Category Archives: Healing

ዘይት መሸጥ ችግሩ ምንድነው ?

anointing 111ኢየሱስን የምንከተል ሁላችን ከተባረክናባቸው በረከቶች አንዱ የስጋ ፈውስ ነው፡፡ እግዚአብሄር በክርስቶስ በኩል የሃጢያታችንን እዳ እንደከፈለና ነፍሳችን ከሃጢያት ነፃ እንዳወጣ ሁሉ እንዲሁ ኢየሱስ በመገረፉና ለስጋችን ፈውስና ጤንነት ሙሉ ዋጋ በመክፈሉ ፈውስ የእኛ ነው፡፡

ስለዚህ ነው የቤተክርስቲያን ሽማግሌዎች በታመመ ሰው ላይ ዘይትት ቀብተው እንዲፀልዩለት መፅሃፍ ቅዱስ የሚያስተምረው፡፡

የቤተክርስትያን ሽማግሌዎች ሃላፊነት በቤተክርስትያናቸው ስለፈውስ ማስተማር ነው፡፡ የእግዚአብሄርን ቃል ስናስተምር የእግዚአብሄ ህዝብ እግዚአብሄር ለእርሱ ያለውን የፈውስ አላማ ሲረዳ ይፈወሳል፡፡ እምነት የእግዚአብሄርን ቃል ከመስማት ይመጣልና፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 1017

የቤተክርስትያን ሽማግሌዎች በግልፅ እንደተፃፈው የእግዚአብሄር ቃል ትእዛዝ ለታመመ ሰው ዘይት ቀብተው መፀለይ ነው፡፡ ሽማግሌዎች በታመመ ላይ ዘይት ቀብተው በመፀለይ የእግዚአብሄርን ቃል መታዘዝ አለባቸው፡፡

ከእናንተ የታመመ ማንም ቢኖር የቤተ ክርስቲያንን ሽምግሌዎች ወደ እርሱ ይጥራ፤ በጌታም ስም እርሱን ዘይት ቀብተው ይጸልዩለት። ያዕቆብ 5፡14

ያም ሆነ ይህ የእምነት ፀሎት ነው በሽተኛውን የሚፈውሰው፡፡ ሰው እግዚአብሄር ስለእርሱ ያለውን የፈውስ አላማ ከእግዚአብሄር ቃል ሰምቶ ሲያምን ይፈወሳል፡፡ ሐዋርያት 14፡9

ይህም ሰው ጳውሎስ ሲናገር ይሰማ ነበር፤ እርሱም ትኵር ብሎ ተመለከተውና ይድን ዘንድ እምነት እንዳለው ባየ ጊዜ፥

ሰወ የእግዚአብሄርን ቃል ሲሰማ እምነት ይኖረዋል፡፡ እምነት ሲኖረው እምነቱ ይፈውሰዋል፡፡

እርሱም፦ ልጄ ሆይ፥ እምነትሽ አድኖሻል፤ በሰላም ሂጂ ከሥቃይሽም ተፈወሽ አላት። ማርቆስ 5፡34

አንዳንድ አገልጋዮች ዘይት ቀብተው ለበሽተኞች ይፀልያሉ፡፡ ዘይቱን ወደቤቱ ወስፈዶ መፀለይ ለሚፈልግ ሰው ዘይትን ይሰጣሉ ወይም ይሸጣሉ፡፡ አንዳንድ ሰው ዘይቱን የሚገዛው መምጣት ላልቻለ ለታመመ ሰው ላይ ወስዶ ለመፀለይ ነው፡፡

ድውዮችን ፈውሱ፤ ሙታንን አስነሡ፤ ለምጻሞችን አንጹ፤ አጋንንትን አውጡ፤ በከንቱ ተቀበላችሁ፥ በከንቱ ስጡ። ማቴዎስ 10፡8

ዘይቱን ስለመሸጥ ስናስብ የመሸጥ ችግሩ ምንድነው ዘይት ብለን እንደ እግዚአብሄር ቃል ማሰብ ይኖርብናል፡፡ ዘይት ገዝተው በሰው ላይ ለመቀባትና ለመፀለይ ወይም በራሳቸው ላይ ለመቀባትና ለመፀለይ ለሚፈልጉ ሰዎች ዘይቱን መሸጥ ችግሩ ምንድነው የሚለውን ጥያቄ መመለስ በጣም አስፈላጊ ነው፡፡

በደንብ ብናስበው ዘይቱ የሚገኘው በገንዘብ ነው፡፡ ትንሽም ቢሆን ማሸጊያና ሌሎች ወጭዎች ይኖሩታል፡፡ ያንን ወጪ ማን ይሸፍን ነው ጥያቄው? አገልጋዩ ያንን ወጭ ሸፍኖ በነፃ መስጠት ቢችል እሰየው ነው፡፡ ካልቻለ ግን ዘይቱን ለመግዛትና ለማሸግ ያወጣውን ወጭ ቢመልስ ችግሩ ምንድነው? ሰው በዘይቱ ከሚያገኘው መንፈሳዊ ጥቅም አንፃር የዘይቱን መጋና´ማሸጊያ ለጥቃቅን ወጪዎችን ቢከፍል ትልቅ ነገር ነውን?

እኛ መንፈሳዊን ነገር የዘራንላችሁ ከሆንን የእናንተን የሥጋዊን ነገር እኛ ብናጭድ ትልቅ ነገር ነውን? 1ኛ ቆሮንቶስ 9፡11

እውነት ነው ፀጋው ነፃ ነው፡፡ የፈውስ ስጦታው ነፃ ነው፡፡ ነገር ግን ዘይቱን ለመግዛትና ለማሸግ ነፃ አይደለም ገንዘብ ያስወጣል፡፡

በቅንነት ካየነው አገልጋዮች ለዘይቱና ለማሸጊያው ያወጡትን ተመጣጣኝ ዋጋ ቢመልሱ ምንም ችግር የለበትም፡፡

ይህ ማለት አገልጋዩ ስስታም አይሆንም ማለት አይደለም፡፡ ይህ ማለት አገልጋዩ በዚያ አጋጣሚ ተጠቅሞ ብዙ ገንዘብ ለማግኘት አይሞክርም እያልኩ አይደለም፡፡ አገልጋዩ ራስ ወዳድ ሊሆንና ከሰዎች መፈወስ በላይ የራሱን ጥቅም ሊያስቀድምና ካለምንም ምክኒያት ካወጣው ወጭ በላይ ብዙ እጥፍ ሊያስከፍል ይችላል፡፡ ይህ በፍፁም ተቀባይነት የሌለው ነገር ነው፡፡ ሰው ለዘይቱና ለማሸጊያው ያወጣውን ወጭ አስታኮ በነፃ የተቀበለውን የእግዚአብሄርን ነገር መሸጥ ስግብግብነት ነው፡፡

ኢየሱስን በግልፅ የተቃወመው መንፈሳዊ ነገርን ፈልገው የመጡ ሰዎችን ላይ አላግባብ መጠቀምን ነው፡፡

እናንተ ግብዞች ጻፎችና ፈሪሳውያን፥ በጸሎት ርዝመት እያመካኛችሁ የመበለቶችን ቤት ስለምትበሉ፥ ወዮላችሁ፤ ስለዚህ የባሰ ፍርድ ትቀበላላችሁ። ማቴዎስ 23፡14

የእግዚአብሄርን ፈውስ ፈልገው የመጡን ሰዎች ይህን ያህል ገንዘብ ካልከፈላችሁ ብሎ የተጋነነ ገንዘብ መጠየቅና ማስጨነቅ ስጋዊነት ነው፡፡

በመጀመሪያይቱም ቤተክርስትያን መንፈስ ቅዱስን ለመሙላት ለሃዋሪያት ብር ሊሰጣቸው የሞከረውን ሰው ሃዋሪያት አጠንክረው ሲገስፁት እንመለከታለን፡፡ የእግዚአብሄርን ስጦታ በገንዘብ መቸርቸር በነፃ ተቀብላችሁዋልና በነፃ ስጡ የሚለው መፅሃፍ ቅዱሳዊ መርህ ይቃወማልና፡፡

ሲሞንም በሐዋርያት እጅ መጫን መንፈስ ቅዱስ እንዲሰጥ ባየ ጊዜ፥ ገንዘብ አመጣላቸውና። እጄን የምጭንበት ሁሉ መንፈስ ቅዱስን ይቀበል ዘንድ ለእኔ ደግሞ ይህን ሥልጣን ስጡኝ አለ። ጴጥሮስ ግን እንዲህ አለው፦ የእግዚአብሔርን ስጦታ በገንዘብ እንድታገኝ አስበሃልና ብርህ ከአንተ ጋር ይጥፋ። ሐዋርያት 8፡18-20

አገልጋዮች ስለኑሮዋቸው በእግዚአብሄርን መታመን አለባቸው፡፡ እግዚአብሄር የሰጣቸውን ነፃ ስጦታ በነፃ መስጠት አለባቸው፡፡ አገልጋዮች እግዚአብሄር የሰጣቸው ስጦታ ብዙ ገንዘብ ማግኛ መንገድ ለማድረግ ያለባቸውን ስጋዊ ፈተና ማሸነፍ እግዚአብሄን በስኬት እንዲየገለግሉት ያስችላቸዋል፡፡ አገልጋዮች የእግዚአብሄር ህዝብ መባረክ ፣ መጠቀምና መፈወስ ላይ ማተኮር አለባቸው፡፡ አገልጋዮች የእግዚአብሄርን መንግስትና ፅድቁን ሲፈልጉ እግዚአብሄር ደግሞ የሚያስፈልጋቸውን ሁሉ አንደሚያሟላላቸው በእግዚአብሄር መታመን አለባቸው፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡ 31-33

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ፈውስ #እምነት #ቁስል #ህመም #ደዌ #ጤንነት #በነፃ #ዘይት #ቅባት #አማርኛ #ስብከት #መዳን #መፅሃፍቅዱስ #መንፈስቅዱስ #በመገረፉ #ፌስቡክ #አቢይዋቁማ #አቢይዋቁማዲንሳ

Advertisements

እወዳለሁ

healing-hand.jpgከተራራም በወረደ ጊዜ ብዙ ሕዝብ ተከተሉት። እነሆም ፣ ለምጻም ቀርቦ :- ጌታ ሆይ ብትወድስ ልታነፃኝ ትችላለህ እያለ ሰገደለት። እጁንም ዘርግቶ ዳሰሰውና :- እወዳለሁ ንፃ አለው። ማቴዎስ 8፡1-3

ኢየሱስ ብትወድስ ልታነፃኝ ትችላለህ ላለው ሰው የመለሰው መልስ እወዳለሁ የሚል ነው፡፡ ኢየሱስ ሰዎችንም መፈወስ ይወዳል፡፡

የእግዚአብሄርን ፈቃድ የምናውቀው በኢየሱስ ነው፡፡ የእግዚአብሔርንም ፍላጎት የምናየው ኢየሱስን በማየት ነው፡፡ እግዚአብሄርን የተረከልን ኢየሱስ ነው፡፡ የእግዚአብሄርን ፈቃድ የምናውቀው የኢየሱስን የምድር አገልግሎት በማየት ነው፡፡

መቼም ቢሆን እግዚአብሔርን ያየው አንድ ስንኳ የለም፤ በአባቱ እቅፍ ያለ አንድ ልጁ እርሱ ተረከው። ዮሃንስ 1፡18

ኢየሱስ በምድር ላይ በመጣ ጊዜምን ያደረገው ፈውስን ነው፡፡ ኢየሱስ በምድር ላይ በነበረ ጊዜ የታመሙትንና የተጠቁትን ይፈውስ የነበረው በታላቅ ቅናት ነበር፡፡ እግዚአብሄርም ለፈውስ የሚያስፈልገውን ነገር ሁሉ ሰጥቶ ነበር ወደ ምድር የላከው፡፡

እግዚአብሔር የናዝሬቱን ኢየሱስን በመንፈስ ቅዱስ በኃይልም ቀባው፥ እርሱም መልካም እያደረገ ለዲያብሎስም የተገዙትን ሁሉ እየፈወሰ ዞረ፥ እግዚአብሔር ከእርሱ ጋር ነበረና፤ ዮሃንስ 10፡38

ፈውስ የእግዚአብሄር ፈቃድ ነው፡፡ ምንም ነገር የእግዚአብሄር ፈቃድ ባይሆን ፈውስ ግን የእግዚአብሄር ፈቃድ እንደሆነ እግዚአብሄር በሰዎች ነፃ መውጣትና መፈወስ እንደሚደሰት መፅሃፍ ቅዱስ ያስተምረናል፡፡ የኢየሱስንም የምድር አገልግሎት ስንመለከት እግዚአብሄር ለሰው ልጆች ፈውስና አርነት ያለውን ታላቅ ቅናት እናያለን፡፡

ከተራራም በወረደ ጊዜ ብዙ ሕዝብ ተከተሉት። እነሆም ፣ ለምጻም ቀርቦ :- ጌታ ሆይ ብትወድስ ልታነፃኝ ትችላለህ እያለ ሰገደለት። እጁንም ዘርግቶ ዳሰሰውና :- እወዳለሁ ንፃ አለው። ማቴዎስ 8፡1-3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #እግዚአብሄር #አርነት #ነፃነት #ፈውስ #እምነት #ቁስል #ህመም #ደዌ #ጤንነት #አማርኛ #ስብከት #መዳን #መፅሃፍቅዱስ #መንፈስቅዱስ #በመገረፉ #ፌስቡክ #አቢይዋቁማ #አቢይዋቁማዲንሳ

በመገረፉ ቁስል ተፈወሳችሁ

2004-passion-christ-flogging.jpgለኃጢአት ሞተን ለጽድቅ እንድንኖር፥ እርሱ ራሱ በሥጋው ኃጢአታችንን በእንጨት ላይ ተሸከመ፤ በመገረፉ ቁስል ተፈወሳችሁ። 1ኛ ጴጥሮስ 2፡24

ለሰው ልጆች የእግዚአብሄር ፈቃድ ጤንነት ነው፡፡ እግዚአብሄር ሰውን የፈጠረው ጠንካራና ጤነኛ አድርጎ ነው፡፡ እግዚአብሄር ሰውን ሲፈጥረው ከአንድም በሽታ ጋር አልፈጠረውም፡፡ በእግዚአብሄር የሰው ፍጥረት ዲዛይን ውስጥ በሽታ የሚባል ተሰምቶ አይታወቅም፡፡ እግዚአብሄር ሰውን ሲፈጥረው አንድም በሽታ በምድር ላይ አለመኖሩ የሚያሳየው እግዚአብሄር ለሰው ልጅ በፍፁም የበሽታ እቅድ እንዳልነበረው ነው፡፡

ሰው በሃጢያት በወደቀ ጊዜ ግን በሽታ ወደምድር ገባ፡፡ ከዚያም በኋላ ቢሆን እግዚአብሄ በሰዎች ስቃይ ተደስቶ አያውቅም፡፡ የእግዚአብሄር ፈቃድ የሰዎች መፈወስ ነው፡፡

ኢየሱስ ወደ ምድር የመጣው ለነፍሳቸው መፍትሄ ብቻ አልነበረም ፡፡ ኢየሱስ ለስጋቸው ፈውስ መፍትሄም ይዞ መጥቷል፡፡ ኢየሱስ ለነፍሳችን ፈውስ ሲሞት ለስጋችን ፈውስ ተገርፏል፡፡

እኛ ሃጢያትን እነዳንሸከም ኢየሱስ በመስቀል ላይ ስለነፍሳችን ሞተ፡፡ እኛ በሽታን እንዳንሸከም ኢየሱስ በመስቀል ተገረፈ፡፡ ኢየሱስ ደዌያችንን ተቀበለ ሕመማችንንም ተሸክሞ ነበር፡፡

በእውነት ደዌያችንን ተቀበለ ሕመማችንንም ተሸክሞአል፤ እኛ ግን እንደ ተመታ በእግዚአብሔርም እንደ ተቀሠፈ እንደ ተቸገረም ቈጠርነው። ኢሳይያስ 53፡4

ስለዚህ ነው ኢየሱስ በምድር ላይ በየስፍራው እየዞረ የታመሙትን ሁሉ በትጋት ይፈውስ የነበረው፡፡

በመሸም ጊዜ አጋንንት ያደረባቸውን ብዙዎችን ወደ እርሱ አመጡ፤ በነቢዩ በኢሳይያስ፦ እርሱ ድካማችንን ተቀበለ ደዌያችንንም ተሸከመ የተባለው ይፈጸም ዘንድ፥ መናፍስትን በቃሉ አወጣ፥ የታመሙትንም ሁሉ ፈወሰ። ማቴዎስ 8፡16-17

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ፈውስ #እምነት #ቁስል #ህመም #ደዌ #ጤንነት #አማርኛ #ስብከት #መዳን #መፅሃፍቅዱስ #መንፈስቅዱስ #በመገረፉ #ፌስቡክ #አቢይዋቁማ #አቢይዋቁማዲንሳ

Arise, shine

Free-woman-raising-arms-to-golden-sunset-summer-sky-like-praisingArise, shine, for your light has come, and the glory of the Lord rises upon you. See, darkness covers the earth and thick darkness is over the peoples, but the Lord rises upon you and his glory appears over you. Nations will come to your light, and kings to the brightness of your dawn. Isaiah 60: 1-3
Arise and shine says the Lord! This is your time to shine. This is your season. This is your time of visitation. This is your turn. This season is yours.
The reason: “For your light has come, and the glory of the Lord rises upon you”. It isn’t because of you. It is because of His strength. His light has come upon you. The glory of the Lord rises upon you.
Light is seen when it comes. When the light comes, it is known and recognized. When the light comes, the darkness gives place to the light.
Light signifies favor, development and beauty. When it says your light has come, it means your favor has come, your beauty has come, your attraction has come and your hope has come. No more waiting.
Don’t worry about the darkness around says the Lord. It doesn’t affect you. It is irrelevant to your progress and your favor. Don’t take it to heart. It doesn’t concern you. The darkness on earth doesn’t tell your fate. The darkness on earth is too small to predict your future.
On the contrary, the darkness of the people will glorify your light even further leave alone to affect it.
You are unique because Lord rise upon you. When the darkness covers the earth and thick darkness is over, the people, God will raise upon you to make you different from the rest. God will show himself in you. God will show his glory upon you. This is high time that God is using you to show His goodness and glory.
Nothing is exempt from being attracted by the glory of God. It attracts everyone.
The kings and the best on earth are helpless, but are attracted by you because of the glory of God upon you. All you need is to rise and shine.
To share this article
#glory #light #zion #church # Christianity #thetimeisnow #Godsglory #Jesus #ariseandshine #shine #arise #salvation #preaching #bible #Facebook #abiywakuma #abiydinsa #abiywakumadinsa

ለሥጋህ ፈውስ

medicine-exports-660x330.jpgስልጣኔና ቴክኖሎጂው እየጨመረ ቢሄድም ሰዎች ስለጤናቸው ከምንም ጊዜ በላይ የሚያስቡበት ጊዜ ላይ ደርሰናል፡፡ በፊት ምግብን እንደ ምግብነቱ የሚመገቡት ቀርቶ ከመመገባቸው በፊት ለጤናዬ ይስማማል ብለው ሁለት ጊዜ ያስባሉ፡፡ አሁን አሁን ምግብ መጣፈጡ ብቻ ሳይሆን ጤነኛ ነው አይደለም ከሰውነቴ ጋር ይስማማል አይስማማም ተብሎም ይጠየቃል ይመረመራል፡፡
 
በፊት እንዳይራብ ያገኘውን የሚበላው ሰው አሁን ሆዴን በምን አይነት ምግብ ነው የምሞላው ብሎ በደንብ ያስባል፡፡ ሌላ ጊዜ ያመረውንብ የሚበላው ሰው አሁን ምግቤ ስብ እንዳይበዛው ብሎ ይጠነቀቃል፡፡
 
ያለንን ምድራዊ እውቀት ሁሉ መጠቀም አስፈላጊ ነው፡፡ እግዚአብሄር ሰውን እንዴት እንደፈጠረውና ሰውነታችን እንዴት እንደሚሰራ በዘርፉ የተሰማሩትን ሰዎች እውቀት መጠቀም ምክራቸውንም መስማት ይገባል፡፡
 
ሳይንስም ገና እያጠና እየተመራመረ ስለሆነና ሳይንሲስቶችም እርስ በእርሳቸው እየተከራከሩ በመሆኑ ስለአንዳን ነገር እርግጠኛ መልስ ከሳይንስ መጠበቅ ያዳግታል፡፡ ምክኒያቱም ሳይንሱም በአፅንኦት የሚያስተምረውን ሌላ ጊዜ ሲያፈርሰው ብዙ ጊዜ ተስተውሏል፡፡
ከዚህ ሁሉ በላይ ግን የማይለወጠውና ለዘላለም ፀንቶ የሚኖረው የእግዚአብሄር ቃል ስለ ሰውነታችን ፈውስ የሚናገረውን መስማት ወደር የማይገኝለት ጥበብ ነው፡፡ የእግዚአብሄር ቃል ስለ 100% አስተማማኝ መድሃኒት ይናገራል፡፡ የእግዚአብሄር ቃል ምንም ያልተፈለገ ውጤት /side effect/ ስለሌለው መድሃኒትና ፈውስ ይናገራል፡፡
እግዚአብሄር በሰው ጤንነት ደስ ይሰኛል፡፡ ሰው ሲፈጠር ሙሉ ጤነኛ ተደርጎ ነው በእግዚአብሄር የተፈጠረው፡፡ ሰው ጤንነቱን ያጣው ሃጢያትን በሰራ ጊዜና በእግዚአብሄር ላይ ባመፀ ጊዜ ብቻ ነበር፡፡
 
እንዲሁም በእግዚአብሄር ላይ መደገፍ ለስጋችን ፈውስን ይመለሳል፡፡ እግዚአብሄርን መታዘዝ ለስጋችን ፈውስን ያመጣል፡፡ በራስ ማስተዋል አለመደገፍ በሽታን ከስጋችን ያርቃል፡፡
እግዚአዘብሄ የሰውን ሰውነት ንድፍ የነደፈውና የፈጠረው ለክፋት ባለመሆኑ ለሰው ከክፋት መራቅ ለሰውነቱ ጤናን ይመልሳል፡፡ ለእግዚአብሄር አምላክነትና ገዢነት እውቅና መስጠት ለነፍሳችን ሰላም መስጠት ብቻ ሳይሆን ለስጋችን ፈውስን ይሰጣል፡፡
በፍጹም ልብህ በእግዚአብሔር ታመን፥ በራስህም ማስተዋል አትደገፍ፤ በመንገድህ ሁሉ እርሱን እወቅ፥ እርሱም ጎዳናህን ያቀናልሃል። በራስህ አስተያየት ጠቢብ አትሁን፤ እግዚአብሔርን ፍራ፥ ከክፋትም ራቅ፤ ይህም ለሥጋህ ፈውስ ይሆንልሃል፥ ለአጥንትህም ጠገን። ምሳሌ 3፡5-8
ይህን ፅሁፍ ለሌሎች ሼር share ማድረግ ቢወዱ
#ፈውስ #እምነት #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

 

%d bloggers like this: