Category Archives: Authority

ከመጠን በላይ የምንጓጓው ስለማናውቀው ነው

43315857_10160988994635471_4972634528817348608_n.jpg

ሰው የአንድን ነገር ጥቅም ብቻ ሲያውቅ ያንን ነገር ለማግኘት በጣም ይጓጓል፡፡ በህይወታችን በጣም የምንጓጓለት ምንም ነገር ቢኖር እንረጋጋ፡፡ በህይወታችን በጣም የምንጓጓለት ምንም ነገር ቢኖር መጀመሪያ ይህ እንደዚህ የምጓጓለትን ነገር ሃላፊነትቱ በትክክል አውቀዋለሁ? ብለን ራሳችንን እንጠይቅ፡፡

በጣም የምጓጓለትን ነገር ሃላፊነቱን እስከምናውቅ ድረስ ማግኘታችን አደገኛ ነው፡፡ ጥቅሙን ብቻ እንጂ ሌላውን ጎኑን ሃላፊነቱን የማናውቅ ከሆነ አጠቃቀሙን እንደማናውቅ የኤሌክትሪክ ሃይል ከጥቅሙ ይልቅ ጉዳቱ የሚያመዝን ሊሆንብን ይችላል፡፡ ሃላፊነቱን የማናውቀው ነገር በቀላሉ ያሰናክለናል፡፡

ዳሩ ግን፥ ወንድሞች ሆይ፥ ይህን እናገራለሁ፤ ዘመኑ አጭር ሆኖአል፤ ከእንግዲህ ወዲህ ሚስቶች ያሉአቸው እንደሌላቸው ይሁኑ፥ የሚያለቅሱም እንደማያለቅሱ፥ ደስ የሚላቸውም ደስ እንደማይላቸው፥ የሚገዙም ምንም እንደሌላቸው፥ በዚችም ዓለም የሚጠቀሙ በሙሉ እንደማይጠቀሙባት ይሁኑ፤ የዚች ዓለም መልክ አላፊ ነውና። 1ኛ ወደ ቆሮንቶስ ሰዎች 7፡29-31

ነገር ሁሉ ጊዜያዊ እንደሆነ አስብ፡፡ ነገ ልታዝን እንደማትችል አድርገህ ዛሬ ደስ አይበልህ፡፡ ነገ ደስታ እንደሌለ አድርገህ ዛሬ አትዘን፡፡

ደስታም የራሱ ሃላፊነት አለው፡፡ ሃዘንም የራሱ ሃላፊነት አለውከሃላፊነት ውጭ የሚመጣ ጥቅም የለም፡፡ እውነተኛ ጥቅም የሚመጣው ከሃላፊነት ጋር ነው፡፡

የተዋረደው ወንድም ግን በከፍታው፥ ባለ ጠጋም በውርደቱ ይመካ፤ እንደ ሣር አበባ ያልፋልና። ፀሐይ ከትኵሳት ጋር ይወጣልና፥ ሣርንም ያጠወልጋልና፥ አበባውም ይረግፋልና፥ የመልኩም ውበት ይጠፋልና፤ እንዲሁ ደግሞ ባለ ጠጋው በመንገዱ ይዝላል። የያዕቆብ መልእክት 1፡9-11

ከመጠን በላይ የምንጓጓው ሃላፊነቱን ስለማናውቅ ነው፡፡ ከመጠን በላይ የምንጓጓው ጊዜያዊነቱን ስለማናውቅ ነው፡፡

ሰው የሆነ ነገር ስለማግኘቱ በጣም ሲፈነጥዝ ሲታይ ያስፈራል፡፡ ይህ ሰው ባገኘው ጥቅም እንደዚህ በጣም እንደፈነጠዘ ሁሉ በሃላፊነቱም እንደዚሁ ይሆን ይሆን ብሎ ያሳስባል፡፡

አንተ ግን ነገርን ሁሉ በልክ አድርግ፥ መከራን ተቀበል፥ . . . አገልግሎትህን ፈጽም። 2ኛ ወደ ጢሞቴዎስ 4:5

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር  share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ጥበብ #ማስተዋል #መረዳት #ሃያል #ጠቢብ #ባለጠጋ #ውርደቱ #ይመካ #የእግዚአብሄርሃይል #መንፈስቅዱስ #መመካት #ብርታት #እምነት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

Advertisements

የሚከፍት፥ የሚዘጋም የሌለ፤ የሚዘጋ፥ የሚከፍትም የሌለ

conscious.jpg

የሚከፍት፥ የሚዘጋም የሌለ፤ የሚዘጋ፥ የሚከፍትም የሌለ

በፊልድልፍያም ወዳለው ወደ ቤተ ክርስቲያን መልአክ እንዲህ ብለህ ጻፍ፦ የዳዊት መክፈቻ ያለው፤ የሚከፍት፥ የሚዘጋም የሌለ፤ የሚዘጋ፥ የሚከፍትም የሌለ፤ ቅዱስና እውነተኛ የሆነው እርሱ እንዲህ ይላል። የዮሐንስ ራእይ 3፡7

የዳዊትንም ቤት መክፈቻ በጫንቃው ላይ አኖራለሁ፤ እርሱም ይከፍታል የሚዘጋም የለም፤ እርሱም ይዘጋል የሚከፍትም የለም። ትንቢተ ኢሳይያስ 22፡22

ኢየሱስ ሞትን አሸንፎ ከመቃብር በመነሳቱ የጌቶች ሁሉ ጌታ የነገስታት ሁሉ ንጉስ ነው፡፡

በዚህ ምክንያት ደግሞ እግዚአብሔር ያለ ልክ ከፍ ከፍ አደረገው፥ ከስምም ሁሉ በላይ ያለውን ስም ሰጠው፤ ይህም በሰማይና በምድር ከምድርም በታች ያሉት ሁሉ በኢየሱስ ስም ይንበረከኩ ዘንድ፥ መላስም ሁሉ ለእግዚአብሔር አብ ክብር ኢየሱስ ክርስቶስ ጌታ እንደ ሆነ ይመሰክር ዘንድ ነው። ወደ ፊልጵስዩስ ሰዎች 2፡9-11

ስልጣን በሰማይና በምድር ሁሉ ተሰጥቶታል፡፡

ኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። የማቴዎስ ወንጌል 28፡18

ስለዚህ ኢየሱስ የሚከፍተውን ሊዘጋ የሚችል ምንም ሃይል የለም፡፡ ኢየሱስ የዘጋውን የአለም ሃያል አገር አይከፍተውም፡፡ ኢየሱስ የከፈተውን ደግሞ ሊዘጋ የሚችል ሃይል በሰማይና በምድር የለም፡፡

እርሱ የዘጋውን የሚከፍት እንደሌለ ማወቃችን በተዘጋው ነገር ላይ በከንቱ ጕልበታችንንና ጊዜያችንን እንዳናባክን ይረዳናል፡፡ እርሱ የከፈተውን የሚዘጋ እንደሌለ ማወቃችን ደግሞ በሮች ምንም ያህል የተዘጉ ቢመስሉን ተስፋ እንዳንቆርጥ ያበረታናል፡፡

እርሱ ሁሉን ለራሱ ሊያስገዛ በሚችል አሰራር አለው፡፡

እርሱም ሁሉን እንኳ ለራሱ ሊያስገዛ እንደሚችልበት አሠራር፥ ክቡር ሥጋውን እንዲመስል የተዋረደውን ሥጋችንን ይለውጣል። ወደ ፊልጵስዩስ ሰዎች 3፡217b0f3a87a19c419510d0258b6832486d--rene-magritte-surreal-art.jpg

ስለዚህ ነው በእግዚአብሄር አሰራር እርፍ ልንል የሚገባን፡፡

ዕረፉ፥ እኔም አምላክ እንደ ሆንሁ እወቁ፤ በአሕዛብ ዘንድ ከፍ ከፍ እላለሁ፥ በምድርም ላይ ከፍ ከፍ እላለሁ። መዝሙረ ዳዊት 46፡10

ስለዚህ ነው በእግዚአብሄር አሰራር ሁልጊዜ ደስ ልንሰኝ የሚገባን፡፡

ሁልጊዜ ደስ ይበላችሁ፤ 1ኛ ወደ ተሰሎንቄ ሰዎች 5፡16

ሥራህን አውቃለሁ፤ እነሆ፥ በአንተ ፊት የተከፈተ በር ሰጥቼአለሁ ማንምም ሊዘጋው አይችልም፤ ኃይልህ ምንም ትንሽ ቢሆን ቃሌን ጠብቀሃልና፥ ስሜንም አልካድህምና። የዮሐንስ ራእይ 3፡8

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ሃያል #ሁሉንቻይ #የሚዘጋ #የሚከፍት #በር ##ፍፁም #ተመላለስ #ኤልሻዳይ #እምነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የምኞት ልቀት

wish.jpgአዎን፥ በእውነት ከሁሉ ይልቅ ስለሚበልጥ ስለ ክርስቶስ ኢየሱስ ስለ ጌታዬ እውቀት ነገር ሁሉ ጉዳት እንዲሆን እቈጥራለሁ፤ ስለ እርሱ ሁሉን ተጐዳሁ፥ እርሱንና የትንሣኤውን ኃይል እንዳውቅ፥ በመከራውም እንድካፈል፥ ወደ ሙታንም ትንሣኤ ልደርስ ቢሆንልኝ፥ በሞቱ እንድመስለው እመኛለሁ። ፊልጵስዩስ 3፡8-11

ሰዎች በዘመናቸው ብዙ ነገሮችን እንዲሆንላቸው ይመኛሉ፡፡ ሰዎች በህይወታቸው ጥሩ መልበስን ፣ጥሩ መብላትን ፣ ጥሩ ቤት ውስጥ መኖርን ይመኛሉ፡፡ ሰዎች በምድር ላይ ታዋቂ ለመሆን ይመኛሉ፡፡ ሰዎች በምድር ላይ ሃያል ለመሆን ይመኛሉ፡፡ እነዚህ ሁሉ መልካም ምኞቶች ናቸው፡፡ እነዚህ ሁሉ ምኞቶች በራሳቸው ምንክ ክፋት የሌላቸው ተፈጥሮአዊ ምኞቶች ናቸው፡፡ እንዲሁም እነዚህ ሁሉ ምኞቶች ጊዜያዊና አሁን ኖረው ሌላ ጊዜ የማይኖሩ ተለዋዋጭ ምኞቶች ናቸው፡፡ እነዚህ ሁሉ ምኞቶች ምድራዊ ምኞቶች ናቸው፡፡

ሃዋሪያው በእውነት ከሁሉ ስለሚበልጥ ምኞት ይናገራል፡፡ ይህ ምኞት ከሁሉ ምኞቶች ይበልጣል፡፡ ይህም ምኞት ከሁሉ ምኞቶች ይልቃል ይከብራል፡፡ ይህ ምኞት ከሁሉ ምኞቶች እጅግ የከበረ ዋጋ አለው፡፡

ሌሎች ምድራዊ ምኞቶች ማንም ሰው ሊያገኛቸው የሚችላቸው ምኞቶች ናቸው፡፡ ሌሎቹ ምኞቶች እግዚአብሄርን የማያውቅ ሰው እንኳን የሚደርስባቸው ምኞቶች ናቸው፡፡

ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ማቴዎስ 6፡32

ሌሎች ሁሉ ምኞቶች ሰው ያን ያህል ዋጋ ሳይከፍል ሊያገኛቸው የሚችላቸው ምኞቶች ናቸው፡፡ ሌሎቹ ምኞቶች በእውነት መንገድ ሊመጡ ቢችሉም እንኳን በስስትና በክፋትም መንገድ ሊመጡ ይችላሉ፡፡ ሌሎች ምኞቶች በእውነት ባልሆነ መንገድ ሊመጡ የሚችሉ ተራ ምኞቶች ናቸው፡፡

ይህ የከበረ ምኞት ግን በሌላ በምንም ነገር አይመጣም፡፡ ሃዋሪያው የሚመኘው ምኞት ግን በሰው ብልጠት አይመጣም፡፡ ይህ ምኞት በሰው ጥበብ አይመጣም፡፡

ይህ ጥበብ የሚመጣው በእውነት ዋጋ በመክፈል ነው፡፡ ይህ ምኞት የሚመጣው ነገሮችን በመተው ነው፡፡ ይህ ምኞት የሚመጣው ነውረኛ ረብ በመናቅ ነው፡፡

ነውረኛ ረብ የማይወዱ፥ በንጹሕ ሕሊና የሃይማኖትን ምሥጢር የሚይዙ ሊሆኑ ይገባቸዋል። 1ኛ ጢሞቴዎስ 3፡9

ይህ ምኞት የሚመጣው ብዙ ሰዎች የሚያከብሩዋቸውን ነገሮችን እንደጉድፍ በመቁጠር ነው፡፡ ይህን ምኞት የሚገኘው በመተው እና በመጎዳት ነው፡፡ ይህ ምኞት ክርስቶስንና የትንሳኤውን ሃይል የማወቅ ምኞት ነው፡፡

ይህ እውቀት የክርስትና ህይወታችንን ፍሬያማ ያደርጋል፡፡

እነዚህ ነገሮች ለእናንተ ሆነው ቢበዙ፥ በጌታችን በኢየሱስ ክርስቶስ እውቀት ሥራ ፈቶችና ፍሬ ቢሶች እንዳትሆኑ ያደርጉአችኋልና፤ 2ኛ ጴጥሮስ 1፡8

ይህ ምኞት በክርስቶስ እውቀት የማደግ ምኞት ነው፡፡ ይህን እውቀት ለማግኘት የማንተወው ነገር ሊኖር አይገባም፡፡ ይህን እውቀት ለማግኘት የማንንቀው ነገር ሊኖር አይገባም፡፡ ይህንን እውቀት ለማግኘት የማንጎዳወ ነገር ሊኖር አይገባም፡፡

ነገር ግን በጌታችንና በመድኃኒታችን በኢየሱስ ክርስቶስ ጸጋና እውቀት እደጉ። ለእርሱ አሁንም እስከ ዘላለምም ቀን ድረስ ክብር ይሁን፤ አሜን። 2ኛ ጴጥሮስ 3፡18

ይህ ምኞት ክርስቶስ በልባችን በእምነት እንዲኖር የመጠማት ምኞት ነው፡፡

በመንፈሱ በውስጥ ሰውነታችሁ በኃይል እንድትጠነክሩ ክርስቶስም በልባችሁ በእምነት እንዲኖር እንደ ክብሩ ባለ ጠግነት መጠን ይስጣችሁ፤ የእናንተ ሥርና መሠረት በፍቅር ይጸና ዘንድ፥ ኤፌሶን 3፡16-17

ይህ ምኞት ክርስቶስን በጥልቀት የማወቅ ምኞት ነው፡፡

አዎን፥ በእውነት ከሁሉ ይልቅ ስለሚበልጥ ስለ ክርስቶስ ኢየሱስ ስለ ጌታዬ እውቀት ነገር ሁሉ ጉዳት እንዲሆን እቈጥራለሁ፤ ስለ እርሱ ሁሉን ተጐዳሁ፥ እርሱንና የትንሣኤውን ኃይል እንዳውቅ፥ በመከራውም እንድካፈል፥ ወደ ሙታንም ትንሣኤ ልደርስ ቢሆንልኝ፥ በሞቱ እንድመስለው እመኛለሁ። ፊልጵስዩስ 3፡8-11

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ክርስቶስ #ጌታ #እውቀት #የትንሳኤሃይል #እምነት #ምኞት #መከራ #ትንሳኤ #በመንፈሴ #በሃይል #በብርታት #ሞት #መመለስ #ሃይል #ፅድቁን #ኢየሱስ #ቤተክርስትያን #አማርኛ #ስብከት #ፀጥታ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

የፀጋ አስተምሮት

grace teaching.pngፀጋ በክርስትና ህይወት በጣም አስፈላጊ ነገር ነው፡፡ ፀጋን ካልተረዳን ክርስትናን አንረዳውም፡፡ ፀጋን ከተረዳነው ደግሞ ክርስትና ፍሬያማ ይሆናል፡፡ ክርስትና የሚጀመረው በፀጋ ነው፡፡ ክርስትና የሚጀመረው በነፃ የተሰጠንን የደህንነት ስጦታ በመቀበል ነው፡፡

ጸጋው በእምነት አድኖአችኋልና፤ ይህም የእግዚአብሔር ስጦታ ነው እንጂ ከእናንተ አይደለም፤ ማንም እንዳይመካ ከሥራ አይደለም። ኤፌሶን 2፡8-9

የእግዚአብሄር ፀጋ በነፃ የተሰጠን የእግዚአብሄር ችሎታ ነው፡፡ የእግዚአብሄር ፀጋ የእግዚአብሄር ልጆች የሚያደርገን የእግዚአብሄር ሃይል ነው፡፡ የእግዚአብሄር ፀጋ በእግዚአብሄር ልጅነት ስልጣን እንድንመላለስ የሚያደርገን የእግዚአብሄር የሚያስችል ሃይል ነው፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

በእግዚአብሄር ልጅነት ደረጃ ኖረን እግዚአብሄርን እንድናስደስት የሚያበቃን የእግዚአብሄር ፀጋ ብቻ ነው፡፡

በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን? 2ኛ ቆሮንቶስ 13፡5

ክርስትና የሚጀምረው ከጠላትነት ልጆች የሚያደርገንን የእግዚአብሄርን ችሎታ በማመን ነው፡፡ ክርስትና የሚጀመረው ለደህንነታችን ሙሉ ዋጋ የከፈለውን ኢየሱስን ለእኛ እንዳደረገው በማመን ነው፡፡

ክርስትና የሚኖረው በፀጋ ነው፡፡ ክርስትና የሚኖረው ራስ ጉልበት አይደለም፡፡ ክርስትና የሚኖረው በራስ እውቀት አይደለም፡፡ ክርስትያ የሚኖረው በራሰ ችሎታ አይደለም፡፡ ክርስትና የሚኖረው በሚያስችል በእግዚአብሄር ፀጋ ነው፡፡ ክርስትና ካለእግዚአብሄር ፀጋ ሃይማኖት ባዶ ነው፡፡ ካለ እግዚአብሄር ሃይል እግዚአብሄርን ሊያስደስት የሚችል ሰው የለም፡፡ ካለ እግዚአብሄር ምሪት እግዚአብሄርን ሊያስደስት የሚችል ሰው የለምም፡፡

ክርስትናም የሚጨረሰው እንዲሁ በፀጋ ነው፡፡

በእግዚአብሄር ፀጋ ጀምረን በራሳችን ጉልበት አንጨርስም፡፡ በመልካም የምንጨርሰው በእግዚአብሄር ጉልበት ብቻ ነው፡፡ በሃይል የምንጨርሰው በእግዚአብሄር ችሎታ ብቻ ነው፡፡ በመልካም የምንጨርሰው በእግዚአብሄር የመንፈስ እርዳታ ብቻ ነው፡፡  ጌታም መልካም፥ አንተ በጎ፥ ታማኝም ባሪያ የሚለን በእምነት እርሱ ላይ በመደገፍ ብቻ እንጂ በራሳችን ሃይልና ጥበበ አይደለም፡፡

ይህን ብቻ ከእናንተ እንድማር እወዳለሁ፤ በሕግ ሥራ ወይም ከእምነት ጋር በሆነ መስማት መንፈስን ተቀበላችሁን? እንዲህን የማታስተውሉ ናችሁ? በመንፈስ ጀምራችሁ አሁን በሥጋ ትፈጽማላችሁን? ገላትያ 3፡2-3

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #ፀጋ #የሚያስችልሃይል #ብቃት #የእግዚአብሄርችሎታ #የእግዚአብሄርሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ፅድቅ #እግዚአብሄርንመምሰል #ራስንመግዛት #ልብ

ግፈኞች

violent.jpgከመጥምቁም ከዮሐንስ ዘመን ጀምሮ እስከ ዛሬ ድረስ መንግሥተ ሰማያት ትገፋለች፥ ግፈኞችም ይናጠቋታል። ማቴዎስ 11፡12

ሰይጣን የህይወት ጠላት ነው፡፡ ሰይጣን የሚመጣው ሊሰርቅ ሊያርድና ሊያጠፋ ነው፡፡

ሰይጣን የዚህ አለም ገዢ ነው፡፡

ኢየሱስ በምድር ላይ የተመላለሰው የዲያቢሎስን ስራ ሊያፈርስ ነው፡፡

የዲያቢሎስን ስራ ሊያፈርስ የእግዚአብሔር ልጅ ተገለጠ 1ኛ ዮሀንስ 3:8

እኛም በምድር ላይ ያለነው የዲያቢሎስን ስራ ለማፍረስ ነው፡፡

ኢየሱስም ዳግመኛ፦ ሰላም ለእናንተ ይሁን፤ አብ እንደ ላከኝ እኔ ደግሞ እልካችኋለሁ አላቸው። ዮሃንስ 20፡21

ወደ ዓለም እንደ ላክኸኝ እንዲሁ እኔ ወደ ዓለም ላክኋቸው፤ ዮሃንስ 17፡18

በምድር ላይ ያለነው የእግዚአብሄር ፈቃድ በሰማይ እንዳለ በምድር ለማስፈፀም ነው፡፡

ስምህ ይቀደስ፤ መንግሥትህ ትምጣ፤ ፈቃድህ በሰማይ እንደ ሆነች እንዲሁ በምድር ትሁን፤ ማቴዎስ 6፡10

የዲያቢሎስን ስራ ስናፈርስ ሰይጣን ዝም ብሎ አይመለከተንም፡፡ ስራውን ማፍረሳችንን ሰይጣን በእሺታ አያልፈውም፡፡ የእግዚአብሄርን ስራ ከመስራት ሊያስቆመን ሰይጣን የቻለውን ሁሉ ይሞክራል፡፡

በምድር ላየ የምንኖረው ሰይጣን ስለፈቀደለን አይደለም፡፡ በምድር ላይ የእግዚአብሄርን መንግስት የምናስፋፋው ሰይጣን አዝኖልን ፈቅዶልን አይደለም፡፡ የእግዚአብሄርን ስራ የምንሰራወ ከሰይጣን ጋር ተደራድረን አይደለም፡፡ የእግዚአብሄርን ስራ በምድር ላይ የምንሰራው ሰይጣን ሳይወድ በግድ ነው፡፡ የእግዚአብሄርን ፈቃድ የምንፈፅመው በሃይል እና በስልጣን ነው፡፡

ሰይጣን ቢችል ያስቆመናል፡፡ ሰይጣን ቢችል ምንም ነገር በምድር ላይ እንድንሰራ አይፈቅድልንም ነበር፡፡

ከመጥምቁም ከዮሐንስ ዘመን ጀምሮ እስከ ዛሬ ድረስ መንግሥተ ሰማያት ትገፋለች፥ ግፈኞችም ይናጠቋታል። ማቴዎስ 11፡12

የእግዚአብሄር መንግስት በምድር የምትሰራው ስላልተገፋች አይደለም፡፡ የእግዚአብሄር መንግስት በምድር ያለችው ሁሉ ነገር ተመቻችቶላት አይደለም፡፡ የእግዚአብሄር መንግስት በምድር ያለችው በግድ ነው፡፡ የእግዚአብሄር መንግስት በምድር ላይ የምትገዛው በሃይልና በስልጣን ነው፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መንግስት #ሃይል #ስልጣን #ግፈኞች #ይናጠቋታል #ትገፋለች #ፈቃድ #እምነት #አማርኛ #ስብከት #መዳን #መፅሃፍቅዱስ #ልብ #ህብረት #ግንኙነት #ሽቱ #ያማረ #በፍፁምሃይል #መውደድ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ማንም አይቋቋምህም

stand against.jpgበሕይወትህ ዕድሜ ሁሉ ማንም አይቋቋምህም፤ ከሙሴ ጋር እንደ ሆንሁ እንዲሁ ከአንተ ጋር እሆናለሁ፤ አልጥልህም፥ አልተውህም። ኢያሱ 1:5

እግዚአብሄር ንጉስ ነው፡፡ እግዚአብሄር ሰውን የፈጠረው እንዲገዛ ነው፡፡

እግዚአብሄር ተልእኮን የሰጠው ሰው ሁሉ እግዚአብሄር ተልእኮን በሰጠው ስፍራ ሁሉ ይገዛል፡፡

እግዚአብሄርን ሊያስቆም የሚችል ሰው እንደሌለ ሁሉ እግዚአብሄር የሰጠውን ተልእኮ ሊያስቆም የሚችል ማምን ሃይል የለም፡፡

ስለዚህ እናንተ ምስክሮቼ ናችሁ፥ ይላል እግዚአብሔር፥ እኔም አምላክ ነኝ። ከጥንት ጀምሮ እኔ ነኝ ከእጄም የሚያመልጥ የለም፤ እሠራለሁ፥ የሚከለክልስ ማን ነው? ኢሳያስ 43፡12-13

እግዚአብሄርን እየተከተልነውና እያገለገልነው እኛን ተቃውሞ የሚሳካለት ሰው የለም፡፡ ለእግዚአብሄር እየኖርን እኛን በመቃወም የሚከናወንለት ሰው ከሰማይ በታች የለም፡፡ እግዚአብሄን ሊቋቋመው የሚችል ማነመ እንደሌለ የእግዚአብሄርን ፈቃድ ሊያስቆም የሚችል ሃይል ከሰማይ በታች የለም፡፡

እንግዲህ ስለዚህ ነገር ምን እንላለን? እግዚአብሔር ከእኛ ጋር ከሆነ ማን ይቃወመናል? ሮሜ 8፡31

በምድር ላይ ሰዎችን የሚያሸነፉ ብዙ ነገሮች አሉ፡፡ የእግዚአብሄርን ፈቃድ ስንፈፅም ሰዎችን የሚያሸንፉ አሸናፊዎች እኛን ግን ማሸነፍ አይችሉም፡፡ ከእግዚአብሄር ጋረ እየተራመድን ከአሸናፊዎች እንበረታለን፡፡

በዚህ ሁሉ ግን በወደደን በእርሱ ከአሸናፊዎች እንበልጣለን። ሮሜ 8፡35-38

አምላኩ እንደሆነለት ህዝብ ያለ ህዝብ የለም፡፡ የእግዚአብሄርን ስራ ስንሰራ የሚያቆመን ማንም ስለሌለ እግዚአብሄር ይመስገን፡፡

ነገር ግን በክርስቶስ ሁልጊዜ ድል በመንሣቱ ለሚያዞረን በእኛም በየስፍራው ሁሉ የእውቀቱን ሽታ ለሚገልጥ ለአምላክ ምስጋና ይሁን፤ 2ኛ ቆሮንቶስ 2:14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #አይቋቋምህም #አሸናፊ #ድል #ፍቅር #የክርስቶስፍቅር #ስር #መሰረት #ትእዛዝ #መስጠት #ሃሳብ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

በዚህም በዚያም ወደፊት እንሄዳለን

2090-wallpaper-cool-wallpapers (1).jpgየእግዚአብሄር አሰራር ልዩ ልዩ ነው፡፡ ወደ እግዚአብሄር እንፀልያለን ምሪትን እንጠይቃለን፡፡ እግዚአብሄርን በአንድ መንገድ ብቻ አንጠብቀውም፡፡ ለእግዚአብሄር አሰራር ልባችንን እናሰፋለን፡፡ እግዚአብሄር ከዚህ በፊት በህይወታችን በሰራበት መንገድ ብቻ አንጠብቀውም፡፡

እግዚአብሄር ሁሉን ለራሱ አላማ ሊያስገዛ የሚችል የራሱ አሰራር አለው፡፡ እግዚአብሄር ሁሉን ለራሱ አላማ ሊያስገዛ የሚችልበት አሰራሩን ተከትለን በዚያ አሰራር ተመርተን ከእግዚአብሄር ጋር አብረን እንሰራለን፡፡

የእግዚአብሔር እርሻ ናችሁ፤ የእግዚአብሔር ሕንፃ ናችሁ፤ ከእርሱ ጋር አብረን የምንሠራ ነንና። 1ኛ ቆሮንቶስ 3፡9

አንዳንዴ እግዚአብሄር ተራራውን እንደሚያነሳው ይናገረናል፡፡ እግዚአብሄር ተራራውን እንደሚያነሳው ሲመራን በንግግራችን ወይም በድርጊታችን ተራራውን ለማንሳት ይጠቀምብናል፡፡

እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። ማርቆስ 11፡23

እግዚአብሄር ራሱ ተራራውን እንደሚያነሳው ሲናገረን ተራራውን እስኪያነሳው እንድንታገስ እግዚአብሄር ይፈልጋል፡፡

ታላቅ ተራራ ሆይ፥ አንተ ምንድር ነህ? በዘሩባቤል ፊት ደልዳላ ሜዳ ትሆናለህ፤ ሰዎችም፦ ሞገስ፥ ሞገስ ይሁንለት ብለው እየጮኹ እርሱ መደምደሚያውን ድንጋይ ያወጣል ብሎ ተናገረኝ። ዘካርያስ 4፡7

ሌላ ጊዜ ደግሞ ተራራው እያለ እንዴት እንድምንወጣው ያሳየናል፡፡ እግዚአብሄር ተራራውን እንድንወጣው ሲመራን ተራራውን የምንወጣበትን ፀጋን ይሰጠናል፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። 2ኛ ቆሮንቶስ 12፡9

በዚህም ሆነ በዚያ ወደፊት እንሄዳለን፡፡ በዚህም ሆነ በዚያ እግዚአብሄር በህይወታችን ያለውን አላማ እንፈፅማለን፡፡

ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? ስለ አንተ ቀኑን ሁሉ እንገደላለን፥ እንደሚታረዱ በጎች ተቆጠርን ተብሎ እንደ ተጻፈ ነው። በዚህ ሁሉ ግን በወደደን በእርሱ ከአሸናፊዎች እንበልጣለን። ሮሜ 8፡35-37

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #ተራራ #ፀጋ #አላማ #የክርስቶስፍቅር #ስር #መሰረት #ትእዛዝ #መስጠት #ሃሳብ #አማርኛ #ስብከት #መዳን #መፅሃፍቅዱስ #ልብ #ቸርነት #ትግስት #ፍርሃት #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #መውደድ #ትግስት #መሪ

የትልቅ እምነት ስልጣን

salute.jpgኢየሱስም ከእነርሱ ጋር ሄደ። አሁንም ወደ ቤቱ በቀረበ ጊዜ የመቶው አለቃ ወዳጆቹን ወደ እርሱ ላከ፤ አለውም፦ ጌታ ሆይ በቤቴ ጣራ በታች ልትገባ አይገባኝምና አትድከም፤ ስለዚህም ወደ አንተ ልመጣ እንዲገባኝ ሰውነቴን አልቈጠርሁትም፤ ነገር ግን ቃል ተናገር፥ ብላቴናዬም ይፈወሳል።እኔ ደግሞ ከሌሎች በታች የምገዛ ሰው ነኝ፥ ከእኔም በታች ወታደሮች አሉኝ፥ አንዱንም፦ ሂድ ብለው ይሄዳል፥ ሌላውንም፦ ና ብለው ይመጣል፥ ባሪያዬንም፦ ይህን አድርግ ብለው ያደርጋል። ኢየሱስም ይህን ሰምቶ በእርሱ ተደነቀ፥ ዘወርም ብሎ ለተከተሉት ሕዝብ፦ እላችኋለሁ፥ በእስራኤልስ እንኳ እንዲህ ያለ ትልቅ እምነት አላገኘሁም አላቸው። ሉቃስ 7፡6-9

ለስልጣን ንቁ የሆነን ሰው አሳዩኝ እምነት ያለውን ሰው አሳያችሁዋለሁ፡፡ የዚህ ፅሁፍ ፀሃፊ በህይወቱ በእምነታቸው ከተደነቀባቸው ሰዎች መካከል ለስልጣን ንቁ ያልሆነን ሰው አይቶ አያውቅም፡፡ የእምነት ሰዎች በሙሉ ለስልጣን ያላቸው ግንዛቤና አክብሮት ልዩ ነው፡፡ የእምነት ሰዎች በየደረሱበርት ቦታ እዚያ ላለው ስልጣን ራሳቸውን ይሰጣሉ፡፡

ትንሹም በታላቁ እንዲባረክ ክርክር የሌለበት ነገር ነው። ዕብራውያን 7፡7

ለስልጣን ንቁ የሆነን ሰው ማለት በደረሰበት ቦታ ሁሉ ላው ስልጣን የሚገዛ ሰው ማለት ነው፡፡ ለስልጣን ንቁ የሆነ ሰው ማለት አለም በስርአት እንደምትተዳደር የተረዳ ሰው ማለት ነው፡፡ ለስልጣን ንቁ የሆነ ሰው ማለት ሰው የሚባረከው ያንን ስልጣን ሲከተል ብቻ መሆኑን የተረዳ ሰው ማለት ነው፡፡ ለስልጣን ንቁ የሆነ ሰው ማለት እግዚአብሄር የሚባርከው በስርአት መሆኑን የተረዳ ሰው ማለይ ነው፡፡ ለስልጣን ንቁ የሆነ ሰው ማለት የእግዚአብሄርን አሰራር የተረዳ ሰው ማለት ነው፡፡

ስለዚህ ባለ ሥልጣንን የሚቃወም የእግዚአብሔርን ሥርዓት ይቃወማል፤ የሚቃወሙትም በራሳቸው ላይ ፍርድን ይቀበላሉ። ሮሜ  13፡2

ሰው ስልጣን እንዴት እንደሚሰራ ካልተረዳ የእግዚአብሄር ቃል ስልጣን እንዴት እንደሚሰራ ሊረዳ አይችልም፡፡

ብላቴናዬ ሽባ ሆኖ እጅግ እየተሣቀየ በቤት ተኝቶአል ብሎ ለመነው። ኢየሱስም፦ እኔ መጥቼ እፈውሰዋለሁ አለው። የመቶ አለቃውም መልሶ፦ ጌታ ሆይ፥ በቤቴ ጣራ ከታች ልትገባ አይገባኝም፤ ነገር ግን ቃል ብቻ ተናገር፥ ብላቴናዬም ይፈወሳል።እኔ ደግሞ ለሌሎች ተገዥ ነኝና፥ ከእኔም በታች ጭፍራ አለኝ፤ አንዱንም፦ ሂድ ብለው ይሄዳል፥ ሌላውንም፦ ና ብለው ይመጣል፥ ባሪያዬንም፦ ይህን አድርግ ብለው ያደርጋል አለው። ኢየሱስም ሰምቶ ተደነቀና ለተከተሉት እንዲህ አለ፦ እውነት እላችኋለሁ፥ በእስራኤል እንኳ እንዲህ ያለ ትልቅ እምነት አላገኘሁም። ማቴዎስ 8፡6-10

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ልብ #ማመን #ቃል #መናገር #ስልጣን #መረዳት #አማርኛ #ስብከት #መዳን #መፅሃፍቅዱስ #ዋጋ #ማድረግ #ሁሉይቻላል #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

የድካም ክብር

the cross power.jpgየኢየሱስ የመጨረሻው ሃይሉ የተገለጠው በድካሙ እንጂ በሃይሉ አልነበረም፡፡ የኢየሱስ ሃየል የተገለጠው በሞቱ ነበር፡፡

በድካም ተሰቅሎአልና፥ ነገር ግን በእግዚአብሔር ኃይል በሕይወት ይኖራል። 2ኛ ቆሮንቶስ 13፡4

አለም አይቶ የማያውቀውን ታላቁን የትንሳኤ ሃይል ያየነው በኢየሱስ ድካም ነው፡፡ ኢየሱስ በሞቱ ነው ህይወትን ያሳየን፡፡

ክርስቶስንም ከሙታን ሲያስነሣው ከአለቅነትና ከሥልጣንም ከኃይልም ከጌትነትም ሁሉ በላይና በዚህ ዓለም ብቻ ሳይሆን ነገር ግን ሊመጣ ባለው ዓለም ደግሞ ከሚጠራው ስም ሁሉ በላይ በሰማያዊ ስፍራ በቀኙ ሲያስቀምጠው በክርስቶስ ባደረገው ሥራ የብርታቱ ጉልበት ይታያል፤ ኤፌሶን 1፡20-21

ኢየሱስ በሞት ላይ ስልጣን ያለውን ዲያቢሎስን የሻረው በህይወት አይደለም በድካምና በሞቱ ነው ፡፡

እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ፥ እብራዊያን 2፡14-15

እኛም በራሳችን ስንደክም ያን ጊዜ የእግዚአብሄር ሃይል ያድርብናል፡፡ የሰው ሃይል ሲያልቅ የአግዚአብሄር ሃይል ይጀምራል፡፡

እኛ ደግሞ ከእርሱ ጋር እንደክማለንና፥ ነገር ግን ስለ እናንተ በሆነ በእግዚአብሔር ኃይል ከእርሱ ጋር በሕይወት እንኖራለን። 2ኛ ቆሮንቶስ 13፡4

በራሳችን ስንደክም በእግዚአብሄር ሃይለኛ ነንና፡፡ በመከራ ስናልፍ በራሳችን ስንደክም የእግዚአብሄር ሃይል በእኛ በሃይል ይሰራል፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ቆሮንጦስ 12፡9-10

ይህን ፅሁፍ ለሌሎች ሼር share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #እግዚአብሄር #ድካም #ሞት #ህይወት #ትንሳኤ #የእግዚአብሄርሃይል #መንፈስቅዱስ #መመካት #ብርታት #እምነት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ስልጣን ወይስ ባህሪ?

power or charcter.jpgእግዚአብሄር ሰውን የፈጠረው በመልኩና በአምሳሉ ነው፡፡ እግዚአብሄር ሰውን የፈጠረው በባህሪው እንዲኖር ነው፡፡ እግዚአብሄር የፈጠረው ሰው የእግዚአብሄር ባህሪዎች ሁሉ ነበሩት፡፡

እግዚአብሄር የፈጠረው እግዚአብሄር አታድርግ የተባለውን ያንኑ ነገር በማድረጉ የተነሳ ከእግዚአብሄር ክብር ወደቀ፡፡ ሰው እግዚአብሄርን ከመታዘዘ ይልቅ ተጨማሪ ሃይል ሲፈልግ የእግዚአብሄርን ባህሪ አጣው፡፡ ሰው በእግዚአብሄር ላይ በማመፁ እነዚያን የእግዚአብሄር ባህሪያት እንዲሁም የፈለገውን ሃይል አጣው፡፡ ሰው እንደ እግዚአብሄር ለመሆን ባለው ጥማት የእግዚአብሄርን ባህሪ አጣው፡፡

ከእርስዋ በበላችሁ ቀን ዓይኖቻችሁ እንዲከፈቱ እንደ እግዚአብሔርም መልካምንና ክፉን የምታውቁ እንድትሆኑ እግዚአብሔር ስለሚያውቅ ነው እንጂ። ዘፍጥረት 3፡5

አሁንም የሰው ስጋዊ ባህሪ መልካሙን የእግዚአብሄርን ባህሪ አይፈልግም፡፡ የሰው ስጋዊ ባህሪ የሚፈልገው ሃይልን ነው፡፡ የሰው ስጋዊ ባህሪ የሚፈልገው ጊዜን መቆጣጠር እንጂ ትእግስትን አይደለም፡፡ የሰው ስጋዊ ባህሪ የሚፈልገው ሰውን መቆጣጠር እንጂ ለሌላው መገዛትን አይደለም፡፡ የሰው ስጋዊ ባህሪ የሚፈልገው ሁኔታን መቆጣጠር እንጂ ራስን መስጠት አይደለም፡፡

የሰው ስጋዊ ባህሪ የሚፈልገው ሃይሉን በትክክል የሚያስተዳድርበትን የእግዚአብሄርን ባህሪ ሳይሆን ሃይሉን ብቻ ነው፡፡ የሰው ስጋዊ ባህሪ ለሃይል ይጓጓል፡፡ የሰው ስጋዊ ባህሪ አንደኛ መሆንን እንጂ ማገልገልን አይፈልግም፡፡ የሰው ስጋዊ ባህሪ መጠቀምን እንጂ መጥቀምን አያስበውም፡፡ ስጋ ለሃይል እንጂ ለባህሪ ግድ የለውም፡፡

የዘብዴዎስ ልጆች ያዕቆብና ዮሐንስም ወደ እርሱ ቀርበው፦ መምህር ሆይ፥ የምንለምንህን ሁሉ እንድታደርግልን እንወዳለን አሉት። እርሱም፦ ምን ላደርግላችሁ ትወዳላችሁ? አላቸው። እነርሱም፦ በክብርህ ጊዜ አንዳችን በቀኝ አንዳችንም በግራህ መቀመጥን ስጠን አሉት። ማርቆስ 10፡35-37

ስጋ በነገሮች መያዝ አይፈልግም፡፡ ስጋ መታገስ አይፈልግም፡፣ስጋ መጠበቅ አይፈልግም፡፡ ስጋ ሌላወን መውደድ አይፈልም፡፡ ስጋ ሌላውን መሸከም አይፈልግም፡፡ ስጋ የሚፈልገው ሌላውን ሁሉ መለወጥን እንጂ መታገስን አይደለም፡፡ ስጋ የሚፈልገው ሌላውን መተው እንጂ መውደድ አይደለም፡፡

ስጋ መናገርን እንጂ መስማትን አይፈልግም፡፡ ስጋ በንግግር ሁሉንም መቆጣጠርን እንጂ መስማትን አይፈልግም፡፡

ሁላችን በብዙ ነገር እንሰናከላለንና፤ በቃል የማይሰናከል ማንም ቢኖር እርሱ ሥጋውን ሁሉ ደግሞ ሊገታ የሚችል ፍጹም ሰው ነው። ያዕቆብ 3፡2

ስጋ የሚፈልገው ነገሮችን መቆጣጠር እንጂ ራሱን መስጠት አይደለም፡፡ ስጋ የሚፈልገው ሌላውን ሰው እንደርሱ ማድረግን እንጂ ሌላውን ሰው መምሰልን አይደለም፡፡ ስጋ ሌላውን ሁሉ ዝቅ አድርጎ መግዛት እንጂ ማንሳት ማስታጠቅ መልቀቅ አይፈልግም፡፡

ነፍሱን የሚያገኝ ያጠፋታል፥ ነፍሱንም ስለ እኔ የሚያጠፋ ያገኛታል። ማቴዎስ 10፡39

ስጋ ተጨማሪ ሃይልን እንጂ የባህሪ ለውጥን አይፈልግም፡፡ ስጋ ተጨማሪ ስልጣንን እንጂ መገዛትን አይፈልግም፡፡

በእናንተ ዘንድ ጦርና ጠብ ከወዴት ይመጣሉ? በብልቶቻችሁ ውስጥ ከሚዋጉ ከእነዚህ ከምቾቶቻችሁ አይደሉምን? ትመኛላችሁ ለእናንተም አይሆንም፤ ትገድላላችሁ በብርቱም ትፈልጋላችሁ፥ ልታገኙም አትችሉም፤ ትጣላላችሁ ትዋጉማላችሁ ነገር ግን አትለምኑምና ለእናንተ አይሆንም፤ ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። ያዕቆብ 4፡1-3

ስለዚህ ነው ሃዋሪያው ጳውሎስ ሥጋዬን እየጎሰምሁ አስገዛዋለሁ የሚለው፡፡

ነገር ግን ለሌሎች ከሰበክሁ በኋላ ራሴ የተጣልሁ እንዳልሆን ሥጋዬን እየጎሰምሁ አስገዛዋለሁ። 1ኛ ቆሮንቶስ 9፡27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ስጋ #ምኞት #ማሰብ #ህይወት #ሞት #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #ትህትና

ራስን መግዛት በሰይጣን ላይ በርን ይዘጋል

door.jpgሰይጣን የህይወት ጠላት ነው፡፡ ሰይጣን ሊሰርቅ ሊያርድ ሊያጠፋ ነው እንጂ ስለሌላ አይመጣም፡፡ ሰይጣነ ስራው መስረቅ ማረድና ማጥፋት ነው፡፡ ሰይጣን ከዚህ ውጭ ስራ የለውም፡፡ ሰይጣን ተልእኮዬን ከግብ አደረስኩ የሚለው ሰዎች ሲሰረቁ ፣ ሲታረዱና ሲጠፉ ነው፡፡

ሰይጣን ደግሞ ይመጣል፡፡ ሰይጣን ይሰራል፡፡

የመንግሥትን ቃል ሰምቶ በማያስተውል ሁሉ፥ ክፉው ይመጣል፥ በልቡ የተዘራውንም ይነጥቃል፤ በመንገድ ዳር የተዘራው ይህ ነው። ሉቃስ 8:12

ኢየሱስ የዚህ አለም ገዢ ይመጣል ከእኔ አንዳች የለውም ብሎዋል፡፡

ከእንግዲህ ወዲህ ከእናንተ ጋር ብዙ አልናገርም፥ የዚህ ዓለም ገዥ ይመጣልና፤ በእኔ ላይም አንዳች የለውም፤ ዮሃንስ 14፡30

ኢየሱስ ሊሰርቅ ሊያርድ ሊያጠፋ የተራበ የዚህ አለም ገዢ እየመጣ ከእኔ አንዳች የለውም ሊል እንዴት ቻለ?

እኛስ የዚህ አለም ገዢ እየመጣ በእኛ ላይ አንዳች እንዳይኖረው ማድረግ የምንችለው እንዴት ነው?

ሰይጣን በመስቀል ላይ በኢየሱስ ድል ስለተነሳ ተሸንፎዋል፡፡ ሰይጣን በግድ አስገድዶ የሚያደርገው ነገር የለም፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15

ነገር ግን ሰይጣን ሰውን የሚሰርቀው የሚያርደውና የሚያጠፋው በሰው ባህሪ ድክመት ተጠቅሞ ነው፡፡ ሰውጣን ሰውን ከመስረቅ ከማረድና ከማጥፋቱ በፊት ደካማ ባህሪውን ይፈልጋል፡፡ ሰይጣን በሰው ውስጥ እንደ እግዚአብሄር ቃል ያልሆነ ባህሪ ካላገኘ ሰውን ሊሰርቅ ሊያርድና ሊያጠፋ አይቻለውም፡፡ ሰውን ለመስረቅ ሰይጣን በመጀመሪያ በሰው ውስጥ ጥላቻን ይፈልጋል፡፡ ሰውን ለማረድ ሰይጣን ቁጣን በሰው ውስጥ ይፈልጋል፡፡ ሰይጣን ሰውን ለማጥፋት መጀመሪያ ትእቢትን በሰው ውስጥ ይፈልጋል፡፡ ሰይጣን እነዚህን ባሪያት በውስጣችን ካላገኘ ይመጣል ግን ምንም ማድረግ አይችልም፡፡ ሰይጣን እነዚህን እንደ እግዚአብሄር ቃል ያልሆኑ ባህሪያት ካገኘ ህይወታችን ለመስረቅ ለማረድና ለማጥፋት ይመቸዋል፡፡

በፍቅር በሚኖር ሰው ለመጠቀም ሰይጣን አይችልም፡፡ በምህረት የሚኖረውን ሰው ለማረድ ሰይጣን አይችልም፡፡ ትሁት የሆነን ሰው ህይወት ለማጥፋት ሰይጣን አይችልም፡፡

ስለዚህ ሰይጣንን በተዘዋዋሪ መንገድ ከህይወታችን ለመከላከልና ለሰይጣን በህይወታችን ውስጥ ስፍራ ለማሳጣት ባህሪያችንን መከታታል ይኖርብናል፡፡ በህይወታችን በሰይጣን ጥቃት ላይ በር ለመግዛት በእግዚአብሄር ቃል እግዚአብሄር መምሰል መልካም ባህሪያችንን መገንባት ይኖርብናል፡፡

ሰይጣን የሚወደውና የሚጠቀምበትን ባህሪ ከህይወታችን ካስወገድን የዚህ አለም ገዢ ይመጣል ከእኔ ግን አንዳች የለውም ማለት እንችላል፡፡

ተቆጡ ኃጢአትንም አታድርጉ፤ በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ኤፌሶን 4፡26-27

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የመንፈስፍሬ #ፍቅር #ሰላም #ደስታ #ዘር #ባህሪ #ቤተክርስትያን #አማርኛ #ስብከት #መዳን #መፅሃፍቅዱስ #የእግዚአብሄርህይወት #አቢይ #አቢይዋቁማ #አቢይዋቁማዲንሳ #በጎነት #የዋሃት #ራስንመግዛት #ትግስት #ትህትና

ከእናንተም ይሸሻል

flee.jpgዲያብሎስን ግን ተቃወሙ ከእናንተም ይሸሻል፤ ያዕቆብ 4፡7

መፅሃፍ ቅዱስ ዲያብሎስ እንደሌለ አድርጋችሁ ኑሩ ብሎ አይመክረንም፡፡

መጽሃፍ ቅዱስ ዲያብሎስ በራሱ እንዲሄድ ተስፋ አድርጉ አይለንም፡፡

መጽሃፍ ቅዱስ ዲያብሎስ ስሙን አታነሱት እርሱም ይተዋችኋል አላለንም፡፡

መፅሃፍ ቅዱስ ስለ ዲያቢሎስ ወደ እግዚአብሄር ፀልዩ አላለንም፡፡

ስለዲያቢሎስ ወደእግዚአብሄር መፀለይ ሙሴ ባህሪን መክፈያውን በትር በእጁ ይዞ ወደ እግዚአብሄር እንደጮኽው አይነት የተሳሳት ጩኸት ነው፡፡

ሰው በእግዚአብሄ ክብር ተፈጥሮዋል፡፡ ሰው በስልጣን እንዲገዛ ተፈጥሮዋል፡፡

እግዚአብሔርም ሰውን በመልኩ ፈጠረ፤ በእግዚአብሔር መልክ ፈጠረው፤ ወንድና ሴት አድርጎ ፈጠራቸው። እግዚአብሔርም ባረካቸው፥ እንዲህም አላቸው፦ ብዙ፥ ተባዙ፥ ምድርንም ሙሉአት፥ ግዙአትም፤ የባሕርን ዓሦችና የሰማይን ወፎች በምድር ላይ የሚንቀሳቀሱትንም ሁሉ ግዙአቸው። ዘፍጥረት 2፡27-28

ሰው አታድርግ የተባለውን ያንኑ ነገር በማድረጉና እግዚአብሄር ላይ በማመፁ የተነሳ የነበረውን መንፈሳዊ ስልጣን ለሰይጣን አስረክቦ ነበር፡፡

ኢየሱስ ወደ ምድር የመጣው ከሰው ስልጣኑን በመውሰድ የዚህ አለም ገዢ የነበረውን ሰይጣንን ስልጣን ለመሻር ነው፡፡

እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ ዕብራውያን 2፡14-15

ኢየሱስ በሞተ ጊዜ የሰይጣንን ስልጣንን ገፎታል፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15

እነሆ፥ እባቡንና ጊንጡን ትረግጡ ዘንድ፥ በጠላትም ኃይል ሁሉ ላይ ሥልጣን ሰጥቻችኋለሁ፥ የሚጐዳችሁም ምንም የለም። ሉቃስ 10፡19

ሰይጣን ከመስረቅ ከማረድና ከማጥፋት ውጭ ሌላ ተልእኮ በፍፁም የለው፡፡ ሰይጣን የሰውን ህይወት ሊሰርቅ ሊታርድ ሊያጠፋ ይመጣል፡፡

ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ። ዮሃንስ 10፡10

ሰይጣን የማይቃወመው ሰው ካገኘ ህይወቱን ይሰርቃል ያርዳል ያጠፋል፡፡ ሰይጣን ሲመጣ ስልጣኑን የሚያውቅ የሚነግረው ሰው ይፈልጋል፡፡ ሰይጣን ስልጣኑን ተረድቶ የሚቃወመው ሰው ይፈልጋል፡፡ ሰይጣን ከህይወታችን እና የእኛ ከሆኑት ነገሮች ለመሸሽ ትእዛዛችንን ይጠብቃል፡፡

ዲያብሎስን ግን ተቃወሙ ከእናንተም ይሸሻል፤ ያዕቆብ 4፡7

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ሰይጣን #ዲያብሎስን #እባቡ #ጊንጥ #ሥልጣን #ተቃወሙ #ይሸሻል #ገፎ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ለውግዘት የተሳሳቱ መልሶች

Publication15.jpgበህይወታችንና በአገልግሎታችን ውግዘትና ተቃውሞ ይብዛም ይነስም በየጊዜው የሚከሰቱ ነገሮች ናቸው፡፡

ሰዎች በትክክለኛውም መንገድ ይሁን በተሳሳተ መንገድ ሊቃወሙንና ሊያወግዙን ይችላሉ፡፡ ሰዎች የእግዚአብሄርን ቃል ተከትለው ትክክለኛውን እርምጃ ጠብቀው ሊያወግዙን ይችላሉ፡፡

ወንድምህም ቢበድልህ፥ ሄደህ አንተና እርሱ ብቻችሁን ሆናችሁ ውቀሰው። ቢሰማህ፥ ወንድምህን ገንዘብ አደረግኸው፤ ባይሰማህ ግን፥ በሁለት ወይም በሦስት ምስክር አፍ ነገር ሁሉ እንዲጸና፥ ዳግመኛ አንድ ወይም ሁለት ከአንተ ጋር ውሰድ፤ እነርሱንም ባይሰማ፥ ለቤተ ክርስቲያን ንገራት፤ ደግሞም ቤተ ክርስቲያንን ባይሰማት፥ እንደ አረመኔና እንደ ቀራጭ ይሁንልህ። ማቴዎስ 18፡15-17

ሰዎች ለትክክለኛውም ሆነ ለተሳሳተ ምክኒያት ሊቃወሙንና ሊያወግዙን ይችላሉ፡፡ ሰዎች ከፍቅር ተነስተው እኛን ለማዳንና ከደከምንበት ለማቅናት የእኛን መመለስና እንደገና ጠቃሚ መሆን አልመው ሊያወግዙን ይችላሉ፡፡ ወይም ደግሞ ከቅናት ከጥላቻ መነሻ ሃሳብ /motive/ ስለ በለጥናቸው ፣ ስላደግንና ስለሰፋን ሊያወግዙንና ሊቃወሙን ይችላሉ፡፡

አንዳንዶቻችን እስከዛሬ ተወግዘን ሊሆን ይችላል፡፡ ሌሎቻችን ደግሞ ከአሁን በኋላ ልንወገዝ እንችላለን፡፡ አንዳንዶቻችን በአደባባይ እንወገዛለን ሌሎቻችን ደግሞ በቤተሰባችን በትምህርታችንም ይሁን በአካሄዳችን ልንወገዝ እንችላለን፡፡ በምንም መልኩ ቢሆን የሚመጣን ተቃውሞና ወገዛ የምንቀበልበትና የምናስተናግድበት የተሳሳተና ትክክለኛ መንገድ አለው፡፡ ወገዛን በትክክለፃው መንገድ ካስተናገድነው ይጠቅመናል በተሳሳተ መልኩ ከመለስነው ደግሞ አይጠቅመንም፡፡

ለተቃውሞ የምንመልስበት አምስት የተሳሳቱ መንገዶች

ጥላቻ

ሰውን ሁሉ ከመውደድ በስተቀር ማንንም ሰው እንድንጠላ መብት የለንም፡፡ ሰው ጠላኝ ብለን ብንጠላ የምንጎዳው እኛው ነን፡፡ የተሳሳተ ሰውን እንኳን ለመጥላት መብት የለንም፡፡

እርስ በርሳችሁ ከመዋደድ በቀር ለማንም ዕዳ አይኑርባችሁ፥ ሌላውን የሚወድ ሕግን ፈጽሞታልና። ሮሜ 13፡8

መልሶ ማውገዝ

ያወገዘንን ሰው መልሶ ማውገዝ ተሳስቷል የምንለውን ነገር እኛው መድገም ሊሆን ይችላል፡፡ ሁለት ስህተቶች አንድ ትክክል አያስገኙም፡፡ ትክክለኛ መፅሃፍ ቅዱሳዊ መንገዱን ሳይጠብቅ ነው ያወገዘኝ ብለን የምንለውንም ሰው ትክክለኛ መንገዱን ሳንጠብቅ በስሜታዊነት ማውገዝ ስህተትን በስህተት ለማረም እንደ መሞከር ከንቱ ጥረት ነው፡፡

ዓይን ስለ ዓይን ጥርስም ስለ ጥርስ እንደ ተባለ ሰምታችኋል። እኔ ግን እላችኋለሁ፥ ክፉውን አትቃወሙ፤ ዳሩ ግን ቀኝ ጉንጭህን በጥፊ ለሚመታህ ሁሉ ሁለተኛውን ደግሞ አዙርለት፤ ማቴዎስ 5፡38-39

እልኽ ውስጥ መግባት

እግዚአብሄር በህይወታችን የጠራን የተወሰነ ነገር እያለ ያንን ሃላፊነት ትተን የተቃውሞ መልስ ለመመለስ ጉልበታችንን ጊዜያችንን እውቀታችንምን ሁሉ ማባከን ስህተት ነው፡፡ ጥሪያችንን ትተን እልክ ውስጥ መግባት እግዚአብሄር የሰጠንን ተሰሚነት ፣ ፀጋና ፣ ጉልበትና ጊዜ አላስፈላጊ አታካራ ላይ ማዋል የህይወትና የአገልግሎት ብክነት ነው፡፡ እግዚአብሄር የሰጠንን ሃላፊነት እርግፍ አድርገን ትተን ለተቃውሞ የመልስ እርምጃ መራመድ ብክነት ነው፡፡ የተሳተን ተቃውሞን የምናሸንፍበት አንዱ መንገድ ትክክለኛውንም ነገር በማድረግ በመቀጠል ባለማቋረጥ ነው፡፡

ቃሉን ስበክ፥ በጊዜውም አለጊዜውም ጽና፥ ፈጽመህ እየታገሥህና እያስተማርህ፥ ዝለፍና ገሥጽ ምከርም። 2ኛ ጢሞቴዎስ 4፡2

መራገም

በተሳሳተም ይሁን በትክክለኛ መነሻ ሃሳብ እንዲሁም በትክክለኛው መፅሃፍ ቅዱሳዊው መንገድ ይሁን በሌላ መንገድ የተቃወመንን  ሰው ለመርገም አልተጠራንም፡፡ ሰውን ለመባረክ መልካምነቱን ለመፈለግ ለመልካምነቱ ለመስራት ብቻ ተጠርተናል፡፡ አጋጣሚውን ተጠቅመን የሚቃወመንን በእውነት በማመስገን በማክበር እድሉን ሌላውን ለማነፅ ልንጠቀምበት ይገባናል፡፡

ክፉን በክፉ ፈንታ ወይም ስድብን በስድብ ፈንታ አትመልሱ በዚህ ፈንታ ባርኩ እንጂ፥ በረከትን ልትወርሱ ለዚህ ተጠርታችኋልና። 1ኛ ጴጥሮስ 3፡9

የተወገዝንበትን ነገር ይበልጥ ማጋነን

በተወገዝን ማግስት የተወገዝንበትን ነገር ይበልጥ ማፋፋም ማጋነን ትክክለኛው መንገድ አይደለም፡፡ ትምህርታችንና የህይወት መርሆዋችን ከሆነ ተቃውሞ ሲመጣ ካልለወጥነው እንኳን በዚያው ይቀጠላል እንጂ ይበልጥ ይበልጥ አይለጠጥም፡፡ ሌላው ፅንፍ የተሳሳተውን ሚዛናዊ አያደርገውም፡፡

በትምህርትህም ደኅንነትን፥ ጭምትነትን፥ ጤናማና የማይነቀፍ ንግግርን ግለጥ። ቲቶ 2:8

እራስን ከሰው ጋር አብሮ ማውገዝ

በተሳትነው ነገር ላይ ካልሆነ በስተቀር ስለተወገዝን በደፈናው ራስን ማውገዝ ሌላው ስህተት ነው፡፡ የተወገዝንበትን ነገር ራሱ መንፈስ ቅዱስ ሊመሰክርልን ይገባል እንጂ ሰዎች ስለፈረዱብን ብቻ ራሳችን ላይ መፍረድ ዋናው ስህተት ነው፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ 1ኛ ወደ ቆሮንቶስ ሰዎች 4፡3

ተቃውሞን በአጠቃላይ እንደ ክፉ ማየት

ተቃውሞ በራሱ ክፉም መልካምም አይደለም፡፡ ለተቃዋሚው ክፉ የሚያደርገው በንፁህ የልብ መነሻ ሀሳብ ካላደረገው ወይም ትክክለኛውን መፅሃፍ ቅዱሳዊ መርህ ሳይከተል በግብታዊነት ካደረገው ስህተት ይሆናል እንጂ ተቃውሞ በራሱ ስህተት አይደለም፡፡ ተወጋዡም ተቃውሞን እንከ እንቅፋትና እንደ ሰይጣን ስራ ካየው ከተቃውሞ ውስጥ ማውጣት ያለበትን ወሳኝ ጥቅም መጠቀም ያቅተዋል፡፡

እንግዲህ እንደ ጥበበኞች እንጂ ጥበብ እንደሌላቸው ሳይሆን እንዴት እንድትመላለሱ በጥንቃቄ ተጠበቁ፤ ቀኖቹ ክፉዎች ናቸውና ዘመኑን ዋጁ። ኤፌሶን 5፡15-16

እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን። ሮሜ 8፡28

ተቃውሞን ከሰው ጋር ማያያዝ

ተቃውሞ ሲደርስብን የተቃውሞውን ይዘት ከመመልከት ይልቅ አከሌ የተቃወመኝ እንደዚህ ስለሆነ ነው ብብሎ ምክኒያት መስጠትና ከሰው ጋረ ማያያዝ ከተቃውሞ የሚገባንን ጥቅም እንዳናገኝ ያደርገናል፡፡ ተቃውሞ ያጠራናል፡፡ ተቃውሞን በሚገባ ከያዝነው ትሁት ያደርገናል በዚያም የእግዚአብሄር ፀጋ እንዲበዛለን ያደርገናል፡፡

እንዲሁም፥ ጐበዞች ሆይ፥ ለሽማግሌዎች ተገዙ፤ ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ፥ እግዚአብሔር ትዕቢተኞችን ይቃወማልና፥ ለትሑታን ግን ጸጋን ይሰጣል። 1ኛ ጴጥሮስ 5፡5

እግዚአብሄር ቢፈቅድ በሚቀጥለው ፅሁፍ ትክክለኛው የውግዘትን መልሶች ሃሳብ ይዤላችሁ እቀርባለሁ፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አገልጋይ #ወገዛ #ስህተተ #ልብ #መሪ #ህሊና #ቀራጭ #ወገዛ #ትህትና #ፀጋ #ተቃውሞ #ቤተክርስትያን #አማርኛ #ስብከት #መዳን #መፅሃፍቅዱስ #መነሻሃሳብ #ነቢይ #አቢይ #አቢይዋቁማ #አቢይዋቁማዲንሳ

አሳብህም ይከለከል ዘንድ ከቶ እንደማይቻል

sky_without_sun.jpgሁሉን ታደርግ ዘንድ ቻይ እንደ ሆንህ፥ አሳብህም ይከለከል ዘንድ ከቶ እንደማይቻል አወቅሁ። ኢዮብ 42፡2

እግዚአብሄር ካሰበ ያደርገዋል፡፡ በእግዚአብሄር ሃሳብ ፊት መቆም የሚችል ምንም ሃያል ነገር የለም፡፡ የእግዚአብሄርን ሃሳብና አላማ የሚያቆም ማንም ሃይል የለም፡፡ የእግዚአብሄር አላማ ከሰይጣን ታላቅ እንቅፋት ይበረታል፡፡

በመጀመሪያ መጨረሻውን፥ ከጥንትም ያልተደረገውን እነግራለሁ፤ ምክሬ ትጸናለች ፈቃዴንም ሁሉ እፈጽማለሁ እላለሁ። ከምሥራቅ ነጣቂ ወፍን፥ ከሩቅም አገር ምክሬን የሚያደርገውን ሰው እጠራዋለሁ። ተናግሬአለሁ እፈጽምማለሁ፤ አስቤአለሁ አደርግማለሁ። ኢሳያስ 46፡10

እግዚአብሄር ሃሳቡን ማድረግ ይችላል፡፡ ሃሳቡን እንዴት እንደሚፈፅመው እግዚአብሄር ያውቃል፡፡ እግዚአብሄር ያሰበውን ለማድረግ በማንንም እርዳታ ላይ አይደገፍም፡፡

በሰማይና በምድር በባሕርና በጥልቆች ሁሉ፥ እግዚአብሔር የወደደውን ሁሉ አደረገ። መዝሙር 135፡6

እግዚአብሄር ካሰበ ሆነ ማለት ነው፡፡

የሠራዊት ጌታ እግዚአብሔር እንዲህ ብሎ ምሎአል፦ እንደ ተናገርሁ በእርግጥ ይሆናል፥ እንደ አሰብሁም እንዲሁ ይቆማል። ኢሳያስ 14፡24

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #ሃይል #ዘላለም #አላማ #እቅድ #ምክር #ጥበብ #የእግዚአብሄርመንግስት #ንጉስ #ሃያል #ሁሉንቻይ #አምላክ #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

ለእግዚአብሄር ፈንታ ስጡ እንጂ

jones-natasha-111123-8col.jpgእግዚአብሄርን የመራንን ነገሮች ስናደርግ አንዳንዴ ሰዎች ላይረዱን ይችላሉ፡፡ የሚመለከታቸው ሰዎች ካልተረዱን ደግሞ በራሳችን ምንም ማድረግ አንችልም፡፡ አብረናቸው የእግዚአብሄርን ስራ እንድንሰራ የተሰጡን ሰዎች ካልተረዱን ለእግዚአብሄር መልቀቅ አለብን፡፡ የራሳችንን ድርሻ ከተወጣን በኋላ ለእግዚአብሄር አሰራር ደግሞ ጊዜና ስፍራ መስጠት አለብን፡፡ ለእግዚአብሄር አንድ እያንዳንዱ ሰው ነገር ለማድረግ ራሱ አጥብቆ መረዳት አለብት፡፡

ለእግዚአብሔርም ክብር እየሰጠ፥ የሰጠውንም ተስፋ ደግሞ ሊፈጽም እንዲችል አጥብቆ እየተረዳ፥ ሮሜ 4፡20

እግዚአብሄርም ሰዎች ያላወቁትንና ያልተረዱትን ነገር እንዲያደርጉ አይጠብቅም፡፡ እኛን እግዚአብሄር ተናገረን ብለን ሰዎችን ማስገደድ አንችልም፡፡ እኛ ነፃ ፈቃድ እንዳለን ሁሉ ሌሎች ሰዎችም አይ አይደለም ለማለት ፈቃድ እንዳላቸው ማወቅና መቀበል ይገባናል፡፡ ከእግዚአብሄር የሆነውን ለሚመለከታቸው ሰዎች ከተናገርን በኋላ ራሳችን ለማስፈፀም መሞከር በእግዚአብሄር ሳይሆን በራስ መተማመን ነው፡፡

ድርሻችንን ከተወጣን በኋላ ማረፍና ለእኛ እንደተናገረን እግዚአብሄር ራሱ እንዲናገራቸው ጊዜ መስጠት ወሳኝ ነው፡፡ እኛን እንደተናገረን ራሱ እግዚአብሄር እንዲናገራቸው እድሉን ካልሰጠን ሰዎች የተናገርነው ነገር የእኛን የራስ ወዳድነት ፍላጎት አድርገው ሊረዱት ይችላሉ፡፡ ይዘን የመጣነው ሃሳብ የእኛ የግላችን ሃሳብ እንዳልሆነና የሃሳቡ ዋናው ባለቤት እግዚአብሄር እንደሆነ ለማሳየት እኛ ዝም ማለት ይገባናል፡፡ እኛ ዝም ካላልንና ሰዎች የእግዚአብሄርን ድምፅ አጥርተው ካልሰሙ የእግዚአብሄርና የእኛን ድምፅ ይቀላቀልባቸዋል፡፡ ስለአንድ ነገር የእግዚአብሄርን ድምፅ ለራሳቸው መስማት የሚችሉት እኛ ዝም ስንልና ጊዜ ስንሰጥ ብቻ ነው፡፡

ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና። ሮሜ 12፡19

እግዚአብሄር ከግርግር ባሻገር ለራሳቸው የሚናገራቸው ስንታገስና ጊዜ ስንሰጥ ነው፡፡ ሰዎች የራሳችንን ጥቅም እንደምናሳድንድ ካሰቡ ስሜታቸው ይረበሻል፡፡ በዚህም ሁኔታ ጌታን በትክክል መስማት ይሳናቸዋል፡፡ እኛ ዝም በምንልበት ጊዜ ግን እግዚአብሄር ራሱ በዝምታ እንዲናገራቸው ምቹ ሁኔታን እንፈጥርላቸዋለን፡፡

ስለዚህ፥ እነሆ፥ አባብላታለሁ፥ ወደ ምድረ በዳም አመጣታለሁ፥ ለልብዋም እናገራለሁ። ሆሴዕ 2፡16

በአለም ላይ በአማኞች ብዛት ታላቁን ቤተክርስትያን የመሩት መጋቢ ዲቪድ ዮንጊ ቾ በኮሪያ የኢኮኖሚ ውጥረት ጊዜ እግዚአብሄር 10 ሺህ ሰው የሚይዝ ቤተክርትስትያን እንዲሰሩ እንደተናገራቸው ይመሰክራሉ፡፡ ስለዚያም እያፀለዩ እያሉ እግዚአብሄር ለሚስታቸው ቤት መስሪያ ያጠራቀሙትን ገንዘብ የመጀመሪያው መዋጮ አድርገው እንዲሰጡት ይናገራቸዋል፡፡ በእጃቸው የነበረው ብቻኛው ገንዘብ የሚስታቸው ገንዘብ ነበር፡፡ በኮሪያ ባህል ባል ለሚስቱ ቤት ይገዛ ስለነበር እሳቸው ለሚስታቸው ቤት ለመግዛት ያጠራቀሙት የሚስታቸው ቤት መግዣ ገንዘብ ነበር፡፡ እሳቸው ለሚስታቸው እግዚአብሄር ገንዘቡን እንዲሰጡ እንደተናገራቸው ይነግሩዋታል፡፡  የሚስታቸው መለስ ግን ያንን ገንዘብ ለመስጠት በፍፁም እንዳታስብ የሚል ነበር፡፡ እግዚአብሄር ሆይ ያለችውን ሰምተሃል ብለው ፀልየው ይተዉታል፡፡

ሚስታቸው ግን ልትትወው አልቻለችም፡፡ ሚስታቸው እንቅልፍ አጣች፡፡ እኔ ተኝቼ እነሳለሁ እርስዋ ግን ሌሊቱን ሙሉ ትገላበጣለች እንጂ እንቅልፍ በአይኑዋ አልዞረም ይላሉ፡፡ በእንቅልፍ ማጣት አይንዋ እያበጠ ሄደች፡፡ በሰባተኛው ቀን ይላሉ ቾ ያንን ገንዘብ ውሰደው አለችኝ ብለው ለእግዚአብሄር አሰራር ጊዜ በሰጡ ጊዜ እግዚአብሄር ከሚመለከተው ሰው ጋር ነገሮችን እንደጨረሰ ይመሰክራሉ፡፡

እግዚአብሄር የተናገረንን ለሚመለከታቸው ሰዎች ካሳየን በኋላ መታገስ እና ጊዜ መስጠት እግዚአብሄር ደግሞ በራሱ መንገድ እንዲናገራቸው እድልን ይሰጠዋል፡፡ ከጊዜ ወደጊዜ ለእግዚአብሄር አሰራር ጊዜ ካልሰጠን የእግዚአብሄርን ስራ ለመስራት ስንሮጥ እንደ ራስ ወዳድ ሰዎች ለጥቅማችን የምንከራከር ይመስላል፡፡ ስለዚህ ነው ከቤተክርስትያን መሪነት መመዘኛዎች አንዱ አለመከራከርና አለመጨቃጨቅ የሆነው፡፡

የማይሰክር፥ የማይጨቃጨቅ ነገር ግን ገር የሆነ፥ የማይከራከር፥ ገንዘብን የማይወድ፥ 1ኛ ጢሞቴዎስ 3፡3

ስለዚህ ነው ሰው ካንተ ጋር ቦክስ ወይም ቡጢ ሊገጥምህ ሲፈልግ አንተ ከቦክሱ ሜዳ ውጣና ባንተ ፋንታ እግዚአብሄርን ወደ ቦክሱ ሜዳው አስገባው የሚባለው፡፡ እግዚአብሄር በእኛ ፋንታ የሚዋጋው እኛ ከሰዎች ጋር ውጊያን ስናቆም ብቻ ነው፡፡ እራሳችንን የምናየውና ከተሳሳትን የምንታረመው ለእገዚአብሄር አሰራር ጊዜ ስንሰጥ ብቻ ነው፡፡ እግዚአብሄርም በማሸነፋችን ክብሩን የሚወስደው እኛ ለእግዚአብሄር አሰራር ጊዜና እድል ስንሰጥ ነው፡፡

እግዚአብሔር ስለ እናንተ ይዋጋል፥ እናንተም ዝም ትላላችሁ አላቸው። ዘፀአት 14፡14

እናንተ በዚህ ሰልፍ የምትዋጉ አይደላችሁም፤ ይሁዳና ኢየሩሳሌም ሆይ፥ ተሰለፉ፥ ዝም ብላችሁ ቁሙ፥ የሚሆነውንም የእግዚአብሔርን መድኃኒት እዩ፤ እግዚአብሔርም ከእናንተ ጋር ነውና አትፍሩ፥ አትደንግጡም፥ ነገም ውጡባቸው። 2ኛ ዜና 20፡17

እግዚአብሄር የመራንን ከተናገርን በኋላና እግዚአብሄር ያለንን ካደረግን በኋላ ካላረፍን በስተቀር የእኛ ስራ እንጂ የእግዚአብሄ ስራ አይሆንም ፣ የእኛ ሃይል እንጀ የእግዚአብሄር ሃይል አይሆንም እንዲሁም የእኛ ጥበብ እንጂ የእግዚአብሄር ጥበብን አይሆንም፡፡

ኢዮአስም እርሱን የተቃወሙትን ሁሉ፦ ለበኣል ትምዋገቱለታላችሁን? ወይስ እርሱን ታድናላችሁን? የሚምዋገትለት ሁሉ እስከ ነገ ይሙት፤ እርሱ አምላክ ከሆነ መሠዊያውን ካፈረሰው ጋር ለራሱ ይምዋገት አላቸው። መሣፍንት 6፡31

እኛ ከእግዚአብሄር ጋር አብረን ሰራተኛ ነን እንጂ ከመጀመሪያ እስከመጨረሻ የእግዚአብሄርን ስራ የምንሰራ ብቸኛ ባለቤቶች እና ተሟጋቾች አይደለንም፡፡ መስራት የምንችለውን ካደረግን በኋላ ለዋናው ባለቤት ጊዜውንና ስፍራውን እንለቃለን፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ስፍራ #እውቀት #ጥበብ #ቦክስ #ቡጢ #የማይጨቃጨቅ #ገር #የማይከራከር #ክርስትያን #አማርኛ #ፍጥነት #ማስተዋል #መፅሃፍቅዱስ #ፈንታ #አቢይ #አቢይዋቁማ #አቢይዋቁማዲንሳ #አዲስፍጥረት #እድል #ጊዜ

መመላለስ ከመቀመጥ ይጀምራል

sit.jpgለእግዚአብሄር እንደሚገባ መመላለስ በሰው ጉልበት የሚቻል ነገር አይደለም፡፡ እንደ እግዚአብሄር ልጅ መመላለስ የእግዚአብሄር ሃይልና አሰራርን ይጠይቃል፡፡ ስለዚህ ነው ከመመላለስ በፊት መቀመጥ ይቀድማል የሚባለው፡፡

በሰማያዊ ስፍራ በአብ ቀኝ በተቀመጥንበት ሃይልና ምሪት ለእግዚአብሄር እንደሚገባ መኖር እንችላለን፡፡ በሰማያዊ ስፍራ ባለንበት ስልጣን የምድር ህይወታችንን ሃላፊነት በስኬት እንወጣለን፡፡ በእግዚአብሄር ዘንድ በናለን ልዩ ስፍራ በምደር ላይ ነገሮችን ተቋቁመን እናልፋለን፡፡

በክርስቶስ በሰማያዊ ስፍራ በመንፈሳዊ በረከት ሁሉ የባረከን የጌታችን የኢየሱስ ክርስቶስ አምላክና አባት ይባረክ። ኤፌሶን 1፡3

በእግዚአብሄር ዘንድ ያለን ስፍራ በምድር ስፍራ እንዳንፈልግ ይረዳናል፡፡ በሰማያዊ ስፍራ ያለብ ስልጣን በሰይጣን ፊት እንዳንዋረድ ያስችለናል፡፡ በእግዚአብሄር ልብ ያለን ስፍራ ስንረዳ ከእግዚአብሄር ውጭ በምድር ምንም ነገር በልባች የመጀመሪያውን ስፍራ እንዳይዝ ያደርገናል፡ በእግዚአብሄ ዘንድ ያለን ከፍታ ስንረዳ በምድር ያለ ምንም ዝቅታ አያስደነግጠንም፡፡ በእግዚአብሄር እንደነገስን ስንረዳ ከጌታ ውጭ ምንም ነገር ንጉስ እንዳይሆንብን ያደርጋል፡፡ በሰማያዊ ስፍራ ያለን ከፍታ በምድር ራሳችንን እንድናዋርድ ያስታጥቀና፡፡ በሰማያዊ ያለን ስፍራ ለምድር ስፍራ እንዳንፎካከር ያግዘናል፡፡ በእግዚአብሄር ያለንን ክብር ስንረዳ የምድሩን ክብር እንድንቀው ያስችለናል፡፡

ኢየሱስ አብ ሁሉን በልጁ እንደ ሰጠው ከእግዚአብሔርም እንደ ወጣ ወደ እግዚአብሔርም እንዲሄድ አውቆ፥ ከእራት ተነሣ ልብሱንም አኖረ፥ ማበሻም ጨርቅ ወስዶ ታጠቀ፤ በኋላም በመታጠቢያው ውኃ ጨመረ፥ የደቀ መዛሙርቱንም እግር ሊያጥብና በታጠቀበትም ማበሻ ጨርቅ ሊያብስ ጀመረ። ዮሃንስ 13፡3-4

ለእርሱ ለመኖራችን የሚያስፈልገውን ነገር ሳያዘጋጅ እግዚአብሄር አልጠራንም፡፡  ለእርሱ ለመኖርና ለእርሱ በሚገባ ለመመላለስ እግዚአብሄር የጠራን ለክርስትና ህይወት ሁሉ የሚያስፈልገውን ሁሉ ሰጥቶን ነው፡፡

የመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ ጴጥሮስ 1፡2-3

በሰማያዊ ስፍራ ሳያስቀምጠን በፊት እንደ ልጅ ለእርሱ እንድንመላለስ አልጠየቀንም፡፡

በሚመጡ ዘመናትም በክርስቶስ ኢየሱስ ለእኛ ባለው ቸርነት ከሁሉ የሚበልጠውን የጸጋውን ባለ ጠግነት ያሳይ ዘንድ፥ ከእርሱ ጋር አስነሣን በክርስቶስ ኢየሱስም በሰማያዊ ስፍራ ከእርሱ ጋር አስቀመጠን። ኤፌሶን 2፡6-7

በክርስቶስ ያለንን ስፍራ ፣ ስልጣንና ክብር ካላወቅን ለጥሪያችን እንደሚገባ መኖር አንችልም፡፡ በክርስቶስ ያለንን አቅርቦት ካለተረዳን በአቅርቦቱ በድል መመላለስ አንችልም፡፡

ለምሳሌ መኪና የተሰራው ለመነዳት ነው፡፡ መኪና ለመገፋት አልተሰራም፡፡ መኪና የሚነዳውም ሰው ይሁን የሚገፋውም ሰው ሁለቱም መኪናውን አንድ ቦታ ቢያደርሱትም መኪና መንዳትና መግፋት ግን ሁለት የተለያዩ ነገሮች ናቸው፡፡ በእግዚአብሄር ዘንድ ያለንን ስልጣን በተረዳን ቁጥር ክርስትና እንደ መኪና መንዳት እንጂ እንደ መኪና መግፋት አይሆንብንም፡፡

እግዚአብሄር በክርስቶስ ባዘጋጀው ጥቅምና መብት ሙሉ ለሙሉ ተጠቃሚ ለመሆን እግዚአብሄርን በማወቅ ማደግ አለብን፡፡ እግዚአብሄር በልቡ እንዳለው ለመመላለስ በቃሉ አማካኝነት ክርስቶስን ማጥናትና መማር አለብን፡፡ የእግዚአብሄር ቃል በሙላት ሊኖርብንና በክርስቶስ እውቀት ማደግ ይገባናል፡፡

በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ ጴጥሮስ 1፡3

እግዚአብሄርን ባወቅነው መጠን እንዴት ከእግዚአብሄር ጋር በሰላም እንደምንኖር እናውቃለን፡፡ እግዚአብሄርን ባወቅነው መጠን ሰላማችን እየበዛ ይሄዳል፡፡ እግዚአብሄርን በተረዳነው መጠን የእግዚአብሄር ፀጋ በህይወታችን በሙላት መፍሰስ ይጀምራል፡፡ እግዚአብሄርን ባወቅነው መጠን ሰውን እንዴት እንደምንይዝ እናውቃለን፡፡ እግዚአብሄርን ባወቅነው መጠን ነገሮችን እንዴት እንደምንዝ እናውቃለን፡፡ እግዚአብሄር በክርስቶስ የሰጠንን ቦታ ስንረዳ የእግዚአብሄርን ሃሳብ በሙላት ፈፅመን እናልፋለን፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እረፍት #ቅድሚያ #መቀመጥ #ሰማያዊ #በክርስቶስ #በጌታ #እምነት #መደገፍ #ሰንበት #በመንፈሴ #በሃይል #በብርታት #ፀጥታ #መመለስ #ማረፍ #ፅድቁን #ኢየሱስ #ክርስቶስ #ጌታ #ቤተክርስትያን #አማርኛ #ስብከት #ፀጥታ #መፅሃፍቅዱስ #መንፈስቅዱስ #መታመን #ፌስቡክ #አቢይዋቁማ #አቢይዋቁማዲንሳ

እግዚአብሔርን በመተማመን የሚጠባበቁ ግን

eag.jpgያዕቆብ ሆይ፤ ለምን እንዲህ ትላለህ? እስራኤል ሆይ፤ ለምን እንዲህ ትናገራለህ? “መንገዴ ከእግዚአብሔር ተሰውራለች፤ ፍርዴም በአምላኬ ቸል ተብላለች” ለምን ትላለህ? አታውቅምን? አልሰማህምን? እግዚአብሔር የዘላለም አምላክ፣ የምድር ዳርቻ ፈጣሪ ነው። አይደክምም፤ አይታክትም፤ ማስተዋሉም በማንም አይመረመርም። ለደከመው ብርታት ይሰጣል፤ ለዛለው ጒልበት ይጨምራል። ወጣቶች እንኳ ይደክማሉ፤ ይታክታሉም፤ ጐበዛዝትም ተሰናክለው ይወድቃሉ። እግዚአብሔርን ተስፋ የሚያደርጉ ግን፣ ኀይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፤ አይታክቱም፤ ይሄዳሉ፤ አይደክሙም። ኢሳይያስ 40፡27-31 (አዲሱ መደበኛ ትርጉም)

በአለም የሚያደክም ብዙ ነገር አለ፡፡

ጎበዝ የተባለ ፣ ጠንካራ የተባለና ሃያል የተባለ ሰው በራሱ አይቆምም፡፡ ይወድቃል ብለን የማናስበው ሰው ወድቆ እናገኘዋለን፡፡ ማንም ሰው ላለመውደቅ መተማመኛ የለውም፡፡

በተቃራኒው ደግሞ እግዚአብሄርን የሚጠብቁ ሰዎች አይደክሙም፡፡ ከእግዚአብሄር ጋር የሚራመዱ ሰዎች በድካም አይሸነፉም፡፡ ከእግዚአብሄር ጋር የሚኖሩ ሰዎች ከድካም በላይ ናቸው፡፡ ሰው ሳይደክም እንደበረታ የሚኖረው እግዚአብሄርን ሲጠብቅ ብቻ ነው፡፡ ሰው ከድካም በላይ የሚኖረው ከእግዚአብሄር ጋር ሲራመድ ብቻ ነው፡፡

ሰው ሃይሉን የሚያድሰው እግዚአብሄርን ካልቀደመው ነው፡፡ ሰው ሃያል የሚሆነው በእግዚአብሄር ፍጥነት ለመኖር ራሱን ትሁት ካደረገ ነው፡፡ ሰው ከእግዚአብሄር ጋር ከኖረ የእግዚአብሄር ሃይል በእርሱ ላይ ይሆናል፡፡ ሰው በራሱ ከሮጠ ይደክማል ይወድቃል፡፡

እግዚአብሄር የሚያነሳበት ጥበብ አለው፡፡ አግዚአብሄር የሚያሻግርበት መንገድ አለው፡፡ እግዚአብሄር የሚክስበት መንገድ አለው፡፡ እውቀት በሌለን ነገር በእግዚአብሄር ልንታመንና ልንደገፍ ይገባናል፡፡ የእግዚአብሄርን አሰራር ልንታገስ ይገባል፡፡ የእግዚአብሄርን ፍጥነት ልንጠብቅ ይገባናል፡፡

ያዕቆብ ሆይ፥ እስራኤልም ሆይ፦ መንገዴ ከእግዚአብሔር ተሰውራለች ፍርዴም ከአምላኬ አልፋለች ለምን ትላለህ? ለምንስ እንዲህ ትናገራለህ? አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው፤ አይደክምም፥ አይታክትም፥ ማስተዋሉም አይመረመርም። ለደካማ ኃይልን ይሰጣል፥ ጕልበት ለሌለውም ብርታትን ይጨምራል። ብላቴኖች ይደክማሉ ይታክቱማል፥ ጐበዛዝቱም ፈጽሞ ይወድቃሉ፤ እግዚአብሔርን በመተማመን የሚጠባበቁ ግን ኃይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፥ አይታክቱም፤ ይሄዳሉ፥ አይደክሙም። ኢሳይያስ 40፡27-31

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ራእይ #እይታ #መጠበት #መተማመን #እምነት #ያድሳሉ #ይወጣሉ #አይደክሙም #አይታክቱም #እግዚአብሔር #አማርኛ #ስብከት #መዳን #መፅሃፍቅዱስ #ቃል #አሸናፊ #አማልክት #የእግዚአብሄርእቅድ #የእግዚአብሄርፈቃድ #አቢይ #አቢይዋቁማ #አቢይዋቁማዲንሳ

አምላክ የመሆኑ ትርጉም

highway.jpgእግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ።  መዝሙር 33፡12

ነገር ግን አምላኩ የመሆን ትርጉም ምንድነው፡፡ ወይም እግዚአብሄር ለህዝብ አምላኩ ሆነ ማለት ምን ማለት ነው፡፡

እንዲሁም እናንተ ሕዝብ ትሆኑኛላችሁ እኔም አምላክ እሆናችኋለሁ። ኤርሚያስ 11፡4

እግዚአብሄር አምላኩ የሆነለት ማለት ፡-

  1. በእግዚአብሄር ፍቅር ካለምክኒያት ተወደናል ማለት ነው፡፡

ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል። ሮሜ 5፡8

  1. እግዚአብሄር ስለእኛ ሃላፊነት ይወስዳል ይመራናል ማለት ነው፡፡

ጌታን ለመከተል በወሰንን በዚያን ጊዜ እግዚአብሄር በእኛ አምኖዋል፡፡ ልጆቼ ናቸው ብሎዋል፡፡ ስለእነርሱ ሃላፊነት እወስዳለሁ፡፡ ስለእነሱ እጠየቃለሁ ብሎዋል፡፡

ፍቅር . . . ሁሉን ያምናል፥ 1ኛ ቆሮንቶስ 13፡7

  1. እግዚአብሄር ስለእኛ ተጠሪ ነው ማለት ነው፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12

ስለዚህም ምክንያት፦ ስምህን ለወንድሞቼ እነግራቸዋለሁ በማኅበርም መካከል በዜማ አመሰግንሃለሁ፤ ደግሞም፦ እኔ በእርሱ እታመናለሁ፤ ደግሞም፦ እነሆኝ እኔን እግዚአብሔር የሰጠኝንም ልጆች ሲል ወንድሞች ብሎ ሊጠራቸው አያፍርም። ዕብራውያን 2፡13

መልካም እረኛ እኔ ነኝ። መልካም እረኛ ነፍሱን ስለ በጎቹ ያኖራል። ዮሃንስ 10፡11

  1. እግዚአብሄር ስለእኛ ያቅዳል በእቅዱም ይመራናል ማለት ነው፡፡

ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም።ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርምያስ 29፡11

  1. እኛ የእግዚአብሄር ነን ማለት ነው፡፡

በዋጋ ተገዝታችኋልና ለራሳችሁ አይደላችሁም፤ 1ኛ ቆሮንቶስ 6፡19-20

እኔ በምሠራበት ቀን እነርሱ የእኔ ገንዘብ ይሆናሉ፥ ይላል የሠራዊት ጌታ እግዚአብሔር፤ ሰውም የሚያገለግለውን ልጁን እንደሚምር፥ እንዲሁ እምራቸዋለሁ። ሚልክያስ 3፡17

በስሜ የተጠራውን ለክብሬም የፈጠርሁትን፥ የሠራሁትንና ያደረግሁትን ሁሉ አምጣ እለዋለሁ። ኢሳይያስ 43፡7

  1. ከእግዚአብሄር እጅ ሊነጥቀን የሚችል የለም ማለት ነው፡፡

እኔም የዘላለም ሕይወትን እሰጣቸዋለሁ፥ ለዘላለምም አይጠፉም፥ ከእጄም ማንም አይነጥቃቸውም። የሰጠኝ አባቴ ከሁሉ ይበልጣል፥ ከአባቴም እጅ ሊነጥቃቸው ማንም አይችልም። ዮሃንስ 10፡28-29

  1. እግዚአብሄር በእኛ ፋንታ ሃይሉን ይገልጣል ማለት ነው፡፡

እግዚአብሔር ልቡ በእርሱ ዘንድ ፍጹም የሆነውን ያጸና ዘንድ ዓይኖቹ በምድር ሁሉ ይመለከታሉና። አሁንም ስንፍና አድርገሃል፥ ስለዚህም ከዛሬ ጀምሮ ሰልፍ ይሆንብሃል። 2ኛ ዜና 16፡9

  1. እግዚአብሄር ከፊታችን ይወጣል ማለት ነው፡፡

እርሱም፦ አንተ ከእኛ ጋር ካልወጣህስ፥ ከዚህ አታውጣን። በምድርም ፊት ካለው ሕዝብ ሁሉ እኔና ሕዝብህ የተለየን እንሆን ዘንድ አንተ ከእኛ ጋር ካልወጣህ፥ እኔና ሕዝብህ በአንተ ዘንድ ሞገስ ማግኘታችን በምን ይታወቃል? አለው። ዘጸአት 33፡15-16

  1. ለክብሩ የፈጠረን ለክብሩ የሚጠቀምብን ነን ማለት ነው፡፡

እግዚአብሔር እርሱ አምላክ እንደ ሆነ እወቁ፤ እርሱ ሠራን እኛም አይደለንም፤ እኛስ ሕዝቡ የማሰማርያውም በጎች ነን። መዝሙር 100፡3

  1. የእግዚአብሄር የሆነውን ተካፍለናል ማለት ነው፡፡

የመለኮቱ ኃይል፥ በገዛ ክብሩና በበጎነቱ የጠራንን በማወቅ፥ ለሕይወትና እግዚአብሔርን ለመምሰል የሚሆነውን ነገር ሁሉ ስለ ሰጠን፥ በእግዚአብሔርና በጌታችን በኢየሱስ እውቀት ጸጋና ሰላም ይብዛላችሁ። 2ኛ የጴጥሮስ 1፡2-3

ሁሉ የእናንተ ነው፥ እናንተም የክርስቶስ ናችሁ ክርስቶስም የእግዚአብሔር ነው። 1ኛ ቆሮንቶስ 3፡23

#እግዚአብሔር #አምላክ #የተባረከ #የተመሰገነ #የታደለ #የተሞገሰ #የተወደደ #የተከናወነ #የተሳካ #የተለየ #የከበረ #የሚቀናበት #የተጠቀመ #እድለኛ #ክብር #ምሪት #ሰላም #ቃል #እረፍት #አምልኮ #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ

ኢየሱስን በስጋ እንደሚሆን ማወቅ

in christ.jpgስለዚህ እኛ ከአሁን ጀምሮ ማንንም በሥጋ እንደሚሆን አናውቅም፤ ክርስቶስንም በሥጋ እንደ ሆነ ያወቅነው ብንሆን እንኳ፥ አሁን ግን ከእንግዲህ ወዲህ እንደዚህ አናውቀውም። 2ኛ ቆሮንቶስ 5፡16

ማንንም በስጋ እንደሚሆን አናውቀውም ይላል ሃዋሪያው፡፡ ግን ክርስቶስንም በስጋ አናውቀውም ማለት ምን ማለት ነው? ማንንም  በስጋ እንደሚሆን ማወቅ ማለትስ?

ሃዋሪያው ቀድሞ ክርስቶስን በስጋ ያውቀው ነበር፡፡ ክርስቶስን የሚያውቀው እንደ አንድ አይሁዳዊ ነበር፡፡ ክርስቶስን የሚያውቀው እንደ አንድ ያገሩ ሰው ነበር፡፡ ስለዚህ ነበር የኢየሱስን ተከታዮች እንደሳቱ በማመን ሊገድልና ሊያስር ደብዳቤ ተቀብሎ ይሄድ የነበረው፡፡

ሳውል ግን የጌታን ደቀ መዛሙርት እንዲገድላቸው ገና እየዛተ ወደ ሊቀ ካህናት ሄደ፥ በዚህ መንገድ ያሉትንም ሰዎች ወንዶችንም ሴቶችንም ቢያገኝ፥ እያሰረ ወደ ኢየሩሳሌም ያመጣቸው ዘንድ በደማስቆ ላሉት ምኵራቦች ደብዳቤ ከእርሱ ለመነ። ሐዋርያት 9፡1-2

ክርስቶስን በስጋ እንደሚሆን ማወቅ ማለት ክርስቶስን ከእግዚአብሄር እንዳልተላከ እንደተራ ሰው ማየት ነው፡፡ ክርስቶስን በስጋ እንደሚሆን ማወቅ ማለት በእግዚአብሄር መመዘኛ  ሳይሆን በሰው መመዘኛ ኢየሱስን መመዘን ማለት ነው፡፡ ክርስቶስን በስጋ እንደሚሆን ማወቅ ማለት የኢየሱስን የዘር ግንዱን አይቶ መጣል ማለት ነው፡፡ ክርስቶስን በስጋ እንደሚሆን ማወቅ ማለት ኢየሱስ የሰው ልጅነቱን እንጂ የእግዚአብሄ ልጅነቱን አለማየት ማለት ነው፡፡ ክርስቶስን በስጋ እንደሚሆን ማወቅ ማለት የሃገር ልጅ መሆኑን እንጂ ከእግዚአብሄር መላኩን አለመቀበል ማለት ነው፡፡ ክርስቶስን በስጋ እንደሚሆን ማወቅ ማለት በእግዚአብሄር ዘንድ ያለውን ስፍራ አለማወቅ ማለት ነው፡፡ ክርስቶስን በስጋ እንደሚሆን ማወቅ ማለት ምክኒያት ፈልጎ መሰናከል ማለት ነው፡፡

ይህ የጸራቢ ልጅ አይደለምን? እናቱስ ማርያም ትባል የለምን? ወንድሞቹስ ያዕቆብና ዮሳ ስምዖንም ይሁዳም አይደሉምን? እኅቶቹስ ሁሉ በእኛ ዘንድ ያሉ አይደሉምን? እንኪያስ ይህን ሁሉ ከወዴት አገኘው? ተሰናከሉበትም። ማቴዎስ 13፡55-56

ጌታ ጳውሎስን በብርሃን ከተገናኘው በኋላ ግን ኢየሱስን በስጋ እንደሚሆን ማወቅ አቆመ፡፡ ክርስቶስን የሚያውቀው እንደ እንድ አይሁዳዊ ሳይሆን እንደ ጌታ ነው፡፡ አሁን ክርስቶስን የሚያውቀው እንደ ተራ ሰው ሳይሆን እንደ አዳኝ ነው፡፡ አሁን ክርስቶስን የሚያውቀው እንደ ማሪያም ልጅ ብቻ ሳይሆን እንደ እግዚአብሄር ልጅ ነው፡፡

እየተንቀጠቀጠና እየተደነቀ፦ ጌታ ሆይ፥ ምን አደርግ ዘንድ ትወዳለህ? አለው። ጌታም፦ ተነሥተህ ወደ ከተማ ግባና ታደርገው ዘንድ የሚያስፈልግህን ይነግሩሃል አለው። ሐዋርያት 9፡6

ሃዋሪያው ይቀጥልና ማንንም በሥጋ እንደሚሆን አናውቅም ይላል፡፡ ክርስቶስን ብቻ አይደለም ማንምም በስጋ እንደሚሆን አናውቅም ይላል፡፡ ማንንም በስጋ እንደሚሆን አናውቅም ማለት ማንንም በእግዚአብሄር መመዘኛ እንጂ በሰው መመዘኛ እንመዝንም፡፡ ማንንም በስጋ እንደሚሆን አናውቅም ማለት ማንንም በስጋ ማዕረጉ ሳይሆን በእግዚአብሄር ዘንድ ባለው የልጅነት ማዕረጉ ነው የምናውቀው ማለት ነው፡፡ ማንንም በስጋ እንደሚሆን አናውቅም ማለት ማንንም በዘር ፣ ፆታና ቀለም አንለካም ማለት ነው፡፡ ማንንም በስጋ እንደሚሆን አናውቅም ማለት ማንንም በስጋ ባለው ክብር አናከብርም ፣ በስጋ ባለው ድካም አንንቅም ማለት ነው፡፡ ማንንም በስጋ እንደሚሆን አናውቅም ማለት ማንንም በምድራዊ መመዘኛ አናነሳምምም አንጥልምም ማለት ነው፡፡ ማንንም በስጋ እንደሚሆን አናውቅም ማለት እግዚአብሄር እንደሚያይ እንጂ ሰው እንደሚያይ አናይም ማለት ነው፡፡

ስለዚህ እኛ ከአሁን ጀምሮ ማንንም በሥጋ እንደሚሆን አናውቅም፤ ክርስቶስንም በሥጋ እንደ ሆነ ያወቅነው ብንሆን እንኳ፥ አሁን ግን ከእንግዲህ ወዲህ እንደዚህ አናውቀውም። ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል። 2ኛ ቆሮንቶስ 5፡16-17

ሰውን ሁሉ የምናውቀው በክርስቶስ ነው፡፡ ሰውን ሁሉ የምንመዝነው በክርስቶስ ባለው ስፍራ ነው፡፡ ሰውን ሁሉ የምንቀበለው በክርስቶስ አቀባበል ነው፡፡ ሰውን ሁሉ የምናከብረው በክርስቶስ ክብር ነው፡፡ ሰውን ሁሉ የምናውቀው ክርስቶስ በሚያውቀው እውቀት ነው፡፡ ይህ መዝገብ በሸክላ ዕቃ ውስጥ አለን፤ 2ኛ ቆሮንቶስ 4፡7

ማንም በክርስቶስ ቢሆን አዲስ ፍጥረት ነው፡፡

ማንም ማንም ማንም

በእምነት በኩል ሁላችሁ በክርስቶስ ኢየሱስ የእግዚአብሔር ልጆች ናችሁና፤ ከክርስቶስ ጋር አንድ ትሆኑ ዘንድ የተጠመቃችሁ ሁሉ ክርስቶስን ለብሳችኋልና። አይሁዳዊ ወይም የግሪክ ሰው የለም፥ ባሪያ ወይም ጨዋ ሰው የለም፥ ወንድም ሴትም የለም፤ ሁላችሁ በክርስቶስ ኢየሱስ አንድ ሰው ናችሁና። ገላትያ 3፡26-28

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #ማንነት #የእግዚአብሄርንእይታ #በስጋ #ቤተክርስትያን #አማርኛ #ማየት #በስጋደረጃ #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #ስፍራ #ማእረግ #ስልጣን

እጅግ ውጤታማው የጦር መሳሪያ

weapon.jpgበሰው ልማድ ምንም እንኳ የምንመላለስ ብንሆን፥ እንደ ሰው ልማድ አንዋጋም፤ የጦር ዕቃችን ሥጋዊ አይደለምና፥ ምሽግን ለመስበር ግን በእግዚአብሔር ፊት ብርቱ ነው፤ የሰውንም አሳብ በእግዚአብሔርም እውቀት ላይ የሚነሣውን ከፍ ያለውን ነገር ሁሉ እናፈርሳለን ለክርስቶስም ለመታዘዝ አእምሮን ሁሉ እንማርካለን፥ 2ኛ ቆሮንቶስ 10፡3-5

ስልጣን እስከሚሰራ ድረስ አይታይም፡፡ ስልጣን የሚታየው ሲሰራና እርምጃ ሲወስድ ብቻ ነው፡፡

እኛ የክርስቶስ ኢየሱስ ተከታዮች ደግሞ እንደማንኛውም የምድር ነዋሪወች ነው የምንኖረው፡፡ የምንኖረው እንደሰው ልማድ ነው፡፡ እንደ ሰው እንበላለን ፣ እንደሰው እንለብሳለን ፣ እንደሰው እንተኛለን፡፡ ያ ማለት ግን መንፈሳዊ ስልጣን የሌለን ተራ ሰዎች ነን ማለት አይደለንም፡፡

እኛ የእግዚአብሄ ልጆች የሆንን ሁሉ ታላቅ ስልጣን አለን፡፡ (ዮሃንስ 1፡12) እንደ ሰው ልማድ ብንመላለስም ወደ ስልጣን ወደ ውጊያ ወደ ማሸነፍ ሲመጣ ግን እንደሰው ልማድ አንዋጋም፡፡ የጦር እቃችንም ስጋን ብቻ መግደል የሚችል ስጋዊና ምድራዊ አይደለም፡፡ የጦር እቃችን በምድር ላይ እጅግ ከተራቀቀ ከባድ የጦር መሳሪያ ይልቅ እጅግ ውጤታማ ነው፡፡

የጦር እቃችን ማንኛውንም ነገር መለወጥ የሚችል በእግዚአብሄር ፊት ብርቱ ነው፡፡ የጦር እቃችንን ሊቋቋም የሚችል ጠላት የለም፡፡ ስልጣናችንን ስንጠቀም ፊታችን ሊቆም የሚችል ማንም አይኖርም፡፡

የጦር እቃችን ምሽግን ለመስበር በእግዚአብሔር ፊት ብርቱ ነው፡፡ በሰው ፊት ምንም ላይመስል ይችላል በእግዚአብሄር ዘንድ ግን ሃያል ነው፡፡ ሰው ሊንቀው ይችላል በእግዚአብሄር ፊት ግን ብርቱ ነው፡፡ በምድራዊ አለም ምንም ላይመስል ይችላል በሰማያዊው አለም ግን እጅግ የተከበረ ነው፡፡

ምሽግ በጦርነት ሜዳ ለማሸነፍ እጅግ በጣም አስቸጋሪ ነገር ነው፡፡ ጠላት ከመሸገ ለመሸነፍ ያለው እድል ትንሽ ነው፡፡ ነገር ግን የጦር እቃችን ምሽግን ለመስበር ብርቱ ነው፡፡ የጦር እቃችን የሚስተው የጠላት ኢላማ የለም፡፡ የጦር እቃችን የማይደመስሰው የተመሸገ የጠላት ጦር የለም፡፡

የሰይጣን ትልቁ ምሽግ ደግሞ እንደ እግዚአብሄር ቃል ያልሆነ ክፉ ሃሳብን የሚያስተናግድ የሰው አእምሮ ነው፡፡ የሰይጣን ትልቁ የጦር መሳሪያ የሰው ሃሳብ ነው፡፡ የሰይጣን ትልቁ መደበቂያ ምሽግ የሰው አእምሮ ነው፡፡ የሰይጣን ትልቁ ምሽግ በእግዚአብሄር ቃል ያልታደሰ ፣ ስርአት የሌለውና እንዳመጣለት የሚያስብ አእምሮ ነው፡፡

ሰይጣን የሰው ጠላት ነው፡፡ ሰይጣን ወደ ሰው ሲመጣ የሚመጣው ወይ ለመስረቅ ወይ ለማረድ ወይ ለማጥፋት ነው፡፡ (ዮሃንስ 10፡10) ሰይጣን ከዚህ ውጭ ምንም አላማ የለውም፡፡ ሰይጣን የሰውን ህይወት የማጥፋት አላውን የሚፈፅምበት ብቸኛው መንገድ ሃሳቡን ወደሰው አአምሮ በመላክ በመመሸግ ነው፡፡

ሰይጣን በኢየሱስ ሞት ሙሉ ለሙሉ ድል ተነስቷል፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ ሰዎች 2፡15

ሰይጣን ድል ስለተነሳ በማታለል እንጂ በግድ የሚያደርገው ነገር የለም፡፡ ሰይጣን ድል ስለተነሳ አሁን የቀረው መሳሪያ ሃሳብን ወደሰው አእምሮ መላክና የሚቀበለው ሰው ካገኘ በአእምሮ በመመሸግ የሰውን ህይወት ማጥቃት ነው፡፡

ሰይጣን ሃሳቡ ተቀባይነት ካላገኘ ሰውን ሊያጠቃ በፍፁም አይችልም፡፡ ሰይጣን ደግሞ በሰው ውስጥ ሃሳቡን ልኮ ተቀባይነት ካገኘ ሰውን እንደልቡ ማጥቃት የሰውን ህይወት መስረቅ ማረድና ማጥፋት ትችላል፡፡

ይህ እግዚአብሄር የሰጠን ስልጣን የሰውንም አሳብ በእግዚአብሔርም እውቀት ላይ የሚነሣውን ከፍ ያለውን ነገር ሁሉ ለማፍረስ ብቁ ነው፡፡

በሰው ልማድ ምንም እንኳ የምንመላለስ ብንሆን፥ እንደ ሰው ልማድ አንዋጋም፤ የጦር ዕቃችን ሥጋዊ አይደለምና፥ ምሽግን ለመስበር ግን በእግዚአብሔር ፊት ብርቱ ነው፤ የሰውንም አሳብ በእግዚአብሔርም እውቀት ላይ የሚነሣውን ከፍ ያለውን ነገር ሁሉ እናፈርሳለን ለክርስቶስም ለመታዘዝ አእምሮን ሁሉ እንማርካለን፥ 2ኛ ቆሮንቶስ 10፡3-5

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ፍቅር #አማርኛ #ስብከት #መዳን #መፅሃፍቅዱስ #ልብ #የጦርመሳሪያ #ምሽግ #አእምሮ #ሃሳብ #ማታለል #ብርቱ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

 

 

 

ከአሸናፊዎች እንበልጣለን

SoldierKneeling320.jpgበአለም ላይ ብዙ ሃያላንና አሸናፊዎች አሉ፡፡ አለም ሰዎችን በሚያንበረክኩ ብዙ አዋራጆች የተሞላች ነች፡፡ በአለማችን ደካሞች በሃያላን ሲሸነፉ ማየት ብርቅ አይደለም፡፡ ሰዎች በአሸናፊዎች በየእለቱ ይሸነፋሉ፡፡

ሌሎችን ተሸነፉ ማለት እኛ እንሸነፋለን ማለት አይደለም፡፡ ለእኛ ግን እንደዚህ አይደለም፡፡ ሽንፈት የእኛ እጣ ፋንታ አይደለም፡፡ አሸናፊነት እጣ ፈንታችን ነው፡፡ የሰማይና የምድር ፈጣሪ ከእኛ ጋር ሆኖ ፣ ለእኛ ሆኖ እና በእኛ ውስጥ ሆኖ ከማሸነፍ ውጭ ምንም ሊታሰብ አይችልም፡፡

በዚህ ሁሉ ግን በወደደን በእርሱ ከአሸናፊዎች እንበልጣለን። ሞት ቢሆን፥ ሕይወትም ቢሆን፥ መላእክትም ቢሆኑ፥ ግዛትም ቢሆን፥ ያለውም ቢሆን፥ የሚመጣውም ቢሆን፥ ኃይላትም ቢሆኑ፥ ከፍታም ቢሆን፥ ዝቅታም ቢሆን፥ ልዩ ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቼአለሁ። ሮሜ 8፡37-39

እርግጥ ነው እግዚአብሄር ለአሸናፊነት ጠርቶናል ስንል በአለም ላይ ያለውን ሁኔታ እየካድን አይደለም፡፡ እኛ ክርስቶስን የምንከተል የበላይ ነን የምንለው በራሳችን ጉልበት ሳይሆን በእግዚአብሄር ስለተወደድን ነው፡፡ ከአሸናፊዎች የምንበልጠው በራሳችን ጥረትና መንገድ ሳይሆን በወደደን በእርሱ በክርስቶስ ነው፡፡ ከአሸናፊዎች እንበልጣለን ስንል እስከመጨረሻው በሚያፀናን በክርስቶስ ፍቅር ተመክተን ነው፡፡

በእናንተ መልካምን ሥራ የጀመረው እስከ ኢየሱስ ክርስቶስ ቀን ድረስ እንዲፈጽመው ይህን ተረድቼአለሁና፤ ፊልጵስዩስ 1፡6

እኔም የዘላለም ሕይወትን እሰጣቸዋለሁ፥ ለዘላለምም አይጠፉም፥ ከእጄም ማንም አይነጥቃቸውም። ዮሐንስ 10፡28

ከአሸናፊዎች የምንበልጠው አለምን ያሸነፈውን ኢየሱስ ክርስቶስን ስለምንከተል ነው፡፡ ከአሸናፊዎች የምንበልጠው በሞት ላይ ስልጣን ያለውን በሞቱ በሻረው በኢየሱስ ነፃ ስለወጣን ነው፡፡

እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ፥ ዕብራውያን 2፡14-15

ከአሸናፊዎች የምንበልጠው የሰይጣን ሃይላት ሁሉ በሻረው በክርስቶስ ስለተሞላን ነው፡፡ ከአሸናፊዎች የምንበልጠው ክርስቶስ የአሸናፊውን ስልጣን ስለገፈፈው ነው፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15

ከአሸናፊዎች የምንበልጠው በሰማይና በምድር ከምድርም በታች ያሉት ሁሉ የሚንበረከኩለት ክርስቶስ ጌታችን ስለሆነ ነው፡፡

በዚህ ምክንያት ደግሞ እግዚአብሔር ያለ ልክ ከፍ ከፍ አደረገው፥ ከስምም ሁሉ በላይ ያለውን ስም ሰጠው፤ ይህም በሰማይና በምድር ከምድርም በታች ያሉት ሁሉ በኢየሱስ ስም ይንበረከኩ ዘንድ፥ ፊልጵስዩስ 2፡9-10

ከአሸናፊዎች የምንበልጠው የሰይጣን ሃይላት ሁሉ በሻረው በክርስቶስ ስለተሞላን ነው፡፡

ለአለቅነትና ለሥልጣንም ሁሉ ራስ በሆነ በእርሱ ሆናችሁ ተሞልታችኋል። ቆላስይስ 2፡10

ከአሸናፊዎች የምንበልጠው አሸናፊውን አለም ባሸነፈው በክርስቶስ ስለምንታመን ነው፡፡

ከእግዚአብሔር የተወለደ ሁሉ ዓለምን ያሸንፋልና፤ ዓለምንም የሚያሸንፈው እምነታችን ነው። 1ኛ ዮሐንስ 5፡4

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #እምነት #ሃያል #አማርኛ #ስብከት #መዳን #መፅሃፍቅዱስ #ልብ #አሸናፊ #አለቅነት #ስልጣናት #ስልጣን #አቢይ #አቢይዋቁማ #አቢይዋቁማዲንሳ

የሰይጣን ብቸኛው መሳሪያ

Masking-Pain.jpgየዲያብሎስን ሽንገላ ትቃወሙ ዘንድ እንዲቻላችሁ የእግዚአብሔርን ዕቃ ጦር ሁሉ ልበሱ። ኤፌሶን 6፡11

የጠላት የዲያብሎስ አላማ መስረቅ ማረድና ማጥፋት ነው፡፡ ዲያቢሎስ የተሸነፈ ጠላት ነው፡፡ ኢየሱስ ሰይጣንን በመስቀል ላይ ድል ነስቷል፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15

ሰይጣን የተሸነፈ ጠላት ነው፡፡ ሰይጣን ማንንም በግድ ጎትቶ ሃጢያት ሊያሰራ አይችልም፡፡ ሰይጣን እንደታሰረ ውሻ ነው፡፡ የታሰረ ውሻ እንደሚጮህና እንደሚረብሽ ሁሉ ሰይጣንም መሳሪያው ጩኸት ፣ ማስፈራራትና ማታለል ብቻ ነው፡፡ ሰይጣን የጥርጥርን ሃሳብ ወደ አእምሮዋችን ልኮ ከተቀበልነው ከእምነት መንገድ እንስታለን፡፡

ሰይጣን ሃሳብን ወደ አእምሮው ልኮ በሰይጣን ሽንገላ የተሸነፈ ሰው የሰይጣንን ማስፈራሪያ ፈርቶ ከመንገዱ ይመለሳል፡፡ በሰይጣን ሽንገላ የተታለለ ሰው በኑሮ ፍርሃት እግዚአብሄርን ከማገልገል ይመለሳል፡፡

የዚህም ዓለም አሳብና የባለጠግነት ማታለል የሌላውም ነገር ምኞት ገብተው ቃሉን ያንቃሉ፥ የማያፈራም ይሆናል። ማርቆስ 4፡19

በሰይጣን የሃጢያት ሽንገላ የተታለለ ሰው ለእግዚአብሄር በቅድስና መኖር አይቻልም ብሎ ተስፋ ይቆርጣል፡፡ በሰይጣን ሽንገላ የተሸነፈ ሰው አለምን ማሸነፍ አይቻልም ብሎ ለአለም አሰራር እጅ ይሰጣል፡፡

ዓለምን ወይም በዓለም ያሉትን አትውደዱ፤ በዓለም ያለው ሁሉ እርሱም የሥጋ ምኞትና የዓይን አምሮት ስለ ገንዘብም መመካት ከዓለም ስለ ሆነ እንጂ ከአባት ስላልሆነ፥ ማንም ዓለምን ቢወድ የአባት ፍቅር በእርሱ ውስጥ የለም። 1ኛ ዮሐንስ 2፡15-16

ሰይጣን ስልጣኑ ስለተገፈፈ ብቸኛው መሳሪያው ማታለል ነው፡፡ ሰይጣን ካታለለን ክፋት ያሰራናል፡፡ ሽንገላውን ከተቃወምን እግዘኢአብሄርን አገልግለን እናልፋለን፡፡

ስለዚህ ነው መፅሃፍ ቅዱስ ከማታለሉ እንድንጠበቅ የሚመክረን፡፡ ከማታለሉ የምንጠበቀው የእግዚአብሄርን ቃል ስንረዳ ብቻ ነው፡፡ ከሰይጣን ማታለል የምንጠበቀው በእግዚአብሄር ጥበብ ብቻ ነው፡፡

የዲያብሎስን ሽንገላ ትቃወሙ ዘንድ እንዲቻላችሁ የእግዚአብሔርን ዕቃ ጦር ሁሉ ልበሱ። ኤፌሶን 6፡11

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ሰይጣን #ዲያብሎስን #ሽንገላ #ሃሳብ #አእምሮ #አማርኛ #ስብከት #መዳን #መፅሃፍቅዱስ #ብፅእና  #አቢይ #አቢይዋቁማ #አቢይዋቁማዲንሳ

የልጅነትን ስልጣን መረዳት

police-clip-art-1194984609285255522police_man_ganson.svg.med.pngሰው ሲፈጠር በእግዚአብሄር ክብር ነው የተፈጠረው፡፡ ሰው ሲፈጠር በእግዚአብሄር መልክና አምሳል ነው የተፈጠረው፡፡ ሰው በሃጢያት ምክኒያት ስልጣኑን ለሰይጣን አሳልፎ ሰጥቶ ነበር፡፡ ኢየሱስ የሃጢያታችንን እዳ በመስቀል ላይ በመሞት ለመክፈል ወደ ምድር መጣ፡፡

ኢየሱስ የሞተውና ከሙታን የተነሳው ስለእኔ ሃጢያት ነው ብሎ ኢየሱስን እንደ አዳኙና የህይወቱ ጌታ አድርጎ የሚቀበለውን ማንኛውም ሰው እግዚአብሄር ልጅ አድርጎ ወደ ቤተሰቡ ይቀበለዋል፡፡ የልጅነት ስልጣኑን ይመልስለታል፡፡

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሐንስ 1፡12

ግን የእግዚአብሄ ልጅነት ስልጣን ምንድነው?

  1. የእግዚአብሄር ልጅነት ስልጣን ከእግዚአብሄር ጋር ለዘላለም የመኖር ስልጣን ነው፡፡

ሃጢያት የሰውን ልጅ ከእግዚአብሄር ተልይቶዋል፡፡ የሃጢያት ደሞዝ ሞት በመሆኑ ሰው ከእግዚአብሄር ለዘላለም ተለይቶዋል፡፡ የሰው ልጅ ሁሉ በሃጢያት ውጤት በዘላለም ሞት ፍርድ ስር ወድቆዋል፡፡ ኢየሱስን የተቀበለ ሰው እግዚአብሄር ስለሚቀበለው ለዘላለም ከእግዚአብሄር ጋር የመኖር ስልጣን አለው፡፡

በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ዮሃንሰ 3፡16

  1. የእግዚአብሄር ልጅነት ስልጣን የእግዚአብሄር መኖሪያ የመሆን ስልጣን ነው፡፡

 

ኢየሱስን በተቀበለ ሰው ውስጥ እግዚአብሄር ይኖራል፡፡ ኢየሱስን የሚከተለ ሰው መንፈስ ቅዱስ ቤተመቅደስ ነው፡፡

 

የእግዚአብሔር ቤተ መቅደስ እንደ ሆናችሁ የእግዚአብሔርም መንፈስ እንዲኖርባችሁ አታውቁምን? 1ኛ ቆሮንቶስ 3፡16

 

  1. የእግዚአብሄር ልጅነት ስልጣን የመንፈሱን መያዣ የመቀበያ ስልጣን ነው፡፡

 

ሰው አንድ እቃ ለመግዛት ፈልጎ ገንዘብ ቢጎድለው እቃውን መግዛት እንደሚፈልግ ማረጋገጫ ቀብድ ይከፍላል፡፡ ቀብድ የከፈለው ሰው እያለ እቃው ለሌላ ሰው አይሸጥም፡፡ ያን ቀብድ የከፈለ ሰው ሌላ ጊዜ መጥቶ የቀረውን ዋጋ ሲከፍል እቃው የእርሱ ይሆናል፡፡

 

ነገር ግን ለዚሁ የሠራን እግዚአብሔር ነው እርሱም የመንፈሱን መያዣ ሰጠን። 2ኛ ቆሮንቶስ 5፡5

 

እንዲሁንም እኛ የእግዚአብሄር መሆናንችንን ደግሞም በመጨረሻው ዘመን እግዚአብሄር ጠቅልሎ የራሱ እንደሚያደርገንም ማረጋገጫ መንፈሱን እንደቅድሚያ ክፍያ ቀብድ ሰጭጥቶናል፡፡ የእግዚአብሄ ልጅ የሆነ ሰው የቤተሰቡ መንፈስ መንፈስ ቅዱስን የመሞላት ስልጣን አለው፡፡

 

  1. ለሚበላና ለሚጠጣ ከመጨነቅ በላይ እንድንኖር ስልጣን ተሰጥቶናል

 

እግዚአብሄር  አባታችን ነው፡፡ አባታችን እግዚአብሄ ከእኛ የሚፈልገው የእግዚአብሄርን መንግስትና ፅድቁን እንድንፈልግ ነው፡፡ አህዛብ የሚፈልጉትን እንዳንፈልግ ስልጣን ተሰጥቶናል፡፡ እኛ እንድንፈልግ የታዘዝነው የእግዘኢአብሄርን ፅድቅና መንግስቱን ነው፡፡ ሌላው እንዲጨመርልን ስልጣን ተሰጥቶናል፡፡

 

  1. በእግዚአብሄር ልጅነታችን በሃጢያት ላይ ስለጣን ተሰጥቶናል

 

የእግዚአብሄር ልጆች ከሆንን በኋላ ሃጢያት አይገዛንም፡፡ ኢየሱስ በመስቀል ላይ ሲሞት የሃጢያተኛ ስጋችንን በመስቀል ላይ ሰቅሎታል፡፡ ስለዚህ አሁን ከሃጢያት ሃይል ነፃ ወጥተናል፡፡ በሃጢያት ላይ ሃይል ተሰጥቶናል፡፡

 

ኃጢአት አይገዛችሁምና፤ ከጸጋ በታች እንጂ ከሕግ በታች አይደላችሁምና። ሮሜ 6፡14

 

  1. በሰይጣል ላይ የእግዚአብሄር ልጅነት ስልጣን አለን

 

ኢየሱስ በምድር ላይ ሰይጣንን ድል ነስቶታል፡፡ ኢየሱስ ሰይጣንን ድል የነሳው በእኛ ምትክ ለእኛ ነው፡፡

 

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15

 

እንዲህም አላቸው ሰይጣንን እንደ መብረቅ ከሰማይ ሲወድቅ አየሁ። እነሆ፥ እባቡንና ጊንጡን ትረግጡ ዘንድ፥ በጠላትም ኃይል ሁሉ ላይ ሥልጣን ሰጥቻችኋለሁ፥ የሚጐዳችሁም ምንም የለም። ሉቃስ 10፡18-19

 

  1. የእግዚአብሄር ልጅነት ስልጣን ከሁኔታዎች በላይ እንድኖር የሚያስችል ታላቅ ስልጣን ነው፡፡

 

እግዚአብሄር በህይወታችን ካስቀመጠው አላማ ሊያደናቅፈን በሚመጣ በማንኛውም ሁኔታ ላይ ስልጣን ተሰጥቶናል፡፡

 

በዚህ ሁሉ ግን በወደደን በእርሱ ከአሸናፊዎች እንበልጣለን። ሞት ቢሆን፥ ሕይወትም ቢሆን፥ መላእክትም ቢሆኑ፥ ግዛትም ቢሆን፥ ያለውም ቢሆን፥ የሚመጣውም ቢሆን፥ ኃይላትም ቢሆኑ፥ ከፍታም ቢሆን፥ ዝቅታም ቢሆን፥ ልዩ ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቼአለሁ።  ሮሜ ሰዎች 8፡37-39

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #ስልጣን #አማርኛ #ስብከት #መዳን #መፅሃፍቅዱስ #ብፅእና #እምነት #ሃይል #ልጅነት #አቢይ #አቢይዋቁማ #አቢይዋቁማዲንሳ

አቤት ውሸት?

publication1የጠላት ዲያቢሎስ አላማ ከመስረቅ ከማረድና ከማጥፋት አይዘልም፡፡ ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ። ዮሐንስ 10፡10

የህይወት ጠላት የሆነው ሰይጣን ዲያቢሎስ ከሚታወቅባቸው ስሞቹ አንዱ የውሸት አባት የሚለው ይገኝበታል፡፡ ሰይጣን ይዋሻል፡፡ ሰይጣን በኢየሱስ ክርስቶስ በመስቀል ላይ ስለተሸነፈና ስልጣኑን ስለአጣ አሁን የቀረው መሳሪያ መዋሸትና ማታለል ብቻ ነው፡፡

እናንተ ከአባታችሁ ከዲያብሎስ ናችሁ የአባታችሁንም ምኞት ልታደርጉ ትወዳላችሁ። እርሱ ከመጀመሪያ ነፍሰ ገዳይ ነበረ፤ እውነትም በእርሱ ስለ ሌለ በእውነት አልቆመም። ሐሰትን ሲናገር ከራሱ ይናገራል፥ ሐሰተኛ የሐሰትም አባት ነውና። ዮሐንስ 8፡44

በእግዚአብሔር ቅንዓት እቀናላችኋለሁና፥ እንደ ንጽሕት ድንግል እናንተን ለክርስቶስ ላቀርብ ለአንድ ወንድ አጭቻችኋለሁና፤ ነገር ግን እባብ በተንኮሉ ሔዋንን እንዳሳታት፥ አሳባችሁ ተበላሽቶ ለክርስቶስ ከሚሆን ቅንነትና ንጽሕና ምናልባት እንዳይለወጥ ብዬ እፈራለሁ። 2ኛ ቆሮንቶስ 11፡2-3

ሰይጣን የሚዋሸው በእግዚአብሄር ቃል ላይ ነው፡፡ የእግዚአብሄር ቃል በውስጣችን ከሌለ ሊያሳስተን ሁሌ ይመጣል፡፡ ሰዎች ይህን የሰይጣንን ውሸት ሲያምኑ በዚህም ህይወታቸው ሲበላሽ እናያለን፡፡ ሰይጣን እንዴት እንደሚዋሽ እንመልከት

  • · እየጠፋህ ነው ዋጋ የለህም ትወድቃለህ ካለህ የሰይጣን ማታለል መሆኑን አውቀህ በእግዚአብሄር ቃል ፀንተህ ተቃወመው፡፡ ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም። ኤርምያስ 29፡11

የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። ምሳሌ 4፡18

  • · ሰይጣን በሃጢያት ውስጥ ደስታ ይገኛል አለምህን ቅጭ እንጂ ለምን ጊዜ ያልፍብሃል? ካለ ሰይጣን እየዋሸህ ነው፡፡ በአለም የቀረብህ ነገር ቢኖር አሳፋሪ ፣ ፍሬቢስና መጨረሻው ሞት የሆነ ነገር ብቻ ነው፡፡

እንግዲህ ዛሬ ከምታፍሩበት ነገር ያን ጊዜ ምን ፍሬ ነበራችሁ? የዚህ ነገር መጨረሻው ሞት ነውና። ሮሜ 6፡21

ከግብፅም ብዙ ገንዘብ ይልቅ ስለ ክርስቶስ መነቀፍ እጅግ የሚበልጥ ባለ ጠግነት እንዲሆን አስቦአልና ለጊዜው በኃጢአት ከሚገኝ ደስታ ይልቅ ከእግዚአብሔር ሕዝብ ጋር መከራ መቀበልን መረጠ፤ ብድራቱን ትኵር ብሎ ተመልክቶአልና። ዕብራውያን 11፡25-26

  • · ሃብታም የሆነው ሰው ሁሉ ሃብት ያገኘው በማጭበርበር ነው ካለ አንተም ካላጭበረበርክ መበልፀግ አትችልም ስለዚህ አጭበርብር እያለህ ነው፡፡ ይህ የሰይጣን ድምፅ ነው፡፡ ሰው በታማኝነት በእግዚአብሄር ሊበለፅግ ይችላል፡፡

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። ምሳሌ 28፡20

  • · እግዚአብሄር ለአንተ ግድ የለውም እራስህን አድን ፡፡ እግዚአብሄርን አትጠብቅ የራስህን መንገድ ሂድ የሚለው ድምፅ የሰይጣን ድምፅ ነው፡፡ ሰይጣን ሄዋንንም ተመሳሳይ ነገር ብሎዋት ነበር፡፡

እርሱ ስለ እናንተ ያስባልና የሚያስጨንቃችሁን ሁሉ በእርሱ ላይ ጣሉት። 1ኛ ጴጥሮስ 5፡7

  • · ማንንም አታገልግል ሰዎች ይጠቀሙብሃል ፡፡ ስለዚህ ከቤተክርስቲያን ሽሽ አምልጥ የሚልህ ሰይጣን ሲሆን ለምታገለግለው ለእግዚአብሄር ያለህን አመለካከት እያበላሸ ነው፡፡

አንድ መክሊትም የተቀበለው ደግሞ ቀርቦ፦ ጌታ ሆይ፥ ካልዘራህባት የምታጭድ ካልበተንህባትም የምትሰበስብ ጨካኝ ሰው መሆንህን አውቃለሁ፤ ፈራሁም ሄጄም መክሊትህን በምድር ቀበርሁት፤ እነሆ፥ መክሊትህ አለህ አለ። ጌታውም መልሶ እንዲህ አለው፦ አንተ ክፉና ሃኬተኛ ባሪያ፥ ካልዘራሁባት እንዳጭድ ካልበተንሁባትም እንድሰበስብ ታውቃለህን? ማቴዎስ 25፡24-26

  • · ሌላው ሰው አያስፈልግህም አንተ ብቻ በቂ ነህ ከአለህ ሰይጣን በትእቢት ሊጥልህ እያናገረህ ነው፡፡

እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ። ሮሜ 12፡3

  • · ካልተጨነቅህ ጤነኛ ሰው አይደለህም፡፡ አለመጨነቅ አይቻልም የሚለው የጠላት ድምፅ ነው፡፡ አንተ በቂ ጭንቀት አለህ እግዚአብሄርን ማምለክና ማገልገል የምትለውን ነገር ትተህ ለኑሮህ በመጨነቅ ህይወትህን ግፋ የሚለው ሰይጣን ዲያቢሎስ ነው፡፡

እንግዲህ፦ ምን እንበላለን? ምንስ እንጠጣለን? ምንስ እንለብሳለን? ብላችሁ አትጨነቁ፤ ይህንስ ሁሉ አሕዛብ ይፈልጋሉ፤ ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል። ማቴዎስ 6፡31-33

  • · አንተ ምስኪን ነህ ለእግዚአብሄር የምትሰጠው ምንም ነገር የለህም የሚለው ሰይጣን ለብዙዎች በረከት እንዳትሆን ሊያደርግ ነው፡፡

ለዘሪ ዘርን ለመብላትም እንጀራን በብዙ የሚሰጥ እርሱም የምትዘሩትን ዘር ይሰጣችኋል ያበረክትላችሁማል፥ የጽድቃችሁንም ፍሬ ያሳድጋል፤ 2ኛ ቆሮንቶስ 9፡10

  • · ለማንም ቤተክርስቲያን አትገዛ ፣ በየትኛውም ስልጣን ስር አትሁን ፣ በግልህ ኑር አገልግል ካለህ ሰይጣን ነው፡፡

እንዲሁም፥ ጐበዞች ሆይ፥ ለሽማግሌዎች ተገዙ፤ ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ፥ እግዚአብሔር ትዕቢተኞችን ይቃወማልና፥ ለትሑታን ግን ጸጋን ይሰጣል። 1ኛ ጴጥሮስ 5፡5

  • · አንተ ብቻ ነህ በመከራ ውስጥ የምታልፈው ካለአንተ በስተቀር ሰው ሁሉ ኑሮ ቀሎለት እየኖረ ነው ካለህ ይህ ንግግር ከሰይጣን እንደሆነ እወቅበት፡፡ ሰይጣን ሁሉም ሰው ጋር እየሄደ እንደዚያ ነው የሚለው፡፡

በመጠን ኑሩ ንቁም፥ ባላጋራችሁ ዲያብሎስ የሚውጠውን ፈልጎ እንደሚያገሣ አንበሳ ይዞራልና፤ በዓለም ያሉት ወንድሞቻችሁ ያን መከራ በሙሉ እንዲቀበሉ እያወቃችሁ በእምነት ጸንታችሁ ተቃወሙት። 1ኛ ጴጥሮስ 5፡8-9

  • · አንተ በሃጢያት ከመውደቅ አልፈሃል ምንም መጠንቀቅ የለብህም ካለህ ይህ ሃሳብ ከሰይጣን ነው፡፡

ስለዚህ እንደ ቆመ የሚመስለው እንዳይወድቅ ይጠንቀቅ። 1ኛ ቆሮንቶስ 10፡12

  • · በእኔ ላይ የደረሰው ከምችለው ከአቅሜ በላይ ነው፡፡ ከዚህ የምወጣበት ምንም መንገድ የለም ካልክ የሰይጣንን ንግግር አምነሃል ማለት ነው፡፡

ለሰው ሁሉ ከሚሆነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል። 1ኛ ቆሮንቶስ 10፡13

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ውሸት #ሀሰት #ሰይጣን #ዲያቢሎስ #ጠላት #ማታለል #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ማንም ያለው ነገር እንዲደረግለት ቢያምን

mountainኢየሱስም መልሶ እንዲህ አላቸው፦ በእግዚአብሔር እመኑ። እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ፦ ተነቅለህ ወደ ባሕር ተወርወር ቢል ይሆንለታል። ማርቆስ ወንጌል 11፡22-23
መፅሃፍ ቅዱሳችንን ስናጠና በጣም የሚያስደንቀንና የሚያስገርመን ነገር በእግዚአብሄር ዘንድ ያለን ቦታ እጅግ የከበረ እንደሆና እኛ ራሳችንን እንደምናየው እግዚአብሄር እኛን እነደማያየን ነው፡፡ እኛ በእግዚአብሄር ዘንድ ያለንን ቦታ በትክክል የሚያሳየን የእግዚአብሄር ቃል ብቻ ነው፡፡
በእግዚአብሄር ዘንድ ያለንን ስልጣን የምንጠቀምበት በመናገር እንደሆነ ኢየሱስ ያስተምራል፡፡ በክርስቶስ የዳነ ሰው ቃል ስልጣን አለው፡፡ በክርስቶስ ያለ ሰው በቃሉ ያለው ስልጣን አስደናቂ ነው፡፡
ማንም ያለው እንዲደረግለት በማለት በእግዚአብሄር ዘንድ ያለን የልጅነት ስልጣንና ቦታ እጅግ ልዩ እንደሆነና መፅሃፍ ቅዱስ ያስተምራል፡፡ ማንኛውም ነገር ንግግራችንን እንደሚያከብርና ለቃላችን እንደሚገዛ ኢየሱስ በዚህ ጥቅስ ላይ ያስተምራል፡፡ ንግግራችን ግን የእምነት ንግግር መሆን እንዳለበት መፅሃፍ ቅዱስ ያስተምራል፡፡ የእምነት ንግግራችን ተራራን መንቀል የሚችል ጉልበት አለው፡፡
ንግግራችን ሁኔታችንን የመለወጥ ውጤት እንዳያመጣ የሚያደርገው የልብ ጥርጥር እንደሆነም ይነግረናል፡፡ ንግግራችን በልብ ጥርጥር ከሆነ አይሰራም፡፡ ቃላችን ግን በልብ በእምነትና ጥርጥር የሌለበት ከሆነ ንግግራችን ነገራችንን ይለውጣል፡፡ ነገራችን ቃላችንን ከመታዘዝ ውጭ ሌላ አማራጭ የለውም፡፡
ስለ ሁኔታችን የማንጠራጠረው ደግሞ እምነት ሲኖረን ነው፡፡ እምነት ደግሞ የሚመጣው የእግዚአብሄር ቃል ከመስማት ነው፡፡
እንግዲያስ እምነት ከመስማት ነው መስማትም በእግዚአብሔር ቃል ነው። ሮሜ 10፡17
ስለምናገረውን ነገር እምነት የሚኖረን የእግዚአብሄር ቃል ስለሁኔታው ምን እንደሚል ፈልገን ስናገኝ ነው፡፡ ስለሁኔታችን ከእግዚአብሄር ቃል የእግዚአብሄርን ፈቃድ ካገኘን እምነት ይኖረናል፡፡ በእምነት የምንናገረው ነገር ደግሞ ሁኔታችንን ይለውጣል፡፡
ይህን ፅሁፍ ለሌሎች ሼር share ያድርጉ!
#ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #ልብ #እምነት #ምሪት #ድምፅ #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ሙሉ ስልጣን ተሰጥቶናል

trafic_policeኢየሱስም ቀረበና እንዲህ ብሎ ተናገራቸው፦ ሥልጣን ሁሉ በሰማይና በምድር ተሰጠኝ። እንግዲህ ሂዱና . . . ማቴዎስ 28፡18
በመጀመሪያ ሰው ከሙሉ ስልጣን ጋር ተፈጥሮ ነበር፡፡ እግዚአብሔርም ባረካቸው፥ እንዲህም አላቸው፦ ብዙ፥ ተባዙ፥ ምድርንም ሙሉአት፥ ግዙአትም፤ የባሕርን ዓሦችና የሰማይን ወፎች በምድር ላይ የሚንቀሳቀሱትንም ሁሉ ግዙአቸው። ዘፍጥረት 1፡28
ሰው በሃጢያት እግዚአብሄር ላይ በማመፁ ስልጣኑን ሙሉ ለሙሉ አጣው፡፡ እግዚአብሄር የሰጠውን ስልጣን ባለመታዘዝ ምክኒያት ለሰይጣን አሳልፎ ሰጠ፡፡ ስለዚህ ነው ሰይጣን የዚህ አለም ገዢ ተብሎ የተጠቀሰው ፡፡
ለእነርሱም የእግዚአብሔር ምሳሌ የሆነ የክርስቶስ የክብሩ ወንጌል ብርሃን እንዳያበራላቸው፥ የዚህ ዓለም አምላክ የማያምኑትን አሳብ አሳወረ። 2ኛ ቆሮንቶስ 4፡4
ኢየሱስ ወደዚህ ምድር የመጣበት ዋነኛው አላማ የዲያቢሎስን ስራ ሊያፈርስና ሰው ለሰይጣን አሳልፎ የሰጠውን ስልጣን መመለስ ነው፡፡ ኢየሱስ የሰውን ስጋ ለብሶ ወደምድር የመጣውና ሰይጣንን ድል የነሳው ለራሱ ሳይሆን ለእኛ ነው፡፡ ኢየሱስ ሰይጣንን ያሸነፈው በእኛ ምትክ ሆኖ ለእኛ ነው፡፡
አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15
አሁንም ሰው ኢየሱስን እንደ አዳኝና ጌታው ሲቀበለው የልጅነት ስልጣኑ ይመለሳል፡፡
ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ ዮሃንስ 1፡12
የእግዚአብሄር ልጅ የሆነ ሰው ሁሉ ሰይጣንን መቃወም ይችላል፡፡ በሰይጣን ላይ ሙሉ ስልጣን ስላለን ስንቃወመው መሸሽ እንጂ ምንም ማድረግ አይችልም፡፡
እንግዲህ ለእግዚአብሔር ተገዙ፤ ዲያብሎስን ግን ተቃወሙ ከእናንተም ይሸሻል፤ ያዕቆብ 4፡7
ይህን ፅሁፍ ለሌሎች ሼር share ማድረግ ቢወዱ
ለተጨማሪ ፅሁፎች https://www.facebook.com/abiy.wakuma/notes
#ኢየሱስ #ጌታ #ስልጣን #ሃይል #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ሃይለኛ #ጩኽ #በረከት #ትግስት #መሪ
%d bloggers like this: