Category Archives: Love

የፍቅር ችግር የእግዚአብሄር ችግር ነው

conscious1.jpg

እግዚአብሄር ፍቅር ነው፡፡ እግዚአብሄር ሰውን የፈጠረው በመልኩና በአምሳሉ ነው፡፡ ሰው የተፈጠረው በእግዚአብሄር ፍቅር እንዲኖር ነው፡፡ ሰው የተፈጠረው እግዚአብሄርን በመውደድ ከእርሱ ጋር ህብረት እንዲያደርግና እንዲታዘዘውና ነው፡፡ እግዚአብሄር ሰውን የፈጠረው ፍቅር እንዲሰጥና ፍቅር እንዲቀበል ነው፡፡ ሰው የተፈጠረው በፍቅር ለፍቅር ነው፡፡

ሰው በሃጢያት ምክንያት ከእግዚአብሄር ክብር ሲወድቅ ፍቅሩን አጣ፡፡ ሰው ለእግዚአብሄር ያለውን ፍቅር በአመፃ ምክንያት አጣው፡፡ ሰው ከእግዚአብሄር ጋር ጠላት ሆነ፡፡

ጠላቶች ሳለን ከእግዚአብሔር ጋር በልጁ ሞት ከታረቅን፥ ይልቁንም ከታረቅን በኋላ በሕይወቱ እንድናለን፤ ወደ ሮሜ ሰዎች 5፡10

ሰው እግዚአብሄርን መውደድ አቃተው፡፡ ሰው ከእግዚአብሄር ጋር ያለው የፍቅር ግንኙነት ሲበላሽ ከራሱ ጋር ያለው የፍቅር ግንኙነት ተበላሸ፡፡ ሰው ራሱን እንደሚገባ መውደድና ማክበር አቃተው፡፡

ሰው ከእግዚአብሄር ጋር ያለው የፍቅር ግንኙነት ሲበላሽና የእግዚአብሄርን ፍቅር መቀበል ሲያቅተው ሰው ራሱን ብቻ ሳይሆን ሰውን መውደድ አቃተው፡፡

ሰው ለፍቅር ስለተፈጠረ የእግዚአብሄን ፍቅር ስላጣው ለእግዚአብሄር የነበረውን ፍቅር ለሌላ ነገር ለወጠው፡፡ እግዚአብሄርን እና ሰውን ከመውደድ ይልቅ ሰው መወደድ የማይገባቸውን ገንዘንብንና ቁሳቁስን መውደድ ጀመረ፡፡ ሰው እግዚአብሄርንና ገንዘብን መውደድ አይችልም፡፡ እግዚአብሄር ከገንዘብ እኵልለ እንዲወደድ አይፈልግም፡፡ ሰው ሰውንም ገንዘብንም መውደድ አይችልም፡፡ ሰው ገንዘብን ከወደድ እግዚአብሄርን ይጠላል ሰው ገንዘብን ከወደደ ሰውን ይንቃል፡፡

ለሁለት ጌቶች መገዛት የሚቻለው ማንም የለም፤ ወይም አንዱን ይጠላል ሁለተኛውንም ይወዳል፤ ወይም ወደ አንዱ ይጠጋል ሁለተኛውንም ይንቃል፤ ለእግዚአብሔርና ለገንዘብ መገዛት አትችሉም። የማቴዎስ ወንጌል 6፡24

የሰው የፍቅር ችግር የጀመረው ከሰው አይደለም፡፡ የሰው የፍቅር ችግር የጀመረው ከእግዚአብሄር ነው፡፡ የሰው የፍቅር ግንኙነት ችግር የጀመረው ከእግዚአብሄር ጋር የነረው የፍቅር ግንኙነት በሃጢያት ምክንያት ሲበላሽ ነው፡፡

ሰው ከማይገባው ከእንግዳ ፍቅሮች እንዲድን ወደጥንቱ ወደ እግዚአብሄር ፍቅር መመለስ አለበት፡፡ የሰው የፍቅር ህይወቱ መታደስ ካለበት ከእግዚአብሄር ጋር ያለው የፍቅር ህይወቱ መታደስ አለበት፡፡

በተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። ወደ ሮሜ ሰዎች 5፡5

ሰው ፍቅር የሆነውን የእግዚአብሄርን ፍቅር እንዴት እንደሚቀበልና ለእግዚአብሄር ፍቅሩን እንዴት እንደሚሰጥ ካላወቀ ፍቅርን አያውቅም ማለት ነው፡፡ ሰው የእግዚአብሄርን ፍቅር መቀበልና እግዚአብሄርን መውደድ ሲጀምር ራሱንና ሰዎችን መውወድ ይጀምራል፡፡ ሰው የፍቅር ምንጭ የሆነውን እግዚአብሄርን ሲወድና የእግዚአብሄርን ፍቅር ሲቀበል ሰዎችን መውደድና ለሰዎች ፍቅርን መስጠት ያውቃል፡፡ ሰው ራሱንና ሌሎችችን ለመውደድ ጉልበት የሚሆነው በእግዚአብሄር መወደዱ ነው፡፡

እርሱ ስለ እኛ ነፍሱን አሳልፎ ሰጥቶአልና በዚህ ፍቅርን አውቀናል፤ እኛም ስለ ወንድሞቻችን ነፍሳችንን አሳልፈን እንድንሰጥ ይገባናል። 1ኛ የዮሐንስ መልእክት 3፡16

የእግዚአብሄርን ፍቅር ክብር የተረዳ ሰው ሌሎችን ለመውደድ ሃይልና ምሳሌ ያገኛል፡፡ የእግዚአብሄርን ፍቅር ካልተቀበለ ሰው ፍቅርን መጠበቅ ከንቱ ነው፡፡ የእግዚአብሄርን ፍቅር በተረዳንና በተቀበልን መጠን ብቻ ሌሎችን መውደድ እንችላለን፡፡

የእግዚአብሔር ልጆች ተብለን ልንጠራ አብ እንዴት ያለውን ፍቅር እንደ ሰጠን እዩ፥ እንዲሁም ነን። 1ኛ የዮሐንስ መልእክት 3፡1

የሰው የፍቅር ህይወት ችግር ወደኋላ ተመልሶ ቢፈተሽ የሚደረሰው ወደ እግዚአብሄር ጋር ወደአለ የፍቅር ችግር ነው፡፡ የምንም የፍቅር ችግር መንስኤው ከእግዚአብሄር ጋር ያለ የፍቅር ችግር ነው፡፡

ዓለም ቢጠላችሁ ከእናንተ በፊት እኔን እንደ ጠላኝ እወቁ። የዮሐንስ ወንጌል 15፡18

ማንኛውም ፍቅርን የመስጠትና ፍቅርን የመቀበል ችግር የሚመነጨው የእግዚአብሄርን ፍቅር ከመቀበልና እግዚአብሄርን ከመውደድ ችግር ነው፡፡

እርስ በርሳችሁ ትዋደዱ ዘንድ፥ እንደ ወደድኋችሁ እናንተ ደግሞ እርስ በርሳችሁ ትዋደዱ ዘንድ አዲስ ትእዛዝ እሰጣችኋለሁ። የዮሐንስ ወንጌል 13፡34

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍቅር #መውደድ #መወደድ #ማስተዋል #እግዚአብሔርንመፍራት #ጥበብ #ክፉ #መልካም #ፍርድ #እውቅና #ፍፁም #ችግር #መፍትሄ #አላማ #አማርኛ #ስብከት #መዳን #መፅሃፍቅዱስ  #እምነት #ቃል  #ማደስ #አቢይ #አቢይዋቁማ #አቢይዋቁማዲንሳ

Advertisements

“Love Everyone Trust No One”

your will.jpgWe hear this kind of saying from time to time. And we sometimes say it or are tempted to say it, especially after we are betrayed by a very good friend, we fear to trust any other person again. We lose the confidence of trusting anyone for fear of hurt that comes from the past history of the unfaithfulness of others.

Nobody pretends that a trust issue is an easy subject of black and white. Trust isn’t an easy subject at all.

Human beings are created to be social beings. Humans are created to work together. Humans need a relationship with each other.

To relate to other trust is a must. Without trust, no one operates in life leave alone to be successful.

Actually, the success rate is determined in the art of trusting others. Successful people know who to trust and the amount of trust they have on different people. The more we trust others the more we relate to others. The more we relate to others, we extend our influence. The more we relate with others, we work together for a better achievement.

IT is obvious that we sometimes miss estimating others to trust heavily on them. But it is ok. We learn from that. If we fear to trust others we are stopped to live.

With all the risks attached to trusting others, trusting others is a must. We need an amount of trust to live and achieve in life. It is better to trust others and betrayed by them than not to trust anyone.

We have to have a room for betrayal. We have to be vulnerable.

The sayings love everyone and trust no one is opposed to each other as love always trusts.

It always protects, always trusts, always hopes, always perseveres. 1 Corinthians 13:7

We trust others in trusting God. The more we trust God, the more we trust people.

Jesus lived and ministered with Judas knowing that he was the one who betrays him.

For he knew who was going to betray him, and that was why he said not every one was clean. John 13:11

Trust must always be held with caution. But we have to train ourselves to trust others.

Abiy Wakuma Dinsa

For More Articles https://www.facebook.com/abiy.wakuma/notes

#Jesus #God #Trust #praise #livelife #betrayal #blessed #rejoice #faith #enjoylife #faithfulness #church #achievement #celebration #preaching #salvation #bible #countingthecost #abiy #facebook #abiywakuma #abiywakumadinsa

ፍቅር የማይገባውን አያደርግም

conscious.jpg

ፍቅር የማይገባውን አያደርግም

ፍቅር . . . የማይገባውን አያደርግም፥ የራሱንም አይፈልግም፥ አይበሳጭም፥ በደልን አይቆጥርም፤ 1ኛ ወደ ቆሮንቶስ ሰዎች 13፡5

ፍቅር ስስ ነው፡፡ ፍቅር የሚረዳ ነው፡፡ ፍቅር የመፍትሄ እንጂ የችግር መነሻ ምክንያት መሆን አይፈለግም፡፡

ወንድሞች ሆይ፥ ከእኛ እንደ ተቀበለው ወግ ሳይሆን ያለ ሥርዓት ከሚሄድ ወንድም ሁሉ ትለዩ ዘንድ በጌታችን በኢየሱስ ክርስቶስ ስም እናዛችኋለን። 2ኛ ወደ ተሰሎንቄ ሰዎች 3፡6

ፍቅር ለህግ ንቁ ነው፡፡ ፍቅር ህግን ያከብራል፡፡ ፍቅር ህግን አይጥስም፡፡ ፍቅር በህግ ለመኖር ይጠነቀቃል፡፡ ፍቅር በስሜታዊነት ጥንቃቄ የጎደለውን እርምጃ አይወስድም፡፡

ወንድሞች ሆይ፥ እንመክራችኋለን፤ ያለ ሥርዓት የሚሄዱትን ገሥጹአቸው፤ 1ኛ ወደ ተሰሎንቄ ሰዎች 5፡14

ፍቅር አላግባብ አይሄድም፡፡ ፍቅር የሚያደርገው ትክክለኛውን ነገር ነው፡፡ ፍቅር ጨዋ ነው፡፡ ፍቅር የሚያሳፍር ነገር አያደርግም፡፡ ፍቅር የሚያስነቅፍን ነገር አያደርግም፡፡

እኛን ልትመስሉ እንዴት እንደሚገባችሁ ራሳችሁ ታውቃላችሁና፤ በእናንተ ዘንድ ያለ ሥርዓት አልሄድንምና፤ 2ኛ ወደ ተሰሎንቄ ሰዎች 3፡7

ፍቅር ራሱን ይገዛል፡፡ ፍቅር ጥንቃቄ ያደርጋል፡፡ ፍቅር ስነምግባር አለው፡፡

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፍቅር #ወግ #ስርአት #መውደድ #የማይገባውን #የሚገባውን #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ምስክር #ልብ #መሪ

ፍቅር ከልካይ የለውም

conscious.jpgየመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ገላትያ 5፡22-23

ፍቅር ስለሌላው መልካም ማሰብ ፣ መልካም መናገርና መልካም ማድረግ ነው፡፡

ፍቅር በመረዳት ከሌላው ጋር ራስን ማስተባበር ነው፡፡

ፍቅር የህግ ፍፃሜ ነው፡፡ ፍቅር ህግን ሁሉ ይፈፅማል፡፡ ፍቅር  ህግን ሁሉ የሚፈፅም የህግ ፍፃሜ በመሆኑ በፍቅር ላይ የሚሰራ ምንም ህግ የለም፡፡ ህግ በፍቅር ላይ አቅም ያጣል፡፡ ህግ በፍቅር ላይ አቃቂር ማውጣት አይችልም፡፡ ህግ በፍቅር ላይ ነቀፋ ሊያገኝበት አይችልም፡፡

እርስ በርሳችሁ ከመዋደድ በቀር ለማንም ዕዳ አይኑርባችሁ፥ ሌላውን የሚወድ ሕግን ፈጽሞታልና። አታመንዝር፥ አትግደል፥ አትስረቅ፥ በውሸት አትመስክር፥ አትመኝ የሚለው ከሌላይቱ ትእዛዝ ሁሉ ጋር በዚህ፦ ባልንጀራህን እንደ ነፍስህ ውደድ በሚለው ቃል ተጠቅልሎአል። ፍቅር ለባልንጀራው ክፉ አያደርግም፤ ስለዚህ ፍቅር የሕግ ፍጻሜ ነው። ወደ ሮሜ ሰዎች 13፡8-10

ፍቅር ንፁህ ነው

ፍቅር ንፁህ ነው፡፡ ፍቅር ባእድ ነገር ያልተቀላቀለበት ነው፡፡ ፍቅር ሁለት አላማ የለውም፡፡ ፍቅር ድብቅ አላማ የለውም፡፡ ፍቅር ሌላውን የመጥቀም የማነሳትና የመባረክ ብቸኛ አላማ ነው ያለው፡፡ ፍቅር ውስጡ ራስ ወዳድነት የለበትም፡፡ ፍቅር ከስግብግብነት የፀዳ ነው፡፡

ፍቅር በማንም አይታማም

ፍቅር ማንም ነቀፋ አያገኝበትም፡፡ ፍቅር በማንም አይታማም፡፡ ፍቅር በማንም እጅ ከፍንጅ አይያዝም፡፡ ፍቅር በብርሃን ይኖራል፡፡ ፍቅር የሚደብቀው የሚያሳፍር ነገር የለውም፡፡ ፍቅር ግልፅ ነው፡፡

ክፉ የሚያደርግ ሁሉ ብርሃንን ይጠላልና፥ ሥራውም እንዳይገለጥ ወደ ብርሃን አይመጣም፤ እውነትን የሚያደርግ ግን ሥራው በእግዚአብሔር ተደርጎ እንደ ሆነ ይገለጥ ዘንድ ወደ ብርሃን ይመጣል። የዮሐንስ ወንጌል 3፡20-21

ፍቅርን ማንም አይዘውም አያስረውም

ፍቅርን ሊይዘው ሊወስነው የሚችል ነገር የለም፡፡ ፍቅር ነፃ ነው፡፡ ፍቅር በማንም አይታሰርም፡፡ ፍቅርን የራሱን ስለማይፈልግ ማንም አያስፈራራውም፡፡

የማይገባውን አያደርግም፥ የራሱንም አይፈልግም፥ አይበሳጭም፥ በደልን አይቆጥርም፤ 1ኛ ወደ ቆሮንቶስ ሰዎች 13፡5

ፍቅርን ማንም አያሰናክለውም

ፍቅር በሰጭው እንጂ በተቀባዩ ላይ ስላልተመሰረተ ፍቅርን ማንም አያሰናክለውም፡፡ ፍቅር የማንንም መልስ ስለማይጠብቅ ማንም አያስደንቀውም፡፡ ፍቅርን ማንም አያሳዝነውም፡፡ ፍቅርን ማንም አያስቆመውም፡፡ ፍቅርን ማንም አያዘገየውም፡፡ ፍቅር ነፃ ነው፡፡

እንግዲህ ከነዚህ ከሦስቱ በወንበዴዎች እጅ ለወደቀው ባልንጀራ የሆነው ማንኛው ይመስልሃል? እርሱም፦ ምሕረት ያደረገለት አለ። ኢየሱስም፦ ሂድ አንተም እንዲሁ አድርግ አለው። የሉቃስ ወንጌል 10፡36-37

ፍቅር አይወድቅም

ፍቅር አላማውን ከማሳካት ወደኋላ አይመለስም፡፡ ፍቅር በፊቱ የሚቆም ማንም የለም፡፡

ፍቅር ይታገሣል፥ ቸርነትንም ያደርጋል፤ ፍቅር አይቀናም፤ ፍቅር አይመካም፥ አይታበይም፤ የማይገባውን አያደርግም፥ የራሱንም አይፈልግም፥ አይበሳጭም፥ በደልን አይቆጥርም፤ ከእውነት ጋር ደስ ይለዋል እንጂ ስለ ዓመፃ ደስ አይለውም፤ ሁሉን ይታገሣል፥ ሁሉን ያምናል፥ ሁሉን ተስፋ ያደርጋል፥ በሁሉ ይጸናል። ፍቅር ለዘወትር አይወድቅም፤ ትንቢት ቢሆን ግን ይሻራል፤ ልሳኖች ቢሆኑ ይቀራሉ፤ እውቀትም ቢሆን ይሻራል። 1ኛ ወደ ቆሮንቶስ ሰዎች 13፡4-8

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ገላትያ 5፡22-23

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #መውደድ #መስጠት #መባረክ #ማንሳት #ድፍረት #መልካም #ማካፈል #ሙላት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #መታበይ #ራስወዳድነት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ራሳችሁን ጠብቁ

conscious1.jpgወደ ዘላለም ሕይወት የሚወስደውን የጌታችንን የኢየሱስ ክርስቶስን ምሕረት ስትጠባበቁ በእግዚአብሔር ፍቅር ራሳችሁን ጠብቁ። የይሁዳ መልእክት 1:21

ባሳለፍኩት በክርስትና ህይወቴና በአገልግሎት ዘመኔ ከምንም ነገር በላይ ራስን መጠበቅ ወሳኝ ነገር እንደሆነ ተረድቻለሁ፡፡ ነገሮች ይመጣል ይሄዳሉ፡፡ ሰው ይነሳል ይወድቃል፡፡ ችግር ይነሳል ያልፋል፡፡ ሃዘን ይመጣል ያልፋል፡፡ የሚቀረው እኔና እኔ ብቻ ነን፡፡

ከምንም ነገር በላይ ራስን መጠበቅን የመሰለ ነገር የለም፡፡

እግዚአብሄር በሃይል የሚጠቀምባቸው ሰዎች ሲወድቁ አይቻለሁ፡፡ ጌታን አገልግለው የማይጠግቡ ሰዎች እሳታቸው ጠፍቶ አይቻለሁ፡፡ ሰውን አገልግለው የማይጠግቡ ሰዎች ሁሉ ነገር ጠፍቶባአቸው አይቻለሁ፡፡ አማኝ የነበሩ ሰዎች የማያምንና ክፉ ልብ ሲኖራቸው አይቻለሁ፡፡

ወንድሞች ሆይ፥ ምናልባት ሕያው እግዚአብሔርን የሚያስክዳችሁ ክፉና የማያምን ልብ ከእናንተ በአንዳችሁ እንዳይኖር ተጠንቀቁ፤ ነገር ግን ከእናንተ ማንም በኃጢአት መታለል እልከኛ እንዳይሆን፥ ዛሬ ተብሎ ሲጠራ ሳለ፥ በእያንዳንዱ ቀን እርስ በርሳችሁ ተመካከሩ፤ ወደ ዕብራውያን 3፡12-13

ሰው ራሱን ካልጠበቀ በአገልግሎት አይፀናም፡፡ ካልተጠነቀቀ የማይወድቅ ሰው የለም፡፡ ካልተጠነቀቀ በስተቀር ከመውደቅ ያለፈ ውድቀት ሊነካው የማይችል ሰው የለም፡፡ ላለመጣል ዋስትና ያለው ሰው ማንም የለም፡፡

ነገር ግን ለሌሎች ከሰበክሁ በኋላ ራሴ የተጣልሁ እንዳልሆን ሥጋዬን እየጎሰምሁ አስገዛዋለሁ። 1ኛ ወደ ቆሮንቶስ ሰዎች 9፡27

ሰዎች በዚህ ሁኔታ ውስጥ የሚወድቁት ራሳቸውን ስላልጠበቁ ነው፡፡ ሰዎች አንድ ጊዜ ታይተው ያባሩት ራሳችውን ለመጠበቅ ስላልተጉ ነው፡፡ ሰዎች ታይተው የከሰሙት ራሳችውን ከመጠበቅ በላይ ለሌላ ነገር ቅድሚያ ስለሰጡ ነው፡፡ ሰዎች እንደዚህ የተጣሉት ራሳችሁን ጠብቁ የሚለውን የእግዚአብሄርን ቃል ምክር ቸል ስላሉ ነው፡፡ ሰዎች እንደዚህ ከአገልግሎት የተጣሉት እኔ ላይ አይደርስብኝም ከሚል አጉል በራስ መተማመን ስሜት ነው፡፡

ጥንቃቄ ይጠብቅሃል፥ ማስተዋልም ይጋርድሃል፥ መጽሐፈ ምሳሌ 2፡11

ቸልተኛን ሰው ሊውጥ በተጠንቀቅ የቆመና የተዘጋጀ ጠላት አለ፡፡

በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤ 1ኛ የጴጥሮስ መልእክት 5፡8

መፅሃድ ቅዱስ ራሳችሁን ጠብቁ ሲል እሺ ጌታዬ ማለትን የመሰለ ነገር የለም፡፡ እግዚአብሄር በቃሉ ራሳችሁ ጠብቁ ሲል የተሻለ እንደምናውቅ ከመሰለን ተሳስተናል፡፡ እግዚአብሄር በቃሉ ራሳችሁን ጠብቁ ሲል ካልመሰለን አይናችን አያየ እንወድቃለን፡፡

እስካሁን በአገልግሎት ያለኸው ራስህን ስለጠበቅክ ነው፡፡ ከአሁን በኋላ በአገልግሎት የምትቀጥለው ራስህን ከጠበቅህ ብቻ ነው፡፡ አገልግሎት የሚመጣው ራስን ከመጠበቅ ነው፡፡ አገልግሎታችን የሚዘልቀው ራሳችንን በመጠበቅ ስንዘልቅ ነው፡፡ ራሳችንን ለመጠበቅ ቸል ስንል ሁሉም ነገር ከእጅ ያመልጣል፡፡

ለማዘንና ለመማረር ሩቅ መሄድ አያስፈልግም፡፡ ሰውን ለመጥላት ብዙ መሄድ አያስፈልግም፡፡ ሰውብን ለመናቅ ብዘዙ መሄድ አያስፈልግም፡፡ ጥላቻ ንቀትና ምሬት በተሞላ አለም ውስጥ እንኖራለን፡፡ ካልተጠነቀቅን ጥላቻ ንቀትና ምሬትን በቀላሉ ከሌሎች ሊጋባብን ይችላል፡፡

ነገር ግን ከእግዚአብሔር የተወለደው ራሱን እንዲጠብቅ ክፉውም እንዳይነካው እናውቃለን። ከእግዚአብሔር እንደ ሆንን ዓለምም በሞላው በክፉው እንደ ተያዘ እናውቃለን። 1ኛ የዮሐንስ መልእክት 5፡18-19

ራሳችን የምንጠንቀው በእግዚአብሄር ፍቅር ነው፡፡ ሊጠብቀን የሚችለው ብቸኛው ነገር የእግዚአብሄር ፍቅር ብቻ ነው፡፡ ጥላቻ ክፋትና ምሬት በስተው ሊገቡ የማይችሉት የእግዚአብሄርን ፍቅር ብቻ ነው፡፡

በእግዚአብሄር ፍቅር ከጥላቻ እንጠበቃለን፡፡ የእግዚአብሄርን ፍቅር ካሰብን ምህረትን እናደርጋለን፡፡ ጠላታችንን የምንወደው በእግዚአብሄር ፍቅር ብቻ ነው፡፡ የማንሰናከለው የሚያሰናክል ነገር ስለሌለ አይደለም፡፡ የማንሰናከለው በእግዚአብሄር ፍቅር ራሳችንን ስለምንጠብቅ ነው፡፡ የማንሰናከለው የህይወት መንገሰዳችንን በጥንቃቄ ስለምንፈትሽ ነው፡፡ የማንሰናከለው ረጋ ብለን መንገዳችንን በጥንቃቄ ስለምንመርጥ ነው፡፡

እኔ እንደ ማርሁህ ባልንጀራህ የሆነውን ያን ባሪያ ልትምረው ለአንተስ አይገባህምን? አለው። ጌታውም ተቈጣና ዕዳውን ሁሉ እስኪከፍለው ድረስ ለሚሣቅዩት አሳልፎ ሰጠው። ከእናንተ እያንዳንዱ ወንድሙን ከልቡ ይቅር ካላለ፥ እንዲሁ ደግሞ የሰማዩ አባቴ ያደርግባችኋል። የማቴዎስ ወንጌል 18፡33-35

ሁኔታውን ሁሉ ወደ ውስጡ የሚያስገባ ሰው በህይወትም በአገልግሎትም አይፀናም፡፡ የሚመጣውንና የሚሄደውን ሁሉ ወደውስጡ የሚያስገባ ሰው በአገልግሎት መቀጠል ይከብደዋል፡፡ በእግዚአብሄር ፍቅር ራሱን የማይጠብቅ ሰው ለጠላት ጥቃት የተጋለጠ ነው፡፡

በእግዚአብሄር ፍቅር ራሱን የማይጠብቅ ሰው ከህጉ ውጭ እንሚጫወት ተጫዋች ነው፡፡ በእግዚአብሄ ፍቅር ራሱን የማይጠብቅ ሰው ማሸነፉን እንጂ በህጉ መጫወቱን ጥንቃቄ እንደማያደርግ ሰው ነው፡፡

የሚዘምተው ሁሉ ለጦር ያስከተተውን ደስ ያሰኝ ዘንድ ትዳር በሚገኝበት ንግድ ራሱን አያጠላልፍም። ደግሞም በጨዋታ የሚታገል ማንም ቢሆን፥ እንደሚገባ አድርጎ ባይታገል፥ የድሉን አክሊል አያገኝም። 2ኛ ወደ ጢሞቴዎስ 2፡4-5

በእግዚአብሄር ፍቅር ሁኔታዎች ውስጣችን ገብተው እንዲያስጨንቁን በውጭ እናስቀራቸዋለን፡፡ በእግዚአብሄር ፍቅር ሁኔታዎችን በውጭ እንጠብቃቸዋለን፡፡ ጥላቻ እንዳያሳድፈን በእግዚአብሄር ፍቅር ራሳችንን እናነፃለን፡፡ በእግዚአብሄር ፍቅር እሳታችንን እንጠብቃለን፡፡ በእግዚአብሄር ፍቅር የአገልግሎት ቅናታችንን ጠብቀን እናቆያለን፡፡ በእግዚአብሄር ፍቅር የአገልግሎት ቅባታችንን እናቆያለን፡፡ በእግዚአብሄር ፍቅር ፀጋችንን ለረጅም ጊዜ እናዘልቀዋለን፡፡

የእግዚአብሔር ጸጋ ለማንም እንዳይጎድለው፥ ብዙዎቹም የሚረክሱበት አንድ መራራ ሥር ወደ ላይ በቅሎ እንዳያስጨንቅ፥ ሴሰኛም የሚሆን እንዳይገኝ፥ 1ወይም ስለ አንድ መብል በኵርነቱን እንደ ሸጠ እንደ ዔሳው ለዚህ ዓለም የሚመች ሰው እንዳይሆን ተጠንቀቁ። ወደ ዕብራውያን 12፡15-16

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

አቢይ ዋቁማ ዲንሳ Abiy Wakuma Dinsa

#ኢየሱስ #ጌታ #ራስ #ራስህን #ጠብቅ #ለራስህ #ተጠንቀቅ #ቃል #ህይወት #አገልግሎት #አምልኮ #ፀሎት #ጥሪ #ተመልክተን #መቃጠል #መቀጣጠል #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

የወደድኩትን ሳይሆን ያገባሁት ያገባሁትን ነው የወደድኩት

conscious.jpgአንድ ጊዜ በአንድ የክርስትያን መፅሄት ላይ ስለ አንድ ሴት ታሪክ እያነበብኩ ነበር፡፡ ይህች ሴት ስለትዳርዋ ቃለ መጠይቅ እየተደረገላት ነበር፡፡ በመጠይቁ መካከል ስለትዳርዋ ስትጠየቅ የመለሰችም መልስ ልቤን ነካኝ፡፡

ይህች ሴት ስትናገር በድሮ ጊዜ ነው ባሌን ያገባሁት በዚያን ጊዜ ጋብቻ እንዳሁኑ ጊዜ ወንዱና ሴትዋ የሚፈቃቀዱት ተዋውቀውና ተያይተው አልበነረም፡፡ እኔ ባገባሁ ጊዜ የነበረው ስርአት ትዳር የሚወሰነው በወላጆች ነበር፡፡ ለልጆቻቸው ባልና ሚስት መርጠው የሚወስኑት ወላጆች ናቸው፡፡ ቤተሰብ ስለወሰነና ስላጋባኝ እኔ የማውቀውን ወንድ አልነበረም ያገባሁት፡፡ ያገባሁት ራሴ መርጬ የወደድኩትን ወንድ አይነበረም፡፡ የወደድኩት ያገባሁትን ወንድ ነበር ትላለች፡፡

ይህንን ስሰማ ይህ እውነተኛ ፍቅር ነው ልኩኝ፡፡ ይህ የውሳኔ ፍቅር ነው፡፡ ይህ ፍቅር ያዘኝ ለቀቀኝ የሚባል በአፍቃሪው ላይ ያለተመሰረተ ስሜታዊ ፍቅር አይደለም፡፡ ይህ ከስሜት ያለፈ ፍቅር ነው፡፡

አሁን የወደዱድን ማግባት ይቻላል፡፡ ምንም እንኳን የወደዱትም ማግባት ደስ ቢልም ነገር ግን ያገቡትን መውደድ ግን ይበልጥ ትህትናን ፣ መረዳትንና ማስተዋልን ይጠይቃል፡፡

ያገቡትን መውደድ ከስሜት ያለፈውን በማስተዋልና በውሳኔ ላይ የተመሰረተውን ፍቅር ይበልጥ ይገልጠዋል፡፡

ለካ ፍቅር ካለ ፈቃዳችን እንዲይዘንና እንዲለቀን አያስፈልግም፡፡ ለካ ፍቅር ባይዘንም እኛ ፍቅርን መያዝ እንችላለን፡፡ ለካ በውሳኔ መውደደ እንችላለን፡፡ ለካ መውደድ በፍላጎታችን ላይ የተመሰረተ ነው፡፡ ለካ እውነተኛው ፍቅር በፈለገ ጊዜ የሚይዘንና የሚለቀን ምትሃት አይደለም፡፡ ለካ መውደድ የምንፈልገውን ሰው መውደድ እንችላለን፡፡ ለካ ለመውደድ የወሰነውን ሰው መውደድ እንችላለን፡፡

ለካ አልኩኝ ያገቡትን መውደድ ይቻላል፡፡

ፍቅር የውሳኔ ጉዳይ ነው የሚባለው ለዚህ ነው፡፡

እግዚአብሄር የሰጣችሁን ሴት መውደድ ትችላለችሁ፡፡ እግዚአብሄር የሰጣችሁን ወንድ መውደድ ትችላላችሁ፡፡

በራስ አይቻልም ነገር ግን በልባችሁ የፈሰሰው የእግዚአብሄር ፍቅር ያስችላል፡፡

በተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። ሮሜ 5፡5

ለካ ሚስታችንን ላለመውድድ ምንም ምክኒያት የለንም፡፡

ለካ ቆይተን ይህችን ሴት አይደለም የወደድኩዋት ተለውጣለች ማለት አንችልም፡፡ ከፈቀድክ የተለወጠችንውን ሴት መውደድ ትችላለህ፡፡ ውሳኔው ካለህ ተለውጣለች የምትለውን ይህችል አዲስዋን ሴት መውደድ ትችላለህ፡፡ እግዚአብሄርን ከታዘዝክ መጀመሪያ የወደድኳት ሴት ይህች አይደለችምን የምትለዋን ሴት መውደድ ትችላለህ፡፡

ፍቅር የሚወሰነው በተፈቃሪው ላይ ሳይሆን በአፍቃሪው ውሳኔ ላይ ነው፡፡ የምንወደው ሰው የምንነቅፍበትን ነገር ዋጥ አድርገን እንድንወደው የሚያስችለን እውነተኛው ፍቅር ነው ፡፡

ይህንን የውሳኔ ፍቅር እንዲሁ የወደደን ጌታ አሳይቶናል፡፡ ካለምክኒያት የወደደን ጌታ ምሳሌ ትቶልናል፡፡ ያለምክኒያት የወደደን ጌታ እኛም እንዲሁ እንድንወድ አስታጥቆናል፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #እግዚአብሔር #ፍቅር #ምክንያት #ያለምክንያት #እንዲሁ #ውሳኔ #የዘላለም #ታማኝ #ምንጭ #መውደድ #ስሜት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ማስተዋል #ልብ #መሪ

የሚሰክረው ልጅ እናት ታሪክ

church leader.jpgኬኔት ሃገን የተባሉ የእግዚአብሄር ሰው በአንዱ ስብከታቸው ላይ ስለ አንድ ሴት ታሪክ ያናገራሉ፡፡

በየቤተክትርስትያን እየተጋበዝኩ በማገለግልበት ጊዜ ከስብከት በኋላ አንድ ሴት መጥታ ለልጄ ፀልይለት ብላ ጠየቀችኝ፡፡ ልጅዋ ስላለበት ሁኔታም ስረታስረዳኝ ህይወቱ በጣም የተበላሸ ነው ፣ በጣም ይሰክራል ፣ ከምሽቱ 8 ሰአት ነው ወደቤት የሚመጣው ብላ ነገረችኝ፡፡

እኔም ታሪክዋን ከሰማሁ በኋላ ለልጅዋ እንደማልፀልይለት ነገርኳት፡፡ ያንን ያልኩት ስላላዘንኩ ሳይሆን የእርስዋን ትኩረት ለማግኘት ስለፈለኩ ነበር ይላሉ የእግዚአብሄር ሰው ኬኔት ሃገን፡፡

እንዴት ስትለኝ አልፀልይለትም ነገር ግን አንቺ ሂጂና ለልጅሽ ፍቅርን አሳዪው ብዬ መክርኳት፡፡

ከቆየ በኋላ አንድ ቀን ያቺ ሴት ወደእኔ መጥታ ታሳውሰኛለህ ወይ ብላ ጠየቀቺኝ፡፡ አይ አላስታውስሽም እልኳት፡፡ በጣም ለሚሰክረው ልጄ እንዲለወጥ እንድትፀልይልኝን የጠየቅኩህ ሴት ነኝ ብላ አስታወሰቺኝ፡፡

ፍቅርን አሳዩው ባልከኝ መሰረት አትስከር ብዬ መጨቃጨቄን ትቼ የእናትነት ሃላፊነቴን ብቻ መወጣት ጀመርኩ፡፡ እናት ለልጅ የምታደርግለትን ነገር ሁሉ አደርግለት ጀመር፡፡ እንደ ቤተሰቡ ካህን እንዲህ አድርግ እንዲህ አታድርግ የሚለውን ጭቅጭቅ ትቼ በራሴ ሃላፊነት ላይ ማተኮር ጀምረኩ፡፡

አንድ ሌሊት እንዲሁ ሰክሮ መጥቶ በነጋታው እሁድ ነበርና ቤተክትርስትያን ውሰጂኝ አለ፡፡ እኔም አይ ትላንትና አምሽተህ ነው የገባኸው ደክሞሃል እረፍ ብለው ሊቀበልኝ አልቻለም፡፡ እኔ ጌታን መቀበል እፈልጋለሁ ብሎ ጌታን ተቀበለ በማለት የፍቅር ህይወት የተበላሸ ህይወት የነበረውን ልጅዋን እንዴት እንደለወጠ መሰከረችልኝ በማለት ይመሰክራሉ፡፡

የሰው የፍቅር ህይወት ከምንም ንግግር በላይ ሃይል አለው፡፡ ፍቅርን ስናሳየው ሰው ይማረካል፡፡ ፍቅር የማይገባው ፍቅር የማይማርከው ሰው የለም፡፡

ምንም አያውቅም የምንለው ምንም አይረዳም የምንለው ሰው ፍቅርን ያውቀዋል፡፡ በክፉ የተያዘው አለም ፍቅርን ይለያል፡፡

እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሃንስ 13፡35

ይህ ቃል ከዚህ የእግዚአብሄር ቃል ጋር ይስማማል፡፡

እንዲሁም፥ እናንተ ሚስቶች ሆይ፥ ከባሎቻችሁ አንዳንዱ ለትምህርት የማይታዘዙ ቢኖሩ፥ በፍርሃት ያለውን ንጹሑን ኑሮአችሁን እየተመለከቱ ያለ ትምህርት በሚስቶቻቸው ኑሮ እንዲገኙ ተገዙላቸው። 1ኛ ጴጥሮስ 3፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ህይወት #ምስክርነት #ኑሮ #ወንጌል #መውደድ #ፍቅር #የህይወትምስክርነት #መታዘዝ #ማገልገል #መውደድ #እውነት #ትህትና #ትንሳኤ #ህይወት #ወንጌል #አማርኛ #ስብከት #መዳን #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ

ሰዎች ሊያደርጉላችሁ የምትወዱትን ሁሉ እናንተ ደግሞ እንዲሁ አድርጉላቸው

Clip-art-black-and-white-paint-clipart-kid-2.pngእንግዲህ ሰዎች ሊያደርጉላችሁ የምትወዱትን ሁሉ እናንተ ደግሞ እንዲሁ አድርጉላቸው፤ ሕግም ነቢያትም ይህ ነውና። ማቴዎስ 7፡12

የእግዚአብሄር ትእዛዞች ከባዶች አይደሉም፡፡ የእግዚአብሄርን ትእዛዞች ማድረግ ከፈለግን ማድረግ እንችላለን፡፡ ማድረግ የማንችላቸው የእግዚአብሄር ትእዛዞች የሉም፡፡ እግዚአብሄር ካዘዘ ማድርገ እንችላለን ማለት ነው፡፡

ትእዛዛቱን ልንጠብቅ የእግዚአብሔር ፍቅር ይህ ነውና፤ ትእዛዛቱም ከባዶች አይደሉም። 1ኛ ዮሐንስ 5፡3

የእግዚአብሄር ትእዛዞች ውስብስብና ለመረዳት አስቸጋሪ አይደሉም፡፡ የእግዚአብሄርን ነገር ለመረዳት እና እግዚአብሄርን ለማስደሰት አራት አመት ስነመለኮት መማር የለብንም፡፡

ማንም ሰው የእግዚአብሄርን ትእዛዝ መረዳት ይችላል፡፡

ለምሳሌ ‘ባልንጀራህን እንደ ራስህ ውደድ’ ማቴዎስ 22:39 የሚለውን ትእዛዝ ለመረዳት ሰው ብዙ ቦታ መውጣት መውረድ የለብንም፡፡ ባልንጀራህን እንደራስህ አድርገህ ውደደ የሚለውን ትእዛዝ ለመረዳት ሰው ራሱን እንደ እንደሚወድ መመለከት በቂው ነው፡፡ ሰው ራሱን አይጠላም፡፡ ሰው ለራሱ ክብር አለው፡፡ ሰው ራሱን ይወዳል፡፡

ትእዛዙ ታዲያ ለራስህ ክብር እንዳለህ ለሌላው ክብር ይኑርህ ነው፡፡ ትእዛዙ ለራስህ ፍቅር እንዳለህ ለሌላው ፍቅር ይኑርህ ነው፡፡

ሰው እንዲያከብርህ እንደምትፈልገው ሁሉ ሰውን አክብር፡፡ ሰው እንዳይንቅህ እንድምትፈልገው ሁሉ ሰውን አትናቅ፡፡ ሰው እንዲሰማህ እንደምትፈልገው ሁሉ ሰውን ስማ፡፡ ሰው እንዲያዋርድህ እንደማትፈልገው ሁሉ ሰውን አታዋርድ፡፡ ሰው እንዲያማህ እንደማትፈልገው ሁሉ ሰውን አትማ፡፡ ሰው በችግርህ እንዲረዳህ እንደምትፈልግ ሰውን በችግሩ እርዳ፡፡ ሰው እስከድካምህ እንዲቀበልህ እንደምትፈልግ ሰውን እስከድካሙ ተቀበል፡፡ ሰው ሊያደርግልህ የምትፈልገውን ለሰው አድርግ፡፡

ሰዎችም ሊያደርጉላችሁ እንደምትወዱ እናንተ ደግሞ እንዲሁ አድርጉላቸው። ሉቃስ 6፡31

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍቅር #መውደድ #የህግፍፃሜ #ቤተክርስትያን #አማርኛ #ስብከት #መዳን #መፅሃፍቅዱስ #ዲዛይን #አቢይ #አቢይዋቁማ #አቢይዋቁማዲንሳ #ራስንመውደድ #መንፈስቅዱስ #ራስንማክበር #ልብ #መሪ

ከጥላቻ ተጠበቁ

hate1.jpgእግዚአብሄር ፍቅር ነው፡፡ ሰው የተፈጠረው ፍቅር በሆነው በእግዚአብሄር ነው፡፡ ሰው የተፈጠረው ለፍቅር ነው፡፡ ሰው ዲዛይን የተደረገው ለፍቅር ህይወት ነው፡፡

ፍቅር ስለሰው መልካም ማሰብ መልካም መናገርና መልካም ማድረግ ነው፡፡

ሰው በፍቅር ሲኖር እግዚአብሄር የፈጠረውን አላማ ስለሚፈፅም ደስተኛ ይሆናል፡፡ ሰው በፍቅር ሲኖር እግዚአብሄር ስለሚረዳው በእግዚአብሄር እርዳታ መንገዱ ይቀልለታል፡፡

ሰው በጥላቻ ሲኖር ግን ህይወቱ ያልተነደፈበትንና ያልተሰራበትን ስራ ስለሚሰራ ህይወቱ ይጨልማል፡፡

ጥላቻ ከማንም በላይ የሚጎዳው የሚጠላውን ሰው ነው፡፡ እንዲያውም ጥላቻ ሌላውን ይገድልኛል ብሎ ራስ መርዝ እንደመጣጣት ነው የሚባለው፡፡

በጥላቻ የሚኖር ሰው በጨለማ ይሄዳል፡፡ በብርሃን አለሁ የሚል ወንድሙንም የሚጠላ እስከ አሁን በጨለማ አለ። ወንድሙንም የሚወድ በብርሃን ይኖራል ማሰናከያም የለበትም፤ ወንድሙን የሚጠላ ግን በጨለማ አለ፥ በጨለማም ይመላለሳል፥ የሚሄድበትንም አያውቅም፥ ጨለማው ዓይኖቹን አሳውሮታልና። 1ኛ ዮሐንስ 2፡9-11

ጥላቻ ከእግዚአብሄር አይደለም፡፡ በጥላቻም የሚጠቀመው ሰይጣን ብቻ ነው፡፡ የሰይጣን አላማ ሰውን መስረቅ ማረድና ማጥፋት ነው፡፡ ሰይጣን ከመስረቅ ከማረድና ከማጥፋት ሌላ አላማ የለውም፡፡ ሰይጣን ጥላቻ ውስጥ ካስገባን በቀላሉ አላማውን ይፈፅማል፡፡ ከጥላቻ ራሱን ያልጠበቀ ሰው ለዲያብሎስ ፈንታ ሰጥቶት ለምን ሰይጣን በህይወቴ ሰረቀ ፣ አረደና አጠፋ ማለት አይችልም፡፡

በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ኤፌሶን 4፡27

ሰይጣን የመስረቅ የማረድና የማጥፋቱን አላማ የሚያሳካው በሰዎች ውስጥ ጥላቻን በመጨመር ነው፡፡ በሰው ውስጥ የጥላቻን ሃሳብ ካልጨመረ በስተቀር ሰይጣን ሊሰርቅ ሊያርድና ሊያጠፋ አይችልም፡፡ ሰይጣን ከጥላቻ ራሱን በሚጠብውቅ ሰው ህይወት ውስጥ እንዳች እድል ፈንታ አይኖረውም፡፡

ኢየሱስ የበደሉትን እንኳን ይቅር በማለት ህይወቱን ከጥላቻ ይጠብቅ ስለነበር ይህንን አለ፡፡

ከእንግዲህ ወዲህ ከእናንተ ጋር ብዙ አልናገርም፥ የዚህ ዓለም ገዥ ይመጣልና፤ በእኔ ላይም አንዳች የለውም፤ ዮሃንስ 14፡30

ሰይጣን በሰው ውስጥ ጥላን ከጨመረ ደግሞ የማያሰራው ክፋት የለም፡፡ ጥላቻ ላለበት ሰው መግደል ቀላል ነው፡፡ ስለዚህ ነው መፅጽሃፍ ቅዱስ ወንድሙን የሚጠላ ነፍሰ ገዳይ ነው የሚለው፡፡

እኛ ወንድሞችን የምንወድ ስለ ሆንን ከሞት ወደ ሕይወት እንደ ተሻገርን እናውቃለን፤ ወንድሙን የማይወድ በሞት ይኖራል። ወንድሙን የሚጠላ ሁሉ ነፍሰ ገዳይ ነው፥ ነፍሰ ገዳይም የሆነ ሁሉ የዘላለም ሕይወት በእርሱ እንዳይኖር ታውቃላችሁ። 1ኛ የዮሐንስ መልእክት 3፡14-15

ማንንም ሰው እንድንጠላ አልተፈቀደልንም፡፡ ልንጠላው የሚገባው ሊሰርቅ ሊያርድና ሊያጠፋ የሚመጣውን ሰይጣንነ ብቻ ነው፡፡ እንድንጠላው የሚገባው ሰዎችን ክፋት የሚያሰራውን ሰይጣንን ብቻ ነው፡፡ ልንጠላው የሚገባው ውሸታምና የውሸት አባት የሆነውን በውሸት ሰዎችን የሚያጠላላውን በጥላቻ የሚያገዳድለውን ሰይጣንን ብቻ ነው፡፡

እናንተ ከአባታችሁ ከዲያብሎስ ናችሁ የአባታችሁንም ምኞት ልታደርጉ ትወዳላችሁ። እርሱ ከመጀመሪያ ነፍሰ ገዳይ ነበረ፤ እውነትም በእርሱ ስለ ሌለ በእውነት አልቆመም። ሐሰትን ሲናገር ከራሱ ይናገራል፥ ሐሰተኛ የሐሰትም አባት ነውና። ዮሃንስ 8፡44

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጥላቻ #ውሸት #ግድያ #ሰይጣን #ሊሰርቅ #ሊያርድ #ሊያጠፋ #ፍቅር #ምህረት #ይቅርታ #እምነት #ፀሎት #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ታላቂቱና ፊተኛይቱ ትእዛዝ

LOVE GOD.jpgመምህር ሆይ፥ ከሕግ ማናቸይቱ ትእዛዝ ታላቅ ናት? ብሎ ጠየቀው። ኢየሱስም እንዲህ አለው፦ ጌታ አምላክህን በፍጹም ልብህ በፍጹም ነፍስህም በፍጹም አሳብህም ውደድ። ታላቂቱና ፊተኛይቱ ትእዛዝ ይህች ናት። ማቴዎስ 22፡36-38

እግዚአብሄር ለክብሩ ፈጥሮናል፡፡

እግዚአብሄር ፍቅር ነው፡፡ እግዚአብሄር የፈጠረን ለአላማው ነው፡፡

እግዚአብሄር ከምንም ነገር በፊት እንድናስቀድመው ይፈልጋል፡፡ እግዚአብሄር ከምንም ነገር በላይ እንድንሰማው ይፈልጋል፡፡ እግዚአብሄር ከምንም ነገር በላይ እንድንፈልገው ይፈልጋል፡፡ እግዚአብሄር ከምንም ነገር በላይ እንድንፈራው ይፈልጋል፡፡

ዳሩ ግን ጌታን እርሱም ክርስቶስ በልባችሁ ቀድሱት። በእናንተ ስላለ ተስፋ ምክንያትን ለሚጠይቁአችሁ ሁሉ መልስ ለመስጠት ዘወትር የተዘጋጃችሁ ሁኑ፥ ነገር ግን በየዋህነትና በፍርሃት ይሁን። 1ኛ ጴጥሮስ 3፡15

እግዚአብሄር ከራሳችን በላይ እንድንወደው ይፈልጋል፡፡ እግዚአብሄር ራሳችንን ከእርሱ እንድናስቀድም አያስፈልግም፡፡ እግዚአብሄር ስለእርሱ ነፍሳችንን እንድንክድ ይፈልጋል፡፡ እግዚአብሄር ከደስታችን በላይ እንድንወደው ይፈልጋል፡፡ እግዚአብሄር ከምኞታችን በላይ እንድናስቀድመው ይፈልጋል፡፡ እግዚአብሄር ከፍላጎታችን በላይ እንድንወደው ይፈልጋል፡፡

ማንም ወደ እኔ የሚመጣ ቢኖር አባቱንና እናቱን ሚስቱንም ልጆቹንም ወንድሞቹንም እኅቶቹንም የራሱን ሕይወት ስንኳ ሳይቀር ባይጠላ፥ ደቀ መዝሙሬ ሊሆን አይችልም። ሉቃስ 14፡26

እግዚአብሄር በህይወታችን ሁለተኛ መሆን አይፈልግም፡፡ እግዚአብሄር በህይወታችን ከሌላ ነገር ጋር መዳበል አይፈልግም፡፡

ከእኔ ይልቅ አባቱን ወይም እናቱን የሚወድ ለእኔ ሊሆን አይገባውም፤ ከእኔ ይልቅም ወንድ ልጁን ወይም ሴት ልጁን የሚወድ ለእኔ ሊሆን አይገባውም፤ ማቴዎስ 10፡37

እግዚአብሄር ከምንም ነገር በላይ እንድናስቀድመው ይፈልጋል፡፡ እግዚአብሄር ከምንም ነገር በላይ እንድንወደው ይፈልጋል፡፡

መምህር ሆይ፥ ከሕግ ማናቸይቱ ትእዛዝ ታላቅ ናት? ብሎ ጠየቀው። ኢየሱስም እንዲህ አለው፦ ጌታ አምላክህን በፍጹም ልብህ በፍጹም ነፍስህም በፍጹም አሳብህም ውደድ። ታላቂቱና ፊተኛይቱ ትእዛዝ ይህች ናት። ማቴዎስ 22፡36-38

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #በፍፁምልብ #በፍፁምሃሳብ #በፍፁምነፍስ #በፍፁምሃይል #መውደድ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የፍቅር ባርነት

LOVE ONE.jpgክርስቶስ በፍቅር ለእኛ መዳን እና መለወጥ የባሪያን መልክ ያዘ፡፡ ክርስቶስ በፍቅር ለመስቀል ሞት እንኳን የታዘዘ ሆነ፡፡

ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ በምስሉም እንደ ሰው ተገኝቶ ራሱን አዋረደ፥ ለሞትም ይኸውም የመስቀል ሞት እንኳ የታዘዘ ሆነ። ፊልጵስዩስ ሰዎች 2፡7-8

ክርስቶስ የፍቅርን ምሳሌ ትቶልናል፡፡ ክርስቶስ እንደወደደን በፍቅር ልንመላለስ ይገባል፡፡

ክርስቶስም ደግሞ እንደ ወደዳችሁ ለእግዚአብሔርም የመዓዛ ሽታ የሚሆንን መባንና መሥዋዕትን አድርጎ ስለ እናንተ ራሱን አሳልፎ እንደ ሰጠ በፍቅር ተመላለሱ። ኤፌሶን 5፡2

ክርስቶስ ራሱን አሳልፎ እንደሰጠን እኛም ስለወንድሞቻችን ራሳችንን አሳልፈን ልንሰጥ ይገባል፡፡

እርሱ ስለ እኛ ነፍሱን አሳልፎ ሰጥቶአልና በዚህ ፍቅርን አውቀናል፤ እኛም ስለ ወንድሞቻችን ነፍሳችንን አሳልፈን እንድንሰጥ ይገባናል። 1ኛ ዮሐንስ 3፡16

ክርስቶስ እንደወደደን እርስ በእርሳችን ልንዋደድ ይገባል፡፡

እርስ በርሳችሁ ትዋደዱ ዘንድ፥ እንደ ወደድኋችሁ እናንተ ደግሞ እርስ በርሳችሁ ትዋደዱ ዘንድ አዲስ ትእዛዝ እሰጣችኋለሁ። ዮሃንስ 13፡34

ጳውሎስ ለክርስቶስ ቤተክርስትያን አገልግሎት በፍቅር በሙሉ ፈቃደኝነት ራሱን ባሪያ አድርጎ ሰጠ፡፡

ሐዋርያ ሊሆን የተጠራ የኢየሱስ ክርስቶስ ባሪያ ጳውሎስ በነቢያቱ አፍ በቅዱሳን መጻሕፍት አስቀድሞ ተስፋ ለሰጠው ለእግዚአብሔር ወንጌል ተለየ። ሮሜ 1፡1-2

በታላቅ ፍቅር ተወደናል፡፡ እርሱ እንደወደደን እርስ በእርሳችን ልንዋደድ ይገባናል፡፡

እኔ እንደ ወደድኋችሁ እርስ በርሳችሁ ትዋደዱ ዘንድ ትእዛዜ ይህች ናት። ነፍሱን ስለ ወዳጆቹ ከመስጠት ይልቅ ከዚህ የሚበልጥ ፍቅር ለማንም የለውም። ዮሃንስ 15፡12-13

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ፋሲካ #ትንሳኤ #ስቅለት #በዓል #መስዋእት #ቤዛነት #መቤዠት #የሚበልጥ #ፍቅር #ተስፋ #ደስታ #መስዋእት #ቤተክርስትያን #አማርኛ #ስብከት #ብርሃን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ  #የዋህነት #ንፁህ

ከዚህ የሚበልጥ ፍቅር ለማንም የለውም

the cross.jpgነፍሱን ስለ ወዳጆቹ ከመስጠት ይልቅ ከዚህ የሚበልጥ ፍቅር ለማንም የለውም። ዮሐንስ 15፡13

ገና ደካሞች ሳለን ክርስቶስ ዘመኑ ሲደርስ ስለ ኃጢአተኞች ሞቶአልና። ስለ ጻድቅ የሚሞት በጭንቅ ይገኛልና፤ ስለ ቸር ሰው ግን ሊሞት እንኳ የሚደፍር ምናልባት ይገኝ ይሆናል። ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል። ሮሜ 5፡6-8

ነገር ግን እግዚአብሔር በምሕረቱ ባለ ጠጋ ስለ ሆነ፥ ከወደደን ከትልቅ ፍቅሩ የተነሣ በበደላችን ሙታን እንኳ በሆንን ጊዜ ከክርስቶስ ጋር ሕይወት ሰጠን፥ በጸጋ ድናችኋልና፥ ኤፌሶን 2፡4-5

ስለዚህ ከዚህ በላይ የሚቀርብ መስዋእት የለም፡፡

የእነዚህም ስርየት ባለበት ዘንድ፥ ከዚህ ወዲህ ስለ ኃጢአት ማቅረብ የለም። ዕብራውያን 10፡18

ስለሃጢያታችን አንዴና ለመጨረሻ ጊዜ መስዋትን አድርጎዋል፡፡

እርሱም እንደነዚያ ሊቃነ ካህናት አስቀድሞ ስለ ራሱ ኃጢአት በኋላም ስለ ሕዝቡ ኃጢአት ዕለት ዕለት መሥዋዕትን ሊያቀርብ አያስፈልገውም፤ ራሱን ባቀረበ ጊዜ ይህን አንድ ጊዜ ፈጽሞ አድርጎአልና። ዕብራውያን 7፡27

ይህንን ታላቅ መዳን መዳን ቸል ብንለው፥ አናመልጥም፡፡

በመላእክት የተነገረው ቃል ጽኑ ከሆነ፥ መተላለፍና አለመታዘዝም ሁሉ የጽድቅን ብድራት ከተቀበለ፥ እኛስ እንዲህ ያለውን ታላቅ መዳን ቸል ብንለው፥ እንዴት እናመልጣለን? ዕብራውያን 2፡2

ይህንን እውቀት ካወቅን በኋላ ወደን ሃጢያት ብናደርግ ከዚህ በኋላ የሃጢያተ መስዋእት አይኖርም፡፡

የእውነትን እውቀት ከተቀበልን በኋላ ወደን ኃጢአት ብናደርግ ከእንግዲህ ወዲህ ስለ ኃጢአት መሥዋዕት አይቀርልንምና፥ ዕብራውያን 10፡26

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ፋሲካ #ትንሳኤ #ስቅለት #በዓል #መስዋእት #ቤዛነት #መቤዠት #የሚበልጥ #ፍቅር #ተስፋ #ደስታ #መስዋእት #ቤተክርስትያን #አማርኛ #ስብከት #ብርሃን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ  #የዋህነት #ንፁህ

የጐመን ወጥ በፍቅር

peace1.jpgየጐመን ወጥ በፍቅር መብላት የሰባ ፍሪዳን ጥል ባለበት ዘንድ ከመብላት ይሻላል። ምሳሌ 15፡17

ሰው የተፈጠረው ለእግዚአብሄር ክብር ነው፡፡ ሰው የተፈጠረው ለሰላም ነው፡፡ ሰው የተፈጠረው ለፍቅር ነው፡፡ ሰው የተፈጠረው በሰላም እብሮ እንዲኖር ነው፡፡ ስው የተፈጠረው በፍቅር ተጋግዞ እንዶኖር ነው፡፡ ሰው የተፈጠረው በሰላም ተረዳደቶ እንዶኖር ነው፡፡

ሰው ለጥል አልተፈጠረምን፡፡ ሰው ለረብሻ አልተፈጠረም፡፡ ሰው ለመነካከስ አልተፈጠረም፡፡

ስለዚህ ነው ሰው ሁሌ ሰላምን ከረብሻ የሚመርጠው፡፡ ስለዚህ ነው ሰው ሁሌ ፍቅርን ከጥላቻ የሚመርጠው፡፡ ስለዚህ ነው ሰው ሁሌ

ፍቅር የሌለው ሰው ሃብት ቢኖረው ምንም አይጠቅመውም፡፡ ሰላም የሌለው ሰው ሃያል ቢሆን ምንም አይጠቅመውም፡፡ እረፍት የሌለው ሰው ጥበብ ቢኖረው ምንም አይጠቅመውም፡፡

ስለዚህ ነው ሰው ከረብሻ ከሃብታምነት ይልቅ ሰላምን የሚመርጠው፡፡ ስለዚህ ነው ሰው ውዝግብ ዝና ይልቅ እረፍትን የሚመርጠው፡፡ ስለዚህ ነው ሰው ከእረፍት የለሽ ጥበብ ይልቅ እርካታን የሚመርጠው፡፡

የእግዚአብሄር በረከት ባለጠጋ ታደርጋለች ሃዘንም ከእርስዋ ጋር አይጨምርም፡፡

የእግዚአብሔር በረከት ባለጠጋ ታደርጋለች፥ ኀዘንንም ከእርስዋ ጋር አይጨምርም። ምሳሌ 10፡22

እግዚአብሔርን ከመፍራት ጋር ያለ ጥቂት ነገር ሁከት ካለበት ከብዙ መዝገብ ይሻላል። የጐመን ወጥ በፍቅር መብላት የሰባ ፍሪዳን ጥል ባለበት ዘንድ ከመብላት ይሻላል። ምሳሌ 15፡16-17

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ብልፅግና #የብልፅግናወንጌል #ፍቅር #ጥል #በረከት #ጎመን #ፍሪዳ #ሰላም #መሰረታዊፍላጎት #ሁሉየእናንተነውና #ቤተክርስትያን #አማርኛ #ስብከት #መዳን #የተትረፈረፈህይወት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መርካት #ደስታ #እረፍት

ካለ ምክኒያት ወደህ በምክንያት አትጠላም

6360181766387696171264015521_image5.jpgእግዚአብሔርም ከሩቅ ተገለጠልኝ እንዲህም አለኝ፦ በዘላለም ፍቅር ወድጄሻለሁ ስለዚህ በቸርነት ሳብሁሽ። ኤርምያስ 31፡3

እግዚአብሄር ፍቅር ነው ፡፡ እግዚአብሄር ሰውን ይወዳል፡፡ እግዚአብሄር ሰውን የሚወደው ደግሞ እየመረጠ በምክኒያት አይደለም፡፡ እግዚአብሄር የሚወደን የምንወደድ መልካም ሰዎች ስለሆንን አይደለም፡፡

እግዚአብሄር የሚወደን ካለ ምክንያት ነው፡፡ ምኔን ነው የወደድከው? ምኔ ነው የሳበህ? የቱ ነገሬ ነው ደስ ያለህ እና የወደድከኝ? ተብሎ እግዚአብሄር ቢጠየቅ በዚህ ነው ብሎ የሚመልሰው ምንም ነገር የለም፡፡ ለምን ወደድከኝ ሲባል እንዲሁ ወደድኩህ ነው የሚለው፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

እግዚአብሄር የወደደን በማንወደድበት ጊዜ ነው፡፡ እግዚአብሄር የወደደን በንፅህናችንና በቅድስናችን አይደለም፡፡ እግዚአብሄር የወደደን ጠንካሮች ሆነን አይደለም፡፡ እግዚአብሄር የወደደን ደካሞች ሳለን ነው፡፡ እግዚአብሄር የወደደን ሃጢያተኞች ሆነን ነው፡፡

ገና ደካሞች ሳለን ክርስቶስ ዘመኑ ሲደርስ ስለ ኃጢአተኞች ሞቶአልና። ሮሜ 5፡6

እግዚአብሄር የወደደን ጠላቶች ሆንነ ነው፡፡ እግዚአብሄር የወደደን እግዚአብሄርን የማንፈልግ ተሳዳቢዎች ሆነን ነው፡፡ (ሮሜ 3፡10-19)

ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል። ሮሜ 5፡8

እግዚአብሄር ምንም የሚወደድ ነገር ሳይኖረን ካልጠላን እና ከወደደን አሁንም እኛን የሚጠላበት ምንም ምክኒያት አይኖረውም፡፡

የእግዚአብሄር ፍቅር በእኛ ሁኔታ ላይ የተደገፈ አይደለም፡፡ የእግዚአብሄር ፍቅር እንደፍቅር ተቀባዩ እና እንደ ተወደደው ሰው አይለዋወጥም፡፡

እግዚአብሄር ታማኝ አፍቃሪ ነው፡፡ ሰው ፍቅሩን ቢቀበለውም ባይቀበለውም እግዚአብሄር የዘላለም አፍቃሪ ነው፡፡ እግዚአብሄር በፍቅር ያዘጋጀውን የመዳኛ መንገድ ሰው ቢቀበልም ባይቀበለም ፍቅሩን ተቀብሎ ቢድንም ባይድንም የሰው ሃላፊነት እንጂ የእግዚአብሄር ሃላፊነት አይደለም፡፡ ሰው የእግዚአብሄርን ፍቅር ተጠቅሞ ከዘላለም ጥፋት ቢያመልጥም ባያመልጥም የስው ጥፋት እንጂ የእግዚአበሄር አለመውደድ አይደለም፡፡ እግዚአብሄር የዘላለም አፍቃሪ ነው፡፡

ባናምነው፥ እርሱ የታመነ ሆኖ ይኖራል፤ ራሱን ሊክድ አይችልምና። 2ኛ ጢሞቴዎስ 2፡13

ካለምክኒያት ከወደደ አሁን ደግሞ ሃሳቡን ለውጦ በምክኒያት አይጠላም፡፡ ስለዚህ ነው ዘማሪ ሃና_ተክሌ ካለ ምክኒያት ወደህ በምክኒያት አትጠላም በማለት በአራት ቃላት የእግዚአብሄርን የማይለወጥ ፍቅር በዝማሬ የገለጠችው፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #እግዚአብሔር #ፍቅር #ምክንያት #ያለምክንያት #እንዲሁ #የዘላለም #ታማኝ #ምንጭ #መውደድ #ስሜት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ማስተዋል #ልብ #መሪ

የፍቅር ምንጭ

isnt love.jpgበተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። ሮሜ 5፡8

ስለ ፍቅር ክብር ስናጠና ፍቅር እጅግ የከበረ እንደሆነ እንረዳለን፡፡ እግዚአብሄር እንኳን ፍቅር ነው በሚል ነው የተገለፀው፡፡ ስለፍቅር ክብር ስናስብ ይህ ፍቅር የሚባለው ነገር ይቻል ይሆንን ብለን ልናስብ እንችላለን፡፡

ፍቅር ይቻላል፡፡ ፍቅር የሚቻለው በእኛ አይደለም፡፡ በራሳችን ፍቅርን ማድረግ አንችልም፡፡ በበራሳችን ጉልበት በፍቅር መኖር አይታሰብም፡፡

ፍቅር እግዚአብሄር ነው፡፡ የፍቅር ምንጩ እግዚአብሄር ነው፡፡ በእግዚአብሄር የተወደደ ሰው ብቻ ነው በፍቅር የሚኖረው፡፡ የእግዚአብሄርን ፍቅር ያልተረዳ ሰው ፍቅር ሊኖረው አይችልም፡፡ በእግዚአብሄር እንደተወደደ የማያውቅ ሰው ፍቅር ለእርሱ እንግዳ ነገር ነው፡፡ በእግዚአብሄር የተወደደ ሰው ሰውን ሊወድ ይችላል፡፡ ከእግዚአብሄር ፍቅርን የተቀበለ ሰው ለሌላው ፍቅርን ሊሰጥ ይችላል፡፡ የተወደደ ሰው ለመውደድ ጉልበትን ያገኛል፡፡

በእግዚአብሄር የሚኖር በፍቅር ይኖራል ፡፡ በፍቅር የማይኖር እግዚአብሄርን አላየውም አላወቀውም፡፡

በእኛ ዘንድ ፍቅር ከተገኘ ምንጩ እግዚአብሄር ነው፡፡

ከእግዚአብሄር የሆነ ሰውና ከእግዚአብሄር ያልሆነ ሰው የሚለየው በፍቅር ነው፡፡ በእግዚአብሄር የተነካ ሰውና ያልተነካ ሰው የሚያስታውቀው በፍቅር ነው፡፡ በእግዚአብሄር የተለወጠ ሰውና ያልተለወጠ ሰው የሚታወቀው በፍቅር ነው፡፡

ማንኛውም አካሄዳችን ከእግዚአብሄር ይሁን አይሁን መመዘኛው በፍቅር መደረጉና አለመደረጉ ነው፡፡ በፍቅር የተደረገ ነገር ሁሉ ከእገዚአብሄር ነው በፍቅር ያልተደረገ ነገር ሁሉ ከእግዚአብሄር አይደለም፡፡

በተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። ሮሜ 5፡8

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #እግዚአብሔር #ፍቅር #ምንጭ #መውደድ #ስሜት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ማስተዋል #ልብ #መሪ

ፍቅር የሚፈተነው

love love.jpgሰው ሁሉ ፍቅር ያለው ይመስላዋል፡፡ በሰላም ጊዜ ፍቅር ይቀላል፡፡ ነገር ሲጠነክር ጥሎ የሚጠፋ ፍቅር ፍቅር አይደለም፡፡ ነገር ሳይመች የሚተው ፍቅር አይደለም፡፡ መንገድ ሲያስቸግር የሚለይ ፍቅር ሳይሆን ራስ ወዳድነትና ተራ ስሜት ነው፡፡

በመከራ ቀን ብትላላ ጉልበትህ ጥቂት ነው። ምሳሌ 24፡10

ፍቅር ግን በሁኔታዎች ውስጥ ይፈተናል፡፡ ፍቅር የሚፈተንባቸው ሶስት መንገዶች፡-

  1. ፍቅር የሚፈተነው ለመውደድ ምክኒያት ስናጣ ነው፡፡

ፍቅር የሚፈተነው የምንወደው ሰው ሲለወጥ ነው፡፡ ፍቅር የሚፈተነው የምንወደው ሰው ሲጠላን ነው፡፡ ፍቅር የሚፈተነው ምንም ያህል ብንወደው የምንወደው ሰው ሳይረዳ ሲቀር ነው፡፡ ፍቅር የሚፈተነው እየወደድነው ምንም እንዳልተፈጠረ ሲሆን ነው፡፡ ፍቅር የሚፈተነው ለፍቅራችን ምላሽ ስናጣ ነው፡፡ ፍቅር የሚፈተነው ለፍቅራችን ምላሽ ጥላቻ እና መገፋት ሲሆን ነው፡፡ የዚያን ጊዜ የሚጠፋ ፍቅር ፍቅር ሳይሆን ተራ ስሜት ነው፡፡ የዛን ጊዜ የሚቀጥል ፍቅር ተፈትኖ የወጣ እውነተኛ ፍቅር ነው፡፡ ሁኔታዎችን ሳያይ መልካምን በማድረግ የሚቀጥል ፍቅር እውነተኛ ፍቅር ነው፡፡ ሰው ክፉ አለመለካከቱን ሲያሳየን መልካም አመለካከትን የምናሳይ ከሆነ እውነተኛ ፍቅር አለን፡፡ በመልካም የምናሸንፍ እንጂ በክፉ የምንሸነፍ ካልሆነ ያ እውነተኛ ፍቅር ነው፡፡

ጠላትህ ግን ቢራብ አብላው፤ ቢጠማ አጠጣው፤ ይህን በማድረግህ በራሱ ላይ የእሳት ፍም ትከምራለህና። ክፉውን በመልካም አሸንፍ እንጂ በክፉ አትሸነፍ። ሮሜ 12፡20-21

  1. ፍቅር የሚፈተነው ጊዜው እየሄደ ሲሄድ ነው

ስሜት ተለዋዋጭ ነው፡፡ ስሜት አይቆይም፡፡ ስሜት አይዘልቅም፡፡ ስሜት አይፀናም፡፡ ፍቅርንና ስሜትን ለመለየት ጊዜ መስጠት ወሳኝ ነው፡፡ ፍቅር የምንለው ነገር በራሱ እየቀነሰ ከሄደ ፍቅር ሳይሆን ስሜት ነው፡፡ እውነተኛ ፍቅር እየጨመረ እየጨመረ ነው የሚሄደው፡፡ እውነት ነው ፍቅር ትጋትን ይጠይቃል፡፡ ፍቅር ስራን ይጠይቃል፡፡ ፍቅር ማስተዋልና ጥበብን ይጠይቃል፡፡ ፍቅር በየጊዜው መነቃቃትን ይጠይቃል፡፡ ይህ ሁኔታ ከተሟላ ፍቅር እየጨመረ እየጨመረ ነው የሚሄደው እንጂ እውነተኛ ፍቅር እየቀነሰ አይሄድም፡፡

ብዙ ውኃ ፍቅርን ያጠፋት ዘንድ አይችልም፥ ፈሳሾችም አያሰጥሙአትም፤ ሰው የቤቱን ሀብት ሁሉ ስለ ፍቅር ቢሰጥ ፈጽሞ ይንቁታል። መኃልየ መኃልይ 8፡7

  1. ፍቅር የሚፈተነው በችግር ጊዜ ነው፡፡

ፍቅር የሚፈተነው በዝቅታ ነው፡፡ ፍቅር የሚፈተነው የምንወደው ሰው የምንወደው በአንድና በአንድ ምክኒያት ብቻ ሲሆን ነው፡፡ ፍቅር የሚፈተነው የምንወደውን ሰው የምንወደው መውደድ ሃፊነታችን እንደሆነ ስንረዳ ብቻ ነው፡፡ ፍቅር የሚፈተነው ከሌላው ወገን የምንጠቀመው ምንም ነገር ሳይኖር ሲቀር ነው፡፡ ፍቅር የሚፈተነው የምንወደው ሰው ሲደክም ነው፡፡ ፍቅር የሚፈተነው በህይወቱ የምንወድለት ምክኒያት ሲጠፋ ነው፡፡ ፍቅር የሚፈተነው መግባባት ሲጠፋ ነው፡፡

በፍቅረኞች ቀን አካባቢ ሰውን መውደድ ሊቀል ይችላል ነገር ግን ሰውን በዝቅተኛ የህይወቱ ደረጃ ላይ መውደድ ግን እውነተኛ ፍቅርን ይጠይቃል፡፡ እውነተኛ ፍቅር ሌላውን በመረዳት መሸከም ይጠይቃል፡፡

ፍቅርም እንደዚህ ነው፤ እግዚአብሔር እርሱ ራሱ እንደ ወደደን ስለ ኃጢአታችንም ማስተስሪያ ይሆን ዘንድ ልጁን እንደ ላከ እንጂ እኛ እግዚአብሔርን እንደ ወደድነው አይደለም። 1ኛ ዮሐንስ 4፡10

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፍቅር #መውደድ #ስሜት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ማስተዋል #ልብ #መሪ

ፍቅር አይደለም

isnt love.jpgእግዚአብሄር ፍቅር ነው፡፡ እግዚአብሄር ሰውን የፈጠረው በፍቅር ነው፡፡ የተፈጠርነው ለመውደድና ለመውደድ ነው፡፡ የተፈጠርነው በእግዚአብሄርና በሰው ለመወደድና እግዚአብሄርንና ሰውን ለመውደድ ነው፡፡ ፍቅር በህይወታችን በጣም አስፈላጊ ነገር ነው፡፡

ፍቅር የሚለው ቃል ለብዙ ነገሮች ስለሚጠቅም በጣም ግራ የተጋባ ቃል ነው፡፡

አንድን ነገር ምን እንደሆነ ለመግለፅ ምን እንዳልሆነ መግለፅ ይበልጥ ትርጉም ይሰጠዋል፡፡ ፍቅር ምን እንደሆነ ለመግለፅ ፍቅር ምን እንዳይደለ መግለፅ ለፍቅር ትርጉም ይበልጥ ተጨማሪ መረዳት ይሰጠዋል፡፡

ብዙ ሰዎች ፍቅር የሚመስላቸው መልካም ነገር ማግኘት ሳይሆን መልካም ነገር ማድረግ ነው፡፡ ፍቅር መልካም ለመጠቀም መልካም አጋጣሚ ሳይሆን ለመጥቀም መልካም አጋጣሚ ነው፡፡

ፍቅር በሰው መጠቀም አይደለም፡፡

ፍቅር በሰው መጠቀም አይደለም፡፡ ፍቅር የሰውን ጥንካሬና እድል ተጠቅሞ መለወጥ አይደለም፡፡ ፍቅር ሰውን መጥቀም ነው፡፡ ፍቅር ሰውን ማነሳት ነው፡፡ ፍቅር ሰውን መርዳት ነው፡፡ ፍቅር ሰውን እድለኛ ማድረግ ነው፡፡ ፍቅር ሰውን የተመረቀ ማድረግ ነው፡፡

ፍቅር ከሰው መውሰድ አይደለም፡፡

ፍቅር መውሰድ አይደለም፡፡ ከሰው የሆነ የሚጠቅም ነገር አይቶ ለመውሰድ መጠጋት ፍቅር አይደለም፡፡ ከሰው ለመውሰድ አላማ ሰውን መጠጋት ብልጠት እንጂ ፍቅር አይደልም፡፡

ፍቅር የራስ ፍላጎትን ማሟላት አይደለም፡፡

ፍቅር የራስን ፍላጎት ማሟያ አይደለም፡፡ ፍቅር የሌላውን ፍላጎት ያማከለ ነው፡፡ ፍቅር ሌላውን መጥቀም ላይ ያተኩራል፡፡

ፍቅር የሰውን ድካም ተጠቅሞ መጠቀም አይደለም፡፡

ፍቅር የሰውን ድካም ይሸከማል፡፡ ፍቅር የሰውን ድካም ይሸፍናል፡፡ ፍቅር የስውን ድካም አያይም ያልፋል፡፡

ፍቅር ያጠፋን አውጥቶ መጣል አይደለም፡፡

ፍቅር የተሻለን ሰው መፈለግ አይደለም፡፡ ፍቅር ሲመች ሲመች አብሮ መሆን አይደለም፡፡ ፍቅር የደከመን አውጥቶ መጣል አይደለም፡፡ ፍቅር ከደካማ ጋር አብሮ መኖር ነው፡፡ ፍቅር ከማይመች ጋር አብሮ መሄድ ነው፡፡ ፍቅር የማይመስለንን ሰው መታገስ ነው፡፡

ፍቅር መታደል አይደለም፡፡

ፍቅር ሌላውን እድለኛ ማድረግ ነው፡፡ ፍቅር ሌላውን ማንሳት ነው፡፡ ፍቅር ሌላውን ማንሳት ነው፡፡ ፍቅር ሌላውን ማሻገር ነው፡፡

ፍቅር ከሌላው ጋር ራስን በመረዳት ማስተባበር ነው፡፡

እግዚአብሄር በድካማችን ከእኛ ጋር ራሱን አስተባበረ፡፡

ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል። ሮሜ 5፡8

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፍቅር #መውደድ #ስሜት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መስጠት #ማካፈል #ልብ #መሪ

ፍቅር አይደለም

isnt love.jpgእግዚአብሄር ፍቅር ነው፡፡ እግዚአብሄር ሰውን የፈጠረው በፍቅር ነው፡፡ የተፈጠርነው ለመውደድና ለመውደድ ነው፡፡ የተፈጠርነው በእግዚአብሄርና በሰው ለመወደድና እግዚአብሄርንና ሰውን ለመውደድ ነው፡፡ ፍቅር በህይወታችን በጣም አስፈላጊ ነገር ነው፡፡

ፍቅር የሚለው ቃል ለብዙ ነገሮች ስለሚጠቅም በጣም ግራ የተጋባ ቃል ነው፡፡

አንድን ነገር ምን እንደሆነ ለመግለፅ ምን እንዳልሆነ መግለፅ ይበልጥ ትርጉም ይሰጠዋል፡፡ ፍቅር ምን እንደሆነ ለመግለፅ ፍቅር ምን እንዳይደለ መግለፅ ለፍቅር ትርጉም ይበልጥ ተጨማሪ መረዳት ይሰጠዋል፡፡

ብዙ ሰዎች ፍቅር የሚመስላቸው መልካም ነገር ማግኘት ሳይሆን መልካም ነገር ማድረግ ነው፡፡ ፍቅር መልካም ለመጠቀም መልካም አጋጣሚ ሳይሆን ለመጥቀም መልካም አጋጣሚ ነው፡፡

ፍቅር በሰው መጠቀም አይደለም፡፡

ፍቅር በሰው መጠቀም አይደለም፡፡ ፍቅር የሰውን ጥንካሬና እድል ተጠቅሞ መለወጥ አይደለም፡፡ ፍቅር ሰውን መጥቀም ነው፡፡ ፍቅር ሰውን ማነሳት ነው፡፡ ፍቅር ሰውን መርዳት ነው፡፡ ፍቅር ሰውን እድለኛ ማድረግ ነው፡፡ ፍቅር ሰውን የተመረቀ ማድረግ ነው፡፡

ፍቅር ከሰው መውሰድ አይደለም፡፡

ፍቅር መውሰድ አይደለም፡፡ ከሰው የሆነ የሚጠቅም ነገር አይቶ ለመውሰድ መጠጋት ፍቅር አይደለም፡፡ ከሰው ለመውሰድ አላማ ሰውን መጠጋት ብልጠት እንጂ ፍቅር አይደልም፡፡

ፍቅር የራስ ፍላጎትን ማሟላት አይደለም፡፡

ፍቅር የራስን ፍላጎት ማሟያ አይደለም፡፡ ፍቅር የሌላውን ፍላጎት ያማከለ ነው፡፡ ፍቅር ሌላውን መጥቀም ላይ ያተኩራል፡፡

ፍቅር የሰውን ድካም ተጠቅሞ መጠቀም አይደለም፡፡

ፍቅር የሰውን ድካም ይሸከማል፡፡ ፍቅር የሰውን ድካም ይሸፍናል፡፡ ፍቅር የስውን ድካም አያይም ያልፋል፡፡

ፍቅር ያጠፋን አውጥቶ መጣል አይደለም፡፡

ፍቅር የተሻለን ሰው መፈለግ አይደለም፡፡ ፍቅር ሲመች ሲመች አብሮ መሆን አይደለም፡፡ ፍቅር የደከመን አውጥቶ መጣል አይደለም፡፡ ፍቅር ከደካማ ጋር አብሮ መኖር ነው፡፡ ፍቅር ከማይመች ጋር አብሮ መሄድ ነው፡፡ ፍቅር የማይመስለንን ሰው መታገስ ነው፡፡

ፍቅር መታደል አይደለም፡፡

ፍቅር ሌላውን እድለኛ ማድረግ ነው፡፡ ፍቅር ሌላውን ማንሳት ነው፡፡ ፍቅር ሌላውን ማንሳት ነው፡፡ ፍቅር ሌላውን ማሻገር ነው፡፡

ፍቅር ከሌላው ጋር ራስን በመረዳት ማስተባበር ነው፡፡

እግዚአብሄር በድካማችን ከእኛ ጋር ራሱን አስተባበረ፡፡

ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል። ሮሜ 5፡8

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፍቅር #መውደድ #ስሜት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መስጠት #ማካፈል #ልብ #መሪ

አይናማው ፍቅር

love eye.jpgብዙ ጊዜ ፍቅር እውር ነው ሲባል ሰምተናል፡፡ ይህ ፍቅር እውር ነው የሚለው ንግግር የሚያደናግር ንግግር ነው፡፡ እውነት ነው እውር የሚያደርግ ፍቅር የሚባል ነገር አለ፡፡ ነገር ግን ያ እውነተኛው ፍቅር አይደለም፡፡ ያ ማስመሰያው ፍቅር እንጂ እውነተኛው ፍቅር አይደለም፡፡ እውነተኛው ፍቅር ጥበበኛና አስተዋይ እንጂ እውር አያደርግምን እውርም አይደለም፡፡

እንደ ፍቅር የተነገረለት ነገር በምድር ላይ የለም፡፡ እንደ ፍቅር ደግሞ ግራ የተጋባ ትርጉንም የተሰጠው ምንም ነገር የለም፡፡

ሰዎች ፍቅር ብለው የሚጠሩት ሁሉ ፍቅር አይደለም፡፡ ብዙ ጊዜ ሰዎች ፍቅር ብለው የሚጠሩር ስሜትን ነው፡፡ ሰዎች ስሜታቸውን ሰምተው ፍቅር ያዘኝ በፍቅር ወድቅኩ ሲሉ ይሰማል፡፡ ይህ አይነቱ ስሜት ድንገት የሚይዛቸው ድንገት ደግሞ በፈለገ ጊዜ የሚለቃቸው ነገር ነው፡፡ በፍቅር ወደቅኩ እንዳሉት ከፍቅር ወደቅኩ ይላሉ፡፡ ወድድኳት እንዳሉ ጠላኋት ይላሉ፡፡ ፍቅር ይዞኛል እንዳሉ ፍቅር ለቆኛል ይላሉ፡፡

በመፅሃፍ ቅዱስ ውስጥ አምኖን የተባለው የንጉስ ዳዊት ልጅ ትዕማር የምትባል ሴት ወድጃለሁ ይላል፡፡ ስለዚህ ታምሜያለሁ ብሎ እንድታስታምመው ይጠይቃል፡፡ ልታስታምመው ስትሄድ ምግብ ስሪልኝና በእጅህሽ አብይኝ ይላታል፡፡ መብሉም በቀረበ ጊዜ ደግሞ ነይ ከእኔ ጋር እንተኛ ይላታል፡፡ እርስዋ ግን ተው ይቅርብህ አታስነውረኝ ብላ ለመነችው፡፡ እርሱ ግን አስገድዷት ከእርሷ ጋር ተኛ፡፡ ከዚያም በኋላ ከቤቱ ተነሺ ውጪ አላት፡፡

ከዚያም በኋላ አምኖን ፈጽሞ ጠላት፤ አስቀድሞም ከወደዳት ውድ ይልቅ በኋላ የጠላት ጥል በለጠ። አምኖንም፦ ተነሥተሽ ሂጂ አላት። 2ኛ ሳሙኤል 13፡15

ይህ የአምኖን ስሜት ፍቅር ሳይሆን ስስት ነው፡፡ ይህ ፍቅር ሳይሆን ራስ ወዳድነት ነው፡፡ ይህ ፍቅር ሳይሆን በስሜት መነዳት ነው፡፡ ይህ ፍቅር ሳይሆን በስጋዊ ምኞት መመራት ነው፡፡ ለሌላው ሰው ምንም ግድ የሌለው የራሱን ጥቅም ብቻ የሚፈልግ ፍቅር ሳይሆን ስግብግብነት ነው፡፡

ይህ አይነቱ ስሜት የሰውን ሃላፊነት የማይጠይቅ ሰውን እንደፈለገ የሚያሽከረክር ክፋትን የሚያሰራ ስሜት ነው፡፡ ይህን ፍቅር ብሎ መጥራት ፍቅርን ማንቋሸሽ ነው፡፡ ፍቅርን የሚያክል ታላቅ ነገር ከዚህ ከተራ ስሜት ጋር በአንድ ስም መጠራቱ ትክክል አይደለም፡፡ ፍቅር የከበረ ነገር ነው፡፡ ስለዚህ ነው ፍቅር የሚለው ቃል እጅግ የሚያደናግር የሆነው፡፡

ፍቅር ሌላውን መረዳት ነው፡፡ ፍቅር ከሌላው ጋር ራስን በመረዳት ማስተባበር ነው፡፡ ፍቅር ያለንን ነገር ለሌላው ማካፈል ነው፡፡ ፍቅር መስጠት ነው፡፡

ፍቅር ግብታዊ ስሜት አይደለም፡፡ ፍቅር በመረዳት ላይ የተመሰረተ ውሳኔ ነው፡፡ ፍቅር ወስኖ ሌላውን መቀበል ነው፡፡ ፍቅር በውሳኔ ራስን ከሌላው ጋር ማስተባበር ነው፡፡ ፍቅር በውሳኔ ከሌላው ጋር ለመተባበርና ከሌላው ጋር ለመጠራት መፍቀድ ነው፡፡

ስለዚህ ነው እውነተኛው ፍቅር አይናማ ነው እንጂ እውር አይደለም የሚባለው፡፡ ስለዚህ ነው እውነተኛው ፍቅር በደንብ አጥርቶ የሚያይ ነው የሚባለው፡፡ ማስመሳያው ግን እውር ነው፡፡ ማስመሰያው ሰዎች በትክክል እንዳያስቡ እውር ያደርጋል፡፡ ማስመሰያው ስሜት እንጂ ፍቅር አይደለም፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ፍቅር #መውደድ #ስሜት #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ምስክር #ልብ #መሪ

በእኔ ላይ ያለው ዓላማውም ፍቅር ነው

god is ;ove.jpgበእኔ ላይ ያለው ዓላማውም ፍቅር ነው። መኃልየ መኃልይ  2፡4

እግዚአብሄር ፍቅር ነው፡፡ እግዚአብሄር መልካም አምላክ ነው፡፡

እግዚአብሔር ፍቅር ነውና። 1ኛ ዮሐንስ 4፡8

እግዚአብሄር ሰውን በመልኩና በአምሳሉ የፈጠረው እርሱን የሚመስል ሊያናግረውና ሊረዳው የሚችል ስለፈለገ ነው፡፡ እግዚአብሄር ሰውን የፈጠረው በፍቅር ነው፡፡

እግዚአብሄር ለሰው ያለው አላማ ፍቅር ነው፡፡ እግዚአብሄር ለሰው ያለው እቅድ የሰላም እቅድ ነው፡፡ እግዚአብሄር ፍቅር ስለሆነ እግዚአብሄር ለሰው ያለው አላማ ፍፃሜና ተስፋ ያለው እቅድ ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርሚያስ 29፡11

እግዚአብሄር የሚያየን በፍቅር አይን ነው፡፡

የሠራዊት ጌታ እግዚአብሔር እንዲህ ይላልና፦ ከክብሩ በኋላ ወደ በዘበዙአችሁ አሕዛብ ልኮኛል፤ የሚነካችሁ የዓይኑን ብሌን የሚነካ ነውና። ዘካርያስ 2፡8

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #አላማ #ተስፋ #ፍፃሜ #አማርኛ #ስብከት #መዳን #መፅሃፍቅዱስ #ተሰፋ #ፍፃሜ #የእግዚአብሄርሃሳብ #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

አዘነላቸው ድውዮቻቸውንም ፈወሰ

moved by compassion.jpgብዙ ሕዝብም ባየ ጊዜ፥ እረኛ እንደ ሌላቸው በጎች ተጨንቀው ተጥለውም ነበርና አዘነላቸው። ማቴዎስ 9፡36

ኢየሱስ በምድር ላይ ያገለገለው ብዙዎችን ነፃ ያወጣው በአዘኔታና በርህራሄ ተመርቶ ነው፡፡ ርህራሄ ወደ ትክክለኛው አገልግሎት ይመራል፡፡ ርህራሄ ወደ እግዚአብሄር ሃሳብ ይመራል፡፡ ርህራሄ ወደፈውስ ወደነኛ ማውጣት ወደአገልግሎት ይመራል፡፡

እግዚአብሄር የሚሰራው በፍቅር ነው፡፡ እግዚአብሔር የሚንቀሳቀሰው በርህራሄ ነው፡፡ እግዚአብሄር ሲራራላችሁ ህይወታችሁን ይለውጣል፡፡ እግዚአብሄር ህይወታችሁን እንዲለወጥ ሲፈልግ ለሚያገለግላችሁ አገልጋይ ርህራሄውን ያካፍለዋል፡፡

እግዚአብሄር አገልጋዩን ለፈውስና ለነፃ ማውጣት ሊጠቀም ሲል ለአገልጋዩ ርህራሄ ይሰጣል፡፡ እግዚአብሄር እንዲጠቀምብህ ካስፈለገ ርህራሄ ያስፈልግሃል፡፡ ለምታገለግለው ህዝብ ርህራሄ ከሌለህ በከንቱ ትለፋለህ፡፡ የምታገለግለውን ህዝብ የምታገለገልው ካለፍቅርና ካለርህራሔ እንደስራ ከሆነ አገልግሎቱ ቢቀርብህ ይሻላል፡፡

በፍቅር የማይደረግ አገልግሎትም እንኳን ቢሆን አይጠቅምም፡፡ ካለ ምህረትና ርህራሄ የሚደረግ አገልግሎት ሁሉ ከንቱ ነው፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ  ቆሮንቶስ 13፡1-3

የምታገለግላቸውንና የምትጠቅማቸውን ሰዎች ለማገልገል ፍቅር ያስፈልግሃል፡፡ ፍቅር ከሌለህ እግዚአብሄር አይጠቀምብህም፡፡ ፍቅርና ርህራሄ ካልመራህ እግዚአብሄር አልመራህም፡፡ ፍቅር ሃይልህ ካልሆነ እግዚአብሄር ሃይል አይሆንም፡፡ በፍቅርና በርህራሄ ካልሆነ እግዚአብሄር ካንተ ጋር አይሆንም፡፡

አለምን የምናሸንፍበት እምነት የሚሰራው በፍቅር ነው፡፡ እምነት እንዲሰራና በእምነት ሰዎችን ለመጥቀምና ለማገለግል ፍቅር ይጠይቃል፡፡ እምነት ከፍቅር ተለይቶ አይሰራም፡፡

በክርስቶስ ኢየሱስ ሆኖ፥ በፍቅር የሚሠራ እምነት እንጂ መገረዝ ቢሆን ወይም አለመገረዝ አይጠቅምምና። ገላትያ 5፡6

ወጥቶም ብዙ ሕዝብ አየና አዘነላቸው ድውዮቻቸውንም ፈወሰ። ማቴዎስ 14፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ምህረት #ርህራሄ #ፍቅር #መውደድ  #አዘነላቸው #ነፃማውጣት #አገልግሎት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

ራሳችንን የምንወድበት ሰባት ዋና ዋና መንገዶች

LOVE SELF.jpgመፅሃፍ ቅዱስ ራስን ስለመውደድ ያስተምራል፡፡ ራስን ስለመውደድ መፅሃፍ የሚናገረው ሌላውን የምንወደው ራሳችንን በምንወድበት መጠን መሆኑን ሲናገር ነው፡፡ ሰው ራሱን ከሚወደውና ለራሱ ካለው አክብሮት በላይ ሌላውን ሰው ሊወድና ሊያከበር አይችልም፡፡

ሰው ሌላውን ግፋ ቢል የሚወደው ራሱን የሚወደውን ያህል ነው፡፡ ሰው ሌላውን የሚወደው ራሱን በመውደድና የሚገባውን ክብር ለራሱ በመስጠት ተለማምዶ ነው፡፡ ሰው ከራሱ ጋር ሲኖር በራሱ ላይ ያልተገበረውን ፍቅር በሌላው ላይ ሊተገብር አይችልም፡፡ ሰው ራሱን ከሚወደው በላይ ሌላውን ሊወድ አይችልም፡፡ ሰው አጠገቡ ያለውን ራሱን ካልወደደ ሌላውን ሊወድ አይችልም፡፡

የሌላውን የፍቅር ፍላጎት የምንረዳው የራሳችንን የፍቅር ፍላጎት ስንረዳ ነው፡፡ እኛ እንዴት እንድንወደድ በማየት ሰው እንዴት እንደሚወደድ እንማርበታለን፡፡ የእኛ መወደድ ሌላውን ለመውደድ መነሻ ነጥብ ነው፡፡

እንግዲህ ሰዎች ሊያደርጉላችሁ የምትወዱትን ሁሉ እናንተ ደግሞ እንዲሁ አድርጉላቸው፤ ሕግም ነቢያትም ይህ ነውና። ማቴዎስ 7፡12

እግዚአብሄር እርሱን እንዴት እንደ አይኑ ብሌን እንደሚያየው የሚያውቅ ሰው እግዚአብሄር ሌላውን እንዴት እንደ አይኑ ብሌን እንደሚያየው ይረዳል፡፡ የእግዚአብሄርን ፍቅር በራሱ ያልቀመሰ ሰው ግን ሌላውን ሊወድ አይችልም፡፡ እግዚአብሄር እንዴት እንደወደደው የሚያውቅ ሰው ራሱን ይወዳል ሌላውን እንደራሱ ሊወድ ይችላል፡፡

ሁለተኛይቱም፦ ባልንጀራህን እንደ ራስህ ውደድ የምትል እርስዋን የምትመስል ይህች ናት። ከእነዚህ የምትበልጥ ሌላ ትእዛዝ የለችም። ማርቆስ 12፡31

ራሳችንን የምንወድበት ሰባት መንገዶች

  1. ራስን መውደድ እግዚአብሄር ያዘጋጀውን የመዳኛ መንገድ መቀበል ነው፡፡ ራሱን በሚገባ የሚወድ እና የሚያከብር ሰው ለዘላለም ከእግዚአብሄር መለያየት አይፈልግም፡፡ ራሱን የሚወድ ሰው እግዚአብሄር ያዘጋጀውን የመዳኛ መንገድ ይቀበላል፡፡ ራሱን የሚወድ ሰው የእግዚአብሄርን ፍቅር ይቀበላል፡፡

በልጁ የሚያምን የዘላለም ሕይወት አለው፤ በልጁ የማያምን ግን የእግዚአብሔር ቍጣ በእርሱ ላይ ይኖራል እንጂ ሕይወትን አያይም። ዮሃንስ 3፡36

  1. ራስን መውደድ ራስን ማክበር ራስን ከሚያዋርድና ዝቅ ዝቅ ከሚያደርግ ክፉ ነገር መሸሽ ነው፡፡

ራሱን በሚገባ የሚወድ ሰው ሃጢያትን በመስራት ራሱን አያዋርድም፡፡ ራሱን የሚወድ ሰው እግዚአብሄርን ባለመፍራት ከፈጣሪው ጋር አይጣላም፡፡

ሥጋችሁ የክርስቶስ ብልቶች እንደ ሆነ አታውቁምን? እንግዲህ የክርስቶስን ብልቶች ወስጄ የጋለሞታ ብልቶች ላድርጋቸውን? አይገባም። 1ኛ ቆሮንቶስ 6፡15

  1. ራስን መውደድ ራስን አለመኮነን ነው፡፡

ራሴን ስወድ እግዚአብሄር ይቅር ያለውን ራሴን ይቅር እላለሁ ራሴን አልኮንነውም፡፡ ራስን መውደድ የሰይጣንን ክስ ሰምቶ ራስን ላለመኮነን  መጠንቀቅ ነው፡፡ ራስን መውደድ እግዚአብሄር ያላለውን ማንኛውም ወቀሳና ፍርድ አለመቀበል ነው፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ በራሴ ላይ ምንም አላውቅምና፥ ነገር ግን በዚህ አልጸድቅም፤ እኔን የሚፈርድ ግን ጌታ ነው። 1ኛ ቆሮንቶስ 3-4፡4

  1. ራስን መውደድ ራስን መቀበል ነው፡፡

እግዚአብሄር ውብና ድንቅ አድርጎ ፈጥሮናል፡፡ እግዚአብሄር በምድር ላይ እንድንሰራው ፣ እንድናገኘውና እንድንሆነው  ለጠራን ነገር ያለን ፈጥረት በልኩ ነው አያንስም አይበዛም፡፡ ራስን መቀበልና ራስን መውደድ ከእኛ ለተለየ አላማ የተጠራውን ሌላውን ሰው ለመሆን አለመጣር ነው፡፡ ራስን መውደድ በእግዚአብሄር አሰራር መርካት ነው፡፡

ግሩምና ድንቅ ሆኜ ተፈጥሬአለሁና አመሰግንሃለሁ፤ ሥራህ ድንቅ ነው፥ ነፍሴም እጅግ ታውቀዋለች። መዝሙር 139፡14

  1. ራስን መውደድ እግዚአብሄር ያላለውን ነገር ላለማደርግ መጠንቀቅ ነው፡፡

ያለን ህይወት አንድ ህይወት ነው፡፡ በምድር ላይ ያለነው ለእግዚአብሄር አላማ ነው፡፡ ራሱን የሚወድ እና ለራሱ አክብሮት ያለው ሰው እግዚአብሄር ያለውን እንጂ እግዚአብሄር ያልመራውን ነገር ላለማድርግ ይጠነቀቃል፡፡ ራስን መውደድ እግዚአብሄር ለእኛ ያለውን አላማ ፈልጎ ማግኘትና እርሱን ብቻ መከተል ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርሚያስ 29፡11

  1. ራስን መውደድ ውጤት በሌለው በጭንቀት ራስን አለማባከን ነው፡፡

ራሱን የሚወድ ሰው የሚያስጨንቀውን በጌታ ላይ ጥሎ በትኩረት የእግዚአብሄርን መንግስትና ፅድቁን ይፈልጋል፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡31-33

  1. ራስን መውደድ ማለት እግዚአብሄር እንደሚያይ ራሰን ማየት ነው፡፡

እግዚአብሄር ልጄ ነህ ሲል እንደ እግዚአብሄር ልጅ ራስን ማየት እንደእግዚአብሄር ልጅ ከፍ ያለ የክርስትና ህይወት ደረጃን መኖር ራስን መውደድ ነው፡፡

እንግዲህ በጌታ እስር የሆንሁ እኔ በተጠራችሁበት መጠራታችሁ እንደሚገባ ትመላለሱ ዘንድ እለምናችኋለሁ፤ በትሕትና ሁሉና በየዋህነት በትዕግሥትም፤ እርስ በርሳችሁ በፍቅር ታገሡ፤ ኤፌሶን 4፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍቅር #መውደድ #የህግፍፃሜ #ቤተክርስትያን #አማርኛ #ስብከት #መዳን #መፅሃፍቅዱስ #ዲዛይን #አቢይ #አቢይዋቁማ #አቢይዋቁማዲንሳ #ራስንመውደድ #መንፈስቅዱስ #ራስንማክበር #ልብ #መሪ

እርስ በርሳችን ብንዋደድ እግዚአብሔር በእኛ ይኖራል

love kids.jpegወዳጆች ሆይ፥ እግዚአብሔር እንዲህ አድርጎ ከወደደን እኛ ደግሞ እርስ በርሳችን ልንዋደድ ይገባናል። እግዚአብሔርን ማንም ከቶ አላየውም፤ እርስ በርሳችን ብንዋደድ እግዚአብሔር በእኛ ይኖራል ፍቅሩም በእኛ ፍጹም ሆኖአል። 1ኛ ዮሐንስ 4፡11-12

እግዚአብሄር ፍቅር ነው፡፡ የፍቅር ህይወት እግዚአብሄርን ይስበዋል፡፡ እግዚአብሄር በህይወታችን ለመኖርና ለመስራት ፍቅር ይፈልጋል፡፡ እግዚአብሄር በፍቅር ይኖራል፡፡ የፍቅር ህይወት ለእግዚአብሄር ተስማሚ ቤቱ ነው፡፡ ፍቅር ለእግዚአብሄር የፈለገውን መልካምነት ዘርቶ የሚያጭድበት ተስማሚና ለም መሬት ነው፡፡ እግዚአብሄር ሰዎችን ለመባረክ በፍቅር የሚኖርን ሰው ይጠቀማል፡፡ በፍቅር ያልሆነ ነገር እግዚአብሄርን ይገፋዋል፡፡ በፍቅር የሆነ ህይወት እግዚአብሄርን ይጋብዘዋል፡፡ እግዚአብሄር ካለ ደግሞ መልካመ ነግር ሁሉ ይኖራል፡፡ እግዚአብሄር ሲኖር ህይወት ይትረፈረፋል፡፡

እንዲሁም ጥላቻ ደግሞ ለሰይጣን ለም መሬቱ ነው፡፡ ሌባው ሊሰርቅ ሊያርድና ሊያጠፋ እንጂ ስለሌላ አይመጣም፡፡ ሰውን ለመስረቅ ለማረድና ለማጥፋት ከመጠቀሙ በፊት ሰይጣን ጥላቻን በሰው ውስጥ ይልካል፡፡ ሰው የጥላቻን ሃሳብ ከተቀበለና ጥላቻ ውስጥ ከገባ ሰይጣን በቀላሉ የመስረቅ የማረድና የማጥፋት ተልእኮውን ሊያሳካ ይችላል፡፡

ሰው በልቡ ጥላቻ ከሌለበት ደግሞ ሰይጣን በምንም መልኩ በሰው ሊጠቀም አይችልም፡፡ሰው በፍቅርና በምህረት ከተመላለስ ሰይጣን በህይወታችን መቆሚያ ቦታ ያጣል፡፡

በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ኤፌሶን 4፡27

በግቢያችን ዝንብ እንዳይገባ ከፈለግን ዝንብን የሚስበውን ቆሻሻ ማፅዳት ወሳኝ አለብን፡፡ ዝንብ መጥቶ የሚያርፍበትና የሚላው ቆሻሻ ከሌለ ይራባል ለመኖር ያቅተዋል፡፡ ስለዚህ የዝንብ ማስወገጃ ተዘዋዋሪ መንገድ ቤትን ከቆሻሻ ማፅዳት ነው፡፡

በተመሳሳይ መልኩ ሰይጣን በህይወታችን እንዲቆይ የሚያደርገው የሚበላው ቆሻሻ ነገር ጥላቻን በህይወታችን ሲያገኝ ብቻ ነው፡፡ ህይወታችን ከጥላቻ ከፀዳ ግን ቢመጣም የሚበላው ነገር ስለማያገኝና ስለሚራብ መቀመጥ አይፈልግም፡፡ ከጥላቻ የፀዳ አእምሮ ለሰይጣን አመቺ ስፍራ አይደለም፡፡ ከጥላቻ ራሱን የሚጠብቅ ሰውና ከጥላቻ የራቀ ህይወት ለሰይጣን ምንም ተዘርቶ የማይበቅልበት ጭንጫ መሬት ነው፡፡

ወዳጆች ሆይ፥ እግዚአብሔር እንዲህ አድርጎ ከወደደን እኛ ደግሞ እርስ በርሳችን ልንዋደድ ይገባናል። እግዚአብሔርን ማንም ከቶ አላየውም፤ እርስ በርሳችን ብንዋደድ እግዚአብሔር በእኛ ይኖራል ፍቅሩም በእኛ ፍጹም ሆኖአል። 1ኛ ዮሐንስ 4፡11-12

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ  #ፍቅር #መውደድ #እግዚአብሔር #ፍፁም #እርስበርስ #ተግባር #ትጋት #ስራ #አማርኛ #ስብከት #መዳን #እምነት #ምህረት #ይቅርታ #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ

በፍቅሬ ኑሩ

dictionary-love-1825@1x.jpgአብ እንደ ወደደኝ እኔ ደግሞ ወደድኋችሁ፤ በፍቅሬ ኑሩ። እኔ የአባቴን ትእዛዝ እንደ ጠበቅሁ በፍቅሩም እንደምኖር፥ ትእዛዜን ብትጠብቁ በፍቅሬ ትኖራላችሁ። ዮሐንስ 15:9-10

ኢየሱስ እንዲህ እያለ ነው፡፡ በፍቅሬ ብሉ ፣ በፍቅሬ ጠጡ ፣ በፍቅሬ ግቡ ፣ በፍቅሬ ውጡ ፣ በፍቅሬ ጠንክሩ ፣ በፍቅሬ ተከናወኑ ፣ በፍቅሬ ጥግቡ ፣ በፍቅሬ በርቱ ፣  በፍቅሬ ተደገፉ ፣ በፍቅሬ ተማመኑ ፣ በፍቅሬ ተስፋ አድርጉ ፣ በፍቅሬ እረፉ ፣ በፍቅሬ ስሩ . . .

ሰው ለመኖር መኖሪያ ያስፈልገዋል፡፡ ሰው መኖሪያ ከሌለው መኖር አይችልም፡፡ ሰው ለመኖር ህይወት የሚጠይቃቸውን ሁኔታዎችን ተቋቁሞ ማለፍ አለበት፡፡ ሰው በምድር ላይ ለመኖር አቅራቦት ያስፈልገዋል፡፡ ሰው ለመኖር ሃይል ያስፈልገዋል፡፡ ሰው ለመኖር ጥንካሬ ያስፈልገዋል፡፡ ሰው ለመኖር ምሪት ያስፈልገዋል፡፡ ሰው ለመኖር ፍቅር ያስገፈልገዋል፡፡

አብ ኢየሱስን ይወደዋል፡፡ ኢየሱስ በምድር ላይ የኖረው በአብ ፍቅር ነው፡፡ ኢየሱስ በምድር ላይ የተከናወነው በአብ ፍቅር ነው፡፡ ኢየሱስ በምድር ላይ የወጣውና የገባው አላማውንም የፈፀመው በአብ ፍቅር ነው፡፡ ኢየሱስ በምድር ላይ የረካው በአብ ፍቅር ነው፡፡ ኢየሱስ በምድር ላይ መከራን የተጋፈጠው በአብ ፍቅር ነው፡፡

ኢየሱስ እኔን ምሰሉ እያለን ነው፡፡ እኔ በአብ ፍቅር እንደኖርኩና እንዳሸነፍኩ እናንተም በእኔ ፍቅር ኑሩ ውጡ ግቡ አሸንፉ እያለን ነው፡፡

ለመኖር ለመውጣት ለመግባት የህይወት አላማን ለማሳካት እግዚአብሄር ፍቅር መሆኑን ከማወቅ በላይ የሆነ እውቀት የለም፡፡ ማስተዋሉ የማይመረመር እግዚአብሄር ፍቅር ነው፡፡ ሁሉን ቻይ የሆነው እግዚአብሄር ይወደናል፡፡ የዘላለም አምላክ አቅራቢያችን ነው፡፡

በእግዚአብሄር ፍቅር መኖር ካልቻልን በምንም ነገር መኖር አንችልም፡፡ በእግዚአብሄር ፍቅር ከኖርን ደግሞ የማናደርገው ነገር አይኖርም፡፡ በእግዚአብሄር ፍቅር ከኖርን የማንደርስበት ከፍታ የለም፡፡ በእግዚአብሄር ፍቅር ከኖርን የማናገኘው መልካም ነገር የለም፡፡ በእግዚአብሄር ፍቅር ከኖርን የማንሆነው ነገር የለም፡፡

አብ እንደ ወደደኝ እኔ ደግሞ ወደድኋችሁ፤ በፍቅሬ ኑሩ። ዮሐንስ 15:9

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #መውደድ #ኑሩ #ህይወት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

ግብዣ ባደረግህ ጊዜ

Buffet_Setup_1.jpgየጠራውንም ደግሞ እንዲህ አለው፦ ምሳ ወይም እራት ባደረግህ ጊዜ፥ እነርሱ ደግሞ በተራቸው ምናልባት እንዳይጠሩህ ብድራትም እንዳይመልሱልህ፥ ወዳጆችህንና ወንድሞችህን ዘመዶችህንም ባለ ጠጎች ጎረቤቶችህንም አትጥራ። ነገር ግን ግብዣ ባደረግህ ጊዜ ድሆችንና ጕንድሾችን አንካሶችንም ዕውሮችንም ጥራ፤ የሚመልሱት ብድራት የላቸውምና ብፁዕ ትሆናለህ፤ በጻድቃን ትንሣኤ ይመለስልሃልና። ሉቃስ 14፡12-14

የእግዚአብሔር መንግስት አሰራርና የአለም አሰራር እጅግ ይለያያሉ፡፡ የእግዚአብሔር መንግስትና የአለም አሰራር እጅግ ተቃራኒዎች ናቸው፡፡

በአለም ያለው ግብዣ ወይም በአጠቃላይ ስጦታ አሰጣጥ መልካም ላደረገልህ ሰው ምላሽ ለመስጠት ነው፡፡

በአለም ግብዣ የምትጋብዘው ሰው ወደፊት ይጠቅመኛል የምትለውን ነው፡፡ እንዲያውም እጅግ ይጠቅመኛል የምትለውንም ሰው ነው መርጠህ የምትጋብዘው፡፡ በአለም ያለው ግብዣ አላማው መጠቀም ነው፡፡

በአለም ያለው ግብዣ አላማው መጠቀም በመሆኑ ምንም ሰማያዊ ሽልማትን አያስገኝም፡፡ ሰው በምድር ለመጠቀም ብሎ ያደረገው ነገር ሁሉ በምድር ይጠቀምበታል እንጂ በሰማይ አይጠቀምበትም፡፡ ሰው በምድር ለመቀበል የሚያደርገው ማንኛውም መስጠት በሰው ልጆች ተመልሶ ይሰጠዋል እንጂ ከእግዚአብሔር የሚሰጠው ምንም ነገር የለም፡፡

ለሰዎች ትታዩ ዘንድ ምጽዋታችሁን በፊታቸው እንዳታደርጉ ተጠንቀቁ፤ ያለዚያ በሰማያት ባለው አባታችሁ ዘንድ ዋጋ የላችሁም። እንግዲህ ምጽዋት ስታደርግ፥ ግብዞች በሰው ዘንድ ሊከበሩ በምኩራብ በመንገድም እንደሚያደርጉ በፊትህ መለከት አታስነፋ፤ እውነት እላችኋለሁ፥ ዋጋቸውን ተቀብለዋል። ማቴዎስ 6፡1-2

ሰው ከሰው ለመጠቀም ብሎ የሚያደርገው መጥቀም ምድራዊ ሂሳቡን ይሞላል እንጂ ሰማያዊ ሂሳቡን አይሞላም፡፡

በስሌታችሁ የሚበዛውን ፍሬ እንጂ ስጦታውን ፈላጊ አይደለሁም። ፊልጵስዩስ 4፡17

በክርስትና ከእግዚአብሔር ከፍ ያለ ዋጋ የሚያሰጥህ መስጠት ተመልሶ ሊሰጥህ ለማይችል ሰው መስጠት ነው፡፡ የመስጠት ክብሩ እና ብፅእናው መልሰው ሊሰጡህ ለማይችሉ ሰዎች መስጠት ነው፡፡

የሚመልሱት ብድራት የላቸውምና ብፁዕ ትሆናለህ፤ በጻድቃን ትንሣኤ ይመለስልሃልና።

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #መውደድ #ማድረግ #መስጠት #ምጽዋት #መባረክ #ማካፈል #አማርኛ #ስብከት #መዳን #መፅሃፍቅዱስ #ልብ #ቸርነት #ሳምራዊ #ሌዋዊ #ካህን #ባልጀራህን #አቢይ #አቢይዋቁማ #አቢይዋቁማዲንሳ #እወጃ #ወንጌል

ባልንጀራዬስ ማን ነው?

samaritan-e1498158057627-1024x543.jpgእነሆም፥ አንድ ሕግ አዋቂ ሊፈትነው ተነሥቶ፦ መምህር ሆይ፥ የዘላለምን ሕይወት እንድወርስ ምን ላድርግ? አለው። እርሱም በሕግ የተጻፈው ምንድር ነው? እንዴትስ ታነባለህ? አለው። እርሱም መልሶ፦ ጌታ አምላክህን በፍጹም ልብህ በፍጹም ነፍስህም በፍጹም ኃይልህም በፍጹም አሳብህም ውደድ፥ ባልንጀራህንም እንደ ራስህ ውደድ አለው። ኢየሱስም፦ እውነት መለስህ፤ ይህን አድርግ በሕይወትም ትኖራለህ አለው። እርሱ ግን ራሱን ሊያጸድቅ ወድዶ ኢየሱስን፦ ባልንጀራዬስ ማን ነው? አለው። ኢየሱስም መልሶ እንዲህ አለ፦ አንድ ሰው ከኢየሩሳሌም ወደ ኢያሪኮ ወረደ በወንበዴዎችም እጅ ወደቀ፤ እነርሱም ደግሞ ገፈፉት ደበደቡትም በሕይወትና በሞት መካከልም ትተውት ሄዱ። ድንገትም አንድ ካህን በዚያ መንገድ ወረደ አይቶትም ገለል ብሎ አለፈ። እንዲሁም ደግሞ አንድ ሌዋዊ ወደዚያ ስፍራ መጣና አይቶት ገለል ብሎ አለፈ። አንድ ሳምራዊ ግን ሲሄድ ወደ እርሱ መጣ አይቶትም አዘነለት፥ ቀርቦም ዘይትና የወይን ጠጅ በቍስሎቹ ላይ አፍስሶ አሰራቸው፥ በራሱ አህያም ላይ አስቀምጦት ወደ እንግዶች ማደርያ ወሰደው  ጠበቀውም። በማግሥቱም ሁለት ዲናር አውጥቶ ለባለቤቱ ሰጠና፦ ጠብቀው፥ ከዚህም በላይ የምትከስረውን ሁሉ እኔ ስመለስ እከፍልሃለሁ አለው። እንግዲህ ከነዚህ ከሦስቱ በወንበዴዎች እጅ ለወደቀው ባልንጀራ የሆነው ማንኛው ይመስልሃል? እርሱም፦ ምሕረት ያደረገለት አለ። ኢየሱስም፦ ሂድ አንተም እንዲሁ አድርግ አለው። ሉቃስ 10፡25-37

የህግ መምህር ኢየሱስ ላነሳው የባልንጀራህን እንደራስህ ውደድ ትእዛዝ የማይፈፅምበት ሰበብ አገኘለት፡፡ የህግ መምህሩ የኢየሱስን ባልንጀራህን እንደራስህ አድርገህ ውደድ ትእዛዝን የማይፈጽምበት በቂ ምክኒያት ያለው መሰለው፡፡ የህግ መምህሩ ባልንጀራ የለኝም ስለዚህ ይህንን ባልንጀራህን እንደራስህ አድርገህ ውደድ የሚለውን ትእዛዝ እንዴት ልፈፅም እችላለሁ የሚል ጥያቄ አነሳ፡፡

በህግ መምህሩ አይን ባልንጀራ ማለት አንድ ነገር ስታደርጉለት መልሶ አንድ ነገር የሚያድርግላችሁ አኩያ ማለት ነው፡፡ ባልንጀራ ማለት መልካም ስታደርጉለት መልካም የሚያደርግ ሰው ነው፡፡ ለህግ መምህሩ ባልንጀርነት በእናንተ መንፈሳዊ ደረጃ የሚኖር ማለት ነው፡፡ ለህግ መምህሩ ባለንጀራ ማለት እንደ እርሱ መንፈሳዊ የሆነ ንፁህ ሰው ማለት ነው፡፡ ለህግ መምህሩ ባልንጀርነት የእንካ በእንካ ፍቅር ነው፡፡

ለህግ መምህሩ ባልንጀራዬ የሚለው ሲጋበዝ መልሶ የሚጋብዝ ፣ ስጦታ ሲሰጠው መልሶ የሚሰጥ ፣ መልካም ሲያደርጉለት መልሶ የሚያደርገውን ሰው ነው፡፡ ለህግ መምህሩ ባልንጀራ ማለት በመንፈሳዊ ደረጃ የሚመጣጠን ህጉን እንዳንተ የሚጠብቅ ቅዱስ ሰው ማለት ነው፡፡

በህግ መምህሩ አይን ባልንጀራ የሚፈራው እኩያን ፈልጎ በማግኘትና እኩል ለእኩል በመረዳዳት ነው፡፡

በኢየሱስ አይን ደግሞ ባልንጀራ የሚፈራው ለሰው መልካም በማድረግ ነው፡፡

መልካም ለምረታደርግላቸው ሰዎች ሁሉ ባልንጀራቸው ነህ፡፡ ባልንጀራ ከፈለክ መልካም አድርግ፡፡ ባልንጀራ ለመባል መልካም የምታደርግለት ሰው ማግኘት ይበቃል፡፡ ባልንጀራ ለማፍራት መልካም ስታደርግለት መልካም የሚያደርግልህ ሰው መጠበቅ የለብህም፡፡ ባልንጀራ ከፈለግክ መልካም አድርግ፡፡ መልካም ለምታደርግለት ሰው ባልንጀራው ነህ፡፡ መልካም የምታደርግለት ሰው ሁሉ ሃብትህ ነው፡፡ መልካም የምታድርግለት ሰው ሁሉ ጌጥህ ነው፡፡ መልካም የምታደርግለት ሰው ሁሉ ክብርህ ነው፡፡

ወዳጅ ማብዛት ትፈልጋለህ መልካም ማድረግህን አብዛ፡፡ መልካም ላደረክላቸው ሰዎች ሁሉ ባልንጀራቸው ነህ፡፡ መልካም ላደረክላቸው ሰዎች ሁሉ ውድ ሰው ነህ፡፡ መልካም ላደረክላቸው ሰዎች ሁሉ ፊት ዝነኛ ነህ፡፡ መልካም ላደረግክላቸው ሰዎች ሁሉ ባለጠጋ ነህ፡፡ መልካም ላደረግክላቸው ሰዎች ከአንተ በላይ ባለመድሃኒት የለም፡፡

እንግዲህ ከነዚህ ከሦስቱ በወንበዴዎች እጅ ለወደቀው ባልንጀራ የሆነው ማንኛው ይመስልሃል? እርሱም፦ ምሕረት ያደረገለት አለ። ኢየሱስም፦ ሂድ አንተም እንዲሁ አድርግ አለው። ሉቃስ 10፡37

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #መውደድ #ማድረግ #መስጠት #አማርኛ #ስብከት #መዳን #መፅሃፍቅዱስ #ልብ #ቸርነት #ሳምራዊ #ሌዋዊ #ካህን #ባልጀራህን #አቢይ #አቢይዋቁማ #አቢይዋቁማዲንሳ #እወጃ #ወንጌል #ፅናት #ትግስት #መሪ

ከክርስቶስ ፍቅር ማን ይለየናል?

couple-holding-hands-anchor-tattoos-600x375.jpgከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? ስለ አንተ ቀኑን ሁሉ እንገደላለን፥ እንደሚታረዱ በጎች ተቆጠርን ተብሎ እንደ ተጻፈ ነው። በዚህ ሁሉ ግን በወደደን በእርሱ ከአሸናፊዎች እንበልጣለን። ሞት ቢሆን፥ ሕይወትም ቢሆን፥ መላእክትም ቢሆኑ፥ ግዛትም ቢሆን፥ ያለውም ቢሆን፥ የሚመጣውም ቢሆን፥ ኃይላትም ቢሆኑ፥ ከፍታም ቢሆን፥ ዝቅታም ቢሆን፥ ልዩ ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቼአለሁ። ሮሜ 8፡35-39

ፍቅርም እንደዚህ ነው፤ እግዚአብሔር እርሱ ራሱ እንደ ወደደን ስለ ኃጢአታችንም ማስተስሪያ ይሆን ዘንድ ልጁን እንደ ላከ እንጂ እኛ እግዚአብሔርን እንደ ወደድነው አይደለም። 1ኛ ዮሐንስ 4፡10

ስለዚህም እግዚአብሔር፥ የተስፋውን ቃል ለሚወርሱ ፈቃዱ እንደ ማይለወጥ አብልጦ ሊያሳያቸው ስለ ፈቀደ፥ እግዚአብሔር ሊዋሽ በማይቻል በሁለት በማይለወጥ ነገር፥ በፊታችን ያለውን ተስፋ ለመያዝ ለሸሸን ለእኛ ብርቱ መጽናናት ይሆንልን ዘንድ፥ በመሓላ በመካከል ገባ፤ ይህም ተስፋ እንደ ነፍስ መልሕቅ አለን እርሱም እርግጥና ጽኑ የሆነ ወደ መጋረጃውም ውስጥ የገባ ነው፤ ዕብራውያን 6፡17-19

የእናንተ ሥርና መሠረት በፍቅር ይጸና ዘንድ፥ ከቅዱሳን ሁሉ ጋር ስፋቱና ርዝመቱ ከፍታውም ጥልቅነቱም ምን ያህል መሆኑን ለማስተዋል፥ ከመታወቅም የሚያልፈውን የክርስቶስን ፍቅር ለማወቅ ትበረቱ ዘንድ፥ እስከ እግዚአብሔርም ፍጹም ሙላት ደርሳችሁ ትሞሉ ዘንድ። ኤፌሶን 3፡16-19

ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? ስለ አንተ ቀኑን ሁሉ እንገደላለን፥ እንደሚታረዱ በጎች ተቆጠርን ተብሎ እንደ ተጻፈ ነው። በዚህ ሁሉ ግን በወደደን በእርሱ ከአሸናፊዎች እንበልጣለን። ሞት ቢሆን፥ ሕይወትም ቢሆን፥ መላእክትም ቢሆኑ፥ ግዛትም ቢሆን፥ ያለውም ቢሆን፥ የሚመጣውም ቢሆን፥ ኃይላትም ቢሆኑ፥ ከፍታም ቢሆን፥ ዝቅታም ቢሆን፥ ልዩ ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቼአለሁ። ሮሜ 8፡35-39

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #የክርስቶስፍቅር #ስር #መሰረት #ትእዛዝ #መስጠት #ሃሳብ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

ከሁሉ የሚበልጥ ፍቅር

a-spirit-of-excellence-lonnie-ellis-43-728.jpgፍቅርን የሚተካከለው ነገር የለም፡፡ ፍቅር ከፍ ያለ ነው የህይወት ደረጃ ነው፡፡

ደግሞም ከሁሉ የሚበልጥ መንገድ አሳያችኋለሁ። ከእነዚህም የሚበልጠው ፍቅር ነው። 1ኛ ቆሮንቶስ 12፡31፣ 13፡13

ፍቅር የሚበልጥ የጥበብ ደረጃ ነው፡፡

ፍቅር ከፍተኛው የጥበብ ደረጃ ነው፡፡ ህይወቱን በከንቱ ላለማባከን ጥበብን የሚፈልግና የሚከተል ሰው ፍቅርን መከተል አለበት፡፡ በብልሃት መኖር የሚፈልግ ሰው በፍቅር ነው መኖር ያለበት፡፡ ህይወቱን በማይሆን ነገር ላይ ማባከን የማይፈልግ ሰው በፍቅር መኖር ነው ያለበት፡፡ አዋቂ ሰው በፍቅር ነው የሚኖረው፡፡ የገባው ሰው በፍቅር ለመኖር የወሰነ ሰው ነው፡፡

ከእናንተ ጥበበኛና አስተዋይ ማን ነው? በመልካም አንዋዋሩ ስራውን በጥበብ የዋህነት ያሳይ። ነገር ግን መራራ ቅንዓትና አድመኛነት በልባችሁ ቢኖርባችሁ፥ አትመኩ በእውነትም ላይ አትዋሹ። ይህ ጥበብ ከላይ የሚወርድ አይደለም፤ ነገር ግን የምድር ነው፥ የሥጋም ነው፥ የአጋንንትም ነው፤ ቅንዓትና አድመኛነት ባሉበት ስፍራ በዚያ ሁከትና ክፉ ስራ ሁሉ አሉና። ላይኛይቱ ጥበብ ግን በመጀመሪያ ንጽሕት ናት፥ በኋላም ታራቂ፥ ገር፥ እሺ ባይ ምሕረትና በጎ ፍሬ የሞላባት፥ ጥርጥርና ግብዝነት የሌለባት ናት። ያዕቆብ 3፡13-17

ፍቅር የሚበልጥ የቅድስና ደረጃ ነው

ፍቅር ትእዛዞች ሁሉ በአንድ ላይ የሚፈፀሙበት የቅድስና መንገድ ነው፡፡ ሰው በፍቅር ኖሮ አይስትም፡፡ ሰው በፍቅር ኖሮ አይሳሳትም፡፡ ሰው በፍቅር አይቆሽሽም፡፡ ሰው በፍቅር አይበላሽም፡፡ እንደ ፍቅር አስተማማኝ ጥላ የለም፡፡ እንደ ፍቅር አስተማማኝ ቅድስና የለም፡፡ በፍቅር እንደ መኖር የእግዚአብሄርን ህግ የምንፈፅምበት የተሻለ መንገድ የለም፡፡

ሕግ ሁሉ በአንድ ቃል ይፈጸማልና፥ እርሱም፦ ባልንጀራህን እንደ ራስህ ውደድ የሚል ነው። ገላትያ 5፡14

ከእናንተ እያንዳንዱ የአንዱን ሸክም ይሸከም እንዲሁም የክርስቶስን ሕግ ፈጽሙ። ገላትያ 6፡2

ፍቅር የሚበልጥ ያለ የስልጣን ደረጃ ነው፡፡

ፍቅር ታላቅ ስልጣን አለው፡፡ ፍቅር አሸናፊ ነው፡፡ ፍቅር ሃያል ነው፡፡ ፍቅር ባለስልጣን ነው፡፡ ፍቅር የማይረታው ነገር የለም፡፡ በምንም የማይሸነፉ ብዙ ሃያላን ነገሮች አሉ፡፡ ለፍቅር ግን የማይሸነፍ ምንም የለም፡፡

ጠላትህ ግን ቢራብ አብላው፤ ቢጠማ አጠጣው፤ ይህን በማድረግህ በራሱ ላይ የእሳት ፍም ትከምራለህና። ክፉውን በመልካም አሸንፍ እንጂ በክፉ አትሸነፍ። ሮሜ 12፡20-21

ፍቅር የሚበልጥ የምስክርነት ደረጃ ነው፡፡

ብዙ ነገሮች ማስመሰያ አላቸው ብዙ ሰዎችን ያሳስታሉ፡፡ ፍቅርን አይቶ የማይለይ ሰው የለም፡፡ ከተማረው እስካልተማረው ፍቅርን ይለያል፡፡ ምንም አያቅውቅም የምንለውን ሰው ፍቅርን ሲያይ ግን ያውቀዋል፡፡ ምንም መለየት አይችልም የምንለው ሰው ፍቅርን ግን ይለያል፡፡ ፍቅር የማይማርከው ሰው የለም፡፡ ሰው ፍቅራችንን ካላየ ጌታችንን መከተል አይችልም፡፡ ፍቅራችንን አይቶ ጌታችንን አለመከተል አይችልም፡፡

እርስ በርሳችሁ ትዋደዱ ዘንድ፥ እንደ ወደድኋችሁ እናንተ ደግሞ እርስ በርሳችሁ ትዋደዱ ዘንድ አዲስ ትእዛዝ እሰጣችኋለሁ። እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሃንስ 13፡34-35

ፍቅር የሚበልጥ የህይወት ዘይቤ ነው፡፡

ፍቅርን የሚበልጠው ምንም ነገር የለም፡፡ ፍቅርን የሚከተል በእግዚአብሄር ይኖራል፡፡ ፍቅር የሚበልጥ የህይወት ዘይቤ ነው፡፡ በፍቅር የሚኖር በእግዚአብሄር እንደሚኖር ማረጋገጫው ነው፡፡ በፍቅር የሚኖር ሰው እግዚአብሄር በእርሱ ይኖራል፡፡

እኛም እግዚአብሔር ለእኛ ያለውን ፍቅር አውቀናል አምነንማል። እግዚአብሔር ፍቅር ነው፥ በፍቅርም የሚኖር በእግዚአብሔር ይኖራል እግዚአብሔርም በእርሱ ይኖራል። 1ኛ ዮሐንስ 4፡16

ደግሞም ከሁሉ የሚበልጥ መንገድ አሳያችኋለሁ። 1ኛ ቆሮንቶስ 12፡31

ከእነዚህም የሚበልጠው ፍቅር ነው። 1ኛ ቆሮንቶስ 13፡13

#ኢየሱስ #ጌታ #እምነት #ፍቅር #መውደድ #ቃል #መሰረት #ትእዛዝ #መስጠት #ሃሳብ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

የፍቅር ሌላኛው ገፅታ

love other.jpgፍቅርን በአንድ ቃል ወይም አረፍተነገር መግለጽ ያስቸግራል፡፡ ስለፍቅር የተለያዩ ትርጉሞች ተሰጥተዋል፡፡ ፍቅር ስለሌላው መልካም ማሰብ ፣ መልካም መናገርና መልካም ማድረግ ነው፡፡ ፍቅር ራስን ከሌላው ጋር በመረዳት ማስተባበር ነው፡፡

ፍቅርን ሙሉ ለሙሉ ባይገልፁትም ግን የፍቅርን የተለያየ ገፅታ ሊያሳዩ የሚችሉ ቃላቶችን መዘርዘር ይቻላል፡፡

ፍቅር  ርህራሔ ነው፡፡

ለሰው ርህራሔ ካለን ፍቅር አለን ማለት ነው፡፡ የሰውን ጉዳት ማየት አለመፈለግ ፍቅር ነው፡፡ የሰውን ውድቀት አለመመኘት ፍቅር ነው፡፡

ፍቅር ይቅርታ ነው ፡፡

ፍቅር በሰው ላይ በደልን ባለመያዝ ይገለፃል፡፡ ፍቅር ይቅር ማለት ነው፡፡

እግዚአብሔር መሓሪና ይቅር ባይ ነው፥ ከቍጣ የራቀ ምሕረቱም የበዛ። መዝሙር 103፡8

ፍቅር መተው ነው፡፡

የምንወደውን ሰው እዳውን እንተውለታለን፡፡ ከእኔ ይለፍ ይጠቀም እንላለን፡፡ ፍቅር የተበደሉትን መተው ነው፡፡ ፍቅር እንደተበደሉት በበደል አለመመለስ ነው፡፡ ፍቅር ሲወሰድበት ማለፍ ነው፡፡ ፍቅር ነገሮችን በትግስት ማለፍ ነው፡፡

ፍቅር መስጠት ነው፡፡

ፍቅር መልካምነትን መስጠትና ማካፈል ነው፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

ፍቅር ለሁልጊዜ አለመቆጣት ነው፡፡

ፍቅር ቁጣን ይረሳል፡፡ ፍቅር በክፉ አይፈርድም፡፡ ፍቅር በክፉ አይቀጣም፡፡ ፍቅር በክፉ አያሳድድም፡፡

እግዚአብሔር መሓሪና ይቅር ባይ ነው፥ ከቍጣ የራቀ ምሕረቱም የበዛ። ሁልጊዜም አይቀሥፍም፥ ለዘላለምም አይቈጣም። መዝሙር 103፡8-9

ፍቅር በሰዎች መዳን መደሰት ነው፡፡

ፍቅር በሰዎች መዳን ፣ ማግኘትና መነሳት ይደሰታል፡፡ ፍቅር የሰዎች ማግኘት እረፍት አይነሳውም፡፡ ፍቅር የሰዎችን ማግኘት ከእርሱ ማግኘት ጋር አያስተያየውም፡፡

ፍቅር አይቀናም፤ 1ኛ ቆሮንቶስ 13፡4

ፍቅር ሰዎችን መታገስ ነው፡፡

ሰዎችን የማይታገስ ሰውና ሁሉ ነገር በራሱ ፍጥነት እንዲሄድ የሚፈልግ ሰው ለሌላው ፍቅር የሌለው ሰው ነው፡፡ ለሰው ፍቅር ያለው ሰው በደካማው ፍጥነት በመሄድ ከደካማው ጋር ይተባበራል፡፡

በትሕትና ሁሉና በየዋህነት በትዕግሥትም፤ እርስ በርሳችሁ በፍቅር ታገሡ፤ ኤፌሶን 4፡2

ፍቅር ሰዎችን ማክበር ነው፡፡

ለሰዎች አክብሮት የሌለው ሰው ፍቅር የጎደለው ሰው ነው፡፡ ራስን ከፍ ለማድረግ ሰዎችን ማሳነስ ፍቅር አይደለም፡፡ ሰዎችን የሚያሳንስ ሰው ፍቅር የጎደለው ሰው ነው፡፡ በሰዎች ከፍታ ራሱን ከፍ ሊያደርግ የሚፈልግ ሰው በፍቅር አይመላለስም፡፡

ሁሉን አክብሩ፥ ወንድሞችን ውደዱ፥ እግዚአብሔርን ፍሩ፥ ንጉሥን አክብሩ። 1ኛ ጴጥሮስ 2፡17

ፍቅር ሌላውን ሰው ማስቀደም ነው፡፡

ፍቅር ሌላው ካንተ እንዲሻል በትህትና መቁጠር ነው፡፡ ፍቅር በትህትና ከሌላው ጋር መኖር ነው፡፡

ነገር ግን እያንዳንዱ ባልንጀራው ከራሱ ይልቅ እንዲሻል በትሕትና ይቍጠር፤ ፊልጵስዩስ 2፡3

ፍቅር የሌላውን ደስታ መፈለግ ነው፡፡

ፍቅር የራስን ምቾትና ደስታ ብቻ ሳይሆን ለሌላው ምቾትና ደስታ ግድ መሰኘት ነው፡፡ ፍቅር ለሌላው የሚሰማን (sensitive) መሆን ነው፡፡

እያንዳንዳችን እንድናንጸው እርሱን ለመጥቀም ባልንጀራችንን ደስ እናሰኝ። ክርስቶስ ራሱን ደስ አላሰኘምና፤ ሮሜ 15፡2

ፍቅር የደካማውን ሸክም መሸከም ነው፡፡

ፍቅር ከብርታታችን ተነስተን ደካማውን መኮነን አይደለም፡፡ ፍቅር በደካማው ላይ አለመፍረድ ነው፡፡ ፍቅር ደካማው የሚበረታበትን መንገድ መፈለግ ነው፡፡ ፍቅር ደካማውን ለማበርታት በትጋት መስራት ነው፡፡ ፍቅር ከደካማው ጋር ራስን ማስተባበር ነው፡፡

እኛም ኃይለኞች የሆንን የደካሞችን ድካም እንድንሸከም ራሳችንንም ደስ እንዳናሰኝ ይገባናል። ሮሜ 15፡1

ወንድሞች ሆይ፥ ሰው በማናቸውም በደል ስንኳ ቢገኝ፥ መንፈሳውያን የሆናችሁ እናንተ እንደዚህ ያለውን ሰው በየውሃት መንፈስ አቅኑት፤ . . . ከእናንተ እያንዳንዱ የአንዱን ሸክም ይሸከም እንዲሁም የክርስቶስን ሕግ ፈጽሙ። ገላትያ 6፡1-2

ፍቅር ለሌላው መጥቀምና ማስነሳት ነው፡፡

እያንዳንዱ ለራሱ የሚጠቅመውን አይመልከት፥ ለባልንጀራው ደግሞ እንጂ። ፊልጵስዩስ 2፡4

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #ስጦታ #ፍቅር #መውደድ #ትህትና #ሸክም #መስጠት #መጥቀም #ምህረት #ሃሳብ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

የፍቅር ስርና መሰረት

family-tree-clipart-1194984711121414406tree_branches_and_roots_01.svg.med.pngየእናንተ ሥርና መሠረት በፍቅር ይጸና ዘንድ፥ ኤፌሶን 3፡17

የማንኛውም ሃሳብ ፣ ንግግርና ድርጊት መሰረቱ ፍቅር መሆን አለበት፡፡ ምንም ነገር ለማድረግ ከፈለግን መጀመሪያ በፍቅር ልናደርገው እንዳለን ማረጋገጥ አለብን፡፡ ህይወታችን ከንቱ እንዳይሆን የምንሰራው ነገር ሁሉ መነሻ ሃሳቡ ፍቅር እንደሆነ ማረጋገጥ ከእግዚአብሄር ጋር እንዳንተላለፍ ይጠብቀናል፡፡

ከፍቅር ውጭ ያደረገንውን ነገር ለእግዚአብሄር አደረኩት ማለት አንችልም፡፡ ከፍቅር መነሻ ሃሳብ ውጭ ያሰብነውን ሃሳብ እንደ እግዚአብሄር ፈቃድ አሰብኩኝ ማለት አንችልም፡፡ ምክኒያቱም በፍቅር ያልተደረገ ማንኛውም መልካም ነገር እንኳን በእግዚአብሄር ፊት ከንቱ ነው፡፡

የፍቅር አምላክ እግዚአብሄር በእኛ ውስጥ ያለውን መልካም ነገር ሁሉ  በፍቅር ሃሳብ እንድናስተዳድረው ብቻ ነው የሰጠን፡፡ እግዚአብሄር የሰጠንን ስጦታ ለሌሎች ስንሰጥ እንኳን ቢሆን ካለፍቅር ከተደረገ ከንቱ ነው፡፡

ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። 1ኛ ቆሮንቶስ 13፡2

በክርስትና ህይወት የተሰጡት ማንኛውም ትእዛዞች ግባቸው በፍቅር እንድንኖር መርዳት ነው፡፡ በፍቅር ካልኖርን የእግዚአብሄርን አላማ ስተናል፡፡ በፍቅር ካልኖርን የእግዚአብሄርን ትእዛዝ ተላልፈናል፡፡ ከእግዚአብሄር ሃሳብ ጋር መተላለፋችን ምልክቱ የምናደርገውን ማንኛውም ነገር ከፍቅር ውጭ ማድረጋችን ነው፡፡

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ጢሞቴዎስ 1፡5

ነገሮችን ይበልጥ በፍቅር ባደረግናቸው መጠን የእግዚአብሄርን ፈቃድ ይበልጥ በሙላት መፈፀም እንችላለን፡፡ ነገሮችን ከፍቅር ውጭ ባደረግናቸው መጠን ደግሞ ጠቃሚነታችን እየቀነሰ ይሄዳል፡፡

ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ቆሮንቶስ 13፡3

በየጊዜው በፍቅር እየኖርኩ ነው ወይ? የማደርገውን ነገር የማደርገው ከፍቅር ነው ወይ ? ለማደርገው ነገር ከፍቅር ውጭ ሌላ መነሻ ሃሳብ አለኝ ወይ? ብለን ልባችንን መመርመር ህይወታቸን ከማባከን ይጠብቀናል፡፡ የምናደርጋቸውን ነገሮች በፍቅር እንደምናደርግ እርግጠኛ በሆንን መጠን የእግዚአብሄር አብሮነት ከእኛ ጋር በሃይል ይሆናል፡፡

ስርና መሰረት አይታይም፡፡ ስለመሰረቱ የሚያውቀው ባለቤቱ ብቻ ነው፡፡ መሰረት ከተበላሸ ቤት ይበላሻል፡፡ ስር ከተበከለ ተክል ይበከላል፡፡ ቤትን ማስተካከል የሚቻለው ከመሰረት ነው፡፡ ተክልን ማስተካከል የሚቻለው ከስሩ ነው፡፡

ሌላው ሰው በፍቅር ማድረጋችንና አለማድረጋችንን ላያውቅ ይችላል፡፡ ራሳችንን መፈተሽ ያለብን ራሳችን ነን፡፡ ሰው በፍቅር አድርጋችሁታል ብሎ ሊሳሳት ይችላል፡፡ እግዚአብሄር ግን የፍቅር ልባችንን አይቶ እንደሚጠቅመንና እንደማይጠቅመን ያውቃል፡፡ ስለዚህ ነው  አጥብቀን ልባችንን መጠበቅ ያለብን፡፡

አጥብቀህ ልብህን ጠብቅ፥ የሕይወት መውጫ ከእርሱ ነውና። ምሳሌ 4፡23

የእናንተ ሥርና መሠረት በፍቅር ይጸና ዘንድ፥ ኤፌሶን 3፡17

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #ስጦታ #ስር #መሰረት #ትእዛዝ #መስጠት #ሃሳብ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

የፍቅራችሁንም ድካም

Kids-Love-Images-For-Desktop-Wall-624x390.jpgበጸሎታችን ጊዜ ስለ እናንተ ስናሳስብ፥ የእምነታችሁን ስራ የፍቅራችሁንም ድካም በጌታችንም በኢየሱስ ክርስቶስ ያለውን የተስፋችሁን መጽናት በአምላካችንና በአባታችን ፊት ሳናቋርጥ እያሰብን፥ እግዚአብሔርን ሁል ጊዜ በሁላችሁ ምክንያት እናመሰግናለን፤ 1ኛ ተሰሎንቄ 1፡2-3

ፍቅር ስሜት አይደለም፡፡ ፍቅር ከእኛ ቁጥጥር ውጭ የሆነ በፈለገው ጊዜ የሚይዘን በፈለገው ጊዜ ደግሞ የሚለቀን ምትሃት ወይም ስሜት አይደለም፡፡ እውነተኛ ፍቅር የውሳኔ ድርጊት ነው፡፡ እውነተኛ ፍቅር የመረዳት እርምጃ ነው፡፡ እውነተኛ ፍቅር የማስተዋል ስራ ነው፡፡

ፍቅር የሚታየው በስራ ነው፡፡ ፍቅር የሚታየው በድርጊት ነው፡፡ ፍቅር የሚገለፀው በድካም ነው፡፡

ሃዋሪያው ጳውሎስ እግዚአብሄርን የሚያመሰግነው የፍቅራቸውን ድካም አይቶ ነው፡፡ የተሰሎንቄ ሰዎች ፍቅራቸው የተገለፀው በስራቸው ነው፡፡ ፍቅራቸውን የገለጠው ትጋታቸው ነው፡፡ እንዲሰሩ እንዲደክሙ ያደረጋቸው ፍቅር ነው፡፡ እነዚህ የተሰሎንቄ ሰዎች ፍቅር ስላላቸው ለሚወዱት ይሰራሉ ፣ ለሚወዱት ይተጋሉ ብሎም ለሚወዱት ይደክማሉ፡፡

ለፍቅር እንድከም እንጂ ቢደክመን ችግር የለውም፡፡ በፍቅር ትጋት ይጠበቃል፡፡ በፍቅር ስራ ግዴታ ነው፡፡ እንዲያውም በልባችን ያለው ፍቅር ወጥቶ የሚታየው በድርጊትና በስራ ነው፡፡

በጸሎታችን ጊዜ ስለ እናንተ ስናሳስብ፥ የእምነታችሁን ስራ የፍቅራችሁንም ድካም በጌታችንም በኢየሱስ ክርስቶስ ያለውን የተስፋችሁን መጽናት በአምላካችንና በአባታችን ፊት ሳናቋርጥ እያሰብን፥ እግዚአብሔርን ሁል ጊዜ በሁላችሁ ምክንያት እናመሰግናለን፤ 1ኛ ተሰሎንቄ 1፡2-3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

 

ፍቅር እና ራስ ወዳድነት

sibs-fighting.jpgአለምን የሚመሩት የፍቅርና ራስ ወዳድነት ምክኒያቶች ናቸው፡፡ በህይወት የተሳካለት ለመሆን የፍቅርንና የራስ ወዳድነትን ልዩነት መረዳት በጣም ወሳኝ ነው፡፡ አንዳንድ ጊዜ ሰዎች ፍቅርን በትክክል ስለማይረዱ ራስ ወዳድነትን ፍቅር ያደርጉታል፡፡ ራስ ወዳድነትና ፍቅር የተለያዩ ነገሮች ናቸው፡፡ ስለፍቅርና ስለራስ ወዳድነት ለመረዳት ፍቅርና ራስ ወዳድነት ስለባህሪያቸው መረዳት ወሳኝ ነው፡፡

ፍቅር ሙሉ ነው ራስ ወዳድነት ግን ጎዶሎ ነው

ፍቅር የተቀበለ ፣ የረካና የሞላለት ነው፡፡ መውደድ ፣ መስጠትና ማካፈል የሚችለው ሙሉ የሆነ ሰው ነው፡፡ ጎዶሎ የሆነ ሰው ከሌላው ይጠብቃል እንጂ መስጠትን አያውቅም፡፡ ሙሉ የሆነ ሰው ሊሰጥና ሊያካፍል የተዘጋጀ ነው፡፡ ራስ ወዳድነት ግን የለኝም ይጎድለኛል ከሚል የምስኪንነት አስተሳሰብ ይመነጫል፡፡

እኔ እንደ ማርሁህ ባልንጀራህ የሆነውን ያን ባሪያ ልትምረው ለአንተስ አይገባህምን? አለው። ማቴዎስ 18፡33

ፍቅር ድፍረት አለው ራስ ወዳድነት ፈሪ ነው

ፍቅር ብሰጥም አይጎድለኝም ብሎ ያስባል፡፡ ፍቅር ብሰጥም ይሰጠኛል ብሎ ያምናል፡፡ ራስ ወዳድነት ግን ብለቀው አጣዋለሁ ብሎ በስጋት ይኖራል፡፡

ስጡ ይሰጣችሁማል፤ በምትሰፍሩበት መስፈሪያ ተመልሶ ይሰፈርላችኋልና፥ የተጨቈነና የተነቀነቀ የተትረፈረፈም መልካም መስፈሪያ በእቅፋችሁ ይሰጣችኋል። ሉቃስ 6፡38

ፍቅር ትሁት ነው ራስ ወዳድ ግን ትእቢተኛ ነው

ፍቅር ሌላው ከእርሱ እንደሚሻል ያስባል፡፡ ራስ ወዳድነት እርሱ ከሁሉ እንደሚሻል ያስባል፡፡ ፍቅር ሌሎችን ለማገልገል እንደተፈጠረ እድለኛ ሰው ሲመለከት ራስ ወዳድነት ግን ሌሎች እርሱን እንዲያገለግሉት የተፈጠሩ መጠቀሚያዎች አድርጎ በትእቢት ያስባል፡፡

ለወገኔ ይጠቅማል በማለት ወይም በከንቱ ውዳሴ ምክንያት አንድ እንኳ አታድርጉ፥ ነገር ግን እያንዳንዱ ባልንጀራው ከራሱ ይልቅ እንዲሻል በትሕትና ይቍጠር፤ ፊልጵስዩስ 2፡3-4

ፍቅር አገልጋይ ነው ራስ ወዳድነት ተጠቃሚ ነው

ፍቅር ሌሎችን እንዲያገለግል እንደተፈጠረ ያውቃል፡፡ ራስ ወዳድነት ግን ሰው እርሱን እንዲያገለግለው ይፈልጋል፡፡ የፍቅር ሰው ሌሎችን የሚባርክ መልካም ነገር በእርሱ እንዳለ ያውቃል፡፡ ያንን መልካም ነገር ካለስስት ለሌሎች ይሰጣል፡፡ ራስ ወዳድነት  በእርሱ ያለውን ለሌሎች የሚጠቅመውን በጎነት አያየም፡፡ ራስ ወዳድነት የእርሱ በጎነት በሌሎች እንደተያዘ ይመስለዋል፡፡

ከእናንተም ማንም ፊተኛ ሊሆን የሚወድ የእናንተ ባሪያ ይሁን፤ ማቴዎስ 20፡27

ፍቅር ደስተኛ ነው ራስ ወዳድ ሃዘንተኛ ነው

ፍቅር የሚቀናበት ሙሉ ነው፡፡ ራስ ወዳድነት የሚታዘንለት መከረኛ እና ሃዘንተኛ ነው፡፡ ፍቅር ደስ የሚሰኘው በማይለወጠው በእግዚአብሄር ስለሆነ ሁሌ ደስተኛ ነው፡፡ ራስ ወዳድነት ደስ የሚሰኘው በቁሳቁስ ስለሆነ ደስታው ተለዋዋጭ ነው፡፡

ሁልጊዜ በጌታ ደስ ይበላችሁ፤ ደግሜ እላለሁ፥ ደስ ይበላችሁ። ፊልጵስዩስ 4፡4

ፍቅር ለመኖር ብዙ አያስፈልገውም ራስ ወዳድነት ምንም ነገር አይበቃውም

ፍቅር ባለው ነገር ይረካል ባለው በነገር ሌሎችን ያገለግላል፡፡ ፍቅር ባለው ነገር እንዴት እንደሚኖር ያውቃል፡፡ ለራስ ወዳድነት ለእርሱ ምንም ነገር በቂ አይደለም፡፡ ፍቅር የተባረከበትን በረከት ያያል ፣ ያከብራል እውቅናም ይሰጣል፡፡ ራስ ወዳድነት የጎደለውና የሌለው ላይ ነገር ላይ ብቻ ያተኩራል፡፡

ኑሮዬ ይበቃኛል ለሚለው ግን እግዚአብሔርን መምሰል እጅግ ማትረፊያ ነው፤ 1ኛ ጢሞቴዎስ 6፡6

ፍቅር በእርሱ ዘንድ ያለው ለሌሎች ሰዎች እንደሆነ ራስ ወዳድነት ደግሞ በሌሎች ውስጥ ያለው ለእርሱ እንደሆነ ያምናል

ፍቅር ለሌሎች የሚጠቅም ሌሎችን የሚያነሳ ሌሎችን የሚያሻግር ስጦታዎች በእርሱ እንዳለ ያምናል፡፡ ፍቅር በሌሎች ላይ ዋጋን ለመጨመር ፣ ሌሎችን ለማነፅ ፣ ሌሎችን ለመገንባት ፣ ሌሎችን ለማፅናናት እና ለማፅናት ተግቶ ይሰራል፡፡ ራስ ወዳድነት ሌሎች ካልረዱኝ ፣ ሌሎች ካልሰጡኝ ፣ ሌሎች ካላሰቡኝ ዋጋ የለኝም ብሎ ያስባል፡፡ ፍቅር ለሌሎች የሚጠቅም ነገር በእርሱ እንዳለ ሲያምን ራስ ወዳድነት ግን ምስኪንነት አስተሳሰብ ያለው ከመሆኑ የተነሳ እጅግ ሃብታም ካልሆነ ከታላቅ ከውርደቴ ሊያነሳኝ አይችልም ብሎ ያስባል፡፡

ልዩ ልዩን የእግዚአብሔርን ጸጋ ደጋግ መጋቢዎች እንደ መሆናችሁ፥ እያንዳንዳችሁ የጸጋን ስጦታ እንደ ተቀበላችሁ መጠን በዚያው ጸጋ እርስ በርሳችሁ አገልግሉ፤ 1ኛ ጴጥሮስ 4፡10

ፍቅር በሌለው ያምናል ራስ ወዳድነት ራሱ ብቻ የምናል

ፍቅር ሌላው እንደሚነሳ ፣ እንደሚሄድ ፣ እንደሚሳካና እንደሚከናወን ያምናል፡፡ ፍቅር ሌላውን ስለሚያምን የሌላው መሳካት የእርሱ መሳካት እንደሆነ ይቆጥራል፡፡ ራስ ወዳድነት ግን ከእርሱ ውጭ ማን እንዳማይሳካለት ፣ ማንም እንደማይከናወንለትና ማንም እንደማይወጣ ስለሚያስብ በሌላው ላይ መዝራት ብክነት ይመስለዋል፡፡

ሁሉን ይታገሣል፥ ሁሉን ያምናል፥ ሁሉን ተስፋ ያደርጋል፥ በሁሉ ይጸናል። 1ኛ ቆሮንቶስ 13፡7

ፍቅር ኩሩ ነው ራስ ወዳድነት ስግብግብ ነው

ፍቅር አስቀድሞ የረካ ስለሆነ ቢጠቅሙትም እንኳን የማያደርጋቸው ነገሮች አሉ፡፡ ፍቅር የሚንቀው ጥቅም አለ፡፡ ራስ ወዳድነት ግን ጥቅም ሆነ የሆነውን ሁሉ ነው የሚውጠው፡፡

ነውረኛ ረብ የማይወዱ፥ በንጹሕ ሕሊና የሃይማኖትን ምሥጢር የሚይዙ ሊሆኑ ይገባቸዋል። 1ኛ ጢሞቴዎስ 3፡9

ፍቅር ክብሩን ያውቃል ራስ ወዳድነት መዋረዱን ያያል

ፍቅር እንደከበረ ያውቃል፡፡ ፍቅር ከዚህ በላይ ሊከብረው የሚችል ምንም ነገር እንደሌለ ያውቃል፡፡ ራስ ወዳድነት ግን የሚታየው መዋረዱ ነው፡፡ እንዴት ከውርደቱ እንደሚወጣ ሌት ተቀን ያቅዳል ያልማል፡፡

ፍቅር ሌት ተቀን የሚያስበውና የሚያተኩረው እርሱ በሚሰጠው በሚባርከው በሚጠቅመውንና በሚያካፍለው ላይ ነው፡፡ ራስ ወዳድነት ሌት ተቀን የሚያስበውና የሚያተኩረው ለእርሱ በሚያገኘው በሚጠቀመውና በሚተርፈው ነገር ላይ ነው፡፡ ፍቅር ሰውን የሚፈልገው ለሰውየው ጥቅም ነው፡፡ ራስ ወዳድነት ሰውን እንኳን እወድሃለሁ የሚለው የሚጠቀመው ነገር እስካለ ጊዜ ብቻ ነው፡፡ ፍቅር ግን ሌላው ሲደክም ያን ጊዜ ነው ይበልጥ እንደሚያስፈልግ የሚረዳው፡፡

. . . ያመንሁትን አውቃለሁና፥ የሰጠሁትንም አደራ እስከዚያ ቀን ድረስ ሊጠብቅ እንዲችል ተረድቼአለሁ። 2ኛ ጢሞቴዎስ 1፡12

ፍቅር ማንነቱን ያውቃል ራስ ወዳድነት ማንነቱን አያውቅም

ፍቅር ማን እንደሆነ ስለሚረዳ ለመውደድ ለማካፈል ለማንሳት ለመበረክ አይከብደውም፡፡ ራስ ወዳድነት ስለራሱ እርግጠኛ ስላይደለ መውደድ ለሌች መፍሰስ አይችልም፡፡

ኢየሱስ አብ ሁሉን በልጁ እንደ ሰጠው ከእግዚአብሔርም እንደ ወጣ ወደ እግዚአብሔርም እንዲሄድ አውቆ፥ ከእራት ተነሣ ልብሱንም አኖረ፥ ማበሻም ጨርቅ ወስዶ ታጠቀ፤ በኋላም በመታጠቢያው ውኃ ጨመረ፥ የደቀ መዛሙርቱንም እግር ሊያጥብና በታጠቀበትም ማበሻ ጨርቅ ሊያብስ ጀመረ። ዮሃንስ 13፡3-4

ፍቅር ይተጋል ራስ ወዳድነት ይመኛል

ፍቅር እውነታን ይቀበላል፡፡ ካለበት ተነስቶ ይተጋል፡፡ ራስ ወዳድነት ግን በእድል ብቻ ያምናል፡፡ ሁሌ ይመኛል ይፈልጋል፡፡

ኀጥእ ቀኑን ሁሉ ምኞትን ይመኛል፤ ጻድቅ ግን ይሰጣል፥ አይሰስትም። ምሳሌ 21፡26

ፍቅር ደፋር ነው ራስ ወዳድነት ግን ፈሪ ነው

ፍቅር ድፍረት አለው፡፡ ፍቅር ብሰጥም አይጎድልብኝም የሚል መተማመን አለው፡፡ ራስ ወዳድነት ግን ከፍርሃት ይመነጫል፡፡ ራስ ወዳድነት ይጎድልብኛል አጣለሁ ከሚል የፍርሃት ስሜት ይመነጫል፡፡

የሚበልጥና ለዘወትር የሚኖር ገንዘብ በሰማይ ራሳችሁ እንዳላችሁ አውቃችሁ፥ በእስራቴ ራራችሁልኝ የገንዘባችሁንም ንጥቂያ በደስታ ተቀበላችሁ። እንግዲህ ታላቅ ብድራት ያለውን ድፍረታችሁን አትጣሉ። ዕብራውያን 10፡34-35

ፍቅር ባለጠጋ ነው ራስ ወዳድነት ደሃ ነው

ፍቅር የሞላለት ነው፡፡ ፍቅር የረካ ነው፡፡ ራስ ወዳድነት ግን የተራበ ነው፡፡ ራስ ወዳድነት የእጦት የጉድለት የድህነት ምልክት ነው፡፡

የምትባረክ ነፍስ ትጠግባለች፥ የረካም እርሱ ደግሞ ይረካል። ምሳሌ 11፥25

ፍቅር ሰጪ ነው ራስ ወዳድነት ንፉግ ነው

ፍቅር የሚታወቀው በመስጠት ነው፡፡ ፍቅር የሚታወቀው በማካፈል ነው፡፡ ራስ ወዳድነት የሚታወቀው በመቀበል በማስወጣት በመበዝበዝ ነው፡፡ ፍቅር ሰጪ ሲሆን ራስ ወዳድነት ግን ጠባቂ ነው፡፡ ፍቅር ሲያካፍል ራስ ወዳድነት ግን የተራበ ጠባቂ ብቻ ነው፡፡ ፍቅር ሰዎችን ፍቅር በመስጠት በማስተላለፍ በመጠቀም ይረካል፡፡ ራስ ወዳድነት ግን በመሰብሰብ በማከማቸት በማጋበስ ይረካል፡፡ ፍቅር ሌሎችን በማንሳት በሌሎች ላይ ዋጋን በመጨመር ይረካል፡፡ ራስ ወዳድነት ራሱ ላይ ብቻ በማከማቸት ይረካል፡፡  ፍቅር ራሱን በሌሎች ያበዛል፡፡ ራስ ወዳድነት ግን ከራሱ ጋር ይሞታል፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #መውደድ #ምስኪንእኔ #ድፍረት #መስጠት #ማካፈል #ሙላት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #መታበይ #ራስወዳድነት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እግዚአብሔር መሓሪ

Dollarphotoclub_82132782-1024x768.jpgእግዚአብሔር ርኅሩኅና መሓሪ ነው፥ ከቍጣ የራቀ፥ ምሕረቱም ብዙ ነው እግዚአብሔር ለሚታገሡት ቸር ነው። ምሕረቱም በሥራው ሁሉ ላይ ነው። መዝሙር 145፡8-9

እግዚአብሔር መሓሪና ይቅር ባይ ነው፥ ከቍጣ የራቀ ምሕረቱም የበዛ። ሁልጊዜም አይቀሥፍም፥ ለዘላለምም አይቈጣም። መዝሙር 103፡8-9

እግዚአብሔርም በፊቱ አልፎ፦ እግዚአብሔር፥ እግዚአብሔር መሐሪ፥ ሞገስ ያለው፥ ታጋሽም፥ ባለ ብዙ ቸርነትና እውነት፥ እስከ ሺህ ትውልድም ቸርነትን የሚጠብቅ፥ አበሳንና መተላለፍን ኃጢአትንም ይቅር የሚል፥ . . . ሲል አወጀ። ዘጸአት 34፡6-7

ነገር ግን አንተ ቸርና መሐሪ አምላክ ነህና በምሕረትህ ብዛት ፈጽመህ አላጠፋሃቸውም፥ አልተውሃቸውምም። ነህምያ 9፡31

አቤቱ፥ አንተ መሓሪና ይቅር ባይ ነህና፥ ምሕረትህም ለሚጠሩህ ሁሉ ብዙ ነውና። መዝሙር 86፡5

አቤቱ፥ አንተ ግን መሓሪና ርኅሩኅ አምላክ ነህ፤ መዓትህ የራቀ ምሕረትህም እውነትህም የበዛ፤መዝሙር 86፡15

ልባችሁን እንጂ ልብሳችሁን አትቅደዱ፤ አምላካችሁም እግዚአብሔር ቸርና መሐሪ፥ ቍጣው የዘገየ፥ ምሕረቱም የበዛ፥ ለክፋትም የተጸጸተ ነውና ወደ እርሱ ተመለሱ። ኢዮኤል 2፡13

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #መሓሪና #ርኅሩኅ #ምሕረት #ይቅርባይ #ቸር #ታጋሽ #ቍጣውየዘገየ #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ #ፅድቅ #ልብ

ፍቅር አይቀናም

jelous.jpgፍቅር ይታገሣል፥ ቸርነትንም ያደርጋል፤ ፍቅር አይቀናም፤ ፍቅር አይመካም፥ አይታበይም፤ 1ኛ ቆሮንቶስ 13፡4

ቅናት ከሌላው ሰው አንፃር ከደረጃ መውረድን ወይም መክሰርን ከመፍራት የሚመጣ ስጋት እና የመረበሽ ስሜት ነው፡፡

ቅናት ሌሎች ይበልጡኛል ፣ ጥለውኝ ይሄዳሉ እወድቃለሁ ከሚል ስጋት ይመነጫል፡፡

ቅናት የሚመጣው ራስን ካለማወቅ ነው፡፡ ቅናት የሚመጣው ከሌላው ጋር ከመፎካከር ነው፡፡ ቅናት የሚመጣው የራስን ዋጋ ካለማወቅ ነው፡፡ ቅናት የሚመጣው የራስን አስፈላጊነት ካለመገንዘብ ነው፡፡ ቅናት የሚመጣው ምንጭን ካለመረዳት ነው፡፡

እግዚአብሄርን ምንጩ ያደረገ ሰው አይፈራም፡፡

እግዚአብሔር እረኛዬ ነው፥ የሚያሳጣኝም የለም። መዝሙር 23፡1

የተለየ ጥሪ እንደለውና እግዚአብሄር የወሰነለት የተለየ ስጦታ እንዳለው የሚያውቅ ሰው አይፎካከርም አይቀናም፡፡

ራሳቸውን ከሚያመሰግኑ ከአንዳንዶች ጋር ራሳችንን ልንቆጥር ወይም ራሳችንን ልናስተያይ አንደፍርምና፤ ነገር ግን እነርሱ ራሳቸውን ከራሳቸው ጋር ሲያመዛዝኑ፥ ራሳቸውንም ከራሳቸው ጋር ሲያስተያዩ፥ አያስተውሉም። እኛ ግን እግዚአብሔር እንደ ወሰነልን እስከ እናንተ እንኳ እንደሚደርስ እንደ ክፍላችን ልክ እንጂ ያለ ልክ አንመካም። 2ኛ ቆሮንቶስ 10፡12-13

ፍቅር ሰዎች የሚያድጉት በእርሱ ወጭ እንደሆነ አያስብም፡፡ ፍቅር የራሱ ድርሻ እንዳለውና የእርሱን ድርሻ ሊወስድ የሚችል ሌላ ሰው እንደሌለ በእግዚአብሄር ይተማመናል፡፡

ፍቅር ሌላው ሲያገኝና ሲሳካለት እርሱ እንደተሳካለት ደስ ይለዋል፡፡ ፍቅር የሌላው ስኬት የስኬቱን ባለቤት እግዚአብሄርን ስለሚያሳየው በሌላው ስኬት ሃሴት ያደርጋል፡፡

የሚቀና ሰው ግን ከራሱ ስኬት በላይ የሌላው ውድቀት ያስደስተዋል፡፡

ፍቅር እግዚአብሄር ለሚጠሩት ሁሉ ባለጠጋ እንደሆነና የእግዚአብሄር በረከት ለሁሉም እንደሚበቃ ያምናል፡፡ ፍቅር እርሱ እንዲሳካለት ሌላው መሰናከል እንደሌለበት ይረዳል፡፡ ፍቅር ሌላው የተሳካለት ደግሞ በእርሱ መሰናከል እንዳልሆነ ያውቃል፡፡ ፍቅር የእርሱ ሻማ እንዲበራ የሌላው ሻማ መጥፋት እንደሌለበት ይረዳል፡፡jealousy (1).jpg

ፍቅር አይቀናም፤

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #ቅናት #ስጋት #ፍርሃት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #መታበይ #መመካት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

በፍቅር የሚሠራ እምነት

faith works in love.jpgበክርስቶስ ኢየሱስ ሆኖ፥ በፍቅር የሚሠራ እምነት እንጂ መገረዝ ቢሆን ወይም አለመገረዝ አይጠቅምምና። ገላትያ 5፡6

እምነት እንዲሰራ የሚያደርገው ፍቅር ነው፡፡ እምነት የሚያስፈልገውም የፍቅርን ህይወት እንድንኖር ነው፡፡ እምነት ከፍቅር ተለይቶ አይሰራም፡፡ ለሚያምን ሁሉ ይቻላል ያለው ያው ጌታ ባልንጀራህን እንደራስህ አድርገው ውደድ ብሏል፡፡

ሰው እምነት ቢኖረው እንዲሰራ የሚያደርገው ፍቅር ግን ከሌለው ከንቱ ነው፡፡ ሰው እምነት ቢኖረው የእምነቱ ሃይል ትክክለኛ ቦታ ላይ እንዲውል የሚያደርገው ፍቅር ከሌለው ከንቱ ነው፡፡ እምነትን ወደ ትክክለኛ ቦታ የሚመራው ፍቅር ነው፡፡

ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። 1ኛ ቆሮንቶስ 12፡1-2

በእምነት ስለምናደርገው ማንኛውም ነገር መነሻ ዝንባሌው ፍቅር መሆን አለበት፡፡ በፍቅር ባህሪ ያልተገራ የእምነት ሃይል አይሰራም፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

ፍቅር – የትእዛዝ ኢላማ

love_target_by_00alisa00-d39dt6q2.jpgየእግዚአብሄር ትእዛዝ ብዙና ውስብስብ ቢመስልም ግን ከባድ ያልሆነና በአንድ ቃል ሊጠቃለል የሚችል ትእዛዝ ነው፡፡

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ጢሞቴዎስ 1፡5

በመፅሃፍ ቅዱስ ውስጥ የምትመለከቷቸው ማናቸውም ትእዛዞች አላማቸው በፍቅር እንድንኖር ማስቻል ነው፡፡ እያንዳንዱ ትእዛዝ በፍቅር ኑሩ የሚለው ትእዛዝ ትንታኔና ማብራሪያ ነው እንጂ አዲስ ትእዛዝ አይደለም፡፡

ማንኛውም ትእዛዝ ሰዎች ከእግዚአብሄር ጋርና ከሰው ጋር በፍቅር እንዲኖሩ ካላበረታታ አላማውን ስቷል፡፡ በፍቅር የመኖር ግብ የሌለውን ትእዛዝ ያለመቀበል ሙሉ መብት አለን፡፡ ትእዛዛት የተሰጡት እኛ በፍቅር እንድንኖር ለማስቻል ነው፡፡

የእግዚአብሄር ትእዛዛት ሁሉ ሲጨመቁ እግዚአብሄርን ውደድ ባልንጀራህን ውደድ በሚል ትእዛዝ ይጠቃለላሉ፡፡

እርሱም በሕግ የተጻፈው ምንድር ነው? እንዴትስ ታነባለህ? አለው። እርሱም መልሶ፦ ጌታ አምላክህን በፍጹም ልብህ በፍጹም ነፍስህም በፍጹም ኃይልህም በፍጹም አሳብህም ውደድ፥ ባልንጀራህንም እንደ ራስህ ውደድ አለው። ሉቃስ 10፡26-27

በፍቅር የሚኖር ሰው ከመቀፅበት ትእዛዛትን ሁሉ ይፈፅማል፡፡ በፍቅር የማይኖር ሰው ደግሞ ትእዛዛትን ሁሉ ይተላለፋል፡፡

እርስ በርሳችሁ ከመዋደድ በቀር ለማንም ዕዳ አይኑርባችሁ፥ ሌላውን የሚወድ ሕግን ፈጽሞታልና። ሮሜ 13፡8

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ጢሞቴዎስ 1፡5

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #በፍፁምልብ #በፍፁምሃሳብ #በፍፁምነፍስ #በፍፁምሃይል #መውደድ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ለፍቅር የፈጠረው ሰው

walking love.jpgሰው ለመውደድ እና ለመወደድ ታልሞና ታቅዶ ነው የተፈጠረው፡፡ ሰው ከመውደድና ከመውደድ ውጭ ሲወጣ ህይወቱ ይዛባል፡፡ ሰው እግዚአብሄርን ለመውደድ ሰውን ለመውደድ ተፈጥሯል፡፡

ፍቅር ስለሌላው መልካም ማሰብ ፣ መልካም ማድረግና መልካም መናገር ነው፡፡ ፍቅር በመረዳት ከሌላው ጋር ራስን ማስተባበር ነው፡፡

ሰው ከሁሉም በላይ በእግዚአብሄር ተወዷል፡፡ ሰው በእግዚአብሄር እንደ ተወደደ ካላወቀ ህይወቱ በምንም ነገር ትክክል ሊሆን አይችልም፡፡ ስለዚህ ነው ምንም ነገር ቢኖረኝ ፍቅር ግን ከሌለኝ ከንቱ ነኝ እያለ ሃዋሪያው የሚያስተምረው፡፡ የሰው እውነተኛ ጥቅም በፍቅር መኖር ነው፡፡ የሰው ልጅ የመኖር ትርፉ በፍቅር መመላለስ ነው፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። 1ኛ ቆሮንቶስ 13፡2-3

ሰው ምንም ነገር ቢኖረው ፍቅር ከሌለው ምንም አይጠቅመውም፡፡ የሰው ክብሩና ውበቱ በፍቅር መኖር ነው፡፡ የሰው ዋጋውና ክብደቱ በፍቅር መኖሩ ነው፡፡ ሰው ፍቅር ከሌለው ምንም አይጠቅመውምም ምንም አይጠቀምም፡፡

ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ቆሮንቶስ 13፡3

ሰው በተፈጠረበት ንድፍ በፍቅር ሲኖር ይቀለዋል፡፡ ሰው ግን በጥላቻ ሲኖር ባልተሰራበት ዲዛይን ስለሚኖር ሁሉ ነገር ይወሳሰብበታል፡፡ ሰው በፍቅር ሲኖር በግልፅና በብርሃን ይኖራል፡፡ ጥላቻን በድብቅና በጨለማ ስለሚያደርገው ህይወቱን ያወሳስብበታል፡፡ ሰው በፍቅር ሲኖር ብቻ በነፃነት ይኖራል፡፡

ሰው ለፍቅርና ለመልካም ስራ ተፈጥሯል፡፡

ለፍቅርና ለመልካምም ሥራ እንድንነቃቃ እርስ በርሳችን እንተያይ፤ ዕብራዊያን 10፡24

#ኢየሱስ #ጌታ #ፍቅር #ቤተክርስትያን #አማርኛ #ስብከት #መዳን #መፅሃፍቅዱስ #ዲዛይን #አቢይ #አቢይዋቁማ #አቢይዋቁማዲንሳ #ንድፍ #መንፈስቅዱስ #እቅድ #ልብ #መውደድ #የህግፍፃሜ

ፍቅር – ከሁሉ የሚበልጥ መንገድ

shanghai-highways.jpgደግሞም ከሁሉ የሚበልጥ መንገድ አሳያችኋለሁ። 1ኛ ቆሮንቶስ 12፡31

ከስጦታዎች ሁሉ የሚበልጠው ፍቅር ነው፡፡ ፍቅር ከፍ ያለ ነው፡፡ ፍቅር ተራ አይደለም፡፡ ፍቅር በውድቀት መደዳ አይገኝም፡፡ ፍቅር አሸናፊ ነው፡፡ ፍቅር ስኬታማ ነው፡፡

ፍቅር የሚበልጥበት ምክኒያት ፡-

  1. ምንም ምግባር ከፍቅር መነሻ ሃሳብ ካልተደረገ ከንቱ ነው፡፡ ሰው ምንም ያህል ስጦታ ቢኖረው ስጦታውን የሚተገብረው በፍቅር ካልሆነ ከንቱ ነው፡፡ ሰው ምንም ነገር ቢያከናውን ያከናወነው ከፍቅር ልብ ካልሆነ ምንም አይጠቅምም፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ቆሮንቶስ 13፡1-3

  1. ፍቅር የህግ ፍፃሜ ነው፡፡

ሰው የተፈጠረው ለፍቅር ነው፡፡ በፍቅር የሚኖር ሰው ህግን ይፈፅመዋል፡፡ በፍቅር የሚኖር ሰው ሌላውን ሊበድል አይችልም፡፡ ሰው በፍቅር ኖሮ አላማውን ሊስት አይችልም፡፡

አታመንዝር፥ አትግደል፥ አትስረቅ፥ በውሸት አትመስክር፥ አትመኝ የሚለው ከሌላይቱ ትእዛዝ ሁሉ ጋር በዚህ፦ ባልንጀራህን እንደ ነፍስህ ውደድ በሚለው ቃል ተጠቅልሎአል። ፍቅር ለባልንጀራው ክፉ አያደርግም፤ ስለዚህ ፍቅር የሕግ ፍጻሜ ነው። ሮሜ 13፡9-10

  1. እግዚአብሄር ፍቅር ነው፡፡ ፍቅር የእግዚአብሄር መንገድ ነው፡፡ በፍቅር መኖር እግዚአብሄርን መምሰል ነው፡፡ ለእግዚአብሄር የምናደርገው ነገር ሁሉ በፍቅር ካልተደረገ ለእግዚአብሄር አልተደረገም፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

  1. የእግዚአብሄር ትእዛዞች ሁሉ የተሰጡበት አላማ ሰው በፍቅር እንዲኖር ለማስቻል ነው፡፡

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤ 1ኛ ጢሞቴዎስ 1፡5

  1. በፍቅር ላይ የሚሰራ ህግ የለም፡፡ ፍቅር ፍፁም ነው፡፡ ፍቅር የሚወጣለት አንከን የለም፡፡ ለምን ለሰው መልካም አሰብክ ፣ ለምን ለሰው መልካም ተናገርክ ፣ ለምን ለሰው መልካም አደረግክ ተብሎ የሚቀጣ ሰው የለም፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ገላትያ 5፡22-23

  1. ፍቅርን እግዚአብሄር ብቻ የሚያደርገው ስለሆነ ነው፡፡ ሌሎች ነገሮች መስሎ የተሰራ ማታለያ አላቸው፡፡ ፍቅርን ግን ማስመሰያውን መስራት የሚችል ሰው የለም፡፡ ሰው በእግዚአብሄር ካልሆነ በፍቅር ሊኖር አይችልም፡፡ ሰው ከእግዚአብሄር ካልተቀበለው በፍቅር ሊኖር የሚችልበት አቅም የለውም፡፡

በተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። ሮሜ 5፡5

  1. ፍቅርን ሲያየው የማያውቀው ሰው የለም፡፡ የመጨረሻው እውቀት የሌለው ሰው ፍቅርን ያውቀዋል፡፡ ምንም የማይረዳ የሚባለው ሰው ፍቅርን ግን አይስተውም፡፡ መፅሃፍ ቅዱስን አንብቦ የማያውቅ ሰው እንኳን ፍቅርን መረዳት ይችላል፡፡

እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሃንስ 13፡35

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

ፍቅር 100 %

100 % love.jpgኢየሱስም መልሶ እንዲህ አለው፦ ከትእዛዛቱ ሁሉ ፊተኛይቱ፦ እስራኤል ሆይ፥ ስማ፤ ጌታ አምላካችን አንድ ጌታ ነው፥ አንተም በፍጹም ልብህ በፍጹምም ነፍስህ በፍጹምም አሳብህ በፍጹምም ኃይልህ ጌታ አምላክህን ውደድ የምትል ናት። ፊተኛይቱ ትእዛዝ ይህች ናት። ማርቆስ 12፡29-30

እግዚአብሄር የዘላለም ንጉስ ነው፡፡ እግዚአብሄር ከእኛ ግማሽ ወይም የተከፋፈለ ፍቅር አይቀበልም፡፡ እግዚአብሄር ከእኛ ሙሉ ፍቅር ይጠብቃል፡፡ እገዚአብሄር ኩሩ ነው እግዚአብሄር ጎዶሎን ነገር እንዳውም አይቀበለም፡፡

ሁለት አሳብ ላለው በመንገዱም ሁሉ ለሚወላውል ለዚያ ሰው ከጌታ ዘንድ አንዳች እንዲያገኝ አይምሰለው። ያዕቆብ 1፡7-8

እኛ የእግዚአብሄር ፍጥረት ነን፡፡ ለክብሩ የሰራን ፍጥረቶቹ ነን፡፡ ሲፈጥረን ለምን እንደፈጠረን ሊናገር የሚችለው እርሱ ብቻ ነው፡፡ በእኛ ላይ ሙሉ ስልጣን ያለውና ከእኛ ምን እንደሚፈልግ በሙሉ ስልጣን ማዘዝ የሚችለው እግዚአብሄር ነው፡፡

ይህ ለክብሩ የፈጠረን ጌታ ከእኛ የሚጠብቀው 100% እንድንወደ ነው፡፡

በፍፁም ልባችን እንድንወደው እግዚአብሄር ይፈልጋል፡፡ ልብ የህይወታችን ማእከላዊ ስፍራና የህይወት ሁሉ ምንጭ ነው፡፡ እግዚአብሄር ከልባችን እንድንወደው ይፈልጋል፡፡ እግዚአብሄር ከትርፋችን ሳይሆን ከዋናችን እንድንወደው ይፈልጋል፡፡ እግዚአብሄርን ከላይ ከላይ ሳይሆን ከውስጣችን እንድንወደው ይፈልጋል፡፡ እግዚአብሄርን በአንደበታችን ሳይሆን ከልባችን እንድንወደቅው ይፈልጋል፡፡ እገዚአብሄር ለታይታ ሳይሆን በፍፁም እንድወደው ይፈልጋል፡፡

ይህ ሕዝብ በከንፈሩ ያከብረኛል፥ ልቡ ግን ከእኔ በጣም የራቀ ነው፤ ማቴዎስ 15፡8

እግዚአብሄር በፍፁም ነፍሳችን እንድንወደው ይጠብቅብናል፡፡ እግዚአብሄር በሙሉ ስሜታቸን እንድንናስቀድመው ይፈልጋል፡፡ ስለእርሱ ስናስብ ልባችን እንዲሞቅ ይፈልጋል፡፡ ስለእርሱ ስንናገር ልባችን እንዲቀጣጠል ይፈልጋል፡፡ እርሱን ስናገልግል በደስታና በፈንጠዝያ እንድናገለግለው ይጠብቃል፡፡ እግዚአብሄር በሙሉ ልባችን እንድንወደው ይፈልጋል፡፡

እግዚአብሄር በፍፁም ሃሳባችን እንድንወደውም ይፈልጋል፡፡ ሃሳባችን በርሱ ሃሳብ እንዲሞላ ይፈልጋል፡፡ በህይወታችን ተግዳሮት ሲያጋጥመን የመጀመሪያው የመፍትሄ ሃሳብ የእርሱ እንዲሆን ይፈልጋል፡፡ ምንም ከመወሰናችን በፊት እርሱን አስበን እንድንወስን ይፈልጋል፡፡ በህይወታችን የእርሱን ሃሳብ ከሌላ  ሃሳብ በፊት እንድናስቀድመው ይፈልጋል፡፡

እግዚአብሄር በፍፁም ሃይላችን እንድንወደው ይፈልጋል፡፡ ባለን ጉልበት ሁሉ እንድናስደስተው ፣ ባለን ጉልበት ሁሉ እንድንከተለው ፣ ባለን ጉልበት ሁሉ ካለምንም ቁጠባና መሰሰት ለእርሱ እንድንኖርለት ይፈልጋል፡፡

ይህን ስናነብ “ይህ ይቻላል?” ብለን ልንጠይቅ እንችላለን፡፡ መልሱ ይቻላል ነው፡፡ እግዚአብሄር ካዘዘው ይቻላል ማለት ነው፡፡ እግዚአብሄር ከጠየቀው ይቻላል ማለት ነው ምክኒያቱም እግዚአብሄር የማይቻል ነገር ለአፉ ጠይቆ አያውቅም፡፡

ኢየሱስም መልሶ እንዲህ አለው፦ ከትእዛዛቱ ሁሉ ፊተኛይቱ፦ እስራኤል ሆይ፥ ስማ፤ ጌታ አምላካችን አንድ ጌታ ነው፥ አንተም በፍጹም ልብህ በፍጹምም ነፍስህ በፍጹምም አሳብህ በፍጹምም ኃይልህ ጌታ አምላክህን ውደድ የምትል ናት። ፊተኛይቱ ትእዛዝ ይህች ናት። ማርቆስ 12፡29-30

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #በፍፁምልብ #በፍፁምሃሳብ #በፍፁምነፍስ #በፍፁምሃይል #መውደድ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ፍቅር ለዘወትር አይወድቅም

betaisrael002-806572ff54b94d9aa0ad3ea239e83502ffc311a8-s40.jpgፍቅር የስሜት ጉዳይ አይደለም፡፡ እውነተኛ ፍቅር ያዘኝ ለቀቀኝ የምንለው ነገር አይደለም፡፡ ፍቅር ስሜትን ቢያካትተም የስሜት ጉዳይ ብቻ ግን ፈፅሞ አይደለም፡፡

ፍቅር የመረዳት ጉዳይ ነው፡፡ ፍቅር የውሳኔ ጉዳይ ነው፡፡ ፍቅር በመረዳት ለሌላው መልካም ማሰብ መልካም መናገርና መልካም ማድረግ ነው፡፡

እውነተኛ ፍቅር የሚፈተነው በርችትና በፌሽታ መካከል ሳይሆን ሌላው ሲደክም ፣ ሌላው ሲበድል ፣ ሌላው ሲያስቸግር ፣ ሌላው ሳይረዳን ፣ ሌላው ለፍቅር መልስ ሳይሰጥ ፣ ሌላው ሲጠላ መውደድ ፣ መሸከም ፣ መንከባከብ ፣ መጥቀምና ማንሳት በመቻል ነው፡፡

እውነተኛ ፍቅር ዘላቂ ነው፡፡ እውነተኛ ፍቅር “አስጨርሺኝ” የሚባል አይደለም፡፡ እውነተኛ ፍቅር ድንገት መጥቶ የሚይዘንና ድንገት ደግሞ የሚለቀን ምትሃት አይደለም፡፡ ይህ ፍቅር ሳይሆን ማንም መንገደኛ የሚያደርገው ስጋዊ ምኞት ነው፡፡

ፍቅር . . . የራሱንም አይፈልግም 1ኛ ቆሮንቶስ 13፡5

ፍቅር ፍቅር የእንካ በእንካ ጉዳይ አይደለም፡፡ ፍቅር የሆነ ነገር ፈልገን መጠጋት አይደለም፡፡ ፍቅር ራስ ወዳድነት አይደለም፡፡ ፍቅር ለማገልገል ፣ ለመባረክ ፣ ለማንሳትና ለመጥቀም መወሰን ነው፡፡

እውነተኛ ፍቅር በሁኔታዎች ሲፈተን እንዲያውም እየጨመረ ፣ እየደመቀ ፣ እየጠራና እያበበ የሚሄድ ነው፡፡

ፍቅራችሁ በእውቀትና በማስተዋል ሁሉ ከፊት ይልቅ እያደገ እንዲበዛ ይህን እጸልያለሁ። ፊልጵስዩስ 1፡9

እውነተኛን ፍቅር የማይረዳ ማንም ሰው የለም፡፡ ፍቅር የማያሸንፈው ሰው የለም፡፡ ፍቅር ሃያል ነው፡፡  ምንም አያውቅም የምንለው ሰው ፍቅርን ግን ይረዳል፡፡

እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሃንስ 13፡35

ፍቅር የሚደገፈው በእግዚአብሄር ፍቅር ላይ ስለሆነ ለዘወትር አይወድቅም ፡፡ ፍቅር የሚያተኩረው በመስጠት ላይ ስለሆነ ለዘወትር አይወድቅም፡፡ ፍቅር ከሌላው የሚጠቀመውን ተመኝቶ ስለማያደርግ ለዘወትር አይወድቅም፡፡ ፍቅር ጥቅሙን አስቦ ስለማይጠጋ ለዘወትር አይወድቅም፡፡

ፍቅር ለዘወትር አይወድቅም፤ 1ኛ ቆሮንቶስ 13፡8

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #መታበይ #መመካት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የፍቅር ባለጠግነት

love tank.pub1.jpgፍቅር ሃብታም ነው፡፡ ፍቅር ሁሉ የሞላለት ነው፡፡ ፍቅር የሚያካፈለው ያለው ነው፡፡ ፍቅር የተራበ አይደለም፡፡ ፍቅር ያጣ አይደለም፡፡ ፍቅር የሞላለት ነው፡፡ ፍቅር ሞልቶ የተረፈው ነው፡፡ ፍቅር ሁሉ ያለው ነው፡፡

ፍቅር ስግብግብ አይደለም፡፡ ፍቅር ስቁንቁን አይደለም፡፡ ፍቅር ቋጣሪ አይደለም፡፡ ፍቅር ራስ ወዳድ አይደለም፡፡ ፍቅር ስስታም አይደለም፡፡ ፍቅር ጨካኝ አይደለም፡፡ ፍቅር ርህሩህ ነው፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

ፍቅር ቸር ነው፡፡ ፍቅር ለጋስ ነው፡፡ ፍቅር መሃሪ ነው፡፡ ፍቅር ይቅር ባይ ነው፡፡ ፍቅር ትግስተኛ ነው፡፡ ፍቅር መልካም አሳቢ ነው፡፡ ፍቅር ደግ ነው፡፡ ፍቅር ለሁሉም ይራራል፡፡

ነገር ግን ግብዣ ባደረግህ ጊዜ ድሆችንና ጕንድሾችን አንካሶችንም ዕውሮችንም ጥራ፤ የሚመልሱት ብድራት የላቸውምና ብፁዕ ትሆናለህ፤ በጻድቃን ትንሣኤ ይመለስልሃልና። ሉቃስ 14፡13-14

ፍቅር ይባርካል፡፡ ፍቅር ይለቃል፡፡ ፍቅር ያከብራል፡፡ ፍቅር ይለግሳል፡፡ ፍቅር ይሰጣል፡፡ ፍቅር ያካፍላል፡፡ ፍቅር ከሌላው ምንም ተስፋ ሳያደርግ ይባርካል፡፡

ነገር ግን ጠላቶቻችሁን ውደዱ፤ መልካም አድርጉ፤ ምንም ተስፋ ሳታደርጉም አበድሩ፥ ዋጋችሁም ታላቅ ይሆናል፥ የልዑልም ልጆች ትሆናላችሁ፥ እርሱ ለማያመሰግኑ ለክፉዎችም ቸር ነውና። አባታችሁ ርኅሩኅ እንደ ሆነ ርኅሩኆች ሁኑ። አባታችሁ ርኅሩኅ እንደ ሆነ ርኅሩኆች ሁኑ። ሉቃስ 6፥35፣36

ፍቅር ማገልገል ስለሚወድ ብቻ ያገለግላል፡፡ ፍቅር ማንሳት ስለሚወድ ብቻ ሰውን ያስነሳል፡፡ ፍቅር የሰዎች ከፍታ ስለሚያስደስተው ስለሌሎች መነሳትና ከፍታ ይሰራል፡፡ ፍቅር በሌሎች ህይወት ላይ ዋጋን ይጨምራል፡፡ ፍቅር ሌሎች ሲነሱ ፣ ሲያብቡና ከፍ ሲሉ ይደሰታል፡፡ ፍቅር በሌሎች ማሸነፍና መሻገር ይረካል፡፡

እኔ ግን እላችኋለሁ፥ በሰማያት ላለ አባታችሁ ልጆች ትሆኑ ዘንድ ጠላቶቻችሁን ውደዱ፥ የሚረግሙአችሁንም መርቁ፥ ለሚጠሉአችሁም መልካም አድርጉ፥ ስለሚያሳድዱአችሁም ጸልዩ፤ እርሱ በክፎዎችና በበጎዎች ላይ ፀሐይን ያወጣልና፥ በጻድቃንና በኃጢአተኞችም ላይ ዝናቡን ያዘንባልና። ማቴዎስ 5፡44-45

ፍቅር ሁሌ የሚሰጠው አለው፡፡ ፍቅር ሁሌ ይቅር የሚልበት አቅም አለው፡፡ በተበደለ መጠን ፍቅር ዘወትር ምህረት የሚያደርግበት ጉልበት አለው፡፡ ፍቅር ሁልጊዜ ይቅር የሚልበት የይቅርታ ክምችት አለው፡፡ ፍቅር ሁሌ የሚሰጠው አያጣም፡፡ ፍቅር ሁሌ የሚያካፍለው አለው፡፡ ፍቅር ሰጥቶ አይጠግብም፡፡ ፍቅር አካፍሎ አይጎድልም፡፡

ፍቅር ይታገሣል፥ ቸርነትንም ያደርጋል፤ ፍቅር አይቀናም፤ ፍቅር አይመካም፥ አይታበይም፤ 1ኛ ቆሮንቶስ 13፡4

ፍቅር ራሱን ያውቃል፡፡ ፍቅር የረካ ነው፡፡ ፍቅር ከውድድር ነፃ የወጣ ነው፡፡ ፍቅር ከፉክክር ነፃ ነው፡፡ ፍቅር ተልእኮው ልዩ ስለሆነ ከማንም ጋር አይወዳደርም፡፡ ፍቅር ሊያጎድለው የሚችል ምንም ነገር እንደሌለ ያውቃል፡፡ ፍቅር ደሃ ሊያደርገው የሚችል ሃይል እንደሌለ ያምናል፡፡ ፍቅር ሃብቱን በልቶ የሚጨርስ ሰው እንደሌለ ያምናል፡፡ ፍቅር እጅግ በጣም ከመክበሩ የተነሳ ሊያዋርደው የሚችል ምንም ነገር እንደሌለ ያውቃል፡፡

ኢየሱስ አብ ሁሉን በልጁ እንደ ሰጠው ከእግዚአብሔርም እንደ ወጣ ወደ እግዚአብሔርም እንዲሄድ አውቆ፥ ከእራት ተነሣ ልብሱንም አኖረ፥ ማበሻም ጨርቅ ወስዶ ታጠቀ፤ በኋላም በመታጠቢያው ውኃ ጨመረ፥ የደቀ መዛሙርቱንም እግር ሊያጥብና በታጠቀበትም ማበሻ ጨርቅ ሊያብስ ጀመረ። ዮሃንስ 13፡3-5

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #መታበይ #መመካት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የማያቋርጥ የፍቅር ምንጭ

fountain.jpg

ፍቅር እጅግ አስፈላጊ ነገር ነው፡፡  ሰው ለፍቅር ተፈጥሯል፡፡ የሰውን ህይወት የሚያጣፈጠው ፍቅር ነው፡፡  ለሰው ውበትን የሚሰጠው ፍቅር ነው፡፡ ለሰው ጣእምን የሚሰጠው ፍቅር ነው፡፡ ለሰው ሞገስን የሚሰጠው ፍቅር ነው፡፡ ለሰው እረፍትን የሚሰጠው ፍቅር ብቻ ነው፡፡ ሰው በህይወቱ እውነተኛን እርካታን የሚያየው በፍቅር ሲኖር ብቻ ነው፡፡ ሰውን የሚያሳድገው ፍቅር ነው፡፡ ሰው የሚከናወነው በፍቅር ሲኖር ብቻ ነው፡፡ ሰው የሚለቀቀው በፍቅር ሲኖር ብቻ ነው፡፡ ሰው ነፃ የሚወጣው በፍቅር ሲኖር ብቻ ነው፡፡

የጐመን ወጥ በፍቅር መብላት የሰባ ፍሪዳን ጥል ባለበት ዘንድ ከመብላት ይሻላል። ምሳሌ 15፡17

ሰው ለመወደድና ለመውደድ ተፈጥሯል፡፡ ሰው ፍቅርን እንዲቀበልና እንዲሰጥ ተፈጥሯል፡፡ ሰው ፍቅርን ካልተቀበለ መስጠት አይችልም፡፡

እግዚአብሄር ፍቅር ነው፡፡ ፍቅርን የምንማርበት ፍፁም ምሳሌያችን ደግሞ እግዚአብሄር ራሱ ነው፡፡ እውነተኛ ፍቅርን ያየነው ከእግዚአብሄር ነው፡፡

ሰው በራሱ ሊወድ አቅም የለውም፡፡ እግዚአብሄር እንደወደደው የሚያምንና የሚያውቅ ሰው ብቻ ነው ሌላውን ለመውደድ አቅም የሚያገኘው፡፡ ፍቅር የሆነውን እግዚአብሄርን የማያውቅ በምንም መልኩ ፍቅርን ሊያውቅ አይችልም፡፡

እኛም እግዚአብሔር ለእኛ ያለውን ፍቅር አውቀናል አምነንማል። እግዚአብሔር ፍቅር ነው፥ በፍቅርም የሚኖር በእግዚአብሔር ይኖራል እግዚአብሔርም በእርሱ ይኖራል። 1ኛ ዮሐንስ 4፡16

ከእግዚአብሄር ፍቅርን የተቀበለና የእግዚአብሄርን ፍቅር የተረዳ ሰው ሌላውን ሊወድ ይችላል፡፡ ሰው ሰውን በእውነተኛ ፍቅር ሊወድ የሚችለው በእግዚአብሄር መወደዱን ሲረዳ ብቻ ነው፡፡ ሰው ሌላውን ሊወድ የሚችልበት መጠን እግዚአብሄር እርሱን እንዴት እንደወደደው በተረዳበት መጠን ብቻ ነው፡፡

ወዳጆች ሆይ፥ ፍቅር ከእግዚአብሔር ስለ ሆነ፥ የሚወደውም ሁሉ ከእግዚአብሔር ስለ ተወለደ እግዚአብሔርንም ስለሚያውቅ፥ እርስ በርሳችን እንዋደድ። ፍቅር የሌለው እግዚአብሔርን አያውቅም፥ እግዚአብሔር ፍቅር ነውና። 1ኛ ዮሐንስ 4፡7-8

ሰው ያልተቀበለውን ፍቅር ሊሰጥ አይችልም፡፡ ሰው ባልተወደደበት መወደድ ሊወድ አይችልም፡፡ ሰው ባልተረዳው ፍቅር መውደድ አይችልም፡፡

እግዚአብሄር ምን ያህል እንደወደደው የተረዳ ሰው ሌላውን ይወዳል፡፡ የእግዚአብሄርን ፍቅር የተቀበለ ሰው ለሌላው ፍቅርን ይሰጣል፡፡ ሰው ምን ያህል እንደተወደደ በተረዳበት መጠን ብቻ ሌላውን መውደድ ይችላል፡፡

ከዚያ ወዲያ ጌታው ጠርቶ፦ አንተ ክፉ ባሪያ፥ ስለ ለመንኸኝ ያን ዕዳ ሁሉ ተውሁልህ፤ እኔ እንደ ማርሁህ ባልንጀራህ የሆነውን ያን ባሪያ ልትምረው ለአንተስ አይገባህምን? አለው። ማቴዎስ 18፡32-33

በተወደደው መጠን ብቻ ፣ የእግዚአብሄርን ፍቅር በተቀበለበት መጠን ብቻ ፣ የእግዚአብሄርን ፍቅር ባየበት መጠን ብቻ ፣ የእግዚአብሄርን ፍቅር ባወቀበት መጠን ብቻ ነው ሰው ሌላውን መውደድ የሚችለው፡፡ ሰውን መውደድ የሚያቅተው ሰው እግዚአብሄር እንደወደደው የማይረዳ ሰው ነው፡፡ እግዚአብሄር እንዴት እንደወደደው ያላወቀ ሰው ሰውን እንዴት እንደሚወድ አያውቅም፡፡

በተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። ሮሜ 5፡5

ስለተወደድን መውደድ እንችላለን፡፡ ካለምክኒያት ስለተወደደን መውደድ እንችላለን፡፡ ጠላቶች ሆነን ስለተወደድን ጠላታችንን መውደድ እንችላለን፡፡ ፍቅርን ስለተቀበልን ፍቅርን መስጠት እንችላለን፡፡ በፍቅር ስለተቀበልን ፍቅርን ማመስጠት እናውቅበታለን፡፡

ለተጨማሪ ፅሁፎች https://www.facebook.com/abiy.wakum…

ለቪዲዮ መልእክቶች https://www.youtube.com/user/awordm…

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #መውደድ #መስጠት #መልካምነት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

 

 

 

እውነተኛ ፍቅር

everyday-love-comics-illustrations-soppy-philippa-rice-151.jpgፍቅር ይታገሣል፥ ቸርነትንም ያደርጋል፤ ፍቅር አይቀናም፤ ፍቅር አይመካም፥ አይታበይም፤

የማይገባውን አያደርግም፥ የራሱንም አይፈልግም፥ አይበሳጭም፥ በደልን አይቆጥርም፤

ከእውነት ጋር ደስ ይለዋል እንጂ ስለ ዓመፃ ደስ አይለውም፤

ሁሉን ይታገሣል፥ ሁሉን ያምናል፥ ሁሉን ተስፋ ያደርጋል፥ በሁሉ ይጸናል።

ፍቅር ለዘወትር አይወድቅም፤ ትንቢት ቢሆን ግን ይሻራል፤ ልሳኖች ቢሆኑ ይቀራሉ፤ እውቀትም ቢሆን ይሻራል።

1ኛ ቆሮንቶስ 13:4-8

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #መታበይ #መመካት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

 

 

ለፍቅር ተፈጥረናል

human-heart-720x320.pngሰውን የፈጠረው እግዚአብሄር ነው፡፡ እግዚአብሄር ደግሞ ፍቅር ነው፡፡ ሰው የተፈጠረው በፍቅር ነው፡፡ ሰው የታለመውና የታቀደው በፍቅር እንዲኖር ነው፡፡ ሰው ዲዛይን የተደረገው ለፍቅር ህይወት ነው፡፡ ሰው ከንድፉ ከፍቅር ህይወት ሲወጣ ሁሉም ነገር ይዛባበታል፡፡ ሰው በፍቅር ሲኖር ሁሉ ነገር ይሰራለታል፡፡

መኪና የተሰራው እንዲነዳ ነው፡፡ ነገር ግን መኪና ሲበላሽና ሲገፋ የተለመደ ተፈጥሮአዊ አይደለም፡፡ የምትወዱት መኪና ሲበላሽ ያስጠላችኋል፡፡ መኪናን የሰራው ሰው ከመስራቱ በፊት ሰው ውስጡ ገብቶ እንዲያስነሳውና እንዲነዳው ነው፡፡ መኪና የተሰራው እንዲነዳ ነው፡፡

የተነደፍነው የታቀድነውና የተሰራነው ለፍቅር ስለሆነ ለእኛ በፍቅር መኖር ተፈጥሮአዊ ነው፡፡ በተቃራኒው ለጥላቻ ስላልተሰራን ጥላቻ እጅግ ከባድ ስራ ነው፡፡ የተሰራንበት አላማ ስለሆነ ሰውን ለመውደድ በብርሃን እናደርገዋለን፡፡ ሰውን ለመጥላት ግን ተፈጥሮአችን ስላይደለ ሰው እንዳያውቅብን ስለምንጠነቀቅ በፍቅር የምንኖር እያስመሰልን ስለሆነ በጣም ከባድ ስራ ነው፡፡ በፍቅር መኖር ህይወታችንን ቀለል ሲያደርገው በጥላቻ መኖር ህይወታችንን እጅግ ያወሳስበዋል፡፡

ሰው የተሰራው ለፍቅር ነው፡፡ ሰው በፍቅር ሲኖር ያምረበታል፡፡ ሰው በጥላቻ ሲኖር ክብሩን ያጣል፡፡ ሰው በፍቅር ሲኖር ጤናውን ይጠበቃል ሰው በጥላቻ ሲኖር ጤናውን ያጣል፡፡

ሰው በፍቅር ሲኖር ብቻ ነው እውነተኛ ስኬት ውስጥ የሚገባው፡፡ ሰው በፍቅር ሲኖር ብቻ ነው የሚረካው፡፡ ሰው በፍቅር ሲኖር ብቻ ነው የሚገባውን ኑሮ የሚኖረው፡፡ 1ቆሮንጦስ 13፡4-8

የፍቅር ህይወት አስተማማኝ ህይወት ነው፡፡ ስለዚህ ነው መፅሃፍ ቅዱስ በፍቅር ላይ የሚሰራ ምንም ህግ እንደሌለ ያስተምራል፡፡ ሰው በፍቅር ኖሮ አይሳሳትም፡፡ ፍቅር የሚወጣለት ነገር የለም፡፡ ሰው ለሰው መልካም አስቦ ፣ ስለሰው መልካም ተናግሮና ስለሰው መልካም አድርጎ አይስትም፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ገላትያ 5፡22-23

ፍቅር ሌላውን በመረዳት ከሌላው ጋር ራስን ማስተባበር ነው፡፡

የእግዚአብሄር ትእዛዝ እንኳን ውደድ በሚለው አንድ ቃል ይጠቃለላል፡፡ ሰው በፍቅር ከኖረ የእግዚአብሄርን ህግ ሁሉ ፈፅሞታል፡፡ ሰው እግዚአብሄርን ከወደደና ሰውን ከወደደ የእግዚአብሄርን ከሰው የሚፈልገውን ፍላጎት ሁሉ አሟልቷል፡፡

በፍጹም ልብ በፍጹም አእምሮም በፍጹም ነፍስም በፍጹም ኃይልም እርሱን መውደድ፥ ባልንጀራንም እንደ ራስ መውደድ በሙሉ ከሚቃጠል መሥዋዕትና ከሌላው መሥዋዕት ሁሉ የሚበልጥ ነው አለው። ማርቆስ 12፡33

ሕግ ሁሉ በአንድ ቃል ይፈጸማልና፥ እርሱም፦ ባልንጀራህን እንደ ራስህ ውደድ የሚል ነው። ገላትያ 5፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፍቅር #የህግፍፃሜ #ቤተክርስትያን #አማርኛ #ስብከት #መዳን #መፅሃፍቅዱስ #ዲዛይን #አቢይ #አቢይዋቁማ #አቢይዋቁማዲንሳ #ንድፍ #መንፈስቅዱስ #እቅድ #ልብ #መሪ

ፍቅር እና “ፍቅር”

love-1እንደ ፍቅር በጣም አስፈላጊ ነገር የለም፡፡ እንደ ፍቅር ደግሞ ትርጉሙ የተዛባ ነገር በአለም ላይ ምንም ነገር የለም፡፡ ብዙ ጊዜ ሰዎች ፍቅር የሚሉት ምኞታቸውን ነው፡፡ የፍቅርንና የምኞትን ባህሪያት ከእግዚአብሄር ቃል በመመልከት ልዩነታቸውን እስኪ እንመልከት፡፡
ፍቅር የሚያተኩረው ሌላው ላይ ነው፡፡ ፍቅር ሌላውን በመጥቀም ሌላውን በማንሳት ሌላውን በማገልገልና በሌላው ላይ ዋጋን በመጨመር ላይ ያተኩራል፡፡
ምኞት የሚያተኩረው ራስ ላይ ነው፡፡ ምኞት በማንኛውም ግንኙነት የሚያስበው እርሱ ምን እንደሚያገኝና እንደሚያተርፍ ብቻ ነው፡፡ ፍቅር የሌላውን ፍላጎት ለማሟላት ሲሄድ ምኞት ግን የራሱ ፍላጎት ብቻ ለማሟላት ይሄዳል፡፡
ፍቅር ሌላውን ሲያስቀድም ምኞት ራሱን ያስቀድማል፡፡ ፍቅር የራሱን ፍላጎት ስለሌላው ፍላጎት ያዘገየዋል፡፡ ምኞት ግን ስለሌላው ፍላጎት የሚያዘገየው ምንም ጥቅም የለም፡፡
ሁሉን ይታገሣል፥ ሁሉን ያምናል፥ ሁሉን ተስፋ ያደርጋል፥ በሁሉ ይጸናል። 1ኛ ቆሮንቶስ 13፡7
ፍቅር በመረዳት የሚደረግ ሲሆን ምኞት በስሜት የሚመራ ነው፡፡ ፍቅር ሌላውን እንዳይወድ የሚፈትኑትን አሉታዊ ስሜቶች ሰምቶ ፍቅርን ከመከተል አይመለስም፡፡ ምኞት ግን ስሜቱን ብቻ ይከተላል፡፡
ፍቅራችሁ በእውቀትና በማስተዋል ሁሉ ከፊት ይልቅ እያደገ እንዲበዛ ይህን እጸልያለሁ። ፊልጵስዩስ 1፡9
ፍቅር እኔ እበልጣለሁ ፣ እኔ ይገባኛል ፣ እኔ የእኔ ለእኔ ነው ሁልጊዜ የሚለው፡፡ ፍቅር ግን አንተ ይገባሃል ፣ አንተ ትሻላለህ ፣ አንተ ትበልጣለህ ብሎ ሌላውን በትህትና ይቆጥራል፡፡
ለወገኔ ይጠቅማል በማለት ወይም በከንቱ ውዳሴ ምክንያት አንድ እንኳ አታድርጉ፥ ነገር ግን እያንዳንዱ ባልንጀራው ከራሱ ይልቅ እንዲሻል በትሕትና ይቍጠር፤ ፊልጵስዩስ 2፡3
ፍቅር ምክኒያታዊ ያልሆነ ሲሆን ምኞት ምክኒያታዊ ብቻ ነው፡፡ ፍቅር እንካ በእንካ አይደለም፡፡ ፍቅር የሌላውን ሁኔታ ሳያይ የራሱን ሌላውን የማክበር ሃላፊነት ይወጣል፡፡ ምኞት ቀድሞ እንኳን መልካም ካደረገ ያደረገው የተሻለ ጥቅምን ፈልጎ ብቻ ነው፡፡ ወይም መልካም ላደረጉለት ብቻ ነው መልካም የሚያደርገው፡፡ ምኞት ምንም ጥቅም ያላገኘበት ወይም ወደፊት የማያገኝበት ከሆነ ዞር ብሎ አያየውም፡፡
የሚወዱአችሁን ብትወዱ ምን ዋጋ አላችሁ? ቀራጮችስ ያንኑ ያደርጉ የለምን? ወንድሞቻችሁንም ብቻ እጅ ብትነሡ ምን ብልጫ ታደርጋላችሁ? አሕዛብስ ያንኑ ያደርጉ የለምን? ማቴዎስ 5፡46-47
ዓይን ስለ ዓይን ጥርስም ስለ ጥርስ እንደ ተባለ ሰምታችኋል። እኔ ግን እላችኋለሁ፥ ክፉውን አትቃወሙ፤ ዳሩ ግን ቀኝ ጉንጭህን በጥፊ ለሚመታህ ሁሉ ሁለተኛውን ደግሞ አዙርለት፤ ማቴዎስ 5፡38-39
ፍቅር የህይወት ዘመን ሃላፊነት ሲሆን ምኞት የአንድ ሰሞን ጊዜያዊ ነው፡፡ ፍቅር የእውነተኛ ሰው ህይወቱ ነው፡፡ ሰው ፍቅርን የሚከታተለው በውሳኔ ስለሆነ ሰው ከፍቅር መቼም አይለወጥም፡፡ ምኞት ግን ከሌላው በሚገኘው ጥቅም ላይ ስለተመሰረተ ጥቅሙ በቆመ ጊዜ ለመቀጠል አቅም አይኖረውም፡፡
እንዲህም ከሆነ፥ እምነት ተስፋ ፍቅር እነዚህ ሦስቱ ጸንተው ይኖራሉ፤ ከእነዚህም የሚበልጠው ፍቅር ነው። 1ኛ ቆሮንቶስ 13፡13
ፍቅር ሌላውን ለማገልገል በሌላው ላይ የማይደገፍ ሲሆን ምኞት የራሱን ስለሚፈልግ በሌላው ላይ ያለመጠን የሚደገፍ ነው፡፡ ፍቅር ለሰው መልካም ለማሰብ መልካም ለመናገርና መልካም ለማድረግ የማንም ፈቃድ አያስፈልገውም፡፡ ምኞት ግን ሌላውን ለማስወጣት በሌላው ላይ ከመጠን ያለፈ መደገፍ ይኖርበታል፡፡ ስለዚህ ምኞት ሁልጊዜ ያዝናል ተስፋ ይቆርጣል፡፡
ፍቅር ሌላውን በማርካት ብቻ ይረካል ምኞት ራሱን በማርካት ብቻ ይረካል፡፡ ፍቅር የምሰጠው አለኝ ባለጠጋ ነኝ ስለሚል ለሌላው በመስጠት ይረካል፡፡ ምኞት ግን ምስኪን እኔ አስተሳሰብ ስላለው እኔ ምንም የለኝም ፣ የምሰጠው የለኝም ፣ ደሃ ነኝ የሚሰጠኝ እፈልጋለሁ ስለሚል የሚረካው በመቀበል ብቻ ነው ፡፡
ፍቅር ሌላውን ለመንከባከብ እንዲያስችለው ሌላውን ለመረዳት ይጥራል፡፡ ፍቅር ትጉህ ነው፡፡ ፍቅር ሌላውን በተሻለ ለመንከባከብ እንዲያስችለው የሌላውን ፍላጎትና ባህሪ በትጋት ያጠናል፡፡ ምኞት ለሌላው ግድ ስለሌለው ሌላውን ለማጥናት ስንፍና ስለአለበት የራሱን ስሜት ብቻ ያዳምጣል፡፡ ፍቅር በስንፍና እይመጣም ፍቅር ጥረትና ድካም ይጠይቃል፡፡
በጸሎታችን ጊዜ ስለ እናንተ ስናሳስብ፥ የእምነታችሁን ስራ የፍቅራችሁንም ድካም በጌታችንም በኢየሱስ ክርስቶስ ያለውን የተስፋችሁን መጽናት በአምላካችንና በአባታችን ፊት ሳናቋርጥ እያሰብን፥ እግዚአብሔርን ሁል ጊዜ በሁላችሁ ምክንያት እናመሰግናለን፤ 1ኛ ተሰሎንቄ 1፥2-3
ይህን ፅሁፍ ለሌሎች ሼር share ማድረግ ቢወዱ
#ኢየሱስ #ጌታ #ፍቅር #ምኞት #አላማ #መሰረታዊፍላጎት #ቤተክርስትያን #አማርኛ #ጥሪ #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ፍፁም ፍቅር

11ፍጹም ፍቅር ፍርሃትን አውጥቶ ይጥላል እንጂ በፍቅር ፍርሃት የለም፥ ፍርሃት ቅጣት አለውና፤ የሚፈራም ሰው ፍቅሩ ፍጹም አይደለም። 1ኛ ዮሐንስ 4፡18
ፍርሃት የሰዎችን ጉልበት የሚበላ ከፍፃሜያቸው ሊያስቆማቸው የሚመጣ ጠላት ነው፡፡
ፍቅር ደግሞ ንፁህ ነው፡፡
ፍቅር ስለሌለው መልካም ማሰብ ፣ ስለሌላው መልካም መናገርና ስለሌላው መልካም ማድረግ ነው፡፡ ስለዚህ ነው በፍቅርና በሌሎች የመንፈስ ፍሬዎች ላይ የሚሰራ ህግ እንደሌለ መፅሃፍ ቅዱስ የሚያስተምረው፡፡
የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ገላትያ 5፡22-23
ሰው በምንም ነገር ቢከሰስ ለሰው መልካም አሰብክ ተብሎ አይከሰስም፡፡ ሰው ምንም ነገር ቢከለከል ለሰው መልካም መናገር አይከለከልም፡፡ ሰው በምንም ነገር ቢፈረድበት ለሰው መልካም አደረክ ተብሎ አይፈረድበትም፡፡
ፍቅር ደግሞ ከሁሉ ይበልጣል፡፡
የፍቅር ህይወት ከፍ ያለ ህይወት ነው፡፡ ንስርን የመሬት ሁኔታ እንደማይዘውና ንፋሱ በበረታ ቁጥር ከፍ እንዲል እንደሚያደርገው ሁሉ በፍቅር የሚኖር ሰው ከነገሮች ሁሉ በላይ ከፍ ያለ ህይወት ነው የሚኖረው፡፡
እንዲህም ከሆነ፥ እምነት ተስፋ ፍቅር እነዚህ ሦስቱ ጸንተው ይኖራሉ፤ ከእነዚህም የሚበልጠው ፍቅር ነው። 1ኛ ቆሮንቶስ 13፡13
ፍርሃት ብዙዎችን ከመንገዳቸው ያሰናከለ ፈታኝ ጠላት ነው፡፡ ፍቅር ደግሞ ከፍርሃት ሁሉ በላይ ነው፡፡ ፍርሃት በህግና በደንብ ላለመኖር ከመፈለግ ይመጣል፡፡ ፍቅር በህጉ መሰረት ቅጣት ላይ ላለመውደቅ የሚሰማን ስሜት ነው፡፡
ፍቅር ግን ከህግ በላይ ስለሚኖር በፍቅር ፍርሃት የለም፡፡ ፍቅር የሚቀጥለውን ምዕራፍ የሚሄድ ስለሆነ ፍቅር ከፍርሃት በላይ ያደርገናል፡፡ ፍቅር ፍርሃትን አውጥቶ ይጥለዋል፡፡
ፍጹም ፍቅር ፍርሃትን አውጥቶ ይጥላል እንጂ በፍቅር ፍርሃት የለም፥ ፍርሃት ቅጣት አለውና፤ የሚፈራም ሰው ፍቅሩ ፍጹም አይደለም። 1ኛ ዮሐንስ 4፡18
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ፍቅር #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ፍርሃት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ምስክር #ልብ #መሪ

ፍቅር ይታገሣል

love-patient-jpg-3-jpg-4ፍቅር ይታገሣል፥ ቸርነትንም ያደርጋል፤ ፍቅር አይቀናም፤ ፍቅር አይመካም፥ አይታበይም፤1ኛ ቆሮንቶስ 13፡4
የፍቅር ትርጉሙ ሌላውን ሰው በመረዳት ከዛ ሰው ጋር ራስን ማስተባበር ነው፡፡ Love is identifying self with the other in understanding.
ፍቅር አለም በራሱ ዙሪያ እንደምትዞር አያስብም፡፡ ፍቅር የራሱን ፍላጎት ብቻ አይመለከተም፡፡ ፍቅር ራስ ወዳድ አይደለም፡፡
ፍቅር ለሌላው እውቅና ይሰጣል፡፡ ፍቅር ለሌላው ፍላጎት ቦታ አለው፡፡ ፍቅር ሌላውን የሚያከብር ልብ አለው፡፡ ፍቅር የሌላው እርምጃ የሚታገስ ልብ አለው፡፡
ፍቅር ይታገሳል፡፡ ፍቅር ቻይ ነው፡፡ ፍቅር አይቸኩልም፡፡ ፍቅር አሁን ካልሆነ አይልም፡፡ ፍቅር ይቆያል፡፡ ፍቅር ይጠብቃል፡፡ ፍቅር ነገሩ በጊዜው እንደሚሆን ያምናል፡፡
ፍቅር ይታገሳል፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ፍቅር #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ምስክር #ልብ #መሪ

የሰው ፍቅር

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል…

Source: የሰው ፍቅር

የሰው ፍቅር

%e1%8d%8d%e1%89%85%e1%88%adበሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ ቆሮንቶስ 13፡1

ሰው የሚያከብረውም ሆነ የሚያዋርደው ፍቅር ነው፡፡ ፍቅር ያለው ሰው የከበረ ሰው ነው፡፡ ፍቅር የሌለው ሰው ደግሞ የተዋረደ ነው፡፡

ሰው የተሰራው ለፍቅር ነው፡፡ ሰው የተሰራበት አላማ ከጎደለው ባዶ ነው፡፡ ሰው የተፈጠረው በመጀመሪያ እግዚአብሄርን እንዲወድ እንዲሁም ሰውን እንዲወድ ነው ፡፡

አንተም በፍጹም ልብህ በፍጹምም ነፍስህ በፍጹምም አሳብህ በፍጹምም ኃይልህ ጌታ አምላክህን ውደድ የምትል ናት። ፊተኛይቱ ትእዛዝ ይህች ናት። ሁለተኛይቱም፦ ባልንጀራህን እንደ ራስህ ውደድ የምትል እርስዋን የምትመስል ይህች ናት። ከእነዚህ የምትበልጥ ሌላ ትእዛዝ የለችም። ማርቆስ 12፡30-31

ሰውን የሚያከብረው የፍቅር ድርጊት ነው፡፡ ሰው ምንም ችሎታ ቢኖረው በፍቅር ልብ ካላደረገው ምንም አይጠቅመውም፡፡ ሰው ለእግዚአብሄርም ሆነ ለሰው ምንም ስጦታ ቢሰጥ ከፍቅር ልብ የመነጨ ስጦታ ካልሆነ ከንቱ ነው፡፡

በፍቅር ያልሆነ የሰው ተሰጥኦ ከንቱ ነው፡፡ ሰው ታላቅ የመናገር ስጦታ ቢኖረው እንደሚንሽዋሽዋ ጸናጽልና እንደሚጮኽ ናስ ትርጉም የሌለው ረባሽ ነው፡፡

ሰው ፍቅር ከሌለው ለማንም አይጠቅምም፡፡ ፍቅር የሌለው ሰው ለራሱም ምንም አይጠቅመውም፡፡

ሰውን የሚያከብረው ፍቅር ስለሆነ ሰው በአለም ላይ አለ የሚባለው እውቀት ቢኖረው ፍቅር ግን ከሌለው ከንቱ ነው፡፡

የሰውን መስዋዕትነት የሚያከብረው ከፍቅር ልብ መምጣቱ ነው፡፡ ሰው ድሆችን ለመመገብ ታላቅ መስዋዕትነት ቢከፍል ከፍቅር ልብ የመነጨ ግን ካልሆነ ዋጋ የለውም፡፡

ለተጨማሪ ፅሁፎች

ፍቅር ሁሉን ያምናል

ጥላቻ ከእግዚአብሄር አይደለም

የፍቅር ጀብደኛ

Love Adventure

ፍቅር ምርጫ ነው

#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ፍቅር #ሰላም #ደስታ #አቢይ #አቢይዋቁማ #አቢይዋቁማዲንሳ #መውደድ #መናገር #ፅናት #ትግስት #መሪ

ፈንታ አትስጡት!

ambashaየሰይጣን ዲያቢሎስ ብቸኛ አላማ መስረቅ ማረድ እና ማጥፋት ነው፡፡ ሰይጣን ሊሰርቅ ሊያርድና ሊያጠፋ እንጂ ከእነዚህ ውጭ ምንም አይነት አላማ የለውም፡፡
ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ። ዮሐንስ ወንጌል 10፡10
እየሱስ ደግሞ የመጣው ህይወት እንዲሆንልን እንዲበዛልንም ነው፡፡ እንግዲህ በህይወታችን ስፍራ የምንሰጠው አለማውን ይፈፅማል፡፡ ስለዚህ ነው ለዲያቢሎስ ስፍራን አትስጡት ብሎ መፅሃፍ ቅዱስ የሚያስጠነቅቀው፡፡ ለዲያቢሎስ ስፍራን ከሰጠነው የመስረቅ የማረድና የማጥፋት አላማውን በእኛ ላይ ይፈፅማል፡፡
ሰይጣን በህይወታችን ከሰረቀ ካረደና ካጠፋ ስፍራን ሰጥተነዋል ማለት ነው፡፡ እኛ ስፍራን ካልሰጠነው ሊሰርቀን ሊያርድና ሊያጠፋ የማይችል የተሸነፈ ጠላት ነው፡፡ ኢየሱስ በመስቀሉ ስራ ሰይጣንን ፈፅሞ ስላሸነፈው ካልፈቀድንለትና በህይወታችን ስፍራ ካልሰጠነው በስተቀር በሃይል ምንም ሊያደርግ አይችልም፡፡
አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15
ሰው አንዴ ለዲያቢሎስ ስፍራ ከሰጠው ስራውን እየጨመረ ህይወትን መስረቅ ማረድና ማጥፋቱን እያበዛውና ፈፅሞ እስከሚያጠፋ ድርስ እያስፋፋው ይሄዳል፡፡ በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ኤፌሶን 4፡27 ለዲያቢሎስ ስፍራ የምንሰጥበት መንገዶች ምንድናቸው
  • ቁጣን አለመቆጣጠር ፣ ይቅር አለማለትና ምሬት
መቆጣት አግባብ ነው፡፡ ነገር ግን ከልክ ሲያልፍ ምሬት ይሆናል፡፡ ቶሎ ይቅር ካላልን በስተቀር በህይወታችን ለዲያቢሎስ ስፍራን እንሰጠዋለን፡፡
ተቆጡ ኃጢአትንም አታድርጉ፤ በቁጣችሁ ላይ ፀሐይ አይግባ፥ ኤፌሶን 4፡26-27
የሰው ቁጣ የእግዚአብሄርን ፅድቅ አይሰራም፡፡ የሰው ቁጣ መጠኑ ስለማይታወቅ አደገኛ ነው፡፡ የሰው ቁጣ ጥበብ ስለሚጎድለው የቁጣን ትክክለኛ አላማ ግቡን እንዲመታ አያደርገውም፡፡ የሰው ቁጣ የራስን ስሜት ከመግለፅ ውጭ አለምን በፅድቅ የማስተዳደር አቅም የለውም፡፡
የተወደዳችሁ ወንድሞች ሆይ ሰው ሁሉ ለመስማት የፈጠነ ለመናገርም የዘገየ ይሁን ፣ የሰው ቁጣ የእግዚአብሔርን ጽድቅ አይሰራምና” ይላል ። ያዕቆብ 1 : 19 – 20
ስለዚህ ነው ሁልጊዜ ለእግዚአብሄር አገዛዝ ስፍራ መስጠት ያለብንና ራሳችን መበቀል የሌለብን፡፡ አለምን የምንመራው እግዚአብሄር እንጂ እኛ ስላይደለን ከሰው ጋር ስንጣላ የሁለታችንም ጌታ በሰማይ አንዳለ እውቅና መስጠት አለብን፡፡ ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና። ሮሜ 12፡19
  • ጥላቻ
በህይወት ዘመናችን የምንጠላው ዲያቢሎስን ብቻ ነው፡፡ በምድር ላይ አንዱንም የእግዚአብሄር ፍጥረት እንድንጠላ ፈቃድ የለንም፡፡ ጥላቻ ለሰይጣን በርን የምንከፍትበት መንገድ ነው፡፡ ጥላቻ የሰይጣን ለም መሬት ነው፡፡ ሰይጣን በጥላቻ ልብ ውስጥ ዘርቶት የማይበቅልለት የመስረቅ የማረድና የማጥፋት ዘር የለም፡፡ ጥላቻ ለሰይጣን ምቹ ቦታ ነው፡፡ ጥላቻ በሌለበት ልብ ውስጥ ሰይጣን መስራት አይችልም፡፡ እኛ ወንድሞችን የምንወድ ስለ ሆንን ከሞት ወደ ሕይወት እንደ ተሻገርን እናውቃለን፤ ወንድሙን የማይወድ በሞት ይኖራል። ወንድሙን የሚጠላ ሁሉ ነፍሰ ገዳይ ነው፥ ነፍሰ ገዳይም የሆነ ሁሉ የዘላለም ሕይወት በእርሱ እንዳይኖር ታውቃላችሁ። 1ኛ ዮሐንስ 3፡14-15
  • ትእቢት
ሌላው ኢየሱስ ሰይጣንን አሸንፎት ሳለ ሰይጣን ህይወታችንን የሚሰርቅበት የሚያርድና የሚያጠፋበት መንገድ በትእቢት ለሰይጣን ስፍራ መስጠት ነው፡፡ ትእቢት ከሆኑት በላይ ራስን ከፍ አድርጎ ማየት ነው፡፡ ትእቢት እግዚአብሄር ያልሰጠቅውን ደረጃ መውሰድ ነው፡፡
እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ። ሮሜ 12፡3
ትእቢት ሁሉንም ከእግዚአብሄር ተቀብለነው ሳለ የእኛ እንደሆነ ምንጩ እኛ ራሳችን እንደሆንን ማሰብ ነው፡፡
አንተ እንድትበልጥ ማን አድርጎሃል? ያልተቀበልኸውስ ምን አለህ? የተቀበልህ ከሆንህ ግን እንዳልተቀበልህ የምትመካ ስለ ምንድር ነው? 1ኛ ቆሮንቶስ ሰዎች 4፡7
ሰይጣንን የምንቃወመው በእግዚአብሄር ፀጋ ሲሆን እግዚአብሄር ደግሞ ፀጋን የሚሰጠው ለትሁታን ብቻ ነው፡፡ ለትእቢተኛ ፀጋን አይሰጥም፡፡ እንዲያውም ትእቢተኛን ይቃወመዋል፡፡ የእግዚአብሄርን ተቃውሞ የሚቋቋሞ ማንም የለም፡፡
ነገር ግን ጸጋን አብልጦ ይሰጣል፤ ስለዚህ፦ እግዚአብሔር ትዕቢተኞችን ይቃወማል፥ ለትሑታን ግን ጸጋን ይሰጣል ይላል። ያዕቆብ 4፡6
ለዲያብሎስም ፈንታ አትስጡት! ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ጠላት #ዲያቢሎስ #ስፍራ #ኢየሱስ #ጥላቻ #ትእቢት #መራርነት #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

አቤቱ፥ ንጹሕ ልብን ፍጠርልኝ፥

pure-heartልበ ንጹሖች ብፁዓን ናቸው፥ እግዚአብሔርን ያዩታልና። ማቴዎስ 5፡8
ስለዚህ ነው እግዚአብሄር እንደልቤ ያለው ዳዊት ይህንን ፀሎት የሚፀልየው፡፡ ልባችንን ሊያቆሽሽ የሚመጣ ነገር ባለበት የፃም የልብ ጩኸት የልብ ንፅህና ነው፡፡
አቤቱ፥ ንጹሕ ልብን ፍጠርልኝ፥ የቀናውንም መንፈስ በውስጤ አድስ። መዝሙር 51፡10
ልበ ንጹሖች እግዚአብሄርን ያዩታል፡፡ በስራቸው እግዚአብሔርን ያዩታል በህይወታቸው የእግዚአብሄር ክንድ ያያሉ፡፡ በኑሮዋቸው የእግዚአብሔርን ሃይል ያያሉ፡፡ በአካሄዳቸው የእግዚአብሔርን ክንድ ያዩታል፡፡ በዘመናቸው እግዚአብሔርን በስራ ላይ ያዩታል፡፡ ልበ ንጹሖች እግዚአብሔር ሲዋጋላቸው ያዩታል፡፡
እግዚአብሔር ንፁህና ቅዱስ ነው፡፡ ካለቅድስና እግዚአብሄርን ማየት አይቻልም፡፡ እግዚአብሄር ይኖራል ይሰራልም፡፡
እግዚአብሄርን በህይወታችን ለማየት ግን የልብ ንፅህናን ይጠይቃል፡፡ የልብ ንፅህና ምንድነው? የልብ ንፅህና ከምኞት መንፃት ነው፡፡ ሰዎች በምኞት ልባቸው ቆሽሾ እግዚአብሔን ማየት በፍፁም አይችሉ፡፡
  • ከጥላቻ የነፃ ልብ
ሰዎች እንደ እነርሱ እግዚአብሄር የፈጠረውን ሰው ሲጠሉ እግዚአብሄር ሲሰራ ማየት ይሳናቸዋል፡፡
ፍቅር የሌለው እግዚአብሔርን አያውቅም፥ እግዚአብሔር ፍቅር ነውና። እግዚአብሔር ፍቅር ነው፥ በፍቅርም የሚኖር በእግዚአብሔር ይኖራል እግዚአብሔርም በእርሱ ይኖራል። 1ኛ ዮሐንስ 4፡8፣16
  • ከራስ ወዳድነት የነፃ ልብ
ሰዎች በራስ ወዳድነት ሲመላለሱ የእግዚአብሄር መኖርም ይሁን የእግዚአብሄር ስራ ይጨልምባቸዋል፡፡
በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን? ትመኛላችሁ ለእናንተም አይሆንም፤ ትገድላላችሁ በብርቱም ትፈልጋላችሁ፥ ልታገኙም አትችሉም፤ ትጣላላችሁ ትዋጉማላችሁ ነገር ግን አትለምኑምና ለእናንተ አይሆንም፤ ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። ያዕቆብ 4፡1-3
  • ከክፋትና ከቅናት የነፃ ልብ
በሰው ላይ ክፉ በማድረግ ከመርካት ልባችንን ልናጠራ ይገባናል፡፡ የሰው ውድቀትና አለመከናወን የሚያስደስተን ከሆንን እግዚአብሄርን ልናየው አንችልም፡፡
እናንተ ኃጢአተኞች፥ እጆቻችሁን አንጹ፤ ያዕቆብ 4፡8
  • ከስስት የነፃ ልብ ከስስት ነፃ መሆን፡፡ ያለኝ ይበቃኛል አለማለት፡፡ እግዚአብሄር ከሚባርከን ከመሰረታዊ ፍላጎት በላይ አለመመኘት፡፡
ጌታም እንዲህ አለው፦ አሁን እናንተ ፈሪሳውያን የጽዋውንና የወጭቱን ውጭ ታጠራላችሁ፥ ውስጣችሁ ግን ቅሚያና ክፋት ሞልቶበታል፡፡ ሉቃስ 11፡39
  • በሁለት ሃሳብ የማይወላውል ልብ እግዚአብሄርን የመጀመሪያ ማድረግ፡፡ እግዚአብሄርን ባጣ ቆየኝ አለማድረግ፡፡ በእግዚአብሄር ማመን፡፡ በእግዚአብሄር ብቻ መርካት፡፡ እግዚአብሄርን አለመጠራጠር፡፡
ሁለት አሳብም ያላችሁ እናንተ፥ ልባችሁን አጥሩ። ያዕቆብ 4፡8
ልብን የሚያጠራው ብቸኛ መፍትሄ የእግዚአብሄን ቃል ነው፡፡ የእግዚአብሄር ቃል የእግዚአብሄርን ቃል በተረዳንና በታዘዝነው መጠን ልባችንን ያነፃዋል፡፡ ልባችን በነፃ መጠን አግዚአብሄርን በአብሮነቱ እናየዋለን፡፡
እናንተ ስለ ነገርኋችሁ ቃል አሁን ንጹሐን ናችሁ፤ ዮሐንስ 15፡3
ለተጨማሪ ፅሁፎች https://www.facebook.com/abiy.wakuma/notes
#እግዚአብሔር #አምላክ #ፍቅር #እምነት #ልብ #ቃል #እረፍት #አምልኮ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ

ፍቅር ሁሉን ያምናል

sprout
ፍቅር አስደናቂ ነው፡፡ በተለይ ፍቅር ሁሉን ያምናል የሚለውን ቃል ሳሰላስል ነበር ያመሸሁት፡፡ ይህን ቃል ሳሰላስል ጌታ የሰጠኝን መረዳት አብሬያችሁ ልካፈል ወደድኩ፡፡
ፍቅር ሁሉን ያምናል፡፡ 1ኛ ቆሮንጦስ 13፡7
ፍቅር ከሁኔታዎች ያለፈ የማየት ችሎታ አለው፡፡ ፍቅር በጊዜያዊ ሁኔታዎች ላይ አያተኩርም፡፡ከጊዜያዊ ሁኔታ ባለፈ በእግዚአብሔር እቅድ ላይ ስለሚያተኩር ፍቅር ሁሉን ያምናል፡፡
ፍቅር የጊዜያዊውን ብቻ ሳይሆን የሩቁንም ጭምር ያያል፡፡ ፍቅርን ለየት የሚያደርገው የሩቁን እንዲያውም ዘላለማዊውን ጭምር በርቀት ስለሚያይ ሁሉን ያምናል፡፡ ፍቅር በሰው ድካም ላይ አያተኩርም፡፡ ፍቅር ከሰው ድካም ባለፈ በሰው እምቅ ጉልበትና ችሎታ /Potential/ ላይ ያተኩራል፡፡ ፍቅር በድካም መካከል ብርታት የማየት ችሎታ አለው፡፡ ፍቅር ሁሉን ያምናል፡፡
ፍቅር ስለሰው መነሳት ስለሰው ማደግ ስለሰው መለወጥ ያምናል፡፡ ፍቅር እምነት አለው፡፡ ፍቅር ልቡ ሙሉ ነው፡፡ ፍቅር ሁሉን ያምናል፡፡ ፍቅር አይሆንም ብሎ ፍርሃትና ጥርጣሬ የለበትም፡፡ ፍቅር ሁሉን ያምናል፡፡ ፍፁም ፍቅር ፍርሃትን አውጥቶ እንደሚጥል ፍቅር ሁሉን ያምናል፡፡
ፍፁም ፍቅር ፍርሃትን አውጥቶ ይጥላል እንጂ በፍቅር ፍርሃት የለም። 1ኛ ዮሀንስ 4፡18
ፍቅር የማይለወጠውን የእግዚአብሔርን ምንጭ ያምናል፡፡ ፍቅር እግዚአብሔርን በማመን ሁሉን ያምናል፡፡ ፍቅር ማስተዋሉ በማይመረመር እግዚአብሄር ስለሚያምን ፍቅር ሁሉን ያምናል፡፡
እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ኢሳያስ 40፡28
ፍቅር እግዚአብሔር ሁኔታውን እንደተቆጣጠረው በማመን በሰዎች ያምናል፡፡ ፍቅር በእግዚአብሔር ሰዎችን የመምራት ችሎታ ላይ ስለሚደገፍና ስለሚተማመን ሁሉን ያምናል፡፡
ፍቅር እግዚአብሔር ሰዎችን እንደሚለውጥ በማመን በሰዎች መለወጥ ያምናል፡፡ ለእግዚአብሔር የሚሳነው ነገር የለምና። ሉቃስ 1:37
ፍቅር ለሚያምን ሁሉ እንደሚቻል ስለሚረዳ ሁሉን ያምናል፡፡ ሔ ፍቅር በእግዚአብሔር ሁሉን ቻይነት ስለሚያምን በሁሉ ያምናል፡፡
ኢዮብም መለሰ እግዚአብሔርንም እንዲህ አለው፦ሁሉን ታደርግ ዘንድ ቻይ እንደ ሆንህ፥ አሳብህም ይከለከል ዘንድ ከቶ እንደማይቻል አወቅሁ። ኢዮብ 42፡1-2
ፍቅር እግዚአብሔር ብርሃን ይሁን የማይለው ጨለማ እንደሌለ ስለሚረዳ ፍቅር ሁሉን ያምናል፡፡
#እግዚአብሔር #አምላክ #ፍቅር #እምነት #ሰላም #ቃል #እረፍት #አምልኮ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ

ብርቅ ነው እንዴ?!

berek.jpg

ክርስትና በእግዚአብሄር ሃይል የሚኖር ልዩ የህይወት ዘይቤ ነው፡፡ በክርስትና እንደ ብርቅ የምናያቸው ነገር ግን ብርቅ ያልሆኑ ብዙ ነገሮች አሉ፡፡ እነዚህ ብርቅ ያልሆኑ ነገሮች ለምስክርነታችን ምንም የሚጠቅሙት ነገር የለም፡፡ ከእግዚአብሄር ስለተቀበልነው ሃይል የማይመሰክሩና የተቀበልነውን የእግዚአብሄር ፀጋ /የሚያስችል ሃይል/ የማያሳዩ ለየት ያላሉ የህይወት ዘይቤዎች ናቸው፡፡
ይህን የኢየሱስን አዳኝነት ስንቀበል የተቀበልነውን የእግዚአብሄር ፀጋ ለየት ባለው የህይወት ዘይቤያችን ካልገለፅን በስተቀር ለሌሎች ምስክር ልንሆንና ሌሎችን ወደጌታ ልንማርክ አንችልም፡፡

የሚወዱዋችሁን ብትወዱ ብርቅ ነው እንዴ? ብርቅ አይደለም፡፡ ብርቅ የሚሆነው ጠላታችሁን ስትወዱ ለሚያሳድዱዋችሁ ስትፀልዩ ነው፡፡ ይህ ለየት ያለ የህይወት ዘይቤ ነው፡፡

የሚወዱአችሁን ብትወዱ ምን ዋጋ አላችሁ? ቀራጮችስ ያንኑ ያደርጉ የለምን? ማቴዎስ 5፡46
የሚረግሙትን መራገም ብርቅ ነው እንዴ? አይደለም፡፡ ማንም ሰው የሚረግመውን ለመራገም ይፈተናል፡፡ ግን የሚረግሙዋችሁ ብትመርቁ ይህ ብልጫ ያለው የህይወት ደረጃ ነው፡፡
የሚረግሙአችሁንም መርቁ፥ ስለሚበድሉአችሁም ጸልዩ። ሉቃስ 6፡28
በሰላሙ ቀን መበርታት ብርቅ ነው አንዴ? አይደለም፡፡ ብርቅ የሚሆነው ሰው በመከራ ቀን ጉልበቱ ሲፈተን በፅናት ሲያልፍ ነው፡፡ በመከራ ቀን ብትላላ ጉልበትህ ጥቂት ነው። ምሳሌ 24፡10
ጠላታችሁን ብትጠሉ ብርቅ ነው እንዴ? ብርቅ አይደለም፡፡ ጠላትን መውደድና ለሚጠሉን መልካም ማድረግ ግን ከፍ ያለ ምስጋና ያለው የህይወት ዘይቤ ነው፡፡
ነገር ግን ለእናንተ ለምትሰሙ እላችኋለሁ፥ ጠላቶቻችሁን ውደዱ፥ ለሚጠሉአችሁ መልካም አድርጉ፥ መልካምም ለሚያደርጉላችሁ መልካም ብታደርጉ፥ ምን ምስጋና አላችሁ? ኃጢአተኞች ደግሞ ያን ያደርጋሉና። ሉቃስ 6፡27፣33
ያየነውምን ተስፋ ብናደርግና ያየነውን ብናምን ብርቅ ነው እንዴ? ብርቅ አይደለም ፡፡ ብርቁ ያላየነውን ተስፋ ስናደርግና ያላየነውን ስናምን ነው፡፡
ነገር ግን ተስፋ የሚደረግበቱ ነገር ቢታይ ተስፋ አይደለም፤ የሚያየውንማ ማን ተስፋ ያደርገዋል? ሮሜ 8:24
ኢየሱስ ሞትን ድል አድርጎ መነሳቱን የሰማው ቶማስ በአይኔ ካላየሁ አላምንም ብሎ ነበር፡፡ እየሱስንም ሲያየው አምናለሁ አለ፡፡ እየሱስ ግን ስለአየህ ነው፡፡ ያመንከው ሳያዩ የሚያምኑ ብፁአን ናቸው ሲል ሳያዩ ማመን ከፍ ያለ ደረጃ መሆኑን አሳየው፡፡
ኢየሱስም፦ ስለ አየኸኝ አምነሃል፤ ሳያዩ የሚያምኑ ብፁዓን ናቸው አለው። ዮሃንስ 20፡29
በኢየሱስ አዳኝነት ስናምንና ኢየሱስን ወደልባችን ስንጋብዝ የእግዚአብሄርን ፀጋ ተቀብለናል፡፡ ከእግዚአብሄር የተቀበልነውን የፀጋ ባለጠግነት ለሌሎች የምናሳየው በዚህ መንገድ ነው፡፡ በህይወታችን የሚሰራውን የጌታን ፀጋ / የሚያስች ሃይል / በመግለፅ ነው ለሌሎች የምንመሰክረው፡፡
#ቃል #ብልጫ #ፀጋ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርቃል #የእግዚአብሔርፈቃድ #አቢይዋቁማ #አቢይዋቁማዲንሳ

Love Adventure

Adventure_in_love.jpgThe life of love is adventure. whoever likes something unique and strong can take this life. Love isn’t for the everyone. 

 

We learn love diligently. It isn’t bestowed accidentally. We don’t find ourselves in love by chance. We don’t fall in true love. Love isn’t ordinary. True lovers who understand its value practice it and give themselves wholly to it. 

 

Love takes to identifying oneself to the loved one in understanding. And understanding others takes to give yourself to know them in humility. 

 

Love isn’t cheap and it isn’t for everyone. The life of love is the life of determination and perseverance not just accidental. The lazy don’t survive in the life of love as its standards are high. Love isn’t for the lazy as it takes to make an effort to diligently understand those who are different from us. The life of love isn’t for the wimpy and the weak. Love tests our endurance thoroughly . Love takes to stand on the vow we give in the difficult situations. Love is so powerful that the only reason that makes us continue is the word of promise that we give to the other. 

 

Love is so valuable that it is the only way we stand the true test of patience in it. Love is so unique and constant that we care for others not only in the good days but also in the days that are not so pleasant.

Love isn’t a straight line. It takes to stand the ups and the downs of life in patience and without giving up. Love isn’t emotion as it takes to stand in the midst of the change of our emotion. 

 

Love isn’t for the proud as it takes to value others above yourself. Love isn’t for the selfish as it so high life that it diligently works to add value in the life of others. And love is so satisfied din its progress that it always rejoices in the success of others. 

 

Do nothing out of selfish ambition or vain conceit. Rather, in humility value others above yourselves, Philippians 2:3 

 

Love isn’t for the poor-me mentality as it takes to see yourself rich who always have something to give to others. 

 

Love isn’t for the discontented as they constantly focus their lack in life. Love is for the contented and for those ready to give and share what they have. 

 

Love is so understanding and confident that it believes in someone when nobody believes in them. 

 

Love isn’t an easy task , it takes to make a room for your enemies in your heart. Love is a disciplined life style in which we don’t use our power to do evil to others when we are able to do it. Love is nothing less than an adventure. 

 

#Love #godislove #giving #compassion #church #Jesus #heart #AbiyWakumaDinsa #AbiyDinsa #facebook

የፍቅር ጀብደኛ

horse-riding-adventure-ethiopia.jpgፍቅር የጀግኖች ነው ፡፡ ፍቅር ለአላፊ አግዳሚው ሁሉ አይደለም ፡፡ ፍቅር የምንማረው የምንሰለጥንበት ነገር እንጂ እንደው በድንገት የምንወለድበት ወይም በአጋጣሚ ራሳችንን የምናገኝበት ባህሪ አይደለም፡፡
ፍቅር ተራ አይደለም፡፡ የፍቅር ህይወት እንደ ድንገት የሚኖሩት ህይወት ሳይሆን የፍቅርን ክብሩን አይተን ራሳችንን የምንሰጠው ነገር ነው፡፡ ፍቅር ከእኛ የተለዩትን ሰዎች በመረዳት ራስን ከእነርሱ ጋር ማስተባበር ይጠይቃል፡፡
ፍቅር ለሁሉ ሰው አይደለም፡፡ የፍቅር ህይወት በአጋጣሚ የሚከሰት ክስተት ሳይሆን ተወስኖና የሚገባበትና የሚቆይበት የውሳኔ ጉዞ ነው፡፡ የፍቅር ህይወት ሰነፎች ፀንተው የሚቆሙበት /ሰርቫይቭ/ የሚያደርጉበት የአኗኗር መንገድ አይደለም፡፡
ፍቅር ለሰነፎች አይደለም፡፡ ፍቅር እኛን የማይመስሉንን ሰዎች ለመረዳት በትጋት ጥረት ማድረግን ይጠይቃል፡፡ ፍቅር ለደካሞችና ለልፍስፍሶች አይደለም ፍቅር ትግስታችንን ሲፈተን ፀንተን መቆምን የሚጠይቅ ጀብድ ነው፡፡ የፍቅር ህይወት ለለስላሶች አይደለም በአስቸጋሪ ሁኔታ ውስጥ በሰጡት ቃል ላይ ፀንቶ መቆምን የሚጠይቅ የከበረ ህይወት ነው፡፡
የፍቅር ህይወት ሌሎች ምክኒያቶች ሁሉ ሲያልቁ ለፍቅር ብቻ ብለን በትግስት የምንፀናበት የእውነተኝነት ፈተና ነው፡፡ ፍቅር ሰዎችን በደስታ ጊዜ ብቻ ሳይሆን በድካማቸው ለመሸከም የሚወሰን የክብር ውሳኔ ነው፡፡
ፍቅር ቀጥታ መስመር አይደለም፡፡ ፍቅር ብዙ ውጣ ውረዶችን ማለፍ ይጠይቃል፡፡ ፍቅር ስሜት ብቻ አይደለም፡፡ ተለዋዋጭ የሆነውን ስሜታችንን ሳንሰማ ስሜትን ዋጥ አድርጎ በውሳኔ መቆምን ይጠይቃል፡፡
ፍቅር ለትቢተኞች አይደለም፡፡ ፍቅር ሌላውን እንደሚሻል በመቁጠር በትህትና የሚኖርበት ኑሮ ነው፡፡ ፍቅር ለራስ ወዳዶች አይደለም፡፡ ፍቅር ሌላውን በመጥቀም የሚደሰቱ ፣ በሌላው ህይወት ላይ ዋጋን ለመጨመር የሚፈልጉ ፣ ለሌላው ለመኖር የሚወስኑ ከራስ ወዳድነት ከፍ ያለ የህይወት ዘይቤ ያላቸው ሰዎች የኑሮ መንገድ ነው፡፡
ፍቅር ምስኪን እኔ ለሚሉ ሰዎች አይደለም፡፡ ነገር ግን አለኝ ፣ ሙሉ ነኝ ፣ ከኔ አልፎ ለሌላው የሚጠቅም ነገር አለኝ ለሚሉ ሰዎች ነው፡፡ ፍቅር በሌላው እጠቀማለሁ ሳይሆን ሌላውን እጠቅማለሁ ለሚሉ ለደፋር ሰዎች ነው፡፡
ፍቅር ለማይረኩ ሁሌ ጎዶሎነታቸውን ለሚሰሙ ሰዎች አይደለም፡፡ ፍቅር ባላቸው ነገር ለሚረኩ ፡ ያለኝ ይበቃኛል ለሚሉ እንዲያውም ልሰጥና ላካፍል የምችለው ነገር አለኝ ብለው ለሚያምኑና ልባቸው ለሞላ ሰዎች ነው፡፡
ፍቅር እኛን ለማይወዱንና ለሚጠሉን ሰዎች በልባችን ስፍራን የማዘጋጀት የሰፊ ልባሞች ህይወት ነው፡፡ ፍቅር ሃይል አለን ብለን ሃይላችንን ለክፋት ላለመጠቀም የምናደርገው የራስን የመግዛት የጀግንነት ህይወት ነው፡፡
ፍቅር አድቬንቸር ነው፡፡ ፍቅር ጀብድ ነው፡፡ ፍቅር ጀግንነት ነው
#ፍቅር #መስጠት #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርቃል #የእግዚአብሔርፈቃድ #አቢይዋቁማ #አቢይዋቁማዲንሳ

የፍቅር ስፋቱና ርዝመቱ ከፍታውም ጥልቅነቱ

DivineLove670X440.jpgእግዚአብሄር የፍቅር አምላክ ነው፡፡ ሰውን ወዶና ፈቅዶ የፈጠረው እግዚአብሄር ነው፡፡ እግዚአብሄር ሰዎችን ይወዳል፡፡ እግዚአብሄር ወዳጅ ብቻ ሳይሆን እግዚአብሄር ራሱ ፍቅር ነው፡፡

ስለፍቅር ትርጉም ማንኛውም ክርክር ቢነሳ ማጣቀሻ ሊሆን የሚችለው እግዚአብሄር ነው፡፡ የፍቅር ትርጉሙን የምናገኘው ከእግዚአብሄር ነው፡፡

እርሱ ስለ እኛ ነፍሱን አሳልፎ ሰጥቶአልና በዚህ ፍቅርን አውቀናል፤ 1ኛ ዮሃንስ 3፡16

የእግዚአብሄርፍቅርደግሞለሁላችንምለሁልጊዜያችንለሁሉምነገራችንበቂነው፡፡ስለዚህነውእየሱስበፍቅሬኑሩያለው፡፡

በፍቅሬ ኑሩ ሲል በፍቅሬ ብሉ ፣ በፍቅሬ ጠጡ ፣ በፍቅሬ ውጡ ፣ በፍቅሬ ግቡ ፣ በፍቅሬ ተመላለሱ ፣ በፍቅሬ ተጠበቁ ፣ በፍቅሬ አሸንፉ ፣ በፍቅሬ ተከናወኑ ፣ በፍቅሬ ብዙ ፣ በፍቅሬ አፍሩ ፣ በፍቅሬ እረፉ እያለ ነው፡፡

የእግዚአብሄር ፍቅር መጨረሻ እንደሌለው ውቂያኖስ  ነው፡፡

የገንዳ ውሃ ዋናተኛ እንደልቡ ዘሎ ጠልቆ ዳይቭ አይገባበትም፡፡ የገንዳ ውሃ ዋናተኛ እንደፈለገ ወደፊት በፍጥነት አይዋኝም ግድግዳው ይመታኛል ብሎ ይፈራል፡፡ የገንዳ ዋና የውሃው ትንሽነትና ውስንነት ዋናተኛውን ውስን ያደርገዋል፡፡

የእግዚአብሄርፍቅርግንካለምንምፍርሃትእንድኖርየሚያስችልበቂከውቂያኖስየሰፋነው፡፡የእግዚአብሄርፍቅርበእረፍትየምንሮርበትነው፡፡የእግዚአብሄርፍቅርበነፃነትየተሞላነው፡፡የእግዚአብሄርፍቅር  በአቅርቦትየተሞላነው፡፡የእግዚአብሄርፍቅርበሰላምየተጥለቀለቀነው፡፡የእግዚአብሄርፍቅርእረፍትየሞላበትነው፡፡የእግዚአብሄርፍቅርእርካታየማይጎልበትነው፡፡

የእግዚአብሄር ፍቅር ውስን አይደለም፡፡ የእግዚአብሄር ፍቅር የምንፈራበት አይደለም፡፡ የእግዚአብሄር ፍቅር የምንሳቀቅበት አይደለም፡፡ የእግዚአብሄር ፍቅር የምንወሰንበት አይደለም፡፡

የእግዚአብሄር ፍቅር ስፋቱና ርዝመቱ ከፍታውም ጥልቅነቱም ከመታወቅ የሚያልፍ ነው፡፡

ከቅዱሳን ሁሉ ጋር ስፋቱና ርዝመቱ ከፍታውም ጥልቅነቱም ምን ያህል መሆኑን ለማስተዋል፥ ከመታወቅም የሚያልፈውን የክርስቶስን ፍቅር ለማወቅ ትበረቱ ዘንድ፥ ኤፌሶን 3:18-19

ይህንን ፍቅር ግን የምንረዳው በቤተሰብ ውስጥ ነው፡፡ ይህን ፍቅር የምንረዳው ከቅዱሳን ሁሉ ጋር ነው፡፡

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች

#ፍቅር #የእግዚአብሄርፍቅር #የክርስቶስፍቅር #አማርኛ #ኢትዮጲያ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ  #አቢይዋቁማዲንሳ

%d bloggers like this: