Category Archives: mercy

ይቅር ማለት የማንፈልግባቸው 14 ምክኒያቶች

forgiveness-quote.jpg

የማይበደልና ይቅር ለማለት የማይፈተን ሰው ያለ ከመሰላችሁ የሞተ ሰው ብቻ ነው፡፡ ይቅር ያለማለት ፈተና የሁሉም ሰው ፈተና ነው፡፡ ይቅር የማለት ሃላፊነት የህያው ሰው ሃላፊነት ነው፡፡ ይቅር ለማለት መፈተን ህያው መሆናችንንና በህይወት መኖራችን ማረጋገጫው ነው፡፡

ይቅር አለማለት ከእግዚአብሄር ጋር ያለንን ግንኙነት ከማበላሸት ጀምሮ ብዙ ጉዳቶች አሉት፡፡ ይቅር ማለት ቀላል ፈተና አይደለም፡፡ ያም ሆነ ይህ ግን ይቅር ለማለት የማንፈልገው የእግዚአብሄር ቃል እውቀት ሳይኖረን ሲቀር ነው፡፡

ሕዝቤ እውቀት ከማጣቱ የተነሣ ጠፍቶአል፤ አንተም እውቀትን ጠልተሃልና እኔ ካህን እንዳትሆነኝ እጠላሃለሁ፤ የአምላክህንም ሕግ ረስተሃልና እኔ ደግሞ ልጆችህን እረሳለሁ። ትንቢተ ሆሴዕ 4፡6

  1. ይቅር ማለት የማንፈልገው በዳይ ተጠቃሚ ስለሚመስለን ነው፡፡

በዳይ ተጎጂ እንጂ ተጠቃሚ አይደለም፡፡ በዳይ የሚታዘንለት ሰው ነው፡፡ በዳይ እንዲበድል የሚያደርገው የሃጢያት ባህሪው ነው፡፡ የሰው የሃጢያት ባህሪ ያሳዝናል እንጂ አያስቀናም፡፡ ሃዋሪያው ጳውሎስ ብትበደሉ አይሻላችሁምን? ያለው የሚበድልን ሰው እግዚአብሄር ስለሚክሰው የበድለውን ሰው ግን ከሁለት ያጣ ስለሚሆን ነው፡፡ ሰው ሲበድል ተጠቀሚው ሰይጣን እንጂ በዳዩ አይደለም፡፡ ሰው ደግሞ በደሉን ይዞ ይቅር አልልም ካለ ሰይጣን ይበልጥ ይጠቀማል፡፡ ሰይጣን አንዱን ሰው በመበደል ሲጎዳው ሌላውን ይቅር ባለማለት ጨምሮ ይጎዳዋል፡፡

ብትበደሉ አይሻልምን? ብትታለሉስ አይሻልምን? ነገር ግን እናንተ ትበድላላችሁ ታታልሉማላችሁ፥ ያውም ወንድሞቻችሁን። 1ኛ ወደ ቆሮንቶስ ሰዎች 6፡7-8

ሰው የሚበድለው ቢያንስ አንድ ያለገባው እውነት ስላለ ነው፡፡

ኢየሱስም። አባት ሆይ፥ የሚያደርጉትን አያውቁምና ይቅር በላቸው አለ። የሉቃስ ወንጌል 23:34

  1. ይቅር ማለት የማንፈልገው የበደለንን ክፉ ስራ መቀበል ማመቻመች ስለሚመስለን ነው፡፡

ይቅር ማለት ከዚህ ከበደለኝ ሰው ጋር ባለኝ ግንኙነት የተበደልኩትን ነገር ከግምት ውስጥ አላስገባውም ማለት ነው፡፡ ስለተበደልኩ ለበደለኝ መልካም ማሰብ ፣ መልካም መናገርና መልካምን ማድረግን አላቆምም ማለት ነው፡፡ ይቅር ማለት ስለበደለኝ ሰው ክፉ አላስብም ፣ ክፉ አልናገርምና ክፉ አላደርግም ማለት ነው፡፡ ይቅር ማለት የሰውን ክፉ ስራ እውቅና መስጠትና ማበረታታት አይደለም፡፡ የበደለንን ሰውን ይቅር ባለማለታችን የበደለንን ሰው የሚለውጠው ነገር የለም፡፡ የበደለንን ሰው እንዲያውም የሚለውጠው ይቅቅር ማለታችን ፣ መፀለያችን እና መልካምን ማድረጋችን ብቻ ነው፡፡ የበደለንን ሰው ሊለውጥ የሚችለው እግዚአብሄር እንጂ እኛ አይደለንም፡፡ የበደለንን ሰው መውደድ ይቅር ማለት መምከር ይበልጥ መልካም ማድረግ እንጂ የበደለንን ሰው የመለወጥ ሃላፊነት የእግዚአብሄር እንጂ የእኛ ሃላፊነት አይደለም፡፡

ጠላትህ ግን ቢራብ አብላው፤ ቢጠማ አጠጣው፤ ይህን በማድረግህ በራሱ ላይ የእሳት ፍም ትከምራለህና። ክፉውን በመልካም አሸንፍ እንጂ በክፉ አትሸነፍ። ወደ ሮሜ ሰዎች 12፡20-21

  1. ይቅር ማለት የማንፈልገው ይቅርታ ከበዳይ ይልቅ ተበዳይን እንደሚጠቅም ስለማናውቅ ነው፡፡

በደልን ይቅር ማለት የበዳይ ሃላፊነት አይደለም፡፡ ይቅር ባለማለታችን ተፈትነን የምንወድቀው እኛ እንጂ በዳይ አይደለም፡፡ የእኛ ይቅር ማለት ወይም አለማለት በዳይ ላይ የሚጨምርለት ወይም የሚቀንስበት ነገር የለም፡፡ ይቅር ማለት ይበልጥ የሚጠቅመው ተበዳይን ነው፡፡ ይቅር አለማለት ይበልጥ የሚጎዳው ተበዳይን ነው፡፡ ይቅርታ ተበዳይን ያበለፅገዋል፡፡ ይቅርታ ተበዳይን እግዚአብሄር በሰጠው አለማ እንዲኖር ነፃ ያደርገዋል፡፡ ይቅር አለማለት ተበዳይን እስራት ውስጥ ያቆየዋል፡፡ ይቅር አለማለት ነገርን ሁሉ ከበዳይ ጋር በማያያዝ እስራት ውስጥ ይከተዋል፡፡ ይቅር አለማለት ተበዳይን በመከታታለ ከመንገዱ እንዲወጣ ያደርገዋል፡፡ ሰው ይቅር ሳይል እግዚአብሄር በህይወቱ ያስቀመጠውን ራእይ ለመፈፀም ነፃ መሆን አይችልም፡፡ ይቅር የማይል ሰው እግዚአብሄር በህይወቱ ያስቀመጠውን አላማ እንዲፈፅም የሰጠውን ሃይል የበደለ ሰው ላይ ክፉ በመመለስ እንዲያባክን ያደርገዋል፡፡

  1. ይቅር ማለት የማንገፈልገው ይቅርታ የእኛን ስህተት የሚያሳይና ተሸናፊ ስለሚያደርገን ስለሚመስለን ነው፡፡

ይቅር ማለት የማንፈልገው ይቅርታን የፉክክር ነገር ስለምናደርገው ነው፡፡ ይቅርታ ማድረግ የማንፈልገው የአለም የፉክክር ስሜት ስላልለቀቀን ነው፡፡ ይቅርታ የአሸናፊነት እንጂ የተሸናፊነት ስሜት አይደለም፡፡ ይቅርታ የበላይነት እንጂ የበታችነት ስሜት አይደለም፡፡ ይቅርታ ክብር እንጂ ውርደት አይደለም፡፡ እግዚአብሄር ከእኛ እንደሚሻላ ያሰየን እኛ ይቅር በማለት ነው፡፡ አባት ልጆችን ይቅር በማለት ከእነርሱ እንደሚሻለ ያሳያል፡፡ ተበዳይ ይቅር በማለት ከበዳይ እንደሚሻል ያስመሰክራል፡፡

ጠላትህ ግን ቢራብ አብላው፤ ቢጠማ አጠጣው፤ ይህን በማድረግህ በራሱ ላይ የእሳት ፍም ትከምራለህና። ክፉውን በመልካም አሸንፍ እንጂ በክፉ አትሸነፍ። ወደ ሮሜ ሰዎች 12፡20-21

  1. ይቅር ማለት የማንፈልገው እግዚአብሄር ምን ያህል ይቅር እንዳለን ስለማንረዳ ነው፡፡

የእግዚአብሄርን ይቅርታ በሚገባ የተረዳ ሰው ይቅር ለማለት ይወስናል፡፡ እግዚአብሄር ይቅር ባይለው ኖሮ ለዘላም ከእግዚአብሄር እንደሚለይ የሚየውቅ ሰው ሌላውን ይቅር ለማለት ምንም ምክኒያት አይኖረውም፡፡ ታላቅ ይቅርታን እንደተቀበለ የተረዳ ሰው ታናሽ ይቅርታን ለመስጠት አይቸግረውም፡፡ በማንኛውንም ጊዜ የእግዚአብሄር ይቅርታና ምህረት እንደሚያስፈልገው የሚያውቅ ትሁት ሰው ይቅር ለማለት ይወስናል፡፡ ካለ እግዚአብሄር ይቅርታ ምንም ነገር ማድርግ እንደማይችል የተረዳ ሰው ሌላውን ይቅር ለማለት ይዘጋጃል፡፡

ከዚያ ወዲያ ጌታው ጠርቶ፦ አንተ ክፉ ባሪያ፥ ስለ ለመንኸኝ ያን ዕዳ ሁሉ ተውሁልህ፤ እኔ እንደ ማርሁህ ባልንጀራህ የሆነውን ያን ባሪያ ልትምረው ለአንተስ አይገባህምን? አለው። የማቴዎስ ወንጌል 18፡32-33

  1. ይቅር ማለት የማንፈልገው እኛ እንደምንበድል ስለማንረዳ ነው፡፡

የሚበድል ሰው የበደለን የመጣው ከእንግዳ ፕላኔት ስለሆነ አይደለም፡፡  ሰውን እንዲበድል ያደረግው የስጋ ባህሪ በአንተ ውስጥ አለ፡፡ ሌላው ሰው እንጂ እርሱ እንደማይበድል የሚያስብ ሰው ትእቢተኛ ሰው ነው፡፡ አሁን ለበደለ ሰው የሚሰጠው  ይቅርታ ነገ ከነገ ወዲያ ከሌላ ሰው እንደሚያስፈልገው የማያውቅ ሰው ተታሏል፡፡

  1. ይቅር ማለት የማንገፈልገው በእግዚአብሄርን ዳኝነት ከልባችን ስለማናምን ነው፡፡

ይቅር ማለት የምንፈልገው እኛው ራሳችን ከሰን ፣ እኛው ራሳችን ፈርደንና እኛው ራሳችን መፈፀም ስለማንፈለግ ነው፡፡ ይቅር ማለት የማንፈልገው ዳኝነቱን ከእግዚአብሄር ለመወሰድ ስለመንፈተን ነው፡፡ ይቅር ማለት የማንፈልግው ነገሩን ከእግዚአብሄር በላይ በሚገባ እንይዘዋልን ብለን በከንቱ ስለምናስብ ነው፡፡ በእግዚአብሄር ዳኝነት ስናምን ፈጥነን ይቅር ለማለት አንቸገርም፡፡ ይቅር ማለት የማንፈልገው የእግዚአብሄርን መሪነት ለመውሰድ ስለምንፈተን ነው፡፡ እግዚአብሄር በበቂ ሁኔታ እየመራ አይደለም በዳይን ልክ እያስገባ አይደለም ብለን ስናስብ የእግዚአብሄርን መሪነት በራሳችን መወሰድ እንፈልጋለን፡፡

ለቁጣው ፈንታ ስጡ እንጂ ራሳችሁ አትበቀሉ፡፡ ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና።   ወደ ሮሜ ሰዎች 12፡19

  1. ይቅር ማለት የማንፈልግው ይቅር ያልነውን ከለቀቅነው ይሳካለታል ብለን ስለምንፈራ ነው፡፡

ሰው እንዳይሳካለት መያዝ የበለጠ ከባድ ስራ ብቻ ሳይሆነ የማይቻል ነው፡፡ ሰው እንዳይሳከለት ማድረግ አንችልም፡፡ ሰው እንዳይሳካለት ለማድረግ መሞከር ግን ጉልበታችንን አላግባብ ያባክናል፡፡ ሰው በትክክልም ቢሆን በተሳሰተ መንገድ ሊሳካለት ይችላል፡፡ የሰውን የትኛውንም ስኬቱን ልንይዝና ልናስቀር አንችልም፡፡ ሰው ሰራሽ ጊዜያዊ ስኬትም ይሁን ከእግዚአብሄር የሚመጣ እውነተኛ ስኬት በእኛ ቁጥጥር ስር አይደለም፡፡ የሰው ስኬት ላይ መቆም ግን የራሳችንን ስኬት ላይ እንዳንሰራ ያዳክመናል፡፡ ይቅር ባንልም ብንልም የሰው ስኬት በእኛ እጅ አይደለም፡፡ የሰው ስኬት በእግዚአብሄር እጅ ነው፡፡ እግዚአብሄር የተሳሳተ ሰውን እንኳን መክሮና ወደትክክል መልሶ እንዲሳካለት ያደርጋል፡፡

  1. ይቅር ማለት የማንፈልገው ይቅርታ ማድረግ እንደ ድሮው መሆን ስለሚመስለን ነው፡፡

ይቅር ማለት ወዲያው እንድሮው መሆን ማለት አይደለም፡፡ ይቅር ማለት ያለፈውን መተው እንጂ ስለ ወደፊቱ ማቀድ አይደለም፡፡ ስለወደፊቱ ለማቀድ የአሁኑ ይቅርታ ወሳኝ ነው፡፡ ነገር ግን የአሁኑ ይቅርታ በወደፊቱ አቅድ አይወሰንም፡፡ ይቅር ማለት ወዲያው እንደበፊቱ መተማመን ማለት አይደለም፡፡ እንደገና መተማመን ጊዜ ይወስዳል፡፡ መተማመን በጊዜ ውስጥ የሚገነባ እንጂ ከይቅርታ ጋር አብሮ የሚመጣ አይደለም፡፡ የአሁኑ ይቅርታ በወደፊቱ መተማን ላይ አይደገፍም፡፡

  1. ይቅር ማለት የማንገፈልገው ይቅር አለማለት በህይወታችን ለሰይጣን በር መክፈት እንደሆነ ስለማናውቅ ነወ፡፡

ይቅር አለማለትና ጥላቻ የሰይጣን ለም መሬት ነው፡፡ ሰይጣን በጥላቻና ይቅር ባለ ማለት ካልሆነ በስተቀር እንደልቡ መስራት አይችልም፡፡ ይቅር አለማለት የሰይጣን ምግብ እንደሆነ ብንረዳ ከይቅር አለማለትና ከምሬት ጋር ለአንድ ደቂቃ መኖር አንፈልግም ነበር፡፡ ይቅር አለማለት በህይወት ለሰይጣን በር መክፈት ነው፡፡ ይቅር አለማለትና ምሬት ለሰይጣን ፋንታን መስጠት ነው፡፡

በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ወደ ኤፌሶን ሰዎች 4፡27

  1. ይቅር ማለት የማንገፈልገው እኛ ሁልጊዜ ትክክል የሆንን ስለሚመልሰልን ነው፡፡

እኛ ትክክል ብንሆንም ወይም የበደለን ትክክል ቢሆንም ወይም ደግሞ ሁለታችንም ትክክል ብንሆንም ወይም ሁለታችንም ብንበድልም ይቅር ማለትን ሊተካ አይችልም፡፡ ይቅር ማለትን ሊተካ የሚችል ምንም ነገር የለም፡፡ ይቅር ላለማለት የሚበቃ ምንም ጥሩ ምክኒያት ሊኖረን አይችልም፡፡

  1. ይቅር ማለት የማንገፈልገው ይቅር አለማለታችን ከእግዚአብሄር ጋር ያለንን ግንኙነታችን ላይ የሚያመጣውን ከፍተኛ ጉዳት ስለማንረዳ ነው፡፡ ከሰዎች ጋር ያለን ግንኙነት ከእግዚአብሄር ጋር ያለንን ግንኙነት እንደሚወሰን ብናውቅ ፈጥነን ይቅር ለማለት እንበረታታለን፡፡

እንግዲህ መባህን በመሠዊያው ላይ ብታቀርብ፥ በዚያም ወንድምህ አንዳች በአንተ ላይ እንዳለው ብታስብ፥ በዚያ በመሠዊያው ፊት መባህን ትተህ ሂድ፥ አስቀድመህም ከወንድምህ ጋር ታረቅ፥ በኋላም መጥተህ መባህን አቅርብ። የማቴዎስ ወንጌል 5፡23-24

ለጸሎትም በቆማችሁ ጊዜ፥ በሰማያት ያለው አባታችሁ ደግሞ ኃጢአታችሁን ይቅር እንዲላችሁ፥ በማንም ላይ አንዳች ቢኖርባችሁ ይቅር በሉት። የማርቆስ ወንጌል 11፡25

  1. ይቅር ማለት የማንፈልገው በዳያችን ወደ እግዚአብሄር ዞር ባለ ጊዜ ይቅር እንሚባል ስለማናውቅ ነው፡፡ እኛ የያዝንው በደል በዳይ በቀኑና በሰአቱ ከእግዚአብሄር ጋር የጨረሰው ጉዳይ ሊሆን ይችላል፡፡

እኛ ለምንም ያህል ጊዜ በምሬትት እንቆይ እንጂ በዳዩ ይቅርታ በጠየቀ ቅጽፅበት እግዚአብሄ ይቅር ብሎታል፡፡ ይቅር ባለማለት እግዚአብሄር ከእኛ ጋር አይቆምም፡፡ ይቅር ባለማለት ብቻችንን የምንቀረው እኛ ብቻ ነን፡፡

  1. ይቅር ማለት የማንፈልገው ይቅርታ በፍቅር እንደሚያሳድገን ስለማናውቅ ነው፡፡

ሁላችንም የፍቅር ሰዎች መሆን እንፈልጋለን፡፡ ፍቅር የህግ ፍፃሜ ነው፡፡ ፍቅርን የምንለማመደው ደግሞ በይቅርታ ነው፡፡ በመንፈሳዊ ህይወታችን የምናድገው በይቅርታ ብቻ ነው፡፡ እግዚአብሄር ለብዙ ነገር የሚያምንን በፍቅር ስናድርግ ብቻ ነው፡፡

የእናንተ ሥርና መሠረት በፍቅር ይጸና ዘንድ፥ ከቅዱሳን ሁሉ ጋር ስፋቱና ርዝመቱ ከፍታውም ጥልቅነቱም ምን ያህል መሆኑን ለማስተዋል፥ ከመታወቅም የሚያልፈውን የክርስቶስን ፍቅር ለማወቅ ትበረቱ ዘንድ፥ እስከ እግዚአብሔርም ፍጹም ሙላት ደርሳችሁ ትሞሉ ዘንድ። ወደ ኤፌሶን ሰዎች 3፡16-19

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ይቅርታ #ምህረት #ፍርድ #ጠላት #ዲያቢሎስ #ስፍራ #ኢየሱስ #ጥላቻ #ትእቢት #መራርነት #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

Advertisements

የሚያደርጉትን አያውቁምና ይቅር በላቸው

amor-cristo.jpgአባት ሆይ የሚያደርጉትን አያውቁምና ይቅር በላቸው ሉቃስ 23፡34

ኢየሱስ ሲሰቀል ያሳየው ትህትና ልዩ ነበር፡፡ ኢየሱስ የእርሱ መሰቀልና መሰቃየት ሳያሳስበው ለሰቀሉት ሰዎች ይቅርታ ማግኘት ይበልጥ ያሳስበው ነበር፡፡

አሁንም ሰዎች ሲበድሉን እንድንራራላቸው ያስፈልጋል፡፡ ሰዎች ሲበድሉን እኛን እግዚአብሄር ይክሰናል፡፡ በዳይ ሰዎች ግን በእግዚአብሄር ይገሰፃሉ እንጂ በእግዚአብሄር አይካሱም፡፡

እንግዲህ ፈጽሞ የእርስ በርስ ሙግት እንዳለባችሁ በእናንተ ጉድለት ነው። ብትበደሉ አይሻልምን? ብትታለሉስ አይሻልምን? 1ኛ ወደ ቆሮንቶስ 6፡7

የሚበድሉ ሰዎፖች ሰላም የላቸውም፡፡ የሚበድሉ ሰዎች እረፍት የላቸውም፡፡ የሚበድሉ ሰዎች እርካታ የላቸውም፡፡

ሰው ካለ ምክኒያት አይበድልም፡፡ ሰው ካልቸገረው ሌላውን ሰው በመበደል ከእግዚአብሄር ጋር አይጣላም፡፡ ሰው የቀናው መንገድ ካልጠፋው በስተቀር ሰውን አይበድልም፡፡ ሰው ካልተታለለ በስተቀር ሌላውን ሰው አይበድልም፡፡ ሰው ካልተሸወደ በስተቀር በትክክለኛ አእምሮ ሌላው ሰውን በመበደል እግዚአብሄርን አይበድልም፡፡

የሚበድሉ ሰዎች ርህራሄ ሊደረግላቸው ያስፈልጋቸዋል፡፡ የሚበድሉ ሰዎች የሚታዘንናለቸው ምስኪን ሰዎች ናቸው፡፡ የሚበድሉ ሰዎች ሳንረግማቸው ተረግመዋል፡፡ የሚበድሉ ሰዎች ሳንበድላቸው ራሳቸውን በድለዋል፡፡

ለሚበድሉን ሰዎች መራራት የሚከብደን የተጠቀሙ ስለሚመስለን ነው፡፡ የሚበድል ሰው ይጎዳል እንጂ አይጠቀምም፡፡

ለሚበድሉ ሰዎች እንራራላቸውን እንዘንላቸው ማለት ግን አንጋፈጣቸው ትክክለኛውን መንገድ አናሳያቸው ማለት አይደለም፡፡ ለሚበድሉ ሰዎች እንፀልይላቸው ማለት እንመልሳቸው ማለት እንጂ እናበረታታቸው ማለት በፍፁም አይደለም፡፡ የሚበድሉ ሰዎች እንባርካቸው ማለት ሃይል እንስጣቸው ማለት ሳይሆን በችግር ላይ እርግማን አንጨምርባቸው ማለት ነው፡፡

የሚያሳድዱአችሁን መርቁ፥ መርቁ እንጂ አትርገሙ። ሮሜ 12፡14

ሰዎች ሲበድሉ አይጠቀሙም፡፡ በሰዎች መበደል የሚጠቀመው ሰይጣን ነው፡፡ በሰዎች መቆሸሽ የሚጠቀመው ጠላት ነው፡፡ ሰዎች ሰውን ለመበደል ሰይጣን ሲጠቀምባቸው ይጎዳሉ፡፡

እኔ ግን እላችኋለሁ፥ በሰማያት ላለ አባታችሁ ልጆች ትሆኑ ዘንድ ጠላቶቻችሁን ውደዱ፥ የሚረግሙአችሁንም መርቁ፥ ለሚጠሉአችሁም መልካም አድርጉ፥ ስለሚያሳድዱአችሁም ጸልዩ፤ ማቴዎስ 5፡44-45

ሰዎችን ይቅር ስንላቸውና ስንታገሳቸው ገንዘባችን እናደርጋቸዋለን፡፡

ወንድምህም ቢበድልህ፥ ሄደህ አንተና እርሱ ብቻችሁን ሆናችሁ ውቀሰው። ቢሰማህ፥ ወንድምህን ገንዘብ አደረግኸው፤ ማቴዎስ 18፡15

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሔር #ይቅርታ #ምህረት #ፍርድ #ጠላት #ዲያቢሎስ #ስፍራ #ኢየሱስ #ጥላቻ #ትእቢት #መራርነት #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የይቅርታ ክብር

forgivness.jpgእርስ በርሳችሁ ትዕግሥትን አድርጉ፥ ማንም በባልንጀራው ላይ የሚነቅፈው ነገር ካለው፥ ይቅር ተባባሉ፤ ክርስቶስ ይቅር እንዳላችሁ እናንተ ደግሞ እንዲሁ አድርጉ፤ ቆላስይስ 3፥13

ይቅር ማለት ክብር ነው፡፡ ማንም መንገደኛ የበደለው ላይ ይይዝበታል ይቅር ማለት ግን ከፍ ያለ የህይወር ደረጃ ነው፡፡ ይቅር

ይቅርታ የጥበበኞች ነው፡፡ ይቅር የሚልና የሚተው ሰው እነዚህን ወሳኝ ጥበቦች የተረዳ ሰው ነው፡፡ ይቅር የሚልና የሚለቅ ሰው መልካም መረዳት ያለውቀ ሰው ነው፡፡

የይቅርታ እውነተኛ ትርጉም

  1. ይቅር የሚል ሰው ይቅር መባሉን የማይረሳ ሰው ነው፡፡

ይቅር መባሉ የማያደንቅና በልቶ ከገሃዲ የሆነ ሰው ይቅር ለማለት ይቸግረዋል፡፡ ይቅር መባሉን የሚያስታውስና የሚያደንቅ ሰው ይቅር ለማለት ይቀለዋል፡፡ ይቅር የሚል ሰው ታላቁ ሃጢያቱ ይቅር የተባለው ሌሎችን ትንንሽ ሃጢያቶች ይቅር እንዲል መሆኑን የተረዳ ሰው ነው፡፡ ይቅርታ ታላቁን ሃጢያት ይቅር ስለመባላችን ለእግዚአብሄር አድናቆታችንንና ምስጋናችንን የምናሳይበት ወርቃማ አጋጣሚ ነው፡፡

ከዚያ ወዲያ ጌታው ጠርቶ፦ አንተ ክፉ ባሪያ፥ ስለ ለመንኸኝ ያን ዕዳ ሁሉ ተውሁልህ፤ እኔ እንደ ማርሁህ ባልንጀራህ የሆነውን ያን ባሪያ ልትምረው ለአንተስ አይገባህምን? አለው። ማቴዎስ 18፡32-33

  1. ይቅር የሚል ሰው ወደፊትም ይቅርታ እንደሚያስፈልገው የሚረዳ ሰው ነው፡፡

የምንኖረው በእግዚአብሄር ምህረት ነው፡፡ የምንኖረው በሰው ምህረት ወይም በሰይጣን ምህረት አይደለም፡፡ የምንኖረው የእግዚአብሄርን ምህረት ተስፋ በማድረግ ነው፡፡ ወደፊትም የእግዚአብሄር ምህረት እንደሚያስፈልገው የሚረዳ ሰው ምህረት ለማድረግ ይበረታታል፡፡ ነገር ግን ከጥፋት ያለፈ የመሰለውና በትእቢት ራሱን ላይ የሰቀለ ሰው ምህረት ለማድርግ ይኩራራል፡፡

  1. ይቅር የሚል ሰው ነፃ መሆን የሚፈልግ ሰው ነው፡፡

ይቅር የሚል ሰው የበደለውን ሰው መከታተል ፣ ስለበደለው ሰው የራሱን የህይወት መለወጥ የማይፈልግ ሰው ነው፡፡ ይቅር የሚል ሰው የህይወት አላማውን የተረዳ ከሩጫው ማንም እንዲያደናቅፈው የማይፈልግ ሰው ነው፡፡ ይቅር ማለት የሚፈልግ ሰው የበደለውን ሰው በመከታተል በበደለው ሰው ባተሌ በመሆን ህይወቱን ማባከን የማይፈልግ ነው፡፡ ይቅር የማይል ሰው ስለበደለው ሰው ቀን ከሌሊት ሲያስብ ፣ ስለበደለው ሰው ሲናገር ስለበደለው ሰው ሲንቀጠቀጥና ጉልበቱን ሲፈጅ የበደለውን ሰው ኑሮ ይኖራል፡፡ ይቅር የማይል ሰው ስለማይለቅና ስለማይተው የራሱን ህይወት ትቶ ከበደለው ሰው ጋር በደባልነት ይኖራል፡፡ ይቅር የማይል ሰው የራሱን ህይወት ትቶ በደሉን በበዳዩ ላይ ፅፎ ይዞ በዳዩ በየሄደበት የሚከታተል ሰው ነው፡፡

  1. ይቅር የሚል ሰው ህይወቱን በራሱ መምራት የሚፈልግ ሰው ነው፡፡

ይቅር ማለት የሚፈልግ ሰው ህይወቱን አቅጣጫ ስለበደለው ሰው ለመለወጥ የማይፈልግ ሰው ነው፡፡ ይቅር የሚል ሰው የህይወት ራእዩን ጥሎ በሌላ ጉዳይ መገኘት የማይፈልግ ሰው ነው፡፡ ይቅር ማለት የሚፈልግ ሰው የራሱን የህይወት አላማ በበደለው ሰው ህይወት መለወጥ የማይፈልግ ሰው ነው፡፡ ይቅር ማለትና የበደለውን መልቀቅ የሚፈልግ ሰው የራሱን ህይወት በራሱ መምራት የሚፈልግ ሰው ነው፡፡ ይቅር ማለት የሚፈልግ ሰው የራሱን ህይወት በበደለው ሰው እጅ ላይ መጣል የማይፈልግ ሰው ነው፡፡

  1. ይቅር ማለት የሚፈልግ ሰው ለዲያቢሎስ እድል ፈንታ መስጠት የማይፈልግ ሰው ነው

ይቅር አለማለትና ጥላቻ የሰይጣን ለም መሬት ነው፡፡ ጥላቻ ለሰይጣን ሰራ ተስማሚ የአየር ሁኔታ ነው፡፡ ሰው ጥላቻን ካስተናገደ ወደደም ጠላም ሰይጣን ይጠቀምበታል፡፡ የሰይጣን አላማው ደግሞ የሚበድለውንም የሚበደለውንም መስረቅ ማረዳ ማጥፋት ነው፡፡ (ዮሃንስ 10፡10) የሰይጣን መጠቀሚያ መሆን የማይፈልግ ስው ይቅር ይላል፡፡ ቆሻሻ መካከል እየኖሩ ዝምብ አይምጣብኝ ማለት እንደማይቻል ሁሉ ይቅር ሳይሉ ስፍራ እየሰጡት ሰይጣን አይንካኝ ማለት አይቻልም፡፡ በተዘዋዋሪ ሰይጣንን  መቃወሚያው መንገድ ጥላቻን አለማስተናገድና ፈጥኖ ይቅር ማለት በምህረት መመላለስ ነው፡፡

በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ኤፌሶን 4፡27

  1. ይቅር የሚል ሰው የሰውን ህይወት እንደማይቆጣጠር የተረዳ ሰው ነው፡፡

ይቅር ማለት የሚፈልግ ሰው የራሱ ህይወት እንጂ የሰውን ህይወት መቆጣጠር እንደማይችል ልኩን ያወቀና የተረዳ ሰው ነው፡፡ ይቅር የሚል ሰው ሌላው እንዳይበድለው ማድረግ እንደማይችል ያወቀ ሰው ነው፡፡ ማድረግ የሚችለው ነገር ይቅር ማለት ፣ መተውና  መልቀቅ መሆኑን የተረዳ ሰው ነው፡፡ ይቅር የሚል ሰው ራሱ ተበቃይ እንዳይደለና ፈራጅ ሌላ እንዳለ የተረዳ ሰው ነው፡፡

ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና። ሮሜ 12፡19

  1. ይቅር ማለት የሚችል ሰው እኔ እሻላለሁ የሚል ሰው ነው፡፡

ይቅር ማለት የሚችል ሰው የበደለው ሰው ስለበደለ ብቻ እንደተጎዳ የሚያስብና ተበዳዩ እንደሚሻል የተረዳ ሰው ነው፡፡ ሰው ከሚበድል መበደል ይሻለዋል፡፡ የሚበድል ሰው አይጠቀምም በከንቱ ይበድላል፡፡ የሚበደል ሰው ግን እግዚአብሄር ይክሰዋል፡፡ ይቅር የሚል ሰው ርህራሄ የሚሰማውና እኔ እሻላለሁ የሚል የአዘኔታ ልብ ያለው ሰው ነው፡፡

እንግዲህ ፈጽሞ የእርስ በርስ ሙግት እንዳለባችሁ በእናንተ ጉድለት ነው። ብትበደሉ አይሻልምን? ብትታለሉስ አይሻልምን? 1ኛ ወደ ቆሮንቶስ 6፥7

  1. ይቅር የሚል ሰው መበደሉ ምንም እንዳማያመጣ የተረዳ ሰው ነው፡፡

የሰው የወደፊት እድል ፈንታ የተያዘው በሰው እጅ አይደለም፡፡ የሰው ፈራጅ እግዚአብሄር ነው፡፡ በፅድቅ የሚፈርድ እግዚአብሄር በሰማይ አለ፡፡ ሰው ተበደለም አልበደለም ለውጥ አያመጣም፡፡ ሰው ተበደለም አልተበደለም ምንም ማለት አይደለም፡፡ እግዚአብሄር ነው ፈራጅ፡፡ ይቅር የሚል ሰው ፅድቅን በሚያደርገው በእግዚአብሄር የሚመካ ሰው ነው፡፡ ይቅር ሚል ሰው እግዚአብሄርን ደስ የሚያሰኘው ማስተዋል ያለው ሰው ነው፡፡

ነገር ግን የሚመካው፦ ምሕረትንና ፍርድን ጽድቅንም በምድር ላይ የማደርግ እኔ እግዚአብሔር መሆኔን በማወቁና በማስተዋሉ በዚህ ይመካ፤ ደስ የሚያሰኙኝ እነዚህ ናቸውና፥ ይላል እግዚአብሔር፡፡ ኤርምያስ 9፥24

መበደል ሳይሆን ይቅር አለማለቱ ሰውን ይጎዳዋል፡፡ ሰው ሲበድለን እግዚአብሄር ይክሰናል፡፡ ይቅር ካላልን ግን ይቅር ባለማለታችን እንጎዳለን እንጂ እግዚአብሄር የሚያደርግልን ነገር የለም፡፡ ሰውን የሚጎዳው መበደል ሳይሆን ይቅር አለማለት ነው፡፡

  1. ይቅር የሚል ሰው ይቅር አለማለቱ በዳዩን እንደማይጎዳ የተረዳ ሰው ነው፡፡

በደሉ ተፈፅሟል፡፡ ጥፋተኛ ከሆነ እንደበዳዩ ደረጃ የሚፈርደው እግዚአብሄር ነው፡፡ የተበደለ ሰው ይቅር አለማለቱ በፍርዱ ላይ ምንም ተፅእኖ የለውም፡፡ የተበደለ ሰው ግን ይቅር ካላለ በራሱ ህይወት ላይ ጉዳት ያመጣል፡፡ የተበደለ ሰው ቶሎ ይቅር ስላለ እግዚአብሄር የበዳዩን ጥፋት አያቀልለትም፡፡ ለረጅም ጊዜ ስለያዘው ደግሞ ጥፋቱን አያከብድውም፡፡ ይቅር ያላለ ሰው የሚጎዳው ራሱን ብቻ ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ይቅርታ #ምህረት #ፍርድ #ጠላት #ዲያቢሎስ #ስፍራ #ኢየሱስ #ጥላቻ #ትእቢት #መራርነት #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እግዚአብሔር መሓሪ

Dollarphotoclub_82132782-1024x768.jpgእግዚአብሔር ርኅሩኅና መሓሪ ነው፥ ከቍጣ የራቀ፥ ምሕረቱም ብዙ ነው እግዚአብሔር ለሚታገሡት ቸር ነው። ምሕረቱም በሥራው ሁሉ ላይ ነው። መዝሙር 145፡8-9

እግዚአብሔር መሓሪና ይቅር ባይ ነው፥ ከቍጣ የራቀ ምሕረቱም የበዛ። ሁልጊዜም አይቀሥፍም፥ ለዘላለምም አይቈጣም። መዝሙር 103፡8-9

እግዚአብሔርም በፊቱ አልፎ፦ እግዚአብሔር፥ እግዚአብሔር መሐሪ፥ ሞገስ ያለው፥ ታጋሽም፥ ባለ ብዙ ቸርነትና እውነት፥ እስከ ሺህ ትውልድም ቸርነትን የሚጠብቅ፥ አበሳንና መተላለፍን ኃጢአትንም ይቅር የሚል፥ . . . ሲል አወጀ። ዘጸአት 34፡6-7

ነገር ግን አንተ ቸርና መሐሪ አምላክ ነህና በምሕረትህ ብዛት ፈጽመህ አላጠፋሃቸውም፥ አልተውሃቸውምም። ነህምያ 9፡31

አቤቱ፥ አንተ መሓሪና ይቅር ባይ ነህና፥ ምሕረትህም ለሚጠሩህ ሁሉ ብዙ ነውና። መዝሙር 86፡5

አቤቱ፥ አንተ ግን መሓሪና ርኅሩኅ አምላክ ነህ፤ መዓትህ የራቀ ምሕረትህም እውነትህም የበዛ፤መዝሙር 86፡15

ልባችሁን እንጂ ልብሳችሁን አትቅደዱ፤ አምላካችሁም እግዚአብሔር ቸርና መሐሪ፥ ቍጣው የዘገየ፥ ምሕረቱም የበዛ፥ ለክፋትም የተጸጸተ ነውና ወደ እርሱ ተመለሱ። ኢዮኤል 2፡13

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #መሓሪና #ርኅሩኅ #ምሕረት #ይቅርባይ #ቸር #ታጋሽ #ቍጣውየዘገየ #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ #ፅድቅ #ልብ

ማለዳ ማለዳ አዲስ ነው

5047550-morning-flowers-beautiful-sunrise-wallpapersየቆምነው ከእግዚአብሄር ምህረት የተነሳ ነው፡፡

ያልጠፋነው ከእግዚአብሔር ምሕረት የተነሣ ነው፤ ርኅራኄው አያልቅምና። ማለዳ ማለዳ አዲስ ነው፤ ታማኝነትህ ብዙ ነው። ሰቆቃው ኤርምያስ 3፡22-23

እግዚአብሄር ይቅር ባይ ነው ለዘላለም አይቆጣም

እግዚአብሔር መሓሪና ይቅር ባይ ነው፥ ከቍጣ የራቀ ምሕረቱም የበዛ። ሁልጊዜም አይቀሥፍም፥ ለዘላለምም አይቈጣም። መዝሙር 103፡8-9

የእግዚአብሄር ምህረት ለልጅ ልጅ ነው፡፡

እግዚአብሔር ቸር፥ ምሕረቱም ለዘላለም፥ እውነቱም ለልጅ ልጅ ነውና። መዝሙር 100፡5

የእግዚአብሄር ምህረት ለዘላለም ነው፡፡

እግዚአብሔርን አመስግኑ፤ ቸር ነውና፥ ምሕረቱ ለዘላለም ነውና። መዝሙር 136፡1

እግዚአብሄር ስለምህረቱ ሊመሰገን ይገባዋል፡፡

ሃሌ ሉያ። ቸር ነውና፥ ምሕረቱ ለዘላለም ነውና እግዚአብሔርን አመስግኑ፤ መዝሙር 107፡1

ይህን ፅሁፍ ለሌሎች ሼር share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሃሪ #ፀሎት #ይቅርባይ #ርኅራኄ #ቤተክርስትያን #አማርኛ #የእግዚአብሄርቃል #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ምህረት #ይቅርታ #ምስጋና

%d bloggers like this: