Category Archives: Calling

በተጠራችሁበት መጠራታችሁ

Lord-calling.jpgእንግዲህ በጌታ እስር የሆንሁ እኔ በተጠራችሁበት መጠራታችሁ እንደሚገባ ትመላለሱ ዘንድ እለምናችኋለሁ፤ ኤፌሶን 4፡1

እግዚአብሄር ለክብሩ ፈጥሮናል፡፡ ወደዚህ መደር ከመፈጠራችን በፊት በምድር ላይ እንድናደርገው የታቀደው ነገር ስለነበረ ወደዚህ ምድር ተፈጥረናል፡፡ ወገጌታ መነግስት ከመጣረራታችን ባሻገር እንወቀውም አንወቀውንም ወደምድር የመጣንበት ምክኒያት አለ፡፡ እያንዳንዳችን በምድር ላይ ልንሰራው የሚገባው ስራ ወይም ጥሪ አለን፡፡

በራሳችን አነሳሽነት ለእግዚአብሄር ምንም ነገር ከማድረጋችን በፊት ጥሪዬ ምንድነው ብሎ መጠየቅ ወሳኝ ነው፡፡ በምድር ላይ ያለን ህይወት አንድ ህይወት ነው፡፡ ይህንን ህይወት እግዚአብሄር ለጠራን መጠቀም ብልህነት ነው፡፡ ይህን ህይወት እግዚአብሄር ላልጠራን ነገር ላይ ማዋል ብክነት ነው፡፡

የአካል ብልቶቻችን እያንዳንዳቸው የተለየ ስራና ጥሪ እንዳለቸው ሁሉ እያንዳንዳችን በምድር ላይ እንድንሰራው የተላክነው የተለያየ ስራና ጥሪ አለን፡፡ ያንን ጥሪ ማግኘትና መከተል የእኛ ሃላፊነት ነው፡፡

ጥሪ ከጎረቤት አይኮረጅም፡፡ ጥሪ የሚገኘው ከጠራን ከእግዚአብሄር ነው፡፡ እግዚአብሀር ለእያንዳንዳችን ጥሪ አለው፡፡ የእኛ ሃላፊነት እግዚአብሄን መፈለግና ጥሪያችንን ማወቅ ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። እናንተም ትጠሩኛለችሁ፥ ሄዳችሁም ወደ እኔ ትጸልያላችሁ፥ እኔም እሰማችኋለሁ። እናንተ ትሹኛላችሁ፥ በፍጹም ልባችሁም ከሻችሁኝ ታገኙኛላችሁ። ኤርሚያስ 29፡11-13

በምድር ላይ ያለሁት ለምን አላማና ጥሪ ነው? ብሎ መጠየቅ ፣ ጥሪን አውቆ በትጋት መከተል ከምንም ነገር በላይ ስኬታማ ያደርገናል፡፡

ጥሪያችንን ስንከተል ከጥሪያችን መንገድ ሊስወጡ የሚመጡ ልዩ ልዩ ተግዳሮቶች ይገጥሙናል፡፡ የጥሪያችን አንዱ ክፍል ነውና እንታገሰዋለን፡፡

የተጠራችሁለት ለዚህ ነውና፤ ክርስቶስ ደግሞ ፍለጋውን እንድትከተሉ ምሳሌ ትቶላችሁ ስለ እናንተ መከራን ተቀብሎአልና። 1ኛ ጴጥሮስ 2፡21

ከጥሪያችን ውጭ መኖር ምንም ዋስትና የለንም፡፡ በጥሪያችን ላይ መኖራችን ግን ክፉ ነገር እንኳን ቢሆን ለመልካምነታችን እንዲሰራ ያደርገዋል፡፡

እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን። ሮሜ 8፡28

ሰዎች ከተለያየ ቦታ ሽልማትን ያገኛሉ፡፡ ከእግዚአብሄር የሆነ ሽልማት ያለው ጥሪን በመከተል ውስጥ ብቻ ነው፡፡

በክርስቶስ ኢየሱስ ከፍ ከፍ ያለውን የእግዚአብሔርን መጥራት ዋጋ እንዳገኝ ምልክትን እፈጥናለሁ። ፊልጵስዩስ 3፡14

የጠራንን ጥሪ ለማድረግ ስንተጋ እርሱ የእኛን ነገር ለመስራት ታማኝ ነው፡፡

የሚጠራችሁ የታመነ ነው፥ እርሱም ደግሞ ያደርገዋል። 1ኛ ተሰሎንቄ 5፡24

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጥሪ #ምስክር #ፀጋ #ምናን ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

Advertisements

በስምህም ጠርቼሃለሁ

abiy called by name.jpgአሁንም ያዕቆብ ሆይ፥ የፈጠረህ፥ እስራኤልም ሆይ፥ የሠራህ እግዚአብሔር እንዲህ ይላል፦ ተቤዥቼሃለሁና አትፍራ፤ በስምህም ጠርቼሃለሁ፥ አንተ የእኔ ነህ። በውኃ ውስጥ ባለፍህ ጊዜ ከአንተ ጋር እሆናለሁ፥ በወንዞችም ውስጥ ባለፍህ ጊዜ አያሰጥሙህም፤ በእሳትም ውስጥ በሄድህ ጊዜ አትቃጠልም፥ ነበልባሉም አይፈጅህም። ኢሳይያስ 43፡1-2

ከየትኛውም ከሚታዩ በረከቶች በላይ የሚያስደስተን ፣ የሚያረካንና ልባችንን የሚያሳርፈው የእግዚአብሄር ከእኛ ጋር የመኖሩ አውቀት ነው፡፡ ሲጀመር ለእግዚአብሄር ክብር ነው የተፈጠርነው፡፡ እኛ የራሳችን አይደለንም፡፡ እኛ የእግዚአብሄር ነን፡፡ የህይወታችን ባለቤት እግዚአብሄር ነው፡፡

እግዚአብሄር አብሮን እንዳለ ካወቅን አንፈራም፡፡ በሚያስፈራ ነገር ውስጥ ለማለፍ የምንደፍረው አግዚአብሄር ከእኛ ጋር እንዳለ ስናውቅ ብቻ ነው፡፡ የእግዚአብሄርን አብሮነት ከተረዳን በሞት መካከል እንኳን ካለፍርሃት እናልፋለን፡፡

በሞት ጥላ መካከል እንኳ ብሄድ አንተ ከእኔ ጋር ነህና ክፉን አልፈራም፤ በትርህና ምርኵዝህ እነርሱ ያጸናኑኛል። መዝሙር 23፡4

በማይመስል ሁኔታ ውስጥ በፀጥታ የምናልፈው ከምትችሉት በላይ እንድትፈትኑ የማይፈቅ እግዚአብሄር ተብሎ የተጻፈለት ጌታ ከእኛ ጋር እንዳለ በእርሱ እውቅና በከፍታና በዝቅታ እንደምናልፍ ስናውቅ ነው፡፡

ለሰው ሁሉ ከሚሆነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል። 1ኛ ቆሮንቶስ 10፡13

የምናደርገው ነገር ሃሳቡ የእርሱ እንደሆነ ከተረዳንና እግዚአብሄር አብሮን እንዳለ ስለምናውቅ ምንም መንገዱ አስቸጋሪ ቢሆን እኛም መውጣት መዋጋት መውረስ እንፈልጋለን፡፡ እግዚአብሄር የምናደርገውን ነገር እንደመራን ካላወቅን ግን እኛም አብረን መውጣት አንፈልግም፡፡

እርሱም፦ አንተ ከእኛ ጋር ካልወጣህስ፥ ከዚህ አታውጣን። ዘፀአት 33፡15

ስለዚህ ነው እግዚአብሄር ከእኛ ጋር ከሆነ ማንም እንደማይቋቋመን መፅሃፍ ቅዱስ የሚያስተምረን፡፡

እግዚአብሄር ከእኛ ጋር ከሆነ ማን ይቃወመናል ሮሜ 8:31

እግዚአብሄርን የማይሰማ ነገር እንደሌለ እግዚአብሄር ሲልከን እና ከእኛ ጋር ሲሆን ሁሉም ነገር እግዚአብሄር በእኛ ወስጥ ለአስቀመጠው አላማ መሳካት ይገዛል፡፡

አሁንም ያዕቆብ ሆይ፥ የፈጠረህ፥ እስራኤልም ሆይ፥ የሠራህ እግዚአብሔር እንዲህ ይላል፦ ተቤዥቼሃለሁና አትፍራ፤ በስምህም ጠርቼሃለሁ፥ አንተ የእኔ ነህ። በውኃ ውስጥ ባለፍህ ጊዜ ከአንተ ጋር እሆናለሁ፥ በወንዞችም ውስጥ ባለፍህ ጊዜ አያሰጥሙህም፤ በእሳትም ውስጥ በሄድህ ጊዜ አትቃጠልም፥ ነበልባሉም አይፈጅህም። ኢሳይያስ 43፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በስምህ #ጠርቼሃለሁ #ተቤዥቼሃለሁ #የእኔነህ #ሰላም #አትፍራ #ውኃ #እሳት #አትቃጠልም #አይፈጅህም #ስምረት #ፍርድ #ሁሉየእናንተነውና #ቤተክርስትያን #አማርኛ #ስብከት #መዳን #የተትረፈረፈህይወት #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መርካት #ደስታ #ማስተዳደር #እረፍት

ለአንድ ጥሪ አልተጠራንም

calling.jpgሁላችንም ለእግዚአብሄር ክብር ተፈጥረናል፡፡ እግዚአብሄር በእያንዳንዳችን ህይወት ሊሰራ ያለው ልዩ አላማ አለ፡፡ ለዚያ አላማ ተጠርተናል፡፡ እግዚአብሄር ለምን አላማ እና አገልግሎት እንደጠራን ማወቅን የመሰለ በህይወት የሚያሳርፍና የሚያረጋጋ ነገር የለም፡፡ ጥሪያችንን ስናውቅ በጥሪያችን ላይ ብቻ እናተኩራለን፡፡ ጥሪያችንን ስናውቅ የተከፈቱ እጅግ ብዙ በሮች ውስጥ አንገባም፡፡ ጥሪያችንን ስናውቅ ከሙከራ እንድናለን፡፡ ጥሪያችንን ስናውቅ ህይወትን መኖር እንጀምራለን፡፡

ጥሪያችን የሆነውን ነገር ማወቅ በጣም አስፈላጊ እንደሆነ መጠን ጥሪያችን ያልሆነውን ነገር ማወቅም በጣም አስፈላጊ ነገር ነው፡፡ ጥሪያችንን ስናውቅ ጥሪያችን ያልሆነውን እንለያለን፡፡ ማን እንደሆንን ስንረዳ መን እንዳልሆንን ይገባናል፡፡ እሺ የምንለውን ስናውቅ እምቢ የምንለውን እናውቃለን፡፡ ጥሪያችንን ስናውቅ ውስን የሆነውን ጊዜያችንን ጉልበታችንን እውቀታችንን ገንዘባችንን ባልተጠራንበት ነገር ላይ ከማፍሰስ እንድናለን፡፡ ጥሪያችንን ስናውቅ ምንም ብንጥር ፍሬ ከማናፈራበት ቦታ እንርቃለን፡፡

እውነተኛ ፍሬ የሚፈራው በእድል አይደለም፡፡ ፍሬ የሚፈራው በቅልጥፍና አይደለም፡፡ ፍሬ የሚፈራው ጥሪን አውቆ በመከተል ነው፡፡

ጥሪያችንን ስናውቅ ማድረግ የማንችለውን እንድናውቅ ለዚያ ለተጠሩት እንድንተወው ያስችለናል፡፡ ጥሪያችን ስናውቅ ራሳችንን ትሁት አድርገን ለተጠሩት ሰዎች እንድንተው ይረዳናል፡፡ ጥሪያችንን ስናውቅ ከእኛ የተሻለ ለሚሰሩት በመተው በራሳችን ጥሪ ላይ እንድናተኩር ያስችለናል፡፡

ጥሪያችንን ስናውቅ ጥሪያችን ያልሆነው ውስጥ ገብተን ጥሪያቸው ከሆኑ ሰዎች ጋር እንዳንጣላ ይጠብቀናል፡፡ ጥሪያችንን ስናውቅ ጥሪያችን ያልሆነው ውስጥ ገብተን ጥሪያቸው የሆኑትን ሰዎች እንዳናስተጓጉል ይጠብቀናል፡፡ ጥሪያችንን ስናውቅ በራሳችን ጥሪ ላይ አተኩረን ጥሪያችንን በትጋት እንድንፈፅም ያደርገናል፡፡ ጥሪያችንን ስናውቅ ለጥሪያችን ብቻ ተለክቶ የተሰጠንን የእግዚአብሄር ፀጋ በአግባቡ እንድንጠቀምበት ያደርገናል፡፡

ጥሪያችንን በሚገባ ካልተረዳንና ያየነውና የሰማነው ጥሪ ሁሉ የሚያመረን ከሆነ መኪናን እንደመንዳት ሳይሆን እንደመግፋት ይሆንብናል፡፡ በህይወታቸን የሚለቀቀው የእግዚአብሄር ፀጋ የጥሪያችን አይነትና ልክ ስለሆነ የእግዚአብሄርን ስራ በጭንቀት ሳይሆን በደስታ እናደርገዋለን፡፡ በህይወታችን ያለው የእግዚአብሄር ፀጋ ስለማያንስና ስለማይበዛ ለጥሪያችን ብቻ የሚበቃ ስለሆነ የሚረዳንና የሚያከናውንልን በጥሪያችን ላይ ብቻ ስንቆም ነው፡፡ ባለተጠራንበት ቦታ ቆመን የእግዚአብሄር ፀጋ ይደግፈናል ማለት የማይታሰብ ነገር ነው፡፡

ሰው እግዚአብሄር እንደሚያስችለው እና እንደሚያበረታው እንደሚያውቀው ሁሉ ለሁሉም ነገር ደግሞ እንዳልተጠራ ማወቁ ወሳኝ ነው፡፡ የእርሱ ጥሪ በጣም ልዩ ከመሆኑ የተነሳ ሁሉንም ነገር ማድረግ የሚችል የሚመስለው ሰው ተታሏል፡፡ በእግዚአብሄር ነገር እየበሰለን ስንሄድ የምንረዳው በጣም አስፈላጊ ነገር ማድረግ የምንችለው በጣም ውስን ነገር ብቻ እንደሆነ መረዳት ነው፡፡ በዚያ በተጠራንበት ውስን ነገር ላይ ከተወሰንን ፍሬያማ እንሆናለን፡፡

በጥሪያችን ስትቆም እርሱ መሰረታዊ ፍላጎታችን ነው ፣ ሞገሳችን ነው ፣ ውበታችን ነው ፣ ዝናችን ነው ፣ እውቅናችን ነው ፣ እርካታችን  ነው እንዲሁም ደስታችን ነው፡፡ የተሳካልህ ለመሆን የራስህ ጥሪ ማድርግ በቂ ነው፡፡ እንዲከናወንልህ የሌላን ሰው ጥሪ ማድረግ እና እንደምትችለው ማሳየት የለብህም፡፡

ብቻ ለእያንዳንዱ እግዚአብሔር እንደ ከፈለለት እያንዳንዱም እግዚአብሔር እንደ ጠራው እንዲሁ ይመላለስ። እንዲሁም በአብያተ ክርስቲያናት ሁሉ እደነግጋለሁ። 1ኛ ቆሮንቶስ 7፡17

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጥሪ #ምስክር #ፀጋ #ምናን ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

%d bloggers like this: