Category Archives: Character

የእብዷ ተዋናይ ታሪክ

conscious.jpg

የእብዷ ተዋናይ ታሪክ

ግብዝነት ራስን አለመሆን ነው፡፡ ግብዝነት ያልሆኑትን መምሰል ነው፡፡ ግብዝነት ሌላውን ሰው ለመምሰል መሞከር ነው፡፡ ግብዝነት ራስን ያለመሆን አደገኛ እና አክሳሪ አካሄድ ነው፡፡

የሆኑትን መሆን እንጂ ማስመሰል ከባድ ነው፡፡ ተፈጥሮን መሆን የመሰለ ነገር የለም፡፡ ተፈጥሮን መሆን ይቀላል፡፡ ያልሆኑትምን መሆን ግን ይከብዳል፡፡ የሆኑትን መሆን የመሰለ ነፃነት የለም፡፡

አንድ እብድ ድራማ የምትሰራ ሴት በቴሌቪዠን ቃለመጠይቅ ሲደረግላት ሰምቻለሁ፡፡ ድራማውን ስትሰራ እንደ እብድ ነው የምታስበው እንደ እንድ ነው የምትናገረው አኳኋኗ ሁሉ እንደ እብድ ነው፡፡ ታዲያ እንደእብድ ከምትሰራበትን ድራማ ስትጨርስ ወደ ጤነኝነት ሃሳብ ንግግርና አካሄድ ለመመለስ 2 ሰአት እንደ ሚፈጅባት በቃል መጠይቁ ላይ ስትናገር ሰምቻሉ፡፡

ይህች ሴት እንደ ጤነኛ ለመሆን ምንም ጥረት አይጠይቃትም፡፡ ጤነኛ ስለሆነች በቀላሉ እንደጤነኛ ታስባለች እንደጤነኛ ትናገራለች እንደጤነኛ ታደርጋለች፡፡ በቀላሉ ጤነኝነቱን ትኖረዋለች፡፡ ጤነኝነት ለእርስዋ ተፈጥሮአዊ ነው፡፡ ጤነኝነት ለእርስዋ መኪናን እንደመንዳት ነው፡፡ እብደት ግን ለእርስዋ መኪናን እንደመግፋት ነው፡፡ እብደት ለእርስዋ ከተፈጥሮዋ ውጭ ስለሆነና በጤነኛ ሰው ስለሚሰራ ከባድ ነው፡፡

ጤነኛ ሳይሆኑ እንደጤነኛ መስራት ከባድ ነው፡፡ እብድ ሳይሆኑ እንደ እብድ ድራማ መስራት ከባድ ነገር ነው፡፡ ያልሆኑትን መሆን እጅግ ከባድ ነው፡፡

እንዲሁ ማስመሰልና ግብዝነት ከባድ ነገር ነው፡፡ ግብዝነት ህይወትን ያሳሰባል፡፡ ግብዝነት ጉልበትን በከንቱ ያባክናል፡፡

ግብዝነት የሆኑትን ካለመቀበል ይመጣል፡፡ ሰው ራሱን ካልተቀበለ እጅግ በጣም ችግር ነው፡፡ ሰው በራሱ ካልተማመነ ከባድ ነው፡፡ ሰው ባለከው ደረጃ ካልረካ ችግር ነው፡፡ ሰው ባለው ነገር ካፈረ እጅግ ከባድ ነው፡፡ ሰው በደረሰበት ደረጃ ካልረካ ትልቅ ችግር ነው፡፡

ሰው ራሱን ካላደነቀ ሰው ራሱን ካልሆነ የችግሮች ሁሉ መንስኤ ይሆናል፡፡ ሰው ለራሱ አክብሮት ከሌለው እና ሌላውን መምስል ከፈለገ ውድቀት ነው፡፡

ሰው ለውስጥ ህይወቱ ቅድሚያ ካልሰጠና ለውጭ ህይወቱ እጅግ ከተጨነቀ ችግር ነው፡፡ ሰው ለችግሩ ምንጭ መፍትሄ ካልሰጠ ለሚታየው የችግሩ ውጤት ከተጨነቀ መፍትሄ ያለው ህይወት መኖር ያቅተዋል፡፡

እናንተ ግብዞች ጻፎችና ፈሪሳውያን፥ በውስጡ ቅሚያና ስስት ሞልቶ ሳለ የጽዋውንና የወጭቱን ውጭ ስለምታጠሩ፥ ወዮላችሁ። አንተ ዕውር ፈሪሳዊ፥ ውጭው ደግሞ ጥሩ እንዲሆን አስቀድመህ የጽዋውንና የወጭቱን ውስጡን አጥራ። እናንተ ግብዞች ጻፎችና ፈሪሳውያን፥ በውጭ አምረው የሚታዩ በውስጡ ግን የሙታን አጥንት ርኩሰትም ሁሉ የተሞሉ በኖራ የተለሰኑ መቃብሮችን ስለምትመስሉ፥ ወዮላችሁ። የማቴዎስ ወንጌል 23፡25-27

ግብዝነት እግዚአብሄር የሚያየው ልብን ሳይሆን ፊትን ነው ብሎ መሳሳት ነው፡፡

እግዚአብሔር ግን ሳሙኤልን፦ ፊቱን የቁመቱንም ዘለግታ አትይ፤ ሰው እንዲያይ እግዚአብሔር አያይምና ናቅሁት፤ ሰው ፊትን ያያል፥ እግዚአብሔር ግን ልብን ያያል አለው። መጽሐፈ ሳሙኤል ቀዳማዊ 16፡7

ግብዝነት ከሰው የሚገኘውን ክብር እንጂ ከእግዚአብሄር የሚገኘውን ክብር አለመፈለግ ነው፡፡

ከሰው ክብርን አልቀበልም፤ ዳሩ ግን የእግዚአብሔር ፍቅር በራሳችሁ እንደ ሌላችሁ አውቃችኋለሁ። እናንተ እርስ በርሳችሁ ክብር የምትቀባበሉ ከአንዱም ከእግዚአብሔር ያለውን ክብር የማትፈልጉ፥ እንዴት ልታምኑ ትችላላችሁ? የዮሐንስ ወንጌል 5፡4141-42፣44

ግብዝነት ውስጥን ላለማጥራት መስነፍ ነው፡፡ ግብዝነት ውስጥን በትጋት ያለማጥራት ስንፍናና መሰረታዊ ለውጥ ለማምጣት ራስን አለመስጠት ነው፡፡ ግብዝነት ራሰን ለማንፃት ከመትጋት ይልቅ በውጭው በመጣፍና በመሸፋፈን ሰውን ለመሸወድ መሞከር ነው፡፡

ጌታም እንዲህ አለው፦ አሁን እናንተ ፈሪሳውያን የጽዋውንና የወጭቱን ውጭ ታጠራላችሁ፥ ውስጣችሁ ግን ቅሚያና ክፋት ሞልቶበታል፡፡ እናንት ደንቆሮዎች፥ የውጭውን የፈጠረ የውስጡን ደግሞ አልፈጠረምን? ነገር ግን በውስጥ ያለውን ምጽዋት አድርጋችሁ ስጡ፥ እነሆም፥ ሁሉ ንጹሕ ይሆንላችኋል። የሉቃስ ወንጌል 11፡39-41

ግብዝነት ለውስጥ ውበት ሳይሆን ለውጭ ውበት ይበልጥ ዋጋ መስጠት ነው፡፡ ግብዝነት ዋጋ ያለውን ነገር አለማወቅ ዋጋው ላነሰ ርካሽ ነገር ቅድሚያ መስጠት ነው፡፡

ለእናንተም ጠጕርን በመሸረብና ወርቅን በማንጠልጠል ወይም ልብስን በመጎናጸፍ በውጭ የሆነ ሽልማት አይሁንላችሁ፥ ነገር ግን በእግዚአብሔር ፊት ዋጋው እጅግ የከበረ የዋህና ዝግተኛ መንፈስ ያለውን የማይጠፋውን ልብስ ለብሶ የተሰወረ የልብ ሰው ይሁንላችሁ። 1ኛ የጴጥሮስ መልእክት 3፡3-4

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ ##ግብዝ #ውጭውን #ውስጡን #ልብ #ውበት #ዋጋ #ፊት #ባህሪ #ፍቅር #ልብ #ሃዘን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

Advertisements

ባህሪ ይጠይቃል

come out of the cross2.jpgችሎታህ ወደ ላይ ላይ ሊወስድህ ይችላል፡፡ ነገር ግን እዚያ ለመቆየት ባህሪ ይጠይቃል፡፡

ተሰጥኦው በርን ከፍቶ ያስገባሃል፡፡ ነገር ግን ባህሪ በክፍሉ ውስጥ ያቆይሃል፡፡

ስጦታህ ባህሪህ አንተን መጠበቅ የማይችልበት ቦታ ቢወስድህ ዋጋ የለውም፡፡

በህይወት ለመሳካት ስጦታ ይጠይቃል ባህሪም ይጠይቃል፡፡

በህይወት ለመከናወን የተከፈተ እድል ይጠይቃል ባህሪም ይጠይቃል፡፡

በህይወት ለመሳካት ተሰጥኦ ይጠይቃል ባህሪም ይጠይቃል፡፡

በህይወት ለመከናወን ስጦታ የራሱ ድርሻ አለው ባህሪም የራሱ ድርሻ አለው፡፡

በህይወት ለመከናወን ስጦታ የሚሰራውን ባህሪ አይሰራውም ባህሪ የሚሰራውን ስጦታ አይሰራውም፡፡

በህይወት ለመከናወን ስጦታ ብቻ በቂ አይደለም፡፡

በህይወት ያነሰ ስጦታ ያላቸው ሰዎች ይበልጥ ሲከናወንላቸው ይታያል፡፡ በህይወት የበለጠ ክህሎት ያላቸው ሰዎች በባህሪ ማነስ ምክኒያት እንደሚገባው ሳይከናወልናቸው ይታያል፡፡

ስጦታን እኛ አንወስነውም፡፡ ተሰጥኦ ከእግዚአብሄር በስጦታ የሚሰጥ እንጂ ስጦታው እንዲሰጥ የሚደረግ ምንም አስተዋፅኦ የለም፡፡

ስጦታ ተፈጥሮአዊ ነው፡፡ አይነቱና መጠኑ ይለያይ እንጂ ስጦታ የሌለው ሰው የለም፡፡

ለእያንዳንዱ እንደ ዓቅሙ፥ ለአንዱ አምስት መክሊት ለአንዱ ሁለት ለአንዱም አንድ ሰጠና ወደ ሌላ አገር ወዲያው ሄደ። ማቴዎስ 25፡15

ስጦታ አለን ማለት በህይወት ይከናወንልናል ማለት ግን አይደለም፡፡ በህይወት እንዲከናወንልን ስጦታ ብቻውን በቂ አይደለም፡፡ እንዲሳካልን ከስጦታ ጋር ባህሪ ያስፈልገናል፡፡ እንዲያውም ስጦታውን የሚይዝ ባህሪ ከሌለን ስጦታው ከንቱ ነው፡፡ ስጦታውን ለመያዝ ባህሪን በትጋት ካላዳበርን ስጦታው ለማንም አይጠቅምም፡፡

ስጦታም ክህሎትም ተሰጥኦም የሚሰጠው ለሰው ጥቅም ነው፡፡ ከሰው ጋር እንዴት እንደምንኖር ካላወቅንና ባህሪው ከሌለን ስጦታው ለምንም አይጠቅመንም፡፡ ሁኔታዎችን እንዴት እንደምናልፍ የትግስት ባህሪ ከሌለን ስጦታው ከንቱ ነው፡፡ የመከራን ጊዜ እንዴት እንድምናሳልፍ ትህትናን ካላዳበርን ምንም አይጠቅመንም፡፡

በመከራ ቀን ብትላላ ጉልበትህ ጥቂት ነው። ምሳሌ 24፡10

ባህሪ የሌለው ስጦታ ማለት ዘይትን ቀዳዳ እቃ ውሰጥ እንደማስቀመጥ ያህል ብክነት ነው፡፡ ባህሪ ስጦታውን በሚገባ እንድንጠቀምበት ያስችለናል፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ስጋ #ምኞት #ማሰብ #ህይወት #ሞት #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #ትህትና

ስልጣን ወይስ ባህሪ?

power or charcter.jpgእግዚአብሄር ሰውን የፈጠረው በመልኩና በአምሳሉ ነው፡፡ እግዚአብሄር ሰውን የፈጠረው በባህሪው እንዲኖር ነው፡፡ እግዚአብሄር የፈጠረው ሰው የእግዚአብሄር ባህሪዎች ሁሉ ነበሩት፡፡

እግዚአብሄር የፈጠረው እግዚአብሄር አታድርግ የተባለውን ያንኑ ነገር በማድረጉ የተነሳ ከእግዚአብሄር ክብር ወደቀ፡፡ ሰው እግዚአብሄርን ከመታዘዘ ይልቅ ተጨማሪ ሃይል ሲፈልግ የእግዚአብሄርን ባህሪ አጣው፡፡ ሰው በእግዚአብሄር ላይ በማመፁ እነዚያን የእግዚአብሄር ባህሪያት እንዲሁም የፈለገውን ሃይል አጣው፡፡ ሰው እንደ እግዚአብሄር ለመሆን ባለው ጥማት የእግዚአብሄርን ባህሪ አጣው፡፡

ከእርስዋ በበላችሁ ቀን ዓይኖቻችሁ እንዲከፈቱ እንደ እግዚአብሔርም መልካምንና ክፉን የምታውቁ እንድትሆኑ እግዚአብሔር ስለሚያውቅ ነው እንጂ። ዘፍጥረት 3፡5

አሁንም የሰው ስጋዊ ባህሪ መልካሙን የእግዚአብሄርን ባህሪ አይፈልግም፡፡ የሰው ስጋዊ ባህሪ የሚፈልገው ሃይልን ነው፡፡ የሰው ስጋዊ ባህሪ የሚፈልገው ጊዜን መቆጣጠር እንጂ ትእግስትን አይደለም፡፡ የሰው ስጋዊ ባህሪ የሚፈልገው ሰውን መቆጣጠር እንጂ ለሌላው መገዛትን አይደለም፡፡ የሰው ስጋዊ ባህሪ የሚፈልገው ሁኔታን መቆጣጠር እንጂ ራስን መስጠት አይደለም፡፡

የሰው ስጋዊ ባህሪ የሚፈልገው ሃይሉን በትክክል የሚያስተዳድርበትን የእግዚአብሄርን ባህሪ ሳይሆን ሃይሉን ብቻ ነው፡፡ የሰው ስጋዊ ባህሪ ለሃይል ይጓጓል፡፡ የሰው ስጋዊ ባህሪ አንደኛ መሆንን እንጂ ማገልገልን አይፈልግም፡፡ የሰው ስጋዊ ባህሪ መጠቀምን እንጂ መጥቀምን አያስበውም፡፡ ስጋ ለሃይል እንጂ ለባህሪ ግድ የለውም፡፡

የዘብዴዎስ ልጆች ያዕቆብና ዮሐንስም ወደ እርሱ ቀርበው፦ መምህር ሆይ፥ የምንለምንህን ሁሉ እንድታደርግልን እንወዳለን አሉት። እርሱም፦ ምን ላደርግላችሁ ትወዳላችሁ? አላቸው። እነርሱም፦ በክብርህ ጊዜ አንዳችን በቀኝ አንዳችንም በግራህ መቀመጥን ስጠን አሉት። ማርቆስ 10፡35-37

ስጋ በነገሮች መያዝ አይፈልግም፡፡ ስጋ መታገስ አይፈልግም፡፣ስጋ መጠበቅ አይፈልግም፡፡ ስጋ ሌላወን መውደድ አይፈልም፡፡ ስጋ ሌላውን መሸከም አይፈልግም፡፡ ስጋ የሚፈልገው ሌላውን ሁሉ መለወጥን እንጂ መታገስን አይደለም፡፡ ስጋ የሚፈልገው ሌላውን መተው እንጂ መውደድ አይደለም፡፡

ስጋ መናገርን እንጂ መስማትን አይፈልግም፡፡ ስጋ በንግግር ሁሉንም መቆጣጠርን እንጂ መስማትን አይፈልግም፡፡

ሁላችን በብዙ ነገር እንሰናከላለንና፤ በቃል የማይሰናከል ማንም ቢኖር እርሱ ሥጋውን ሁሉ ደግሞ ሊገታ የሚችል ፍጹም ሰው ነው። ያዕቆብ 3፡2

ስጋ የሚፈልገው ነገሮችን መቆጣጠር እንጂ ራሱን መስጠት አይደለም፡፡ ስጋ የሚፈልገው ሌላውን ሰው እንደርሱ ማድረግን እንጂ ሌላውን ሰው መምሰልን አይደለም፡፡ ስጋ ሌላውን ሁሉ ዝቅ አድርጎ መግዛት እንጂ ማንሳት ማስታጠቅ መልቀቅ አይፈልግም፡፡

ነፍሱን የሚያገኝ ያጠፋታል፥ ነፍሱንም ስለ እኔ የሚያጠፋ ያገኛታል። ማቴዎስ 10፡39

ስጋ ተጨማሪ ሃይልን እንጂ የባህሪ ለውጥን አይፈልግም፡፡ ስጋ ተጨማሪ ስልጣንን እንጂ መገዛትን አይፈልግም፡፡

በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን? ትመኛላችሁ ለእናንተም አይሆንም፤ ትገድላላችሁ በብርቱም ትፈልጋላችሁ፥ ልታገኙም አትችሉም፤ ትጣላላችሁ ትዋጉማላችሁ ነገር ግን አትለምኑምና ለእናንተ አይሆንም፤ ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። ያዕቆብ 4፡1-3

ስለዚህ ነው ሃዋሪያው ጳውሎስ ሥጋዬን እየጎሰምሁ አስገዛዋለሁ የሚለው፡፡

ነገር ግን ለሌሎች ከሰበክሁ በኋላ ራሴ የተጣልሁ እንዳልሆን ሥጋዬን እየጎሰምሁ አስገዛዋለሁ። 1ኛ ቆሮንቶስ 9፡27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ስጋ #ምኞት #ማሰብ #ህይወት #ሞት #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #ትህትና

አስተዳዳሪው ከሚተዳደረው ይበልጣል

administrator.jpgእግዚአብሄር ባለጠጋ ነው፡፡ እግዚአብሄር ሰውን ለመባረክ ይፈልጋል፡፡

እግዚአብሄር ሰውን በሚባርከው በረከት ሰው ተጠቃሚ እንዲሆን እግዚአብሄር ይፈልጋል፡፡  ሰውን የሚባርከው በረከት እንዲባክን እግዚአብሄር አይፈልግም፡፡ ሰው የእግዚአብሄርን በረከት በትክክል እንዲያስተዳድረው እግዚአብሄር ይፈልጋል፡፡

ሰው የተሰጠውን በረከት በትክክል ካላስተዳደረ ያባክነዋል፡፡ ሰው የተሰጠውን በረከት የሚይዝበት ትክክለኛ አያያዝ ከሌለው በረከቱ ይባክናል፡፡

እግዚአብሄር ሰውን ከመባረኩ በፊት የበረከቱን አስተዳዳሪውን ሰውን መስራቱን የሚያስቀድመው በዚህ ምክኒያት ነው፡፡ እግዚአብሄር ስለበረከቱ ሳይሆን ስለአስተዳሪው መሰራት ትልቅ ትኩረት የሚሰጠውና የሚያስቀድመው አስተዳዳሪው ሰው ከተሰራ በረከቱን በትክክል ማስተዳደር እንደሚችል እግዚአብሄር ስለሚያውቅ ነው፡፡ አስተዳደሪው በሚገባ ከተሰራ በረከቱን ለታሰበው አላማ ሊያውለው ይችላል፡፡

ስለዚህ ነው ሰውን ከመባረኩ በፊት እግዚአብሄር የሰውን ታማኝነት የሚመዝነው፡፡ አስተዳደሪው ታማኝ ከሆነ በረከቱ ለታለመለት አላማ ይውላል፡፡ አስተዳደሪው ታማኝ እስካልሆነ ደርስ ግን ሰው ምንም ቢባረክ በሚያፈስ እቃ ውስጥ እንደተቀመጠ ፈሳሽ በረከቱ ይባክናል፡፡

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። ምሳሌ 28፡20

አስተዳዳሪው ሳይሰራ በፊት የተገኘ በረከት ግን ከእግዚአብሄርም ሊሆን አይችልም እንዲሁም ደግሞ ንፁህ ሊሆን አይችልም፡፡ አስተዳዳሪው ቀስ በቀስ ሳይሰራ በፊት የተገኘ በረከት መሰረት እንደሌለው ቤት ነው፡፡ አስተዳደሪው ሰው በባህሪ ሳይሰራ አስቀድሞ የተገኘ ርስት ፍፃሜው ለመልካም አይሆንም፡፡

በመጀመሪያ ፈጥኖ የተከማቸ ርስት ፍጻሜው አይባረክም። ምሳሌ 20፡21

ስለዚህ ነው ሰው ሃብቱን በትክክል ከማስተዳደሩ በፊት በባህሪ ማደግና ሃብቱን ለማስተዳደር የሚያስችለውን ብስለት ማግኘት እንዳለበት መፅሃፍ ቅዱስ የሚያስተምረው፡፡

ነገር ግን እላለሁ፥ ወራሹ ሕፃን ሆኖ ባለበት ዘመን ሁሉ፥ ምንም የሁሉ ጌታ ቢሆን ከቶ ከባሪያ አይለይም፥ ነገር ግን አባቱ እስከ ቀጠረለት ቀን ድረስ ከጠባቂዎችና ከመጋቢዎች በታች ነው። ገላትያ 4፡1-2

ርስትን ለመቀበል ሰከንድ አይፈጅም፡፡ ነገር ግን ርስትን በትክክል ለማስተዳደር የሚያበቃ ብስለትን ለማግኘት ዘመናት ይጠይቃል፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ባህሪ #ፍቅር #ልብ #አስተዳደሪ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

ትዕግሥተኛ ሰው ከኃያል ሰው ይሻላል

patience11.jpgትዕግሥተኛ ሰው ከኃያል ሰው ይሻላል፥ በመንፈሱም ላይ የሚገዛ ከተማ ከሚወስድ ይበልጣል። ምሳሌ 16፡32

በምድር ላይ ሃያል የሆኑ ግን ለምድር በረከት ያልሆኑ በጣም ብዙ ሰዎች አሉ፡፡ በምድር ላይ ባለጠጋ የሆኑ ነገር ግን ለምድር ስጋት የሆኑ በጣም ብዙ ሰዎች አሉ፡፡ በምድር ላይ ጥበበኛ የሆኑ ነገር ግን የምድር አደጋ የሆኑ በጣም ብዙ ሰዎች ይገኛሉ፡፡

ሰው ሃይሉን ለክፋትም ይሁን ለበጎነት ሊጠቀምበት ይችላል፡፡ ሃይላችንን ለምን እንደምንጠቀምበት እስካልታወቀ ድረስ ሃይል አለን ማለት ምንም ማለት አይደለም፡፡ ስለዚህ ሃይል በማን እጅ እንዳለ ካልታወቀ ምንም ማለት አይደለም፡፡ ሃይልን ብቻ አይተህ ከተመኘኸው ሃይል ያለውን የጥፋት አቅም አልተረዳህም ማለት ነው፡፡

ሰው ባለጠጋ ነው ማለት ባለግነቱን ለክፋት እንደማይጠቀምበት ካልተረጋገጠ በስተቀር ባለጠግነቱን ብቻ የሚመኙት ነገር አይደለም፡፡ ሰው ባለጠግነቱን ለመልካም ነገር ብቻ ሳይሆን ሰውን ለመግደል ለማጎሳቆል ለመበዝበዝ ለማስለቀስ ሊጠቀምበት ይችላል፡፡

ሰው ጥቢብ ነው ማለት ጥበቡን ለክፋት አይጠቀምበትም ማለት አይደለም፡፡ ጥበብ አደጋ ሊሆን ይችላል፡፡ ጥበብ በረከት ሊሆን ይችላል፡፡ ጥበብ እንደሚይዘው ሰው ስጋት ሊሆን ይችላል፡፡

ሃያልነት ባለጠግነትና ጥበብ ከውጭ የሚሰጡ ስጦታዎች ናቸው፡፡ ሃያልነት ባለጠግነትና ጥበብ የሚያስመኩ የእድገት መለኪያዎች አይደሉም፡፡ ሃያልነት ባለጠግነትና ጥበብ የሰውን ማደግ መለወጥና መልካምነት አያሳዩም፡፡

ለሰው ሃያልነትን የሚሰጠው እግዚአብሄር ነው፡፡ ሰውን ከባለጠግነት ጋር የሚያገናኘው የእግዚአብሄር አሰራር ነው፡፡ ለሰው የጥበብን አእምሮ የሚሰጠው እግዚአብሄር ነው፡፡ ሃያልነት ባለጠግነትና ጥበብ ሃያሉን ባለጠጋውንና ጠቢቡን የሚያስመካው ምንም ነገር የለም፡፡

በመርህ መኖር ግን የሰውን የባህሪ እድገት ይጠይቃል፡፡ ትእግስት ግን የሰውን መለወጥ ይጠይቃል፡፡ ትእግስት ግን የተሻለ መረዳትን ይጠይቃል፡፡ ትእግስት ግን ራስን መግዛትን ይጠይቃል፡፡

ሰው ሃያልነቱ የሚለካው ራሱን ሲገዛ ብቻ ነው፡፡ ሰው ሃያልነቱ የሚለካው ማድረግ የሚፈልገውን ሲያደርግ ፣ ማድረግ የማይፈለገውን ሳያደርግ ነው፡፡ የሰው ሃያልነት የሚለካው ሰው በራሱ ላይ ሙሉ ስልጣን ሲኖረው ነው፡፡ የሰው ሃያልነቱ የሚለካው ራሱን ሲመራ ብቻ ነው፡፡

ሰው ባለጠግነቱ የሚለካው በውስጡ ባለጠጋ ሲሆን ነው፡፡ ሰው ባለጠግነቱ የሚለካው በሰላም ፣ በደስታ ፣ በእረፍትና በእርካታ ባለጠጋ ሲሆን ነው፡፡ ሰው ባለጠግነቱ የሚለካው በነፍሱ ባለጠጋ ሲሆን ነው፡፡

ወዳጅ ሆይ፥ ነፍስህ እንደሚከናወን፥ በነገር ሁሉ እንዲከናወንልህና ጤና እንዲኖርህ እጸልያለሁ። 3ኛ ዮሐንስ 1፡2

ሰው ባለጠግነቱ የሚለካው በይቅርታና እና በምህረት ባለጠጋ ሲሆን ነው፡፡ የሰው ባለጠግነት የሚለካው ለራሱ ነገሮችን በራስ ወዳድነት በማግበስበስ ሳይሆን በመልካም ስራ ባለጠጋ ሲሆን ነው፡፡

እውነተኛውን ሕይወት ይይዙ ዘንድ፥ ለሚመጣው ዘመን ለራሳቸው መልካም መሠረት የሚሆንላቸውን መዝገብ እየሰበሰቡ፥ መልካምን እንዲያደርጉ በበጎም ሥራ ባለ ጠጎች እንዲሆኑ፥ ሊረዱና ሊያካፍሉም የተዘጋጁ እንዲሆኑ ምከራቸው። 1ኛ  ጢሞቴዎስ 6፡18-19

ሰው ጠቢብነቱ የሚታወቀው እግዚአብሄርን በመፍራት ከእግዚአብሄርና ከሰው ጋር በትግስትና በትህትና ሲኖር ነው፡፡ ሰው ጠቢብነቱ የሚታወቀው በመጀመሪያ ከፈጠረው ጋር እንዴት በትህትና እንደሚኖር ሲያውቅ ነው፡፡ ሰው ጠቢብነቱ የሚታወቀው በህይወቱ እጅግ አስፈላጊ ለሆነው ለፈጠረው ለሰራው ለእግዚአብሄር እውቅና መስጠቱ ነው፡፡ ሰው ጠቢብነቱ የሚለካው ለእግዚአብሄር የመጀመሪያውን ስፍራ ሲሰጥ ነው፡፡

የጥበብ መጀመሪያ እግዚአብሔርን መፍራት ነው፤ ሰነፎች ግን ጥበብንና ተግሣጽን ይንቃሉ። ምሳሌ 1፡7

ስለዚህ ነው ትእግስተኛ ሰው ከሃያል ስው ይሻላል የሚባለው፡፡

ትዕግሥተኛ ሰው ከኃያል ሰው ይሻላል፥ በመንፈሱም ላይ የሚገዛ ከተማ ከሚወስድ ይበልጣል። ምሳሌ 16፡32

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ባህሪ #ፍቅር #ልብ #የዋህ #ዝግተኛ #የመንፈስፍሬ #ውበት #የልብሰው #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

የአምልኮት መልክ አላቸው ኃይሉን ግን ክደዋል

form of godliness.jpgነገር ግን በመጨረሻው ቀን የሚያስጨንቅ ዘመን እንዲመጣ ይህን እወቅ። ሰዎች ራሳቸውን የሚወዱ ይሆናሉና፥ ገንዘብን የሚወዱ፥ ትምክህተኞች፥ ትዕቢተኞች፥ ተሳዳቢዎች፥ ለወላጆቻቸው የማይታዘዙ፥ የማያመሰግኑ፥ ቅድስና የሌላቸው፥ ፍቅር የሌላቸው፥ ዕርቅን የማይሰሙ፥ ሐሜተኞች፥ ራሳቸውን የማይገዙ፥ ጨካኞች፥ መልካም የሆነውን የማይወዱ፥ ከዳተኞች፥ ችኩሎች፥ በትዕቢት የተነፉ፥ ከእግዚአብሔር ይልቅ ተድላን የሚወዱ ይሆናሉ፤ የአምልኮት መልክ አላቸው ኃይሉን ግን ክደዋል፤ ከእነዚህ ደግሞ ራቅ። 2ኛ ጢሞቴዎስ 3፡1-5

የአምልኮ መልክ ኖሮዋቸው የእግዚአብሄርን ሃይል የካዱ ሰዎች በጣም የሚያሳዝኑ ሰዎች ናቸው፡፡ ሃይሉን የካዱ ሰዎች በእግዚአብሄር ሃይል ስለማይታመኑ የራሳቸውን መንገድ ይሄዳሉ፡፡ በሃይሉ ስለማይታሙና የእግዚአብሄር ሃይሉ ይህን ያደርግልኛል ብለው ተስፋ ስለማያደጉ ማስመሰዩውን መንገድ ይሄዳሉ፡፡ የእግዚአብሄርን ሃትል ስለካዱ የስጋን ሃይል ይጠቀማሉ፡፡ በፍቀር ስለማያምኑ ፍቅር የሌላቸው ሆነው ይመላለሳሉ፡፡ በእግዚአብሄር ሃየለ ስለማያምኑ በራሳቸው ቅልጥፍና ይታመናሉ፡፡ ራሰብን በመካድ ስለማያምኑ በ ስግብግብነት ይመላለሳሉ፡፡ በእግዚአብሄር ስለማያምኑ በረሳቸው ብልጠይት ይደገፋሉ፡፡

ሰዎች ራሳቸውን የሚወዱ

ሰዎች እግዚአብሄር እንደሚወዳቸው እርግጠኛ ስላይደሉ ደስተኞች አይደሉም፡፡ እግዚአብሄር እንደሚወደው የሚያውቅ ሰው ያርፋል ራስ ወዳድ አይሆንም፡፡ ሰዎች ራሳቸው ላይ ያተኩራሉ፡፡ ሌላውን መድረስ ፣ ሌላውን መጥቀም ፣ ማካፈል ፣ ለሌላው መኖር ፣ ሌላውን ማንሳት የሚባሉ ነገሮች ከራስ ወዳድንት ከፍ ያለ የከበረ ደረጃ እንደሆነ አያውቁም፡፡

ገንዘብን የሚወዱ፥

ሰዎች ገንዘብን በመውደዳቸው ጌታን ይንቃሉ፡፡ ሰዎች ገንዘብን በመውደዳቸው ሰውን አይወዱም፡፡ ሰዎች ገንዘብን በመውደዳቸው ይሰርቃሉ ፣ ይዋሻሉ ፣ ያጭበረብራሉ ፣ ይክዳሉ ፣ ሰዎችን ይጠላሉ፡፡ ገንዘብን መውደድ የክፋይ ሁሉ ስር እንደመሆኑ ገንዘብን የሚወድ ሰው እግዚአብሄርንም ሰውንም ስለማይወድ ምንም ክፋት ሊያደርግ ይችላል፡፡ 1ኛ ጢሞቴዎስ 6፡10

ለሁለት ጌቶች መገዛት የሚቻለው ማንም የለም፤ ወይም አንዱን ይጠላል ሁለተኛውንም ይወዳል፤ ወይም ወደ አንዱ ይጠጋል ሁለተኛውንም ይንቃል፤ ለእግዚአብሔርና ለገንዘብ መገዛት አትችሉም። ማቴዎስ 6፡24

ትምክህተኞች፥

በገንዘብና በተለያዩ ጉሳቁሶች ይመካሉ፡፡ በራሳቸው ችሎታ ይመካሉ፡፡ ባላቸው ዝምድና በሚያውቁት ሰው በአራድነታቸው ይመካሉ፡፡

ትዕቢተኞች፥

ሰውን ሁሉ ዝቅ አድርገው ይመለከታሉ፡፡ ባልጀራዬ ከእኔ ይሻላል አይሉም፡፡ ሰውን የሚፈልጉት ለጥቅማቸው ብቻ ነው፡፡ ካልጠቀማቸው ለሌላ ለምንም ነገር አይፈልጉትም፡፡ ከሁሉም የሚሻሉበትን መንገድ ባገኙት አጋጣሚ ያሳያሉ፡፡ ሁሉም እነርሱን ለመጥቀም የተሰራ እንጂ ልናገለግለው የሚገባ እንደሆነ አያውቁም፡፡

ተሳዳቢዎች፥

በታላቅ ቃል ይሳደባሉ፡፡ ሲሳደቡ ለነገ አይሉም፡፡ ለመሳደብ አይፈሩም፡፡ ሲናገሩ ደፋሮች ናቸው፡፡ በድፍረት ንግግር ሁሉንም ለመብለጥ የሚፈልጉ ይመስላሉ፡፡ በፊታቸው የተከበረ የማይሰደብ ሰው የለም፡፡ በግል ጥቅማቸው ፊት የቆመን ማንም ሰው ለማዋረድ ወደኋላ አይሉም፡፡ በግል ጥቅማቸው ፊት የቆመን ሰው ለማዋረድ ያለችውን ተሰሚነት ሁሉ ለክፋት ይጠቀሙበታል፡፡

ለወላጆቻቸው የማይታዘዙ፥

ስልጣንን አያከብሩም፡፡ የሚሰሙት ምንም ስልጣን የለም፡፡ ለእነርሱ ሁሉም ሰው አልገባውም፡፡ እነርሱ ራሳቸውን ከፍ አድርገው ከመስቀላቸው አንፃር ማንም ሊሰሙት የተገባ አይደለም፡፡ ለማንም አይታዘዙም፡፡ ማንንም አይሰሙም፡፡ ለሁለም ሰው የሚያወጡት አቃቂር አለ፡፡ ሁሉም ሰው እነርሱም የሚሰማ እንጂ እነርሱ የሚሰሙት አንድም ሰው የለም፡፡

 

ነገር ግን ይህን ትውልድ በምን እመስለዋለሁ? በገበያ የሚቀመጡትን ልጆች ይመስላሉ፥ እነርሱም ባልንጀሮቻቸውን እየጠሩ። እንቢልታ ነፋንላችሁ ዘፈንም አልዘፈናችሁም ሙሾ አወጣንላችሁ ዋይ ዋይም አላላችሁም ይሉአቸዋል። ዮሐንስ ሳይበላና ሳይጠጣ መጣ፥ እርሱም፦ ጋኔን አለበት አሉት። የሰው ልጅ እየበላና እየጠጣ መጣ፥ እርሱም፦ እነሆ፥ በላተኛና የወይን ጠጅ ጠጭ፥ የቀራጮችና የኃጢአተኞች ወዳጅ ይሉታል። ጥበብም በልጆችዋ ጸደቀች። ማቴዎስ 11፡16-19

የማያመሰግኑ፥

ራሳቸውን ከመስቀላቸ አንፃር ይህ የሚኖሩበት ኑሮ የሚገባቸው እንደሆነ አያስቡም፡፡ ለአነርሱ የቱም ደረጃ አይመጥናቸውም፡፡ በየትኛውም ህይወት አይረኩም፡፡ በየትኛውም የህይወት ደረጃ ራሳቸውን ለማማጠን አይፈልጉም፡፡ ምንም ከፍ ያለ ደረጃ ለእነርሱ አይበቃል፡፡ እጅግ የተከበሩ ስለሆኑ ለክብራቸው የሚበቃ የህይወት ደረጃ የለም፡፡ ስለዚህ አያመሰግኑም፡፡ የሚያደርጉትን ሁሉ የሚያደርጉት ከምስጋና ልብና በደስታ አይደለም፡፡

ቅድስና የሌላቸው፥

ህይወታቸው በመርህ አይመራም፡፡ ደስ ካላቸው የፈለጉትን ያደርጋሉ፡፡ ለእግዚአብሄር ነገሮችን መተው ፣ ከአለም እርኩሰት መለየት ፣ ራስን መካድ የሚሉት ቃላቶች በህይወታቸው የሉም፡፡ በቃሉ ሳይሆን በሁኔታው ነው የሚመሩት፡፡ የተሻለ ጥቅም ካስገኘላቸው ይዋሻሉ፡፡

ፍቅር የሌላቸው፥

እግዚአብሄርን አያውቁም፡፡ እግዚአብሄርን አይወዱም ሰውን አይወዱም፡፡ ፍቅር የላቸውም፡፡ ሌላውም መጥቀም ፣ ለሌላው ማካፈል ፣ አብሮ ማደግ የሚባሉት ሃሳቦች ለእነርሱ እንግዳና የሞኝነት ሃሳቦች ናቸው፡፡

ዕርቅን የማይሰሙ፥

የራሳቸውን ሃሳብ እንጂ የማንንም ሃሳብ ለመስማት ፈቃደኛ አይደሉም፡፡እነርሱ ሃሳብ ብቻ ትክክል የሌላው ሃሳብ ሁሉ ስህተት ነው፡፡ ለሌላው ብለው ምንም ነገር ለመተው ፈቃደኛ አይደሉም፡፡ እውቅና የሚሰጡት ለራሳቸው ጥቅምና ፍላጎት ብቻ ነው፡፡ የሚያርፉት የራሳቸውን ሃሳብ ሲያስፈፅሙ ብቻ ነው፡፡ ለጥቅማቸው እንጂ ለሰላም ምንም ፍላጎት የላቸውም፡፡

ሐሜተኞች፥

የሰውን ገመና ለመሸፈን የሚያደርጉት ጥረት የለም፡፡ ማንንም ሰው እንደ ቤተሰብ አያዩም፡፡ ማንም ሰው በፊታቸው የከበረ አይደለም፡፡ ሰውን በሌላ ሰው ፊት ዝቅ ዝቅ ለማድረግ አይፈሩም፡፡ የአንዱን ገመና በሌላው ሰው ፊት ለመግለጥ አይፈሩም፡፡ የሌላውን ስም ለማጥፋት ጨካኞች ናቸው፡፡ ሌላውን ለማዋረድና ስሙን ለማጥፋት ፈጥረውም በውሸት ያወራሉ፡፡ ሌላውን ሰውን ማጣጣል እነርሱን ከፍ የሚያደርጋቸው ይመስላቸዋል፡፡

ራሳቸውን የማይገዙ፥

የፈሉትን ነገር በፈለጉት ጊዜ እንዲያገኙ ይፈልጋሉ፡፡ ትእግስት ፣ መጠበቅ ፣ መተው የሚሉትን መርሆች አያውቋቸውም፡፡ ከስጋቸው የሚሰሙት ድምፅ ሁሉ ትክክል ነው፡፡ ራስን መግዛት ፣ ስጋ መጎሸም ፣ ስጋን መከልከል የሚሉት ሃሳቦት በፍፁም አይገባቸውም፡፡

ጨካኞች፥

ምህረትና ርህራሄ የላቸውም፡፡ ለጥቅም ሲባል ምንም ነገር ለማድረግ ወደኋላ አይሉም፡፡ በጥቅም ላይ እነጂ በማንም ላይ ይጨክናሉ፡፡ ለእነርሱ ትክክል ጥቅም ማግኘት ነው፡፡ ጥቅም የሚያስገኝላቸው ማንኛውም ነገር በምንም ይምጣ በምንም ትክክል ነው፡፡

መልካም የሆነውን የማይወዱ፥

ትክክለኛው ህይወት  ከእነርሱ ስለሚለይ ይጠሉታል፡፡ ቀስ ብላ የምትከማቸውን ሃብት ያላዋቂ ያደርጉታል፡፡ ራሱን የሚገዛ ሰው ሲያዩ ያልገባው እውቀት ያነሰው ይመስላቸዋል፡፡ እንደ እነርሱ የማይሄድ ማንም ሰውን ይጠላሉ፡፡ መልካመ የሆነው ህይወት የእነርሱን ህይወት ስለሚያጋልጥ አይወዱትም፡፡

ከዳተኞች፥

በቃላቸው አይታመኑም፡፡ ለመካድ ቅርብ ናቸው፡፡ ታማኝነት ስለሌላቸው ከተመቻቸው ቅጥፍ አድርገው ይክዳሉ፡፡ የተሻለ ነገር ሲያገኙ ወዲያው ተገልብጠው ይገኛሉ፡፡ ቀድመው የገቡትን ቃል በቀላሉ ያፈርሳሉ፡፡ ስለቃሌ ልታገስ የሚል ነገር የላቸውም፡፡

ችኩሎች፥

ሁሉ ነገር በፍጥነት እንዲሆንላቸው ነው የሚፈልጉት፡፡ ነገር በፍጥነት ካልሆነላቸው ይሆናል ብለው አያምኑም፡፡ መጠበቅን ይፈሩታል፡፡ መታገስ አለማወቅ አለመረዳት ደካምነት ነው የሚመስላቸው፡፡

በትዕቢት የተነፉ፥

ማንም ሊያስተምራቸውና ሊመክራቸው አይችልም፡፡ ሁሉንም ያውቃሉ፡፡ አውቀውት ጨርሰዋል፡፡ ሌላው ሁሉ ሰው እንጂ እነርሱ መማር መለወጥ አያስፈልጋቸውም፡፡ ለመማር ለመለወጥ ዝግ ናቸው፡፡ በማንም ስልጣን ስር መግባት አይፈልሀጉም፡፡ ማንም እንዲያዛቸው አይፈልጉም፡፡ ማንንም መስማት አይፈልጉም፡፡

ከእግዚአብሔር ይልቅ ተድላን የሚወዱ

ደስታ መዝናናት የህይወታቸው ከፍተኛው አላማ ነው፡፡ የሚያስደስታቸውን ምንም ነገር ይቀበሉታል፡፡ የማያስደስታቸውን ምንም ነገር አይቀበሉትም፡፡ ህይወታቸውን በመሰረታዊ ፍላጎት ላይ ሳይሆን በቅንጦት ላይ ያባክኑታል፡፡ በህይወታቸው የሚመራቸው ደስታ ተድላ እንጂ ጌታ አይደለም፡፡

የአምልኮት መልክ አላቸው ኃይሉን ግን ክደዋል

የክርስትና ቋንቋው ሁሉ አላቸው፡፡ ንግግሩ ቃላቶቹ ሁሉ አላቸው፡፡ መልኩ ሁሉ አላቸው፡፡ ለውጭው መልካቸው በጣም ይጠነቀቃሉ፡፡ ሁሉንም ነገር ከላይ ከላይ ትክክል ለማድረግ እጅግ ይጠነቀቃሉ፡፡ የውጭውን ነገር ሁሉ በደንብ ይይዙታል ለልባቸው ግን ግድ የላቸውም፡፡ ዋናው የውጭው ይመስላቸዋል፡፡ ከሰው የሚመጣውን ክብር እንጂ ከእግዚአብሄር የሚመጣውን ክብር አይፈልጉም፡፡ ልባቸው ግን ክፋትና ቅሚያ ሞልቶባቸዋል፡፡

ከእግዚአብሔር ክብር ይልቅ የሰውን ክብር ወደዋልና። ዮሃንስ 12፡43

ነገር ግን በመጨረሻው ቀን የሚያስጨንቅ ዘመን እንዲመጣ ይህን እወቅ። ሰዎች ራሳቸውን የሚወዱ ይሆናሉና፥ ገንዘብን የሚወዱ፥ ትምክህተኞች፥ ትዕቢተኞች፥ ተሳዳቢዎች፥ ለወላጆቻቸው የማይታዘዙ፥ የማያመሰግኑ፥ ቅድስና የሌላቸው፥ ፍቅር የሌላቸው፥ ዕርቅን የማይሰሙ፥ ሐሜተኞች፥ ራሳቸውን የማይገዙ፥ ጨካኞች፥ መልካም የሆነውን የማይወዱ፥ ከዳተኞች፥ ችኩሎች፥ በትዕቢት የተነፉ፥ ከእግዚአብሔር ይልቅ ተድላን የሚወዱ ይሆናሉ፤ የአምልኮት መልክ አላቸው ኃይሉን ግን ክደዋል፤ ከእነዚህ ደግሞ ራቅ። 2ኛ ጢሞቴዎስ 3፡1-5

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ገንዘብን የሚወዱ #ትምክህተኞች #ትዕቢተኞች #ተሳዳቢዎች #ለወላጆቻቸውየማይታዘዙ #የማያመሰግኑ፥ #ቅድስና የሌላቸው #ፍቅርየሌላቸው #ዕርቅንየማይሰሙ #ሐሜተኞች #ራሳቸውን የማይገዙ #ጨካኞች #የማይወዱ #ከዳተኞች #ችኩሎች #በትዕቢትየተነፉ #ተድላን #እውቀት #ጥበብ #ማስተዋል #ቃል #መልካም #መታመን #መደገፍ #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት  #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ

ኢየሱስም ከዚያ ፈቀቅ

qurrel.jpgፈሪሳውያን ግን ወጥተው እንዴት አድርገው እንዲያጠፉት ተማከሩበት። ኢየሱስም አውቆ ከዚያ ፈቀቅ አለ። ብዙ ሰዎችም ተከተሉት፥ ሁሉንም ፈወሳቸው፥ እንዳይገልጡትም አዘዛቸው፤ በነቢዩ በኢሳይያስ የተባለው ይፈጸም ዘንድ እንዲህ ሲል፦ እነሆ የመረጥሁት ብላቴናዬ፥ ነፍሴ ደስ የተሰኘችበት ወዳጄ፤ መንፈሴን በእርሱ ላይ አኖራለሁ፥ ፍርድንም ለአሕዛብ ያወራል። አይከራከርም አይጮህምም፥ ድምፁንም በአደባባይ የሚሰማ የለም። ፍርድን ድል ለመንሣት እስኪያወጣ፥ የተቀጠቀጠን ሸምበቆ አይሰብርም የሚጤስን የጥዋፍ ክርም አያጠፋም። ማቴዎስ 11፡14-20

የኢየሱስ አገልግሎት በሁሉም ነገር ምሳሌ ሊሆንልን የሚችል አገልግሎት ነው፡፡ ኢየሱስ ሲፈውስ ሰዎች ስለሃይማኖታቸው ምክኒያይ ተቃወሙት፡፡ ሲቃወሙት ግን የተቃወሙትን ሰዎች ለማሳመን ሲከራከርና ሲጣላ አይታይም፡፡ ኢየሱስ የተቃወሙትን ሰዎች በክርክር ለመርታትና አፋቸውን ለማስያዝ ጉልበቱን ሲጨርስ አትመለከቱም፡፡ ኢየሱስ የተቃወሙትን ሰዎች በንግግር ብዛት አፋቸውን ለማስያዝ በዚያም ሃያልነቱን ለማሳየት ሲከራከር አትመለከቱም፡፡

የኢየሱስ አገልግሎት ያለው ውስጡ ነው፡፡ የኢየሱስ አገልግሎት ከአንድ ከተወሰነ ቦታ ጋር የተያያዘ አልነበረም፡፡ የኢየሱስ አገልግሎት ከአንደ የተወሰነ ሁኔታ ጋር የተያያዘም አልነበረም፡፡ የኢየሱስ አገልግሎት ሰዎች ሲቃወሙት አብሮ የሚጠፋ አገልግሎት አልነበረም፡፡  የኢየሱስ አገልግሎት ሰዎች ጎሽ ሲሉት የሚጨምር ሲቃወሙት የሚከስም በውጭው የአየር ሁኔታ የሚወሰን አገልግሎት አልነበረም፡፡

የኢየሱስ አገልግሎት ለሌሎች ማሰናከያ የሚሰጥ አገልግሎት አልነበረም፡፡ የኢየሱስ አገልግሎት ደካሞች ሰዎች ሲቃወሙት በድካማቸው ላይ ድካም የሚጨምርና ይበልጥ የሚያሰናክላቸው አልነበረም፡፡ የኢየሱስ አገልግሎት በተቃውሞ መካከል እንኳን ለሰዎች በጣም የሚጠነቀቅ ነበር፡፡

የኢየሱስ አገልገሎት ካልታወቅኩ ስሜ ካልገነነ ብሎ ለስሙ ታዋቂነት የሚከራከር ሰው አገልግሎት አልነበረም፡፡ ኢየሱስ ሰዎች ዘጉብኝ አገልግሎቴ እንዳይወጣ አደረጉት ብሎ ነገሮችን ከሰዎች ጋር የሚያያይዝ አልነበረም፡፡

ኢየሱስ ስጋት አልነበረበትም፡፡ ኢየሱስ አገልግሎቱ ውስጡ እንዳለ ፣ ውስጡ ያለውን አገልገሎት ሊወስድ የሚችልና አገልግሎቱን ሊያስቆም የሚችል ማንም ሰው እንደሌለ ያውቃል፡፡

ኢየሱስ ትኩረቱ ሰዎችን በመጥቀም ፣ ሰዎች ነፃ በማውጣት ፣ ሰዎችን በመፈወስ ላይ እንጂ በስሙ በዝናውና በታዋቂነቱ ላይ አልነበረም፡፡

ኢየሱስ ጩኸቱ ሳይሰማ ሳይጨበጨብለት በላከው ተማምኖ ድምፁን አጥፍቶ ሰውን ፈውሶ ሰውን ነፃ አውጥቶ የሚያገለግል አገልጋይ ነበር፡፡

ፈሪሳውያን ግን ወጥተው እንዴት አድርገው እንዲያጠፉት ተማከሩበት። ኢየሱስም አውቆ ከዚያ ፈቀቅ አለ። ብዙ ሰዎችም ተከተሉት፥ ሁሉንም ፈወሳቸው፥ እንዳይገልጡትም አዘዛቸው፤ በነቢዩ በኢሳይያስ የተባለው ይፈጸም ዘንድ እንዲህ ሲል፦ እነሆ የመረጥሁት ብላቴናዬ፥ ነፍሴ ደስ የተሰኘችበት ወዳጄ፤ መንፈሴን በእርሱ ላይ አኖራለሁ፥ ፍርድንም ለአሕዛብ ያወራል። አይከራከርም አይጮህምም፥ ድምፁንም በአደባባይ የሚሰማ የለም። ፍርድን ድል ለመንሣት እስኪያወጣ፥ የተቀጠቀጠን ሸምበቆ አይሰብርም የሚጤስን የጥዋፍ ክርም አያጠፋም። ማቴዎስ 11፡14-20

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አገልግሎት #ሰላም #ክርክር #አይከራከርም #አይጮህምም #ፈቀቅ #ስኬት # #ስምረት #ፍርድ #ሁሉየእናንተነውና #ቤተክርስትያን #አማርኛ #ስብከት #መዳን #የተትረፈረፈህይወት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መርካት #ደስታ #ማስተዳደር #እረፍት

አዘነላቸው ድውዮቻቸውንም ፈወሰ

moved by compassion.jpgብዙ ሕዝብም ባየ ጊዜ፥ እረኛ እንደ ሌላቸው በጎች ተጨንቀው ተጥለውም ነበርና አዘነላቸው። ማቴዎስ 9፡36

ኢየሱስ በምድር ላይ ያገለገለው ብዙዎችን ነፃ ያወጣው በአዘኔታና በርህራሄ ተመርቶ ነው፡፡ ርህራሄ ወደ ትክክለኛው አገልግሎት ይመራል፡፡ ርህራሄ ወደ እግዚአብሄር ሃሳብ ይመራል፡፡ ርህራሄ ወደፈውስ ወደነኛ ማውጣት ወደአገልግሎት ይመራል፡፡

እግዚአብሄር የሚሰራው በፍቅር ነው፡፡ እግዚአብሔር የሚንቀሳቀሰው በርህራሄ ነው፡፡ እግዚአብሄር ሲራራላችሁ ህይወታችሁን ይለውጣል፡፡ እግዚአብሄር ህይወታችሁን እንዲለወጥ ሲፈልግ ለሚያገለግላችሁ አገልጋይ ርህራሄውን ያካፍለዋል፡፡

እግዚአብሄር አገልጋዩን ለፈውስና ለነፃ ማውጣት ሊጠቀም ሲል ለአገልጋዩ ርህራሄ ይሰጣል፡፡ እግዚአብሄር እንዲጠቀምብህ ካስፈለገ ርህራሄ ያስፈልግሃል፡፡ ለምታገለግለው ህዝብ ርህራሄ ከሌለህ በከንቱ ትለፋለህ፡፡ የምታገለግለውን ህዝብ የምታገለገልው ካለፍቅርና ካለርህራሔ እንደስራ ከሆነ አገልግሎቱ ቢቀርብህ ይሻላል፡፡

በፍቅር የማይደረግ አገልግሎትም እንኳን ቢሆን አይጠቅምም፡፡ ካለ ምህረትና ርህራሄ የሚደረግ አገልግሎት ሁሉ ከንቱ ነው፡፡

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። 1ኛ  ቆሮንቶስ 13፡1-3

የምታገለግላቸውንና የምትጠቅማቸውን ሰዎች ለማገልገል ፍቅር ያስፈልግሃል፡፡ ፍቅር ከሌለህ እግዚአብሄር አይጠቀምብህም፡፡ ፍቅርና ርህራሄ ካልመራህ እግዚአብሄር አልመራህም፡፡ ፍቅር ሃይልህ ካልሆነ እግዚአብሄር ሃይል አይሆንም፡፡ በፍቅርና በርህራሄ ካልሆነ እግዚአብሄር ካንተ ጋር አይሆንም፡፡

አለምን የምናሸንፍበት እምነት የሚሰራው በፍቅር ነው፡፡ እምነት እንዲሰራና በእምነት ሰዎችን ለመጥቀምና ለማገለግል ፍቅር ይጠይቃል፡፡ እምነት ከፍቅር ተለይቶ አይሰራም፡፡

በክርስቶስ ኢየሱስ ሆኖ፥ በፍቅር የሚሠራ እምነት እንጂ መገረዝ ቢሆን ወይም አለመገረዝ አይጠቅምምና። ገላትያ 5፡6

ወጥቶም ብዙ ሕዝብ አየና አዘነላቸው ድውዮቻቸውንም ፈወሰ። ማቴዎስ 14፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ምህረት #ርህራሄ #ፍቅር #መውደድ  #አዘነላቸው #ነፃማውጣት #አገልግሎት #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

ራስን መግዛት በሰይጣን ላይ በርን ይዘጋል

door.jpgሰይጣን የህይወት ጠላት ነው፡፡ ሰይጣን ሊሰርቅ ሊያርድ ሊያጠፋ ነው እንጂ ስለሌላ አይመጣም፡፡ ሰይጣነ ስራው መስረቅ ማረድና ማጥፋት ነው፡፡ ሰይጣን ከዚህ ውጭ ስራ የለውም፡፡ ሰይጣን ተልእኮዬን ከግብ አደረስኩ የሚለው ሰዎች ሲሰረቁ ፣ ሲታረዱና ሲጠፉ ነው፡፡

ሰይጣን ደግሞ ይመጣል፡፡ ሰይጣን ይሰራል፡፡

የመንግሥትን ቃል ሰምቶ በማያስተውል ሁሉ፥ ክፉው ይመጣል፥ በልቡ የተዘራውንም ይነጥቃል፤ በመንገድ ዳር የተዘራው ይህ ነው። ሉቃስ 8:12

ኢየሱስ የዚህ አለም ገዢ ይመጣል ከእኔ አንዳች የለውም ብሎዋል፡፡

ከእንግዲህ ወዲህ ከእናንተ ጋር ብዙ አልናገርም፥ የዚህ ዓለም ገዥ ይመጣልና፤ በእኔ ላይም አንዳች የለውም፤ ዮሃንስ 14፡30

ኢየሱስ ሊሰርቅ ሊያርድ ሊያጠፋ የተራበ የዚህ አለም ገዢ እየመጣ ከእኔ አንዳች የለውም ሊል እንዴት ቻለ?

እኛስ የዚህ አለም ገዢ እየመጣ በእኛ ላይ አንዳች እንዳይኖረው ማድረግ የምንችለው እንዴት ነው?

ሰይጣን በመስቀል ላይ በኢየሱስ ድል ስለተነሳ ተሸንፎዋል፡፡ ሰይጣን በግድ አስገድዶ የሚያደርገው ነገር የለም፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15

ነገር ግን ሰይጣን ሰውን የሚሰርቀው የሚያርደውና የሚያጠፋው በሰው ባህሪ ድክመት ተጠቅሞ ነው፡፡ ሰውጣን ሰውን ከመስረቅ ከማረድና ከማጥፋቱ በፊት ደካማ ባህሪውን ይፈልጋል፡፡ ሰይጣን በሰው ውስጥ እንደ እግዚአብሄር ቃል ያልሆነ ባህሪ ካላገኘ ሰውን ሊሰርቅ ሊያርድና ሊያጠፋ አይቻለውም፡፡ ሰውን ለመስረቅ ሰይጣን በመጀመሪያ በሰው ውስጥ ጥላቻን ይፈልጋል፡፡ ሰውን ለማረድ ሰይጣን ቁጣን በሰው ውስጥ ይፈልጋል፡፡ ሰይጣን ሰውን ለማጥፋት መጀመሪያ ትእቢትን በሰው ውስጥ ይፈልጋል፡፡ ሰይጣን እነዚህን ባሪያት በውስጣችን ካላገኘ ይመጣል ግን ምንም ማድረግ አይችልም፡፡ ሰይጣን እነዚህን እንደ እግዚአብሄር ቃል ያልሆኑ ባህሪያት ካገኘ ህይወታችን ለመስረቅ ለማረድና ለማጥፋት ይመቸዋል፡፡

በፍቅር በሚኖር ሰው ለመጠቀም ሰይጣን አይችልም፡፡ በምህረት የሚኖረውን ሰው ለማረድ ሰይጣን አይችልም፡፡ ትሁት የሆነን ሰው ህይወት ለማጥፋት ሰይጣን አይችልም፡፡

ስለዚህ ሰይጣንን በተዘዋዋሪ መንገድ ከህይወታችን ለመከላከልና ለሰይጣን በህይወታችን ውስጥ ስፍራ ለማሳጣት ባህሪያችንን መከታታል ይኖርብናል፡፡ በህይወታችን በሰይጣን ጥቃት ላይ በር ለመግዛት በእግዚአብሄር ቃል እግዚአብሄር መምሰል መልካም ባህሪያችንን መገንባት ይኖርብናል፡፡

ሰይጣን የሚወደውና የሚጠቀምበትን ባህሪ ከህይወታችን ካስወገድን የዚህ አለም ገዢ ይመጣል ከእኔ ግን አንዳች የለውም ማለት እንችላል፡፡

ተቆጡ ኃጢአትንም አታድርጉ፤ በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ኤፌሶን 4፡26-27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #ትህትና

የስኬት መለኪያው

success.jpg

በህይወታችን ስኬት በጣም አስፈላጊ ነገር ነው፡፡ ህይወታችን በስኬት ካልተለካ ብክነት ነው፡፡ ህይወቴ በስኬት ጎዳና ላይ ነው ወይ? የሚለው ጥያቄ በትክክል ካልተመለሰ ህይወታችን ካለፍሬና ውጤት አለመቅረቱ ምንም ማረጋገጫ አይኖረውም፡፡ ስኬት ደግሞ በአጋጣሚ የሚመጣ እድል አይደለም፡፡ ስለስኬት በሙሉ ስልጣን የሚነግረን የእግዚአብሄር ቃል ነው፡፡

ስኬት ደግሞ የሚለካው የተፈጠርንበትን አላማ በመፈፀም ነው፡፡ ስኬት የሚለካው እግዚአብሄር እንደፈጠረን ንድፍ ወይም ዲዛይን መኖራችንን በመለካት ነው፡፡ ግን ጥያቄው ስኬት በምን ይለካል? ነው፡፡

ስኬት የሚለካው የእግዚአብሄርን ፈቃድ በህይወታችን ለመፈፀም የሚያስችለን የክርስቶስ ባህሪ በእኛ ይታያል ወይ? የሚለውን ጥያቄ በታማኝነት በመመለስ ነው፡፡ በክርስትያና ስኬትን እንደኪሎና ርዝመት መለካት ቀላል ባይሆንም ነገር ግን ስኬት የሚለካባቸውን መመዘኛዎች ከእግዚአብሄር ቃል በመመልከት በስኬት ጎዳና ላይ መሆናችንና አለመሆናችንን መመዘን እንችላለን፡፡

እግዚአብሄር በህይወታችን ያስቀመጠውን ጥሪ ለመፈፀም የክርስቶስ ባህሪ ይጠይቃል፡፡ ኢየሱስ በምድር ላይ የነበረውን አላማ ለመፈፀም የጠየቀው ባህሪ ነበር፡፡ አሁንም እኛ የእግዚአብሄር አላማ በህይወታችን ሙሉ ለሙሉ እንዲፈፀም የሚጠይቀን የክርስቶስ ባህሪ በእኛ ላይ መታየቱ ነው፡፡

ሰዎች የሚያከብሩዋቸውና የሚሰግዱላቸው ነውር የሚባሉ ነገሮችን መናቅ የእግዚአብሄርን ፈቃድ በህይወታችን መሉ ለሙሉ እንድንፈፅም ይረዳናል፡፡ የሰው አስተያየት ሳይሆን የእግዚአብሄር ቃል የህይወታችን መመዘኛ ከሆነ በስኬት ጎዳና ላይ ነን፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ዕብራውያን 12፡1-2

ሩጥ ተቀደምክ ታለፍክ የሚለውን የአለም የፉክክር ድምፅ ችላ ብለንና በፈቃደኝነት ራሳችንን ከፉክክር አግለን የእግዚአብሄርን ፈቃድ ለመፈፀም በትግስት ከሮጥን የተሳካልን ሰዎች እንደሆንን ሌላ ማርጋገጫ አያስፈልግም፡፡

ስኬታማ እንዳንሆን የሚያግደን የክርስቶስ ባህሪ በእኛ ውስጥ አለመታየቱ ነው፡፡ የክርስቶስ ባህሪ የማይታይበት ሰው ስኬታማ ነኝ ቢል ከንቱ ራሱን ያታልላል፡፡ የክርስቶስ ባህሪ የማይታየበት ሰው በሌላ በሁሉም ነገር ስኬታማ እንደሆነ ቢመስለው ስኬታማ አይደለም፡፡ የክርስቶስን ባህሪ በህይወቱ ለመገንባት ቅድሚያ የማይሰጥ ሰው ህይወቱን በከንቱ ያባክናል፡፡

እውነተኛ የስኬት መመዘኛ የክርስቶስ ባህሪ በእኛ ውስጥ መታየቱ ነው፡፡ የክርስቶስ ባህሪ በህይወቱ የተገነባ ሰው የእግዚአብሄርን ፈቃድ እየፈፀመ ነው፡፡ የክርስቶስን ባህሪ የተላበሰ ሰው የእግዚአብሄርን ፈቃድ ላለመፈፀም የሚያግደው ምንም ሃይል አይኖርም፡፡ የክርስቶስን ባህሪ በሚኖር ሰው ላይ የሚሰራ ህግ የለም፡፡

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው። እንደዚህ ያሉትን የሚከለክል ሕግ የለም። ገላትያ 5፡22-23

የክርስቶስ ባህሪ ያለው ሰው ህጉን ፈፅሞታል፡፡ የክርስቶስ ባህሪ ካለው ሰው ውጭ የእግዚአብሄርን አላማ በህይወቱ ፈፅሞ ለማለፍ ብቃቱ ያለው ሰው የለም፡፡

ሕግ ሁሉ በአንድ ቃል ይፈጸማልና፥ እርሱም፦ ባልንጀራህን እንደ ራስህ ውደድ የሚል ነው። ገላትያ 5፡14

በየደረጃው ላለው ለእግዚአብሄር አሰራር ራሱን ትሁት ከሚያደርግ ሰው በላይ የእግዚአብሄርን ፈቃድ መፈፀም የሚያስችል ስልጣን ያለው ሰው የለም፡፡

በክርስቶስ ኢየሱስ የነበረ ይህ አሳብ በእናንተ ዘንድ ደግሞ ይሁን። እርሱ በእግዚአብሔር መልክ ሲኖር ሳለ ከእግዚአብሔር ጋር መተካከልን መቀማት እንደሚገባ ነገር አልቈጠረውም፥ ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ በምስሉም እንደ ሰው ተገኝቶ ራሱን አዋረደ፥ ለሞትም ይኸውም የመስቀል ሞት እንኳ የታዘዘ ሆነ። ፊልጵስዩስ 2፡5-8

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እግዚአብሔር #ጌታ #ባህሪ #ፍቅር #ትህትና #ትእግስት #መከተል #ክርስቶስእስኪሳል #መምሰል #ክርስቶስንመምሰል #ቃል #ተማሪ #መንፈስቅዱስ #ቃሉንመስማት #ደቀመዝሙር #ቤተክርስትያን #አማርኛ #ስብከት #ነፍስንመካድ #መፅሃፍቅዱስ #ተከታይ #ህይወት #ፌስቡክ #አቢይዋቁማ #አቢይዋቁማዲንሳ

ገና አላወቀም

learner-view-homepage-banner.jpgአውቃለሁ እንደሚል ሰው የሚያስፈራ ሰው የለም፡፡ አውቃለሁ የሚል ሰው ለመማር ምንም ስፍራ የለውም፡፡ አውቃለሁ የሚል ሰው ለመማር ፈቃደኛ አይደለም፡፡ አውቃለሁ የሚል ሰው ለመሻሻል ምንም ቦታ የለውም፡፡ አውቃለሁ የሚል ሰው ማደግ አቁሟል፡፡ ሁሉንም አውቃለሁ የሚል ሰው ለመለወጥ ተስፋ የለውም፡፡

ለራሱ ጠቢብ የሆነ የሚምስለውን ሰው አየኸውን? ከእርሱ ይልቅ ለሰነፍ ተስፋ አለው። ምሳሌ 26፡12

ሁሉን አውቃለሁ ማለት የሚችል እግዚአብሄር ብቻ ነው፡፡ ሁላችንም እየተማርን ነው፡፡ ለመማር እስከተዘጋጀን ድረስ ሁል ጊዜ እንማራለን፡፡ ለመማር እስከፈቀድን ድረስ የምንማራቸው እጅግ ብዙ ነገሮች አሉ፡፡ እያንዳንዱ ሰው በአንድም ሆነ በሌላ መልኩ በእውቀት ይበልጠናል፡፡ ከማንም ሰው ለመማር ፈቃደኛ ከሆንን ማንም ሰው ሊያስተምረንና በህይወታችን ላይ ዋጋን ሊጨምር ይችላል፡፡ ሁልጊዜ የሚማር ልብ ካለን በማንም ሰው አማካኝነት ለህይወታችን መለወጥ የሚጠቅም ቁልፍ ነገር ልንማር እንችላለን፡፡

ሰው ባወቀ መጠን የሚያውቀው ማወቅ የሚገባውን ያህል አንደማያውቅ ነው፡፡

ማንም አንዳች የሚያውቅ ቢመስለው ሊያውቅ እንደሚገባው ገና አላወቀም፤ 1ኛ ቆሮንቶስ 8፡2

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #እውቀት #የሚማርልብ #የዋሃት #ትህትና #ልብ #እምነት #ሰነፍ #ተስፋ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ

የንጉስ ልጅነት ክብራችን አይፈቅደውም

no.jpgኢየሱስ በመስቀል ላይ የከፈለልንን የሃጢያት እዳ ለእኛ ነው ብለን የተቀበልነው ሁላችን የእግዚአብሄር ልጆች ሆነናል፡፡ ንጉሱ እግዚአብሄር ወደቤተሰቡ ተቀብሎናል፡፡ እያንዳንዱ ቤተሰብ የራሱ የሆነ ዋጋ አሰጣጥና የክብር ደረጃ እንዳለው ሁሉ በእግዚአብሄር ቤተሰብ ውስጥ የንጉስ ልጆች የሚያደርጉዋቸውና የማያደርጓቸው ነገሮች አሉ፡፡ የንጉስ ልጅነት ክብራቸው የሚፈቅደው ነገር አለ የንጉስ ልጅነታቸው ክብር የማይፈቅደው ነገር አለ፡፡

የንጉስ ልጅነታችን ክብር የማይፈቅዳቸው ነገሮች

  1. #ውሸት ክብራችን አይፈቅደውም

ውሸት ሰውን ለሚፈሩ በሰው ፍርሃት ወጥመድ ውስጥ ለወደቁ ሰዎች ነው፡፡ እኛ እግዚአብሄርን ብቻ እንጂ ሰውን አንፈራም፡፡ ውሸት ማንነታቸውን ላልተቀበሉ ያልሆኑትን ለመሆን በመሞከር ጭንቅ ውስጥ ላሉ ሰዎች ነው፡፡ ውሸት ከልጅነት ክብራችን ዝቅ ስለሚያደርገን አንፈቅድም፡፡ እውነት የማንናገርለት ጥቅም የእኛ ደረጃ ስላይደለ እንንቀዋለን፡፡

የምትሠሩት ነገር ይህ ነው፤ እያንዳንዳችሁ ከባልንጀራችሁ ጋር እውነትን ተነጋገሩ፤ በበር አደባባያችሁም የእውነትንና የሰላምን ፍርድ ፍረዱ፤ዘካርያስ 8፡16

  1. #መጣላት ክብራችን አይፈቅድም

ለጥቅማችን መጣላት ክብራችን አይፈቅደውም፡፡ የሚባርክ እግዚአብሄር ስለሆነ በጥቅማችን ቢጣሉንም ፈቀቅ እንላለን፡፡ ሰዎች ቢጣሉንም እንተዋለን፡፡ ሰዎች ቢጣሉን ፈቀቅ እንላለን፡፡

ከዚያም እልፍ ብሎ ሌላ ጕድጓድ አስቈፈረ፥ ስለ እርስዋም አልተጣሉም፤ ስምዋንም ርኆቦት ብሎ ጠራት እንዲህ ሲል፦ አሁን እግዚአብሔር አሰፋልን፥ በምድርም እንበዛለን። ዘፍጥረት 26፡22

እነሆ የመረጥሁት ብላቴናዬ፥ ነፍሴ ደስ የተሰኘችበት ወዳጄ፤ መንፈሴን በእርሱ ላይ አኖራለሁ፥ ፍርድንም ለአሕዛብ ያወራል። አይከራከርም አይጮህምም፥ ድምፁንም በአደባባይ የሚሰማ የለም። ማቴዎስ 12፡18-19

  1. #መጨቃጨቅ ክብራችን አይፈቅድም

በእግዚአብሄር እናምናለን፡፡ ለጌታ ጊዜን እንሰጣለን፡፡ ሁሉን ነገር በእኔ መንገድ ካልሆነ ብለን በራስ ወዳድነት አንመላለስም፡፡ ጥቅማችንን ከማስከበር ከሰው ጋር አንጨቃጨቅም፡፡ ጥቅማችንን ለማስከበር ሰዎችን አናሳድምም፡፡ ጥቅማችንን ለማስከበር ሰይፍ አንመዝም፡፡ ከጥቅማችን በላይ ለሌላው ሰው እናስባለን እንጠነቀቃለን፡፡ ለመንጋው የማይራሩ ተብሎ እንደተፃፈ ለጥቅማችን ሰውን አንጎዳም፡፡ ስንጠጣበት የነበረውን ምንጭ ለእኔ ካልሆነ ለማንም አይሁን ብለን አደፍርሰን አንሄድም፡፡

የማይሰክር፥ የማይጨቃጨቅ ነገር ግን ገር የሆነ፥ የማይከራከር፥ ገንዘብን የማይወድ፥ 1ኛ ጢሞቴዎስ 3፡3

በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን? ትመኛላችሁ ለእናንተም አይሆንም፤ ትገድላላችሁ በብርቱም ትፈልጋላችሁ፥ ልታገኙም አትችሉም፤ ትጣላላችሁ ትዋጉማላችሁ ነገር ግን አትለምኑምና ለእናንተ አይሆንም፤ ያዕቆብ 4፡1-2

  1. የስስታምን ምግብ መብላት ክብራችን አይፈቅድም

የሰውን ስጦታ ከመቀበላችን በፊት ልቡን እናያለን፡፡ በልቡ ስስትና ቅንአት ይዞ ከሰጠን አንቀበልም፡፡ ብላ ብሎን ቆይቶ የሚከፋው ከሆነ እርሱን ማስደሰት የመጀመሪያ አላማችን ስለሆነ ባለ መብላት እናስደስተዋለን፡፡

የቀናተኛን ሰው እንጀራ አትብላ፥ ጣፋጩ መብልም አይመርህ፤ በልቡ እንዳሰበ እንዲሁ ነውና፤ ብላ ጠጣ ይልሃል፥ ልቡ ግን ካንተ ጋር አይደለም። ምሳሌ 23፡6-7

  1. ትምክታችንን ከንቱ የሚያደርግብንን ነገር ለማድረግ ክብራችን አይፈቅድም

ወንጌልን የሚሰሩት ስለሚያገኙት ጥቅም እንጂ ስለጥሪ ብለው አይደለም እንዲሉ አንፈቅድም፡፡ ወንጌልን የመስራታችንን መነሻ ሃሳብ (motive) ከሚጠራጠሩ ሰዎች ማንኛውንም ጥቅም አንቀበለም፡፡ ማንም ትንሽ ነገር ቢጎድልበት ጥሎ ነው የሚሄደው እንዲል አንፈቅድለትም፡፡ ወንጌልን ስለጥሪ ብቻ መስበካችን ትምክታችን ነው፡፡ ይህንን ትምክታችንን ከንቱ ከሚያደርጉ ሰዎች ስጦታን አንቀበለም፡፡

እኔ ግን ከእነዚህ ሁሉ ምንም አልተጠቀምሁም። እንዲህ እንዲሆንልኝ ይህን አልጽፍም፤ ማንም ትምክህቴን ከንቱ ከሚያደርግብኝ ሞት ይሻለኛልና። 1ኛ ቆሮንቶስ 9፡15

በዚች ሕይወት ብቻ ክርስቶስን ተስፋ ያደረግን ከሆነ፥ ከሰው ሁሉ ይልቅ ምስኪኖች ነን። 1ኛ ቆሮንቶስ 15፡19

  1. የመበለቶችን ቤት መበዝበዝ ክብራችን አይፈቅድም

በነፃ ተቀብላችኋል በነፃ ስጡ የተባልነውን መንፈሳዊ ነገራችንን ከሰዎች ለመጠቀሚያ አናደርገውም፡፡ የእግዚአብሄርን መንፈሳዊ ስጦታ አንነግድበትም፡፡ ለሰዎች ጥቅም የተሰጠንን መንፈሳዊ ስጦታ በማካበድ የሰዎችን ቤት አንበዘብዝም፡፡ በመንፈሳዊ ነገራችንን ተጠቅመን ሰዎችን ለግላዊ ጥቅም መጠቀሚያያችን ለማዋል ክብራችን አይፈቅድም፡፡

የመበለቶችን ቤት የሚበሉ ጸሎታቸውንም በማስረዘም የሚያመካኙ እነዚህ የባሰ ፍርድ ይቀበላሉ። ማርቆስ 12፡40

  1. ማንም ባለጠጋ አደረግኩህ እንዲል ክብራችን አይፈቅድም

እኛን ባለጠጋ የሚያደርግ እግዚአብሄር ነው፡፡ ባለጠጋ የምንሆነው ከእግዚአብሄር ጋር ባለን ቃል ኪዳን ነው፡፡ የእግዚአብሄን ምስጋና እንዲወስድ ማንም አንፈቅድም፡፡ ሰው የሆነ ነገር አድርጎልን አሳለፍኩለት በማለት የእግዚአብሄርን ምስጋና እንዲወስድ ምክኒያትን አንሰጥም፡፡ ስለእኛ መነሳት እግዚአብሄር ብቻውን ሊከበር ስለሚገባ ምስጋናውን ሊቀላቅል ከሚፈልግ ከማንኛውም ሰው አንቀበልም፡፡

አብራምም የሰዶምን ንጉሥ አለው፦ ሰማይንና ምድርን ወደሚገዛ ወደ ልዑል እግዚአብሔር እጄን ከፍ አድርጌአለሁ፤ አንተ፦ አብራምን ባለጠጋ አደረግሁት እንዳትል፥ ብላቴኖቹ ከበሉት በቀር ከእኔ ጋር ከሄዱትም ድርሻ በቀር፥ ፈትልም ቢሆን የጫማ ማዘቢያም ቢሆን፥ ለአንተ ከሆነው ሁሉ እንዳልወስድ አውናን ኤስኮልም መምሬም እነርሱ ድርሻቸውን ይውሰዱ። ዘፍጥረት 14፡22-24

  1. ነውረኛ ጥቅምን አንወድም

በአራዳም በፋራም ብለን ጥቅምን አናሳድድም፡፡ ንፁህ ጥቅምን ብቻ እንቀበላለን፡፡ ነውረኛ ጥቅምን እንንቃለን፡፡ ጥቅም መምጣቱን ብቻ ሳይሆን የመጣበትንም መንገድ እናያለን፡፡ በንፁህ መንገድ የመጣውን እንቀበላለን በንፁህ መንገድ ካልመጣ ለክብራችን አይመጥንምና አንቀበልም፡፡ በነውር መንገድ የሚመጣ ጥቅምን እንንቃለን፡፡ ሰዎችን አታለን ተቆጣጥረን በመንፈሳዊ ስም አደናግረን እንዲሁም በመናገር ችሎታችን አዋክበንና የማይፈልጉትን አሳምነን ለመጠቀም የንጉስ ልጅነታችን ክብር አይፈቅድም፡፡

ነውረኛ ረብ የማይወዱ፥ በንጹሕ ሕሊና የሃይማኖትን ምሥጢር የሚይዙ ሊሆኑ ይገባቸዋል።  1ኛ ጢሞቴዎስ 3፡9

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እግዚአብሔር #አምላክ #ክብር #ምሪት #ሰላም #ቃል #እረፍት #አምልኮ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ

ትዕግሥተኛ ሰው ከኃያል ሰው ይሻላል

soldiers_pray.jpgባህሪ ያለው ሰው ከሃያል ሰው ይሻላል፡፡ ምክኒያቱም ሰው ሃየል ቢኖረው እንኳን በአግባቡ የሚጠቀምበት ራስን መግዛት ከሌለው ከጥቅሙ ይልቅ ጉዳቱ ያመዝናል፡፡ ስለዚህ ነው ከሃይል ይልቅ ባህሪ ይሻላል የሚባለው፡፡

ትዕግሥተኛ ሰው ከኃያል ሰው ይሻላል፥ በመንፈሱም ላይ የሚገዛ ከተማ ከሚወስድ ይበልጣል። ምሳሌ 16:32

የእግዚአብሄርን አብሮነት የሚደሰትበት ሰው ባህሪውን ለመስራት የሚተጋ ሰው ነው፡፡

ሕይወትን ሊወድ መልካሞችንም ቀኖች ሊያይ የሚፈልግ ሰው፥ መላሱን ከክፉ ከንፈሮቹንም ተንኰልን ከመናገር ይከልክል፤ ከክፉ ፈቀቅ ይበል፥ መልካምንም ያድርግ፥ ሰላምን ይሻ ይከተለውም፤ 1ኛ ጴጥሮስ 3፡10-11

የተጠራነው የክርስቶስን ባህሪ እንድንለብስ ነው፡፡

እንግዲህ እንደ እግዚአብሔር ምርጦች ቅዱሳን ሆናችሁ የተወደዳችሁም ሆናችሁ፥ ምሕረትን፥ ርኅራኄን፥ ቸርነትን፥ ትህትናን፥ የዋህነትን፥ ትዕግሥትን ልበሱ፤ እርስ በርሳችሁ ትዕግሥትን አድርጉ፥ ማንም በባልንጀራው ላይ የሚነቅፈው ነገር ካለው፥ ይቅር ተባባሉ፤ ክርስቶስ ይቅር እንዳላችሁ እናንተ ደግሞ እንዲሁ አድርጉ፤ በእነዚህም ሁሉ ላይ የፍጻሜ ማሰሪያ የሆነውን ፍቅርን ልበሱት። ቆላስይስ ሰዎች 3፡12-14

ተከታተሉት የተባልነው የክርስቶስን ባህሪ ነው፡፡

አንተ ግን፥ የእግዚአብሔር ሰው ሆይ፥ ከዚህ ሽሽ፤ ጽድቅንና እግዚአብሔርን መምሰል እምነትንም ፍቅርንም መጽናትንም የዋህነትንም ተከታተል። 1ኛ ጢሞቴዎስ 6፡11

ለሌሎችም መልካም ምሳሌ በመሆን ሌሎችን ለክርስቶስ የምንማርከው በባህሪ ነው፡፡

ይህን እዘዝና አስተምር። በቃልና በኑሮ በፍቅርም በእምነትም በንጽሕናም ለሚያምኑቱ ምሳሌ ሁን እንጂ፥ ማንም ታናሽነትህን አይናቀው።1ኛ ጢሞቴዎስ 4፡11-12

መከራን በደስታ የምንታገሰው እና በመከራ የምንመካው እግዚአብሄርን የማያስደስተውን ባህሪያችንን ስለሚገርዘው ነው፡፡

ይህም ብቻ አይደለም፥ ነገር ግን መከራ ትዕግሥትን እንዲያደርግ፥ ትዕግሥትም ፈተናን ፈተናም ተስፋን እንዲያደርግ እያወቅን፥ በመከራችን ደግሞ እንመካለን፤ ሮሜ ሰዎች 5፡3-4

የጤናማ ትምህርት ውጤት ባህሪን መገንባት ስለሆነ ነው፡፡ ፀጋን የተረዳ ሰው በፀጋ /በሚያስችል የእግዚአብሄር ሃይል/ ባህሪውን ይገነባል፡፡ እለት ተእለት እግዚአብሄርን ለመምሰል ራሱን ያስለምዳል፡፡

አንተ ግን ሕይወት ለሚገኝበት ትምህርት የሚገባውን ተናገር። ሽማግሌዎች ልከኞች፥ ጭምቶች፥ ራሳቸውን የሚገዙ፥ በእምነትና በፍቅር በመጽናትም ጤናሞች እንዲሆኑ ምከራቸው፤ እንዲሁም አሮጊቶች ሴቶች አካሄዳቸው ለቅዱስ አገልግሎት የሚገባ፥ የማያሙ፥ ለብዙ ወይን ጠጅ የማይገዙ፥ በጎ የሆነውን ነገር የሚያስተምሩ ይሁኑ፤ ቆነጃጅትም የእግዚአብሔር ቃል እንዳይሰደብ፥ ባሎቻቸውን የሚወዱ፥ ልጆቻቸውን የሚወዱ፥ ራሳቸውን የሚገዙ፥ ንጹሖች፥ በቤት የሚሠሩ፥ በጎዎች፥ ለባሎቻቸው የሚታዘዙ እንዲሆኑ ይምከሩአቸው። ጎበዞችም እንዲሁ ራሳቸውን እንዲገዙ ምከራቸው። የሚቃወም ሰው ስለ እኛ የሚናገረውን መጥፎ ነገር ሲያጣ እንዲያፍር፥ በነገር ሁሉ መልካምን በማድረግህ ምሳሌ የሚሆን ራስህን አሳይ፤ በትምህርትህም ደኅንነትን፥ ጭምትነትን፥ ጤናማና የማይነቀፍ ንግግርን ግለጥ። ባሪያዎች ስለ መድኃኒታችን ስለ እግዚአብሔር የሚሆነውን ትምህርት በሁሉ ነገር ያስመሰግኑ ዘንድ፥ ለገዛ ጌቶቻቸው እንዲገዙ በሁሉም ደስ እንዲያሰኙ፥ ሳይቃወሙና ሳይሰርቁም በጎ ታማኝነትን ሁሉ እንዲያሳዩ ምከራቸው።ቲቶ 2፡1-10

ክርስቲያናዊ ባህሪ ከብዙ ባለጠግነት ይሻላል፡፡

በጠማማ መንገድ ከሚሄድ ባለጠጋ ያለ ነውር የሚሄድ ድሀ ይሻላል። ምሳሌ 28፡6

መልካም ስም ከብዙ ባለጠግነት ይሻላል፥ መልካምም ሞገስ ከብርና ከወርቅ ይበልጣል። ምሳሌ 22፡1

 

ክርስቶሳዊ ባህሪ ወደ ህይወት የሚመራ መሪ ነው፡፡

አባይ ሚዛን በእግዚአብሔር ፊት አስጸያፊ ነው፤ እውነተኛ ሚዛን ግን ደስ ያሰኘዋል። ቅኖች ቅንነታቸው ትመራቸዋለች፤ ወስላቶችን ግን ጠማማነታቸው ታጠፋቸዋለች። መጽሐፈ ምሳሌ 11፡1፣3

መልካ ባህሪ አስተማማኝ መከር ያስገኛል፡፡

ባንዝልም በጊዜው እናጭዳለንና መልካም ሥራን ለመሥራት አንታክት። ገላትያ 6፡9

ቅዱሳት መፅሃፍት የተሰጡት በክርስቶስ ባህሪ ሊያሳድጉን ነው፡፡

የእግዚአብሔር ሰው ፍጹምና ለበጎ ሥራ ሁሉ የተዘጋጀ ይሆን ዘንድ፥ የእግዚአብሔር መንፈስ ያለበት መጽሐፍ ሁሉ ለትምህርትና ለተግሣጽ ልብንም ለማቅናት በጽድቅም ላለው ምክር ደግሞ ይጠቅማል። 2ኛ ጢሞቴዎስ 3፡16-17

ለባህሪያችን መሰራት የሚያስፈልገውን ነገር ሁሉ እግዚአብሄር ሰጥቶናል፡፡

የመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ 2ኛ ጴጥሮስ 1፡2-3

ትዕግሥተኛ ሰው ከኃያል ሰው ይሻላል፥ በመንፈሱም ላይ የሚገዛ ከተማ ከሚወስድ ይበልጣል። ምሳሌ 16:32

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #መሪ

የክርስቶስ ባህሪ – ትእግስት

patience.jpgበክርስትያን ህይወት ውስጥ ባህሪ በጣም ወሳኝ ነገር ነው፡፡ ባህሪያችን በተሰራ መጠን በእግዚአብሄር መንግስት ውስጥ ጠቃሚነታችን ይጨምራል ለብዙዎችም በረከት እንሆናለን፡፡ ባህሪያችንን ባሳደግን መጠን ደግሞ በእግዚአብሄር መንግስት ውስጥ ያለን ተፅእኖ ይጨምራል እግዚአብሄርም ለተጨማሪ ሃላፊነት ያምነናል፡፡

እግዚአብሄር ክብር ፈጥሮናል፡፡ እኛ የራሳችን አይደለንም፡፡ እግዚአብሄር ክብሩን ሊገልጥብን በህይወታችን በትጋት ይሰራል፡፡

አንዳንዴ የእግዚአብሄር አሰራርና የኛ አስተሳሰብ አንድ ላይሆን ይችላል፡፡ መታገስ እና እግዚአብሄርን መጠበቅ የሚያስፈልገው የእግዚአብሄር አሰራርና የእኛ ፍላጎት ሁልጊዜ አብሮ ላይሄድ ስለሚችል ነው፡፡

የእግዚአብሄርን እውነተኛውን ነገር ማግኘት ከፈለግን እግዚአብሄርን መከተል አለብን ሌላ መንገድ የለውም፡፡ እግዚአብሄር የራሱ እርምጃ አለው፡፡ እግዚአብሄር በእኛ ፍጥነት አይገባም፡፡ ስለዚህ ነው ከእግዚአብሄር ጋር በትህትና ለመኖርና ለማፍራት ትእግስት ወሳኝ የሚሆነው፡፡

የእግዚአብሄርን እርምጃ ሳንጠብቅ የምናደርገው ነገር የእኛ እንጂ የእርሱ አይሆንም፡፡

በህይወታችን እግዚአብሄርን ብቻ ሳይሆን ሰውንም መታገስ ይገባናል፡፡ እያንዳንዱ ሰው የራሱ ደረጃ እና አመለካከት አለው፡፡ ከሰው ጋር አብሮ ለመኖርና ለማገልገል በዚያም ፍሬያማ ለመሆን ትግስት ይጠይቃል፡፡ ሰው ሁሉ እኛን ይምሰል ማለት ትእቢት ነው፡፡ ሰውን መታገስ ግን ትህትና ነው፡፡

ማንኛውም ሃይል ካለመቆጣጠሪያ መሳሪያው አደገኛ እንደሆነ ሁሉ ባህሪው ያልተሰራ ሰው አደገኛ ነው፡፡ ባህሪው ያላደገ ሰው  ራሱን ተቆጣጥሮ ሃይሉን በምን ላይ ማፍሰስ እንዳለበት አያውቅም፡፡ ለዚህ ነው ከሃይል ይልቅ ባህሪ ይበልጣል የሚባለው፡፡

ትዕግሥተኛ ሰው ከኃያል ሰው ይሻላል፥ በመንፈሱም ላይ የሚገዛ ከተማ ከሚወስድ ይበልጣል። ምሳሌ 16፡32

በህይወታችን ልናሳድገው የሚገባን ባህሪ ትግስት ነው፡፡ እግዚአብሄር በህይወታችን በትጋት እየሰራ ያለው ትእግስትን ነው፡፡

ይህም ብቻ አይደለም፥ ነገር ግን መከራ ትዕግሥትን እንዲያደርግ፥ ትዕግሥትም ፈተናን ፈተናም ተስፋን እንዲያደርግ እያወቅን፥ በመከራችን ደግሞ እንመካለን፤ ሮሜ 5፡3-4

ካለ ትእግስት ግን ምንም ነገር ቢኖረን ከንቱ ነው፡፡ ትእግስት ሙሉ እና ፍፁም ለበጎ ስራ ሁሉ የተዘጋጀን ፍፁም ሰዎች ያደርገናል፡፡

ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ትዕግሥትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም። ያዕቆብ 1፡2-3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #መሪ

የባህሪ ውበት

character.jpgእግዚአብሄር የፈጠረን በመልኩና በአምሳሉ ነው፡፡ እግዚአብሄርን በምድር ላይ የፈጠረን በባህሪው እግዚአብሄርን በምድር ላይ እንድንወክለው ነው፡፡

እግዚአብሄር በኢየሱስ የመስቀል ስራ የሃጢያት እዳችንን ሁሉ ሲከፍል እንደገና ልጆቹ እንድንሆንና ይእግዚአብሄርን ባህሪ በምድር ላይ እንድናንፀባርቅ ነው፡፡

በእግዚአብሄር ቤተሰብ ተቀባይነት አግኝተናል፡፡ በባህሪ ስናድግ ደግሞ እግዚአብሄርን በሙላት እንወክለዋለን፡፡ የህፃንነትን ባህሪ ሽረን በክርስቶስ ባህሪ ስንገለጥ ለብዙዎች በረከት እንሆናለን፡፡

ልጅ ሳለሁ እንደ ልጅ እናገር ነበር፥ እንደ ልጅም አስብ ነበር፥ እንደ ልጅም እቈጥር ነበር፤ ጎልማሳ ሆኜ ግን የልጅነትን ጠባይ ሽሬአለሁ። 1ኛ ቆሮንቶስ 13፡11

እግዚአብሄር ደግሞ የመርህ አምላክ ነው፡፡ እግዚአብሄር የሰጠንን ነገር አንድናባክነው አይፈልግም፡፡ እግዚአብሄር ዘይቱን ካፍሰሱ በፊትር ዘይቱ የሚቀመጥበትን ሸክላ መስራት ማደስ ቀዳዳውን መድፈን ይፈልጋል፡፡ የተሰነጠቀና በሚያፈስ እቃ ዘይት ቢጨመርበት ለተፈለገው ያህል ጊዜ ቆይቶ ሊጠውቅም አይችልም፡፡ የተሰነጠቀና የሚያፈስ እቃ ዘይት ቢጨመርበትም ያባክናል፡፡

እግዚአብሄር ለእኛ ስጦታን ለመስጠት ሰከንድ አይፈጅበትም፡፡ እኛ ግን ባህሪያችንን ለመስራትና በክርስቶስ ባህሪ ለማደግ ወራትና አመታት ይፈጅብናል፡፡

በክርስቶስ ባህሪ ብዙዎችን እንድንደርስና ለብዙዎች በረከት እንድንሆን ባህሪያችንን የሚሰሩትን ሂደቶች ደስ መሰኘትና መታገስ ይኖርብናል፡፡

ይህም ብቻ አይደለም፥ ነገር ግን መከራ ትዕግሥትን እንዲያደርግ፥ ትዕግሥትም ፈተናን ፈተናም ተስፋን እንዲያደርግ እያወቅን፥ በመከራችን ደግሞ እንመካለን፤ ሮሜ 5፡3-4

ከእግዚአብሄር በምናገኘው በረከትና መጨመር ብቻ ሳይሆን በምናስተዳድርበትን ባህሪ መጎልበት ላይ ማተኮር ይገባናል፡፡ እግዚአብሄር አስተዳዳሪው ሳይሰራ ንብረቱን መስጠት አይፈልግም፡፡ አስተዳዳሪው ሃብቱን የሚጠብቅበት ባህሪ ሳይኖረው ሃብቱ ቢመጣ ከንቱ ነው፡፡

የንጉስ ልጅ ምንም የንጉስ ቤተሰብ ቢሆን ንብረቱን በሚገባ ለማስተዳደር እስኪያድግ ይጠበቃል፡፡ ያላደገ ልጅ ማስተዳደር አይችልም፡፡

ነገር ግን እላለሁ፥ ወራሹ ሕፃን ሆኖ ባለበት ዘመን ሁሉ፥ ምንም የሁሉ ጌታ ቢሆን ከቶ ከባሪያ አይለይም፥ ነገር ግን አባቱ እስከ ቀጠረለት ቀን ድረስ ከጠባቂዎችና ከመጋቢዎች በታች ነው። ገላትያ 4፡1-2

የእግዚአብሔርና የጌታ የኢየሱስ ክርስቶስ ባሪያ ያዕቆብ ለተበተኑ ለአሥራ ሁለቱ ወገኖች፤ ሰላም ለእናንተ ይሁን።

እኛ ይበልጥ እንድናገለግለውና ተጨማሪ ሃላፊነቶች እንዲሰጠን ከምንፈልገው በላይ እግዚአብሄር ተጨማሪ ሃላፊነቶች ሊሰጠን በባህሪያችን እስክናድግ እየጠበቀ ነው፡፡ እግዚአብሄር በባህሪያችን ላይ በትጋት እየሰራ ነው፡፡ ከእግዚአብሄር አሰራር ጋር ተባብረን ለብዙዎች በረከት ለመሆን እንሰራ፡፡እንደባህሪ መሰራት ለተጠራንለት ጥሪ ፍፁም የሚያደርግ ነገር የለም፡፡

ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ትዕግሥትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም። ያዕቆብ 1፡2-3

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #መሪ

ከእናቶች ይልቅ የተባረኩ እናቶች

mothers.jpgልጅ ወልደው በትጋትና የሚያሳድጉ እናቶች የተባረኩ ናቸው፡፡ ለወለዱት ልጆቻቸው የመስዋእትነት ፍቅርና እንክብካቤ የሚያደርጉት የተባረኩ እናቶች ሊመሰገኑ ይገባል፡፡

ላልወለዱዋቸው ልጆች ተመሳሳይ እንክብካቤ የሚያደርጉ እናቶች ይበልጥ የተባረኩ ናቸው፡፡

አንዲት ሴት ቃለ መጠይቅ እየተደረገላት ነበር ፡፡ በቃለ መጠይቁ መካከል ልጆች አለሽ ወይ ተብላ ለተጠየቀችው ጥያቄ ልጆች አልወለድኩም ብላ መለሰች፡፡ ልጆች መውለድ አላስፈለገኝም ምክኒያቱም በአጠገቤ ተወልደው እንዴት እንደሚያድጉ የጨነቃቸው ብዙ ልጆች አሉ እነርሱን አሳድጋለሁ ብላ መለሰች፡፡ ንግግርዋ ልቤን ነካኝ፡፡ ይች እናት ልጆቻቸውን ወልደው እንክብካቤ ከማያደርጉ እናቶች ይበልጥ የተባረከች ናት፡፡

አንዳንዶች ደግሞ የራሳቸው ልጆች ይወልዱና ተጨማሪ ልጆችን በማደጎ ያሳድጋሉ፡፡ ያልወለዱዋቸው ልጆች ከወለዱዋቸው ልጆች እኩል የእናትነት እንክብካቤ እንዲያገኙ ያደርጋሉ፡፡ ሌሎቹ ደግሞ የእናትነት እንክብካቤ የጎደላቸውን ልጆችን በያሉበት ይንከባከባሉ፡፡

ንጹሕ የሆነ ነውርም የሌለበት አምልኮ በእግዚአብሔር አብ ዘንድ ይህ ነው፤ ወላጆች የሌላቸውን ልጆች ባልቴቶችንም በመከራቸው መጠየቅ፥ በዓለምም ከሚገኝ እድፍ ሰውነቱን መጠበቅ ነው። ያዕቆብ 1፡27

ከወለዱዋቸው ልጆቻቸው አልፈል ለሌሎች የእናትነት እንክብካቤ የሚሰጡ እናቶች ይልቅ የተባረኩ ናቸው፡፡

መልካም የእናቶች ቀን!

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እግዚአብሔር #ሴት #እናትነት #ጌታ #መከተል #ፍቅር #ርህራሄ #ይቅርታ  #ቃል #ደግነት #ቸርነት #እግዚአብሔርንመምሰል #ደቀመዝሙር #ቤተክርስትያን #አማርኛ #ስብከት  #ህይወት #ፌስቡክ #አቢይዋቁማ #አቢይዋቁማዲንሳ

ያለመናከል ቁልፎች

lean3333.jpgየክርስትና መንገድ ጀምረው የተሰናከሉ ልባቸው የቀዘቀዘና ወደሃላ የቀሩ ብዙዎች ናቸው፡፡ ለመሰናከል ግን ምንም አይነት ጥሩ ምክኒያት የለም፡፡ እግዚአብሄር በምንም ነገር እንዳንሰናከል ይፈልጋል፡፡

በክርስትና ከሰዎች ጋር ያለን ግንኙነት ጥበብና ጥንቃቄ የሚጠይቅ ነው፡፡ ከሰው ጋር እንዴት እንደምንኖር ማወቅ ከፍ ካሉ እውቀቶች መካከል አንዱ ነው፡፡ በተለይ በሰዎች ላለመሰናከል መማር ረጅም መንገድ እንድንጓዝ ይረዳናል፡፡ እግዚአብሄር በነፃነት እንድናገለግለው ይፈልጋል፡፡

ከመሰናከል ተጠብቀን እግዚአብሄርን በሙላት እንድናገለግል የሚረዱ ሶስቱን መንገዶች እንመልከት፡፡

  1. ከሰው አለመጠበቅ

ብዙ ሰዎችን የሚያሰናክላቸው ከሰዎች መጠበቅ ነው፡፡ ሰዎች ምንም ሊያደርጉልን አይችሉም፡፡ ሰዎችን እግዚአብሄር ካልተጠቀመባቸው ምንም ሊያደርጉልን አይችሉም፡፡  እግዚአብሄር በጊዜው የተጠቀመባቸው ሰዎች ደግሞ ያላሰብነውንና ያልገመትነውን ነገር ሲያደርጉልን እናያለን፡፡ ላለመሰናከል ከሰው አለመጠበቅ ወሳኝ ነው፡፡ ከሰው ባልጠበቅን መጠን ሰው ባላደረገልን ጊዜ መሰናከላችን በእጅጉ ይቀንሳል፡፡ ከሰው በጠበቅን መጠን ሰው መልካም ባላደረገልን ጊዜ መሰናከላችን እንዲሁ ይጨምራል፡፡

እኛም እንዲሁ ለሰው የምናደርገው እግዚአብሄር ስለተጠቀመብን ብቻ እንደሆነ መርሳት የለብንም፡፡ ሰው መልካም ሊያደርግልን ቢጨነቅም እግዚአብሄር ካልተጠቀመበት ከመጨነቅ ውጭ ምንም ሊያደርግልን አይችልም፡፡

እግዚአብሔርን፦ አንተ ጌታዬ ነህ አልሁ፤ ከአንተ በቀር በጎነት የለኝም። መዝሙር 16፡2

  1. ሰዎችን ጌታን በሚመስሉበት የህይወት ክፍላቸው ብቻ መከተል

ከመፅሃፍ ቅዱስ ቀጥሎ የሰዎች ህይወት ጌታን እንዴት እንደምንከተል ብዙ ጥበብን ይሰጠናል፡፡  ጌታን በሚመስሉበት የህይወታችው ክፍላቸው ሰዎች መከተል መፅሃፍ ቅዱሳዊ ነው፡፡ ነገር ግን ሰዎችን ሙሉ ለሙሉ መከተል ለመሰናከል ራስን መጋበዝ ነው፡፡

እኔ ክርስቶስን እንደምመስል እኔን ምሰሉ። 1ኛ ቆሮንቶስ 11፡1

  1. እኛ ለሰዎች በምናደርገው ነገር ላይ ብቻ ማተኮር

መፅሃፍ ቅዱስ ለተሳካ የክርስትና ህይወት

ጤናማ ያልሆነ በሌላ ሰው ላይ መደገፍ ለክርስትና ህይወት ጠንቅ እንደሆነ መፅሃፍ ቅዱስ ያስተምታል፡፡ ሁለቱም አንድ  ስጋ ይሆናሉ የተባሉት ባልና ሚስት እንኳን አንዳቸው በአንዳቸው ላይ ጤናማ ያልሆነ መደገፍ እንዳይኖራቸው መፅሃፍ ቅዱስ ያስተምራል፡፡

ዳሩ ግን፥ ወንድሞች ሆይ፥ ይህን እናገራለሁ፤ ዘመኑ አጭር ሆኖአል፤ ከእንግዲህ ወዲህ ሚስቶች ያሉአቸው እንደሌላቸው ይሁኑ፥ የሚያለቅሱም እንደማያለቅሱ፥ ደስ የሚላቸውም ደስ እንደማይላቸው፥ የሚገዙም ምንም እንደሌላቸው፥ በዚችም ዓለም የሚጠቀሙ በሙሉ እንደማይጠቀሙባት ይሁኑ፤ የዚች ዓለም መልክ አላፊ ነውና። 1ኛ ቆሮንቶስ 7፡29-31

እንድትወስዱባቸው ተስፋ ለምታደርጉአቸው ብታበድሩ፥ ምን ምስጋና አላችሁ? ኃጢአተኞች ደግሞ በትክክል እንዲቀበሉ ለኃጢአተኞች ያበድራሉ። ሉቃስ 6፡34

  1. በሰው ላይ እንድትደገፍ የሚያደርጉህን ነገሮች በፍጥነት ማስወገድ

በሰው ላይ እንድንደገፍ የሚያደርጉን ነገሮች በቀነሱና ራሳችንን በቻልን ቁጥር የመሰናከያ ምክኒያቶች ይቀንሳሉ፡፡

ነገር ግን፥ ወንድሞች ሆይ፥ ከፊት ይልቅ ልትበዙ፥ በጸጥታም ትኖሩ ዘንድ ልትቀኑ፥ የራሳችሁንም ጉዳይ ልትጠነቀቁ፥ እንዳዘዝናችሁም፥ በውጭ ባሉት ዘንድ በአገባብ እንድትመላለሱ፥ አንዳችም እንዳያስፈልጋችሁ በእጃችሁ ልትሠሩ እንለምናችኋለን። 1ኛ ተሰሎንቄ 4፡11-12

  1. አይናችንን በጌታ ላይ ማድረግ

ሰዎችን እግዚአብሄር ሲጠቀምባቸው እናያለን፡፡ ሰዎችን እግዚአብሄር ሲጠቀምባቸው ባየን መጠን እግዚአብሄር ስለተጠቀመባቸው ብቻ መሆኑን መርሳት የለብንም፡፡ ሰዎች የመልካምነት ምንጭ አይደሉም፡፡ የመልካምነት ብቸኛ ምንጭ እግዚአብሄር ነው፡፡ ኢየሱስ በምድር ላይ ሰው ሆኖ በተመላለሰ ጊዜ ቸር መምህር ሲሉት አይናቸውን ከስጋ ለባሽ ላይ አንስተው የቸርነት ምንጩ ላይ እንዲያደርጉ አስተምሮዋል፡፡

ኢየሱስም፦ ስለ ምን ቸር ትለኛለህ? ከአንዱ ከእግዚአብሔር በቀር ቸር ማንም የለም። ሉቃስ 18፡19

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አትሰናከሉ #ነፃነት #አማርኛ #ስብከት #መዳን #መፅሃፍቅዱስ #አርነት #ሃላፊመልክ #ቃል #ማሰላሰል #ጌታንማየት #ከሰውአለመጠበቅ #ደስታ #አቢይ #አቢይዋቁማ #አቢይዋቁማዲንሳ

ምግብ ያለ ጨው

tongue-bitter.jpgእናንተ የምድር ጨው ናችሁ፤ ጨው አልጫ ቢሆን ግን በምን ይጣፍጣል? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም። ማቴዎስ 5፡13

ምግብ ለመበላት ሊጣፍጥ ይገባዋል፡፡ ምግብ የማይጣፍጠው ከሆነ ሰው ለመብላት አይበረታታም፡፡ ምግብን ለማጣፈጥ የሚጠቅመው ዋነኛው ነገር ደግሞ ጨው ነው፡፡ ጨው የምግብ ጣእምን ሰብሰብ የማድረግ አቅም አለው፡፡ ጨው የምግብ ጣእምን ወደ አንድ ደረጃ የማምጣት ችሎታ አለው፡፡ ምግብ የተለያየና እንግዳ ጣእም እንዳይኖረው ጨው መጨመር እጅግ ይጠቅማል፡፡ ጨው የሚስብ ነገር አለው፡፡ ጨው በሁሉ ሰው ታዋቂና ተፈላጊ ጣእም አለው፡፡ ምንም ያህል ድግስ ተደግሶ የሚያጣፍጥ ጨው ከሌለው በጣም ታሪካዊ ድግስ ይሆናል፡፡

ልክ ከእግዚአብሄር ጋር በክርስቶስ የመስቀል ስራ እንደታረቅን ወደ መንግስተ ሰማያት ያልገባነው በምድር ላይ ወሳኝ ስራ ስላለን ነው፡፡ ስለ ተከታዮቹ ኢየሱስ ሲናገር የምድር ጨው ናችሁ ይላል፡፡ ጨው የምግብን ደረጃ ከፍ እንደሚያደርገው እኛ የምድርን የህይወት ደረጃ ከፍ እናደርገዋለን፡፡ እኛ እግዚአብሄርን የመፍራት ከፍ ያለ የህይወት ደረጃ ካላሳየን ምድር እግዚአብሄርን ፈርቶ የሚያስፈራራው ምሳሌ አይኖረውም፡፡ እግዚአብሄርን የመምሰል ህይወት ምሳሌ ካልሆንን ምድር የእግዚአብሄርን መልክ ማየት አትችልም፡፡ እኛ እግዚአብሄርን ስለማክበር ሞዴል ካልሆንን እግዚአብሄር እንዴት እንደሚከበር ምንም ፍንጭ አይኖረውም፡፡ በእግዚአብሄር ፀጋ በራስ የማይቻል ነገር በማድረግ እግዚአብሄር እንዳለ ካልመሰከርን ስለእግዚአብሄር መኖር የሚመሰክር ሰው አይኖርም፡፡

ጨው የምግብንን የተለያየ ጣእም እንደሚሰበስበውና አንድ ወጥ ጣእም እንደሚሰጠው እኛም የምድርን ትኩረት ወደ ሰማይ የምናመለክተው እኛ ነን፡፡ እንዲሁም ከሞት በኋላ ህይወት አንዳለ አድርገን በመኖር ሌሎችንም የምናነቃውና ምድራዊ ህይወት ጊዜያዊ እንደሆነ አድርገን በመኖር ሌሎቹ ለዘላለማዊ ህይወት እንዲዘጋጁ የምናስጠነቅቀው እኛ ነን፡፡ በሰማይ ጌታ እንዳለው ሰው በመኖር ራስን በመግዛትና በዲሲፒን ኑሮ ክርስትና እንደሚቻል ፣ እግዚአብሄርን ማስደሰት እንደሚቻልና ለእግዚአብሄር ሙሉ ለሙሉ መኖር እንደሚቻል ለሌሎች ምሳሌ የምንሆነው እኛው ነን፡፡

ሰው በእግዚአብሄር አምሳል እንደተፈጠረና ለእግዚአብሄር ክብር እንደተሰራ በህይወታችን የምናመለክተው እኛ ነን፡፡  እግዚአብሄርን ማክበር የሰው በምድር ላይ የመፈጠር አላማ  መሆኑን የምናስታውሰው እኛ ነን፡፡ ምድርን ከሚታይ ነገርና ከስጋዊ ፍላጎት ከፍ ያለን ደረጃ የምንሰጣት እኛ የምድር ጨው ነን፡፡ በምድር ላይ የእግዚአብሄር ልጅ ሆኖ ስለመኖር ለሌሎች የምንመሰክረው እኛ ነን፡፡ በምድር ላይ እግዚአብሄርንና ሰውን በመውደድ እንዴት እንደሚኖር የምንመሰክረው እኛ ነን፡፡

ጨው ክብሩ ለምግብ ጣእም መስጠቱ ነው፡፡ የጨው ክብሩ ኮስታራነቱ ነው፡፡ እኛ ነን አለምን ማጣፈጥ የምንችለው፡፡ አለምን ለማጣፈጥ ጣእሙ ያለን እኛ ነን፡፡ እኛ ግን ይህንን ወሳኝ ሃላፊነታችንን ካልተወጣን ማንም ሊሰራልን አይችልም፡፡ እኛ አለምን ካላጣፈጥን እኛን ሊያጣፍጠን የሚችል አለም የለም፡፡ ጨው ደግሞ ካላጣፈጠ ለምንም አይጠቅምም፡፡

ስለዚህ ነው ጨው በአለም ሁሉ መበተን ያለበት፡፡ ጨው በጨው እቃ ውስጥ ቢቀመጥ ምንም አይጠቅምም፡፡ ጨው ግን ተለያየ አይነት ወጥ ውስጥ ቢጨመር ያጣፍጣል፡፡ ስለዚህ ነው ክርስትያኖች የምንሰበሰበው ለመበረታታት ፣ ለመሞረድ ፣ ለመታደስ እንጂ ስራው በምድር ፖለቲካ ፣ ኢኮኖሚና ማህበራዊ ህይወት ውስጥ ነው፡፡ ጨውነታችን በትምህርት ቤት ፣ በሆስፒታል ፣ በእርሻ ፣ በሃገር አስተዳደር ፣ በውትድር ፣ በንግድና በመሳሰሉት ሙያዎችን ሁሉ ይፈለጋል፡፡

ክርስትናን ካለራስ ወዳድነት በፍቅር ለሌሎች መልካም ምሳሌ በመሆን ክርስትናን እንዲቀበሉ የምናበረታታው የምድር ጨው በመሆን ነው፡፡

እናንተ የምድር ጨው ናችሁ፤ ጨው አልጫ ቢሆን ግን በምን ይጣፍጣል? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም። ማቴዎስ 5፡13

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ቃል #ጨው #አማርኛ #ስብከት #መዳን #መፅሃፍቅዱስ #ብፅእና #ምድር #መጣፈጥ #ጣእም #አቢይ #አቢይዋቁማ #አቢይዋቁማዲንሳ

የአቋም መግለጫ

n-black-hand-pointing-628x314እኔ እግዚአብሔር ነኝ ስሜ ይህ ነው፤ ክብሬን ለሌላ፥ ምስጋናዬንም ለተቀረጹ ምስሎች አልሰጥም። ኢሳይያስ 42:8
እግዚአብሄር እንዲህ ይላል ክብሬን ለሌላ ምስጋናዬን ለተቀረፁ ምስሎች አልሰጥም፡፡ እግዚአብሄር ፡፡ ምንም ክርክር እንዳይነሳ እኔ እግዚአብሄር ነኝ ስሜም ይህ ነው በማለት በመጀመሪያ ስሙን ግልፅ አደረገልን፡፡
በሁለተኛ ደረጃ ክብሩን ለማንም ለማንም እንደማይሰጥ ተናገረ፡፡ ብዙ የሚያጋራው ነገሮች ቢኖሩም ክብሩን ግን ለማንም አይሰጥም፡፡ ከማንም ሰው ጋር እኩል መቆጠር አይፈልግም፡፡
ማንም የሰው ልጅ የእግዚአብሄርን ክብሩን እንዲሸፍን አይፈቅድም፡፡
የእግዚአብሄርን ክብር መውሰድ የስነመለኮት አመለካከት ብቻ ሳይሆን በሰው ልጅ የእለት ተእለት ህይወት ሊከሰት የሚችል የዘወትር ፈተና ነው፡፡ ሰው ካልተጠነቀቀ የእግዚአብሄን ክብር በመውሰድ እግዚአብሄርን ያስቆጣዋል፡፡ አንዳንደ ሰው እኔ ምን ክብር አለፅ ይላል ነገር ግን ሰዎች አንተን አልፈው እግዚአብሄርን ማየት ካቃታቸው ወድቀሃል፡፡ ለእግዚአብሄር የሚገባውን ትኩረት ራስህ ጋር ካስቀረኸው ክብሩን ወስደሃል፡፡ ሰዎች ወደ አንተ ሲያመለክቱ ወደእግዚአብሄር ካላመለከትክ ክብሩ ጣፍጦሃል ማለት ነው፡፡
ኢየሱስ በምድር ላይ ይመላለስ በነበረ ጊዜ ለእግዚአብሄር የሚገባውን ክብር ወደ እርሱ ሲያመጡ የእግዚአብሄርን ክብር ላለውሰድ ይጠነቀቅ ነበር፡፡
ኢየሱስም፦ ስለ ምን ቸር ትለኛለህ? ከአንዱ ከእግዚአብሔር በቀር ቸር ማንም የለም። ሉቃስ 18፡19
በበርናባስና በጳውሎስ ታዕምራት በተደረገ ጊዜ ሰዎች ሊያመልኳቸው ሲሞክሩ የእግዚአብሄርን ክብር መውሰድ በጣም ስሱና ሴልሲቲቭ ነገር ስለሆነ ወዲያው ነው ፊት ለፊት የተቃወሙት፡፡ ሰዎች እነርሱን ባከበሩዋቸው መጠን ራሳቸውን አዋረዱ፡፡
ሐዋርያት በርናባስና ጳውሎስ ግን ይህን በሰሙ ጊዜ ልብሳቸውን ቀደው ወደ ሕዝቡ መካከል እየጮኹ ሮጡ፥ ሐዋርያት 14፡14
የሰዎች ትኩረት ከእነርሱ ላይ ተነስቶ ወደ እግዚአብሄር እንዳይሄድ የሚፈልጉ ለእግዚአብሄር መሰጠት ያለበትን ክብር በተለያየ ምክኒያት ለራሳቸው የሚወስዱ ሰዎችን እግዚአብሄር ይናገራል ክብሬን ለሌላ ለማንም አልሰጥም፡፡
ካልተጠነቀቅን ደግሞ እግዚአብሄር ክብሩ እንደማይገባን የሚያሳይበትና የሚያስታውስበት የራሱ መንገድ እንዳለው ከናቡከደነፆር ታሪክ ልንማር ይገባል፡፡ ዳንኤል 5፡19-21
ንጉሱ የተናገረውን ንግግር አድምጠው ሰዎች ለእግዚአብሄር የሚገባውን ክብር ለሰው ሰጡ፡፡ ችግሩ ሰው ክብሩን መስጠቱ አይደለም፡፡ ችግሩ ግን የተሰጠውን ክብር ለእግዚአብሄር መልሶ አለመስጠቱ ነው፡፡ ሰው የእግዚአብሄርን ክብር እንዳይሸፍን ራሱን አለመደበቁ ነው ችግሩ ፡፡
ሕዝቡም፦ የእግዚአብሔር ድምፅ ነው የሰውም አይደለም ብለው ጮኹ። ለእግዚአብሔርም ክብር ስላልሰጠ ያን ጊዜ የጌታ መልአክ መታው በትልም ተበልቶ ሞተ። ሐዋርያት 12፡22-23
የእግዚአብሄርን ክብር መውሰድ እኔን አይመለከተኝም የሚል ሰው የለም፡፡ ፍራ እንጂ የትእቢትን ነገር አታስብ፡፡ ራስህን አዋርድ፡፡ ሁልጊዜ ለእግዚአብሄር አምላክነት እውቅና ስጥ፡፡ በምንም ምክኒያት ይሁን የሰዎች ትኩረት አንተ ጋር እንዳይቀር ተጠንቀቅ፡፡ ሰዎች ክብር ሲሰጡህ በተራህ አንተ ለእግዚአብሄር ክብር ስጥ፡፡
እንግዲህ የምትበሉ ወይም የምትጠጡ ብትሆኑ ወይም ማናቸውን ነገር ብታደርጉ ሁሉን ለእግዚአብሔር ክብር አድርጉት። 1ኛ ቆሮንቶስ 10፡31
ሁሉ ከእርሱና በእርሱ ለእርሱም ነውና፤ ለእርሱ ለዘላለም ክብር ይሁን፤ አሜን። ሮሜ 11፡36
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ክብር #ትእቢት #ኩራት #እግዚአብሄር #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ዳዊትን ገርነቱንም ሁሉ አስብ

publication122አቤቱ፥ ዳዊትን ገርነቱንም ሁሉ አስብ፤ ለእግዚአብሔር እንደ ማለ፥ ለያዕቆብም አምላክ እንደ ተሳለ፦ በእውነት ወደ ቤቴ ድንኳን አልገባም፥ ወደ ምንጣፌም አልጋ አልወጣም፥ ለዓይኖቼም መኝታ ለሽፋሽፍቶቼም እንቅልፍ፥ ለጕንጮቼም ዕረፍትን አልሰጥም፥ ለእግዚአብሔር ስፍራ፥ ለያዕቆብ አምላክ ማደሪያ እስካገኝ ድረስ ብሎ። እነሆ፥ በኤፍራታ ሰማነው፥ በዱር ውስጥም አገኘነው። መዝሙር 132፡1-6
ከዚህም በላይ ደግሞ የአምላኬን ቤት ስለወደድሁ፥ ለመቅደሱ ካዘጋጀሁት ሁሉ ሌላ የግል ገንዘቤ የሚሆን ወርቅና ብር አለኝና ለአምላኬ ቤት ሰጥቼዋለሁ። 1ኛ ዜና 29፡3
እግዚአብሄር እንደልቤ ያለው በዘመኑ የእግዚአብሄርን ሃሳብ ካገለገለ በኋላ አንቀላፋ የተባለለት ሰው ነው-ዳዊት፡፡ ዳዊት እንደልቤ ያስባለውን ስለ እግዚአብሄር ቤት ያለውን ቅናት በሚናገረው ንግግሩና በድርጊቱ በቀላሉ ልንመለከት እንችላለን፡፡
ዳዊት ንጉስ ነው፡፡ ነገር ግን ለእግዚአብሄር ቤት ስራ የሚሆነውን ዛፍ ለመምረጥ በዱር ውስጥ ይዞር ነበር፡፡ ዳዊት የእግዚአብሄርን ስራ እስከሚሰራ አያርፍም ነበር፡፡ እጅግም ይተጋ ነበር፡፡
ዳዊት የሚያደርጋቸው ነገሮች ለቤቱ ስራ ያለውን ቅናት ያሳያል፡፡ ሲፀልይም የዳዊትን ገርነቱን መሰጠቱን ትጋቱን አስብ ይል ነበር፡፡ ገርነትና ለእግዚአብሄር ስራ ራስን መካድ እግዚአብሄር በእርግጥ የሚከፍለው ነገር ነው፡፡ እግዚአብሄር ገርነትን አይቶ አያልፈውም፡፡
ለእግዚአብሄር በነገር ሮጦ የሚበዛ እንጂ ሊከስር የሚችል ሰው የለም፡፡ በመስጠት እግዚአብሄርን አንበልጠውም፡፡ ለእግዚአብሄር በመስጠት እግዚአብሄርን አናስደነግጠውም፡፡
ዳዊት ለእግዚአብሄር ቤት ስራ የዋህ ነበር፡፡ ዳዊት በእግዚአብሄር ቤት ስራ ብልጣ ብልጥ አልነበረም፡፡ ለእግዚአብሄር ቤት ስራ የሚሰጠው በስሌት አልነበረም፡፡ ዳዊት ለጌታ በገርነትና በመሰጠት ራስን በመካድ ቆንጠጥ የሚያደርግ ስጦታን ነበር የሚያደርገው፡፡ ዳዊት ጌታን ስለሚወድ ምንም መስዋእትነት ለጌታ ብዙ አይደለም፡፡
አንድ መክሊትም የተቀበለው ደግሞ ቀርቦ፦ ጌታ ሆይ፥ ካልዘራህባት የምታጭድ ካልበተንህባትም የምትሰበስብ ጨካኝ ሰው መሆንህን አውቃለሁ፤ ፈራሁም ሄጄም መክሊትህን በምድር ቀበርሁት፤ እነሆ፥ መክሊትህ አለህ አለ። ማቴዎስ 25፡24-25
አቤቱ፥ ዳዊትን ገርነቱንም ሁሉ አስብ፤ ለእግዚአብሔር እንደ ማለ፥ ለያዕቆብም አምላክ እንደ ተሳለ፦ በእውነት ወደ ቤቴ ድንኳን አልገባም፥ ወደ ምንጣፌም አልጋ አልወጣም፥ ለዓይኖቼም መኝታ ለሽፋሽፍቶቼም እንቅልፍ፥ ለጕንጮቼም ዕረፍትን አልሰጥም፥ ለእግዚአብሔር ስፍራ፥ ለያዕቆብ አምላክ ማደሪያ እስካገኝ ድረስ ብሎ። እነሆ፥ በኤፍራታ ሰማነው፥ በዱር ውስጥም አገኘነው። መዝሙር 132፡1-6
ለተጨማሪ ፅሁፎች https://www.facebook.com/abiy.wakuma/notes
#ገርነት #መሰጠት #የዋህ #ራስንመካድ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የሚበልጥ የባህሪ ለውጥ

Publication2.jpgእግዚአብሄርን መምሰል ወይም መንፈሳዊ ባህሪ ከእግዚአብሄር ጋር ኖረንና ቃሉን ታዘን በትእግስት በህይወታችን የምንገነባው በጣም አስፈላጊ ነገር ነው፡፡ ትክክለኛ የትጋታችን ውጤት የባህሪያችን መሰራት ነው እንጂ በህይወታችን ያለው ስጦታ እንዳልሆነ መፅሃፍ ቅዱሳችን ያስተምረናል፡፡
ባህሪያችን የራሳችን መንፈስ ፍሬ ነው፡፡ ስጦታ ግን ሰጭው እንደ ወደደ የሚሰጠንና የምንቀበለው ነገር ነው፡፡ ባህሪያችን እንደ ዛፍ ፍሬ ሲሆን ከችግኝነት ጀምሮ አድጎ ተጠብቆ በትጋት የሚያፈራ ሃብት ነው፡፡ ስጦታ ግን የገና ዛፍ ላይ እንደሚንጠለጠር ከረሜላ እና ቸኮላት ነው፡፡
በእርግጥም ደግሞ የሰውን ብስለት የሚናገርው ባህሪው እንጂ ስጦታው አይደለም፡፡ የሰውን መስዋእትነት ፣ መታዘዙን ፣ የሰውን ለጌታ መሰጠት የሚናገረው ባህሪ እንጂ ስጦታ አይደለም፡፡
ስጦታችን እንደ ድግስ ቤት ምግብ ሲሆን ባህሪያችን ግን የራሳችንን ሙያ ማደግ የሚያሳይ ሽንኩርት ከመክተፍ ጀምረን በቤታችን የምናበስለው ምግብን ይመስላል፡፡ የድግስ ቤት ምግብ የእኛን ታማኝነትና ትጋት የማይጠይቅ የሌላ ሰውና ጊዜያዊ ስጦታ ነው፡፡ የራሳችን የምግብ ሙያ ግን በፈለግን ጊዜ የምንጠቀምበት ሁሌ አብሮን የሚኖር የራሳችን ሃብት ነው፡፡ እግዚአብሄር ስጦታን ለመስጠት ሰከንድ አይፈጅበትም፡፡ ስጦታውን እንደ እግዚአብሄር ልብ በትክክል የምናስተዳድርበትን ባህሪያችን ለመሰራት ግን ወራትና አመታት ይፈጅብናል፡፡
ከሃብቱ ይልቅ ባህሪው ስለሚበልጥ ጌታ ሃብቱን ከመስጠቱ በፊት አስተዳዳሪውን ለመስራት ይፈልጋል፡፡ ሃብቱን የሚያስተዳድረውንም ሰው ለመስራት እና ለመቅረፅ እግዚአብሄር ጊዜ ወስዶ ይተጋል፡፡
  • ከምቾታችን ይልቅ የባህሪያችን መሰራት ይበልጣል እግዚአብሄር እምነታችን እንዲፈተን የሚፈቅደው መከራው እኛን ስለማያገኘንና እግዚአብሄርን የሚያሳዝነውን የስጋችንን ባህሪ ከእኛ ለማስወገድ ነው፡፡ እግዚአብሄር በመከራ ውስጥ እንድንታገስ የሚፈልገው በባህሪ ሙሉ ሰዎች እንድንሆን ለማድረግ ነው፡፡
ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት ትዕግሥትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ሥራውን ይፈጽም። ያዕቆብ 1፡2-4
ይህም ብቻ አይደለም፥ ነገር ግን መከራ ትዕግሥትን እንዲያደርግ፥ ትዕግሥትም ፈተናን ፈተናም ተስፋን እንዲያደርግ እያወቅን፥ በመከራችን ደግሞ እንመካለን፤ ሮሜ 5፡3-4
  • ከሃብታችን ይልቅ ባህሪያችን ይበልጣል እግዚአብሄር ሃብታችንን ከመጨመሩ በፊት በታማኝነት ማደጋችንን ማረጋገጥ ይፈልጋል፡፡ በታማኝነት ባደግን መጠን ሃብታችን ይበዛል፡፡
ሃብቱን የሚሸከመው ልባችን ካልሰፋና በባህሪ ካላደግን በስተቀር ሃብቱም ቢመጣም ሃብቱን የምንይዝበት ልቡ ስለሚጎድለን ፈጥኖ ይበተናል፡፡ ዘይቱን የሚይዘው ገንቦ ቀዳዳው ካልተደፈነ የሚቀመጥበት ዘይት ፈስሶ ያልቃል፡፡ ለሚፈለገውም አላማ መዋል አይችልም፡፡
በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። ምሳሌ 13፡11
የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። ምሳሌ 28፡20
በመጀመሪያ ፈጥኖ የተከማቸ ርስት ፍጻሜው አይባረክም። ምሳሌ 20፡21
  • ከስጦታችን ይልቅ በባህሪ ማደጋችን ይበልጣል
ምንም ድንቅ ስጦታ ቢኖረን በፍቅር መነሻ ሃሳብ /ሞቲቭ/ ካላደረግነው አይጠቅምም፡፡ ምንም አገልግሎት ቢኖረን በፍቅር ካልተመራ ለትክክለኛው አላማ መዋል አይችልም፡፡
በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። ከእነዚህም የሚበልጠው ፍቅር ነው። 1ኛ ቆሮንቶስ 13፡1-3፣13
  • ከውጭ ውበታችን ይልቅ የባህሪያችን ውበት ይበልጣል
የውጭው ውበታችን ጊዜያዊ ነው፡፡ የውስጥ ውበታችን ግን ዋጋው እጅግ የከበረና ዘላቂ ነው፡፡
ለእናንተም ጠጕርን በመሸረብና ወርቅን በማንጠልጠል ወይም ልብስን በመጎናጸፍ በውጭ የሆነ ሽልማት አይሁንላችሁ፥ ነገር ግን በእግዚአብሔር ፊት ዋጋው እጅግ የከበረ የዋህና ዝግተኛ መንፈስ ያለውን የማይጠፋውን ልብስ ለብሶ የተሰወረ የልብ ሰው ይሁንላችሁ። 1ኛ ጴጥሮስ 3፡3-4
ስለዚህም አንታክትም፥ ነገር ግን የውጭው ሰውነታችን ቢጠፋ እንኳ የውስጡ ሰውነታችን ዕለት ዕለት ይታደሳል። 2ኛ ቆሮንቶስ 4፡16
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ባህሪ #ፍቅር #ልብ #ሃዘን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ወንጌል #መናገር #ፅናት #ትግስት #መሪ

ልብ የሚነካ ታሪክ

publication1አንድ ቤቶችን እየሰራ የሚሸጥና የሚያከራይ ባለሃብት ነበረ፡፡ ለባለሃብቱ ቤቶችን የሚገነባለት ሁነኛ አናፂ ነበረው፡፡ በዚህ አይነት ሁኔታ እያነፀለት ሲኖር ቆይቶ እድሜው እየገፋ ስለመጣ ጡረታ መውጣት ፈለገ፡፡
አናፂው ከስራው እንዲያሰባብተው ባለሃብቱን ጠየቀው፡፡ ባለሃብቱ ግን በጣም ጥሩ አድርጎ የሚሰራለት ታማኝና ትጉህ አናፂ ስለነበረ ጡረታ እንዳይወጣ ነገር ግን እንዲሰራለት ሃሳቡን ለማስቀየር አጥብቆ ለመነው፡፡
አናፂው ግን ልቡ ስለተነሳ በፍፁም በስራው ለመቀጠል ፈቃደኛ ሊሆንለት አልቻለም፡፡ ሊያስቀረው የጣረው ጥረት እንዳልተሳካ ያየው ባለሃብት እሺ እለቅሃለሁ ከመውጣትህ በፊት ግን አንድ የመጨረሻ ቤት ስራልኝ ብሎ ለመነው፡፡
አናፂው በሃሳቡ ተስማማ፡፡ ነገር ግን ልቡ ወጥቶ ስለነበር ጥራት በሌለው እቃ እንደ ነገሩ አድርጎ ቶሎ ሰርቶ ቤቱ አስረከበው፡፡
አሰሪውም ለረጅም አመታት በታማኝነትና በትጋት ስላገለገልከኝ ይህ ቤት ለአንተ ስጦታ ነው ብሎ የመጨረሻውን ቤት በደስታ አስረከበው፡፡ አናፂው ግን ከደስታ ይልቅ በጣመ አዘነ ተፀፀተም፡፡ ጥራቱን ባልጠበቀ እቃ ፣ በችኮላ የይድረስ ይድረስ ውትፍ ውትፍ አድርጎ ስለሰራው በጣም ተቆጨ፡፡
አናፂው የራሱን ቤት እንደሚሰራ ቢያውቅ ኖሮ እንዴት በተሻለ ጥራት በጥንቃቄ ይሰራው ነበር?
እንዲሁ እያንዳንዳችን የምንሰራው የራሳችንን ቤት ነው፡፡ ነገ የምንኖረው ዛሬ በሃሳባችን ፣ ንግግራችንና በድርጊታችን በምንሰራው ቤት ውስጥ ነው፡፡ ዛሬ በምንሰራው ቤት ውስጥ ነው ልጆቻችን የልጅ ልጆቻችንና ትውልዳችን የሚኖረው፡፡
ስለዚህ በእያንዳንዷ ደቂቃና ሰአት የወደፊት ቤታችንንና ትውልዳችንን እንዴት እንደምንሰራ እንጠንቀቅ፡፡ ይህ እንዲህ ከሚለው ከእግዚአብሄር ቃል ጋር ይስማማል፡፡
አትሳቱ፤ እግዚአብሔር አይዘበትበትም። ሰው የሚዘራውን ሁሉ ያንኑ ደግሞ ያጭዳልና፤ በገዛ ሥጋው የሚዘራ ከሥጋ መበስበስን ያጭዳልና፥ በመንፈስ ግን የሚዘራው ከመንፈስ የዘላለምን ሕይወት ያጭዳል። ባንዝልም በጊዜው እናጭዳለንና መልካም ሥራን ለመሥራት አንታክት። ገላትያ 6፡7-9
እንግዲያስ በዓመፃ ገንዘብ ካልታመናችሁ፥ እውነተኛውን ገንዘብ ማን አደራ ይሰጣችኋል? በሌላ ሰው ገንዘብ ካልታመናችሁ፥ የእናንተን ማን ይሰጣችኋል? ሉቃስ 16፡11-12
ይህን ፅሁፍ ለሌሎች ሼር share ማድረግ ቢወዱ
#ኢየሱስ #ጌታ #ታማኝ #ትጉህ #ቤት #ትውልድ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ሃሳብ #መናገር #ድርጊት #ትግስት #መሪ

ፍቅር ይታገሣል

love-patient-jpg-3-jpg-4ፍቅር ይታገሣል፥ ቸርነትንም ያደርጋል፤ ፍቅር አይቀናም፤ ፍቅር አይመካም፥ አይታበይም፤1ኛ ቆሮንቶስ 13፡4
የፍቅር ትርጉሙ ሌላውን ሰው በመረዳት ከዛ ሰው ጋር ራስን ማስተባበር ነው፡፡ Love is identifying self with the other in understanding.
ፍቅር አለም በራሱ ዙሪያ እንደምትዞር አያስብም፡፡ ፍቅር የራሱን ፍላጎት ብቻ አይመለከተም፡፡ ፍቅር ራስ ወዳድ አይደለም፡፡
ፍቅር ለሌላው እውቅና ይሰጣል፡፡ ፍቅር ለሌላው ፍላጎት ቦታ አለው፡፡ ፍቅር ሌላውን የሚያከብር ልብ አለው፡፡ ፍቅር የሌላው እርምጃ የሚታገስ ልብ አለው፡፡
ፍቅር ይታገሳል፡፡ ፍቅር ቻይ ነው፡፡ ፍቅር አይቸኩልም፡፡ ፍቅር አሁን ካልሆነ አይልም፡፡ ፍቅር ይቆያል፡፡ ፍቅር ይጠብቃል፡፡ ፍቅር ነገሩ በጊዜው እንደሚሆን ያምናል፡፡
ፍቅር ይታገሳል፡፡
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ፍቅር #መንፈስ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ትዕግስት #መንፈስቅዱስ #ምስክር #ልብ #መሪ

የጻድቃን መንገድ

airplane-take-off-at-sunset-hd-wallpaper-768x480የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። ምሳሌ 4፡18
ኢየሱስ ክርስቶስን በመቀበላችንና በህይወታችን ላይ በመሾማችን እግዚአብሄር ልጆች አድርጎ ተቀብሎናል፡፡ የእግዚአብሄር ልጆች ስለሆንንና እግዚአብሄር ከእኛ ጋር ስለሚሰራ ነገሮች ሁሉ ይከናወንልናል፡፡
በጌታ ኢየሱስ የመስቀል ስራ አምነው የዳኑትን ጻድቃንን መንገዳቸው ከንጋት ብርሃን ጋር ይመሳሰላል፡፡ የንጋት ብርሃን ጠቃሚና ወሳኝ ብርሃን ነው፡፡ የንጋት ብርሃን ጨለማው ማለፉንና ብሩህ ቀን መምጣቱን የሚያበስር እርግጠኛ ምልክት ነው፡፡ የንጋት ብርሃን የሙሉ ተስፋ ብርሃን ነው፡፡
መፅሃፍ ቅዱስ የጻድቃን መንገድ ሙሉ ቀን እስከሚሆን እየጨመረ እንደሚሄድ ያስተምራል፡፡ የጻድቃን መጨመር ፣ ማበብ መውጣት ፣ ማሸነፍ እርግጥ ነው፡፡ ከእግዚአብሄር ጋር ተገናኝቶ የሚወርድ ፣ የሚጠፋ ፣ የሚከስም ሰው የለም፡፡ ጻድቃን እየወጡና ከፍ እያሉ መሆኑ ምንም ጥርጥር የለውም፡፡
የጻድቃን መንገድ ግን እንደዱብዳ አይደለም፡፡ የጻድቃን ማበብ ድንገተኛ አይደለም፡፡ የጻድቃን መንገድ ቀስ በቀስ እየጨመረ የሚሄድ ነገር ነው፡፡ መፅሃፍ ቅዱስ በጊዜያት ውስጥ የታመነና ፀንቶ የቀጠለ ሰው እጅግ እስከሚባረክ ድረስ እንደሚባረክ ያስተምራል፡፡
የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። ምሳሌ 28፡20
የንጋት ብርሃን ከጭላልጭልነት ጀምሮ እንደሚበረታና የቀትር ፀሃይ እስከሚሆን ቀስ በቀስ እየጨመረ እንደሚሄድ ሁሉ የጻድቃን መንገድም እንዲሁ ጥቂት በጥቂት ይጨምራል፡፡
በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። ምሳሌ 13፡11
የንጋት ብርሃን ሙሉ ቀን እስከሚሆን መጨመሩን እነደማያቆም እንዲሁ የጻድቃን መንገድ ሙሉ ቀን እስከሚሆን እየጨመረ ነው የሚሄደው፡፡ የጻድቃን መንገድ ሙሉ በረከት በህይወታቸው እስከሚገለጥ ድረስ መጨመሩን አያቆምም፡፡ የጻድቃን በረከት ከመጨመር አይቆምም፡፡
የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። ምሳሌ 4፡18
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ጻድቃን #የታመነ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ጥቂትበጥቂት #ሙሉቀን #በረከት #ትግስት #መሪ

አሁንም ከእግዚአብሔር ጋር ተስማማ፥ ሰላምም ይኑርህ

submitአሁንም ከእርሱ ጋር ተስማማ፥ ሰላምም ይኑርህ፤ በዚያም በጎነት ታገኛለህ። ኢዮብ 22:21
እግዚአብሄር የፈጠረን ለክብሩ ነው፡፡ እግዚአብሄር አቅዶ የሰራን ከእርሱ ጋር እንድንስማማ ነው፡፡ እግዚአብሄር የፈጠረን በዋነኝነት እርሱን እንድንታዘዘው ነው፡፡
በስሜ የተጠራውን ለክብሬም የፈጠርሁትን፥ የሠራሁትንና ያደረግሁትን ሁሉ አምጣ እለዋለሁ። ኢሳይያስ 43፡7
ሰው ግን ከእርሱ ጋር ካልተስማማና ለእግዚአብሄር ካልተገዛ በህይወቱ ምንም ነገር ትክክል ሊሆን አይችልም፡፡ ሰው ከእግዚአብሄር ጋር ካልተስማማ ሁሉ ነገር ስለሚዘበራረቅና ምንም የሚሳካ ነገር ስለሌለ ሰላሙን ያጣል፡፡
ስለዚህ ምክሩ አሁንም ከእግዚአብሄር ጋር ተስማማ ነው፡፡ መጀመሪያ ሰላም ታገኛለህ፡፡ እግዚአብሄር ፀጋውን ያበዛልሃል፡፡ ከዚያም በመታዘዝህ የእግዚአብሄርን በረከት ታገኛለህ ህይወትህም ይለመልማል፡፡ ኢየሱስ በመስቀል ተሰቃየ፡፡ ነገር ግን የእኔ ፈቃድ አይሁን የአንተ ፈቃድ ይሁን በማለት ከእግዚአብሄር ጋር ተስማማ፡፡ ጨክኖም ለእግዚአብሄር ታዘዘ፡፡
ጥቂትም ወደ ፊት እልፍ ብሎ በፊቱ ወደቀና ሲጸልይ፦ አባቴ፥ ቢቻልስ፥ ይህች ጽዋ ከእኔ ትለፍ፤ ነገር ግን አንተ እንደምትወድ ይሁን እንጂ እኔ እንደምወድ አይሁን አለ።ማቴዎስ 26፡39
አሁንም ከእርሱ ጋር ተስማማ፥ ሰላምም ይኑርህ፤ በዚያም በጎነት ታገኛለህ። ኢዮብ 22:21
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #መታዘዝ #ተስማማ #ሰላም #ስኬት ቤተክርስትያን #አማርኛ #ስብከት #መዳን #መፅሃፍቅዱስ #ፀጋ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እውነተኛ ትህትና

7a9915bb2774378c0c0035704e52fd73ከእግዚአብሄር ጋር ለመኖርና አሸናፊ ለመሆን ትህትና እጅግ አስፈላጊ ባህሪ ነው፡፡ ካለ ትህትና ከእግዚአብሄ ጋር እጣላለን ፡፡ እግዚአብሄር ከእኛ ወገን አይሆንም ፡፡ እንዲያውም እግዚአብሄር ትዕቢተኛውን ይቃወማል፡፡
ነገር ግን ጸጋን አብልጦ ይሰጣል፤ ስለዚህ፦ እግዚአብሔር ትዕቢተኞችን ይቃወማል፥ ለትሑታን ግን ጸጋን ይሰጣል ። ያዕቆብ 4፡6
ትህትና ይህን ያህል አስፈላጊ ከሆነ ትህትና ግን ምንድነው ብለን መጠየቅ ጥበብ ነው፡፡ ትህትናን በደንብ ልንማረውና ልናጠናው ተግተንም ልንለማመደው የሚገባ የተወደደ ባህሪ ነው፡፡ ሰዎች ትህትና ብለው የሚያደርጉዋቸው ብዙ ነገሮች አሉ፡፡ እውነተኛ ትህትና ግን ምንድነው፡፡
  • · ትህትና ለሁሉም ሰው ያለ አክብሮት ነው፡፡ ትሁት ሰው ለወገኔ ይጠቅማል በማለት አንዱን ከሌላው ሰው በወገናዊነት አያበላልጥም፡፡ ትሁት ሰው ለሁሉም ከፍ ያለ አክብሮት ያለው ሰው ሲሆን ሁሉንም ለማገልገልና ለመጥቀም የተዘጋጀ ነው፡፡
ለወገኔ ይጠቅማል በማለት ወይም በከንቱ ውዳሴ ምክንያት አንድ እንኳ አታድርጉ፥ ፊልጵስዩስ 2፡3
  • · ትሁት ሰው ሌላው ሰው ከእርሱ እንደሚሻል በቅንነትና በእውነት የሚያምን ነው፡፡ ትሁት ሰው ራሱን ብቻ አስፈላጊ አድርጎ የማይመለከት ሰው ነው፡፡ ትሁት ሰው የሰውን ሁሉ አስፈላጊነት የሚረዳ ሰው ነው፡፡ ትሁት ሰው በሌላው ሰው ስጦታ ጥሪና ጠቃሚነት የሚያምን ነው፡፡
ነገር ግን እያንዳንዱ ባልንጀራው ከራሱ ይልቅ እንዲሻል በትሕትና ይቍጠር ፊልጵስዩስ 2፡3
  • · ትሁት ሰው የራሱን ብቻ የማይፈልግ ሰው ነው፡፡ ትሁት ሰው ሌላውንም የሚጠቅመውን ነገር ለማድረግ የሚፈልግ ሰው ነው፡፡ ትሁት ሰው ራስ ወዳድ አይደለም፡፡ ትሁት ሰው ለሌላው ጥቅም በትጋት የሚሰራ ሰው ነው፡፡
እያንዳንዱ ለራሱ የሚጠቅመውን አይመልከት፥ ለባልንጀራው ደግሞ እንጂ ፊልጵስዩስ 2፡4
  • · ትህትና እንደ ክርስቶስ ራስን አዋርዶ መኖር ነው፡፡ የሰው ትህትና የሚጀምረው ከሃሳብ ነው፡፡ ሰው ገና በሃሳብ ደረጃ ራሱን ካላዋረደ በትህትና ሊመላለስ አይችልም፡፡ ትሁት ሰው የትህትና መልክ ብቻ ሳይሆን የትህትና ሃሳብና ውሳኔ ያለው ነው፡፡
በክርስቶስ ኢየሱስ የነበረ ይህ አሳብ በእናንተ ዘንድ ደግሞ ይሁን። ፊልጵስዩስ 2፡5
  • · ከኢየሱስ የምንማረው ትሁት ሰው ለደረጃ ግድ እንደሌለው ነው፡፡ ትሁት ሰው ስለደረጃ አይጣላም አይጨቃጨቅም፡፡ ትሁት ሰው ትኩረቱ ማገልገል ሰውም መጥቀም በሰው ላይ ዋጋን መጨመር ሰውን ማንሳት ላይ እንጂ ስለስምና ስለስልጣን ወይም ጥቅም አይደለም፡፡ ትሁት ሰው የትም ማገልገል ስለሚችል መቼም ለመውረድ የተዘጋጀ ነው፡፡
እርሱ በእግዚአብሔር መልክ ሲኖር ሳለ ከእግዚአብሔር ጋር መተካከልን መቀማት እንደሚገባ ነገር አልቈጠረውም፥ ፊልጵስዩስ 2፡6
  • · ትሁት ሰው እግዚአብሄርም እንዲያዋርደው የማያደርግ ቀድሞ ራሱን የሚያዋርድ ነው፡፡ ትሁትን ሰው የምናውቀው ሁኔታ ስላልተመቸው በመዋረዱ ሳይሆን ከፍ የሚያደርግ ሁኔታ እያለ በራሱ ፈቃድ ራሱን የሚያዋርድ ሰው ነው፡፡
ትሁት ሰው ሰዎችን ለመጥቀም በምድር ላይ እንዳለ የሚያውቅ ሰው ሲሆን ሰዎች ሲጠቀሙበት እንደ እድል እንጂ እንደ ሽንፈት የማይቆጥር ሰው ነው፡፡ ትሁት ሰው ሰዎች እንደተጠቀሙበት የሚሰማውን አፍራሽ ስሜት የማይቀበል ሰዎች እንዲጠቀሙበት የሚፈቅድ የባሪያ ልብ ያለው ለራሱ የማይሰስት ሰው ነው፡፡
ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ ፊልጵስዩስ 2፡7
  • · ትሁት ሰው ነገሮችን ካደረገ በኋላ ክፍያውን የማይተምን በትህትናው የማይመካ ስላደረገው ስራ ዋጋውን ራሱ የማይተምን ሃላፊነቱን ብቻ እንደተወጠ የሚሰማው ሰው ነው፡፡ ትሁት ሰው ምንጩ እግዚአብሄር እንደሆነ የሚረዳ እንካ በእንካ አገልግሎት የሌለው ሰው ነው፡፡
እንዲሁ እናንተ ደግሞ የታዘዛችሁትን ሁሉ ባደረጋችሁ ጊዜ፦ የማንጠቅም ባሪያዎች ነን፥ ልናደርገው የሚገባንን አድርገናል በሉ። ሉቃስ 17፡10
  • · ትሁት ሰው ማንነቱን ጠንቅቆ የተረዳ ፣ ክብሩን የሚያውቅ ፣ የእርሱ ዝቅ ብሎ ማገልገል ምንም እንደማያዋርደው የሚያውቅ ሰው ነው፡፡ ትሁት ሰው በእእግዚአብሄር ካለው ክብር እርሱን ሊያዋርደው የሚችል ምንም ነገር እንደሌለ የተረዳ ነው፡፡
ኢየሱስ አብ ሁሉን በልጁ እንደ ሰጠው ከእግዚአብሔርም እንደ ወጣ ወደ እግዚአብሔርም እንዲሄድ አውቆ፥ ከእራት ተነሣ ልብሱንም አኖረ፥ ማበሻም ጨርቅ ወስዶ ታጠቀ፤ በኋላም በመታጠቢያው ውኃ ጨመረ፥ የደቀ መዛሙርቱንም እግር ሊያጥብና በታጠቀበትም ማበሻ ጨርቅ ሊያብስ ጀመረ። ዮሃንስ 13፡3-5
ለወገኔ ይጠቅማል በማለት ወይም በከንቱ ውዳሴ ምክንያት አንድ እንኳ አታድርጉ፥ ነገር ግን እያንዳንዱ ባልንጀራው ከራሱ ይልቅ እንዲሻል በትሕትና ይቍጠር፤ እያንዳንዱ ለራሱ የሚጠቅመውን አይመልከት፥ ለባልንጀራው ደግሞ እንጂ። በክርስቶስ ኢየሱስ የነበረ ይህ አሳብ በእናንተ ዘንድ ደግሞ ይሁን። እርሱ በእግዚአብሔር መልክ ሲኖር ሳለ ከእግዚአብሔር ጋር መተካከልን መቀማት እንደሚገባ ነገር አልቈጠረውም፥ ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ፥ በምስሉም እንደ ሰው ተገኝቶ ራሱን አዋረደ፥ ለሞትም ይኸውም የመስቀል ሞት እንኳ የታዘዘ ሆነ። ፊልጵስዩስ 2፡3-8
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ትህትና #መዋረድ #ባህሪ #ዝቅታ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እግዚአብሔርም በጽኑ እጅ እንዲህ ተናገረኝ

fear-eyeእግዚአብሔርም በጽኑ እጅ እንዲህ ተናገረኝ፥ በዚህም ሕዝብ መንገድ አንዳልሄድ አስጠነቀቀኝ፥ እንዲህም አለኝ፦ ይህ ሕዝብ፦ ዱለት ነው በሚሉት ሁሉ፦ ዱለት ነው አትበሉ፤ መፈራታቸውንም አትፍሩ፥ አትደንግጡ። ኢሳይያስ 8፡11-12
ማስፈራራታቸውንም አትፍሩ አትናወጡም፥ ዳሩ ግን ጌታን እርሱም ክርስቶስ በልባችሁ ቀድሱት። 1ኛ ጴጥሮስ 3፡14-15
መቼም ቢሆን ደግሞ ሁኔታን እንድንፈራ እግዚአብሄር አይፈልግም፡፡ አይናችን ከእግዚአብሄር ላይ ተነስቶ ሁኔታ ላይ ሲሆን ከእግዚአብሄር ጋር ያለን ግንኙነት ይዛባል ፍሬያማነታችን ይቀንሳል፡፡
እኛ በክርስቶስ አምነን ከእግዚአብሄር ጋር የታረቅን ሁሉን የሚያውቅ አባት ነው ያለን፡፡ እኛ የክርስቶስ ተከታዮች ሁሉን ቻይ የሆነ አምላከ ነው ያለን፡፡ ከእኛ በላይ ሊረጋጋ የሚገባው ከእኛ በላይ ከፍርሃት በላይ ሆኖ ሊኖር የሚገባው ከእኛ በላይ ከሁኔታዎች በላይ ሆኖ ሊወጣና ሊገባ የሚገባው ሰው የለም፡፡ እንዲያውም የጌታችንን ብርሃን የምናሳየውና የምናንፀባርቀው ጨለማ ምድርን ድቅድቅ ጨለማም አሕዛብን ሲሸፍን ነው፡፡ ኢሳያስ 60፡1
ለእኛ ግን ጨለማ አይሆንም፡፡ ለእኛ ግን መጥፊያ አይደለም፡፡ ለእኛ ግን በእድል የተሞላ ዘመን ነው፡፡ ለእኛ ግን ጌታን የምናሳይበት ትልቅ እድል ነው፡፡ ለእኛ ግን ዘመን ስለማይሽረው ስለአምላካችን ሃያልነት በግልፅ የምንናገርበት ትልቅ አጋጣሚ ነው፡፡ ለእኛ ግን በአምላካችን ላይ የምንጓደድበት ዘመናችን ነው፡፡
ይህ ዘመን ለጨነቃቸው መፍትሄ አለ መንገዱ ይህ ነው ብለን የምናሳይበት ታላቅ መድረክ ነው፡፡ ስለዚህ ነው እግዚአብሄር ህዝቡን ሲያስጠነቅቅ ይህ ሕዝብ፦ ዱለት ነው በሚሉት ሁሉ፦ ዱለት ነው አትበሉ፤ ንግግራችሁ አይደባለቅ ንግግራችሁ ይለይ፡፡ ሌሎች የሚቀድሱት የሌላቸው እንደሚሉት አትበሉ፡፡ ሌሎች አምላክ የሌላችውን ቋንቋ አትጠቀሙ፡፡ ሌሎች የሚፈሩትንም አትፍሩ ፍርሃት ለእናንተ አይደለም ይላል እግዚአብሄር፡፡ መፈራት የማይገባውን እየፈራችሁ አግዚአብሄርን አታስቀኑት፡፡
መፈራታቸውንም አትፍሩ፥ አትደንግጡ። 1ኛ ጴጥሮስ 3፡14
ዳሩ ግን ጌታን እርሱም ክርስቶስ በልባችሁ ቀድሱት።1ኛ ጴጥሮስ 3፡15
እናንተ የምታመልኩት አምላክ የተለየ መሆኑን በድርጊታችሁ አሳዩ፡፡ የእናንተ ድርሻ ጌታን ብቻ መፍራትና ለእርሱ ብቻ የተለየ ስፍራ መስጠት ነው፡፡ ሌሎችን አማልክት ከሚያመልኩ ጋር ተቀላቅላችሁ እንደ እነርሱ የሽንፈት ወሬ እያወራችሁ እርሱን ከሌሎች አማልክት ጋር አትቀላቅሉት፡፡ እግዚአብሄር በልባችሁ ብቸኛውን ስፍራ ይፈልጋል፡፡
ማስፈራራታቸውንም አትፍሩ አትናወጡም፥ ዳሩ ግን ጌታን እርሱም ክርስቶስ በልባችሁ ቀድሱት። 1ኛ ጴጥሮስ 3፡14-15
ይህን ፅሁፍ ለሌሎች ማካፈል share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
ኢየሱስ #ጌታ #ቀድሱት #መዳን #እምነት #አትፍሩ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ፅናት #ትግስት #መሪ

ምኑ ነው አዲስ?

7013647-new-plant-growth-wallpaperስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል። 2ኛ ቆሮንቶስ 5፡17
ስለሃጢያቱ በመስቀል ላይ ዋጋ የከፈለውን ኢየሱስን የተቀበለ ሰው ሁሉ አዲስ ፍጥረት ነው፡፡ አዲሱ ሰው እርጅናና ድካም የማያውቀው አዲስ ፍጥረት ነው፡፡ ኢየሱስን እንደ አዳኙና የህይወቱ ጌታው አድርጎ የተቀበለ ሰው አሮጌው ነገር አልፎአል፤ እነሆ፥ ሁሉም አዲስ ሆኖአል፡፡ ግን አዲስ የሆነው ምንድነው ?
  • ልጅነቱ አዲስ ነው፡፡ ሰው በሃጢያት እስራት እያለ የእግዚአብሄር ልጅ አልነበረም፡፡ እውነት ነው የእግዚአብሄር ፍጥረት ነው የእግዚአብሄር ልጅ ግብን አልነበረም፡፡ ሰው በአመፅ ሲኖር የዲያቢሎስ ልጅ ነው፡፡
እናንተ ከአባታችሁ ከዲያብሎስ ናችሁ የአባታችሁንም ምኞት ልታደርጉ ትወዳላችሁ። እርሱ ከመጀመሪያ ነፍሰ ገዳይ ነበረ፤ እውነትም በእርሱ ስለ ሌለ በእውነት አልቆመም። ሐሰትን ሲናገር ከራሱ ይናገራል፥ ሐሰተኛ የሐሰትም አባት ነውና። ዮሃንስ 8፡44
ወዳጆች ሆይ፥ አሁን የእግዚአብሔር ልጆች ነን፥ ምንም እንደምንሆን ገና አልተገለጠም። 1ኛ ዮሃንስ 3፡2
  • ወዳጅነታችን አዲስ ነው፡፡ ሰው ከእግዚአብሄር ጋር ወዳጅ አልነበረም፡፡ ሰው የእግዚአብሄር ጠላት ነበረ፡፡ አሁን ግን ሰው በክርስቶስ የእግዚአብሄር ወዳጅ መሆን ይችላል፡፡
ጠላቶች ሳለን ከእግዚአብሔር ጋር በልጁ ሞት ከታረቅን፥ ይልቁንም ከታረቅን በኋላ በሕይወቱ እንድናለን፤ ሮሜ 5፡10
ከእንግዲህ ወዲህ ባሮች አልላችሁም፤ ባርያ ጌታው የሚያደርገውን አያውቅምና፤ ወዳጆች ግን ብያችኋለሁ፥ ከአባቴ የሰማሁትን ሁሉ ለእናንተ አስታውቄአችኋለሁና። ዮሃንስ 15፡15
  • ህያውነታችን አዲስ ነው፡፡ ሰው ቆሞ ይሂድ እንጂ በእግዚአብሄር እይታ ሙት ነበረ፡፡ ሰው በሃጢያት ምክኒያት ለዘላለም ከእግዚአብሄ ተለይቶ ነበረ፡፡ ሰው ክርስቶስን በመቀበል እግዚአብሄር ይቀበለዋል፡፡ ለዘላለም ከእግዚአብሄር ጋር ይኖራል፡፡
በበደላችሁና በኃጢአታችሁ ሙታን ነበራችሁ፤ ኤፌሶን 2፡1
ከወደደን ከትልቅ ፍቅሩ የተነሣ በበደላችን ሙታን እንኳ በሆንን ጊዜ ከክርስቶስ ጋር ሕይወት ሰጠን፥ በጸጋ ድናችኋልና፥ ኤፌሶን 2፡5
  • የሰይጣን መጠቀሚያ ነበርን፡፡ የምንኖረው በሰይጣን ፈቃድ ነበር፡፡ አሁን ግን ከሰይጣን ግዛት ወጥተናል፡፡ እኛ ስፍራ ሰጥተነው ካልሆነ ሰይጣን በእኛ ላይ ምንም ስልዕጣን የለውም፡፡
በዚህ ዓለም እንዳለው ኑሮ፥ በማይታዘዙትም ልጆች ላይ አሁን ለሚሠራው መንፈስ አለቃ እንደ ሆነው በአየር ላይ ሥልጣን እንዳለው አለቃ ፈቃድ፥ በፊት ተመላለሳችሁባቸው። ኤፌሶን 2፡2
እነሆ፥ እባቡንና ጊንጡን ትረግጡ ዘንድ፥ በጠላትም ኃይል ሁሉ ላይ ሥልጣን ሰጥቻችኋለሁ፥ የሚጐዳችሁም ምንም የለም። ሉቃስ 10፡19
  • ሰላማችንና መታረቃችን አዲስ ነው፡፡ የቁጣ ልጆች ነበርን፡፡ እግዚአብሄር በሃጢያታችንና በአመፃችን ደስተኛ አልነበረም፡፡ አሁን እግዚአበሄ ተቀብሎናን ኢየሱስ በመስቀል ላይ በሰራው ስራ እግዚአብሄር በእኛ ደስተኛ ነው፡፡ እግዚአብሄር ረክቷል፡፡
በእነዚህም ልጆች መካከል እኛ ሁላችን ደግሞ፥ የሥጋችንንና የልቡናችንን ፈቃድ እያደረግን፥ በሥጋችን ምኞት በፊት እንኖር ነበርን እንደ ሌሎቹም ደግሞ ከፍጥረታችን የቁጣ ልጆች ነበርን። ኤፌሶን 2፡3
እርሱ ሰላማችን ነውና፤ ሁለቱን ያዋሐደ በአዋጅ የተነገሩትንም የትእዛዛትን ሕግ ሽሮ በመካከል ያለውን የጥል ግድግዳን በሥጋው ያፈረሰ፤ ይህም ከሁለታቸው አንድን አዲስን ሰው በራሱ ይፈጥር ዘንድ ሰላምንም ያደርግ ዘንድ፥ 2ኛ ቆሮንጦስ 5፡14-15
  • ተስፋችን አምላካችን አዲስ ነው፡፡ ካለ እግዚአብሄር ካለተስፋ ነበርን፡፡ አሁን ግን አምላክ አለን፡፡ አሁን ግን ተስፋችን ሙሉ ነው፡፡
በዚያ ዘመን ከእስራኤል መንግሥት ርቃችሁ ለተስፋውም ቃል ኪዳን እንግዶች ሆናችሁ በዚህም ዓለም ተስፋን አጥታችሁ ከእግዚአብሔርም ተለይታችሁ ያለ ክርስቶስ ነበራችሁ። ኤፌሶን 2፡12
መጥቶም ርቃችሁ ለነበራችሁ ለእናንተ ሰላምን፥ ቀርበው ለነበሩትም ሰላምን የምስራች ብሎ ሰበከ፤ በእርሱ ሥራ ሁላችን በአንድ መንፈስ ወደ አብ መግባት አለንና። እንግዲያስ ከእንግዲህ ወዲህ ከቅዱሳን ጋር ባላገሮችና የእግዚአብሔር ቤተ ሰዎች ናችሁ እንጂ እንግዶችና መጻተኞች አይደላችሁም። ኤፌሶን 2፡17-19
ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል። 2ኛ ቆሮንቶስ 5፡17
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#አዲስፍጥረት #አዲስ #መዋጀት #መዳን #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ሰላም ትግስት #ልጅ

Gentleness Defined

gentleness (1)God created man in his image, after his likeness. One of the most important characters God wants to see in us in gentleness. Gentleness comes when we glorify the word of God in our lives. It is the character that is developed through time.

Gentleness is one of the most coveted character and personality by men and women. It is our real beauty in the sight God.

Rather, it should be that of your inner self, the unfading beauty of a gentle and quiet spirit, which is of great worth in God’s sight. 1 Peter 3:4

Defining the word gentle in a single word or sentence is very difficult.

A gentle person is not quarrelsome, not greedy for gain, not self-centered, quiet, calm, modest, prudent, balanced, trusting in God, kind, compassionate, merciful, patient, moderate, contented, temperate, sober-minded, and compassionate person. Gentle person restrains himself not to use his power for evil. He is bridled person.

  • A Gentle person is respectful who does not want to abuse and manipulate others. He is kind, intelligent and balanced person.

And the servant of the Lord must not strive; but be gentle unto all men, apt to teach, patient, 2 Timothy

2:24

  • A Gentle person is not greedy for money, decent, contented, considerate, not quarrelsome.

. . . not given to wine, not violent, not greedy for money, but gentle, not quarrelsome, not covetous; 1 Timothy 3: 3

  • Gentleness is the acid test to differentiate between the wisdom from above and wisdom from below.

But the wisdom that is from above is first pure, then peaceable, gentle, willing to yield, full of mercy and good fruits, without partiality and without hypocrisy. James 3:17

  • Gentleness is the way we communicate with others especially the unbelievers. They understand gentleness.

But in your hearts revere Christ as Lord. Always be prepared to give an answer to everyone who asks you to give the reason for the hope that you have. But do this with gentleness and respect, 1 Peter 3: 15

  • One of the leadership qualities exhibited by Apostle Paul

Now I, Paul, myself am pleading with you by the meekness and gentleness of Christ—who in presence am lowly among you, but being absent am bold toward you. 2 Corinthians 10: 1

  • One of the most powerful tools of our testimony is to show forth the character of gentleness in our daily lives.

Let your gentleness be evident to all. The Lord is near. Philippians 4:5

To share this article

For more articles https://www.facebook.com/abiy.wakuma/notes

#quiet #gentle #decent #contented #considerate  #kind #modest #moderate #calm #compassionate #balanced #Jesus #Lord #Church #character  #testimony #sermon #bible #christ #facebook #abiywakumadinsa #abiydinsa #abiywakuma

Gentleness Defined

gentleness (1)God created man in his image, after his likeness. One of the most important characters God wants to see in us in gentleness. Gentleness comes when we glorify the word of God in our lives. It is the character that is developed through time.

Gentleness is one of the most coveted character and personality by men and women. It is our real beauty in the sight God.

Rather, it should be that of your inner self, the unfading beauty of a gentle and quiet spirit, which is of great worth in God’s sight. 1 Peter 3:4

Defining the word gentle in a single word or sentence is very difficult.

A gentle person is not quarrelsome, not greedy for gain, not self-centered, quiet, calm, modest, prudent, balanced, trusting in God, kind, compassionate, merciful, patient, moderate, contented, temperate, sober-minded, and compassionate person. Gentle person restrains himself not to use his power for evil. He is bridled person.

  • A Gentle person is respectful who does not want to abuse and manipulate others. He is kind, intelligent and balanced person.

And the servant of the Lord must not strive; but be gentle unto all men, apt to teach, patient, 2 Timothy

2:24

  • A Gentle person is not greedy for money, decent, contented, considerate, not quarrelsome.

. . . not given to wine, not violent, not greedy for money, but gentle, not quarrelsome, not covetous; 1 Timothy 3: 3

  • Gentleness is the acid test to differentiate between the wisdom from above and wisdom from below.

But the wisdom that is from above is first pure, then peaceable, gentle, willing to yield, full of mercy and good fruits, without partiality and without hypocrisy. James 3:17

  • Gentleness is the way we communicate with others especially the unbelievers. They understand gentleness.

But in your hearts revere Christ as Lord. Always be prepared to give an answer to everyone who asks you to give the reason for the hope that you have. But do this with gentleness and respect, 1 Peter 3: 15

  • One of the leadership qualities exhibited by Apostle Paul

Now I, Paul, myself am pleading with you by the meekness and gentleness of Christ—who in presence am lowly among you, but being absent am bold toward you. 2 Corinthians 10: 1

  • One of the most powerful tools of our testimony is to show forth the character of gentleness in our daily lives.

Let your gentleness be evident to all. The Lord is near. Philippians 4:5

To share this article

For more articles https://www.facebook.com/abiy.wakuma/notes

#quiet #gentle #decent #contented #considerate  #kind #modest #moderate #calm #compassionate #balanced #Jesus #Lord #Church #character  #testimony #sermon #bible #christ #facebook #abiywakumadinsa #abiydinsa #abiywakuma

ገርነት ሲተረጎም (Gentleness)

gentleness (1)እግዚአብሄር ሰውን ሲፈጥረው በመልኩና በአምሳሉ ነው የፈጠረው፡፡ እግዚአብሄር ከሰው ከሚጠብቃቸው ባህሪያት አንዱ ገርነት ነው፡፡ ገርነት በክርስትና በጣም ተፈላጊ ባህሪ ሲሆን የእግዚአብሄርን ቃል በመቀበልና በመኖር የሚገነባ ወሳኝ ባህሪ ነው፡፡ ገር ሰው ሃይሉን ለክፋት ላለመጠቀም ኩሩ የሆነ የተገራ ሰው ነው፡፡
ገርነት በእግዚአብሄር ፊት ዋጋው እጅግ የከበረ ውበታችን ነው፡፡
ነገር ግን ውበታችሁ በእግዚአብሔር ፊት ዋጋው እጅግ የከበረ ገርና ጭምት መንፈስ ያለበት ምንጊዜም የማይጠፋ የውስጥ ሰውነት ውበት ይሁን፡፡ 1ኛ ጴጥሮስ 3፡4
ገርነትን በአንድ ቃል መተርጎም እጅግ አስቸጋሪ ቢሆንም ግን ተመሳሳይነት ባላቸው ቃላቶች ሊተረጎም ይችላል፡፡
ገር /ጀንትል/ ፡- ረጋ ያለ ፣ የማይጣላ ፣ የማይጨቃጨቅ ፣ ራስ ወዳድ ያልሆነ ፣ ጨዋ ፣ ለጥቅም የማይስገበገብ ፣ ዝግተኛ ፣ የዋህ ፣ ልከኛ ፣ አስተዋይ ፣ ሚዛናዊ ፣ በእግዚአብሄር የሚታመን ፣ በጎ ፣ አዛኝ ፣ የሚምር ፣ ትግስተኛ ፣ ርህሩህ ሰው ነው፡፡
  • ሰውን አክባሪ ፣ ሰውን አላግባብ ለመቆጣጠር የማይፈልግ ፣ የራሱን ጥቅም ብቻ የማያይ ፣ ሌላውን የሚረዳ ፣ አስተዋይ ፣ ሚዛናዊ
የጌታም ባሪያ ለሰው ሁሉ ገር ለማስተማርም የሚበቃ ለትዕግሥትም የሚጸና ሊሆን እንጂ ሊጣላ አይገባውም። 2ኛ ጢሞቴዎስ 2፥24
  • ለጥቅም የማይስገበገብ ፣ ኩሩ የሆነ ፣ የሚተው ፣ የራሱን ስሜት ብቻ የማይሰማ ፣ ሁሌ እኔ ብቻ ካላሸነፍኩ የማይል
የማይሰክር፥ የማይጨቃጨቅ ነገር ግን ገር የሆነ፥ የማይከራከር፥ ገንዘብን የማይወድ፥ 1ኛ ጢሞቴዎስ 3፥3
  • ሰው ከእግዚአብሄር የሆነ ጥበብ እንዳለው ወሳኙ መለኪያ ገርነትን በህይወቱ መታየቱ ነው፡፡
ላይኛይቱ ጥበብ ግን በመጀመሪያ ንጽሕት ናት፥ በኋላም ታራቂ፥ ገር፥ እሺ ባይ ምሕረትና በጎ ፍሬ የሞላባት፥ ጥርጥርና ግብዝነት የሌለባት ናት። ያዕቆብ 3፥17
  • የመሪነት አንዱ መመዘኛው በገርነት ህዝብን መምራት ነው፡፡
እኔም ራሴ ጳውሎስ፥ በእናንተ ዘንድ ፊት ለፊት ሳለሁ ትሑት የሆንሁ፥ ከእናንተ ግን ብርቅ የምደፍራችሁ፥ በክርስቶስ የዋህነትና ገርነት እመክራችኋለሁ፤ 2ኛ ቆሮንቶስ 10፥1
  • ከሰዎች ሁሉ ይልቁልንም ከማያምኑት ጋር ለመነጋገር ገርነት ወሳኝ ነው፡፡ ገርነትን ሁሉም ሰው ይረዳዋል፡፡
ዳሩ ግን ጌታን እርሱም ክርስቶስ በልባችሁ ቀድሱት። በእናንተ ስላለ ተስፋ ምክንያትን ለሚጠይቁአችሁ ሁሉ መልስ ለመስጠት ዘወትር የተዘጋጃችሁ ሁኑ፥ ነገር ግን በየዋህነትና በፍርሃት ይሁን። 1ኛ ጴጥሮስ 3፡15
  • ስለጌታ አዳኝነት የምንመሰክርበት አንደኛው ባህሪ ገርነት ነው፡፡ ጌታ እንዳዳነንና እንደለወጠን የምናሳይበት ባህሪ ገርነት ነው፡፡
ገርነታችሁ ለሰው ሁሉ ይታወቅ። ፊልጵስዩስ 4፥5
ይህን ፅሁፍ ለሌሎች ሼር share ማድረግ ቢወዱ
%d bloggers like this: