Category Archives: Faith

በእግዚአብሔር እንጂ በሁኔታ አንታመንም

silver+refining.png

ብዙ ሰዎች ሁኔታዎች እየጨለሙ ሲሄዱ እምነታቸው የሚጠፋ ይመስላቸዋል፡፡ ነገር ግን እምነት ከሁኔታ ጋር አይገናኝም፡፡ እምነት የሚመጣው ከእግዚአብሔር ቃል ነው፡፡ እምነት የሚወሰንው በእግዚአብሄር ፈቃድ እንጂ በሁኔታ አይደለም፡፡ እምነት የሚሄደው ከእግዚአብሄር ቃል ሃሳብ እንጂ ከሁኔታ ጋር አይደለም፡፡

ሁኔታዎች እንዳመንነው ሳይሆነ ካመነንው ከእግዚአብሄር ቃል የተቃረነ ሲመስል እምነታችን ከመጥፋት ግን እየጠራ ይሄዳል እንጂ አይጠፋም፡፡ ሁኔታዎች ሁሉ ካመንነው ተቃራኒውን ሲናገሩ እምነታችን ሲፈተን እየጠራ ይሄዳል፡፡

በዚህም እጅግ ደስ ይላችኋል፥ ነገር ግን በእሳት ምንም ቢፈተን ከሚጠፋው ወርቅ ይልቅ አብልጦ የሚከብር የተፈተነ እምነታችሁ፥ ኢየሱስ ክርስቶስ ሲገለጥ፥ ለምስጋናና ለክብር ለውዳሴም ይገኝ ዘንድ አሁን ለጥቂት ጊዜ ቢያስፈልግ በልዩ ልዩ ፈተና አዝናችኋል። 1ኛ የጴጥሮስ መልእክት 1፡6-7

ብዙ ጊዜ ፀሎታችን ወዲያው ሲመለስ እምነታችን አያደገ ይመስለናል፡፡ የፀሎታችን መልሰ የዘገየ ሲመስለን ደግሞ እምነታቸን እየደከመ ይመስለናል፡፡ ሁኔታዎች እንደፈለግናቸው ሲሄዱ እምነታእን የሚያድግ ሁኔታዎች እንደፈለግናቸው ካለሄዱ እምነታችን የሚቀጭጭ ይመስለናል፡፡ ፀሎታችን ያልተመለሰ ሲመስለን እምነታችን ውስጥ ወስጡን እምነታችን ያድጋል፡፡ ሁኔታዎች ከእግዚአብሄር ቃል ተቃራኒ እምነታችን እየጠራ ይሄዳል፡፡

ጨለማ ምድርን ድቅድቅ ጨለማም አሕዛብን ሲሸፍን የእምነታችን ብርሃን እየጨመረ ይደምቃል፡፡ ስለዚህ ፀሎታችን ያልተመለሰ ሲመስለን እምነታችን ግን እየጨመረ እየደመቀ ይበራል፡፡

ብርሃንሽ መጥቶአልና፥ የእግዚአብሔርም ክብር ወጥቶልሻልና ተነሺ፥ አብሪ። እነሆ፥ ጨለማ ምድርን ድቅድቅ ጨለማም አሕዛብን ይሸፍናል፤ ነገር ግን በአንቺ ላይ እግዚአብሔር ይወጣል ክብሩም በአንቺ ላይ ይታያል፤ አሕዛብም ወደ ብርሃንሽ ነገሥታትም ወደ መውጫሽ ጸዳል ይመጣሉ። ትንቢተ ኢሳይያስ 60፡1-3

እንዲያውም ሁኔታዎች ከእግዚአብሄር ቃል በተቃራኒ እንደመሄድ እምነትን የሚያጠራውና ይበልጥ እግዚአብሄር ላይ እንድንደገፍ የሚያደርግ ሌላ ነገር የለም፡፡ እንደ ሁኔታዎች አለመከናወን እምነትን የሚያጠራው ነገር የለም፡፡ እንደ እምነት ፈተና እምነትን የከበረ አድርጎ የሚያጠራው ነገር የለም፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #መፈተን #መጥራት #ጨለማ #ብርሃን #እሳት ##መናገር #አማርኛ #ስብከት #መዳን #መፅሃፍቅዱስ #ልብ #እምነት #ቃል #ማሰላሰል #ማድረግ #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

Advertisements

ለሚያምን ሁሉ ይቻላል

your will

እግዚአብሄር ሰውን በመልኩና በአምሳሉ ነው የፈጠረው፡፡ እግዚአብሄር ሰውን ሲፈጥር አልሰሰተም ቁርጥ እርሱን አስመስሎ ነው የፈጠረው፡፡ እንደ አንዳንድ ሰዎች ከሆነ ሰውን በመልኩና በአምሳሉ መፍጠሩ ትክክል አልሰራም፡፡ በግልፅ ባይሆንም ሰው በመልኩና በአምሳሉ መፈጠሩን ባገኙት አጋጣሚ ይቃወማሉ፡፡ እነርሱ ቢሆኑ እንደማያደርጉት እርግጥ ነው፡፡

እንዲሁም ለሚያምን ሁሉ ይቻላል የሚለው አባባል የሚያስደነግጣቸው ብዙ ሰዎች አሉ፡፡ ነግር ግን ምንም ማድርግ አይቻልም፡፡

ሰው ለእግዚአብሄር ሁሉ ይቻላል ሲባል ይሻለዋል፡፡ ለሚያምን ሁሉ ይቻለዋል ሲባል ያስፈራዋል፡፡

ነግር ግን እውነቱ ለሚያምን ሁሉ ይቻላል፡፡

የእግዚአብሄርን ቃል የሚያስብና የሚያስላስል ሰው እንደ እግዚአብሄር ያስባል ይባላል፡፡ እውነት ነው

እምነት የሚመጣው የእግዚአብሄርን ቃል ከመስማት ነው፡፡

ስለአለበት ሁኔታ የእግዚአብሄርን ቃል የሚሰማ ሰው ሁሉ እምነት ከእግዚአብሄር ቃል ይመጣለታል፡፡

ለሚያምን ሰው ቃሉ ይቻላል የሚለው ነገር ሁሉ ይቻለዋል፡፡

ለእግዚአብሄ የሚሳነው ነገር እንደሌለ ሁሉ ለሚያምን ሰው የሚሳነው ነገር አይኖርም፡፡

ለሚያም ሁሉ ይቻለዋል፡፡

ኢየሱስም፦ ቢቻልህ ትላለህ፤ ለሚያምን ሁሉ ይቻላል አለው። የማርቆስ ወንጌል 9፡23

ኢየሱስም መልሶ፦ እውነት እላችኋለሁ፥ እምነት ቢኖራችሁ ባትጠራጠሩም፥ በበለሲቱ እንደ ሆነባት ብቻ አታደርጉም፤ ነገር ግን ይህን ተራራ እንኳ፦ ተነቅለህ ወደ ባሕር ተወርወር ብትሉት ይሆናል፤ የማቴዎስ ወንጌል 21፡21

ለሚያምን ሁሉ ይቻላል !

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #መናገር #አማርኛ #ስብከት #መዳን #መፅሃፍቅዱስ #ልብ #እምነት #ቃል #ማሰላሰል #ማድረግ #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ብታምኚስ

1 (4).jpg

ኢየሱስ፦ ድንጋዩን አንሡ አለ። የሞተውም እኅት ማርታ፦ ጌታ ሆይ፥ ከሞተ አራት ቀን ሆኖታልና አሁን ይሸታል አለችው። ኢየሱስ፦ ብታምኚስ የእግዚአብሔርን ክብር እንድታዪ አልነገርሁሽምን? አላት። የዮሐንስ ወንጌል 11፡39-40

የእግዚአብሄርን ክብር ማየት የማይፈልግ ሰው የለም፡፡ የእግዚአብሄርን ክብር ለማየት መመዘኛ አለው፡፡ የእግዚአብሄርን ክብር በህይወታችን ለመለማመድ መመዘኛው ደግሞ ሊደረስበት የማይችል ረቂቅ ነገር አይደለም፡፡ የእግዚአብሄርን ክብር ለማየት የሚጠይቀው እምነት ብቻ ነው፡፡ የእግዚአብሄርን ክብር ለማየት እምነት ወሳኝ ነው፡፡ እግዚአብሄርን ለማስደሰትና የእግዚአብሄርን ክብር ለማየት ሌላ መንገድ የለውም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ወደ ዕብራውያን 11፡6

የእግዚአብሄርን ክብር ለማየት ሌላ መንገድ ቢኖር ኖሮ ያንን መንገድ እንከተል ነበር፡፡ ነገር ግን የእግዚአብሄርን ክብር ለማየት ሌላ መንገድ የለውም፡፡ የእግዚአብሄርን ክብር ለማየት ብቸኛው መንገድ እምነት ብቻ ነው፡፡ ኢየሱስ ለማርታ አልነገርሁሽምን? የሚላት በፊትም የእግዚአብሄርን ክብር የምታይው ስታምኚ እንደሆነ ነግሬሻለሁ ዛሬም አልተለወጠም የእግዚአብሄን ክብር ማየት ከፈለግሽ ማመን ወሳኝ ነው እያላት ነው፡፡

የእግዚአብሄን ክብር እንድናይ የሚያስችለን እምነት ደግሞ የሚመጣው የእግዚአብሄርን ቃል ከመስማት ነው፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ወደ ሮሜ ሰዎች 10፡17

የእግዚአብሄር ክብር ከሰዎች የራቀ እጅግ ረቂቅ ነገር አይደለም፡፡ እግዚአብሄር ቸር አምላክ ነው፡፡ ምድር በእግዚአብሄር ከብር ተሞልታለች፡፡

ነገር ግን እኔ ሕያው ነኝና በእውነት የእግዚአብሔር ክብር ምድርን ሁሉ ይሞላል።  ኦሪት ዘኍልቍ 14፡21

የእግዚአብሄር ክብር የሚያይ ሰው በእግዚአብሄር ቃል መስማት እምነትን ያገኘ ሰው ነው፡፡ የእግዚአብሄርን ክብር በህይወቱ የሚለማመድ ሰው በእግዚአብሄር ቃል እምነትን ያገኘ ሰው ነው፡፡ የእግዚአብሄርን ክብርና ሃይል በህይወቱ የሚለማድ ሰው የእግዚአብሄርን ቃል የሚያምን ሰው ነው፡፡

እግዚአብሔር ልቡ በእርሱ ዘንድ ፍጹም የሆነውን ያጸና ዘንድ ዓይኖቹ በምድር ሁሉ ይመለከታሉና። መጽሐፈ ዜና መዋዕል ካልዕ 16፡9

የእግዚአብሄርን ቃል የሰማ ሰው የእግዚአብሄርን ክብርና በጎነት በህይወቱ ይለማመዳል፡፡ የእግዚአብሄርን ክብር ማየት ይቻላል፡፡ የሞተ ሲነሳ ማየት ይቻላል፡፡ የደከመ ሲበረታ ማየት ይቻላል፡፡ የሌለን ወደመኖር ሲመጣ ማየት ይቻላል፡፡

ስለዚህ ከሕግ ብቻ ሳይሆን ከአብርሃም እምነት ደግሞ ለሆነ ለዘሩ ሁሉ የተስፋው ቃል እንዲጸና እንደ ጸጋ ይሆን ዘንድ በእምነት ነው፤ እርሱም፦ ለብዙ አሕዛብ አባት አደረግሁህ ተብሎ እንደ ተጻፈ፥ ለሙታን ሕይወት በሚሰጥ የሌለውንም እንዳለ አድርጎ በሚጠራ ባመነበት በአምላክ ፊት የሁላችን አባት ነው። ወደ ሮሜ ሰዎች 4፡16-17

በእምነት የእግዚአብሄርን ክብር ማየት ይቻላል፡፡ ለሚያምን ሁሉ ይቻለዋል፡፡ ለማያምን የእግዚአብሄርን ክብር ሃይልና በጎነት ማየት ይቻለዋል፡፡

ኢየሱስ፦ ድንጋዩን አንሡ አለ። የሞተውም እኅት ማርታ፦ ጌታ ሆይ፥ ከሞተ አራት ቀን ሆኖታልና አሁን ይሸታል አለችው። ኢየሱስ፦ ብታምኚስ የእግዚአብሔርን ክብር እንድታዪ አልነገርሁሽምን? አላት። የዮሐንስ ወንጌል 11፡39-40

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #እግዚአብሔር #ክብር #መልክ #አምሳል #ሃይል #ብፅእና #በረከት #ቃል #ፀሎት #አምልኮ #በጎነት #መጠማት #መራብ #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ

በሰው የሚታመን

conscious.jpg

እግዚአብሔር እንዲህ ይላል፦ በሰው የሚታመን ሥጋ ለባሹንም ክንዱ የሚያደርግ ልቡም ከእግዚአብሔር የሚመለስ ሰው ርጉም ነው። በምድረ በዳ እንዳለ ቍጥቋጦ ይሆናል፥ መልካምም በመጣ ጊዜ አያይም፤ ሰውም በሌለበት፥ ጨው ባለበት ምድር በምድረ በዳ በደርቅ ስፍራ ይቀመጣል። ትንቢተ ኤርምያስ 17፡5-6

እግዚአብሄር የፈጠረን በእርሱ እንድንደገፍ ነው፡፡ በእርሱ ስንደገፍ እግዚአብሄር ደስ ያሰኘዋል፡፡

ነገር ግን በእግዚአብሄር መታመን ትተን በሰዎች መታመን ስንጀምር እግዚአብሄር ያዝናል፡፡ የተፈጠርነው በእግዚአብሄር እንድንደገፍ ስለሆነ በሰው ስንደገፍ አይሳካልንም፡፡

እንኳን ለሌላ ሰው መገደፊያ ሊሆን ይቅርና ሰው ራሱ በእግዚአብሄር ላይ መገደፍ አለበት፡፡ ሰው ለሌላ ለማንም ሰው መደፊያ ሊሆን አይችልም፡፡

ብዙ ሰዎች በእግዚአብሄር መታመን ይጀምራሉ፡፡ በእግዚአብሄር በመታመን እንድንጀምር ብቻ ሳይሆን በእግዚአብሄር በመታመን እንድንጨርስ እግዚአብሄር ይፈልጋል፡፡

በአስቸጋሪ ጊዜ እምነቱን ከእግዚአብሄር ላይ የማያነሳ ሰው ምስጉን ነው፡፡ በክፉ ጊዜ እምነቱን ከእግዚአብሄር ላይ የሚያነሳ ሰው እርጉም ነው፡፡

በመከራ ቀን ብትላላ ጉልበትህ ጥቂት ነው። መጽሐፈ ምሳሌ 24፡10

አስቸጋሪ ጊዜ አልፎ ደግሞ መልካም ዘመን ሲመጣ እምነቱ ከእግዚአብሄር ላይ ያነሳውና በሰው ላየ ያደረገው ሰው ይፀፀታል፡፡ መልካም ጊዜ መጥቶ የማይለወጥ የሚመስለው ነገር ሲለወጥ እምነቱን ከእግዚአብሄር ላይ እንስቶ ወደሰው ላይ ያደረገው ሰው ለሚያልፍ ነገር ምነው በእግዚአብሄር በታመንኩኝ ኖሮ ብሎ ይቆጫል፡፡ በአስቸጋሪ ጊዜ እምነቱን እግዚአብሄርን በሰው የለወጠ ሰው የእምነትን ገድል ደስታ አያገኘውም፡፡ በአስቸጋሪ ጊዜ እምነቱን ከእግዚአብሄር ላይ እንስቶ በሰው ላይ ያደረገ ሰው ለማይረባ ነገር እግዚአብሄርን ስለለወጠው ያፍራል፡፡

በአስቸጋሪ ጊዜ ሁሉ ከእግዚአብሄር ጋር የሙጥኝ ያለ ሰው በእግዚአብሄር በመታመኑና በማለፉ ብቻ እምነቱ ይጨምራል፡፡ በአስቸጋሪ ጊዜ እግዚአብሄርና ያመነና የጠበቀ ሰው እምነቱ ወርቅ በእሳት እንደሚፈተን ጠርቶና ከብሮ ይወጣል፡፡ በአስቸጋሪ ጊዜ እምነቱን በሰው ያልለወጠው ሰው ደስታው ይበዛል፡፡

በዚህም እጅግ ደስ ይላችኋል፥ ነገር ግን በእሳት ምንም ቢፈተን ከሚጠፋው ወርቅ ይልቅ አብልጦ የሚከብር የተፈተነ እምነታችሁ፥ ኢየሱስ ክርስቶስ ሲገለጥ፥ ለምስጋናና ለክብር ለውዳሴም ይገኝ ዘንድ አሁን ለጥቂት ጊዜ ቢያስፈልግ በልዩ ልዩ ፈተና አዝናችኋል። 1ኛ የጴጥሮስ መልእክት 1፡6-7

እምነቱን ሲፈተን የወደቀ ሰው መልካም በመጣ ጊዜ አያይም፡፡ በሰው መደገፍን ያልናቀ ሰው በእግዚአብሄር በመደገፍ ያለውን ደስታ አያይም፡፡ በሰው በመደገፍ ክፉን ጊዜ ያሳለፈ ሰው ላነሰ ጥቅም ራሱን ስለሰጠ እውነተኛውን የእግዚአብሄርን በረከት አያየውም፡፡

እግዚአብሔር እንዲህ ይላል፦ በሰው የሚታመን ሥጋ ለባሹንም ክንዱ የሚያደርግ ልቡም ከእግዚአብሔር የሚመለስ ሰው ርጉም ነው። በምድረ በዳ እንዳለ ቍጥቋጦ ይሆናል፥ መልካምም በመጣ ጊዜ አያይም፤ ሰውም በሌለበት፥ ጨው ባለበት ምድር በምድረ በዳ በደርቅ ስፍራ ይቀመጣል። ትንቢተ ኤርምያስ 17፡5-6

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ስጋለባሽ #መታመን #መደገፍ #ልብ #የሚመልስ #ቤተክርስትያን #አማርኛ #ስብከት #ክንዱ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

በእምነትም ያልሆነ ሁሉ

8ccb4ec4225b290726ae9be975220ff4.jpg

የሚጠራጠረው ግን ቢበላ በእምነት ስላልሆነ ተኮንኖአል፤ በእምነትም ያልሆነ ሁሉ ኃጢአት ነው። ወደ ሮሜ ሰዎች 14፡23

ሰው የተፈጠረው ለእግዚአብሄር ክብር ነው፡፡ እግዚአብሄርን የምናከብረው ቃሉን በመጠበቅና በቃሉ በመኖር ብቻ ነው፡፡

እግዚአብሄርን የምናከብረውና የምናስደስተው በቃሉ በመኖር ፍሬ በማፍራት ብቻ ነው፡፡

በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ብዙ ፍሬ ብታፈሩና ደቀ መዛሙርቴ ብትሆኑ በዚህ አባቴ ይከበራል። የዮሐንስ ወንጌል 15፡7-8

ካለ እምነት እግዚአብሄርን ደስ ማሰኘት አይቻልም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ወደ ዕብራውያን 11፡6

እግዚአብሄርን የምናስደስተው ከቃሉ በሆነ እምነት ኑሮ ብቻ ነው፡፡

እንግዲያስ እምነት ከመስማት ነው መስማትም በእግዚአብሔር ቃል ነው። ወደ ሮሜ ሰዎች 10፡17

ሰው የተፈጠረው ከቃሉ በሚገኝ እምነት እንዲኖር ነው፡፡ ሰው የተፈጠረው በእምነት ከእግዚአብሄር ጋር እንዲራመድ ነው፡፡ ሰው የተፈጠረው በእምነት በሚወስደው እርምጃ እግዚአብሄርን እንዲያስደስት ነው፡፡ ሰው በእምነት ሲኖር የተፈጠረበትን አላማ ግቡን ይመታል፡፡ ሰው ከእምነት ውጭ ሲኖር የተፈጠረበትን አላማ ይስተዋል፡፡ ከቃሉ በሚመጣ እምነት እንጂ በጥርጥር እግዚአብሄር አይከብርም፡፡ ጥርጥር የተፈጠሩበትን አላማን መሳት ነው፡፡ ጥርጥር አላማን መሳት ወይም ሃጢያት ነው፡፡

ስለዚህ ነው እምነት የሚገኝበትን የእግዚአብሄር ቃል ላይ የሙጥኝ ማለት ያለብንና በእምነት እርምጃን መውሰድ ያለብን፡፡

የሚጠራጠረው ግን ቢበላ በእምነት ስላልሆነ ተኮንኖአል፤ በእምነትም ያልሆነ ሁሉ ኃጢአት ነው። ወደ ሮሜ ሰዎች 14፡23

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ልብ #ማመን #ቃል #መናገር #ያለእምነት #ስሜት #ሁኔታ #አካባቢ #አላማ #መሳት #ሃጢያት #አማርኛ #ስብከት #መዳን #መፅሃፍቅዱስ #አለማመን #ጥርጥር #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

“Love Everyone Trust No One”

your will.jpgWe hear this kind of saying from time to time. And we sometimes say it or are tempted to say it, especially after we are betrayed by a very good friend, we fear to trust any other person again. We lose the confidence of trusting anyone for fear of hurt that comes from the past history of the unfaithfulness of others.

Nobody pretends that a trust issue is an easy subject of black and white. Trust isn’t an easy subject at all.

Human beings are created to be social beings. Humans are created to work together. Humans need a relationship with each other.

To relate to other trust is a must. Without trust, no one operates in life leave alone to be successful.

Actually, the success rate is determined in the art of trusting others. Successful people know who to trust and the amount of trust they have on different people. The more we trust others the more we relate to others. The more we relate to others, we extend our influence. The more we relate with others, we work together for a better achievement.

IT is obvious that we sometimes miss estimating others to trust heavily on them. But it is ok. We learn from that. If we fear to trust others we are stopped to live.

With all the risks attached to trusting others, trusting others is a must. We need an amount of trust to live and achieve in life. It is better to trust others and betrayed by them than not to trust anyone.

We have to have a room for betrayal. We have to be vulnerable.

The sayings love everyone and trust no one is opposed to each other as love always trusts.

It always protects, always trusts, always hopes, always perseveres. 1 Corinthians 13:7

We trust others in trusting God. The more we trust God, the more we trust people.

Jesus lived and ministered with Judas knowing that he was the one who betrays him.

For he knew who was going to betray him, and that was why he said not every one was clean. John 13:11

Trust must always be held with caution. But we have to train ourselves to trust others.

Abiy Wakuma Dinsa

For More Articles https://www.facebook.com/abiy.wakuma/notes

#Jesus #God #Trust #praise #livelife #betrayal #blessed #rejoice #faith #enjoylife #faithfulness #church #achievement #celebration #preaching #salvation #bible #countingthecost #abiy #facebook #abiywakuma #abiywakumadinsa

የእምነት ማጣት አስራ አንዱ ምልክቶች

conscious.jpgየእግዚአብሄር መንግስት የመንፈስ መንግስት ነው፡፡ እግዚአብሄር መንፈስ ነው፡፡ ከእግዚአብሄር ጋር የምናደርገውን ማንኛውንም ነገር የምናደርገው በእምነት እንጂ በማየት አይደለም፡፡ ለክርስትና ህይወት እምነት ወሳኝ ነው፡፡

እግዚአብሄር የሚሰራው በእምነት ነው፡፡ እግዚአብሄር የሚጠቀመው እምነት ያለውን ሰው ነው፡፡ እግዚአብሄር ለመስራት እምነት ያለውን ሰው ይፈልጋል፡፡ ካለእምነት እግዚአብሄርን  ማስደሰት አይቻለም፡፡

ያለ እምነትም ደስ ማሰኘት አይቻልም፤ ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

ኢየሱስ በምድር ላይ በተመላለሰበት ጊዜ ምንም ታላቅ ሃይል ቢኖረውም ሰዎችን ለመርዳት ቢፈልግም እምነት ላልነበራቸው ሰዎች ምንም ማድረግ አልቻለም ነበር፡፡

በአለማመናቸውም ምክንያት በዚያ ብዙ ተአምራት አላደረገም። ማቴዎስ 13፡58

እናንተ እምነት የጎደላችሁ፣ ስለ ምን ትፈራላችሁ? ማቴዎስ 8:26

ኢየሱስም መልሶ፦ የማታምን ጠማማ ትውልድ ሆይ፥ እስከ መቼ ከእናንተ ጋር እኖራለሁ? እስከ መቼስ እታገሣችኋለሁ? ወደዚህ ወደ እኔ አምጡት አለ። ማቴዎስ 17፡17

ሰው እግዚአብሄርን አላምንም ብሎ ላይናገር ይችላል፡፡ ነገር ግን እግዚአብሄርን የማያምን ሰው ስራው ይናገራል፡፡ እምነት ያለው ሰው የሚያሳያቸው ምልክቶች እንዳሉ ሁሉ የማያምን ሰው የሚያሳያቸው ምልከቶች አሉ፡፡

  1. የማያምን ሰው ጠማማ ነው

የማያምን ሰው ቅን ሊሆን አይችልም፡፡ የማያምን ሰው የዋህ ሊሆን አይችልም፡፡ የሚያምን ሰው የእግዚአብሄርን መንገድ ስለማይከተል የራሱን የጠማማነትን መንገድ ይከተላል፡፡

ኢየሱስም መልሶ፦ የማታምን ጠማማ ትውልድ ሆይ፥ እስከ መቼ ከእናንተ ጋር እኖራለሁ? እስከ መቼስ እታገሣችኋለሁ? ወደዚህ ወደ እኔ አምጡት አለ። ማቴዎስ 17፡17

  1. የማያምን ሰው ኩራተኛ ሰው ነው

የሚያምን ሰው የሚታወቀው በትህትናው ሲሆን የማያምን ሰው የሚታወቀው በትእቢቱ ነው፡፡ የማያምን ሰው በእግዚአብሄር ሳይሆን በራሱ ይተማመናል፡፡ የሚያምን ሰው በእግዚአብሄር ላይ ይደገፋል፡፡

እነሆ፥ ነፍሱ ኰርታለች፥ በውስጡም ቅን አይደለችም፤ ጻድቅ ግን በእምነቱ በሕይወት ይኖራል። ዕንባቆም 2፡4

  1. የማያምን ሰው ፈሪ ነው

የሚያምን ሰው በእግዚአብሄር ይደፍራል የማያምን ሰው ግን ፍርሃት አለበት፡፡ በእግዚአብሄር የሚያምን ሰው በእግዚአብሄር ልቡ ስለሚጠበቅ ያርፋል፡፡ የማያምን ሰው ግን ልቡ በምንም ላይ ስለማያርፍ ይፈራል፡፡ የማያምን ሰው የሚያደርጋቸውን ነገሮች ሁሉ የሚያደርገው ከፍቅር ድፍረት ሳይሆን ከፍርሃት ነው፡፡ እናንተ እምነት የጎደላችሁ፣ ስለ ምን ትፈራላችሁ? ማቴዎስ 8:26

  1. የማያምን ሰው ፍቅር ይጎድለዋል

የሚያምን ሰው ፍቅር የሆነውን እግዚአብሄርን ስለሚያምን በፍቅር ለመኖር አይፈራም፡፡ የማምን ሰው ግን የእግዚአብሄርን ፍቅር ስለማያምን እና ስለማይቀበል ራሱም በፍቅር ለመኖር ራሱን አይሰጥም፡፡ የማምን ሰው ከፍቅር ይልቅ ሌላ የራሱን መንገድ ይፈልጋል፡፡

እንዲህም ከሆነ፥ እምነት ተስፋ ፍቅር እነዚህ ሦስቱ ጸንተው ይኖራሉ፤ ከእነዚህም የሚበልጠው ፍቅር ነው። 1ኛ ቆሮንቶስ 13፡13

  1. የማያምን ሰው በምድር ጥበብ ይመላለሳል

ከእግዚአብሄር የሆነው ንፅህ ጥበብ የሚገኘው በእምነት ነው፡፡ እግዚአብሄርን የማያምን ሰው ይህን ንፁህ ጥበብ በምድራዊ ተንኮል ይለውጠዋል፡፡

ነገር ግን መራራ ቅንዓትና አድመኛነት በልባችሁ ቢኖርባችሁ፥ አትመኩ በእውነትም ላይ አትዋሹ። ይህ ጥበብ ከላይ የሚወርድ አይደለም፤ ነገር ግን የምድር ነው፥ የሥጋም ነው፥ የአጋንንትም ነው፤ ቅንዓትና አድመኛነት ባሉበት ስፍራ በዚያ ሁከትና ክፉ ስራ ሁሉ አሉና። ያዕቆብ 3፡14-16

  1. የማያምን ሰው ይቸኩላል

የሚያምን ሰው በእግዚአብሄር ጊዜ ይተማመናል፡፡ የሚያምን ሰው የእግዚአብሄርን እርምጃ ይታገሳል፡፡ የማያምን ሰው ግን የእግዚአብሄርን ጊዜ ስለማያምነው ይቸኩላል፡፡

በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። ምሳሌ 13፡11

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም።ምሳሌ 28፡20

  1. የማያምን ሰው ከሰው ጋር ይጣላል፡፡

የማያምን ሰው በረከቱን የያዘው ሰው ስለሚመስለው ከሰው ጋር ይጣላል፡፡ የማያምን ሰው ከሰው ስለሚጠብቅ በሰው ይሰናከላል፡፡ የመያምን ሰው መንፈሳዊውን አለም በእምነት ስለማያይ የጦር እቃው ስጋዊ ብቻ ነው፡፡ የሚያምን ሰው ግን ከእግዚአብሄር ስለሚጠብቅ በሰው አይሰናከልም፡፡ የሚያምን ሰው ከሰው ባሻገር መንፈሳዊውን አለም ስለሚያይ የጦር መሳሪያው ስጋዊ አይደለም፡፡

በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን? ትመኛላችሁ ለእናንተም አይሆንም፤ ትገድላላችሁ በብርቱም ትፈልጋላችሁ፥ ልታገኙም አትችሉም፤ ትጣላላችሁ ትዋጉማላችሁ ነገር ግን አትለምኑምና ለእናንተ አይሆንም፤ ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። ያዕቆብ 4፡1-3

በሰው ልማድ ምንም እንኳ የምንመላለስ ብንሆን፥ እንደ ሰው ልማድ አንዋጋም፤ የጦር ዕቃችን ሥጋዊ አይደለምና፥ ምሽግን ለመስበር ግን በእግዚአብሔር ፊት ብርቱ ነው፤ 2ኛ ቆሮንቶስ 10፡3-4

  1. የማያምን ሰው በጥበቡ በሃይሉና በብልጥግናው ይመካል

የሚያምን ሰው በእግዚአብሄር ይመካል፡፡ የማያምን ሰው ግን የእግዚአብሄር ሃብት የእኔ ሃብት ነው ስለማይል መሰብሰብ ማከማቸት ይፈልጋል፡፡ የሚያምን ሰው እግዚአብሄር እረኛዬ ነው የሚያሳጣኝ የለም ስለሚል ማግበስበስ አያስፈልገውም፡፡ የማያምን ሰው ግን እረኛውን ስለማያምን እረኛ የሚያደርገው ጥበቡን ሃይሉንና ባለጠግነቱን ነው፡፡ የሚያምን ሰው የነገሮች ሁሉ ቁልፍ እግዚአብሄር ጋር እንጂ ጥበብ ፣ ሃይልና ባለጠግነት ጋር እንዳይደለ ያውቃል፡፡

እግዚአብሔር እንዲህ ይላል፦ ጠቢብ በጥበቡ አይመካ፥ ኃያልም በኃይሉ አይመካ፥ ባለ ጠጋም በብልጥግናው አይመካ፤ ነገር ግን የሚመካው፦ ምሕረትንና ፍርድን ጽድቅንም በምድር ላይ የማደርግ እኔ እግዚአብሔር መሆኔን በማወቁና በማስተዋሉ በዚህ ይመካ፤ ደስ የሚያሰኙኝ እነዚህ ናቸውና፥ ይላል እግዚአብሔር፡፡ ኤርሚያስ 9፡23-24

  1. የማያምን ሰው ይጨነቃል

የሚያምን ሰው የእግዚአብሄርን መንግስትና ፅድቅን ሲፈልግ እግዚአብሄር በምድር የሚያስፈልገው እንደሚያሟላለት ስለሚያምን አይጨነቅም፡፡ እግዚአብሄርን የማያምን ሰው ግን ስለመሰረታዊ ፍላጎቱ በመጨነቅ እግዚአብሄር ይጨመርላችኋል ያለውን በመፈልግ ህይወቱን ያባክናል፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡31፣33

  1. የማያምን ሰው ያጉረመርማል

የሚያምን ሰው በእግዚአብሄር መልካምነት ስለሚተማመን ሁልጊዜ በእግዚአብሄር ደስ ይለዋል፡፡ የማያምን ሰው ደስታው በሁኔታዎች ብቻ ስለሆነ ያጉረመርማል፡፡ የሚያምን ሰው እግዚአብሄርን መልካምነት ስለሚያይ በእግዚአብሄር ላይ ጥያቄ የለውም፡፡

ከእነርሱም አንዳንዶቹ እንዳንጎራጎሩ በሚያጠፋውም እንደ ጠፉ አታንጐርጕሩ። 1ኛ ቆሮንቶስ 10፡10

  1. የማያምን ሰው ይመኛል

የሚያምን ሰው ምንም እንዳልጎደለው ራሱን ያማጥናል፡፡ የሚያምን ሰው ጉድለቱን በሚሸፍን ድካምን በሚሞላ የእግዚአብሄር ፀጋ ስለሚተማመን አይመኝም፡፡ የማያምን ሰው ግን ሁሌ እግዚአብሄር ያልሰጠውን ነገር ይመኛል፡፡ የሚያምን ሰው ራሱን በሁኔታዎች ሁሉ ራሱን ያማጥናል፡፡

ይህን ስል ስለ ጉድለት አልልም፤ የምኖርበት ኑሮ ይበቃኛል ማለትን ተምሬአለሁና። መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ኃይልን በሚሰጠኝ በክርስቶስ ሁሉን እችላለሁ። ፊልጵስዩስ ሰዎች 4፡11-13

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ጭንቀት #ፍርሃት #ፍቅር #ተንኮል #ጠማማነት #ኩራት #ቅን #እምነት #ተንኮል #ምኞት #ሰላም #ኢየሱስ #ጌታ #ሃይል #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

በእምነቱ በሕይወት

conscious.jpgእነሆ፥ ነፍሱ ኰርታለች፥ በውስጡም ቅን አይደለችም፤ ጻድቅ ግን በእምነቱ በሕይወት ይኖራል። ዕንባቆም 2፡4

መፅሃፍ ቅዱስ በእምነት ስለሚኖር ሰውና በእምነት ስለማይኖር ሰው እያነፃፀረ ያስተምራል፡፡ ሰዎች በምድር ላይ ወይ በእምነት ነው የሚኖሩት ወይም ደግሞ በእምነት አይደለም የሚኖሩት፡፡

በእምንት ስለመኖር ጥቅም ሲናገር በህይወት ያኖራል ይላል፡፡ በህይወት መኖር ማለት በሁሉ ነገር ህያው መሆን ማለት እንጂ በስጋ አለመሞት ማለት ብቻ አይደለም፡፡

ለምሳሌ ኢየሱስ ያለው ህይወት አለው ሲል የዘላለም ህይወትን ብቻ ሳይሆን የእግዚአብሄር ህይወትን ስለማጣጣም ይናገራል፡፡

መፅሃፍ ቅዱስ በእርሱ የማያምን ህይወትን አያይም ሲል በስጋ ይሞታል ማለት ሳይሆን የእግዚአብሄርን ህይወት አላማ ይስተዋል ማለት ነው፡፡ ህይወትን አያይም ማለት እግዚአብሄር በህይወት ውስጥ ያስቀመጠውን በረከት አያገኘውም ማለት ነው፡፡ ህይወትን አያይም ማለት የህይወትን እውነተኛ መልክና ጣእም አያገኘውም ማለት ነው፡፡

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በደስታ ይኖራል ማለት ነው፡፡ በእምነት የሚኖሩ ሰዎች ለመደሰት የሆነ ነገር አይጠብቁም፡፡ በእምነት የሚኖሩ ሰዎች እነርሱን ለማስደሰት ጌታ ብቻውን በቂ ነው፡፡ በእምነት የሚኖሩ ሰዎች ለመደሰት ሌላ ሌላ ነገር መጨመር የለባቸውም፡፡

ሁልጊዜ በጌታ ደስ ይበላችሁ፤ ደግሜ እላለሁ፥ ደስ ይበላችሁ። ፊልጵስዩስ 4፡4

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ ከጭንቀት በላይ ይኖራል ማለት ነው፡፡ በእምነት የሚኖር ሰው ለእርሱ የሚያስብለት እንዳለ ስለሚያምን ጭንቀት ከህይወቱ ይሞታል፡፡

እርሱ ስለ እናንተ ያስባልና የሚያስጨንቃችሁን ሁሉ በእርሱ ላይ ጣሉት። 1ኛ ጴጥሮስ 5፡7

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በሃይል ይኖራል ማለት ነው፡፡

ተስፋ የሰጠው የታመነ እንደ ሆነ ስለ ቈጠረች፥ ሣራ ራስዋ ደግሞ ዕድሜዋ እንኳ ካለፈ በኋላ ዘርን ለመፅነስ ኃይልን በእምነት አገኘች። ዕብራውያን 11፡11

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በሃይል ይኖራል ማለት ነው፡፡ በእምነት የሚኖረ ሰው እግዚአብሄር እንዲሰራው የሰጠውን ስራ ለመስራት ምንም ሃይል አይጎድልበትም፡፡

የመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ።2ኛ ጴጥሮስ 1፡2-3

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ ስኬት ይኖራል ማለት ነው፡፡ እምነት የሚመጣው የእግዚአብሄርን ቃል ከመስማት ነው፡፡ በእግዚአብሄ ቃል እምነት የሚኖር ሰው በስራው ሁሉ ፍሬያማ ይሆናል፡፡

ነገር ግን በእግዚአብሔር ሕግ ደስ ይለዋል፥ ሕጉንም በቀንና በሌሊት ያስባል። እርሱም በውኃ ፈሳሾች ዳር እንደ ተተከለች፥ ፍሬዋን በየጊዜዋ እንደምትሰጥ፥ ቅጠልዋም እንደማይረግፍ ዛፍ ይሆናል፤ የሚሠራውም ሁሉ ይከናወንለታል። መዝሙር 1፡2-3

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ ይድናል፤ ይገባል፤ ይወጣል፤ መሰማሪያም ያገኛል ማለት ነው፡፡

ኢየሱስ እንዲህ አለ፤ “በሩ እኔ ነኝ፤ በእኔ በኩል የሚገባ ሁሉ ይድናል፤ ይገባል፤ ይወጣል፤ መሰማሪያም ያገኛል” ዮሐንስ 10፡1

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ ከጠላት ጥቃት በላይ ይኖራል ማለት ነው፡፡

በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤ በዓለም ያሉት ወንድሞቻችሁ ያን መከራ በሙሉ እንዲቀበሉ እያወቃችሁ በእምነት ጸንታችሁ ተቃወሙት። 1ኛ ጴጥሮስ 5፡8-9

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በክንውን ደስታ ይኖራል ማለት ነው፡፡

እኔም መልሼ፦። የሰማይ አምላክ ያከናውንልናል፥ እኛም ባሪያዎቹ ተነሥተን እንሠራለን፤ እናንተ ግን በኢየሩሳሌም እድል ፈንታና መብት መታሰቢያም የላችሁም አልኋቸው። ነህምያ 2፡20

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በነፃነት ይኖራል ማለት ነው፡፡

በነፃነት ልንኖር ክርስቶስ ነፃነት አወጣን እንግዲህ ፀንታችሁ ቁሙ እንደ ገናም በባርነት ቀንበር አትያዙ! ገላትያ 5:1

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ ከሁኔታዎች በላይ ይኖራል ማለት ነው፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። 2ኛ ቆሮንቶስ 12፡9

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በእርካታ ይኖራል ማለት ነው፡፡

ይህን ስል ስለ ጉድለት አልልም፤ የምኖርበት ኑሮ ይበቃኛል ማለትን ተምሬአለሁና። መዋረድንም አውቃለሁ መብዛትንም አውቃለሁ፤ በእያንዳንዱ ነገር በነገርም ሁሉ መጥገብንና መራብንም መብዛትንና መጉደልን ተምሬአለሁ። ፊልጵስዩስ 4፡11-12

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በድፍረት ይኖራል ማለት ነው፡፡

ጻድቅ ግን በእምነት ይኖራል ወደ ኋላም ቢያፈገፍግ፥ ነፍሴ በእርሱ ደስ አይላትም። እኛ ግን ነፍሳቸውን ሊያድኑ ከሚያምኑቱ ነን እንጂ ወደ ጥፋት ከሚያፈገፍጉ አይደለንም። ዕብራውያን 10፡38-39

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በፍሬያማነት ይኖራል ማለት ነው፡፡ በእምነት የሚኖር ሰው የእግዚአብሄርን ቃል በየዋህነት በማድረግ ፍሬን ያፈራል፡፡

እኔ የወይን ግንድ ነኝ እናንተም ቅርንጫፎች ናችሁ። ያለ እኔ ምንም ልታደርጉ አትችሉምና በእኔ የሚኖር እኔም በእርሱ፥ እርሱ ብዙ ፍሬ ያፈራል። ዮሃንስ 15፡15

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ ከመቋጠር ይወጣል ፣ ረጋ ብሎ በስፋት ካለስጋት ይኖራል ማለት ነው፡፡

ወደ ሰፊ ስፍራም አወጣኝ፤ ወድዶኛልና አዳነኝ። መዝሙር 18፡19

አረማመዴን በበታቼ አሰፋህ፥ እግሮቼም አልተንሸራተቱም። መዝሙር 18፡36

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ አያፍርም አይዋረድም በእረፍት ይኖራል ማለት ነው፡፡

ስለዚህ ጌታ እግዚአብሔር እንዲህ ይላል፦ እነሆ፥ በጽዮን ድንጋይን ለመሠረት አስቀምጣለሁ፤ የተፈተነውን፥ የከበረውን፥ መሠረቱ የጸናውን የማዕዘን ድንጋይ የሚያምን አያፍርም። ኢሳያስ 28፡16

ጻድቅ ግን በእምነቱ በሕይወት ይኖራል ሲል ጻድቅ ግን በእምነቱ በአሸናፊነት ይኖራል ማለት ነው፡፡

ከእግዚአብሔር የተወለደ ሁሉ ዓለምን ያሸንፋልና፤ ዓለምንም የሚያሸንፈው እምነታችን ነው። 1ኛ ዮሐንስ 5፡4

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ስፋት #እርካታ #ፍሬያማነት #ክንውን #አሸናፊነት #በጎነት #ቅን #እምነት #ፅድቅ #ደስታ #ሰላም #ኢየሱስ #ጌታ #ሃይል #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እምነትና በጎ ሕሊና ይኑርህ

conscious.jpgእምነትና በጎ ሕሊና ይኑርህ፥ አንዳንዶች ሕሊናን ጥለው፥ መርከብ አለ መሪ እንደሚጠፋ፥ በእምነት ነገር ጠፍተዋልና፤ 1ኛ ጢሞቴዎስ 1፡19

እምነት ታላቅ የክርስትና ሃይል ነው፡፡ ለሚያምን ሁሉ ይቻለዋል፡፡ እምነት እጅግ ታላቅ ሃየለን ይሰጠናል፡፡ እምነት የማያስችለን ነገር የለም፡፡

ኢየሱስም፦ ቢቻልህ ትላለህ፤ ለሚያምን ሁሉ ይቻላል አለው። ማርቆስ 9፡23

ነገር ግን ሃይል ካልመቆጣጠሪያው መንገድ አደገኛ እንደሆነ ሁሉ እምነት ካለመቆጣጠሪያ መሳሪያው ብቻውን አደገኛ ነው፡፡ እምነትና በጎ ህሊና ይኑርህ የሚለው ለዚህም ነው፡፡

ምክኒያቱም እምነት እንደ መርከብ ግዙፍና ብዙ ስራዎችን ሊሰራ የሚችል ነገር ነው፡፡ በጎ ህሊና ደግሞ ያንን ታላቅ መርከብ ሊቆጣጠር የሚችልና ወደሚፈለግበት ቦታ ሊያደርስ የሚችል መሪው ነው፡፡

ታላቅ መርከብ መሪ ባይኖረው እጅግ አደገኛ እንደሆነ ሁሉ እምነት ያለበጎ ህሊና አደገኛ ነው፡፡

በታላቅ እምነቱ የታወቀው ሃዋሪያው ጳውሎስ በእምነቱ ብቻ ሳይሆን በህሊናውም ንፅህና ይታወቅ ነበር፡፡ ሃዋሪያው እምነቱን በእምነቱ መልካም ገድልን መጋደል ብቻ ሳይሆን ህሊናውን ንጹህ ለማድረግ ይተጋ ነበር፡፡

ሌትና ቀን በልመናዬ ሳላቋርጥ ስለማስብህ እንደ አባቶቼ አድርጌ በንጹሕ ሕሊና የማመልከውን እግዚአብሔርን አመሰግናለሁ፤ 2ኛ ጢሞቴዎስ 1፡3

የትእዛዝ ፍጻሜ ግን ከንጹሕ ልብና ከበጎ ሕሊና ግብዝነትም ከሌለበት እምነት የሚወጣ ፍቅር ነው፤1ኛ ጢሞቴዎስ 1፡5

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ልብ #ማመን #ቃል #መናገር #ህሊና #ተጋድሎ #ንፅህና #አማርኛ #ስብከት #መዳን #መፅሃፍቅዱስ #ማሰላሰል #ማድረግ #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እምነቱም እግዚአብሔር የሆነ

trust.jpgበእግዚአብሔር የታመነ እምነቱም እግዚአብሔር የሆነ ሰው ቡሩክ ነው። በውኃ አጠገብ እንደ ተተከለ፥ በወንዝም ዳር ሥሩን እንደሚዘረጋ ሙቀትም ሲመጣ እንደማይፈራ ቅጠሉም እንደሚለመልም፥ በድርቅ ዓመትም እንደማይሠጋ ፍሬውንም እንደማያቋርጥ ዛፍ ይሆናል። ኤርምያስ 17፡7-8

በእግዚአብሄር የታመኑ ሰዎች አይታወኩም፡፡

በእግዚአብሔር የታመኑ እንደማይታወክ ለዘላለም እንደሚኖር እንደ ጽዮን ተራራ ናቸው። መዝሙር 125፡1

በእግዚአብሄር የሚታመን ሰው አያፍርም፡፡

ስለዚህ ጌታ እግዚአብሔር እንዲህ ይላል፦ እነሆ፥ በጽዮን ድንጋይን ለመሠረት አስቀምጣለሁ፤ የተፈተነውን፥ የከበረውን፥ መሠረቱ የጸናውን የማዕዘን ድንጋይ የሚያምን አያፍርም። ኢሳያስ 28፡16

እግዚአብሄርን የሚያውቁት በእርሱ ይታመናሉ፡፡

ስምህን የሚያውቁ ሁሉ በአንተ ይታመናሉ፥ አቤቱ፥ የሚሹህን አትተዋቸውምና። መዝሙር 9፡10

ስለዚህ በእግዚአብሄር ታመኑ እርሱ ረዳት ነው፡፡

የሕዝብ ማኅበር ሁላችሁ፥ በእርሱ ታመኑ፥ ልባችሁንም በፊቱ አፍስሱ፤ እግዚአብሔር ረዳታችን ነው። መዝሙር 62፡8

በእግዚአብሄር የሚታመን ምስጉን ነው፡፡

የሠራዊት አምላክ ሆይ፥ በአንተ የታመነ ሰው ምስጉን ነው። መዝሙር 84፡12

በእግዚአብሄር የታመነ ሰው ከእግዚአብሄር ውጭ የሚያስፈነድቀውም የሚያስፈራውም ነገር የለም፡፡ እግዚአብሄር በሁሉ ፍሬያማ እንደሆነ በእግዚአብሄር የታመነ በምንም ሁኔታ ውስጥ ፍሬያማ ነው፡፡ በእግዚአብሄር እንደሚታመን ሰው ፍሬያማ የተሳካለትና የተከናወነለት ሰው የለም፡፡

በእግዚአብሔር የታመነ እምነቱም እግዚአብሔር የሆነ ሰው ቡሩክ ነው። በውኃ አጠገብ እንደ ተተከለ፥ በወንዝም ዳር ሥሩን እንደሚዘረጋ ሙቀትም ሲመጣ እንደማይፈራ ቅጠሉም እንደሚለመልም፥ በድርቅ ዓመትም እንደማይሠጋ ፍሬውንም እንደማያቋርጥ ዛፍ ይሆናል። ኤርምያስ 17፡7-8

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ማየት #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መደገፍ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

%d bloggers like this: