Category Archives: fire

የልብ ሽምግልና

pride.jpg

ኢያሱም ሸመገለ በዕድሜም አረጀ እግዚአብሔርም አለው፦ አንተ ሸመገልህ፥ በዕድሜህም አረጀህ፤ ያልተወረሰች እጅግ ብዙ ምድር ገና ቀርታለች፤ ኢያሱ 13፡1

መጀመሪያ ለእግዚአብሄ ሩጥንም አንጠግብም፡፡ ለእግዚአብሄር ሰጥተን አንረካም፡፡ ቀስ በቀስ ግን የልብ ሽምግልና እየያዘን ይመጣል፡፡ የልብ ሽምግልና እግዚአብሄር ያዘጋጀልን ርስት ውስጥ እንዳንገባ የሚያግደን ትልቅ እንቅፋት ነው፡፡ የእድሜ ሽምግልና በፅድቅ መንገድ የሚገኝ እግዚአብሄር የምናመሰግንበት በረከት ነው፡፡

የሸበተ ጠጕር የክብር ዘውድ ነው፥ እርሱም በጽድቅ መንገድ ይገኛል። ምሳሌ 16፡31

የጎበዛዝት ክብር ጕልበታቸው ናት፥ የሽማግሌዎችም ጌጥ ሽበት ነው። ምሳሌ 20፡29

የእድሜ መጨመር ሽምግልናን ሳይሆን የልብ ሽምግልና በቀጣይነት ልንዋጋው የሚገባ የርስታችን ጠላት ነው፡፡

እስኪ ከመኝሃፍ ቅዱስ ልቡ ያልሸመገለን ሰው እንመልከት፡፡

አሁንም፥ እነሆ፥ እግዚአብሔር ለሙሴ ይህን ቃል ከተናገረ በኋላ፥ እስራኤል በምድረ በዳ ሲዞሩ፥ እርሱ እንደ ተናገረኝ እግዚአብሔር እነዚህን አርባ አምስት ዓመት በሕይወት አኖረኝ፤ አሁንም፥ እነሆ፥ ለእኔ ዛሬ ሰማንያ አምስት ዓመት ሆነኝ። ሙሴም በላከኝ ጊዜ እንደ ነበርሁ፥ ዛሬ ጕልበታም ነኝ፤ ጕልበቴም በዚያን ጊዜ እንደ ነበረ፥ እንዲሁ ዛሬ ለመዋጋት ለመውጣትም ለመግባትም ጉልበቴ ያው ነው። መጽሐፈ ኢያሱ ወልደ ነዌ 14፡10-11

እግዚአብሄር ብዙ ምድሮች አዘጋጅቶልን ሳለና የምንወርስበት ጉልበት እያለን ሃሞታችን የሚፈስበት የተለያዩ ምክንያቶች አሉ፡፡ ልባችንን የሚያሸመግሉትን ምክንያቶች ከተከታልን ለልብ ሽምግልና ቦታ ሳንሰጥ በሙላት እግዚአብሄርን በዘመናችን አገልግለን ማለፍ እንቻለን፡፡

ልባችን የልብ ሽምግልና የሚመጣባቸው በተለያዩ ምክኒያቶች ይመጣል፡፡

የህይወት ውድቀት ሲያጋጥመን

አንድ ጊዜ ከወደቅን መልሰን ለመሞከር ቅናታችን ይመታል፡፡ ነገር ግን ውድቀት የማይሰራበትን መንገድ የተማርነበት የትምህርት እንጂ መጨረሻችን እንዳይደለ ማወቅ ከልብ ሽምግልና ያድነናል፡፡

ወንድሞች ሆይ፥ እኔ ገና እንዳልያዝሁት እቈጥራለሁ፤ ነገር ግን አንድ ነገር አደርጋለሁ፤ በኋላዬ ያለውን እየረሳሁ በፊቴ ያለውን ለመያዝ እዘረጋለሁ፥ ፊልጵስዩስ 3፡13

ለእግዚአብሄር ብዙ የሰራን ሲመስለን

ለእግዚአብሄር ብዙ የሰራን ሲመስለንና በቀድሞው ግኝታችን አለመጠን ከተኩራራን ልባችን ቀድሞ ያረጃል፡፡ ነገር ግን እግዚአብሄር እንድንወርስ ያዘጋጀልንን ሁሉ ከመውረሳችን በፊት አናረጅም፡፡ እግዚአብሄር የሚወረስ አለ እስካለ ድረስ አናቆምም፡፡ እግዚአብሄር ያየልኝን ሳልወርስ አይበቃም ካልና ለተጨማሪ ድሎች ከተራብን የልብን ሽምግልና በመዋጋት እግዚአብሄር እንድንወርስ ያዘጋጀልንን ሁሉ ወርሰን እናልፋለን፡፡

እርሱም አንድ ቀን የሚያህል መንገድ በምድረ በዳ ሄደ፤ መጥቶም ከክትክታ ዛፍ በታች ተቀመጠና፦ ይበቃኛል አሁንም፥ አቤቱ፥ እኔ ከአባቶቼ አልበልጥምና ነፍሴን ውሰድ ብሎ እንዲሞት ለመነ። መጽሐፈ ነገሥት ቀዳማዊ 19፡4

አሁን ደግሞ ለራሳችን መስራት ሲያምረን

ለጌታ እንሮጥና አሁን ደግሞ ለራሴ ልስራ ለራሴ አንድ ነገር ልያዝ ስንል ከእግዚአብሄር ስራ ልባችን ያረጃል፡፡ እኛ የጌታ ነን፡፡ ለጌታ የምንሰራበትና ለራሳችን የምንሰራበት ጊዜ የለም፡፡ ሁልጊዜ ለጌታ አንሰራለን፡፡ ሁልጊዜ እርሱ ለእኛ ይሰራል፡፡

ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። የማቴዎስ ወንጌል 6፡33

እግዚአብሄር እስከ ሽበት እስከሽምግልና ይሸከመናል፡፡

የእግዚአብሄርን ስራ የምንሰራው እስክናረጅ አይደለም፡፡ እስክንሞት የጌታን ስራ እንሰራለን፡፡ ከእምነት ጡረታ አንወጣም፡፡ እንዲያውም የምንሞተው የጌታን ስራ በመስራት ላይ እያለን ነው፡፡

እስከ ሽምግልና ድረስ እኔ ነኝ፥ እስከ ሽበትም ድረስ እሸከማችኋለሁ፤ እኔ ሠርቻለሁ እኔም አነሣለሁ፤ እኔ እሸከማለሁ እኔም አድናለሁ። ትንቢተ ኢሳይያስ 46፡4

እንግዲህ ታላቅ ብድራት ያለውን ድፍረታችሁን አትጣሉ። ወደ ዕብራውያን 10፡35

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እሳት #ህብረት #ቃል #ሽበት #ሽምግልና #ድፍረት #መቀጣጠል #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

Advertisements

እሳትን የሚያጠፉ አራት ነገሮች

unnamed fire.jpgበምድር ላይ የእግዚአብሄርን ፈቃድ በትጋትና በድፍረት ፈፅመን እንድናልፍ ከሚያግዙ ነገሮች አንዱ ግለት እሳትና መቀጣጠል ነው፡፡ ሰው በምድር ላይ የእግዚአብሄርን ፈቃድ የሚፈፅምበት እምቅ ጉልበት ኖሮት እሳቱና ግለቱ ከውስጡ ከጠፋ ለምንም አይጠቅምም፡፡ ሰው የእግዚአብሄርን ፈቃድ ለመፈፀም ረሃቡና ጥማቱ ያስፈልገዋል፡፡ እግዚአብሄር በህይወቱ ያየውን ነገር ለማግኘት ቅናት ይጠይቃል፡፡ ሰው ግን ግድ የለሽና ልቡ ሙትት ያለ ከሆነ የእግዚአብሄን ፈቃድ መፈፀም አይችልም፡፡

እሳትና ግለት ጉልበትን ይሰጠናል እሳትና መቀጣጠል ቅናት የምድር አስቸጋሪ ሁኔዎችን አልፈን እንድንሄድ ያስችለናል፡፡ ሃሞቱ ከፈሰሰ ግን አንዳች ማድረግ ያቅተናል፡፡

የእግዚአብሄርን ነገር ለመጨበጥ ረሀቡና ጥማቱ ከሌለ በውስጣችን የሚወለድ ብዙ ነገር እያለ የትም መድረስ ያቅተናል፡፡

እነርሱም፦ ሕዝቅያስ እንዲህ ይላል፦ ይህ ቀን የመከራና የተግሣጽ የዘለፋም ቀን ነው፤ ልጆች የሚወለዱበት ጊዜ ደርሶአል ለመውለድም ኃይል የለም። ኢሳይያስ 37፡3

እግዚአብሄር ለብዙ ነገር አስቦንም እያለ መራመድ ያቅታል፡፡ እግዚአብሄር ከፍ ላለ ነገር ጠርቶን እያለ ጉልበት ያጥራል፡፡

ወንድሞች ሆይ፥ እኔ ገና እንዳልያዝሁት እቈጥራለሁ፤ ነገር ግን አንድ ነገር አደርጋለሁ፤ በኋላዬ ያለውን እየረሳሁ በፊቴ ያለውን ለመያዝ እዘረጋለሁ፥ በክርስቶስ ኢየሱስ ከፍ ከፍ ያለውን የእግዚአብሔርን መጥራት ዋጋ እንዳገኝ ምልክትን እፈጥናለሁ። ፊልጵስዩስ 3፡13-14

እግዚአብሄር እስራኤልን ሊያስወርስ ያለው ብዙ ምድር እያለ ኢያሱ ግን አረጀ፡፡ ልቡ እንዳረጀበት ሰው አቅሙ ሁሉ እያለውቅ ነገር ግን ምንም ማድረግ የማይችል ሰው የለም፡፡

ኢያሱም ሸመገለ በዕድሜም አረጀ እግዚአብሔርም አለው፦ አንተ ሸመገልህ፥ በዕድሜህም አረጀህ፤ ያልተወረሰች እጅግ ብዙ ምድር ገና ቀርታለች፤ ኢያሱ 13፡1

ካሌብ በሰማኒያ አመቱ ትኩስ ነበር፡፡ ሊወርስ ሊወስድ ሊዋጋ እና ሊወጣ የተዘጋጀ ነበር፡፡

ሙሴም በላከኝ ጊዜ እንደ ነበርሁ፥ ዛሬ ጕልበታም ነኝ፤ ጕልበቴም በዚያን ጊዜ እንደ ነበረ፥ እንዲሁ ዛሬ ለመዋጋት ለመውጣትም ለመግባትም ጉልበቴ ያው ነው። ኢያሱ 14፡11

እግዚአብሄን በሃይል ሲያገለግል የነበረው ታላቁ ነቢይ ኤልያስ አንድ ጊዜ ጉልበት አጠረው፡፡ እግዚአብሄር ሊሰራበት ያለው ብዙ ነገር እያለ ልቡ ተሸነፈ እኔ በቃኝ አለ፡፡

እርሱም አንድ ቀን የሚያህል መንገድ በምድረ በዳ ሄደ፤ መጥቶም ከክትክታ ዛፍ በታች ተቀመጠና፦ ይበቃኛል አሁንም፥ አቤቱ፥ እኔ ከአባቶቼ አልበልጥምና ነፍሴን ውሰድ ብሎ እንዲሞት ለመነ። 1ኛ ነገሥት 19፡4

የእግዚአብሄን ህዝብ ለመባረክ ለበረከት ለመሆን አቅሙ ሁሉ እያለን የምንቆመው እሳታችንን ከውስጣችን ሲጠፋ ብቻ ነው፡፡ እሳታችን ከጠበቅን እርምጃችንንና ፍጥነታችን መጠበቅ እንችላለን፡፡ በምንም ሁኔታ ሊያቆመን አይችልም፡፡ ድፍተራችን ከተመታ ግን ምንም ምክኒያት ሊያስቆመን ይችላል፡፡

ብዙ ነገሮችን ለጌታ የማድረግ እምቅ ጉልበት እያለን እሳታችንን የሚበላውና ለእግዚአብሄር የመሮጥና ሃሞታችን የሚፈሰው ምን እንደሆነ እንመልከት፡፡

  1. የሰው የንቀት እይታ

ካለተጠነቀቅን የሰው እይታ እና የሰው አስተያየትን ጉልበታችንን ይበላል፡፡ እንዳንወጣ እንዳንወርስ ጌታ ለጠራን ጥሪ እንዳንዘረጋ ያደርጋል፡፡

ዳዊት የወንድሞቹን ንቀት ቢያምን ኖሮ ታሪክን አይሰራም ነበር፡፡ እኛም በክርስቶስ ያለንበትን ስፍራ ከላየን በስተቀር ምንም ማድረግ የማንችል ከንቱ ሆነን እንቀራለን፡፡

ታላቅ ወንድሙም ኤልያብ ከሰዎች ጋር ሲነጋገር ሰማ፤ የኤልያብም ቍጣ በዳዊት ላይ ነድዶ፦ ለምን ወደዚህ ወረድህ? እነዚያንስ ጥቂቶች በጎች በምድረ በዳ ለማን ተውሃቸው? እኔ ኵራትህንና የልብህን ክፋት አውቃለሁና ሰልፉን ለማየት መጥተሃል አለው። 1ኛ ሳሙኤል 17፡28

ለአንዳንድ ሰው ምንም ብታደርጉ በቂ አይደለም፡፡ አንዳንደ ሰው ምንም ብትሆኑ አይቀበላችሁም፡፡ የሰውን ንቀት ሰምተን ከቆምን ለምንም አንሆንም፡፡

  1. የእግዚአብሄር ቃል እጦት

የእግዚአብሄር ቃል በእምነት እንዴት እንደምንንራመድ ምሳሌዎችን እየጠቀሰ ያስተምረናል ያበረታታናል፡፡ እሳቱን የሚቆሰቁሰው የእግዚአብሄር ቃል ከሌለን እግዚአብሄር በህይወታችን ያየውን ለመውረስ እንዘረጋም፡፡ እግዚአብሄ ለእኛ ያለውን ለማግኘት ካልተዘረጋን ደግሞ አንወርስም፡፡

እንግዲህ ታላቅ ብድራት ያለውን ድፍረታችሁን አትጣሉ። የእግዚአብሔርን ፈቃድ አድርጋችሁ የተሰጣችሁን የተስፋ ቃል እንድታገኙ መጽናት ያስፈልጋችኋልና። ዕብራውያን 10፡25-36

የእግዚአብሄር ቃል ማበረታቻና እሳታቸውን ጠብቀው እግዚአብሄርን ደስ ያሰኙ የቅዱሳን ህይወት ምስክርነት ልባችንን ያቀጣጥለዋል፡፡

እንግዲህ እነዚህን የሚያህሉ ምስክሮች እንደ ደመና በዙሪያችን ካሉልን፥ እኛ ደግሞ ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። በነፍሳችሁ ዝላችሁ እንዳትደክሙ፥ ከኃጢአተኞች በደረሰበት እንዲህ ባለ መቃወም የጸናውን አስቡ። ዕብራውያን 12፡1-3

  1. ጭንቀትና የኑሮ ፍርሃት

ሰው ሲፈራ ጉልበቱ ይክደዋል፡፡ ጀግንነት ግን የፍርሃትን ስሜት የማይሰማው ሳይሆን የሚሰማውን የፍርሃት ስሜት ተቀብሎ ከአላማው የማይቆም ሰው ነው፡፡ ድፍረት የፍርሃትን ስሜት አለመስማት አለመቀበል ነው፡፡ የፍርሃት ስሜት ይመጣል ነገር ግን እየፈራንም ቢሆን የእግዚአብሄርን ፈቃድ ካደረግን ፍርሃት እኛን የማስቆም አላማውን መፈፀም ያቅተዋል፡፡

በእሾህም የተዘሩት ሌሎች ናቸው፥ ቃሉን የሰሙት እነዚህ ናቸው፥ የዚህም ዓለም አሳብና የባለጠግነት ማታለል የሌላውም ነገር ምኞት ገብተው ቃሉን ያንቃሉ፥ የማያፈራም ይሆናል። ማርቆስ 4፡18-19

  1. የቅዱሳን ህብረት እጥረት

እርስ በእርሳችን የምንቀጣጠልበት ማቀጣጠያ እሳት በእያንንዳችን ውስጥ አለ፡፡ ስንሰበሰብ የእግዚአብሄርን ነገር ስናወጋ ስንበረታታ እሳታችን ይለኮሳል፡፡ የወንድሞች የፀጋ ቃል ባለንበት እንዳንቆም ከከበበን ነገሮች አልፈን እንድንዘረጋ አቅማችንን ያድሳል፡፡

ለፍቅርና ለመልካምም ሥራ እንድንነቃቃ እርስ በርሳችን እንተያይ፤ በአንዳንዶችም ዘንድ ልማድ እንደ ሆነው፥ መሰብሰባችንን አንተው እርስ በርሳችን እንመካከር እንጂ፤ ይልቁንም ቀኑ ሲቀርብ እያያችሁ አብልጣችሁ ይህን አድርጉ። ዕብራውያን 10፡24-25

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እሳት #ህብረት #ቃል #መቀጣጠል #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

የልብ መቃጠል

heart fire3.jpgሰው ሁሉ ነገር ኖሮት እሳቱ የመውጣት የመውረስ እሳቱና መቀጣጠሉ ከጠፋ ምንም ማድረግ አይችልም፡፡ ሰው ሁሉ ነገር ኖሮት ሃሞቱ ከፈሰሰ ለእግዚአብሄር መንግስት ምንም ነገር ማድረግ አይችልም፡፡ ሰው እምቅ ጉልበት ኖሮት እሳቱ ግን ከሌለው ከንቱ ነው ለጌታ ስራ ምንም አይጠቅምም፡፡

ለሥራ ከመትጋት አትለግሙ፤ በመንፈስ የምትቃጠሉ ሁኑ፤ ለጌታ ተገዙ፤ ሮሜ 12፡11

እስከመጨረሻው የሚዋጉ እጅ የማይሰጡ እሳቱና መቀጣጠሉ ያላቸው ሰዎች ያስፈልጋሉ፡፡

ሙሴም በላከኝ ጊዜ እንደ ነበርሁ፥ ዛሬ ጕልበታም ነኝ፤ ጕልበቴም በዚያን ጊዜ እንደ ነበረ፥ እንዲሁ ዛሬ ለመዋጋት ለመውጣትም ለመግባትም ጉልበቴ ያው ነው። አሁን እንግዲህ በዚያን ቀን እግዚአብሔር የተናገረውን ይህን ተራራማ አገር ስጠኝ፤ አንተ በዚያ ቀን ዔናቃውያን ታላላቆችና የተመሸጉ ከተሞችም በዚያ እንዳሉ ሰምተህ ነበር፤ ምናልባት እግዚአብሔር ከእኔ ጋር ይሆናል፥ እግዚአብሔርም እንደ ተናገረኝ አሳድዳቸዋለሁ። ኢያሱ 14፡11-12

እሳትን የሚጭረው የሚያነሳሳውና የሚያስቀጥለው የእግዚአብሔር ቃል ነው፡፡

እሳቱም በመሠዊያው ላይ ዘወትር ይነድዳል፥ አይጠፋም፤ ካህኑም ማለዳ ማለዳ እንጨት ያቃጥልበታል፤ የሚቃጠለውንም መሥዋዕት በዚያ ላይ ይረበርባል፤ በዚያም የደኅንነትን መሥዋዕት ስብ ያቃጥላል። ዘወትር በመሠዊያው ላይ እሳት ይነድዳል፤ አይጠፋም። ዘሌዋውያን 6፡12-13

በውኑ ቃሌ እንደ እሳት፥ ድንጋዩንም እንደሚያደቅቅ መዶሻ አይደለችምን? ይላል እግዚአብሔር፡፡ ኤርምያስ 23፡29

እሳትን ደግሞ የሚያዳፍነው አንዱ ነገር ፍርሃት ነው፡፡ ሰው ሲፈራ እሳቱ ይዳፈናል፡፡

ስለዚህ ምክንያት፥ እሳት እንደሚያቀጣጥል ሰው፥ እጆቼን በመጫኔ በአንተ ያለውን የእግዚአብሔርን ስጦታ እንድታነሣሣ አሳስብሃለሁ። እግዚአብሔር የኃይልና የፍቅር ራስንም የመግዛት መንፈስ እንጂ የፍርሃት መንፈስ አልሰጠንምና። 2ኛ ጢሞቴዎስ 1፡6

ሌላው ከፈቀድንለት እሳትን የሚያዳፍነው ነገር መከራ ነው፡፡ በህይወት ያለ ተግዳሮት አላማው ድፍረታችንን መምታትና እጅ እንድንሰጥ ማድረግ ነው፡፡

እንግዲህ በጌታችን ምስክርነት ወይም በእስረኛው በእኔ አትፈር፥ ነገር ግን እንደ እግዚአብሔር ኃይል መጠን ስለ ወንጌል አብረኸኝ መከራን ተቀበል፤ 2ኛ ጢሞቴዎስ 1፡8

ስለዚህ ነው የእግዚአብሄር ቃል ድፍረታችሁን አትጣሉ ብሎ የሚያዘው፡፡

እንግዲህ ታላቅ ብድራት ያለውን ድፍረታችሁን አትጣሉ። ዕብራውያን 10፡35

ሌላው እሳታችንን ጠብቀን እንድንቆይ የሚያደርገን የወንድሞች ህብረት ነው፡፡

ለፍቅርና ለመልካምም ሥራ እንድንነቃቃ እርስ በርሳችን እንተያይ፤ በአንዳንዶችም ዘንድ ልማድ እንደ ሆነው፥ መሰብሰባችንን አንተው እርስ በርሳችን እንመካከር እንጂ፤ ይልቁንም ቀኑ ሲቀርብ እያያችሁ አብልጣችሁ ይህን አድርጉ። ዕብራውያን 10፡24-25

ሌላው የአገልግሎት እሳታችንን ጠብቀን እንድንዘልቅ የሚያደርገው ኢየሱስን ብቻ መመልከት ነው፡፡

እንግዲህ እነዚህን የሚያህሉ ምስክሮች እንደ ደመና በዙሪያችን ካሉልን፥ እኛ ደግሞ ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እሳት #ህብረት #ቃል #መቀጣጠል #ክብር #አገልግሎት #መዋረድ #መርካት #ፀጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

%d bloggers like this: