ነፋስን የሚጠባበቅ አይዘራም

185067762-612x612.jpg

ነፋስን የሚጠባበቅ አይዘራም፥ ደመናንም የሚመለከት አያጭድም። መጽሐፈ መክብብ 11፡4

የተለያዩ እድሎች በየጊዜው ይመጣሉ፡፡ በህይወታችን እድሎች መምጣታቸው አይቀርም፡፡ የሚመጣው እድል ተጠቃሚ የሚሆነው ሰው ግን እድሉ ሳይመጣ ለእድሉ የተዘጋጀ ሰው ብቻ ነው፡፡ ውጤት ማግኘት ከተፈለገ እድሉ ይመጣል ብሎ አምኖ አስቀድሞ መዘጋጀት መስራትና መትጋትን ይጠይቃል፡፡

እምነት የሚያስፈልገው ሳያዩ በፊት ነው፡፡ ለወደፊት መዘጋጀት ሳያዩ ነው፡፡ ለአዩት ነገር መዘጋጀት አይቻልም፡፡ የአሁትን ነገር ማስተናገድ እንጂ ለአዩት ነገር መዘጋጀት ከንቱ ነው፡፡ ካላየሁ አላምንም የሚል ሰው ሲያይ ቢያምን ዋጋ የለውም፡፡ እስከሚያይ የማያምን ሰው ሲያይ ቢያምን ረፍዶበታል፡፡

ነፋስን ሳይጠባባቅ የሚዘራ ሰው የተባረከ ነው፡፡ ደመናን ሳይመለከት የሚዘራ ሰው ሰው በጊዜው ያጭዳል፡፡

ነፋስን የሚጠባበቅ አይዘራም፥ ደመናንም የሚመለከት አያጭድም። መጽሐፈ መክብብ 11፡4

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ነፋስ #የሚጠባበቅ #አይዘራም #ደመና #አያጭድም #የጌታፈቃድ #ይቀጣል #በብዙ #በጥቂት ##ታማኝ #ትጉህ #መክሊት #ትውልድ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ሃሳብ #ገንዘብ #ጊዜ #ትግስት #መሪ

Advertisements

ጥቂት ቃልን የሚናገር አዋቂ ነው

19_Oromia-tribe-640x274.jpg

ጥቂት ቃልን የሚናገር አዋቂ ነው

ጥቂት ቃልን የሚናገር አዋቂ ነው፥ መንፈሱም ቀዝቃዛ የሆነ አስተዋይ ነው። ሰነፍ ዝም ቢል ጠቢብ ሆኖ ይቈጠራል፥ ከንፈሩንም የሚቈልፍ፦ ባለ አእምሮ ነው ይባላል። መጽሐፈ ምሳሌ 17፡27-28

ዐዋቂ ሰው ንግግሩ ቊጥብ ነው፤ አስተዋይም መንፈሱ የረጋ ነው። አላዋቂ እንኳ ዝም ቢል ጠቢብ፣ አንደበቱንም ቢገዛ አስተዋይ ይመስላል። መጽሐፈ ምሳሌ 17፡27-28 (መደበኛ ትርጉም)

በቃል ብዛት ውስጥ ኃጢአት ሳይኖር አይቀርም፤ ከንፈሩን የሚገታ ግን አስተዋይ ነው። መጽሐፈ ምሳሌ 10፡19

እግዚአብሄር የሚቀጣባቸው ሁለቱ መመዘኛዎች

41585553_2151560351550533_1102935824812474368_n.jpg

እግዚአብሄር ሰውን ለክብሩ ፈጥሮታል፡፡ እግዚአብሄር ሰውን በመልኩና በአምሳሉ ፈጥሮታል፡፡ እግዚአብሄር ሰውን ይወዳል፡፡ እግዚአብሄር በሰው ላይ ይፈርዳል፡፡ እግዚአብሄር እውነተኛ ዳኛ ነው፡፡

እግዚአብሄር ሰውን ሲፈጠረው እንዲያደርግለት የሚፈልገውን ነገር ነግሮት ነበር፡፡ እግዚአብሄር የሚፈልገውን ነገር ሰው ካላደረገ እግዚአብሄር እንደሚቀጣው ነግሮት ነበር፡፡ እግዚአብሄር የሰዎችን አካሄድ በሚገባ በትጋት ይከታተላል ያስተካክላል፡፡

እግዚአብሄር ሁለት አይነት ሰዎችን ይቀጣል፡፡

የጌታውንም ፈቃድ አውቆ ያልተዘጋጀ እንደ ፈቃዱም ያላደረገ ያ ባሪያ እጅግ ይገረፋል፤ ያላወቀ ግን መገረፍ የሚገባውንም ያደረገ ጥቂት ይገረፋል። የሉቃስ ወንጌል 12፡47-48

የጌታውን ፈቃድ አውቆ ያላደረገ ሰው

ሰው የተፈጠረው እንዲታዘዝ ነው፡፡ እግዚአብሄር አመፀኛን ሰው ይቀጣል፡፡ እግዚአብሄር የማይታዘዝን ሰው ይቀጣል፡፡ አለመታዘዝ አመፅ ነው፡፡ የጌታን ፈቃድ ያወቀ ሰወ ፈቃዱን ማድረግ እንጂ ሌላ ምንም አማራጭ የለውም፡፡ የጌታውንም ፈቃድ አውቆ ያልተዘጋጀ እንደ ፈቃዱም ያላደረገ ያ ባሪያ እጅግ ይገረፋል፡፡

የጌታውን ፈቃድ ማወቅ ሲገባው ያላወቀ

የጌታን ፈቃድ ያላወቀ ሰው ሊቀጣ ይችላል፡፡ የጌታን ፈቃድ ያላወቀ ሰው ሁሉ ግን አይቀጣም፡፡ የጌታን ፈቃድ ያላወቀ ሰው ላይቀጣ ይችላል፡፡ የጌታ ፈቃድን ያላወቀ ሰው መቀጣቱና አለመቀጣቱ የሚወሰነው በደረጃው ነው፡፡ ሰው ባልደረሰበት ደረጃ አይቀጣም፡፡ ነገር ግን ከጊዜው የተነሳ እዚያ ደረጃ ላይ ባለመድረሱ በዚያ ይቀጣል፡፡ የእግዚአብሄርን ፈቃድ ያላወቀ ግን መገረፍ የሚገባውንም ያደረገ ጥቂት ይገረፋል፡፡

ከጊዜው የተነሳ አስተማሪዎች ልትሆኑ ሲገባችሁ፥ አንድ ሰው ስለ እግዚአብሔር ቃላት መጀመሪያ ያለውን የሕፃንነትን ትምህርት እንዲያስተምራችሁ እንደ ገና ያስፈልጋችኋልና፤ የሚያስፈልጋችሁም ወተት ነው እንጂ ጠንካራ ምግብ አይደለም። ወደ ዕብራውያን 5፡12

አንድ ሰው ማድረግ ሲገባው  በህይወቱ የሚያሳድጉትን ነገሮች ባለማድረጉ በስንፍናው ይቀጣል፡፡

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የጌታፈቃድ #ይቀጣል #በብዙ #በጥቂት ##ታማኝ #ትጉህ #መክሊት #ትውልድ #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #ሃሳብ #ገንዘብ #ጊዜ #ትግስት #መሪ

አጥብቀህ

your will.jpg

አጥብቀህ ልብህን ጠብቅ፥ የሕይወት መውጫ ከእርሱ ነውና። መጽሐፈ ምሳሌ 4፡23

ህይወት የሚወጣው ከልብ ነው፡፡ የሰው አካሄድ የሚወጣው ከልቡ ነው፡፡ የሰው አካሄድ የሚጀምረው በልቡ ነው፡፡ ሰው የሚኖረው የልቡን ሃሳብ ነው፡፡ ሰው የሚመስለው ልቡን ነው፡፡

እርሱም አለ፦ ከሰው የሚወጣው ሰውን የሚያረክስ ያ ነው። ከውስጥ ከሰው ልብ የሚወጣ ክፉ አሳብ፥ ዝሙት፥ መስረቅ፥ መግደል፥ ምንዝርነት፥ መጐምጀት፥ ክፋት፥ ተንኰል፥ መዳራት፥ ምቀኝነት፥ ስድብ፥ ትዕቢት፥ ስንፍና ናቸውና፤ ይህ ክፉው ሁሉ ከውስጥ ይወጣል ሰውን ያረክሰዋል። የማርቆስ ወንጌል 7፡19-23

ልብህ ከወደቀ ትወድቃለህ

ዳዊትም በአጠገቡ ለቆሙት ሰዎች፦ ይህን ፍልስጥኤማዊ ለሚገድል፥ ከእስራኤልም ተግዳሮትን ለሚያርቅ ሰው ምን ይደረግለታል? የሕያውን አምላክ ጭፍሮች የሚገዳደር ይህ ያልተገረዘ ፍልስጥኤማዊ ማን ነው? ብሎ ተናገራቸው። መጽሐፈ ሳሙኤል ቀዳማዊ 17፡26

ልብህ ከቆሸሸ ትቆሽሻለህ

ልብሳችንና ቤታችን እንዳይቆሽሽ በንፅህና እንደምንጠብቀው ሁሉ ልባችንን መጠበቅ አለብን፡፡ ቤታችንና ልብሳችን ሲቆሽሽ እንደሚያሳፍረን ሁሉ ከልብስና ከቤት መቆሸሸ በላይ ህይወታችንን ሊገድልና ሊያድን የሚችለውን የልባችንን መቆሸሽ ሊያሳፍረን ይገባል፡፡ ለሰው የሚታየው የቤታችንና የልብሳችን መቆሸሽ ከሚያሳፍረን በላይ ውሎ አድሮ በተግባር የሚታይው የልባችን መቆሸሽ ሊያሳፍርን ይገባል፡፡ ቤታችንንና ልብሳችንን ለማፅዳት ጊዜያችንን ገንዘባችንን ጉልበታችንን ከምናፈሰው በላይ የህይወት መውጫ የሆነውን ልባችንን ለማንፃት ሁለንተናችንን መስጠይት ይገባናል፡፡

አቤቱ፥ ንጹሕ ልብን ፍጠርልኝ፥ የቀናውንም መንፈስ በውስጤ አድስ። መዝሙረ ዳዊት 51፡10

ልቡን የሚመረምርና ልቡን ለማጥራት የሚተጋ ሰው ከክፋት ያርፋል በህይወቱንም ፍሬያማ ይሆናል፡፡

ሁለት አሳብም ያላችሁ እናንተ፥ ልባችሁን አጥሩ። ያዕቆብ 4፡8

የሰው ሃሳብ ሰውን እንሚያረክሰው የሚበላው ምግብ ሰውን አያረክሰውም፡፡ ለምንበላው ምግብ ከምንጠነቀው በላይ ለልባችን ንፁህነት መጠንቀቅ ህይወታችንን ያድነዋል፡፡

ልብህ ከበረታ ትበረታለህ

ሰው የሚበረታውምን የሚደክመውም በልቡ ነው፡፡ ሰው በልቡ ከበረታ ይብረታል፡፡ ሰው በልቡ ከደከመ ይደክማል፡፡

ሰው ህይወቱን የሚያስተካክለው በልቡ ነው፡፡ ሰው ልቡን ሳይጠብቅ ህይወቱን መጠበቅ አይችልም፡፡ ሰወ ልቡን ከተጠበቀ ህይወቱ የማይጠበቅበት ምንም ምክኒያት የለም፡፡

በልቡ እንዳሰበ እንዲሁ ነውና፤ ብላ ጠጣ ይልሃል፥ ልቡ ግን ካንተ ጋር አይደለም። መጽሐፈ ምሳሌ 23፡7

በነጋውም የጠጁ ስካር ከናባል ባለፈ ጊዜ ሚስቱ ይህን ነገር ነገረችው፤ ልቡም በውስጡ ሞተ፥ እንደ ድንጋይም ሆነ፤ መጽሐፈ ሳሙኤል ቀዳማዊ 25፡37

ልቡን በእግዚአብሄር ቃል ለመቃኘት ራሱን የሰጠ ሰው ህይወቱ ይቃኛል፡፡

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። ወደ ሮሜ ሰዎች 12፡2

ልቡን ለመጠበቅ ቸልተኛ የሆነ ሰው ለህይወቱ ግድ የሌለው ሰው ብቻ ነው፡፡ ህይወቱን መጠበቅ የሚፈልግ ሰው አጥብቆ ልቡን መጠበቅ አለበት፡፡

አጥብቀህ ልብህን ጠብቅ፥ የሕይወት መውጫ ከእርሱ ነውና። መጽሐፈ ምሳሌ 4፡23

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#እምነት #ሃሳብ #መነሻሃሳብ #ልብ #ንፁህ #ማየት #ምኞት #ንፁህ #አጥሩ #ልብ #አለማየት #ቃል #የእምነትተጋድሎ #የእግዚአብሄርቃል #ቃሉንመስማት #እወጃ #ቤተክርስትያን #አማርኛ #ስብከት #መዳን #መፅሃፍቅዱስ #መንፈስቅዱስ #ህይወት #ፌስቡክ #አቢይዋቁማ #አቢይዋቁማዲንሳ

ልባችን ሲጠራ ፀሎታችን ይመለሳል

your will5.jpg

እግዚአብሄር የመርህ አምላክ ነው፡፡ ሰው የልቡ መነሻ ሃሳብ ካልጠራ ፀሎቱ እንደማይመለስ መፅሃፍ ቅዱስ ያስተምረናል፡፡ የሰው የልቡ መነሻ ሃሳብ ወይም ሞቲቭ ከእግዚአብሄር ሃሳብ ጋረ አብሮ ካልሄደ ፀሎቱ እንደማይመለስ መፅሃፍ ቅዱስ በግልፅ ይነግረናል፡፡ ለምሳሌ ሰው የሚፀልይበት መነሻ ሃሳብ ቅንጦት ከሆነ እግዚአብሄር የለመነውን አይሰጠውም፡፡ እግዚአብሄር መሰረታዊ ፍላጎታችንን እንጂ ቅንጦታችን ለማሟላት ቃል የገባበት አንድም የመፅሃፍ ቅዱስ ክፍል የለም፡፡ እንዲያውም በተቃራኒው የቅንጦት ጸሎት እንደማይመለስ በእግዚአብሄር ቃል በግልፅ ተቀምጧል፡፡

ትለምናላችሁ፥ በምቾቶቻችሁም ትከፍሉ ዘንድ በክፉ ትለምናላችሁና አትቀበሉም። የያዕቆብ መልእክት 4፡3

አንድን ፀሎት ስንፀልይ ሁለት መነሻ ሃሳብ ሊኖረን ይችላል፡፡ አንዱ እግዚአብሄርን ማክበር ሌላው ራሳችንን ማክበር ፣ አንዱ መሰረታዊ ፍላጎትን ማሟላት ሌላው ለቅንጦት ፣ አንዱ ለፍቅር ሌላው ለራስ ወዳድነት ሊሆን ይችላል፡፡

ልባችን በሁለት ሀሳብ ከማንከስ ሲጠራ ከእግዚአብሄር የለመንነው ነገር እጃችን ይገባል፡፡

ወደ እግዚአብሔር ቅረቡ ወደ እናንተም ይቀርባል። እናንተ ኃጢአተኞች፥ እጆቻችሁን አንጹ፤ ሁለት አሳብም ያላችሁ እናንተ፥ ልባችሁን አጥሩ። የያዕቆብ መልእክት 4፡8

ብዙ የፀለይናቸው ፀሎቶች ተመልሰዋል፡፡ ነገር ግን የተመለሱት እኛ በፈለግንት ጊዜ እና ሁኔታ ሳይሆን እግዚአብሄር በፈለገበት ጊዜና ሁኔታ ነው፡፡ ፀሎቶቻችን ሁሉ የተመለሱት በራስ ወዳድነት በተመኘናቸው ጊዜ ሳይሆን ልባችን በጠራና ለእግዚአብሄር ክብር በእውነት ባስፈለጉን ጊዜ ነው፡፡ ብዙ ፀሎቶቻችን ሲመለሱ ያልታወቀን የራስ ወዳድነት መነሻ ሃሳባችን ሲሞት እግዚአብሄር ፀሎታችን ስለመለሰ ነው፡፡ ብዙ ፀሎቶቻችን ሲመለሱ ያልታወቀን የስጋ ጩኸታችን ጠፍቶ ለእግዚአብሄር አላማ ከልባችን በፈለግናቸው ጊዜ ስለተመለሱ ነው፡፡

ሃና ልጅ ስላልነበራት ባላንጣዋ ፍናና እጅግ ታስጨንቃት ነበር፡፡ ሃናም ትፀልይ ነበር፡፡ ሃና ግን አንድ ቀን ጸሎትዋ እግዚአብሄር ለማክበር እንደሆነ በልብዋ ወስና ተናገረች፡፡ እግዚአብሄር ልጅን ቢሰጣት ለእግዚአብሄር ክብር እንደምታውለው ቃል ገባች፡፡

እርስዋም፦ አቤቱ፥ የሠራዊት ጌታ ሆይ፥ የባሪያህን መዋረድ ተመልክተህ ብታስበኝ፥ እኔንም ባትረሳ፥ ለባሪያህም ወንድ ልጅ ብትሰጥ፥ ዕድሜውን ሁሉ ለእግዚአብሔር እሰጠዋለሁ፥ ምላጭም በራሱ ላይ አይደርስም ብላ ስእለት ተሳለች። መጽሐፈ ሳሙኤል ቀዳማዊ 1፡11

ዛሬ የፀለይናቸውን ፀሎቶች ወደኋላ ተመልሰንም እንመርምር፡፡ አብዛኛዎቹ ወደሌላ የፀሎት ጥያቄ ከተሻገርን እና ከረሳናቸው በኋላ ተመልሰዋል፡፡ ያልተመለሱ የመሰሉንን ፀሎቶች እንፈትሽ፡፡ ፀሎታችን እንዲመለስ የፈለግንው የእግዚአብሄር አላማ በምድር ላይ እንዲፈፀም ለእግዚአብሄር ክብር ወይስ ለሌላ? ልባችን በጠራ ጊዜ እያንዳንዱ የፀሎት መልሳችን ይመለሳል፡፡

ለምኑ፥ ይሰጣችሁማል፤ ፈልጉ፥ ታገኙማላችሁ፤ መዝጊያን አንኳኩ፥ ይከፈትላችሁማል። የሚለምነው ሁሉ ይቀበላልና፥ የሚፈልገውም ያገኛል፥ መዝጊያንም ለሚያንኳኳ ይከፈትለታል። የማቴዎስ ወንጌል 7፡7-8

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #የእግዚአብሄርፈቃድ #ፀሎት #ልመና #እንዲሰማን #ልብ #አጥሩ #ቤተክርስትያን #አማርኛ #የእግዚአብሄርቃል #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #መጠየቅ #መንበርከክ #ምስጋና

የሽማግሌ ፈተና

seen by men.jpg

ሽማግሌ ማለት በህይወት ልምድ የሚሰራበትንና የማይሰራበትን የሚያውቅ ሰው ማለት ነው፡፡

ጠንካራ ምግብ ግን መልካሙንና ክፉውን ለመለየት በስራቸው የለመደ ልቡና ላላቸው ለፍጹማን ሰዎች ነው። ወደ ዕብራውያን 5፡14

የወጣት ፈተና ከልምድ ማጣትር የተነሳ የሚሰራበትንና የማይሰራበትን መንገድ ለይቶ አለማወቅ ነው፡፡ የሽማግሌ ፈተና ግን ህይወት የሚሰራበትን መንገዱን ማወቅ አይደለም፡፡ ሽማግሌ ከረጀም የኑሮ ልምድ የሚሰራበትንና የማይሰራበትን መንገድ በህይወቱ ፈትኖ ያውቀዋል፡፡ የማይሰራበትን መንገድ ሄዶበት አይቶታል፡፡ እንዲሁም የማይሰራበትን መንገድ ሄዶበት አውቆታል፡፡

የሽማግሌ ፈተና ወጣቱ የሚሄድበትን መንገድ የተሳሳት እንደሆነ እያወቀው አያስጠነቀቀው ነገር ግን ወጣቱን አላስፈላጊ ዋጋ ከመክፈል ማዳን አለመቻሉ ነው፡፡

እግዚአብሄር ሰውን ሲፈጥር ለሰው ትእዛዝ ሰጠው፡፡ እግዚአብሄር የሚበላውንና የማይበላውን በግልፅ ነገረው፡፡ እግዚአብሄር የማይበላውን ቢበላ ምን እንደሚገጥመው ሁሉ አስቀድሞ ተናገረው፡፡ እግዚአብሄር አድርግ የተባላነውቅን ካደረገ ምን እንደሚገጥምው አስቀድሞ ተናግሮታል፡፡

እግዚአብሔርም አለው፦ ዕራቁትህን እንደ ሆንህ ማን ነገረህ? ከእርሱ እንዳትበላ ካዘዝሁህ ዛፍ በውኑ በላህን? ኦሪት ዘፍጥረት 3፡11

ሰው የራሱ ፈቃድ ያለው ተደርጎ ሰለተፈጠረ እግዚአብሄር እንደ አባትነት ከመንገር እና ከማስጠንቀቅ በላይ ከመርጫው ውጤት ከጥፋት ሊያድነው ምንም ሊያደርግለት አልቻለም፡፡

ወጣት ልጅ ተነግሮት አታድርግ የተባለውን ነገር ሲያደርግና በዚያም ውጤት ሲሰቃይ ማየት የአባትነት ህመም ነው፡፡ ልጅ ተነግሮት እንቢ ብሎ ሲሰቃትይ ሲያለቅስና ሲጎዳ ማየት የሽማግሌነት ፈተና ነው፡፡

በመጨረሻም ሥጋህና ሰውነትህ በጠፋ ጊዜ ታለቅሳለህ፥ ትላለህም፦ እንዴት ትምህርትን ጠላሁ፥ ልቤም ዘለፋን ናቀ! የአስተማሪዎቼንም ቃል አልሰማሁም፥ ጆሮቼንም ወደ አስተማሪዎቼ አላዘነበልሁም። መጽሐፈ ምሳሌ 5፡11-13

ስለዚህ ነው መፅሃፍ ቅዱስ ለሽማግሌዎች ተገዙ የሚለው፡፡ የእግዚአብሄርን ሃሳብ በሃሳብ ደረጃ ብቻ ሳይሆን በትግባር ተረድተው የሚመክሩንን ሽማግሌዎችን መስማት እና እግዚአብሄርን መስይት አንድ ነው፡፡ መፅሃፍ ቅዱስ ለሽማግሌዎች ተገዙ ብሎ ከእግዚአብሄር እጅ በታች ራሳችሁን አዋርዱ የሚለው ስለዚህ ነው ፡፡

እንዲሁም፥ ጐበዞች ሆይ፥ ለሽማግሌዎች ተገዙ፤ ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ፥ እግዚአብሔር ትዕቢተኞችን ይቃወማልና፥ ለትሑታን ግን ጸጋን ይሰጣል። እንግዲህ በጊዜው ከፍ እንዲያደርጋችሁ ከኃይለኛው ከእግዚአብሔር እጅ በታች ራሳችሁን አዋርዱ፤ 1ኛ የጴጥሮስ መልእክት 5፡5-6

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ትህትና #መዋረድ #መገዛት #ሽማግሌ #ባለስልጣን #ባህሪ #ዝቅታ #ትዕቢት #ትምክህት #መመካት #ኢየሱስ #ጌታ #መሪነት #ቤተክርስትያን #አማርኛ #ስብከት #መዳን #መፅሃፍቅዱስ #መጋቢ #እምነት #ተስፋ #ፍቅር #ጌታ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ፅናት #ትግስት #መሪ

ዓ.ም. (አመተ ምህረት)

seen by men1.jpg

ብዙ ጊዜ አመት ሲጠቀስ አብሮ ዓ.ም. ወይም አመተ ምህረት ተብሎ ይጠቀሳል፡፡ ይህ አመተ ምህረት የሚለው ቃል የሚያመለክተው  ኢየሱስ ስለሃጢያታችን በመስቀል ላይ ሊሰቀል ከመጣበት ጊዜ ጀምሮ እስካሁን ያለውን ጊዜ ነው፡፡ አመተ ምህረት የሚባለው ለሃጢያታችን እዳን ለመክፈል በመስቀል ላይ ለመሞት ከመጣበት ከሁለት ሺህ አመት ጀምሮ ኢየሱስ ተመልሶ እስከሚመጣበት ጊዜ ድረስ ነው፡፡

ልጅም ትወልዳለች፤ እርሱ ሕዝቡን ከኃጢአታቸው ያድናቸዋልና ስሙን ኢየሱስ ትለዋለህ። የማቴዎስ ወንጌል 1፡21

እስካሁን ያለውን ጊዜ ያልኩበት ምክኒያት ኢየሱስ በየትኛውም ጊዜ ተመልሶ ስለሚመጣ ነው፡፡ ኢየሱስ ተመልሶ የሚመጣበት ጊዜ ስለማይታወቅ ወይም እያንዳንዳችን ከዚህ አለም የምንወሰድበት ጊዜ ስለማይታወቅ ነው፡፡ አንድ የማውቅው ነገር ኢየሱስ እስካሁን ተመልሶ አለመምጣቱን ነው፡፡

ከሞትን በኋላ ኢየሱስን ለመቀበል አንችልም፡፡ ኢየሱስን አዳኝ አድርጎ የመቀበል እና ከዘላለም ጥፋት የመዳን እድል ያለው በአመተ መህርት በህይወት ያለ ሰው ብቻ ነው፡፡

ለሰዎችም አንድ ጊዜ መሞት ከእርሱ በኋላም ፍርድ እንደ ተመደበባቸው፥ ወደ ዕብራውያን 9፡27

አመተ ፍዳ የሚባለው ደግሞ ኢየሱስ ወደ ምድር ከመምጣቱ በፊት የነበረው አመታት ነው፡፡ አመተ ፍዳ ሁላችን ከሃጢያት በታች ተዘግተን በባርነት ስንኖርበት የነበረውን ከሃጢያታችን የመዳን እድል ያልነበረበትን አመታት ነው፡፡

ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል፤ ወደ ሮሜ ሰዎች 3፡23

በጣም የሚያሳዝነው ነገር ግን በአመተ ምህረት ውስጥ በፍዳ የሚኖሩ ሰዎች መኖራቸው ነው፡፡ እግዚአብሄር በተከታታይ አዲስ አመታትን ቢሰጣቸውም ግን ንስሃ በመግባት ከእግዚአብሄር ጋር ለመታረቅ በዚህ በምህረት አመት የማይጠቀሙበት ሰዎች ምስኪን ሰዎች ናቸው፡፡ ኢየሱስ ለሃጢያታቻው በመስቀል ላይ ቢሰቀልም ነገር ግን ይህን ምህረት ያልተቀበሉ ሰዎች የምህረት አመቱ ተጠቃሚ ያልሆኑ ሰዎች ናቸው፡፡ ኢየሱስ የሃጢያታችውን እዳ ሁሉ በመስቀል ላይ ቢከፍልም ለሃጢያታችው በራሳቸው ስራ ለመክፈል የሚፈልጉና የእግዚአብሄርን የፀጋ ስጦታ ያልተቀበሉ ሰዎች ከእግዚአብሄር የመዳኛ መንገድ የራቁ ሰዎች ናቸው፡፡

ጸጋው በእምነት አድኖአችኋልና፤ ይህም የእግዚአብሔር ስጦታ ነው እንጂ ከእናንተ አይደለም፤ ማንም እንዳይመካ ከሥራ አይደለም። ወደ ኤፌሶን ሰዎች 2፡8-9

አሁን ይህን ፅሁፍ የምታነቡ ኢየሱስ ከሙታን በልባችሁ በማመን እንደምትፀድቁ ኢየሱስ ከሙታን እንደተነሳ እና ጌታ እንደሆነ በአፋችሁ በመመስከር መዳን እንደምትችሉ የእግዚአብሄር ቃል ይናገራል፡፡

ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ሰው በልቡ አምኖ ይጸድቃልና በአፉም መስክሮ ይድናልና። ወደ ሮሜ ሰዎች 10፡9-10

ይህንን ፀሎት ከልብህ በመፀለይ የእግዚአብሄር ልጅ አድርጎ እግዚአብሄር እንዲቀበልህ ማድረግ ትችላለህ፡፡

እግዚአብሄር ሆይ ሃጢያተኛ ነኝ፡፡ የሃጢያት ደሞዝ ደግሞ ለዘላለም ከአንተ መለየት ነው፡፡ እግዚአብሄር ከሃጢያት ለመዳኛ ያዘጋጀኸውን የሃጢያት መስዋእት ኢየሱስን እቀበላለሁ፡፡ እየሱስ ስለሃጢያቴ በእኔ ምትክ በመስቀል ላይ እንደተሰቀለና እንደሞተ ከሞትም እንደተነሳ አምናለሁ፡፡ ኢየሱስን በህይወቴ ላይ ጌታ አድርጌ እሾመዋለሁ፡፡ ኢየሱስን በህይወቴ ዘመን ሁሉ እከተለዋለሁ፡፡ እግዚአብሄር ሆይ ልጅህ አድርገህ ስለተቀበልከኝ አመሰግንሃለሁ፡፡ የዘላለም ህይወት ስለሰጠኸኝ አመሰግናለሁ፡፡ በኢየሱስ ስም፡፡ አሜን፡፡

ቀኑ ሲቀርብ

seen by men.jpg

ለፍቅርና ለመልካምም ሥራ እንድንነቃቃ እርስ በርሳችን እንተያይ፤ በአንዳንዶችም ዘንድ ልማድ እንደ ሆነው፥ መሰብሰባችንን አንተው እርስ በርሳችን እንመካከር እንጂ፤ ይልቁንም ቀኑ ሲቀርብ እያያችሁ አብልጣችሁ ይህን አድርጉ። ወደ ዕብራውያን 10፡24-25

አዲስ አመት ሊገባ እየቀረበ ነው፡፡ በዛኑም መጠን የኢየሱስ መምጣት እየቀረበ ነው፡፡

ኢየሱስ ይመጣል፡፡

ኢየሱስ ለምምጣት ሲቃረብ ማድርግ ያለብንን ሶስት ነገሮች እንመልከት

  1. የኢየሱስ መምጣት ሲቃረብ መሰብሰባችንን ማብዛት አለብን እንጂ መቀነስ የለብንም

ሰው በተለያየ ምክኒያት መሰብሰብን ሊቀንስ ይችላል፡፡ ነገር ግን ማንም ሰው ከመፅሃፍ ቅዱስ በላይ ጠቢብ ሊሆን እይችልም፡፡ ፍቅርናና መልካም ስራን በማብዛት እግዚአብሄርን ማክበር የማይፈልግ ሰው የለም፡፡ መፅሃፍ ቅዱስ ለፍቅርና ለመልካም ስራ ለመነቃቃት መሰብሰብን መተው የለብንም ይለናል፡፡ ባለመሰብስ ለፍቅርና ለመልካመ ስራ የመነቃቃት እድላችንን እናበላሸዋለን፡፡ ለፍቅርና ለመልካም ሰራ ለመነቃቃት ካልተሰበሰብን ፍቅር እና መልካም ስራ ከህይወታችን ይዳፈናል፡፡ እንዳንሰበሰብ የሚመጡብንን ተግዳሮቶች ሁሉ ተቋቁመን የኢየሱስን መገለጥ ስንጠባበቅ መሰብሰባችንን መተው የለብንም፡፡ ለፍቅርና ለመልካም ስራ ለመነቃቃት መተያየት አለብን፡፡ መሰበስበን አብልጠን ማድረግ አለብን፡፡

ለፍቅርና ለመልካምም ሥራ እንድንነቃቃ እርስ በርሳችን እንተያይ፤ በአንዳንዶችም ዘንድ ልማድ እንደ ሆነው፥ መሰብሰባችንን አንተው እርስ በርሳችን እንመካከር እንጂ፤ ይልቁንም ቀኑ ሲቀርብ እያያችሁ አብልጣችሁ ይህን አድርጉ። ወደ ዕብራውያን 10፡24-25

  1. የኢየሱስ መምጣት ሲቃረብ በመጠን መኖርና መንቃት አለብን፡፡

ነገሮችን በልክ ማድረግ ሁልጊዜ ንቁ እንድንሆን ያደርገናል፡፡ ነገሮችን በልክ አለማድርግ ግን በነገሮች እንድንወሰድና የምድር አላማችንን እንድንረሳና አገልግሎታችንን እንድንፈፅም ያደርገናል፡፡

ከእንቅልፍ የምትነሡበት ሰዓት አሁን እንደ ደረሰ ዘመኑን እወቁ፤ ካመንንበት ጊዜ ይልቅ መዳናችን ዛሬ ወደ እኛ ቀርቦአልና።

ሌሊቱ አልፎአል፥ ቀኑም ቀርቦአል። እንግዲህ የጨለማውን ሥራ አውጥተን የብርሃንን ጋሻ ጦር እንልበስ። በቀን እንደምንሆን በአገባብ እንመላለስ፤ በዘፈንና በስካር አይሁን፥ በዝሙትና በመዳራት አይሁን፥ በክርክርና በቅናት አይሁን፤

ነገር ግን ጌታን ኢየሱስ ክርስቶስን ልበሱት፤ ምኞቱንም እንዲፈጽም ለሥጋ አታስቡ። ወደ ሮሜ ሰዎች 13፡11-14

አንተ ግን ነገርን ሁሉ በልክ አድርግ፥ መከራን ተቀበል፥ የወንጌል ሰባኪነትን ሥራ አድርግ፥ አገልግሎትህን ፈጽም። 2ኛ ወደ ጢሞቴዎስ 4፡5

ስለዚህ የልቡናችሁን ወገብ ታጥቃችሁና በመጠን ኖራችሁ፥ ኢየሱስ ክርስቶስ ሲገለጥ የምታገኙትን ጸጋ ፈጽማችሁ ተስፋ አድርጉ። 1ኛ የጴጥሮስ መልእክት 1፡13

  1. የኢየሱስን መምጣት ሲቃረብ ራሳችንን በመግዛትና በጽድቅ እግዚአብሔርንም በመምሰል መኖርን በፀጋ መማር አለብን

የኢየሱስ መምጣት ሲቃረብ በእግዚአብሄር ፀጋ ከሃጢያት በላይ የሆነ ህይወትን መለማመድ አለብን፡፡

ሰዎችን ሁሉ የሚያድን የእግዚአብሔር ጸጋ ተገልጦአልና፤ ይህም ጸጋ፥ ኃጢአተኝነትንና ዓለማዊን ምኞት ክደን፥ የተባረከውን ተስፋችንን እርሱም የታላቁን የአምላካችንንና የመድኃኒታችንን የኢየሱስ ክርስቶስን ክብር መገለጥ እየጠበቅን፥ ራሳችንን መግዛትና በጽድቅ እግዚአብሔርንም በመምሰል በአሁኑ ዘመን እንድንኖር ያስተምረናል፤ ወደ ቲቶ 2፡11-13

አቢይ ዋቁማ ዲንሳ Abiy Wakuma Dinsa

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ክብር #ኢየሱስይመጣል #እንደሌባ #በድንገት #ዋጋ #እውቀት #ኢየሱስንተመልክተን #ህብረት #በመጠኑ #ቅድስና #ፀጋ #ራስንመግዛት #ፅድቅ #እግዚአብሄርንመምሰል #አማርኛ #ስብከት #መዳን #መፅሃፍቅዱስ #ብፅእና #እምነት #ታላቅነት #ማገልገል #አቢይ #አቢይዋቁማ #አቢይዋቁማዲንሳ

THE CHINESE BAMBOO TREE – LES BROWN MOTIVATIONAL SPEECH

1_8C40nF4NTgSYNZOAzpOi-g.jpeg

Video Transcript:

In the far east they have something that’s call the Chinese bamboo tree. The Chinese bamboo tree takes five years to grow. They have to water and fertilize the ground where it is every day, and it doesn’t break through the ground until the fifth year. But once it breaks through the ground, within five weeks it grows 90 feet tall.

Now the question is does it grow 90 feet tall in five weeks, or five years? The answer is obvious. It grows 90 feet tall in five years. Because at any time, had that person stopped watering and nurturing and fertilizing that dream, that bamboo tree would’ve died in the ground.

And I can see people coming out talking to a guy out there watering and fertilizing the ground that’s not showing anything. “Hey, what’cha doing? You’ve been out here a long time, man. And the conversation in the neighbourhood is, you’re growing a Chinese bamboo tree. Is that right?”

“Yeah, that’s right.”

“Well, even Ray Charles and Stevie Wonder can see, ain’t nothing showing. So how long you been working on this? How long have you been working on your dream, and you have nothing to show… This is all you’ve got to show?” People gonna do that to you. And some people, ladies and gentlemen, they stop. Because they don’t see instant results. It doesn’t happen quickly. They stop. Oh, no, no, no, no. You got to keep on watering your dreams.

That is not gonna happen as quickly as you want it to happen. Lot of things gonna happen that will catch you off guard. And so therefore, you’ve got to deal with and handle it as it comes. And not only that, but that faith and patience drives you into action. You’ve got to keep moving. And keep plugging away.

During those hard times, we you don’t know how you’re gonna make payroll. During those times when you fail and things didn’t work out. They were nowhere to be found. But you know what I discovered? When you’re working at your dream, somebody said, the harder the battle, the sweeter the victory. Oh, it’s sweet, to you. It’s good to you.

Why? See, when it’s hard and there’s a struggle, see what you become in the process is more important than the dream. That’s far more important. The kind of person you become. The character that you build. The courage that you develop. The faith that you’re manifesting. Oh, it’s something that, you get up in the morning, you look yourself in the mirror, you’re a different kind of person. You walk with a different kind of spirit.

People know that you know what Life is. That you have embraced Life. You knew it was hard. But you did it hard.

https://www.youtube.com/watch?v=O4YvBedUlcA

መጋቢ የሚለካበት ዋነኛው የአገልግሎት መለኪያ

seen by men.jpg

እኛም በክርስቶስ ፍጹም የሚሆን ሰውን ሁሉ እናቀርብ ዘንድ ሰውን ሁሉ እየገሠጽን ሰውንም ሁሉ በጥበብ ሁሉ እያስተማርን የምንሰብከው እርሱ ነው፤ ወደ ቆላስይስ ሰዎች 1፡28

መጋቢነት ወይም የቃሉ አገልጋይነት በዋነኝነት የሚለካው የሰውን መንፈሳዊ ህይወት ለመስራት ያለውን የማስተማር የመስበክና የመገሰፅ ሃላፊነት በመወጣቱ ነው፡፡ አንድ መጋቢ ክርስቶስን መውደዱና የመጋቢነት አገልግሎቱን በታማኝነት መወጣቱ የሚለካው ግልገሎቹን ባሰማራ ፣ ጠቦቶቹን በጠበቀና በጎቹን ባሰማራ መጠን ነው፡፡

ምሳ ከበሉ በኋላም ኢየሱስ ስምዖን ጴጥሮስን፦ የዮና ልጅ ስምዖን ሆይ፥ ከእነዚህ ይልቅ ትወደኛለህን? አለው። አዎን ጌታ ሆይ፥ እንድወድህ አንተ ታውቃለህ አለው። ግልገሎቼን አሰማራ አለው። ደግሞ ሁለተኛ፦ የዮና ልጅ ስምዖን ሆይ፥ ትወደኛለህን? አለው። አዎን ጌታ ሆይ፥ እንድወድህ አንተ ታውቃለህ አለው። ጠቦቶቼን ጠብቅ አለው። ሦስተኛ ጊዜ፦ የዮና ልጅ ስምዖን ሆይ፥ ትወደኛለህን? አለው። ሦስተኛ፦ ትወደኛለህን? ስላለው ጴጥሮስ አዘነና፦ ጌታ ሆይ፥ አንተ ሁሉን ታውቃለህ፤ እንድወድህ አንተ ታውቃለህ አለው። ኢየሱስም፦ በጎቼን አሰማራ። የዮሐንስ ወንጌል 21፡15-17

የመጋቢነት አገልግሎት የሚለካው የእግዚአብሄር ህንፃዎች ሆነው በተሰሩት ቤቶች ነው፡፡ እግዚአብሄር በሰዎች ማደር ይፈልጋል፡፡ እግዚአብሄር በሰዎች ሲያድር በሰዎች ተጠቅሞ መናገር መሄድ መፈወስ ሌሎችን ሰዎች በሁለንተናዊ መልኩ መድረስ ይፈልጋል፡፡ ፡፡

በሰውም ወደ ተጣለ በእግዚአብሔር ዘንድ ግን ወደ ተመረጠና ክቡር ወደ ሆነው ወደ ሕያው ድንጋይ ወደ እርሱ እየቀረባችሁ፥ እናንተ ደግሞ እንደ ሕያዋን ድንጋዮች ሆናችሁ፥ በኢየሱስ ክርስቶስ ለእግዚአብሔር ደስ የሚያሰኝ መንፈሳዊ መሥዋዕትን ታቀርቡ ዘንድ ቅዱሳን ካህናት እንድትሆኑ መንፈሳዊ ቤት ለመሆን ተሠሩ። 1ኛ የጴጥሮስ መልእክት 2፡4-5

መጋቢ የሚለካው በሰበከው መጠን እንጂ በተለወጡ መጠን አይደለም

የመጋቢ ሃላፊነት የእግዚአብሄርን ቃል መፈለግ መኖርና በሚገባ ተዘጋጅቶ ለሚሰሙት ማስተማር ነው፡፡ ከዚግህ ውጭ መጋቢ ሃላፊነት የለበትም፡፡ የሰው መለወጥ ብዙ ሰዎችን ያካትታል፡፡ የሰው አለመለወጥ በመጋቢ ስብከት ላይ አይደገፍም፡፡ የሰማው ሰው አሰማሙ የህይወት ለውጡን ሊቀይትር ይችላል፡፡

ሰወፖች ካልተለወጡ ስብከቴ ምንድነው ችግሩ ብሎ ራሱን ማየት መልካም ነው፡፡ ነገር ግን መጋቢው ለሰው አለመለወጥ ሙሉ ሃላፊነት መውሰድ አይችልም፡፡ በኢየሱስ አስተምሪ የሚለወጡም የማይለወጡም ሰዎች ይኖተራሉ፡፡

በመልካም መሬት የተዘራውም ይህ ቃሉን ሰምቶ የሚያስተውል ነው፤ እርሱም ፍሬ ያፈራል አንዱም መቶ አንዱም ስድሳ አንዱም ሠላሳ ያደርጋል።የማቴዎስ ወንጌል 13፡23

መጋቢ የሚለካው ወደ እርሱ የመጡትን ሰዎች ባስተማረ መጠን እንጂ በተማሩ መጠን አይደለም

ሰውን አስተማርን ማለት ሰው ይማራለ ማለት አይደለም፡፡ ማስተማር የመጋቢው ሃላፊነት ሲሆን መማር ግን የሚሰማው ሃላፊነት ነው፡፡

ወደ ቤቶች ሾልከው እየገቡ፥ ኃጢአታቸው የተከመረባቸውን በልዩ ልዩ ምኞትም የሚወሰዱትን ሁልጊዜም እየተማሩ እውነትን ወደ ማወቅ ሊደርሱ ከቶ የማይችሉትን ሞኞችን ሴቶች የሚማርኩ፥ ከእነዚህ ዘንድ ናቸውና። 2ኛ ወደ ጢሞቴዎስ 3፡6-7

መጋቢ የሚለካው በታማኝነት ባስተማረ መጠን እንጂ ባደጉ መጠን አይደለም

መጋቢ አገልግሎቱን የሚመዝነው በተለወጡ ሰዎች ከሆነ መቼም ሊያርፍ አይችልም፡፡ መጋቢ የሚያርፈው ማድርግ የሚችለውእና ማድረግ የማይችለውን ለይቶ ሲውቅ ብቻ ነው፡፡ መጋቢ የሚያርፈው ማድረግ የሚችለውን አድርጎ ማድረግ የማይችለውን ላለማድረግ ከመሞከር ሲያርፍ ብቻ ነው፡፡ የመስበክ ወይም የማስተማርን እንጂ የማሳደግ ሃላፊነትም የተሰጠው ብድራትንም የሚቀበል መጋቢ የለም፡፡

እኔ ተከልሁ አጵሎስም አጠጣ ነገር ግን እግዚአብሔር ያሳድግ ነበር፤ እንግዲያስ የሚያሳድግ እግዚአብሔር እንጂ የሚተክል ቢሆን ወይም የሚያጠጣ ቢሆን አንዳች አይደለም። የሚተክልና የሚያጠጣ አንድ ናቸው፥ ነገር ግን እያንዳንዱ እንደ ራሱ ድካም መጠን የራሱን ደመወዝ ይቀበላል። 1ኛ ወደ ቆሮንቶስ ሰዎች 3፡6-8

አቢይ ዋቁማ ዲንሳ Abiy Wakuma Dinsa

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #መሪ #መንፈስ #ጥሪ #መገሰፅ #መምራት #ማሰማራት #መታገስ #መመገብ #መኮትኮት #ማሰማራት #መጠበቅ #ምሳሌ #ፍቅር #ምህረት #ይቅርታ #ቤተክርስትያን #አማርኛ #ስብከት #መዳን #መፅሃፍቅዱስ #ትጋት #አቢይ #አቢይዋቁማ #አቢይዋቁማዲንሳ #አገልጋይ #መንፈስቅዱስ #ምስክር #ልብ #መሪ

%d bloggers like this: