Category Archives: father

የሚያሸልመው መንፈሱ ወይስ መውለዱ

church leader.jpg

የሚያሸልመው መንፈሱ ወይስ መውለዱ

ልጅን የሚሰጠው እግዚአብሄር በመሆኑ ልጅን መውለድ እንደመተኛት ቀላል ነው፡፡ ልጅን የሚወልድ ወንድ ከመተኛት ውጭ የሚያደርገው ምንም ነገር የለም፡፡ ልጅን የሚወልድ ሰው ጎሽ የሚያስብለውና የሚያሸልመው ምንም ነገር አይሰራም፡፡ ሰው ልጅ ስለወለደ እግዚአብሄር ይሸልመኛል ብሎ ከጠበቀ ተሳስቷል፡፡ እግዚአብሄር ልጅ ስለመወልድ ማንንም አይሸልምንም፡፡

አባት መሆን ግን እንደ መውለድ ቀላል አይደለም፡፡ ባይወልዱም ለልጆች በአባትነት መንፈስ መመላስ ግን እንደ መውልድ ቀላል አይደለም፡፡ ለልጅ አባት መሆን ግን በእግዚአብሄር ዘንድ ጎሽ ያስብላል፡፡ አባትነትን ለሚፈልጉ ማነኛውም ልጆች በአባትነት መንፈስ መመላለስ ግን ጎሽ ያሰኛል፡፡

እግዚአብሄር የሚፈልገው ልጅ ብቻ አይደለም፡፡ እግዚአብሄር የሚፈልገው እግዚአብሄርን የሚፈራ ዘርን ነው፡፡ እግዚአብሄር የሚፈልገው የእግዚአብሄርን መልክና አምሳል የሚገልጥን የእግዚአብሄ ምልካ አምሳል የሚገለጥበትን ልጅ የሚያበረክት አባት ነው፡፡ እግዚአብሄር የሚፈልገው እርሱን የሚወክለውን አባት ነው፡፡ እግዚአብሄር የሚፈልገው አባትነቱን የሚያንፀባረቅን አባት ነው፡፡

እግዚአብሔር የሕይወትን መንፈስ አንድ አድርጎ ጠብቆልን የለምን? እርሱም የሚፈልገው ምንድር ነው? ዘር አይደለምን? ስለዚህ መንፈሳችሁን ጠብቁ፥ ማንም የልጅነት ሚስቱን አያታልል። ትንቢተ ሚልክያስ 2፡15

እግዚአብሔር አንድ አላደረጋቸውምን? በሥጋም በመንፈስም የእርሱ ናቸው። ለምን አንድ አደረጋቸው? ፈሪሀ እግዚአብሔር ያለውን2፥15 ወይም ነገር ግን አባታችን በሕይወት እስከ ኖረበት ዘመን ድረስ ይህን አላደረገም። ምን ይፈልግ ነበረ? ይፈልግ የነበረው ከእግዚአብሔር ዘንድ ልጅ ለማግኘት ነበረ። ዘር ይፈልግ ስለ ነበር ነው። ስለዚህ በመንፈሳችሁ ራሳችሁን ጠብቁ፤ ከወጣትነት ሚስታችሁም ጋር ያላችሁን ታማኝነት አታጓድሉ። ትንቢተ ሚልክያስ 2፡15 /አዲሱ መደበኛ ትርጉም/

እግዚአብሄር ሰውን ሲፈጥረው በእግዚአብሄር መልክና አምሳል ነው የፈጠረው፡፡ እግዚአብሄር ቤተሰብን ሲፈጥር በእግዚአብሄ መልክና አምሳል ወንድና ሴት አድርጎ ነው የፈጠራቸው፡፡ የእግዚአብሄርን ሙሉ መልክ የሚገልጠው ወንድና ሴት ናቸው፡፡ እግዚአብሄር ሰውን እንዲወለድ ያደረገው በአባትና በእና የመጨረሻው የቅርብን ግንኘየነት ነው፡፡ እግዚአብሄር ሰው በቤተሰብ በአነባትና በእናት እንክብካቤ አነደፊተያደግ ስለፈለገ ልጅ የሚለደው በአባትና በእናይት የመጨረሻው የቅርን ህግንዑነት ወቅት ነው፡፡

የአዳም የትውልዱ መጽሐፍ ይህ ነው። እግዚአብሔር አዳምን በፈጠረ ቀን በእግዚአብሔር ምሳሌ አደረገው፤ ወንድና ሴት አድርጎ ፈጠራቸው፥ ባረካቸውም። ስማቸውንም በፈጠረበት ቀን አዳም ብሎ ጠራቸው። ኦሪት ዘፍጥረት 5፡1-2

እግዚአብሄር የሚፈልገው ልጅ በቤተሰብ የፍቅር ህብረት መካከል እንዲወለድ ነው፡፡ ልጅ የሚወለደው በወንድና በሴት ጥብቅ ግንኙነት መካከል እንጂ በመተያየት በትንፋሽ ወይም በመነካካት አይደለም፡፡ እግዚአብሄር ልጅ በትንፋሽ ወይም በመነካካት ብቻ እንዲወለድ ያላደረገው ይልቁንም በአባትና በእናት ጥብቅ የቤተሰብ ግንኙነት መካከል እንዲወለድ ያደረገው ልጅ በአባትና በእናት ተኮትኩቶ እንዲያድግ ስለፈለገ ነው፡፡ ልጅ በቤተሰብ ውስጥ በወንድና በሴት ጥልቅ ግንኙነት እንዲወለድ እግዚአብሄር ያደረገው የእግዚአብሄርን ሙሉ መልክና ምሳሌ እያየና እየተለማመድ እንዲያድግ ነው፡፡

እግዚአብሄር ሰው እንዲወለድና እንዲያድግ የፈለገው በእግዚአብሄር መልክና አምሳል ቤተሰብ መካከል ነው፡፡ እግዚአብሄር በአባትና በእናት መካከል ብቻ ልጅ እንዲወለድና እንዲያድግ የፈለገው የእግዚአብሄርን ሙሉ መልክ የሚለገልጡት ወንድና ሴት ስለሆኑ ነው፡፡

እግዚአብሄር ሰውን ሲፈጥር የፈጠረው እንዲበዛ እንዲባዛ ነው፡፡ እግዚአብሄር ሰውን ሲፈጥረው በቤት ውስጥ በአባትና በእናት መካከል እንዲወለድ እና እንዲያድግ ነው፡፡ እግዚአብሄር ሰውን የፈጠረው በአባት ተኮትኩቶ እንዲያድግ ነው፡፡

ልጅን ወልደው በአባትነት መንፈስ የማያሳድጉ ሰዎች በእግዚአብሄር ይገሰፃሉ እንጂ አይኸለሙም፡፡ ነገር ግን ያልወለዱትን ልጅ ጭምር በአባትነት መንፈስ የሚያገለግሉ እግዚአብሄር ይደሰትባቸዋል ዋጋቸውም ታላቅ ነው፡፡

ስለዚህ ነው ልጅን በእግዚአብሄር መልክና አምሳል ኮትኩቶ ማሳደግና ሙሉ ሰው ማድረግ እንጂ መውለድ ብቻ ጎሽ የማያስብለው፡፡ ለምናገኛቸው ሰዎች ሁሉ አባትነትን ማሳየት እንጂ መውለድ ብቻ ጎሽ እያሰኝም፡፡ ለምናገኛቸውና አባትነታችንን ለሚፈልጉ ሰዎች ሁሉ በአባትነት መንፈስ ማገልገል መውደድ መምራት መምከር ማበረታታት ልጅ እንጂ መውለድ ብቻ በእግዚአብሄር አያሸልምም፡፡

አቢይ ዋቁማ ዲንሳ Abiy Wakuma Dinsa

መልካም የአባቶች ቀን!

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ወላጅ #ፍቅር #አባት #የአባትነትመንፈስ #መምራት #መጠበቅ #መንከባከብ #እርማት #ጥንካሬ #ራእይ #ደረጃመስጠት #ጥላ #ማበረታታት #አባትነት #ተግሳፅ  #መሪ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #አቢይ #አቢይዋቁማ #አቢይዋቁማዲንሳ

Advertisements

አባትን አባት የሚያደርገው

church leader.jpg

አባትን አባት የሚያደርገው በፆታ ወንድ መሆን አይደለም፡፡ አባትን አባት የሚያደርገው ለአቅመ አዳም የደረሰ ወንድ መሆን አይደለም፡፡ አባትን አባት የሚያደርፈው ሃላፊነት መውሰድ ነው፡፡

አባትን አባት የሚያደርገው ለሚወስደው ማንኛውም እርምጃ ሃላፊነትን መውሰዱ ነው፡፡ አባትን አባት የሚያደርገው በህይወቱ የጥበብ መጀመሪያ የሆነውን እግዚአብሄርን መፍራቱ ነው፡፡ አባትን አባት የሚያደርገው በህይወቱ የማይገባውን ነገር ልጆቹ ላይ አለማድረጉ ነው፡፡ አባትን አባት የሚያደርገው ትክክለኛውን ነገር ማድረጉ ነው፡፡

አባትን አባት የሚያደርገው ራሰ ወዳድ አለመሆኑ ነው፡፡

አባትነት መስጠት ማካፈል ነው፡፡ ለመስጠትና ለማካፈል አባት የፍቅር ሰው መሆን አለበት፡፡

አባትነት አባት የሚያደርገው ልጆቹን በትህትና ማገልገሉ ነው፡፡

አባትነት የመጠቀሚያ ስልጣን ሳይሆን የማገልገያ እድል ነው፡፡ አባት ልጆቹን በማገልገል መምራት ይገባዋል፡፡ አባት ልጆቹን በትጋትና በታማኝነት መምራት አለበት፡፡

አባትን አባት የሚያደርገው የልብ ስፋቱ ነው፡፡

አባት ልጆቹ ከእርሱ የተለዩ እንደሆኑ መቀበል አለበት፡፡ አባት ልጆቹን ለማሳደግ ከእግዚአብሄር በአደራ የተቀበላቸው እንጂ የራሱ እንዳልሆኑ ማወቅ  አለበት፡፡ አባት እግዚአብሄር በልጆቹ ውስጥ ያለውን አላማ መፈለግ መረዳትና ማሳደግ ይኖርበታል፡፡ አባት ያልተፈፀሙትን የራሱን ህልሞች በልጆቹ ህይወት ለመፈፀም መሞከር የለበትም፡፡ አባት ልጆቹ የራሳቸውን ራእይና ህልም ማክበር አለበት፡፡ አባተ ከእርሱ የተለዩ ልጆቹን በሰፊ ልብ መቀበል አለበት፡፡

አባት ልጆቹ ልጅ እንዲሆኑ መፍቀድ አለበት፡፡ አባት ራሱ ትልቅ ስለሆነ ልጀቹን እንደትልቅ አይቶ ማስጨነቅ የለበትም፡፡ አባት ከልጆቹ ከአቅማቸው በላይ የፍፁምነት ደረጃ በመጠየቅ ልጆቹን ማስቆጣት የለበትም፡፡

እናንተም አባቶች ሆይ፥ ልጆቻችሁን . . . እንጂ አታስቆጡአቸው። ወደ ኤፌሶን ሰዎች 6፡4

አባትን አባት የሚያደርገው ልጆቹን ኮትኩቶ በማሳደጉ ነው

አባት ልጆቹን በትግስት መኮትኮትና ማሳደግ አለበት፡፡ አባት ለልጆቹ  እድገት የሚያስፈልገውን ነገር ሁሉ ለማድርግ በመጀመሪያ ራሱን ማሳደግ ከዚያም ልጆቹን ለማሳደግ መትጋት አለበት፡፡ አባት ልጆቹ ያላደጉበትን የህወይት ክፍል እየተከታተለ ለእድገታቸው የሚያስፈልገውን ትምህርትና ልምድ ሊሰጣቸው ይገባል፡፡

አባትን አባት የሚያደርገው ለባለቤቱ ለእግዚአብሄር እውቅና መሰጠቱ ነው፡፡

ልጆች የእግዚአብሄር ስጦታዎች ናቸው፡፡ ልጆች የእግዚአብሄር ፍጥረት ናቸው፡፡ ልጆችን የምናሳደገው ለእግዚአብሄር ነው፡፡ ልጆችን ስናሳድርግ የእኛም የእነርሱም አባት እንዳለ እውቅና በመስጠት መሆን አለበት፡፡ ልጆችን ስናሳድግ እኛ ለልጆቻችን አባት ብቻ ሳንሆን ለእግዚአብሄርም ልጆች እንደሆንን መዘንጋት የለብንም፡፡

ልጆችን ስናሳድግ እግዚአብሄር ለልጆች የራሳቸውን በጀት እንደሚያመጣ ማመን አለብን፡፡ ልጆችን ስናሳድግ እንደ ፍላጎታችን ሳይሆን እንደ እግዚአብሄር ፈቃድ ማሳደግ ይኖርብናል፡፡

እግዚአብሔር የሕይወትን መንፈስ አንድ አድርጎ ጠብቆልን የለምን? እርሱም የሚፈልገው ምንድር ነው? ዘር አይደለምን? ስለዚህ መንፈሳችሁን ጠብቁ፥ ማንም የልጅነት ሚስቱን አያታልል። ትንቢተ ሚልክያስ 2፡15

አባትን አባት የሚያደርገው በሃሳብ በንግግርና በድርጊት ምሳሌ መሆኑ ነው፡፡

አባትነት የ 24 ሰአት የ7 ቀን ሃላፊነት ነው፡፡ አባትነት መናገር ማስተማር ብቻ ሳይሆን መኖርን ይጠይቃል፡፡ አባት እንዲያውቁትና እንዲከተሉት ለልጆቹ ጊዜን መስጠት ይገባዋል፡፡ ልጆች ከንግግር በላይ ኑሮን ይኮርጃሉ፡፡ አባትነት በአስተሳሰብ በአነጋገርና በድርጊት ለልጆች መልካም ምሳሌ መሆን ነው፡፡

አባትን አባት የሚያደርገው በትጋት መቅጣቱ ነው፡፡

አባትነት መኮትኮት ማሳደግ መምራትንና መቅጣትን ይጨምራል፡፡ ልጅን ለመቅጣትና ለማረም የተሻለው ሰው አባት ነው፡፡ አባት ልጆቹን ለማስተማር ለመከተታልና ለመቅጣት ከተጋ ልጆቹን ማዳን ይችላል፡፡ አባተ ግን ልጆቹን ለመቅጣት ከሳሳ ስለ ልጆቹ በክፉ ከተጠያቂነት አያመልጥም፡፡

ልጆቹ የእርግማን ነገር እንዳደረጉ አውቆ አልከለከላቸውምና ስለ ኃጢአቱ በቤቱ ለዘላለም እንድፈርድ አስታውቄዋለሁ። መጽሐፈ ሳሙኤል ቀዳማዊ 3፡13

እነርሱ መልካም ሆኖ እንደ ታያቸው ለጥቂት ቀን ይቀጡን ነበርና፥ እርሱ ግን ከቅድስናው እንድንካፈል ለጥቅማችን ይቀጣናል። ቅጣት ሁሉ ለጊዜው የሚያሳዝን እንጂ ደስ የሚያሰኝ አይመስልም፥ ዳሩ ግን በኋላ ለለመዱት የሰላምን ፍሬ እርሱም ጽድቅን ያፈራላቸዋል። ወደ ዕብራውያን 12፡10-11

እናንተም አባቶች ሆይ፥ ልጆቻችሁን በጌታ ምክርና በተግሣጽ አሳድጉአቸው እንጂ አታስቆጡአቸው። ወደ ኤፌሶን ሰዎች 6፡4

አባትን አባት የሚያደርገው ይቅርታና ምህረት ማድረጉ ነው፡፡

አባት አንዳንዱን የልጆችን ጥፋት የሚያልፍ ሊሆን ይገባዋል፡፡ አባት የምህረት አስተማሪ ሊሆን ይገባዋል፡፡ አባት ይቅር የሚል የይቅርታ ልብ ያለው ሊሆን ይገባዋል፡፡

አባትነት ጥበቃና እንክብካቤ ነው፡፡

አባት ልጆቹን ለክፋት አሳልፎ የማይሰጥ ሊሆን ይገባዋል፡፡ አባት ልጆቹን ከተግዳሮት ለመከላከል ራሱን አሳልፎ የሚሰጥ ሊሆን ይገባዋል፡፡ ችግር ወደልጆች ላይ ከሚመጣ አባት ራሱ ዋጥ የሚያደርገውና ቤተሰቡን የሚጠብቅ ሊሆን ይገባዋል፡፡ አባት የነገሮችን አካሄድ በትጋት የሚከታተል አደጋን ከሩቅ የሚያይ ትጉህ ጠባቂ ሊሆን ይገባዋል፡፡

አባት ምሪትን የሚሰጥ ሊሆን የገባዋል

አባት  ስለቤተሰቡ እግዚአብሄርን የሚሰማ ልጆቹን የሚመራ ሊሆን ይገባዋል፡፡ አባት በእግዚአብሄር ምሪት ላይ የሚደገፍ ልጆቹን ሊደገፉበት የሚችሉ የመርህ ሰው ሊሆን ይገባዋል፡፡

አቢይ ዋቁማ ዲንሳ Abiy Wakuma Dinsa

መልካም የአባቶች ቀን!

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ወላጅ #ፍቅር #አባት #እርማት #ጥንካሬ #ራእይ #ደረጃመስጠት #ጥላ #ማበረታታት #አባትነት #ተግሳፅ  #መሪ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #አቢይ #አቢይዋቁማ #አቢይዋቁማዲንሳ

 

አባት እግዚአብሔር

bigstock-happy-family-edit.jpg

ስለ ሰው አባትነት ለመናገር መጀመሪያ የእግዚአብሄርን አባትነት ማየት ያስፈልጋል፡፡ ስለ አባትነት ትክክለኛ ግንዛቤ የምናገኘው የእግዚአብሄርን አባትነት ስናይና ስናጠና ብቻ ነው፡፡ ስለ አባትነት መመዘኛ ለመረዳት የእግዚአብሄርን አባትነት ባህሪ መረዳት ይጠይቃል፡፡ ለማንኛውም አባትነት መመዘኛ የሚሆነው የእግዚአብሄር አባትነት ነው፡፡ ለማንኛውም አባትነት መነሻ የሚሆነው የእግዚአብሄር አባትነት መመዘኛ ነው፡፡

እግዚአብሄር ኢየሱስን ክርስቶስን እንደአዳኝ ለተቀበሉ ሰዎች ሁሉ አባት ነው፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ የዮሐንስ ወንጌል 1፡12

እግዚአብሄር ፈፁም አባት ነው፡፡ የእግዚአብሄርን አባትነት ባህሪያት እንመልከት፡፡

አባት መልካምን ነገር በመስጠት ይታወቃል፡፡

ለምኑ፥ ይሰጣችሁማል፤ ፈልጉ፥ ታገኙማላችሁ፤ መዝጊያን አንኳኩ፥ ይከፈትላችሁማል። የሚለምነው ሁሉ ይቀበላልና፥ የሚፈልገውም ያገኛል፥ መዝጊያንም ለሚያንኳኳ ይከፈትለታል። ወይስ ከእናንተ፥ ልጁ እንጀራ ቢለምነው፥ ድንጋይን የሚሰጠው ከእናንተ ማን ሰው ነው? ዓሣስ ቢለምነው እባብን ይሰጠዋልን? እንኪያስ እናንተ ክፉዎች ስትሆኑ ለልጆቻችሁ መልካም ስጦታ መስጠትን ካወቃችሁ፥ በሰማያት ያለው አባታችሁ ለሚለምኑት እንዴት አብልጦ መልካም ነገርን ይሰጣቸው? የማቴዎስ ወንጌል 7፡7-11

አባት በእንክብካቤው ይታወቃል

ወደ ሰማይ ወፎች ተመልከቱ፤ አይዘሩም አያጭዱምም በጎተራም አይከቱም፥ የሰማዩ አባታችሁም ይመግባቸዋል፤ እናንተ ከእነርሱ እጅግ አትበልጡምን? እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። የማቴዎስ ወንጌል 7፡26፣31-32

አባት ልጆቹ ከእርሱ ጋር በነፃነት ህብረት እንዲያደርጉ በማድረግ ይታወቃል

አባ አባት ብለን የምንጮኽበትን የልጅነት መንፈስ ተቀበላችሁ እንጂ እንደገና ለፍርሃት የባርነትን መንፈስ አልተቀበላችሁምና። ወደ ሮሜ ሰዎች 8፡15

አባት ለልጆቹ በመራራት ይታወቃል

አባት ለልጆቹ እንደሚራራ እንዲሁ እግዚአብሔር ለሚፈሩት ይራራል፤ መዝሙረ ዳዊት 103፡13

አባት ልጆቹን በመውደድ ይታወቃል

የእግዚአብሔር ልጆች ተብለን ልንጠራ አብ እንዴት ያለውን ፍቅር እንደ ሰጠን እዩ፥ እንዲሁም ነን። ስለዚህ ምክንያት ዓለም እርሱን ስላላወቀው እኛን አያውቀንም። 1ኛ የዮሐንስ መልእክት 3፡1

አባት ለልጆቹ ምህረት በማድረግ ይታወቃል

የርኅራኄ አባት የመጽናናትም ሁሉ አምላክ የሆነ የጌታችን የኢየሱስ ክርስቶስ አምላክና አባት ይባረክ። 2ኛ ወደ ቆሮንቶስ ሰዎች 1፡3

አባት ልጆቹን በማጽፅናናትባ በማበረታታት ይታወቃል

ወላጆች እንደ ሌላቸው ልጆች አልተዋችሁም፤ ወደ እናንተ እመጣለሁ። የዮሐንስ ወንጌል 14፡18

ብትወዱኝ ትእዛዜን ጠብቁ። እኔም አብን እለምናለሁ ለዘላለምም ከእናንተ ጋር እንዲኖር ሌላ አጽናኝ ይሰጣችኋል፤ እርሱም ዓለም የማያየውና የማያውቀው ስለ ሆነ ሊቀበለው የማይቻለው የእውነት መንፈስ ነው፤ ነገር ግን ከእናንተ ዘንድ ስለሚኖር በውሥጣችሁም ስለሚሆን እናንተ ታውቃላችሁ። የዮሐንስ ወንጌል 14፡15-17

አባት ልጆቹን በመምራት ይታወቃል

በእግዚአብሔር መንፈስ የሚመሩ ሁሉ እነዚህ የእግዚአብሔር ልጆች ናቸውና። ወደ ሮሜ ሰዎች 8፡15፡14

አባት ልጆቹን በመገሰፅ ይታወቃል

እንደ ልጆችም ከእናንተ ጋር፦ ልጄ ሆይ፥ የጌታን ቅጣት አታቅልል፥ በሚገሥጽህም ጊዜ አትድከም፤ ጌታ የሚወደውን ይቀጣዋልና፥ የሚቀበለውንም ልጅ ሁሉ ይገርፈዋል ብሎ የሚነጋገረውን ምክር ረስታችኋል። ለመቀጣት ታገሡ፤ እግዚአብሔር እንደ ልጆች ያደርግላችኋልና፤ አባቱ የማይቀጣው ልጅ ማን ነው? ነገር ግን ሁሉ የቅጣት ተካፋይ ሆኖአልና ያለ ቅጣት ብትኖሩ ዲቃላዎች እንጂ ልጆች አይደላችሁም። ከዚህም በላይ የቀጡን የሥጋችን አባቶች ነበሩን እናፍራቸውም ነበር፤ እንዴትስ ይልቅ ለመናፍስት አባት አብልጠን ልንገዛና በሕይወት ልንኖር በተገባን? ወደ ዕብራውያን 12፡5-9

አባት ልጆቹን በመታገስ ይታወቃል

እግዚአብሔር እንኪያስ ቀንና ሌሊት ወደ እርሱ ለሚጮኹ ለሚታገሣቸውም ምርጦቹ አይፈርድላቸውምን? የሉቃስ ወንጌል 18፡7

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ወላጅ #ፍቅር #አባት #እርማት #መገሰፅ #መማር #ማቅረብ #ይቅርታ #መውደድ #እንክብካቤ #ጥበቃ #ጥንካሬ #አባትነት #ተግሳፅ  #መሪ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #አቢይ

የአባት ቁልፍ ሃላፊነቶች

Ethiopia

  • አባት ምሪትን የሚያቀርብ ነው

አባት ስለቤተሰቡ ራእይ ያለው ነው፡፡ አባት ቤተሰቡ ወዴት መሄድ እንዳለበት እይታው አለው፡፡ አባት ለቤተሰቡ ራእይን ይሰጣል፡፡ አባት ለቤተሰቡ ግብንና አቅጣጫን ይሰጣል፡፡

  • አባት አቅርቦትን የሚያቀርበ ነው፡፡

አባት ለቤተሰቡ ያዘጋጃል፡፡ አባት ለቤተሰቡ ለማቅረብ ጠንክሮ ይሰራል፡፡ አባት ቤተሰቡ እንዳይጎድልብት ይተጋል፡፡

  • አባት ለቤተሰቡ ደረጃን የሚሰጥ ነው፡፡

አባት ለቤተሰቡ የኑሮ ደረጃን ይሰጣል ፡፡ አባት የቤተሰቡን የመኖር ትርጉም ይወስናል፡፡ አባት የቤተሰቡ ዋጋ አሰጣጥ ይወስናል፡፡ አባት ያከበረው በቤተሰቡ ውስጥ ይከበራል፡፡  አበናት የናቀው በቤተሰቡ ውስጥ ይናወቃል፡፡ አባት ለሰማያዊ ነገር ከለእግዚአብሄርን መንግስት ዋጋ የሚሰጥ ከሆነ ቤተሰቡ ይከተላል፡፡ አባት እግዚአብሄርን የሚፈራ ከሆነ ልጆች እግዚአብሄርን እየፈሩ እንዲያድጉ ያለመቻችላቸዋል፡፡ አባት የምድራዊውን ነገር የሚንቅ ከሆነ ልጆች በአባታቸው ጥላ የምድራዊውን ነገር ለመናቅ ጥላ ይሆንላቸዋል ያመቻችላቸዋል፡፡

  • አባት ለቤተሰቡ ጥላን ይሰጣል፡፡

አባት ተጋፋጭ ነው፡ አሽቸጋሪ ነገር ሲመጣ አባት ቤተሰቡን አያጋፍጥም ራሱ ይጋፈጣል፡፡ አባት ቤተሰቡን ከልሎ ይዋጋል፡፡ አባት ጥላ ይሆናል፡፡ አባት ቤተሰቡ ላይ እንዳይደርስ አስከፊውን ነገር ራሱ ይቀበላል፡፡ አባት ስሜቱን ዋጥ ያደርጋል፡፡ ቤተሰብ በአባት ጥላ ያድጋል ይገለብታል፡፡ በተራው አባት ለመሆን ይኮተኮታል፡፡

  • አባት ስለቤተሰቡ ሃላፊነትን ይወስዳል፡፡

አባት የቤተሰቡ አባት ባጠፋው ይጠየቃል፡፡ አባት ቤተሰቡን ይሸከማል፡፡ አባት ስለቤተሰቡ ሃላፊነት ይወስዳል፡፡ አባት የቤተሰቡን አባል ለትችት አሳልፎ አይሰጥም፡፡ አባት በቤተሰቡ ያምናል፡፡ ሌላ ማንም በቤተሰቡ ባያምን አባት ስለቤተሰቡ መጀመሪያ የሚያምን ነው፡፡ አባት ቤተሰቡን ይወዳል ፡፡ አባት የቤተሰቡ የመጀመሪያ አድናቂ ነው፡፡

  • አባት ቤተሰቡን ያበረታታል፡፡

አባት ቤተሰቡን ያበረታታል፡፡ በአስቸጋሪ ጊዜ ስለቤተሰቡ የተሻለ ነገር ያምናል፡፡ አባት ተስፋ ከቆረጠ ቤተሰብ ለመነሳት ይቸግረዋል፡፡ አባት ከደፈረ ቤተሰብ ለመነሳት አቅም ያገኛል፡፡

መልካም የአባቶች ቀን!

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ወላጅ #ፍቅር #አባት #እርማት #ጥንካሬ #ራእይ #ደረጃመስጠት #ጥላ #ማበረታታት #አባትነት #ተግሳፅ  #መሪ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #አቢይ #አቢይዋቁማ #አቢይዋቁማዲንሳ

የአባትነት ጣእም

father-and-son-690x383.jpgማንኛውንም ትውልድ በዋነኝነት የሚሸከሙት አባቶች ናቸው፡፡ የአባቶች ጥንካሬ የትውልዱን ጥንካሬ ይወስናል፡፡ የአባቶች ስስትና ራስ ወዳድነት ትውልዱን ያዳክማል፡፡

በህብረተሰቡ ውስጥ ያለው ድክመት ወደኋላ ተመልሶ ቢጠና አስተዋፅኦ ያደረገው የቀደመው ትውልድ ድክመት ነው፡፡

ራሳቸውን የሚሰጠዩ አባቶች ሲጠፉ ትውልድ ጥላ በማጣት ይሰቃያል፡፡ ልጆች ተወልደው ይበተናሉ፡፡ ልጆች ተወልደው ስለመወለዳቸው ሃላፊነት የሚወስድ ስለሌለ በትውልዱ ላይ መጥፎ ስሜት ይዘው ያድጋሉ፡፡ ስለመወለዳቸው ሃላፊነት የሚወስድ አባት በሌለበት ልጆች ተወልደው ከአባቶቻቸው አካሄድ ብቻ ሃላፊነት አለመውሰድን ይማራሉ፡፡

ራስ ወዳድ አባቶች ባሉበት ልጆችና የሚቀጥለው ትውልድ ይሰቃያል፡፡ አባቶች ሃላፊነት የሚሰማቸው ሲሆን ትውልዱ ማንኛውንም ችግር ይቋቋማል ይለመልማል፡፡

ልጆቻቸውንና ህብረተሰቡን ስብስብ አድርገው የሚይዙ ትጉህ አባቶች ካሉ ደግሞ ህዝብ በሰላም ይወጣል ይገባል፡፡

ክፉውን ክፉ ብለው የሚቃወሙ መልካሙን የሚያበረታቱ አባቶች ሲኖሩ ህዝብ ክፋት መቋቋም ያቅተዋል፡፡

ራሳቸውን ብቻ የሚሰሙ ለመማርና ለመለወጥ ፈቃደኛ ያልሆኑ አባቶች ሲኖሩ የሚማር ልብ የማጣታቸው ውጤት በትውልዱ ላይ ይንፀባረቃል፡፡ ለልጆቻቸው የትእቢትና የንቀት መጥፎ ምሳሌ ይሆናሉ፡፡

አሁን የሚታየው የትውልድ ድክመት በዋነኝነት በጥቅም ላይ ብቻ በሚያተኩሩ ሃላፊነትን በሚዘነጉ አባቶች የመጣ ነው፡፡

በቤተሰብ ላይ ችግር ሲመጣ የሚጋፈጡ ራሳቸውን መስዋእት የሚያደርጉ አባቶች ራስ ወዳድ ላልሆኑ ልጆች መልካም ምሳሌ  ይሆናሉ፡፡ ራስ ወዳድ ያልሆኑ አባቶች ራስ ወዳድ ያልሆኑ ልጆችን ለማፍራት እቅጣጫንና ጉልበትን ያካፍላሉ፡፡

ችግር ሲመጣ የሚፈረጥጡና ስለ ችግሩ ሃላፊነት የማይወስዱ አባቶች ሳያውቁት ተጠያቂነትን ለሚሸሽ ልጥምጥ ትውልድ መጥፎ ምሳሌ ይሆናሉ፡፡

ልጆቹን በጭምትነት ሁሉ እየገዛ የራሱን ቤት በመልካም የሚያስተዳድር፤ ሰው ግን የራሱን ቤት እንዲያስተዳድር ባያውቅ፥ የእግዚአብሔርን ቤተ ክርስቲያን እንዴት ይጠብቃታል? 1ኛ ጢሞቴዎስ 3፡4-5

መልካም የአባቶች ቀን

ለተጨማሪ ፅሁፎች

ለቪዲዮ መልእክቶች

#ኢየሱስ #ጌታ #ወላጅ #ፍቅር #አባት #እርማት #ጥንካሬ #አባትነት #ተግሳፅ  #መሪ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #አቢይ #አቢይዋቁማ #አቢይዋቁማዲንሳ

የዘላለም አባት

father-06.jpgእግዚአብሄር – አባት የሁልጊዜ ነው፡፡

አባት ስሜቱን ዋጥ ያደርጋል፡፡ አባት ተለዋዋጭ ስሜቱን አይከተልም፡፡ አባት በመርህ ይመራል፡፡

ሕፃን ተወልዶልናልና፥ ወንድ ልጅም ተሰጥቶናልና፤ አለቅነትም በጫንቃው ላይ ይሆናል፤ ስሙም ድንቅ መካር፥ ኃያል አምላክ፥ የዘላለም አባት፥ የሰላም አለቃ ተብሎ ይጠራል። ኢሳይያስ 9፡6

እግዚአብሄር – አባት ሰብሳቢ ነው፡፡

አባት ፍቅር አለው፡፡ አባት ለመሰብሰብ እርምጃ ይወስዳል፡፡ አባት የማይሰራ /passive/ ዝም ብሎ የሚጠብቅ አይደለም፡፡ አባት ሁኔታውን ለመለወጥ ይሄዳል እርምጃ ይወስዳል፡፡

ኢየሩሳሌም ኢየሩሳሌም ሆይ፥ ነቢያትን የምትገድል ወደ እርስዋ የተላኩትንም የምትወግር፥ ዶሮ ጫጩቶችዋን ከክንፎችዋ በታች እንደምትሰበስብ ልጆችሽን እሰበስብ ዘንድ ስንት ጊዜ ወደድሁ! አልወደዳችሁምም። ማቴዎስ 23፥37

እግዚአብሄር – አባት አይፎካከርም ይራራል

አባት ለልጆቹ እንደሚራራ እንዲሁ እግዚአብሔር ለሚፈሩት ይራራል፤ መዝሙር 103፡13

እግዚአብሄር – አባት ያፅናናል

የርኅራኄ አባት የመጽናናትም ሁሉ አምላክ የሆነ የጌታችን የኢየሱስ ክርስቶስ አምላክና አባት ይባረክ። 2ኛ ቆሮንቶስ 1፡3

እግዚአብሄር – አባት ይጋፈጣል

እውነተኛ አባት በቤተሰብ የሚነሱ ጉዳዮችን ይጋፈጣል፡፡ እውነተኛ አባት የአባትነት ሃላፊነቱን ይወጣል፡፡

እግዚአብሄር – አባት ይሸከማል

ወደዚህም ስፋራ እስክትመጡ ድረስ በሄዳችሁበት መንገድ ሁሉ፥ ሰው ልጁን እንዲሸከም አምላክህ እግዚአብሔር እንደተሸከመህ አንተ አይተሃል። ዘዳግም 1፡31

እግዚአብሄር – አባት ግድ ይለዋል

ወደ ሰማይ ወፎች ተመልከቱ፤ አይዘሩም አያጭዱምም በጎተራም አይከቱም፥ የሰማዩ አባታችሁም ይመግባቸዋል፤ እናንተ ከእነርሱ እጅግ አትበልጡምን? ማቴዎስ 6፡26

እናንተም የምትበሉትን የምትጠጡትንም አትፈልጉ፥ አታወላውሉም፤ ይህንስ ሁሉ በዓለም ያሉ አሕዛብ ይፈልጉታልና፤ የእናንተም አባት ይህ እንዲያስፈልጋችሁ ያውቃል። ሉቃስ 12፡29-30

እግዚአብሄር – አባት ይታገሳል

እግዚአብሔር እንኪያስ ቀንና ሌሊት ወደ እርሱ ለሚጮኹ ለሚታገሣቸውም ምርጦቹ አይፈርድላቸውምን? ሉቃስ 18፡7

 

እግዚአብሄር – አባት ይሰጣል

እንኪያስ እናንተ ክፉዎች ስትሆኑ ለልጆቻችሁ መልካም ስጦታ መስጠት ካወቃችሁ፥ በሰማይ ያለው አባት ለሚለምኑት እንዴት አብልጦ መንፈስ ቅዱስን ይሰጣቸው? ሉቃስ 11፡13

እግዚአብሄር – አባት ይመክራል ይገስፃል ይቀጣል

እንደ ልጆችም ከእናንተ ጋር፦ ልጄ ሆይ፥ የጌታን ቅጣት አታቅልል፥ በሚገሥጽህም ጊዜ አትድከም፤ ጌታ የሚወደውን ይቀጣዋልና፥ የሚቀበለውንም ልጅ ሁሉ ይገርፈዋል ብሎ የሚነጋገረውን ምክር ረስታችኋል። ዕብራውያን 12፡5-6

እግዚአብሄር – አባት እውቅና ይሰጣል ያበረታታል

እነሆም፥ ድምፅ ከሰማያት መጥቶ፦ በእርሱ ደስ የሚለኝ የምወደው ልጄ ይህ ነው አለ። ማቴዎስ 4፡17

እግዚአብሄር – አባት ያምናል

ለአገልግሎቱ ሾሞኝ ታማኝ አድርጎ ስለ ቈጠረኝ፥ ኃይል የሰጠኝን ክርስቶስ ኢየሱስን ጌታችንን አመሰግናለሁ፤ 1ኛ ጢሞቴዎስ 1፡12

እግዚአብሄር -አባት ግንኙነትን ያበረታታል

አባ አባት ብለን የምንጮኽበትን የልጅነት መንፈስ ተቀበላችሁ እንጂ እንደገና ለፍርሃት የባርነትን መንፈስ አልተቀበላችሁምና። የእግዚአብሔር ልጆች መሆናችንን ያ መንፈስ ራሱ ከመንፈሳችን ጋር ይመሰክራል። ሮሜ 8፡15-16

እግዚአብሄር – አባት ይጠነቀቃል ራሱን ይገዛል

አባቶች ሆይ፥ ልባቸው እንዳይዝል ልጆቻችሁን አታበሳጩአቸው። ቆላስይስ 3፡21

ለሰው ሁሉ ከሚሆነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል። 1ኛ ቆሮንቶስ 10፡13

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ወላጅ #ፍቅር #አባት #እርማት #ጥንካሬ #አቅርቦት #አባትነት #ተግሳፅ  #መሪ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #አቢይ #አቢይዋቁማ #አቢይዋቁማዲንሳ

አባቶች እንሁን

father-1-1024x576.jpgብዙ ጊዜ በቤተክርስቲያን ህፃናት ማሳደጊያ ለመጎብኘትና እርዳታ ለማድረግ እድል አጋጥሞን ነበር፡፡ አንድ እርዳታ በሰጠንበት ህፃናት ማሳደጊያ የገጠመኝን ላካፍላችሁ፡፡

እርዳታውን ከመስጠታችን በፊት የህፃናት ማሳደጊያው ሰራተኞች ብናገኝ ብለው የሚመኙትን ዝርዝር እንዲሰጡን ጠይቀናቸው ነበር፡፡ በጥያቄያችን መሰረት የጎደላቸውንና ቢያገኙ ደስ የሚላቸውን ቁሳቁሶች ዝርዝር ሰጥተውን ነበር፡፡ የወሰድንላቸው እርዳታ የምኞታቸውን ዝርዝርና ከዚያም በላይ ነበር፡፡ በዚያ ምክኒያት በጣም ነበር የተደሰቱት፡፡

ከማሰገኑን በሁኋላ ግን ሌላም ማድረግ የምትችሉት ነገር አለ አሉን፡፡ ምንድነው ማድረግ የምችልው ብለን ስንጠይቅ፡፡ ፍላጎታቸውን እንዲህ በማለት አስረዱን፡፡

እነዚህ ልጆች በወላጆቻቸው የተተዉ ወላጆቻቸው የሞቱባቸው ልጆች ናቸው፡፡ አብዛኛው እዚህ የምንሰራውና እንደእናት የምንከባከባቸው ሴቶች ነን፡፡ ነገር ግን እነዚህ ልጆች በህይወታቸው የአባት ምሳሌ ያስፈልጋቸዋል፡፡ የአባት ምሳሌ በህይወታቸው እንዳይጎድል አንዳንድ ጊዜ እየመጣችሁ የአባትነትን ሚና ብትጫወቱ ፣ ብትመክሩዋቸው ፣ አብራችኋቸው ብትጫወቱ ብታበረታቱዋቸው ፣ ሲያጠፉ ብትቆጡዋቸው በልጆቹ ህይወት የሚጎድላቸውን የአባት ድርሻ ማሟላት ትችላላችሁ አሉን፡፡

እውነት ነው እግዚአብሄር ልጅ እንዲወለድ የፈለገው በአባትና በእናት በቤተሰብ መካከል ነው፡፡ የእግዚአብሄርን መልክ ሙሉ ለሙሉ የሚገልፀው አባትና እናት ናቸው፡፡ ስለዚህ ነው እግዚአብሄር ሰውን በመልኩ ወንድና ሴት አድርጎ የፈጠረው፡፡ ሴት የእግዚአብሄርን እንክብካቤ ፣ ልስላሴ ፣ ምህረት መልክ እንድታሳይ ወንድ ደግሞ የእግዚአብሄርን መሪነት ፣ ጥንካሬ ፣ ቁጣ ፣ እርማት መልክ እንዲያሳይ ነው፡፡

እግዚአብሔርም ሰውን በመልኩ ፈጠረ፤ በእግዚአብሔር መልክ ፈጠረው፤ ወንድና ሴት አድርጎ ፈጠራቸው። ዘፍጥረት 1፡27

ስለዚህ በአካባቢያችን እንመልከት የአባት ምሳሌ የምንሆንላቸውን ልጆች አይተን እናገልግል፡፡ የልጅ እድገት የአባትና የእናት ምሳሌ ግብአት ውጤት ነው፡፡ ከልጅ ጋር የምናወራው ወሬ እንኳን እንደአባት የምንጫወተው ሚና ለልጅ እድገት ከፍተኛ አስተዋፅኦ ያደርጋል፡፡ በሳምንት የአንድ ሰአት የአባትነት ምሳሌ ለልጅ ሁለንተናዊ እድገት ከፍተኛ እስተዋኦ ያደርጋል፡፡

ከስጋ ልጆቻቸው አልፈው ለሌሎች ልጆች የአባትነትን ሚና የሚጫወቱ ሁሉ እግዚአብሄር ይባርካቸው እንላለን!

መልካም የአባቶች ቀን !

ስለዚህ ለልጆች አባቶች እንሁን!

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ወላጅ #ፍቅር #አባት #እርማት #ጥንካሬ #አባትነት #ተግሳፅ  #መሪ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #አቢይ #አቢይዋቁማ #አቢይዋቁማዲንሳ

አንድ አምላክ

2008567_univ_lsr_xlከእኔ በቀር ሌሎች አማልክት አይሁኑልህ። ዘጸአት 20፡3

ይህንን ትእዛዝ ስንሰማ በጣም ቀላልና ማንም በቀላሉ ሊጠብቀው የሚችለው ይመስለናል፡፡ ይህን ትእዛዝ ስንሰማ እና ማን ሌላ አምላክ ያመልካል ብለን እንጠይቃለን፡፡

ነገር ግን አምልኮዋችንን የሚፈልጉ በየእለቱ የሚያስፈራሩን ስገዱልኝ ተከተሉኝ የሚሉ ፣ ካልሰገዳችሁልኝ አለቀላችሁ የሚሉን ብዙ ነገሮች በዙሪያችን አሉ፡፡ አንዳንድ ሰው ከእኔ በቀር ሌላ አማልክት አይሁኑልህ የሚለውን የሚያየው እንደ ሂንዱ እምነት ብዙ ጣኦቶች በእንጨት ሰርቶ አለማምለኩን ወይም ደግሞ ለዛፍና ለወንዝ አለመስገዱን ብቻ ነው፡፡ ነገር ግን በአይን የማይታዩ ነገር ግን አይናችንን ከእግዚአብሄር ላይ እንድናነሳ ሊያደርጉ የሚችሉ ብዙ አማልክት አሉ፡፡

ሌላ አማልክት አይሁኑልህ ማለት የምትራው ሌላ ነገር አይኑር ማለት ነው፡፡

ሰው እንደ እግዚአብሄ የሚፈራው ነገር ካለ አምላክ ሆኖበታል፡፡ እግዚአብሄር የሚፈልገው እንድንፈራው ብቻ ሳይሆን ከእርሱ ውጭ ማንንም እንዳንፈራ ይፈልጋል፡፡

ፍርሃት ከቅጣት ጋር የተያያዘ ነው፡፡ የምንፈራው ሰው ይቀጣናል ብለን የምስበው ነው፡፡ በህይወታችን ላይ የመጨረሻውን ውሳኔ የሚሰጠው እግዚአብሄር ብቻ ነው፡፡ ስለዚህ ከማንም በላይ እርሱን እንድንፈራው ይፈልጋል፡፡ ከእርሱ ውጭ ምንም እንዳንፈራ ይፈልጋል፡፡

ማስፈራራታቸውንም አትፍሩ አትናወጡም፥ ዳሩ ግን ጌታን እርሱም ክርስቶስ በልባችሁ ቀድሱት። 1ኛ ጴጥሮስ 3፡14፣15

ለምሳሌ ሰውን መፍራት በሰው ላይ መታመን ነው፡፡  ስለወደፊታችን የምንታመንበትን እድሌን ይወስናል ብለን የምናስበውን ሰው ብቻ ነው የምንፈራው፡፡ የምድሩንም የሰማዩንም የወደፊት እድላችንን ሊወስን የሚችለው እግዚአብሄር ብቻ ነው፡፡

ሰውን መፍራት ወጥመድ ያመጣል፤ በእግዚአብሔር የሚታመን ግን እርሱ ይጠበቃል። ምሳሌ 29፡25

ሰውን መፍራትና በሰው መታመን እግዚአብሄን እንዳንፈራና በእግዚአብሄ እንዳንታመን ያግደናል፡፡ ሰውን መፍራትና በሰው መታመን ትኩረታችንን ከእግዚአብሄር ላይ እንድናነሳ ያደርጋል፡፡

ለእናንተም ለወዳጆቼ እላችኋለሁ፥ ሥጋን የሚገድሉትን በኋላም አንድ ስንኳ የሚበልጥ ሊያደርጉ የማይችሉትን አትፍሩ። እኔ ግን የምትፈሩትን አሳያችኋለሁ፤ ከገደለ በኋላ ወደ ገሃነም ለመጣል ሥልጣን ያለውን ፍሩ። አዎን እላችኋለሁ፥ እርሱን ፍሩ። ሉቃስ 12፡4-5

ማዳን በማይችሉ በሰው ልጆችና በአለቆች አትታመኑ። መዝሙር 146፡3

ሌላ አማልክት አይሁንልህ ማለት የምታከብረው ሌላ ነገር አይኑር ማለት ነው፡፡ ሌላ አማልክት አይሁንልህ ማለት ተስፋ የምታደርግበት ሌላ ነገር አይኑርህ ማለት ነው፡፡ እግዚአብሄን ብቻ አክብር በእግዚአብሄር ብቻ ተስፋ አድርግ ማለት ነው፡፡

ከእግዚአብሄር ውጭ ተስፋ የምናደርግበት ማንኛውም ነገር የእግዚአብሄርን አምልኮ የሚሻማና እግዚአብሄርን ብቻ እንዳናመልክ የሚያግደን ነገረ ነው፡፡

ሌላ አማልክት አይሁንልህ ማለት ቅድሚያ የምትሰጠው ነገር አይኑር ማለት ነው፡፡ ሌላ አማልክት አይሁንልህ ማለት ሌላ ከእግዚአብሄር በላይ የምታስቀድመው ነገር አይኑር ማለት ነው፡፡ ሌላ አማልክት አይሁንልህ ማለት ከእግዚአብሄር በላይ ትኩረትህን የሚወስድ ነገር አይኑር ማለት ነው፡፡

ኢየሱስም እንዲህ አለው፦ ጌታ አምላክህን በፍጹም ልብህ በፍጹም ነፍስህም በፍጹም አሳብህም ውደድ። ታላቂቱና ፊተኛይቱ ትእዛዝ ይህች ናት። ማቴዎስ ወንጌል 22፡37-38

ሌላ አምላክ አይሁንልህ ማለት ሁኔታዎችን አትፍራ ማለት ነው፡፡ ሁኔታን መፍራት እግዚአብሄርን በሙላት እንዳናመልከው ያደርጋል፡፡ አንዳንድ ሰው ማጣትን በጣም ከመፍራቱ የተነሳ ማጣት በህይወቱ እንዳይደርስበት የማይገባ ነገር ሲያደርግ ይገኛል፡፡ አንዳንድ ሰው ድሃ እንዳይሆን በመፍራት ይገድላል ይዘርፋል ይጠላል፡፡ ይህ ድህነት ፍርሃት አምላክ ሆኖበታል፡፡

መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ፊልጵስዩስ 4፡12-13

ሰው መዋረድን ሳይንቅ እግዚአብሄርን ማክበር አይችልም፡፡ ሰው መራብን ፈርቶ ለእግዚአብሄር በሙላት ሊኖር አይችልም፡፡ ሰው ግን መዋረድንም መራብንም ልካቸውን ካወቃቸውና ከናቃቸው በመብዛትና በመጥገብ ሳይሆን በክርስቶስ ሁሉን እንደሚችል ከተረዳ እግዚአብሄን በሙላት አገልግሎ ያልፋል፡፡

ከእኔ በቀር ሌሎች አማልክት አይሁኑልህ። ዘጸአት 20፡3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #አምላክ #አማርኛ #ስብከት #መዳን #መፅሃፍቅዱስ #ልብ #እምነት #መታመን #ፍርሃት #ብቸኛአምላክ #መስዋእት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

%d bloggers like this: