Category Archives: 2nd coming

666 እና የመጨረሻው

6666.jpgየምንኖረው በመጨረሻ ዘመን ውስጥ ነው፡፡ ኢየሱስ ባልታሰበና ባልተገመተ ሰአት ድንገት እንደሌባ ይመጣል፡፡

ወንድሞች ሆይ፥ ስለ ዘመናትና ስለ ወራት ምንም እንዲጻፍላችሁ አያስፈልጋችሁም፤ የጌታ ቀን፥ ሌባ በሌሊት እንደሚመጣ፥ እንዲሁ ይመጣ ዘንድ ራሳችሁ አጥብቃችሁ አውቃችኋልና። 1ኛ ተሰሎንቄ 5፡1-2

ስለዚህ ለመጨረሻው ዘመን ጥያቄዎች ቁልፉ መዘጋጀትና መዘጋጀት ብቻ ነው፡፡ ከተዘጋጀን እንወሰዳለን ካልተዘጋጀን አንወሰድም፡፡ ስለዚህ ነው የእግዚአብሄር ሰው ማርቲን ሉተር ኢየሱስ ትላንት እንደሞተ ነገ ተመልሶ እንምደሚመጣ አድርጋችሁ ሁል ጊዜ ተዘጋጅታችሁ ኑሩ ያለው፡፡

ሰዎች ኢየሱስ ይመጣል ብለው ኑሮ አቁመው ኢየሱስን ይጠብቁ በነበረበት በጳውሎስም ዘመን ሐዋሪያው ጳውሎስ በወሬ አትናወጡ  እያለ ኢየሱስ እንደ ድንገት ቢመጣም ግን ያልተፈፀሙ ትንቢቶች እንደነበሩና እሰከዚያም በትጋት የጌታን ስራ መሰራት እንዳለባቸው ይመክራቸዋል፡፡

በመልእክት፦ የጌታ ቀን ደርሶአል ብላችሁ፥ ከአእምሮአችሁ ቶሎ እንዳትናወጡ እንዳትደነግጡም እንለምናችኋለን። 2ኛ ተሰሎንቄ 2፡1-2

አሁንም በዚህ ዘመን ኢየሱስ የመምጫውን ትክክለኛ ጊዜ ለማወቅ ሰዎች ዘመንን ይመረምራሉ፡፡ በሚያዩዋቸውም ምልክቶች ሲናወጡ ይታያል፡፡

ኢየሱስ ግን ስለዚያች ሰዓት የሚያውቅ ሰው የለም ብሎዋል፡፡

ስለዚያች ቀን ወይም ስለዚያች ሰዓት ግን የሰማይ መላእክትም ቢሆኑ ልጅም ቢሆን ከአባት በቀር የሚያውቅ የለም። ማርቆስ 13፡32

የኢየሱስ መምጫውን ትክክለኛ ጊዜ ለመለየት ሰዎች በአለም ላይ የሚሆኑትን ነገሮች ለመተንተን ይሞክራሉ፡፡ በተለይ 666 ምልክትን በተመለከተ ብዙ ፍርሃትና መደናገጥ መናወጥ እንዳለ በተለያዩ ፅሁፎች መረዳት ይቻላል፡፡

በተለይ በባንክ ካርዳችን ላይ ስላለው የማግኔት ከቴክኖሎጂና በአካል ውስጥ ይቀበራል ስለሚባለው ቺፕስ የ 666 መንገድ ነው ተብሎ በመታመኑ ብዙ ፍርሃትና መናወጥ ይታያል፡፡

መፅሃፍ ቅዱስ ግን በተለይ ስለ 666 ምን እንደሚል አምስቱን ዋና ዋና ሃሳቦች እንመልከት፡፡

ታናናሾችና ታላላቆችም ባለ ጠጋዎችና ድሆችም ጌታዎችና ባሪያዎችም ሁሉ በቀኝ እጃቸው ወይም በግምባራቸው ምልክትን እንዲቀበሉ፥ የአውሬውም ስም ወይም የስሙ ቍጥር ያለው ምልክት የሌለበት ማንም ሊገዛ ወይም ሊሸጥ እንዳይችል ያደርጋል። ጥበብ በዚህ አለ። አእምሮ ያለው የአውሬውን ቍጥር ይቍጠረው፤ ቍጥሩ የሰው ቍጥር ነውና፥ ቍጥሩም ስድስት መቶ ስድሳ ስድስት ነው። ራእይ 13፡16-18

  1. የአውሬው ምልክት ስድስት መቶ ስድሳ ስድስት ነው፡፡

የአውሬው ምልክት አወዛጋቢ ምልክት አይደለም፡፡ የአውሬው ምልክት ሰዎች በተለያየ ጊዜ ይህ ምልክታቸው ነው ያ ምልክታቸው ነው ብለው እንደሚናገሩት ብዙ አይነት ምልክት አይደለም፡፡ የአውሬው ምልክት ሚስጥራዊ በብዙ ማባዛትና ማካፈል የሚገኝ ውስብስብ ቁጥር አይደለም፡፡ የአውሬው ቁጥር የማይታወቅ ለመረዳት እጅግ አስቸጋሪ የሚስጠር ቁጥር አይደለም፡፡ የአውሬው ቁጥር የሚገመት ያለጠራ አወዛጋቢ ቁጥር አይደለም፡፡ የአውሬው ቁጥር የተደበቀ ረቂቅ ቁጥር አይደለም፡፡ የአውሬው ቁጥር የሰው ቁጥር ነው፡፡ የአውሬው ቁጥር ስድስት መቶ ስድሳ ስድስት ነው፡፡

  1. ይህ ምልክት በግንባር ወይው በቀኝ እጅ ላይ የሚታይ ምልክት ነው፡፡

ይህ ቁጥር በሚስጥር የሚያዝ የምስጢራዊ ቡድን መለያ አይደለም፡፡ ይህ ቁጥር በግልፅ የሚታይ ቁጥር ነው፡፡ ለምሳሌ ገንዘብን ሁሉም ሰው እንደሚያውቀውና ሁሉም ሰው ቆጥሮና ተማምኖ በግልፅ እንደሚገበያይበት ይህም ቁጥር ግልፅ ቁጥር ነው፡፡ ቁጥሩ ግልፅ ቁጥር ካይደለ በመፅሃፍ ቅዱስ ላይ የተፃፈው የክፋት ቁጥር አይደለም፡፡ ቁጥሩ ሰው ሁሉ ሊያይ በሚችልበት ሁኔታ ግንባር ላይ ወይም ደግሞ ቀኝ እጅ ላይ በግልፅ የሚታይ ነው፡፡

  1. ይህን ምልክት የሌለው ሰው መገበያየት አይችልም፡፡

ይህ ቁጥር የሌለው ሰው መገበያየት አይችልም፡፡ ይህ ቁጥር የማጌጫ ወይም የመዘነጫ ቁጥር አይደለም፡፡ ብር ህጋዊ የመገበያያ ገንዘብ እንደሆነና ሰዎች በብር ካልሆነ እንደማይገበያዩ ሁሉ ይህ ቁጥር በስራ ላይ ከዋለ ከምሮ ያንን ቁጥር በግንባሩ ወይም በእጁ ላይ ያልያዘ አይገዛም አይሸጥም፡፡

ይህን ቁጥር የተሸናፊዎች እና የተከታዮቻቸው ቁጥር ነው፡፡

  1. ሰይጣን የአውሬውን ቁጥር 666 አይጠብቅም

ሰይጣን በኢየሱስ የመስቀል ስራ ሙሉ ለሙሉ በመሸነፉ የተነሳ አሁን የሚጠቀመው የቀረውን ማታለል ብቻ ነው፡፡ ሰይጣን የአውሬውን 666 አይጠብቅም፡፡ ሰይጣን በክርስቶስ ያለሆኑትን ሁሉ እየገዛ ነው፡፡

በበደላችሁና በኃጢአታችሁ ሙታን ነበራችሁ፤ በእነርሱም፥ በዚህ ዓለም እንዳለው ኑሮ፥ በማይታዘዙትም ልጆች ላይ አሁን ለሚሠራው መንፈስ አለቃ እንደ ሆነው በአየር ላይ ሥልጣን እንዳለው አለቃ ፈቃድ፥ በፊት ተመላለሳችሁባቸው። ኤፌሶን 2፡1-2

ሰይጣን በክርስቶስ የሆኑት ካለ እውቀት ከፈቀዱለት ያታልላቸዋል፡፡ ሰይጣን በጌታ የሆኑትን የሚያገኝበት ብቸኛው መንገድ ማታለል ነው፡፡ የእግዚአብሄርን ቃል ያልተረዱትን ክርስትያኖች በማታለል እንደ አለማዊ እንዲኖሩ ያደረጋቸዋል፡፡ ክርስትያን በመታለል ካልፈቀደለት በስተቀር ሰይጣን ምንም ማድርግ አይችለም፡፡

እንዲህም አላቸው ሰይጣንን እንደ መብረቅ ከሰማይ ሲወድቅ አየሁ። እነሆ፥ እባቡንና ጊንጡን ትረግጡ ዘንድ፥ በጠላትም ኃይል ሁሉ ላይ ሥልጣን ሰጥቻችኋለሁ፥ የሚጐዳችሁም ምንም የለም። ሉቃስ 10፡18-19

የክርስቶስ ተከታዮች በእግዚአብሄር ቃል እውቀት ማነስ ካልተታለልን በስተቀር በዲያቢሎስ ግዛት ውስጥ አይደለንም ሰይጣን ሊገዛን አይችልም፡፡ ስለዚህ ነው መፅሃፍ ቅዱስ ለዲያብሎስም ፈንታ አትስጡት የሚለው፡፡

በቁጣችሁ ላይ ፀሐይ አይግባ፥ ለዲያብሎስም ፈንታ አትስጡት። ኤፌሶን 4፡27

  1. ሰይጣን የተሸነፈ ጠላት ነው፡፡

ሰይጣን የተሸነፈ ጠላት ነው፡፡ ሰይጣን የመጨረሻ ፍርዱን እየጠበቀ ያለ መጨረሻው ጥፋት መሆኑ የታወቀ ተስፋ የሌለው ፍጡር ነው፡፡ 666 ይምጣም አይምጣም የክርስቶስ ተከታዮች አሸናፊዎ ናቸው፡፡ ኢየሱስ ስለእኛ ሰይጣንን በሞቱ ድል ነስቶታል፡፡

አለቅነትንና ሥልጣናትን ገፎ፥ ድል በመንሣት በእርሱ እያዞራቸው በግልጥ አሳያቸው። ቆላስይስ 2፡15

ወደ ውድድሩ የምንገባው ማሸነፋችንን አውቀን ነው ፡፡ እድላችን የታወቀ ነው፡፡ እንደምናሸንፍ የታወቀ ነው፡፡ የትንቢቱ መፈፀም የሚያበረታታን እንጂ እኛን ሊያናውጠን የሚችል ምንም አዲስ ነገር የለም፡፡

ስለ ፍርድም፥ የዚህ ዓለም ገዥ ስለ ተፈረደበት ነው። ዮሃንስ 16፡11

ከእግዚአብሔር የተወለደ ሁሉ ዓለምን ያሸንፋልና፤ ዓለምንም የሚያሸንፈው እምነታችን ነው። 1ኛ ዮሃንስ 5፡4

ነገር ግን፥ ወንድሞች ሆይ፥ ስለ ጌታችን ስለ ኢየሱስ ክርስቶስ መምጣትና ወደ እርሱ ስለ መሰብሰባችን፥ በመንፈስ ወይም በቃል ወይም ከእኛ እንደሚመጣ በመልእክት፦ የጌታ ቀን ደርሶአል ብላችሁ፥ ከአእምሮአችሁ ቶሎ እንዳትናወጡ እንዳትደነግጡም እንለምናችኋለን። 2ኛ ተሰሎንቄ 2፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #666 #ስድስትመቶስድሳስድስት #በግንባራቸው #በቀኝእጃቸው #የአውሬውምልክት #ክብር #ኢየሱስይመጣል #እንደሌባ #በድንገት #ዋጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

Advertisements

ጌታን ያዘገየው

preach111.jpgእግዚአብሄር ኢየሱስ በመስቀል ላይ እንዲሰቀልና የሰው ልጆችን የሃጢያት እዳ ሁሉ እንዲከፍል የላከው ሰዎች እንዳይጠፉና ለዘላለም ከእግዚአብሄር እንዳይለያይ ነው፡፡

መድኃኒታችንም ከዓመፅ ሁሉ እንዲቤዠን፥ መልካሙንም ለማድረግ የሚቀናውን ገንዘቡም የሚሆነውን ሕዝብ ለራሱ እንዲያነጻ፥ ስለ እኛ ነፍሱን ሰጥቶአል። ቲቶ 2፡14

እግዚአብሄር የሰዎችን ጥፋት አይወድም፡፡ እግዚአብሄር በሰዎች ላይ ያለው አላማ ፍቅር ነው፡፡

ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው። 1ኛ ጢሞቴዎስ 2፡3-4

ኢየሱስን ከመቀበላችን በፊት ኢየሱስ ተመልሶ ያለመጣው እኛ እንድድን ነው፡፡ ሁሉ ንስሃ እንዲገቡ ወዶ ይታገሳል፡፡

ለአንዳንዶች የሚዘገይ እንደሚመስላቸው ጌታ ስለ ተስፋ ቃሉ አይዘገይም፥ ነገር ግን ሁሉ ወደ ንስሐ እንዲደርሱ እንጂ ማንም እንዳይጠፋ ወዶ ስለ እናንተ ይታገሣል። 2ኛ ጴጥሮስ 3፡9

በአለም ላይ ያለነው ኢየሱስ በዘገየበት ጊዜ የመንግስቱን ወንጌል እንድንሰበክ ነው፡፡ ይህ ወንጌል ከተሰበከ በኋላ የአለም መጨረሻ ይሆናል፡፡

እናንተ ግን ከጨለማ ወደሚደነቅ ብርሃኑ የጠራችሁን የእርሱን በጎነት እንድትናገሩ የተመረጠ ትውልድ፥ የንጉሥ ካህናት፥ ቅዱስ ሕዝብ፥ ለርስቱ የተለየ ወገን ናችሁ፤ 1ኛ ጴጥሮስ 2፡9

ለአሕዛብም ሁሉ ምስክር እንዲሆን ይህ የመንግሥት ወንጌል በዓለም ሁሉ ይሰበካል፥ በዚያን ጊዜም መጨረሻው ይመጣል። ማቴዎስ 24፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #የእግዚአብሄርሃይል #መንፈስቅዱስ #ቃሉንመናገር #ኢየሱስይመጣል #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ኢየሱስ መምጫው እንደቀረበ እስካሁን ያወቅናቸው ወሳኝ ነገሮች

jesus coming.jpgኢየሱስ በቶሎ ተመልሶ እንደሚመጣ

እነሆ፥ በቶሎ እመጣለሁ፥ ለእያንዳንዱም እንደ ሥራው መጠን እከፍል ዘንድ ዋጋዬ ከእኔ ጋር አለ። ራእይ 22፡12

ኢየሱስ ተመልሶ የመጣው በድካም እንዳይደለ ፣ ኢየሱስ ተመልሶ የሚመጣው ስለሰው ልጆች ሊሞት እንዳይደለ ፣ ኢየሱስ ተመልሶ የሚመጣው በመስቀል ላይ ስለሰራልንን ስራ ምን እንዳደረግንና እንዴት እንደተቀበለንው ለማየት እና ለመፍረድ እንደሆነ

ሞቼም ነበርሁ እነሆም፥ ከዘላለም እስከ ዘላለም ድረስ ሕያው ነኝ፥ የሞትና የሲኦልም መክፈቻ አለኝ። ራእይ 1፡18

ኢየሱስ ተመልሶ የሚመጣው ሰዎች የእለት ተእለት ኑሮዋቸውን እየኖሩ ባለተጠበቀ ጊዜ እንደሆነ

የኖኅ ዘመን እንደ ነበረ የሰው ልጅ መምጣት እንዲሁ ይሆናልና። በዚያች ወራት ከጥፋት ውኃ በፊት፥ ኖኅ ወደ መርከብ እስከገባበት ቀን ድረስ፥ ሲበሉና ሲጠጡ ሲያገቡና ሲጋቡም እንደ ነበሩ፥ የጥፋት ውኃም መጥቶ ሁሉን እስከ ወሰደ ድረስ እንዳላወቁ፥ የሰው ልጅ መምጣት ደግሞ እንዲሁ ይሆናል። ማቴዎስ 24፡37-39

ኢየሱስ ተመልሶ የሚመጣው ሊከፍለን እንደሆነ

እነሆ፥ በቶሎ እመጣለሁ፥ ለእያንዳንዱም እንደ ሥራው መጠን እከፍል ዘንድ ዋጋዬ ከእኔ ጋር አለ። ራእይ 22፡12

ኢየሰስ ተመልሶ የሚመጣው እንደሌባ በድንገት እንደሆነ

ወንድሞች ሆይ፥ ስለ ዘመናትና ስለ ወራት ምንም እንዲጻፍላችሁ አያስፈልጋችሁም፤ የጌታ ቀን፥ ሌባ በሌሊት እንደሚመጣ፥ እንዲሁ ይመጣ ዘንድ ራሳችሁ አጥብቃችሁ አውቃችኋልና። 1ኛ ተሰሎንቄ 5፡1-2

ኢየሱስ እስካሁን ተመልሶ ያልመጣው ሁሉ ወደ ንስሐ እንዲደርሱ እንጂ ማንም እንዳይጠፋ ፈልጎ እንደሆነ

ለአንዳንዶች የሚዘገይ እንደሚመስላቸው ጌታ ስለ ተስፋ ቃሉ አይዘገይም፥ ነገር ግን ሁሉ ወደ ንስሐ እንዲደርሱ እንጂ ማንም እንዳይጠፋ ወዶ ስለ እናንተ ይታገሣል። 2ኛ ጴጥሮስ 3፡9

ኢየሱስ ተመልሶ የሚመጣው ሁሉም ሰዎች በሚያዪት ሁኔታ አንደሆነ

እነሆ፥ ከደመና ጋር ይመጣል፤ ዓይንም ሁሉ የወጉትም ያዩታል፥ የምድርም ወገኖች ሁሉ ስለ እርሱ ዋይ ዋይ ይላሉ። አዎን፥ አሜን። ራእይ 1፡7

ደግሞም፦ የገሊላ ሰዎች ሆይ፥ ወደ ሰማይ እየተመለከታችሁ ስለ ምን ቆማችኋል? ይህ ከእናንተ ወደ ሰማይ የወጣው ኢየሱስ ወደ ሰማይ ሲሄድ እንዳያችሁት፥ እንዲሁ ይመጣል አሉአቸው። ሐዋርያት 1፡11

ኢየሱስ ተመልሶ መምጣቱ ለማያምኑት እጀግ አስፈሪ እንደሆነ

በዚያን ጊዜ ተራራዎችን፦ በላያችን ውደቁ፥ ኮረብቶችንም፦ ሰውሩን ይሉ ዘንድ ይጀምራሉ፤ ሉቃስ 23፡30

ኢየሱስ ተመልሶ የሚመጣባትን ቀን ማንም እንደማያውቅ

ስለዚያች ቀንና ስለዚያች ሰዓት ግን ከአባት ብቻ በቀር የሰማይ መላእክትም ቢሆኑ ልጅም ቢሆን የሚያውቅ የለም። ማቴዎስ 24፡36

ኢየሱስ ተመልሶ ስለመምጣቱ ማድረግ የምንችለው ብቸኛ ነገር በየእለቱ መዘጋጀት እንደሆነ

ከእንቅልፍ የምትነሡበት ሰዓት አሁን እንደ ደረሰ ዘመኑን እወቁ፤ ካመንንበት ጊዜ ይልቅ መዳናችን ዛሬ ወደ እኛ ቀርቦአልና። ሌሊቱ አልፎአል፥ ቀኑም ቀርቦአል። እንግዲህ የጨለማውን ሥራ አውጥተን የብርሃንን ጋሻ ጦር እንልበስ። በቀን እንደምንሆን በአገባብ እንመላለስ፤ በዘፈንና በስካር አይሁን፥ በዝሙትና በመዳራት አይሁን፥ በክርክርና በቅናት አይሁን፤ ነገር ግን ጌታን ኢየሱስ ክርስቶስን ልበሱት፤ ምኞቱንም እንዲፈጽም ለሥጋ አታስቡ። ሮሜ 13፡11-14

ኢየሱስ ተመልሶ ያልመጣው ወንጌልን እንድንሰብክ እንደሆነ

ለአንዳንዶች የሚዘገይ እንደሚመስላቸው ጌታ ስለ ተስፋ ቃሉ አይዘገይም፥ ነገር ግን ሁሉ ወደ ንስሐ እንዲደርሱ እንጂ ማንም እንዳይጠፋ ወዶ ስለ እናንተ ይታገሣል። 2ኛ ጴጥሮስ 3፡9

ለአሕዛብም ሁሉ ምስክር እንዲሆን ይህ የመንግሥት ወንጌል በዓለም ሁሉ ይሰበካል፥ በዚያን ጊዜም መጨረሻው ይመጣል። ማቴዎስ 24፡14

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #ኢየሱስይመጣል #እንደሌባ #በድንገት #ዋጋ #እውቀት #ኢየሱስንተመልክተን #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

%d bloggers like this: