊ ከድካምና ከበሽታ ከሞት እንዲጠበቁ የሚያስችላቸውን ትምህርት ፣ ምክርና እንክብካቤ በማድረጉ ነው፡፡ የመጋቢ ሃላፊት መወጣቱ የሚመዘነው ንፁሁን የእግዚአብሄርን ቃል በተመጣጠነ ሁኔታና በሚዛናዊነት በመመገብ ራሳቸውን ከስህተት እንዲከላከሉ በማስታጠቅ ነው፡፡

ወደ እግዚአብሔር ዘንድ ንስሐንና በጌታችን በኢየሱስ ክርስቶስ ማመንን ለአይሁድና ለግሪክ ሰዎች እየመሰከርሁ በጉባኤም በየቤታችሁም አወራሁላችሁና አስተማርኋችሁ እንጂ፥ ከሚጠቅማችሁ ነገር አንዳች ስንኳ አላስቀረሁባችሁም። ስለዚህ እኔ ከሰው ሁሉ ደም ንጹሕ እንደ ሆንሁ ዛሬ በዚች ቀን እመሰክርላችኋለሁ። የእግዚአብሔርን ምክር ሁሉ ነግሬአችኋለሁና፥ ምንም አላስቀረሁባችሁም። የሐዋርያት ሥራ 20፡20-21፣26-27

  1. የመጋቢነት ታማኝነት የሚለካው ምእመኑን በመጎብኘቱ ነው፡፡

መጋቢ የእግዚአብሄርን ህዝብ ከላይ ሆኖ ሊከታተል ይገባዋል፡፡ መጋቢ የእግዚአብሄር ህዝብ መንፈሳዊ ህይወት የበላይ ጠባቂ ነው፡፡ መጋቢ ከላይ ሆኖ መንጋውን ከተኩላ የሚጠብቅና የሚከላከል ጠባቂ ነው፡፡

በገዛ ደሙ የዋጃትን የእግዚአብሔርን ቤተ ክርስቲያን ትጠብቁአት ዘንድ መንፈስ ቅዱስ እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁ። ከሄድሁ በኋላ ለመንጋው የማይራሩ ጨካኞች ተኩላዎች እንዲገቡባችሁ፥ ደቀ መዛሙርትንም ወደ ኋላቸው ይስቡ ዘንድ ጠማማ ነገርን የሚናገሩ ሰዎች በመካከላችሁ እንዲነሡ እኔ አውቃለሁ።  የሐዋርያት ሥራ 20፡28-30

  1. የመጋቢ ታማኝነት የሚለካው የእግዚአብሄርን ቃል ምሳሌ በመሆን ነው፡፡

የመጋቢ ታማኝዕነት የሚለካው የሰዎችን ህይወት በመለወጥ ሳይሆን የእግዚአብሄርን ቃል በአስተሳሰብ ፣ በንግግርና በአካሄድ ሞዴል ወይም ምሳሌ በመሆን ነው፡፡

ለመንጋው ምሳሌ ሁኑ እንጂ ማኅበሮቻችሁን በኃይል አትግዙ፤ 1ኛ የጴጥሮስ መልእክት 5፡3

የእግዚአብሔርን ቃል የተናገሩአችሁን ዋኖቻችሁን አስቡ፥ የኑሮአቸውንም ፍሬ እየተመለከታችሁ በእምነታቸው ምሰሉአቸው። ወደ ዕብራውያን 13፡7

  1. የመጋቢ ታማኝነት የሚለካው ለህዝቡ ራሱን አሳልፎ በመስጠት ነው ነው፡፡

የመጋቢ ታማኝነት የሚለካው ህዝቡን ከልሎ አስቸጋሪ ሁኔታን በመጋፈጡ ነው፡፡ ጠላት ህብረትን መበተን ሲፈልግ የሚመታው በስፍራው ያለን መሪ ነው፡፡ እረኛን ከመታ በጎች እንደሚበተኑ ያውቃል፡፡ መጋቢ ታማኝነቱ የሚለካው ህዝቡን ይዞ በታማኝነት መዝለቁ ነው፡፡ አስቸጋሪ ሁኔታ ሲመጣ ህዝቡን ጥሎ የሚሸሽ መጋቢ ታማኝ መጋቢ አይደለም፡፡

እረኛ ያልሆነው በጎቹም የእርሱ ያልሆኑ ሞያተኛ ግን ተኵላ ሲመጣ ባየ ጊዜ በጎቹን ትቶ ይሸሻል፤ ተኵላም ይነጥቃቸዋል በጎቹንም ይበትናቸዋል። ሞያተኛ ስለ ሆነ ለበጎቹም ስለማይገደው ሞያተኛው ይሸሻል።  የዮሐንስ ወንጌል 10፡12-13

  1. መጋቢ ታማኝነት የሚለካው መጥፎ ጥቅምን ባለመመኘት ነው

የመጋነት ታማኝነት የሚለካው ያለኝ ይበቃኛል በሚል አስተሳብን ነው፡፡

ኑሮዬ ይበቃኛል ለሚለው ግን እግዚአብሔርን መምሰል እጅግ ማትረፊያ ነው፤ አንዳችንም ልንወስድ አይቻለንም፤ ምግብና ልብስ ከኖረን ግን፥ እርሱ ይበቃናል። 1ኛ ወደ ጢሞቴዎስ 6፡6፣8

የመጋቢ ታማኝነት የሚለካው ሰዎችን ለጥቅማቸው እንጂ ለጥቅሙ ባለመፈለግ ነው፡፡ የመጋቢ ታማኝነት የሚለካው በበጎ ፈቃድ በማገልገል ፣ በመስጠትና በመጥቀም ነው፡፡ የመጋቢ ማማኝነት የሚለካው ምእመኑን በክርስቶስ ደም እንደተገዛ ክቡር የእግዚአብሄር ህዝብ እንጂ እንደ ጥቅም ማግኛ ምንጭ ባለመመልከት ነው፡፡ መጋቢ ታማኝነቱ የሚለካው ህዝቡን እንዲያገለግል የጠራውን እግዚአብሄርን እንጂ ህዝቡን እንደ ገቢ ምንጭ ባለማየት ነው፡፡ የመጋቢ ታማኝነት የሚለካው የእግዚአብሄርን መንግስትና ፅድቅ ሲፈልግ እግዚአብሄር የሚያስፈልገውን ሁሉ እንደሚጨምርለት በማመን ነው፡፡

ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። የማቴዎስ ወንጌል 6፡32-33

የመጋቢ ታማኝነት የሚለካው ያለኝ ይበቃኛል በማለቱ ነው፡፡ የመጋቢ ታማኝነት የሚለካው እግዚአብሄር የሰጠውን ተሰሚነት ተጠቅሞ የህዝቡን መብዛት እንጂ የራሱን መብዛት ባለመፈለግ ነው፡፡

በእናንተ ዘንድ ያለውን የእግዚአብሔርን መንጋ ጠብቁ፤ እንደ እግዚአብሔር ፈቃድ በውድ እንጂ በግድ ሳይሆን፥ በበጎ ፈቃድ እንጂ መጥፎውን ረብ በመመኘት ሳይሆን ጐብኙት፤ 1ኛ የጴጥሮስ መልእክት 5፡2-3

እነሆኝ በእግዚአብሔርና እርሱ በቀባው ፊት መስክሩብኝ የማንን በሬ ወሰድሁ? የማንንስ አህያ ወሰድሁ? ማንንስ ሸነገልሁ? በማንስ ላይ ግፍ አደረግሁ? ዓይኖቼንስ ለማሳወር ከማን ጋር እጅ ጉቦ ተቀበልሁ? እኔም እመልስላችኋለሁ። መጽሐፈ ሳሙኤል ቀዳማዊ 12፡3

  1. የመጋቢ ታማኝነት የሚለካው ህዝቡን መታገስ በመቻሉ ነው

መሪነት ወደሰው ደረጃ ወርዶ ሰውን ታግሶና ተሸክሞ ወደሌላ ደረጃ የማድረስ ጥበብ ነው፡፡ መጋቢነት ህዝቡን እግዚአብሄር ወደአየላቸው ደረጃ ለማድረስ በትግስትና በትጋት ማገልገል ነው፡፡

እኔም፥ ወንድሞች ሆይ፥ የሥጋ እንደ መሆናችሁ፥ በክርስቶስም ሕፃናት እንደ መሆናችሁ እንጂ መንፈሳውያን እንደ መሆናችሁ ልናገራችሁ አልቻልሁም። ገና ጽኑ መብል ለመብላት አትችሉም ነበርና ወተት ጋትኋችሁ፤ 1ኛ ወደ ቆሮንቶስ ሰዎች 3፡1-2

እርሱም አለው፦ ጌታዬ ሆይ፥ ልጆቹ ደካሞች እንደ ሆኑ ታውቃለህ፤ በጎችና ላሞችም ግልገሎቻቸውን ያጠባሉ፤ ሰዎችም አንድ ቀን በችኮላ የነዱአቸው እንደ ሆነ ከብቶቹ ሁሉ ይሞታሉ። ኦሪት ዘፍጥረት 33፡13

  1. የመጋቢ ታማኝነት የሚለካው ህዝቡ እግዚአብሄር ወዳየላቸው ቦታ መምራቱ ነው፡፡

የመጋቢ ታማኝነት የሚለካው ስለ ህዝቡ ከእግዚአብሄር ራእይን በመቀበል ነው፡፡ የመጋቢ ታማኝነት የሚለካው ህዝቡን እግዚአብሄር ወደ አየላቸው ቦታ መውሰዱ አይደለም፡፡ እግዚአብሄር ወደአየላቸው ቦታ መድረስ የመጋቢውም የተመሪውን ሃላፊነት ነው፡፡ መጋቢው ስለፈለገ ብቻ ህዝቡን እግዚአብሄር ወደአየላቸው ቦታ መውሰድ አይችልም፡፡ የህዝቡ መሰጠትም ይጠይቃል፡፡ የመጋቢ ታማኝነት የሚለካው እግዚአብሄር ለህዝቡ በልቡ ያለውን መፈለግና ህዝቡን እግዚአብሄር  ወደአየላቸው ደረጃ መምራት ነው፡፡ ህዝቡ ታማኝ ሆኖ ከተከለተለ እግዚአብሄር ወደአየለት ቦታ ይፈደርሳል፡፡

እኛም በክርስቶስ ፍጹም የሚሆን ሰውን ሁሉ እናቀርብ ዘንድ ሰውን ሁሉ እየገሠጽን ሰውንም ሁሉ በጥበብ ሁሉ እያስተማርን የምንሰብከው እርሱ ነው፤ ለዚህም ነገር ደግሞ፥ በእኔ በኃይል እንደሚሠራ እንደ አሠራሩ እየተጋደልሁ፥ እደክማለሁ። ወደ ቆላስይስ ሰዎች 1፡28-29

  1. የመጋቢ ታማኝነት የሚለካው ህዝቡን ለአገልዕግሎት ስራ በማስታጠቅና በማሰማራት ነው

መጋቢ እርሱ ብቻ ጠቃሚ ሌላው ሰው ሁሉ ተጠቃሚ ማድረግ የለበትም፡፡ እርሱ ካህን ሌሎች ህዝብ መሆን የለባቸውም፡፡ እርሱ ጠቃሚ ሌሎቹ ሁሉ ተጠቃሚ ሊሆኑ አይገባም፡፡ መጋቢ ህዝቡን ሁሉ ሰራተኛ የሚያደርግ ሊሆን ይገባዋል፡፡

ሁላችን የእግዚአብሔርን ልጅ በማመንና በማወቅ ወደሚገኝ አንድነት፥ ሙሉ ሰውም ወደ መሆን፥ የክርስቶስም ሙላቱ ወደሚሆን ወደ ሙላቱ ልክ እስክንደርስ ድረስ፥ ቅዱሳን አገልግሎትን ለመሥራትና ለክርስቶስ አካል ሕንጻ ፍጹማን ይሆኑ ዘንድ። ወደ ኤፌሶን ሰዎች 4፡12-13

ግልገሎቼን አሰማራ አለው። ጠቦቶቼን ጠብቅ አለው። ሦስተኛ ጊዜ፦ የዮና ልጅ ስምዖን ሆይ፥ ትወደኛለህን? አለው። ሦስተኛ፦ ትወደኛለህን? ስላለው ጴጥሮስ አዘነና፦ ጌታ ሆይ፥ አንተ ሁሉን ታውቃለህ፤ እንድወድህ አንተ ታውቃለህ አለው። ኢየሱስም፦ በጎቼን አሰማራ። የዮሐንስ ወንጌል 21፡15፣17

  1. መጋቢ የበደለን በመገሰፅ የቤተክርስትያንን ቅድስና በመጠበቅ ታማኝነቱ ይታያል፡፡

መጋቢ እግዚአብሄርን ሳይሆን ሰውን ሊያስደስት የሚጥር ከሆነ ለጥሪው ታማኝ አይሆንም፡፡ መጋቢ የማስደስተውን ሰውን ስለስህተቱ መገሰፅ መማር አለበት፡፡ መጋቢ ሰውን የመገሰፅ ደስ የማያሰኝ ሃላፊነት በትጋት መወጣት አለበት፡፡ መጋቢ ለቤተክርስትያን ንፅህናና አንድነት ሰዎችን የማረምና የመቅጣት የቤተክርስትያን አባትነት ታማኝነቱን በትጋት መወጣት አለበት፡፡
እኛም በክርስቶስ ፍጹም የሚሆን ሰውን ሁሉ እናቀርብ ዘንድ ሰውን ሁሉ እየገሠጽን ሰውንም ሁሉ በጥበብ ሁሉ እያስተማርን የምንሰብከው እርሱ ነው፤ ለዚህም ነገር ደግሞ፥ በእኔ በኃይል እንደሚሠራ እንደ አሠራሩ እየተጋደልሁ፥ እደክማለሁ። ወደ ቆላስይስ ሰዎች 1፡28-29

ወንድሞች ሆይ፥ በመካከላችሁ የሚደክሙትን በጌታም የሚገዙአችሁን የሚገሥጹአችሁንም ታውቁ ዘንድ፥ ስለ ሥራቸውም በፍቅር ከመጠን ይልቅ ታከብሩአቸው ዘንድ እንለምናችኋለን። እርስ በርሳችሁ በሰላም ሁኑ። 1ኛ ወደ ተሰሎንቄ ሰዎች 5፡12-13

  1. መጋቢ እግዚአብሄርን በመውደድ የእግዚአብሄርን ህዝብ በመውደድና በመማር ታማኝነቱ ይለካል፡፡

መጋቢ የማይራራለትንና የማይወደውን ህዝብ ማገልገል አይችልም፡፡ መጋቢ የእግዚአብሄርን ህዝብ ሲያገለግል ብዙ ነገሮች መጣል ይገጥመዋል፡፡ የመጋቢ ታማኝነት የሚለካው የበደለውን ሰው ይቅር በማለትና ባለመጥላት ነው፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ወደ ቆሮንቶስ ሰዎች 13፡1-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #መንፈስ #ጥሪ #መገሰፅ #መምራት #ማሰማራት #መታገስ #መመገብ #መኮትኮት #ማሰማራት #መጠበቅ #ምሳሌ #ፍቅር #ምህረት #ይቅርታ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #አገልጋይ #መንፈስቅዱስ #ምስክር #ልብ #መሪ

ከእረፍት የማገልገል ምስጢር

conscious.jpg

አገልግሎት ከእረፍት የሚደረግ ታላቅ እድል ነው፡፡ አገልግሎት በነፃነት የምናደርገው ጥቅም ነው፡፡ አገልግሎት መስጠት ፣ መባረክና መጥቀም ነው፡፡ አገልግሎት ከእረፍት የሚደረግ ነገር የነፃነት ስራ ነው፡፡

አገልግሎት ከጭንቀትና ከእረፍት ማጣት የሚደረግ ግዴታ አይደለም፡፡ አገልግሎት የማይቻል ለማድረግ የመሞከር የመላላጥ እንቅስቃሴ አይደለም፡፡ አገልግሎት በእግዚአብሄር እርዳታ የሚደረግ የእግዚአብሄር ስራ ውጤት ነው፡፡ አገልግሎት በእኛ ውስጥ የሚሰራው የእግዚአብሄር ስራ ውጤት ነው፡፡

አገልግሎት ራስ በእግዚአብሄር ረክቶ ሰውን የማርካት እድል ነው፡፡ አገልግሎት ራስ ተወዶ ሰውን የመውደድ ተልእኮ ነው፡፡ አገልግሎት እግዚአብሄር በውስጣችን እንዲሰራ መፍቀድ ነው፡፡ አገልግሎት አብሮን የሚሰራውንብ እግዚአብሄን መተባበር ነው፡፡ አገልግሎት በእኛ ለሚሰራው ለእግዚአብሄር እውቅና መስጠት ነው፡፡

ማንም በጭንቀትና በመላላጥ እንዲያገለግለው እግዚአብሄር አይፈልግም፡፡ ማንም በእረፍት ማጣትና በመረበሽ እንዲያገለግለው አግዚአብሄር የእግዚአብሄር ፈቃድ አይደለም፡፡ እየተረበሽንና እየተጨነቅን ከሆነንን ቆም ብለን ራሳችንን መፈተሽ አለብን፡፡ ከአቅማችን በላይ እየተፍጨረጨርን ከሆነ እግዚአብሄር ያለኝን ነው እያደረኩ ያለሁት ወይስ ነገሮችን በራሴ ለማድረግ እየተፍጨረጨርኩ ነው ብለን ራሳችንን መጠየቅ አለብን፡፡

እግዚአብሄርን ደስ የሚያሰኘው አገልግሎት ከእረፍት የሚወጣ አገልግሎት ነው፡፡ እግዚአብሄርን ደስ የሚያሰኘው አግልገሎት ለእግዚአብሄር ዋና ሰራተኝነት እውቅና የሚሰጥ አገልግሎት ነው፡፡ እግዚአብሄርን ደስ የሚያሰኝ አገልግሎት በውስጣችን ለሚሰራው ጌታ እውቅና የሚሰጥ አገልግሎት ነው፡፡ ለእግዚአብሄርን ደስ የሚያሰኝ አገልግሎት በውስጣችን በሚደክመው በእግዚአብሄር ፀጋ ላይ የመደገፍ አገልግሎት ነው፡፡ እግዚአብሄርን ደስ የሚያሰኝ አገልግሎት በእግዚአብሄር የመታመን አግልግሎት ነው፡፡ እግዚአብሄርን ደስ የሚያሰኝ አገልግሎት እግዚአብሄር የሚሰራውን ስራ የመተባበር አገልግሎት ነው፡፡

እግዚአብሄር የሚቀበለው አገልግሎት ከእረፍት የሆነ አገልግሎት ነው፡፡

ከማንነት እውቀት ማገልገል

እግዚአብሄር የሚቀበለው አገልግሎት አርሱን ከማወቅ የሚመጣ አገልግሎት ነው፡፡ ሰው እግዚአብሄርን ሳያውቅ የሚያገለግለው አገልግሎት እግዚአብሄርን ማገልገል አይደለም፡፡ ላኪውን እግዚአብሄርን የማያውቅ ሰው አገልግሎት አገልግሎት አይደለም፡፡ የሚወክለውን የማያውቅ ሰው ውክልና ሙሉ ውክልና አይደለም፡፡ ማን እንደሆነ የማያውቅ ሰው ሌላው ማን እንደሆነ ሊያሳውቅ አይችልም፡፡ ማን እንደሆነ ያልተረዳ ሰው ለሌላው የማንነት እውቀትን ሊሰጥ አይችልም፡፡ አገልግሎታችን ውጤታማ የሚሆነው እርሱን ባወቅነው መጠን ብቻ ነው፡፡ እርሱን ባላወቅነው መጠን እንለፋለን እነጂ ጌታን ማገልገል በፍፁም አንችልም፡፡

ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል። 2ኛ ወደ ቆሮንቶስ ሰዎች 5፡17

ከክብር ማገልገል

እግዚአብሄርን የምናገለግለው ክብራችንን እያጣን አይደለም፡፡ እግዚአብሄርን የምናገለግለው የልጅነት ክብራችን ተገፎ አይደለም፡፡ እግዚአብሄርን የምናገለግለው ከነክብራችን ነው፡፡ እግዚአብሄርን ለማገልገል ማንም ትምክታችንን ከንቱ እንዲያደርግብን አንፈቅድም፡፡ ማንም ባለጠጋ አደረኩት እንዲል አንፈቅድም፡፡ ከእግዚአብሄር ውጭ ወይም ለእግዚአብሄር ብለው ከሚያደርጉ ሰዎች ውጭ ማንም አገልግሎታችንን እንዲደግፍ አንፈልግም፡፡ በእግዚአብሄር እንጂ በሰው ወጪ ማገልገል እንፈልግም፡፡ እግዚአብሄርን ለማገልገል የሰውን ፊት አናይም፡፡ እግዚአብሄርን ለማገልገል ሰው እንዲያስፈራራን አንፈቅድለትም፡፡ ከእግዚአብሄር ውጭ ስለማገልገላችን ማንም ምስጋናውን እንዲወስድ አንፈቅድም፡፡

ማንም ትምክህቴን ከንቱ ከሚያደርግብኝ ሞት ይሻለኛል። 1ኛ ወደ ቆሮንቶስ ሰዎች 9፡15

አብራምም የሰዶምን ንጉሥ አለው፦ ሰማይንና ምድርን ወደሚገዛ ወደ ልዑል እግዚአብሔር እጄን ከፍ አድርጌአለሁ፤ አንተ፦ አብራምን ባለጠጋ አደረግሁት እንዳትል፥ ብላቴኖቹ ከበሉት በቀር ከእኔ ጋር ከሄዱትም ድርሻ በቀር፥ ፈትልም ቢሆን የጫማ ማዘቢያም ቢሆን፥ ለአንተ ከሆነው ሁሉ እንዳልወስድ አውናን ኤስኮልም መምሬም እነርሱ ድርሻቸውን ይውሰዱ። ኦሪት ዘፍጥረት 14፡22-24

ከሙላት ማገልገል

እግዚአብሄር እንድናገለግል የሚፈልገው በተገለገልን መጠን ብቻ ነው፡፡ እግዚአብሄር ሌላውን እንድናረካ የሚፈልገው እኛ ራሳችን በረካን መጠን ብቻ ነው፡፡ እግዚአብሄር እንድንሰጥ የሚፈልግው በተቀበልን መጠን ብቻ ነው፡፡ እግዚአብሄር እንድንሰጥ የሚፈልገው በተሰጠን መጠን ብቻ ነው፡፡ እግዚአብሄር ማየት የሚፈልገው በተሰጠን ነገር ያሳየነውን ታማኝነት ብቻ ነው፡፡

እኛ ሁላችን ከሙላቱ ተቀብለን በጸጋ ላይ ጸጋ ተሰጥቶናልና ሕግ በሙሴ ተሰጥቶ ነበርና፤ የዮሐንስ ወንጌል 1፡16

ከአቅርቦት ሙላት ማገልገል

እግዚአብሄር የሚፈልገው አገልግሎት በእርሱ ወጭ የሆንነ አገልግሎት ነው፡፡ እግዚአብሄርን ስናገለግል ለአገልግሎታችን የሚያስፈልገንን ወጭ ሁሉ የሚያሟላው እግዚአብሄር ነው፡፡ እግዚአብሄር የማይደግፈው አገልግሎት የእግዚአብሄር ሳይሆን የሰው አገልግሎት ነው፡፡ እግዚአብሄር አብሮት ሳይቆም እንደምንም ብሎ የሚያገለግል ሰው እግዚአብሄርን እያገለገለ አይደለም፡፡ እግዚአብሄርን የሚያገለግል ሰው በከፍታና በዝቅታ ውስጥ ያልፋል ነገር ግን እግዚአብሄርን የሚያገለግል ሰው የእግዚአብሄር እርዳታ እና የሚያስችል ሃይል ፀጋው አይለየውም፡፡ በራሱ ሃይል የሚያገለግል ሰው እግዚአብሄርን አያገለግልም፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። 2ኛ ወደ ቆሮንቶስ ሰዎች 12፡9

ከእረፍት ማገልገል

እግዚአብሄርን የምናገለገልው ተገደን አይደለም፡፡ እግዚአብሄርን የምናገለግለው በፍቅር ነው፡፡ ከፍቅር ውጭ የሚያስገድደን ነገር የለም፡፡ ብናገለግልም ባናገለግልም እንኖራለን፡፡ የምንኖረው ልጅ ስለሆንን እንጂ ስለሰራን ስላልሰራን ወይም ስላገለገልን ስላላገለገልን አይደለም፡፡ የምናገለገልው ለመኖር አይደለም፡፡ የምናገለግለው ስለምንኖር ነው፡፡ የምናገለግልው ላላመቸገር አይደለም፡፡ የምናገለግለው ስለማንቸገር ነው፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ የዮሐንስ ወንጌል 1፡12

ከመቀመጥ ማገልገል

የምናገለግለው በክርስቶስ ያለን ስፍራ ስለምናውቅ ነው፡፡ የምናገለግለው ከልጅነት ስልጣን መረዳት ነው፡፡ የምናገለግለው ከእግዚአብሄር የልጅነት ክብር ደረጃ ነው፡፡ የምናገለግልው የነገስታት ቤተሰብነት ደረጃ ነው፡፡ የምናገለግለው ከማረፍና ከመቀመጥ ነው፡፡

በሚመጡ ዘመናትም በክርስቶስ ኢየሱስ ለእኛ ባለው ቸርነት ከሁሉ የሚበልጠውን የጸጋውን ባለ ጠግነት ያሳይ ዘንድ፥ ከእርሱ ጋር አስነሣን በክርስቶስ ኢየሱስም በሰማያዊ ስፍራ ከእርሱ ጋር አስቀመጠን። ወደ ኤፌሶን ሰዎች 2፡6-7

ከትርፍ ማገልገል

የምናገለግለው ከትርፋችን ነው፡፡ የምናገለግለው ከጥማት አይደለም ከእርካታ ነው፡፡ የምናገለግለው ከድካም እይደለም ከብርታት ነው፡፡ የምናገለግለው ከጭንቀት አይደለም ከእረፍት ነው፡፡ ለመባረክ አይደለም የምንባርከው ስለተባረክን ነው የምንባርከው፡፡ ለመዳን አይደለም የምናገለግለው ስለዳንን ነው የምናገለግልው፡፡ ለመለወጥ አይደለም የምናገለግለው ስለተለወጥን ነው የምናገለግለው፡፡

የምትባረክ ነፍስ ትጠግባለች፥ የረካም እርሱ ደግሞ ይረካል። መጽሐፈ ምሳሌ 11፥25

በእርሱም ከጠላቶቻችን እጅ ድነን በዘመናችን ሁሉ ያለ ፍርሃት በቅድስናና በጽድቅ በፊቱ እንድናገለግለው ሰጠን። የሉቃስ ወንጌል 1፡74-75

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ክርስቶስ #ጌታ #እረፍት #ቅድሚያ #እምነት #እውቀት #መደገፍ #ሰንበት #በመንፈሴ #በሃይል #በብርታት #ፀጥታ #መመለስ #ማረፍ #ፅድቁን #ኢየሱስ #ቤተክርስትያን #አማርኛ #ስብከት #ፀጥታ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

ከእርሱም ጋር እንዲኖሩ

conscious1.jpgወደ ተራራም ወጣ፥ ራሱም የወደዳቸውን ወደ እርሱ ጠራ፥ ወደ እርሱም ሄዱ። ከእርሱም ጋር እንዲኖሩና ለመስበክ እንዲልካቸው፥ ድውዮችንም ሊፈውሱ አጋንንትንም ሊያወጡ ሥልጣን ይሆንላቸው ዘንድ አሥራ ሁለት አደረገ፤ ማርቆስ 3፡13-15

ኢየሱስ የጠራቸውን የጠራቸው በመጀመሪያ ከእርሱ ጋር እንዲኖሩ ነው፡፡

ከእርሱ ጋር ያልኖርነውን ሰው አናውቀውም፡፡ ከእርሱ ጋር ያልኖርነውን ሰው አልሰማነውም፡፡ ከእርሱ ጋር ያለኖርነውን ሰው አላየነውም፡፡

አገልግሎት የቴክኒክ ጉዳይ አይደለም፡፡ አገልግሎት የሙያ ጉዳይ አይደለም፡፡ አገልግሎት የስራ ጉዳይ አይደለም፡፡

የቃሉ አገልግሎት መፅሃፍ ቅዱስን እንደ ሳይንስና ታሪክ አጥንተን የምናስተምረው ጉዳይ አይደለም፡፡

ክርስትና የግንኙነት ጉዳይ ነው፡፡ ክርስትና የህብረት ጉዳይ ነው፡፡ ክርስትና የማወቅ ጉዳይ ነው፡፡ ክርስትና የማረፍ ጉዳይ ነው፡፡

ስላነበብነው ሳይሆን ስላወቅነው ጌታ ብቻ ነው ለሰዎች ማሳወቅ የምንችለው፡፡

ከራሱ የሰማነውን ጌታ ብቻ ነው ስለሰማነው ለሰዎች መናገር የምንችለው፡፡

ያገኘነውን ጌታ ነው ለሰዎች ማገናኘት የምንችለው፡፡ ከእሱ ጋረ በመኖር ያረፍነውን እረፍት ነው ለሌሎች የምናካፍለው፡፡ አብረነው የኖርነውን ሰው ብቻ ነው መንፈሱን የምንካፈለው፡፡

ክርስትና ያየነውን የምናሳይበት አገልግሎት ነው፡፡ ክርስትና የሰማነውን የምንናገርበት አገልግሎት ነው፡፡ ክርስትና የዳሰስነውን የምንመሰክርበት አገልግሎት ነው፡፡

ክርስትና የአሉ አሉ መልክተኝነት ሳይሆን ያየነውን የምንመሰከርበት አገልግሎት ነው፡፡

ስለ ሕይወት ቃል ከመጀመሪያው የነበረውንና የሰማነውን በዓይኖቻችንም ያየነውን የተመለከትነውንም እጆቻችንም የዳሰሱትን እናወራለን፤ ሕይወትም ተገለጠ አይተንማል እንመሰክርማለን፥ ከአብ ዘንድ የነበረውንም ለእኛም የተገለጠውን የዘላለምን ሕይወት እናወራላችኋለን፤ 1ኛ ዮሐንስ 1፡1-2

የአገልግሎታችን መሰረቱ ከእርሱ ጋር መኖራችን ብቻ ነው፡፡

ከእርሱ ጋር በኖርንው መጠን እናገለግላለን፡፡ እርሱ በሰማነው መጠን ስለእርሱ መናገር እንችላለን፡፡ እርሱን ባየነው መጠን ስለእርሱ በትክክል ማሳየት እንችላለን፡፡ እርሱን በዳሰስነው መጠን ስለእርሱ ለሰዎች  መናገር እንችላን፡፡

የአገልግሎታችን ዋናው ክፍል ከእርሱ ጋር መኖራችን ነው፡፡ ከእርሱ ጋር መኖራችን ለአገልግሎታችን መሰረት ነው፡፡ ከእርሱ ጋር መኖራችን የአገልግሎታችን ምንጭ ነው፡፡

በእርሱ መልክተኝነት የተገለገለ ሰው ብቻ ነው ተልኮ ማገልገል የሚችልው፡፡ የአገልግሎታችን ጉልበቱ ከእርሱ ጋር የመኖራችን ጉልበት ነው፡፡

ኢየሱስም ዳግመኛ፦ ሰላም ለእናንተ ይሁን፤ አብ እንደ ላከኝ እኔ ደግሞ እልካችኋለሁ አላቸው። ዮሃንስ 20፡21

ስለዚህ ነው አገልግሎት ከክርስቶስ ጋር የመገናኘት ከእርሱ ጋር የመኖር ጉዳይ እንጂ የቃላት ብልጫ አይደለም የሚባለው፡፡

እምነታችሁም በእግዚአብሔር ኃይል እንጂ በሰው ጥበብ እንዳይሆን፥ ቃሌም ስብከቴም መንፈስንና ኃይልን በመግለጥ ነበረ እንጂ፥ በሚያባብል በጥበብ ቃል አልነበረም። 1ኛ ቆሮንቶስ 2፡4-5

የፀሎት ጉልበታችን የሚመጣው በቃሉ አማካኝነት እርሱ ጋር በኖርነው መጠን ብቻ ነው፡፡

በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ዮሃንስ 15፡7

ኢየሱስ አንድም ሰው ያላየውን እግዚአብሄርን ሊተርክ የቻለው ከእርሱ ጋር ስለነበረ ብቻ ነው፡፡ አሁንም ስለ ክርስቶስ አንድም ነገር መተረክ የምንችለው ከእርሱ ጋር በኖርነው መጠን ብቻ ነው፡፡ የክርስትና ስልጣናችን የሚመጣው ብዙ የሚያባብል የጥበብ ቃል በማወቃችን መጠን ሳይሆን ስልጣን ካለው ጌታ ጋር በኖርነው መጠን ነው፡፡

ወደ ተራራም ወጣ፥ ራሱም የወደዳቸውን ወደ እርሱ ጠራ፥ ወደ እርሱም ሄዱ። ከእርሱም ጋር እንዲኖሩና ለመስበክ እንዲልካቸው፥ ድውዮችንም ሊፈውሱ አጋንንትንም ሊያወጡ ሥልጣን ይሆንላቸው ዘንድ አሥራ ሁለት አደረገ፤ ማርቆስ 3፡13-15

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #መንፈስ #ቤተክርስትያን #መኖር #ኑሮ #መላክ #ያየነውን #የሰማነውን #የዳሰስነውን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #አገልጋይ #መንፈስቅዱስ #ምስክር #ልብ #መሪ

ራስህንም የሚሰሙህንም ታድናለህና

6072922-hd-pic.jpgራስህንም የሚሰሙህንም ታድናለህና

አገልግሎት የሚጀምረው ከግል ህይወት ነው፡፡ አገልግሎት የሚጀምረው ከራስ ነው፡፡ ሌሎችን የማገልገሉ መሰረት ራስን ማገልገል ነው፡፡ ራሱን ያልጠበቀ ሰው ሌላውን ሊጠብቅ አይችልም፡፡ ራሱን ያላዳነ ሰው ሌላውን ሊያድን አይችልም፡፡ ሌላውን ለማዳን የራሱን መዳን ቸል የሚል ሰው ራሱንም ሌላውንም ማዳን የማይችል ጥበብ የጎደለው ሰው ነው፡፡

ለራስህና ለትምህርትህ ተጠንቀቅ፥ በእነዚህም ጽና፤ ይህን ብታደርግ፥ ራስህንም የሚሰሙህንም ታድናለህና። 1ኛ ጢሞቴዎስ 4፡16

አንተ ደግሞ እንዳትፈተን ራስህን ጠብቅ

መፅሃፍ ቅዱስ ሌላውን ለማዳን በትጋት ማገልገል እንዳለብን ያስተምራል፡፡ ነገር ግን ራሳችን በፈተናው የምንወድቅ ከሆነ ቅድሚያ መስጠት ያለብን የራሳችን ከፈተናው መዳን እንጂ ራሳችን በፈተና በመውደቅ ሌላውን ማዳን አይደለም፡፡

ወንድሞች ሆይ፥ ሰው በማናቸውም በደል ስንኳ ቢገኝ፥ መንፈሳውያን የሆናችሁ እናንተ እንደዚህ ያለውን ሰው በየውሃት መንፈስ አቅኑት፤ አንተ ደግሞ እንዳትፈተን ራስህን ጠብቅ። ገላትያ 6፡1

ህይወታችንን ለመጠበቅ ሃላፊነት ያለብን እኛ ነን፡፡ የእኛን ህይወት ለመጠበቅ የመጀመሪያው ሃላፊነት ያለብን እኛው ነው፡፡ የእኛ ህይወት ለእኛ ቅድሚያ የሚሰጠው ህይወት ነው፡፡

ሌሎችን የምናገለግለው የእኛን ህይወት በማገልገል ፋንታ አይደለም፡፡ ሌሎችን የምናገለግለው በዋናችን አይደለም፡፡ ሌሎችን የምናገለግለው ራሳችንን አገልግለን ነው፡፡ ሌሎችን የምናገለግለው አገልገሎት የራሳችንን ህይወት ከነካ መተው አለብን እንደገና ተመልሰን ለራሳችን አገልግሎት ቅድሚያ መስጠት አለብን፡፡

ራሳችንን ጠብቀን የምናገለግለው አገልግሎት ብቻ ነው ሌሎችን ሊጠቅም የሚችለው፡፡ ራሳችንን ጠብቀን የምናገለግለው አገለግሎት ብቻ ነው ዘላቂነት ያለው፡፡ ራሳችንን ሳንጠብቅ መንፈሳዊ ህይወታችንን አደጋ ላይ እየጣልን የምናገለግለው አገልግሎት ኪሳራ ነው፡፡

ልብሳቸውን እንኳ እየጠላችሁ በፍርሀት

ተጠራጣሪ ለሆኑት ራሩላቸው፤ አንዳንዶችን ከእሳት ነጥቃችሁ አድኗቸው፤ ለሌሎች ደግሞ በርኩስ ሥጋ የተበከለውን ልብሳቸውን እንኳ እየጠላችሁ በፍርሀት ምሕረት አሳዩአቸው። (አዲሱ መደበኛ ትርጉም)ይሁዳ 1፡22-23

ቃሉን ስናነብ የምናነበው ለራሳችን ህይወት ነው፡፡ ቃሉን ስናነብ የምናነበው ለምናገለግለው ሰው አይደለም፡፡ ለራሳችን ያነበብነውና የኖርነው ቃል ብቻ ነው ሌሌውን ሊጠቅም የሚችለው፡፡

እናንተ ግን፥ ወዳጆች ሆይ፥ ከሁሉ ይልቅ በተቀደሰ ሃይማኖታችሁ ራሳችሁን ለማነጽ እየተጋችሁ በመንፈስ ቅዱስም እየጸለያችሁ፥ ወደ ዘላለም ሕይወት የሚወስደውን የጌታችንን የኢየሱስ ክርስቶስን ምሕረት ስትጠባበቁ በእግዚአብሔር ፍቅር ራሳችሁን ጠብቁ። ይሁዳ 1፡20-21

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራስ #ራስህን #ጠብቅ #ለራስህ #ተጠንቀቅ #ቃል #ህይወት #አገልግሎት #አምልኮ #ፀሎት #ጥሪ #ተመልክተን #መቃጠል #መቀጣጠል #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

ሰዎች ሁሉ የሚያውቁትና የሚያነቡት መልእክታችን

conscious.jpgእንደ ገና ራሳችንን ልናመሰግን እንጀምራለንን? ወይስ እንደ ሌሎች የማመስገኛ መልእክት ወደ እናንተ ወይስ ከእናንተ ያስፈልገን ይሆንን? ሰዎች ሁሉ የሚያውቁትና የሚያነቡት በልባችን የተጻፈ መልእክታችን እናንተ ናችሁ። እናንተም በሕያው እግዚአብሔር መንፈስ እንጂ በቀለም አይደለም፥ ሥጋ በሆነ በልብ ጽላት እንጂ በድንጋይ ጽላት ያልተጻፈ፥ በእኛም የተገለገለ የክርስቶስ መልእክት እንደ ሆናችሁ የተገለጠ ነው። 2ኛ ቆሮንቶስ 3፡1-3

እንደ ቃል አገልጋይ የአገልግሎት ስራችን የሚመዘነው በውጤት ነው፡፡ የቃል አገልጋይነት ሊመዘን የማይችል ረቂቅ ሚስጥር አይደለም፡፡ የቃል አገልጋይነት ፍሬ ሊደረስበት የማይችል ስውር ሚስጥር አይደለም፡፡

የአገልግሎት ውጤታችን ደግሞ የሚለካው በአገለገልነው ሰው ብዛት አይደለም፡፡ የአገልጋይ የአገልግሎት ስኬታማነት የሚለካው በቤተክርስትያኑ ህንፃ ማማር አይደለም፡፡ የአገልግሎት ስምረት የሚለካው ቤተክርስትያን ባከማቸችው የገንዘብ መጠን አይደለም፡፡ የቤተክርስትያን ስኬት የሚለካው በቤተክርስትያን ዝና መጠን አይደለም፡፡

የሚገለገል ሰው ሲበዛ ተፅእኖዋችን ይባዛል ነገር ግን የሚያስፈልግው ነገር ተፅእኖ ነው፡፡ የሰው መብዛት ብቻ ስለተፅእኖ ሊናገር አይችልም፡፡ ሁላችንም የሚያምር ነገር እንፈልጋለን፡፡ የምንሰበሰብበት የቤተክርስትያን ህንፃ ቢያምርና ምቹ ቢሆን መልካም ነው፡፡ ነገር ግን የምንሰበሰብበት አላማ ግቡን ካልመታ ከንቱ ነው፡፡ ለአገልግሎት ገንዘብ ያስፈልጋል፡፡ ነገር ግን የገንዘብ መኖር የአገልግሎታችንን ግብ መምታት አያሳይም፡፡ ገንዘቡን ለአገልግሎት አላማ ካልዋለ ከንቱ ነው፡፡

የአገልግሎት አላማ የእግዚአብሄርን ቃል በሰው ውስጥ መቅረፅ ነው፡፡ የአገልግሎት አላማ ሰዎች የእግዚአብሄርን ቃል እንዲረዱ መስበነክና ማስተማር ነው፡፡ የአገልግሎት አላማ ሰዎች የእግዚአብሄርን ቃል እንዲያደርጉ የሚያስችላቸውን እውቀት መስጠት ነው፡፡ የአገልግሎት አላማ የሰዎች ህይወትይ በእግዚአብሄር ቃል መለወጡ ነው፡፡ የአገልግሎት አላማ ሰዎች በእግዚአብሄር ቃል ሲኖሩ ማየት ነው፡፡

የአገልግሎት አላማ ሰዎች ሁሉ በግልፅ የሚያነቡትን መንፈሳዊ ህይወትን በሰዎች ውስጥ ማሳደግ ነው፡፡ የአገልግሎት አላማ ሰዎች ሁሉ የሚያነቡትን በቃሉ የተነካን ልብ መፍጠር ነው፡፡ የአገልግሎት አላማ ሰዎች ሁሉ ሊያዪ የሚችሉትን በልብ ላይ የተፃፈ የእግዚአብሄርን ቃል አሻራ መተው ነው፡፡

ስለአገልግሎታችን መመስከር ያለበት የተለወጠ ሰው ነው፡፡ ስለእኛ አገልግሎት መልእክት ማስተላለፍ ያለበት በስብከታችን እና በትምህርታችን የተለወጡ ሰዎች የህይወት እርምጃ ነው፡፡ ስለአገልግሎታችን መናገር ያለበት የሰዎች ህይወት ለጌታ መሰጠትና ንፅህና ነው፡፡ ስለአገልግሎታችን መመስከር ያለበት በጌታ ኢየሱስ የተነካ የሰዎች ህይወት ነው፡፡

የእኛ የምስጋና ደብዳቤ በእጅ የተፃፈ ደብዳቤ ሳይሆን በእግዚአብሄር ቃል የተቀረፀ የሰዎች ህይወት ነው፡፡ የእኛ የምስጋና ደብዳቤ በእግዚአብሄር ቃል የተለወጠ የሰዎች መንፈሳዊ ህይወት ነው፡፡ የእኛ የምስጋና ደብዳቤ ሰዎች ሁሉ ሊያነቡት የሚችሉት የተለወጡ ሰዎች የክርስትና ህይወት ነው፡፡

እንደ ገና ራሳችንን ልናመሰግን እንጀምራለንን? ወይስ እንደ ሌሎች የማመስገኛ መልእክት ወደ እናንተ ወይስ ከእናንተ ያስፈልገን ይሆንን? ሰዎች ሁሉ የሚያውቁትና የሚያነቡት በልባችን የተጻፈ መልእክታችን እናንተ ናችሁ። እናንተም በሕያው እግዚአብሔር መንፈስ እንጂ በቀለም አይደለም፥ ሥጋ በሆነ በልብ ጽላት እንጂ በድንጋይ ጽላት ያልተጻፈ፥ በእኛም የተገለገለ የክርስቶስ መልእክት እንደ ሆናችሁ የተገለጠ ነው። 2ኛ ቆሮንቶስ 3፡1-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #አገልጋይ #መንፈስቅዱስ #ምስክር #ልብ #መሪ

ኢየሱስም ከዚያ ፈቀቅ

qurrel.jpgፈሪሳውያን ግን ወጥተው እንዴት አድርገው እንዲያጠፉት ተማከሩበት። ኢየሱስም አውቆ ከዚያ ፈቀቅ አለ። ብዙ ሰዎችም ተከተሉት፥ ሁሉንም ፈወሳቸው፥ እንዳይገልጡትም አዘዛቸው፤ በነቢዩ በኢሳይያስ የተባለው ይፈጸም ዘንድ እንዲህ ሲል፦ እነሆ የመረጥሁት ብላቴናዬ፥ ነፍሴ ደስ የተሰኘችበት ወዳጄ፤ መንፈሴን በእርሱ ላይ አኖራለሁ፥ ፍርድንም ለአሕዛብ ያወራል። አይከራከርም አይጮህምም፥ ድምፁንም በአደባባይ የሚሰማ የለም። ፍርድን ድል ለመንሣት እስኪያወጣ፥ የተቀጠቀጠን ሸምበቆ አይሰብርም የሚጤስን የጥዋፍ ክርም አያጠፋም። ማቴዎስ 11፡14-20

የኢየሱስ አገልግሎት በሁሉም ነገር ምሳሌ ሊሆንልን የሚችል አገልግሎት ነው፡፡ ኢየሱስ ሲፈውስ ሰዎች ስለሃይማኖታቸው ምክኒያይ ተቃወሙት፡፡ ሲቃወሙት ግን የተቃወሙትን ሰዎች ለማሳመን ሲከራከርና ሲጣላ አይታይም፡፡ ኢየሱስ የተቃወሙትን ሰዎች በክርክር ለመርታትና አፋቸውን ለማስያዝ ጉልበቱን ሲጨርስ አትመለከቱም፡፡ ኢየሱስ የተቃወሙትን ሰዎች በንግግር ብዛት አፋቸውን ለማስያዝ በዚያም ሃያልነቱን ለማሳየት ሲከራከር አትመለከቱም፡፡

የኢየሱስ አገልግሎት ያለው ውስጡ ነው፡፡ የኢየሱስ አገልግሎት ከአንድ ከተወሰነ ቦታ ጋር የተያያዘ አልነበረም፡፡ የኢየሱስ አገልግሎት ከአንደ የተወሰነ ሁኔታ ጋር የተያያዘም አልነበረም፡፡ የኢየሱስ አገልግሎት ሰዎች ሲቃወሙት አብሮ የሚጠፋ አገልግሎት አልነበረም፡፡  የኢየሱስ አገልግሎት ሰዎች ጎሽ ሲሉት የሚጨምር ሲቃወሙት የሚከስም በውጭው የአየር ሁኔታ የሚወሰን አገልግሎት አልነበረም፡፡

የኢየሱስ አገልግሎት ለሌሎች ማሰናከያ የሚሰጥ አገልግሎት አልነበረም፡፡ የኢየሱስ አገልግሎት ደካሞች ሰዎች ሲቃወሙት በድካማቸው ላይ ድካም የሚጨምርና ይበልጥ የሚያሰናክላቸው አልነበረም፡፡ የኢየሱስ አገልግሎት በተቃውሞ መካከል እንኳን ለሰዎች በጣም የሚጠነቀቅ ነበር፡፡

የኢየሱስ አገልገሎት ካልታወቅኩ ስሜ ካልገነነ ብሎ ለስሙ ታዋቂነት የሚከራከር ሰው አገልግሎት አልነበረም፡፡ ኢየሱስ ሰዎች ዘጉብኝ አገልግሎቴ እንዳይወጣ አደረጉት ብሎ ነገሮችን ከሰዎች ጋር የሚያያይዝ አልነበረም፡፡

ኢየሱስ ስጋት አልነበረበትም፡፡ ኢየሱስ አገልግሎቱ ውስጡ እንዳለ ፣ ውስጡ ያለውን አገልገሎት ሊወስድ የሚችልና አገልግሎቱን ሊያስቆም የሚችል ማንም ሰው እንደሌለ ያውቃል፡፡

ኢየሱስ ትኩረቱ ሰዎችን በመጥቀም ፣ ሰዎች ነፃ በማውጣት ፣ ሰዎችን በመፈወስ ላይ እንጂ በስሙ በዝናውና በታዋቂነቱ ላይ አልነበረም፡፡

ኢየሱስ ጩኸቱ ሳይሰማ ሳይጨበጨብለት በላከው ተማምኖ ድምፁን አጥፍቶ ሰውን ፈውሶ ሰውን ነፃ አውጥቶ የሚያገለግል አገልጋይ ነበር፡፡

ፈሪሳውያን ግን ወጥተው እንዴት አድርገው እንዲያጠፉት ተማከሩበት። ኢየሱስም አውቆ ከዚያ ፈቀቅ አለ። ብዙ ሰዎችም ተከተሉት፥ ሁሉንም ፈወሳቸው፥ እንዳይገልጡትም አዘዛቸው፤ በነቢዩ በኢሳይያስ የተባለው ይፈጸም ዘንድ እንዲህ ሲል፦ እነሆ የመረጥሁት ብላቴናዬ፥ ነፍሴ ደስ የተሰኘችበት ወዳጄ፤ መንፈሴን በእርሱ ላይ አኖራለሁ፥ ፍርድንም ለአሕዛብ ያወራል። አይከራከርም አይጮህምም፥ ድምፁንም በአደባባይ የሚሰማ የለም። ፍርድን ድል ለመንሣት እስኪያወጣ፥ የተቀጠቀጠን ሸምበቆ አይሰብርም የሚጤስን የጥዋፍ ክርም አያጠፋም። ማቴዎስ 11፡14-20

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አገልግሎት #ሰላም #ክርክር #አይከራከርም #አይጮህምም #ፈቀቅ #ስኬት # #ስምረት #ፍርድ #ሁሉየእናንተነውና #ቤተክርስትያን #አማርኛ #ስብከት #መዳን #የተትረፈረፈህይወት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መርካት #ደስታ #ማስተዳደር #እረፍት

የአገልግሎት ስምረት መለኪያ

scale 1.jpgየቃል አገልጋይ ስኬት የሚለካው ክርስቶስን በመስበክ በክርስቶስ ፍፁም የሆነን ሰው በማቅረብ ነው ፡፡

እኛም በክርስቶስ ፍጹም የሚሆን ሰውን ሁሉ እናቀርብ ዘንድ ሰውን ሁሉ እየገሠጽን ሰውንም ሁሉ በጥበብ ሁሉ እያስተማርን የምንሰብከው እርሱ ነው፤ ለዚህም ነገር ደግሞ፥ በእኔ በኃይል እንደሚሠራ እንደ አሠራሩ እየተጋደልሁ፥ እደክማለሁ። ቆላስይስ 1፡28-29

የቃል አገልግሎት ስኬት የሚለካው ሰዎችን ምን ያህል ወደ ክርስቶስ እንዲያድጉ በመደረጉ ነው፡፡

ነገር ግን እውነትን በፍቅር እየያዝን በነገር ሁሉ ወደ እርሱ ራስ ወደሚሆን ወደ ክርስቶስ እንደግ፤ ከእርሱም የተነሣ አካል ሁሉ እያንዳንዱ ክፍል በልክ እንደሚሠራ፥ በተሰጠለት በጅማት ሁሉ እየተጋጠመና እየተያያዘ፥ ራሱን በፍቅር ለማነጽ አካሉን ያሳድጋል። ኤፌሶን 4፡15-16

የእግዚአብሄር ቃል አገልግሎት ስምረት የሚለካው ሰዎች ምን ያህል በክርስቶስ ፍቅር መኖር መማራቸው ነው፡፡

ወደ መቄዶንያ በሄድሁ ጊዜ፥ አንዳንዶች ልዩ ትምህርትን እንዳያስተምሩና ወደ ተረት መጨረሻም ወደሌለው ወደ ትውልዶች ታሪክ እንዳያደምጡ ልታዛቸው በኤፌሶን ትቀመጥ ዘንድ ለመንሁህ፤ እንደ እነዚህ ያሉ ነገሮች ክርክርን ያመጣሉና በእምነት ግን ላለ ለእግዚአብሔር መጋቢነት አይጠቅሙም። የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ጢሞቴዎስ 1፡4-5

የቃል አገልጋይ ስኬት የሚመዘነው የተሰቀለውን ክርስቶስን በሰዎች አይን ፊት በግልፅ መሳሉ ነው፡፡

የማታስተውሉ የገላትያ ሰዎች ሆይ፥ በዓይናችሁ ፊት ኢየሱስ ክርስቶስ እንደ ተሰቀለ ሆኖ ተሥሎ ነበር፤ ለእውነት እንዳትታዘዙ አዚም ያደረገባችሁ ማን ነው?ገላትያ ሰዎች 3፡1

የእግዚአብሄር ቃል አገልጋይ የሚመዘነው በሰዎች ልብ ክርስቶስን መፃፉ ነው፡፡

እንደ ገና ራሳችንን ልናመሰግን እንጀምራለንን? ወይስ እንደ ሌሎች የማመስገኛ መልእክት ወደ እናንተ ወይስ ከእናንተ ያስፈልገን ይሆንን? ሰዎች ሁሉ የሚያውቁትና የሚያነቡት በልባችን የተጻፈ መልእክታችን እናንተ ናችሁ። እናንተም በሕያው እግዚአብሔር መንፈስ እንጂ በቀለም አይደለም፥ ሥጋ በሆነ በልብ ጽላት እንጂ በድንጋይ ጽላት ያልተጻፈ፥ በእኛም የተገለገለ የክርስቶስ መልእክት እንደ ሆናችሁ የተገለጠ ነው። 2ኛ ቆሮንቶስ 3:1-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #አገልጋይ #መንፈስቅዱስ #ምስክር #ልብ #መሪ

አምስቱ የአገልግሎት እንቅፋቶች

stumble3.jpgእግዚአብሄርን ማገልገል ከምንም ነገር በላይ የከበረ ነገር ነው፡፡ እግዚአብሄር ሰውን የፈጠረው እንዲያመልከውና እንዲያገለግለው ነው፡፡ እግዚአብሄር የእስራእኤል ህዝብን ከግብፅ ሲያወጣ እንዲያገለግለኝ ህዝቤን ልቀቅ ነው ያለው፡፡

የተፈጠርንበትን እንዲሁም በእግዚአብሄር የዳንንበትን ዋናውን አላማ እግዚአብሄርን የማገልገል ሃላፊነታችንን እንዳንፈፅም ህይወታችንን ከንቱ ሊያደርጉ የሚመጡ የህይወት አንቅፋቶች አሉ፡፡

እግዚአብሄርን የሚያገለግል ሰው የተፈጠረበትን አላማ ይፈፅማል እግዚአብሄርም እርሱን ያከብረዋል፡፡

የሚያገለግለኝ ቢኖር ይከተለኝ፥ እኔም ባለሁበት አገልጋዬ ደግሞ በዚያ ይሆናል፤ የሚያገለግለኝም ቢኖር አብ ያከብረዋል። ዮሐንስ 12፡26

ባለን ነገር አለመርካት

ባለው የሚረካ ሰው ብቻ ነው እግዚአብሄርን ማገልገል የሚችለው፡፡ ሰው ባለው ነገር በረካበት መጠን ብቻ ነው እግዚአብሄርን ማገልገል የሚችለው፡፡

ኑሮዬ ይበቃኛል ለሚለው ግን እግዚአብሔርን መምሰል እጅግ ማትረፊያ ነው፤ ወደ ዓለም ምንም እንኳ አላመጣንምና፥ አንዳችንም ልንወስድ አይቻለንም፤ ምግብና ልብስ ከኖረን ግን፥ እርሱ ይበቃናል። 1ኛ ጢሞቴዎስ 6፡6-8

ጌታን እንደምናገለግል አለማወቅ

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ። ቆላስይስ 4፡17

ለሰው ሳይሆን ለጌታ እንደምታደርጉ፥ የምታደርጉትን ሁሉ በትጋት አድርጉት፥ ከጌታ የርስትን ብድራት እንድትቀበሉ ታውቃላችሁና፤ የምታገለግሉት ጌታ ክርስቶስ ነውና። ቆላስይስ 3፡23-24

የአለም ሃሳብ

የህይወት ሃላፊነቶቻችንን ለእግዚአብሄር ካልሰጠናቸውና እግዚአብሄር በሰጠን የእግዚአብሄርን ፅድቅና መንግስቱን የመፈለግ ሃላፊነታችን ላይ ካላተኮርን እግዚአብሄርን ማገልገል የሚባለው ነገር ዘበት ነው፡፡ ፊት ከሰጠነው የኑሮ ሃሳብ በቁማችን ሊውጠን የሚችል ብዙዎችን ከአገልግሎት አስፈራርቶ ከንቱ ያደረገ ነገር ነው፡፡

የዚህም ዓለም አሳብና የባለጠግነት ማታለል የሌላውም ነገር ምኞት ገብተው ቃሉን ያንቃሉ፥ የማያፈራም ይሆናል። ማርቆስ 4፡19

ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡32-33

ክርስቶስን አለመመልከት

እንግዲህ እነዚህን የሚያህሉ ምስክሮች እንደ ደመና በዙሪያችን ካሉልን፥ እኛ ደግሞ ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

የእግዚአብሄርን ፀጋ አለመረዳት

እግዚአብሄርን የምናገለግለው በእርሱ በራሱ ወጭ ነው፡፡ እግዚአብሄርን የምናገለግለው በራሱ ሃይል እንደሆና ካላወቅን እንታክታለን፡፡

አብረንም እየሠራን የእግዚአብሔርን ጸጋ በከንቱ እንዳትቀበሉ ደግሞ እንለምናለን፤ አገልግሎታችንም እንዳይነቀፍ በአንዳች ነገር ማሰናከያ ከቶ አንሰጥም። ነገር ግን በሁሉ እንደ እግዚአብሔር አገልጋዮች ራሳችንን እናማጥናለን፤ 2ኛ ቆሮንቶስ 6፡1፣3-4

ስለዚህ ምክንያት ምሕረት እንደ ተሰጠን መጠን ይህ አገልግሎት ስላለን አንታክትም። 2ኛ ቆሮንቶስ 4፡1

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

የሚያገለግለኝም ቢኖር አብ ያከብረዋል

glory111.jpgየሚያገለግለኝ ቢኖር ይከተለኝ፥ እኔም ባለሁበት አገልጋዬ ደግሞ በዚያ ይሆናል፤ የሚያገለግለኝም ቢኖር አብ ያከብረዋል። ዮሐንስ 12፡26

እግዚአብሄርን ማገልገል እጅግ የከበረ ነገር ነው፡፡

እንዲያውም የሰው የመጨረሻው የክብር ደረጃ መሰረታዊ ፍላጎትን እያሟላ ጌታን መከተልና ነው፡፡ ይህ የሚቀናበት ሰው ነው የሚባለው ሰው መሰረታዊ ፍላጎቱን አሟልቶ ጌታን የሚወድና የሚያገለግል ሰው ነው፡፡

መሰረታዊ ፍላጎቱን አሟልቶ ጌታን ከማገልገል በላይ የሆነ ምንም የክብር ደረጃ የለም፡፡ በክርስትና ሚሊየነርነትና ቢሊየርነት መሰረታዊ ፍሎጎትን አሟልቶ ጌታን ተከትሎ መኖር ነው፡፡

ኑሮዬ ይበቃኛል ለሚለው ግን እግዚአብሔርን መምሰል እጅግ ማትረፊያ ነው፤ ወደ ዓለም ምንም እንኳ አላመጣንምና፥ አንዳችንም ልንወስድ አይቻለንም፤ ምግብና ልብስ ከኖረን ግን፥ እርሱ ይበቃናል። 1ኛ ጢሞቴዎስ 6፡6-8

የመጨረሻ የከበረ ሰው የሚያደርገው ጌታን መከተል ነው፡፡ በክርስትና የስኬት ጣራ ጌታን ማገልገል ነው፡፡ በክርስትና አብ የሚያከብረው ሰው መሰረታዊ ፍላጎቱን በማሟላት ለጌታ የሚኖር ሰው ነው፡፡ በክርስትና እጅግ የተሳካለት ሰው መሰረታዊ ፍላጎቱን አሟልቶ እግዚአብሄርን መስሎ የሚኖር ሰው ነው፡፡

መሰረታዊ ፍላጎቱን አሟልቶ ጌታን የሚከተለው ሰው በክብር ከማንኛውም ባለጠጋ ፣ ዝነኛና ሃያል ሰው ይበልጣል፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ጌታንመከተል #ጌታንማገልገል #ጌታንመውደድ #ስኬት #ክንውን #እግዚአብሄርንመምሰል #ቃል #ማሰላሰል #አእምሮ #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

መጋቢነትና የገቢ ምንጭ

pastor income11.jpgለቤተክርስቲያነ ከተሰጡት 5ቱ የአገልግሎትር ስጦታዎች አንዱ መጋቢነት ነው፡፡ መጋቢነት ለሰዎች ነፍስ የመትጋት ታላቅ ሃላፊነትን የሚጠይቅ አገልግሎት ነው፡፡

የመጋቢነትን አገልገሎት ዋጋ ሊከፍል የሚችል ገንዘብ የለም፡፡ መጋቢ በምድር ላይ እንደሚኖር እንደ ማንኛውም ሰው ገንዘብ በምድር ላይ ኑሮ ያስፈልገዋል፡፡ መፅሃፍ ቅዱስም ስለ መጋቢ ብሎም ስለሌሎች የአገልግሎት ስጦታዎች የገቢ ምንጭ ያስተምራል፡፡

መፅሃፍ ቅዱስ በኑሮ ሃሳብና በባለጠግነት ምኞት ሙሉ ፍሬ ስለማያፈሩ ሰዎች ስለሚያስተምር መጋቢም ሙሉ ፍሬ እንዳያፈራ ከሚያደርጉት ነገሮች ራሱን ሊጠብቅ ይገባዋል፡፡(ማርቆስ 4፡19) መጋቢ የገቢ ምንጩን ከየት ያገኛል፡፡ መጋቢ ስለገቢ ምንጩ ዘወር ማለት ያለበት ወደ ማን ነው?

  1. መጋቢ ለአቅርቦቱ ወደ እግዚአብሄር ብቻ ማየት ይገባዋል

መጋቢ በመጀመሪያ የእግዚአብሄር ልጅ ነው፡፡ የእግዚአብሄር ልጅ የሆነ ሰው ሁሉ ደግሞ የሚኖረው ስለሰራ ወይም ስላልሰራ አይደለም፡፡ የእግዚአብሄርን ፅድቅና መንግስቱን እሰከፈለገ ድረስ እግዚአብሄር የሚያስፈልገውን የሚሰጠውና የሚንከባከበው የቤተሰቡን አባል ስለሆነ ብቻ ነው፡፡

ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡33

በቤት የተወለደ ልጅን አባቱ የሚንከባከበው እንደስራው መጠን ሳይሆን እንደ ቤተሰቡ ደረጃ ነው፡፡ እንዲሁም መጋቢ የመጋቢነትን ታላቅ ሃላፊነት ከመቀበሉ በፊት የልጅነት መብት የመጠቀም እምነት ያስፈልገዋል፡፡ መጋቢ ከመሆኑ በፊት በእግዚአብሄርን አባትነትና አቅራቢነት እምነት ሊኖረው ያስፈልጋል፡፡ ወደ መጋቢነቱ አገልግሎት ከመግባቱ በፊት ስለሚያስፈልገው ነገር እግዚአብሄርን ማመን ሊማር ይገባዋል፡፡

  1. መጋቢ ህዝቡን የገቢ ምንጭ ማድረግ የለበትም፡፡

 

መጋቢ የአቅርቦት ምንጩ እግዚአብሄርን ብቻ ማድረግ አለበት፡፡ መጋቢ የሚመግባቸውን ሰዎች ምንጩ ካደረገ ህይወቱ ይወሳሰባል ነፃም ሊሆን አይችልም፡፡ ሰው ሲቀንስና ሲጨምር ገቢው አብሮ ይጨምራል ይቀንሳል፡፡ እግዚአብሄር የሰጠውን የመጋቢነት ሃላፊነት ለመወጣት ሳይሆን ገቢውን ለመጨመር በምንም መልኩ ህዝብን ለማብዛት ይፈተናል፡፡ መጋቢ የሚመራቸውን ሰዎች የገቢ ምንጩ ካደረገ እንደ ገቢው አመጣጥ ከፍ ዝቅ እንዳይል ብዙ ገንዘብ ያላቸውን ልዩ እንክብካቤ ለማድረግ ይፈተናል፡፡ መጋቢ እግዚአብሄርን የገቢ ምንጩ ካላደረገ የሚመራቸውን ለመገሰፅ አቅም ያጣል፡፡ መጋቢ ህዝቡን የገቢ ምንጩ ካደረገ የእግዚአብሄርን ቃል ለማመቻመች ይፈተናል፡፡

 

  1. መጋቢ ስለ አቅራቦቱ የእግዚአብሄርን ቃል ማመን አለበት

 

መጋቢዎች የእግዚአብሄር ቃል የሚናገረውን ወንጌልን የሚሰራ በወንጌል ይኖር የሚለውን ቃል ለማመን ሲቸገሩ ሌላ የገቢ ምንጭ ለመፍጠር ይጥራሉ፡፡ ሌላ የገቢ ምንጭ መፍጠር በራሱ ችግር የለውም፡፡ አንዳንዶች መጋቢዎች ለቃሉና ለፀሎት ከመትጋት ውጭ ሌላ ስራ እየሰሩ የእግዚአብሄን ህዝብ የሚያገለግሉ የተባረኩ መጋቢዎች አሉ፡፡

 

ችግሩ መጋቢው ወንጌልን በሚሰራበት ጊዜና ጉልበት ሌላ የገቢ ምንጭ ማስገኛ ነገር ውስጥ ከገባ የሰዎችን ህይወት በትጋት የመስራት ስራው ይበደላል፡፡ መፅሃፍ ወንጌልን የሚሰራ በወንጌል ይኑር ያለው መጋቢው ለቃልና ለፀሎት እንዲተጋ ሌላ ጊዜውንና ጉልበቱን የሚከፋፈል ነገር ውስጥ እንዳይገባ ነው፡፡

 

ከዚህ አንፃር መጋቢው ያለበትን ጫና ለመቀነስ የሚማረው ከሚያስተምረው ጋር መልካሙን ነገር ሁሉ መከፋፈል አለበት፡፡

 

ነገር ግን ቃሉን የሚማር ከሚያስተምረው ጋር መልካምን ነገር ሁሉ ይከፋፈል። ገላትያ 6፡6

 

እንዲሁም መጋቢዎች መንፈሳዊውን ነገር ዘርተው ከሚያገለግሉዋቸው ስጋዊን ነገር ቢያጭዱ ትልቅ ነገር አይደለም፡፡

 

እኛ መንፈሳዊን ነገር የዘራንላችሁ ከሆንን የእናንተን የሥጋዊን ነገር እኛ ብናጭድ ትልቅ ነገር ነውን? 1ኛ ቆሮንቶስ 9፡11

 

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #አቅርቦት #አማርኛ #ስብከት #መዳን #መፅሃፍቅዱስ #ልብ #ገቢ #ቃል #መዝራት #ወንጌል #መጋቢ #ደስታ #አቢይ #አቢይዋቁማ #አቢይዋቁማዲንሳ

ከአካላችን ብልቶች ምን እንማራለን ?

body.jpgበአንድ አካል ብዙ ብልቶች እንዳሉን፥ የብልቶቹም ሁሉ ሥራ አንድ እንዳይደለ፥ እንዲሁ ብዙዎች ስንሆን በክርስቶስ አንድ አካል ነን፥ እርስ በርሳችንም እያንዳንዳችን የሌላው ብልቶች ነን። ሮሜ 12፡4-5

መንፈሳዊ እውነትን ለማስጨበጥ ተፈጥሮአዊ አካላችን በምሳሌነት ሲጠቀስ ብዙ ጊዜ እንመለከታለን፡፡ አካላችንን በመመልከት ብቻ ብዙ መንፈሳዊ ትምህርትን ልንቀስም እንችላለን፡፡

ሃዋሪያው ጳውሎስ “ተፈጥሮ እንኳ አያስተምራችሁም “1ኛ ቆሮ 11፣14 በማለት ተፈጥሮን በመመልከት ብቻ የምንማራቸው ድንቅ ትምህርቶች እንዳሉ ያስተምረናል፡፡

ለምሳሌ የእኛ የክርስትያኖች ህብረት እንደ አካል እያንዳንዳችን ደግሞ እንደ አካል ክፍል ወይም ብልቶች በምሳሌነት ተጠቅሶ እናገኘዋለን፡፡

ከአካል ምን እንማራለን?

አካል አንድ ነው

አካል አንድ ነው፡፡ ብልቶች ብዙ ቢሆኑም አካል ግን አንድ ነው፡፡ የአካል ብልቶች የተለያዩ መሆናቸው የተለያየ አላማ እንዲኖረንና ለተለያየ መንግስት እንድንሰራ ፈቃድ አይሰጠንም፡፡ ለተለየ መንግስት ከሰራን ለእግዚአበሄር መነግስት ሳይሆን ለራሳችን መንግስት ነው እያሰታን ያለነው ማለት ነው፡፡  ስለዚህ ነው ለተለያየ አላማ የመስራት ጥሪ የሌለን፡፡ ሁላችንም የምንሰራው ለአንድ መንግስት ለአንድ ግንብ ነው፡፡

ብልቶች የተለያዩ ናቸው

የብልቶችን ልዩነት መቀበል የአካልን አንድነት እንደመቀበል አስፈላጊ ነው፡፡ አንዳንድ ሰው ከእርሱ የተለየ ሰው ሁሉ ስህተት ይመስለዋል፡፡ ሌላው ጃካለእርሱ ሌላው ጌታ የሚሰራበት አይመስለው፡፡ ለዌላው ደግሞ በእርሱ መንገድ ያልገሄድ ነበትክክለፃ መንገድ እንዳልሄደ ይመስለዋል፡፡

የብልቶች ልዩነት ውበት ነው

የብልቶች ውበት በልዩነታቸው ውስጥ ነው፡፡ ብልቶች ካልተለያዩ ምንም ዋጋ የለውም፡፡ ሁሉም ነገር አንድ አይነት ቢሆን እንዴት ያለ ውድቀት ነው? ሁላችንም አንድ አይነት ከሆንን እንዴት ያለ አሰልቺ ነው፡፡

አካል ሁሉ ዓይን ቢሆን መስማት ወዴት በተገኘ? ሁሉም መስማት ቢሆን ማሽተት ወዴት በተገኘ? 1ኛ ቆሮንቶስ 12፡17

ከእኛ ለተለየ ሰው ልባችንን ልናሰፋ ይገባል፡፡ ከእኛ የተለየ ሰው ይጠቅመናል፡፡ ከእኛ የተለየ ሰው የእኛን ጉድለት ይሞላል፡፡ ከእኛ የተለየ ሰው እኛ ማድረግ የማንችለውን መነገር ያደርግልናል፡፡ ከእኛ የተለየ ሰው ውበታችን ነው፡፡

አካልም አንድ እንደ ሆነ ብዙም ብልቶች እንዳሉበት ነገር ግን የአካል ብልቶች ሁሉ ብዙዎች ሳሉ አንድ አካል እንደ ሆኑ፥ ክርስቶስ ደግሞ እንዲሁ ነው፤ 1ኛ ቆሮንቶስ 12፡12

በሁላችንም የሚሰራ አንድ እግዚአብሄር ነው

የጸጋም ስጦታ ልዩ ልዩ ነው መንፈስ ግን አንድ ነው፤ አገልግሎትም ልዩ ልዩ ነው ጌታም አንድ ነው፤ አሠራርም ልዩ ልዩ ነው፥ ሁሉን በሁሉ የሚያደርግ እግዚአብሔር ግን አንድ ነው። 1ኛ ቆሮንቶስ 12፡4-6

ማንም እንዲህ ላገልግል ብሎ በራሱ የሚያገለግል የለም፡፡ የሚያገለግል ከሆነ እግዚአብሄር ነው በውስጡ ያስቀመጠው እግዚአብሄርም ነው በፀጋው የሚያስታጥቀው፡፡ አንተን እግር ያደረገህ እግዚአብሄር ነው ሌላውን አይን ያደረገው፡፡

የብልቶች ውድድር ሞኝነት ነው

ብልቶች እያንዳንዳቸው የተለየ ጥሪ አላቸው፡፡ የተለያየ ጥሪ ያላቸውን ለማወዳደር እንደማይቻል ሁሉ በብልቶች መካከል ያለ ውድድር ከንቱ ነው፡፡ የሚታገል ሰውንና ሯጭን ማፎካከር እንደማይቻል ሁሉ የተለያየ ጥሪ ያለንን ማወዳደር አይቻልም፡፡ አንዱ ከሌላው ጋር ለመፎካከር የራሱን ጥሪ ጥሎ ያልተጠራበትን ጥሪ ማድረግ ይኖርበታል ፡፡ ስለዚህ ነው ፉክክር የህይወት ብክነት የሚሆነው፡፡ ሰው ከጎረቤቱ ጋር ከተፎካከረ ስቷል ማለት ነው፡፡

አንዱ አንዱን ይነካዋል

የአንዱ መደከም የሌላው መድከም ነው የአንዱ መጠንከር የሌላው መጠንከር ነው፡፡ አንዱ አንዱን እንዲያሟላው እንጂ እንዱ አንዱን እንዲፎካከረው አልተሰራም፡፡ አንዱ በሌላው ውድቀት ካልታመመ አንዱ በሌላው ስኬት ካልተደሰተ ከአካል ብልትነት ውጭ እየኖረ ነው ማለት ነው፡፡

አንድም ብልት ቢሣቀይ ብልቶች ሁሉ ከእርሱ ጋር ይሣቀያሉ፤ አንድ ብልትም ቢከበር ብልቶች ሁሉ ከእርሱ ጋር ደስ ይላቸዋል። 1ኛ ቆሮንቶስ 12፡26

አንዱ አንዱን ይሞላዋል

እጅ ውስጥ የተቀመጠው ችሎታ እና በረከት ለእግር ጥቅም ነው፡፡ የአይን ፀጋ ለጆሮ ያስፈልገዋል፡፡ የአንዱ ጥንካሬ ለሌላው ድካም የታቀደና የተሰራ ነው፡፡ አካል ሙሉ የሚሆነው ሁሉም ብልቶች በትክክል ሲሰሩ ነው፡፡

ነገር ግን ደካሞች የሚመስሉ የአካል ብልቶች ይልቁን የሚያስፈልጉ ናቸው፤ከአካልም ብልቶች ያልከበሩ ሆነው የሚመስሉን በሚበዛ ክብር እናለብሳቸዋለን፥ በምናፍርባቸውም ብልቶቻችን ክብር ይጨመርላቸዋል፤ 1ኛ ቆሮንቶስ 12፡22-23

አንዱ ለሌላው ያስፈልጋል

ዓይን እጅን፦ አታስፈልገኝም ልትለው አትችልም፥ ወይም ራስ ደግሞ እግሮችን፦ አታስፈልጉኝም ሊላቸው አይችልም። 1ኛ ቆሮንቶስ 12፡21

አንዱ ብልት ለሌላው ብልት ይጠቅማል፡፡ የአንዱ ብልት መሳካት በሌላው ብልት መሳካት ላይ የተመሰረት ነው፡፡ አንዱ ለራሱ ብቻ ሳይሆን ለሌላውም ያስፈልጋል፡፡ አያስፈልግም የምንለው የአካል ብልት የለም፡፡ ከሚታየው እስከ ማይታየው ከትልቁ እስከ ትንሹ የአካል ብልት ጠቃሚ ነው፡፡ የአለማችን ሳይንቲስቶች ስለአካችን ክፍሎች ጥቅም በክፍለ ዘመናት እየተመራመሩ ይገኛሉ ግን ሁሉንም የአካል ክፍል ጥቅም አውቀው አልጨረሱትም፡፡ እንዲሁም የማይጠቅም የሚመስለን የአካል ብልት ካለ ራሳችንን ትሁት እናድርግ፡፡ ይ-ጠ-ቅ-ማ-ል፡፡

ይህን ሁሉ በስፍራው የሚያስይዘው የእኛ ትህትና ነው፡፡

እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ። ሮሜ 12፡3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ልዩነት #አካል #አማርኛ #ስብከት #መዳን #መፅሃፍቅዱስ #ልብ #እምነት #አንድነት #ፀጋ #ብልት #አቢይ #አቢይዋቁማ #አቢይዋቁማዲንሳ

%d bloggers like this: