Category Archives: grace

የፀጋ አስተምሮት

grace teaching.pngፀጋ በክርስትና ህይወት በጣም አስፈላጊ ነገር ነው፡፡ ፀጋን ካልተረዳን ክርስትናን አንረዳውም፡፡ ፀጋን ከተረዳነው ደግሞ ክርስትና ፍሬያማ ይሆናል፡፡ ክርስትና የሚጀመረው በፀጋ ነው፡፡ ክርስትና የሚጀመረው በነፃ የተሰጠንን የደህንነት ስጦታ በመቀበል ነው፡፡

ጸጋው በእምነት አድኖአችኋልና፤ ይህም የእግዚአብሔር ስጦታ ነው እንጂ ከእናንተ አይደለም፤ ማንም እንዳይመካ ከሥራ አይደለም። ኤፌሶን 2፡8-9

የእግዚአብሄር ፀጋ በነፃ የተሰጠን የእግዚአብሄር ችሎታ ነው፡፡ የእግዚአብሄር ፀጋ የእግዚአብሄር ልጆች የሚያደርገን የእግዚአብሄር ሃይል ነው፡፡ የእግዚአብሄር ፀጋ በእግዚአብሄር ልጅነት ስልጣን እንድንመላለስ የሚያደርገን የእግዚአብሄር የሚያስችል ሃይል ነው፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

በእግዚአብሄር ልጅነት ደረጃ ኖረን እግዚአብሄርን እንድናስደስት የሚያበቃን የእግዚአብሄር ፀጋ ብቻ ነው፡፡

በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን? 2ኛ ቆሮንቶስ 13፡5

ክርስትና የሚጀምረው ከጠላትነት ልጆች የሚያደርገንን የእግዚአብሄርን ችሎታ በማመን ነው፡፡ ክርስትና የሚጀመረው ለደህንነታችን ሙሉ ዋጋ የከፈለውን ኢየሱስን ለእኛ እንዳደረገው በማመን ነው፡፡

ክርስትና የሚኖረው በፀጋ ነው፡፡ ክርስትና የሚኖረው ራስ ጉልበት አይደለም፡፡ ክርስትና የሚኖረው በራስ እውቀት አይደለም፡፡ ክርስትያ የሚኖረው በራሰ ችሎታ አይደለም፡፡ ክርስትና የሚኖረው በሚያስችል በእግዚአብሄር ፀጋ ነው፡፡ ክርስትና ካለእግዚአብሄር ፀጋ ሃይማኖት ባዶ ነው፡፡ ካለ እግዚአብሄር ሃይል እግዚአብሄርን ሊያስደስት የሚችል ሰው የለም፡፡ ካለ እግዚአብሄር ምሪት እግዚአብሄርን ሊያስደስት የሚችል ሰው የለምም፡፡

ክርስትናም የሚጨረሰው እንዲሁ በፀጋ ነው፡፡

በእግዚአብሄር ፀጋ ጀምረን በራሳችን ጉልበት አንጨርስም፡፡ በመልካም የምንጨርሰው በእግዚአብሄር ጉልበት ብቻ ነው፡፡ በሃይል የምንጨርሰው በእግዚአብሄር ችሎታ ብቻ ነው፡፡ በመልካም የምንጨርሰው በእግዚአብሄር የመንፈስ እርዳታ ብቻ ነው፡፡  ጌታም መልካም፥ አንተ በጎ፥ ታማኝም ባሪያ የሚለን በእምነት እርሱ ላይ በመደገፍ ብቻ እንጂ በራሳችን ሃይልና ጥበበ አይደለም፡፡

ይህን ብቻ ከእናንተ እንድማር እወዳለሁ፤ በሕግ ሥራ ወይም ከእምነት ጋር በሆነ መስማት መንፈስን ተቀበላችሁን? እንዲህን የማታስተውሉ ናችሁ? በመንፈስ ጀምራችሁ አሁን በሥጋ ትፈጽማላችሁን? ገላትያ 3፡2-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #የሚያስችልሃይል #ብቃት #የእግዚአብሄርችሎታ #የእግዚአብሄርሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ፅድቅ #እግዚአብሄርንመምሰል #ራስንመግዛት #ልብ

Advertisements

ተአምራት ነን

miracles.jpgእነሆ፥ እኔና እግዚአብሔር የሰጠኝ ልጆች ለእስራኤል በጽዮን ተራራ ከሚኖረው ከሠራዊት ጌታ ከእግዚአብሔር ዘንድ ምልክትና ተአምራት ነን። ኢሳያስ 8፡18

ለእግዚአብሄር ክብር ተፈጥረናል፡፡ የእግዚአብሄር ልጆች ነን፡፡ በምድር ላይ እግዚአብሄርን እንወክላለን፡፡ የእግዚአብሄርን ፈቃድ በምድር ላይ እናስፈጽማለን፡፡

ስምህ ይቀደስ፤ መንግሥትህ ትምጣ፤ ፈቃድህ በሰማይ እንደ ሆነች እንዲሁ በምድር ትሁን፤ ማቴዎስ 6፡10

ኑሮዋችን በእምነት ነው፡፡ እግዚአብሄር ከእኛ ጋር ነው፡፡

እግዚአብሄር ይረዳናል፡፡

ይሹሩን ሆይ፥ በሰማያት ላይ ለረድኤትህ፥ በደመናትም ላይ በታላቅነት እንደሚሄድ እንደ እግዚአብሔር ያለ ማንም የለም። ዘዳግም 33፡26

የእግዚአብሄር ልጆች ነን፡፡ ከምድር አይደለንም፡፡ በምድር ላይ በእግዚአብሄር ልጅነት ስልጣን እንኖራለን፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

ሃይማኖት ሃይማኖት ጫወታ እየተጫወትን አይደለም፡፡ ኢየሱስ በልባችን ይኖራል፡፡ ብቃታችን ኢየሱስ ራሱ ነው፡፡ የምንኖረው በእርሱ ነው፡፡

በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን? 2ኛ ቆሮንቶስ 13፡5

በምድር ላይ በእግዚአብሄር ሃይል እንኖራለን፡፡ በምድር ላይ በእግዚአብሄር ስልጣን እንኖራለን፡፡

ኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና . . . እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። ማቴዎስ 28፡18-20

ለምድር ሰዎች እንግዳ ነን፡፡ ለምድር ሰዎች እግዚአብሄር እንደሚሰራ ምልክቶች ነን፡፡ ለምድር ሰዎች ድንቅና ተአምራት ነን፡፡

ሕዝቡም አይተው ተደነቁ፥ ለሰውም እንዲህ ያለ ሥልጣን የሰጠ እግዚአብሔርን አከበሩ። ማቴዎስ 9፡8

እነሆ፥ እኔና እግዚአብሔር የሰጠኝ ልጆች ለእስራኤል በጽዮን ተራራ ከሚኖረው ከሠራዊት ጌታ ከእግዚአብሔር ዘንድ ምልክትና ተአምራት ነን። ኢሳያስ 8፡18

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #ተአምር #የሚያስችልሃይል #ድንቅ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #የእግዚአብሄርችሎታ #እግዚአብሄርንሃያል #ራስንመግዛት #ልብ #አቢይ #አቢይዋቁማ #አቢይዋቁማዲንሳ

የእግዚአብሔር ችሎታ

Worry-2.jpgፀጋን ስናስብ ብዙ ጊዜ ወደ አእችምሮዋችን የሚመጣው ነፃ ስጦታ መሆኑ ነው፡፡ እውነት ነው ፀጋ ነፃ ስጦታ ነው፡፡ ፀጋ የሚያስችል ሃይል ነው፡፡ ፀጋ ብቃት ነው፡፡ ፀጋ አንድን ነገር ለማድረግ የሚያስፈልገንን ሃይል ማግኘት ነው፡፡

ሃጢያት የራሱ የሆነ ሃይል አለው፡፡ ካለ እግዚአብሄር ፀጋ ሃጢያትን መካድ አንችልም፡፡ ካለ እግዚአብሄር ፀጋ አለማዊ ምኞትን መካድ አንብችልም፡፡ ሃጢያት የራሱ የሆነ ካለ እግዚአብሄር ፀጋ ሃይማኖት ሃይማኖት ጨዋታ እንጫወታለን እንጂ ክርስትናን አንኖርም፡፡ ህይወታችን ከተለወጠ በእግዚአብሄር ፀጋ ብቻ ነው፡፡

ሰዎችን ሁሉ የሚያድን የእግዚአብሔር ጸጋ ተገልጦአልና፤ ይህም ጸጋ፥ ኃጢአተኝነትንና ዓለማዊን ምኞት ክደን፥ የተባረከውን ተስፋችንን እርሱም የታላቁን የአምላካችንንና የመድኃኒታችንን የኢየሱስ ክርስቶስን ክብር መገለጥ እየጠበቅን፥ ራሳችንን በመግዛትና በጽድቅ እግዚአብሔርንም በመምሰል በአሁኑ ዘመን እንድንኖር ያስተምረናል፤ ቲቶ 2፡11-13

ካለ እግዚአብሄር ፀጋ ውጫዊ ነገራችንን እያስተካከልን በማስመሰል እንኖራለን እንጂ እውነተኛ የህይወት ለውጥ አይኖርም፡፡ እውነተኛ የልብ ለውጥ የሚመጣው በእግዚአብሄር ፀጋ ነው፡፡

ልባችሁ በጸጋ ቢጸና መልካም ነው እንጂ በመብል አይደለም፤ በዚህ የሚሠሩባት አልተጠቀሙምና። ዕብራውያን 13፡9

የእግዚአብሄር ፀጋ ከጎደለ ርክሰት ይመጣል፡፡ የእግዚአብሄር ፀጋ ከጎደለ የህይወት ድካም ይመጣል፡፡ የእግዚአብሄር ፀጋ ከጎደለ የህይወት ድካም ይመጣል፡፡

የእግዚአብሔር ጸጋ ለማንም እንዳይጎድለው፥ ብዙዎቹም የሚረክሱበት አንድ መራራ ሥር ወደ ላይ በቅሎ እንዳያስጨንቅ፥ ሴሰኛም የሚሆን እንዳይገኝ፥ ዕብራውያን 12፡15

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #የሚያስችልሃይል #ብቃት #የእግዚአብሄርችሎታ #የእግዚአብሄርሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ፅድቅ #እግዚአብሄርንመምሰል #ራስንመግዛት #ልብ

የሚያደርጉትን አያውቁምና ይቅር በላቸው

amor-cristo.jpgአባት ሆይ የሚያደርጉትን አያውቁምና ይቅር በላቸው ሉቃስ 23፡34

ኢየሱስ ሲሰቀል ያሳየው ትህትና ልዩ ነበር፡፡ ኢየሱስ የእርሱ መሰቀልና መሰቃየት ሳያሳስበው ለሰቀሉት ሰዎች ይቅርታ ማግኘት ይበልጥ ያሳስበው ነበር፡፡

አሁንም ሰዎች ሲበድሉን እንድንራራላቸው ያስፈልጋል፡፡ ሰዎች ሲበድሉን እኛን እግዚአብሄር ይክሰናል፡፡ በዳይ ሰዎች ግን በእግዚአብሄር ይገሰፃሉ እንጂ በእግዚአብሄር አይካሱም፡፡

እንግዲህ ፈጽሞ የእርስ በርስ ሙግት እንዳለባችሁ በእናንተ ጉድለት ነው። ብትበደሉ አይሻልምን? ብትታለሉስ አይሻልምን? 1ኛ ወደ ቆሮንቶስ 6፡7

የሚበድሉ ሰዎፖች ሰላም የላቸውም፡፡ የሚበድሉ ሰዎች እረፍት የላቸውም፡፡ የሚበድሉ ሰዎች እርካታ የላቸውም፡፡

ሰው ካለ ምክኒያት አይበድልም፡፡ ሰው ካልቸገረው ሌላውን ሰው በመበደል ከእግዚአብሄር ጋር አይጣላም፡፡ ሰው የቀናው መንገድ ካልጠፋው በስተቀር ሰውን አይበድልም፡፡ ሰው ካልተታለለ በስተቀር ሌላውን ሰው አይበድልም፡፡ ሰው ካልተሸወደ በስተቀር በትክክለኛ አእምሮ ሌላው ሰውን በመበደል እግዚአብሄርን አይበድልም፡፡

የሚበድሉ ሰዎች ርህራሄ ሊደረግላቸው ያስፈልጋቸዋል፡፡ የሚበድሉ ሰዎች የሚታዘንናለቸው ምስኪን ሰዎች ናቸው፡፡ የሚበድሉ ሰዎች ሳንረግማቸው ተረግመዋል፡፡ የሚበድሉ ሰዎች ሳንበድላቸው ራሳቸውን በድለዋል፡፡

ለሚበድሉን ሰዎች መራራት የሚከብደን የተጠቀሙ ስለሚመስለን ነው፡፡ የሚበድል ሰው ይጎዳል እንጂ አይጠቀምም፡፡

ለሚበድሉ ሰዎች እንራራላቸውን እንዘንላቸው ማለት ግን አንጋፈጣቸው ትክክለኛውን መንገድ አናሳያቸው ማለት አይደለም፡፡ ለሚበድሉ ሰዎች እንፀልይላቸው ማለት እንመልሳቸው ማለት እንጂ እናበረታታቸው ማለት በፍፁም አይደለም፡፡ የሚበድሉ ሰዎች እንባርካቸው ማለት ሃይል እንስጣቸው ማለት ሳይሆን በችግር ላይ እርግማን አንጨምርባቸው ማለት ነው፡፡

የሚያሳድዱአችሁን መርቁ፥ መርቁ እንጂ አትርገሙ። ሮሜ 12፡14

ሰዎች ሲበድሉ አይጠቀሙም፡፡ በሰዎች መበደል የሚጠቀመው ሰይጣን ነው፡፡ በሰዎች መቆሸሽ የሚጠቀመው ጠላት ነው፡፡ ሰዎች ሰውን ለመበደል ሰይጣን ሲጠቀምባቸው ይጎዳሉ፡፡

እኔ ግን እላችኋለሁ፥ በሰማያት ላለ አባታችሁ ልጆች ትሆኑ ዘንድ ጠላቶቻችሁን ውደዱ፥ የሚረግሙአችሁንም መርቁ፥ ለሚጠሉአችሁም መልካም አድርጉ፥ ስለሚያሳድዱአችሁም ጸልዩ፤ ማቴዎስ 5፡44-45

ሰዎችን ይቅር ስንላቸውና ስንታገሳቸው ገንዘባችን እናደርጋቸዋለን፡፡

ወንድምህም ቢበድልህ፥ ሄደህ አንተና እርሱ ብቻችሁን ሆናችሁ ውቀሰው። ቢሰማህ፥ ወንድምህን ገንዘብ አደረግኸው፤ ማቴዎስ 18፡15

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እግዚአብሔር #ይቅርታ #ምህረት #ፍርድ #ጠላት #ዲያቢሎስ #ስፍራ #ኢየሱስ #ጥላቻ #ትእቢት #መራርነት #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የድካም ክብር

the cross power.jpgየኢየሱስ የመጨረሻው ሃይሉ የተገለጠው በድካሙ እንጂ በሃይሉ አልነበረም፡፡ የኢየሱስ ሃየል የተገለጠው በሞቱ ነበር፡፡

በድካም ተሰቅሎአልና፥ ነገር ግን በእግዚአብሔር ኃይል በሕይወት ይኖራል። 2ኛ ቆሮንቶስ 13፡4

አለም አይቶ የማያውቀውን ታላቁን የትንሳኤ ሃይል ያየነው በኢየሱስ ድካም ነው፡፡ ኢየሱስ በሞቱ ነው ህይወትን ያሳየን፡፡

ክርስቶስንም ከሙታን ሲያስነሣው ከአለቅነትና ከሥልጣንም ከኃይልም ከጌትነትም ሁሉ በላይና በዚህ ዓለም ብቻ ሳይሆን ነገር ግን ሊመጣ ባለው ዓለም ደግሞ ከሚጠራው ስም ሁሉ በላይ በሰማያዊ ስፍራ በቀኙ ሲያስቀምጠው በክርስቶስ ባደረገው ሥራ የብርታቱ ጉልበት ይታያል፤ ኤፌሶን 1፡20-21

ኢየሱስ በሞት ላይ ስልጣን ያለውን ዲያቢሎስን የሻረው በህይወት አይደለም በድካምና በሞቱ ነው ፡፡

እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ፥ እብራዊያን 2፡14-15

እኛም በራሳችን ስንደክም ያን ጊዜ የእግዚአብሄር ሃይል ያድርብናል፡፡ የሰው ሃይል ሲያልቅ የአግዚአብሄር ሃይል ይጀምራል፡፡

እኛ ደግሞ ከእርሱ ጋር እንደክማለንና፥ ነገር ግን ስለ እናንተ በሆነ በእግዚአብሔር ኃይል ከእርሱ ጋር በሕይወት እንኖራለን። 2ኛ ቆሮንቶስ 13፡4

በራሳችን ስንደክም በእግዚአብሄር ሃይለኛ ነንና፡፡ በመከራ ስናልፍ በራሳችን ስንደክም የእግዚአብሄር ሃይል በእኛ በሃይል ይሰራል፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ቆሮንጦስ 12፡9-10

ይህን ፅሁፍ ለሌሎች ሼር share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #እግዚአብሄር #ድካም #ሞት #ህይወት #ትንሳኤ #የእግዚአብሄርሃይል #መንፈስቅዱስ #መመካት #ብርታት #እምነት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ራሳችንን እናማጥናለን

contentment.jpgጌታን የምናገለግለው በሚታይ ነገር ስለደላንና ሁሉ ነገር አልጋ በአልጋ ስለሆነልን አይደለም፡፡ ጌታን የምናገለግለው ጌታን ማገልገል ስላለብን ነው፡፡ ጌታን የምናገለግለው የምንፈልገው ነገር ሁሉ ተሟልቶልን አይደለም፡፡ ጌታን የምናገለግለው ጉድለታችን በእግዚአብሄር ፀጋ እየተሸፈነ ነው፡፡

ጌታን የምናገለግለው የተሻለ የሙያ መስክ ስለሆነ አይደለም፡፡ ጌታን የምናገለገልው በእግዚአብሄር ስለተጠራን ነው፡፡ ጌታን የምናገለግለው ከዚህ የተሻለ የምንሰራው ስራ ስለሌለ አይደለም፡፡ ጌታን የምናገለግልው በህይወታችን ያለውን የእግዚአብሄርን ሃሳብ ለመፈፀም ነው፡፡

ጌታን የምናገለግለው ከግል ጥቅም አንፃር አትራፊ ስራ ስለሆነ አይደለም፡፡ ጌታን የምናገለግለው እግዚአብሄር ለዚህ አገልግሎት እንደፈጠረን ስለምናምን ነው፡፡ ጌታን የምናገለግለው መብቱና ስልጣኑ ብዙ ስለሆነ አይደለም፡፡ ጌታን የምናገለግለው መብታችንንና ጥቅማችንን እየተውን ነው፡፡

ሌሎች በእናንተ ላይ ይህን መብት የሚካፈሉ ከሆኑ እኛማ ይልቁን እንዴታ? ነገር ግን የክርስቶስን ወንጌል እንዳንከለክል በሁሉ እንታገሣለን እንጂ በዚህ መብት አልተጠቀምንም። 1ኛ ቆሮንቶስ 9፡12

እግዚአብሄርን የምናገለግለው ሁሉ ሰው ተቀብሎን አይደለም፡፡ እግዚአብሄርን የምናገለግለው እግዚአብሄር ስለላከን ነው፡፡ እግዚአብሄርን የምናገለግልው የምናገለግላቸው ሁልጊዜ እያስደሰቱን አይደለም፡፡ እግዚአብሄርን የምናገለግልው በጌታ ደስ በመሰኘት ብቻ ነው፡፡

ለዋኖቻችሁ ታዘዙና ተገዙ፤ እነርሱ ስሌትን እንደሚሰጡ አድርገው፥ ይህንኑ በደስታ እንጂ በኃዘን እንዳያደርጉት፥ ይህ የማይጠቅማችሁ ነበርና፥ ስለ ነፍሳችሁ ይተጋሉ። ዕብራውያን 13፡17

ስለዚህ የተሻለ ስለሚከፈለው ነው ይህ ደሞዝ አንድ ቀን ሲቆም አገልግሎት ያቆማል ለሚሉት መሰናከያ መሆን አንፈልግም፡፡ ስለዚህ እንደ እግዚአብሔር አገልጋዮች ቢከፈለንም ባይከፈለንም እናገለግላለን፡፡ ቢመቸንም ባይመቸንም እናገለግላለን፡፡ በጊዜውም አለጊዜውም እንፀናለን፡፡

እኔ ግን ከእነዚህ ሁሉ ምንም አልተጠቀምሁም። እንዲህ እንዲሆንልኝ ይህን አልጽፍም፤ ማንም ትምክህቴን ከንቱ ከሚያደርግብኝ ሞት ይሻለኛልና። 1ኛ ቆሮንቶስ 9፡15

ስለዚህ በከፍታና በዝቅታ ራሳችንን እናማጥናለን፡፡ ከሰው ምንም ሳንጠብቅ እግዚአብሄርን ማገልገል ትምክታችን ነው፡፡ እግዚአብሄርን በማንኛውም ሁኔታ ውስጥ ማገልገላችን ሃብታችን ትምክታችን ነው፡፡ ትምክታችንን ማንም ከንቱ ከሚያደርግብን ሞት ይሻለናል፡፡

አገልግሎታችንም እንዳይነቀፍ በአንዳች ነገር ማሰናከያ ከቶ አንሰጥም። ነገር ግን በሁሉ እንደ እግዚአብሔር አገልጋዮች ራሳችንን እናማጥናለን፤ በብዙ መጽናት፥ በመከራ፥ በችግር፥ በጭንቀት፥ በመገረፍ፥ በወኅኒ፥ በሁከት፥ በድካም፥ እንቅልፍ በማጣት፥ በመጦም፥ በንጽህና፥ በእውቀት፥ በትዕግሥት፥ በቸርነት፥ በመንፈስ ቅዱስ፥ ግብዝነት በሌለው ፍቅር፥ በእውነት ቃል፥ በእግዚአብሔር ኃይል፥ ለቀኝና ለግራ በሚሆን በጽድቅ የጦር ዕቃ፥ በክብርና በውርደት፥ በክፉ ወሬና በመልካም ወሬ ራሳችንን እናማጥናለን፤ 2ኛ ቆሮንቶስ 6፡3-8

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #የሚያስችልሃይል #እውቀት #ምስጋና #ትህትና #ልብ #እምነት #ፀሎት #ማማጠን #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ

ክፉውን አትቃወሙ

resist evil.jpgእኔ ግን እላችኋለሁ፥ ክፉውን አትቃወሙ፤ ዳሩ ግን ቀኝ ጉንጭህን በጥፊ ለሚመታህ ሁሉ ሁለተኛውን ደግሞ አዙርለት፤ ማቴዎስ  5፡39

በህይወቱ የሚያየውን ክፉ ሁሉ በክፉ ለመመለስ የሚያስብ ሰው የክርስትናን ህይወት በሚገባ አልተረተዳውም፡፡

በአለም የሚኖሩ ሰዎች ውድድራቸው በክፋት ነው፡፡ ክፉ ያደረገ ሰው ይከበራል፡፡ እጅግ ክፉ ያደረገ ሰው ደግሞ ይበልጥ ይከበራል፡፡ በአለም ያለው ውድድር የእኔነት ውድድር ነው፡፡ ሰው በአለም እኔነቱን ለማሳየት ክፉን ሲያደርግ ክፋትን ሲጨምር በክፉ ሲበልጥ ይታያል፡፡

በአለም ያለ ሰው አሸናፊነቱ ክፉን በክፉ በማሸነፍ ነው፡፡ ክፉን በክፉ የሚያሸነፈ ሰው ይከበራል፡፡ በአለም ክፉን በክፉ አለማሸነፍ ደካማነት ነው፡፡ በአለም ክፉን በእጅግ ክፉ ማሸነፍ ደግሞ ጀግንነት ነው፡፡ በአለም ሰዎች በክፋታቸው ይመካሉ፡፡

በእግዚአብሄር ቤት ግን የሚያስከብረው ክፉን የመቋቋም ችሎታ ነው፡፡ በክርስትና የሚያስከብረው ክፉን የምናሸነፍበትን ፀጋ ማሳየት  መግለፅ ነው፡፡ በክርስትና አሸናፊነት ክፉ ያደረጉበትን ሰው በክፋቱ ሳይሸነፉ መልካም ሲያደርጉለት ነው፡፡

ክፉውን በመልካም አሸንፍ እንጂ በክፉ አትሸነፍ። ሮሜ 12፡21

በአለም በክፉ የሚሸነፍ ሰው የተለመደ ነው፡፡ ማንም መንገደኛ በክፉ ይሸነፋል፡፡ በክርስትና በክፉ የሚሸነፍ ሰው ደካማ ነው፡፡

ጠላትህ ግን ቢራብ አብላው፤ ቢጠማ አጠጣው፤ ይህን በማድረግህ በራሱ ላይ የእሳት ፍም ትከምራለህና። ሮሜ 12፡20

በእግዚአብሄር ቤት ከአለም ሰዎች የተለየ በእኛ የሚሰራ ፀጋ እንዳለን የምናሳየው ክፉን በመልካም በመለመለስ ነው፡፡ ከሌሎች የተለየ የእግዚአብሄር ሃይል በውስጣችን እንደሚሰራ የምናሳየው በክፉ ባለመሸነፍ ነው፡፡

ከአለምና ከምድራዊ የተለየ የተሻለ መንገድ የምናሳየው በክፉ ባለመሸነፍ ነው፡፡ የክፉን ህሊናውን የምንነካው ለክፋቱ ክፋት ባለመመለስ ነው፡፡ ክፉን የምናነቃው ለክፋቱ ክፋት ሲጠብቅ መልካምን በመመለስ ነው፡፡ ክፉ የሚደነግጠውና ሌላ አሰራርና ሌላ መንግስት እንዳለ የሚያስበው ክፉን በመልካም የሚመልስ ሰው ሲገጥመው ነው፡፡

በክፉ የማይሸነፍ በመልካም የሚያሸነፍ የተለየ የሚያስችል ሃይል እና ፀጋ እንዳለን የምንመሰክረው በክፉ ባለመሸነፍ በመልካም  በማሸነፍ ነው፡፡ ክፉ ይህንም የተለየ ፀጋ እንዲቀናበትና ለራሱ እንዲፈልገው የሚያደርገው ክፉን በመልካም የሚሸንፍ ልዩ ሃይል እንዳለን ሲያይ ነው፡፡

ሰው እናንተ የተለያችሁ ሰዎች ናችሁ የእናንተ ጌታ የእኔ ጌታ እንዲሆን እንፈልጋለሁ የሚለው ክፉን በመልካም የምናሸንፍበትን ከዚህ አለም ያልሆነ መልኮታዊ ሃይል ሲያይ ነው፡፡

እንዲከስህም እጀ ጠባብህንም እንዲወስድ ለሚወድ መጎናጸፊያህን ደግሞ ተውለት፤ ማንም ሰው አንድ ምዕራፍ ትሄድ ዘንድ ቢያስገድድህ ሁለተኛውን ከእርሱ ጋር ሂድ። ማቴዎስ 5፡40-41

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #የሚያስችልሃይል #ብቃት #የእግዚአብሄርችሎታ #የእግዚአብሄርሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ፅድቅ #እግዚአብሄርንመምሰል #ራስንመግዛት #ልብ #ምስክርነት

ብቻውን ተአምራትን የሚያደርግ

alone-in-water.jpgብቻውን ተአምራትን የሚያደርግ የእስራኤል አምላክ እግዚአብሔር ይባረክ። መዝሙር 72፥18

እግዚአብሔር ታላቅ አምላክ ነው፡፡ እኛ በደከመንና ጊዜ እኛ ባቃተን ጊዜ እግዚአብሔር ተአምራትን ያደርጋል፡፡ እግዚአብሔር የእኛን እርዳታ ሳይፈልግ ብቻውን ድንቅን ነገር ያደርጋል፡፡

እርሱ ብቻውን ታላቅ ተኣምራትን ያደረገ፤ ምሕረቱ ለዘላለም ነውና፤ መዝሙር 136፥4

እግዚአብሔር ከሰው ችሎታ በላይ የሆኑትን ነገሮች በማድረግ ይታወቃል፡፡ እግዚአብሔርን እግዚአብሔር የሚያሰኘው ሃይሉ ስለማይወሰን ሁሉን ቻይ አምላከ ስለሆነ ነው፡፡

ዮናታንም ጋሻ ጃግሬውን፦ ና፥ ወደ እነዚህ ቈላፋን ጭፍራ እንለፍ፤ በብዙ ወይም በጥቂት ማዳን እግዚአብሔርን አያስቸግረውምና ምናልባት እግዚአብሔር ይሠራልን ይሆናል አለው። 1ኛ ሳሙኤል 14፡6

እግዚአብሔር በኃይሉ ከሰው ችሎታ በላይ ከፍ ያለውን ነገር ያደርጋልና በእግዚአብሔር እንታመን እግዚአብሔርን እናመስግን፡፡

እነሆ፥ እግዚአብሔር በኃይሉ ከፍ ያለውን ነገር ያደርጋል፤ ኢዮብ 36፡22

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #ተአምር #የሚያስችልሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #የእግዚአብሄርችሎታ #እግዚአብሄርንሃያል #ራስንመግዛት #ልብ

እግዚአብሔር ኃይሌ ነው

deer.jpgምንም እንኳ በለስም ባታፈራ፥ በወይንም ሐረግ ፍሬ ባይገኝ፥ የወይራ ሥራ ቢጐድል፥ እርሾችም መብልን ባይሰጡ፥ በጎች ከበረቱ ቢጠፉ፥ ላሞችም በጋጡ ውስጥ ባይገኙ፥ እኔ ግን በእግዚአብሔር ደስ ይለኛል፤ በመድኃኒቴ አምላክ ሐሤት አደርጋለሁ። ጌታ እግዚአብሔር ኃይሌ ነው፤ እግሮቼን እንደ ዋላ እግሮች ያደርጋል፤ በከፍታዎችም ላይ ያስሄደኛል።  ዕንባቆም 3፡17-19

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ቆሮንቶስ 12፡9-10

ይህን ስል ስለ ጉድለት አልልም፤ የምኖርበት ኑሮ ይበቃኛል ማለትን ተምሬአለሁና። መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ፊልጵስዩስ 4፡11-13

ምንም እንኳ በለስም ባታፈራ፥ በወይንም ሐረግ ፍሬ ባይገኝ፥ የወይራ ሥራ ቢጐድል፥ እርሾችም መብልን ባይሰጡ፥ በጎች ከበረቱ ቢጠፉ፥ ላሞችም በጋጡ ውስጥ ባይገኙ፥ እኔ ግን በእግዚአብሔር ደስ ይለኛል፤ በመድኃኒቴ አምላክ ሐሤት አደርጋለሁ። ጌታ እግዚአብሔር ኃይሌ ነው፤ እግሮቼን እንደ ዋላ እግሮች ያደርጋል፤ በከፍታዎችም ላይ ያስሄደኛል።  ዕንባቆም 3፡17-19

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ፀጋ #የሚያስችልሃይል #ብቃት #የእግዚአብሄርችሎታ #የእግዚአብሄርሃይል #ትምክት #ነፃነት #ድካም #ኃይል #ብርታት #ፀጋ #እችላለሁ #አማርኛ #ስብከት #መዳን #መፅሃፍቅዱስ #አርነት #ደስታ #ይበቃኛል #አላማ #አቢይ #አቢይዋቁማ #አቢይዋቁማዲንሳ

በእውቀት ጸጋና ሰላም ይብዛላችሁ

15621873_1043457452443914_1173545577052872048_n (1).jpgየመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ ጴጥሮስ 1፡2-3

በመጀመሪያም ሰው የተፈጠረው በእግዚአብሄር መልክና አምሳል ነው፡፡ የሰው የእግዚአብሄር መልክ እና አምሳል የጠፋው ሰው በሃጢያት ሲወድቅ ነው፡፡ በኢየሱስ የሃጢያታችን እዳ የተከፈለው ወደዚህ ወደጥንቱ የመለኮት ህብረት እንድንመለስ ነው፡፡ እግዚአብሄር በመለኮት ክብር ጠርቶናል፡፡ እግዚአብሄር በዚህ በታላቅ ክብር ቢጠራንም እውቀቱ ከሌላን እንደ ተራ ሰው ልንኖር እንችላለን፡፡ እግዚአብሄር በመለኮት ሃይል ቢጠራንም እንደ ደካማ ተሸናፊ ልንሆን እንችላለን፡፡ ስለዚህ ነው እውቀት ወሳኝ የሆነው፡፡

እውቀታችን ባደገ ቁጥር ፀጋ ይበዛልናል፡፡

ህይወትን በሚገባ ለመያዝ ሃይል ይጠይቃል፡፡ አንድ ነገርን ለእግዚአብሄር ለማድረግ የእግዚአብሄር የሚያስችል ሃይል ወሳኝ ነው፡፡ ኢየሱስን ለተቀበለ ሰው ሁሉ የሚያስችል ሃይል የእግዚአብሄር ፀጋ ተዘጋጅቶዋል፡፡ በዚህ ፀጋ ለመኖር በዚህ የሚያስችል ሃይል ተጠቃሚ ለመሆንና ለእግዚአብሄር ለመኖርና እግዚአብሄርን ለማገልገል እውቀት ያስፈልገናል፡፡ እውቀታችን ሲበዛ በህይወታችን የሚሰራው ፀጋ ይበዛል፡፡ እውቀታችን ሲበዛ ለህይወትና እግዚአብሄርን ለመምሰል የተሰጠንን ተረድተን በዚያ መብት መመላለስ እንጀምራለን፡፡ እውቀታችን በበዛ መጠን በህይወታችን የሚፈሰው ፀጋ ይበዛል፡፡ እውቀታችን በበዛ መጠን በህይወታችን ያለውን የእግዚአብሄርን አላማ ፈፅመን ማለፍ እንችላለን፡፡

እውቀታችን ባደገ ቁጠር ሰላማችን ይበዛልናል፡፡

አሁን ያለን የሰላም መጠን ያለንን የእውቀት መጠን ያሳያል፡፡ እግዚአብሄር ለህይወትና እግዚአብሄርን ለመምሰል የሚያስፈልገንን ሁሉ ቢሰጠንም ካለን እውቀት መጠን በላይ ሰላም ሊኖረን አይችልም፡፡ እውቀታችን ሲጨምር ሰላማችን ይጨምራል፡፡ እውቀታችን ሲበዛ ሰላማችን ይበዛል፡፡

የመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ ጴጥሮስ 1፡2-3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እውቀት #ጥበብ #ነፍስ #መዳን #ኢየሱስ #ጌታ #እግዚአብሔር #ፀጋ #መልካም #መታዘዝ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #አእምሮ #ሰላም #ማስተዋል #ልጅ

%d bloggers like this: