Category Archives: evangelism

በእናንተ ሰበብ የእግዚአብሔር ስም ይሰደባል

your will.jpg

በእናንተ ሰበብ የእግዚአብሔር ስም በአሕዛብ መካከል ይሰደባልና ተብሎ እንደ ተጻፈ። ወደ ሮሜ ሰዎች 2፡24

የምንኖረው ለራሳችን አይደለም፡፡ የምንኖረው ለጌታ ነው፡፡

ከእኛ አንድ ስንኳ ለራሱ የሚኖር የለምና፥ ለራሱም የሚሞት የለም፤ ወደ ሮሜ ሰዎች 14፡7

እኛ በሃጢያታችን ምክንያት ሟች ነበርን፡፡ አሁን የምንኖረው ስለእኛ ለሞተልን ለጌታ የምንኖረው ኑሮ ነው፡፡

በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ። 2ኛ ወደ ቆሮንቶስ ሰዎች 5፡15

በክርስቶስ ስም ተጠርተናል፡፡ የክርስቶስንም ስም ተሸክመን እንኖራለን፡፡

ጌታም፦ ይህ በአሕዛብም በነገሥታትም በእስራኤልም ልጆች ፊት ስሜን ይሸከም ዘንድ ለእኔ የተመረጠ ዕቃ ነውና ሂድ፤ የሐዋርያት ሥራ 9፡15

የምናደርገው ነገር ሁሉ ክርስቶስን ያከብራል ወይ ክርስቶስን ያሰድበዋል፡፡ የእግዚአብሄርን ቃል ስንኖርና መልካም ነገር ስናደርግ ሰዎች የተሸከምነውን የክርስቶስን ስም ነው እንጂ እኛን አያዩም፡፡ ክፉም ነገር ስናደርግ የተሸከምነውን የኢየሱስን ስም እንጂ እኛን አያዩም፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። የማቴዎስ ወንጌል 5፡16

የእግዚአብሄርን መንግስት ስም እንደተሸከመ ሰው በሃላፊነት እንኑር፡፡ የእግዚአብሄርን ልጅ የክርስቶስን ስም እንደተሸከመ ሰው በጥንቃቄ አንመላለስ፡፡ የእግዚአብሄርን ስም እንደተሸከመ ለመንግስቱ ሃላፊነት እንደሚሰማው ሰው እናስብ እንናገር እናድርግ፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ስም #ይመሰገናል #ይሰደባል #ይከብራል #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

Advertisements

የብርሃን ሸክም

church leader.jpgእናንተ የዓለም ብርሃን ናችሁ። በተራራ ላይ ያለች ከተማ ልትሰወር አይቻላትም። መብራትንም አብርተው ከዕንቅብ በታች አይደለም እንጂ በመቅረዙ ላይ ያኖሩታል በቤት ላሉት ሁሉም ያበራል። መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። ማቴዎስ 5፡14-16

ለእይታ ብርሃን በጣም እስፈላጊ ነገር ነው፡፡  ሰው አይን ስላለው ብቻ አያይም፡፡ አይን ያለው ሰው ለማየት ብርሃን ያስፈልገዋል፡፡ ሰው ካለብርሃን ምንም ነገር ማየት አይችልም፡፡ ሰው ቀለምን እንዲለይ ብርሃን ያስፈልገዋል፡፡ ሰው እንዲያይ ብርሃን ያስፈልገዋል፡፡

ካለብርሃን ሰው ማየት ስለማይችል የብርሃንነት ሃላፊነት በጣም ወሳኝ ሃላፊነት ነው፡፡

ኢየሱስ እናንተ የአለም ብርሃን ናችሁ ሲል በቃላችንና በኑሮዋችን ሰው እንዲያይ ማድረግ እንደምንችል እየነገረን ነው፡፡ ኢየሱስ እናንተ የአለም ብርሃን ናችሁ ሲል ብርሃን ያለበትን ወሳኝ ሃላፊነት እያስታወሰን ነው፡፡

እኛ ካላሳየነው በጨለማ የሚሄደው ሰው ነገሮችን ማየት አይችልም፡፡ እኛ ብርሃን ሆነን ካላሳየነው በጨለማ ያለ ሰው የእግዚአብሄርን መንግስት ሊያይ አይችልም፡፡ እኛ ብርሃን ሆነን እግዚአብሄርን ካላሳየነው በጨለማ ያለው ህዝብ እግዚአብሄርን ማየት አይችልም፡፡ እኛ ብርሃን ሆነን ካላሳየነው በጨለማ ያለ ህዝብ የዘላለምን ህይወት ማየት አይችልም፡፡ እኛ ብርሃን ሆነን ካላሳየነው በመታለል የሚኖረው ህዝብ እውነትን ማየት አይችልም፡፡ እኛ ብርሃን ሆነን ካላሳየነው በሰይጣን ግዛት ውስጥ በጭቆና የሚኖረው ህዝብ የእግዚአብሄርን ፍቅርና ይቅርታ ማየት አይችልም፡፡

ደግሞም ኢየሱስ፦ እኔ የዓለም ብርሃን ነኝ፤ የሚከተለኝ የሕይወት ብርሃን ይሆንለታል እንጂ በጨለማ አይመላለስም ብሎ ተናገራቸው። የዮሐንስ ወንጌል 8፡12

ኢየሱስ የአለም ብርሃን ሆኖ በምድር ላይ ተመላልሷል፡፡ ኢየሱስ ብርሃን ሆኖ እግዚአብሄርን አሳይቶናል፡፡ ኢየሱስ ብርሃን ሆኖ የዘላለም ህይወትን አሳይቶናል፡፡ ኢየሱስ ብርሃን ሆኖ የነበርንበትን የውድቀት ህይወት አሳይቶናል፡፡ ኢየሱስ ብርሃን ሆኖ የእግዚአብሄርን የመዳኛ መንገድ አሳይቶናል፡፡ ኢየሱስ ብርሃን ሆኖ ዋጋ የሚሰጠውንና የማይሰጠውን ነገር ለይቶ አሳይቶናል፡፡ ኢየሱስ ብርሃን ሆኖ የእግዚአብሄርን መንግስት አሳይቶናል፡፡ ኢየሱስ ብርሃን ሆኖ ፍጸፃሜያችንን አሳይቶናል፡፡

በነቢዩም በኢሳይያስ፦ የዛብሎን ምድርና የንፍታሌም ምድር፥ የባሕር መንገድ፥ በዮርዳኖስ ማዶ፥ የአሕዛብ ገሊላ፤ በጨለማ የተቀመጠው ሕዝብ ታላቅ ብርሃን አየ፥ በሞት አገርና ጥላ ለተቀመጡትም ብርሃን ወጣላቸው የተባለው ይፈጸም ዘንድ ይህ ሆነ። የማቴዎስ ወንጌል 4፡14-16

አሁንም እኛ ብርሃን ሆነን እግዚአብሄርን መፍራትን ለሌሎች እናሳያለን፡፡ እግዚአብሄርን በመፍራት ሌሎች እግዚአብሄርን እንዲፈሩ በኑሮዋችን እናስፈራራለን፡፡ እኛ ብርሃን በመሆን ሰዎች የሚኖሩትን የሃጢያት ህይወት እንገልጣለን፡፡ እኛ ብርሃን በመሆን ክርስትና እንደሚቻል ለሰዎች መገለጥን እንሰጣለን፡፡

ብርሃንም ወደ ዓለም ስለ መጣ ሰዎችም ሥራቸው ክፉ ነበርና ከብርሃን ይልቅ ጨለማን ስለ ወደዱ ፍርዱ ይህ ነው። ክፉ የሚያደርግ ሁሉ ብርሃንን ይጠላልና፥ ሥራውም እንዳይገለጥ ወደ ብርሃን አይመጣም፤ ዮሃንስ 3፡19-20

እኛ ብርሃን በመሆን ሰዎች እግዚአብሄርን የሚያገኙበትን መንገድ እናሳያለን፡፡ እኛ ብርሃን በመሆን በሃጢያት ምክኒያት ሰዎች ያሉበትን ውድቀት እናሳያለን፡፡ እኛ ብርሃን በመሆን ሰዎች የተዋረደውን ከከበረው እንዲለዩ እናሳያለን፡፡ እኛ ብርሃን በመሆን ሰዎች የዘላለም ህይወትን እንዲያዩ እናደርጋሃል፡፡ እኛ ብርሃን በመሆን ሰዎች የእግዚአብሄርን መንግስት አሰራር እንዲለዩ እናደርጋለን፡፡ እኛ ብርሃን በመሆን ሰዎች የእግዚአብሄርን ፍቅር እንዲያዩት እናደርጋለን፡፡ እኛ ብርሃን በመሆን የእግዚአብሄርን ሃይል ብርታት እናሳያለን፡፡ እኛ ብርሃን በመሆን የሚያድነውን የእግዚአብሄርን ፀጋ እናሳያለን፡፡

ሰዎችን ሁሉ የሚያድን የእግዚአብሔር ጸጋ ተገልጦአልና፤ ወደ ቲቶ 2፡11

እናንተ የዓለም ብርሃን ናችሁ። በተራራ ላይ ያለች ከተማ ልትሰወር አይቻላትም። መብራትንም አብርተው ከዕንቅብ በታች አይደለም እንጂ በመቅረዙ ላይ ያኖሩታል በቤት ላሉት ሁሉም ያበራል። መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። ማቴዎስ 5፡14-16

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ልጅነት #ወንጌል #ስብከት #ቃል #ዝራ #የምድርጨው #የአለምብርሃን #ጨለማ #የእግዚአብሄርሃይል #መንፈስቅዱስ #ምስክርነት #አማርኛ #መዳን #መፅሃፍቅዱስ #ቃል #ጥሪ #ክህንነት #ስራ #መልክተኛ #አምባሳደር #ብርሃን #ጨው #ልጅነት #ፌስቡክ #አቢይ #አቢይዋቁማ #አቢይዋቁማዲንሳ

የሚሰክረው ልጅ እናት ታሪክ

church leader.jpgኬኔት ሃገን የተባሉ የእግዚአብሄር ሰው በአንዱ ስብከታቸው ላይ ስለ አንድ ሴት ታሪክ ያናገራሉ፡፡

በየቤተክትርስትያን እየተጋበዝኩ በማገለግልበት ጊዜ ከስብከት በኋላ አንድ ሴት መጥታ ለልጄ ፀልይለት ብላ ጠየቀችኝ፡፡ ልጅዋ ስላለበት ሁኔታም ስረታስረዳኝ ህይወቱ በጣም የተበላሸ ነው ፣ በጣም ይሰክራል ፣ ከምሽቱ 8 ሰአት ነው ወደቤት የሚመጣው ብላ ነገረችኝ፡፡

እኔም ታሪክዋን ከሰማሁ በኋላ ለልጅዋ እንደማልፀልይለት ነገርኳት፡፡ ያንን ያልኩት ስላላዘንኩ ሳይሆን የእርስዋን ትኩረት ለማግኘት ስለፈለኩ ነበር ይላሉ የእግዚአብሄር ሰው ኬኔት ሃገን፡፡

እንዴት ስትለኝ አልፀልይለትም ነገር ግን አንቺ ሂጂና ለልጅሽ ፍቅርን አሳዪው ብዬ መክርኳት፡፡

ከቆየ በኋላ አንድ ቀን ያቺ ሴት ወደእኔ መጥታ ታሳውሰኛለህ ወይ ብላ ጠየቀቺኝ፡፡ አይ አላስታውስሽም እልኳት፡፡ በጣም ለሚሰክረው ልጄ እንዲለወጥ እንድትፀልይልኝን የጠየቅኩህ ሴት ነኝ ብላ አስታወሰቺኝ፡፡

ፍቅርን አሳዩው ባልከኝ መሰረት አትስከር ብዬ መጨቃጨቄን ትቼ የእናትነት ሃላፊነቴን ብቻ መወጣት ጀመርኩ፡፡ እናት ለልጅ የምታደርግለትን ነገር ሁሉ አደርግለት ጀመር፡፡ እንደ ቤተሰቡ ካህን እንዲህ አድርግ እንዲህ አታድርግ የሚለውን ጭቅጭቅ ትቼ በራሴ ሃላፊነት ላይ ማተኮር ጀምረኩ፡፡

አንድ ሌሊት እንዲሁ ሰክሮ መጥቶ በነጋታው እሁድ ነበርና ቤተክትርስትያን ውሰጂኝ አለ፡፡ እኔም አይ ትላንትና አምሽተህ ነው የገባኸው ደክሞሃል እረፍ ብለው ሊቀበልኝ አልቻለም፡፡ እኔ ጌታን መቀበል እፈልጋለሁ ብሎ ጌታን ተቀበለ በማለት የፍቅር ህይወት የተበላሸ ህይወት የነበረውን ልጅዋን እንዴት እንደለወጠ መሰከረችልኝ በማለት ይመሰክራሉ፡፡

የሰው የፍቅር ህይወት ከምንም ንግግር በላይ ሃይል አለው፡፡ ፍቅርን ስናሳየው ሰው ይማረካል፡፡ ፍቅር የማይገባው ፍቅር የማይማርከው ሰው የለም፡፡

ምንም አያውቅም የምንለው ምንም አይረዳም የምንለው ሰው ፍቅርን ያውቀዋል፡፡ በክፉ የተያዘው አለም ፍቅርን ይለያል፡፡

እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሃንስ 13፡35

ይህ ቃል ከዚህ የእግዚአብሄር ቃል ጋር ይስማማል፡፡

እንዲሁም፥ እናንተ ሚስቶች ሆይ፥ ከባሎቻችሁ አንዳንዱ ለትምህርት የማይታዘዙ ቢኖሩ፥ በፍርሃት ያለውን ንጹሑን ኑሮአችሁን እየተመለከቱ ያለ ትምህርት በሚስቶቻቸው ኑሮ እንዲገኙ ተገዙላቸው። 1ኛ ጴጥሮስ 3፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ህይወት #ምስክርነት #ኑሮ #ወንጌል #መውደድ #ፍቅር #የህይወትምስክርነት #መታዘዝ #ማገልገል #መውደድ #እውነት #ትህትና #ትንሳኤ #ህይወት #ወንጌል #አማርኛ #ስብከት #መዳን #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ

የተከደነባቸው ለሚጠፉ ነው

veiled.jpgወንጌላችን የተከደነ ቢሆን እንኳ የተከደነባቸው ለሚጠፉ ነው። ለእነርሱም የእግዚአብሔር ምሳሌ የሆነ የክርስቶስ የክብሩ ወንጌል ብርሃን እንዳያበራላቸው፥ የዚህ ዓለም አምላክ የማያምኑትን አሳብ አሳወረ። 2ኛ ቆሮንቶስ 4፡3-4

ወንጌል ግልፅ ነው፡፡ ወንጌል ኢየሱስ ስለሰው ልጆች ሃጢያት እንደሞተ እንደተቀረ በሶስተኛው ቀን ሞትን ደል አድርጎ ስለመነሳቱ ነው፡፡

ይህንን ለመረዳት የማያስቸግር ቀላል እውነት የማይረዱ ሰዎች አሉ፡፡ ይህንን ቀላል እውነት ተረድተው ከመዳን ይልቅ በመቃወም ሳያውቁት ለጥፋት የተዘጋጁ ሰዎች አሉ፡፡

ሰይጣን የሰው ልጆች ጠላት ነው፡፡ ሰይጣን የሚመጣው ሊሰርቅ ሊያርድ ሊያጠፋ ነው፡፡ ሰይጣን ሊሰርቅ ሊያርድ እንጂ ሌላ አላማ የለውም፡፡

ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ። ዮሃንስ 10፡10

ሰዎች ህይወት እንዲሆንልንና እንዲበዛልን የመጣውን ኢየሱስን እንዳይረዱና እንዳይድኑ ሰይጣን የልባቸውን አይኖች በተለያየ የስህተት ሃሳብ ያጨልማል፡፡ ሰዎች ኢየሱስን ተቀብለው እንዳይድኑ ከወንጌል ሌላ የተሳሳተ አማራጭ ሃሳብ ይሰጣቸዋል፡፡ ሰዎች ኢየሱስን አምነት ከዘላለም ፍርድ እንዳያመልጡ የኢየሱስን ሞትና ትንሳኤ ያቃልልባቸዋል፡፡ ሰዎች ኢየሱስን ተረድተው እንዳይከተሉ ክርስትና ሞኝነት በማስመሰል አእምሮዋቸውን ያጨልማል፡፡ ሰዎች ኢየሱስን ተረድተው እንዳይድኑ በተለያየ ነገር ባተሌ ያደርጋቸዋል፡፡

ብዙ ነገሮችን የሚረዱ ሰዎች ይህንን ቀላል እውነት መረዳት ሳይችሉ ሲቀሩ በጣም እንገረማለን፡፡ ብዙ ነገሮችን የተመራመሩና ያገኙ ሰዎች ይህንን ውስብስብ ያልሆነ ለመረዳት የማያዳግት እውነት ማየት ሲሳናቸው ያስገርማል፡፡

ሰይጣን የሰው ልጆች ጠላት ነው፡፡ ሰዎች ተነግሮዋቸው ተመስክሮላቸው ይህንን እውነት የማያዩበት ምክኒያቱ የማያምኑትን ሃሳብ ያጨለመው ሰይጣን ስለአለ ብቻ ነው፡፡

ሰይጣን የማያምኑትን ሃሳብ ባሳወረ ቁጥር የሚያዩበትን የተገለጠልንን ብርሃን እናካፍላቸዋለን፡፡ ባገኘነው አጋጣሚ ሁሉ ለሰዎች ብርሃንን ከማካፈል ቸል አንልም፡፡ አንድ ቀን ጨለማውን የሚገፍ ብርሃን ይታያቸዋል፡፡

ከእግዚአብሔርም ዘንድ ረድኤት ተቀብዬ ለታናሹም ለታላቁም ስመሰክር እስከዚች ቀን ድረስ ቆሜአለሁ፤ ሐዋርያት ሥራ 26፡22-23

በክርስቶስ ፊት የእግዚአብሔርን የክብሩን እውቀት ብርሃን እንዲሰጥ በልባችን ውስጥ የበራ፦ በጨለማ ብርሃን ይብራ ያለ እግዚአብሔር ነውና። 2ኛ ቆሮንቶስ 4፡6

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #ጨለማ #አሳወረ #ብርሃን #ወንጌል #መመስከር #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

በምድር ላይ ያለንበት ዋነኛው አላማ

evangelism8.jpgኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። ማቴዎስ 28፡18-20

ብዙ ጊዜ የሚባል አባባል አለ፡፡ በምድር ላይ የምንፈፅመው የወንጌል አላማ ባይኖረው ልክ በክርስቶስ እንደዳንን እግዚአብሄር ወደ ራሱ ይሰበስበን ነበር፡፡ እውነት ነው ከምንም ነገር በላይ በምድር ላይ የወንጌል አደራ አለብን፡፡ በምድር ያለነው እግዚአብሄርን በሚመስል ኑሯችን ለአለም የመዳንን መንገድ ለማሳየት ነው፡፡

እርስዋ ጳውሎስንና እኛን እየተከተለች፦ የመዳንን መንገድ የሚነግሩአችሁ እነዚህ ሰዎች የልዑል አምላክ ባሪያዎች ናቸው ብላ ትጮኽ ነበር። ሐዋርያት ሥራ 16፡17

በምድር ያለንው ብርሃን ልንሆን ነው፡፡ በምድር ያለነው የምድር ጨው ለመሆን ነው፡፡

እናንተ የምድር ጨው ናችሁ፤ ጨው አልጫ ቢሆን ግን በምን ይጣፍጣል? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም። እናንተ የዓለም ብርሃን ናችሁ። በተራራ ላይ ያለች ከተማ ልትሰወር አይቻላትም። ማቴዎስ 5፡13-14

በምድር ያለነው በስራችን የእግዚአብሄርን መልካምነት ለማንፀባረቅ ነው፡፡ በምድር ያለነው የእግዚአብሄርን መንግስት ለመግለጥ ነው፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። ማቴዎስ 5፡16

በየእለት ነፍሳችንን የምንክደው በኑሮና በቃል ወንጌልን ለመሰበክ ነው፡፡

ነገር ግን ሩጫዬንና ከጌታ ከኢየሱስ የተቀበልኩትን፥ እርሱም የእግዚአብሔር ጸጋ ወንጌልን መመስከር በሃሴት እፈጽም ዘንድ፥ ነፍሴን በእኔ ዘንድ እንደማትከብር እንደከንቱ ነገር እቆጥራለሁ፡፡ ሐዋሪያት ሥራ 20:24

በምድር ያለነው ሰዎችን ከእግዚአብሄር ጋር ለማስታረቅ ነው፡፡

ነገር ግን የሆነው ሁሉ፥ በክርስቶስ ከራሱ ጋር ካስታረቀን የማስታረቅም አገልግሎት ከሰጠን፥ ከእግዚአብሔር ነው፤ እግዚአብሔር በክርስቶስ ሆኖ ዓለሙን ከራሱ ጋር ያስታርቅ ነበርና፥ በደላቸውን አይቆጥርባቸውም ነበር፤ በእኛም የማስታረቅ ቃል አኖረ። 2ኛ ቆሮንቶስ 5፡18-19

በምድር ያለነው የክርስቶስ አምባሳደሮች በመሆን ነው፡፡

እንግዲህ እግዚአብሔር በእኛ እንደሚማልድ ስለ ክርስቶስ መልክተኞች ነን፤ ከእግዚአብሔር ጋር ታረቁ ብለን ስለ ክርስቶስ እንለምናለን። 2ኛ ቆሮንቶስ 5፡20

በምድር ላይ ሌሎች ሌሎች የምናደርጋቸው አላማዎች ቢኖሩንም ወንጌልን ስንኖርና ስንሰብክ እግረ መንገዳችን የምናደርጋቸው ነገሮች እንጂ ዋና ነገሮች አይደሉም፡፡ በምድር ላይ ያለንበት ዋናው ምክኒያት ወንጌልን መስበክ ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ወንጌልን ስበኩ አስፈላጊ ከሆነ ቃልን ተጠቀሙ

evangelism7.jpgይህ የአሲሲ ቅዱስ ፍራንሲስ ንግግር ነው፡፡ ወንጌልን ለመስበክ መሰረት የሆነንን የወንጌልን ህይወት ለማሳየት የተነገረ ንግግር ነው፡፡ የወንጌል ቃል ካለወንጌል ህይወት ሙሉ አይሆንም ለማለት ነው፡፡ ይህ ማለት የወንጌል ስብከት መሰረቱ የወንጌል ህይወት ነው ማለት ነው፡፡ የወንጌል ስብከት የንግግር ቃል ብቻ ሳይሆን ሙሉ የህይወት መሰጠት እንደሚጠይቅ ለማሳየት ነው፡፡

ወንጌልን ለሰዎች ስንናገር ሰዎች የምንነግራቸውን ነገር ከማመናቸው በፊት ስለንንግራችን ትክክለኛነት ማረጋገጥ ይፈልጋሉ፡፡ ሰዎች ስለምንሰብካቸው ቃል ትክክለኝነት የሚያረጋገጡት ደግሞ ህይወታችንን አይተው ነው፡፡

የምንኖረው ኑሮ ከምንሰብከው ስብከት ጋር አብሮ ካልሄደ ሰዎች ይህንን ወንጌል አይቀበሉም፡፡ የምንነግራቸው ቃል ከሚያውቋቸው ክርስትያኖች ህይወት ጋር አብሮ ከሄደ ብቻ ሰዎች ጌታን ለመቀበል ይወስናሉ፡፡

እናንተ የምድር ጨው ናችሁ፤ ጨው አልጫ ቢሆን ግን በምን ይጣፍጣል? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም። እናንተ የዓለም ብርሃን ናችሁ። በተራራ ላይ ያለች ከተማ ልትሰወር አይቻላትም። ማቴዎስ 5፡13-14

ሁላችንም ወደጌታ የመጣነው ተሰብኮልን ብቻ ሳይሆን የክርስትያኖችን የህይወት ንፅህና አይተንና የሚሰበከው ቃል ከህይወታቸው ጋር አንድ መሆኑን ነው፡፡ እኛም የምንሰብካቸው ሰዎች ጌታን ለመከተል የሚወስኑት ጌታን የሚከተሉትን ሰዎች ህይወት አይተው ነው፡፡

ጌታን የሚከተል ሰው ህይወት ካላጓጓቸው የምንነግራችው ቃል አያጓጓቸውም፡፡ የህይወት ጥራታችን ካጓጓቸው ግን የምንነግራችው ነገር ሁሉ ያጓጓቸዋል እንደእኛ መሆን ይፈልጋሉ፡፡ ሰው ካለንግግር በህይወት ብቻ ለወንጌል ሊማረክ ይችላል ካለወንጌል ህይወት ግን በንግግር ብቻ ለወንጌል ሊማረክ አይችልም፡፡

እንዲሁም፥ እናንተ ሚስቶች ሆይ፥ ከባሎቻችሁ አንዳንዱ ለትምህርት የማይታዘዙ ቢኖሩ፥ በፍርሃት ያለውን ንጹሑን ኑሮአችሁን እየተመለከቱ ያለ ትምህርት በሚስቶቻቸው ኑሮ እንዲገኙ ተገዙላቸው። 1ኛ የጴጥሮስ 3፡1-2

የክርስትናን ህይወት ስንኖር የኢየሱስ ስም ተሸክመን እንኖራለን፡፡ የተጠራነው ኢየሱስን በምድር ላይ ለመወከል ነው፡፡ የተመረጥነው የኢየሱስን ስም እንድንሸከም ነው፡፡ የተጠራነው የኢየሱስን ስም በመልካም እንድናስጠራ ነው፡፡

ጌታም፦ ይህ በአሕዛብም በነገሥታትም በእስራኤልም ልጆች ፊት ስሜን ይሸከም ዘንድ ለእኔ የተመረጠ ዕቃ ነውና ሂድ፤  ሐዋርያት ሥራ 9፡15

የምናደርገው መልካም ነገር በሙሉ ሰዎች እግዚአብሄርን እንዲያመሰግኑ ወይም እንዳያመሰግኑ ያደርጋል፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። ማቴዎስ 5፡16

ራሳችንን እየካድን በፍቅር የምንኖር ከሆነ ለሰዎች ስለ ኢየሱስ የማያከራክር ፍፁም ምስክሮች እንሆናለን፡፡

እርስ በርሳችሁ ትዋደዱ ዘንድ፥ እንደ ወደድኋችሁ እናንተ ደግሞ እርስ በርሳችሁ ትዋደዱ ዘንድ አዲስ ትእዛዝ እሰጣችኋለሁ። እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሃንስ 13፡34-35

የምንኖረው ኑሮ ለክርስትና ምስከርነት ድጋፍ ሊሆን ይችላል፡፡ ህይወታችንን በጥንቃቄ የምንኖር ከሆነ ሰዎች ጌታን እንዲከተሉ ጉልበትን እንሰጣቸዋለን፡፡ የምንኖረው ኑሮ እግዚአብሄርን በመፍራት ከሆነ ሌሎች ሰዎች እግዚአብሄርን እንዲፈሩ እናደርጋቸዋለን፡፡ እግዚአብሄርን የመፍራት ህይወታችን ሌሎች እኔስ ለምንድነው እግዚአብሄርን የማልፈራው እንዲሉ ያስገድዳቸዋል፡፡

ያለ ነቀፋ መሆናችን ፣ የዋሆች መሆናችን ፣ ነውርም የሌለብን መሆናችን ፣ ሳናንጐራጉርና ክፉም ሳናስብ ሁሉን ማድረጋችን ብቻ በጨለማው አለም እንደብርሃን እንድንታይ ያደርገናል፡፡

በመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ፤ በእነርሱም መካከል የሕይወትን ቃል እያቀረባችሁ በዓለም እንደ ብርሃን ትታያላችሁ፥ ፊልጵስዩስ 2፡14-16

እያንዳንዱ ህይወታችን በሰዎች ይታያል፡፡ አንድ ነገር ሲደርስብን የምንሰጠው መልስ በሰዎች ትኩረት ውስጥ አለ፡፡ የምንኖረው ኑሮ ለክርስትና እንቅፋት ሊሆን ይችላል፡፡ ለወንጌል ምስክርነታችን ዋናው መሰረት ጌታን የሚከተል ሰው በየእለት ኑሮው የሚኖረው ኑሮ ምስክርነት እንጂ የሚናገረው ሃይማኖታዊ ቃልና የሚያደርገው ሃይማኖታዊ ስርአት አይደለም፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ወንጌልንም ለፍጥረት ሁሉ ስበኩ

evangelism 11.jpg

እንዲህም አላቸው፦ ወደ ዓለም ሁሉ ሂዱ ወንጌልንም ለፍጥረት ሁሉ ስበኩ። ያመነ የተጠመቀም ይድናል፥ ያላመነ ግን ይፈረድበታል። ማርቆስ 16፡15-16

እኛ ሁላችን በጨለማ በነበርነበት ጊዜ ኢየሱስ ወደምድር የመጣው ወንጌልን ሊሰብክና በጨለማ ያሉትን ከእስራት ሊያወጣ ነው፡፡

ከዚያ ዘመን ጀምሮ ኢየሱስ፦ መንግሥተ ሰማያት ቀርባለችና ንስሐ ግቡ እያለ ይሰብክ ጀመር። ማቴዎስ 4፡17

አሰብ እኔን እንደላከኝ እንደሂ እልካችሃለሁ ይላ ኢየሰስ ፡፡

ወደ ዓለም እንደ ላክኸኝ እንዲሁ እኔ ወደ ዓለም ላክኋቸው፤ ዮሃንስ 17፡18

እግዚአብሄ መንፈሱን የሰጠን በህይወትና ምሳሌነትና በቃል ወንጌልን እንድንሰብክ ነው፡፡

ኢየሱስም ዳግመኛ፦ ሰላም ለእናንተ ይሁን፤ አብ እንደ ላከኝ እኔ ደግሞ እልካችኋለሁ አላቸው። ይህንም ብሎ እፍ አለባቸውና፦ መንፈስ ቅዱስን ተቀበሉ። ዮሃንስ 20፡21-22

ኢየሱስ ያለውን ስልጣን ሁሉ ትቶልን የሄደው ወንጌልን እንድንሰብክና ሰዎችን ከጨለማ እንድንታደግ ነው፡፡

ኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። ማቴዎስ 28፡18-20

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

 

በወንጌልም ማኅበረተኛ እሆን ዘንድ

slide-connected.jpgበወንጌልም ማኅበረተኛ እሆን ዘንድ ስለ ወንጌል ሁሉን አደርጋለሁ። 1ኛ ቆሮንቶስ 9፡23

ይህን ሁሉ የማደርገው፣ ከወንጌል በረከት እካፈል ዘንድ፣ ስለ ወንጌል ብዬ ነው።(አዲሱ መደበኛ ትርጉም) 1ኛ ቆሮንቶስ 9፡23

በአለም ላይ ሰዎች ከትልቅ ድርጅት ስለገዙት አክሲዮን ይናገራሉ፡፡ ሰዎች በአለም ላይ ስለገዙትና ስላላቸው ቦንድ በኩራት ይናገራሉ፡፡ ይህ ሁሉ ለምድር ይጠቅማል፡፡

ሰው ግን የታወቁ የምድር ማህበሮች ማህበርተኛ ሆኖ ነገር ግን በወንጌል ማህበርተኛ ካልሆነ ምስኪን ሰው ነው፡፡

የምድር ጉዟቸውን መልስ ብለው ሲያዩ ፎቅ አልሰራሁም ታዋቂ አልሆንኩም ውድ መኪና አልነዳሁም ነገር ግን በህይወቴ ዘመን ሁሉ ቤተክርስትያንን ደግፌያለሁ የሚሉ የተባረኩ ሰዎች አሉ፡፡

የምድር ጉዟቸውን መለስ ብለው ሲያዩ ተምሬ ዶክተር አልሆንኩም ነገር ግን ወንጌልን ለመስበክ ህይወቴን ሙሉ ሰጥቼያለሁ በማለት በህይወታቸው የሚረኩ ሰዎች አሉ፡፡

እኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16:9

አላገባሁም አልወለድኩም ነገር ግን በህይወቴ ሁሉ የእግዚአብሄርን ቤተክርስትያን የወንጌል ስራ ስደግፍ ኖሬያለሁ የሚሉ በሚገባ የተኖረ ህይወት የሚኖራቸው ሰዎች አሉ፡፡

በምድር ላይ የምንም ማህበር አባል ያልሆኑ የወንጌል ግን ማህበርተኛ ለመሆን ህይወታቸውን የሚያፈሱ ጉልበታቸውን ገንዘባቸውን እውቀታቸውን ጊዜያቸውን ለወንጌል ስራ የሚሰጡ የተባረኩ ሰዎች አሉ፡፡

አሁንም በ2018 ዓም ያዳነንን ወንጌል ማህበርተኛ ለመሆን የማይጠፋ የዘላለም ሽልማት ስለሚያስገኘው ስለወንጌል ሁሉንም ለማድረግ እንወስን ፡፡

በወንጌልም ማኅበረተኛ እሆን ዘንድ ስለ ወንጌል ሁሉን አደርጋለሁ። 1ኛ ቆሮንቶስ 9፡23

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ማኅበረተኛ #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

በበረት የተወለደው ኢየሱስ በልባችን ካልተወለደ አይጠቅመንም

jesus born.jpgእግዚአብሄር ሰውን ሁሉ ፈጥሮታል፡፡ ሰው ሁሉ በሃጢያት ወድቋል፡፡ ሁሉም ሰው የእግዚአብሄር ፍጥረት ነው፡፡ ሁሉም ሰው ግን የእግዚአብሄር ልጅ አይደለም፡፡ ወይም ኢየሱስ ስለሰዎች ሁሉ በመስቀል ላይ ሊሞት በምድር ላይ ስለተወለደ ብቻ ሰው ሁሉ ከመቀፅበት የእግዚአብሄር ልጅ አይሆንም፡፡ የብቻ ሰውር ልጅ ለመሆን መመዘኛ አለው፡፡ ለእግዚአብሄር ፍጥረት ሁሉ የእግዚአብሄር ልጅ ለመሆን ብቸኛው መመዘኛ ኢየሱስን መቀበል ነው፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

በበረት የተወለደው ኢየሱስ በልባችን ካልተወለደ አይጠቅመንም፡፡ ሃይማኖተኛ ልንሆን እንችላለን፡፡ ብዙ ነገሮችን ለእግዚአብሄር ብለን ልናደርግ እንችላለን፡፡ ኢየሱስ በመስቀል ላይ የሰራልንን ለእኔ ነው ብለን ኢየሱስን በመቀበል ዳግመኛ ካልተወለድን ግን የኢየሱስ በምድር ላይ መወለድ አይጠቅመንም፡፡ ኢየሱስን ያደንቀው ለነበረ ኒቆዲሞስ ለተባለ የህግ መምህር ኢየሱስ ያለው ይህንን ነው፡፡

ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። ኢየሱስም መለሰ፥ እንዲህ ሲል፦ እውነት እውነት እልሃለሁ፥ ሰው ከውኃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም። ዮሃንስ 3፡3፣5

በተለያዩ ሃይማኖታዊ ስርአቶች ገናን በፍቅር ልናከብረው እንችላለን፡፡ ኢየሱስን ከልባችን ልናደንቀው እንችላለን፡፡ ነገር ግን ኢየሱስ በልባችን ካልኖረ ወደ ምድር የመጣበትንና ከድንግል ማርያም የተወለደበትን አላማ ስተነዋል፡፡

ልጅም ትወልዳለች፤ እርሱ ሕዝቡን ከኃጢአታቸው ያድናቸዋልና ስሙን ኢየሱስ ትለዋለህ። ዮሃንስ 1፡21

ኢየሱስ በምድር ላይ ስለተወለደ ብቻ ከመቀፅበት አንድንም፡፡ ኢየሱስ ስለተወለደ ብቻ ሰዎች ከመቀፅበት የሚድኑ ቢሆን ኖሮ ኢየሱስ ለፍጥረት ሁሉ ወንጌልን ስበኩ ብሎ ባላዘዘን ነበር፡፡ የምስራቹን ቃል ሰምተው የሚያምኑ ብቻ ናቸው የሚድኑት፡፡

እንዲህም አላቸው፦ ወደ ዓለም ሁሉ ሂዱ ወንጌልንም ለፍጥረት ሁሉ ስበኩ። ያመነ የተጠመቀም ይድናል፥ ያላመነ ግን ይፈረድበታል። ማርቆስ 16፡15-16

የሚድኑት ኢየሱስን እንደ አዳኝ የተቀበሉ ሰዎች ብቻ ናቸው፡፡ የምንም ሃይማኖት ተከታዮች ስለሆንን ብቻ አንድንም፡፡ ከሃጢያት የሚያድነን ኢየሱስን እንደ አዳኝና ጌታ አድርገን መቀበላችን ብቻ ነው፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

ሰዎች በየእለቱና በየደቂቃው ኢየሱስን እየተቀበሉና እየዳኑ ነው፡፡ እኛ ግን ኢየሱስን ወደ ልባችን ሳናስባውና በልባችን ሳይወለድ ኢየሱስ በምድር ላይ ስለተወለደ ብቻ ድነናል ብለን ካሰብን ተታለናል፡፡ የኢየሱስ መወለድ እንዲጠቅመን ወንጌልን ማመን ይጠበቅብናል፡፡ የሚያድነን የእግዚአብሄር ሃይል የኢየሱስ ስለሃጢያታችን መሞቱን የምስራች ማመን ነው፡፡

በወንጌል አላፍርምና፤ አስቀድሞ ለአይሁዳዊ ደግሞም ለግሪክ ሰው፥ ለሚያምኑ ሁሉ የእግዚአብሔር ኃይል ለማዳን ነውና። ሮሜ 1፡16

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ገና #ልብ #ዳግመኛመወለድ #የማዳንሃይል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ለሕዝቡ ሁሉ የሚሆን ታላቅ ደስታ የምሥራች

gie5qj78T.jpgመልአኩም እንዲህ አላቸው፦ እነሆ፥ ለሕዝቡ ሁሉ የሚሆን ታላቅ ደስታ የምሥራች እነግራችኋለሁና አትፍሩ፤ ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋልና። ይህም ምልክት ይሆንላችኋል፤ ሕፃን ተጠቅልሎ በግርግምም ተኝቶ ታገኛላችሁ። ድንገትም ብዙ የሰማይ ሠራዊት ከመልአኩ ጋር ነበሩ። እግዚአብሔርንም እያመሰገኑ፦ ክብር ለእግዚአብሔር በአርያም ይሁን ሰላምም በምድር ለሰውም በጎ ፈቃድ አሉ። ሉቃስ 2፡10-14

ለሕዝቡ ሁሉ የሚሆን

ኢየሱስ የተወለደው ለህዝብ ሁሉ ነው፡፡ ኢየሰስ የተወለደው ለፍጥረት ሁሉ ነው፡፡ ኢየሱስ የመጣው ከሴት ለተወለደ ሰው ሁሉ ነው፡፡

ታላቅ ደስታ የምሥራች

የኢየሱስ መወለድ የምስራች ነው፡፡ የኢየሱስ መወለድ መልካም ዜና ነው፡፡

መልካሙን የምሥራች የሚያወሩ እግሮቻቸው እንዴት ያማሩ ናቸው ተብሎ እንደ ተጻፈ ካልተላኩ እንዴት ይሰብካሉ? ሮሜ 10፡15

አትፍሩ

የኢየሱስ መወለድ የሰውና የእግዚአብሄር መታረቅ የመጀመሪያው ደረጃ ነው፡፡ የኢየሱስ መወለድ የኢየሱስ መወለድ ድስ ይምንሰኝበት ዘና የምንልበት እንጂ የምንፈራበት አይደለም፡፡ ፍርሃት ነግሶ ከነበረ ፍርሃት ከዚህ በኋላ አይኖርም፡፡

በእርሱም ከጠላቶቻችን እጅ ድነን በዘመናችን ሁሉ ያለ ፍርሃት በቅድስናና በጽድቅ በፊቱ እንድናገለግለው ሰጠን። ሉቃስ 1፡74-75

ክርስቶስ ጌታ የሆነ ተወልዶላችኋልና

የተቀባ አዳኝ ጌታ የሆነ ኢየሱስ ተወልዶልናል፡፡

ክብር ለእግዚአብሔር

ሰው በእግዚአብሄር ክብር ተፈጥሯል፡፡ ሰዊች ኢየሱስን በመቀበል የእግዚአብሄ ልጆች ይሆናለሁ ወደ ልጅነት ክብራቸው ይመለሳሉ፡፡ ሰዎች ኢየሱስን ሲቀበሉ እግዚአብሄርን ማከበር ይችላሉ፡፡ ለእግዚአብሄር የሚገባውን ክብር መስጠት የሚችለው ሰው ኢየሱስን በመጀመሪያ በመቀበሉ ነው፡፡

ዳግመኛ የተወለዳችሁት ከሚጠፋ ዘር አይደለም፥ በሕያውና ለዘላለም በሚኖር በእግዚአብሔር ቃል ከማይጠፋ ዘር ነው እንጂ። 1ኛ ጴጥሮስ 1፡23

ሰላምም በምድር

ሰው እውነተኛ ሰላምን የሚለማመደው በኢየሱስ ነው፡፡ በኢየሱስ ያለውን ሰላም ያላየ ሰው እውነተኛውን ሰላም ገና አላየም፡፡ ኢየሱስ የሚሰጠውቅ ሰላም አለም እንደሚሰጠው አይደለም፡፡

ሰላምን እተውላችኋለሁ፥ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጥ አይደለም። ልባችሁ አይታወክ አይፍራም። ዮሃነስ 14፡27

ለሰውም በጎ ፈቃድ

እግዚአብሄር ለሰዎች ያለውን በጎ ፈቃድ ያሳየው በኢየሱስ ነው፡፡ ሰው ሁሉ እረኛ እንደሌለው በግ ተቅበዝብዞ ጠፍቶ በነበረበት ጊዜ እግዚአብሄር ኢየሱስን ላከልን፡፡ የእግዚአብሄር በጎ ፈቃድ የተገለጠው በኢየሱስ መወለድ ነው፡፡ እግዚአብሄር ለሰዎች ያለውን ርህራሄና ልብ ያየነው በኢየሱስ መወለድ ነው፡፡

ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል። ሮሜ 5፡8

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መወለድ #ገና #ክሪስማስ #ማማጥ #ቤተክርስትያን #አማርኛ #ጥሪ #አላማ #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አትፍሩ #የምስራች #ደስታ #ክብር #ሰላም #በጎፈቃድ

የምስክርነት ጥበብ ምስክርነት

preach7.jpgምስክርነት በህይወታችን የቀመስነውን የኢየሱስ ክርስቶስን ነፃነት ለሌሎች የምናካፍልበት መንገድ ነው፡፡ ምስክርነት እጅግ ታላቅ ሃይል ያለው ስራ ነው፡፡ ምስክርነት ወይም ወንጌልን መስበክ ምን እንደሆነ ከመፅሃፍ ቅዱስ እንመልከት፡፡

  1. ምስክርነት ማስተማር አይደለም፡፡

ምስክርነት ወይም የወንጌል ስብከት ሰዎች ኢየሱስ በመስቀል ከላይ የከፈለላቸውን የሃጢያት ክፍያ ለእኔ ነው ብለው እንዲቀበሉ የእግዚአብሄርን ቃል ማስረዳት ነው፡፡ ስብከት መፅሃፍ ቅዱስን ማስተማር አይደለም፡፡ ስብከት የደህንነትን ቃል በመጥቀስ ሰዎች ጌታን ለመከተል እንዲወስኑ መርዳት ብቻ ነው፡፡

ኃጢአተኞችን ሊያድን ክርስቶስ ኢየሱስ ወደ ዓለም መጣ የሚለው ቃል የታመነና ሁሉ እንዲቀበሉት የተገባ ነው፤ 1ኛ ጢሞቴዎስ 1፡15

  1. ምስክርነት ሰው ዳግመኛ እንዲወለድ መርዳት ነው፡፡

ያልተወለደ ሰው መንግስቱን ሊያይና ሊገናነባት አይችልም፡፡ ስለዚህ ሰውን ትምህርት ከማስተማራችን በፊት ዳግመኛ እንዲወለድ መርዳት አለብን፡፡ ዳግመኛ የተወለደና የእግዚአብሄርን መንግስት የሚያይ ብቻ ነው የእግዚአብሄርን ቃል ትምህርት መማር የሚችለው፡፡ ሰው ዳግመኛ ከመወለዱ በፊት ለእርሱ የእግዚአብሄር መንፈስ ነገር ሞኝነት ነው፡፡

ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። ዮሃንስ 3፡3

ለፍጥረታዊ ሰው የእግዚአብሔር መንፈስ ነገር ሞኝነት ነውና አይቀበለውም፤ በመንፈስም የሚመረመር ስለ ሆነ ሊያውቀው አይችልም። 1ኛ ወደ ቆሮንቶስ ሰዎች 2፡14

  1. ምስክርነት ክርክርን ማሸነፍ አይደለም፡፡

ምስክርነት የመፅሃፍ ቅዱስ እውቀታችን የምናሳይበት መድረክ አይደለም፡፡ ምስክርነት በትህትና የመዳኛ መንገድን ለሰዎች የምናሳይበት መንገድ ነው፡፡ የመዳኛን እውቀት ከሰጣችሁ በኋላ ላለመቀበል ለመከራከር ከሚፈልግ ሰው ጋር ጊዜ ከማጥፋት ለሌላ ሰው መመስከር ይበልጥ ይጠቅማል፡፡

ነገር ግን ሞኝነት ካለው ምርመራና ከትውልዶች ታሪክ ከክርክርም ስለ ሕግም ከሚሆን ጠብ ራቅ፤ የማይጠቅሙና ከንቱዎች ናቸውና፤ ቲቶ 3፡9

  1. ምስክርነት ሰው ኢየሱስ ጌታ እንደሆነ እንዲመሰክር መርዳት ነው፡፡

ሰው በልቡ አምኖ ይፀድቃል በአፉ መስክሮ ይድናል፡፡ ምስክርነት እግዚአብሄር በኢየሱስ በኩል ያዘጋጀውን የመዳኛ መንገድ ማስቀበልና ኢየሱስ ለሃጢያታችን እንደሞተ በልብ በማመን ኢየሱስ ከሙታን እንደተነሳ በአፍ ማስመስከር ነው፡፡

ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ሰው በልቡ አምኖ ይጸድቃልና በአፉም መስክሮ ይድናልና። ሮሜ 10፡9-10

  1. ምስክርነት ሰውን ማሳመን አይደለም፡፡

ምስክርነት የእግዚአብሄርን ቃል ማወጅ ነው፡፡ ያንን ቃል ተጠቅሞ አለምን የሚወቅሰው መንፈስ ቅዱስ ነው፡፡ ቃሉን የማወጅ ስራችንን ከተወጣን በኋላ ማረፍ አለብን እንጂ የመንፈስ ቅዱስን የማሳመን ስራ ለመስራት መሞከር የለብንም፡፡

እርሱም መጥቶ ስለ ኃጢአት ስለ ጽድቅም ስለ ፍርድም ዓለምን ይወቅሳል፤ ዮሃንስ 16፡8

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ወንጌልን ለማካፈል የሚጠቅሙ ነጥቦች

sharechrist (1).jpgወንጌልን ለማካፈል የተወሰነ ቀመር የለውም፡፡ ሰው እግዚአብሄር ያደረገለትን በራሱ ቋንቋና መንገድ ሊመሰክር ይችላል፡፡ በአጠቃላይ ግን ወንጌልን ለሌሎች ለመመስከር የሚጠቅሙ አምስት ነጥቦችን ከመፅሃፍ ቅዱስ እንመልከት፡-

  1. እግዚአብሄር ሰውን የፈጠረው ፍፁም አድርጎ በመልኩና በአምሳሉ ነበር ፡፡

እግዚአብሔርም አለ፦ ሰውን በመልካችን እንደ ምሳሌአችን እንፍጠር፤ የባሕር ዓሦችንና የሰማይ ወፎችን፥ እንስሳትንና ምድርን ሁሉ፥ በምድር ላይ የሚንቀሳቀሱትንም ሁሉ ይግዙ። እግዚአብሔርም ሰውን በመልኩ ፈጠረ፤ በእግዚአብሔር መልክ ፈጠረው፤ ወንድና ሴት አድርጎ ፈጠራቸው። ዘፍጥረት 1፡26-27

  1. ሰው እግዚአብሄር አታድርግ ያለውን በማድረጉ ምክኒያት በአመፃው ከእግዚአብሔር ተለያየ፡፡

ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል፤ ሮሜ 3፡23

  1. የሰውም መጥፋት የማይፈልግ እግዚአብሄር አለምን ካለምክኒያት እንዲሁ ስለወደደ ሃጢያት የማያውቀውን እንድ ልጁን ኢየሱስን ስለሃጢያታችን በመስቀል ላይ እንዲሞት ፈቀደ፡፡

ኃጢአተኞችን ሊያድን ክርስቶስ ኢየሱስ ወደ ዓለም መጣ የሚለው ቃል የታመነና ሁሉ እንዲቀበሉት የተገባ ነው፤ ከኃጢአተኞችም ዋና እኔ ነኝ፤ 1ኛ ጢሞቴዎስ 1፡15

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 3፡16

  1. ኢየሱስ በመስቀል ላይ የሃጢያት ዋጋችንን ሁሉ ከፍሎዋል፡፡

እኛ በእርሱ ሆነን የእግዚአብሔር ጽድቅ እንሆን ዘንድ ኃጢአት ያላወቀውን እርሱን ስለ እኛ ኃጢአት አደረገው። 2ኛ ቆሮንቶስ 5፡21

ስለ በደላችን አልፎ የተሰጠውን እኛን ስለ ማጽደቅም የተነሣውን ጌታችንን ኢየሱስን ከሙታን ባስነሣው ለምናምን ለእኛ ይቈጠርልን ዘንድ አለው። ሮሜ 4፡24-25

  1. ኢየሱስ ስለሃጢያትችን እንደሞተና የሃጢያት እዳችንን እንደከፈለ ሞትን ድል አድርጎ እንደተነሳ ብናምንና ኢየሱስ ጌታ እንደሆነ በአፋችን ብንመሰክር እንድናለን ፣¸እግዚአብሄር ልጅ አድርጎ ይቀበለናል ፣ የዘላለም ህይወት ይሰጠናል እንዲሁም ኢየሱስ በልባችን በመኖር በህይወት አሸናፊዎች ያደርገናል፡፡

ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ሰው በልቡ አምኖ ይጸድቃልና በአፉም መስክሮ ይድናልና። ሮሜ 10፡9-10

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

የዓመፃ ገንዘብ ሲያልቅ

ethiopian-birr-922x614.jpgእኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16:9

በእግዚአብሄር እይታ ለወንጌል ስራ ፣ ለእግዚአብሄር መንግስት ጥቅም የማይውል ማንኛውም ገንዘብ የአመፃ ገንዘብ ነው፡፡

በእግዚአብሄር እይታ ለእግዚአብሄር መንግስት ዋነኛ አላማ ለሆነው ሰዎችን የማዳን ስራ የማይውል ገንዘብ ሁሉ የአመፃ ገንዘብ ነው፡፡

ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው። 1ኛ ጢሞቴዎስ 2፡3-4

ለዘላላማዊ ህይወት አላማ የማይጠቅም ማንኛውም ሃብት የአመፃ ገንዘብ ነው፡፡ ሰዎችን ለማዳን የማንጠቀምበት ለሰዎች ብርሃን ለመሆን የማንጠቀምበትና የምድር ጨው ለመሆን የማይጠቅመን ማንኛውም ሃብት የአመፃ ገንዘብ ነው፡፡

ለሰዎች መልካምን አድርጋላቸው በህይወታችን መስክረን የእግዚአብሄን መልካምነት አሳይተናቸው ለጌታ ለመማረክ የማይጠቅመን  ማንኛውም ገንዘብ የአመፃ ገንዘብ ነው፡፡

ራቁታችንን ወደምድር መጥተናል ራቁታችንንም እንመለሳለን፡፡ በምድር ላይ የምናገኘው ለእግዚአብሄር መንግስት ስራ የማይጠቅም ገንዘብ ሁሉ ከዘላለማዊ ህይወት አንፃር ከንቱ ገንዘብ ነው፡፡

በምድር ያከማቸነው በመልካም ስራ ወደ መንግስተ ሰማያት የማንልከው ገንዘብ ጥለነው የምንሄደው ገንዘብ ሁሉ የአመፃ ገንዘብ ነው፡፡

እውነተኛውን ሕይወት ይይዙ ዘንድ፥ ለሚመጣው ዘመን ለራሳቸው መልካም መሠረት የሚሆንላቸውን መዝገብ እየሰበሰቡ፥ መልካምን እንዲያደርጉ በበጎም ሥራ ባለ ጠጎች እንዲሆኑ፥ ሊረዱና ሊያካፍሉም የተዘጋጁ እንዲሆኑ ምከራቸው። 1ኛ ጢሞቴዎስ 6፡18-19

በመልካም ስራ ያልመነዘርነው ገንዘብ በመልካም ስራ ባለጠጋ ያላደረገን ገንዘብ በብር ተከምሮ ያለ ገንዘብ የአመፃ ገንዘብ ነው፡፡

ብልና ዝገት በሚያጠፉት ሌቦችም ቆፍረው በሚሠርቁት ዘንድ ለእናንተ በምድር ላይ መዝገብ አትሰብስቡ፤ ነገር ግን ብልም ዝገትም በማያጠፉት ሌቦችም ቆፍረው በማይሠርቁት ዘንድ ለእናንተ በሰማይ መዝገብ ሰብስቡ፤ ማቴዎስ 6፡19-20

ልባችንን ወደ ሰማይ የማይስበን ገንዘብን ፣ ልባችንን ወደ ምድር የሚስበን ገንዘብና ልባችንን ወደ ሰማይ እንዳናተኩር የማያደርገን ገንዘብ የአመፃ ገንዘብ ነው፡፡

ነገር ግን ብልም ዝገትም በማያጠፉት ሌቦችም ቆፍረው በማይሠርቁት ዘንድ ለእናንተ በሰማይ መዝገብ ሰብስቡ፤ መዝገብህ ባለበት ልብህ ደግሞ በዚያ ይሆናልና። ማቴዎስ 6፡20-21

ሰዎችን ለዘላለም ህይወት የማንማርክበት ፣ ምድር ላይ ጥለነው የምንሄደው ፣ በመሬት ስበት ምክኒያት ወደሰማይ ይዘነው የማንሄደው ፣ በምድር ላይ ብቻ በዘላለማዊ ሃብት የምንመነዝረውና በምድር ላይ ብቻ ዋጋ ያለው ገንዘብ ሁሉ የአመፃ ገንዘብ ነው፡፡

እኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16:9

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ብዙ ሰዎችንም ወደ ጽድቅ የሚመልሱ

sun-light-burst-clouds-rapture-001v2-740x400.pngጥበበኞቹም እንደ ሰማይ ፀዳል፥ ብዙ ሰዎችንም ወደ ጽድቅ የሚመልሱ እንደ ከዋክብት ለዘላለም ይደምቃሉ። ዳንኤል 12፡3

እኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16:9

አሁን በምድር እያለን ትልቅ ነገር የሚሆንብን ብዙ ነገሮች ወደጌታ ስንሄድ ግን ትልቅ ነገር አይሆኑብንም፡፡ አሁን በምድር ላይ የሚመስጡን ነገሮች ወደጌታ ስንሄድ ምን ያህል ከንቱ እንደሆኑ እንረዳለን፡፡ አሁን ክብደት የምንሰጣቸው ነገሮች ወደ ሰማይ ስንሄድ ያን ያክል ክብደት በመስጠት የሚገባንን ያህል የጌታን ወንጌል አለመመስከራችን ያሳዝነናነል፡፡

የሚታየው ነገር ሁሉ ጊዜያዊ ነው፡፡ የማይታየው ግን ዘለዓለማዊ ነው፡፡ ወደጌታ ስንሄድ ጉዳዬ ልንለው የሚገባው አንድ ነገር ነው፡፡ በምድር ላይ የምን ያህል ሚሊየን ቤት ውስጥ መኖራችን ሰማይን አያስገርመውም፡፡ ባለን በማንኛውም ነገር ተጠቅመን ምን ያህል ሰዎችን ወደ መንግስተሰማያት እንዲገቡ መርዳታችን እንጂ በምድር ላይ ምን ያህል ዝነኛ መሆናችን ሰማይን አይገርመውም፡፡

እንዲያውም እግዚአብሄር የሰጠንን እድል በህይወትም ሆነ በቃል ለብዙዎች ስለጌታ አዳኝነት በመመስከር ብዙዎችን ወደጌታ ማምጣት  ባለብን ጊዜ ጊዜያዊ ለሆነው የምድር ኑሮ ብናባክነው እግዚአብሄር ደስ አይሰኝም፡፡

ለሌላው የምንመሰክርበትና ሌላው ጌታን እንዲያይ የምንረዳበትን ጊዜያችንን ፣ ጉልበታችን ፣ እውቀታችንንና ገንዘባችንን በሚያልፍ በምድርራዊ ሃብትና ዝና በማከማቸት በማባከናችን  ህይወታቸንን እናባክናለን፡፡

እግዚአብሄር የሚያስፈልገንን ነገር ሁሉ የሚያሟላው እኛ በእግዚአብሄር የመንግስቱ የወንጌል ስራ ላይ እንድንጠመድና ለምድር ጨው የአለምም ብርሃን እንድንሆን ነው፡፡ በህክምና ፣ በትምህርት ፣ በኢንደስትሪ በእርሻ ዘርፍ ባለንበት የስራ መስካችን ሁሉ በህይወታችን ለብዙዎች ብርሃን ለመሆንና የመንግስተ ሰማያትን መንገድ ለማሳየት ነው፡፡

እነዚሀ በድርጊትና በቃል የጌታን አዳኝነት እንዲያዩ የረዳናቸው ሰዎች ሁሉ የዘላለም ሃብታችን ናቸው፡፡ በሰማይ እንግዲህ ጉዳዬ የምንለው በምድር የለበስነው ውድ ልብስ ወይም የነዳነው ዘመናዊ መኪና ሳይሆን በጊዜያዊ በምድራዊ ገንዘብ ተጠቅመን ስለጌታ ወንጌል የምንመሰክርላቸው ሰዎች ናቸው፡፡

እኔም እላችኋለሁ፥ የዓመፃ ገንዘብ ሲያልቅ በዘላለም ቤቶች እንዲቀበሉአችሁ፥ በእርሱ ወዳጆችን ለራሳችሁ አድርጉ። ሉቃስ 16:9

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ጌታን ያዘገየው

preach111.jpgእግዚአብሄር ኢየሱስ በመስቀል ላይ እንዲሰቀልና የሰው ልጆችን የሃጢያት እዳ ሁሉ እንዲከፍል የላከው ሰዎች እንዳይጠፉና ለዘላለም ከእግዚአብሄር እንዳይለያይ ነው፡፡

መድኃኒታችንም ከዓመፅ ሁሉ እንዲቤዠን፥ መልካሙንም ለማድረግ የሚቀናውን ገንዘቡም የሚሆነውን ሕዝብ ለራሱ እንዲያነጻ፥ ስለ እኛ ነፍሱን ሰጥቶአል። ቲቶ 2፡14

እግዚአብሄር የሰዎችን ጥፋት አይወድም፡፡ እግዚአብሄር በሰዎች ላይ ያለው አላማ ፍቅር ነው፡፡

ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው። 1ኛ ጢሞቴዎስ 2፡3-4

ኢየሱስን ከመቀበላችን በፊት ኢየሱስ ተመልሶ ያለመጣው እኛ እንድድን ነው፡፡ ሁሉ ንስሃ እንዲገቡ ወዶ ይታገሳል፡፡

ለአንዳንዶች የሚዘገይ እንደሚመስላቸው ጌታ ስለ ተስፋ ቃሉ አይዘገይም፥ ነገር ግን ሁሉ ወደ ንስሐ እንዲደርሱ እንጂ ማንም እንዳይጠፋ ወዶ ስለ እናንተ ይታገሣል። 2ኛ ጴጥሮስ 3፡9

በአለም ላይ ያለነው ኢየሱስ በዘገየበት ጊዜ የመንግስቱን ወንጌል እንድንሰበክ ነው፡፡ ይህ ወንጌል ከተሰበከ በኋላ የአለም መጨረሻ ይሆናል፡፡

እናንተ ግን ከጨለማ ወደሚደነቅ ብርሃኑ የጠራችሁን የእርሱን በጎነት እንድትናገሩ የተመረጠ ትውልድ፥ የንጉሥ ካህናት፥ ቅዱስ ሕዝብ፥ ለርስቱ የተለየ ወገን ናችሁ፤ 1ኛ ጴጥሮስ 2፡9

ለአሕዛብም ሁሉ ምስክር እንዲሆን ይህ የመንግሥት ወንጌል በዓለም ሁሉ ይሰበካል፥ በዚያን ጊዜም መጨረሻው ይመጣል። ማቴዎስ 24፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #የእግዚአብሄርሃይል #መንፈስቅዱስ #ቃሉንመናገር #ኢየሱስይመጣል #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

በማለዳ ዘርህን ዝራ፥ በማታም እጅህን አትተው

sow seed 2.jpgደመናት ዝናብ በሞሉ ጊዜ በምድር ላይ ያፈስሱታል፤ ዛፍም ወደ ደቡብ ወይም ወደ ሰሜን ቢወድቅ፥ ዛፉ በወደቀበት ስፍራ በዚያ ይኖራል። ነፋስን የሚጠባበቅ አይዘራም፥ ደመናንም የሚመለከት አያጭድም። የነፋስ መንገድ እንዴት እንደ ሆነች አጥንትም በእርጉዝ ሆድ እንዴት እንድትዋደድ እንደማታውቅ፥ እንዲሁም ሁሉን የሚሠራውን የእግዚአብሔርን ሥራ አታውቅም። ወይም ይህ ወይም ያ ማናቸው እንዲበቅል ወይም ሁለቱ መልካም እንዲሆኑ አታውቅምና በማለዳ ዘርህን ዝራ፥ በማታም እጅህን አትተው። መክብብ 11፡3-6

እግዚአብሄር ሰውን እንዴት እንደሚነካ አናውቅም

እግዚአብሄር ከእኛ የሚጠብቀው ሰውን ለመውቀስ የሚያስፈልገውን ቃል እንድንናገር ነው፡፡ ሰው የእግዚአብሄርን ቃል ካልሰማ አያውቅም ካላወቀ አይወቀስም፡፡ ከእግዚአብሄር ጋር አንብረን የምንሰራው ቃሉን በመናገር ነው፡፡ የምስራቹን ወንጌል የመናገር ሃላፊነት የእኛ ብቻ ነው፡፡

የጌታን ስም የሚጠራ ሁሉ ይድናልና። እንግዲህ ያላመኑበትን እንዴት አድርገው ይጠሩታል? ባልሰሙትስ እንዴት ያምናሉ? ያለ ሰባኪስ እንዴት ይሰማሉ? ሮሜ 10፡13-14

አብዛኞቻችን ጌታን ለመቀበል በአንድ ቀን አልወሰንንም፡፡ ወንጌልን የነገሩን ሰዎች በእኛ ተስፋ አልቆረጡም ፡፡ ባገኙት አጋጣሚ ስለጌታ አዳኝነት ነገሩን፡፡ በነገሩን ቁጥር ስልገዘገዝ ስንገዘገዝ አንድ ቀን ወሰንን፡፡ ሰው እንዴትና መቼ እንደሚወስን አናውቅም፡፡ ብቸኛው ሃላፊነታችን አምኖ ሊወስንበት የሚያስችለውን ቃል መናገር ብቻ ነው፡፡

የነፋስ መንገድ እንዴት እንደ ሆነች አጥንትም በእርጉዝ ሆድ እንዴት እንድትዋደድ እንደማታውቅ፥ እንዲሁም ሁሉን የሚሠራውን የእግዚአብሔርን ሥራ አታውቅም። መክብብ 11፡4-5

የእኛ ሃላፊነት በቀንም በማታም ቃሉን መዝራት ነው

ሰውን የማዳን ሃላፊነት የለብንም፡፡ የቱ እንደሚበቅል መቼ አንደሚበቅል አንዴት እንደሚበቅል አናውቅም፡፡ ያለብን ብቸኛው ሃላፊነት የወንጌልን ቃል መናገር ነው፡፡ ያለብን ሃላፊነት ወንጌልን ከመናገር አለመከልከል ነው፡፡ እግዚአብሄርን የሚጠይቀን ወንጌልን መናገራችንን እንጂ ማዳናችንን አይደለም፡፡

ነፋስን የሚጠባበቅ አይዘራም፥ ደመናንም የሚመለከት አያጭድም። መክብብ 11፡4

ወይም ይህ ወይም ያ ማናቸው እንዲበቅል ወይም ሁለቱ መልካም እንዲሆኑ አታውቅምና በማለዳ ዘርህን ዝራ፥ በማታም እጅህን አትተው። መክብብ 11፡6

ከእግዚአብሔርም ዘንድ ረድኤት ተቀብዬ ለታናሹም ለታላቁም ስመሰክር እስከዚች ቀን ድረስ ቆሜአለሁ፤ ሐዋርያት 26፡22-23

ደመናት ዝናብ በሞሉ ጊዜ በምድር ላይ ያፈስሱታል፤ ዛፍም ወደ ደቡብ ወይም ወደ ሰሜን ቢወድቅ፥ ዛፉ በወደቀበት ስፍራ በዚያ ይኖራል። ነፋስን የሚጠባበቅ አይዘራም፥ ደመናንም የሚመለከት አያጭድም። የነፋስ መንገድ እንዴት እንደ ሆነች አጥንትም በእርጉዝ ሆድ እንዴት እንድትዋደድ እንደማታውቅ፥ እንዲሁም ሁሉን የሚሠራውን የእግዚአብሔርን ሥራ አታውቅም። ወይም ይህ ወይም ያ ማናቸው እንዲበቅል ወይም ሁለቱ መልካም እንዲሆኑ አታውቅምና በማለዳ ዘርህን ዝራ፥ በማታም እጅህን አትተው። መክብብ 11፡3-6

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ዝራ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

በምድር ያለንበት ዋናው ምክኒያት

evangelism.jpgየተፈጠርነውና በምድር ያለነው ለእግዚአብሄር ክብር ነው፡፡ በምድር ያለነው ያለንበት ዋነኛው ምክኒያት ለመብላት ለመጠጣትና ለመልበስ አይደለም፡፡ በምድር ያለነው የእግዚአብሄርን ስራ ለመስራት ነው፡፡ በምድር ያለነው ስለእግዚአብሄ መልካምነርት ለመምሰከር ነው፡፡

እናንተ ግን ከጨለማ ወደሚደነቅ ብርሃኑ የጠራችሁን የእርሱን በጎነት እንድትናገሩ የተመረጠ ትውልድ፥ የንጉሥ ካህናት፥ ቅዱስ ሕዝብ፥ ለርስቱ የተለየ ወገን ናችሁ፤ 1ኛ ጴጥሮስ 2፡9

በምድር ላይ ያለነው በኑሮም በቃልም የእርሱን በጎነት እንድናገር ነው፡፡ እግዚአብሄር መልካም ነው ብለን ስለእግዚአብሄር በጎነት ለመመስከር በምድር አለን፡፡ እግዚአብሄር መልካም ነው፡፡ እግዚአብሄር በሃጢያታችሁ እንድትሞቱ አይፈልግም፡፡ እግዚአብሄር የመዳኛ መንገድ አዘጋጅቶዋል፡፡ እግዚአብሄር ልጁን ስለሃጢያታችሁ ልኮዋል፡፡ ኢየሱስ ስለሃጢያታችሁ በመስቀል ላይ ሞቷል ብለን ስለእግዚአብሄር መልካምነት ለመመስከር በምድር ላይ አለን፡፡

ከእግዚአብሔርም ዘንድ ረድኤት ተቀብዬ ለታናሹም ለታላቁም ስመሰክር እስከዚች ቀን ድረስ ቆሜአለሁ፤ ሐዋርያት 26፡22-23

ይህን በክርስቶስ የመስቀል ስራ በፀጋ የሚዳንበትን ወንጌል ለመመስከር የሰዎችን ተቃውሞ በመጋፈጥ ለሰዎች በድፍረት ወንጌልን መመስከር ይኖርብናል፡፡

ነገር ግን ሩጫዬንና ከጌታ ከኢየሱስ የተቀበልሁትን አገልግሎት እርሱም የእግዚአብሔርን ጸጋ ወንጌልን መመስከር እፈጽም ዘንድ ነፍሴን በእኔ ዘንድ እንደማትከብር እንደ ከንቱ ነገር እቆጥራለሁ። ሐዋርያት 20፡24

እግዚአብሄር እንደዚህ ይላል ተናገር ዝምም አትበል በዚህ ከተማ የሚድኑ ብዙ ህዝብ አለኝና፡፡

ጌታም ሌሊት በራእይ ጳውሎስን፦ እኔ ከአንተ ጋር ነኝ፥ ማንም ክፉ ሊያደርግብህ የሚነሣብህ የለምና አትፍራ፥ ነገር ግን ተናገር ዝምም አትበል፤ በዚህ ከተማ ብዙ ሕዝብ አሉኝና አለው። ሐዋርያት 18፡9-10

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ሰዎችን አጥማጆች

anthias-fish-1080p-hd-wallpaper.jpgእርሱም፦ በኋላዬ ኑና ሰዎችን አጥማጆች እንድትሆኑ አደርጋችኋለሁ አላቸው። ማቴዎስ 4፡19

ኢየሱስ ክርስቶስ የሃጢያታችንን እዳ በመክፈሉ የእግዚአብሄር ቁጣ በእኛ ላይ አይኖርም፡፡ ኢየሱስን አዳኛችንና ጌታችን አድርገን በመቀበላችን ከጥፋት ድነናል የዘላለም ህይወት አግኝተናል፡፡

በልጁ የሚያምን የዘላለም ሕይወት አለው፤ በልጁ የማያምን ግን የእግዚአብሔር ቍጣ በእርሱ ላይ ይኖራል እንጂ ሕይወትን አያይም። ዮሃንስ 3፡36

ሰዎችን የማጥመድ ታላቅ ሃላፊነት ባይኖርብን ኖሮ ወዲያው እንደዳንን እግዚአብሄር በሰበሰበንና በዚህም ምድር እንድኖር ባልፈለገ ነበር፡፡ በዚህ ምድር የቆየነው ሌሎችን የማጥመድ ሃላፊነትን ተሸክመን ነው፡፡

በምድር ላይ ስንኖር ይህን ሰዎችን የማጥመድ አላማን ይዘን ነው የምንኖረው፡፡ በምድር የምንኖረው ይህንን ሰዎችን የማጥመድ ሸክም ተሸክመን ነው፡፡ በምድር የምንኖረው በአስተሳሰባችን በአነጋገራችንና በአደራረጋችን ይህንን ታላቅ ተልእኮ ለማሳካት ነው፡፡

ነገር ግን፥ ወንድሞች ሆይ፥ ከፊት ይልቅ ልትበዙ፥ በጸጥታም ትኖሩ ዘንድ ልትቀኑ፥ የራሳችሁንም ጉዳይ ልትጠነቀቁ፥ እንዳዘዝናችሁም፥ በውጭ ባሉት ዘንድ በአገባብ እንድትመላለሱ፥ አንዳችም እንዳያስፈልጋችሁ በእጃችሁ ልትሠሩ እንለምናችኋለን። 1ኛ ተሰሎንቄ 4፡ 10-12

በውጭ ካሉት ጋር ስንኖር አነጋጋራችንና አካሄዳችን እነርሱን ለክርስቶስ ለማጥመድ ንስሃ እንዲገቡና ከእግዚአብሄር ጋር እንዲታረቁ የታቀደ መሆን ይገባዋል፡፡

ዘመኑን እየዋጃችሁ፥ በውጭ ባሉቱ ዘንድ በጥበብ ተመላለሱ። ለእያንዳንዱ እንዴት እንድትመልሱ እንደሚገባችሁ ታውቁ ዘንድ ንግግራችሁ ሁልጊዜ፥ በጨው እንደ ተቀመመ፥ በጸጋ ይሁን። ቆላስይስ 4፡5-6

ራሳችንን በመግዛት ፣ እግዚአብሄርን በነገር ሁሉ በማመስገንና ባለማጉረምረም በአለም እንደ ብርሃን እየታየን ብዙዎችን የማጥመድ እድል በእጃችን ነው፡፡

በመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ፤ በእነርሱም መካከል የሕይወትን ቃል እያቀረባችሁ በዓለም እንደ ብርሃን ትታያላችሁ፥ ፊልጵስዩስ 2፡14-16

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #አጥማጆች #ብርሃን #ጨው #ምስክር #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ክፍት የስራ ቦታ ለሁሉም

Publication1.jpgየእግዚአብሄር መንግስት ከዚህ ቀጥሎ በተመለከተው ክፍት የሥራ መደብ አመልካቾችን በቋሚነት መቀበል ይፈልጋል፡፡

የስራ መደቡ መጠሪያ፡ እግዚአብሄርን መፈለግ

የሚፈለግ የሰው ብዛት፡ ያልተወሰነ

መመዘኛ፡ ማንም ሰው

የስራው ሁኔታ፡ በቋሚነት

ተፈላጊ ችሎታ፡

  • በእምነት የሚፈልገው

ነገር ግን በምንም ሳይጠራጠር በእምነት ይለምን፤ የሚጠራጠር ሰው በነፋስ የተገፋና የተነቃነቀ የባሕርን ማዕበል ይመስላልና። ሁለት አሳብ ላለው በመንገዱም ሁሉ ለሚወላውል ለዚያ ሰው ከጌታ ዘንድ አንዳች እንዲያገኝ አይምሰለው። ያዕቆብ 1፡6-8

  • ትጋት ያለው እስከሚከፈት የሚያንኳኳ

የደሞዝ ደረጃ፡ በእግዚአብሄር ዋጋ አከፋፈል ደረጃ መሰረት

ይህ የስራ ማስታወቂያ እስከ ኢየሱስ ዳግም ምፃት ድረስ ክፍት ሆኖ ይቆያል፡፡ እርግጥ ነው እኛ እስከዚያ በህይወት ከቆየን ማለት ነው፡፡

አመልካቾች ባላችሁበት ቦታ በማንኛውም ሰከንድ እግዚአብሄርን በመፈልግ በትጋት ለሚፈልጉት ዋጋ በሚሰጠው በእግዚአብሄር አሰራር ተጠቃሚ እንድትሆኑ ተጋብዛችኋል፡፡

ወደ እግዚአብሔር የሚደርስ እግዚአብሔር እንዳለ ለሚፈልጉትም ዋጋ እንዲሰጥ ያምን ዘንድ ያስፈልገዋልና። ዕብራውያን 11፡6

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #እግዚአብሄርንመፈለግ #አለማየት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ሰውን የማዳን ሃላፊነት የለብንም

share the gospel.jpgኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። ማቴዎስ 28፡18-20

በህይወታችን ያለው ስልጣን አላማ ወንጌልን እንድንሰብክት ነው፡፡ እውነተኛውን የክርስትና ሃይል የምንለማመደውም ወንጌልን ስንኖረውና ስንናገረው ነው፡፡

መንፈሳዊ ነገር የእግዚአብሄርና የሰው የጋራ ስራ ነው፡፡ የወንጌል ስራ የእግዚአብሄርና የሰው የአጋርነት ስራ ነው፡፡ እግዚአብሄር የሚያደርገው ነገር አለ፡፡ እግዚአብሄር ደግሞ የማያደርገው ነገር አለ፡፡ ሰው የሚያደርገው ነገር አለ፡፡ ሰው ደግሞ የማያደርገው ነገር አለ፡፡

የሰው ሃላፊነት ሌላውን ማዳን አይደለም፡፡ የሰው ሃላፊነት ወንጌሉን መናገር ብቻ ነው፡፡ የእግዚአብሄር ሃላፊነት ደግሞ ወንጌሉን መስበክ አይደለም፡፡ የእግዚአብሄር ሃላፊነት በተነገረው ወንጌል ተጠቅሞ ሰውን መውቀስ ነው፡፡

የጌታን ትእዛዝ የታዘዙትወጡና ወንጌልን ሰበኩ፡፡ እግዚአብሄርም ከእነርሱ ጋር በሃይል ይሰራ ነበር፡፡

እንዲህም አላቸው፦ ወደ ዓለም ሁሉ ሂዱ ወንጌልንም ለፍጥረት ሁሉ ስበኩ። ያመነ የተጠመቀም ይድናል፥ ያላመነ ግን ይፈረድበታል። እነርሱም ወጥተው በየስፍራው ሁሉ ሰበኩ፥ ጌታም ከእነርሱ ጋር ይሠራ ነበር፥ በሚከተሉትም ምልክቶች ቃሉን ያጸና ነበር። ማርቆስ 16፡15-16፣20

እንግዲህ ያላመኑበትን እንዴት አድርገው ይጠሩታል? ባልሰሙትስ እንዴት ያምናሉ? ያለ ሰባኪስ እንዴት ይሰማሉ? መልካሙን የምሥራች የሚያወሩ እግሮቻቸው እንዴት ያማሩ ናቸው ተብሎ እንደ ተጻፈ ካልተላኩ እንዴት ይሰብካሉ? ሮሜ 10፡14-15

ወንጌልን ለመስበክ ያለን እድል ዛሬ ነው፡፡ ዛሬ ወጥተን ወንጌልን እንናገር፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

የመጨረሻው እድል

የመጨረሻው እድል.jpgእግዚአብሄር ሰውን ፈጥሮአል፡፡ እግዚአብሄር የሰውን ሃጢያትና ድካም ይረዳል፡፡

እግዚአብሄር ግን የማይቀበለውና ምንም ሰበብ የማይቀበልበት አንድ ሃጢያት አለ፡፡ ሰው ምንም ያህል ምክኒያት ቢያቀርብ ተቀባይነት የማይኖረው አንድ አመፃ አለ፡፡ ይህ ሃጢያት በእግዚአብሄር ፊት ምንም ሰበብ ተቀባይነት የማይኖረው ነው፡፡

በሃጢያት ምክኒያት ሰውና እግዚአብሄር ተጣልተው ነበር፡፡ በሰው አመፅ ምክኒያት ሰውና እግዚአብሄር ጠላቶች ነበሩ፡፡ የሰው ልጅ ከሚጠፋ የመታረቂያውን መንገድ እራሱ እግዚአብሄር አዘጋጀ፡፡ ሰው ሁሉ ወደ መዳን አንዲደርስ እግዚአብሄር ይፈልጋል፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንስ 1፡16

ስለሰዎች ሃጢያት እንዲሞት እግዚአብሄር አንድያ ልጁን ኢየሱስን ወደ አለም ልኮታል፡፡ ኢየሱስ በእኛ ምትክ ሆኖ እኛ መሰቃየት የነበረብንን ስቃይ ተሰቃይቷል፡፡ እኛ መሞት የነበረብንን ሞት በመሞት ኢየሱስ የሃጢያታችንን እዳ ሁሉ ከፍሎልናል፡፡

በልጁ የሚያምን የዘላለም ሕይወት አለው፤ በልጁ የማያምን ግን የእግዚአብሔር ቍጣ በእርሱ ላይ ይኖራል እንጂ ሕይወትን አያይም። ዮሃንስ 3፡36

ስለሰው ሃጢያት እግዚአብሄር ይህን ሁሉ አዘጋጅቶ ሰውን ይቅር ለማለት እየጠበቀ ሰው ግን ይህንን ባይቀበል ከዚህ በላይ መስዋእት ሊደረግለት አይቻልም፡፡ ሰው እንዳይጠፋ ያዘጋጀለትን የደህንንት መንገድ ካልተቀበለ እግዚአብሄር ካለፈቃዱ በግድ ሊያድነው አይችልም፡፡

ሰው ኢየሱስን በመቀበል ከእግዚአብሄር ጋር ታርቆ የእግዚአብሄር ልጅ መሆን ካልፈለገ እግዚአብሄር ምንም ሊያደርግለት አይችልም፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

እኛስ እንዲህ ያለውን ታላቅ መዳን ቸል ብንለው፥ እንዴት እናመልጣለን? ዕብራውያን 2፡3

ይህን ኢየሱስን መቀበል የሚፈልግ ማንም ሰው ይህን ፀሎት አብሮኝ መፀለይ ይችላል፡፡

ፀሎት

እግዚአብሄር ሆይ ስላዘጋጀህልኝ የመዳኛ መንገድ ልጅህን ኢየሱስን ስለላክልኝና አመሰግንሃለሁ፡፡ ኢየሱስ የሃጢያቴን እዳ ለመክፈል እንደሞተና በሶስተኛው ቀን ሞትን ድል አድርጎ እንደተነሳ አምናለሁ፡፡ ኢየሱስን የህይወቴ አዳኝና ጌታ አድርጌ በህይወቴ ላይ እሾመዋለሁ፡፡

እግዚአብሄር ሆይ ልጅህ አድርገህ ስለተቀበልከኝ አመሰግንሃለሁ፡፡ በኢየሱስ ስም፡፡ አሜን

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #መናገር #አማርኛ #ስብከት #መዳን #መፅሃፍቅዱስ #ልብ #እምነት #ቃል #መዳን #ማድረግ #መስዋእት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

 

%d bloggers like this: