Author Archives: AbiyWakumaDinsa

በአጭሩ የመቀጨት አምስት ምክንያቶች

b65bd4c61d03e9bf1c9273ec1a42b3e1--apply-for-a-loan-fast-loans.jpg

በመልካም ጀምረው በብቃት የሚጨርሱ ብዙ የተባረኩ አገልጋዮች አሉ፡፡ ብዙ ሰዎች በመልካም ይጀምሩና ሲፈፅሙ አይታይም፡፡

እግዚአብሄር እንድንጀምር ብቻ ሳይሆን እንድንጨርስም ይፈልጋል፡፡ መጀመር ወሳኝ እንደሆነ ሁሉ መጨረስም በጣም ወሳኝ ነው፡፡

ለአክሪጳም፦ በጌታ የተቀበልኸውን አገልግሎት እንድትፈጽሙው ተጠንቀቅ በሉልኝ። ወደ ቆላስይስ ሰዎች 4፡17

በመልካመ ጀምረን በብቃት እንዳንጨርስ የሚያደርጉንን ምክንያቶች እንመልከት

ፍጥነትን አለመረዳት

የክርስትና ህይወትና አገልግሎት እንደማራቶን እንጂ እንደመቶ ሜትር ሩጫ አይደለም፡፡ የመቶ ሜትር ሩጫ የሚፈልገው ጉልበት ነው፡፡ የማራቶን ሩጫ ግን ጉልበት ብቻ ሳይሆን ጥበብን ትግስትን ይፈልጋል፡፡ በአገልግሎት ውስጥ ብዙ የሚያደክምና የሚያሳምም ነገር አለ፡፡ የማራቶን ሩጫ የሚጠይቀው ጉልበት ብቻ ሳይሆን ህመምን የመታገስ ችሎታንም ነው፡፡ የማራቶን አሸናፊዎች ምንም ህምም የሌለባቸው ይመስለናል፡፡ እንዲያውም ታላቁን ህመም የሚካፈሉት የማራቶን አሸናፊዎች ናቸው፡፡ በክርስትናና አገልግሎት ለመዝለቅ ከፈለግን ከመጠን በላይ መፍጠን የለብንም፡፡ በክርስትናና እና በአገልግሎት መዝለቅ ከፈለግን የእግዚአብሄርን አሰራር እና እርምጃ መታገስ አለብን፡፡ በክርስትናና እና በአገልግሎት መዝለቅ ከፈለግን በጣም ከሚሮጡ አገልጋዮች ውድድር ራሳችንን ማግለል አለብን፡፡

የጻድቃን መንገድ ግን እንደ ንጋት ብርሃን ነው፥ ሙሉ ቀን እስኪሆንም ድረስ እየተጨመረ ይበራል። መፅሃፈ ምሳሌ 4:18

የታመነ ሰው እጅግ ይባረካል፤ ባለጠጋ ለመሆን የሚቸኵል ግን ሳይቀጣ አይቀርም። መጽሐፈ ምሳሌ 28፡20

በህይወትና በአገልግሎት ረጅም መንገድ መሄድ ከፈለግን እግዚአብሄርን መቅደም የለብንም፡፡ ምንም ነገር ከማድርጋችን በፊት እግዚአብሄርን ህልውና መፈለግ መጠበቅና መከተል አለብን፡፡

በችኰላ የምትከማች ሀብት ትጐድላለች፤ ጥቂት በጥቂት የተከማቸች ግን ትበዛለች። መጽሐፈ ምሳሌ 13፡11

የማራቶብ ሯጭ ጉልበት ይሰማኛል ብሎ እንደ ስምንት መቶ ሜትር ሯጭ መሮጥ ቢጀምር ማንም ጠቢብ የማራቶን ሯጭ ቀድሞኛል ብሎ አይከተለውም፡፡ የማራቶን ሯጭ ጉልበት ይሰማኛል ብሎ እንደ ስምንት መቶ ሜትር ሯጭ መሮጥ ቢጀምር ጠቢቦቹ ቀስ ብለው በጊዜያቸው ሮጠው ሲደርሱ መንገድ ላይ ቆሞ ይገኛል፡፡ አገልግሎት እንደማራቶን ሩጫ ጉልበትን የመቆጠብ ጥበብ ፣ ትእግስትንና ህምምን የመቋቋም ችሎታን ይጠይቃል፡፡

የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ ወደ ዕብራውያን 12፡1-2

ዘመንን አለመረዳት

ለሁሉም ጊዜ አለው፡፡ የምንወጣበት ጊዜ አለው የምንወርድበት ጊዜ አለው፡፡ ኢየሱስንም እናንግስህ ያሉት ጊዜ ነበር ስቀለው የተባለበትንም ጊዜ ነበር፡፡ ብዙ ሰዎች የተከተሉት ጊዜ ነበር አስራ ሁለቱ ብቻ የቀሩበት ጊዜ ነበር፡፡ በዚያ ሁሉ ግን አገልግሎቱን እንዲቀጥል ያደረግው የእግዚአብሄርን አሰራር መረዳቱ ነው፡፡

ኢየሱስ ብዙ ህዝም ሲከተሉት አልተደነቀም ሁሉም ትተውት ሲሄዱም አልደነገጠም፡፡

ከዚህም የተነሣ ከደቀ መዛሙርቱ ብዙዎች ወደ ኋላ ተመለሱ፤ ወደ ፊትም ከእርሱ ጋር አልሄዱም። ኢየሱስም ለአሥራ ሁለቱ፦ እናንተ ደግሞ ልትሄዱ ትወዳላችሁን? አለ። የዮሐንስ ወንጌል 6፡66-67

ኢየሱስ ዝነኛ የሆነበት ጊዜ ነበር የተደበቀበት ጊዜ ደግሞ ነበር፡፡ ጌታ ኢየሱስን የሚመለከት እነጂ ዝናንና መጥፋተነ የሚመለከት በአገልግሎት የሚፀና አይደለም፡፡

ሁሉም፦ ይህ ምንድር ነው? በሥልጣን ርኵሳን መናፍስትን ያዝዛል፤ እነርሱም ይታዘዙለታልና ይህ አዲስ ትምህርት ምንድር ነው? ብለው እስኪጠያየቁ ድረስ አደነቁ። ዝናውም ወዲያው በየስፍራው ወደ ገሊላ ዙሪያ ሁሉ ወጣ። የማርቆስ ወንጌል 1፡27-28

ኢየሱስ ስለሃጢያታችን ለመሞት ነውርን መናቅ ነበረበት፡፡ ኢየሱስ ዝናውንና መልካም ስሙን በሰው ዘንድ መጠበቅ ቢፈልግ ኖሮ ለመስቀል ሞት የታዘዘ አይሆንም ነበር፡፡

እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና። ወደ ዕብራውያን 12፡1-2

በእግዚአብሄር አለመታመን

በእግዚአብሄር የሚታመን ሰው በእርሱ የጀመረውን እራሱ እንደሚፈፅመው ያምናል፡፡ አገልግሎቱ ከእግዚአብሄር እንደተሰጠው የማያምን ሰው ግን እራሱ በስጋው ሊፈፅጽመው ሲሞክር መንገድ ላይ አለክልኮ ከአገልግሎት ሩጫ ያቋርጣል፡፡

ስለ በጎ ፈቃዱ መፈለግንም ማድረግንም በእናንተ የሚሠራ እግዚአብሔር ነውና። ወደ ፊልጵስዩስ ሰዎች 2፡13

ራስን አለመረዳት

በክርስትና በራሳችን ስንደክም የሚያበረታ የእግዚአብሄር ፀጋ አለ፡፡ ሰው ራሱን ከእግዚአብሄር ፀጋ ለይቶ ካየ አገልግሎቱን ሊዘልቅ አይችልም፡፡ እኛ ስንደክም ድካማችንን የሚሸፍን የእግዚአብሄር ፀጋ ባይኖር ኖሮ አገልግሎት የማይታሰብ ነው፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ወደ ቆሮንቶስ ሰዎች 12፡9-10

ራስን አለመግዛት

አገልግሎት የራሱ ክብርና የራሱ ህግ አለው፡፡ ህጉን አለመጠበቅና ለስጋ አርነት መስጠት ከአገልግሎት ብቁ አንዳንሆንና እንድንጣል ያደርገናል፡፡

የሚታገልም ሁሉ በነገር ሁሉ ሰውነቱን ይገዛል፤ እነዚያም የሚጠፋውን አክሊል ሊያገኙ ነው፥ እኛ ግን የማይጠፋውን። ስለዚህ እኔ ያለ አሳብ እንደሚሮጥ ሁሉ እንዲሁ አልሮጥም፥ ነፋስን እንደሚጎስም ሁሉ እንዲሁ አልጋደልም፤ ነገር ግን ለሌሎች ከሰበክሁ በኋላ ራሴ የተጣልሁ እንዳልሆን ሥጋዬን እየጎሰምሁ አስገዛዋለሁ። 1ኛ ወደ ቆሮንቶስ ሰዎች 9፡25-27

በክርስትናና በአገልግሎት በእግዚአብሄር ቤት እንዴት በእውነት መኖር እንዳለብን ማወቅ አለብን፡፡

ብዘገይ ግን፥ በእግዚአብሔር ማደሪያ ቤት መኖር እንዴት እንደሚገባ ታውቅ ዘንድ እጽፍልሃለሁ፤ ቤቱም የእውነት ዓምድና መሠረት፥ የሕያው እግዚአብሔር ቤተ ክርስቲያን ነው። 1ኛ ወደ ጢሞቴዎስ 3፡15

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #ጻድቃን #የታመነ #መቀጨት #ፍጥነት #ጥበብ #ድካም #ብርታት #ዝና #ነውር #ስጋ #ዘመን #መውጣት #መውረድ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #ጥቂትበጥቂት #ሙሉቀን #እየተጨመረ #በረከት #ትግስት #መሪ

Advertisements

ሰውን በክርስቶስ ማወቅ

different-eyeglass-lenses-ti-c-s-d-prescription-contact-lenses-for-astigmatism.jpg

ስለዚህ እኛ ከአሁን ጀምሮ ማንንም በሥጋ እንደሚሆን አናውቅም፤ ክርስቶስንም በሥጋ እንደ ሆነ ያወቅነው ብንሆን እንኳ፥ አሁን ግን ከእንግዲህ ወዲህ እንደዚህ አናውቀውም። 2ኛ ወደ ቆሮንቶስ ሰዎች 5፡16

ሰው የሚያይበትና እግዚአብሄር የሚያይበት አስተያየት ይለያያል፡፡

እግዚአብሔር ግን ሳሙኤልን፦ ፊቱን የቁመቱንም ዘለግታ አትይ፤ ሰው እንዲያይ እግዚአብሔር አያይምና ናቅሁት፤ ሰው ፊትን ያያል፥ እግዚአብሔር ግን ልብን ያያል አለው። መጽሐፈ ሳሙኤል ቀዳማዊ 16፡7

የሰውን እውነተኛ ማንነት ሊነግረን የሚችለው የፈጠረው እግዚአብሄር ብቻ ነው፡፡ ሰው ስለሰው ማንነት ቢነግረን ሊሳሳት ይችላል፡፡

ሰውን በክርስቶስ ማየት ማለት ሰውን እግዚአብሄር እንደሚያየው ማየት ማለት ነው፡፡ እግዚአብሄር እንደሚያየው ካላየ በስተቀር ሰው ሰውን በትክክል ሊረዳው አይችልም፡፡ እግዚአብሄር እንደሚያየው ካላየ በስተቀር ሰው ከሰው ጋር በትክክል ህብረት ሊያደርግ አይችልም፡፡

ሰውን በሥጋ እንደሚሆን አናውቅም ሰውን የምናውቅው በክርስቶስ ነው ማለት ምንድነው?

  • ሰውን በክርስቶስ እንጂ በስጋ እንደሚሆን አላውቀውም ማለት ክርስትያንን እግዚአብሄር እንደሚወደው እንጂ ሰው እንደሚያየው አላየውም፡፡

 

ሰው በሰው ላይ ብዙ አቃቂር ሊያወጣ ይችላል፡፡ ሰው እንኳን በሰው ላይ በራሱ ላይ እንኳን እንከን ያገኛል፡፡ የሰው ፍርድ ትክክል የማይሆነው ሰው አይኑ እንዳየ ጆሮው እንደሰማ ከፈረደ ነው፡፡ የሰው ፍርድ ትክክል የሚሆነው ሰው እግዚአብሄር አንደሚያየው አይቶ በፅድቅ ከፈረደ ነው፡፡ በፅድቅ መፍረድ ማለትደግሞ እግዚአብሄር እንደሚያየው አይቶ መፍረድ ማለት ነው፡፡

ቅን ፍርድ ፍረዱ እንጂ በመልክ አትፍረዱ። የዮሐንስ ወንጌል 7፡24

 

  • ሰውን በክርስቶስ እንጂ በስጋ እንደሚሆን አላውቀውም ማለት ክርስትያን በክርስቶስ በመሆኑ ያለውን ቦታ እንጂ ሌሎች ነገሮችን አላይም ማለት ነው

ክርስትያን በእግዚአብሄር ቤተሰብ ውስጥ ባለው ቦታ እንጂ በስሜታችን ልናየው አይገባም፡፡ ክርስትያን በእግዚአብሄር መንግስት ባለው ቦታ ብቻ ክብር አለው፡፡ ክርስትያን ቦታው የሚጠይቀውን ክብር ማግኘት አለበት፡፡

ለሁሉ የሚገባውን አስረክቡ፤ ግብር ለሚገባው ግብርን፥ ቀረጥ ለሚገባው ቀረጥን፥ መፈራት ለሚገባው መፈራትን፥ ክብር ለሚገባው ክብርን ስጡ። ወደ ሮሜ ሰዎች 13፡7

  • ሰውን በክርስቶስ እንጂ በስጋ እንደሚሆን አላውቀውም ማለት ክርስቲያን በክርስቶስ ባለው እምቅ ሃይል እንጂ በውጭ በሚታየው ድካም አላየውም፡፡

 

ክርስትያን የእግዚአብሄር ልጅ ነው፡፡ ቢደክም ድካሙን የሚሸፍን የእግዚአብሄር ፀጋ ተገልጦዋል፡፡ ስለዚህ ድካምን ብቻ አይቶ የሚያበረታውን ፀጋ አለማየት ፍርዳችንን ፍርደ ገምድል ያደረገዋል፡፡

እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ። ስለዚህ ስለ ክርስቶስ በድካም በመንገላታትም በችግርም በስደትም በጭንቀትም ደስ ይለኛል፤ ስደክም ያን ጊዜ ኃይለኛ ነኝና። 2ኛ ወደ ቆሮንቶስ ሰዎች 12፡9-10

 

  • ሰውን በክርስቶስ እንጂ በስጋ እንደሚሆን አላውቀውም ማለት ሰውን በስጋ ያሉትን ነገሮች አልቆጥራቸውም

ሰውን በክርስቶስ እንጂ በስጋ እንደሚሆን አላውቀውም ማለት ሰውን ዘሩን አላይም፣  ተፈጥሮአዊ ድካሙን አላይም ፣ ፆታውን አላይም የመጣበትን የኋላ ታሪክ አላይም ማለት ነው፡፡

አለቆች የመሰሉት ግን፥ በፊት ማን እንደ ነበሩ አይገደኝም፤ እግዚአብሔር የሰውን ፊት አይቶ አያደላም፤ አለቆች የመሰሉት አንዳች እንኳ አልጨመሩልኝምና፥ ወደ ገላትያ ሰዎች 2፡6

  • ሰውን በክርስቶስ እንጂ በስጋ እንደሚሆን አላውቀውም ማለት ሰውን እግዚአብሄር እንደሚያየው እንጂ ሰው እንደሚያየው አላየውም፡፡

ሰውን በክርስቶስ እንጂ በስጋ እንደሚሆን አላውቀውም ማለት እግዚአብሄር ኢየሱስን ፍፁም አድርጎ እንደሚመለከተው እግዚአብሄር ሰውን ፍጹም አድርጎ እንደሚመለከተው መመልከት ማለት ነው፡፡

አንድ ጊዜ በማቅረብ የሚቀደሱትን የዘላለም ፍጹማን አድርጎአቸዋልና። ወደ ዕብራውያን 10፡14

  • ሰውን በክርስቶስ እንጂ በስጋ እንደሚሆን አላውቀውም ማለት እግዚአብሄር ኢየሱስን እንደወደደው ሰውን እንደሚወደው ማወቅ ነው፡፡

 

እንዲሁም ዓለም አንተ እንደ ላክኸኝ በወደድኸኝም መጠን እነርሱን እንደ ወደድሃቸው ያውቃል። የዮሐንስ ወንጌል 17፡22-23

 

  • ሰውን በክርስቶስ እንጂ በስጋ እንደሚሆን አላውቀውም ማለት እግዚአብሄር ኢየሱስን በሚያይበት መነፅር ሰውን እንደሚያይ ማወቅ ነው፡፡

 

እኛም አንድ እንደ ሆንን አንድ ይሆኑ ዘንድ፤ እኔም በእነርሱ አንተም በእኔ ስትሆን፥ በአንድ ፍጹማን እንዲሆኑ፥ የሰጠኸኝን ክብር እኔ ሰጥቻቸዋለሁ፤ የዮሐንስ ወንጌል 17፡22-23

 

  • ሰውን በክርስቶስ እንጂ በስጋ እንደሚሆን አላውቀውም ማለት እግዚአብሄር ሰዎችን ለመገሰፅ ካልተጠቀመብን በስተቀር በራሳችን አነሳሽነት ብቻ በሰዎች ላይ እንፈርድም ማለት ነው፡፡

ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤ 1ኛ ወደ ቆሮንቶስ ሰዎች 4፡3

  • ሰውን በክርስቶስ እንጂ በስጋ እንደሚሆን አላውቀውም ማለት ሰውን በክቡር ደሙ እንደተዋጀ ክቡር ፍጥረት እንጂ እንደተራ ሰው አላየውም ማለት ነው፡፡

ከአባቶቻችሁ ከወረሳችሁት ከከንቱ ኑሮአችሁ በሚያልፍ ነገር በብር ወይም በወርቅ ሳይሆን፥ ነውርና እድፍ እንደ ሌለው እንደ በግ ደም በክቡር የክርስቶስ ደም እንደ ተዋጃችሁ ታውቃላችሁ። 1ኛ የጴጥሮስ መልእክት 1፡18-19

ስለዚህ እኛ ከአሁን ጀምሮ ማንንም በሥጋ እንደሚሆን አናውቅም፤ ክርስቶስንም በሥጋ እንደ ሆነ ያወቅነው ብንሆን እንኳ፥ አሁን ግን ከእንግዲህ ወዲህ እንደዚህ አናውቀውም። 2ኛ ወደ ቆሮንቶስ ሰዎች 5፡16

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #በክርስቶስ #ማንነት #የእግዚአብሄርንእይታ #በስጋ #ቤተክርስትያን #አማርኛ #ማየት #በስጋደረጃ #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #አዲስፍጥረት #ክርስቶስ #ስፍራ #ማእረግ #ስልጣን

ከእኛ ጋር ያሉት ከእነርሱ ጋር ካሉት ይበልጣሉና አትፍራ

tongue.jpg

አንድ ጊዜ የከበባቸውን የጠላትን ሰራዊት ብዛት ተመልክቶ የነብዩ የኤልሳ ሎሌ ልቡ ተሸበረ፡፡

የእግዚአብሔር ሰው ሎሌ ማለዳ ተነሥቶ በወጣ ጊዜ፥ እነሆ፥ በከተማይቱ ዙሪያ ጭፍራና ፈረሶች ሰረገሎችም ነበሩ። ሎሌውም፦ ጌታዬ ሆይ፥ ወዮ! ምን እናደርጋለን? አለው። መጽሐፈ ነገሥት ካልዕ 6፡15

የኤልሳ ሎሌ ችግሩ የእግዚአብሄር እርዳታ ከእርሱ ጋር አለመሆኑ ሳይሆን የእግዚአብሄርን እርዳታ ማየት አለመቻሉ ነው፡፡ የኤልሳ ሎሌ ሰለከበቡዋቸው የጠላት ሰራዊት ብዛት ሲሸበር አይቶ እግዚአብሄር የብላቴናውን አይን እንዲከፍት ፀለየ፡፡

ኤልሳዕም፦ አቤቱ፥ ያይ ዘንድ ዓይኖቹን፥ እባክህ፥ ግለጥ ብሎ ጸለየ። እግዚአብሔርም የብላቴናውን ዓይኖች ገለጠ፥ አየም እነሆም፥ በኤልሳዕ ዙሪያ ያሉት የእሳት ፈረሶችና ሰረገሎች ተራራውን ሞልተውት ነበር። መጽሐፈ ነገሥት ካልዕ 6፡17

እርሱም፦ ከእኛ ጋር ያሉት ከእነርሱ ጋር ካሉት ይበልጣሉና አትፍራ አለው። መጽሐፈ ነገሥት ካልዕ 6፡16

ስለዚህ ነው መፅሃፍ ቅዱስ የልቦናችን አይኖች እንዲበሩ መፀለይ እነዳለብን የሚያስትምረው፡፡ የጎደለን ሃይል አይደለም የእግዚአብሄር ሃይል ከእኛ ጋር ነው፡፡ የጎደለን እርዳታ አይደለም የእግዚአብሄር መንግስት እርዳታ ከእኛ ጋር ነው፡፡

የክብር አባት የጌታችን የኢየሱስ ክርስቶስ አምላክ እርሱን በማወቅ የጥበብንና የመገለጥን መንፈስ እንዲሰጣችሁ እለምናለሁ። ይህም የልባችሁ ዓይኖች ሲበሩ የመጥራቱ ተስፋ ምን እንዲሆን በቅዱሳንም ዘንድ ያለው የርስት ክብር ባለ ጠግነት ምን እንዲሆን ለምናምን ከሁሉ የሚበልጥ የኃይሉ ታላቅነት ምን እንዲሆን ታውቁ ዘንድ ነው፤ ወደ ኤፌሶን ሰዎች 1፡17-19

በእኛ ውስጥ ያለው በአለም ካለው ይልቅ ታላቅ ነውና፡፡

ልጆች ሆይ፥ እናንተ ከእግዚአብሔር ናችሁ አሸንፋችኋቸውማል፥ በዓለም ካለው ይልቅ በእናንተ ያለው ታላቅ ነውና። 1ኛ የዮሐንስ መልእክት 4፡4

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ራዕይ #ምሪት #ድል #የእግዚአብሄርፈቃድ #የእግዚአብሄርአላማ #የእግዚአብሄርምክር #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተግዳሮት #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #አይን #እይታ #አጥርቶ #ራእይ #መሪ

በእናንተ ሰበብ የእግዚአብሔር ስም ይሰደባል

your will.jpg

በእናንተ ሰበብ የእግዚአብሔር ስም በአሕዛብ መካከል ይሰደባልና ተብሎ እንደ ተጻፈ። ወደ ሮሜ ሰዎች 2፡24

የምንኖረው ለራሳችን አይደለም፡፡ የምንኖረው ለጌታ ነው፡፡

ከእኛ አንድ ስንኳ ለራሱ የሚኖር የለምና፥ ለራሱም የሚሞት የለም፤ ወደ ሮሜ ሰዎች 14፡7

እኛ በሃጢያታችን ምክንያት ሟች ነበርን፡፡ አሁን የምንኖረው ስለእኛ ለሞተልን ለጌታ የምንኖረው ኑሮ ነው፡፡

በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ። 2ኛ ወደ ቆሮንቶስ ሰዎች 5፡15

በክርስቶስ ስም ተጠርተናል፡፡ የክርስቶስንም ስም ተሸክመን እንኖራለን፡፡

ጌታም፦ ይህ በአሕዛብም በነገሥታትም በእስራኤልም ልጆች ፊት ስሜን ይሸከም ዘንድ ለእኔ የተመረጠ ዕቃ ነውና ሂድ፤ የሐዋርያት ሥራ 9፡15

የምናደርገው ነገር ሁሉ ክርስቶስን ያከብራል ወይ ክርስቶስን ያሰድበዋል፡፡ የእግዚአብሄርን ቃል ስንኖርና መልካም ነገር ስናደርግ ሰዎች የተሸከምነውን የክርስቶስን ስም ነው እንጂ እኛን አያዩም፡፡ ክፉም ነገር ስናደርግ የተሸከምነውን የኢየሱስን ስም እንጂ እኛን አያዩም፡፡

መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ። የማቴዎስ ወንጌል 5፡16

የእግዚአብሄርን መንግስት ስም እንደተሸከመ ሰው በሃላፊነት እንኑር፡፡ የእግዚአብሄርን ልጅ የክርስቶስን ስም እንደተሸከመ ሰው በጥንቃቄ አንመላለስ፡፡ የእግዚአብሄርን ስም እንደተሸከመ ለመንግስቱ ሃላፊነት እንደሚሰማው ሰው እናስብ እንናገር እናድርግ፡፡

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ወንጌል #ስብከት #ቃል #ስም #ይመሰገናል #ይሰደባል #ይከብራል #የምድርጨው #የአለምብርሃን #የአመፃገንዘብ #የእግዚአብሄርሃይል #መንፈስቅዱስ #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

አምነናል ጉልበት አለህ – ክፋት ማድረግ ትችላለህ

church leader.jpg

ብዙ ሰዎች በማወቅም ይሁን ባለማወቅ ክፋትን ያደርጋሉ፡፡ ሰዎች አንዳንድ ጊዜ ክፋትን የሚያደርጉት ለራሳቸው ለመጠቀም ነው፡፡ ነገር ግን ብዙ ጊዜ ሰዎች ክፋትን የሚያድርጕት ለመጠቀም ላይሆን ይችላል፡፡ አንዳንድ ጊዜ ሰዎች ክፋትን የሚያደርጉት ለመጉዳት ብቻ ነው፡፡ አንዳንድ ጊዜ ሰዎች ክፋትን የሚያደርጉት ጉልበታቸውን ለማሳየት ብቻ ነው፡፡ አንዳንድ ጊዜ ሰዎች ክፋትን የሚያደርጉት  እኔነታቸውን ለማርካት ብቻ ነው፡፡

ሰዎች ክፋትን የሚያደርጉት በቅናት ተነሳስተው ነው፡፡ ሰዎች ክፋትን የሚያደርጉት ጉልበታቸውን ለማሳየት ነው፡፡

አንዳንድ ሰዎች ጉልበት እንዳላቸው እንኳን እርግጠኛ አይደሉም፡፡ አንዳንድ ሰዎች ካላቸው የበታችንት ስሜት የተነሳ ክፋትን በማድረግ የበላይነት ስሜት ያሳያሉ፡፡

የበላይነት ስሜት የሚመጣው ከበታችነት ስሜት ነው፡፡ የበታችነት ስሜት የሚሰማውና በራሱ መተማመን የሌለው ሰው ሰዎች አይቀበሉኝም አያምኑብኝም ጉልበት የለውም ብለው ያስባሉ ብሎ ስለሚያስብ ጉልበት እንዳለው ለማሳየት በበላይነት ስሜት ይገለጣል፡፡ የበታችነት ስሜት የሚይሰማው ሰው የበላይነት ስሜት እንዲያሳይ አያስፈልገውም፡፡ ሰው የበላይነት ስሜት የሚያሳየው የበታችነት ስሜት ሲሰማው ነው፡፡

የበላይነት ስሜት ያለው ሰው ብታዩ ከጀርባው የበታችነት ስሜት አለ፡፡ የበታችነት ስሜት ያለበት ሰው ደግሞ የበታችንት ስሜቱን የሚያካክስው ረብሻ በመፍጠር በመጣላትና በመረበሽ በዚያም የበላይነቱን በማሳየት ነው፡፡

ሰው በእግዚአብሄር አምሳል ተፈጥሮአል፡፡ ሰው በውስጡ ትልቅ እምቅ ጉልበት አለው፡፡ ሰው መልካምም ይሁን ክፉ ለማድረግ ትልቅ እምቅ ጉልበት አለው፡፡ ሰው ደግሞ ያለውን ሃይል ለክፋትም ይሁን ለመልካምነት ለመጠቀም ነፃ ፈቃድና ምርጫ አለው፡፡ መፅሃፍ ቅዱስ ክፉ አታድርጉ የሚለው እኮ ክፉ ማድረግ እንደምንችል ስለሚያውቅ ነው፡፡

ለሚሰሙት ጸጋን ይሰጥ ዘንድ፥ እንደሚያስፈልግ ለማነጽ የሚጠቅም ማናቸውም በጎ ቃል እንጂ ክፉ ቃል ከአፋችሁ ከቶ አይውጣ። ወደ ኤፌሶን ሰዎች 4፡29

መፅሃፍ ቅዱስ ለሚሰሙት ጸጋን ይሰጥ ዘንድ፥ እንደሚያስፈልግ ለማነጽ የሚጠቅም ቃል ብቻ ተናገሩ ሲል በተቃራኒው የሚሰሙትን የሚያፈርስ የሚጎዳ ቃል ማውጣትና ማፍረስ ትችላላችሁ እያለን ነው፡፡ ስለዚህ ማፍረስ እንደምንችል ጥያቄ የለውም፡፡

የሚገነባ የሚጠቅምና የሚያንፅ ቃል በውስጣችን እንዳለ ሁሉ የሚያፈርስ የሚበትንና የሚጎዳ ቃል በውስጣችን አለ፡፡

ስለ እነዚህ ነገሮች ማሳሰብህን አትተው፤ በቃላት እንዳይነታረኩ በእግዚአብሔር ፊት አስጠንቅቃቸው፤ ይህ ጥቅም የሌለው፣ የሚሰሙትንም የሚያፈርስ ነውና። 2ኛ ወደ ጢሞቴዎስ 2፡14

አዎ እኛም አምነናል ማፍረስ ትችላለህ፡፡ ስለዚህ ማፍርስ ትችላለህ፡፡ ስለዚህ ማፍረስ እችላለሁ በል ነገር ግን ላለማፍርስ ሃላፊነትን ወሰድ፡፡ ማፍረስ እንደምትችል አትጠራጠር፡፡ ማፍረስ እንደምትችል እወቅ ነገር ግን ያለህን ጉልበት ለመገንባት እንጂ ለማፍረስ ላላመጠቀም ወስን፡፡ ማፍረስ ብርቅ አይደለም፡፡ ማፍረስ ከባድም አይደለም፡፡ ላንተ ግን አይጠቅምህም፡፡ አንተን ግን ይጎዳሃል፡፡ የምታፈርሳቸውን ሰዎች ይጎዳል፡፡

የዋህ ማለት ደካማ ሃይል የሌለው ሰው ማለት አይደለም፡፡ የዋህ ማለት ለማፍርስ ፣ ለማበላሸትና ለመበተን ሃይል ሁሉ ኖሮት ሃይሌን ለመልካምነት እንጂ ለክፋት አልጠቀምም ብሎ ራሱን የሚገዛ ነው፡፡ የዋህ ሃይል የለም ብሎ አምኖ ክፋትን ከማድረግ የሚመለስ ሰው አይደለም፡፡

የዋህ ሃይሌን ለክፋት መጠቀም አይመጥነኝም አይገባኝም የሚል ሰው ነው፡፡ የዋህ ሃይሉን ለክፋት ለመጠቀም ህፃን ያልሆነ ሰው ነው፡፡ የዋህ ሃይሉን ለክፋት ላለመጠቀም የበሰለ ሰው ነው፡፡

ቀናተኛ የሆነ ሰው ግን ሃይሉን ለማሳየት አይመርጥም ክፋትንም ቢሆን ይጠቀማል፡፡ ሃይሉን ያሳይለት እንጂ ሃይሉን ለጥፋት ፣ ለመበተንና ለማፍረስ ለመጠቀም አይፈራም፡፡ ቀናተኛ ሰው እኔነቱን ለማርካት ሰዎችን ሲያፈርስ ሲበትን ሲያቆስል አይፈራም፡፡

ቀናተኛ ሰው ህፃን ስለሆነና ሃይል እንዳለው እንኳን እርግጠኛ ስላይደለ ሃይሉን የሚሞክረው በማፍርስ ፣ በመበተንና በማቁሰል ላይ ነው፡፡ ቀናተኛ ሰው ሃይሉን የሚሞከርው በክፋት ላይ ነው፡፡

ሰው ሆይ ማድረግ ትችላለህ፡፡ ነገር ግን ሃይልህን ለክፋት አትጠቀም፡፡ ክፋት ማድረግ እንደምትችል አታሳየን ቀድመን እናውቃለን፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #መሪነት #የዋህ #ክፋት #ልብ #መንፈስ #ማነፅ #መጥቀም #ማፍረስ #ክፉ #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

እንደ እንጀራ ይሆኑልናል

seen by men.jpg

ለእስራኤልም ልጆች ማኅበር ሁሉ፦ ዞረን የሰለልናት ምድር እጅግ መልካም ናት። እግዚአብሔርስ ከወደደን ወተትና ማር ወደምታፈስሰው ወደዚች ምድር ያገባናል እርስዋንም ይሰጠናል። ነገር ግን በእግዚአብሔር ላይ አታምፁ፤ እንደ እንጀራ ይሆኑልናልና የምድሪቱን ሰዎች አትፍሩ፤ ጥላቸው ከላያቸው ተገፍፎአል፥ እግዚአብሔርም ከእኛ ጋር ነው፤ አትፍሩአቸው ብለው ተናገሩአቸው። ኦሪት ዘኍልቍ 14፡7-9

የእስራኤል ህዝብ ወደከንአን ሊገቡ ሲሉ ኢያሱ ምድሪቱን እንዲሰልሉ 12 ሰላዮችን ላከ፡፡ ከኢያሱና ከካሌብ በስተቀር ሁሉም ሰላዮች ስለምድሪቱ ክፉን ነገር ለእስራኤል ህዝብ አወሩ፡፡

ስለ ሰለሉአትም ምድር ክፉ ወሬ ለእስራኤል ልጆች እያወሩ፦ እኛ ዞረን የሰለልናት ምድር የሚኖሩባትን ሰዎች የምትበላ ምድር ናት፤ በእርስዋም ዘንድ ያየናቸው ሰዎች ሁሉ ረጃጅም ሰዎች ናቸው። ኦሪት ዘኍልቍ 14፡32

እነዚያ ሰላዮች እንዲያውም እኛ በእነርሱ ፊት እንደ አንበጣ ነን ብለው ራሳቸውን ዝቅ ዝቅ አደረጉ፡፡

በዚያም ከኔፊሊም ወገን የሆኑትን ኔፊሊም፥ የዔናቅን ልጆች፥ አየን፤ እኛም በዓይናችን ግምት እንደ አንበጣዎች ነበርን፥ ደግሞም እኛ በዓይናቸው ዘንድ እንዲሁ ነበርን አሉ። ኦሪት ዘኍልቍ 14፡33

እነዚህ አስሩ ሰላዮች ራሳቸውን እንጂ አብሮዋቸው የሚወጣውን የሰራዊት ጌታ ማየት አልቻሉ፡፡ ሊዋጉ የፈለጉት እንደዳዊት በእግዚአብሄር ስም ሳይሆን በራሳቸው ስም ነው፡፡

ዳዊትም ፍልስጥኤማዊውን አለው፦ አንተ ሰይፍና ጦር ጭሬም ይዘህ ትመጣብኛለህ፤ እኔ ግን ዛሬ በተገዳደርኸው በእስራኤል ጭፍሮች አምላክ ስም በሠራዊት ጌታ በእግዚአብሔር ስም እመጣብሃለሁ። መጽሐፈ ሳሙኤል ቀዳማዊ 17፡45

ዳዊት ሁልጊዜ የሚያስበው ጦርነቱን በየእለቱ የሚዋጋለት እግዚአብሄር ነው፡፡

አንድ ጊዜም እንዲህ ሆነ፡፡ በመጽሃፍ ቅዱስ የኤልሳ ባሪያ አንድ ጊዜ የጠላትን ሰራዊት ብዛት ተመልክቶ ልቡ ተሸበረ፡፡

የእግዚአብሔር ሰው ሎሌ ማለዳ ተነሥቶ በወጣ ጊዜ፥ እነሆ፥ በከተማይቱ ዙሪያ ጭፍራና ፈረሶች ሰረገሎችም ነበሩ። ሎሌውም፦ ጌታዬ ሆይ፥ ወዮ! ምን እናደርጋለን? አለው። መጽሐፈ ነገሥት ካልዕ 6፡15

ሲሸበር ኤልሳም እግዚአብሄር የብላቴናውን አይን እንዲከፍት ፀለየ፡፡

ኤልሳዕም፦ አቤቱ፥ ያይ ዘንድ ዓይኖቹን፥ እባክህ፥ ግለጥ ብሎ ጸለየ። እግዚአብሔርም የብላቴናውን ዓይኖች ገለጠ፥ አየም እነሆም፥ በኤልሳዕ ዙሪያ ያሉት የእሳት ፈረሶችና ሰረገሎች ተራራውን ሞልተውት ነበር። መጽሐፈ ነገሥት ካልዕ 6፡17

እርሱም፦ ከእኛ ጋር ያሉት ከእነርሱ ጋር ካሉት ይበልጣሉና አትፍራ አለው። መጽሐፈ ነገሥት ካልዕ 6፡16

አስሩ ሰላዮች ስለምድሪቱ ክፉ ወሬን አስወሩ፡፡ አስሩ ሰላዮች የጠላታቸውነ በዛት እነጂ የእግዚአብሄርን ትልቅነት አላስተዋሉም፡፡ አስሩ ሰላዮች የጠላታቸውን ሃያልነት እንጂ የእግዚአብሄርን ሃያልነት ረሱ፡፡

ሁለቱ ሰላዮች ግን የጠላታቸውን ብዛት ሳይክዱ የእግዚአብሄርን ታላቅነት ተመለከቱ፡፡

ስለዚህ እንዳውም ጠላት ሲበዛ ድል ይበዛል፡፡ እንደ እንጀራ ይሆኑልናል በማለት እግዚአብሄር ከእነርሱ ጋር ስላለ ምንም እንደማያቅታቸውና እነርሱን ማሸነፍ ለእግዚአብሄር ቀላል እንደሆነ ተናገሩ፡፡

ጠላት ሲገዝፍ ድላችን ይገዝፋል፡፡

ጨለማው በጨለመ መጠን ብርሃናችን ይደምቃል፡፡

ጠላት ሲተልቅ እንጀራው ይተልቃል፡፡

የጠላታችን ግዙፍነት የድላችንን መጠን ያገዝፈዋል፡፡

እኛ የምናሸንፈው ተሸናፊዎችን አይደለም፡፡ እኛ የምናሸንፈው አሸናፊዎችን ነው፡፡ እኛ የምናሸንፈው ብዙዎችን ያሸነፉትን ነው፡፡ እኛ የምናሸንፈው ብዙዎችን ያንበረከኩትን ነው፡፡ የአሸናፊዎች አሸናፊ ለመሆን አሸናፊውን ማሸነፍ ግዴታ ነው፡፡

በዚህ ሁሉ ግን በወደደን በእርሱ ከአሸናፊዎች እንበልጣለን። ወደ ሮሜ ሰዎች 8፡37

ነገር ግን በእግዚአብሔር ላይ አታምፁ፤ እንደ እንጀራ ይሆኑልናልና የምድሪቱን ሰዎች አትፍሩ፤ ጥላቸው ከላያቸው ተገፍፎአል፥ እግዚአብሔርም ከእኛ ጋር ነው፤ አትፍሩአቸው ብለው ተናገሩአቸው። ኦሪት ዘኍልቍ 14፡7-9

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ራዕይ #ምሪት #ድል #አሸናፊ #የእግዚአብሄርአላማ #የእግዚአብሄርምክር #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተግዳሮት #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #አይን #እይታ #አጥርቶ #ራእይ #መሪ

ከሰው ሁሉ ይልቅ ምስኪኖች ነን

victorian-poor-children-clothes.jpg

በዚች ሕይወት ብቻ ክርስቶስን ተስፋ ያደረግን ከሆነ፥ ከሰው ሁሉ ይልቅ ምስኪኖች ነን። 1 ቆሮንጦስ 15፡19

እኛ በአለም እንኖራለን እንጂ ከአለም አይደለንም፡፡ እኛ ከአለም አይደለንም፡፡

እኔ ከዓለም እንዳይደለሁ ከዓለም አይደሉም። የዮሐንስ ወንጌል 17፡16

ይህ ምድር ጊዜያዊ መኖሪያችን ነው፡፡

እግዚአብሄር ሰውን የፈጠረው በመልኩና በአምሳሉ ነው፡፡ ሰው በምድር በምድር የተቀመጠው እንዲያስተዳድርና እንዲገዛ ብቻ እንጂ ሰው ከምድር ስለሆነ አይደለም፡፡ ሰው የወጣው ከእግዚአብሄር ነው፡፡ ሰው ከምድር አይደለም፡፡

በምድር ያለነው ወደ አለም ተልከን ነው፡፡ በምድር ላይ ያለነው የስራ ድርሻና ተልእኮ ስለለን ነው፡፡

ወደ ዓለም እንደ ላክኸኝ እንዲሁ እኔ ወደ ዓለም ላክኋቸው፤ የዮሐንስ ወንጌል 17፡18

በምድር የሚያቆየን የተላክንበት አላማ እንጂ ሌላ አላማ አይደለም፡፡ ዓለም የተገባችን አይደለችም፡፡

ዓለም አልተገባቸውምና በምድረ በዳና በተራራ፥ በዋሻና በምድር ጕድጓድ ተቅበዘበዙ። ወደ ዕብራውያን 11፡38

ክርስቶስን ተስፋ ያደረግነው ለዘላለም ህይወት ነው፡፡ ክርስቶስን ተስፋ ያደረግነው ለእግዚአብሄር ልጅነት ህይወት ነው፡፡ ክርስቶስን ተስፋ ያደረግነው ለአጭር የምድር ኑሮ ብቻ አይደለም፡፡ ክርስቶስን ተስፋ ያደረግነው በምድር ለመኖር ከሆነ ከሁሉ ይልቅ ምስኪኖች ነን፡፡ በክርስቶስ ያመንነው በምድር ደልቶን ለመኖር ከሆነ ከሁሉ በላይ የሚታዘንልን ምስኪኖች ነን፡፡

ክርስቶስን የተከተልነው ትልቅ ቤት ውስጥ ለመኖርና የተሻለ መኪና ለመንዳት ከሆነ ከሰው ሁሉ ይልቅ ምስኪኖች ነን፡፡

ክርስቶስን የተከተልነው ዝነኛ ለመሆን ከሆነ ከሰው ሁሉ ይልቅ ምስኪኖች ነን፡፡

የእምነት አባቶች በምድሪቱ እንግዶችና መጻተኞች ክፉ ውድድር ውስጥ ሳይገቡ በእምነት ኖሩ፡፡

እነዚህ ሁሉ አምነው ሞቱ፥ የተሰጣቸውን የተስፋ ቃል አላገኙምና፤ ዳሩ ግን ከሩቅ ሆነው አዩትና ተሳለሙት፥ በምድሪቱም እንግዶችና መጻተኞች እንዲሆኑ ታመኑ። እንዲህ የሚሉት ለእነርሱ የሚሆነውን አገር እንዲፈልጉ ያመለክታሉና። ወደ ዕብራውያን 11፡13-14

የእምነት አባቶች በምድሪቱ እንግዶችና መጻተኞች ሆነው ትዳር በሚገኝበት ንግድ ራሳቸውን ሳያጠላልፉ በእምነት ኖሩ፡፡

የሚዘምተው ሁሉ ለጦር ያስከተተውን ደስ ያሰኝ ዘንድ ትዳር በሚገኝበት ንግድ ራሱን አያጠላልፍም። 2ኛ ወደ ጢሞቴዎስ 2፡4

ምክኒያቱም የሚበልጠውን ሰማያዊ አገር ይናፍቁ ነበርና፡፡

አሁን ግን የሚበልጠውን እርሱም ሰማያዊ አገር ይናፍቃሉ። ስለዚህ እግዚአብሔር አምላካቸው ተብሎ ሊጠራ በእነርሱ አያፍርም፥ ከተማን አዘጋጅቶላቸዋልና። ወደ ዕብራውያን 11፡16

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #ትዳር #ንግድ #ወታደር #ዘማች #መዋረድ #መከራ #ፈተና #መፅናት #መታገስ #እንግዶች #መጻተኞች #ምስኪኖች #ተስፋ #አለም #የተገባ #አማርኛ #ስብከት #መዳን #መፅሃፍቅዱስ #ብፅእና #እምነት #አንድነት #ፀጋ  #አቢይ #አቢይዋቁማ #አቢይዋቁማዲንሳ

 

የሥጋ ሥራም የተገለጠ ነው

pride1.jpg

በገዛ ሥጋው የሚዘራ ከሥጋ መበስበስን ያጭዳልና፥ በመንፈስ ግን የሚዘራው ከመንፈስ የዘላለምን ሕይወት ያጭዳል። ወደ ገላትያ ሰዎች 6፡8

የሥጋ ሥራም የተገለጠ ነው እርሱም ዝሙት፥ ርኵሰት፥ መዳራት፥ ጣዖትን ማምለክ፥ ምዋርት፥ ጥል፥ ክርክር፥ ቅንዓት፥ ቁጣ፥ አድመኛነት፥ መለያየት፥ መናፍቅነት፥ ምቀኝነት፥ መግደል፥ ስካር፥ ዘፋኝነት፥ ይህንም የሚመስል ነው። አስቀድሜም እንዳልሁ፥ እንደዚህ ያሉትን የሚያደርጉ የእግዚአብሔርን መንግሥት አይወርሱም። ገላትያ 5፡19-21

ስጋ እንደ መንፈስ ፍሬ የለውም፡፡ ስጋ ያለው ካለ ፍሬ የሆነ ስራ ነው፡፡ የስጋ ስራ ደግሞ ረቂቅ ማንም ሊያውቀው የማይችል አይደለም፡፡ የስጋ ስራ የተገለጠ ነው፡፡ የስጋን ስራ በህይወታችንም ይሁን በሰዎች ህይወት አይተን እናውቀዋለን፡፡

ዝሙት

ሚስት ወይም ባል ካልሆነ ሰው ጋር ያለ ልቅ የሆነ ግንኙነት

ርኵሰት፥

በአለም ስርአት አስተሳሰብ አመለካከት መርከስ

መዳራት፥

ፈር የለቀቀ ግንኙነት፡፡ ለስጋ ደስታ ልክ አለማበጀት፡፡ ልቅነት፡፡

ጣዖትን ማምለክ፥

ከእግዚአብሄር ውጭ መፍትሄን መፈለግ፡፡

ምዋርት፥

ሌላው ሰው ላይ ክፉ እንዲደርስበት መፈለግ መስራት ክፋት ለማድረግ እንግዳን ሃይል መፈለግ መጠቀም፡፡

ጥል፥

መብትን በራስ ጉልበት ለማስከበር ሲባል ሰው ላይ የስሜት ወይም የአካል ጉዳት ጉዳት ማድረስ

ክርክር፥

በንግግር ብዛት በሰው ላይ ተፅኖ ማድረግ ፣ ሌላውን ሰው አላግባብ ለመቆጣጠር መሞከር ፣ በእግዚአብሄር አለመታመን በቃል ብዛትና በንግግር ችሎታ ሌላውን ለመቆጣር መሞከር፡፡

ቅንዓት፥

በሌላው ከፍታ ማግኘትና መከናወን ደስ አለመደሰት፡፡ በሌላው ስኬት መበሳጨት፡፡ የሌላው ከፍታ በሌላው ውድቀት ምክኒያት እንደመጣ መቁጠር፡፡

ቁጣ፥

በከፍታ ድምፅ ፣ በከፍተኛ ስሜት የራስን ፍላጎት ብቻ ለማስፈፀም መሞከር፡፡ ንግግርን ሃሳብ ከማስተላለፍ ያለፈ ፈር ለለቀቀ ሌላውን ለመቆጣጠር ክፉ አላማ መጠቀም፡፡

አድመኛነት፥

ሌሎችን ለራስ የግል አላማ በክፋት ማነሳሳት ማንቀሳቀስ፡፡ ለግል አላማ ሌላውን ማሰባሰብ በሌላው ላይ በክፋት ማስነሳት አብሮ መጣላት፡፡  የሌላውን ተሰሚነት እና ችሎታ ተጠቅሞ የግልን ድብቅ አላማ ማስፈፀም፡፡ የግል ድብቅ አላማን ለማስከበር ቡድን ፈጥሮ ሌላውን ማጥቃት፡፡

ቅንዓትና አድመኛነት ባሉበት ስፍራ በዚያ ሁከትና ክፉ ስራ ሁሉ አሉና። የያዕቆብ መልእክት 3፡16

መለያየት፥

በሰዎች መካከል ክፍፍልን መፍጠር፡፡ ጥላቻን መቀስቀስ አንዱን ሰው ከሌላው ሰው ማለያየት አንድነት እንዳይኖረው ማድረግ፡፡

መናፍቅነት፥

ለእምነት ራስን ሙሉ ለሙሉ አለመስጠት መሰሰት ራስን መለየት አንድነት አለማድረግ ራስን ከሌላው ጋር አለማስተባበር

ምቀኝነት፥

በሌላ ሰው ማግኘት መከናወን ደስተኛ አለመሆን መበሳጨት ሌላው እንዳያድግ እንዳይለወጥ እንቅፋት ማድረግ፡፡

መግደል፥

ጥላቻ እንደእርሱ ያለ እግዚአብሄር የፈጠረውን ሰው እንዳይኖር መፍረድ ትእቢት ማን አለብኝነት፡፡

ስካር፥

እግዚአብሄር ለስው የሚናገርበትን የእግዚአብሄርን ድምፅ የሚሰሙበትን ህሊናን ማደንዘዝ፡፡ እግዚአብሄርን ለመስማት አለመፈለግ፡፡ ከመጠን በላይ መዝናናት

ዘፋኝነት፥

ስጋን ያለልክ መልቀቅ፡፡ መዝናናትን ተድላን ከእግዚአብሄር ባለይ መውደድ ምንም ምንም ብሎ ነፍስን ማስደሰት፡፡

ሕዝብም ሊበሉ ሊጠጡም ተቀመጡ ሊዘፍኑም ተነሡ ተብሎ እንደ ተጻፈ ከእነርሱ አንዳንዶቹ እንዳደረጉት ጣዖትን የምታመልኩ አትሁኑ። 1ኛ ወደ ቆሮንቶስ ሰዎች 10፡7

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

#ክብር #ራእይ #ስጋ #ሃሳብ #የዘራውን #ያጭዳል #ዝሙት #ርኵሰት #መዳራት #ጣዖትንማምለክ #ምዋርት #ጥል #ክርክር #ቅንዓት #ቁጣ #አድመኛነት #መለያየት #መናፍቅነት #ምቀኝነት #መግደል #ስካር #ዘፋኝነት #አትሳቱ #አይዘበትበትም #መበስበስ #ሰላም #ህይወት #ኢየሱስ #ክርስቶስ #ጌታ #ቤተክርስትያን #አማርኛ #ስብከት #ብርሃን #መፅሃፍቅዱስ #መንፈስቅዱስ #መንገድ #ፌስቡክ #አቢይዋቁማ #አቢይዋቁማዲንሳ

አትሳቱ፤ እግዚአብሔር አይዘበትበትም

dirt.jpg

አትሳቱ፤ እግዚአብሔር አይዘበትበትም። ሰው የሚዘራውን ሁሉ ያንኑ ደግሞ ያጭዳልና፤ በገዛ ሥጋው የሚዘራ ከሥጋ መበስበስን ያጭዳልና፥ በመንፈስ ግን የሚዘራው ከመንፈስ የዘላለምን ሕይወት ያጭዳል። ወደ ገላትያ ሰዎች 6፡7-8

ሰው ሰው ላይ ቀልዶ ምን አልባት ሊያመልጥ ይችል ይሆናል፡፡ ሰው እግዚአብሄር ላይ ቀልዶ ሊያመለጥ ግን አይችልም፡፡

ሰው መጠንቀቅ ያለበት በሰላም ጊዜ ነው፡፡ ሰው መጠንቀቅ ያለበት በእለት ተእለት ኑሮው ነው፡፡ የሰውን ህይወት የሚሰራውም የሚያፈርሰውም የእለት ተእለት ውሳኔና እርምጃ ነው፡፡

ሰው መጠንቀቅ ያለበት በዘር ጊዜ ነው፡፡ ሰው ዘሩን የሚመርጠውና የሚያስተካክለው በዘር ጊዜ እንጂ በአጨዳ ጊዜ አይደለም፡፡ ሰው ይፍጠንም ይዘግይም የሚያጭደው የዘራውን ያንኑ ነው፡፡ አጨዳው ስለዘገየ ዘሩን አይለውጠውም፡፡ ሰው የሚያጭደው የዘራውን ያንኑ ነው፡፡

ሰው መጠንቀቅ መዘገየት ያለበት ከመዝራቱ በፊት ነው፡፡ ሰው ከዘራ በኋላ ስለዘሩ ምንም ማደርግ ስለማይችል ሰው ከመዝራቱ በፊት ቢጠነቅቅ መልካም ነው፡፡ ሰው ከመዝራቱ በፊት ካለተጠነቀቀ ከዘራ በኋላ የዘሩን ውጤት መጠበቅ እንጂ ምንም ማድረግ አይችልም፡፡ ሰው ከዘራ በኋላ ዘሩን ሊለውጥ አይችልም፡፡

መጽሃፍ ቅዱስ ሰዎች ሊያደርጉላችሁ የምትወዱትን ሁሉ እናንተ ደግሞ እንዲሁ አድርጉላቸው ይላል፡፡

እንግዲህ ሰዎች ሊያደርጉላችሁ የምትወዱትን ሁሉ እናንተ ደግሞ እንዲሁ አድርጉላቸው፤ ሕግም ነቢያትም ይህ ነውና። የማቴዎስ ወንጌል 7፡12

በሌላ አነጋገር ሰዎች ሊያደርጉባችሁ የማትወዱትን ሁሉ እናንተ ደግሞ እንዲሁ አታድርጉባቸው ማለቱ ነው፡፡ ሰዎች እንዲያደርጉብን የማንፈልግውን ነገር ሰው ላይ ማድረግ የለብንም፡፡ ሰዎች ሊያደርጉባችሁ የማትወዱትን ሁሉ እናንተ ደግሞ እንዲሁ ማድረግ በንግግር ሳይሆን በድርጊት እኔ እንዲህ እንዲደረግብኝ እፈልጋለሁ ማለት ነው፡፡

አትሳቱ፤ እግዚአብሔር አይዘበትበትም። ሰው የሚዘራውን ሁሉ ያንኑ ደግሞ ያጭዳልና፤ ወደ ገላትያ ሰዎች 6፡7

በገዛ ሥጋው የሚዘራ ከሥጋ መበስበስን ያጭዳልና፥ በመንፈስ ግን የሚዘራው ከመንፈስ የዘላለምን ሕይወት ያጭዳል። ወደ ገላትያ ሰዎች 6፡8

ከሃሳብ ጀምሮ ስለስጋ ማሰብ ሞት ነው፡፡

ስለ ሥጋ ማሰብ ሞት ነውና፥ ስለ መንፈስ ማሰብ ግን ሕይወትና ሰላም ነው። ወደ ሮሜ ሰዎች 8፡8

ሰው በስጋው ዘርቶ በመንፈስ አያጭድም፡፡ ሰው በስጋው የዘራውን መበስበስን ያጭዳል፡፡ ሰው በስጋው የዘራውን በሞት በመለየት በጥፋት ያጭዳል፡፡

ሰው በስጋው የስጋን ስራ ዘርቶ በመንፈስ ህይወትንና ሰላምን ሊያጭድ አይችልም፡፡ የስጋ ስራም አነዚህ ናቸው፡፡

የሥጋ ሥራም የተገለጠ ነው እርሱም ዝሙት፥ ርኵሰት፥ መዳራት፥ ጣዖትን ማምለክ፥ ምዋርት፥ ጥል፥ ክርክር፥ ቅንዓት፥ ቁጣ፥ አድመኛነት፥ መለያየት፥ መናፍቅነት፥ ምቀኝነት፥ መግደል፥ ስካር፥ ዘፋኝነት፥ ይህንም የሚመስል ነው። ወደ ገላትያ ሰዎች 5፡19-21

አትሳቱ፤ እግዚአብሔር አይዘበትበትም። ሰው የሚዘራውን ሁሉ ያንኑ ደግሞ ያጭዳልና፤ በገዛ ሥጋው የሚዘራ ከሥጋ መበስበስን ያጭዳልና፥ በመንፈስ ግን የሚዘራው ከመንፈስ የዘላለምን ሕይወት ያጭዳል። ወደ ገላትያ ሰዎች 6፡7-8

#ክብር #ራእይ #ስጋ #ሃሳብ #የዘራወን #ያጭዳል #አትሳቱ #አይዘበትበትም #መበስበስ #ሰላም #ህይወት #ኢየሱስ #ክርስቶስ #ጌታ #ቤተክርስትያን #አማርኛ #ስብከት #ብርሃን #መፅሃፍቅዱስ #መንፈስቅዱስ #መንገድ #ፌስቡክ #አቢይዋቁማ #አቢይዋቁማዲንሳ

ዓመፀኝነት እንደ ምዋርተኛ

seen by men.jpg

ሳሙኤልም፦ በውኑ የእግዚአብሔርን ቃል በመስማት ደስ እንደሚለው እግዚአብሔር በሚቃጠልና በሚታረድ መሥዋዕት ደስ ይለዋልን? እነሆ፥ መታዘዝ ከመሥዋዕት፥ ማዳመጥም የአውራ በግ ስብ ከማቅረብ ይበልጣል። ዓመፀኝነት እንደ ምዋርተኛ ኃጢአት፥ እልከኝነትም ጣዖትንና ተራፊምን እንደ ማምለክ ነው፤ የእግዚአብሔርን ቃል ንቀሃልና እግዚአብሔር ንጉሥ እንዳትሆን ናቀህ አለ። መጽሐፈ ሳሙኤል ቀዳማዊ 15፡22-23

እግዚአብሄር በቃሉ ፍላጎቱን ግልፅ አድርጓል፡፡

ብዙ ሰዎች እግዚአብሄር ሁልጊዜ በመስዋእት ደስ የሚሰኝ ይመስላቸዋል፡፡ ሁሉም መስዋእት አይደለም እግዚአብሄርን ደስ የሚያሰኘው፡፡ አንዳንዱ መስዋእት እግዚአብሄርን ደስ አያሰኘውም፡፡ ሃይማኖታዊ ስርአት ብቻ ስለሆነ እግዚአብሄር ደስ የሚሰኝበት የሚመስላቸው ሰዎች አሉ፡፡ አንዳንዱ ሃይማኖታዊ ስርአት እግዚአብሄርን ደስ አያሰኘውም፡፡

ሕዝቤ፥ ስማኝ፥ ልንገርህ፤ እስራኤልም፥ ስማኝ፥ ልመስክርብህ፤ አምላክስ እኔ አምላክህ ነኝ። ስለ ቍርባንህ የምዘልፍህ አይደለሁም፤ የሚቃጠል መሥዋዕትህ ሁልጊዜ በፊቴ ነው። ከቤትህ ፍሪዳን ከመንጋህም አውራ ፍየልን አልወስድም፤ የምድረ በዳ አራዊት ሁሉ በሺህ ተራራዎች ያሉ እንስሶችም የእኔ ናቸውና። የሰማይን አዕዋፍ ሁሉ አውቃለሁ፥ የምድረ በዳ አራዊትም በእኔ ዘንድ ናቸው። ብራብም ለአንተ አልነግርህም፥ ዓለምና ሞላው የእኔ ነውና። የፍሪዳውን ሥጋ እበላለሁን? የፍየሉንስ ደም እጠጣለሁን? ሰው በራሱ አነሳሽነት ለእግዚአብሄር ከሚሰጠው መስዋእት ይልቅ እግዚአብሄር የጠየቀውን ነገር የሚታዘዝ ሰው ይበልጣል፡፡ መዝሙረ ዳዊት 50፡7-13

እግዚአብሄ ሰውን የፈጠረው እንዲታዘዘው ነው፡፡ እግዚአብሄር ከሰው የሚፈልገው ውስብስብና ብዙ ነገር አይደለም፡፡ እግዚአብሄር ከሰው የሚጠይቀው ከባድና አስቸጋሪ ነገር አይደለም፡፡ እግዚአብሄ የሚፈልገው የሚያስብለትን እቅድ የሚያወጣለትን አይደለም፡፡ እግዚአብሄር የሚፈልገው ነገሮችን በአዲስ መልክ የሚሰራለትን አይደለም፡፡ እግዚአብሄር አዲስ ነገር የሚፈጥርን ሰው አይደለም፡፡ የሚፈልገው እግዚአብሄር የሚፈልገው መስማትን ነው፡፡ እግዚአብሄር የሚፈልገው ሰምቶት የሚታዘዝን ሰው ነው፡፡

ሰው ሆይ፥ መልካሙን ነግሮሃል፤ እግዚአብሔርም ከአንተ ዘንድ የሚሻው ምንድር ነው? ፍርድን ታደርግ ዘንድ፥ ምሕረትንም ትወድድ ዘንድ፥ ከአምላክህም ጋር በትሕትና ትሄድ ዘንድ አይደለምን? ትንቢተ ሚክያስ 6፡8

እግዚአብሄር የሚታዘዝለትን ሰው ይፈልጋል፡፡ ለእግዚአብሄር መታዘዝ ከመሥዋዕት ይበልጥበታል፡፡ ለእግዚአብሄር ማዳመጥም የአውራ በግ ስብ ከማቅረብ ይበልጥበታል፡፡

እነሆ፥ መታዘዝ ከመሥዋዕት፥ ማዳመጥም የአውራ በግ ስብ ከማቅረብ ይበልጣል። መጽሐፈ ሳሙኤል ቀዳማዊ 15፡22

በተለይ አለመታዘዝ እግዚአብሄርን ያስቆጣዋል፡፡ እግዚአብሄር አለመታዘዝን በቀላሉ አያየውም፡፡ እግዚአብሄር አለመታዘዝን አመጻ ይለዋል፡፡

እግዚአብሀረ ንጉስ ነው፡፡ አለመታዘዝ በእግዚአብሄር ዘንድ ስህተት ብቻ ሳይሆን አፀያፊም ነገር ነው፡፡

ዓመፀኝነት እንደ ምዋርተኛ ኃጢአት፥ እልከኝነትም ጣዖትንና ተራፊምን እንደ ማምለክ ነው፤ የእግዚአብሔርን ቃል ንቀሃልና እግዚአብሔር ንጉሥ እንዳትሆን ናቀህ አለ። መጽሐፈ ሳሙኤል ቀዳማዊ 15፡23

በእግዚአብሄር ፊት አለመታዘዝና ምዋርተኝነት ተመሳሳይ ናቸው፡፡ በእግዚአብሄር ዘንድ እልከኝነትና ጣኦትን ማምለክ አንድ ናቸው፡፡ እግዚአብሄር ዓመፀኝነት ምዋርት የሚያያቸውና የሚፀየፋቸው በእኩል ደረጃ ነው፡፡ እግዚአብሄር እልከኝነትና ጣኦትን ማምለክ የሚቀጣው እኩል ነው ፡፡

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#የእግዚአብሄርምክር #የእግዚአብሔርፈቃድ #እግዚአብሔር #እንደተፃፈ #ማታዘዝ #ዓመፀኝነት #ምዋርተኛ #ኃጢአት #እልከኝነትም #ጣዖትንና #ተራፊም #ማምለክ  #መባ #መሥዋዕት #አመፃ #እምነት #የሰውአሳብ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

%d bloggers like this: